დედაქალაქის მერის მოადგილე მაია ბითაძე აცხადებს, რომ სამშენებლო უსაფრთხოების ნორმების დარღვევების გამო, ორ მილიონამდე ჯარიმაა ამოღებული. 

„იცით, რომ სამშენებლო მოედნიდან სამშენებლო მანქანების ბორბლების გარეცხვასთან დაკავშირებით რეგულაციები გავამკაცრეთ. გარდა ამისა, ძალიან ბევრი რეგულაცია გამკაცრდა სამშენებლო უსაფრთხოების ნორმების დაცვის და დარღვევის თვალსაზრისით, რომლის გამოც, სამწუხაროდ, ორ მილიონამდე ჯარიმა იქნა ამოღებული ბოლო რამდენიმე თვის განმავლობაში. თუმცა რეგულაციები, რომლებზეც ჩვენ ახლა ვსაუბრობთ, დაკავშირებულია მტვრის ნაწილაკების წარმოქმნის პრევენციასთან და სავალდებულო, აუცილებელია ნებისმიერი თანამედროვე ქალაქისთვის“, – განაცხადა მაია ბითაძემ.

დედაქალაქის მერის კახა კალაძის განცხადებით, დედაქალაქში ჰაერის მტვრით დაბინძურების პრობლემის აღმოფხვრის მიზნით, მოქმედ კანონმდებლობაში რეგულაციები უნდა გამკაცრდეს. ამის შესახებ მან დედაქალაქის მთავრობის სხდომაზე ილაპარაკა.
მისივე თქმით, სამშენებლო მასალის ტრანსპორტირებისა და განთავსების მიმართულებით, ცვლილებების განხორციელება აუცილებელია. კახა კალაძემ მერის მოადგილეებს დაავალა, რომ კანონში შესაბამისი ცვლილებები დაამუშაონ და საკანონმდებლო ორგანოს წარუდგინონ, რომელიც თანამშრომლობისთვის მზადაა. მისი თქმით, მშენებლობებისგან გამოწვეული მტვერი ქალაქისთვის პრობლემას წარმოადგენს

1tv.ge

მეტის ნახვა
13-07-2018, 15:30


საქართველოს რეგიონული განვითარებისა და ინფრასტრუქტურის მინისტრმა მაია ცქიტიძვილმა კახეთის მხარეში სახელმწიფო რწმუნებულ-გუბერნატორ ირაკლი ქადაგიშვილთან ერთად სამუშაო შეხვედრა გამართა კახეთის რეგიონში შემავალი ყველა თვითმმართველი ერთეულის მერებთან და საკრებულოს თავმჯდომარეებთან. შეხვედრას ესწრებოდნენ აგრეთვე: პარლამენტის მაჟორიტარი-დეპუტატები, მინისტრის მოადგილეები, მუნიციპალური განვითარების ფონდის აღმასრულებელი დირექტორი და გუბერნატორის მოადგილეები.

კახეთის რეგიონის ეკონომიკური განვითარების კონცეფციის პრეზენტაციის დროს ყურადღება გამახვილდა კახეთის რეგიონში სასმელი წყლის პრობლემის ეტაპობრივად მოგვარებაზე, ღვინის მუზეუმის, ტურისტული დანიშნულების ადგილების, ტურისტულ ობიექტებამდე მისასვლელი გზებისა და მუნიციპალური ტრანსპორტის განვითარებაზე. ეკონომიკური განვითარების კონცეფცია გულისხმობს კახეთის ოთხივე სეზონზე მასპინძელ რეგიონად ჩამოყალიბებას.

პრეზენტაციის დასრულების შემდეგ განიხილეს 2019 წლის  პრიორიტეტული მიმართულებები. კახეთი პირველი რეგიონია, სადაც ცენტრალური ხელისუფლების, სამხარეო ადმინისტრაციისა და ადგილობრივი ხელისუფლების, წარმომადგენლებმა ერთად იმსჯელეს სამომავლო განვითარების
პერსპექტივებზე და კონკრეტული პროექტები დაგეგმეს.

გურჯაანის მუნიციპალიტეტში 

სოფელ ვეჯინში მუნიციპალიტეტის მერიისა და ორგანიზაცია „საქართველოს წითელი ჯვრის“ ორგანიზებით უფასო სამედიცინო გამოკვლევების აქცია გაიმართა. მოსახლეობას საშუალება ჰქონდა გამოეკვლია მუცლის ღრუ და ფარისებრი ჯირკვალი ექოსკოპი ის მეშვეობით, ჩაეტარებინა კარდიოლოგიური გამოკვლევა და სისხლის ანალიზი შაქრის დონის დასადგენად.

გურჯაანის მუნიციპალიტეტის მერი არჩილ ხანდამაშვილი სამედიცინო აქციის მიმდინარეობას პირადად გაეცნო. უფასო სამედიცინო კვლევები მუნიციპალიტეტის რამდენიმე სოფელში უკვე ჩატარდა და მომავალშიც იგეგმება. 


დედოფლისწყაროს მუნიციპალიტეტში

დედოფლისწყაროს  მუნიციპალიტეტში ალოობა აქტიურ ფაზაში შევიდა.  საქართველოს გარემოს დაცვისა და სოფლის მეურნეობის მინისტრი ლევან დავითაშვილი დედოფლისწყაროს ეწვია და სიღნაღი-დედოფლისწყაროს მაჟორიტარ ირაკლი შიოლაშვილთან, დედოფლისწყაროს მუნიციპალიტეტის მერ ნიკოლოზ ჯანიაშვილთან და რეგიონის გუბერნატორ ირაკლი ქადაგიშვილთან ერთად შირაქის ველზე ხორბლის მოსავლის აღების პროცესს დაესწრო.
დედოფლისწყაროში თავთავიანი კულტურის მოსავლის აღებას შპს "მექანიზატორი“ ახორციელებს. კახეთის რეგიონში ალოობის პროცესს 103 ერთეული კომბაინი უზრუნველყოფს, აქედან დედოფლისწყაროს სერვისცენტრში 49 კომბაინია მობილიზებული. მოსავლის აღებაში ჩართულია ბელარუსული წარმოების ახალი კომბაინებიც, რომლებიც შპს „მექანიზატორმა“ წელს შეიძინა.

ლაგოდეხის მუნიციპალიტეტში

სოფელ ჭაბუკიანში სასოფლო-სამეურნეო სავარგულებამდე მისასვლელი გზის კაპიტალური რეაბილიტაცია მიმდინარეობს. გზის მონაკვეთი 2700 მეტრია და სამუშაოების შესრულების პროცესში 4000 მ3 ქვიშა-ხრეშოვანი მასალა იქნება შეტანილი. სოფ. ჭაბუკიანის, გვიმრიანის, ქვემო ნაშოვარის მოსახლეობა საკუთარ ნაკვეთებთან შეუფერხებლად მისვლას და მოსავლის ტრანსპორტირებას შეძლებს. სულ 2018 წელს სავარგულებამდე მისასვლელი ათი
კილომეტრის გზის რეაბილიტაცია იგეგმება.

სოფელ აფენში ცხაკაიას ქუჩაზე მოეწყობა ჭაბურღილიდაზე სასმელი წყლის მაგისტრალი, დამონტაჟდება საუბნო ონკანები და მოსახლეობა უზრუნველყოფილი იქნება სასმელი წყლით. 100 000 ლარის ღირებულების პროექტი ადგილობრივი ბიუჯეტიდან ფინანსდება.

ჩოხატაურის მუნიციპალიტეტში

5 ივლისს გაიხსნა ნოდარ დუმბაძის მეორე საერთაშორისო თეატრალური ფესტივალი, რომელიც მწერლის დაბადებიდან 90 და ოზურგეთის თეატრის დაარსებიდან 150 წელს ეძღვნება.
უკვე მეორედ, ოზურგეთის თეატრი ნოდარ დუმბაძის საერთაშორისო თეატრალურ ფესტივალს მართავს. თეატრალური ფორუმი მოიცავს ნოდარ დუმბაძის ნაწარმოებების მიხედვით დადგმულ სცენურ–ინტერპრეტაციებს როგორც ქართული პროფესიული,ისე უცხოური თეატრების სცენებზე. ფესტივალში წელს 13 პროფესიული თეატრი მონაწილეობს, მათ შორის 3 უცხოური დასი აზერბაიჯანიდან და რუსეთიდან. ფესტივალზე განჯის სახელმწიფო დრამატული თეატრი „ჰელადოსს“ წარმოადგენს,ხოლო მოსკოვის თეატრი„ნიკიტას კარიბჭე“ ნოდარ დუმბაძის „მე, ბებია, ილიკო და ილარიონის“ ორიგინალურ ვერსიას გვთავაზობს. პერმის თეატრი ქართველი მაყურებლის წინაშე წარდგება სპექტაკლით „ზურიკელა“.

დუშეთის მუნიციპალიტეტში

ქვეშეთის ადმინისტრაციულ ერთულში, სოფელ ლაკათხევში, სოფელ ნაღვარევსა და სოფელ გვიდაქეში, სტიქიის შედეგად დაზიანებული სამი ხევის გაწმენდა გამოდარებისთანავე დაიწყო. ამ ეტაპზე სამუშაოები უკვე დასრულებულია სოფ.ლაკათხევში და მიმდინარეობს სოფელ ნაღვარევში, რომლის დასრულების შემდეგ გაიწმინდება და ამოღრმავდება აგრეთვე სოფელ გვიდაქეს ხევი.

ზუგდიდის მუნიციპალიტეტში

დაიწყო ზუგდიდის საჭადრაკო სკოლის რეაბილიტაცია. არსებულ ერთ სართულიან შენობას დაემატება მეორე სართული, სადაც განთავსდება დამატებითი საკლასო ოთახები,შეჯიბრების გასამართი დარბაზი და სანიტარიული ოთახი. შენობა სრულად იქნება ადაპტირებული შშმ პირთათვის. საჭადრაკო სკოლაში ამჟამად 180 ბავშვი სწავლობს. შენობის რეაბილიტაციის შემდეგ სწავლას 300-ზე მეტი მსურველი შეძლებს. სკოლის რეაბილიტაცია საქართველოს რეგიონებში განსახორციელებელი პროექტების ფონდის და ზუგდიდის მუნიციპალიტეტის მერიის თანადაფინანსებით ხორციელდება.

ქ ფოთის მუნიციპალიტეტის მერია

ფოთში სასწრაფო სამედიცინო  დახმარების ახალი შენობა გაიხსნა. საგანგებო სიტუაციების და გადაუდებელი დახმარების ცენტრის ფოთის რაიონულ სამსახურს ევროსტანდარტების შესაბამისი რეანომობილი გადაეცა. ადმინისტრაციული ფართი საგანგებო სიტუაციების კოორდინაციისა და გადაუდებელი დახმარების ცენტრის დირექტორმა ავთანდილ თალაკვაძემ ფოთის მაჟორიტარ
დეპუტატ ირაკლი ხახუბიასთან, მუნიციპალიტეტის მერ გოჩა კურდღელიასთან და საკრებულოს თავმჯდომარე ირაკლი კაკულიასთან ერთად გახსნა. ახალ შენობაში პერსონალის მუშაობისა და მოსვენებისთვის ყველა პირობაა შექმნილი. ცენტრი აღჭურვილია საყოფაცხოვრებო და კომპიუტერული ინვენტარით. შენობის მიმდებარე ტერიტორიაზე სასწრაფო სამედიცინო დახმარების ავტოპარკისთვის სპეციალური სივრცეა მოწყობილი. ახალი რეანიმობილის საშუალებით კლინიკებს შორის კრიტიკული პაციენტების ტრანსპორტირება რეგიონში გადაუდებელი სამედიცინო დახმარების ოპერატიულობას გაზრდის.
პროექტი ფოთის მუნიციპალიტეტის,რეგიონული განვითარებისა და ინფრასტრუქტურის სამინისტროს ხელშეწყობით განხორციელდა.

მარტვილის მუნიციპალიტეტში

ქალაქ მარტვილში თამარ ფების ქუჩაზე გზის რეაბილიტაცია დაიწყო. პროექტი ასევე მოიცავს ოქტომბრის, ნ. გეგიას, შეროზიას, წერეთლის, დადიანისა და კალინინის ქუჩების რეაბილიტაციას. სულ დაიგება 3 500 მეტრი ასფალტბეტონის საფარი. მიმდინარე სამუშაოებს მარტვილის მუნიციპალიტეტის მერის პირველი მოადგილე დავით სურმავა გაეცნო.
პროექტის ღირებულება 607 995 ლარს შეადგენს. სარეაბილიტაციო სამუშაოები საქართველოს რეგიონებში განსახორციელებელი პროექტების ფონდის და ადგილობრივი მუნიციპალიტეტის დაფინანსებით ხორციელდება.

სენაკის მუნიციპალიტეტში

მუნიციპალიტეტში დაიწყო მზადება სკოლებშია გრარული პროფილის პროგრამის განხორციელებისთვის. გაეროს განვითა (UNDP) წარმომადგენელი სამეგრელო-ზემო სვანეთში მაია მიქავა მუნიციპალიტეტის მერიის, საქართველოს სოფლის მეურნეობის სამინისტროს სენაკის მუნიციპალიტეტის საინფორმაციო-საკონსულტაციო სამსახურის, მუნიციპალიტეტის საგანმანათლებლო რესურს–ცენტრის წარმომადგენლებსა და საჯარო სკოლების დირექტორებს შეხვდა. მერიის სხდომათა დარბაზში გამართულ შეხვედრაზე განიხილეს სენაკის საჯარო სკოლებში საპილოტო პროექტის სახით სადემონსტრაციო ნაკვეთებისა და სახელობო-საგანმანათლებლო პროგრამების განხორციელების შესაძლებლობა.
პროექტის მიზანია მოსწავლე-ახალგაზრდობაში სოფლის მეურნეობის დარგის პოპულარიზაცია, აგრარული მეურნეობის გამართვის პრაქტიკული მეთოდებისა და ცოდნის განვითარებით ფერმერებში ახალი ტექნოლოგიებისა და შესაბამისი უნარ-ჩვევების დანერგვა.

ჩხოროწყუს მუნიციპალიტეტში

მუნიციპალიტეტშიდაიწყო აზიური ფაროსანას საწინააღმდეგო ქიმიური წამლობის მესამე ეტაპი. წამლობისგან მაღალი ეფექტის მისაღებად სოფლებში კონკრეტული უბნები თერმული ნისლის ტექნოლოგიის გამოყენებით  მუშავდება. სოფელში თერმული ნისლის აგრეგატით აღჭურვილი მაღალი გამავლობის 12-მა ავტომობილმა იმუშავა. მავნებლის საწინააღმდეგო კომპლექსური მოქმედებისთვის ყველა რესურსია მობილიზებული და ეტაპობრივად ყველა სოფელი დამუშავდება.

მარნეულის მუნიციპალიტეტში

ქალაქ მარნეულში, № 1 საჯარო სკოლის მშენებლობა დაიწყო, რომლის მიმდინარეობის პროცესს მერის მოვალეობის შემსრულებელი ზაურ ტაბატაძე ადგილობრივი და ცენტრალური ხელისუფლების წარმომადგენლებთან ერთად გაეცნო. ხელისუფლების წარმომადგენლებმა პროექტის განხორციელება მნიშვნელოვნად და ერთ-ერთ წინგადადგმულ ნაბიჯად შეაფასეს საგანმანათლებლო სფეროში. ქალაქ მარნეულის № 1 საჯარო სკოლის მშენებლობა სახელმწიფოს 1 514 760 ლარი დაუჯდება. სამუშაოები 6 ივლისს დაიწყო და 2019 წლის აპრილში დასრულდება. სკოლა 196 ბავშვზეა გათვლილი.

ბოლნისის მუნიციპალიტეტში

ბოლნისის მუნიციპალიტეტის სოფლებში საგზაო ინფრასტრუქტურის კეთილმოწყობა წელსაც გრძელდება. სოფელ რაჭისუბანში მნიშვნელოვანი ინფრასტრუქტურული პროექტი განხორციელდება. მუნიციპალიტეტმა შიდა საავტომობილო გზებზე საფარის დასაგებად ელექტრონული ტენდერი რამდენიმე დღის წინ გამოაცხადა. შესყიდვის სავარაუდო ღირებულება 500 000 ლარია. 19 ივლისს გამოვლინდება გამარჯვებული კომპანია, რომელმაც სამუშაო ხელშეკრულების გაფორმებიდან 80 დღეში უნდა დაასრულოს.

წალკის მუნიციპალიტეტში

მუნიციპალიტეტის მერმა ილია საბაძემ შპს "აღმოსავლეთ საქართველოს ფსიქიკური ჯანმრთელობის ცენტრის" ბედიანის ფსიქიატრიულ კლინიკას საჩუქრად გადასცა 160 საწოლისთვის გათვალისწინებული სრული კომპლექტი.

თეთრიწყაროს მუნიციპალიტეტში

დაბა მანგლისის საზოგადორივ ცენტრში მოსახლეობასთან გამართულ შეხვედრაზე ადგილობრივი თვითმმართველობის წარმომადგენლებმა თეთრიწყაროს მუნიციპალიტეტის ეკონომიკური განვითარების გეგმის შემუშავების მიმდინარე პროცესი განიხილეს. თეთრიწყაროს მუნიციპალიტეტი 2018 წელს შეუერთდა ევროკავშირის ინიციატივას „მერები ეკონომიკური ზრდისთვის“ და იტვირთა ვალდებულება, სამოქალაქო საზოგადოების,ბიზნეს სექტორის, არასამათავრობო ორგანიზაციების, ახალგაზრდების, მცირე მეწარმეების აქტიური ჩართულობით,შეიმუშაოს ადგილობრივი ეკონომიკური განვითარების სამოქმედო გეგმა, რომელიც სრულყოფილად უნდა ასახავდეს საზოგადოების ინტერესებსა და განვითარების სასურველ მიმართულებებს.
გეგმის შემუშავების პროცესი ითვალისწინებს კონსულტაციებს ყველა დაინტერესებულ მხარესთან. მოსახლეობამ სპეციალური კითხვარის საშუალებით წარმოადგინა საკუთარი მოსაზრებები მუნიციპალიტეტის განვითარების შესახებ.

მეტის ნახვა
13-07-2018, 15:01


- ქვეყანა თავზე გვექცევა! ჩვენისთანა ჭკვიანი ერთი ასი კაცი შევიკრიბოთ და გადავარჩინოთო, - მისწერა დავითმა გიორგის.
ანდაზაა ასეთი: მკვდარი მკვდარს აეკიდა, სამარემდე მიმიყვანეო.


ისეა ამათი საქმეც - ერთი პოლიტიკურად მკვდარი პერსონა მეორე პოლიტიკურად მკვდარს არჩევნებამდე, ანუ პოლიტიკურ სამარემდე მიყვანას სთხოვს და ჰგონია, თუ ორი პოლიტიკურად მკვდარი გაერთიანდება, ორივე გაცოცხლდება და ქვეყანას გადაარჩენენ.

მკვდრების მიერ გაცოცხლებული ქვეყანა ჯერ არავის უნახავს და, ცხადია, ვერც ახლა ვნახავთ, თუმცა დავითი მაინც არ იტეხს იხტიბარს და მეორე მკვდარს ეჯაჯგურება - ჰე, ბიჭო, გაიღვიძე, თორემ, სადაცაა, მიწას მოგვაყრიან და საბოლოოდ დაგვმარხავენო.

ამ მეორეს კიდევ, როგორც ჩანს, გაღვიძება და გაცოცხლება მაინცდამაინც დიდად არ ეხალისება და მოუსვენარი და ცქვიტი დავითის ჯაჯგურზე ჯერჯერობით არ რეაგირებს.

ვერც გაამტყუნებ _ დაიღალა კაცი პრეზიდენტობით და რა ქნას?

ხუმრობა საქმე ხომ არ არის ამდენი ვეტოს დადება, ამდენი ვისკის დალევა, ამდენი პატიმრის შეწყალება?

ვიღაც მოცლილმა დაიანგარიშა და გაარკვია, რომ პრეზიდენტი გიორგი დღეში ორ პატიმარს იწყალებდა.

მკვლევარებმა, ჯერჯერობით, ვერ დაადგინეს - როგორ ახერხებდა ამას მოწყალე გიორგი _ ადამიანი რომ შეიწყალო, ჯერ მისი საქმე უნდა შეისწავლო, დაადგინო, ვინ არის, რა აქვს ჩადენილი და ხომ არ არის საშიშროება, შენგან შეწყალებულმა და "სვაბოდაზე" გამოსულმა რაღაც ახალი უბედურება მოსწიოს ვინმეს.

დღეში ორი კაცის საქმე სკრუპულოზურად რომ შეისწავლო, სხვა არაფერი არ უნდა აკეთო, ელემენტარულად, სხვა არაფრისთვის არ გეყოფა დრო.

არადა, გიორგი სხვა რაღაც-რაღაცების გაკეთებასაც ასწრებდა - სტუმრებსაც იღებდა, მთელ მსოფლიოში მოგზაურობდა, "ქართულ ოცნებას" "ეშპილკავებოდა", ქეიფობდა, კარტოფილს თესავდა, ქსოვდა, ხანდახან წაუფილოსოფოსებდა კიდევაც.
- ერთი ფილოსოფოსი მასწავლებელი გვყავდა. ნაკითხი კაცი იყო. სულ წიგნებში ჰქონდა თავი ჩარგული, მაგრამ ცხოვრებაში ძალიან დაბნეული და დაფანტული იყო.

ერთხელ ეს ჩემი ფილოსოფოსი მასწავლებელი სანადიროდ წავიდა, საღამოს კი უთოფოდ დაბრუნდა შინ.
- რა უყავი, კაცო, თოფი? სად დაკარგე თოფი? - შეეკითხნენ თანასოფლელები.
- მე თოფი არ დამიკარგავს. ის ხე დავკარგე, რომლის ტოტზეც თოფი ჩამოვკიდე, - უპასუხა ჩემმა ფილოსოფოსმა მასწავლებელმა. - იგონებს კობა არაბული.

მე მეჩევენება, რომ გიორგი მარგველაშვილმაც ის ხე დაჰკარგა, რომელზეც თოფი ჩამოჰკიდა, თუმცა დავითი არწმუნებს _ შენ ოღონდ მე დამიჯერე და იმ ხესაც გაპოვნინებ და იმ თოფსაცო.

მართალია, სახელმწიფოებრივ-პატრიოტული მოტივებით კი აფერადებს დავითი ამ თავის ინიციატივას და გულმხურვალედ იფიცება, მე არაფერი მინდაო, თუმცა მისი საუბრის ქვეტექსტს თუ ჩაუკვირდები, მიხვდები, რომ დავითს, არც მეტი, არც ნაკლები, პრეზიდენტობა უნდა და სწორედ ამ მიზნის განსახორციელებლად აპირებს გიორგი შეიამხანაგოს.
სხვათა შორის, დავითმა პირდაპირ მიანიშნა გიორგის, რომ მისგან დიდად არის დავალებული.

- პრეზიდენტად არჩევის შემდეგ, სულ რაღაც თვენახევარში, მარგველაშვილის გადადგომის საკითხი დადგა დღის წესრიგში. თქვენ ვერ წარმოიდგენთ, რამდენი ვირბინე აქეთ-იქით, რომ ეს არ მომხდარიყო, - გაუმხილა საიდუმლო ქალბატონ ემა ტუხიაშვილს დავითმა.

გამოდის, რომ დავითს შეუნარჩუნებია გიორგისთვის პრეზიდენტობა.

ახლა დრო დადგა, გიორგი დაეხმაროს დავითს, გახდეს პრეზიდენტი.

ვალს გადახდა უნდა, ძმაო!

აი, ეს არის მთელი იწილო-ბიწილო იმ მაღალფარდოვანი და ჰეროიკულ-პატრიოტული განცხადებებისა, რასაც დავითი ბოლო ხანებში აკეთებს.

პრეზიდენტობა უნდა პატივცემულ დავითს, ძალიან, ძალიან უნდა, იმას კი არ კითხულობს, ქართველ ხალხს უნდა თუ არა პრეზიდენტად კაცი, რომელიც მთელი ცხოვრება კოსმოპოლიტურ იდეებს აფრქვევს და რომლისთვისაც სამშობლო და სამშობლოს მსახურება მეორეხარისხოვანი ცნებაა.

გარდა მარგველაშვილის გადარჩენისა, კიდევ ერთი "დამსახურება" აქვს დავითს ქართველი ხალხის წინაშე _ სწორედ მან გადაარჩინა "ნაციონალური მოძრაობა" იმ მკაცრი განაჩენისგან, რომელსაც ის იმსახურებდა.

- ჩვენი მთავარი ამოცანაა, გადავარჩინოთ "ნაციონალური მოძრაობა"! - აი, ეს ლოზუნგი ისროლა პარლამენტის თავმჯდომარე დავითმა და თავის სულიერ ძმასთან - გიორგისთან ერთად ყველაფერი გააკეთა იმისთვის, რომ "ნაცმოძრაობა" პოლიტიკურ ასპარეზზე დარჩენილიყო.

კოაბიტაციის ავტორი, რომელმაც "ქართული ოცნება" საგრძნობლად დააზიანა და დააზარალა, დავით "გადამრჩენელია" და არა სხვა ვინმე.

რამდენადაც ვიცით, სწორედ ის არწმუნებდა `ქართულ ოცნებას", რომ საერთაშორისო თანამეგობრობა უარყოფითად მიიღებდა იმ ფაქტს, თუ ხელისუფლება "ნაცმოძრაობის" მიმართ მკაცრ სამართლებრივ სანქციებს გაატარებდა.

ასე რომ, არა მარტო მარგველაშვილი, "ნაცმოძრაობაც" დიდად არის დავალებული დავითისგან და მას, როგორც ჩანს, გულის სიღრმეში იმედი აქვს, რომ საპრეზიდენტო არჩევნებში "ნაციონალები" ამ ვალს დააბრუნებენ.

დავითის მისამართით ზოგიერთები ხშირად აღავლენენ ხოლმე კომპლიმენტებს, თუმცა, სინამდვილეში, ის ერთი უიღბლო კაცია, რომელიც თავის დროზე რაიკომის მდივნობაზე ოცნებობდა, მაგრამ საბჭოთა კავშირის მოულოდნელმა დაშლამ ეს ნანატრი ოცნება ჩაუშალა და სიმწრით მოპოვებული პარტბილეთი ფარატინა ქაღალდად უქცია.

ასე შემორჩა დავითი დემოკრატიას და ეს კომუნისტი კაცი დემოკრატიული ფასეულობებისთვის და კოსმოპოლიტურ-გლობალისტური იდეებისთვის მებრძოლ პერსონად იქცა, თუმცა, თუ კარგად დააკვირდებით, ქვეცნობიერად ის მაინც რაიკომის მდივნად დარჩა - რომ ლაპარაკობს, რაიკომის მდივანივით ლაპარაკობს - თითქოს პარტბიუროს სხდომაზეა და ქვეშევრდომებს ინსტრუქციებს ურიგებს.

დავითი და გიორგი, გიორგი და დავითი - ეს ორი ადამიანი ქართული გვარ-სახელით, საქართველომ ვერ მიიღო და ვერ შეიყვარა, როგორც ქართველი პოლიტიკოსები, რადგან ბევრი რამ, რაც მათ პოლიტიკურ ბიოგრაფიასა თუ პირად ცხოვრებაში მომხდარა, ვერ ჯდება იმ ნორმებსა თუ ჩარჩოებში, რითაც ქართველი კაცი ქართველობს.

დავითისა და გიორგის პოლიტიკური კარიერა დამთავრდა! რაც უფრო მალე მიხვდებიან ისინი ამას, მით უფრო კარგი მათთვისაც და საქართველოსთვისაც.

ვახტანგ ხარჩილავა

მეტის ნახვა
13-07-2018, 13:30