თეთრიწყაროს მუნიციპალიტეტში

მუნიციპალიტეტის მერმა გიორგი ქორიძემ ქ. თეთრიწყაროს დუმბაძის ქუჩაზე (ჩიხებით), დუმბაძის ქუჩის I ჩიხსა და ჯავახიშვილის ქუჩაზე (ჩიხებით) მიმდინარე სარეაბილიტაციო სამუშაოები დაათვალიერა.
სოფელ არხოტში შეხვეტლას თემის სოფლებს შორის გაიმართა კონკურსი „სოციალური პროექტების შედგენა“. მასში მონაწილეობდა შეხვეტილას თემის ცხრა სოფელი. ჟიურიმ გამოავლინა 5 გამარჯვებული სოფელი:
1. არხოტი: „სარწყავი და სასმელი წყლის რეაბილიტაცია“ (4000 ევრო);
2. ჯვრისხევი: „სასოფლო- სამეურნეო ტექნიკის, სათიბელას შეძენა“ (3500 ევრო);
3. ქვემო ჭინჭრიანი: „ხის მასალის შეძენა საყოფაცხოვრებო პირობების გასაუმჯობესებლად“ (3400
ევრო);
4. დიდი ნამტვრიანი: „ხის მასალის შეძენა საყოფაცხოვრებო პირობების გასაუმჯობესებლად“ (2100 ევრო);
5. კოდისწყარო: „სატვირთო მანქანისთვის ნაწილების შეძენა“ (2000 ევრო).
კონკურსი გაიმართა პროგრამის ფარგლებში, რომლის სახელწოდებაა „დაცული ტერიტორიების მხარდაჭერის პროგრამა კავკასიაში — საქართველო“. ღო ნისძიების მხარდამჭერია ალგეთის ეროვნული პარკის მეგობართა ასოციაცია.
SPPA-საქართველო წარმოადგენს 5-წლიან პროგრამას (2014– 2019), რომელიც დააფინანსა KFW განვითარების ბანკმა და რომლის მიზანია ოთხი დაცული ტერიტორიის — ალგეთის, ყაზბეგის, კინტრიშისა და ფშავ-ხევსურეთის განვითარებისა და მიმდებარე მოსახლეობის სოციალურ-ეკონომიკური მდგომარეობის გაუმჯობესების ხელშეწყობა.

გურჯაანის მუნიციპალიტეტში

მუნიციპალიტეტის სოფელ ვაზისუბანში, 2018 წელს მოსახლეობისთვის მნიშვნელოვანი რამდენიმე პრობლემა მოგვარდა:
გაიწმინდა ცენტრალური გზის სანიაღვრე სისტემა; აღდგა ერთი ჭაბურღილი, რომლის საშუალებით ოთხი უბანი მარაგდება. გაიწმინდა სოლოლაკის უბნის გადასასვლელი ბოგირი; შინმოუსვლელთა პარკში დაირგო და საჭიროებისამებრ ირწყვება ნარგავები;

სოფელ კარდენახში, ე.წ. ნუშების უბანში არსებულ ჭაბურღილზე, რომელზეც ამ ეტაპისთვის მხოლოდ ორი რეზერვუარია დამონტაჟებული, არასაკმარისი დებეტის გამო იქ მცხოვრებ სამი უბნის მოსახლეობას წყალი ძალიან მცირე რაოდენობით მიეწოდება. შექმნილი პრობლემის გადასაჭრელად, გურჯაანის მუნიციპალიტეტის მერია ამავე ჭაბურღილზე დამატებით ორ რეზერვუარს განათავსებს. უკვე გამოცხადებულია ტენდერი, რომელიც 10 აგვისტოს დასრულდება. რეზერვუარების დამატების შემდეგ წყალმომარაგება მნიშვნელოვნად გაუმჯობესდება.

მუნიციპალიტეტის მერი არჩილ ხანდამაშვილი სოფელ კარდენახში, ე.წ. სკოლის უბნის მოსახლეობას შეხვდა. ადგილობრივებმა მერთან შეხვედრისას აღნიშნეს, რომ მათთვის ერთ-ერთ მთავარ საკითხს გზის მოწესრიგება და სანიაღვრე არხის მოწყობა წარმოადგენს. შეხვედრაზე ისაუბრეს ასევე წყალმომარაგების პრობლემებზეც. მუნიციპალიტეტის მერია შესაბამის სამსახურებთან ერთად მოსახლეობისთვის საჭირბოროტო საკითხებზე იმუშავებს და შეეცდება, უახლოეს მომავალში პრობლემები ეტაპობრივად მოაგვაროს.

მერი არჩილ ხანდამაშვილი სოფელ ვეჯინის მოსახლეობას შეხვდა. შეხვედრაზე სოფლის საჭიროებებზე, მიმდინარე და დაგეგმილ პროექტებზე ისაუბრეს. ამ დროისთვის ვეჯინში ე.წ. ჰესის გზის რეაბილიტაცია მიმდინარეობსბის, რომლითაც მოსახლეობა სავარგულებს უკავშირდება. მისი რეაბილიტაცია წლების განმავლობაში გადაუჭრელი პრობლემა იყო.

არჩილ ხანდამაშვილი სოფელ ჩუმლაყის, ე.წ. სტადიონის უბნის მოსახლეობას, დეპუტატ გია შაოშვილთან ერთად შეხვდა და სოფლის პრობლემებს გაეცნო. ადგილობრივებს ყველაზე მეტად აწუხებდათ წყალმომარაგების საკითხი — ბოლო დროს მოსახლეობას წყალი შეფერხებით მიეწოდებოდა, რადგან საუბნო მაგისტრალი გაწმენდას საჭიროებდა. ამ დროისთვის პრობლემა უკვე მოგვარებულია.
არჩილ ხანდამაშვილი ქალაქ გურჯაანში ბელიაშვილის ქუჩის მოსახლეობას შეხვდა. ადგილობრივები საგზაო ინფრასტრუქტურის მოწესრიგებას ითხოვენ. მუნიციპალიტეტის მერია ბელიაშვილის ქუჩის გზის მოასფალტებას გაისად გეგმავს.

მერიამ ქალაქ გურჯაანში მდებარე დიდების მემორიალის რეაბილიტაციაზე ტენდერი გამოაცხადა. სარეაბილიტაციო სამუშაოების სავარაუდო ღირებულება 35 000 ლარია.

მუნიციპალიტეტის სოფელ შაშიანში 2018 წელს მოსახლეობისთვის მნიშვნელოვანი რამდენიმე საკითხი გადაიჭრა, კერძოდ: გასუფთავდა წყლის სათავე ნაგებობა; აღდგა სასმელი წყლის 1 კმ-იანი მაგისტრალი, გვირაბიდან რკინიგზამდე, რომლითაც მთელი სოფელი სარგებლობს; ე.წ. საწყობების უბანში აღდგა და მოწესრიგდა წყლის მიწოდება; შესაბამისი ტექნიკით მოსწორდა სავარგულებთან მისასვლელი 7 კილომეტრი სიგრძის გზა.


მუნიციპლიტეტის მერმა ნიკოლოზ ჯანიაშვილმა მერიის ინფრასტრუქტურის, სივრცითი მოწყობის, არქიტექტურისა და მშენებლობის სამსახურის, აგრეთვე ზემო ქედის ადმინისტრაციულ ერთეულში მერის წარმომადგენელთან ერთად ზემო ქედი-არხილოსკალოს დამაკავშირებელი გზის 8-კილომეტრიან მონაკვეთზე დასრულებული სამუშაოები დაათვალიერა. გზაზე დაიგო ასფალტის საფარი, მოეწყო თანამედროვე სტანდარტების საფეხმავლო ტროტუარები და დამონტაჟდა სიჩქარის შემზღუდველი ბარიერები.

ზემო ქედი-არხილოსკალოს დამაკავშირებელი გზის მშენებლობა წნორი-დედოფლისწყარო- ქვემო ქედის საავტომობილო გზის სრული რეაბილიტაციის პროექტის ფარგლებში განხორციელდა. პროექტის დასრულების შედეგად დედოფლისწყაროს მუნიციპალიტეტს უკვე აქვს სოფლებთან დამაკავშირებელი უმაღლესი სტანდარტების გზა.

ლაგოდეხის მუნიციპალიტეტში

მოსახლეობასთან მეტი კომუნკაციისა და ინფორმირების მიზნით, მუნიციპალიტეტის მერი ჯონდო მდივნიშვილი, ლაგოდეხისა და ყვარლის მაჟორიტარ დეპუტატ გურამ მაჭარაშვილთან და მოადგილე ზურაბ ჯაფარიძესთან ერთად, სოფ. ჭიაურისა და საქობოს მოსახლეობას შეხვდა. მერმა ადგილობრივებს გააცნო პროექტები, რომელთა განხორციელებაც მიმდინარე წელს მათს სოფლებში იგეგმება. სოფელ საქობოში და სოფელ ჭიაურში წელს რეაბილიტაცია ჩაუტარდება სასაფლაოებამდე მისასვლელ გზებს.

როგორც მუნიციპალიტეტის მერი ამბობს, სოფლად არსებული მდგომარეობის შესწავლა, მოსახლეობასთან მჭიდრო კავშირი, მათი ინფორმირება და ჩართულობა მისთვის მნიშვნელოვანია. სწ რედ ამ მიზნით მსგავსი საჯარო შეხვედრები ყველა სოფელში გაიმართება.

სოფელ ძველ ანაგაში ორი გზის რეაბილიტაცია მიმდინარეობს. მათი საერთო სიგრძე 807 მეტრია. ანალოგიური პროექტი ხორციელდება სოფელ ჯუგაანშიც, ძველი ბურღის წყლის უბნისკენ მიმავალ გზაზე, სადაც ასფალტბეტონის საფარი იგება 880 მეტრზე. პროექტები რეგიონული განვითარების ფონდის დაფინანსებით და ადგილობრივი ბიუჯეტის თანამონაწილეობით ხორციელდება. გზების რეაბილიტაცია სექტემბერში დამთავრდება.

მუნიციპალიტეტის მერმა გიორგი გოგილაშვილმა ინფრასტრუქტურის, სივრცითი მოწყობის, მშენებლობის, არქიტექტურისა და ძეგლთა დაცვის სამსახურის ხელმძღვანელ ზურაბ კახეთელიძესთან ერთად სოფელ ილიაწმინდაში მიმ- დინარე გზის სამშენებლო სამუშაოები დაათვალიერა. საბავშო ბაღთან მისასველელ 1075 მეტრ გზის მონაკვეთზე ასფალტი იგება.

დუშეთის მუნიციპალიტეტში

მუნიციპალიტეტის მერიისა და ინ ვალიდთა კავშირის ორგანიზებით დუშეთის მუნიციპალიტეტის უკანაფშავის ადმინისტრაციულ ერთეულში მცხოვრებ 57 ოჯახს 18 დასახელების მედიკამენტები და ჰიგიენური საშუალებები გადაეცათ.

ჩხოროწყუს მუნიციპალიტეტში

მუხურის მეფუტკრეობის სამეცნიერო ბაზის ეზოში სამეგრელო-ზემო სვანეთის აგროტურისტული ფესტივალი გაიმართა. რეგიონის პირველ აგროფესტივალში მონაწილეობდნენ: ფერმერები, მეწარმეები, გარემოს დაცვისა და სოფლის მეურნეობის სამინისტროს რეგიონული სამმართველოები და მუნიციპალური საინფორმაციო-საკონსულტაციო სამსახურები.

ფესტივალში მონაწილეობდნენ აგრეთვე: გაეროს განვითარების პროგრამების, შვეიცარიის განვითარების სააგენტოს, USAID-ის პროექტის, სასოფლო-სამეურნეო კოოპერატივების განვითარების სააგენტოს, სურსათის ეროვნული სააგენტოს და სავაჭრო-სამრეწველო პალატის წარმომადგენლები.
სოფელ ლესიჭინეში სსიპ “სოფლის მეურნეობის სამეცნიეერო –კვლევითი ცენტრის ჯიღაურას საცდელი მეურნეობის“ ფილიალის სანერგე მეურნეობა გაიხსნა. გაეროს განვითარების პროგრამის გარგლებში გადამზაებული სამეგრელოს რეგიონის სოფლის მეურნეობის დარგობრივ სპეციალისტებს საზეიმო ვითარებაში სერტიფიკატები გადაეცათ.

სოფელ ლესიჭინეში საზოგადოებრივი ცენტრის მშენებლობა აგვისტოს ბოლოს დასრულდება. სამუშაოებს მუნიციპალიტეტის მერი დათო გოგუა და მერის პირველი მოადგილე გოჩა ჩიქოვანი გაეცნენ.

საზოგადოებრივი ცენტრის მეშვეობით მოსახლეობას მიეცემა ს შუალება, სოფლიდან გაუსვლელად ისარგებლოს 200-ზე მეტი საჯარო და კერძო სექტორის სერვისით. თანამედროვე ინფრასტრუქტურითა და უახლესი ტექნიკით აღჭურვილ სივრცეში ხელმისაწვდომი იქნება უფასო ინტერნეტი, კომპიუტერები, ვიდეოკონფერენ- ციის აპარატურა და თანამედროვე ელექტრონული ბიბლიოთეკა. საზოგადოებრივ ცენტრში დასაქმდებიან საგანგებოდ შერჩეული და გადამზადებული ადგილობრივი კადრები, რომლებიც ელექტრონული მმართველობის საშუალებით გასცემენ ცენტრალური ხელისუფლებისა და კერძო სექტორის სერვისებს. ცენტრში ასევე განთავსდება მუნიციპალიტეტის მერის წარმომადგენლის ოფისი.

ზუგდიდის მუნიციპალიტეტში

ზუგდიდის საჭადრაკო სკოლის შენობის რეკონსტრუქცია-რეაბილიტაცია დაიწყო. სამუშაოების მიმდინარეობას ზუგდიდის მუნიციპალიტეტის მერი ლაშა გოგია, საკრებულოს თავმჯდომარე მამუკა წოწერიასთან და ზედამხედველობისა და არქიტექტურის სამსახურის უფროს ლაშა ჯაიანთან ერთად გაეცნო.
ლაშა გოგია: „ზუგდიდის საჭადრაკო სკოლას არაერთი ცნობილი მოჭადრაკისა და მწვრთნელის სახელი უკავშირდება. დღეის მონაცემებით, სკოლაში 231 ბავშვი ირიცხება, რომელთა შორის საქართველოს ჩემპიონები და საერთაშორისო ტურნირის პრი- ზიორები არიან, ამ ბავშვებს კი ხელშეწყობა და განვითარება სჭირდებათ“.

დაგეგმილია შენობის რეკონსტრუქცია, არსებულ შენობაზე მეორე სართულის დაშენება, სადაც განთავსდება დამატებითი საკლასო ოთახები, შეჯიბრების ჩასატარებელი დარბაზი, ადმინისტრაციის ოთახი და სანიტარიული კვანძები. დამონტაჟდება წყალგაყვანილობა-კანალიზაციის, ელექტრომომარაგებისა და გათბობა-გაგრილების ახალი სისტემები; განახლდება შენობის გარე იერსახე. შენობა შშმ პირთათვის ადაპტირებული იქნება. პროექტის სრული ღირებულება 865 300 ლარს შეადგენს. 2018 წელს შესრულდება 500 000 ლარის სამუშაო, მშენებლობა 2019 წელს დამთავრდება.

პროექტი საქართველოს რეგიონებში განსახორციელებელი პროექტების ფონდისა და ზუგდიდის მუნიციპალიტეტის მერიის თანადაფინანსებით ხორციელდება.
მუნიციპალიტეტის მერიის ჯანდაცვის კომისიამ ივლისში 382 ბენეფიციარს სხვადასხვა სამედიცინო მომსახურება დაუფინანსა. გახარჯულმა თანხამ 81 936 ლარი შეადგინა.

ქ. ფოთის მუნიციპალიტეტის მერაში

ფოთის მუნიციპალიტეტის მერიაში აგვისტოს თვეში მიმდინარე ინფრასტრუქტურული ტენდერები: ქალაქ ფოთში, დადიანის მოედნის განათების სამუშაოების შესყიდვა (წინადადებები მიიღება 17 აგვისტომდე. შესყიდვის სავარაუდო ღირებულებაა 23 000 ლარი);
ქალაქ ფოთში, უპოვართა სასადილოს დარბაზის კაპიტალური შეკეთების სამუშაოების შესყიდვა (წინადადებები მიიღება 17 აგვისვისტომდე. შესყიდვის სავარაუდო ღი რებულება 41 525 ლარია);
ფოთში, ქუჩების ორმოული შეკეთების სამუშაოების შესყიდვა (წინადადებები მიიღება 17 აგვისტომდე. შესყიდვის სავარაუდო ღირებულებაა 84 300 ლარი); ფოთში დიდების მემორიალის კაპიტალური შეკეთების შესყიდვა (წინადადებები მიიღება 22 აგტომდე. შესყიდვის სავარაუდო ღირებულება 60 692 ლარი);
ფოთში მრავალბინიანი ს/სახ- ლების ეზოების კეთილმოწყობის სამუშაოების შესყიდვა (წინადადებები მიიღება 24 აგვისტომდე. შესყიდვის სავარაუდო ღირებულება 168 564 ლარია).

მარტვილის მუნიციპალიტეტში

მარტვილის მუნიციპალიტეტში, დოშაყესა და დიდი ჭყონის ერთეულების დამაკავშირებელ გზაზე, 1 500 მეტრზე ასფალტბეტონის საფარის დაგება დამთავრდა (I ეტაპი). ასევე მოეწყო სავალ ნაწილზე და ეზოების მისასვლელებთან წყალ- საწრეტი მილები, რკინაბეტონისა და ბუნებრივი კიუვეტები, ლითო- ნის მილები და სანიაღვრე არხის კედლები. დასრულებული სამუშაოები მარტვილის მუნიციპალიტეტის მერის პირველმა მოადგილემ დავით სურმავამ დაათვალიერა. პროექტის ღირებულებაა 402 463 ლარი. გზის მშენებლობა საქართველოს რეგიონებში განსახორციელებელი პროექტების ფონდისა და ადგილობრივი მუნიციპალიტეტის დაფინანსებით ხორციელდება.

სენაკის მუნიციპალიტეტში

ძველი სენაკის ადმინისტრაციული ერთეულის ცენტრსა და მე-2 ნოსირის უბანში სენაკის მუნიციპალიტეტის მერი ლევან კუპრეიშვილი და მერის პირველი მოადგილე გრიგოლ ბაღათურია ადგილობრივ მცხოვრებლებს შეხვდნენ. მერის თქმით, ძველ სენაკში უახლოეს პერიოდში დაიწყება გაზიფიცირების პროცესი — დამონტაჟდება როგორც საჰაერო, ისე მიწისქვეშა გაზსადენი ქსელი და იგი ადმინისტრაციულ ერთეულს სრულად მოიცავს. იგეგმება აგრეთვე შიდა საუბნო გზების, წყალმომარაგებისა და გარე განა- თების რეაბილიტაცია.

დიალოგის რეჟიმში მიმდინარე შეხვედრაზე მერმა ადგილობრივი მოსახლეობის წარმომადგენლებს გააცნო მუნიციპალიტეტის მასშაბით დაგეგმილი ინფრასტრუქტურული სამუშაოები და ასევე პროექტები, რომლებიც სოფლის მეურნეობის განვითარების კუთხით უნდა განხორციელდეს.


ბოლნისის მუნიციპალიტეტში

სოფელ ხატისოფლის მოსახლეობას ამჟამად სასმელი წყალი ყოველდღიურად სამსაათიანი გრაფიკით მიეწოდება. გარდა ამისა, სოფელ ხატისოფელში მიმდინარეობს წყალმომარაგების ქსელის სარეაბილიტაციო სამუშაოები.

პროექტის ფარგლებში რეაბილიტირდება ცენტრალური მაგისტრალი, სატუმბი სადგური და რეზერვუარი. სამუშოები აგვისტოს ბოლოს დასრულდება. სოფლის მომმარაგებელი ცენტრალური მაგისტრალის საერთო სიგრძე 7 კილომეტრია. 2015–2016 წლებში რებილიტირებულია აღნიშნული მაგისტრალის 4-კილომეტრიანი მონაკვეთი, დარჩენილი ნაწილი კი წლის ბოლომდე აღდგება. პროექტის დასრულების შემდეგ სოფელს წყალმომარაგების მიწოდების გრაფიკი საგრძნობლად გაუუმჯობესდება.

მოსახლეობის მოთხოვნისამებრ, ინფრატრუქტურის სამსახურის თანამშრომლებმა ადგილობრივებთან ერთად განახორციელეს სოფელში მონიტორინგი, რის შედეგადაც აღმოჩნდა, რომ მოსახლეობის უმრავლესობას არ აქვს შიდა ონკანები დამონტაჟებული, რაც წყლის დანაკარგს ზრდის, ეს ყოველივე კი სასმელი წლის გრაფიკის სიმცირეზე აისახება.

ადგილობრივ თვითმმართველობის წარმომადგენლები სისტემატურად ხვდებიან მოსახლეობას და ერთობლივად აზუსტებენ პრირიტეტულ საკითხებს.

დმანისის მუნიციპალიტეტში

ჰეპატიტის კვირეულის ფარგლებში დმანისის მუნიციპალიტეტის საზოგადოებრივი ჯანდაცვის ცენტრმა ჩაატარა ნებაყოფლობითი C ჰეპატიტის უფასო სკრინინგი, რომელმაც მუნიციპალიტეტის სოფელი ტნუსიც მოიცვა. საზოგადოებრივი ჯანდაცვის ცენტრის ინფორმაციით, სულ გამოკვლეულია 50 ბენეფიციარი; პროექტის ფარგლებში განხორციელდა საინფორმაციო საგანმანათლებლო აქტივობები. მოსახლეობაში, ორგანიზაციებსა და დაწესებულებებში ცნობიერების ამაღლების მიზნით დარიგდა საინფორმაციო სახის ბროშურები.


მეტის ნახვა
13-08-2018, 17:17


ხადას ხეობაში მომხდარმა საზარელ მკვლელობაში ბრალდებულ 19 წლის მალხაზ კობაურს პროკურატურის მოთხოვნის საფუძველზე ფსიქიატრიული ექსპერტიზა ჩაუტარდება, რასაც ბრალდებულის ადვოკატიც დაეთანხმა. კობაური უკვე გადაყვანილია შესაბამის დაწესებულებაში, მას რამდენიმე დღის განმავლობაში დააკვირდებიან სპეციალისტები, რის შემდეგაც დაიდება დასკვნა ბრალდებულის ფსიქიკური მდგომარეობის შესახებ.

გამოძიება რატომღაც ახლაღა დაინტერესდა იყო თუ არა შერაცხადი კობაური იმ პერიოდში, რა დროსაც მძიმე დანაშაულის ჩადენას ედავებიან. ბრალდებულის ადვოკატის განცხადებით, მისი დაცვის ქვეშ მყოფს ამ მხრივ პრობლემები არ აქვს. ცნობისთვის, "ავადსახსენებელი" კომუნისტების მმართველობის პერიოდში ადამიანი მკვლელობას რომ ჩაიდენდა, მას ყველა შემთხვევაში უტარდებოდა სასამართლო-ფსიქიატრიული ექსპერტიზა. პროფესიონალ ფსიქიატრთა განცხადებით, არცთუ იშვიათად ისმებოდა მკვლელობის აფექტის მდგომარეობაში ჩადენის საკითხი. არსებობს აფექტის ორი სახე, ფიზიოლოგიური და პათოლოგიური, რაც სრულიად განსხვავებული ცნებები ყოფილა. პათოლოგიური აფექტის დროს, ადამიანს სრულიად ებინდება გონება, მერე შეიძლება საერთოდ აღარ ახსოვდეს რა ჩაიდინა. ვფიქრობთ, არც იმის გამორიცხვა შეიძლება, რომ შთაგონების შემთხვევაში, მან არჩადენილი დანაშაულიც დაიბრალოს. არის თუ არა კობაური რეალური დამნაშავე, აქ საზოგადოების აზრი ორად იყოფა, ერთნი დაჟინებით ამტკიცებენ, რომ სწორედ მან დახოცა ცოლ-ქმარი სმიტები და მათი ოთხი წლის ბიჭი და "მკვლელის"  ჩაქოლვას თუ არა, სამუდამო პატიმრობას ითხოვენ.

ეს "ღრმადდარწმუნებულები" იმ ადამიანებსაც აქილიკებენ, ვისაც არ სჯერა, რომ ხსენებული ამაზრზენი დანაშაული კობაურმა ჩაიდინა, მით უმეტეს მარტომ. აქვე სამედიცინო და ბიოლოგიურ ექსპერტიზების დასკვნებს იშველიებენ, მეტი რაღა მტკიცებულება გინდათ, ნუთუ ოფიციალურ დასკვნებზე მეტად, 19 წლის მწყემსის თვალების გჯერათ, რომ ასეთ დანაშაულს არ ჩაიდენდაო. სხვათა შორის, "ურწმუნოთა" შორის, კომპეტენტური ადამიანები, პროფესიონალი სამართალდამცავებიც არიან, რომლებსაც საკმაო გამოცდილება აქვთ იმისთვის, რომ შავი და თეთრი გაარჩიონ ერთმანეთისგან, მით უმეტეს, რომ ბევრჯერ შეხვედრიან "უტყუარ" დასკვნა-მტკიცებულებებს. ჩვენ არაფერს ვამტკიცებთ, მაგრამ ამ საქმეში რომ ბევრი საეჭვო დეტალია, ვფიქრობთ, შეუიარაღებელი თვალითაც ჩანს. ამ სს-ის საქმის პროკურორის განცხადებით, მკვლელობაში ბრალდებულმა კობაურმა თავად აპოვნინა ბავშვის ცხედარი სამართალდამცავებს, უშუალოდ მან მიუთითა ის ადგილი, სადაც ბავშვის ცხედარი და სხვა ნივთები გადამალა. კობაური ისეთ დეტალებზე საუბრობს, რომ შეუძლებელია ეს ისეთმა პირმა იცოდეს, ვინც დანაშაულის მოხდენის დროს შემთხვევის ადგილზე არ იმყოფებოდა და უშუალოდ არ ჩადიოდა დანაშაულს. კერძოდ, როგორ მოკლა მამაკაცი, რომელსაც ჯერ ზურგში ესროლა, მერე თავში, სხვათა შორის, ზუსტად ეს საკონტროლო გასროლა იწვევს ეჭვს გამოცდილ პოლიციელებში, რადგან ე.წ. კონტროლკა მკვლელის პროფესიონალიზმზე მიუთითებს. კობაურმა თქვა, შემდეგ როგორ ესროლა ბავშვს, როგორ გამოეკიდა დედას, მითუმეტეს მას ჰქონდა თოფი და იყო ნასვამი. ქალი გაქცევისას ხევში გადავარდაო. მერე ისიც ითქვა, რომ კობაურმა ქალი გააუპატიურა და თვითონ დაახრჩო წყალში, რასაც ექსპერტიზების დასკვნებიც ადასტურებსო.
ÐаÑÑинки по запÑоÑÑ áá£áá áá¤áá¡ ááááááááá
ბრალდებულმა კობაურმა როცა უარყო დანაშაულის ჩადენა, გავრცელებული ინფორმაციით, თქვა, რომ ორმა უცხოელმა, სავარაუდოდ დაღესტნელებმა ჩაიდინეს ეს დანაშაული, თუმცა ადვოკატის განცხადებით, მან სხვა პირებზეც ისაუბრა, ოღონდ დეტალებზე ჯერ არ ისაუბრებსო. პროფესიონალ სამართალდამცავთა განცხადებით, კობაური შეიძლება მართლაც შეესწრო ამაზრზენ მკვლელობას და დეტალებზეც იმიტომ საუბრობს, თუნდაც იმაზე სად გადამალეს ბავშვის ცხედარი. გამოძიებას კობაურის ე, წ. აღიარებითი ჩვენების გარდა, ფაქტობრივად სხვა მტკიცებულება არ აქვს, მარტო აღიარება კი უტყუარი მტკიცებულებების გარეშე არაფერს ნიშნავს, ასე შეიძლება ბევრი რამე "აღიარო", მათ შორის, კენედის მკვლელობაცო.
სიმართლე გითხრათ, ოფიციალური ვერსიის ჩვენც ნაკლებად გვჯერა, ოღონდ აქ საქართველოს პროკურატურა-პოლიციის მიმართ ნდობა და პროფესიონალიზმი არაფერ შუაშია. ეს საშინელი მკვლელობა რომ ყოფით ნიადაგზე ჩადენილი დანაშაული არ არის, ბევრი დეტალი მიანიშნებს, აქ სხვა გაცილებით სერიოზული ინტერესი და მოტივი იკვეთება, რაც ვფიქრობთ, ჩვენი ქვეყნის ფარგლებს სცილდება და საერთაშორისო მნიშვნელობა აქვს. ასეთ შემთხვევაში ადგილობრივი სამართალდამცავი და საგამოძიბო სტრუქტურები ფაქტობრივად ხელფეხშკრულნი არიან, რადგან გლობალური პოლიტიკური მოთამაშეები მათ ობიექტური გამოძიების უფლებას არ მისცემენ. ასე რომ არ იყოს, რა ინტერესი უნდა ჰქონდეს ჩვენს პოლიცია-პროკურატურას, რომ ეს ამაზრზენი დანაშაული საკუთარ მოქალაქეს, 19 წლის მწყემსს "დააბრალოს", თუ მას ეს მართლაც არ ჩაუდენია?! კომპეტენტურ ადამიანებს კობაურის მიმართ ნაგვიანევად დანიშნულმა ფსიქიატრიულმა ექსპერტიზამაც გაუჩინა ეჭვი, მოგეხსენებათ, იგი ცოლ-ქმარ სმიტებისა და მათი მცირეწლოვანი შვილის მკვლელობას დღემდე არ აღიარებს, რა იცით რა მედიკამენტებით გაჭყიპავენ სასურველი შედეგის მისაღებად.


ეს საქმეაც რეალურად არ გაიხსნება, ისევე, როგორც სხვა რეზონანსული მკვლელობები, სადაც ასევე ყავდათ ბრალდებულ-მსჯავრდებულები, მაგრამ საქმეში ჩახედულმა ხალხმა კარგად იცის, რომ ისინი "ყურით მოთრეული" დამნაშავეები იყვნენო. სმიტების ოჯახის ტრაგედიამ ბევრს აშშ-ის ცენტრალური სადაზვერვო სააგენტოს (ცსს) ოფიცრის ფრედი ვუდროფის 25 წლის წინ მომხდარი მკვლელობა გაახსენა. "საერთო გაზეთში" ამ მკვლელობის შესახებ, კარგად ინფორმირებულ სანდო წყაროებზე დაყრდნობით, თავის დროზე წერდა, აქედან გამომდინარე, შეგვიძლია ვთქვათ, რომ ამ ორ საქმეში მართლაც არსებობს მსგავსება. მაშინ ეს საქმეც "გაიხსნა", მაგრამ პროფესიონალი პოლიციელების კერძო საუბარში არ მალავდნენ, რომ ვუდროფის მკვლელობაში მსჯავრდებულს არ მოუკლავს საქართველოში ამერიკელი დიპლომატის ეგიდით ჩამოსული სპეცსამსახურის ოფიცერი. სხვათა შორის, "ქართული ოცნების" ხელისუფლება რამდენიმე წლის წინ აპირებდა ამ საქმის ხელახალ გამოძიებას, იუსტიციის მინისტრი თეა წულუკიანი აცხადებდა, რომ ეს საქმე თავის დროზე სათანადოდ არ იქნა გამოძიებული, განახლდა თუ არა ძიება ვერაფერს მოგახსენებთ, რადგან საჯაროდ აღარ გაკეთებულა განცხადებები. შეგვიძლია ვივარაუდოთ, რომ ძიება არ დაწყებულა, იმ მარტივი მიზეზის გამო, რაზეც ზემოთ უკვე ვისაუბრეთ.

ვუდროფის მკვლელობაში დასდეს ბრალი, მიუხედავად საქმეში არსებული ბევრი საეჭვო დეტალისა მას 15-წლიანი პატიმრობა მიუსაჯეს, მოგვიანებით, ციხიდან გაქცევის მცდელობისთვის სამი წელი დაუმატეს, თუმცა 2008 წელს გაათავისუფლეს. შარმაიძე სატელევიზიო ინტერვიუში აცხადებდა, რომ აღიარებითი ჩვენება სასტიკი წამების შედეგად გამოსძალეს. გოგოლაძე ინციდენტის ადგილზე დაბრუნდა და სამი ნასვამი პირი დააკავა, მათ შორის ანზორ შარმაიძე. ამ უკანასკნელის დამნაშავეობაში თავიდანვე ეჭვი ეპარებოდა, როგორც ქართულ საზოგადოებას, ისე გარდაცვლილი ვუდროფის ოჯახს. ოფიციალური ვერსიის არც თეა წულუკიანს სჯეროდა, შარმაიძე მხოლოდ იმიტომ გაასამართლეს, რომ სჭირდებოდათ პირი, ვისაც მკვლელობას დააბრალებდნენ, რადგან ამ მკვლელობამ სერიოზულად შეაცბუნა ედუარდ შევარდნაძე.

ვუდროფის ოჯახის ადვოკატი აცხადებდა, რომ შარმაიძე უბრალო მსხვერპლია, რომელიც მისაღები იყო ვაშინგტონისთვისაც, რომელსაც დამნაშავის დაკავება სურდა და რუსეთისთვისაც, რომელსაც არ უნდოდა ამ მკვლელობასთან რაიმე კავშირი ჰქონოდა.

ÐоÑожее изобÑажение
ხადას ხეობაში მომხდარ საზარელ მკვლელობასთან დაკავშირებით, კომენტარი ვთხოვეთ პროფესიონალ "ოპერატივნიკს", პოლიციის ვიცე-პოლკოვნიკ  დავით გაგნიძეს, რომლის განცხადებითაც  აშშ-მა ამ შემთხვევაშიც საკმაოდ ბუნდოვანი პოზიცია დაიკავა.

დავით გაგნიძე: როგორც შარმაიძის შემთხვევაში, ახლაც ეჭვი მეპარება, რომ კობაური იყოს მკვლელი. გავრცელდა ინფორმაცია, რომ ცოლ-ქმარი სმიტები სპეცსამსახურის თანამშრომლები იყვნენ, ვფიქრობ, ისინი რაღაცის შესამოწმებლად იყვნენ ჩასული ხადას ხეობაში, ბავშვი სპეციალურად ეყოლებოდათ წაყვანილი, რომ არავინ დაეჭვებულიყო მათ რეალურ ინტერესში, ეს აპრობირებული მეთოდია ეჭვის გასაქარწყლებლად. მათ ეტყობა რაღაც ისეთი ნახეს იქ, რაც არ უნდა ენახათ, ამიტომაც მოიშორეს, თანაც ასეთი საზარელი გზით, ესეც სპეცსამსახურების მეთოდია. ეს მკვლელობა საეჭვოდ დაემთხვა ჩვენი მესაზღვრეების გატაცებას, რომლებიც მალევე გამოუშვეს. მათაც რაღაც ისეთი ნახეს, თორემ ორივე მხარის წარმომადგენელმა მესაზღვრემ შეიძლება უნებლიედ დაარღვიოს საზღვარი, მაგრამ მას არავინ იჭერს და მიყავს. არსებობს ინფორმაცია, რომ ჩვენს აღმოსავლეთ საქართველოს ჩრდილოეთ საზღვარზე რუსული სამხედრო დანაყოფებია შემოსული, ეტყობა ამის შესამოწმებლად იყვნენ ჩასულები სმიტები და დააფიქსირეს კიდეც, მესაზღვრეების შემთხვევაშიც ასე მგონია. შეიძლება მწყემსი ბიჭი მათ მართლაც წაიყვანეს მეგზურად, რადგან კარგად არ იცნობდნენ იქაურობას, გადააწყდნენ იქ რაღაც ჯგუფს და ამ ბიჭმა საკუთარი თვალით ნახა სმიტებს როგორ გაუსწორდნენ. კობაური იმიტომაც დატოვეს ცოცხალი, რომ ესეც წინასწარ იყო გათვლილი, რომ მას დაბრალდებოდა ეს საზარელი დანაშაული, სიმართლეს არავინ დაუჯერებდა. კითხვა რატომ არავის უჩნდება, რატომ იყო მოკლული მამაკაცი შიშველი, რაში ჭირდებოდა ეს კობაურს? ათლეტური აღნაგობის მამაკაცს ცოცხალს ეს ვერ გააშიშვლებდა, თუ მოკვლის შემდეგ გააშიშვლა, რა იყო მისი მიზანი, დასვა გამოძიებამ ეს კითხვა? აქედანაც ჩანს, რომ ამ ბიჭს არ მოუკლავს, მამა-სმიტი ვიღაცებმა აწამეს და ამიტომაც გააშიშვლეს. ან რომ ამტკიცებენ ქალბატონი გააუპატიურა კობაურმაო, ეს არის სრული აბსურდი, გამორიცხულია ერთმა კაცმა, მითუმეტეს ასეთი აღნაგობისამ მარტო მყოფმა გააუპატიუროს ქალი, თანაც ისეთი ფიზიური მონაცემების მქონე, როგორიც ის ქალბატონი იყო. მორიგი სისულელეა თოფზე აქცენტის გაკეთება, თან სანადირო თოფით ემუქრებოდა და თან აუპატიურებდა? რაც შეეხება ექსპერტიზის დასკვნებს გაუპატიურებასთან დაკავშირებით, დასკვნები თავადაც მოგეხსენებათ როგორ კეთდება, როცა ამხელა დაინტერესება არსებობს.

შეიძლება ის ქალბატონი მართლაც იყო გაუპატიურებული, მაგრამ ეს ამ ბიჭმა ჩაიდინა? აი, ეს არის მთავარი.

ვფიქრობ, კობაური სიმართლეს ამბობს იმ ფაქტთან დაკავშირებითაც, რომ თავდამსხმელები ორზე მეტი იყვნენ, ორი კაცი ამას ვერ შეძლებდა. ისიც ძალიან მენიშნა, რომ კობაური თავდამსხმელებად დაღესტნელებს მოიხსენიებს. გამალებული შენდება დაღესტნიდან კახეთში გადმოსასვლელი გზა (ყადორი), ჩემი ინფორმაციით, ამ ტერიტორიაზეც შეუნიშნავთ რუსი სამხედროები. ადრეც გითხარით, რომ ამერიკა რუსეთს უბრუნებს თავისი გავლენის სფეროებს და ეს საქართველოსაც ეხება. ამ შემთხვევაშიც ამერიკის რბილად რომ ვთქვა, გაურკვეველი პოზიცია, როცა ეს საზარელი მკვლელობა ყოფით ნიადაგზე მომხდარ დანაშაულად უნდა შემოგვასაღონ, მაფიქრებინებს, რომ ეს ყველაფერი იმ "გადაცემამიღების" ერთერთი ეტაპია. როცა შენს მოქალაქეებს, მით უმეტეს სპეცსამსახურის წარმომადგენლებს ასეთი სასტიკი მეთოდით უსწორდებიან და შენ დუმილს ამჯობინებ, უფრო მეტიც, ემიჯნები ამ ყველაფერს, ჭკუათმყოფელმა, მეტნაკლებად საღად მოაზროვნე ადამიანმა სხვა რა უნდა იფიქროს?

მანანა სუხიშვილი

მეტის ნახვა
13-08-2018, 16:30


გვესაუბრება არასამთავრობო ორგანიზაცია "ყოფილი პოლიტ.პატიმრები ადამიანის უფლებებისთვის" თავმჯდომარე ნანა კაკაბაძე:

- ქალბატონო ნანა, "ქართულ ოცნებას" საპრეზიდენტო არჩევნებზე საკუთარი კანდიდატი არ ჰყავს. რით ახსნით ამას?

- დიახ, "ქართული ოცნება" ღიად აცხადებს: ჩვენ, საპრეზიდენტო კანდიდატი არ გვყავსო, რაც დიდ ეჭვს იწვევს. პოლიტიკური ძალა ასეთ ნაბიჯს იმ შემთხვევაში დგამს, როცა გამარჯვების იმედი არ აქვს. მაშინაც კი, როდესაც გამარჯვების ნაკლები იმედი არსებობს, პოლიტიკა მოითხოვს, ყოველ არჩევნებზე მიიღო მონაწილეობა, ამით გამოცდილებაც გემატება და მეორეც, საზოგადოებას თანდათან თავს აჩვევ. ეს პოლიტიკის ანბანია. ამიტომ, "ქართული ოცნების" განაცხადი ბევრ კითხვის ნიშანს აჩენს. "ქართული ოცნებისადმი" ივანიშვილის დამოკიდებულებას თუ გავითვალისწინებთ, შეიძლება ვივარაუდოთ, რომ 2020 წლისთვის ეს პარტია სხვა პოლიტიკური ძალით ჩანაცვლდება. თუმცა, მმართველობა, ალბათ, არ შეიცვლება, უბრალოდ, პოლიტიკური დასახელების პარტიები შეიცვლებიან. ის, რომ "ქართულ ოცნებას" კანდიდატი არ ჰყავს, ამას შეიძლება ასეთი ახსნაც მოეძებნოს: ჩაფიქრებულია "ნაცმოძრაობის" ამ ნამსხვრევებმა გარკვეული პროცენტი აიღონ, რაც მათ საშუალებას მისცემს ილაპარაკონ: ხომ ხედავთ, რამდენი პროცენტი ავიღეთო. ამომრჩევლის 30%-ზე მეტი პოლიტიკურად აქტიურია, რომელთაც არჩევანის საშუალებას ართმევენ. ეს ადამიანები არჩევნებზე რომ მივლენ, მექანიკურად შემოხაზავენ არასასურველ კანდიდატს. ანუ, ეს პირდაპირ იმის დემონსტრირებაა, რომ "ნაცმოძრაობას" _ პოლიტიკურ ძალას, რომელიც სულ მცირე ციხეში უნდა იხდიდეს სასჯელს, პოლიტიკური პასუხისმგებლობა გააჩნდეს იმისთვის, რაც ჩაიდინა და პოლიტიკას საერთოდ, ჩამოშორებული იყოს, დღეს, სასათბურე პირობებს უქმნიან იმისათვის, რომ საზოგადოებისგან გარკვეული პროცენტები დაიწერონ. ამით ხალხს აჩვევენ, რომ ამ პოლიტიკურ ძალას მხარდაჭერა აქვს და სამომავლოდაც 2020 წელს, როდესაც, ალბათ, "ქართულ ოცნებას" სხვა პოლიტიკური ძალით ჩაანაცვლებენ, ეს ურჩხული _ "ნაცმოძრაობა", თავისი დანაყოფებით, კიდევ იყოს პოლიტიკურ არენაზე, რაც ძალიან ცუდია. 

- ივანიშვილის განცხადებას საპრეზიდენტო კანდიდატის არყოლის შესახებ სააკაშვილი გამოეხმაურა და მოვლენების განვითარების სცენარიც გაგვაცნო. მათი რიტორიკა არ იცვლება. რა გველის, თუ ვაშაძე ან ბაქრაძე გაიმარჯვებს, ისევ იმ 9-წლიან რეჟიმს დავუბრუნდებით?

- რაზეც სააკაშვილი საუბრობს, ეს აბსურდია. "ნაცმოძრაობა" კიდევ 50 წელი ვერ შეძლებს პოლიტიკაში დაბრუნებას. თუნდაც არჩევნები გააყალბონ, ვეღარ დაბრუნდებიან იმიტომ, რომ ჯინი ბოთლიდან უკვე ამოშვებულია, ქართველმა ხალხმა გაითავისა ის გამარჯვება, რომელიც 2012 წელს "ნაცმოძრაობის", უფრო სწორად, ფაშიზმის დამარცხებით დადგა. მაგრამ ყველაფერი კეთდება იმისთვის, რომ ამ კრიმინალურმა ძალამ უცხო ქვეყნის ის დაკვეთები შეასრულოს, რა პოლიტიკასაც ისინი ქართული სახელმწიფოს წინააღმდეგ ატარებენ. მნიშვნელობა არ აქვს რა ერქმევა მათ _ "გირჩი", "ევროპული საქართველო", "ნაცმოძრაობა", კომბოსტო თუ ბადრიჯანი. ფაქტია, რომ ეს ძალები სხვა ქვეყნის დავალებას ასრულებენ და ისინი საქართველოს და ქართველი ხალხის ინტერესებზე ორიენტირებულნი არ არიან. აი, რა არის დღეს ჩვენი პრობლემა.

- საუბრობენ, რომ "ქართული ოცნება" მხარს დამოუკიდებელ კანდიდატს სალომე ზურაბიშვილს დაუჭერს. როგორ ფიქრობთ, მას გამარჯვების რა შანსები აქვს?

- "ქართულ ოცნებას~ პოლიტიკაზე ხელს საერთოდ ვერ ააღებინებენ, ეს ვერ მოხერხდება. ზაქარია ქუცნაშვილმა თქვა: როგორ შეიძლება "ქართული ოცნების" შტაბებმა სრული დატვირთვით იმუშაონ, როცა მისი კანდიდატი საარჩევნო მარათონში ჩართული არ არისო. სწორედ ამას ემსახურება ყოველივე, რომ ტემპერატურა დაბალი იყოს და სალომე ზურაბიშვილის გამარჯვება "ნაცებთან" შედარებით თვალშისაცემი არ გახდეს. მთელმა მსოფლიომ უნდა დაინახოს, რომ "ნაცებს" მხარდაჭერა ისევ აქვთ. სწორედ ამიტომ არის სალომე ზურაბიშვილი შერჩეული და ამიტომაც არ ჰყავს "ქართულ ოცნებას" თავის კანდიდატი, რათა შტაბებმაც დაბალი აქტივობით იმუშაონ და სალომემაც ამ კრიმინალური ძალების წარმომადგენლების ფონზე დაბალი პროცენტული მაჩვენებლით გაიმარჯვოს. მივესალმები სალომე ზურაბიშვილის გამარჯვებას. ნამდვილად მინდა მან გაიმარჯვოს, დარწმუნებულიც ვარ, რომ ასე იქნება. მაგრამ ვიმეორებ, დღეს, პოლიტიკის მთავარი მიზანია მსოფლიოს აჩვენოს, რომ "ნაცმოძრაობა" არცთუ ისე შორს დგას სხვა დამოუკიდებელი და თანაც ასეთი პოლიტიკური წარსულის მქონე, ავტორიტეტული ადამიანის ფონზე, როგორიც სალომე ზურაბიშვილია. აი, ეს თამაშია.

- ქალბატონო ნანა, ახლა ხალხი არჩევანს იმის მიხედვით აკეთებს პარტია პრო-დასავლურია თუ პრო-რუსული. ვაშაძეს ძლივს წაართვეს რუსული პასპორტი, მაგრამ ახლა პრო-დასავლელად გვევლინება. რას ნიშნავს ეს?


- ეს ყველაფერი, ზოგადად, არის ნიღაბი. ეს ადამიანები ვინც პრო-დასავლელობას იჩემებენ, რა თქმა უნდა, ნიღაბს ეფარებიან. პრო-დასავლელობა ეს არის ზოგად-საკაცობრიო ღირებულებებისადმი პატივისცემა, ხომ? ვაშაძე როგორ არის პრო-დასავლელი ან "ნაცმოძრაობა", გამაგებიოს ვინმემ. ციხეებში ადამიანების გაუპატიურება, ღირსებისშემლახველი მოპყრობა, წამება, ქონების კონფისკაცია, გაკულაკება, ქვეყანაში ექსპროპრიაციების ჩატარება ეს პრო-დასავლელობაა? ეს, უბრალოდ, ნიღაბია. რეალურად, იცით ვინ არიან "ნაციონალები"? _ ხალხი, ვინც კაცებს აუპატიურებდნენ. ეს არ არის არანაირი ღირებულება, არამედ კრიმინალია. ვიღაცას უკეთია რუსული ნიღაბი, ვიღაცას დასავლური და რეალურად ეს მხოლოდ იმისათვის კეთდება, რომ ძალაუფლება შეინარჩუნონ, ვიღაცის დაკვეთები ასრულონ, ოღონდ, ლამაზი ლოზუნგებით. მიშა რისთვის მოვიდა, რატომ იწუნებდა შევარდნაძეს, რომ ვითომ, ცოტა დემოკრატიაა და მეტი გვინდაო. მერე, რა მივიღეთ? იმავე დღეებში გამოჩნდა, რომ ეს ფარსი იყო. სააკაშვილმა ჩაიგდო თუ არა ძალაუფლება ხელში, ერთ წელიწადში 5700 პატიმრის რიცხვი 12 ათასამდე გაზარდა. მსოფლიოში პირველ ადგილზე ვიყავით პატიმართა ოდენობით და ეს არის პრო-დასავლურობა? პრო-დასავლურობას თავისი სტანდარტი აქვს, თუ რამდენი პატიმარი უნდა გყავდეს 10 ათას მოსახლეზე. კიდევ ვიმეორებ, ეს არის ამ ადამიანების მხრიდან პოლიტიკური მანიპულაციები, თაღლითობა. რეალურად, ისინი ჩვეულებრივი მოღალატეები, გამყიდველები არიან, რომლებიც თავიანთი კეთილდღეობის გამო ყველაფერს და მათ შორის, სამშობლოსაც ყიდიან. რად მინდა, ან პრო-რუსული ან პრო-დასავლური ძალები. აქ, უნდა იყოს ქართული ძალა, რომლმაც ქართული სახელმწიფოს ინტერესებიდან გამომდინარე იცის რა დოზით, როგორ უნდა ითანამშრომლოს ცივილიზებულ სახელმწიფოებთან. აი ასე უნდა ხდებოდეს, მაგრამ ამის საშუალებას არ გვაძლევენ.

- ხშირად მესმის: "ქართულ ოცნებას" კანდიდატი თუ არ ეყოლება ამით არაფერი შავდება, პრეზიდენტს მაინც არაფრის უფლება არ აქვსო. რა ბერკეტები აქვს დღეს, რეალურად, პრეზიდენტს და რამდენად უსაფრთხოა ეს პოსტი ქვეყნის მტერის ხელში ჩასაგდებად?


- უპირველეს ყოვლისა, ეს ღირსების საკითხია. "ნაცმოძრაობას" ფაშისტებსაც ვერ დავარქმევ იმიტომ, რომ ამ უკანასკნელს გერმანელი ერი მაინც უყვარდა. ისინი ისეთივე სისასტიკეებს სჩადიოდნენ როგორსაც "ნაცმოძრაობა", მაგრამ თავისი ერი უყვარდათ და ამბობდნენ: ამ ბოროტებებს გერმანელი ერის საკეთილდღეოდ ვაკეთებთო. "ნაცებს" ქართველი ერი არ უყვარდათ, ეს ქართულ პოლიტიკაში ფაშისტებზე უარესი მოვლენაა. ღირსების საკითხია, რომ ასეთი ბინძური ძალის წარმომადგენელი პრეზიდენტი კი არა, პოლიტიკაშიც არ შეიძლება იყოს. პრეზიდენტს სულ რომ არაფერი უფლებები არ ჰქონდეს, იგი ხომ ქვეყნის სახეა. როგორ შეიძლება ქვეყნის სახე კაცების გამაუპატიურებელი იყოს. "ნაცები" დუბინკებით და რით აღარ აუპატიურებდნენ ადამიანებს. `ნაცების~ წარმომადგენელი თუ პრეზიდენტი გახდა ეს იქნება ჩვენი დამცრობა, ფეხქვეშ გათელვა. მეორეც, თქვენ იცით, რომ "ნაცმოძრაობის" ორი-სამი წარმომადგენელი ისევ ციხეშია. მარგველაშვილი მათ შეწყალებას ვერ ბედავს, მაგრამ "ნაცმოძრაობის"  წარმომადგენელი პრეზიდენტი ამასაც გააკეთებს. როგორ შეიძლება, დღეს, თუნდაც საპრეზიდენტო ბიულეტენში "ნაციონალური მოძრაობის" თუ სახელგადარქმეული "ნაცების" წარმომადგენლები იყვნენ ჩაწერილნი. ამის დაშვება როგორ შეიძლებოდა? სად აქვს ამ ერს ან ღირსება, ან თავმოყვარეობა. ცოცხალია დღეს საქართველო, როდესაც იმას უშვებს, რაც ქვეყანაში ხდება. პოლიტიკოსები ამ ვითარებას ასე მშვიდად როგორ უყურებენ. არ იციან ქვეყანაში რა ხდებოდა? მაშინ რატომ იდგნენ მიტინგებზე, რით იცავენ დღეს თავიანთ პოზიციას იმით, რომ "ნაციონალებთან" ერთიანდებიან და ერთ მაგიდასთან სხედან? 

- თქვენ, "ნაციონალების" გასამართლებას ითხოვდით. საპარლამენტო არჩევნებში მათი 27% ეჭვქვეშ დააყენეთ, თუმცა, შედეგი არ დადგა…

- რა თქმა უნდა. ჩვენ რომ სწორი, კანონიერი, სამართლიანი გზით წავსულიყავით, დღეს, ქვეყანა აყვავებული, ერს კი ღირსება ექნებოდა აღდგენილი. ეს პოლიტიკა მიზანმიმართულად გატარდა, რათა ჩვენ, კიდევ უფრო მეტად ჩავეწიხლეთ და "ნაციონალების" უკან მდგომ ძალებს ეჩვენებინათ _ დიახ, ჩვენ ვართ ის ხალხი ვინც "ნაცმოძრაობა" თავზე დაგასვით, დაგინიშნეთო. ჩვენ ამ ძალებს ვერ მოვერიეთ. ქვეყანა ვერ შედგა. მაშინაც კი როცა კომუნისტების დროს "ეროვნულ მოძრაობას" ეგონა გავიმარჯვეთო, ეს სინამდვილეში დამარცხება იყო. ნომერ პირველი დამარცხება, ჩვენ, სწორედ საბჭოთა კავშირის დაშლის დროს ვიწვნიეთ. არაფერი არ შეცვლილა, შთაგვაგონეს ვითომ გავიმარჯვეთ, სინამდვილეში დავმარცხდით. აი რამ მოგვიყვანა დღევანდელ დღემდე. ჩვენ რომ გაგვეაზრებინა: დამარცხებულები ვართ და გამარჯვებისთვის ბრძოლა უნდა გავაგრძელოთ, გავიმარჯვებდით. რუსის ტანკი გავიდა და გადავირიეთ გავიმარჯვეთო. ამას რა მნიშვნელობა აქვს, გავიდა რუსის ტანკი, შემოვიდა ამერიკის. აქეთ რუსის ტანკი დგას, იქით ამერიკის, საინტერესოა, სად დგას ქართველი?! ვინმე რამეს გვეკითხება, რამეს წარმოვადგენთ, დღეს ვინმეს აინტერესებს ვის მივცემთ ხმას? დღეს ყველაფერი ისეთი ტექნოლოგიებით ხდება, რომ ჩვენ, ფაქტობრივად, ამ პროცესში არ ვმონაწილეობთ. ყველაფერი მართვადია. 

ჩვენ დაპყრობილი, დამონებული ქვეყანა ვართ ხელში ფურცლით, რომ დამოუკიდებელნი ვართ. არ სჯობს ამ ფურცელზე რეალობა ეწეროს? დროშა და ჰიმნი რადგან გვაქვს ამიტომ ვართ დამოუკიდებელნი? საკუთარ ქვეყანაში კანონის მიღებას ვერ ვწყვეტთ. პრემიერს ვერ დავნიშნავთ, საელჩო თანხმობას თუ არ გვეტყვის. ის კი არა, მათი თანხმობის გარეშე, პრემიერს დამლაგებელს ვერ დაუნიშნავ. ივანიშვილი არაფორმალური მმართველიაო რომ იძახიან, მართლა ის მართავს ქვეყანას? თქვენ, როგორ ფიქრობთ ჩუგოშვილი ივანიშვილმა მიიყვანა ხელისუფლებაში, ან ლომჯარია ბატონი ბიძინას არჩევანია? რეალური, ჩრდილოვანი მმართველობა მოვიძიოთ, იმას შევებრძოლოთ და დავუპირისპირდეთ.

თამარ შველიძე

მეტის ნახვა
13-08-2018, 12:18


ადმინისტრაციული სამართალდარღვევის კოდექსის 45-ე მუხლი, რომლის თანახმად, მარიხუანის „ექიმის დანიშნულების გარეშე მოხმარება“ სამართალდარღვევას წარმოადგენდა და 500 ლარიან ჯარიმას ითვალისწინებდა, წარსულს ჩაბარდა. 30 ივლისის შემდეგ საქართველოში ნარკოტიკული საშუალება მარიხუანას მოხმარება ლეგალურია. საკონსტიტუციო სასამართლოს გადაწყვეტილებაზე და ამ გადაწყვეტილების მოსალოდნელ შედეგებზე სასაუბროდ ფსიქორეაბილიტაციის ცენტრის ფსიქოლოგი მარინა ჭავჭანიძეს დავუკავშირდით.

– ქალბატონო მარინა, საკონსტიტუციო სასამართლოს გადაწყვეტილებამ საზოგადოებაში დიდი ვნებათაღელვა გამოიწვია. თქვენი აზრით, გამოიწვევს თუ არა ეს გადაწყვეტილება მარიხუანის მომხმარებელთა რაოდენობის გაზრდას?


- 1. ვეთანხმები საკონსტიტუციო სასამართლოს გადაწყვეტილებას მარიხუანას მოხმარებასთან დაკავშირებით ეს არის `სამეზობლო~ აზროვნების დეკრიმინალიზაცია საქართველოში ("მეზობელი“ – ფსიქოლოგიური ტერმინი, რომელიც აღნიშნავს პიროვნებას, რომელსაც არ გააჩნია ცოდნა იმ საკითხზე, რომელზეც მსჯელობს, მაგრამ დარწმუნებულია თავისი აზროვნების პროდუქციის სისწორეში.).

2. მივესალმები მარიხუანას მოხმარების დეკრიმინალიზაციას და მოდი, გარკვევით ვთქვათ, გარკვეული რეგულაციების იძულებითი დაწესების მცდელობას ჩენი პარლამენტისთვის, რაც მნიშვნელოვანია. (საქართველოს საკონსტიტუციო სასამართლომ აღნიშნა, რომ მარიხუანის მოხმარება წარმოადგენს პიროვნების თავისუფალი განვითარების უფლებით დაცულ ქმედებას. მარიხუანის მოხმარების აკრძალვა მისი ბრუნვის წინააღმდეგ მიმართული ღონისძიებაა და შესაბამისად ემსახურება მომხმარებლების ჯანმრთელობის დაცვის ლეგიტიმურ მიზანს. თუმცა, სასამართლოს მოსაზრებით ინდივიდუალური მომხმარებლის როლი მარიხუანას ბრუნვის ხელშეწყობაში არის ძალიან მცირე, შესაბამისად მცირეა მოხმარების ინდივიდუალური ფაქტიდან მომდინარე საფრთხეები. აღნიშნულიდან გამომდინარე, მარიხუანის მოხმარებისათვის პასუხისმგებლობის ბლანკეტურად დაწესება ლეგიტიმური მიზნის მიღწევის დაცვის არაპროპორციულ საშუალებას წარმოადგენს და ეწინააღმდეგება საქართველოს კონსტიტუციის მე 16 მუხლის მოთხოვნებს.

ამასთან, საკონსტიტუციო სასამართლომ აღნიშნა, რომ მარიხუანას მოხმარებისათვის პასუხისმგებლობის დაწესება კონსტიტუციის შესაბამისია იმ შემთხვევებში, როდესაც მოხმარების კონკრეტული ფაქტი ქმნის საფრთხეებს მესამე პირებისთვის. მაგალითისთვის, სასამართლომ მარიხუანის მოხმარებისთვის პასუხისმგებლობის დაწესება გამართლებულად მიიჩნია მაშინ, როდესაც აღნიშნულ ქმედებას ადგილი აქვს სასწავლო, სააღმზრდელო და საგანმანათლებლო დაწესებულებებში, ზოგიერთი სახის საზოგადოებრივი თავშეყრის ადგილზე, მაგალითად, საზოგადოებრივ ტრანსპორტში, არასრულწლოვანთა თანდასწრებით და ა.შ.

3. არ ვეთანხმები მარიხუანას მოხმარების დეკრიმინალიზაციასთან მიმართებაში აწეულ აჟიოტაჟს და მგონია, რომ ეს ხმაური მხოლოდ და მხოლოდ სარეკლამო მიზნებს ემსახურება და ვიღაცისთვის, სავარაუდოდ, ძალიან მომგებიანი გახდება უახლოეს მომავალში.

და ყველაზე ცუდი რაც ამ ფაქტით მივიღეთ, ესაა საქართველოს პარლამენტის მიერ ნარკოტიკულ ნივთიერებათა მომხმარებელთა საჭიროებების, მათი დახმარების, მკურნალობისა და მათ ოჯახებზე ზრუნვის სრული უგულებელყოფაა კიდევ რამდენიმე წლით.

მე ყოველთვის მქონდა იმედი, რომ მიუხედავად იმისა, რა ხდება ჩვენს სახელმწიფოში, ჩვენი კონსტიტუცია მაინც ისახავს მიზნად ჰუმანიზმის იდეების დამკვიდრებას ქვეყანაში. ფორმალურად, სიტყვიერად მაინც. ასე, რომ რამდენიც არ უნდა იყვიროთ – არ გვჭირდება საკონსტიტუციო სასამართლო ან არ გვჭირდება ასეთი „სასტავით“ – მაინც არსებობს წესები, რომელსაც ვერავინ გაექცევა – ჩვენ ადამიანზე უნდა ვიზრუნოთ და არა ბიზნესინტერესებზე, ინვესტორებზე თუ „მეზობლების“ ჩამოყალიბებულ კონცეფციებზე.

2004 წლიდან მოყოლებული, მგონი ისეთი არჩევნები არ ჩატარებულა საქართველოში, სადაც ნარკოტიკულ მომხმარებელთა თემა არ ყოფილიყო გაჟღერებული და წამოწეული მომხმარებელთა და მათი ოჯახების ხმების მოზიდვისათვის – მწარე რეალობაა! ბოროტი ენები იმასაც ამბობდნენ, რომ აქტიურ მომხმარებლებს წამალსაც სთავაზობდნენ ხოლმე საარჩევნო ხმების სანაცვლოდ.

2006 წლიდან თითქმის ყველა პარლამენტმა იწვალა და იმსჯელა ნარკოპოლიტიკის შესახებ- საკმაოდ მდარე შედეგით.
ნარკოტიკების მოხმარების „ლიბერალიზაციის“ ყველა მცდელობა ვერ აღუდგა წინ ნარკომაფიის ინტერესებს – ნარკოტიკების მოხმარება იზრდება – თან, როგორც ვამჩნევთ, ძირითადად ნაირ-ნაირი დასახელებითა და წარმოშობის ნარკოტიკებით. ვერცერთმა პარლამენტმა ვერ გაბედა დეკრიმინალიზაციის ჩატარება ყველა ნარკოტიკის მიმართ. ან უცოდინრობის ან სიხარბის გამო.

– თქვენ ფიქრობთ, რომ საკონსტიტუციო სასამართლოს მიერ მიღებული გადაწყვეტილება ნარკომაფიას დაარტყამს?

– დიახ! ტყუილად არავინ მითხრას, რომ ნარკომაფია არ გვყავს – აბა საბაჟოზე როგორ გადმოდის ნარკოტიკი, ან როგორ ნაწილდება ის სხვადასხვა პატარ-პატარა გამსაღებლებთან, თუ კარგად ორგანიზებული არაა! და რასაკვირველია, „ბასიანში“ შესვლისას, ამ ორგანიზატორებს არ ეძებდნენ სამართალდამცავები.
არალეგალური ბიზნესისთვის დამახასიათებელია მკაცრი იერარქიული ორგანიზაცია ბევრი განშტოებით და მთავრობაში „კრიშით“.
და რას უზამს ნარკოტიკების დეკრიმინალიზაცია ამ ორგანიზატორებს? – პირველ რიგში შეამცირებს მათ შემოსავლებს.

– და რა მოხდება, რომ ნარკოტიკული ნივთიერებების მოხმარება სახელმწიფომ არეგულიროს?!

– ამ შემოსავლების ნაწილი მივა სახელმწიფოსთან და თუ ამ შემოსავლებს არ დახარჯავს იგივე ნარკომომხმარებლების ფსიქო-სოციალურ რეაბილიტაციაზე ან მათი ოჯახების დახმარებაზე – შესაძლებელია, რაიმე „პრემია-დანამატების“ და ხელფასების მომატების წყარო გახდეს „ერთგული ჩინოვნიკებისათვის“
ყველა ნარკოტიკის დეკრიმინალიზაცია, ვთქვათ ისე, როგორც ეს ქვეყნის მომავალზე ზრუნვის გამო ჩაატარეს პორტუგალიაში, რეალურად სამოქმედო გეგმის არსებობას, სხვადასხვა ღონისძიებების განხორციელებას, საგანმანათლებლო მუშაობას – და, შესაბამისად, დანახარჯებს მოითხოვს – რაც არ ემეტებათ ჩვენს პარლამენტარებსა და ჩინოვნიკებს და რაშიც ენთუზიაზმით ეხმარებიან უცოდინარი „ყველაფრისმცოდნე მეზობლების“ დიდი კოჰორტა. (არავინ გაიგოს ისე, რომ პარლამენტარების უმრავლესობა ამ „მეზობლებზე“ უკეთ ერკვევა ნარკოპოლიტიკის პრობლემებში).

ნარკოტიკების მოხმარება რომ კარგი იყოს, თქვენ ვერ დამასწრებდით!

მაგრამ ნარკოტიკის მოხმარებისთვის ციხეში ადამიანის გამწესება – სრული მარაზმია. გამოსწორდება, თუ ფსიქოანალიზის კურსს გაატარებენ სიღრმისეული პრობლემების დასაძლევად?!

დიაბეტით დაავადებულს რომ ვამწესებდეთ ტორტის ჭამისთვის ციხეში, ლოგიკას მაინც დავინახავდი ამ ქმედებაში. მით უფრო, რომ დიაბეტით დაავადებულთა ავადმყოფობის დინამიკა ძალიან ჰგავს ნარკომომხმარებელთა დაავადების დინამიკას (ეს მე არ მითქვამს და ვისაც ღვარძლიანი „მეზობლური“ აზრი გაუჩნდება, თვითონ მოგუგლოს, მოძებნოს და მერე შემეკამათოს.
ან ვაღიარებთ რომ დამოკიდებული ადამიანი ავადაა და დახმარება სჭირდება, ან ყველა მაიმუნი-ვირიშვილი გვგონია, როგორც ბატონ დ.ნარმანიას ხის მჭრელების წინააღმდეგ გამოლაშქრებული არასამთავრობოები!

– ახლა რატომ მარტო მარიხუანა და სხვა ნარკოტიკების დეკრიმინალიზაცია – არა?

- 1. იმიტომ რომ დეკრიმინალიზაცია ნიშნავს ბევრ სხვა ოპერაციის ჩატარებას, როგორც საზოგადოების დასაცავად, ასევე დაავადებულთათვის – ეს კი დანახარჯებს და საქმის ცოდნას გულისხმობს ქვეყნის ერთგული პროფესიაონალებისგან (განა არ გვყავს, მაგრამ არ ვენდობით – რა ვიცით, ხმას ვის მისცემენ!)
2. მარიხუანას მოხმარებელებს გამონაკლისის გარდა არაფერი დახმარება არ სჭირდებათ, თუ რაიმე ფსიქიკური სიმპტომები გაჩნდამაგას ფსიქიატრებიც მოუვლიან!
3. გავრცელებული „მეზობლური“ აზრით მარიხუანა უვნებელია – მერე, რა თუ დროთა განმავლობაში მცირე ჭკუასუსტობის დინამიკას შევამჩნევთ – ეს შეიძლება ჰაერის დაბინძურებითაც იყოს გამოწვეული.
4. და ევროკავშირს ვაჩვენებთ რომ ნარკოპოლიტიკის ლიბერალიზაციისკენ მივდივართ და უახლოეს 4–5 წელიწადში აღარაფერი არ მოგვთხოვონ.
სამაგიეროდ შემოვიტანთ რეგულაციებს და ნარკოტურისტებს აქ მივიღებთ, რომლებსაც ასე მონდომებით ებრძვის ჰოლანდია! (ესეც ბიზნესკონკურენციაში ვაჯობებთ)

მაპატიეთ, და ჩვენი პარლამენტარები „პლანში ჩარჩენილი“ მოზარდებივით იქცევიან – კმაყოფილები და გახარებულები (აქ კიდევ ერთი კომპონენტი აკლია, მაგრამ აქ არ ვიტყვი) თავისი მიღწევებით.

რატომ!? – იმიტომ, რომ ყველაზე ძლიერი, საზიზღარი, აღმაშფორებელი, ანტსოციალური და ანტისახელმწიფოებრივი დამოკიდებულება სჭირთ – ძალაუფლებისკენ ლტოლვა, ზოგჯერ სიხარბითურთ.

ესეც ობსესიურ კომპულსიებს მიეკუთვნება და არა ნაკლებ სახიფათოა ჰეროინზე! არა ნაკლებ აშტერებს, ვიდრე ჰალუცინოჰენი სოკოები და არა ნაკლებ ძნელი მოსაშორებელია ვიდრე კოკაინი! და არა ნაკლებ სასკივდილოა ქვეყნისთვის!

საუბედუროდ, ქვეყნის მართვაშიც ძირითადად ეგ „სასტავი“ მიდის – მძიმე ბავშობისგან დაჩაგრული, ამბიციური, „ყველაფრისმცოდნე მეზობელი“.
ნუ აირჩევთ ნაცნობებსა და მეზობლებს პარლამენტში!

ნელი თორდია

მეტის ნახვა
13-08-2018, 09:00
13-08-2018, 03:06