სარეკლამო ადგილი

947x125



თეთრიწყაროს მუნიციპალიტეტში

ევროკავშირის ელჩი კარლ ჰარცელი სოფელ წინწყაროში, რძის პროდუქტების საწარმო "წინწყარო+"-ს ესტუმრა და წარ- მოების პროცესს გაეცნო. საწარმო ევროკავშირის მხარდაჭერით სარგებლობს. 2018 წლის ოქტომბრის ჩათვლით, თეთრიწყაროს მუნიციპალიტეტის მოსახლეობის ჯანდაცვისა და სოციალური უზრუნველყოფის მუნიციპალური პროგრამით გათვალისწინებული სოციალური დახმარებით 890-მა ბენეფიციარმა ისარგებლა.
2018 წლის ადგილობრივი ბიუჯეტიდან სოციალურ დახმარებებზე დღეის მდგომარეობით გახარჯულია 222 937 ლარი. სოფელ დიდ თონეთში,
გრუნტიანი შიდა საავტომობილო გზები მოსწორდა გრეიდერის საშუალებით და მოეწყო სანიაღვრე არხები.

გურჯაანის მუნიციპალიტეტში

გურჯაანის დიდების მემორიალის ნაწილობრივი რეაბილიტაცია დასრულდა. პროექტის ფარგლებში აღდგენილია ჯარისკაცის მამის მონუმენტის კვარცხლბეკი, დაზიანებული კიბეები, ბილიკები და კედლები; მოეწყო დასასვენებელი სკამები; მემორიალის მიმდებარე ტერიტორი- აზე დამონტაჟდა სათვალთვალო კამერები; შემოიღობა მონუმენტის უკან მდებარე სკვერი; სამუშაოებზე სულ 33 333 ლარი დაიხარჯა.
ქალაქ გურჯაანში, ფარნავაზის ქუჩაზე გზის რეაბილიტიაციის მიზნით მიმდინარეობს მიწის მოსწორება და ბორდიურების დემონტაჟი. გზის სარეაბილიტაციო
სამუშაოებს რეგიონებში განსახორციელებელი პროექტების ფონდი და ადგილობრივი ბიუჯეტი 293 000 ლარით აფინანსებს.

ლაგოდეხის მუნიციპალიტეტში

მიმდინარე წელს კახეთის რეგიონში შემავალ თითოეულ მუნიციპალიტეტსა და ეთნიკური უმცირესობებით დასახლებულსოფელ იორმუღანლოში ახალი მუნიციპალური სერვისი – „ქალთა ოთახი“ ამოქმედდა. პროექტის განხორციელებას ხელი შეუწყვეს კახეთის მხარეში სახელმწიფო რწმუნებულ-გუბერნატორის ადმინისტრაციამ, შვეიცარიის გან ვითარებისა და თანამშრომლობის სააგენტომ, ორგანიზაცია HEKS/ EPER-მა და Mercy Corps-ის პროექტის „მცირე კავკასიის ალიანსების პროგრამამ".
„ქალთა ოთახი“ არის მუნიციპალიტეტის მერიის მიერ შექმნილი ღია სივრცე, რომლის მიზანია ხელი შეუწყოს ადგილობრივ მოსახლეობას, განსაკუთრებით კი ქალებს, მუნიციპალიტეტთან ურთიერთობაში და გაზარდოს/ წაახალისოს ქალებისა და მამაკაცების თანაბარი მონაწილეობა ადგილობრივი თვითმმართველო-
ბის დონეზე გადაწყვეტილების მიღების პროცესში. „ქალთა ოთახის“ საშუალე- ბით ადგილობრივი ხელისუფლება თავის მოსახლეობას (განსაკუთრებით ქალებსა და გოგონებს)

სთავაზობს დამატებით საინფორ- მაციო-საკონსულტაციო მომსა- ხურებას, ასევე სივრცეს, სადაც შესაძლებელია კომპიუტერითა და ინტერნეტით, საბავშვო კუთხით, სხვადასხვა შეხვედრის მოსაწყობად საჭირო სივრცით, ბიბლიოთეკითა და სხვა მომსახურებით სარგებლობა.

დუშეთის მუნიციპალიტეტში

უკანაფშავის ადმინისტრაციული ერთეულის სოფელ შუაფხოში რძის გადამმუშავებელი საწარმო შენდება. პროექტი „მაღალმთიან რეგიონებში სახელ- მწიფო საკუთრებაში არსებული სათიბ-საძოვრების რაციონალურად გამოყენების სახელმწიფო პროგრამის“ ფარგლებში ხორციელდება. საწარმო, სამომავლოდ, თანადაფინანსების პრინციპით გადაეცემა ადგილობრივ კოოპერატივს „ფხოვი 2017“-ს, რომელშიც 32 ადგილობრივია გაწევრიანებული.
1,5 ტონა წარმადობის რძის საწარმო თანამედროვე ტექნოლოგიებით წარმოებული მაღალი ხარისხის რძის პროდუქტს აწარმოებს, იგეგმება აგრეთვე ტრადიციული პროდუქტის, დამბალხაჭოს წარმოება. პროექტი სოფლად მცხოვრები მოსახლეობის ეკონომიკური მდგომარეობის გაუმჯობესებას შეუწყობს ხელს.

შენდება კობი-გუდაურის ახალი საბაგირო გზა, რომლის სიგრძე დაახლოებით 7,5 კმ-ია. ეს საბაგირო უამინდობისა თუ დიდ- თოვლობის გამო ყაზბეგის გზის ჩაკეტვით გამოწვეულ პრობლემასაც მოაგვარებს. გარდა ამისა, ტერიტორია ჩრდილოეთ ფერდობზე მდებარეობს, რაც მოთხილამურეებს შესაძლებლობას მისცემს გვიან გაზაფხულამდე ისრიალონ.
მხარის გუბერნატორი შალვა კერესელიძე მუნიციპალური განვითარების ფონდის აღმასრულებელ დირექტორ გიორგი შენ- გელიასთან ერთად კობი-გუდაუ- რის საბაგირო გზის სამშენებლო სამუშაოებს გაეცნო. ახალი საბაგირო გზა გუდაურს ტურისტულად კიდევ უფრო მიმზიდველს გახდის. შეიქმნება დამატებითი სამუშაო ადგილები, რაც მნიშვნელოვანია რეგიონის ეკონომიკური წინსვლისთვის. სამუშაოების დასრულება მიმდინარე წლის ბოლოს იგეგმება. პროექტის ღირებულება 81 მილიონი ლარია და მას მუნიციპალური განვითარების ფონდი ახორციელებს.

"სუფთა პროდუქტი და თავისუფალი ბაზარი" – ამ პროექტის ფარგლებში ქალთა ასოციაცია "ბაზალეთმა" მუნიციპა- ლიტეტის სოფელ მჭადიჯვარში გამართა
პრეზენტაცია თემაზე: "DCFTA-ის სტანდარტები და მეფუტკრეობა". მონაწილეებს ესაუბრნენ პროექტის მნიშვნელობაზე და იმ საგრანტო კონკურსის შესახებ,
რომელიც მეფუტკრეობასა და თაფლის წარმოებას ეხება. მჭა- დიჯვარი და გრემისხევი ამ მხრივ პრიორიტეტულ სოფლებად არის გამოცხადებული.

მჭადიჯვრის ადმინისტრაციული ერთეულის სოფელ ოძისში ახლად გახსნილი სკოლამდელი აღზრდის დაწესებულების ეზოში 50 ძირი ფიჭვისა და ნაძვის ნერგი დაირგო. აქციის ინიციატორია სოფლის მკვიდრი ლევან შერმადინი, ხოლო ნერგები მცხეთა-მთიანეთის სატყეო სამსახურის ფასანაურის სატყეო უბანმა გადასცა საჩუქრად.
მუნიციპალიტეტის ხეობის ადმინისტრაციულ ერთეულში, სოფელ ახალციხეში დაიწყო სასმელი წყლის სისტემის ქსელის რეაბილიტაცია, კერძოდ, შენდება ახალი წყალშემკრები რეზერვუარი. პროექტის დასრულების შემდეგ სოფელ ახალციხის ყველა მოსახლე, 25 კომლი, წყალს დღეღამის განმავლობაში უწყვეტად მიიღებს.

ზუგდიდის მუნიციპალიტეტში

მუნიციპალიტეტის ადმინისტრაციულ ერთეულებში დასახლების საერთო კრებები გრძელდება. ამჯერად ჭითაწყარის, ცაცხვისა და ცაიშის ადმინისტრაციულ ერთეულებში მოსახლეობასთან შეხვედრებს მუნიციპალიტეტის მერის პირველი მოადგილე გიორგი შენგელიაც ესწრებოდა. ჭითაწყარში მოსახლეობამ პრიორიტეტად დაასახელა საბავშვო ბაღისა და სოფლის ამბულატორიის რეაბილიტაცია, კოსტავას ქუჩაზე გზის სარეაბილიტაციო სამუშაოების დასრულება.
ცაიშში პრიოიტეტულია სოფლის ცენტრის მოწყობა, წყალმომარაგების საკითხის მოგვარება და საგარდაოს უბანში სანიაღვრე არხის რეაბილიტაცია.
წყალმომარაგების პროექტი უკვე არსებობს, რომელიც ლეპეტერეს წყლის ბაზაზეა შექმნილი და წყლის პრობლემას ცაცხვის, ცაიშისა და ურთას მოსახლეობას მოუგვარებს. სამუშაოები 2019 წელსაა დაგეგმილი.


ფოთის მუნიციპალიტეტში

ფოთის პოლიკლინიკაში მუნიციპალიტეტის მოსახლეობას უფასო სამედიცინო გამოკვლევები ჩაუტარდა. სამედიცინო აქციაში თანამედროვე სტანდარტების აპარატურით აღჭურვილი სხვადასხვა პროფილის ექიმთა ჯგუფი მონაწილეობდა, რომლის შემადგენლობაში იყვნენ ქირურგი, ანგიოლოგი, ტრავმატოლოგი, ალერგოლოგი, დერმატოლოგი, ნეფროლოგი და გასტროენტეროლოგი. კონსულტაციების შემდეგ პაციენტებს, საჭიროების შესაბამისად, ლაბორატორიული
და ულტრასონოსკოპიური გამოკვლევები ჩაუტარდათ.
სამედიცინო გამოკვლევების მიმდინარეობას გაეცნენ და მოსახლეობას შეხვდნენ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაც- ვის მინისტრი დავით სერგეენკო, საქართველოს პარლამენტის წევრი, ფოთის მაჟორიტარი დეპუტატი ირაკლი ხახუბია, ფოთის მუნიციპალიტეტის მერი გოჩა კურდღელია, მერის მოადგილეები კოტე თოფურია და მამუკა პაპასკირი.

მარტვილის მუნიციპალიტეტში

თამაკონის ადმინისტრაციულ  ერთეულში, მაცხოვრის ამაღლების სახელობის ტაძართან მისასვლელ გზაზე ასფალტ–ბეტონის საფარი საბოლოოდ 1160 მეტრზე დაიგება. პროექტით ასევე გათვალისწინებულია კიუვეტე- ბის, რკინაბეტონისა და ლითონის მილების მოწყობა. მიმდინარე სამუშაოები მარტვილის მუნიციპალიტეტის მერის პირველმა მოადგილემ დავით სურმავამ საკრებულოს თავმჯდომარის მოადგილესთან, ალექსანდრე ახვლედიანთან ერთად დაათვალიერა. პროექტის ღირებულება 192 518 ლარია, მას საქართველოს რეგიონებში განსახორციელებელი პრო- ექტების ფონდი და ადგილობრივი მუნიციპალიტეტი აფინანსებენ.

სიღნაღის მუნიციპალიტეტში

10 ნოემბერს ქალაქ სიღნაღში მეთერთმეტედ გაიმართა ტრადიციული სახალხო დღესასწაული „სიღნაღქალაქობა“. მუნიციპალიტეტის თითოეულმა სოფელმა წარმოადგინა ე.წ. გლეხური წესით დამზადებული ღვინო და ამ კუთხისთვის დამახასიათებელი სამზარეულო. ბარათაშვილის ქუჩაზე გამოფენილი იყო საქართველოს სხვადასხვა კუთხიდან მოწვეული ხალხური რეწვის ოსტატთა ნამუშევრები (ხალიჩა, ფარდაგი, თექა, ქვილთი, კერამიკა, გობელენი და სხვა
აქსესუარები). ქალაქის დღესასწაულს ადგი- ლობრივი თვითმმართველობის წარმომადგენლებთან ერთად მოწვეული სტუმრები ესწრებოდნენ.

სენაკის მუნიციპალიტეტში

საქართველოს ეკონომიკისა და მდგრადი განვითარების სამინისტროს შპს,, საქართველოს გაზის ტრანსპორტირების კომპანია“ საქართველოს მთავრობის განკარგულების საფუძველზე 2012 წლიდან ქვეყნის გაზიფიცირებისათვის საჭირო წინასაპროექტო და გაზმომარაგების ქსელის სამშენებლო სამუშაოებს ახორციელებს. ამ მხრივ სენაკის მუნიციპალიტეტის ადგილობრივ ხელისუფალთა ერთ-ერთი მთავარი პრიორიტეტი ქალაქის დარჩენილი ნაწილის და სოფლების გაზიფიცირება, გამართული და მდგრადი სისტემის შექმნა, ბუნებრივი გაზის შეუფერხებელი და უსაფრთხო მიწოდებაა.

სენაკის მუნიციპალიტეტის სოფლებში უკვე დაწყებულია წინასაპროექტო და გაზმომარაგების ქსელის სამშენებლო სამუშაოები. ეს სოფლებია: გოლასკური, ტყირი (თეკლათის ადმინისტრაციული ერთეული), სოფელი ბათარია (მენჯის ადმინისტრაციულიერთეული), კოტიანეთი, საჩიქობაო (ძველი სენაკის ადმინისტრაციული ერთეული), საბესელიო, საკილა-სონიო და საოდიშარიო (ნოსირის ადმინისტრაციული ერთეული). სამუშაოების მიმდინარეობას "საქართველოს გაზის ტრანსპორტირების კომპანიის“ წარმომადგენლებთან ერთად სენაკის მუნიციპალიტეტის მერი ლევან კუპრეიშვილი, მერის პირველი მოადგილე გრიგოლ ბაღათურია, მერის მოადგილე კახაბერ კუპრეიშვილი გაეცნენ. გაზიფიცირებისთვის საჭირო წინასაპროექტო და გაზმომარაგების ქსელის სამშენებლო სამუშაოებს საქართველოს მთავრობა სრულად აფინანსებს.

ჩხოროწყუს მუნიციპალიტეტში

ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა, სამეგრელო-ზემო სვანეთის გუბერნატორმა ალექსანდრე
მოწერელიამ და მუნიციპალიტეტის მერმა დათო გოგუამ, ადგილობრივი ხელისუფლების წარმომადგენლებთან ერთად, სოფელ ლესიჭინეში (ოჩხომურის უბანი), ახალი საავტომობილო ხიდი გახსნეს. ღონისძიებას ადგილობრივი მოსახლეობა დაესწრო, მათ მადლიერება გამოთქვეს ხელისუფლების მიმართ საგზაო ინფრასტრუქტურის მოწყობის გამო.
სოფელ ლესიჭინეში, მდინარე ოჩხომურზე, ხობი-საჯიჯაო-ლესი- ჭინე-სენაკის საავტომობილო გზის 25-ე კილომეტრზე აშენებული ახალი საავტომობილო ხიდის სიგრ- ძე – 170, ხოლო სიგანე 11 მეტრია. პროექტი საქართველოს საავტომობილო გზების დეპარტამენტმა 6 577 834 ლარით დააფინანსა.

ბოლნისის მუნიციპალიტეტში

ადგილობრივი ბიუჯეტის დაფინანსებით, წლის ბოლომდე ბოლნისში კიდევ ერთი ინფრასტრუქტურული პროექტი დასრულდება. ელექტრონულ ტენდერში
გამარჯვებული კომპანია ამ ეტპ- ზე ძველი, დაზიანებული ღობის დემონტაჟს ახორციელებს, რის შემდეგაც ახალი ღობის მშენებ- ლობა დაიწყება. გათვალისწინებულია აგრეთვე ელექტროსამონ- ტაჟო სამუშაოებიც. სამუშაოების მიმდინარეობას ბოლნისის მუნიციპალიტეტის მერი დავით შერაზადიშვილი და ბოლნისის მაჟორიტარი დეპუტატი გოგი მეშველიანი გაეცნენ. ადგილობრივი ბიუჯეტის დაფინანსებით ბოლნისის მუნიციპალიტეტის სტადიონებისა და სპორტული მოედნების მართვის სამსახურმა სპეციალური ტექნიკა შეისყიდა.

თამაზ სტეფანიას სახელობის ცენტრალურ სტდადიონზე, ფეხბურთის ფედერაციის დაფინანსებით, ახალი მინდვრის საფარია დაგებული. სტადიონებისა და სპორტული მოედნების მართვის სამსახურმა საფარის მოვლისა და შენარჩუნებისთვის აუცილებელი ტექნიკა შეიძინა.ბოლნისის ცენტრალურ სტადიონზე განხორციელებული სამუშაოები ბოლნისის მუნიციპალიტეტის მერმა დავით შერაზადიშვილმა და ბოლნისის მუნიციპალიტეტის მაჟორიტარმა დეპუტატმა გოგი მეშველიანმა დაათვალიერეს. დავით შერაზადიშვილი: "იმისათვის, რომ ბოლნისის "სიონმა" თამაშები საშინაო არენაზე გამართოს, თამაზ სტეფანიას სახელო- ბის ცენტრალურ სტადიონზე მთე- ლი რიგი ღონისძიებები გატარდა. ფეხბურთის ფედერაციის დაფინანსებით სტადიონზე მოეწყო მინ- დვრის ახალი საფარი, რომლის მოსავლელად სპეციალური ტექნიკის შეძენა გახდა საჭირო. ვიმე- დოვნებთ, 24 ნოემბერს ბოლნისის "სიონი" 33-ე ტურის მატჩს თბილისის ლოკომოტივთა ბოლნისის სტადიონზე გამართავს".

დმანისისა და წალკის მუნიციპალიტეტებში

"მაღალმთიან რეგიონებში სახელმწიფო საკუთრებაში არსებული სათიბ-საძოვრების რაციონალურად გამოყენების“ სახელმწიფო პროგრამის ფარგლებში დმანისის მუნიციპალიტეტის სოფელ განახლებაში, წალკის მუნიციპალიტეტში სოფელ ტბეთში და ახალქალაქის მუნიციპალიტეტის სოფელ კოთელიაში რძის გადამმუშავებელი კოოპერაციული საწარმოები აშენდება, რომლებიც 2019 წელს ამოქმედდება. საწარ- მოები აღიჭურვება სრული ციკლისთვის საჭირო დანადგარებით, როგორც ყველის დამზადებისთვის საჭირო აღჭურვილობით, ისე რძის ჩამოსხმის ტექნოლოგიური ხაზით. აქ შესაძლებელი იქნება აგრეთვე ქართული და ევროპული ტიპის ყველის წარმოება.

სახელმწიფო პროგრამაში ჩართულ თითოეულ მეპაიეს შესაძლებლობა ეძლევა სურსათის უვნებლობის თანამედროვე სტანდარტების დაცვით მოქმედ საწარ- მოში გადამუშავებული საბოლოო პროდუქტის რეალიზაციის შედეგად მიიღოს გაზრდილი შემოსავალი. პროგრამით დადგენილი კრიტერიუმებით, საწარმო 75-პროცენტიანი თანადაფინანსებით გადაეცემა მეორე დონის იმ კოოპერატივს, რომელშიც გაერთიანებული სამი სასოფლო-სამეურნეო კოოპერატივიდან
თითოეულს ჰყავს არანაკლებ 200 ფური. 25 პროცენტის გადახდას კოოპერატივი 8 წლის განმავლობაში უზრუნველყოფს.

მარნეულის მუნიციპალიტეტში

სოფელ სადახლოში გრძელდება სასმელი წყლის სისტემის მოწყობისა და შიდა ქსელის რეაბილიტაციის სამუშაოები. დაგეგმილია წყალსადენის ახალი ქსელების მოწყობა (სიგრძე დაახლოებით 29 კმ), ასევე მრიცხველებისა და სახანძრო ჰიდრანტების მონტაჟი, ახალი რეზერვუარის მოწყობა და არსებულ სატუმბ სადგურში დამატებითი ტუმბოს დამონტაჟება. პროექტის დასრულების შემ- დეგ მოსახლეობა შეუფერხებლად მომარაგდება სასმელი წყალით.
პროექტი მიმდინარეობს რეგი- ონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით, რომლის სახელშკრულებ- ლო ღირებულებაა 1 305 935 ლარი. ინფრასტრუქტურული პროექტი   სხვადასხვა ადმინისტრაციულ ერთეულში: სოფელ მარეთში დაწყებულია კორპუსებთან მისასვლელი გზისა და ეზოს მოასფალტების მოსამზადებელი სამუშაოები. დაიგება 6000 კვ.მ ასფალტბეტონის საფარი, რისთვისაც ადგილობრივ ბიუჯეტმა 173 115 ლარი გამოყო. სოფელ წერეთელში მიმდინარეობს ხელოვნურსაფრიანი კომბინირებული მინისაფეხბურთო მოედნის მოწყობა, რომლის სახელშეკრულებო  თანხა 73 370 ლარია.



მეტის ნახვა
14-11-2018, 14:55


(დასასრული. დასაწყისი იხ. "სგ" N39)

საქმეზე დაკითხული არაერთი მოწმის ჩვენებით და მოპოვებული წერილობითი მტკიცებულებებით დადასტურდა, რომ მკვლელობის მოსამზადებლად მუდმივად კონტროლდებოდა ბადრი პატარკაციშვილის გადაადგილების მარშრუტი, მათ შორის აეროპორტის ის გასასვლელები, რომლითაც იგი სარგებლობდა.ამასთან, გარდა იმისა, რომ რ.შ. სისტემატურად აგროვებდა დაცვის წევრების შესახებ მონაცემებს, ასევე, კუდ-ის თანამშრომლები, მათ მიერვე დაკავებულ პატარკაციშვილის დაცვის რამდენიმე წევრს, მკვლელობის მომზადებისთვის საჭირო პირობების შექმნის სანაცვლოდ, მათ მიმართ დაწყებული დევნის ნაწილში სხვადასხვა სახის შეღავათებს სთავაზობდნენ. „ამ ეტაპზე საქმეზე გრძელდება გამოძიება დანაშაულის ჩადენაში მონაწილე სხვა პირთა დადგენა მხილების მიზნით“, — ნათქვამია პროკურატურის განცხადებაში. ანუ რა გამოდის „გაბაზრებული“დანაშაულის მომზადება დაუწყია „კუდს“ და „დაუგვირგვინებია „სოდს“. რომელი დანაყოფიც უფრო ცივსისხლიანი მკვლელებით იყო დაკომპლექტებული საზოგადოებამ გადაწყვიტოს, მაგრამ შსს ში მკვლელობა ჩვეულებრივი ამბავი, რომ იყო ფაქტია. ქუჩაში ჩახოცილი უდანაშაულო ბიჭების გარდა აფრასიძეების ოჯახის განადგურება, ვითომ ამბოხის გამო გია კრიალაშვილის დახვრეტა და უამრავი სისხლიანი ოპერაცია რომელშიც არამარტო შსს, ნაცლიდერებიც მონაწილეობდნენ და სისხლში ბანაობდნენ. ხოლო „სოდის შეფის- ტურფა“ნანული ჟორჟოლიანი მყისვე „მოვლენების ცენტრში“ ჩნდებოდა და მდედრი ვამპირი სიამოვნებით ტკვარცალებდა კამერების წინ. სწორედ თათბირზე დაავალა მერაბიშვილმა კოდუას პარლამენტის წევრ გელაშვილს ფიზიკურად გასწორებოდა და „ჭკუა ესწავლებია“დავალება ვანოს მიშამ მისცა… უტიფარმა მკვლელმა, გარეწარმა, „ბულავკა“ ირაკლი კოდუამ რამოდენიმე წლის წინ „რუსთავი 2“-თან ინტერვიუში განაცხადა, რომ ბადრი პატარკაციშვილმა მას გოგა ხაინდრავას მკვლელობა დაუკვეთა. თავის „სიბინძურის“ სხვაზე გადაბრალება ნაცხროვის სავიზიტო ბარათი იყო და დარჩა. რასაკვირველია აღნიშნულმა განცხადებამ საზოგადოების დიდი ნაწილი გააღიზიანა, გარდაცვლილი ბიზნესმენის დედამ განაცხადა- „შოკში ვარ, მაგრამ ლაურა ღაჭავა უნდა იყოს შოკში, მაგან რომ ეგეთი შვილი გაზარდა…

“სოდ-ის ყოფილი უფროსის, ირაკლი კოდუას დედა ნათელა პატარკაციშვილის განცხადებას გამოეხმაურა. რადგან, მაშინ ძალიან დააიმედეს, რომ მის ბინძურ შვილს „გაათეთრებდნენ“-„მე არ ვარ შოკში და ცუდი შვილი არ გამიზრდია. ყველამ თავის თავში ჩაიხედოს, რა. ღმერთო, ნათელში ამყოფე პატარკაციშვილი, მე რაც არ მეხება, იმის უფლება არ მაქვს, ყველამ მისი წარსული და ჩვენი წარსული გაიხსენოს, სხვას არაფერს ვიტყვი. დასაძრახი არაფერი მაქვს. ყველამ იცოდეს, ჩემმა შვილმა სამშობლო დაიცვა ტერორისგან, ბადრი პატარკაციშვილი საიდან მოდის და რა ფულით, ამაზე შიძლება ხალხი არ ლაპარაკობს, მაგრამ ყველამ ყველაფერი იცის. მე ცუდი შვილი არ გამიზრდია, ყველამ თავის თავში ჩაიხედოს, არ შეიძლება ასე ლაპარაკი,“ — აღნიშნა ლაურამ. არადა ოთხმოცდაათიანი წლებიდან მოყოლებული ჯერ-ნორფინების გაყიდვით, შემდეგ გასანადგურებელი ჰეროინით, მამაშობით, ბორდელებით გამდიდრდა. ფულის გამო ყველაფერზე წამსვლელი, ყველა სიბინძურეზე ხელის მომწერი ღაჭავა, რომ ვინმეს წარსულს შეახსენებს მინიმუმ უხერხულია. სხვათაშორის სანდო წყაროს ცნობით სანამ „ბულავკა“კოდუა მკვლელობის საქმეში ჩაერთვებოდა „ვერხუშკასთან“დაძაბული ურთიერთობა ჰქონდა და მართლაც აპირებდა განდგომას. თუმცა მან, ვინც „კრიშავდა“სულზე მიუსწრო და საქმე ისე „გამოუიმასქნა“, რომ „ვირთხების გმირადაც“აქცია რასაკვირველია მოპოვებული ინფორმაციებიც „ჩაახუტეს“ის ვინც ლონდონში ოფიციალურად ახლდა (დავით ჟვანია) კაიფში საეჭვოდ გაიპარა, მაგრამ არაოფიციალურად ნანუკიეც ახლდა და ჯერ ცოცხალია ვინ იცის როდის რა შემოაკლდება და „როდის ამეიღებს ხმას“…

ოთხი წლის წინ გაზეთში, რომელიც მაშინ „ოპოზიციურად“ მოინათლა და ეხლა სააკაშვილს თავის „ბანდასთან“ერთად ხოტბას ასხავს,(მათ შორის კოდუა ღაჭავასაც)იმერეთის ყოფილი გუბერნატორის თეიმურაზ შაშიაშვილის არაერთი საინტერესო ინტერვიუ დაიბეჭდა –გთავაზობთ ამონარიდს: `მე ახლა ორ ფაქტს გეტყვით და მეტის თქმა არ შემიძლია. პირველი: ონიანს მე იმერეთში არ ვუშვებდი, მასაც ყოველთვის ეშინოდა ამ მხარეში ჩამოსვლა. ონიანზე ყოველთვის ვამბობდი ერთ რამეს. როდესაც გაეროს დამკვირვებლები გაიტაცეს, მასში მონაწილეობდა ონიანი, ხოლო „მოქკავშირის“ ხელმძღვანელი იყო სააკაშვილი. მხოლოდ მე ვიყავი ერთადერთი პიროვნება, რომელიც ვამბობდი მაშინ, რომ კანონიერ ქურდს, ონიანს კავშირი ჰქონდა ამ გატაცებასთან. მეტიც, როცა ონიანმა გაეროს დამკვირვებლები გაათავისუფლა, „ვეჩეს“ ტელეფონზე დაურეკა შევარდნაძეს და სხვა პოლიტიკოსებსაც ესაუბრა, მოახსენა ეს ფაქტი, მომდევნო დღეს, სააკაშვილმა განაცხადა ამაყად, გაეროს წარმომადგენლები თავისუფლები არიანო! იქნებოდნენ, აბა რა?! გამტაცებელიც ონიანი იყო და გამანთავისუფლებელიც,.. ახლა რაც შეეხება ონიანის თემას: როდესაც მე ასეთი განცხადებები მაქვს გაკეთებული, „ვარდების რევოლუციის“ შემდეგ ორი პიროვნება ჩამოდის საქართველოში — ერთ დღეს ბერეზოვსკი, მეორე დღეს ონიანი. თქვენ როგორ ფიქრობთ, სააკაშვილის გარეშე მოხდებოდა „ვარდების რევოლუციიდან“ სამ დღეში ონიანისა და ბერეზოვსკის ჩამოსვლა?!… პატარკაციშვილმა კარგად იცოდა ონიანისადმი ჩემი მძიმე დამოკიდებულება. არა მარტო ონიანისადმი, მთელი ქურდული სამყაროსადმი, –მოგვიანებით ბადრის ვკითხე- როგორ ჩამოიყვანეთ ურეკში, როცა მე არ ვატარებდი ონიანს-მეთქი?! არადა მაშინ პოლიციამაც მიმუხთლა, ქუთაისში, ჭომაში დარჩენის საშუალება მისცეს და მერე უკვე კოდორის ხეობაში კვიციანი მიაცილებდა, დეპუტატი ვარ და ჩემი სტუმარიაო, ეს ყველაფერი მერე გავიგე, როცა ქუთაისი დატოვა და პატარკაციშვილამდე ჩავიდა ურეკში. მაშინ ასე ამიხსნა ბადრიმ — რომ მითხრეს, მოვიდაო, არ ვიცნობდი და მივიღეო. კონკრეტულ თემაზე, მოუწიათ შეხვედრა, რაზეც მე არ მინდა საუბარი…“კარგად მახსოვს ონიანის აღნიშნული „სტუმრობა“ქუთაისში. ჭომაში ქურდებთან ერთად მთელი ღამე ქეიფობდნენ და შემდეგ დიდხანს იცლებოდა ავტომატის მჭიდები. პოლიცია კი უძლური იყო. რადგან პირადად მიხეილი დახვდა მას თბილისის აეროპორტში და „რეფორმატორების მამამ“ ბოლომდე „გაუმწვანა“გუბერნატორის და პოლიციელების ნერვებზე თამაში. ონიანი, ურეკშიც სწორედ მიხეილის დავალებით წავიდა…

მართალია სააკაშვილმა „გამოყენებული“კრიმინალების დიდ ნაწილს „უგანა“, მაგრამ მანამდე ბევრი ბინძური საქმე აკეთა მათი ხელით~…
ის, რომ პატარკაციშვილის ლიკვიდაციის საქმეში ბერეზოვსკიც ურევია ფაქტია, სააკაშვილთან მისი ტკბილი და მურაბა ურთიერთობა მალე გამოაშკარავდა და შემდეგ „ძმურად“იყოფდნენ პატარკაციშვილის ქვრივის ქონებას. მართალია ბადრის სიცოცხლეშივე დაიწყო მიხეილმა მისი აქტივების შევიწროვება და ჩუმად თუ აშკარად შეხრამუნება, მაგრამ მისი გარდაცვალების შემდგომ ფრთები გაშალა. აღარც ბერეზოვსკია ცოცხალი, დანაშაულს ვინ ამზადებდა პროკურატურამ გამოააშკარავა, დამკვეთი ცნობილია, რომ მიშაა, მაგრამ „მავანი“მიცემს საშუალებას, რომ შემსრულებლებამდე მივიდეს?რაღაც არ მგონია. თან როგორც მახსოვს მკვდრები არ ლაპარაკობენ, იქნებ, გასული საუკუნის დასაწყისში კრემლის სარდაფში მდებარე ლაბორატორიაში მიღებული შხამი რომელიც კვალს არ ტოვებს და დღეს ბევრად გაუმჯობესებული სახითაა წარმოდგენილი დააგემოვნებიონ ცოცხლად დარჩენილ ამსრულებელს?

ჰო, მკვდრები არ ლაპარაკობენ, მაგრამ ნაცხროვის ნაწილს ძალიან უჭირს ამდენი ცოდვების ზიდვა, შიშით ცხოვრება…“შიფერდაცურებული“ ლიდერების ნაწილი კი ურცხვად ცდილობს საზოგადოებასთან სისხლიან წარსულზე თავი იმართლონ და ვირთხებივით ყველა გზა მოსინჯონ ხელისუფლებაში დასაბრუნებლად. მკვლელთა ბრიგადების დაამაარსებელმა სააკაშვილმა წესიერი ადამიანებიც იძულებით ქილერებად აქცია. ამისთანა ბოროტი მტერი არ ახსოვს საქართველოს ისტორიას…

არავინ იცის იქნება თუ არა ბადრი პატარკაციშვილის საქმე „კინორეჟისორ“ ნიკა გვარამიას და მისი „ძმების“ სასაფლაო, არავინ იცის როგორ მოხერხდება სააკაშვილისათვის ბრალის წაყენება, არავინ იცის პროკურატურა გამოარკვევს თუ არა გიორგი თარგამაძის როლს, რაღაც ეტაპზე, რაღაც კუთხით, მაგრამ ფაქტია — პატარკაციშვილი მოკლულია, ის, რაც ისედაც ვიცოდით, ამ ეტაპზე დადასტურებულია!

ქეთევან ზარნაძე

მეტის ნახვა
14-11-2018, 09:30


ასმათ ჯავახიშვილი (თბილისის 51-ე სკოლის პედაგოგი): ნამდვილად არ ველოდი ნაციონალების ცხრაწლიან რეჟიმგამოვლილ ქვეყანაში არჩევნებზე ასეთ შედეგს თუ მივიღებდით. ხალხმა იმდენი სიბინძურე, სისასტიკე გამოიარა, რომ არ მეგონა სახლში თუ დასხდებოდნენ, არჩევნებში მონაწილეობას არ მიიღებდნენ და არ დაუდგებოდნენ ერს გვერდით. ნაციონალებმა რამდენიმე ჩემი ნამოწაფარი დაიჭირეს, ერთ-ერთი იყო შოთა იამანიძე (ცნობილი ფეხბურთელის შოთა იამანიძის შვილიშვილი), რომელიც სიგარეტსაც კი არ ეწეოდა და ვითომ ნარკოტიკი აღმოუჩინეს. ის მხოლოდ "ქართული ოცნების" ხელისუფლებაში მოსვლის შემდეგ გამოუშვეს ციხიდან. ჩემი მეგობრის ოჯახს ბიზნესი წაართვეს, 12 წელია ეტლსაა მიჯაჭვული ეს კაცი, მისი შვილი ორჯერ დაიჭირეს, ეს ახალგაზრდა კაცი ტუბერკულოზის მძიმე ფორმით დაავადებული გამოვიდა ციხიდან. ოჯახს მისი მკურნალობის საშუალება არ ჰქონდა, კვდებოდა, მეგობრებმა წაიყვანეს საფრანგეთში და იქ გადიოდა ხანგრძლივ მკურნალობას. ისე გაპარტახდა ოჯახი, რომ საარსებო წყარო აღარ აქვთ. ამისთანა ათასობით ოჯახია. როგორ შეიძლება თუნდაც ის 300.000 პრობაციონერი, რომელმაც ციხეში ტანჯვა-წამება გამოიარა, არჩევნებზე არ მივიდეს, აღარაფერს ვამბობ მათ ოჯახის წევრებზე, ნათესავებსა და ახლობლებზე. ეტყობა ერი ისეთ დეპრესიაშია, რომ განსაზღვრის უნარი წაგვერთვა. ახლა თუ არ გამოფხიზლდებიან, უარესი დაგვემართება, ნაციონალები თუ დაბრუნდნენ, 37 წელი მოგონილი იქნება. ამიტომ მათი დანდობა არ შეიძლება, მათი მხარდაჭერა არის დანაშაული მარტო საკუთარი ოჯახის კი არა, სახელმწიფოს წინაშე.

ლონდა ჯიქია (ტელეჟურნალისტი): გულისამრევი საყურებელი იყო ეს "სამეული", ღრიღორი (მას სხვა სახელს ვერ ვუწოდებ) ვაშაძე, ნიკა რურუა და მეორე ვაშაძე პატრიარქთან როცა მიდიოდნენ. მათ დანახვამ გამახსენა გიგი უგულავა და სოსო თოფურიძე "ზეობის ხანაში" როგორ სტუმრობდნენ საპატრიარქოს. როგორც ახლობლებმა მითხრეს, უგულავა ფეხის კვრით აღებდა პატრიარქის ოთახის კარს, თოფურიძე თურმე მეორე სართულზე არ ადიოდა, ქვემოდან აყურადებდა. ვაშაძეებმა და რურუამ ვერ გაბედეს კარის ფეხით შენგრევა, ეტყობა არც გადაუღიათ პატრიარქთან შეხვედრა, გამოსვლისას ვერც კარი ვერ გამოიჯახუნეს, მაგრამ იქვე ჭიშკართან ჩამომდგრებმა გვამცნეს, რომ თურმე პატრიარქმა აკურთხა როგორ უნდა დაანგრიონ ეს "პირსისხლიანი რეჟიმი". მოკლე ხანში საპატრიარქოს წარმომადგენელმა გააკეთა განცხადება, რომ პატრიარქს ასეთი რამ საერთოდ არ უთქვამს და პირიქით, სიმშვიდისკენ და ერთმანეთთან კორექტული საუბრისკენ მოუწოდა. ნაციონალები საპატრიარქოს კართან იტყუებიან და ამათგან კარგს რას უნდა მოველოდეთ. 

დავით იაკობიძე (ყოფილი ფინანსთა მინისტრი): პირველ ტურის შედეგები არ გამკვირვებია, რადგან ამომრჩეველმა ინერციით მისცა ხმა. იმდენი კანდიდატურა იყო, ისეთი დაულაგებელი იყო საარჩევნო პროცესები, თავიდანვე ჩხუბში იყო გადაზრდილი, რომ ხალხი დაიბნა. ახლა უკვე ყველა დაფიქრდება და სწორ გადაწყვეტილებას მიიღებს, ჩემი აზრით, მეორე ტურში სალომე ზურაბიშვილი ხმების 60%-ზე მეტს მიიღებს.

გეგე სულხანიშვილი: მოგეხსენებათ, წარმოშობით თელავიდან ვარ, ძალიან გამიკვირდა და მეწყინა სალომე ზურაბიშვილმა იქ არჩევნები რომ წააგო. ჩვენ, ანუ "ქართულ ოცნებას" არსად არ უნდა წაგვეგო არჩევნები, მით უმეტეს კახეთში. გეხსომებათ, როგორ დაუდგა გვერდით კახელებს ბიძინა ივანიშვილი და მისი პარტია. არ ვიცი, ეს ხალხი როგორ მალე ივიწყებს სიკეთესაც და ცუდსაც. აქ იმიტომ შევიკრიბეთ, რომ არ დავუშვებთ ნაცმოძრაობის ხელისუფლებაში მობრუნებას, მიუხედავად იმისა, რომ ბევრი ნაწყენია "ქართულ ოცნებაზე", რადგან მათ შეცდომები დაუშვეს. ეს აქცია არის გამაფრთხილებელი, გამოფხიზლდეს ხელისუფლებაც და ხალხიც, მეც ბევრ კარგს ველოდი ხელისუფლებისგან, მაგრამ არ გაკეთდა, თუმცა ეს არ ნიშნავს, რომ იმედგაცრუებულმა და გაბრაზებულმა ნაციონალებს მივცე ხმა, არავითარ შემთხვევაში. მირჩევნია ისევ "ქართული ოცნება" იყოს ხელისუფლებაში, ესენი მოვიყვანო გონზე, რაც შესაძლებელია, ნაცების გონზე მოყვანა კი გამორიცხულია. 

ნანული სარაჯიშვილი, მსახიობი: გაოგნებული ვარ, როგორ მიიღო, ფაქტობრივად, "ნაცმოძრაობამ" ამდენი ხმა. ჩემი აზრით, ამის მიზეზი ისევ ჩვენი, ხალხის გულარხეინობაა. ამიტომაც მივიღეთ ის შედეგი, რაც გვაქვს. საერთოდაც, როგორ შეიძლება ქვეყნის სათავეში მობრუნდნენ საკუთარი ხალხის მკვლელები, გამაუპატიურებლები. იმედია, მოსახლეობა გაითვალისწინებს ყოველივეს და არჩევნების მეორე ტურში გააქტიურდება.

გიორგი ოთხმეზური, ისტორიკოსი: არაფრით არ შეიძლება ჯალათი, სადისტი ხალხის ხელისუფლებაში ხელახლა მოსვლა. დღევანდელ ხელისუფლებაზე ხალხი განაწყენებულია არა უსაფუძვლოდ. ამიტომაც ბევრი არ მივიდა არჩევნებზე. დარწმუნებული ვარ, ისინი, ვინც არ მივიდნენ, გააანალიზებენ, დაინახავენ, რა საფრთხე ელოდება ქვეყანას ნაცების სათავეში მოსვლით, მაქსიმალურად გააქტიურდებიან, მივლენ მეორე ტურში არჩევნებზე და არ მოუშვებენ პირსისხლიან მიშას და კაგებეშინკ ვაშაძეს.

მანანა უგულავა, საქართველოს მენეჯერთა სკოლის დამფუძნებელი: დარწმუნებული ვარ, საპრეზიდენტო არჩევნებში "ქართული ოცნების" მიერ მხარდაჭერილი კანდიდატი, ქალბატონი სალომე ზურაბიშვილი გაიმარჯვებს. პირველ ტურში საზოგადოება პასიური იყო. ამჯერად მოსახლეობა გააქტიურდება, ბევრი წავა ხმის მისაცემად. სწორედ ეს იქნება ქვეყნის სიყვარული აირჩიო და სათავეში მოიყვანო ღირსეული პიროვნება. მართლაც ძალიან კარგი ქვეყანა გვაქვს, რომელსაც გაფრთხილებ, უფრო მეტი სიყვარული სჭირდება. ვხედავთ, ახლა განვითარების გზაზე დგას და ხელის შეშლა არ შეიძლება, ამის უფლება არავის აქვს.

გია სულავა, თბილისის მკვიდრი: არავითარ შემთხვევაში არ შეიძლება სისხლის მსმელების და სისხლის მღვრელების სათავეში მოსვლა! ნაცების რეჟიმის დროს მაიძულეს, ქვეყნიდან წავსულიყავი, თავი გადამერჩინა. მხოლოდ მე არ ვიყავი ასეთ მდგომარეობაში, ჩემს დღეში ათასობით ადამიანი იყო. 2012 წლის არჩევნების შემდეგ დავბრუნდი ასამშობლოში, მაგრამ ახლაც უყურადღებოდ ვარ. არჩევნებზე პასიურობით ხალხმა უპასუხა ხელისუფლებას მათდამი გულგრილობაზე. მართალია, დღევანდელი ხელისუფლებით ბევრი უკმაყოფილო და გაბრაზებულია, მაგრამ ახლა გაბუტვის დრო არ არის, ყველანაირი შანსი უნდა გამოვიყენოთ და სასიკეთოდ შევცვალოთ ვითარება საქართველოში. რაც მთავარია, არ დავუშვათ ნაცების რეანიმაცია.

მანანა სალუქვაძე, ფინანსური მენეჯერი: დღევანდელმა ხელისუფლებამ უამრავი შეცდომა დაუშვა სათავეში მოსვლისთანავე. ერთ-ერთი მთავარი კოჰაბიტაცია იყო. იმასაც გეტყვით, რომ ბევრი უგუნური აღმოჩნდა სხვადასხვა თანამდებობაზე. ჭკვიანი, პროფესიონალი ხალხი გვერდზე არ დაიყენეს. ახლა უხდებათ შეცდომების გამოსწორება. მთავარია, ნაცების მოცილება, რის შემდეგაც უნდა დავიწყოთ ქვეყნის განვითარებაზე ფიქრი.

გრიგოლ გაგნიძე, ადვოკატი: მეორე ტური მოსალოდნელი იყო. საარჩევნო კამპანია "ქართულმა ოცნებამ" გვიან დაიწყო, ნაკლებად აქტიურობდნენ. ამასთან, ხელისუფლებამ კომუნიკაცია დაკარგა ხალხთან. არჩევნებზე პასიურობით ამომრჩევლის მხრიდან ერთგვარი გაფრთხილება იყო მმართველი ძალისთვის. თუ საზოგადოებას ყურადღებით არ მოეკიდებიან, ადვილი შესაძლებელია, 2020 წლის საპარლამენტო არჩევნებში დამარცხდნენ კიდეც. აუცილებლად უნდა გააქტიურდნენ მთავრობის, პარლამენტის წევრები, გავიდნენ ხალხში. მოსახლეობასთან კომუნიკაცია საკრებულოს წევრებისთვისაც არის სავალდებულო. ნაცრეჟიმთან შედარებით ახლა დამოკრეტიის ხარისხი ამაღლდა, მაგრამ საკმარისი არ არის ხალხისთვის. მათი აზრი უნდა გაითვალისწინოს ხელისუფლებამ. მეორე ტურში დარწმუნებული ვარ სალომე ზურაბიშვილის გამარჯვებაში.

ლექსო ბაშარული, მოქალაქე: ნაცები მიშას ხელმძღვანელობით ქვეყნის სათავეში ცხრა წელი იყვნენ და რაც გააკეთეს, ვნახეთ. ხელისუფლებაში მათი ხელახლა მოსვლა როგორ შეიძლება. ახლა ხალხმა უნდა გამოიჩიჩქნოს ყურები, არ უნდა იზარმაცონ და მივიდნენ არჩევნებზე. პასიურობით ქალბატონმა სალომემ უამრავი ხმა დაკარგა. ახლა მსგავსი აღარ უნდა დავუშვათ და ვიაქტიუროთ.

დათო ფაცაცია, პოლიტიკოსი: საპრეზიდენტო არჩევნების მეორე ტური მოსახლეობის პასიურობის გამო გახდა საჭირო. მართალია, ბევრი გახმაურებელი საქმე გამოუძიებელია, სამართლიანობა სრულიად არ აღმდგარა, მაგრამ ამის გამო არ შეიძლება უკან, ბნელეთში დაბრუნება. მჯერა, მეორე ტურში ქალბატონი სალომე გაიმარჯვებს. არაფრით არ უნდა დავუშვათ საქართველოში ფაშიზმის მობრუნება.

მეტის ნახვა
12-11-2018, 19:00


4 ნოემბერს ვერის ბაღში ნაცმოძრაობის წინააღმდეგ გამართული აქცია, რომელიც სოციალური ქსელით დაიგეგმა, საკმაოდ მრავალრიცხოვანი იყო. აქციაში მონაწილეობა მიიღეს როგორც საზოგადოებისთვის ცნობილმა ადამიანებმა, ასევე, რიგითმა მოქალაქეებმა.

გოგა ხაინდრავა (კინორეჟისორი): არჩევნებზე ასეთ შედეგს ნამდვილად არ ველოდი, იმიტომ, რომ ეს არის დიდი სირცხვილი ქართული საზოგადოებისთვის. მე ვერასოდეს წარმოვიდგენდი, რომ საქართველოს 600.000 მოქალაქე ნაცმოძრაობის ხელისუფლებაში მობრუნებას დაუჭერდა მხარს, ხმას მისცემდა ძალადობას, ცილისწამებას, სიცრუეს, საპატიმროებში არსებულ იმ უბედურებას, რომლის გამეორებაც ძალიან მიჭირს და მრცხვენია. მოსახლეობის ამ ნაწილისთვის ეს თუ მისაღებია, მე არ ვიცი როგორ აპირებენ საკუთარი შვილებისთვის თვალებში ჩახედვას. საბედნიეროდ, ისინი არ წარმოადგენენ საქართველოს მოსახლეობის უმრავლესობას, ქართველი ხალხი ვერასოდეს შეეგუება ძალადობას, სიცრუესა და სიყალბეს, რასაც ძალიან მარტივად დავადასტურებთ უახლოეს დღეებში საარჩევნო ყუთებთან. ჩვენ ნაცმოძრაობის წინააღმდეგ ძალადობისთვის არასდროს მიგვიმართავს და არც ახლა ვაპირებთ, იქნება ქართველი ხალხის მტკიცე ნების მშვიდობიანი ფორმით გამოხატვა, რათა ეს დანაშაულებრივი ორგანიზაცია ერთხელ და სამუდამოდ ჩაბარდეს წარსულს. სამწუხაროდ, პირველ ცდაზე ეს არ განხორციელებულა იმ მასშტაბით, რომ ყველაფერს თავისი სახელი დარქმეოდა. ნაციონალური მოძრაობა არის კრიმინალური სექტა, რომელიც წამლავს საზოგადოებას. ამიტომ ნაციონალები პარლამენტში კი არ უნდა ისხდნენ, მაგალითად, ბოკერია, რომელიც მათი იდეოლოგი და მამოძრავებელი ძალაა, არამედ განსასჯელის სკამზე. ახლა ეს ვაშაძე გამოგვიგზავნეს რუსეთის უშიშროების სამსახურიდან, რიგითმა სააკაშვილმა ნაწილობრივ შეასრულა მათი დავალება, ქართული მიწების მხოლოდ 20% გადასცა რუსებს, ამიტომ ოფიცერი ვაშაძე გამოგვიგზავნეს, ხოლო გენერალი ალასანია მოსკოვში ზის, მაგრამ განწირულია მათი მცდელობები. საქართველოს მიმართულება განსაზღვრულია, ეს არის ევროპა, ცივილიზებული სამყარო, სახლი, რომელსაც განათლებულ ერებთან ერთად საუკუნეების განმავლობაში ვაშენებდით. ნაციონალები ყველაფრის მკადრებლები არიან. გრიგოლეტო ვაშაძემ საპატრიარქოსა და პატრიარქის ნათქვამი "გააყალბა" და პენსიონერები რომ მოეტყუებინა, ამაში გასაკვირი არაფერია. ეს არის რუსეთის უშიშროების სამსახურიდან გამოგზავნილი სიცრუეზე აგებული ტექნოლოგია. მე ორი თვის წინ ვამბობდი, რომ ნაციონალების ამ კამპანიის იდეოლოგი შკლიაროვი იყო ჩამოსული თავისი ათი დამქაშით და ცდილობდნენ რუსეთიდან მიღებული დავალების შესრულებას. სააკაშვილისა და ვაშაძის ამოცანაა, ქვეყანაში დესტაბილიზაცია გამოიწვიონ, რომ საქართველოს ნატოსა და ევროკავშირისკენ სვლა შეჩერდეს, მაგრამ ახლა სხვა დროა. ნაციონალები და მათი "პატრონები" ასე ვთქვათ, კალენდართან არიან წინააღმდეგობაში, ვერ ხვდებიან რომელი საუკუნეა, სად არის საქართველო და თვითონ სად არიან, ასე რომ, განწირულია მათი მცდელობები. სიმართლე გითხრათ, კარგია არჩევნებზე ეს შედეგი რომ დაიდო, ცივი შხაპი ყველას უხდება.

ზაზა სიამაშვილი (პროფესორი):
საპრეზიდენტო არჩევნების შედეგი ჩემთვის მოულოდნელი არ ყოფილა. ხალხი დააბნიეს, "ქართულ ოცნებას" თავისი კანდიდატურა უნდა წარმოედგინა, ყველა ნორმალურ ქვეყანაში ასე ხდება. გარდა ამისა, ხალხი გამწარებულია, გაოგნებულია იმ პროვოკაციით, შანტაჟითა და საბოტაჟით, რასაც მსხვილი ბიზნესმენები ეწევიან, თითქმის ყოველ საათში ვხედავთ, როგორ უფასურდება ლარი და იზრდება ფასები, რასაც მმართველი პარტია არ თუ ვერ აკონტროლებს. პარლამენტში "ქართული ოცნების~" ახალგაზრდული ფლანგი (მათი გვარსახელების დაფიქსირებისგან თავს შევიკავებ) ფაქტობრივად ნაციონალური მოძრაობის რაღაც განაყოფია "ევროპული საქართველოს" მგავსად. მიუხედავად ამისა, მაინც არ ველოდი, რომ ხალხი ასე მასიურად დაუჭერდა მხარს ამ საზიზღარ ძალას, რასაც ნაცმოძრაობა ჰქვია, თუმცა წაეხმარნენ ხელისუფლებიდანაც. ძალიან გთხოვთ, რასაც ახლა გეტყვით, ეს არ ამოიღოთ, საკუთარი თვალით ვუყურებდი ბათუმსა თუ სხვა ქალაქებში რაც ხდებოდა, ძალიან ბევრი ქალაქის მერმა პირდაპირ მიართვა ეს შედეგი ნაციონალებსა და "ევროპულ საქართველოს". ამიტომ ნუ გვიკვირს დამდგარი შედეგი, ზუსტად ვიცი, რომ ეს მწარე გაკვეთილი საჭირო იყო ჩვენთვის, დღეს რა მუხტიცაა, კიდევ უფრო გაიზრდება. ალბათ ეს "შეტორტმანება" პოლიტიკაში საჭიროა, რომ ნაციონალები საბოლოოდ გავისტუმროთ, არამარტო პარტია, არამედ ლამის ოჯახებიანად, იმიტომ, რომ არ გათეთრდება ყორანი. 

გიორგი აბდალაძე (ნაციონალების მიერ რეპრესირებული ფოტორეპორტიორი): შეიძლება განაწყენებული ვართ მთავრობაზე და არც მისი საპრეზიდენტო კანდიდატი მოგვწონს, მაგრამ ვალდებული ვართ ნაცჯალათებს დავუპირისპირდეთ, სააკაშვილს ვუთხრათ უარი. მე თუ განაწყენებული ვარ "ქართულ ოცნებაზე", წელიწადნახევარშია საპარლამენტო არჩევნები და იქ გამოვხატავ ჩემს პოზიციას. საპრეზიდენტო არჩევნები იმით არის მნიშვნელოვანი, რომ ვაშაძე აპირებს ყველა ნაცჯალათის შეწყალებას, ბანდა ისევ უნდა შეიკრიბოს და მერე დაიწყებენ ერთიანად შეტევას. სანამ დაქუცმაცებულები არიან, კიდევ არის დრო, რომ ქვეყანაში ყველაფერი დავალაგოთ, თორემ ნაციონალებმა თუ ჩაიგდეს ხელში ძალაუფლებას, ამ ქვეყნის საქმე ერთხელ და სამუდამოდ იქნება დამთავრებული.

ლევან ჩიტაძე (ნაცრეჟიმის მიერ რეპრესირებული უფლებადამცველი): ხალხმა "სათანადო" ადგილი მიუჩინა ნიანგებს, ვგულისხმობ "ნაცზონდერკამანდას", რომლებსაც წლების განმავლობაში ვებრძოდით, არაერთი ფაქტი გაგვიხმაურებია როგორ აწამებდნენ და ჩაგრავდნენ ადამიანებს. დღეს ეს "ნიანგები" ცდილობენ დაბრუნდნენ ხელისუფლებაში და დაიკავონ მაღალი თანამდობები. მათ წინა საარჩევნო პერიოდშივე დაიწყეს პოლიტიკური ნიშნითა და კუთხურობით ადამიანების დიკრიმინაცია, რაც არის დაუშვებელი. ესენი თუ ხელისუფლებაში დაბრუნდნენ, იგივე განმეორდება, რაც ნაცრეჟიმის დროს ხდებოდა. ფაქტია, ნაციონალებს ყავთ მხარდამჭერები, მაგრამ ყველაზე სამწუხარო ისაა, რომ საზოგადოება, რომელმაც თავის დროზე არა უთხრა ნაციონალებს, დღეს დემოკრატიული არჩევნებით ცდილობს ქვეყანაში ტირანია დააბრუნოს. როცა იცი ნაციონალების დაბრუნებას რა შეიძლება მოყვეს, იცი რომ დემოკრატიული ტარდება არჩევნები და ტირანიას აბრუნებ, ეს არის ნონსენსი, რაც საქართველოში თუ მოხდებოდა, არ მეგონა.



მეტის ნახვა
12-11-2018, 16:00


თეთ­რიწყა­როს მუ­ნი­ცი­პა­ლი­ტეტ­ში

● ქა­ლაქ თეთ­რიწყა­რო­სა და და­ბა მან­გ­ლის­ში სა­გან­გე­ბო სი­ტუ­ა­ცი­ე­ბის კო­ორ­დი­ნა­ცი­ის და გა­და­უ­დე­ბე­ლი დახ­მა­რე­ბის ახა­ლი ცენ­ტ­რე­ბი აშენ­დე­ბა. ახა­ლი პუნ­ქ­ტე­ბის მშე­ნებ­ლო­ბა გა­ა­უმ­ჯო­ბე­სებს ჯან­დაც­ვის სერ­ვი­სის ხელ­მი­საწ­ვ­დო­მო­ბას, გან­სა­კუთ­რე­ბით ცენტრს და­შო­რე­ბუ­ლი სოფ­ლე­ბის მო­სახ­ლე­ო­ბის­თ­ვის. შე­ნო­ბე­ბი აშენ­დე­ბა სა­ერ­თა­შო­რი­სო სტან­დარ­ტე­ბის მი­ხედ­ვით და აღი­ჭურ­ვე­ბა სა­მე­დი­ცი­ნო, კომ­პი­უ­ტე­რუ­ლი და სა­ყო­ფაცხოვ­რე­ბო ინ­ვენ­ტა­რით. ამ ეტაპ­ზე მიმ­დი­ნა­რე­ობს პრო­ექ­ტის სა­ვალ­დე­ბუ­ლო ექ­ს­პერ­ტი­ზა, სამ­შე­ნებ­ლო სა­მუ­შა­ო­ე­ბი გა­ი­სად და­იწყე­ბა.

პრო­ექტს სა­ქარ­თ­ვე­ლოს რე­გი­ო­ნუ­ლი გან­ვი­თა­რე­ბი­სა და ინ­ფ­რას­ტ­რუქ­ტუ­რის სა­მი­ნის­ტ­რო და თეთ­რიწყა­როს მუ­ნი­ცი­პა­ლი­ტე­ტის მე­რია ერ­თობ­ლი­ვად ახორ­ცი­ე­ლე­ბენ.

● წყალ­მო­მა­რა­გე­ბის მას­შ­ტა­ბუ­რი პრო­ექ­ტი – თეთ­რიწყა­როს მუ­ნი­ცი­პა­ლი­ტე­ტის მე­რი­ამ მუ­შა­ო­ბა და­იწყო პრო­ექ­ტ­ზე, რო­მე­ლიც გა­ა­უმ­ჯო­ბე­სებს სოფ­ლე­ბის – წინ­წყა­როს, გოლ­თე­თის, დი­დი დურ­ნუ­კის, პა­ტა­რა დურ­ნუ­კის, ქო­სა­ლა­რის და ქო­თი­შის მო­სახ­ლე­ო­ბის წყალ­მო­მა­რა­გე­ბას.
წი­ნა­საპ­რო­ექ­ტო კვლე­ვა მო­ი­ცავს მდი­ნა­რე ხრა­მის ხე­ო­ბა­ში ე.წ. "ყა­რა­სოს წყლის“ დე­ბე­ტის გან­საზღ­ვ­რას და სა­ტუმ­ბი სად­გუ­რის მო­საწყო­ბად ად­გილ­მ­დე­ბა­რე­ო­ბის შერ­ჩე­ვას.

ჩა­მოთ­ვ­ლი სოფ­ლებს, აგ­რეთ­ვე სოფ. ფარ­ცხისს და მა­წე­ვანს სას­მე­ლი წყა­ლი ამ­ჟა­მად მი­ე­წო­დე­ბა ე.წ. „ქსოვ­რე­თის სა­თა­ვე­ე­ბი­დან“ (14 კმ მან­ძი­ლი­დან). წყლის დე­ბე­ტის სიმ­ცი­რის გა­მო აღ­ნიშ­ნუ­ლი და­სახ­ლე­ბე­ბი სას­მე­ლი წყლით სრულ­ყო­ფი­ლად ვერ მა­რაგ­დე­ბა. მას­შ­ტა­ბუ­რი პრო­ექ­ტის დას­რუ­ლე­ბის შემ­დეგ უკ­ვე არ­სე­ბულ ქსელ­ზე დარ­ჩე­ბა სოფ­ლე­ბი: ფარ­ცხი­სი, მა­წე­ვა­ნი და და­ერ­თ­დე­ბა საღ­რა­შე­ნი, ხო­ლო ახალ სის­ტე­მა­ზე გა­და­ვა შემ­დე­გი სოფ­ლე­ბი: წინ­წყა­რო, გოლ­თე­თი, დი­დი დურ­ნუ­კი, პა­ტა­რა დურ­ნუ­კი, ქო­სა­ლა­რი და ქო­თი­ში. შე­დე­გად, გა­იზ­რ­დე­ბა ხა­რის­ხი­ან სას­მელ წყალ­ზე ხელ­მი­საწ­ვ­დო­მო­ბა და გა­უმ­ჯო­ბეს­დე­ბა სოფ­ლე­ბის მო­სახ­ლე­ო­ბის წყალ­მო­მა­რა­გე­ბა. პრო­ექ­ტის შე­დე­გად, გა­უმ­ჯო­ბე­სე­ბუ­ლი წყალ­მო­მა­რა­გე­ბით 3500-ზე მე­ტი ბე­ნე­ფი­ცი­ა­რი ისარ­გებ­ლებს.

● მუ­ნი­ცი­პა­ლი­ტე­ტის მე­რია ზრუ­ნავს სოფ­ლე­ბის – ჯორ­ჯი­აშ­ვი­ლი­სა და ბოგ­ვის წყალ­მო­მა­რა­გე­ბის გა­უმ­ჯო­ბე­სე­ბა­ზეც, რაც გუ­ლის­ხ­მობს მდი­ნა­რე ალ­გე­თის რე­სურ­სის გა­მო­ყე­ნე­ბით მო­სახ­ლე­ო­ბის­თ­ვის ხა­რის­ხი­ა­ნი სას­მე­ლი წყლის მი­წო­დე­ბის უზ­რუნ­ველ­ყო­ფას.
წი­ნა­საპ­რო­ექ­ტო სა­მუ­შა­ო­ე­ბი დას­რუ­ლე­ბუ­ლია, გან­საზღ­ვ­რუ­ლია წყლის დე­ბე­ტი, შერ­ჩე­უ­ლია სა­თა­ვე ნა­გე­ბო­ბის ად­გილ­მ­დე­ბა­რე­ო­ბა. შემ­დ­გომ ეტაპ­ზე და­იწყე­ბა სა­თა­ვე და სა­ფილ­ტ­რი ნა­გე­ბო­ბე­ბის, გა­მა­ნა­წი­ლე­ბე­ლი რე­ზერ­ვუ­ა­რის, ცენ­ტ­რა­ლუ­რი მა­გის­ტ­რა­ლის და ში­და ქსე­ლის მოწყო­ბის პრო­ექ­ტი­რე­ბა.
მიმ­დი­ნა­რე სა­მუ­შა­ო­ებს ად­გილ­ზე გა­ეც­ნო თეთ­რიწყა­როს მუ­ნი­ცი­პა­ლი­ტე­ტის მე­რი გი­ორ­გი ქო­რი­ძე, მე­რი­ის შე­სა­ბა­მი­სი სამ­სა­ხუ­რე­ბის ხელ­მ­ძღ­ვა­ნე­ლებ­თან ერ­თად. სა­მუ­შაო პრო­ცესს ეს­წ­რე­ბო­და ად­გი­ლობ­რი­ვი მო­სახ­ლე­ო­ბაც.

● გა­ი­სად ქ. თეთ­რიწყა­როს კი­დევ ერ­თი ახა­ლი და მნიშ­ვ­ნე­ლო­ვა­ნი ობი­ექ­ტი შე­ე­მა­ტე­ბა. მუ­ნი­ცი­პა­ლი­ტე­ტის მე­რი­ის დაკ­ვე­თით, თა­მარ მე­ფის ქ. #38-ში მდე­ბა­რე ყო­ფი­ლი სა­ვაჭ­რო ცენ­ტ­რის შე­ნო­ბა­ში მრა­ვალ­ფუნ­ქ­ცი­უ­რი სა­ზო­გა­დო­ებ­რი­ვი ცენ­ტ­რის მო­საწყო­ბად პრო­ექ­ტი მზად­დე­ბა.
რე­ა­ბი­ლი­ტა­ცი­ის შემ­დეგ აქ გან­თავ­ს­დე­ბა ტუ­რის­ტუ­ლი მომ­სა­ხუ­რე­ბის ცენ­ტ­რი, სა­კონ­ფე­რენ­ციო და სა­გა­მო­ფე­ნო დარ­ბა­ზე­ბი, კა­ფე, სა­ო­ფი­სე და კო­მერ­ცი­უ­ლი ფარ­თე­ბი, სა­რი­ტუ­ა­ლო დარ­ბა­ზი და სხვა­დას­ხ­ვა სა­ჭი­რო­ე­ბის ად­მი­ნის­ტ­რა­ცი­უ­ლი სერ­ვი­სე­ბი.

მუ­ნი­ცი­პა­ლი­ტე­ტის­თ­ვის გან­სა­კუთ­რე­ბით მნიშ­ვ­ნე­ლო­ვა­ნია ტუ­რის­ტუ­ლი სა­ინ­ფორ­მა­ციო ცენ­ტ­რის ფუნ­ქ­ცი­ო­ნი­რე­ბა, რომ­ლის ძი­რი­თა­დი და­ნიშ­ნუ­ლე­ბა იქ­ნე­ბა სა­ქარ­თ­ვე­ლო­ში ჩა­მო­სუ­ლი და ად­გი­ლობ­რი­ვი ტუ­რის­ტე­ბის სრულ­ყო­ფი­ლი ინ­ფორ­მი­რე­ბა ტუ­რის­ტუ­ლი მომ­სა­ხუ­რე­ბი­სა და ტუ­რის­ტუ­ლი პრო­დუქ­ტის შე­სა­ხებ. პრო­ექ­ტის გან­ხორ­ცი­ე­ლე­ბა ხელს შე­უწყობს მუ­ნი­ცი­პა­ლი­ტე­ტის ტე­რი­ტო­რი­ა­ზე ორ­გა­ნი­ზე­ბუ­ლი ტუ­რე­ბის და­გეგ­მ­ვას, ტუ­რის­ტე­ბის რა­ო­დე­ნო­ბის ზრდას და თეთ­რიწყა­როს, რო­გორც ტუ­რის­ტუ­ლად სა­ინ­ტე­რე­სო და მიმ­ზიდ­ვე­ლი ად­გი­ლის პო­პუ­ლა­რი­ზა­ცი­ას.

● სო­ფელ ქო­სა­ლარ­ში მი­სას­ვ­ლე­ლი 5,8-კი­ლო­მეტ­რი­ა­ნი სა­ავ­ტო­მო­ბი­ლო გზის მო­ას­ფალ­ტე­ბის შემ­დეგ უსაფ­რ­თხო და კომ­ფორ­ტუ­ლი გზით 600-მდე ბე­ნე­ფი­ცი­ა­რი ისარ­გებ­ლებს.
პრო­ექ­ტი ორ­წ­ლი­ა­ნია, ინ­ფ­რას­ტ­რუქ­ტუ­რუ­ლი სა­მუ­შა­ო­ე­ბი და­იწყო 2018 წლის 5 ივ­ლისს და დას­რუ­ლე­ბა 2019 წლის 2 იან­ვარს. სა­მუ­შა­ო­ე­ბის სა­ერ­თო ღი­რე­ბუ­ლე­ბა შე­ად­გენს 1 609 165 ლარს.

გურ­ჯა­ა­ნის მუ­ნი­ცი­პა­ლი­ტეტ­ში

● მუ­ნი­ცი­პა­ლი­ტე­ტის სო­ფელ ვე­ლის­ცი­ხე­ში რე­ა­ბი­ლი­ტი­რე­ბუ­ლია: მი­ნის­ტა­დი­ო­ნი (33 ათა­სი ლა­რი), სა­საფ­ლა­ოს­კენ მი­მა­ვა­ლი გზა (სა­მუ­შა­ო­ე­ბი რე­გი­ო­ნებ­ში გან­სა­ხორ­ცი­ე­ლე­ბე­ლი პრო­ექ­ტე­ბის ფონ­დის და ად­გი­ლობ­რი­ვი ბი­უ­ჯე­ტის თა­ნა­და­ფი­ნან­სე­ბით გან­ხორ­ცი­ელ­და) და ე.წ. "ჩა­ჩა­ა­ნის" უბ­ნის გზის ბო­ლო ნა­წი­ლი. აღ­ნიშ­ნულ გზა­ზე მო­ეწყო სა­ნი­აღ­ვ­რე არ­ხი და მო­ას­ფალ­ტ­და 966 მეტ­რი სიგ­რ­ძის გზა, რის­თ­ვი­საც ჯამ­ში 339 583 ლა­რი და­ი­ხარ­ჯა.

● ინ­ფ­რას­ტ­რუქ­ტუ­რუ­ლი სა­მუ­შა­ო­ე­ბი მიმ­დი­ნა­რე­ობს მუ­ნი­ცი­პა­ლი­ტე­ტის სოფ­ლებ­შიც:
სო­ფელ გურ­ჯა­ან­ში, ე.წ სკო­ლის გზის რე­ა­ბი­ლი­ტა­ცი­ას 246 200 ლა­რი მოხ­მარ­დე­ბა; სო­ფელ ძირ­კოკ­ში მო­ას­ფალ­ტ­დე­ბა ე.წ. თუ­შე­ბის, ე.წ. ჭი­ა­პა­ანთ უბ­ნე­ბი და ელი­კა­ანთ უბ­ნის შე­სას­ვ­ლე­ლი (პრო­ექ­ტის ღი­რე­ბუ­ლე­ბა 226 000 ლა­რი­ა); სო­ფელ კაჭ­რეთ­ში ახა­ლი ჭა­ბურ­ღი­ლი­სა და წყალ­მო­მა­რა­გე­ბის ქსე­ლის მოწყო­ბა უკ­ვე დაწყე­ბუ­ლია. სა­მუ­შა­ო­ებ­ზე 145 300 ლა­რი და­ი­ხარ­ჯე­ბა. შე­დე­გად, თთქმის ნა­ხე­ვარ სო­ფელს, მათ შო­რის სა­ერ­თო საცხოვ­რებ­ლებს, გა­უ­უმ­ჯო­ბეს­დე­ბა წყალ­მო­მა­რა­გე­ბა.

დე­დოფ­ლის­წყა­როს მუ­ნი­ცი­პა­ლი­ტეტ­ში

● დე­დოფ­ლის­წყა­როს მუ­ნი­ცი­პა­ლი­ტეტ­მა სა­უ­კე­თე­სო კუთხე წარ­მო­ა­ჩი­ნა ახ­ლად და­ფუძ­ნე­ბულ "ჭა­ჭის ფეს­ტი­ვალ­ზე", რო­მე­ლიც ყო­ველ­წ­ლი­უ­რად გა­ი­მარ­თე­ბა.
ფეს­ტივ­ლის მი­ზა­ნი იყო ქარ­თუ­ლი ნა­ტუ­რა­ლუ­რი პრო­დუქ­ტის, ყურ­ძ­ნის ბრენ­დის – „ჭა­ჭის“ პო­პუ­ლა­რი­ზა­ცია, მი­სი ის­ტო­რი­ი­სა და სა­სარ­გებ­ლო თვი­სე­ბე­ბის გაც­ნო­ბა. კა­ხე­თის სხვა­დას­ხ­ვა სოფ­ლი­დან ჩა­მო­სულ­მა ფერ­მე­რებ­მა, გლე­ხებ­მა ჭა­ჭა ად­გილ­ზე­ვე გა­მო­ხა­დეს. მო­ნა­წი­ლე­ე­ბი გა­ეც­ნენ აგ­რეთ­ვე რე­გი­ო­ნის ფოლ­კ­ლორ­სა და ტრა­დი­ცი­ებს.
ფეს­ტი­ვა­ლი გა­ი­მარ­თა სა­ქარ­თ­ვე­ლოს კულ­ტუ­რის პა­ლა­ტის ინი­ცი­ა­ტი­ვით, სა­ქარ­თ­ვე­ლოს ეკო­ნო­მი­კი­სა და მდგრა­დი გან­ვი­თა­რე­ბის სა­მი­ნის­ტ­როს, სა­ქარ­თ­ვე­ლოს გა­რე­მოს დაც­ვი­სა და სოფ­ლის მე­ურ­ნე­ო­ბის სა­მი­ნის­ტ­როს, ღვი­ნის ეროვ­ნუ­ლი სა­ა­გენ­ტოს, სა­ქარ­თ­ვე­ლოს ტუ­რიზ­მის ეროვ­ნუ­ლი ად­მი­ნის­ტ­რა­ცი­ის, სა­ქარ­თ­ვე­ლოს ინ­ტე­ლექ­ტუ­ა­ლუ­რი სა­კუთ­რე­ბის ეროვ­ნუ­ლი ცენ­ტ­რის – „საქ­პა­ტენ­ტის“, სა­ა­გენ­ტოს „აწარ­მოე სა­ქარ­თ­ვე­ლო­ში“ და კა­ხე­თის რე­გი­ონ­ში სა­ხელ­მ­წი­ფო რწმუ­ნე­ბუ­ლის – გუ­ბერ­ნა­ტო­რის ად­მი­ნის­ტ­რა­ცი­ის მხარ­და­ჭე­რით.

ლა­გო­დე­ხის მუ­ნი­ცი­პა­ლი­ტეტ­ში

● სოფ­ლებ­ში ჭი­ა­ურ­სა და ვარ­დი­სუ­ბან­ში მიმ­დი­ნა­რე­ობს სა­საფ­ლა­ომ­დე მი­სას­ვ­ლე­ლი გზე­ბის სა­რე­ა­ბი­ლი­ტა­ციო სა­მუ­შა­ო­ე­ბი. ჭი­ა­ურ­ში ას­ფალ­ტ­ბე­ტო­ნის სა­ფა­რი სა­ვა­ლი გზის 795 გრძ. მ-ზე და­ი­გე­ბა და მას­ზე რე­გი­ო­ნა­ლუ­რი გან­ვი­თა­რე­ბის ფონ­დი­დან გა­მო­ყო­ფი­ლი 195 200 ლა­რი და­ი­ხარ­ჯე­ბა, ხო­ლო ვარ­დი­სუბ­ნის 210 გრძ. მ მო­ნაკ­ვე­თის რე­ა­ბი­ლი­ტა­ცია 54 900 ლა­რი დაჯ­დე­ბა.

● სო­ფელ გი­ორ­გეთ­ში მე­ო­რე ქუ­ჩის გზის სა­რე­ა­ბი­ლი­ტა­ციო სა­მუ­შა­ო­ე­ბი მიმ­დი­ნა­რე­ობს. ას­ფალ­ტ­ბე­ტო­ნის სა­ფა­რი სა­ვა­ლი გზის 1944 გრძ. მეტ­რ­ზე და­ი­გე­ბა და ამას რე­გი­ო­ნუ­ლი გან­ვი­თა­რე­ბის ფონ­დი­დან გა­მო­ყო­ფი­ლი 307 625 ლა­რი მოხ­მარ­დე­ბა.

სიღ­ნა­ღის მუ­ნი­ცი­პა­ლი­ტეტ­ში

● „სიღ­ნაღ­ქა­ლა­ქო­ბა 2018“ 10 ნო­ემ­ბერს მე­თერ­თ­მე­ტედ გა­ი­მარ­თე­ბა. მი­სი ორ­გა­ნი­ზა­ტო­რი სიღ­ნა­ღის მუ­ნი­ცი­პა­ლი­ტე­ტის მე­რიაა. ზე­იმ­ზე ელო­დე­ბი­ან მთავ­რო­ბის წევ­რებს, დიპ­ლო­მა­ტი­ურ კორ­პუსს და სა­ქარ­თ­ვე­ლოს სხვა­დას­ხ­ვა რე­გი­ო­ნი­დან ჩა­მო­სულ სტუმ­რებს. ქა­ლა­ქის დღე­სას­წა­ულ­ში მო­ნა­წი­ლე­ო­ბას მი­ი­ღე­ბენ მუ­ნი­ცი­პა­ლი­ტეტ­ში შე­მა­ვა­ლი სოფ­ლე­ბი.

დუ­შე­თის მუ­ნი­ცი­პა­ლი­ტეტ­ში

● სა­ო­კუ­პა­ციო ხა­ზის მიმ­დე­ბა­რე სო­ფელ ოძის­ში ახა­ლი, თა­ნა­მედ­რო­ვე სტან­დარ­ტე­ბის შე­სა­ბა­მი­სი სკო­ლამ­დე­ლი აღ­ზ­რ­დის და­წე­სე­ბუ­ლე­ბა გა­იხ­ს­ნა. სო­ფელ­ში იმ­ყო­ფე­ბოდ­ნენ მცხე­თა-მთი­ა­ნე­თის სა­ხელ­მ­წი­ფო რწმუ­ნე­ბუ­ლი – გუ­ბერ­ნა­ტო­რი შალ­ვა კე­რე­სე­ლი­ძე, დუ­შე­თის, თი­ა­ნე­თი­სა და ყაზ­ბე­გის გა­ერ­თი­ა­ნე­ბუ­ლი ოლ­ქის დე­პუ­ტა­ტი ზა­ქა­რია ქუც­ნაშ­ვი­ლი, დუ­შე­თის მუ­ნი­ცი­პა­ლი­ტე­ტის მე­რის მო­ვა­ლე­ო­ბის შემ­ს­რუ­ლე­ბე­ლი გი­ორ­გი თა­ნი­აშ­ვი­ლი და ად­გი­ლობ­რი­ვი ხე­ლი­სუფ­ლე­ბის სხვა წარ­მო­მად­გენ­ლე­ბი. სა­ბავ­შ­ვო ბა­ღი გათ­ვ­ლი­ლია ერთ ჯგუფ­ზე. ამ ეტაპ­ზე და­წე­სე­ბუ­ლე­ბას 17 აღ­საზ­რ­დე­ლი ჰყავს. პრო­ექ­ტი და­ფი­ნან­ს­და ად­გი­ლობ­რი­ვი ბი­უ­ჯე­ტი­დან. სა­ბავ­შ­ვო ბაღ­ში და­საქ­მე­ბუ­ლია ად­გი­ლობ­რი­ვი მო­სახ­ლე­ო­ბა.

● ბა­ზა­ლე­თის ად­მი­ნის­ტ­რა­ცი­უ­ლი ერ­თე­უ­ლის სოფ­ლებ­ში – ჩუ­ბი­ნი­ან­თ­კარ­სა და ჩა­ნა­დირ­თ­კარ­ში მიმ­დი­ნა­რე­ობს სა­მუ­შა­ო­ე­ბი სას­მე­ლი წყლის მა­გის­ტ­რა­ლუ­რი მილ­სა­დე­ნის მო­საწყო­ბად. პრო­ექტს აფი­ნან­სე­ბენ რე­გი­ონ­ში გან­სა­ხორ­ცი­ე­ლე­ბე­ლი პრო­ექ­ტე­ბის ფონ­დი და დუ­შე­თის მუ­ნი­ცი­პა­ლი­ტე­ტი. შე­დე­გად ორი­ვე სოფ­ლის მო­სახ­ლე­ო­ბას 24-სა­ა­თი­ა­ნი წყალ­მო­მა­რა­გე­ბა ექ­ნე­ბა.

ზუგ­დი­დის მუ­ნი­ცი­პა­ლი­ტეტ­ში

● მუ­ნი­ცი­პა­ლი­ტე­ტის მე­რი­ის ჯან­დაც­ვის კო­მი­სი­ამ ოქ­ტომ­ბ­რის თვე­ში 143 მო­ქა­ლა­ქეს სხვა­დას­ხ­ვა სა­მე­დი­ცი­ნო მომ­სა­ხუ­რე­ბა და­უ­ფი­ნან­სა. გა­ხარ­ჯულ­მა თან­ხამ 54 549 ლა­რი შე­ად­გი­ნა.

● მუ­ნი­ცი­პა­ლუ­რი გან­ვი­თა­რე­ბის ფონ­დი უახ­ლო­ეს დღე­ებ­ში დევ­ნილ­თა საცხოვ­რე­ბე­ლი სახ­ლე­ბის მშე­ნებ­ლო­ბა­ზე ტენ­დერს გა­მო­აცხა­დებს. დევ­ნილ­თათ­ვის სახ­ლე­ბის მშე­ნებ­ლო­ბა და­გეგ­მი­ლია სა­ქარ­თ­ვე­ლოს სამ ქა­ლაქ­ში: ზუგ­დიდ­ში, წყალ­ტუ­ბო­სა და ქუ­თა­ის­ში. ამ ეტაპ­ზე ტენ­დე­რი გა­მოცხად­დე­ბა ზუგ­დიდ­სა და წყალ­ტუ­ბო­ში სახ­ლე­ბის მშე­ნებ­ლო­ბა­ზე. მშე­ნებ­ლო­ბა 2019 წელს და­იწყე­ბა. ყვე­ლა ბი­ნა­ში და­მონ­ტაჟ­დე­ბა გა­ზის გა­მათ­ბობ­ლე­ბი, მო­ეწყო­ბა გა­რე ინ­ფ­რას­ტ­რუქ­ტუ­რა, საცხოვ­რე­ბელ სახ­ლებ­თან მი­სას­ვ­ლე­ლი გზე­ბი და ავ­ტო­სად­გო­მე­ბი.
2013 წლი­დან დღემ­დე სულ დაკ­მა­ყო­ფი­ლე­ბუ­ლია 16 257 დევ­ნი­ლი ოჯა­ხი. ახა­ლა­შე­ნე­ბულ და რე­ა­ბი­ლი­ტი­რე­ბულ კორ­პუ­სებ­ში ბი­ნა გა­და­ე­ცა 6735 ოჯახს, ხო­ლო 2534-ს – სოფ­ლად სახ­ლი და სა­კარ­მი­და­მო ნაკ­ვე­თი.

● სა­მეგ­რე­ლო-ზე­მო სვა­ნე­თის გუ­ბერ­ნი­ის მხარ­და­ჭე­რით, საქ­ველ­მოქ­მე­დო ორ­გა­ნი­ზა­ცია IOჩჩ-მა ზუგ­დი­დის მუ­ნი­ცი­პა­ლი­ტე­ტის მე­რი­ას­თან გა­ფორ­მე­ბუ­ლი მე­მო­რან­დუ­მის ფარ­გ­ლებ­ში, სა­მეგ­რე­ლო-ზე­მო სვა­ნე­თის რე­გი­ო­ნის სამ­ხა­რეო ად­მი­ნის­ტ­რა­ცი­ას უსას­ყიდ­ლოდ გა­დას­ცა სა­მე­დი­ცი­ნო სა­ხარ­ჯი აღ­ჭურ­ვი­ლო­ბა, რო­მე­ლიც ოკუ­პი­რე­ბულ აფხა­ზეთ­ში არ­სე­ბულ სა­მე­დი­ცი­ნო და­წე­სე­ბუ­ლე­ბებ­საც გა­და­ეგ­ზავ­ნე­ბათ.
,,სა­ერ­თა­შო­რი­სო მარ­თ­ლ­მა­დი­დებ­ლუ­რი ქრის­ტი­ა­ნუ­ლი მოწყა­ლე­ბის“ მი­ერ გა­ღე­ბუ­ლი სა­ხარ­ჯი სა­მე­დი­ცი­ნო აღ­ჭურ­ვი­ლო­ბა მარ­ტ­ვი­ლი­სა და მეს­ტი­ის მუ­ნი­ცი­პა­ლი­ტე­ტებს უკ­ვე გა­და­ე­ცა, ხო­ლო უახ­ლო­ეს დღე­ებ­ში რე­გი­ო­ნის სხვა მუ­ნი­ცი­პა­ლი­ტე­ტებ­საც გა­ეგ­ზავ­ნე­ბათ.

ქ. ფო­თის მუ­ნი­ცი­პა­ლი­ტე­ტის მე­რი­ა­ში

● ხო­ბის ქუ­ჩის #28 კორ­პუს­ში მცხოვ­რებ დევ­ნი­ლებს გა­ზის მი­წო­დე­ბის პრობ­ლე­მა მო­უგ­ვარ­დე­ბათ – დევ­ნი­ლი მო­სახ­ლე­ო­ბის­თ­ვის ბუ­ნებ­რი­ვი აირის გაყ­ვა­ნი­ლო­ბი­სა და მრიცხ­ვე­ლე­ბის მონ­ტაჟს კომ­პა­ნია „სო­კარ ჯორ­ჯია“ ქა­ლაქ ფო­თის მუ­ნი­ცი­პა­ლი­ტე­ტის მე­რი­ის ინი­ცი­ა­ტი­ვი­თა და შუ­ამ­დ­გომ­ლო­ბით გა­ნა­ხორ­ცი­ე­ლებს.

● უპო­ვარ­თა სა­სა­დი­ლოს კა­პი­ტა­ლუ­რი რე­მონ­ტი დას­რულ­და. ქა­ლა­ქის მე­რი გო­ჩა კურ­დღე­ლია, მო­ად­გი­ლე­ებ­თან მა­მუ­კა პა­პას­კირ­თან და გი­ორ­გი ფა­რე­შიშ­ვილ­თან, საკ­რე­ბუ­ლოს წევ­რებ­თან ბა­ქარ ერა­გი­ა­სა და თორ­ნი­კე კირ­თა­ძეს­თან ერ­თად, სა­სა­დი­ლოს ეწ­ვია.
გა­მო­იც­ვა­ლა იატა­კი და კარ-ფან­ჯ­რე­ბი, ჩა­ტარ­და კოს­მე­ტი­კუ­რი სა­მუ­შა­ო­ე­ბი, რის შე­დე­გა­დაც 250 ბე­ნე­ფი­ცი­არს სა­სა­დი­ლო­ში დღეს გა­უმ­ჯო­ბე­სე­ბუ­ლი გა­რე­მო დახ­ვ­და.

მარ­ტ­ვი­ლის მუ­ნი­ცი­პა­ლი­ტეტ­ში

● თა­მა­კო­ნის ად­მი­ნის­ტ­რა­ცი­ულ ერ­თე­ულ­ში მაცხოვ­რის ამაღ­ლე­ბის სა­ხე­ლო­ბის ტა­ძარ­თან მი­სას­ვ­ლელ გზა­ზე ას­ფალ­ტ­ბე­ტო­ნის სა­ფა­რი 1 160 მეტ­რ­ზე და­ი­გე­ბა. მიმ­დი­ნა­რე სა­მუ­შა­ო­ე­ბი მუ­ნი­ცი­პა­ლი­ტე­ტის მე­რის პირ­ველ­მა მო­ად­გი­ლემ და­ვით სურ­მა­ვამ, მე­რი­ის ინ­ფ­რას­ტ­რუქ­ტუ­რის, ურ­ბა­ნუ­ლი გან­ვი­თა­რე­ბი­სა და არ­ქი­ტექ­ტუ­რის სამ­სა­ხუ­რის თა­ნამ­შ­რომ­ლებ­თან ერ­თად და­ათ­ვა­ლი­ე­რა.
პრო­ექტს სა­ქარ­თ­ვე­ლოს რე­გი­ო­ნებ­ში გან­სა­ხორ­ცი­ე­ლე­ბე­ლი პრო­ექ­ტე­ბის ფონ­დი და ად­გი­ლობ­რი­ვი მუ­ნი­ცი­პა­ლი­ტე­ტი 192 518 ლა­რით აფი­ნან­სებს.

● ქა­ლაქ მარ­ტ­ვილ­ში ში­და სა­ავ­ტო­მო­ბი­ლო გზებ­ზე ას­ფალ­ტ­ბე­ტო­ნის სა­ფა­რი იგე­ბა. იგეგ­მე­ბა შე­რო­ზი­ას და და­დი­ა­ნის ქუ­ჩე­ბის რე­ა­ბი­ლი­ტა­ცია, ჯამ­ში და­ი­გე­ბა 1 464 მეტ­რი სა­ფა­რი. პრო­ექ­ტის ღი­რე­ბუ­ლე­ბა 351 303 ლა­რია. მიმ­დი­ნა­რე სა­მუ­შა­ო­ე­ბი მარ­ტ­ვი­ლის მუ­ნი­ცი­პა­ლი­ტე­ტის მე­რის პირ­ველ­მა მო­ად­გი­ლემ და­ვით სურ­მა­ვამ და­ათ­ვა­ლი­ე­რა.

სე­ნა­კის მუ­ნი­ცი­პა­ლი­ტეტ­ში

● სე­ნა­კის მუ­ნი­ცი­პა­ლი­ტეტ­ში სა­ავ­ტო­მო­ბი­ლო გზე­ბის მას­შ­ტა­ბუ­რი სა­რე­ა­ბი­ლი­ტა­ციო სა­მუ­შა­ო­ე­ბი აქ­ტი­უ­რად მიმ­დი­ნა­რე­ობს, კერ­ძოდ:
ფოცხოს ად­მი­ნის­ტ­რა­ცი­ულ ერ­თე­ულ­ში, ლე­ძა­ძა­მე-ფოცხოს სა­ავ­ტო­მო­ბი­ლო გზა­ზე, ას­ფალ­ტ­ბე­ტო­ნის და­გე­ბის პრო­ცე­სი დას­რულ­და.
ახალ­სოფ­ლის ად­მი­ნის­ტ­რა­ცი­ულ ერ­თე­ულ­ში სო­ფელ ისუ­ლას მი­მარ­თუ­ლე­ბით და­სას­რულს უახ­ლოვ­დე­ბა ას­ფალ­ტ­ბე­ტო­ნის სა­ფა­რის და­გე­ბის პრო­ცე­სი.
ნო­სი­რის ად­მი­ნის­ტ­რა­ცი­ულ ერ­თე­ულ­ში იგე­ბა ას­ფალ­ტ­ბე­ტო­ნის სა­ფა­რი, ხორ­შის ად­მი­ნის­ტ­რა­ცი­ულ ერ­თე­ულ­ში კი – ას­ფალ­ტი.
ბე­ტო­ნის სა­ფა­რის და­გე­ბა დაწყე­ბუ­ლია ლე­ძა­ძა­მეს ად­მი­ნის­ტ­რა­ცი­ულ ერ­თე­ულ­ში.
ძვე­ლი სე­ნა­კის ად­მი­ნის­ტ­რა­ცი­ულ ერ­თე­ულ­ში გზის სა­რე­ა­ბი­ლი­ტა­ციო ბე­ტო­ნის სა­მუ­შა­ო­ე­ბი უახ­ლო­ეს დღე­ებ­ში და­იწყე­ბა.
ად­მი­ნის­ტ­რა­ცი­ულ ერ­თე­უ­ლებ­ში სა­ავ­ტო­მო­ბი­ლო გზე­ბის მოწყო­ბის სა­ერ­თო ღი­რე­ბუ­ლე­ბა 1 646025 ლარს შე­ად­გენს.

ჩხო­როწყუს მუ­ნი­ცი­პა­ლი­ტეტ­ში

● სო­ფელ ახუთ­ში, მდი­ნა­რე ზა­ნა­ზე, ახა­ლი ხი­დის მშე­ნებ­ლო­ბა სტი­ქი­ის სა­ლიკ­ვი­და­ციო სა­მუ­შა­ო­ე­ბის ფარ­გ­ლებ­ში მიმ­დი­ნა­რე­ობს. სა­მუ­შა­ო­ე­ბი მუ­ნი­ცი­პა­ლი­ტე­ტის მერ­მა და­თო გო­გუ­ამ და მე­რის პირ­ველ­მა მო­ად­გი­ლემ გო­ჩა ჩი­ქო­ვან­მა და­ათ­ვა­ლი­ე­რეს. ხი­დის მშე­ნებ­ლო­ბის­თ­ვის 809 000 ლა­რია გა­მო­ყო­ფი­ლი. მი­სი სიგ­რ­ძე – 54, ხო­ლო სი­გა­ნე 10 მე­ტია.
ახა­ლი ხი­დით ჩხო­როწყუს მუ­ნი­ცი­პა­ლი­ტე­ტი მარ­ტ­ვი­ლის მუ­ნი­ცი­პა­ლი­ტეტს და­უ­კავ­შირ­დე­ბა.


ბოლ­ნი­სის მუ­ნი­ცი­პა­ლი­ტეტ­ში

● ად­გი­ლობ­რი­ვი ბი­უ­ჯე­ტის და­ფი­ნან­სე­ბით ქა­ლაქ ბოლ­ნის­ში კი­დევ ერ­თი ინ­ფ­რას­ტ­რუქ­ტუ­რუ­ლი პრო­ექ­ტი მიმ­დი­ნა­რე­ობს: ნო­ემ­ბ­რის ბო­ლომ­დე აკა­კი წე­რეთ­ლი­სა და სი­ო­ნის ქუ­ჩე­ბის კვე­თა­ზე სა­ნი­აღ­ვ­რე სის­ტე­მის მშე­ნებ­ლო­ბა დას­რულ­დე­ბა. მი­წის­ქ­ვე­შა კო­მუ­ნი­კა­ცი­ე­ბის გა­მარ­თ­ვა აუცი­ლე­ბე­ლი წი­ნა­პი­რო­ბაა იმი­სათ­ვის, რომ სა­მო­მავ­ლოდ საგ­ზაო ინ­ფ­რას­ტ­რუქ­ტუ­რა ეფექ­ტი­ა­ნად კე­თილ­მო­ეწყოს.
ქა­ლა­ქის ცენ­ტ­რა­ლურ ქუ­ჩა­ზე მუ­შა­ობს მძი­მე ტექ­ნი­კა. სა­მუ­შა­ო­ებ­ზე ად­გი­ლობ­რი­ვი მცხოვ­რებ­ლე­ბი არი­ან და­საქ­მე­ბუ­ლი.

დმა­ნი­სის მუ­ნი­ცი­პა­ლი­ტეტ­ში

● დმა­ნი­სის მუ­ნი­ცი­პა­ლი­ტეტ­სა და შპს Geocommece-ს შო­რის გა­ფორ­მე­ბუ­ლი ხელ­შეკ­რუ­ლე­ბის სა­ფუძ­ველ­ზე, მიმ­დი­ნა­რე­ობს სო­ფელ და­ლა­რის მი­სას­ვ­ლელ გზა­ზე არ­სე­ბუ­ლი ხი­დის სა­რე­ა­ბი­ლი­ტა­ციო სა­მუ­შა­ო­ე­ბი. პრო­ექ­ტის ღი­რე­ბუ­ლე­ბა 43 145 ლარს შე­ად­გენს.

● მუ­ნი­ცი­პა­ლი­ტეტ­ში ინ­ფ­რას­ტ­რუქ­ტუ­რუ­ლი პრო­ექ­ტე­ბი გრძელ­დე­ბა:
სო­ფელ ვარ­დი­სუ­ბან­ში დას­რულ­და სა­რი­ტუ­ა­ლო დარ­ბა­ზის ეზოს კე­თილ­მოწყო­ბა. პრო­ექ­ტი არა­სამ­თავ­რო­ბო ორ­გა­ნი­ზა­ცი­ამ "მშვი­დო­ბის, დე­მოკ­რა­ტი­ის და გან­ვი­თა­რე­ბის კავ­კა­სი­ურ­მა ინ­ს­ტი­ტუტ­მა" გა­ნა­ხორ­ცი­ე­ლა პრო­ექ­ტის ფარ­გ­ლებ­ში, რომ­ლის სა­ხელ­წო­დე­ბაა "ად­გი­ლობ­რი­ვი თე­მი და ხე­ლი­სუფ­ლე­ბა გან­ვი­თა­რე­ბის­თ­ვის", ხო­ლო დამ­ფი­ნან­სე­ბე­ლია Bread for the world.
პრო­ექ­ტის მი­ზა­ნია სა­ქარ­თ­ვე­ლოს 12 მუ­ნი­ცი­პა­ლი­ტე­ტის 24 სო­ფელ­ში თე­მის მდგრა­დი გან­ვი­თა­რე­ბის შე­საძ­ლებ­ლო­ბის შექ­მ­ნა.

მარ­ნე­უ­ლის მუ­ნი­ცი­პა­ლი­ტეტ­ში

● ქა­ლაქ მარ­ნე­ულ­ში, მო­ნუ­მენ­ტუ­რი ძეგ­ლის – „კი­დე­ვაც და­იზ­რ­დე­ბი­ან“ – მიმ­დე­ბა­რე ტე­რი­ტო­რი­ა­ზე თა­ნა­მედ­რო­ვე დი­ზა­ი­ნის სკვე­რის კე­თილ­მოწყო­ბა უახ­ლო­ეს პე­რი­ოდ­ში და­იწყე­ბა. სა­მუ­შა­ო­ე­ბი გან­ხორ­ცი­ელ­დე­ბა ორ ეტა­პად, რის­თ­ვი­საც გა­მოცხა­დე­ბუ­ლია ტენ­დე­რი.
მო­ქან­და­კე მე­რაბ ბერ­ძე­ნიშ­ვი­ლის მო­ნუ­მენ­ტუ­რი ძეგ­ლი,, კი­დე­ვაც და­იზ­რ­დე­ბი­ან“1975 წელს და­იდ­გა. ქარ­თუ­ლი ქან­და­კე­ბის თვალ­სა­ჩი­ნო ნა­მუ­შე­ვარს მი­ნი­ჭე­ბუ­ლი აქვს კულ­ტუ­რუ­ლი მემ­კ­ვიდ­რე­ო­ბის უძ­რა­ვი ძეგ­ლის სტა­ტუ­სი.
საპ­რო­ექ­ტო ტე­რი­ტო­რია თა­ვი­დან­ვე გა­მიზ­ნუ­ლი იყო მხო­ლოდ სკულ­პ­ტუ­რუ­ლი კომ­პ­ლექ­სის მო­საწყო­ბად, ამი­ტომ ამ ტე­რი­ტო­რი­ა­ზე არ არ­სე­ბობს პარ­კის­თ­ვის სა­ჭი­რო ინ­ფ­რას­ტ­რუქ­ტუ­რა. მო­სახ­ლე­ო­ბის მოთხოვ­ნის გათ­ვა­ლის­წი­ნე­ბით, მარ­ნე­უ­ლის მე­რი­ამ პარ­კის მო­საწყო­ბად სწო­რედ ეს ად­გი­ლი შე­არ­ჩია.

● სო­ფელ სა­დახ­ლო­ში მიმ­დი­ნა­რე­ობს სას­მე­ლი წყლის სის­ტე­მის მოწყო­ბი­სა და ში­და ქსე­ლე­ბის რე­ა­ბი­ლი­ტა­ცი­ის სა­მუ­შა­ო­ე­ბის მე­ო­რე ეტა­პი. და­გეგ­მი­ლია წყალ­სა­დე­ნის ახა­ლი ქსე­ლე­ბის მოწყო­ბა, რომ­ლის სიგ­რ­ძე და­ახ­ლო­ე­ბით 29 კმ-ია, საპ­რო­ექ­ტო ქსელ­ზე პრო­ექ­ტით გათ­ვა­ლის­წი­ნე­ბუ­ლი მრიცხ­ვე­ლე­ბის და სა­ხან­ძ­რო ჰიდ­რან­ტე­ბის მონ­ტა­ჟი, ახა­ლი რე­ზერ­ვუ­ა­რის და არ­სე­ბულ სა­ტუმბ სად­გურ­ში და­მა­ტე­ბი­თი ტუმ­ბოს მონ­ტა­ჟი.

● სო­ფელ კი­რაჩ-მუ­ღან­ლო­ში სას­მე­ლი წყლის სის­ტე­მის მოწყო­ბა და­იწყო. პრო­ექ­ტის ფარ­გ­ლებ­ში გათ­ვა­ლის­წი­ნე­ბუ­ლია კი­რაჩ-მუ­ღან­ლოს სას­მე­ლი წყლის ჭა­ბურ­ღი­ლე­ბის, სა­ტუმ­ბო სად­გუ­რის, რკ/ბე­ტო­ნის წყალ­შემ­კ­რე­ბი რე­ზერ­ვუ­ა­რის, წყალ­სა­დე­ნი მა­გის­ტ­რა­ლის, სოფ­ლის ში­და ქსე­ლი­სა და გამ­რიცხ­ვე­ლი­ა­ნე­ბის მოწყო­ბა.

ჩო­ხა­ტა­უ­რის მუ­ნი­ცი­პა­ლი­ტეტ­ში

● მუ­ნი­ცი­პა­ლი­ტე­ტის მერ­მა ირაკ­ლი კუ­ჭა­ვამ საკ­რე­ბუ­ლოს თავ­მ­ჯ­დო­მა­რეს­თან და მე­რის პირ­ველ მო­ად­გი­ლეს­თან ერ­თად მუ­ნი­ცი­პა­ლი­ტეტ­ში მიმ­დი­ნა­რე ინ­ფ­რას­ტ­რუქ­ტუ­რუ­ლი სა­მუ­შა­ო­ე­ბი და­ათ­ვა­ლი­ე­რა:
მუ­ნი­ცი­პა­ლურ აგ­რა­რულ ბა­ზარს მსხვილ­ფე­ხა რქო­სა­ნი პი­რუტყ­ვი­თა და ფრინ­ვე­ლით ვაჭ­რო­ბის­თ­ვის ახა­ლი სივ­რ­ცე და­ე­მა­ტა, რაც ბაზ­რის მიმ­დე­ბა­რე მო­ე­დანს გან­ტ­ვირ­თავს;
ხი­დის­თა­ვის თემ­ში, მდი­ნა­რე ლუ­გუ­ბა­ზე, ახა­ლი სა­ავ­ტო­მო­ბი­ლო ხი­დის მშე­ნებ­ლო­ბა მთავ­რ­დე­ბა.



მეტის ნახვა
12-11-2018, 15:44


გვესაუბრება პოეტი, მწერალთა კავშირის თანათავმჯდომარე, ჟურნალ "ცისკრის" რედაქტორი ბაღათერ არაბული:

_ ბატონო ბაღათერ, არჩევნების შედეგები ბევრისთვის მოულოდნელი აღმოჩნდა. ერთ თვეში მეორე ტური გაიმართება. რას უკავშირებთ ამ ყველაფერს?

_ "ქართულმა ოცნებამ" თავიდანვე პრობლემა შექმნა, რადგან საკუთარ ამომრჩეველს გამოკვეთილად არ უთხრა დამოუკიდებელ კანდიდატს დაუჭერდა მხარს თუ საკუთარს შესთავაზებდა. როცა გაირკვა, `ქართული ოცნება~ სალომე ზურაბიშვილს უჭერდა მხარს, ყველაფერი უკვე დაგვიანებული იყო, რადგან "ნაციონალებს" კარგა ხნის დაწყებული ჰქონდათ მუშაობა როგორც დედაქალაქში, ისე რეგიონული მასშტაბით. "ქართულმა ოცნებამ" სტარტი ძალიან გვიან აიღო, მათი სააგიტაციო-პროპაგანდისტული მანქანა, ფაქტობრივად, ჩავარდა. აღსანიშნავია ისიც, რომ ტელევიზიები მთლიანად გრიგოლ ვაშაძეზე მუშაობდნენ, "იმედი" აქა-იქ, წყვეტილ-წყვეტილ აშუქებდა სალომე ზურაბიშვილის წინასაარჩევნო შეხვედრებს მაშინ, როცა "რუსთავი 2" ყოველდღიურად დგამდა შოუებს, სადაც სალომე ზურაბიშვილის მისამართით ანტიპროპაგანდა მიდიოდა. ეს დიდი შეცდომა იყო. ასევე, შეცდომა იყო, როცა მმართველმა გუნდმა, ფაქტობრივად, პარტიული მუშაობა მოშალა _ არც საქალაქო შტაბი არსებობდა, არც რაიონული. რეგიონული შტაბები ყველა დახურული იყო. რეგიონებში ჩავდიოდი და მპასუხობდნენ, რომ ყველა შტაბი დახურულია. ამ დროს "ნაცები" გამწარებულები მუშაობდნენ. ჩემი აზრით, სამართლიანი ფაქტი დადგა. თავის დროზე  "ნაციონალებმა" ჩათვალეს, რომ ხელისუფლებაში მარადიულად იქნებოდნენ, ასე დაემართა `ქართული ოცნების~ გუნდსაც _ მათ დაიჯერეს, რომ ხალხთან ურთიერთობის, კომუნიკაციის გარეშე, ამ არჩევნებს, მაინც მოიგებდნენ. მათ მოსახლეობასთან კონტაქტი დაკარგეს.

"ქართული ოცნების" მთავარ შეცდომად ასევე, კოაბიტაციის შემოღებას მივიჩნევ. დამნაშავე სისტემის შემქმნელების საკვანძო თანამდებობებზე დატოვება არაფრით შეიძლებოდა. ეს ხალხი ყველგან დარჩა, მათ შორის, პარლამენტშიც. "ქართული ოცნების" მხარდამჭერები კი, რომელბიც 2012 წელს ბიძინა ივანიშვილს მთავარ ბრძოლაში მხარში ედგნენ გარიყულნი დარჩნენ. ჩანერგილმა "ნაციონალებმა" ივანიშვილის გვერდით მისი მხარდამჭერების ადგილი აღარ დატოვეს. შედეგად, ფაქტობრივად, "ნაცებმა" ყველა თავისი მხარდამჭერი არჩევნებზე მოიყვანეს. "ქართულ ოცნებაზე" გაბრაზებული ხალხი კი, ვინც მათ 2012 წელს აქტიურად უჭერდა მხარს, საარჩევნო ყუთთან აღარ მივიდა.

_ როგორ ფიქრობთ, მეორე ტურზე მივა "ქართული ოცნების" ამომრჩეველი?

_ ეს რაც მოხდა, კარგია იმიტომ, რომ "ქართული ოცნება" გამოფხიზლდება და თავის მხარდამჭერებს უფრო მეტად დააფასებს. მათ გუნდური მუშაობა უნდა დაიწყონ და მომხრეები კვლავ გვერდზე დაიყენონ. დღეს, ასეთი მოცემულობაა _ ერთ მხარესაა "ნაცმოძრაობა" თავისი ნგრევებით, ციხეებით, მკვლელობებით, ქუჩაში დახვრეტებით, გაუპატიურებებით. ხალხო კაცების გამაუპატიურებელი, უბირია არ მომკვდარა, ცოცხალია, "ნაცები" ვიაგრას ისევ იშოვიან და თუ არ გამოვფხიზლდებით კიდევ არაერთ ქართველს გააუპატიურებენ. ნუ გვავიწყდება, რომ რობაქიძის, გირგვლიანის მკვლელები ისევ შემართულები არიან. ვაშაძეს, რომელიც პრეზიდენტობაზე იყრის კენჭს იმდენი ჭკუა არ ყოფნის ახლა მაინც მოთოკოს თავისი ვნებები და ხმამაღლა აცხადებს: ბედუკაძეს შუბლს გავუხვრეტდიო. არადა, ამ კაცმა მთელი იმ სისტემის ბოროტება წარმოაჩინა. სააკაშვილი _ "ნაცების" ბელადი, მსოფლიო პოლიტიკური მაწანწალა გვემუქრება: ჩამოვალ და ყველას ტყავს გავაძრობო. ამიტომ, კარგად უნდა გავიაზროთ, რას მოგვიტანს ვაშაძის გამარჯვება. ეს ნიშნავს: დესტაბილიზაციას, მკვლელობებს, ციხეებს, მასიურ დაპატიმრებებს. თუ ადრე 300 ათასი პრობაციონერი გვყავდა, ახლა 500 ათასი გახდება. იმიტომ, რომ ვინც მანამდე დაუსჯელი დარჩათ ყველას დაერევიან, პატარა გამონათებასაც კი ჩააქრობენ, არ გააჭაჭანებენ დამოუკიდებელ პრესას, ტელევიზიას, სრული დიქტატურა დამყარდება. ვაშაძე ამბობს: შევიწყალებ სააკაშვილს, მერაბიშვილს, ახალაიას, უბირიას, ქარდავას. ეს გვინდა?! ამ მკვლელებმა საქართველო გაანადგურეს, 150 ახალგაზრდა ქუჩაში ჩახოცეს, ციხიდან ყოველთვე 5–10 მოკლული პატიმარი გამოჰყავდათ. ნუთუ, ქართველებს ამ მკვლელების დაბრუნება უნდათ? იმ შავბნელი დროის დაბრუნება გვინდა?! ჩემო ძვირფასო ქართველებო, მინდა გთხოვოთ, გონს მოვეგოთ. კი, შეიძლება გაბრაზებულები ვართ, მაგრამ ვის ვუბრაზდებით _ საქართველოს, ჩვენს მომავალს, ჩვენს შვილებს? ჩვენ ხომ საქართველოსთვის ვიბრძვით და არა კონკრეტული პიროვნების მხარდასაჭერად. ჩვენ, პოზიციებისთვის, იმ მდგომარეობისთვის ვიბრძვით, რომელიც ხვალინდელი, უკეთესი საქართველოსთვის გვინდა. ბრძოლა არ დამთავრებულა, ის ახლა იწყება.

_ რა არჩევანის წინაშე დგას ქართველი ხალხი?

_ ვფიქრობ, სალომე ზურაბიშვილი სწორედ ის პიროვნებაა, ვისაც ქართველმა ხალხმა მხარი უნდა დაუჭიროს. იგი არის ევროპაში დაბადებული, ღირსეული წინაპრების შთამომავალი. მოგეხსენებათ, საქართველოში ქალის, დედის ფენომენს დიდი მნიშვნელობა ჰქონდა. გვახსოვს, თამარის მეფობისას რა დიდი რეფორმები განხორციელდა, დაიწერა "ვეფხისტყაოსანი". არაერთი გმირი ქალი გვყავდა _ ქეთევან წამებული, მაია წყნეთელი, თინა ვაშლოვნელი. ასევე, მეოცე საუკუნეში მწერალთა კავშირის პირველი თავმჯდომარის, კოტე მაყაშვილის 19 წლის ქალიშვილი _ მარო მაყაშვილი, რომელიც საქართველოს თავისუფლებას შეეწირა. ამ ქალების მხრებზე, წესიერებაზე, სინდისზე, ოჯახებზე იდგა საქართველო. სწორედ მათი შთამომავალია სალომე ზურაბიშვილი. იგი საფრანგეთში საქართველოს სიყვარულით გაიზარდა. მისი შვილები ქართულად ფანტასტიურად ლაპარაკობენ. სალომე საფრანგეთის დიპლომატიის წარმომადგენელი იყო, საქართველოში ჩამოვიდა, დაინიშნა საგარეო საქმეთა მინისტრად და მისი უშუალო მოლაპარაკებებით რუსეთის შეიარაღებული ძალები საქართველოდან გავიდა. იგი ასევე, არის ლიტერატურის, ხელოვნების მოყვარული, კულტურის, ხელოვნების ფასი იცის. მშვენიერი ავტობიოგრაფიული წიგნი დაწერა, სადაც წარმოჩენილია საქართველოს დღევანდელობა. ასე, რომ სალომე ზურაბიშვილი ძალიან კარგი კანდიდატურაა. მისი გაპრეზიდენტების შემთხვევაში საქრთველო სტაბილური ქვეყანა იქნება და ევროპული განვითარების საშუალება მიეცემა, რასაკვირველია, ქართული ტრადიციების დაცვით. უნდა აღინიშნოს, რომ უდიდესია თავად ბიძინა ივანიშვილის წვლილი ქვეყნის განვითარებაში. ამჟამად, კვლავ გამარჯვებისთვის საჭიროა წესიერი, პატიოსანი კადრების გვერდით დაყენება. ჩვენ, თავისთავად ცხადია, გამარჯვებისთვის წინ დიდი ბრძოლა გველოდება, მაგრამ ამას სამართლიანი, კანონიერი გზით მოვიპოვებთ და მჯერა, ქართველი მოსახლეობა, აუცილებლად, მოვა არჩევნებზე და ღირსეულს დაუჭერს მხარს. ჩვენ, უნდა დავიცვათ საქართველო, ბრძოლა გრძელდება.

_ "ნაციონალები" კვლავ შავი პიარით ცდილობენ ფონს გასვლას. პრო-დასავლელად მონათლული ვაშაძე ზურაბიშვილს მოღალატეობას აბრალებს.

_ მთელი უბედურება იცით რა არის, `ქართულ ოცნებას~ ამაშიც დაასწრეს _ გაღმა შეედავე და გამოღმა შეგრჩებაო. ვაშაძე რუსეთში საგარეო საქმეთა სამინისტროში ატომისა და კოსმოსის განყოფილებაში მუშაობდა, სადაც არავინ მიგიღებდა თუ კაგებეში ჭიპმოჭრილი არ იყავი. კაცი ასეთ თანამდებობაზე იყო და ახლა, თურმე, რუსეთის წინააღმდეგია. ვინმეს დაავიწყდა, რომ ვაშაძემ 2008 წელს ხელის კანკალით დათმო რუსული პასპორტი. თავად ამბობს: რუსეთი ჩემი ნაწილიაო. ასეთი ადამიანის გაპრეზიდენტება, ამაზრზენია. ეს უსირცხვილოები სალომე ზურაბიშვილს სწამებენ ცილს, თურმე, რუსეთიდან შემოგზავნილია და ვაშაძე ყოფილა ევროპიდან შემოსული სინათლის სხივი. ეს კოშმარი, სირცხვილია. "ქართული ოცნების" წინასაარჩევნო შეხვედრაზე მისულები ვიყავით, რათა სალომე ზურაბიშვილისთვის მხარი დაგვეჭირა, მაგრამ ტელევიზიებმა არ გააშუქეს. თითქმის ყველა ტელევიზია "ნაცებს" ემსახურება. იგივე ითქმის არასამთავრობო ორგანიზაციებზე _ ყველა "ნაცმოძრაობასთანაა" მიბმული. ისინი იმ თეორიის, ფილოსოფიის გამომხატველნი არიან, რასაც "ნაცმოძრაობა" ქადაგებს, ეს ერთი მთელი ნაწილია. მინდა ხელისუფლებას ვთხოვო: გაკონტროლდეს მათი დაფინანსების წყაროები და იდეოლოგია. ერთი რამ მინდა ვთქვა: "ქართულ ოცნებას" არ ჰყავს "პიარშიკები", მრჩევლები. აბა, როგორ შეიძლებოდა წინასაარჩევნოდ კანაფის პლანტაციების თემის წინ წამოწევა. ანდა, როგორ შეიძლებოდა საკონსტიტუციო სასამართლოს ნარკოლიბერალიზაციის კანონი მიეღო. საზოგადოება გადაირია. ეს თემა "ნაციონალებმა" სათავისოდ გამოიყენეს, მაშინვე აყვირდნენ: ჩვენ მოვალთ და ხელისუფლებას კანაფის პლანტაციების გაშენების უფლებას არ მივცემთო. ამით მოაგროვა ვაშაძემ ხმები. აქეთ, ტაქსების თეთრად გადაღებვაზე დაიწყეს საუბარი. მოკლედ, მთელი საარჩევნო კამპანიის პერიოდში `ქართული ოცნება~ საკუთარი თავის წინააღმდეგ მუშაობდა. ყველაფერმა, ჯამში, გამოიწვია ის, რა შედეგიც დადგა.

_ რამდენად ლოგიკურად მიგაჩნიათ, რომ "ნაცებმა" "ევრონაცებთან" ერთად არჩევნებში 800 ათასი ხმა მიიღეს?

_ ამას ვერაფრით დავიჯერებ, რომ "ნაციონალებმა" 800 ათასი ხმა მიიღეს, ეს წარმოუდგენელია. ვფიქრობ, მათ საარჩევნო კომისიებში ისევ ჰყავთ თავიანთი წარმომადგენლები, რომელთაც კარგად იციან შედეგები როგორ გააყალბონ. შეცდომები იყო, მაგრამ ახლა, ხვალინდელ დღეზე უნდა ვიფიქროთ. ხვალინდელი დღე კი არის ის, რომ იმ ხალხმა, ვინც განვითარებულ, მშვიდ საქართველოზე, თავისი შვილების კარგ მომავალზე ფიქრობს ორ დეკემბერს მხარი საქართველოს, ჩვენი შვილების მომავალს დაუჭიროს. დრო აღარ გვაქვს. "ნაციონალების" მოსვლა, ჩემი აზრით, საქართველოს დაღუპვა იქნება.

თამარ შველიძე

მეტის ნახვა
12-11-2018, 10:30


ოზურგეთში "ქართული ოცნების" მხარდამჭერი ცოლი დანასისხლად გადაჰკიდებია თავის რესპუბლიკელ ქმარს: მეორე ტურში, ეს სასიკვდილე, გრიგოლ ვაშაძეს უჭერს მხარსო.

სანამ მეორე ტური იქნება, ვინ იცის, კიდევ რამდენ ოჯახში დადგება უძილო ღამეები პოლიტიკური უთანხმოებების გამო, მით უმეტეს, გურიაში, სადაც გამიგონია: ქალის ჭკუა თხამ ბარდს მიაყოლაო.
ამ ანდაზის სიბრძნე რაღა მაინცა და მაინც გურულ ქალზე გამოსცადა განგებამ და რაღა მაინცა და მაინც გურული ოჯახი უნდა დანგრეულიყო, ისედაც ცოტანი ვართ და ამაზე მწყდება გული, თორემ აგერ, თბილისში, პოლიტიკურ ნიადაგზე წლების წინ გაყრილი ცოლ-ქმარი სიკვდილამდე გადაეჯაჭვნენ თურმე ერთმაენთს.

უფრო გასაგები რომ იყოს, ცოტა შორიდან მოვყვები. ახლობელმა დამირეკა ამასწინათ: ტელევიზორი ჩართე. თამრიკო ჭოხონელიძე ხელისუფლების საწინააღმდეგო განცხადებებით გამოდის, არადა, ეს ქალბატონი ივანიშვილების ოჯახის ნათლიაა და თავიდანვე `ქართული ოცნების~ მხარდამჭერი იყო, რა ხდება, ნეტავი, გაოგნებული ვარო.
ჩემდა გასაოცრად, პირველი აზრი, რაც მომივიდა, ის იყო: ამ ქალს ქმართან შერიგება ხომ არ გადაუწყვეტია და პოლიტიკურად ხომ არ ეკეკლუცება-მეთქი. 
ასეც ვუთხარი ჩემს ახლობელს, რომელმაც ბევრი იცინა, მაგრამ თურმე, იცინე შენ და..
ისე ყველაფერი კარგი აგიხდეთ. 

მომღერალი თამრიკო ჭოხონელიძე და მისი "უძღები" ქმარი, "პირწავარდნილი" ნაციონალი გია როინიშვილი ამ სატელევიზიო გადაცემიდან სულ ცოტა ხანში ხელმეორედ შეუღლდნენ.

ახლა რომ გააგორონ ერთი თმაქოჩორა ვაჟი და დაარქვან გრიგოლი, ანუ გრიგოლ როინიშვილი, ხომ წაადგება დემოგრაფიას და ხომ იქნება ეს ბავშვი პოლიტიკური ინტერესების თანხვედრაში გაჩენილი ბაღანა?!
შენ კი, ვაი, ვაი, ოზურგეთელო ქალბატონო, სამშობლოს ღალატში არ დაგდონ რესპუბლიკელებმა ბრალი, თორემ პრინციპების ღალატს ჩვენ, გურულებს, ვერავინ დაგვაბრალებს.

პრინციპები და პოლიტიკა შეგვიწირავს ჩვენ-მეთქი, ხომ გითხარით?!
ეგე, იყავი ამ ზამთარს "ოცნების" აქტივისტო მარტო, თქვენი მეუღლე ორპროცენტიან ჩამშვებებს მიკედლებია.
მაინც რა მოწყვლადები არიან გურული ქმრები?..

კიდევ კარგი საპრეზიდენტო არჩევნებმა მოუწია, თორემ რამდენ ღამეს დაასველებდა ცრემლებით თავსასთუმალს ჟუჟუნათვალებიანი თბილისელი ქალბატონი ჭოხონელიძე, ამის შესახებ გია როინიშვილის გარდა დღეს უკვე აღარავინ უწყის...
ყოველთვის მქონდა ასეთი წარმოდგენა გურულ ქალებზე – ემოციურები ხართ თქვენ და წინდაუხედავები. აჰა, ქალმა პოლიტიკა ოჯახის გასამთალიანებლად გამოიყენა, თქვენ, როგორც ამბობენ, 20-წლიან ოჯახს ანგრევთ.
სულ ეგაა თქვენი პოლიტიკა?

– თამარი და გია ოჯახში ბუხრის პირას იჭუკჭუკებენ, სალომე ზურაბიშვილი პრეზიდენტი გახდება, შენ შეეწირე პოლიტიკურ მოსაზრებებს, მაგრამ არაუშავს, ნაციონალების და რესპუბლიკელების მომხრესთან ერთად ცხოვრებას მაინც ასე გერჩივნოს, წყნარად ცხოვრება – ჭრელი დედალის ბუმბულიან ბალიშთან ჩახუტებულს...

ირანდა კალანდაძე

მეტის ნახვა
10-11-2018, 19:21


ღია წერილი ლევან ბერძენიშვილს

„რაც უნდა ჭირი მომკერძო, ბილწთ არ შავეკვრი ზავითა“ – დიდი ამოცნობა არ სჭირდება, თუ რისთვის გავიხსენე ვაჟას ლექსის ლირიკული გმირის მაღაზნეობრივი შეგონება – ლევან ბერძენიშვილი მიხეილ სააკაშვილსა და მის ნაცმოძრაობას „შაეკრა“.

ვაშაძის „შტაბკვარწირაში“ ატუზული, ახალი პატრონის მაძიებელი ლევან ბერძენიშვილი იმდენად საცოდავად გამოიყურებოდა, რომ, არ დავმალავ, ბევრი ვიფიქრე, გამემეტებინა თუ არა ეს საბრალო არსება, მაგრამ არა ვარ დარწმუნებული, სააკაშვილის მიერ რუსეთის აგენტობაში დადანაშაულებული ბერძენიშვილი ხვალ არ გაიმეორებს, პუტინის „პიარშჩიკის“, შკლიაროვის მიერ ვაშაძისათვის დაწერილ ნარატივს და სალომე ზურაბიშვილს არ გამოაცხადებს მოღალატედ და რუსეთის აგენტად. ვშიშობ, ცრუ და უბირი ოქრუაშვილის მსგავსად, ლევან ბერძენიშვილმაც სამშობლოს მოღალატეებად არ გამოაცხადოს მთელი ქართული ემიგრაცია (მიგვატოვესო, – თქვა ოქრუაშვილმა) და, რა თქმა უნდა, პირველ რიგში, ისეთი მამულიშვილები, როგორებიც იყვნენ: ეროვნულ-დემოკრატიული პარტიის დამფუძნებელი სპირიდონ კეიდია და მისი სახლიკაცი მექი კეიდია (სალომეს ბაბუა დედის მხრიდან), გნებავთ, ბიძამისი – მიხეილ კეიდია, რომელსაც ქართველ შინდლერად მოიხსენიებენ, რადგან გერმანიაში სიკვდილისაგან იხსნა ქართველი ებრაელები; ანდა ივანე ზურაბიშვილი (სალომეს ბაბუა მამის მხრიდან). ასევე არსებობს იმის საშიშროებაც, რომ სამშობლოს მოღალატედ და რუსეთის აგენტად გამოცხადდეს ემიგრაციაში დაბადებული ზეინაბ კეიდია, სალომეს დედა, რადგან შვილებს გრამატიკულად გამართული ქართულით ვერ უყვებოდა ძილის წინ ჩვენებურ ზღაპრებს. 

დარწმუნებული ვარ, ლევან ბერძენიშვილი გულში თავს იმართლებს, რა მექნა, უსახსროდ და უმეკავშირეოდ დარჩენილს პარტია უნდა გადამერჩინაო, მაგრამ იმაზეც ხომ უნდა იფიქროს, რის მაქნისია თავზე ნაცარწაყრილი და გაბახებული, სამნიძის უბიოგრაფიო ქალის ამარა დარჩენილი პარტია.
ვისაც ჩემი ლიტერატურული წერილები თუ ესეები წაუკითხავს, ვფიქრობ, დამეთანხმება, მაქსიმალურად ვერიდები ღვარძლსა და სარკაზმს, პიროვნების შეურაცხყოფასა თუ ნიშნისმოგებას (სხვათა შორის, სალომე ზურაბიშვილმა სწორედ ამ მოწოდებით დაიწყო საპრეზიდენტო კამპანია, თუმც ისიც ვნახეთ, როგორ უპასუხეს). ახლაც მიჭირს, როცა ლევან ბერძენიშვილს საცოდავი და შესაბრალისი ვუწოდე, მაგრამ ჩვენი საცოდავი ქვეყანა უფრო მებრალება, როცა ქართველი კაცის ასეთ უპრინციპობასა და უღონობას ვხედავ, როცა მეფე-პოეტის თქმისა არ იყოს, ვერაფრით დაგვიძლევია საუკუნეებში გამოტარებული ავი სენი — „ასე ჭირს საქართველოსას დიდებულთ, გინდა მცირეთა, აზვავდებიან, იტყვიან: უჩემოდ ვინ იმღერეთა?“. 

ჩემი გაცხარების მიზეზი მარტივია. ის მაწუხებს, რატომ წამოეგო სააკაშვილი, შეგნებულად თუ შეუგნებლად, რუსების ავანტურაზე? რატომ არ იყვირა მთელი მსოფლიოს გასაგონად? რატომ არ უხმო თბილისში ევროპელ პრეზიდენტებს (ისე, როგორც ეს ომის წაგების მერე გააკეთა): რუსები ტყვიებს გვიშენენ და მოგვეშველეთო? რა მიზანი ჰქონდა (უფლებაზე აღარაფერს ვამბობ), ცხინვალის დაბომბვასა, გინდაც დაცარიელებულისა? რა უფლება ჰქონდა სააკაშვილს ქართული მოსახლეობის ცეცხლის ხაზს იქით დატოვებისა? რატომ აღიარა ნაცმოძრაობამ ცხინვალის დაბომბვა? რატომ მოაწერა ამის თაობაზე ხელი დეკლარაციას, რომელსაც მუდამ აგვიფრიალებენ ცხვირწინ? რა აზრი აქვს ამ აღიარებისა და დანაშაულებრივი ქმედების სალომე ზურაბიშვილზე გადაბრალებას? სალომე ზურაბიშვილმა კი არა, მთელმა ერმა რომ ვიძახოთ, სააკაშვილი და ნაცმოძრაობის ელიტა ფრთიანი ანგელოზები იყვნენო, მათ მიერ ხელმოწერილი დეკლარაციისა და ტალიავინის დასკვნის შემდეგ დაგვიჯერებს ვინმე? თუ სირაქლემის პოზა გვიშველის? 

მითხრას ვინმემ, გნებავთ ე.წ. ფსევდოგაერთიანებული ოპოზიციიდან და გნებავთ მათმა ახალმა მოკავშირემ, ლევან ბერძენიშვილმა 1993-ში დაკარგულ აფხაზეთს, სააკაშვილის ნაცმოძრაობის უაზრო ავანტურის შედეგად კოდორის ხეობა და შუაგულ ქართლში მთელი ახალგორი და უამრავი ქართული სოფელი რატომ დავამატეთ? რატომ გავმართეთ რუსთაველზე ტაშ-ფანდური და თავი მოვიტყუეთ, ბრძოლა წავაგეთ, მაგრამ ომი მოვიგეთო? მანამდე კი ვითამაშ-ვიბურჭალეთ და თბილისში სამხრეთ ოსეთის ავტონომიური ოლქის მთავრობა შევქმენით, ქვეყანას ათასობით ლტოლვილი შევმატეთ, თბილისიდან გორამდე, ნაწყალობევი ფულით, საქათმესავით სახლები ჩამოვამწკრივეთ (გულისტკივილით ვიხდი ბოდიშს ამ სახლების მაცხოვრებლების წინაშე) და შედეგად ნაცმოძრაობის ელიტას ფული ვაშოვნინეთ. 

მერე ვირტუალურ ყოფაში ცხოვრება დავიწყეთ — კლიპები გადავიღეთ, სიმღერები ჩავწერეთ, მომღერლები ვამღერეთ. ვირტუალურ სივრცეში აფხაზეთის დაბრუნებაც კი ვიზეიმეთ: კლიპის გახარებული და სახეგაბადრული მონაწილენი ერთმანეთს აფხაზეთში ეპატიჟებოდნენ. თუ არ ვცდები, ამ სიმღერას „მოდიხარ აფხაზეთში?!“ დავარქვით და კლიპის მონაწილეებს ღირსების ორდენები ჩამოვურიგეთ, თითქოსდა მართლაც დაიბრუნეს აფხაზეთი. 
ლევან, ახლა პირდაპირ შენ მოგმართავ: შენ, რომელსაც არც იუმორის გრძნობა გაკლია და, სხვათა შორის, არც ცინიზმი, უპასუხე ერსა და ქვეყანას, იყო თუ არა სააკაშვილის მხრიდან ყოველივე ეს მართლაც ცინიზმი და ჩვენი აბუჩად აგდება. აი, ამაზე თვალის დახუჭვას და მიშასა ნაცმოძრაობასთან ჩახუტებას ვერ გპატიობ, ლევან! საკუთარი ამბიციურობის ვერმოთოკვასა და მერკანტილიზმს ვერ გპატიობ, საკუთარი თავის მოტყუებასა და ხალხის გაბრიყვების მცდელობას ვერ გპატიობ, ლევან! მიშას და მისი ნაცმოძრაობის ავანტურის შედეგად დაღუპულ რამდენიმე ასეულ ქართველ ვაჟკაცს ვერ გპატიობ, სააკაშვილის მიერ გაჩუქებულ ახალგორში, მშობლიური სახლ-კარის მოსანახულებლად ჩასულ არჩილ ტატუნაშვილის წამებით მოკვლას ვერ გპატიობ. და კიდევ ვინ მოთვლის… რაც იმ ცხრა წელიწადში ნაცებმა სისხლი დაღვარეს, ნუ გაგიკვირდება და, ახლა იმის პასუხსაც შენგან ვითხოვ, ნაცმოძრაობასთან შერიგებულო და სააკაშვილის ბოდიშის „დიდსულოვნად“ მიმღებო, ლევან! ოღონდ ის მაინტერესებს, სააკაშვილმა სხვებთანაც თუ დაგაბარა ბოდიში? თუნდაც საკუთარ ნათლიმამასთან, შენს ყოფილ თანამებრძოლ კობა დავითაშვილთან, თავი რომ გაუტეხა და სამუდამოდ დააინვალიდა. სხვებზე, ასეულობით მოკლულ, გაუპატიურებულ, თვალდათხრილსა თუ მაღაზიის სახურავებზე შემოგდებულ ცხედრებზე აღარაფერს გკითხავ, იმიტომ რომ მგონი, ამნეზია დაგემართა, ოღონდ ეს, არა მგონია, ასაკის ბრალი იყოს, ამას სამწუხარო ზნეობრივი (?!) საფუძველი აქვს.

აღარც კი ვიცი, ნაცმოძრაობის რომელი დანაშაული გაგახსენო, ლევან! ვიცი, ვერ და არ გაიხსენებ, მაგრამ ერი და ქვეყანა ამის პასუხს ახლა შენგანაც მოითხოვს. მართალია, პოლიტიკური ამნეზია დაგემართა, მაგრამ, ვგონებ, შეძლებ, ცოტა რამ გაიხსენო ლიტერატურიდან. კერძოდ, საზოგადოების წინაშე გასაოცარი ზნეობრივი პასუხისმგებლობით აღვსილი ხევისბერის სიტყვები: „მოძმეთ სისხლი ცას შესჩუხჩუხებს და სამართალს ითხოვს!“ ამაზე რა პასუხი გაქვს, ლევან! შენ რომ მიშამ ბოდიში მოგიხადა და რაღაც საცოდავ თანამდებობასა თუ ფულს დაგპირდა, ეს ვერაფერი პასუხია!

ამირან გომართელი

მეტის ნახვა
10-11-2018, 14:30


აი, ხალხო, ამხანაგმა ვაშაძემ საპრეზიდენტო არჩევნები წააგო, მაგრამ მაინც იძახის, გავიმარჯვეო. მე არ მიკვირს, ეს “ნაცხროვის” ხელწერაა - ალბათ გახსოვთ (ან კი რა დაგავიწყებთ?), 2008-ში რუსებთან ომი რომ წააგეს და მაინც ამტკიცებდნენ, დღემდე ამტკიცებენ, მოვიგეთო, მტერი თბილისში არ შემოვუშვით, ჩვენი შეეშინდათო. ასეთი განცხადებების კეთება მას შემდეგ დაიწყეს, წითელი ხიდიდან რომ მობრუნდნენ, ცოტა რომ მოიკეთეს, ჰალსტუხების ღეჭვას რომ შეეშვნენ და თავები ასწიეს. 

ჰოდა, ახლაც იძახიან, მოვიგეთო. ამ დროს “ოცნების” “სასტავი” შეცბა, დაიბნა და ცოტა არ იყოს, წახდა. გამოხტნენ ე.წ. ლიდერები და დაიწყეს: ნწუ, ნწუ, ნწუ... ქართველმა ხალხმა მკაფიო გზავნილი გამოგვიგზავნა, სილა გაგვაწნა, ყვითელი ბარათი გვიჩვენაო. სიმართლე გითხრათ, არც უმაგისობაა, მაგრამ ძირითადი მიზეზი მაინც არჩევნების გაყალბებაა “ნაცხროვის” მხრიდან. თითქოს დაუჯერებელია, ე.წ. ოპოზიციამ ხელისუფლებას როგორ უნდა გაუყალბოს არჩევნები, ჩვენში ხომ არჩევნებს ყოველთვის ხელისუფლება აყალბებდა? არა, ჩემო კარგებო, “ნაცხროვა” გახლავთ გაყალბების დიდოსტატი ჯერ კიდევ ედუარდ ამბროსოვიჩის ეპოქიდან მოყოლებული. ალბათ გახსოვთ (ან კი რა დაგავიწყებთ?), როგორ “ტექნოლოგიებს” ამუშავებდნენ მიხეილ მაჭავარიანი და ხათუნა გოგორიშვილი. ბუნებრივია, ამ ნაძირლების მიერ დამუშავებული “ტექნოლოგიები” უფრო გაუმჯობესდა ინტერნეტის, სოციალური ქსელებისა და ტელეფონების განვითარების შემდეგ. უფრო გასაგებად რომ გითხრათ, “ნაცხროვის” ნაძირლობამ მიაღწია გაუგონარ აპოგეას.
 
მაშ ასე, დავიწყოთ იქიდან, რომ “ნაცმოძრაობამ” (და არა ე.წ. გაერთიანებულმა ოპოზიციამ, რომელიც სინამდვილეში არ არსებობს) გაყალბება დაიწყო პირველივე დღეებიდან, როცა სალომე ზურაბიშვილს “მოღალატის” იარლიყი მიაწება. აგერ, გავიდა ცოტა დრო, გაიარა პირველმა ტურმა და ჩვენ ვხედავთ, როგორ გულაობენ “კაგებეშნიკ” ვაშაძის საარჩევნო შტაბში რუსები ვინმე “პიარშიკ” შკლიაროვის თამადობით. “ნაციონალების” სტრატეგია თავიდანვე გაშიფრული იყო, მაგრამ ვინაიდან ჩვენი მოსახლეობის ნაწილს ანალიზის უნარი დაკარგული აქვს, ამ მეთოდმა მაინც იმუშავა. რეგიონებში ასევე მაგრად იმუშავა 400-ლარიანი პენსიის დაპირებამ. კი, ბატონო, ჩვენ ვიცით, რომ ეს მტკნარი სიცრუეა, პრეზიდენტს პენსიის გაზრდა ნამდვილად არ ეხება, მაგრამ ისევ მივდივართ გონებრივ სისუსტესთან, ანუ ბევრმა ეს საკენკი აკენკა. საერთოდ, ჩვენს ამორტიზებულ საზოგადოებაში კარგად ჭრის ბინძური აგრესია და ეს კარგად გამოიყენეს ავანტიურისტებმა - ისინი არ ერიდებოდნენ და არც დღეს ერიდებიან მუქარას, შანტაჟს, ლანძღვა-გინებას. თქვენ წარმოიდგინეთ, საზოგადოების ნაწილს მოსწონს, როცა ვინმეს იჭერენ, აპატიმრებენ, აუპატიურებენ და აწამებენ. დიახ, მე თუ უმუშევარი ვარ, სხვამ რატომ უნდა იაროს სამსახურში, სხვამ რატომ უნდა აკეთოს ბიზნესი, რატომ უნდა იშოვოს ფული? აქ ავტომატურად ერთვება სტალინური აზროვნება - დაიჭირეთ, წაართვით, გააკულაკეთ, დააპატიმრეთ, აწამეთ! 

ისე ნურავინ გაიგებს, თითქოს ხალხი 100 პროცენტით ტყუის და ეს ხელისუფლება მართალია, არა, მე ვსაუბრობ მხოლოდ საარჩევნო მასკარადზე, სადაც ე.წ. პოლიტიკოსები კადრულობენ ყველაფერს და რაღაც ეტაპზე მიზანსაც აღწევენ. ამ არჩევნებში (ვგულისხმობ პირველ ტურს) წააგო არა “ქართულმა ოცნებამ”, არამედ კაი გვარიანად გააყალბა “ნაცმოძრაობამ” და დაგიდებთ მაგალითებსაც: პირველი - მათ იმუშავეს, დააშანტაჟეს და მოისყიდეს ყველა, ვისი დაშანტაჟება და მოსყიდვაც შეიძლებოდა. მოსახლეობაში არიგებდნენ იმაზე მეტ ფულს, ვიდრე “ოცნება”. ამ შემთხვევაში დიდი როლი ითამაშა “იქით შეედავე”-ს პრინციპმა, მიდიოდა კამპანია, თითქოს “ოცნების” წარმომადგენლები ხალხს ფულს სთავაზობდნენ. აქ “ოცნება” დაკომპლექსდა და გადავიდა თავის მართლების რეჟიმში. ბოლოს კი მივიღეთ რა? შიშის გამო მმართველი პარტიის წევრები ახლოს არ გაეკარნენ მოსახლეობას, ემანდ მოსყიდვასა და ადმინისტრაციული რესურსის გამოყენებაში არ დაგვადანაშაულონო; მეორე - “ნაცმოძრაობამ” კარგად გამოიყენა “ოცნების” დაბნეულობა და მოსუფთავებული საარჩევნო მინდორი. მაგალითად, რეგიონებში, სადაც პენსიონერებს და ავადმყოფებს, ინვალიდებს საარჩევნო უბნებამდე მისვლა უჭირთ, არსებობს გადასატანი ყუთები, ანუ სახლში მიკითხების მეთოდი. “ნაცები” მასობრივად ითხოვდნენ ამ ყუთებს, მიჰქონდათ თითქოს გარკვეულ მისამართზე, მაგრამ სინამდვილეში მიჰქონდათ გაუკრვეველი მიმართულებით და შიგ რას ყრიდნენ, კაცმა არ იცის. უბედურების არსი იმაში მდგომარეობს, რომ მათ არ მიჰყვებოდნენ ცესკოს და “ქართული ოცნების” წარმომადგენლები, ანუ კომისიის წევრები. გამოდის, მგელს ბატკანს აბარებდნენ მოსავლელად; მესამე - “ნაცხროვამ” ასევე წარმატებით გამოიყენა ფსიქოლოგიური ტერორის მეთოდი არა მხოლოდ თბილისში, არამედ (უფრო მეტად) რეგიონებშიც, სადაც მოსახლეობის დიდი ნაწილი “რუსთავი 2”-ის მძევალია.

ამ ტერორის ხელწერა ძველია, უკვე ნაცადი, თუ აქამდე არ მუშაობდა, ახლა იმუშავა: ჩვენ უკვე მოვედით, ხელისუფლებას გადავიფორმებთ და ამით დამთავრდება, ჩვენ უკვე გავიმარჯვეთ! ეს პროპაგანდა მიდიოდა თვეების განმავლობაში და საზოგადოების მნიშვნელოვანი ნაწილი მართლაც დაფიქრდა - ვგონებ, ესენი მართლა მოდიანო. აქვე გაჩნდა მეორე ვერსიაც: ბიძინა ივანიშვილი ძალაუფლებას “ნაციონალებს” აბარებს, მათთან გარიგებულია! ამ ვერსიამ ხომ მთლად დააბნია ხალხი; მეოთხე - როგორც კი “ქართული ოცნება” ხელისუფლებაში მოვიდა, საქართველოში ეგრევე გაჩნდა მოსყიდული მედია, რაც ბოლო დროს გადავიდა სრულ მარაზმში. გადართავ ტელევიზორს - “ნაცი” ლაპარაკობს, გადმორთავ - “ნაცი” გვიკითხავს მორალს, ისევ გადართავ - “ნაცი” გაჰკივის ბოლო ხმაზე, პატიოსნებასა და სიყვარულზე ქადაგებს... კი, ამ ყველაფერმა ხალხის ნაწილში კი გამოიწვია ზიზღი, მაგრამ ბევრი გაება დიდი ფულით დაგებულ მახეში. მედიის მოსყიდვა და “რუსთავი 2”-ის ფილიალებად გადაქცევა არის არჩევნების გაყალბების მთავარი საფუძველი - ადამიანებს გამოურეცხეს ტვინები და შავი მოაჩვენეს თეთრად. მეხუთე - “ნაცხროვამ” გამოიყენა რა “ოცნების” სისუსტე პიარის კუთხით, თითქმის ყველა მედიასაშუალება, მცირე გამონაკლისის გარდა, აქცია პროპაგანდისტულ მანქანად. სამწუხაროდ, ხელისუფლება ვერ გაერკვა, ან არ გაერკვა პიარისა და პროპაგანდის საფუძვლებში და სახელმწიფო სამსახურებში შეყარა თუ შეაყრევინეს ძველი, “კრუგზე” მომუშავე, გაცვეთილი ე.წ. ჟურნალისტები. ისინი სხედან საპასუხისმგებლო სავარძლებში და დაკავებულნი არიან “სელფაობით”, თავიანთი დაჩამიჩებული თეძო-ბარძაყების გამომზეურებით. ისინი იღებენ კაი ხელფასებს არაფერში... უფრო სწორად, საბოტაჟსა და მოსახლეობის გამწარებაში. მაგალითად, რა მოხდა თბილისის მერიაში კახა კალაძის მისვლის შემდეგ? პარადოქსია - იქ მიიყვანეს ქუჩაში ნაპოვნი ძაღლი, დააბინავეს, აჭამეს, ასვეს, მოუარეს, ხოლო პარტია “ქართული ოცნების” წევრები, რომლებსაც კალაძის მხარდაჭერის გამო “ნაცები” შეურაცხყოფას აყენებდნენ და საბოტაჟს ეწეოდნენ, გაუშვეს, გაყარეს, ქუჩისკენ მიუთითეს. მიზეზად გადატვირთული შტატები დაასახელეს, მაგრამ ჰოი, საოცრებავ, ერთ კვირაში იმავე პოზიციებზე კონკურსი გამოაცხადეს და იცით, კონკურსანტებს გამოცდა ვინ ჩაუტარა? არ დაიჯერებთ, მერიის დაცვის უფროსმა (!!!) და იცით, თავისუფალი ადგილები ვისით შეავსეს? არ დაიჯერებთ, ინფრასტრუქტურის სამსახურის უფროსის მოადგილის, ირინა ჭეიშვილის “ნაციონალი” ნათესავ-მეგობრებით. რას ნიშნავს ხელისუფლებისთვის პიარი, მხოლოდ გაუმართავი, სტილისტურად საცოდავი “ნიუსების” გავრცელებას? შეიძლება რაღაც დოზით ეგეც საჭიროა, მაგრამ სახელმწიფოსთვის მთავარია პროპაგანდა და იდეოლოგია. გარდა ამისა, ამ ქვეყანაში ინფორმაციის მიწოდების წყარო არ გახლავთ მხოლოდ სოციალური ქსელები, ინტერნეტი და ტელევიზია, ამათ დაავიწყდათ, რომ არსებობს ბეჭდური მედიაც, რომლის შესახებაც სახელმწიფო პრესსამსახურებში მოკალათებულმა “გოგოშკებმა” და “ბიჭუშკებმა” არაფერი იციან. რეგიონებში ბევრგან არ არის ინტერნეტი, თუ არის, იმდენად ძვირია, რომ ბევრი უარს ამბობს და ისევ ბეჭდურ მედიაზეა დამოკიდებული. რეგიონებში ასი ათასობით ადამიანს არ აქვს კომპიუტერთან ურთიერთობის სურვილი, ზოგს ასაკიდან გამომდინარე, ზოგს კიდევ ხელმოკლეობის გამო. სხვათა შორის, ასეთები თბილისსა და სხვა ქალაქებშიც მრავლად არიან, სადაც აუცილებლად საჭიროა პირადი ურთიერთობები. გამოვა დეპუტატი, თავის “ფეისბუქგვერდზე” რაღაცას დაჯღაბნის, ხუთი კაცი დაულაიქებს და ჰგონია, მთელი სამყარო შეძრა. ეს ნაძირალა “ნაციონალები” ყველგან დაძრწიან, ხალხს ატყუებენ, გონებას უბნელებენ, ტვინებს ურეცხავენ, პენსიის გაზრდას პირდებიან და ბევრი ტყუვდება, ბევრი ვერ აცნობიერებს, რომ გრიგოლ ვაშაძეს პენსიის კი არა, საკუთარი ხელფასის გაზრდაც არ შეუძლია. 

“ნაცმოძრაობის” პროპაგანდის ნაწილია მიხეილ სააკაშვილის “მოღვაწეობა” ამსტერდამიდან. ამ ადამიანს შეუძლია, დღეში ცხრაჯერ გარდაისახოს - ხან ფამილარია, ხან ფარისეველი, ხან თვალცრემლიანი მიმტევებელი, ხან კი დორბლიანი მრისხანე. მას შეუძლია, ითამაშოს, თავი კეთილ ჯადოქრად მოგაჩვენოს, მაგრამ ხშირად იშიფრება და წინადადებებს შორის ავლენს თავის ავ ზრახვებს. მაგალითი გნებავთ? ა, ბატონებო: მიხომ “რუსთავი 2”-ს უთხრა, მე რეგიონული ლიდერი ვარ, საქართველოში არავითარი თანამდებობა არ მინდა, უბრალოდ არაფორმალური მმართველი ვიქნები, ოღონდ იმ განსხვავებით, რომ ივანიშვილივით ფული და დიდი სახლი არ გამაჩნიაო. აქ ერთი ამბავი მახსენდება, რომელიც ძველებისგან ვიცი.

საუკუნეების წინ ტიფლისიდან ქიზიყში ერთი ჩარჩი ჩავიდა, დასახლდა, მიწები იყიდა და ერთ დღესაც თავი ბატონად გამოაცხადა. არაო, გაგიჟდნენ ქიზიყელები, თუ ბატონი აუცილებელია, მაშინ ისევ ჩვენი შაქრო იყოს, შენ ვინ ოხერი ხარო? შეკრეს პირობა ტიბაანელებმა, ბოდბისხეველებმა, ჯუგაანელებმა, ბოდბელებმა, მიუხტნენ ფიწლებით და კუდით ქვა ასროლინეს. ჰოდა, შე წუპაკო მიხავ, თუ არაფორმალური მმართველობა აუცილებელია, ისევ ბიძინა იყოს, ფულს მაინც ხარჯავს და სახლი მაინც აქვს! 

გაქსუებულმა მიხომ ისიც გამოგვიცხადა, ჩემი ხელისუფლების წევრები ციხეში რომ სხედან, მაგათ თანამდებობებზე არ დავნიშნავ - წავიდნენ, დაისვენონ, ოჯახებს დაუბრუნდნენ, ჩვენ ხელს შევუწყობთ, რომ უცხოეთის ქვეყნებში იმოგზაურონო. ჯერ ერთი, ეს აფრენს კაი გვარიანად, გეგონება უკვე ჩაიბარა ქვეყანა და მეორეც - როგორ წარმოგიდგენიათ, ჯალათებს რომ ვამოგზაურებთ ჩვენი ხელშეწყობით?! ამაზე მხოლოდ ერთი პასუხი მაქვს: ბებიათქვენის ტრაკმა!

ღალატი! - აი, ის საშინელი სიტყვა, რომელმაც “ქართული ოცნება” ყველაზე მეტად დააზარალა. ღალატი + შიში! ჩემს მიერ ზემოთ ჩამოთვლილმა მიზეზებმა “ოცნების” ზოგიერთი დეპუტატი, სახელმწიფო მოხელე თუ რიგითი ჩინოვნიკი დააყენა ღალატის გზაზე. ბოლოს დროს თვალშისაცემი გახდა მავანთა დაუძლურება და “ნაციონალებისკენ” გადახრა. ეს გამოიწვია ავბედითმა კოჰაბიტაციამაც - ბევრმა არასწორად გაიგო ავაზაკებთან თანაცხოვრების არსი. მეტიც, მრჩება შთაბეჭდილება, რომ თვით ბიძინა ივანიშვილის გარემოცვაშიც ბევრი ვერ მიხვდა, რას წარმოადგენს ბატონი ბიძინა, ვინ არის და რა უნდა. დიახ, თავი მოაქვთ მასთან ახლობლობით, მაგრამ მას არ იცნობენ. თქვე ოჯახაშენებულებო, ადამიანი მუდმივად აკრიტიკებს “ნაციონალებს” და ამავე დროს ამბობს, ეგენიც ჩვენი შვილები, ძმები და დები არიან, უნდა მოვაქციოთო. ეს სიტყვები ახალი არ არის ჩემთვის, ამას ამბობდა ჯერ კიდევ 2012-ში, მაგრამ ეს იმას როდი ნიშნავს, რომ “ქართული ოცნების” მომხრეები უნდა გაყაროთ სამსახურებიდან და “ნაციონალები” კიდევ მიიღოთ? აი, ღალატის პირველი ნიშანი - დღეს სახელმწიფო სამსახურებში ამ ხელისუფლების მომხრეები უმცირესობაში არიან და ვაშაძის მომხრეებისგან განიცდიან საშინელ წნეხს. დავუბრუნდეთ ღალატის თემას: მაგალითად, რა მოხდა სამტრედიაში, რატომ წააგო კახა კალაძემ თავის რაიონში? იმიტომ, რომ ადგილი ჰქონდა ისევ ღალატს და გულგრილობას. პირველი ტურის წინ მე შინაურულად შემატყობინეს, რომ “ქართული ოცნების” “სასტავი” ტრაკს ცუდად ათამაშებდა. ეს ინფორმაცია გადავეცი იმ ადამიანს, ვისაც ეხებოდა. არ არსებობსო, გამორიცხულიაო, მაგათ საკუთარ თავზე მეტად ვენდობითო. აჰა, როგორც კახეთში იტყვიან ხოლმე, ენდე და ენდეეე! თავიც კი არ შეიწუხეს, რომ ჩემს მიერ მიწოდებული ინფორმაცია გადაემოწმებინათ, წამოწვნენ მხართეძოზე, ეგონათ, იოლად მოიგებდნენ. მარცხის შემდეგ, მომდევნო დღეებში “ოცნების” შტაბში იჯდა ორი კინკილა ახალგაზრდა, ხოლო “ნაციონალების” შტაბთან მანქანის გასაჩერებელი ადგილი არ იყო. ეს რაზე მიანიშნებს, ღალატზე, ხომ? ეს ინფორმაციაც მივაწოდე (არადა, თვითონაც უნდა სცოდნოდათ) სადაც ჯერ არს და ამჯერად მოჰყვა რეაგირება, ყურები შეიბერტყეს. შემდეგი მაგალითი ეხება ჩემს მშობლიურ სიღნაღის რაიონს. ვცდილობ, ამ საკითხს ძალიან ფრთხილად მივუდგე, იქ უამრავი შინაური მყავს, მაგრამ როცა საქმე ქვეყნის ინტერესებს ეხება, ვერავის დავინდობ. ახლა მივმართავ სიღნაღის დეპუტატს ირაკლი შიოლაშვილს, რომელიც “ქართული ოცნებიდან” შევიდა პარლამენტში: შვილო თუ ძმაო, ერთი აქეთ მოიხედე... ცხოვრება ჭრელია, შეიძლება ხან მერი არ მოგწონდეს, ხან საკრებულოს თავმჯდომარე, შეიძლება ვიღაცა გეზიზღებოდეს, ან უზომოდ გიყვარდეს, მაგრამ ახალგაზრდა კაცმა ქვეყანა შენს ბოღმას არ უნდა გადააყოლო და როცა საქმე მის მომავალს ეხება, ნერვები უნდა დაიოკო. შენ ხალ ხალხის რჩეული, თუ საარჩევნო შტაბში არეულობაა, თუ ჩინოვნიკები ერთმანეთს არ ელაპარაკებიან, განზე კი არ უნდა გადგე, მოვლენების ცენტრში უნდა ტრიალებდე! 

აი, ასე, ჩემო მკითხველო, ალბათ მიხვდით, რა ხდებოდა სიღნაღის საარჩევნო შტაბში - ძაღლი პატრონს ვერ სცნობდაო, სწორედ ისე იყო საქმე და ამით იხეირეს კიდეც “მიშმაკებმა”. სხვათა შორის, იქვე, კახეთის ერთ-ერთი რაიონის მაჟორიტარს უთქვამს შინაურულ წრეში - რა ვქნა, კაცო, “ნაცები” მაინც მოდიან და იძულებული ვარ, იმატ მხარეს გადავიდე, აბა, პარლამენტს ხომ არ ჩამოვშლითო? ეს მაჟორიტარიც “ქართულმა ოცნებამ” შეათრია პარლამენტში. იგივე უნდა ითქვას სამტრედიაზე და საერთოდ, მაჟორიტარები რომ არ გაეკარნენ თავიანთ საარჩევნო შტაბებს, ნეტა რაზე მიანიშნებს, ღალატზე ხომ არა?!

* * *
რაღა დაგიმალოთ და... მეორე ტურის წინ კი გამოცოცხლდა “ქართული ოცნება”, მაგრამ ეს მაინც არ არის საკმარისი. როგორც სანდო წყაროები მატყობინებენ, “ნაცხროვის” ოდიოზური ფიგურები აქტიურად აწარმოებენ იატაკვეშა მუშაობას - კაფეებში, რესტორნებსა და ბნელ ადგილებში ხვდებიან ასევე საზოგადოების ოდიოზურ ფიგურებს, ცნობილ სახეებს და თავიანთებურად “აბამენ” - ზოგს აშანტაჟებენ, ზოგს კიდევ ფულს და თანამდებობას პირდებიან. “ნაცხროველები” ყველას არწმუნებენ, რომ “ქართული ოცნება” უკვე დამთავრებულია და მომავალი მათ ეკუთვნით. ორიოდე სიტყვით უნდა მოვიხსენიო “რესპუბლიკელებიც”, რომლებიც ცოტა ხნის წინ ბიძინა ივანიშვილმა წამოყარა სარკოფაგიდან. 

ეს იყო 2012 წლის გაზაფხული. მე და ბატონმა ბიძინამ ბევრ საკითზე ვისაუბრეთ. არავინ გვესწრებოდა, ორნი ვიყავით. “რესპუბლიკელებზე” ჩამოვარდა სიტყვა. ბატონმა ბიძინამ მკითხა, რას უწუნებო? მოღალატეები არიან-მეთქი. რას გულისხმობო? ზვიად გამსახურდიადან მოყოლებული, ყველგან იყვნენ, ყველას აეკიდნენ და ბოლოს ყველას უღალატეს, არც თქვენ დაგინდობენ-მეთქი. განათლებული ხალხია, გამოსადეგიო. განათლებული კი არა, გაიძვერა ხალხია-მეთქი. კარგიო, ყველაფერი კარგად იქნებაო.

გავიდა ცოტა ხანი და “რესპუბლიკელებმა” მართლაც დაიწყეს ჩვეული სტილით მოქმედე- ბა. ახლა კი მიცვივდნენ გრიგოლ ვაშაძის შტაბში და მხარდაჭერა გამოუცხადეს. ვიცი, ივანიშვილს იმ ეტაპზე სხვა გზა არ ჰქონდა, მაგრამ ასეთმა მიდგომამ მაინც გაანაწყენა “ქართული ოცნების” მხარდამჭერები და ამიტომაც დადგა არასახარბიელო შედეგი.

სხვათა შორის, “რესპუბლიკელები” ღალატით მივიდნენ ივანიშვილთან, სანამ მივიდოდნენ, უკვე დაჩამიჩებული ლევან ბერძენიშვილი წინასწარმეტყველებ- და, ეგ 7 პროცენტზე მეტს ვერ მიიღებს, შანსი არ აქვსო. მერე შეეთრნენ პარლამენტში და დაიწყეს ბრიქაობა, ყველას ზემოდან უყურებდნენ, ერთი-ორჯერ მოხვდათ კიდეც კულუარებში.

როცა ყველაფერს მიხვდნენ “ოცნებაში”, ანუ ბიძინა ივანიშვილის კარზე, კი ამოარტყეს პანჩური 00,1-პროცენტიან “სამადავოლნი ბალვანებს”, მაგრამ
ჩვენ ხომ ამასობაში ნერვები გაგვიფუჭდა?!

და ბოლოს... ჩვენ ამ ომსაც მოვიგებთ მეორე ტურში, აქ უკვე ლაპარაკი არ არის, დაო ზურაბიშვილო, შენზე და რაიმე პოლიტიკაზე, როგორც “იმედის” “ღამის შოუში” იხუმრეს, ახლა ცოცხები ერთ ადგილას გვაქვს მობჯენილი და მეორე ტურში გადაწყდება, ეს ცოცხები უკან წავა თუ წინ წამოვა. შენ კი, ამხანაგო ვაშაძევ, ტოლი ნახე, კოჭი გააგორე, ბოლომდე ხარ შე ოღრაშო!


გელა ზედელაშვილი

მეტის ნახვა
10-11-2018, 08:00