სარეკლამო ადგილი

947x125



თეთრიწყაროს მუნიციპალიტეტში

სოფელ ასურეთში, ყაზბეგის ქუჩაზე დასრულდა საავტომობილო გზის მოასფალტება. პროექტის ფარგლებში მოასფალტდა 257 მ-იანი მონაკვეთი, მიმდებარე ჩიხები და ეზოში შესასვლელები. ქუჩაზე მოეწყო სანიაღვრე სამკუთხა მონოლითური კიუვეტები. სამუშაოებს ადგილზე გაეცნო თეთრიწყაროს მუნიციპალიტეტის მერის მოადგილე ბერდია ხვისტანი.
პროექტის განხორციელება მიმდინარე წლის 1 ნოემბერს დაიწყო და დასრულდა 24 დეკემბერს. მისი ღირებულება 15 999 ლარს შეადგენს.
სოფელ ქოსალარში მისასვსაავტომობილო გზის მოასფალტება მიმდინარეობს. ამ ეტაპზე იგება ასფალტის მეორე ფენა. მიმდინარე სამუშაოებს ადგილზე გაეცნო მერის პირველი მოადგილე მალხაზ სამაშვილი. ინფრასტრუქტურული სამუშაოები მიმდინარე წლის 5 ივლისს დაიწყო და დასრულება ხელშეკრულებით გათვალისწინებულია 2019 წლის 2 იანვარს. მისი საერთო ღირებულება ხელშეკრულებით შეადგენს 1 609 165 ლარს.

თეთრიწყაროს მუნიციპალიტეტი

საუკეთესო პრაქტიკის პროგრამის 2017–2018 წლის კონკურსის გამარჯვებულია!

თეთრიწყაროს მუნიციპალიტეტმა საუკეთესო პრაქტიკის კონკურ- სზე ორი განაცხადი წარადგინა:
1) თანამონაწილეობითი დაგეგმვა ურბანულ დასახლებაში, რომელიც 2016 წელს არასამთავრობო ორგანიზაციის „მწვანე კავკასიის“ ინიციატივით, ფონდ „ღია საზოგადოება-საქართველოს“ მხარდაჭერით, თეთრიწყაროს მუნიციპალიტეტთან და სამოქალაქო მრჩეველთა საბჭოსთან პარტნიორობით განხორციელდა. პროექტის ფარგლებში, საქართველოში შეიქმნა პრეცედენტი – ქალაქის თანამონაწილეობითი დაგეგმვა და შემუშავდა საპროექტო წინადადება „სარეკრეაციო ზონის რეაბილიტაცია ქ. თეთრიწყაროს ცენტრალურ უბანში“;
2) სამოქაქალაქო მრჩეველთა საბჭოს შემადგენლობის შერჩევა არჩევითობის პრინციპით, რაც გულისხმობს საბჭოს შემადგენლობაში მუნიციპალიტეტის თითოეული დასახლებიდან მოსახლეობის მიერ შესაბამისი ხელმოწერებით დადასტურებული კანდიდატის წარდგენას.
პროექტისთვის სპეციალურად შექმნილმა მმართველმა კომიტეტმა სამოქალაქო ჩართულობის თვალსაზრისით საუკეთესოდ დაასახელა თეთრიწყაროს, წყალტუბოს, გორის, ოზურგეთისა და ახალციხის მუნიციპალიტეტების პროექტები.

გურჯაანის მუნიციპალიტეტში სოფელ ჭანდარში მიმდინარე წელს განხორციელებული მნიშვნელოვანი პროექტები: მოასფალტდა ე.წ. „უროიანის“ გზა; მოსწორდა შიდასაუბნო და სავარგულებთან დამაკავშირებელი გზები; ჩატარდა ხევის გაწმენდითი სამუშაოები; შეკეთდა სასმელი წყლის ცენტრალური მაგისტრალი და დეზინფექცია ჩაუტარდა წყლის რეზერვუარებს; რამდენჯერმე მოეწყო დასუფთავების აქცია; დამატებით განთავსდა ნაგვის ახალი კონტეინერები.
სოფელ ჭანდარში დასრულდა დასაუბნო გზის რეაბილიტაცია. პროექტის ფარგლებში მოასფალტდა 768 მეტრი სიგრძის გზა და მოეწყო სანიაღვრე არხი. სამუშაოები რეგიონებში განსახორციელებელი პროექტების ფონდიდან დაფინანსდა, რისთვისაც ჯამში 389 538 ლარი დაიჯარხა.

სოფელ ზეგაანში მიმდინარე წელს რამდენიმე მნიშვნელოვანი პროექტი განხორციელდა: მოასფალტდა 1450 მეტრი სიგრ- ძის სოფლის ცენტრალური გზა, რომელიც სასაფლაომდე მიდის; მოასფალტდა შიდასაუბნო გზა "შატო ზეგაანისა" და საბავშვო ბაღის იმართულებით; რამდენჯერმე მოეწყო დასუფთავების აქცია; უბნებში დაიდგა ახალი ნაგვის ურნები.

ლაგოდეხის მუნიციპალიტეტში

ლაგოდეხის მუნიციპალიტეტის 2019 წლის ბიუჯეტის პროექტის საჯარო განხილვა ქ.ლაგოდეხის სამუსიკო სკოლის დარბაზში გაიმართა. მუნიციპალიტეტის მთავარი საფინანსო დოკუმენტი საზოგადოებას მუნიციპალიტეტის მერმა გააცნო. დოკუმენტის მიხედვით, 2019 წელს მთავარი პრიორიტეტები იქნება: სოციალური და ინფრასტრუქტურული პროექტები, საგზაო ინფრასტრუქტურის მშენებლობა, სასმელი წყლის მაგისტრალების მოწყობა, ასევე – განათლების, სპორტული, ახალგაზრდული და კულტურული ღონისძიების ხელშეწყობა. ლაგოდეხის მუნიციპალიტეტის 2019 წლის ბიუჯეტი 11 011 300 ლარით განისაზღვრა.

სიღნაღის მუნიციპალიტეტში

სიღნაღის მუნიციპალიტეტის სააქტო დარბაზში 2019 წლის ბიუჯეტის პროექტის საჯარო განხილვა გაიმართა. საკრებულომ ადგილობრივი ბიუჯეტის პროექტი პირველივე მოსმენით, ხმათა უმრავლესობით დაამტკიცა. საზოგადოებას ბიუჯეტის პროექტი მუნიციპალიტეტის მერმა გიორგი გოგილაშვილმა წარუდგინა. სიღნაღის მუნიციპალიტეტის 2019 წლის ბიუჯეტი 8729,6 ათასი ლარით განისაზღვრა. 2019 წელს ინფრასტრუქტურის მშენებლობის, რეაბილიტა- ციისა და ექსპლუატაციისთვის ადგილობრივი ბიუჯეტიდან 2206,5 ათასი ლარი დაიხარჯება, მოსახლეობის ჯანმრთელობის დაცვისა და სოციალური უზრუნველყოფის თვის – 552,0 ათასი ლარი, ასევე, საზოგადოებრივი და ახალგაზრდული საქმიანობისთვის 2019 წლის ბიუჯეტში 91,8 ათასი ლარია გამოყოფილი, ხოლო სკოლამდელი განათლების დაფინანსება 1700,0 ათასი ლარით განისაზღვრა.

აღსანიშნავია, რომ 2018 წელთან შედარებით 2019 წლის ბიუ- ჯეტში მნიშვნელოვნად გაიზარდა მოსახლეობის ჯანმრთელობის დაცვისა და სოციალური უზრუნველყოფის, ასევე სკოლამდელი განათლების დაფინანსება. სიღნაღის მუნიციპალიტეტში 2018 წლის ივნისში მომხდარი სტიქიის შედეგად დაზიანებული (გზაზე მეწყერი ჩამოწვა და გზის ნაწილი ხევში ჩაიტანა) ტიბაანი-ქვ. მაჩხაანის დამაკავშირებელი გზის აღდგენითი სამუშაოები დასრულდა. გზის ამ მონაკვეთზე დაიგო ასფალტის საფარი, ხოლო ხევის მხრიდან აშენდა ბეტონის კედელი და მოეწყო სანიაღვრე, ასევე გაფართოვდა გზის სავალი ნაწილი. სამუშაოები რეგიონული განვითარებისა და ინფრასტრუქტურის სამინისტროს მიერ გამოყოფილი მიზნობრივი ტრანსფერით განხორციელდა და მასზე 196 800 ლარი დაიხარჯა.

დუშეთის მუნიციპალიტეტში

ბაზალეთის დევნილთა დასახლებაში მომხდარი აფეთქეს შედეგად დაზიანებული სახლების რეაბილიტაცია დასრულდა. დევნილთა საცხოვრებელი ფართის სარემონტო სამუშაოებისთვის სოციალური მომსახურების სააგენტომ 44 390 ლარი გამოყო. დაზარალებულ დევნილ ოჯახებს დახმარება ადგილობრივმა ხელისუფლებამაც აღმოუჩინა. მცხეთა-მთიანეთის გუბერნატორმა შალვა კერესელიძემ და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ გრიგოლ გიორგაძემ, ადგილობრივი ხელისუფლების წარმომადგენლებთან ერთად დაათვალიერეს. შენობაში სამინისტროს ფინანსური მხარდაჭერით დამონტაჟდა ლიფტიც, რომელსაც დევნილი მოსახლეობა წლების განმავლობაში ითხოვდა.


ზუგდიდის მუნიციპალიტეტში

მუნიციპალიტეტში აქტიუმიმდინარეობს სოციალურად რად დაუცველი ოჯახებისთვის საცხოვრებელი სახლების მშენებლობის პროცესი. პროექტში ჩართულია 400-ზე მეტი ბენეფიციარი, მათ შორის 183 ბავშვი, 25 შშმ პირი, 9 მარჩენალდაკარგული, 9 მრავალშვილიანი და 3 მარტოხელა დედა. ზუგდიდის მუნიციპალიტეტში 2015–2017 წლებში 66 სახლი აშენდა. პროექტი მომავალ წელსაც გაგრძელდება.

ქ. ფოთის მუნიციპალიტეტში

ფოთის საბიბლიოთეკო გაერთიანების დარბაზში ქალაქის მთავარი საფინანსო დოკუმენტის განხილვას მუნიციპალიტეტის მერიისა და საკრებულოს, არასამთავრობო სექტორის წარმომადგენლები და მოქალაქეები დაესწრნენ. 2019 წლის ბიუჯეტის მიმართულებებსა და პრიორიტეტებზე ქალაქ ფოთის მერმა გოჩა კურდღელიამ, საკრებულოს თავმჯდომარემ ირაკლი კაკულიამ, მერიის საფინანსო-საბიუჯეტო სამსახურის უფროსმა ნანა ჭანტურიამ, მერიისა და საკრებულოს სხვა წარმომადგენლებმა ისაუბრეს.

მომავალი წლის ადგილობრივი ბიუჯეტი 15 943.5 ათასი ლარია. ქალაქ ფოთის მუნიციპალიტის მერია 2019 წელს მდინარე კაპარჭის გაწმენდისა და რეაბილიტაციის სამუშაოებს გეგმავს. ადგილობრივი ხელისუფლება ითვალისწინებს რა სპეციალისტ- თა მოსაზრებებს მდინარე კაპარჭაზე არსებული მძიმე ეკოლოგიური მდგომარეობის შესახებ, მომავალი წლიდან ტბის პირველადი მდგო- მარეობის დასაბრუნებლად ქმედითი ღონისძიებების გატარებას იწყებს, რომლის მიზანია მდინარის წყალგამტარიანობის აღდგენა, ბინადარი თევზის სახეობების შენარჩუნება და გამრავლება, სხვა ეკოლოგიური საფრთხის გამომწვევი ფაქტორების აღმოფხვრა.

ქალაქ ფოთის მერის პირველი მოადგილე კონსტანტინე თოფურია მდინარე კაპარჭის მიმდებარედ მცხოვრებ მოსახლეობას შეხვდა. დაგეგმილი ღონისძიებები გააცნო და მათი მოსაზრებები მოისმინა.

სენაკის  მუნიციპალიტეტში

მუნიციპალიტეტში საგზაო ინფრასტრუქტურის მოწესრიგება გრძელდება. რეაბილიტირებული და თანამედროვე სტანდარტების მქონე სენაკის რკინიგზის სადგურის მიმდებარე ტერიტორიაზე საგზაო ინფრასტრუქტურის მოწყობა უმოკლეს ვადებში განხორციელდა. სამუშაოების მიმდინარეობას სენაკის მუნიციპალიტეტის მერი ლევან კუპრეიშვილი, მერის პირველი მოადგილე გრიგოლ ბაღათურია, მერის მოადგილე კახაბერ კუპრეიშვილი შესაბამისი სამსახურის წარმომადგენლებთან ერთად ადგილზე გაეცნენ.
რკინიგზის სადგურის მიმდებარე ტერიტორიაზე ასფალტის ორფენიანი საფარი დაიგო.

ჩოხატაურის მუნიციპალიტეტში

ჩოხატაურის საგანმანათლებლო რესურსცენტრის სააქტო დარბაზში, ჩოხატაურის მუნიციპალიტეტის მერმა ირაკლი კუჭავამ და საკრებულოს თავმჯდომარემ ზაალ მამალაძემ 2019 წლის ბიუჯეტი სახალხო განხილვისთვის წარადგინეს. შეხვედრას ესწრებოდნენ მუნიციპალიტეტის მერიის სათათბირო ორგანოს – "სამოქალაქო მრჩეველთა საბჭოს" წევრები, მუნიციპალიტეტის სამსახურებისა და საზოგადო- ების წარმომადგენლები.

მარნეულის მუნიციპალიტეტში

ქვემო ქართლში სახელმწიფო რწმუნებული შოთა რეხვიაშვილი, მარნეულის მერის მოვალეობის შემსრულებელ ზაურ ტაბატაძესთან, მოადგილე ზვიად ჭუნაშვილთან და მუნიციპალიტეტის ხელმძღვანელ პირებთან ერთად, სოფელ მარეთში იმყოფებოდა, სადაც დასრულდა კორპუსებთან მისასვლელი გზისა და ეზოს მოასფალტების პროექტი. გუბერნატორი შესრულებულ სამუშაოებს გაეცნო და ადგილობრივ მცხოვრებლებს გაესაუბრა. აღსანიშნავია, რომ მუნიციპალიტეტში 2018 წელს დასრულდა სხვადასხვა ინფასტრუქტურული პროექტები, რომლებიც ექსპლუატაციაში წლის ბოლოს შევიდა. სოფელ კაჩაგანში მოასფალტდა 1 100 გრ/მ გზა, ხანჯიგაზლოში – 1 200 გრ/მ, თაქალოში – 1 580 გრ/მ, მარადისში – 1 210 გრ/მ გზა, ალგეთში – 2 748 გრ/მ, წერეთელში – 1 364 მ/კვ, იმირჭალაში – 1 790 მეტრი სიგრძის გზა საერთო ფართობით 12 738 კვ/მ, ხოლო პირველ ქესალოში – 1 349 მეტრი სიგრძის გზა. სამოქალაქო ბიუჯეტის ფარგლებში სოფელ წითელსოფელ- ში რეაბილიტირდა ცენტრალური გზა.

ბოლნისის მუნიციპალიტეტში

საქართველოს ადგილობრივ თვითმმართველო ბათა ეროვნული ასოციაცი- ის (NALAG) ევროკავშირის პროექტის N4ED ფარგლებში გამოცხადებული საუკეთესო პრაქტიკის კონკურსის ერთ- ერთი გამარჯვებული ბოლნისის მუნიციპალიტეტი გახდა.  პროექტისთვის სპეციალურად შექმნილი მმართველი კომიტეტის გადაწყვეტილებით, თემაზე – "სოციალურ- ეკონომიკური განვითარების დაგეგმვა", საუკეთესოდ ბოლნისის მუნიციპალიტეტის პროექტი გამოვლინდა. საუკეთესო პრაქტიკათა ეროვნულ კონფერენციზე სხვადასხვა მიმართულებით გამოვლენილი გამარჯვებული მუნიციპალიტეტები დააჯილდოვეს.
ბოლნისის მუნიციპალიტეტის მერს ჯილდო საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა გადასცა. კონკურსში ოცდაოთხმა მუნიციპალიტეტმა მიიღო მონაწილეობა, რომლებმაც გენდერული თანასწორობის, სოციალურ-ეკონომიკური განვითარების დაგეგმვისა და მოქალაქეთა ჩართულობის თემატიკაზე 35 პროექტი წარადგინეს.

"ბოლნისის მუნიციპალიტეტი ჩაერთო საქართველოს ადგილობრივ თვითმმართველობათა ეროვნული ასოციაციის მიერ გამოცხადებულ საუკეთესო პრაქტიკის კონკურსში, რომელშიც მონაწილეობდა სოციალურ-ეკონომიკური განვითარების დაგეგმვის მიმართულებით. მოხარულივართ, რომ ჩვენმა პროექტმა ჟიურის მოწონება დაიმსახურა. ევროკავშირის ინიციატივის „მერები ეკონომიკური ზრდისთვის“ ფარგლებში შემუშავდა ბოლნისის მუნიციპალიტეტის ადგილობრივი ეკონომიკური განვითარების გეგმა, რომელმაც დაგვანახვა საკუთარი შესაძლებლობები, რაც გამოყენებული იქნება ადგილზე ეკონომიკური სიტუაციის გასაუმჯობესებლად. სწორედ ამ კონკურსმა მოგვცა საშუალება საკუთარი პრაქტიკა სხვა მუნიციპალიტეტებს გავუზიაროთ, რაც, ვფიქრობთ, მათი შემდგომი
ეკონომიკური განვითარებისთვის მეტად მნიშვნელოვანი ფაქტორი იქნება", – განაცხადა ბოლნისის მუნიციპალიტეტის მერმა დავით შერაზადიშვილმა.

მარტვილის მუნიციპალიტეტში

მარტვილის მუნიციპალიტეტის საფეხბურთო სკოლის ორგანიზებით გამწვანების აქცია გაიმართა. საფეხბურთო სკოლის საწვრთნელი ბაზის ტერიტორიაზე მუნიციპალიტეტის მერის პირველმა მოადგილემ დავით სურმავამ და საფეხბურთო სკოლის დირექტორმა ჯესი სურმავამ თანამშრომლებთან ერთად დეკორატიული ნაძვის ნერგები დარგეს. მუნიციპალიტეტში მსგავსი ტიპის აქციები პერიოდულად იმართება, რაც ხელს უწყობს ეკოლოგიურად სუფთა გარემოს ჩამოყალიბებას.

დმანისის მუნიციპალიტეტში

მუნიციპალიტეტის მერიის სოციალური პროგრამის ფარგლებში მიმდინა- რეობს ბიოსაწვავ "ბრიკეტით" მარტოხელა პენსიონერებისა და უკიდურესად გაჭირვებული მოსახლეობის მომარაგება. ბიოსაწვავი ამ ეტაპზე 110 გადაეცემა.



მეტის ნახვა
26-12-2018, 19:58


ყველას გემახსოვრებათ ებრაელი "ბანკირი" შეილოკი "ვენეციელი ვაჭარიდან", კაცი, რომელიც ფულის მსესხებელს, თუკი მან ვალი ვერ დააბრუნა, ერთ გირვანქა ხორცის ნაჭერს, ანუ გულს სთხოვს ვალის დასაფარავად.

ამ პიესის ალეგორია პირდაპირი მინიშნებაა იმაზე, რომ ეკონომიკის წითელი ხაზი ადამიანის გულზე გადის.
საქართველოს 600 000 მოქალაქეს, რომლებიც ე.წ. ურჩ გადამხდელებად, პრობლემურ მსესხებლებად ითვლებოდნენ, საბანკო ვალებისგან გული საგულეს აღარ ედოთ, საქართველოს მთავრობამ და `ქართუ ბანკმა~ ბანკირების ხელში ჩავარდნილებს ვალი სრულად გაუნულა.
მთავრობის გადაწყვეტილებით, ჭარბვალიანობის შემცირების მიზნით, მოსახლეობის გარკვეული კონტინგენტისთვის ვალების ჩამოწერა მოხდა.
გაიხსნა სპეციალური საიტი _ vali.ge, სადაც ნებისმიერ ადამიანს შეუძლია ნახოს, არის თუ არა სიაში თავისი სახელი და გვარი და ჩამოეწერა თუ არა წლების განმავლობაში დაგროვილი დავალიანება.

გაჩნდა უამრავი მადლიერი ადამიანი, რომლებიც ვალის გარეშე შეხვდებიან ახალ წელს.
ოფიციალურად გამოცხადდა, რომ ვალები სხვადასხვა ბანკებიდან 600 000-ზე მეტ ადამიანს გაუნულდა.
პროფესორ ლია ელიავას აზრით, მიუხედავად ამ დიდი ფინანსური აქტისა და მადლიერი 600 000 ადამიანისა, მოსახლეობის გარკვეული ნაწილი უკმაყოფილო დარჩა, ანუ მოსახლეობის ის ნაწილი, ვინაც შეძლებისდაგვარად, გაჭირვების მიუხედავად, ბანკებიდან აღებულ სესხებს პატიოსნად იხდიდა, მას ეს საფინანსო შემოწირულობა არ შეხებია.

ლია ელიავა: "ვინც იხდიდა, მას შეღავათიც არ შეეხება, ხოლო ვინც საერთოდ არ იხდიდა, ვალი გაუნულდა.
საინტეერსოა, რომ ასეთი იყო ხელისუფლების გადაწყვეტილება, რამაც ძალიან ბევრი ადამიანის უკმაყოფილება გამოიწვია, იმათი, ვინც ეკონომიკური პრობლემების მიუხედავად, თავიანთ საკრედიტო დავალიანებას პატიოსნად იხდიდა. როცა მოსახლეობა ხედავს, რომ პირმა, რომელმაც აიღო სესხი ბანკიდან, "შეჭამა". უპასუხისმგებლოდ არ აბრუნებს და ბოლოს ეს სესხი უნულდება, გული წყდება, სწყინს. ეს იწვევს საზოგადოების შუაზე გახლეჩას. არ შეიძლება ცალი ხელით ერთი გაახარო და მეორე, იმის გამო, რომ კეთილსინდისიერია _ დაჩაგრო.

მოკლედ, ვალების განულების პროცესი ტექნიკურად სწორი პროცესი იყო, მაგრამ მორალურად გაუმართლებელი. ნაწილი ადამიანებისა კმაყოფილია, ნაწილი უკმაყოფილო და ნაწყენი და უნდა ითქვას, რომ ადამიანების გულში წყენა რჩება და ამ წყენის გაქრობა აღარაა ადვილი. მეტსაც გეტყვით, სამეგრელო და გურია შეჭამა ფაროსანამ, მაგრამ ხელისუფლების მხრიდან არავითარი დახმარება მოსახლეობისთვის არ ყოფილა იმის მიუხედავად, რომ გაუნადგურდათ მოსავალი, ზამთრის სარჩო საერთოდ აღარ დარჩათ. კახეთში რომ წამოვა სეტყვა და ხელისუფლება ზარალის ანაზღაურებაზე იწყებს ფიქრსა და ლაპარაკს, სამეგრელო და გურია საქართველო არ არის? ასეთი ცალმხრივი მიდგომები არ არის გამართლებული.

რაც შეეხება სესხებს. ვისაც გაუნულდა, ჰგონიათ, რომ მათი საკრედიტო ისტორია სუფთა დაფასავით იქნება და არავითარი კვალი იმისა, რომ ეს ადამიანები იყვნენ ურჩი გადამხდელები, არსად არ გამოჩნდება, მაგრამ ეს ასე არ არის. როდესაც ისინი მიაკითხავენ ბანკებს სესხის ხელახლა ასაღებად, მაშინ მიხვდებიან, რომ ჯობდა, თვითონ გადაეხადათ ვალი, ვიდრე სახელმწიფოებრივი აქტით განულებულიყო მათი დავალიანება.
თვითონ მთავრობის არასწორი და გაუაზრებელი მოქმედება სწორედ იმაში მდგომარეობდა, რომ ნაწილ მოსახლეობას, ფაქტობრივად, ურჩ გადამხდელებს, შეღავათი გაეწია.

ამ ფინანსურ აქტს, ამ მოქმედებას, შეიძლება, არ მოჰყვეს ხმამაღალი და მკვეთრად გამოხატული პროტესტი მოსახლეობისგან, მაგრამ მათ გულში ეს უკმაყოფილება რჩება და ადრე თუ გვიან აუცილებლად იჩენს თავს ამა თუ იმ ფორმით.
გულნატკენი მოსახლეობა ძალიან რთული სამართავია.

იმის თქმა მინდა, რომ ამ საკითხისადმი სახელმწიფოებრივი მიდგომა არასწორი იყო. ერთადერთი, რითაც მდგომარეობის გამოსწორება შეიძლება, დამატებითი თანხების გამოყოფაა საჭირო და ვალებში ჩაფლული მოსახლეობისთვის სავალალო ტვირთის ოდნავ მაინც შემსუბუქება _ ვთქვათ, 20 000 ლარი ვალიდან 2 ან 3 000 რომ დაგიფარავენ, ამითაც მადლობელი იქნება ადამიანი.
შევთანხმდეთ იმაზე, რომ ე.წ. `შავი სიები~ არ უქმდება. წეღანაც გითხარით, ყველა ისტორია რჩება საკრედიტო ისტორიების ბიუროში და კონკრეტულ შემთხვევაში, როცა კომერციული ბანკი მიმართავს ბიუროს, მიაწვდიან ინფორმაციას, რომ მსესხებელი განულებულთა სიაშია. ბუნებრივია, ბანკი თავს შეიკავებს სესხის გაცემისგან.

ეს სიტუაცია რამდენიმე თვეში დადგება და ადამიანები, ახლა რომ კმაყოფილები არიან, ხვალ პროტესტს გამოხატავენ. ეს ჩვეულებრივი ამბავია _ ადამიანის ხასიათიდან გამომდინარე _ რაც უნდა კარგი გაუკეთო ადამიანს, შემოსადავებელი თუ მიეცი, უკან არ დაიხევს.

დაკრედიტების წესები, რომელიც შემოიღო ეროვნულმა ბანკმა, არის საკმაოდ მკაცრი და კომერციული ბანკები ვალდებულნი არიან, მსესხებლის ოჯახის თითოეული წევრის შემოსავალ-გასავალი შეისწავლონ და თუ აღმოჩნდა, რომ შემოსავლები არის ძალიან მცირე, სპეციალურ შკალაზე მოცემული ციფრების მიხედვით იძლევიან სესხებს. მაგალითად, თუ მსესხებლის შემოსავალი თვეში 1000 ლარია, მისი სასესხო მოთხოვნა არ უნდა აღემატებოდეს შემოსავლის 25%-ს, ანუ 250 ლარზე მეტის სესხის აღება არ შეუძლია. საკმაოდ მკაცრი პირობებია.

როგორც წესი, კანონს უკუქცევის ძალა არ აქვს და ის არ მოქმედებს ადრე არსებულ მდგომარეობაზე და თუ ვინმე ფიქრობს, რომ სესხი აუცილებლად უნდა აიღოს, დაელოდოს დროს, თორემ ახლა თუ აიღებს სესხს, მისი გადახდა ისეთივე მძიმე და რთული იქნება, როგორც ადრე იყო, რადგან კანონი არ არის მარეგულირებელი დოკუმენტი. ახალი ბრძანება უნდა გამოიცეს და შემდეგ შეიძლება საუბარი სესხების შესაძლო ლიბერალიზაციაზე. დრო დასჭირდება ამ პროცედურებს. ამ საკითხის განხორციელებას კომერციული ბანკებიც დააბკროლებენ, რადგან უმცირდებათ შემოსავალი. ეს არც მოსახლეობისთვის იქნება ხელსაყრელი, რადგან, ფაქტობრივად, დაბალშემოსავლიანი მოსახლეობისთვის საკრედიტო რესურსებისადმი წვდომა მნიშვნელოვნად იზღუდება.
ყველას გვახსოვს, მთავრობამ თავის დროზე სიღარიბესთან ბრძოლა გამოაცხადა. საინტერესოა, როგორ აპირებს ის ამის გაკეთებას? თუ იმით, რომ ღარიბს მოუსპოს მატერიალური მდგომარეობის გაუმჯობესების საშუალება, ეს არ არის სიღრიბესთან ბრძოლის არც სურვილი და არც მოქმედება. 

ეს არ ნიშნავს მხოლოდ იმას, რომ ღარიბი მოსახლეობა ვეღარ შეიძენს, ვთქვათ, ახალ მაცივარს, ახალ ტელევიზორს და ა. შ. ამას გაცილებით ღრმა ფესვები აქვს _ ასეთი ოჯახებიდან გამოსული ახალგაზრდები ოჯახებს ვერ შექმნიან, ბინას ვერ აიღებენ იპოთეკით, შეეშინდებათ ბავშვის გაჩენის და ა. შ.
მე სულ ვამბობ: ჩვენი ხელისუფლება, წინანდელი, იმის წინა, რატომღაც ისეთ გადაწყვეტილებებს იღებს, რომ არ აქვთ გათვლილი მოქმედებების რისკები, წინ არ იხედებიან. ამის მიზეზი, ჩემი აზრით, უცოდინარობა და არაპროფესიონალიზმია. არაერთხელ მითქვამს და კიდევ გავიმეორებ: ცოდნა, ცოდნა და კიდევ ერთხელ ცოდნა. პროფესიონალური განათლება აკლია ჩვენს ქვეყანას და სასტიკად აზარალებს მას. მაგრამ ყველაზე საწყენი და სავალალო ისაა, რომ სწორედ ეკონომიკურ გუნდში არის ასეთი პრობლემები. გაურკვეველი განათლების და გამოცდილების ადამიანები ინიშნებიან თანამდებობებზე ეკონომიკის კუთხით. როგორ შეიძლება რეფორმები ანდო ისეთ ადამიანებს, რომლებსაც წარმოდგენაც არ აქვთ ეკონომიკის ანბანზე?!

ისე არ გამიგოს ვინმემ, თითქოს საქართველოში არ იყოს განათლებული ადამიანები და კერძოდ, მცოდნე, პროფესიონალი ეკონომისტები. მე ვიცნობ ახალგაზრდებს, შესანიშნავ ეკონომისტებს, მცოდნეებს, მოაზროვნეებს, მაგრამ ისინი არ ჩანან და რატომღაც წამოტივტივებულნი არიან გაუგებარი ცოდნისა დ გამოცდილების ადამიანები. არ ვიცი, რა ნიშნით პოულობენ მათ. ბევრი კარგი ეკონომისტი გვყავს, რომლებიც კარგად გაართმევდნენ თავს პრობლემებს და ქვეყანა ეკონომიკურად უკეთეს მდგომარეობაშიც აღმოჩნდებოდა.

ირანდა კალანდაძე

მეტის ნახვა
26-12-2018, 11:00


ცნობილი რუსი ჟურნალისტის მაქსიმ შევჩენკოს "ხო მოსკვისთვის" მიცემული ინტერვიუ, სადაც ის რუსულ ქართულ ურთიერთობებზე საუბრობს და საქართველოში ჩატარებულ საპრეზიდენტო არჩევნებს აფასებს, ვფიქრობთ ინტერესმოკლებული არ იქნება მკითხველისთვის.

– ქართველმა ხალხმა ხმა მისცა სალომე ზურაბიშვილს, მას პირადად ვიცნობ, ვულოცავ ამ გამარჯვებას. ქართველებმა მხარი იმიტომ დაუჭირეს სალომე ზურაბიშვილს, მათ არავითარ შემთხვევაში არ უნდოდათ სააკაშვილის დაბრუნება. კითხვა მიჩნდებოდა, თვითონ ბიძინა ივანიშვილი რატომ არ ბრუნდება ხელისუფლებაში, პასუხი ცალსახაა, მას ამის უფლებას არ აძლევენ ამერიკელები, რომლებიც მთლიანად აკონტროლებენ პოლიტიკურ პროცესს. რამდენადაც ვიცი, ქართულ საზოგადოებაში უკვე სულ სხვა დამოკიდებულება მწიფდება ამ რეალობის მიმართ, ათეულობით ქართველთან მისაუბრია, მათგან ვიცი, რომ ქართველ ხალხს არც მმართველი ძალა მოწონს და არც ნაციონალები, ის ელოდება ნამდვილად ეროვნულად განწყობილ ძალას, რომელიც გადაარჩენს მართლმადიდებლურ საქართველოს, ძველ იბერიას. 

კითხვაზე თავად რუსეთისთვის რა მნიშვნელობა ექნება სალომე ზურაბიშვილის გაპრეზიდენტებას, შევჩენკო აცხადებს, რომ რუსეთი ვერ აკონტროლებს საქართველოში ვითარებას, არც ესმით ეს, თუმცა არის ხალხი, ვისაც ესმის, მაგრამ მათ ხელფეხი შეკრული აქვთ. 

მაქსიმ შევჩენკო: "მე არ მესმის, დღემდე რატომ გვაქვს საქართველოსთან სავიზო რეჟიმი, როცა საქართველოს რუსეთის მოქალაქეების მიმართ უვიზო რეჟიმი აქვს დაწესებული. ამის ახსნა შეიძლება, ვიღაც უბრალოდ ბლოკავს მართლმადიდებელ ქართველ ხალხთან, ძველ ქრისტიანებთან ჩვენს ურთიერთობას, რომ ქართველები ჩამოვიდნენ და მოილოცონ რუსული ტაძრები, მაგალითად ლავრა თუ ამისი სურვილი ექნებათ. პატრიარქი ილია მეორე ხომ თავის დროზე ამ ლავრის სემინარიაში სწავლობდა. რუსებისთვის ქართველები მენტალურად ყველაზე ახლობელი ხალხია, შეიძლება ითქვას უკრაინელებზე ახლობლებიც კი. მართლმადიდებელი ქართველები ჯვრის მონასტრით, სვეტიცხოველით, ქართული, კავკასიური ბერმონაზვნობით, საბჭოთა პერიოდში ბევრჯერ ვყოფილვარ, შევხვედრივარ ბერებს, ისინი ჩვენთვის ძალიან ახლობელი ხალხია. ქართველებთან მაშინვე პოულობ საერთო ენას, უკრაინელებთან უძნელდებათ რუსებს საერთო ენის პოვნა, აი, ვის უნდა ვეძახდეთ მოძმე ხალხს. ბოლო-ბოლო ქართველის ხელისუფლების სათავეში ყოფნისას მიაღწია რუსეთმა ისეთ უდიდეს პოლიტიკურ წარმატებებს, როგორიც მთელი თავისი ისტორიის მანძილზე არ ჰქონია. ამიტომაც ვთვლი, რომ ხელოვნურად შექმნილი კონფლიქტით, ჩეხავენ ქართველებსა და რუსებს შორის სასიცოცხლო კავშირს. ქართველებისთვის ორი რამ არის მნიშვნელოვანი, ეროვნული აღმავლობა და ტერიტორიული მთლიანობის აღდგენა". 

წამყვანის კომენტარს, რუსეთი არასდროს დაუშვებს საქართველოს ტერიტორიული მთლიანობის აღდგენასო, შევჩენკომ მკვახედ უპასუხა, რუსეთის ფედერაცია რუსეთი არ არის, რუსეთის ფედერაცია რუსეთის რაღაც ნამსხვრევია, რომელიც იმართება საერთაშორისო კორპორაციების მიერ ადგილობრივი ბიუროკრატების მხარდაჭერით. არ შეიძლება რუსეთის ფედერაცია ისტორიულ რუსეთთან ასოცირდებოდეს, ისტორიულ რუსეთს არავითარი კონფლიქტი არ აქვს საქართველოსთან და არც შეიძლება ჰქონდეს. რაც შეეხება 2008 წლის ომს, ეს იყო მედვედევ-ვარკოვიჩისეული თამაშები, ვარკოვიჩმა და ბაქრაძემ პასუხი გასცენ, როგორ გაუკეთეს ორგანიზება და მოაწყვეს ეს ომი. ეს სამარცხვინო, ბინძური ომი, რომელიც ორივე მხრიდან იყო პროვოცირებული რაღაც პარტიების მიერ, ვითარების გასამწვავებლად, ვიღაცას პუტინის ჩამოშორება უნდოდა, რომელიც იმ პერიოდში პეკინის ოლიმპიადაზე იყო წასული, ვიღაცას კიდევ რაღაც საკითხების გადაწყვეტა უნდოდა. ოდესმე გავიგებთ სრულ სიმართლეს ამ ყველაფერზე, ისე, რაზე ვლაპარაკობ, როცა საბჭოთა პერიოდის არქივების 70% დღემდე გასაიდუმლოებულია, დღემდე ეშინიათ გახსნა. აშკარად, ვიღაც "ჩამშვებების" შთამომავლობას, რომლებიც ხელისუფლებაში არიან, არ უნდათ გავიგოთ მათი გვარები, მაგრამ ვფიქრობ, ოდესღაც გავხსნით არქივებს და გავიგებთ რეალურად რაც ხდებოდა.

მანანა სუხიშვილი

მეტის ნახვა
26-12-2018, 08:30


2018 წლის ბოლოს ქართველი მასწავლებლებისთვის ორი არასასიამოვნო სიახლის შესახებ გახდა ცნობილი:

1. 2019 ბიუჯეტის პროექტის თანახმად, მასწავლებლების საბაზო ხელფასის ზრდა არ იგეგმება. მასწავლებლების ხელფასის მნიშვნელოვანი ზრდა მხოლოდ 2020 წლიდან არის მოსალოდნელი.

2. საქართველოს განათლების, მეცნიერების, კულტურისა და სპორტის სამინისტრო საჯარო სკოლების პედაგოგთა მკვეთრ შემცირებას გეგმავს. გავრცელებული ინფორმაციით, ამგვარად მასწავლებელთა საბაზო ხელფასის მატება გახდება შესაძლებელი, რომელიც დღეს 405 ლარს შეადგენს.

მიუხედავად იმისა, რომ სამინისტროში მასწავლებელთა მოსალოდნელი შემცირების შესახებ გავრცელებულ ინფორმაციას არ ადასტურებენ, განათლების სისტემაში დასაქმებული ადამიანები და დარგის სპეციალისტები მოვლენების ამგვარად განვითარებას არ გამორიცხავენ.

„საერთო გაზეთს“ განათლების ექსპერტი მანანა ნიკოლაიშვილი ესაუბრა:

– დავიწყებ იმით, რომ მასწავლებელთა ხელფასებისთვის ძალიან დიდი ფულია საჭირო, ჩვენ კი ვცხოვრობთ ქვეყანაში, სადაც ეკონომიკა არ ვითარდება, მრეწველობა არ არსებობს და ბიუჯეტი განათლებისთვის ფულს ვერ იმეტებს. ამიტომ, ნებისმიერი ხელისუფლების დროს, ყველა საერთაშორისო ორგანიზაცია და ექსპერტი რეკომენდაციას გვაძლევდა, რომ მასწავლებლების რიცხვი შემცირებულიყო. მე მაქვს ნანახი დოკუმენტი, სადაც ერთ-ერთი ავტორიტეტული საერთაშორისო ორგანიზაცია ხელისუფლებას რჩევა-რეკომენდაციას აძლევს, რომ მასწავლებლებს ხელფასები სხვა მასწავლებლების შემცირების ხარჯზე მოუმატონ და ასეც ხდება.. საბჭოთა კავშირის დაშლის შემდეგ სკოლებიდან 40 000-ზე მეტი მასწავლებელი გაუშვეს. პრაქტიკულად, დამოუკიდებლობის მოპოვებიდან დღემდე მასწავლებელთა რიცხვი განახევრებულია და ეს პროცესი გრძელდება.

– როდემდე?

– საერთაშორისო ორგანიზაციების რეკომენდაციებს თუ მიყვებით, საქართველოში 28 000 მასწავლებელი უნდა დატოვონ და არსებული სახელფასი ფონდი მათზე გაანაწილონ. წარმოიდგინეთ, 67 000-დან 39 000 მასწავლებელი უნდა გაუშვან და უმუშევართა არმიას შეუერთონ. აი, ეს წერია იმ რეკომენდაციებში.

– როგორ აისახება მასწავლებელთა მასიური შემცირება განათლების ხარისხზე?

– როგორ და დასვამენ თითო კლასში 60–70 ბავშვს და ვიქნებით აფრიკის ჩამორჩენილი ქვეყნების დონეზე. ბუნებრივია, შემცირებას გადარჩენილ მასწავლებლებს დატვირთვას გაუზრდიან და განაკვეთნახევარს ან ორ განაკვეთს მისცემენ, მაგრამ 28 ათასი მასწავლებელი როგორ უნდა ეყოს 600 ათასზე მეტ მოსწავლეს არ ვიცი. ასეთი წმენდა სააკაშვილის დროს ჩატარდა, როცა მცირესაათიანი მასწავლებლები გაუშვეს. ამ პროცესებს თან ახლავს ეროვნულ სასწავლო გეგმაში სასწავლო საათებისა და დისციპლინების კლება, ფინანსური კლასების შეერთება, მცირეკონტინგენტიანი სკოლების დახურვა და ა.შ. ერთი სიტყვით, ყველაფერი ის, რასაც ნაციონალები აკეთებდნენ. თითქოს ქართულმა ოცნებამ შეაჩერა ეს პროცესები, მაგრამ მაინც იძულებულს გახდიან..

– რჩევები და რეკომენდაციები იძულებას არ ნიშნავს და საბოლოო გადაწყვეტილება მაინც მთავრობის მისაღებია.

– საერთაშორისო ორგანიზაციები ძალიან დიდი დოზით ერევიან საქართველოს საშინაო თუ საგარეო საქმეებში. დარწმუნებული ვარ, რომ სწორედ ამ საერთაშოორისო ექსპერტებმა და ორგანიზაციებმა დაუგდეს რეიტინგი „ქართულ ოცნებას“, თორემ ეს ხალხი სულ სხვა გეგმებით მოვიდა, ჰქონდა ბრწყინვალე პროგრამა მაგალითად, განათლებასა და მეცნიერებაში და პრაქტიკულად, არაფრის გაკეთების საშუალება არ მიეცათ. მე თვითონ ვიღებდი „ქართული ოცნების“ პროგრამის წერაში მონაწილეობას და მახსოვს, როგორ მოდიოდა ბატონი ბიძინა და ესწრებოდა კომისიის შეკრებას. ყველაფერი იცოდა, რაც უნდა გაკეთებულიყო და მოვიდა პარტიის ბრწყინვალე პროგრამით. რატომ არ გაკეთდა?! იმიტომ, რომ არ მისცეს საშუალება ამ საერთაშორისო ორგანიზაციებმა და ნაციონალების გზას გააყოლეს. ვერავინ დამაჯერებს, რომ ხელისუფლებაზე ზეწოლა არ არის და ვიღაცას არ უნდა ნაციონალების მობრუნება. როგორ შეიძლება ამდენი უსაქმური და არაპროფესიონალი ადამიანი მოიყვანო მთავრობაში ან პარლამენტში? თითქოს ვიღაც საგულდაგულოდ არჩევს უვარგის კადრებს, რომ ხელისუფლება დაძიროს. სხვანაირად, როგორ ავხსნა, რომ საპარლამენტო არჩევნების ინ პედაგოგების შემცირება და მასწავლებლებისთვის დაპირებული ხელფასების მომატებაზე უარის თქმა?

– როგორც ვიცი, მინისტრმა მასწავლებლების ხელფასის ზრდის საკითხი რეფორმის დაგვიანებას დაუკავშირა.

– რეფორმა რა შუაშია?! მასწავლებლები კატეგორიებად დაყოფილია და რა რეფორმა იგვიანებს? მასწავლებლების შემცირების? სახლში გაშვების? სასწავლო საათების შეკვეცის? მასწავლებლის გაშვებას აზრი არ აქვს, თუ ყველაფერი არ შეამცირეს. სახელფასო ეკონომია რო, გააკეთო და ფული დაზოგო, ან მასწავლებლები უნდა გაუშვა ან ფინანსური კლასები გააერთიანო, ან ორივე ერთად.

საპარლამენტო არჩევნებისთვის პოლიტიკური პარტიები წელიწადნახევრით და ორი წლით ადრე იწყებენ მზადებას და ესენი ახლა, როცა პრაქტიკულად, წამზომი ჩართულია და საპარლამენტო არჩევნებამდე ორ წელზე ნაკლები დარჩა, ასეთ ნაბიჯს დგამენ. წარმოგიდგენიათ რას ნიშნავს არჩევნებში საჯარო სექტორის 67 000 და კერძო სექტორის 10 000 მასწავლებლის და მათი ოჯახის წევრების ხმა? ახლა რომ მოიგეს, არაფერს ნიშნავს. ხალხი წავიდა და სალომე ხმა მისცა იმის გამო, რომ ნაციონალების კანდიდატი არ მოსულიყო, მაგრამ საპარლამენტო არჩევნებზე ცოტა სხვაგვარად იქნება საქმე. იქ „ქართული ოცნება“ უნდა წარსდგეს ხალხის წინაშე. ის „ოცნება“, რომელსაც არაფერი გაუკეთებია ხალხისთვის. ეს არის ხელისუფლება, რომელმაც ხალხი პრაქტიკულად, მიატოვა და არც ერთ დონეზე არ მუშაობს. არც თვითმმართველობის, არც მმართველობის, არც პარლამენტის დონეზე და არც მთავრობის დონეზე. ამ ხელისუფლების ყველა შტო დაცილდა ხალხს თუ არ ჩავთვლით ბიძინა ივანიშვილს და მის ქველმოქმედებას, მაგრამ ივანიშვილი არც მთავრობის წევრია, არც საკანონმდებლო ხელისუფლების და არაფრის. ქართულ ოცნებას რეიტინგი ისედაც შერყეული აქვს და ეს მასწავლებლები ისედაც განაწყენებულები არიან და არა მარტო ხელფასის გამო.. განაწყენებულები კი არა, გაწამებულები და გაგიჟებულები არიან და იმის მაგივრად, რომ ეს მასწავლებლის პროფესიული განვითარების კორუმპირებული, ყოვლად გამოუსადეგარი სქემა გადააგდონ, რაღაც სისულელეებს აკეთებენ. მაგრამ ამ სქემას არ აჩერებენ იმიტომ, რომ ამ კორუმპირებული სქემით უამრავი ადამიანი დიდ ფულს შოულობს. და ბოლოს, ვერც ერთი პარტია, მით უმეტეს მორყეული და რეიტინგშელახული სახელისუფლებო პარტია ვერ გაუძლებს, რომ წინასაარჩევნო კამპანიამდე მასწავლებელთა სექტორში მასშტაბური შემცირებები ჩაატაროს და ხელფასი არ მოუმატოს. ამის გაკეთება არავითარ შემთხვევაში არ შეიძლება. ვინც არ უნდა მოთხოვოს გაერო იქნება, იუნისეფი თუ სხვა. ეს არავითარ შემთხვევაში არ უნდა გააკეთონ, პირიქით მასწავლებლის პროფესიული სქემა უნდა გააჩერონ და ახალი მოდელი შემოიტანონ. თუ ამას არ გააკეთებენ, ჩავთვლი, რომ საკუთარი ნებით უთმიობენ ნაციონალებს ხელისუფლებას. სხვა დასკვნის გამოტანა უბრალოდ, შეუძლებელია.

ნელი თორდია

მეტის ნახვა
25-12-2018, 13:00


კიდევ ერთხელ დადასტურდა მსოფლიო წამყვანი პოლიტოლოგების შეფასება _ ტრამპის პოლიტიკური სვლების გათვლა შეუძლებელია. სწორედ იმ დროს, როდესაც ტრამპი სინ ძინ პინს ხვდებოდა, კანადაში აშშ-ის მოთხოვნით დააპატიმრეს ერთ-ერთი უდიდესი ჩინური ტელეკომუნიკაციების გიგანტური კორპორაციის "ჰუავეის" კომერციული დირექტორი ვან ჯოუ. დაკავების შესახებ მხოლოდ სამი დღის შემდეგ გახდა ცნობილი. აღსანიშნავია, რომ ვან ჯოუ კორპორაციის დამფუძნებლის და მფლობელის შვილია. კომერციუილ დირექტორს ბრალად ირანთან დაწესებული სანქციების პირობების დარღვევა წაუყენეს. კანადის ვანკუვერში "ჰუავეის" დირექტორის დაკავებამ გააღიზიანა და აღაშფოთა არამარტო ჩინეთის ხელისუფლება, მოსახლეობაც. მათი შეფასებით, ჩინეთის უსაფრთხოებას დაემუქრა საფრთხე.

ცეცხლზე ნავთის დასხმის ტოლფასი აღმოჩნდა ამერიკულ პრესაში გავრცელებული ცნობა, თითქოს დონალდ ტრამპმა კმაყოფილება გამოთქვა ქალბატონ ვან ჯოუს დაკავებაზე. "…შესაძლოა, ამით სავაჭრო ომი ჩვენს სასარგებლოდ დავასრულოთ და ჩინეთზე გავლენა გავაძლიეროთო~, უთქვამს ტრამპს. აშშ-ის პრეზიდენტს არც სახელმწიფო მდივანი ჩამორჩა _ …გადაწყვეტილების მიღებისას ყველამ ჩვენი ინტერესები უნდა გაითვალისწინოსო", განაცხადა.
ჩინეთის ხელისუფლებამ, თავისთავად, პროტესტი გამოთქვა და დაგმო ბიზნესმენის დაკავება. ამის გარდა, მოქმედებაზე გადავიდა და ორი კანადის მოქალაქე, რომელთაგან ერთი დუპლომატია, დააკავეს ჩინეთში. მიმომხილველები არ გამორიცხავენ, რომ ჩინეთმა ეკონომიკური კუთხითაც შეუტიოს აშშ-სა და კანადას. სიტუაცია იმდენად დაიძაბა ქვეყნებს შორის, რომ კანადის პრემიერ-მინისტრს ჯასტინ ტრიუდოს თავის მართლება მოუხდა. ჩვენ დამოუკიდებელი სასამართლო სისტემა გვაქვს და მის საქმიანობაში არ ვერევითო, განაცხადა მომხდარის კომენტირებისას. კანადის მართლმსაჯულებამ ვან ჯოუ პატიმრობიდან გაათავისუფლა, თუმცა ქვეყნის დატოვების უფლების გარეშე. რაც შეეხება ექსტრადაციას, რასაც დაჟინებით ითხოვდა აშშ, ჯერჯერობით გადაიდო და, ადვილი შესაძლებელია, საერთოდ.

აშშ-ში პროკურორ მიულერის საგამოძიებო ჯგუფი კვლავ აგრძელებს მუშაობას და უკვე 30 მილიონი დოლარი დახარჯეს. გამოძიების პერიოდში საპრეზიდენტო არჩევნებში რუსულ კვალს ვერ მიაგნეს, ამიტომ ახლა ფინანსურ საკითხებზე გადაერთვნენ. დონალდ ტრამპის ყოფილ ადვოკატს მაიკლ კოენს თავდაპირველად წინასაარჩევნო პერიოდში რუსეთთან კავშირს ედავებოდნენ, მაგრამ, საბოლოოდ, ფინანსური დარღვევებისთვის რამდენიმე მუხლით გაასამართლეს და სამი წლით თავისუფლების აღკვეთა მიუსაჯეს. კოენი სასჯელის მოხდას ციხეში 6 მარტიდან (?) შეუდგება. ამერიკელი მიმომხილველები აღნიშნავენ, რომ ფინანსური საკითხების გამოძიება ტრამპის მომხრეების ერთგვარი გაფრთხილებაა. ამის გარდა, მიულერის ჯგუფი დაინტერესებულია წინასაარჩევნოდ დახარჯული შემოწირულობით შეგროვილი 100 მილიონი დოლარით. წარადგენს თუ არა ხარჯთაღრიცხვას ტრამპის გუნდი, სავარაუდოდ, საახალწლო არდადეგების შემდეგ გამოჩნდება.

უკვე ხუთ კვირაზე მეტია, საფრანგეთის მოსახლეობა შიშით ელოდება შაბათის დადგომას. `ყვითელი ჟილეტების~ აქციები ქვეყნის მასშტაბით საწვავის ფასის მომატების დაანონსების შემდეგ დაიწყო. მშვიდობიანი აქციები სხვადასხვა ორგანიზაციების დარბევებში გადაიზარდა. პოლიციელებთან შეტაკების შედეგად ორივე მხარეს არიან დაშავებულები. უპრეცედენტოდ ბევრი მომიტინგის დაპატიმრება გახდა აუცილებელი. დაზარალდნენ ჟურნალისტებიც, ზოგიერთი ცრელმსადენი გაზით, ზოგიც რეზინის ტყვიებით. რომ არა ჩაფხუტი, შესაძლოა, რეზინის ტყვიებს სავალალო შედეგები მოჰყოლოდა. წინასწარი გათვლებით, საფრანგეთში თვენახევრიანმა აქციებმა დარბევების თანხლებით ხაზინა მილიარდ ევროზე მეტით აზარალა. აქ მხედველობაში არ აქვთ განადგურებული კერძო მაღაზიები, კაფეები და დამწვარი ავტომობილები.

ევროპელმა ექსპერტებმა ყურადღება გაამახვილეს იმ გარემოებაზე, რომ საფრანგეთში აქციები მას შემდეგ აგორდა, რაც პრეზიდენტმა ემანუელ მაკრონმა გააჟღერა ერთიანი ევროპული ჯარის შექმნის აუცილებლობა. ამის გარდა, პარალელს ავლებენ 2011 წლის ე.წ. `არაბულ გაზაფხულთან~, როდესაც ერთბაშად რამდენიმე ქვეყანა მოიცვა `ფერადმა რევოლუციებმა~. ექსპერტები აღნიშნავენ, საფრანგეთში აქციები სპონტანური არ ყოფილა, მართული იყო. თუმცა ვინ იყო დამკვეთი, დირიჟორი, ვერ ასახელებენ. რადიკალურად განწყობილი მომიტინგეები რომ იმართებოდნენ, აშკარად ჩანდა ეკრანზე. დავალებებს წითელ სამოსებში ჩაცმული ადამიანები აძლევდნენ.

საინტერესოა რომ დონალდ ტრამპმა ემანუელ მაკრონს აქციების დაწყებისთანავე შესთავაზა პარიზის კლიმატის შეცვლის ხელშეკრულებიდან გამოსვლა და ნატოს დაფინანსების გაზრდა. წინადადებამ კიდევ უფრო გაუძლიერა ეჭვი ექსპერტებს, რომ აქციები მართულია. ევროპელი ჟურნალისტების ვარაუდით, ტრამპმა არ აპატია მაკრონს, აშშ-ისგან დამოუკიდებელი პოლიტიკის გატარების მცდელობა. მაკრონი იძულებული გახდა, დათმობებზე წასულიყო _ მოსახლეობას შეპირდა მინიმალური ხელფასის გაზრდას, საწვავის ფასევის უცვლელად დატოვებას და ა. შ. რაც საფრანგეთის ხაზინას 15 მილიარდი ევრო დაუჯდება.

სტრასბურგში საფრანგეთის ერთ-ერთ მთავარ ქალაქში. გასულ კვირას საშობაი ბაზრობაზე მარტოხელა ტერორისტმა ავტომატური იარაღით ოთხი ადამიანი მოკლა, 15 დაჭრა. დამნაშავეს პოლიცია 3 დღე ეძებდა, რომელიც წინააღმდეგობის გაწევის დროს მოკლეს. ექსპერტები აღნიშნავენ, ტერაქტი მაკრონს აძლევს ხელსო. თავის მხრივ, მაკრონმა მოუწოდა მოსახლეობას, თავი შეიკავონ აქციებისგან, რათა თავიდან აიცილონ გაუგებრობები. მიუხედავად თხოვნისა, საფრანგეთის ქალაქებში გასულ შაბათს მაინც გაიმართა შედარებით მცირერიცხოვანი აქციები, მაგრამ პოლიციას კვლავ დასჭირდა წყლის ჭავლისა და ცრემლსადენი გაზის გამოყენება. დასავლეთის პრესის მიხედვით, საფრანგეთში მსგავსი აქციები 1968 წლის შემდეგ არ ყოფილა. პოლიტოლოგების განცხადებით, სოციალური საკითხები მხოლოდ შირმაა და მთავარი მიზანი ხელისუფლების შეცვლაა. აღსანიშნავია ის გარემოებაც, რომ პარალელურად ევროპის რამდენიმე ქვეყანაშიც მართავენ აქციებს ე.წ. `ყვითელჟილეტიანები~. მოხდება თუ არა ფერადი რევოლუციები `ბებერი ქალბატონის~ კონტინენტზე, მომავალში გამოჩნდება.

გია ბურდული

მეტის ნახვა
25-12-2018, 10:30


რამდენიმე დღის წინ ვიხილეთ პარლამენტის სხდომაზე ირმა ინაშვილსა და ნაცების "დამრტყმელ ძალას", ნიკანორ მელიას შორის მომხდარი დაპირისპირება. "პატივცემული" ნიკანორი შენიშვნების მიუხედავად, ვერაფრით დაშოშმინდა და ლაპარაკს არ აცლიდა ირმა ინაშვილს, რომელიც ფრიად მნიშვნელოვანი განცხადების გაკეთებას აპირებდა.

როგორც ცნობილი გახდა, ქართული მხარე მიუერთდა მაროკოს პაქტს მიგრანტთა შესახებ, ეს მაშინ, როცა აშშ-მა და სხვა განვითარებულმა ქვეყნებმა უარი თქვეს ამ ხელშეკრულება-შეთანხმებაზე ხელი მოეწერათ. საინტერესოა, როდესაც ჩვენზე გაცილებით ძლიერი და მდიდარი ქვეყნები უარს ამბობენ მიგრანტების აღებაზე, საქართველო, რომელსაც საკუთარი ასეულათასობით დევნილი ვერ დაუბრუნებია აფხაზეთსა და სამაჩაბლოში, რატომ ირგებს "რომის პაპზე უფრო დიდი კათოლიკის" როლს? ნაცმოძრაობა თავის სატელიტებიანად, ვგულისმობთ, როგორც პოლიტპარტიებს, ისე "ენჯეოშნიკებისა" და ჟურნალისტების გარკვეულ წრეს, უცხოელი მიგრანტებისადმი განსაკუთრებული "ტოლერანტობით" რომ გამოირჩევიან ეს არახალია, სამწუხარო ის არის "ქართული ოცნების" გარკვეული ნაწილიც რომ სრულ თანხვედრაშია ამ კუთხით კოლექტიურ ნაცებთან. ამიტომ ჩნდება ეჭვი, რომ ნიკანორ მელიას მორიგი გამოხტომა, სწორედ ამ "ტოლერანტობით" იყო გამოწვეული. სანამ ამ და სხვა მნიშვნელოვან თემებზე უფრო დეტალურად ვისაუბრებთ, გადავხედოთ როგორ ეხმაურებიან ინტერნეტსივრცეში ირმა ინაშვილსა და ნიკა მელიას შორის მომხდარ ინციდენტს. ჟურნალისტი დარეჯან ლიპარტელიანი ხელისუფლებას მიმართავს, "რაც ვერ მოახერხეთ კაცებმა და ვითომ პოლიტიკოსებმა, ის შეძლო და გააკეთა ირმა ინაშვილმა. ცნობილ ამორალსა და აღვირახსნილ ნაციონალს, ამ მჩხავანა მელიას, რომელიც ისე იქცევა, გეგონება ოჯახში კი არა, ბოსელშია გაზრდილი, რასაც დაპირდა ირმა ინაშვილი, შეუსრულა კიდეც, სახეში შეაყარა დოკუმენტები და სიფათშიც ლაზათიანად "ხია". ვერასდროს წარმოვიდგენდი, ეს ურცხვი ნიკანორი, ისე თუ გამოიყვანდა მწყობრიდან ინაშვილს, რომ ბოლოს და ბოლოს მისი გასალახი გახდებოდა. ხოდა მოიქეცით წესიერად ნაცებო, თორემ ინაშვილის მუშტი მონაგონი იქნება, თუ ხალხს მწყობრიდან გამოიყვანთ. ისეთ სიძულვილსა და აგრესიას მიიღებთ ყოველდღე, რასაც თქვენ და თქვენი გაბომჟებული კუმირი აფრქვევს უცხოეთიდან".

ექსპარლამენტარი ხათუნა ხოფერია, "ირმა, შენ ხარ ქალი, რომელმაც ხალხის ტკივილი კოდორით გადმოიტანე! შენ ხარ პოლიტიკოსი, რომელიც არც პარტიას შეუქმნია და არც ვინმე ლიდერს, შენ ხალხის წიაღში ხარ ჩამოყალიბებული, თვითნაბადი ხარ! ამიტომ არის შენი ნათქვამი ყოველი სიტყვა მისაღები და ახლობელი უბრალო ადამიანებისთვის! ამიტომ არ ესმის შენი ათასი გადამთიელის მიერ დაფინანსებულ და "დაზაკაზებულ" ვაიქართველებს! მიიღე ჩემგან დიდი პატივისცემა და თანადგომა მეგობარო". ნიკანორ მელია ვერც პოლიტიკოსობაში ვერც იუმორში რომ ვერ "ქაჩავს" ფაქტია, მის მიერ ინტერნეტსივრცეში გამოდებულ ირმა ინაშვილის საათის ფოტოს კომენტარით, გადარჩენილი ვარ, მტერს მოხვდა ირმას მარჯვენა, აგერაა მტკიცებულება — ირმა ინაშვილმა ისე მძლავრად დაარტყა მაგიდაზე, საკუთარი საათი გაწყვიტა — აგერ არის მტკიცებულება რა ძალა აქვს ინაშვილს მაჯებში, მაგიდას როცა დაჰკრა ხელი, საკუთარი საათი გაწყვიტა, ნუ ინაშვილმა დღეს დროთა კავშირი გაწყვიტა", რა კომენტარები მოყვა, რა "ეპითეტებით" ამკობენ ნიკანორს ქართველი მამაკაცების ნაწილი, ამას გაზეთში ვერ დავწერთ. ნიკანორ-"ბატონო", მართლა გადარჩენილი ხარ, ირმა ინაშვილს კარატეში "შავი ქამარი" ჰქონია, მართლა რომ ეკადრა შენთან ფიზიკური ანგარიშსწორება, დარწმუნებული ვარ ხუმრობის ხასიათზე კარგა ხანს ვერ იქნებოდი.

ნაცების გაწიწმატება და მელიას "წინა ხაზზე" გამოშვება სხვა ფაქტორსაც უკავშირდება, ირმა ინაშვილის თუნდაც იმ განცხადებას, რომ "სალომე ზურაბიშვილი ლეგიტიმური პრეზიდენტია, ვერავინ იტყვის, რომ მას ლეგიტიმაცია არ აქვს. რეალურად სალომე ზურაბიშვილმა მეორე ტური მოიგო და მხარდაჭერა მოიპოვა. საგამოძიებო ორგანოებს მივმართავ 780.000 ხმაზე დაიწყონ გამოძიება. კერძოდ, რამდენად რეალურია ნაცმოძრაობის მიერ მოპოვებული ხმები. გამოძიების პარალელურ პროცესს ვაწარმოებთ, რომელიც კონკრეტულ ფაქტებს დადებს".

უფლებადამცველი ნიკოლოზ მჟავანაძე: "დიახ, ნაცებსა და საქართველოს მტრებს უნდა ეშინოდეთ ირმა ინაშვილის! ის საქართველოს დიდი პატრიოტი და მამულიშვილია, რომელმაც თავისი განვლილი გზით დაამტკიცა ქვეყნის ერთგულება. ასეთი ლიდერი სჭირდება საქართველოს! ქართველი ხალხის სათქმელს ამბობს მუდამ".

ინტერნეტმომხმარებლებს უკვირთ, რატომ უკეთებს იგნორირებას მმართველი პარტია "პატრიოტთა ალიანსის" მიერ შემუშავებულ რეზოლუცია, რომელიც ნაციონალების მმართველობის რეჟიმად გამოცხადებას ეხება.

რატომ აქამდე არ შეისმინა ხელისუფლებამ ხალხის მოთხოვნა, რატომ არ გამოცხადა ნაციონალების მმართველობა რეჟიმად, რომელიც არბევდა ჟურნალისტებს, ქუჩაში ხოცავდა ახალგაზრდებს (140 ახალგაზრდაა დახვრეტილი), აწამებდა, ამაზრზენი მეთოდებით შეურაცხყოფდა და კლავდა პატიმრებს, ქონებას ართმევდა ადამიანებს, დაკარგა ტერიტორიები? მოსახლეობის ჭარბვალიანობაზე ასე რომ "სწუხან" კოლექტიური ნაცები, ეს ზუსტად მათი ბელადის "ნულოვანი ტოლერანტობის" შედეგია, განურჩევლად რომ ყრიდნენ ხალხს ციხეში და ოჯახს როგორმე რომ გამოეხსნა პატიმარი იმ ჯოჯოხეთიდან, უკანასკნელ საცხოვრისს ყიდდა. დღეს ამ რეჟიმის "შემოქმედნი" ბედავენ და მმართველ ძალას თუ მათგან განსხვავებულად მოაზროვნე ადამიანებს მოიხსენიებენ კრიმინალებად. თურმე მათი სისხლიანი მმართველობის ცხრა წელზე არ უნდა ვისაუბროთ და ცხოვრება "სუფთა ფურცლიდან" დავიწყოთ. ძალით თავსმოხვეული კოჰაბიტაცია, რომ ექვსი წელია გრძელდება და ნაციონალებს დღემდე არ გაეცათ საკადრისი პასუხი, ეს "ქართულ ოცნებაში" ჩაბუდებული ფერნაცვალი ნაცებისა და სოროსის ბუდიდან აფრენილი ე.წ. პოლიტიკოსების "დამსახურებაა", ვფიქრობთ, ეჭვი არავის ეპარება. ეს კონტიგენტი მარტო პარლამენტსა და მთავრობაში არ არიან მრავლად, "ავ ენებს" თუ დავუჯერებთ, ცესკოც მთლიანად მათ აქვთ მონოპოლიზებული კომისიის თავმჯდომარიანად. თურმე ნაცების "ფავორიტ" ვაშაძეს 800.000-მდე ამომრჩეველმა მისცა ხმა. თუ ამდენი მხარდამჭერი ყავთ, აქცია-მიტინგებზე 5.000 ადამიანს რატომ ვერ უყრიან თავს? ინაუგურაციის ჩასაშლელად "მობილიზებულებმა" ხომ მთლად გაიმასხარავეს თავი, ველისციხის "მისადგომებთან" სულ რაღაც 200 "პროტესტანტი" დაითვალეს. ირმა ინაშვილის განცხადებით, ბათუმის "გრანდიოზულ" აქციაზე 50 ადამიანი თუ მივიდა, უარესი მდგომარეობა ჰქონიათ ქუთაისში, ოცამდე ნაციონალი თუ მათი მხარდამჭერი აპროტესტებდა სალომე ზურაბიშვილის გაპრეზიდენტებასო. კახეთმოვლილმა "მელიამ და კომპანიამ" რა "ცეცხლიც დაანთეს" რუსთაველის გამზირზე, ამაზე საუბრით თავს არ შეგაწყენ თ. ირმა ინაშვილი ითხოვს აუცილებლად იქნეს გამოძიებული არჩევნების შედეგები, რამდენად რეალურია ნაცმოძრაობის კანდიდატისთვის მიცემული ხმები. "პატრიოტთა ალიანსი" პარალელურ გამოძიებას აწარმოებს, ინაშვილის განცხადებით, დაახლოებით თვენახევარში დასკვნას გამოაქვეყნებენ. გამოძიება მარტო არჩევნების შედეგით კი არა, თავად კომისიის საქმიანობითაც, კომისიის წევრების პერსონალიებითაც უნდა დაინტერესდეს. როგორც "უფლებადამცველთა გაერთიანების" თავმჯდომარემ ნიკოლოზ მჟავანაძემ ჩვენთან ერთ-ერთ ინტერვიუში განაცხადა, ცესკო მთლიანად ე.წ. ელიტარი "ენჯეოშნიკებით" არის დაკომპლექტებული, იმ ე.წ. უფლებადამცველთა თანამოაზრეებით, რომლებმაც მეორე ტურის წინ დიდი აპლომბით გვამცნეს, ხელისუფლება ყალბ პირადობის მოწმობებს ბეჭდავსო, თუმცა პროკურატურაში დაკითხვაზე რომ დაიბარეს, ბრინჯივით დაიბნენ და ზღაპრების თხზვა დაიწყეს. ისე, ეს საქმეც საეჭვოდ მიჩუმდა, რა ეტაპზეა ძიება არავინ იცის. იმედია, საქმე ბოლომდე მივა და ყალბისმქნელი იქნება თუ ცრუდამსმენი, საკადრისად დაისჯება.

კობა ნარჩემაშვილმა ერთ ადრინდელ ინტერვიუში მითხრა, "ნაციონალური მოძრაობა" მხოლოდ ტელევიზიებში არსებობს, ჟურნალისტებმა რომ არ გააპიარონ, მეორე დღესვე დამთავრდება ეს პარტიაო. სრულ სიმართლეს ამბობდა ბატონი კობა, ნაცმიდრეკილმა მედისაშუალებებმა და ხელისუფლებაში "ჩანერგილმა" ფერნაცვალმა ნაცებმა და სხვა საეჭვო წარმომავლობის ელემენტებმა "სასიცოცხლო ინექციები" რომ არ შეუშხაპუნონ ნაცმოძრაობას, დიდი ხნის წინ იქნებოდა "გარდაცვლილი". ამ "ჩანერგილებს" მიუძღვით დიდი "წვლილი" აქამდე რომ არ დადგა სააკაშვილის, ვაშაძეების, მელიების და სხვათა პასუხისმგებლობის საკითხი, რომლებიც ღიად მოუწოდებენ ხელისუფლების დამხობისკენ, ფიზიკურ შეურაცხყოფას აყენებენ რიგით მოქალაქეებს თუ პოლიციელებს, აზიანებენ პატრულის თუ პარლამენტარების ავტომანქანებს. ირმა ინაშვილმა ტელეიმედში განაცხადა, რომ "ჩანერგილები" მცირერიცხოვანი ჯგუფია, თუმცა მათი ვინაობის გამჟღავნებისგან ამ ეტაპზე თავი შეიკავა.

მანანა სუხიშვილი

მეტის ნახვა
23-12-2018, 20:00


ფიქრია ყაზაიშვილი
სწავლობდა ადამიანთმცოდნეობისა და პოლიტოლოგია-სოციოლოგიის ინსტიტუტში, შემდეგ სწავლა გააგრძელა შ. რუსთაველის სახელობის თეატრისა და კინოს სახელმწიფო უნივერსიტეტში, კინოსარეჟისორო ფაკულტეტზე. წერს კინოსცენარებს, ლექსებს, მოთხრობებს.
2014 წელს გაიმარჯვა ლიტერატურულ კონკურსში `ასი საუკეთესო ლექსი~. მისი ნაწარმოებები ხშირად იბეჭდება ქართულ ჟურნალ-გაზეთებში.
ჰყავს ოთხი შვილი.
წარმატებები და შემოქმედებითი გამარჯვებები ვუსურვოთ ამ მრავალმხრივ ნიჭიერ ახალგაზრდა ქალბატონს.

*********************************

ლ ე ქ ს ე ბ ი
**
ეს მე ვარ

-------------------------

ახლა ქარია, აშრობს სისველეს, საგაზაფხულოდ ამზადებს ქალაქს
და მიხარია, რაღაც ისეთი, რასაც სახელი უბრალოდ არ აქვს.....
ახლა დარია...... გაუბედავად აშიშვლებს მიწა ნაზმორებ მკლავებს
ან სიზმარია ეს ყველაფერი, ანდა ცხადს უნდა რომ სიზმარს გავდეს....
და სადაც უნდა ვცოცხლობდე ახლა, ცხადში თუ სიზმრად, დღისით თუ ღამით....
და ორ ნაბიჯზეც რომ იყოს ჩემგან სიკვდილ სიცოცხლის გზაგასაყარი
მე ვერ შევაქცევ ზურგს ამ სიხარულს, უეცრად მოსულს, სტიქიის მსგავსად...
და მე გადავდებ გარდაცვალებას, თუნდ ცოდვის ვერმიტევების ფასად....
ახლა ქარია, დასანანია, წვეთები კვალსაც რომ არ ტოვებენ...
მეტამორფოზით დაღლილ ქალაქში,წარსულს აწმყოზე ამათხოვრებენ...
რა მიხარია არ ვიცი....ალბათ სითბო, ამ ციცქნა ოთახს რომ ავსებს
ეს მე ვარ, მე ვარ! დიახაც მე ვარ, სამყაროსხელა სიმშვიდით სავსე....

DM-3

-------------------------

... არ ვიცი რა გითხრა...
დუმილით საშენოდ განმაწყობ...
მე მინდა ვიშვილო
ღამე შუქჩრდილებით
და ჩემში ჩავღვარო...
... შემოდი... თვალებში
მითხარი რას ნიშნავს
შენი ანკესივით
ნასროლი სიჩუმე...
ლამის ამოვარდეს
ეს გული ბუდიდან...
სიჩუმით მიშორებ?
თუ უფრო მიზიდავ...
რა გითხრა, არ ვიცი...
მეგონა, ჩამკეტე...
არა, გასაღები
არც გაგხსენებია
შენ გამიჯახუნე!
მომგლიჯე დარაბებს
უფანჯრო ოთახში
ჟანგბადის გაშვებით
და არ მწერ არაფერს...
სრულიად არაფერს...
როცა ერთმარცვლიანს
მოველი პოემას;
არ გინდა!
რას შვრები!
მე გარდავიცვლები
თუ არ დაველოდე
ჩვენს განმარტოებას.
რა გითხრა ღამეა –
ისევ გაცრეცილი
ცოტა ფერნაკლული
ლექსისთვის ნამეტი...
მე მცივა...
მწყურია...
შენი გარყვნილება...
ერთად მოწეული
ღერი სიგარეტის...
... რა გითხრა? რომც გითხრა...
მითხარი რას მეტყვი
ისეთს, რომ დავმდორდე
როგორღაც მოვთავსდე
ჩემი შეგრძნებების
ვიწრო კალაპოტში...
მინდა არ მინდოდე...
მაგრამ რომ მინდიხარ?
შეჩერდი ... იცოდე!
სხვა მოდის! სხვა მოდის!
მე ის სხვა არ მინდა!
ტყუილად მიდიხარ!
რა გითხრა არ ვიცი!
მინდა დაველოდო
შენგან მრავალწერტილს...
ან ნიშანს ძახილის!
რომ გავთავისუპლდე...
ნუ გაიბუტები
ასე ვერ ვიცხოვრებ!
ასე ვერ ვისუნთქებ!
მითხარი, დავმთავრდით!
მითხარი, ვიჩქარეთ
ამ ჩქარი ქროლვებით
ვნებების მარხილის
მითხარი, ორივე
ავყევით იმპულსებს...
რომ დროა ზამთარის
და არა აპრილის...
... შორია იქამდე?
... რაღაცა მითხარი....
ძალიან მარტო ვარ...
ფიქრები შიშობენ
თენებას უშენოდ...
გრძნობებს ვერ ვალაგებ
მიშველე!!!
იტყვები მიშოვე საჩემო.
... ამ წერილს შენ ალბათ
ამაღამ იპოვი...
პასუხიც იქნება
ხვალამდე დაწერო
... რა გითხრა არ ვიცი...

გენია

------------------

დღემ ღამეს მუზების ზმანება მოსტაცა,
მთვარიდან ფარდებათ დაეშვნენ ნოტები,
ხელი შეაცურა ღამეში მოცარტმა,
ხეებმა მიწამდე დახარეს ტოტები.
ერთხელ გაიქროლა ამურის ისარმა
და გადაღალული შექსპირი გაკაწრა,
მას მერე იჯდა და სიყვარულს რითმავდა
რაღაც სხვანაირად და უფრო ლამაზად..
მერე..გამოფრინდნენ მუზები ფერებად,
ქარმა ფოთოლცვენა ბაღებთან მიჰყარა,
ფუნჯი შეაწმინდა დუქანის კედელს და...
ზეცისკენ გასწია შემთვრალმა ნიკალამ.

მამრი DM-3

---------------------------------------

შემომახვიე ვნების საბურველი
გატეხილ ღამეში.....
სინდისი ამატკიე მტკივანი კბილივით.....
ყოველი არა მიქციე თანხმობად..
თვალებში ჩახედვით და თხოვნით....
მინდიხარ!
დაღლილი უაზროდ ნატკეპნი ბილიკით
გზად დაგელოდები....
მე თავად არ მოვალ....
შენ მოდი!...უბრალოდ.
ძალიან მარტივად...
თითქოს დედამ გთხოვა და რძეზე მიდიხარ....
პეშვით მომიშვირე შენი გარყვნილება...
ყლუპებად არ დავლევ.....
ერთბაშად გადავკრავ....
თითქოს უდაბნო ვარ, წვიმას დანატრული...
არავის არ ვგავარ...
გეტყვი რომ, არ ვიცი, მჯერა თუ არ მჯერა
ვნების გაზმორებით მოსული წამების...
ან სულაც არაყით გამომთვრალ სიგიჟის..
დამთავრდა...
პარასკევს გაუსწრო შაბათმა..
იქნებ გაყოლოდი?...
წავედი!
აქ სხვა ოქტომბერი არასდროს არ მოვა.....
ოდესმე თუ ჩემსკენ ისევე მოხვდები,
მეტყვი რომ გინდოდი..
მეტყვი რომ გახსოვდა თეთრი პარასკევით
შაბათის მონუსხვა...
მე ფურცლად ამოგხევ
ცხოვრების წიგნიდან
და დავიხურები....
თითქოს არაფერი...
თითქოს არც მოსულხარ... არადა...
ღამე... რომელიც თოვდა შიშველი წვივებით
... ახლაც აქ ტრიალებს. ..
აიღე გასაღები ჩემი სხეულიდან
შენი გარყვნილების...
და ერთ ღრიჭოში მოქცეული
ორის მღელვარებით.
არ მინდა

-----------------------------

არ მინდა ტბასავით ვავსებდე კალაპოტს...დუნედ და მოწყენით...
სხვა მინდა...და თუ არ იქნება არასდროს, შენს ბუდეს მოვწყდები...
- სად მიხვალ? – არ მკითხო უაზრო თვალებით და ტონით მაღალით!
ქალაქში სხვაც ბევრნი ივლიან ქალები ....იპოვე ახალი!
არ მინდა სიცოცხლე დახვრიტოს ეჭვმა და სიმძიმემ კამათის,
არ ღირდა სიბნელის ნათელთან შერწყმა და ერთობა ამათი!
არ მინდა სხვის კანში...სხვის როლში ...რომელიც სულ ერთი ფერია..
ატირდა ჰაერი ნაცრისფერ მინორში -- აქ რა დამრჩენია...
არ მინდა ტბას ვგავდე... მორჩილად ვავსებდე ხელოვნურ კალაპოტს,
თუ ვდუმვარ, არ ნიშნავს სათქმელი არა მაქვს... უბრალოდ არ ვამბობ!!

გ ა დ ა ა ტ რ ი ა ლ ე !

-------------------------------------

ფანჯრიდან შე-მოსილი ღმერთი
დახურულ ფანჯრებით ვაკავებ სამყაროს
ზიზღის და შიშების....
არ ვიცი რას ვშრები.... უფალო მაღალო, ზვავივით ვიშლები....
დაგმანულ დარაბებს აწყდება მდინარე
მღვრიედ და საშიშად,
არ მინდა დავნებდე, ვიცი რომ ვინანებ....ისევ რომ გაგიშვა!
სარკმელზე წვიმები ტირიან ცოდვების
ზეიმებს მიწაზე,
ვერ გავიღიმები, სიკვდილზე ბოდვები კარგს არას მიზამენ...
აღმართებს შეყოლილ მანძილებს ჩამოვრჩი
ცოდვები მათოვენ,
აღმართე ჯვარი და იმ გზაზე გამოჩნდი
მე რომ მიგატოვე.....
დახურულ ფანჯრებით ვაკავებ ქარებს და
მტვერწაყრილ ოცნებას
დღეს თუ გადავრჩები, ხვალ გავხსნი კარებს და
შევდგები ლოცვებად!

მეტის ნახვა
23-12-2018, 18:00


არც ერთი ქვეყნის მოქალაქე მიხეილ სააკაშვილი ერთ ჩემ სოფლელ ქალს მაგონებს, რომელიც სულ ჩხუბობს. ერთხელ მეზობელ დედაკაცს აუხირდა, შენი ძროხა დაუკრეფავში გადმოდისო. ამან უთხრა, იმანაც არ დააკლო, ერთმანეთს რაღა არ ეძახეს და ბოლოს ამან რომ ვეღარაფერი მოიგონა, დოინჯი შემოიყარა, ფეხები მხრების სიგანეზე გადგა, კბილები დაკრიჭა და ეუბნება: იიი, შე საცოდავო, შენი მახინჯი ქმარი კიდენა ღვინოი რო ყლურწამს, ეგ როგოღა არიო?!

ჰოდა, ამ მიხოსაც ვეღარაფერი მოუგონია, რა წამოაძახოს ბიძინა ივანიშვილს და მიადგა სალომეს: იიი, შენ კიდე პრეზიდენტად მახინჯი ზურაბიშვილი რო წამოასკუპე, ეგ უნდა ვაღიაროთო? არ ვაღიარებთ, არაო!

წინა წერილში ვწერდი, ამ ჩემ ფეხებს, თუ არ აღიარებთ-მეთქი და მე მართლაც ფეხებზე მკიდია, მაგრამ სოფლის ბოლოში მცხოვრები ჩემი თანამოქალაქე დაზაფრულია, მიხო რო არ აღიარებს, სალომე პრეზიდენტი ვერ იქნებაო? იქნება, თუ გინდა, ლამპა მაანათე-მეთქი! თითქოს მიჯერებს… მერე თვალს “რუსთავი 2”-ისკენ გააპარებს და ეჭვი ეპარება. სანამ სალომეს გაეროს ტრიბუნაზე არ დაინახავს, ბოლომდე მაინც ვერ დარწმუნდება. მეც აღარ ვუხსნი არაფერს.

ჰოდა, იმას ვამბობდი… გაბოროტებულმა მიხომ, რომელიც განსაკუთრებული გარეგნობით გამოირჩევა, რომელიც მზეს ეუბნება, შენ ჩადი, მე უნდა ამოვიდეო, თავის “ფეისბუქგვერდზე” ისევ გამოყო დინგი და ასეთი რამ თქვა:

„კიდევ ერთხელ ვამბობ, პატრიარქმაც კი თქვა, რომ ხმები მოპარულია. რა ვქნათ ახლა, ქურდულ ლოგიკას მივყვეთ და „გავაპრავოთ“ მოპარვა?! მათ შორის, აზრზე მოსული ჩვენი ფორმალური თანამებრძოლები როდესაც საუბრობენ, რომ რაღა აზრი აქვს, უნდა ვაღიაროთ შედეგები. რა უნდა ვაღიაროთ, რომ ხალხს „აახიეს“ ქვეყანა? ივანიშვილმა ქართველი ერის ნების სრული იგნორირებით უნდა დაასკუპოს თავისი მახინჯი თოჯინა პრეზიდენტის რეზიდენციაში და ეს ვაღიაროთ?! ქართულობის სიმბოლოდ უნდა გაასაღოს ის, რაც ანტიქართულობის სიმბოლოა? ამ სასამართლოების იმედი არ გვაქვს, მაგრამ, როგორც კი შეიცვლება ხელისუფლება, პროკურორი ამოწევს ყველა საქმეს, არჩევნების შედეგები იქნება ბათილად ცნობილი და გამოაბრძანებენ იმ ქალს, თოჯინას გარეთ იმ სასახლიდან, რომელიც ვითომ მემკვიდრეობით ერგო, როგორც სხვა ყველა გამყალბებელს მსოფლიოში”.

სწორად თქვა თავის დროზე თეა წულუკიანმა, სააკაშვილი მართლაც სავალალო მდგომარეობაშია. ის არა მხოლოდ მოწყვეტილია რეალობას, არამედ მას თავში აქვს მოწყვეტილი რეალობის შეგრძნების ჭანჭიკი და საერთოდ აღარ უსწორდება “ზაჟიგანია”. შეიძლება აღარ გახსოვთ, მიხოს ამგვარი გამოხტომა პირველი არ არის, ჯერ კიდევ შარშან თეა წულუკიანს უწოდა მახინჯი:

“ივანიშვილის ზოგიერთ მინისტრზე მე მახსენდება უინსტონ ჩერჩილი. ჩერჩილს ერთ-ერთ მიღებაზე მიეჭრა ოპონენტი პარტიის წარმომადგენელი ერთ-ერთი ქალბატონი და უთხრა: ბატონო პრემიერ-მინისტრო, თქვენ მთვრალი ხართ! რაზეც ჩერჩილმა ძალიან აუღელვებლად უპასუხა: „ქალბატონო, მე მართლაც მთვრალი ვარ, ძალიან, ძალიან მთვრალი ვარ. თქვენ მახინჯი ხართ, ძალიან, ძალიან მახინჯი ხართ! ოღონდ ხვალ დილას მე გამეღვიძება და უკვე ვიქნები ფხიზელი. ეს არის ჩემი პასუხი წულუკიანს. მინდა ვთქვა, რომ ივანიშვილი და წულუკიანი თავისი მასშტაბების გამო, იქაც ვერ მომწვდნენ, სადაც მოწვდენა ჩემზე უნდოდა ივანიშვილის პატრონ პუტინს. იქამდეც ვერ მომწვდნენ ეს სუბიექტები და ვერც მომწვდებიან. მაგრამ მალე ქართველი ხალხი მიწვდება მათ ყველგან, სადაც საჭიროა და სათანადოდ აგებინებს პასუხს”.

იცით… ნუ ეტყვით ამას (მაინც ცოდოა), რომ ჩერჩილი კი არა, სინამდვილეში ნაპოლეონია, თორემ შეიძლება რომელიმე სახლის სახურავზე ავიდეს და აღარ ჩამოვიდეს. არა, ეგ იქიდან გადმომხტომი არ არის, მაგ მხრივ არ იდარდოთ, უბრალოდ ერთი “ყარაული” სჭირდება, ბევრი ლაქლაქი იცის და ამ ლაქლაქში ფეხი არ დაუცურდეს. ჰო, ფეხი, თორემ კრამიტები ისედაც დაცურებული აქვს. ისე, ნაპოლეონზე გამახსენდა… ალბათ, იცით, პატივცემული ბონაპარტი ტანმორჩილი კაცი იყო, როგორც ერეკლე მეორე (პატარა კახი), ან თუნდაც იოსება პაპა (სტალინი), ერთხელაც დგას შემაღლებულ ადგილზე, ჭოგრიტით გაჰყურებს ფრონტის ხაზს, მივიდა მისი ერთი თავხედი გენერალი და შეჰკადრა, მომეცით ჭოგრიტი, მე უფრო მაღალი ვარ, უკეთესად დავინახავ და მოგახსენებთ ბრძოლის ამბებსო. ნაპოლეონი არც კი შეტრიალებულა, ისე უპასუხა: შენ მაღალი კი არა, უბრალოდ გრძელი ხარო. ჰოდა, მიხოსაც ჰგონია, რომ ივანიშვილზე, ან თუნდაც წულუკიანზე მაღალია და იქამდეც ვერ სწვდებიან, სადამდეც თურმე პუტინიც კი ვერ მისწვდა. ჰა, ჰა, ჰა… ამ დროს ჩვენ კარგად გვახსოვს, როგორ გვაჩვენა იგივე პუტინმა გორში მიხოს ნატურალური ზომა, როცა თვითმფრინავის ხმა ჩაურთო. ჰო, ჩაურთო, რადგან ხმა იყო, თვითმფრინავი კი საერთოდ არ გამოჩენილა. აი, მართლაც ის გახლდათ მიხოს ნატურალური ზომა, სულ რაღაც ორიოდ მტკაველი. ჩვენ ისიც გვახსოვს, როგორ დასდევდა სააკაშვილი ტუალეტიდან ტუალეტში იგივე პუტინს, თუ სადმე, უცხოეთში გამართულ თავყრილობაზე გადაეყრებოდა ხოლმე — მზად იყო, პუტინი რომ მოფსამდა, მისი პენისი დიდი სიამოვნებით დაეფერთხა და სურათიც გადაეღო. მერე ბრუნდებოდა თბილისში და გვიყვებოდა, თუ როგორი კეთილი თვალები ჰქონდა რუსეთის პრეზიდენტს. ტიპმა უკვე მოაბეზრა თავი ყველას თავისი “სკაიპ” და “ფეისბუქ” ჩართვებით, თავისი კოკაინური გამოხტომებით. ის ცდილობს, ყირაზე დააყენოს რეალობა და მახინჯად წარმოაჩინოს ყველა და ყველაფერი, ვინ და რაც კი მას არ ემორჩილება. არ მინდა, მის გარშემო მოძუნძულე ცხოველების გვარ-სახელები ჩამოვთვალო, რომლებიც მართლა სიმახინჯეებთან ასოცირდებიან. რა აზრი აქვს? შეიძლება ვინმე გამომრჩეს და მერე თქვას, სიაში არ ვარ, მაშასადამე, მშვენიერება გახლავართო. სააკაშვილი დაუკრეფავში ისე გადადის, ბოდიშსაც არ იხდის, გაიხსენეთ მისი მიმართვა თამარ ჩუგოშვილისადმი — “ე, გოგო, აზრზე მოდი”! ეს არსება მთლად გამოსულია ადამიანობის არეალიდან და იმის გამო, რომ თავს ზევით ძალა აღარ აქვს, ყველაფერს კადრულობს. ნახეთ, როგორ იმუქრება, ივანიშვილის მახინჯ თოჯინას პირველივე პროკურორი გამოიყვანს იმ სასახლიდან და ციხეში გაამწესებსო. სანაძლეოს დავდებ, უახლოეს მომავალში იტყვით, სალომეს, მაგ მახინჯს სასახლიდან გამოვათრევ, ცხენის კუდზე გამოვაბამ და ალაზნის ველზე ვახოხიალებო… ოღონდ იქვე არ დაამატებს, როგორც მე მახოხიალეს გორის მისადგომებთანო. არა, მაგას არ იტყვის, ეგ არ ითვლება, იმასაც დაივიწყებს, უკრაინაში რომ ჩამოათრიეს ერთ-ერთი სასტუმროს სახურავიდან!

ჩვენი წინაპრებისგან გამიგონია, კაცი ქალისადმი მოპყრობით იზომებაო. დიახ, ასეა ეს, მაგრამ სააკაშვილი საერთოდ აღარაფრით იზომება — არც ქცევით, არც მიდგომით, არც სიტყვა-პასუხით, არც მსჯელობით, არც ადამიანობით, მის გავეშებულ და გაბოროტებულ სულში მხოლოდ ერთი აზრი ტრიალებს, როგორმე ისევ ხელში ჩაიგდოს ძალაუფლება და ყველას გაუსწოროს ანგარიში. მან პრეზიდენტობის პერიოდში ყველა ის ადამიანი აწამა, სადღაც ჩაკლა, ვისაც კი ერთი პანჩური მაინც ამოურტყამს ბავშვობაში. ახლა ანგარიშსწორების მეორე ეტაპზე ოცნებობს, ყველას გვაწამებს და ჩაგვკლავს, ვისაც კი ოდნავი წვლილი მიგვიძღვის მის გაძევებაში. სხვათა შორის, საპრეზიდენტო არჩევნების მეორე ტურში ასეთი გამონათქვამებიც სწვდებოდა ჩემ ყურს: არც “ოცნება” მაინტერესებს და არც სალომე ზურაბიშვილი, ეგ ბარბაროსი რომ მოვიდეს, ან ციხეში ჩამალპობს, ან კიდევ საიქიოში გამისტუმრებს! დიახ, თუ პირველ ტურში ბევრს ეგონა, ბიძინა ივანიშვილი უჩემოდაც მოიგებსო, მეორე ტურში ამ ბევრმა რეალურად ჩახედა საფრთხეს თვალებში და ამიტომაც იდგა რიგები საარჩევნო უბნებში, რაის კარტოფილი და რომელი ხახვი? მოკლედ, ქართველი ხალხი მართლა ბრძენია, რომ ეს მახინჯები ხელისუფლებაში არ მოუშვა!

P.S. ქართული ენის განმარტებითი ლექსიკონის თანახმად, სიტყვა “მახინჯი” ნიშნავს ხეიბარს. ნუ, ეხლა არც წულუკიანია ხეიბარი, არც ზურაბიშვილი და არც ჩუგოშვილი… აი, ყველა “ნაცი” რომ ტვინით ხეიბარია მიხოს მეთაურობით, ამას მთელი ქვეყანა ხედავს. ვინც ვერ ხედავს, ისიც ხეიბარია!

გელა ზედელაშვილი

მეტის ნახვა
21-12-2018, 10:30


გვესაუბრება ანალიტიკოსი ვაჟა ბერიძე:

_ ბატონო ვაჟა, საკონსტიტუციო სასამართლომ 7 დეკემბერს მიწის უცხოელებზე გაყიდვაზე დაწესებული მორატორიუმი გააუქმა, რითაც მათ საშუალება მიეცათ მიწაზე საკუთრების უფლების მოსაპოვებლად იუსტიციის სამინისტროს საჯარო რეესტრში წარმოება განეახლებინათ. დღეის მდგომარეობით, საჯარო რეესტრში, 2500 განაცხადია შესული, რის უკანაც ათასობით ჰექტარი მიწის უცხოელზე გასხვისება იგულისხმება. როგორია ამ საკითხზე თქვენი მოსაზრება?

_ ეს თემა საკმაოდ მნიშვნელოვანია, რადგან საქმე ჩვენს მიწებს და სასოფლო-სამეურნეო სავარგულებს ეხება. ამ ეტაპზე, საქართველოს განვითარების გზა ჩვენი ეროვნული იდენტობის ერთ-ერთი ყურადსაღები მახასიათებელია. ვიდრე ჩვენი ქვეყანა ტერიტორიულ მთლიანობას არ აღიდგენს და თავისუფალ ხალხთა თანასწორუფლებიანი ოჯახის ღირსეული წევრი არ გახდება, ვგულისხმობ, ევროკავშირს, მანამდე მიწის როგორც ჩვეულებრივი აქტივის განხილვა, დაუშვებელია. ამას ჩვენს სინამდვილეში გარკვეული ისტორიაც აქვს. აღარ მოვყვები თუ როგორ დაყოვნდა მიწის რეფორმა იმის გამო, რომ ამ პროცესს დამოუკიდებლობის პირველ წლებში გარკვეული კონტექსტი ჰქონდა. ბოლო პერიოდს თუ შევეხებით, "ნაცმოძრაობის" ხელისუფლებაში ყოფნისას ასეთი მიდგომა იყო _ მიწა უნდა შევიდეს მიმოქცევაში და გაიყიდოს. უფრო მეტიც, უნდა გაიყიდოს ყველაფერი _ მინდვრები, მდინარეები, მათი კალაპოტებიც კი, ჭალები და ა.შ. იყიდება ყველაფერი სინდისის გარდა _ ასეთი იყო ხელისუფლების ერთ-ერთი წევრის კახა ბედნუქიძის პოზიცია, რაც ქვეყნის განვითარების ამ ეტაპისთვის, ჩემი აზრით, მიუღებელია. ამ ფაქტს საზოგადოებაში დიდი რეზონანსი მოჰყვა. ხელისუფლების ცვლილების შემდეგ "ნაცმოძრაობის" ზემოხსენებული მიდგომები უარყოფილი იქნა, მაგრამ ლიბერალური თეორიების მომხრეების გავლენა, მათ შორის, საქართველოში საკმაოდ ძლიერია. ეს გავლენა ძლიერი აღმოჩნდა "ქართული ოცნების" პოლიტიკურ ისტებლიშმენტშიც. ამიტომაც იყო საუბრები იმაზე, რომ უნდა მომხდარიყო მიწების გასხვისება, რაც თითქოს, განავითარებდა სოფლის მეურნეობას, აგრალურ სექტორს, გამოიწვევდა მთლიანი შიდა პროდუქტის ზრდას და ა.შ. მაგრამ ქართულ საზოგადოებაში პროტესტის დიდი მუხტის გამო "ქართული ოცნება" იძულებული გახდა გონივრული გზით წასულიყო. განსაკუთრებით, ფასეულია სოფლის მეურნეობის ყოფილი მინისტრის, ამჟამად, პარლამენტის წევრის ოთარ დანელიას პოზიცია, რაც ამ თემასთან მიმართებაში სავსებით ადეკვატურია.

"ქართული ოცნება" იძულებული გახდა გარკვეული ცვლილებების პაკეტი მოემზადებინა, რომლის თანახმადაც უცხოელებზე მიწების გასხვისება აკრძალულია. მათზე ნებადართულია მხოლოდ ცალკეული მიწის ნაკვეთების გასხვისება თუ ამას თან ახლავს სწორი ინვესტიცია და კონკრეტული პროექტი. შესწორებების ეს ნაწილი კონსტიტუციაში პრეზიდენტის ინაუგურაციასთან ერთად 16 დეკემბრიდან შევიდა ძალაში. მიუხედავად იმისა, რომ ეს იდეალური ვარიანტი არ არის, ვფიქრობ, სოფლის მეურნეობის სავარგულების გასხვისებასთან დაკავშირებით ადეკვატურია. საკონსტიტუციო სასამართლოს მიერ 7 დეკემბერს მიღებული გადაწყვეტილება, რის თანახმადაც უცხოელებზე მიწის გაყიდვის მორატორიუმი გაუქმდა, სავარაუდოდ იმით იყო გამოწვეული, რომ ამ ერთკვირიანი შუალედის პერიოდში თქვენს მიერ ნახსენები 2500 განაცხადის დაკმაყოფილება იგეგმებოდა. გამორიცხული არც ის არის, რომ ამ ხნის განმავლობაში რეესტრში რაიმე სხვა მნიშვნელოვანი განაცხადებიც შესულიყო და სხვა ფართობების დაკანონებაც მომხდარიყო. საკონსტიტუციო სასამართლოს ამ გადაწყვეტილებამ ასეთი შესასძლებლობა შექმნა. ჩვენ, ქართული საზოგადოების წევრებმა ეს შესაძლებლობა გავაპროტესტეთ, რითაც მთავრობა ვაიძულეთ ყოველდღიურ რეჟიმში გაეკეთებინა განცხადებები, რომ უცხოელებზე სასოფლო-სამეურნეო სავარგულების დაკანონება ამ კონკრეტულ პერიოდში არ მომხდარა. ასეთ დროს, როგორც წესი, საპროტესტო აქცია აზრს მოკლებული არ არის, რაც გაიმართა კიდეც საკმაოდ პატივსაცემი ადამიანების ხელმძღვანელობით. აქციაში მონაწილეობდნენ როგორც საზოგადო მოღვაწენი, ისე რიგითი მოქალაქეები. ბუნებრივია, არსებობენ მოდური აზროვნების ტყვეობაში მყოფი ადამიანები, რომლებიც მიიჩნევენ, რომ სასოფლო-სამეურნეო სავარგულების დღესვე, დაუყოვნებლოვ, გასხვისება ქვეყნის აღმავლობას გამოიწვევს.

ასეა თუ ისე, საზოგადოებამ შეძლო ხელისუფლება ეკონტროლებინა, რაც დემოკრატიის ერთ-ერთი მახასიათებელია. ნიშანდობლივია, რომ უცხოელებზე ხელაღებით, დაუყოვნებლივ სასოფლო-სამეურნეო სავარგულების გაყიდვის მოსურნე მეხოტბეები იმაზე არ საუბრობენ, რატომ არ მოიქცა ასე თუნდაც, ჩეხეთის ხელისუფლება, რომელმაც თავის დროზე, 10 წლით აკრძალა სასოფლო სამეურნეო სავარგულების უცხოელებზე გასხვისება იმ მოტივით, რომ მეზობელი გერმანელი ფერმერები ეკონომიურად და ფინანსურად გაცილებით ძლიერები იყვნენ და ისინი ჩეხ ფერმერებთან მიმართებაში არათანასწორ კონკურენტუნარიან პირობებში იქნებოდნენ ჩაყენებული და შედეგად, იძულებული გახდებოდნენ სასოფლო-სამეურნეო სავარგულები მათთვის მიეყიდათ. მსგავსი დამოკიდებულებაა პოლონეთში, ბალტიის ქვეყნებში. იგივე ხდება ახალ ზელანდიაში, სადაც მსოფლიოში ერთ-ერთი ყველაზე განვითარებული ეკონომიკაა _ უცხოელებზე მიწების გაყიდვა აქაც კატეგორიულად იკრძალება. მიწის უცხოელებზე გასხვისება აკრძალულია თურქეთშიც, სადაც 10 ჰექტარზე მეტ მიწას ვერაფრით შეიძენთ. ასეთი რამ დაუშვებელია. საქართველოში ლიბერალიზმის ოაზისის მოწყობა მაშინ, როცა ჩვენი სამეზობლოს ყველა წევრ ქვეყანაში სასოფლო-სამეურნეო სავარგულების უცხოელებზე გაყიდვა აკრძალულია, დაუშვებელია. ვგულისხმობ, სომხეთს, აზერბაიჯანს, რუსეთს. თუ არ ვცდები ასეა უკრაინაშიც. ხომ უნდა დავფიქრდეთ, რას გამოიწვევს ჩვენს მიერ გადადგმული ნაბიჯი _ მეწინავეობას თუ ჩვენი ეროვნული ინტერესების ჩარეცხვას?! მიწა ჩვეულებრივი საბაზრო ურთიერთობების ელემენტი არ არის, არამედ საარსებო სივრცის ნაწილია. აქედან გამომდინარე, ამ საკითხისადმი განსაკუთრებით ფაქიზი დამოკიდებულება არის საჭირო.

თუ მიწების გაყიდვას ვინმე იმით გაამართლებს, რომ ეს ქვეყანას ეკონომიკურ სარგებელს მოუტანს, მაშინ ამას შავი იუმორით შევხედავ და ვიტყვი: იგივენაირად შეგვიძლია ადამიანების ორგანოებით ვაჭრობას შევუწყოთ ხელი, ან ძალიან მომგებიანია სექს-ბიზნესი და მოდით, მის განვითარებასაც შევუწყოთ მაშინ ხელი ან იგივე, ნარკობიზნესი ვაწარმოოთ, რომელიც მთელს მსოფლიოში მომგებიანია. ამით იმის გამართლება, რომ ეს ეკონომიკას განავითარებს და იმის თქმა, რომ ამის გამო საარსებო სივრცის ნაწილს უნდა შეველიოთ, რასაც სასოფლო-სამეურნეო სავარგული წარმოადგენს, არ შეიძლება. ახლა, მთელ რიგ რეგიონებში მიწის ნაყოფიერი ფენის ვაჭრობით არიან დაკავებულნი. რიგ ქვეყნებს შეუძლიათ სულაც არ დაიპყრონ მეზობელი ქვეყანა _ ვთქვათ, საქართველო. მათ შეუძლიათ აიღონ ჩვენი მიწის ნაყოფიერი ფენა, განათავსონ უნაყოფო ველზე და ამით გარკვეული კეთილდღეობა შეიქმნან. მაშინ ეგავყიდოთ ჩვენ მიწის ეს ნაყრი ფენა. ამიტომ აქ, გონივრული მიდგომაა საჭირო. სხვათა შორის, ერთი რამაც მინდა ვთქვა: ასეთი გადაწყვეტილებები საყოველთაო გამოკითხვით უნდა მიიღებოდეს, იქნება ეს პლებიციტი თუ რეფერენდუმი, რადგან ეს მთელს საზოგადოებას ეხება და მხოლოდ პოლიტიკოსებს არ უნდა ჰქონდეთ საშუალება საკუთარი მოსაზრება თავს მოგვახვიონ. სამწუხაროდ, ხელისუფლებაც თვლის, რომ ეკონომიკის განვითარების ინტერესებიდან გამომდინარე უპრიანია სასოფლო სამეურნეო სავარგულების გაყიდვა. მაშინ გავყიდოთ ყველაფერი. მაგრამ რატომ ხალხს არ ვეკითხებით რა სურთ?! ესეც ძალიან სიმპტომატურია და პოლიტიკოსების უპასუხისმგებლობაზე მიუთითებს.

_ როგორც ვიცით, საკონსტიტუციო სასამართლოს გადაწყვეტილება არ საჩივრდება. მაშინ გაუგებარია, რატომ გადაიდგა ასეთი ნაბიჯი ახალი კონსტიტუციის მიღებამდე 9 დღით ადრე?

_ რა თქმა უნდა, საეჭვო თემაა. არ არის გამორიცხული საკონსტიტუციო სასამართლოსთან მიმართებაში გარკვეული ლობის მოქმედებას ჰქონოდა ადგილი.

_ ბატონო ვაჟა, 11 ათასი უცხოელი საქართველოში, ჯამურად, 50 ათას ჰექტარ სასოფლო- სამეურნეო
დანიშნულების მიწის ფართობს ფლობს. როგორ ფიქრობთ, უნდა ამოქმედდეს თუ არა დროულად კანონიერი ექსპროპრიაციის ყველა მექანიზმი?


- მიუხედავად იმისა, რომ ამ საკითხთან დაკავშირებით ცალსახა პოზიცია მაქვს, ასეთი ძალადობრივი ზემოქმედების მომხრე არ ვარ რაც გასხვისებულია, იმის გამოსყიდვა შეიძლება, ჩამორთმევა_ არა. იმიტომ, რომ ჩვენ საერთაშორისო სამართლის ნორმებს ვაღიარებთ და მესაკუთრის მიმართ ასეთი
რევოლუციური მეთოდების გამოყენება ქვეყნის იმიჯს დააზიანებს. ამიტომ, ეს მიზანშეწონილი არ არის.

შესაძლებელია გამოსყიდვა, მაგრამ ესეც არარეალურია, რადგან იმ გაყიდული და გასაყიდი მიწების უმრავლესობა, ფაქტობრივად, დაუმუშავებელია. აქედან გამომდინარე, ჩვენი ამოცანა მიწისთვის რაღაც საკრალური ფუნქციის მინიჭება არ უნდა იყოს. ჩვენ შეგვიძლია ასე გავაკეთოთ: მიწებს რომელთაც შეეცვალათ მესაკუთრე და ამჟამად, მესაკუთრე უცხოელია, შეგვიძლია მათ მიმართ საკანონმდებლო დონეზე შემზღუდავი გადაწყვეტილებები შევიმუშავოთ _ ისინი დავავალდებულოთ, რომ ეს მიწა დაამუშაონ და მასზე დოვლათი შექმნან. ჩამორთ- მევა, წართმევა ან თუნდაც, არაადეკვატური საფასურის გადახდა, არარეალური მგონია. ამიტომ იყო ეს პროტესტი დროული და საზოგადოების სიმწიფის გამოცდა, რომ ფაქტობრივი დიალოგის დარღვევამდე უნდა იქნას შესაბამისი გადაწყვეტილებები მიღებული, რადგან შემდეგ მესაკუთრესთან დაპირისპირება ძნელი იქნება. ჩვენ უნდა ვაიძულოთ ისინი მიწები დაამუშაონ და დოვლათი შექმნან..

თამარ შველიძე

მეტის ნახვა
21-12-2018, 05:30