ინტერვიუ "ერეკლე II-ის საზოგადოების" თავმჯდომარესთან არჩილ ჭყოიძესთან.

- არჩილ, კიდევ ერთი ტრაგედია მოხდა ცხინვალში _ ჩვენი თანამემამულე არჩილ ტატუნაშვილი მოკლეს. ჩვენი კონფლიქტი რუსეთთან გრძელდება.

- ამ ტრაგედიაში სააკაშვილის ფაქტორს არ შეიძლება გვერდი ავუაროთ. სიტუაცია უფრო დაძაბა იმანაც, რომ მან აღადგინა სამხრეთ ოსეთის ავტონომია, უფრო მეტიც, ე.წ. სამხრეთ ოსეთის ავტონომიური რესპუბლიკის სტატუსი მიანიჭა, მას შემდეგ, რაც თავის დროზე გამსახურდიამ ელცინს საკუთარი ხელის მოწერით გააუქმებინა.
დღეს კი ჩვენი ხელისუფლება იმაში სცოდავს, რომ ამ და სხვა სახელმწიფოებრივი დანაშაულის ჩამდენ მიხეილ სააკაშვილს კოს- ტუმების გამო ასამართლებს და მიუტევებელ დანაშაულებებზე თვალს ხუჭავს.
დღეს ხელისუფლება სააკაშვილზე და მის შეცდომებზე აღარ უნდა ლაპარაკობდეს. ხელისუფლება ახლა უნდა მოიქცეს ისე, რომ ჩვენი ქვეყნის მოქალაქე დაცული იყოს.

სამწუხაროდ, "ქართული ოცნება" არაფერს აკეთებს იმისთვის, რომ ქართულ-რუსული ურთიერთობები მოგვარდეს. უბრალო მაგალითს მოვიყვან - როდესაც რუსეთი გამოდის და ამბობს, რომ ებრძვის ტერორიზმს მსოფლიოში, საქართველოს მთავრობის არც ერთი წარმომადგენელი არ პასუხობს: როცა საქართველო ტერორიზმის ებრძოდა აფხაზეთში ბასაევების და მისნაირების სახით, რუსეთი მათ ხელს უწყობდა.

ერთადერთი ადამიანი, ებრაელი ავიგდო რესკინი გამოვიდა რუსეთის ტელევიზიით და უთხრა რუსებს -  თქვენ საქართველოში ტერორიზმს ხელსწყობდით, როცა ვაჰაბიტებს აიარაღებდით ქართველების წინააღმდეგო. ჩვენ უნდა ვიაროთ იმ გზით, რა გზასაც ადგას ლუკაშენკო, ანუ სადაც საჭიროა ვიყოთ ლოიალური, სადაც საჭიროა _ ვლანძღოთ, მაგრამ ჩვენი უბედურება ისაა, რომ "თავი" არ გვადგას მხრებზე. პრეზიდენტიდან დაწყებული, არც ერთი ტიპის მეთაური არ არის კომპეტენტური, ზოგს ასაკი არ უწყობს ხელს და ვართ ასე. საქართველოს მოსახლეობა 4 მლნ-ს ცოტათი აჭარბებს. ქვეყანაში კი, გუბერნატორებს რომ თავი დავანებოთ, 79 მუნიციპალიტეტი და მერიაა, თავისი მერებით, მაშინ, როცა 146 მლნ-იან იაპონიაში სულ 47 პრეფექტურაა.
ჩვენ ვამბობთ, რომ მივდივართ დასავლეთისკენ, თუმცა დასავლეთიდან ვიღებთ ყველაზე ცუდს, რაც იქ კარგია, მაგალითად, ჯანდაცვის სისტემა, სოციალური დახმარებები, იაფი კრედიტი და ა. შ. ის არ გადმოგვაქვს. ანუ სიტყვით დასავლეთისკენ ვართ, საქმით თითქოს ჩრდილოეთ კორეისკენ მივდივართ.

დიდ პატივს ვცემ ბიძინა ივანიშვილს, მაგრამ, ვინც ბატონ ბიძინას ეუბნება, რომ ქვეყანაში ყველაფერი კარგი ხდება, ატყუებს და ეს ბატონ ბიძინას ხალხთან და საზოგადოებასთან გაუცხოებამდე მიიყვანს.
საფრანგეთში რევოლუციის დროს დედოფალმა იკითხა: რას ითხოვენო? - პურსო,- მიუგეს. გაუკვირდა დედოფალს: რად უნდათ პური, ფუნთუშები ჭამონო. რადგან თვითონ ფუნთუშებს ჭამდა, ეგონა, რომ ყველა ასე იყო.

ბატონ ბიძინას გარემოცვა აწვდის იმ ინფორმაციას, რაც სწორედ მის გარემოცვას აწყობს. დღეს ერთადერთი გამოსავალია - ბიძინა ივანიშვილმა უნდა აიღოს პასუხისმგებლობა და დაამთავროს კარგად დაწყებული საქმე, თორემ საბოლოოდ ყველაფერი მას დაბრალდება.

- ყველა ტვირთს ივანიშვილს რომ ვკიდებთ, სად არის ქართული საზოგადოება: სად ბრძანდებით, მაგალითად, თქვენ?


- დიახ, საზოგადოებისგან ძირითადი მესიჯები უნდა მოდიოდეს. ჩვენ უნდა ვეცადოთ, არც ერთი ქვეყნის და გართიანების მომხრე არ ვიყოთ. მილოშევიჩმა რუსეთის მხარდამჭერი მკვეთრი პოზიცია რომ გამოხატა, მიიღო დანგრეული და განადგურებული იუგოსლავია, მისი თანამედროვე ბროზ ტიტოსგან განსხვავებით, რომელსაც არავის მხარე არ დაუჭერია გამოკვეთილად. თქვენ ახსენეთ სამოქალაქო საზოგადოება და მხოლოდ საზოგადოება ვერ გადაჭრის ამ საკითხებს. პრობლემის მოგვარებაში აუცილებლად უნდა ჩაერთოს მასმედიაც.

თუ ყოველ საღამოს ტელევიზიით ვუყურებთ, როგორ ლაპარაკობს ორი ჩამოყალიბებული სულელი და მესამე ავანტურისტი, რომელიც თავის თავს ჟურნალისტს უწოდებს და ცდილობს, ის ორი სულელი ერთმანეთს დაატაკოს, გაანადგუროს საღი აზრი და გაასულელოს საზოგადოება, ასე ქვეყანა ვერ გადარჩება.

- მაგრამ, ეტყობა, ასე სჭირდება ვიღაცას.

- ვინ არის ის "ვიღაცა"? 

თქვენ იცით, რომ მტერი ჰყავს ყველას. მაშინ ისიც უნდა იცოდეთ, რომ ქართველებს ქართველებზე უარესი მტერი არავინ გვყავს.

კვლავ გავიმეორებ: მედია უნდა გათავისუფლდეს და აღარ უნდა აფრქვევდეს შხამს, რადგან ეს "შხამი" ძალიან ცუდ შედეგებს გამოიღებს. ის საბოლოოდ დაღუპავს საზოგადოებას.

საზოგადოება მეტად უნდა გათვითცნობიერდეს, რადგან ინ- ფორმირებული და განათლებული საზოგადოება სუსტი ვერასდროს იქნება. ის უბედურებები, რაც ხდება ჩვენი ტელევიზიების ე.წ. თოქ-შოუებში, არის დამანგრეველი. ეს ხელს უწყობს იმას, რომ არ მოვიდეს ნორმალური ხელისუფლება, აჩლუნგებული იყოს ხალხი…

- ისევ რუსეთ-საქართველოს ურთიერთობის საკითხს დავუბრუნდეთ, რაში აწყობს რუსეთს საქართველოში მისდამი არსებული მუდმივი უკმაყოფილება?


- რუსეთის ყველაზე დიდი პრობლემა დღეს არის ის, რომ აწარმოებს არასწორ გეოპოლიტიკურ პოლიტიკას. არასწორია ის, რომ შედის უკრაინელებთან საომარ კონფლიქტში, ისე, როგორც ჩვენ არ უნდა შევსულიყავით კონფლიქტში ოსებთან და აფხაზებთან. მათთან ქართველები სამართლებრივად მართალი ვართ, მაგრამ შევცოდეთ იმაში, რომ ვერ განვსაზღვრეთ რისკები და წავიტეხეთ კიდევაც კისერი.

რუსები საქართველოსთან მუდმივი კონფრონტაციით კარგავენ გეოპოლიტიკურ დასაყრდენს კავკასიაში. ეს დასაყრდენი ხდება მისი გეოპოლიტიკური მტრის ყველაზე საიმედო პლაცდარმი.

- მაგრამ უკრაინა?

- უკრაინის "გადაყლაპვა" ძალიან გაუჭირდება რუსეთს.
რუსეთმა უკრაინაში ომი, ფაქტობრივად, წააგო, დღეს რუსეთი უკრაინის ტერიტორიებიდან აკონტროლებს მხოლოდ დონბასს და ყირიმს, როცა შეეძლოთ, რომ მთლიანი უკრაინა მისი მოკავშირე ყოფილიყო.
ჩვენ უნდა მოვიქცეთ უფრო გონივრულად. კიდევ ვიმეორებ, ლუკაშენკოს სტილში - როცა საჭიროა, დამთმობები ვიყოთ, თუ საჭიროა _ ვაგინოთ. ოღონდ მხოლოდ ფაქტებით, რეალურად, დიპლომატიურად. მაგრამ ეს რომ გააკეთო, ცოდნა და გამოცდილება უნდა გქონდეს და ისევ იმ ჩიხამდე მივდივართ - არაპროფესიონალიზმი, არაკომპეტენტურობა, მცირეწლოვანი ასაკი - რუსეთი ყოველთვის იტყვის - ნატო გვიახლოვდება, ამიტომ არ დავთმობთ აფხაზეთს და სამჩაბლოსო, მაგრამ ეს არ არის პრობლემა. მაგიტომ არაა რუსეთი ჩაბღაუჭებული აფხაზეთს და სამჩაბლოს. მას, უბრალოდ, უნდა, რომ ეს ტერიტორიები იყოს მისი. თუკი საქართველო იტყვის, რომ ის არ შევა ნატოში, ოღონდ დაგვიბრუნოს რუსეთმა ტერიტორიები, როგორ ფიქრობთ, რუსეთი დათმობს ამ რეგიონებს? რა თქმა უნდა - არა.
აი, სწორედ მაშინ გვექნება სათქმელი, რომ, ჩვენ მივიწევთ ნატოსკენ, ხოლო რუსეთი სპეკულირებს ჩვენი ტერიტორიებით. ეს იქნება სწორი დიპლომატიური პოლიტიკა.

სწორედ ეს თქვა ავიგდო რესკინმა: სად იყო ნატო, როცა შევარდნაძე შევიდა სნგ-ში, სად იყო ნატო 2007 წელს ამიერკავკასიის სამხედრო ოლქი ვაკე-საბურთალოს გასაყართან რომ იყო დაბანაკებული, ან მაშინ, როცა აჭარაში, ახალქალაქში იყო რუსული ბაზები. რუსეთი, ერთგვარად, გვეთამაშება  და გვკრავს ხელს, რომ ვიყვიროთ - ნატოში გაწევრიანება გვინდაო, რომ მერე ეს მოგვდოს მიზეზად და ის პოლიტიკა გააგრძელოს, რაც საქართველოს მუდმივ გეოპოლიტიკურ ჩიხში ამყოფებს, თუმცა ეს ჩიხი რუსეთისთვისაც ჩიხია...

ირანდა კალანდაძე

მეტის ნახვა
14-03-2018, 17:00


ამერიკის შეერთებულ შტატებში ერთი თვის წინათ დაწყებულ საგადასახადო რეფორმას მსოფლიო საფონდო ბირჟებზე უმალვე რყევები მოჰყვა, რომელიც ექსპერტებმა დამანგრეველ მიწისძვრას შეადარეს. გასულ კვირას კიდევ ერთი მოულოდნელი გადაწყვეტილება მიიღო დონალდ ტრამპმა. მის მიერ შემუშავებული კანონით, აშშ-ში იზრდება საბაჟო გადასახადი ალუმინისა და ფოლადის იმპორტზე. ტრამპის გადაწყვეტილებამ ერთბაშად
გააოცა და შეაშფოთა მძიმე მრეწველობის მუშაკები.


ექსპერტებმა ფოლადისა და ალუმინის იმპორტზე გადასახადის გაზრდა "სავაჭრო ომად" მონათლეს. ახალი კანონით ერთბაშად რამდენიმე ქვეყანა დაზარალდება – ჩინეთი, კანადა, ევროკავშირის ქვეყნები, სადაც მეტალურგიაა განვითარებული. რეაქციებმაც არ დააყოვნეს. კანადელების განცხადებით, იმპორტზე ფასის გაზრდა აშშ-საც ისევე დააზარალებს, როგორც კანადას. არ გამორიცხავენ, რომ უახლოეს მეზობელს უპასუხოდ არ დატოვებენ და სათანადო ზომებს მიიღებენ. არანაკლებ შეშფოთებულია ევროკავშირიც. ორგანიზაციის ერთ-ერთმა მთავარმა ჩინოვნიკმა ჟან-კლოდ იუნკერმა განაცხადა:

"…იმპორტზე გაზრდილი გადასახადი დააზარალებს ჩვენს მწარმოებლებს. აქედან გამომდინარე, ადვილი შესაძლებელია, ათასობით ადამიანმა დაკარგოს სამსახური. ამიტომაც ჩვენც იძულებული ვიქნებით, გავამკაცროთ კანონი ამერიკული ნაწარმის მიმართ". ერთ-ერთ უდიდეს იმპორტიორს, ჩინეთს ამერიკელებისთვის ჯერ არ უპასუხია, ტრადიციულად მოთმინებით ელოდებიან მოვლენების განვითარებას.

"სავაჭრო ომს" თავად დადებითად დონალდ ტრამპი აფასებს. მისი განცხადებით, ამით გაიზრდება კონკურენცია, როგორც ამერიკის, ასევე მსოფლიო ბაზარზე.  ტრამპს ექსპერტები არ ეთანხმებიან. მათი განცხადებით, საბაჟო ტარიფის გაზრდა, პირველ რიგში, აშშ-ის მოკავშირეებს დააზარალებს და არა ჩინეთს, ქვეყანას, რომლის წინააღმდეგაც იყო გათვალისწინებული იმპორტზე ფასის გაზრდა, ფაქტობრივად კი, ეკონომიკური სანქციები.

ექსპერტები იმასაც აღნიშნავენ, რომ აშშ-ის ევროპელმა მოკავ- შირე ქვეყნებმა შეიძლება უარი თქვან ამერიკული იარაღის შეძენაზე. სამხედრო შეიარაღებიდან მიღებული თანხა, ამერიკელი მიმომხილველების განცხადებით, გათვალისწინებულია მათი ქვეყნის ბიუჯეტის შესავსებად.

ექსპერტების აზრი ერთია, მაგრამ გაამართლებს თუ არა ტრამპის ახალი გადაწყვეტილება, გაზარდოს გადასახადი იმპორტზე, მომავალი გვიჩვენებს. თუმცა მისი სათავეში ყოფნის პერიოდში განხორციელებული რეფორმების შედეგად, აშშ-ის ეკონომიკა რომ გაიზარდა, ყველა აღიარებს.

დონალდ ტრამპი კი თავის მხრივ კვლავ აოცებს მსოფლიოს თავისი არაორდინარული გამონათქვამებით. თებერვალში, ფლორიდის შტატის ერთ-ერთ სკოლაში დატრიალებული ტრაგედიის შემდეგ, როდესაც ყოფილმა მოსწავლემ 17 ადამიანი მოკლა და 15 დაჭრა, ტრამპმა განაცხადა, რომ მსგავსი ტრაგედიების თავიდან ასაცილებლად მასწავლებლები შევაიარაღოთო. საინტერესო იდეაა და განსაკუთრებულად მიმზიდველი სანახავი იქნება გაკვეთილზე თოფიანი მასწავლებელი.

როგორც ირკვევა, არც ევროკავშირის ეკონომიკაა სახარბიელო მდგომარეობაში, რადგან გადაწყვიტეს სოფლის მეურნეობის დარგების სუფსიდირების საგრძნობლად შემცირება, რათა სხვა პროექტების განხორციე- ლება შეძლონ. კერძოდ, რომელ პროექტებზეა საუბარი, უცნობია. მიმომხილველები აღნიშნავენ, რომ ევროჩინოვნიკებს საკუთარი ხელფასები ადარდებთ და არა სხვადასხვა პროექტებიო.

გასული კვირის მთავარ მოვლენად რუსეთის პრეზიდენტის ფედერა ვლადიმირ პუტინის ლურ კრებაზე მოხსენებით გამოსვლა გახდა. ყოველწლიური ტრადიციული მოხსენებისას, ერთი შეხედვით განსაკუთრებული არაფერი უნდა ყოფილიყო. თუმცა პუტინის გამოსვლა სიურპრიზებით აღმოჩნდა დატვირთული. თავისი გამოსვლისას მან განაცხადა:

"…ადრე არავინ გვისმენდა, ახლა მოგვისმინეთ…" ამის შემდეგ მან, ფაქტობრივად, გაასაჯაროვა საკუთარი ქვეყნის შეიარაღება. დამსწრე საზოგადოებას პუტინმა წარუდგინა და ეკრანზე აჩვენა ის სამხედრო ტექნიკა, რომელიც მის გამოსვლამდე გრიფით "სრულიად საიდუმლოდ" ირიცხებოდა. ამ გარემოებამ გააოცა არა მარტო მაყურებელი, არამედ თავად რუსი მაღალი თანამდებობის პირებიც. სამხედრო ტექნიკის დე- მონსტრირებისას პუტინმა ისიც განაცხადა, რომ Эჩვენ არავის ვემუქრებით და არც ომს ვაპირებთ ვინმესთან, მხოლოდ სამხედრო ბალანსის შენარჩუნება გვინდა მსოფლიოშიო".

სამხედრო ექსპერტები დემონსტრირებულ შეიარაღებას მაღალ შეფასებას აძლევენ. ამერიკული პრესა აღნიშნავს, რომ აშშ-ის საჰაერო დაცვის სისტემა ჩამოინგრა. პენტაგონის გენერალი ჯონ ხოტენი აღნიშნავს, რომ სარაკეტო სისტემაში რუსებმა საგრძნობ უპირატესობას მიაღწიეს და გადაგვასწრესო.
რუსეთის ახალმა შეიარაღებამ აშშ-ში დიდი რეზონანსი გამოიწვია და ამის შესახებ პრესაშიც ბევრს საუბრობენ. ტელეკომპანია CNN-ი იმასაც კითხულობს, ახალი იარაღის შექმნისთვის ჩვენ, ამერიკელებმა ხომ არ მოვუწყეთ რუსებს პროვოცირებაო. თუმცა არიან სკეპტიკოსებიც, რომლებსაც არ სჯერათ, რომ რუსებს შეუძლიათ ასეთი მაღალტექნოლოგიური შეიარაღებული სისტემის შექმნა და წარმოება.

დონალდ ტრამპს და სხვა წამყვანი ქვეყნების ლიდერებს შეიარაღების დემონსტრირებაზე ჯერ- ჯერობით კომენტარი არ გაუკეთებიათ. თუმცა ცნობილია, რომ პუტინის გამოსვლის შემდეგ შედგა სატელეფონო საუბარი დონალდ ტრამპს, ანგელა მერკელსა და ემანუელ მაკრონს შორის. გავრცელებული ინფორმაციით, მათი საუბრის მთავარი თემა რუსეთის ახალი შეიარაღება იყო. იმასაც ამბობენ, ნანახით გაოცება ვერ დამალესო. პოლიტოლოგების განცხადებით, რუსეთმა შეიარა- ღების დემონსტრირება აშშ-ში ახალი სამხედრო დოქტრინის გამოქვეყნების შემდეგ მოახდინაო.

ექსპერტები იმასაც აღნიშნავენ, რომ რუსეთმა, ფაქტობრივად, გააფრთხილა დასავლეთი, კონკრეტულად, ნატოს ბლოკი.

ამერიკელი პოლიტოლოგი დიმიტრი საიმსი:
"პუტინის გამოსვლას ამერიკის ხელისუფლების მაღალ ეშელონებში მოუსმინეს, თუმცა კონგრესში ნაკლებად, ახლა აშშ-ში ყურადღებით დააკვირდებიან, თუ რა ხდება რუსეთში შეიარაღებიას კუთხით. პუტინის გამოსვლას, მართალია, კი მოუსმინეს, მაგრამ, სამწუხაროდ, როგორც ჩანს, ჯერ სათანადო დასკვნა არ გაუკეთებიათ. სერიოზულად მხოლოდ მაშინ დაფიქრდებიან, თუ რუსეთი რეალურად გამოიყენებს სადმე თავის ახალ შეიარაღებას. ქვეყნებს შორის მოლაპარაკებას ალტერნატივა არა აქვს, მაგრამ ახლა თითქმის შეუძლებელია რუსეთ-აშშ-ის დიალოგი. ტრამპის გავლენა საკანონმდებლო ორგანოში ჯერ კიდევ დაბალია.

ამასთან, კვლავ გრძელდება არჩევნებში რუსული კვალის ძიება და ტრამპს პირდაპირ ადანაშაულებენ რუსეთთან კავშირში. პოლიტიკურ ელიტას ჯერაც ვერ გაუგია, თუ როგორ გაიმარჯვა ბიზნესიდან მოსულმა ადამიანმა უცხო ქვეყნის ჩაურევლად საპრეზიდენტო არჩევნებში. ამიტომაც ტრამპის ადმინისტრაციას კონგრესთან დაპირისპირების ფონზე უჭირს მოქნილი პოლიტიკის გატარება".

ისრაელელი სამხედრო ექსპერტი იაკობ კედმი:

"დასავლეთის ხილავენ პუქვეყნებში უკვე განი ტინის გამოსვლას. მათ აშინებთ რუსეთის ასეთი მაღალი განვითარება შეიარაღების საკითხში. როგორც ცნობილია, აშშ-ის ერთ-ერთი მთავარი კოზირი სამხედრო-საზღვაო ფლოტი იყო. ახლა ირკვევა, რომ თურმე მათი სანაპიროები, ფაქტობრივად, შიშველია და ფლოტს არ შეუძლია მოვალეობის შესრულება. მათი ბალისტიკური რაკეტებიც, რომლებითაც ამაყობდნენ, ფაქტობრივად, გამოუსადეგარი ხდება. ამერიკა და ევროპა ერთიანი მხოლოდ რუსეთისთვის დაწესებულ სანქციების საკითხშია. გამოდის, რომ ევროპა რუსეთისგან სრულიად დაუცველია. ყველა კარგად ხედავს, რომ ნატომ დაკარგა თავისი ფუნქცია. ევროპაში მშვიდობის შესანარჩუნებლად ნატოს დაშლაა აუცილებელი, მაგრამ წავლენ ამაზე თუ არა, ძნელი სათქმელია. აღმოფხვრიან თუ არა ამერიკელები ასეთ ღრმა ხარვეზებს, ვერ გეტყვით, რადგან ბოლო ათი წელია, აშშ-ში ღირებული სამხედრო ტექნიკა აღარ შეუქმნიათ".

გია ბურდული



მეტის ნახვა
14-03-2018, 15:00


ისრაელში ჟურნალისტები და მთავრობა გამუდმებით ომობს, მაგრამ ახერხებენ თანაცხოვრებას ისე, რომ სისხლი „არ იღვრება.“ მხედველობაში მაქვს ამჟამად ისრაელის პრემიერ-მინისტრ ნათანიაჰუს მისამართით წარდგენილი „ჟურნალისტური გამოძიების“ მასალები, რომლითაც მისი სკანდალში გახვევა
შეძლეს, მაგრამ დანაშაულში მხი- ლება, ჯერჯერობით, ვერ ხერხდება. საქმე გრძელდება.


ეს ე.წ. „საქმე 3000“-ად ცნობილი სისხლის სამართლის საქმე ისრაელის ისტორიაში უდიდეს კორუფციული სკანდალად უკვე მოინათლა. რაც შეეხება მთავრობის და ჟურნალისტის „მშვიდობიან“ თანაცხოვრებას, ჟურნალისტი დრუკერი ჰარვარდის უნივერსიტეტის ნეიმანის სტიპენდიანტი ისრაელის
ტელევიზიის „მე-10 არხის პოლიტიკური დამკვირვებელი“ და „ჟურნალისტური გამოძიების“ ერთ-ერთი ორგანიზატორი, რომლის „ჟურნალისტურმა გამოძიებამ“ ისრაელის პოლიტიკაზე არაერთხელ მოახდინა სრულიად სერიოზული ზეგავლენა ისევე, როგორც წლების განმავლობაში მის მიერ ჩატარებულმა სხვა გამოძიებებმა.

საქმე იმაშია, რომ ყველა მათგანს მთავრობის მხრიდან სათანადო რეაგირება მოყვა. მხოლოდ ის რად ღირს, რომ 2014 წელს მისი ჟურნალისტური გამოძიება არაკომერციულ ორგანიზაცია „ებრაულ ნაციონალურ ფონდს“ შეეხო. ეს ფონდი ისრაელის მთლიანი მიწის ფართობების 13% -ს ფლობს. ჟურნალისტმა გამოაქვეყნა მასალები, რომლითაც ფონდის მესვეურებს, პოლიტიკოსებს და მედიის წარმომადგენლების საეჭვო შეთანხმებებში და პოლიტიკურად მოტივირებული პროექტების განხორციელებაში ამხელდა. 2006 წლის არჩევნებამდე სამი კვირით ადრე ისრაელის ყოფილი პრემიერ-მინისტრის არიელ შარონის ვაჟი და ქნესეთის წევრები მაღალ პოლიტიკურ თანამდებობებზე საკუთარი კადრების დანიშვნაში ამხილა. არჩევნებიდან სამი დღის შემდეგ კენჭისყრის გაყალბების კადრები გამოაქვეყნა, რასაც, სამართალდამცავების მხრიდან, დაინტერესება და გამოძიება მოჰყვა. ასევე მისი ჟურნალისტური გამოძიება გახდა მაღალი დონის დაინტერსების საგანი, როცა ისრაელის პრემიერ-მინისტრის ეჰუდ ოლმერტის დოკუმენტური მასალებიდან გაჟონილი ინფორმაცია გამოაქვეყნა. მასში ლიკუდის წევრების სხვადასხვა დაპირებები იყო დასახელებული.

2008 წელს დრკერმა გამოაქვეყნა მასალები ბენიამინ ნათანიაჰუსა და მისი მეუღლის ლონდონში მოგზაურობის შესახებ და ამტკიცებდა, რომ ვიზიტები კერძო დონორების მიერ იყო დაფინანსებული და „ეთიკის კომიტეტის“ მიერ სათანადოდ დამტკიცებული არ ყოფილა. სკანდალი ისრაელის პოლიტიკაში ცნობილი გახდა, როგორც “ბიბი-ტურების” (“ბიბი” ნეთანიაჰუს მეტსახელი) შედეგად პრემიერ-მინისტრმა ჟურნალისტ დრუკერს ორმაგი სტანდარტებისთვის უჩივლა. ჟურნალისტს ასევე, სურდა დაემტკიცებინა, რომ ნეთანიაჰუს შვილმა – იირმა მიიღო ავსტრალიელი მილიარდერი ჯეიმს პაკერისგან ძვირფასი საჩუქრები. საკითხმა ისრაელის პოლიცია დააინტერესა და გამოძიების დაწყება გამოიწვია. ნეთანიაჰუმ ჟურნალისტს სოციალური ქსელების მეშვეობით უპასუხა და მისი და მეუღლის „დევნაში” დაადანაშაულა. „მე-10 არხს” კი „რადიკალური მემარცხენე“ უწოდა. ყოველივეს გამო ისრაელის მედიაში ამ ჟურნალისტის უსაფრთხოების გამო შეშფოთება გამოთქვეს.

თუმცა არც ამას შეუშლია ხელი დრუკერისთვის „ჟურნალისტური გამოძიება“ გაეგრძელებინა. მეტიც, 2016 წელს ისრაელის ტელევიზიის „მეათე არხმა“ გამოაქვენა ჟურნალისტური გამოძიება, რომლითაც სურდა დაემტკიცებინა, რომ ისრაელის მიერ გერმანიისგან სამი წყალქვეშა გემისა და 4 სამხედრო-საომარ კატერის შეძენასთან დაკავშირებით დაშვებული იყო დარღვევები. ჟურნალისტური გამოძიების ავტორი რავივ დრუკერი ამტკიცებდა, რომ მწარმოებელ გერმანულ კომპანია „ტუსენ კრუპთან“ ისრაელის სახელმწიფოს მხრიდან მოლაპარაკებებს მიკი ჰანორი – ებრაული წარმოშობის ბიზნესმენი წარმართავდა, რომლის კომპა- ნია „მგ 2015 შპს“ მხარეებს შორის მოლაპარაკებებზე ოფიციალურ შუამავლად იყო დაფიქსირებული. იმის გათვალისწინებით, რომ საქმიანი გარიგების ღირებულება დაახლოებით 1.5 მილიარდი იყო. ჟურნალისტის თუნდაც სრულიად მოკრძალებული დაანგარიშებით, განორის ჰონორარი სულ ცოტა 30 მილიონი ევრო უნდა ყოფილიყო. ამასთან, ჟურნალისტების მთელი ყურადღება მიიქცია იმან, რომ გაირკვა: მიკი განორს იურიდიულ კონსულტაციას უწევდა ისრაელელი იურისტი – დავით შარმონი, პრემიერ-მინისტრ ბენიამინ ნეთანიაჰუს ბიძაშვილი და პირადი ადვოკატი.

ჟურნალისტური გამოძიება ზოგადად, საუბრის სხვა თემაა და მიზანი ხშირად აისბერგივით წყალქვეშ იმალება. ამ შემთხვევაში კი ცხადია, ავტორებისთვის სამიზნე პრემიერ-მინისტრი იყო და სვამდნენ შეკითხვას, იყო თუ არა ცნობილი მისთვის ამ კავშირების შესახებ. მათ სრული ინფორმაცია ჰქონდათ, რომ სწორედ პრემიერ-მინისტრი მოითხოვდა დამატებით გემებს არმიის საჭიროებისთვის, მაშინ, როცა ყოფილი თავდაცვის მინისტრი მოშე იალონი წინააღმდეგი იყო და ამტკიცებდა, რომ ისრაელის სამხედრო ძალები საკმარისად არის აღჭურვილი. საკმარისია ისიც, რომ ჰყავს 6 ასეთი გემი. ჟურნალისტებმა იცოდნენ ისიც, რომ მას აგრეთვე არ მოსწონდა რომ ზღვაზე გაზის ადგილსამყოფელის დასაცავად 4 საპატრულო კატერის შესყიდვა არ ითვალისწინებდა ტენდერებს, როგორც ამას ისრაელის კანონმდებლობა მოითხოვს.

ამ საკითხებზე ისრაელის სამარ- თალდამცავები მუშაობენ. გარწმუნებთ, ეს ის ხალხია, რომლებსაც არაფერი დაემალება, რაც არაერთხელ დაამტკიცეს. ჟურნალისტის მიერ ხმაურიანი პუბლიკაცების შემდეგ დავით შიმრონმა განაცხადა, რომ გერმანული წყალქვეშა გემების საკითხთან დაკავშირებით, პრემი-
ერმინისტრთან არასდროს ჰქონია ურთიერთობა და საკუთარი ნებით „სიცრუის დეტექტორზეც“ გაიარა გამოცდა. ასევე, ნეთანიაჰუს გარემოცვაშია აღნიშნავდნენ, რომ არაფერი იცოდნენ შიმრონისა და გერმანული კომპანიის კავშირებზე, და ყველა გადაწყვეტილებას გემების შესყიდვასთან დაკავშირებით იღებდნენ პროფესიონალი სამხედროების შეფასებისგან და გადაწყვეტილება განპირობებული იყო ისრაელის სახელმწიფოს უსაფრთხოებაზე ზრუნვით.
ცხადია, საგამოძიებო მასალა ავტომატურად ბრალის დადებას არ ნიშნავს. ბუნებრივია, პოლიცია და ისრაელის სახელმწიფო იურიდიული მრჩევლის ამ განცხადებებს არ ენდო და საკუთარი საფუძვლიანი კვლევების შემდეგ 2017 წელს მიიღეს გადაწყვეტილება დაწყებულიყო სისხლის სამართლის გამოძიება
„მეათე არხის“ მიერ გამოქვეყნებულ ფაქტებთან დაკავშირებით. 6 თვის განმავლობაში პოლიცია აგროვებდა აუცილებელ ინფორმაციებს. იწვევ- და ჩვენების მისაცემად პოლიტიკოსებს, ჟურნალისტებს, ყოფილ სამხედროებს.

ეს ფაქტი შეფასებულია, როგორც მთავრობის ზრუნვა საკუთარ ქვეყანაზე. მეტიც, საქმის გამოძიება ახალ ეტაპზე გავიდა და გასული წლის ზაფხულის ერთ დილას პოლიციამ ერთდროულად დასაკითხად ექვსი ადამიანი დააკავა, რომელთა შორის იყვნენ: მიკი ჰონორი – ბიზნესმენი; ელიზერ მარომი – ისრაელის სამხედრო საზღვაო ფლოტის ყოფილი ხელმძღვანელი; ავრიელ ბარიოსეფი – გადამდგარი გენერალი – ეროვნული უსაფრთხოების საბჭოს მეთაურის მოადგილე და თავად ადვოკატი დავით შიმრონი. თითოეული მათგანის დაკითხვა, სულ ცოტა, 12 საათი გრძელდებოდა, თუმცა, უცნობია, რა შეკითხვები ჰქონდათ მათდამი.

პოლიციამ ოფიციალურად გამოაცხადა, რომ ნათანიაჰუს ამ საკითხისადმი არანაირი შემხებლობა არ ჰქონდა. ამიტომ კარგა ხანს უცნობი იყო საკითხთან დაკავშირებით დაკითხავდნენ თუ არა პრემიერ-მინისტრ ნათანიაჰუს და მაინც, ისრაელის პოლიცია ისრაელის პრემიერ-მინისტრის ბენიამინ ნეთანიაჰუს კორუფციულ სქემასთან დაკავშირებით დასაკითხად იერუსალიმის რეზიდენციაში შევიდა.

ისრაელის ბეჭდვითი ორგანოები ყოველდღიურად აქვეყნებენ ნაწყვეტებს გამომძიებლების ხელთ არსებული დოკუმენტებიდან. მაგალითად, გამოცემა „ნაარეტზი“ ამტკიცებს, რომ გამომძიებლების დაეჭვება გამოიწვია გადამდგარი კონტრ-ადმირალ მარომის ქმედებებმა ზოგადად და მისმა ხშირმა მოგზაურობებმა გერმანიაში. ეჭვობენ, რომ მან ჯერ კიდევ მოქმედ სამსახურში ყოფნისას გახსნა საბანკო ანგარიშები გერმანიასა და კიპრში. გერმანიიდან აქ მოხვედრილი თანხები შემოდიოდა ბანკში, როგორც „აუცილებელი (საჭირო, გაუთვალისწინებელი) ხარჯები“.

ამ ხმაურიან საქმეში ბევრი ეჭვმიტანილის ჩათვლა შეიძლება პრემიერის უახლოესი გარემოცვიდან. ამას შეუძლია გავლენა მოახდინოს მის პოპულარობაზე, სხვა რომ არაფერი იყოს, საქმის ბოლომდე მიყვანას და „საბრალდებო დასკვნების“ გამოქვეყნებას ითხოვენ ისრაელის პოლიტიკოსები, ძირითადად ისინი, ვინც ოპოზიციაში უდგანან პრემიერ- მინისტრ ნეთანიაჰუს. მაგალითად, ოპოზიციური პარტიის „ეშ ატიდის“ მეთაური და ყოფილი მინისტრი იარ ლაპიდი აცხადებს: „გამოძიება გრძელდება. ბევრი რამ უცნობია ჩვენთვის.

მაგრამ ვიცით და არავინ უარყოფს იმას, რაც დღესავით ნათელია – თავდაცვის სამინისტროდან, საგანგებო ნებართვის გარეშე გადარიცხული იყო უზარმაზარი თანხები საბანკო ანგარიშებზე გერმანიასა და კიპრში, ხოლო შემდეგ თანხები დაბრუნდა იმ ადამინების ჯიბეებში, ვინც დაახლოებულები არიან მთავრობის მეთაურთან. ეს წარმოუდგენელია“. ამავე დროს ბევრი პოლიტიკოსი უკვე ემზადება შესაძლო ვადამდელ არჩევნებამდე და იმედოვნებს, რომ გამოძიება თუნდაც სრულიად არ შეეხოს ნეთანიაჰუს, ეს ამბავი მაინც მოახდენს გავლენას მის შემდგომ პოლიტიკურ ნაბიჯებზე.

ბუნებრივია, პრემიერ-მინისტრს მხარდამჭერები ბლომად ჰყავს. მაგრამ პიროვნული პატიოსნება და ღირსებაც არანაკლებ როლს ასრულებს მის სასარგებლოდ. „ტემპები დაწიეთ, კიდევ დიდხანს ვიქნები თქვენთან. ისრაელის მოსახლეობა თქვენს სიმართლეში გინდათ დააჯეროთ? გეთაყვა, დადეთ თქვენი დასკვნები, ჩვენ ჩვენს პოზიციას და მიღწევებს წარმოვადგენთ და დაე, საზოგადოებამ განსაჯოს. ამაშია დემოკრატიის არსი, – აცხადებს ნეთანიაჰუ, ისრაელის პრემიერ-მინისტრი, რომლის ოპოზიცია არა და არ ჩერდება. ხან რას აბრალებენ და ხან - რას, მაგრამ მისი დადანაშაულება ვერა და ვერ შეძლეს.

მხილების მცდელობები კი გრძელდება. მეტიც, მთელი სერიალებია, რომელთაგან არც ერთს არ ტოვებს პოლიცია უყურადღებოდ. ამ ბოლო მოვლენებთან დაკავშირებით, ისრაელში მოელიან, რომ მალე ისრაელის პოლიცია საკუთარ რე- კომენდაციებს წარუდგენს ქვეყნის მთავრობის იურიდიულ მრჩეველს
ავიჰაი მანდელბლიტს, რომელიც მიიღებს გადაწყვეტილებას, მთა- ვარი ეჭვმიტანილების წინააღმდეგ გამოიტანონ თუ არა „საბრალდებო დასკვნა“.

პირადად ვეთანხმები ისრაელის სახელმწიფოს ხელმძღვანელს, რომელიც უარყოფს ბრალდებებს და ოპონენტებს მოუწოდებს „ნაადრევად ნუ იდღესასწაულებენ გამარჯვებას და გადადონ წვეულება მოტივით: „არაფერი იქნება, რადგან არაფერი არ არის“, თუმცა, საფუძვლიანი ეჭვი მაქვს, სასამართლო გამოძიება საკუთარ დასკვნას ჩემი აზრის გაუთვალისწინებლად გააკეთებს.

ქეთვან ჩემია
სპეციალურად
„საერთო გაზეთისთვის“
ისრაელიდან

მეტის ნახვა
14-03-2018, 12:00