სარეკლამო ადგილი

947x125



სამოქალაქო ომის დამაანონსებლებს ხელისუფლებამ უნდა გასცეს პასუხი, მაგრამ თუ მას ეს გაუჭირდა, თვითონ დავიცავთ სახელმწიფოს, რისი კანონიერი უფლებაც გვაქვს

"ფაშიზმი შეგნებულად აქციეს საფრთხობელად, თორემ სინამდვილეში ეს არის შენი ეროვნული თვითშეგნების, ეროვნული წეს-ჩვეულებების, ტრადიციების ყოვლისმომცველობა" აცხადებს მოძრაობა "საქართველოს ეროვნული ერთობის" ლიდერი გიორგი ჭელიძე.

ვიკიპედია:
ტერმინი ფაშიზმი მოდის სიტყვა ფასიოდან, ესაა ძველ რომში მაგისტრების ძალაუფლების სიმბოლო — წნელის შეკვრა შუაში ნაჯახით. პრინციპი შემდეგშია, ერთი წკნელი ადვილად ტყდება შეკვრა კი – ძნელად. აქედან მოდის ერთ-ერთი ფაშისტური ლოზუნგი, ძალა ერთობაშია. რეალურად ფაშიზმი ზენაციონალური (გნებავთ ტრანსნაციონალური) ნაციონალიზმია, რომელიც ე.წ. ლიბერალურ-დემოკრატიული გლობალიზაციის საპირწონე მიმდინარეობას წარმოადგენს.

გარკვეული ძალები ჩვენს ორგანიზაციას ხელისუფლების მიერ მართულად მიიჩნევენ, ამ ეტაპზე ჩვენი ქმედებები, შეიძლება რაღაცნაირად ემთხვეოდეს ვიღაცის ინტერესებს, შეიძლება ეს "ქართული ოცნებაც" იყოს, ეს ბუნებრივიცაა, რადგან როცა სამოქალაქო ველზე აქტიურობ, ვიღაცის ინტერესებთან თანხვედრა აუცილებლად გექნება. ჩვენს ემბლემაზე სამფეროვანი დროშაა, საქართველოს პირველი დამოუკიდებელი რესპუბლიკის  (1918–21 წწ) დროშა, მეორე მსოფლიო ომის დროს, ამ დროშის ქვეშ იბრძოდა ქართული ლეგიონი, რომელიც არა საქართველოს, არამედ ბოლშევიკებს ებრძოდა, რომლებმაც 1921 წელს ჩვენი სამშობლოს ოკუპაცია და ანექსია მოახდინეს. ნებისმიერ პოლიტიკოსს რომ კითხო, 70 წელი საბჭოთა ოკუპაციის პირობებში ვცხოვრობდით, 26 მაისს დამოუკიდებლობის დღეს აღვნიშნავთ, მაგრამ მათ პრეტენზია არ უჩნდებათ გაერო საქართველოს სსრ-ის სამართალმემკვიდრედ რომ გვაღიარებს. ამიტომაც ვამბობ, რომ 1992 წლის შემდეგ, ანტიეროვნული ძალები გვმართავენ.

საერთოდ, მსოფლიოში სამი იდეოლოგიაა, ლიბერალიზმი, მარქსიზმი თავისი ორი განაყოფით — სოციალიზმი და კომუნიზმი, ფაშიზმი და ნაციონალ-სოციალიზმი. ეს სამი იდეოლოგია ერთმანეთს ებრძვის, ლიბერალიზმიც და მარქსიზმიც ანტიეროვნული იდეოლოგიაა, მულტიკულტურული და კოსმოპოლიტური, ისინი პირდაპირი მტრები არიან, როგორც ერების, ისე რასების. ფაშიზმი არის ეროვნული იდეის სრულყოფა, რომელიც ყველა ერს თავისი აქვს, შეუძლებელია გერმანელებს იტალიური ფაშიზმი ჰქონდეთ, ან იტალიელებს ბრიტანული.

ფაშიზმი ერთობას ნიშნავს, რაც ქართული ფენომენია, სკოლაშიც გვასწავლიდნენ, რომ ერთი ისარი ადვილად იმტვრევა, ბევრს კი ვერ გადატეხავ. ხელოვნურად ხდება ფაშიზმის დისკრედიტაცია, ფაშისტი თუ ხარ, ე.ი. სისხლისმსმელი ხარ. ფაშიზმი ყოველთვის იყო და დღესაც არის ევროპის რიგ ქვეყნებში. ქართველებსაც აქვთ თავისი ფაშიზმი, რომელიც პირველი სახელმწიფოებრიობიდან მომდინარეობს.

სამხედრო პუტჩის შემდეგ, ხელისუფლებაში მუდმივად არიან მტრული იდეოლოგიის წარმომადგენლები, ძველი კომუნისტები ან მათი შვილები, რომლებსაც დარწმუნებული ვარ წითელი პასპორტები შენახული აქვთ, რა იცი რა დრო მოდისო და ლიბერალური ძალები.

მეორე მხარეს არიან "კმარელები", ნაცები თავიანთი განაყრებით. მათთვის ნაციონალური მოძრაობის დაძახება შეუძლებელია, რადგან ნაციონალურობასთან არანაირი კავშირი არ აქვთ, ჩვენი ორგანიზაციის წევრები მათ ერთიანი ნაციების პარტიას ვეძახით. სააკაშვილის პარტია არის ევროპის სახალხო პარტიის წევრი, ყველაზე დიდი ულტრალიბერალების გაერთიანება საქართველოში. ასე რომ, საქართველოში ანტიეროვნული ძალები არიან გაბატონებული, რაც პირდაპირ შეეტყო ქვეყანას. როდესაც სახელმწიფო დასუსტდა, ერმა კვდომა დაიწყო, "საქართველოს ეროვნული ერთობა" კი არ იგონებს, გაეროს ოფიციალური მონაცემებია, რომ 2050 წლისთვის საქართველოში ფიზიკურად განახევრდება ქართველთა რაოდენობა, საქართველო მომაკვდავი ერების ხუთეულშია. ეს ყველაფერი სტკივა ქართველ ახალგაზრდობას, გვაქვს ჩვენი პროტესტი, ამიტომ შევქმენით ჩვენი ორგანიზაცია, ფაშიზმი მარტო პოლიტიკური იდეოლოგია არ არის, ეს აზრი ერთობის იდეოლოგიაა, სა და მოქმედების ერთობლიობა.

აზრი, იდეა არის ხალხი, ხოლო მოქმედება სახელმწიფო. კანონთან ყველანაირად თანხმობაში ვართ, უკანონობას არაფერს ვაკეთებთ.
ჩვენ ბრალს გვდებენ, რომ თითქოს ძალადობრივი მუქარები გავაჟღერეთ, აღნიშნულთან დაკავშირებით, პოლიციაში სს-ის საქმეც აღიძრა, ეს არის სრული აბსურდი. მოდით, უფრო კონკრეტულად ვისაუბროთ ამ საკითხზე. ყველამ მოვისმინეთ რა პოლიტიკურ განცხადებებს აკეთებდ ნენ პარლამენტის წინ შეკრებილი ნარკომანიის და ნარკოვაჭრობის პროპაგანდისტები და დაკანონების მსურველნი, პოლიციას და მთელ ქართველ ერს ეძახდნენ ბნელებს და უცენზურო სიტყვებით მოიხსენიებდნენ, იმუქრებოდნენ დაპირისპირებით, მოლოტოვის კოქტეილებით, უფრო მეტიც, რევოლუციითა და სამოქალაქო ომით. ამიტომ გაჩნდა საზოგადოებაში დიდი პროტესტი, მათ შორის იმ ახალგაზრდებში, ვინც აქტიურად ვართ ჩართული საზოგადოებრივ ცხოვრებაში. ჩვენი განცხადებები აუცილებელი თავდაცვის რეჟიმის გამომდინარე იყო, რომ არავის დავაშვებინებდით 1991 წელს და შემდგომ განვითარებულ პროცესებს. სამოქალაქო ომის დამაა- ნონსებლებს ხელისუფლებამ უნდა გასცეს პასუხი, მაგრამ თუ მას ეს გაუჭირდა, თვითონ დავიცავთ სახელმწიფოს, რისი კანონიერი უფლებაც გვაქვს. ხუნტა პირველად საწინააღმდეგო აზრის მქონე ადა- მიანებს გაუსწორდება და ჩვენ არ გვაქვს უფლება თავი დავიცვათ?

კონსტიტუცია და კანონი გვაძლევს იმის უფლებას, რომ აუცილებლობის შემთხვევაში საკუთარი თავი დავიცვათ და გადაუდებლობის შემთხვევაში, სხვისი სიცოცხლის დასაცავადაც გამოვიდეთ. დაკითხვისას სამართალდამცავებსაც ვუთხარი ეს. საზოგადოების მხრიდან ამხელა წინააღმდეგობას არავინ ელოდა, მათ უნდოდათ ყველაფერი ისე ეჩვენებინათ, რომ თითქოს უმრავლესობაში იყო ის ადამიანები, ვინც პარლამენტის წინ "თავისუფლებას" ითხოვდა. მათ პირველ აქციაზე მართლაც გამოვიდა ბევრი ხალხი, მაგრამ მერე იკლო. ეს "თეთრი ხმაური" და ბაია პატარაიას "საფარი" პირდაპირ სოროსისგან ფინანსდება. სოროსი საერთოდ შემჩნეულია არეულობების მოწყობაში, მემარცხენე იდეოლოგიის მქონე, ანარქისტული, ფემინისტური, მარქსისტულ მოკომუნისტო იდეების მქონე ადამიანების მხარდაჭერასა და დაფინანსებაში, ერთი სიტყვით, ქვეყნებში დესტაბილიზაციას ახდენს.

იმდენად მოულოდნელი იყო "პროტესტანტებისთვის" საპირისპირო აზრის გამოთქმა, რომ შოკში ჩავარდნენ. მუხტის გაღვივებაში ძალიან დიდი წვლილი შეიტანა  'საქართველოს ეროვნულმა ერთობამ", ერთ-ერთი პირველები გამოვედით, მრავალი ქუჩა მოვიარეთ და ხალხს მოვუწოდეთ თავიანთი პროტესტი დაეფიქსირებინათ. ლიბერასტებმა და მათმა მხარდამჭერებმა ჩვენს ქმედებაში ვერაფერი უკანონობა რომ ვერ აღმოაჩინეს, დისკრედიტაციის მიზნით აბსურდული განცხადებების და ინფორმაციების გავრცელება დაიწყეს.

"ფლაგმანად" ელისო კილაძე მოგვევლინა, რომელსაც ჟურნალისტობაზე აქვს პრეტენზია, მეტს არაფერს ვიტყვი, მაინც ქალბატონია, თქვენმა მკითხველმა განსაჯოს მისი საქციელი. შეიძლება მხარე იყო, მაგრამ დემაგოგიას და შუბლის ძარღვის გაწყვეტასაც ხომ აქვს საზღვარი?! კილაძემ გა- ავრცელა ჩემი შარშანდელი ფოტო, რომ თითქოს თავს ვარიდებდი პოლიციასთან თანამშრომლობას და თავი მოვიავადმყოფე, რაც არის სრული სიცრუე. ეს ფოტო მაშინდელია, როცა ფეხბურთის ფედერაციასთან ეროვნული ნაკრე- ბის კაპიტნის, გურამ შარიას მიერ ლგბტ-სიმბოლიკიანი სამკლაურის გაკეთება გავაპროტესტეთ.

17 მაისს ჩვენი 11 წარმომად- გენელი, თითქმის ყველა ლიდერი დააკავეს და ფაქტობრივად ორგა- ნიზაციის პარალიზება მოახდინეს. დასაკითხად ჩემი ფეხით მივედი პოლიციაში, ამჯერად საქმეში ჩემი ადვოკატი გაიოზ ჩარკვიანიც ჩაერთო, მზად ვარ სათანამშრომლოდ, ნებისმიერ კითხვას გავცემ პასუხს. თუ ვინმეს ჩემი იდეოლოგია არ მოწონს, ეს ჩემი პრობლემა არ არის. ეროვნული მუხტის პოლიტიკური ხერხით ჩახშობა ბოლშევიკური, "წითელი ჭირის" მეთოდია, რომელმაც გაწყვიტა ჩვენი ინტელიგენცია. თუ ახლაც იგივე ხდება, ეს ყველაფერი უნდა ვიცოდეთ, ჩემთვის და ჩემი ორგანიზაციის წევრებისთვის დიდი პატივია, თუ განსხვავებული აზრის დევნის გაპროტესტებისთვის დაგვსჯიან.

ერთმა ჭკვიანმა ავსტრიელმა მხატვარმა თქვა, გიყვარს ის, რაც იცი და იცი ის, რაც გასწავლეს.
ქართველ ერს არ აქვს სწორი ინფორმაცია და როცა გამოჩნდა ძალა, რომელიც სიმართლეს ამბობს, ანტიეროვნული ძალების უკიდურესი გაღიზიანება გამოიწვია.

სოციალურ ქსელებში სრული სიგიჟე სუფევს, თუმცა მრავლა- დაა იქ დადებითი კომენტარებიც არის, მიუხედავად იმისა, რომ აქტიურად გვიტევენ ე.წ. ქართული ტელევიზიები, რომლებიც ასევე სოროსისგან ფინანსდებიან. ჩვენს წინააღმდეგ ბრძოლაში ჩართული არიან პრორუსული ძალებიც, მათ არ მოეწონათ 9 მაისს იმ კანონის დაცვას ვითხოვდით, რომლის თანახმადაც საბჭოთა ტოტალი- ტარული სიმბოლიკის გამოტანა არ უნდა მომხდარიყო. მოკლედ, ყველა მხრიდან არის შტურმი. ძალიან მინდა დაწეროთ, რომ 17 მაისს "მაესტრომ" ამაზრზენი ფაქტი დაგვაბრალა, თითქოს რამდენიმე წლის წინ, ქართველმა ნაციონალისტებმა, ანუ ჩვენმა მსგავსმა ორგანიზაციებმა, აღმაშენებლის გამზირზე ვიღაცები დაარბიეს, ვერცხლის ქუჩაზე მდებარე რაღაცა ბარიც ახსენეს. მე არ ვიცი ვინ რა დაარბია, ამ ყველაფერს "საქართველოს ეროვნულ ერთობასთან" არანაირი კავშირი არ აქვს, მაშინ ჩვენი ორგანიზაცია საერთოდ არ არსებობდა და რატომ უნდა ავიღოთ პასუხისმგებლობა იმაზე, რასთანაც ოდნავი ირიბი კავშირიც არ გვაქვს?!

ჩვენი ორგანიზაციის წევრია აგვისტოს ომის რამდენიმე ვეტერანი, აფხაზეთის ომის მონაწილე მრავალი მხარდამჭერი გვყავს, რომლებიც ჩვენს აქციებზე დადიან. რომელ დაფინანსებაზეა საუბარი, როცა არათუ ოფისი, ხმამაღლა მოლაპარაკის შესაძენი ფულიც კი არ გვაქვს.

ნაპოლეონს აქვს ნათქვამი. ჯარით დაცული სახელმწიფო კი არ არის დაუმარცხებელი, არამედ ერით დაცულიო. თუკი ახალგაზრდობა ნარკოტიკულ თრობას მიეცა, ხომ ვიცით, რომ ნარკოდამოკიდებული ადამიანისთვის მთავარი ნარკოტიკის მოპოვებაა, რომელშიც ყველაფერს გაცვლის, თუკი სექსუალური უმცირესობების რიცხვმა მოიმატა ქვეყანაში,საიდანღა გვეყოლება ქართველ მეომრები და ამორძალები, ვინც მომავალში უნდა დაიცვას საქართველო?

ჩვენ თუ საკმარისი ძალა არ გამოვიჩინეთ, ეროვნული ცნობიერებით და შეგნებით თუ არ განვიმსჭვალეთ, ფაქტია, ჩვენი სამშობლო გადაშენებისკენ მიდის. თუ იდეაა საკამათო, დაგვითმონ პირდაპირი ეთერი, დაგვიჯდნენ კომუნისტების თუ ლიბერალების წარმომადგენლები და გვეკამათონ, თავიანთი არგუმენტებით მოახდი- ნონ თავიანთი იდეოლოგიის პროპაგანდირება, ჩვენ ჩვენს პოზიციას დავიცავთ, მაგრამ ეს არ აწყობთ, რადგან სიმართლე ჩვენშია. ყველაფერ ეროვნულის გამოვლინებას რომ რუსულ პროპაგანდად და რუსეთიდან დაფინანსებულად რომ ნათლავენ ეს ბატონები და ქალბატონები, სწორედ თვითონ ასხამენ ნებსით თუ უნებლიედ რუსეთის წისქვილზე წყალს და ოკუპანტს რეკლამირებას უწევენ. ერთს ვიკითხავ, აშშ-ის პრეზიდენტმა ტრამპმა, ამერიკა კი საქართველოს სტრატეგიული პარტნიორია, პირდაპირ დააყენა საკითხი ნარკომოვაჭრეების სიკვდილით დასჯის შესახებ, სექსუალური უმცირესობების გამოხატვის უფლებები შეზღუდა, ტრანსგენდერებს ჯარში სამსახური აუკრძალა, მაშინ ვთქვათ, რომ ისიც პუტინის "კაცია"? ალბათ ამიტომაც თქვა ტრამპმა პრეზიდენტი როცა გახდა, პოლიტიკაში ნამდვილი მამაკაცები დაბრუნდნენო. ის ყოველივე ტრადიციულზეა ორიენტირებული, ოჯახი და ტრადიციებია მათი მთავარი ღირებულება, ეს ტექნიკა და ეკონომიკური პროგრესი უკან დაგვრჩება თუ ჩვენი ტრადიციები განადგურდებაო. ჩვენთან კი არ გაძლევენ უფლებას, რომ ამ თემების შესახებ ისაუბრო, მაგრამ ქართველ ერში არის პროტესტი დაგროვილი, რომელმაც სულ რომ არ ელოდნენ, ისე ამოხეთქა და წალეკა ლიბერასტების აქცია, ავტობუსებში შეჭეჭყილები გააპარეს რუსთაველის გამზირიდან. 17 მაისიც ვერ აღნიშნეს უმცირესობებმა და მათმა დამცველებმა, როგორც თვითონ უნდოდათ, ოფიციალურად თქვეს, რომ ამ დღეს აქციას არ ატარებდნენ. ეს გააკეთა ერთმა პატარა მუხტმა, ერთი დღის აფეთქებამ. თუკი ერი დაირაზმება, მას წინ ვერავინ დაუდგება.


გაიოზ ჩარკვიანი
(ადვოკატი): გიორგი ჭელიძე თბილისის პოლიციის მთავარ სამმართველოში დაკითხეს, ყველა კითხვას არგუმენტირებული პასუხი გაეცა, წარვადგინეთ ჩვენი მტკიცებულებები. აქედან გამომდინარე, პოლიციელები მივიდნენ იმ დასკვნამდე, რომ ჩვენ არანაირი ანტიკონსტიტუციური ქმედებები არ ჩაგვიდენია. რაც შეეხება სიმ- ბოლიკებს, ემბლემას, ატრიბუტიკას, რომელიც ბოლო პერიოდში ესოდენ ყბადაღებულ თემად იქცა, ისიც დეტალურად გავშიფრეთ. საქართველოს ეროვნულ ვალუტაზე გამოსახული ბორჯღალია "საქართველოს ეროვნული ერთობის" სამკლაურზეც, არსებობს ბოლნური ჯვარი, რომელიც მრავალსაუკუნეებს ითვლის და უდიდესი საგანძურია ქართული სარწმუნეობის და კულტურის, რა თქმა უნდა ეს ჯვარი საქართველოში აკრძალული არ არის. სამფეროვანი დროშა, რომელიც 1918 საქართველოს დამოუკიდებ- ლობა რომ გამოცხადდა, მაშინ გვქონდა, 80-იან წლებში, როცა დაიწყო საქართველოს ეროვნულგამათავისუფლებელი მოძრაობა, სწორედ ეს დროშა იყო ეროვნული სიმბოლო. ის შემდგომშიც დამოუკიდებელი საქართველოს სახელმწიფო დროშა იყო, რომელიც გატანილი გვქონდა საერთაშორისო ასპარეზზე, როცა ჩვენი სპორტსმენები, დიპლომატები სახელმწიფო მოღვაწეები უცხოეთში ჩადიოდნენ, ზუსტად ეს დროშა ფრიალებდა. 2004 წელს მიხეილ სააკაშვილი ხელისუფლების სათავეში რომ მოვიდა, სახელმწიფო დროშა კი შეცვალა (რატომ და როგორ ეს ცალკე თემაა), მაგრამ შინდისფერი დროშა ხომ დარჩა ისტორიად, ეროვნულ-გამათავისუფლებელი მოძრაობის რელიქვიად?! სად არის იმ ახალგაზრდების ანტიკონსტიტუციური ქმედებები, რომლებსაც ის სიმბოლოები აქვთ, რომლებიც არავის აუკრძალავს. "საქართველოს ეროვნული ერთობა" დარეგისტრირებულია საჯარო რეესტრში, ამის შესახებ საფრთხოების სამსახური საქმის კურსშია. ორგანიზაციას გააჩნია წესდება და ბეჭედი, სიმბოლიკის შესახებაც არსებობს ინფორმაცია. რაიმე დარღვევა რომ ყოფილიყო, იუსტიციის სამნისტრო ორგანიზაციას რეგისტრაციაში არ გაატარებდა და შესაბამისად ბეჭედსაც ვერ დაამზადებდნენ.

"ბასიანში" სპეცოპერაციის დროს რატომ მოხდა ძალის გადამეტებაო, მაშინ არ იყო ძალის გადამეტება? ან სვანეთში ვერტმფრენებიდან რომ გახსნეს ცეცხლი, შეიძლება მართლაც იყო კრიმინალური დაჯგუფება, მაგრამ ვერტმფრენებიდან რომ ბომბავ, მშვიდობიან მოსახლეობასაც ხომ უქმნი საფრთხეს. 7 ნოემბერს ორჯერ უმოწყალოდ დაარბიეს მომიტინგეები, რის გამოც სააკაშვილს გადადგომა მოუწია, ეს რა იყო? ან 2011 წლის 26 მაისს, სად ეძებდ- ნენ და პოულობდნენ უმოწყალოდ ნაცემ მშვიდობიან მომიტინგეებს, ზოგს თურმე მაღაზიის სახურავზე დენმა დაარტყა და იმიტომ გარდაიცვალა. დღეს ამ ხალხს რატომღაც პრეტენზია უჩნდება, რომ პოლიციამ ძალაუფლებას გადაამეტა. "ბასიანში" მყოფი ერთ-ერთი ქალბატონი ტელევიზიით ამბობს, რაში მაინტერესებს რაღაც ფარატინა ქაღალდი, სიამოვნებაში ხელი შემიშალესო, თურმე სასამართლოს გადაწყვეტილება ფარატინა ქაღალდია. როგორ გგონიათ, როდესაც პოლიციის თანამშრომლებს აქვთ ინფორმაცია, ხელთ აქვთ სასამართლოს შესაბამისი განჩინება, ორი ოპერატიული თანამშრომელი უნდა შევიდეს "კანონის დაცვით" 100 თუ 200-კაციან გაბრუებელ მასაში, იცით რა, სასამართლოს განჩინება მაქვს და თუ შეიძლება მაცალეთ სპეოპერა ციის ჩატარება, ნარკოტიკი რომ ამოვიღო და მისი გამსაღებელი უნდა დავაკავოო? ვიღაც შეიძლება ისე იყოს გაბრუებული, რომ ელემენტარულად არ არის გამორიცხული, რომ პოლიციელისთვის დანა გაეყარა, ანუ დამდგარიყო ისეთი შედეგი, რასაც პოლიციის თანამშრომლები შეეწირებოდნენ. ცივილიზებულ ქვეყანებში ღამის კლუბებში პოლიცია სპეცოპერა- ციას რომ ატარებს, წინასწარ აფრთხილებენ? თუ დაირღვა ვინმეს უფლებები, აგერ არის შსს-ს გენინსპექცია, სახალხო დამცველი, უამრავი სტრუქტურა და ინსტანცია, დადონ მტკიცებულებები და იდავონ სამართლებრივი გზით. როგორც მე ვიცავ ჩემი დაცვის ქვეშ მყოფებს სამართლებრივი გზით, მათაც ისე დაიცვან თავიანთი კონსტიტუციით მინიჭებული უფლებები.

მანანა სუხიშვილი

მეტის ნახვა
25-05-2018, 14:30


ეს რა ნატვრა ჰქონია!
ეს რა დარდს დაუღრღნია და დაუდნია!
ეს რა ოცნება უტარებია 5 გრძელი წელიწადის განმავლობაში სამშობლოს სიყვარულით დათუთქულ გულში!

– ერთი ნატვრა მქონდა –  პუტინს შევხვედროდი, პუტინთან მესაუბრა, როგორც ტოლს ტოლთან, ისე, როგორც, ვთქვათ, გერმანიის კანცლერს ვესაუბრებოდი, როგორც საფრანგეთის პრეზიდენტს ვესაუბრებოდი.
ვიცი, ჩემი ხალხის დიდ ნაწილს სურს რუსეთთან დალაპარაკებაო, – ბრძანა საქართველოს პრეზიდენტმა გიორგი მარგველაშვილმა სტუდენტებთან შეხვედრისას.

ხუთი წელი თუ ამაზე ოცნებობდით, ბატონო გიორგი, ხუთი წელი თუ იცოდით, რომ ქართველ ხალხს რუსეთთან ურთიერთობის სურვილი აქვს, ამდენ ხანს რას ელოდებოდით და მაინცდამაინც თქვენი საპრეზიდენტო ვადის მიწურულამდე რატომ მოიტანეთ ამ სანუკვარი ოცნების ასრულება? თუ ასე გულით გინდოდათ პუტინთან გულითადი მასლაათი, თუ ხვდებოდით, რომ ქართველი ხალხის ერთი ნაწილის შეკვეთა იყო, რომ რუსეთის პრეზიდენტს დალაპარაკებოდით და ორ ქვეყანას შორის წლების განმავლობაში არსებული პრობლემები მოგეგვარებინათ, ვინ გიშლიდათ ხელს, ამდგარიყავით და ხმამაღლა, ოფიციალურად განგეცხადებინათ, რომ ვლადიმირ პუტინთან შეხვედრა გინდოდათ.

ხუთი წლის განმავლობაში თავგადაკლული პროდასავლელი იყავით და ახლა გახდით პრორუსული ორიენტაციის და ახლა გაგისკდათ მაინცდამაინც სიყვარულის გუდა?

საოცარი მეტამორფოზაა, საოცარი!

თქვენგან მეტამორფოზები არავის უკვირს, მაგრამ ეს ბოლო სახეცვლილება ნამეტანი მოულოდნელი იყო. კიდევ ვიმეორებ, თუ ვლადი- მირ პუტინთან დალაპარაკება სახელმწიფოებრივად მნიშვნელოვან და აუცილებელ საქმედ მიგაჩნდათ, თქვენ, პრეზიდენტ კაცს, ვისთვის რა გქონდათ საკითხავი – ჩასულიყავით მოსკოვში და შეხვედროდით ბატონ პუტინს.
თუ მარტოდმარტო ჩასვლა არ გინდოდათ, "პატრიოტთა ალიანსს" დამგზავრებოდით, რა პრობლემა იყო?
ჩნდება ეჭვი, ხომ არ უკავშირდება ეს ყველაფერი საპრეზიდენტო არჩევნებს, კერძოდ კი მარგველაშვილის ფარულ სურვილს, კიდევ ერთხელ გახდეს საქართველოს პრეზიდენტი?

კი, მაგრამ, რუსეთი და პუტინი საქართველოს პრეზიდენტობასთან რა კავშირშიაო? - იკითხავს მიამიტი მკითხველი. სანამ ამ კითხვაზე პასუხს გავცემდეთ, მოდით, იმაზე დავფიქრდეთ, რა მდგომარეობში იმყოფება დღეს გიორგი მარგველაშვილი?

რა მდგომარეობაში იმყოფება და ჩიხშია - "ქართულ ოცნებასთან" დასაბრუნებელი პირი არ აქვს, ოპოზიციასთან შარიშურიდანაც არაფერი გამოვიდა, ვერც დასავლეთი მოხიბლა თავისი პოლიტიკური ფიგურით, ვერც ქართველ ხალხს შეაყვარა თავი, ერთი აბდუშელიშვილიღა დარჩა მხარდამჭერად და დასაყრდენად და ისიც კატასტროფულად იკლებს წონაში (პოლიტიკურ წონას ვგულისხმობ).

მოკლედ რომ მოვჭრათ, მარგველაშვილი მარტოა დარჩენილი, პოლიტიკური მოკავშირეების გარეშე და, როგორც ჩანს, ახალი, ძლიერი მოკავშირის ძებნაში რუსეთისკენ გადაწყვიტა გაჭრა.

სჭირდება თუ არა რუსეთს ეს არამდგრადი და არასაიმედო მარგველაშვილი, ეს სხვა საკითხია, მაგრამ მარგველაშვილს რომ ძალიან, ძალიან სჭირდება რუსეთი, ეს ფაქტია.

როგორც ჩანს, მარგველაშვილს კარგად ახსოვს 2003 წლის ნოემბრის ე.წ."ვარდების რევოლუცია", რომელიც იმით დამთავრდა, რომ "რევოლუციის" ლიდერი მიხეილ სააკშვილი მოსკოვიდან საგანგებოდ ჩამოფრენილმა იგორ ივანოვმა გამარჯვებულად "გამოაცხადა" – მისი მარჯვენა ისე ასწია მაღლა, როგორც რეფერი სწევს გამარჯვებული მოკრივის მარჯვენას.

მაშინაც ისმოდა ეს კითხვა: რაკავშირში შეიძლებოდა ყოფილიყო რუსეთი "ვარდების რევოლუციასთან", მაგრამ, როგორც გაირკვა, იყო.
უნდა ითქვას რომ, მიუხედავად პროდასავლური ძალებიოს ოპტიმისტური ყიჟინისა და ეიფორიული განცხადებებისა, რუსეთი დღემდე ინარჩუნებს სერიოზულ გავლენას საქართველოს პოლიტიკურ თუ საზოგადოებრივ ცხოვრებაზე.

ის არის თითქმის ყველგან, მათ შორის იქაც, სადაც მას არც ველოდებით. რაც მთავარია, საქართველოში არსებობს საკმაოდ მრავალრიცხოვანი ელექტორატი, რომელიც მხარს უჭერს რუსეთ-საქართველოს ურთიერთობის აღდგენას და საქართველოს მომავალს მხოლოდ და მხოლოდ რუსულ ორბიტაზე ხედავს.

არცთუ ისე შორეულ წარსულში, ერთ-ერთი სოციოლოგიური გამოკითხვის შედეგად, ამ ადამიანთა რიცხვი 31%-ს შეადგენდა, რაც ძალიან სერიოზული ციფრია. შეიძლება დღეს ეს ციფრი ცოტათი ნაკლებია ან ცოტათი მეტი, თუმცა ეს არაფერს ცვლის – პრორუსული ორიენტაციის ამომრჩეველთა ხმები საპრეზიდენტო არჩევნებში ნამდვილად გასათვალისწინებელი ფაქტორი იქნება ყველა საპრეზიდენტო კანდიდატისთვის.

ამ ხმებზე ხომ არ აპირებს ნადირობის დაწყებას ბატონი მარგველაშვილი, როცა რუსეთისადმი ასეთ მოულოდნელ სიმპათიას ამჟღავნებს და, ფაქტობრივად, ღიად და დაურიდებლად აქცევს ზურგს დასავლეთს, რომლის აპოლოგეტადაც აქამდე გვევლინდებოდა.

მარგველაშვილის განცხადებას უკვე მოჰყვა გამოხმაურება რუსეთის მხრიდან.

რუსები სულაც არ თვლიან შეუძლებლად მარგველაშვილის ოცნების რეალობად ქცევას. დარწმუნებით შეიძლება ითქვას, რომ ისინი, თუნდაც პიარის და პროპაგანდის შესანიშნავი შანსის გათვალისწინებით, ყველაფერს გააკეთებენ იმისთვის, რომ რუსეთის და საქართველოს პრეზიდენტების შეხვედრა შედგეს.

თუნდაც ვერ შედგეს ეს შეხვედრა, მარგველაშვილმა ამ თავისი განცხადებით უკვე ისეთი ფასდაუდებელი მასალა მიაწოდა რუსეთის პროპაგანდისტულ მანქანას (რომელიც, უნდა ითქვას, ბრწყინვალედ მუშაობს), რომ მის დამსახურებას პუტინის კარზე აუცილებლად დააფასებენ სათანადოდ.

რუსეთის მხრიდან მარგველაშვილს გზა ხსნილი აქვს, მაგრამ მთავარი პრობლემები მას შეიძლება საქართველოში შეექმნას.
პრემიერ-მინისტრმა კვირიკაშვილმა უკვე უჩვენა ყვითელი ბარათი რუსეთისკენ მზერაგაქცეულ პრეზიდენტს და შეახსენა, რომ ერთია სურვილი, მაგრამ ასეთ შეხვერას სერიოზული მომზადება სჭირდება, რომელსაც, შეიძლება, თვეები მოუნდეს.
თუ ისე წარიმართა მოვლენები, რომ მარგველაშვილი, მოუხედავად სურვილისა, მაინც ვერ მოახერხებს პუტინთან შეხვედრას და თუ ეს ამბავი ქართულ მხარეს დაბრალდება, რუსეთი ამ ფაქტსაც შესანიშნავად გამოიყენებს სათავისოდ და მთელი მსოფლიოს გასაგონად განგაშს ატეხს –  საქართველო იმდენად არის დამოკიდებული დასავლეთზე, რომ ქვეყნის პირველ პირსაც კი არ აქვს იმის შესაძლებლობა, რომ თავის ნება-სურვილზე, თავისი შეხედულებების მიხედვით იმოქმედოს.

ფაქტობრივად, მარგველაშვილმა საშუალება მისცა რუსეთს, წაუგებელი თამაში ითამაშოს.

რუსეთი მარგველაშვილის მიერ ბოძებული კოზირით ბევრ რამეს მოიგებს, მაგრამ რას მოიგებს ამ თამაშში თვითონ მარგველაშვილი, ეს მასზე და მის მიერ სამომავლოდ გადადგმულ ნაბიჯებზეა დამოკიდებული.
რაც ამ მომენტში დაბეჯითებით შეიძლება ითქვას, ისაა, რომ მარგველაშვილს მტკიცედ აქვს გადაწყვეტილი, ხელმეორედ იყაროს კენჭი საქართველოს პრეზიდენტობაზე.

როგორც ჩანს, ძნელია, შეეგუო პრეზიდენტობის დაკარგვას.
ტკბილია პრეზიდენტობა, თან ისეთი პრეზიდენტობა, როგორიც მარგველაშვილს ჰქონდა.
ახლა ის მოკავშირეებს ეძებს, მხარდამჭერებს ეძებს, საყრდენს ეძებს, რომ როგორმე შეინარჩუნოს პრეზიდენტის პოსტი, ამ დიადი მიზნისთვის კი მზად არის, ყველაფერი იკადროს, ყველაფერზე მოაწეროს ხელი.

შეიძლება ვივარაუდოთ, რომ მარგველაშვილს რაღაცის პანიკური შიში აქვს.
ეტყობა, მას ეშინია, რომ საპრეზიდენტო ვადის ამოწურვის შემდეგ შეიძლება მის წინააღმდეგ სისხლის სამართლის საქმე აღიძრას და თუ აქედან დროზე ვერ გაასწრო, არ არის გამორიცხული, დაიჭირონ კიდევაც.
კონკრეტულად რა საქმეების გამო შეიძლება ასეთი რამ მოხდეს, ეს ყველაზე კარგად, ცხადია, თვით მარგველაშვილმა იცის და, რა თქმა უნდა, იცის საქართველოს ხელისუფლებამაც.
მარგველაშვილს, ეტყობა, მწარედ ენიშნა ის "ნამიოკები", რაც მისი მისამართით გაჟღერდა პარლამენტის იმ სხდომაზე, საიდანაც ის თავქუდმოგლეჯილი გაიქცა.

პრეზიდენტობის დამთავრების შემდეგ, თუ გასაქცევად შეექნა საქმე, ყველაზე კარგი ადგილი გასაქცევად, რა თქმა უნდა, რუსეთია.
როგორც ჩანს, ამაზეც აქვს ნაფიქრი მარგველაშვილს, რომელიც ახლა მარბიელების მიერ ალყაში მოქცეული ნადირივით აქეთ-იქით აწყდება და ალყიდან თავის დაღწევას ცდილობს.
საქართველოს ხელისუფლებას ვაფრთხილებ – ყურადღებით იყავით, არ გაგეპაროთ ეს კაცი თქვენ აქედან და ავლაბრის რეზიდენციიდან უცებ წითელ მოედანზე არ ამოჰყოს თავი.

ასეა თუ ისეა, გიორგი მარგველაშვილს შანსი აქვს, საქართველოს ისტორიაში გიორგი რუსის სახელით შევიდეს.

მიმომხილველი

მეტის ნახვა
24-05-2018, 17:30


თეთრიწყაროს მუნიციპალიტეტში 

სოფელ ნამტვრიანში მესასმელი წყლის ქსელის მოწყობის სამუშაოები მიმდინარეობს. დასახლებას წყალმომარაგების სისტემის არარსებობის გამო სასმელი წყალი შეზღუდული რაოდენობით მიეწოდებოდა. გეგმური სამუშაოების ფარგლებში მოეწყობა 1,5 კმ სიგრძის ქსელი, შედეგად ადგილობრივი მოსახლეობა ისარგებლებს გაუმჯობესებული წყალმომარაგებით.წყალმომარაგების გაუმჯობესების მიზნით, გეგმური სამუშაოები მიმდინარეობს სოფლებში: დურნუკში, საღრაშენში, ხაიშსა და გუდარეხში.

დაბა მანგლისში საქართველოს ტერიტორიული მთლიანობისთვის დაღუპულ გმირთა სახელობის პარკი და მემორიალი გაიხსნა. ადგილობრივი შემოქმედებითი ჯგუფების მონაწილეობით გაიმართა საზეიმო ღონისძიებები. მემორიალის გახსნას ესწრებოდნენ: თეთრიწყაროს მუნიციპალიტეტის მერიის, საკრებულოს, მაჟორიტარი დეპუტატის ბიუროს თანამშრომლები, ვეტერანების საქმეთა სახელმწიფო სამსახურის წარმომადგენლები, ვეტერანები, სასულიერო პირები, მოწვეული სტუმრები და ადგილობრივი მოსახლეობა.

მერიამ 25 კუბური მეტრი საშეშე მერქანი მუნიციპალიტეტის ტერიტორიაზე მცხოვრებ სოციალურად დაუცველ და იძულებით გადაადგილებულ ოჯახებს გადასცა.
"განავითარე შენი რეგიონის" ფარგლებში დასკვნითი ღონისძიება გაიმართა. მუნიციპალიტეტის საჯარო სკოლების მოსწავლეებმა ღონისძიებაზე წარმოადგინეს მუნიციპალიტეტის ეკონომიკური, სოციალური და ინფრასტრუქტურული მიმართულებით განსახორციელებელი
პროექტები.
ღონისძიებას ესწრებოდნენ თეთრიწყაროს მუნიციპალიტეტის მერიისა და საკრებულოს თანამშრომლები.

დედოფლისწყაროს მუნიციპალიტეტში

მუნიციპალიტეტის მერი ნიკოლოზ ჯანიაშვილი რესურსცენრის ხელმძღვანელს, ეთერ დავითაშვილსა და საჯარო სკოლების დირექტორებს შეხვდა. ისაუბრეს სასწავლო წლის ბოლოს დაგეგმილ სასკოლო ღონისძიებებზე ახალგაზრდების უსაფრთხოების დაცვის შესახებ. ნიკოლოზ ჯანიაშვილი საჯარო რეესტრის წარმომადგენლებს შეხვდა. შეაჯამეს მიწის სისტემური რეგისტრაციის საპილოტო პროექტის ფარგლებში მიმდინარე სამუშაოები და იმსჯელეს გამოვლენილ ხარვეზებზე, რომლებიც შესაბამის უწყებებთან ერთობლივი მუშაობით აღმოიფხვრება.

საქართველოს იუსტიციის სამინისტროს საჯარო რეესტრის ეროვნული სააგენტო საპილოტო პროექტს წინასწარ შერჩეულ 12 გეოგრაფიულ არეალში, მათ შორის, დედოფლისწყაროს მუნიციპალიტეტის ორ სოფელში, არხილოსკალოსა და არბოშიკში ახორციელებს. პროექტის ფარგლებში, საკარმი
დამო და სასოფლო-სამეურნეო დანიშნულების მიწის ნაკვეთების რეგისტრაციისთვის საჭირო ყველა პროცედურა საჯარო რეესტრის ეროვნულმა სააგენტომ ადგილობრივი ხელისუფლების დახმარებით, მოქალაქეთა ნაცვლად, უფასოდ შეასრულა. პროექტის განხორციელება 2017 წლის 4 დეკემბერს დაიწყო და მაისის ბოლოს დასრულდება.

ჩოხატაურის მუნიციპალიტეტში

საქველმოქმედო აქცია „ერთად ვაკეთოთ სიკეთე“ გუბერთად ნატორის ადმინისტრაციისა და მაღაზიათა ქსელ "ჭიტას" ორგანიზებით მოეწყო. გურიის გუბერნატორმა მერაბ ჭანუყვაძემ, ადგილობრივი ხელისუფლების წარმომადგენლებთან ერთად, სოციალურად დაუცველ ბავშვებს საჩუქრები გადასცა.

მუნიციპალიტეტის სოფლებში, ფაროსანას წინააღმდეგ ბრძოლის კამპანიის ფარგლებში, ტერიტორიების სპეციალიზებული ტექნიკით შეწამვლა და თერმული ნისლის ტექნოლოგიით დამუშავება აქტიურად მიმდინარეობს. მუნიციპალიტეტის მერიამ მუციპალური განვითარების ფონდიდან დამატებით 150 ცალი ნაგავშემკრები კონტეინერი მიიღო, რაც კიდევ უფრო გააუმჯობესებს მუნიციპალიტეტისა და ბახმაროს საკურორტო ზონის ტერიტორი- აზე მყარი ნარჩენების მართვის პროცესს.

გურჯაანის მუნიციპალიტეტში

მუნიციპალიტეტის მერი არჩილ ხანდამაშვილი გურჯაანში, სოციალური საწარმოს „პურთა პურის“ გახსნას დაესწრო. საცხობი უსაფუვრო, სვიაზე დამზადებულ ეკოლოგიურად სუფთა პურს გამოაცხობს, რომელიც თავდაპირველად, მხოლოდ გურჯაანის მასშტაბით გაიყიდება. საწარმოში მარტოხელა მშობლები დასაქმდებიან.„მსგავსი სოციალური საწარ- მოების შექმნა ძალიან მნიშვნელოვანია. დარწმუნებული ვარ ბევრი მომხმარებელი ეყოლება აქ წარმოებულ ეკოლოგიურად სუფთა პროდუქტს", — ამბობს მუნიციპალიტეტის მერი არჩილ ხანდამაშვილი.

"პურთა პურის" მხარდამჭერები არიან ადგილობრივი ორგანიზაციები და საქართველოში ნიდერლანდების სამეფოს საელჩო. გურჯაანის მაჟორიტარი დე ტატის დავით სონღულაშვილის ინიციატივითა და გურჯაანის მუნიციპალიტეტის მერი- ის მხარდაჭერით, „სამედიცინო კორპორაცია ევექსის ექიმებმა კაჭრეთის მოსახლეობას უფასო სამედიცინო გამოკვლევები ჩაუტარეს. პაციენტებს მაღალკვალიფიციურ კონსულტაციებს უწევდნენ სხვადასხვა პროფილის ექიმი-სპეციალისტები, ასევე ჩაუტარდათ ექოსკოპიური კვლევები და ელექტროკარდიოგრაფია.

ლაგოდეხის მუნიციპალიტეტში

მუნიციპალიტეტის მერი ჯონდო მდივნიშვილი მოსახლეობასთან საინფორმაციო შეხვედრებს განაგრძობს. მიმდინარე წელს განსახორციელებელი პროექტები, ჯანდაცვის, გაზიფიცირებისა და დასუფთავების საკითხები – ეს ის არასრული ჩამონათვალია, რაზეც მუნიციპალიტეტის მერი ნინიგორის თემის სოფ. განათლებისა და გელათის მოსახლეობას ესაუბრა. შეხვედრას ასამდე მოქალაქე დაესწრო. ძირითად პრობლემად გაზიფიცირება დასახელდა. როგორც მერმა განაცხადა, აღნიშნული სოფლების მოსახლეობა ბუნებრივი აირით ივნისის ბოლოდან ისარგებლებს. შეხვედრაზე მოქალაქეების მხრიდან დასმულ ყველა კითხვას ამომწურავი პასუხი გაეცა.

მუნიციპალიტეტის მერმა ქალაქეთა მორიგი მიღება გამართა. ჯონდო მდივნიშვილი მერიის შენობაში მისულ ყველა მოქალაქეს შეხვდა, მოისმინა მათი პირადი პრობლემები, რომელთა ძირითადი ნაწილი ეხებოდა ჯანდაცვის, სოციალურიდა დასაქმების საკითხებს. მოქალაქეების მიერ დასმული საკითხების გადაჭრა შესაბამის სამსახურებს დაევალათ მათი კომპეტენციის ფარგლებში.

დუშეთის მუნიციპალიტეტში

ქ. დუშეთის შესასვლელთან მდერე სკვერში, მუნიციპალიტება ტის მერიის ძალისხმევით, მოეწყო საბავშვო საცურაო აუზი და გასართობი ატრაქციონები. დუშეთს ეწვია ავსტრიის განვითარების ფონდის რეგიონალური მენეჯერი ნიკოლ მარია ბაური პროექტის „ოჯახების გაძლიერება მცხეთა-მთიანეთის რეგიონში“ ფარგლებში. ბაური შეხვდა მუნიციპალიტეტის მერს ზურაბ სეხნიაშვილს. მათ ერთად შეაჯამეს პროექტის შედეგები და დაგეგმეს ერთობლივი სამომავლო პროექტები.

ზუგდიდის მუნიციპალიტეტში


მოსაშვილის ქუჩაზე ღია და დახურული ტიპის სანიაღვრე მოეწყობა, რომლის სამუშაოების შესყიდვაზე ტენდერი გამოცხადდა. პროექტი
ითვალისწინებს არსებული რკინაბეტონის სანიაღვრე არხების დემონტაჟს და დახურული სანიაღვრე სისტემის მოწყობას პლასტმას-გოფრირებული მილებით. შესყიდვის სავარაუდო ღირებულება 138 598 ლარია.მუნიციპალიტეტის მერი ლაშა გოგია, საკრებულოს თავმჯდომარე მამუკა წოწერია და მერიის სოციალური და ჯანდაცვის სამსახურის უფროსი ნინო სხულუხია ჩეხეთის საელჩოს მესამე მდივანს საქართველოში იან ჩერნიკს, ჩეხეთის რესპუბლიკის "კარიტასის" საქართველოს მისიის ხელმძღვანელ ეკატერინე მესხრიკაძეს და კიბოს პრევენციის ცენტრის დირექტორ იოსებ აბესაძეს შეხვდნენ. შეხვედრაზე საუბარი შეეხო ზუგდიდში მშენებარე კიბოს სკრინინგცენტრს, რომლის მშენებლობა აგვისტოში დასრულდება. ცენტრი თანამედროვე ტექნოლოგიებით აღიჭურვება. 


სიღნაღის მუნიციპალიტეტში 

მუუნიციპალიტეტის მერიაში სივრცე „ქალთა ოთახი“ ოფისისთვის საჭირო ტექნიკით, ინვენტარით დაკომპლექტდა და ფუნქციონირებას ოფიციალურად შეუდგა. "ქალთა ოთახის“ მეშვეობით ადგილობრივი თვითმმართველობა მოსახლეობას სთავაზობს საინფორმაციო-საკონსულტაციო მომსახურებას, თავისუფალ, ღია სივრცეს დასვენებისა და სოციალური აქტივობისთვის. ვიზიტორებს შეუძლიათ ისარგებლონ: კომპიუტერით და ინტერნეტით; საკონსულტაციო სერვისით; საბავშვო კუთხით; სივრცით, სხვადასხვა შეხვედრის გასამართად; ბიბლიოთეკით; საგანმანათერვისით.


ქ. ფოთის მუნიციპალიტეტის მერიაში

ქალაქ ფოთის მერი გოჩა კურდღელია, საკრებულოს თავ- მჯდომარესთან ირაკლი კაკული- ასთან ერთად, კომპანია „Tahal Group BV" 
ოფისს ეწვია. იგი კონტრაქტორი და ზედამხედველი ფირმების წარმომადგენლებს შეხვდა. კომპანიის წარმომადგენლების თქმით, 1 ივნისიდან დაიწყება საველე სამუშაოები, პრიორიტეტად შერჩეულია წინა კონტრაქტორის მიერ უკვე გადათხრილი ქუჩები. სამუშაოები მალთაყვისა და ნაბადის უბნებში
ერთდროულად რამდენიმე ადგილას დაიწყება. პრობლემის აქტუალურობიდან გამომდინარე, პირველივე ეტაპზე წყალარინების ქსელის რეაბილიტაცია აგრარული ბაზრის მიმდებარე ტერიტორიაზე დაიწყება. პროექტის ღირებულება 89 943 800 ლარია. იგი აზიის განვითარების ბანკიდან დაფინანსდება.

ქალაქის მერის, გოჩა კურდღელიას თქმით, ფოთის მაჟო- რიტარის ირაკლი ხახუბიას ინიციატივითა და უშუალო ჩართუ- ლობით,
ქალაქში დამატებით გამწმენდი ნაგებობი აიგება. პროექტს, რომლის ღირებულება 44 684 016 ლარია, აზიის განვითარების ბანკი დააფინანსებს.


მარტვილის მუნიციპალიტეტში

მუნიციპალიტეტის მერი ალექსანდრე გრიგალავა მოსახლეობასთან შეხვედრებს განაგრძობს — ადგილობრივი ხელისუფლების წარმომადგენლებთან
ერთად ინჩხურისა და გაჭედილის ადმინისტრაციულ ერთეულში მცხოვრებ მოსახლეობას შეხვდა, მათს პრობლემებს გაეცნო და ისაუბრა მუნიციპალიტეტის მასშტაბით დაგეგმილ ინფრასტრუქტურულ პროექტებზე.
შეხვედრაზე მოსახლეობამ პრიორიტეტად წყალმომარაგება, შიდა გზების რეაბილიტაცია და გაზიფიცირება დაახელა.
ინჩხურის ადმინისტრაციულ ერულში დასრულდა რკინაბეტონის ხიდ-ბოგირის სარეაბილიტაციო სამუშაოები. მოეწყო ხიდის საძირკველი და ბურჯი მონოლითური რკინაბეტონით, ასევე ლებლო სერვისით.
სენაკის მუნიციპალიტეტში

მუნიციპალიტეტში აქტიურ ფაზაშია შესული აზიური ფაროსანას საწინააღმდეგო შეწამლვითი სამუშაოები. თეკლათის ადმინისტრაციულ ერთეულში მუნიციპალიტეტის მერის პირველმა მოადგილემ გრიგოლ ბაღათურიამ, შესაბამისი სამსახურების წარმომადგენლებმა და ახალგაზრდებმა ფერომონები განათავსეს. მათი საშუალებით ხდება მავნებლის მოზიდვა და ლიკვიდაცია წერტილოვანი დარტყმებით. ფერომონები განთავსებულია
ყველა ადმინისტრაციულ ერთე- ულში. ამჟამად, ძველი სენაკის ად- მინისტრაციულ ერთეულში მიმდინარეობს იმ ფართობების ქიმიური დამუშავება, სადაც დამჭერებზე მავნებლის ზღვრული ოდენობა დაფიქსირდა. შეიწამლა აგრეთვე ხორშისა და ეკის ადმინისტრა- ციული ერთეულების ფართობი.

ჩხოროწყუს მუნიციპალიტეტში

დაბა ჩხოროწყუში, მდინარე ოჩხომურზე, სტიქიის სალიკვიდაციო სამუშაოების ფარგლებში, ამორტი- ზებული საავტომობილო ხიდის რეაბილიტაცია მიმდინარეობს. სამუშაოები მუნიციპალიტე ტის მერმა დათო გოგუამ და მერის პირველმა მოადგილემ გოჩა ჩიქოვანმა, მერიის ინფრასტრუქტურის, კეთილმოწყობის, სივრცითი მოწყობისა და არქიტექტურის სამსახურის უფროს თეიმურაზ მალანიასთან ერთად დაათვალიერეს. ხიდის რეაბილიტაცია 49 000 ლარით ფინანსდება.

მარნეულის მუნიციპალიტეტში
მარნეულის მუნიციპალიტის სოფელ ზემო სარალში ახლად რეაბილიტირებული სკოლა გაიხსნა. საზეიმო ცერემონიას ესწრებოდნენ მუნიციპალიტეტისა და სამხარეო ადმინისტრაციის ხელმძღვანელი პირები, იაპონიის ელჩი საქართველოში ტადაჰარუ უეჰარა, სკოლის მოსწავლეები, პედაგოგები და მშობლები. სკოლის გახსნის შემდეგ მუნიციპალიტეტის ხელმძღვანელმა პირებმა იაპონიის ელჩთან ერთად დაათვალიერეს სკოლის შენობა და პროექტის ამსახველი ფოტო-გამოფენა.

წალკის მუნიციპალიტეტში
მუნიციპალური შესაძლებ ლობების განვითარების პროექტის ფარგლებში წალკის მუნიციპალიტეტის მერიაში ჩატარდა ტრენინგი, რომელსაც უძღვებოდნენ: რეი უოლში, აქტივების (ქონების) მართვის ექსპერტი, გიორგი სილაგაძე, IT ექსპერტი, რატი გაბრიჩიძე, კაპიტალური ინვესტიციების დაგეგმვის ექსპერტი. მუნციპალიტეტის მერიის საკონფერენციო დარბაზში გაიმართა სამუშაო შეხვედრა სტრატეგიული დაგეგმარებისა და ინფრასტრუქტურის როლზე.
პროექტი, რომელსაც მსოფლიო ბანკი, შვეიცარიის განვითარებისა და თანამშრომლობის სააგენტო აფინანსებს, საქართველოს რეგიონული განვითარებისა და ინფრასტრუქტურის სამინისტროს დაქვემდებარებაში მყოფ საქართველოს მუნიციპალურ ფონდს დაეხმარება, რათა გაიზარდოს საქართველოს მუნიციპალიტეტების შესაძლებლობები პროექტის ციკლის მართვაში.


მეტის ნახვა
23-05-2018, 21:33


საქართველოს შეიარაღებული ძალების III ქვეითი ბრიგადის 31-ე ბატალიონი, ვიცე-პოლკოვნიკ ლაშა ადუაშვილის მეთაურობით, ავღანეთში მიმდინარე „მტკიცე მხარდაჭერის“ მისიიდან საქართველოში სრულად გამთენიისას დაბრუნდა. სამხედროებთან ერთად სამშობლოში ჩამოვიდა ქვედანაყოფის კაპელანი, დეკანოზი გობრონი.

ქართველ მშვიდობისმყოფელებს ალექსეევკას შერეულ საავიაციო ესკადრილიის სამხედრო აეროდრომზე გენერალური შტაბის უფროსის მოადგილე, ბრიგადის გენერალი შალვა ჯაბახიძე და III ქვეითი ბრიგადის მეთაური, ვიცე-პოლკოვნიკი მალხაზ კალმახელიძე დახვდნენ. მათ სამხედროებს სამშობლოში მშვიდობით დაბრუნება მიულოცეს და „მტკიცე მხარდაჭერის“ მისიის წარმატებით შესრულებისთვის მადლობა გადაუხადეს. 

31-ე ბატალიონი ავღანეთში ნატოს ეგიდით მიმდინარე საერთაშორისო მისიას ბაგრამის საავიაციო ბაზაზე, ამერიკელ საზღვაო ქვეითებთან ერთად, შვიდი თვის განმავლობაში ასრულებდა. ქართველი სამხედროების ამოცანა ბაგრამის საავიაციო ბაზის უსაფრთხოების დაცვა იყო. ქვედანაყოფი, როტაციის  წესით, ეტაპობრივად I ქვეითი ბრიგადის მე-11 ბატალიონმა ჩაანაცვლა და  სამოქმედო არეალი სრულად გადააბარა.


მეტის ნახვა
23-05-2018, 12:00


სომხეთში განვითარებულ პოლიტიკურ პროცესებსა და სხვა საინტერესო საკითხებთან დაკავშირებით, გვესაუბრება პოლი ტოლოგი, პროფესორი თამარ კიკნაძე.

– სომხეთში მეგობრები მყავს, მათ შურდათ ჩვენი, დემოკრატიული გარდაქმნები განახორციელეთ, პროდასავლურები გახდით, ჩვენთან კი კორუფცია, მძიმე ეკონომიკური მდგომარეობაა და არაფერი იცვლებაო. მომავალი გვიჩვენებს ხელისუფლების ცვლილება სომხეთს დადებით შედეგს მოუტანს თუ უარყოფითს, მაგრამ ჩემი აზრით, სომხეთმა პოლიტიკური თვალსაზრისით ამ ცვლილებამდეც ძალიან დიდ წარმატებას მიაღწია.

ევრაზიული კავშირის წევრმა ქვეყანამ ხელი მოაწერა ევროკავშირთან ასოცირების ხელშეკრულებას, ანუ დაბალანსებულ პოლიტიკას აწარმოებდა, თუმცა ხედავთ როგორც დამთავრდა ეს ყველაფერი. ვნახოთ როგორ განვითარდება მოვლენები, არ დაგვავიწყდეს, რომ ძალიან ძლიერია რუსეთისა და ირანის ფაქტორი, შემთხვევითი არ არის, რომ გარკვეული მზადებაა აზერბაიჯანში, ალიევის ვიზიტი თურქეთში და ა.შ. თუ სომხეთი განვითარებული მოვლენები არ არის შეთანხმებული რუსეთთან და მის მიერ მხარდაჭერილი, თუ მკვეთრი ანტირუსული მოძრაობები განხორციელდა, არ არის გამორიცხული ყარაბაღის პრობლემის სხვაგვარად განვითარების მოწმე გავხდეთ. სომეხი პოლიტიკოსები ძალიან ხშირად ამბობენ, პაშინიანმაც თქვა თავის გამოსვლაში, რუსეთი ჩვენი სტრატეგიული პარტნიორია და რატომ ყიდის იარაღს აზერბაიჯანზეო, რაზეც რუსებს ასეთი პასუხი აქვთ, ჩვენ რომ არ მივყი- დოთ, აზერბაიჯანელები სხვისგან მაინც იყიდიან იარაღსო.
პაშინიანი და პუტინი სოჭში კი ხვდებიან ერთმანეთს, მაგრამ ესეც ბევრი არაფრის მთქმელია, სააკაშვილი გაპრეზიდენტების შემდეგ პირველად პუტინს შეხვდა, მაგრამ ეს არ გამხდარა იმის გარანტი, რომ რუსეთ-საქართველოს შორის ურთიერთობები დათბებოდა. ჩემი აზრით, სომხებს ძალიან ფრთხილი მოქმედება მართებთ, რადგან იქით ირანი ყავთ, აქეთ რუსეთი.

პარადოქსული ისაა, რომ სომხეთში მგონი, სიდიდით მეორე საელჩო აქვს ამერიკას, ძალიან დიდია სომხეთში ამერიკული გავლენა, ამერიკელები ფაქტობრივად სრულად აკონტროლებენ იქ ვითარებას. პროამერიკული და საერთოდ, პროდასავლური განწყობები არის სომხეთში, მაგრამ სომხები იმასაც კარგად ხედავენ, რომ რუსეთი ჭირდება თ. მიუხედავად ამისა, ძალიან უნდათ პროდასავლური ვექ ტორის განვითარება, იმ ფონზეც რუსეთში ძალიან დიდი დიასპორა რომ ყავთ, ამ მხრივ რუსეთი პირველ ადგილზეა. მათი საქმე კარგად ვითარდებოდა, მთავარია, ახლა რა პროცესები განვითარდება, ძალზე საინტერესოა რუსეთი როგორ პოზიციას დაიჭერს იგივე ყარაბაღის პრობლემის მიმართ. სტრატეგიული პარტნიორები კი არიან, მაგრამ პოლიტიკა მაინც ბინძურია, მეტ-ნაკლებად ვიცნობ პოლიტიკურ კულუარებს, ამიტომ არ გამოვრიცხავ ყარაბაღის კონფლიქტის განახლების შემთხვევაში, რუსეთი არათუ არ ჩაერიოს, მიესალმოს კიდეც ეს კონფლიქტი აზერბაიჯანის სასარგებლოდ რომ გადაწყდეს. საკმაოდ გვაქვს მაგალითები, როდესაც ამ სახის სახელისუფლებო ცვლილებები ქვეყნისთვის, კარგად არ მთავრდება ხოლმე, ჩვენ ორი ტერიტორია დე-იურედ დავკარგეთ, აღარაფერს ვამბობ სხვა ფერად რევოლუციებზე, რაც იმ ქვეყნებისთვის ცუდად დამთავრდა.

– ქალბატო თამარ, მიმდინა- რე პროცესები საქართველოზეც აისახება?

– რა თქმა უნდა, ყარაბაღის კონფლიქტის განახლება, ჩვენი უახლოესი მეზობლების ასეთი გართულებული ურთიერთობები დაძაბულობას გამოიწვევს რეგიონში, რომლის წარმომადგენლები ჩვენც ვართ. მით უმეტეს, რომ ეს არის ჩაფიქრებული დასავლეთის მიერ, მათ უნდათ რუსეთის გარშემო არეულობის რკალი შეიქმნას, აგერ უკრაინაში რა მოხდა, მოლდავეთშიც არ არის მშვიდი ვითარება, სირიაში წლებია საომარი ვითარებაა, ამ ყველაფერს სომხეთიც დაემატა, ასე რომ, რუსეთი საკმაოდ რთულ მდგომარეობაშია. ექსპერტებს რომ ვხვდები მაშინაც ვამბობ და გავიმეორებ, მე არ მესმის რუსეთის პოლიტიკა. სწორედ მათი ამ გაუგებარი პოლიტიკის შედეგია, პოსტსაბჭოთა სივრცეში ასეთი პროცესები რომ განვითარდა.
თუ რუსეთს უნდა, რომ ეს სივრცე მისი გავლენის სფერო იყოს, მაშინ ცოტა სხვანაირად უნდა მოქცევა, რუსებისთვის კი დამახასიათებელი უხეში ჩარევაა, როგორც საქართველოს მიმართ განახორციელეს, უბრალოდ ჩვენი ორი ტერიტორიის ოკუპაცია მოახდინეს და იქ თავისი სამხედრო ბაზები განათავსეს, მაშინ, როცა ამერიკა და საერთოდ დასავლეთი სულ სხვაგვარად, რბილი ძალის გამოყენებით მოქმედებს. ეს მეთოდი უფრო ეფექტურია, იმიტომ, რომ ადამიანის გონებაზე, განწყობაზე, შეხედულებებზე ძალიან ძლიერ გავლენას ახდენენ, თუმცა აქ არც ის მოვლენები უნდა დაგვავიწყდეს, რაც დღეს ევროპაში ვითარდება.

რუსებს საერთოდ არ გაუნძრევიათ ხელი, ისედაც მიმდინარეობს იქ ნაციონალიზმის აღზევება, მიუხედავად იმისა, რომ ევროპაში ინტეგრაციული პროცესებია, რიგი სახელმწიფოების სათავეში მოდიან მემარჯვენე ნაციონალისტური პარტიები, რომლებიც ორიენტირებულები არიან ეროვნულ ღირებულებებზე. თავად ის ფაქტი, რომ რამდენიმე ქვეყანაში არ მოხდა საერთო ევროპული კონსტიტუციის მიღება, იმის ძალზე კარგი მაგალითია, რომ გლობალიზაციის ფონზე, ადამიანებში მაინც დევს ეროვნები- სადმი მიკუთვნებულობა. ასე რომ, პოლიტიკოსები ერთს გეგმავენ, მაგრამ სხვაგვარად მიდის პროცე- სები. ბევრი რუსი პოლიტიკოსისა თუ პოლიტოლოგისგან მომისმენია, რატომ უნდა დავხარჯოთ ენერგია და რესურსები, როდესაც პროცესები ისევ თავისი მიმართულებით მიდისო. ერთი სიტყვით, საკმაოდ რთული ვითარებაა, როგორც ამბობენ, შეიძლება ყაზახეთშიც ვიხილოთ დაძაბულობა, ბელორუსიც რიგში დგას. ყაზახეთში კირილიციდან ლათინურ ანბანზე გადავიდნენ, სკოლებში ინგლისური სწავლება შემოიღეს. ნაზარბაევის აშშ-ში ვიზიტამდე მოხდა მათი აქტივების, მილიარდობით დოლარის დაყადაღება, მისი ამერიკიდან დაბრუნების შემდეგ მოხდა ქვეყნის პოლიტიკის შეცვლა, მიუხედავად იმისა, რომ ყაზახეთის მოსახლეობის უმრავლესობას რუსები წარმოადგენენ.

აქვე უნდა ითქვას, რომ ის სანქციები, რომელიც ამერიკამ რუსეთს დაუწესა, თვითონ ევროპას არ წაადგა, ფაქტია, გერმანიამ მძიმე ეკონომიკური დანაკლისი განიცადა. ამერიკა ამ თვალსაზრისით ორ კურდღელს იჭერს, რუსეთსაც ასუსტებს და ევროპასაც, რადგან ევროპელების, განსაკუთრებით გერმანიის ინტერესშია რუსეთთან ურთიერთობა. თუ სწორად მახსოვს გერმანიას და რუსეთს 5.000 ერთობლივი საწარმო აქვთ და წარმოიდგინეთ, როგორი ეკონომიკური ვითარება შეიქმნებოდა ამ სანქციების ფონზე. მიუხედავად აშშ-ის ასეთი ზეწოლისა, ხელი მოეწერა გაზსადენ "ჩრდილოეთის ნაკადის" ხელშეკრულებას, თურქეთსაც მჭიდრო ეკონომიკური კავშირები აქვს რუსეთთან, რომელმაც იქ ატომური ლექტროსადგურიც ააშენა და ხელიც მოაწერეს თურქული ნაკადის პროექტს, თურქეთი ჰაბი იქნება, აქედან განაწილდება რუსული ბუნებრივი აირი ევროპის რიგ ქვეყნებში.

თურქეთი რუსეთისგან იარაღსაც ყიდულობს. ასე რომ, მსოფლიო წესრიგი დასალაგებელია, ახლა არის დალაგების პროცესი, რაც ძალზე მტკივნეულია. გარდა ამისა, უამრავი იარაღია დაგროვილი მსოფლიოში, ზოგი ამის გამოცდას ცდილობს, ზოგიც გასაღებას, ამიტომაც ტრიალებს მსოფლიოში დენთის სუნი. რომის პაპმაც აღნიშნა, რომ ფაქტობრივად მესამე მსოფლიო ომი მიმდინარეობს. ვითარება არის ძალიან რთული, საქართველო ფრთხილად უნდა იყ- ოს, რადგან ეს ყველაფერი ჩვენს რეგიონთან ძალიან ახლოსაა. ამიტომ ჩვენი ყველა განცხადება და ნაბიჯი ძალიან მოზომილი უნდა იყოს. უამრავი ქართველია გასული ქვეყნიდან, მაგრამ ჩვენი დიასპორა არსად ჩანს ასპარეზზე. რუსეთის სახელმწიფო ორგანიზაციებშიმრავლად არიან სომხური წარმოშობის ექსპერტები, ჟურნალისტები და ა.შ. ყველაზე გავლენიანი რუსული ტელეკომპანიის "რაშა თუდეის" შეფი სომეხია. რუსეთში ძალიან ძლიერ სომხურ დიასპორასთან გვაქვს საქმე, განსხვავებით ქართველებისგან, რომლებმაც თავიანთი ნებით დათმეს დისპოზიციები. რუსეთში ძალიან ძლიერი გავლენა ჰქონდათ ქართველებს, რისი დათმობაც ძალიან დიდი შეცდომაა, იმიტომ, რომ ქართველებმა იმ ძირითად ქვეყნებში, რომლებიც მსოფლიო პოლიტიკას აკეთებს, ქართულ ინტერესებს უნდა გაუწიონ ლობი. საერთოდ ყველა ქვეყანასთან უნდა ვიმუშაოთ, შეიძლება ეს ღიად არ დავადასტუროთ, მაგრამ მუშაობა ყველასთან არის საჭირო, მით უმეტეს რუსეთთან, როდესაც ჩვენს სინამდვილეში ძალიან ბევრი პრობლემის გასაღები ამ ქვეყანაშია. ჩვენი პრემიერ-მინისტრი გვერდითაც კი ვერ დაუჯდა რუსეთის პრეზიდენტს, იმიტომ, რომ ეს ასე ვთქვათ, ტექნოლოგიები ისე არის მომართული, რომ არ მოხდეს რაღაც დაახლოება, მაგრამ ამას ვერ წაუვალთ. საჭიროა რუსეთთან მუშაობა, ისევე, როგორც ევროკავშირთან, აშშ-სთან, აუცილებლად ახლო მეზობლებთან და საერთოდ, მთელ მსოფლიოსთან.

მანანა სუხიშვილი


მეტის ნახვა
22-05-2018, 11:00


საქართველოს პრეზიდენტმა განსაკუთრებული მოქალაქეობრივი პასუხისმგებლობისა და პიროვნული სიმამაცის გამოვლენისათვის არჩილ ტატუნაშვილი სიკვდილის შემდეგ ღირსების ორდენით დააჯილდოვა. ამის შესახებ ინფორმაციას გიორგი მარგველაშვილის პრესამსახური ავრცელებს.

სახელმწიფო ჯილდო გიორგი მარგველაშვილმა არჩილ ტატუნაშვილის ოჯახის წევრებს დღეს სასახლეში გამართული შეხვედრისას გადასცა.
პრეზიდენტმა არჩილ ტატუნაშვილის ოჯახის წევრებისაგან დეტალური ინფორმაცია მოისმინა გამოძიებისა და ექსპერტიზის მიმდინარეობის შესახებ. ასევე შეხვედრისას საუბარი შეეხო ადამიანის უფლებათა ევროპულ სასამართლოში რუსეთის წინააღმდეგ შესატან სახელმწიფოთაშორის განაცხადს.

საქართველოს პრეზიდენტი გიორგი მარგველაშვილი მიიჩნევს, რომ საქართველომ არჩილ ტატუნაშვილის მკვლელობასთან დაკავშირებით ადამიანის უფლებათა ევროპულ სასამართლოში რუსეთის წინააღმდეგ სახელმწიფოთაშორისი განაცხადი უნდა შეიტანოს.

"ჩვენ დღეს არჩილ ტატუნაშვილის ოჯახს მადლობას ვუხდით ასეთი გმირი შვილის გაზრდისთვის, იმისთვის, რომ თქვენ სამშობლოს გაუზარდეთ მებრძოლი ჯარისკაცი, რომელიც იცავდა ჩვენს ღირსებას, იცავდა ჩვენს ინტერესებს ქვეყნის გარეთ და ადამიანი, რომელიც ტრაგიკულად და გმირულად შეეწირა თავის სამშობლოს სიყვარულს და სამშობლოს დაცვას" - აღნიშნა გიორგი მარგველაშვილმა შეხვედრისას.



მეტის ნახვა
21-05-2018, 18:30


უპატრონო ძაღლებს ხოცავენო, - აქციებს მართავენ და გრგვინავენ  "ლომები", ახალგაზრდებს რომ ხოცავენ, აღარც კი კნავიან...

ქართული  მედიის, "გირჩის", "თეთრი  ხმაურის  მოძრაობისა" და სხვა არასამთავრობო თუ პოლიტიკური ორგანიზაციების მიერ აქტიურად წარმოებული ნარკოპროპაგანდის შედეგად, საზოგადოებაში შეიქმნა მცდარი წარმოდგენა, თითქოს ევროპაში დეკრიმინალიზებულია ნარკოტიკები და შესაბამისად, შემცირებულია ნარკოტიკების მომხმარებელთა რიცხვი და აქედან გამომდინარე, ამ მიზეზით გარდაცვლილთა რიცხვიც.

ეს სიცრუეა!

ნარკოტიკების ფლობა დეკრიმინალიზებულია მხოლოდ პორტუგალიასა და ჩეხეთში. შედეგი – ნარკოტიკებსა და ნარკოდამოკიდებულებაზე ევროპული მონიტორინგის ცენტრის (EMCDDA) მონაცემების თანახმად, დეკრიმინალიზაციის შემდეგ, მდგომარეობა ორივეგან მკაფიოდ გაუარესდა. ორივე ქვეყანაში უდიდესი ინვესტიციები ჩაიდო სარეაბილიტაციო ქსელების ჩამოყალიბებაში; ზიანის შემცირების ღონისძიებების დანერგვაში; ანტინარკოტიკული საგანმანათლებლო კამპანიის წარმოებაში და ნარკოტიკებით ვაჭრობის
საწინააღმდეგო საპოლიციო კონტროლის გაძლიერებაში, მაგრამ მდგომარეობა გ ა უ ა რ ე ს დ ა!

საქართველო, ჯერჯერობით მაინც, ვერც ჩეხეთს გაუტოლდება და ვერც პორტუგალიას და რისი იმედი აქვს ვინმეს როდესაც დეკრი- მინალიზაციაზე თუნდაც სიტყვას ასველებს?

ამ თემაზე დეტალური ანგარიში წარმოადგინა პარლამენტში ექიმმა ინფექციონისტმა (ადიუნქტპროფესორი - ემორის უნივერსიტეტის სამედიცინო სკოლა, ატლანტა, აშშ) გიორგი  კანდელაკმა  და  ლამის გაგუდეს, არასწორ ფაქტებს ასახელებსო. რით ვერ გაძღა სხვისი შვილების ცხედრების ხარჯზე ვიღაც(ებ) ის ამოუყორავი მუცელი!…

სახელმწიფო გვაქვს თუ ნარ- კოვოლიერი!..

სიგარეტის მოწევა აკრძალეს, ნარკოტიკი – ინებეთ!

უპატრონო ძაღლებს ხოცავენო, – აქციებს მართავენ და გრგვინავენ "ლომები", ახალგაზრდებს რომ ხოცავენ, აღარც-კი კნავიან… სხვა რომ ვეღარაფერი მოიფიქრეს, სოციალური ქსელით გავრცელდა ინფორმაცია, რომ სახელ- გატეხილი და ყოველმხრივ თავმოჭ- რილი აუღებელი კლუბ "ბასიანის" მოწილე, მთელი თავისი ნარკობარიგობით, ბერა ივანიშვილისა ყოფილა. რა თქმა უნდა, ინფორმაციამ ადრესატამდეც მიაღწია და იმედი მიეცა მრავალ მშობელს, მეუღლეს თუ უბრალოდ, მოქალაქეს, იქნებ ამის გამო მაინც დაინტერესდეს მავანი, რა ხდება კლუბური ნარკოტი- კების ირგვლივ, ვინ მფარველობს ასეთი ხელშეუხებელიო?

კი, დააკავეს რამდენიმე პირი, როგორც ნარკოტიკების ინტერნეტით გამყიდველები, ისე შემომტანები, ადგილზე – ნარკობარიგები, მაგრამ ხომ ცხადზე უცხადესია, რომ დაკავებულები "ჩვეულებრივი ბარიგები" არიან და არა მსხვილი ნარკობოსები?

შსს-მ ბოლო ოთხ თვეში ბრუნვიდან  ამოიღო  განსაკუთრებით დიდი ოდენობით სხვადასხვა ნარკოტიკი: 8 კგ-მდე ჰეროინი, 1 კგ- ზე  მეტი  კოკაინი,  318  გრ  ახალი ფსიქოტროპული და ფსიქოაქტი- ური ნივთიერება, მათ შორის ბუპ- რენორფინის შემცველი 3465 აბი, 1,5 კგ სინტეთიკური ნარკოტიკული საშუალება "მდმა" და 650 გრამი სხვადასხვა ფსიქოტროპული ნივთიერება. ესენი არ არის "კლუბური ნარკოტიკები"? ან "ცუდი" რომელია და "კარგი" რომელი?

"თეთრმა ხმაურმა", "გირჩმა" და ა.შ ყველა დედის დაწყევლილმა, შეიძლება, კი, აქოს და ადიდოს ნარკოტიკები, მაგრამ როგორ არ უნდა შერცხვეს ნარკოლოგ ქალს (თუნდაც არ ჰყავდეს შვილი) იმის თქმის ("მაესტრო"), რომ უხარისხო ნარკოტიკის გამო იხოცებიან, ნარკოტიკის უხარისხობა არის პრობლემაო.

ნარკოტიკული ნივთიერებების ჩამონათვალი და კლინიკა გვიდევს წინ! სრულებით არ სჭირდება დიდი ნარკოლოგობა იმის დაზუსტებას, რომ გასულ დღეებში გარდაცვლილები "მეფედრონის" მოქმედების ქვეშ არ იყვნენ. მიუკერძოებელ ნარკოლოგს ვკითხოთ!

"არ არის ეს მეფედრონი!!! ოპიატია, ეტყობა. თავისი კლინიკით, ძილიანობა  და  ასეთი  სიკვდილი ძილში, უფრო ოპიატებისთვის არის დამახასიათებელი!!! იყიდება, ალბათ, როგორც ამფეტამინი ან მეტამფეტამინი!!! თავს გაუფრთხილდით, ნუ მოიხმართ უცნობ სუბსტანციას!" – მოუწოდა ცალკეულ პირებს ნარკოლოგმა ზურაბ სიხარულიძემ.

"ნარკომადიდებლების" ალოგიკური ლოგიკით, დეკრიმინალიზაცია იმიტომ ყოფილა აუცილებელი და სასწრაფო, რომ ხელმისწვდომი ფასის გამო იაფი ნარკოტიკი აღარ მიიღონ. რა საინტერესოა, დეკრიმინალიზაციის შემდეგ შემოსავალსაც მოუმატებს ვინმე? რა თქმა უნდა, – არა, ხელმოკლე ნარკოდამოკიდებული იგივეს შეიძენს, მაგრამ თავისუფლად.

ამათ  რომ  უსმინო,  თურმე საგაუშვან, "ცუდი" თუ აღმოაჩნდება, პანჩურების რტყმევა-რტყმევით წაიყვანონ "ვირის აბანოში"? სახუმარო თემა არ არის, მაგ- რამ  რასაც  ვერ  აყალიბებენ,  ასე იხატება…
საინტერესო მხოლოდ ერთია – მომძლავრებულ ნარკოგასაღების ფონზე, ვის ვერ ეხება კანონი და კანონიერება, ვინ ან რა არის ასეთი ხელშეუხებელი, ვისი მითითებითა თუ ბრძანებით?

აკრძალულ  ადგილებში  (ანუ თითქმის ყველგან) სიგარეტის მწეველ უპოვარ ადამიანს ისეთი ოდენობის  თანხით  ვაჯარიმებთ, ის ფული რომ ავანსად მისცენ მოუწევლობისთვის, აღარ მოსწევს, ნარკოტიკების დეკრიმინალიზაციას კი ორივე ხელით მხარს ვუჭერთ. ამის მერე ნორმალური განვითარების გზაზე მდგარი ქვეყანა გვქვია ხელმწიფოს შვილების (მომავალი თაობების) დაცვა კი არ უნდა მოვ- თხოვოთ ნარკოტიკების პროპაგანდა-მოხმარებისგან, არამედ ის, რომ ხარისხიანი ნარკოტიკის მიღების საშუალება თავისუფლად ჰქონდეთ, თითქოს დაბადებიდან ნარკოდამო- კიდებულებით იბადება ვინმე…

არანაირი ეფექტური ბრძოლა არ არსებობს ნარკოტიკების წინააღმდეგ არც ცხადში, არც – ლიტერატურასა თუ ფილმების სცენარებშიც კი. ერთადერთი თავდაცვაა – არ  დაინტერესდე!  "ადინ  რაზ  ნე პიდარასტ!" არც ერთ შემთხვევაში არ ამართლებს, თვით ნათქვამს არსშივე, ერთხელ მიმქარავი მეორედაც მიჰქარავს და მეათედაც…

ნარკოდამოკიდებულებს, ნარკო- ბარიგებს და "რაღაც" ინტერესების გამო მათ მხარდამჭერებს რომ უსმინო, როგორ უნდა მოიქცეს სა- ხელმწიფო, კურიოზამდე მივა კაცი! მაშასადამე, სახელმწიფომ უნდა დააწესოს ნარკოტიკების ხარისხის კონტროლი? და ეს რანაირად უნდა წარმოვიდგინოთ, რომ პოლიცია როდესაც დაიჭერს ნარკობარიგას, გასინჯონ მისი "ტავარი", თუ "კარგი" აღმოაჩნდება, მხარზე ხელი მოუთათუნონ, პატიოსანი ხარ შენო და მაინც?

როგორ გაბედა სპეცნაზმა ოპე- რაციის ჩატარება ერთბაშად ორ კლუბში "ბასიანსა" და "გალერიში"  შესვლა,  ჩხრეკის  ჩატარება და ნარკოტიკული საშუალების 8 გამსაღებლის დაკავებაო, – რუსთაველზე შეკრებისკენ მოუწოდებდნენ ნარკომოტრფიალენი ნარკომომხმარების  მხარდამჭერებს  შეკრების ადგილიდან. დედებიც თავზე დაახურეს პოლიციელებს ყველა გაბრუებულმა ვისაც არ ენაღვლე- ბოდა, ტრანსგენდერმა თუ რიგითმა ნარკომომხმარებელმა…

"ბასიანი" მხოლოდ დასაწყისია, ერთ-ერთი იშვიათი ადგილი, სადაც შეგიძლია თავისუფალი იყო ყველანაირად, დაივიწყო ყველა პრობლე- მა. ასეთი რამ მე არ ვიცი, არსად არ ხდება. ევროპაში ერთ-ერთი საუკეთესო საკლუბო სცენა გვაქვს და მართლა წარმატებული ვართ ძლივს რაღაცაში და იმასაც მიწასთან ასწორებენ", – ყველას აღიარებითი სათქმელი თქვა აღშფოთებულმა მომხმარებელმა ნიკა ქებულაძემ.
ე.წ პოლიტიკოსებიც რომ "წამლის ბარიგების" დასაცავად ქუჩაში გამოვლენ, ან პირობას იძლევიან, პრეზიდენტობის შემთხვევაში ყველა  მსჯავრდებულს  შევიწყალებ ვინც  ნარკოდანაშაულზე  იხდის სასჯელსო, გაუგებარი აღარ უნდა იყოს ბევრი რამ.

ერთხელ  თავგასულებს  შემდგომში როკვას ვინღა დაუშლით გაბრუებულ ნარკომომხმარებლებს 9 აპრილის მემორიალზე და კვლავ "განფენენ როკვას", აბა, რას იზამენ… ზოგი ფეხშიშველიც იქნება და სააბაზანო მოსაცმელითაც; კაცები – ქალის წკაპუნებით და ქალები – მამაკაცის "ბათინკებით"… ქალებად დაბადებულები გინებით გამომხატველები, კაცებად დაბა- დებულები – რბილის "ლასით" და კურტუმომოქანავენი… სახელმწიფო გადატრიალებასაც დააანონსებენ და ქვეყნის ამოგდებასაც, აბა, რას იზამენ, სადამდეც ეყოფათ "კალიკები", იქამდე იაქტიურებენ და მამლის პირველ ყივილამდე მოწყდებიან თუ არ შეაშველეს ახალი დოზა…

ხუთი ახალგაზრდა მიყოლებით გარდაიცვალა ჯერ კიდევ დაუდგენელი ნარკოტიკით… ერთი თვის განმავლობაში რვა ადამიანი მოხვდა ნარკოტიკების ძლიერი ინტოქსი- კაციით საავადმყოფოებში (შსს-ს ექსპერტიზის შედეგები ჯერ არ გამოუქვეყნებია)…

ბოლოს და ბოლოს, როდესაც ასე წაეწყო ნარკოტიკების მოხმარებით სიკვდილიანობა და განაცხადეს, რომ ნარკორეალიზატორების მიმართ  მთავრობის  პოლიტიკა მკაცრი იქნებაო, მაგრამ იქნება კი ბოლომდე?

ხალხს  არ  სჯერა,  რადგან დარწმუნებულია რომ "თეთრ სიკვდილს" ვიღაც თუ რაღაც დიდი ძალა "კრიშავს"! "უკრიშო" ნარკორეალიზატორების დაჭერა რას მოიტანს, მათ ადგილზე ორი იმდენი გამოჩნდება… კაცმა რომ თქვას, პირველი ხელი – "მამულიჩა" თუ გამოუშვეს, სხვას რატომღა დაიჭერენ, გამოსაშვებად?
ნარკოტიკი კლავს! – სანამ ამას არ გაიაზრებს თვით ნარკომანი, ამ მხრივ საშველი არ იქნება…

გიორგი ჩხეიძე

მეტის ნახვა
20-05-2018, 15:30


თეთრიწყაროს მუნიციპალიტეტში

მუნიციპალიტეტის მერმა გიგი ქორიძემ, ქვემო ქართლში სახელმწიფო რწმუნებულის — გუბერნატორის ადმინისტრაციის ადგილობრივი თვითმმართველობის ორგანოებთან ურთიერთობის სამსახურის უფროსის მოადგილემ სოსო პირველმა და "შშმ პირთა დახმარების ფონდის" ხელმძღვანელმა გოჩა კაპანაძემ შშმ პირებს: საღრაშენელ ნათელა მანთაძეს, ორბეთელ ზინაიდა დოლაშვილს და ქ. თეთრიწყაროში მცხოვრებ სურენ ოგანესიანს საჩუქრად ეტლები გადასცეს.
ქვემო ქართლის რეგიონი- მუნიციპალიტეტის ხელმძღვანელი პირები გაეცნენ მუნიციპალიტეტში მიმდინარე ინფრასტრუქტურულ პროექტებს, კერძოდ — ქალაქის ქუჩებისა და სოფელ ახალშენამდე მისასვლელი საგზაო ინფრასტრუქტურის მოწესრიგების პროცესს.
ცხოვრების დონის გაუმჯოსებისთვის თეთრიწყაროს მუნიციპალიტეტში დაიწყო ოთხწლიანი ინოვაციური პროექტი, რომელსაც „სოფლის მდგრადი განვითარება თეთრიწყაროს მუნიციპალიტეტში" ეწოდება. პროექტი ENPARD-ის მეორე ფაზის ფარგლებში მიმდინარეობს და მას ახორციელებს ასოციაცია "სამხარეო განვითარება მომავალი საქართველოსთვის" (RDFG).

ბოლნისის მუნიციპალიტეტში

მუნიციპალიტეტის მერი დავით შერაზადიშვილი და საკრებულოს თავმჯდომარე თამაზ ჟორჟოლიანი, ქვემო ქართლის გუბერნატორთან და მუნიციპალიტეტების ხელმძღვანელ პირებთან ერთად, ოფიციალური ვიზიტის ფარგლებში, ქალაქ სენტ ლუისში, აშშ-ისა და კანადის ფინანსისტთა ასოციაციის 112-ე ყრილობას დაესწრნენ.

საქართველოს დელეგაცია გაეცნო ამერიკისა და კანადის თვითმმართველობებში არსებულ მართვის თანამედროვე სისტემებს, საბიუჯეტო სახსრების ეფექტიანობის, პროგრამული ბიუჯეტირებისა და შიდა კონტროლის მიმართულებით გატარებულ რეფორმებს.
ქვემო ქართლის დელეგაციის წევრები შეხვდნენ ნიუ-იორკის, ჩიკაგოს, პორტლანდის, ტორონტოს და სხვა თვითმმართველობების წარმომადგენლებს. მუნიციპალიტეტის მერმა დავით შერაზადიშვილმა მოადგილესთან, საკრებულოს თავ- მჯდომარესთან და გენდერული თანასწორობის საბჭოს წევრებთან ერთად ევროკავშირის მიერ დაფინანსებული საგანმანათლებლო სარეაბილიტაციო ცენტრი „იმედი“ მოინახულა, კიდევ ერთხელ გაეცნო მის მუშაობას და არასამთავრობო ორგანიზაციის ანგარიში მოისმინა.

ცენტრმა ამ დრომდე დახმარება გაუწია11 ბენეფიციარს. ძალადობის მსხვერპლ ქალებს ადგილზე ფსიქოლოგი, იურისტი, ექთანი და სოციალური მუშაკი ემსახურება. ბენეფიციარებს საშუალება აქვთ ასევე ჩაერთონ სხვადასხვა სპეციალურ საგანმანათლებლო პროგრამაში. ცენტრი „იმედი“ ევროკავშირის პროექტის „არა ოჯახში ძალადობას“ ფარგლებში 2017 წლის 17 ივლისს გაიხსნა და მისი მიზანია ოჯახური ძალადობის წინააღმდეგ საზოგადოების ცნობიერების ამაღლება.

დმანისის მუნიციპალიტეტში

დმანისის მუნიციპალიტეტის მერმა გიორგი ტატუაშვილმა და ქვემო ქართლის სამხარეო ადმინისტრაციის ადგილობრივი თვითმმართველობის ორგანოებთან ურთიერთობის სამსახურის უფროსმა ლევან ჟვანიამ რადიო "იმედის" ეთერში ქვემო ქართლის ტურისტულ პოტენციალზე იმსჯელეს.

მარნეულის მუნიციპალიტეტში

მარნეულის მუნიციპალიტის სოფელ იმირის მიმდებარედ არქეოლოგიურ ძეგლზე ე.წ. „გადაჭრილი გორაზე“, კანადის ტორონტოს უნივერსიტეტისა და საქართველოს ეროვნული მუზეუმის ერთობლივი პროექტის ფარგლებში, დაიწყო ყოველწლიური არქეოლოგიური სამუშაოები, რომელიც 2018 წლის 17 ივნისამდე გაგრძელდება. ამ ეტაპზე მიმდინარეობს ტერიტორიის მოწესრიგება.
სასწავლო პროექტის ფარგლებში, იერუსალიმის ჰიბროუს უნივერსიტეტის თანამშრომლებმა დაათვალიერეს იმირის, გადაჭრილი და შულავერის გორები. მუნიციპალიტეტის სოფელ წეთელში 9 აპრილის სახელობის სკვერის კეთილმოწყობა დაიწყო. პროექტის კონცეფცია მოსახლეობის ინიციატივით, მონაწილეობითა და იდეებით არის მომზადებული.
გასართობ-შემეცნებითი სკვერის მოწყობის იდეა წარმოდგენილი იყო პროექტ „სამოქალაქო ბიუჯეტის“ ფარგლებში და ერთ-ერთ საუკეთესო იდეად დასახელდა. თანხა, 165 498 ლარი, ადგილობრივი ბიუჯეტიდან გამოიყო. სკვერის რეაბილიტაცია, ხელშეკრულების თანახმად, ივლისში დასრულდება.

წალკის მუნიციპალიტეტში

ცენტრალური და ადგილობ- რივი ხელისუფლების ერთობლივი ძალისხმევით წალკის მუნიციპალიტეტში 2013 წლიდან დღემდე განხორციელდა არაერთი მნიშვნელოვანი პროექტი. წელს კი იგეგმება:ქ. წალკაში სასწრაფო სამედიცინო დახმარების შენობის მშენებლობა;დაბა თრიალეთისა და სოფ. კავთისთვის წყალმომარაგების ქსელის, რეზერვუარისა და სა- ტუმბი სადგურის მოწყობა; ბეტონის საფარის დაგება სოფ. კუში-ავრანლოს დამაკავშირებელ გზაზე (4,7 კმ); კუში-ნარდევანის 1,8 კმ-იან გზაზე; სოფ. დაშბაშის კანიონამდე მიმავალი გზის მოასფალტების სამუშაოების გაგრძელება
და ა.შ.

ჩოხატაურის მუნიციპალიტეტში

ჩოხატაურის მერიის სხდომათა დარბაზში ინოვაციებისა და სამოქალაქო განვითარების ცენტრ „პროგრესის სახლის“ წარმომად- გენლებმა საკონსულტაციო შეხვედრა გამართეს საგრანტო კონკურსის შესახებ.
„მონაწილეობითი CHARRETTE გურიის ტურიზმის განვითარების სტრატეგიისთვის“ — ამ პროექტის ფარგლებშია გამოცხა- დებული მცირე გრანტების პროგრამა, რომელსაც ევროკავშირი აფინანსებს. პროექტი მიზნად ისახავს გურიის რეგიონში ტურიზმის განვითარების ხელშეწყობას. პროექტს ოზურგეთის, ჩოხატაურისა და ლანჩხუთის მუნიციპალიტეტები ორ საზოგადოებრივ ორგანიზაციასთან — სამოქალაქო საზოგადოების ინსტიტუტსა და ინოვაციებისა და სამოქალაქო განვითარების ცენტრის „პროგრესის სახლთან“ ერთად ახორციელებს.
შეხვედრის მონაწილეებმა მიიღეს ინფორმაცია მათთვის საინტერესო საკითხებზე საგრანტო კონკურსთან დაკავშირებით, ასევე დეტალურად განიხილეს სააპლიკაციო ფორმა. საგრანტო კონკურსის შესახებ დამატებითი ინფორმაცია საიტზე:  www.guria.ge

დედოფლისწყაროს მუნიციპალიტეტში

მუნიციპალიტეტის სოფლის მეურნეობაში არსებული მდგომარეობა მერმა ნიკოლოზ ჯანიაშვილმა, მერის მოადგილემ მალხაზ მერაბიშვილმა და საკრებულოს თავმჯდომარის მოადგილემ გოჩა სამუკაშვილმა გაეროს სურსათისა და სოფლის მეურნეობის ორგანიზაციის (FAO) წარმომადგენლებს გააცნეს. 

გაეროს წარმომადგენლები დედოფლისწყაროს სოფლისა და სოფლის მეურნეობის განვითარების ევროპის სამეზობლო პროგრამის ფარგლებში ეწვივნენ. ENPARD III-ის (გაეროსა და ევროკავშირის სოფლის მეურნეობის მხარდამჭერი ერთობლივი პროგრამა) მიზანია საქართველოს უნიციპალიტეტებისთვის ევროპული გამოცდილების გაზიარება და სოფლის მეურნეობის მიმართულებით ერთობლივი პროგრამების განხორციელება.
ადგილობრივი ხელისუფლების წარმომადგენლებს სჯერათ, რომ მუნიციპალიტეტში არსებობს მარცვლეული კულტურის მოყვანის დიდი გამოცდილება და ხელშეწყობის პირობებში არსებული მოსავლიანობა კიდევ უფრო გაიზრდება. გარდა ამისა, მუნიციპალიტეტს გააჩნია არატრადიციული მარცვლეული კულტურის განვითარების დიდი პოტენციალიც. ამ აზრს იზიარებს FAO-ს წარმომადგენელი მატიე რუვერი, რომლის თქმითაც ერთობლივად განსახორციელებელი პროექტების სწორად დაგეგმვა მნიშვნელოვანია მუნიციპალიტეტის შემდგომი განვითარებისთვის.

ლაგოდეხის მუნიციპალიტეტში

მუნიციპალიტეტის მერი ჯონდო მდივნიშვილი GARE-ის ოფისების წარმომადგენლებს შეხვდა. შეხვედრაზე ვრცლად წარმოადგინეს LAG-ის ორწლიანი საქმიანობა, GARE-ის, ადგილობრივი ჯგუფისა და ადგილობრივი ხელისუფლების ეფექტიანი თანამშრომლობის შედეგები. მუნიციპალიტეტის მერმა მადლობა გადაუხადა GARE-ს მუნიციპალიტეტში გაწეული ნაყოფიერი საქმიანობისთვის და წარმატებული თანამშრომლობის მზადყოფნა გამოთქვა.

ევროკავშირის მხარდაჭერით კახეთში ხორციელდება ახალი პროექტი „მერები ეკონომიკური ზრდისთვის". პროექტის ფარგლებში კახეთის მუნიციპალიტეტის მერებთან შეხვედრა თელავის ისტორიულ-ეთნოგრაფიული მუზეუმის დარბაზში გაიმართა. ევროკავშირის ეს ახალი პროექტი განკუთვნილია აღმოსავლეთ პარტნიორობის ქვეყნებისთვის და მისი მიზანია აღმოსავლეთის პარტნიორობის ქვეყნების მერებისა და მუნიციპალიტეტების მხარდაჭერა, ადგილობრივი თვითმმართველობების გაძლიერება და რეგიონების ეკონომიკურ განვით რებაში მათი როლის გაზრდა.


გურჯაანის მუნიციპალიტეტში

გურჯაანის მერი არჩილ ხანდაშვილი აგრძელებს შეხვედრებს მოსახლეობასთან. ამჯერად იგი ქ. გურჯაანში, შარტავას ქუჩის მცხოვრებლებს შეხვდა.
"არ არსებობს მოსახლეობასთან პირდაპირ კონტაქტზე უკეთესი საშუალება იმისთვის, რომ უფრო ნათლად დაინახო სოფელში არსებული პრობლემები, უფრო ხელშესახები გახადო ისინი და ყველაზე მთავარი — მოუსმინო ადგილობრივთა რეკომენდაციებს. ხშირ შემთხვევაში, სწორედ ჩვენი გურჯაანელების რეკომენდაციები მეხმარება გადაწყვეტილების მიღებაში, რისთვისაც დიდი მადლობა მათ. ყველა ერთად მივაღწევთ ჩვენს საერთო მიზანს და გურჯაანი ერთ-ერთი საუკეთესო მუნიციპალიტეტი გახდება მთელ საქართველოში", — აღნიშნავს მერი. მუნიციპალიტეტის მერი არ შაოს დამოუკიდებელი ცხოვრების უნარ-ჩვევები, ხელი შეუწყოს მათს ინტეგრაციას და საზოგადოებაში დამკვიდრებული სტიგმის შემცირებას.


სიღნაღის მუნიციპალიტეტში

თემ "ქედელში“ მესამე საცხოვრებელი სახლი გაიხსნა. სახლის მშენებლობა გერმანულმა ორგანიზაცია BMZ-მა დააფინანსა. 1999 წელს დაფუძნებული თემი "ქედელი“ საცხოვრებელი ერთობაა, სადაც შეზღუდული ინტელექტუალური შესაძლებლობების მქონე ზრდასრული პირებისთვის შესაფერისი ოჯახური გარემოა შექმნილი. თემში ამჟამად 23 შშმ პირი ცხოვრობს. ისინი "ქედელში“ კასპისა და სენაკის ბავშთა სახლებიდან მოხვდნენ დეინსტიტუციონალიზაციის პროგრამის ფარგლებში.
თემში არსებულ შრომით თერაპიულ სახელოსნოებში საქმიანობით მათ ეძლევათ საკუთარი უნარებისა და სურვილების რეალიზების საშუალება. თემის მიზანია თავის მოსახლეებს გამოუმუშაოს დამოუკიდებელი ცხოვრების უნარ-ჩვევები, ხელი შეუწყოს მათს ინტეგრაციას და საზოგადოებაში დამკვი რებული სტიგმის შემცირებას.

დუშეთის მუნიციპალიტეტში

მერია მუნიციპალიტეტის ტერიტორიაზე არსებული კულტურული და ისტორიული ძეგლების ინფრასტრუქტურის გაუმჯობესებისთვის საჭირო სამუშაოებს იწყებს. პირველ ეტაპზე ჟინვალის ადმინისტრაციულ ერთეულში მდებარე 300 არაგველის მემორიალისთვის დამონტაჟდა განათების ახალი სისტემა. მუნიციპალიტეტის მერმა ზურაბ სეხნიაშვილმა, პირველ მოადგილესთან, გიორგი თანიაშვილთან ერთად, დაათვალიერა მემორიალი და მიმდებარე ტერიტორიის კეთილმოწყობისთვის უკვე შესრულებული სამუშაოები. მუნიციპალიტეტის მერმა არჩილ ხანდამაშვილი, ადგილობრივი ხელისუფლების წარმომადგენლებთან ერთად, სოფელ ვეჯინში ღვინის მარნისა და საოჯახო ტიპის სასტუმროს „შატო ხარიტონას“ გახსნას დაესწრო.

ზურაბ სეხნიაშვილმა ბაზალეთის ადმინისტრაციულ ერთეულში, სო- ფელ გრიგოლაანთკარში მიმდინარე ინფრასტრუქტურული სამუშაოები დაათვალიერა. სოფელში მიმდინარეობს სასაფლაოზე მისასვლელი გზის რეაბილიტაცია და ხევზე გადასასვლელი ხიდ-ბოგირის მოწყობა. მოსახლეობა აღნიშნავს, რომ მუნიციპალიტეტის მერმა მათ დანაპირები შეუსრულა — სოფლის სასაფლაოს და სასოფლო-სამეურნეო სავარგულებთან მისასვლელი გზის პრობლემა მათ წლების განმავლობაში აწუხებდათ, რის შესახებაც ზურაბ სეხნიაშვილს ერთ-ერთი შეხვედრისას დახმარება სთხოვეს.

ზუგდიდის მუნიციპალიტეტში

ზუგდიდის მუნიციპალიტერიის ჯანდაცვის კომისიამ სხდომაზე 76 მოქალაქეს სხვადასხვა სამედიცინო მომსახურება დაუფინანსა. დასაფინანსებლად გახარჯულმა თანხამ 17 511 ლარი შეადგინა. ყულიშკარის ადმინისტრაციულ ერთეულში, სანანაო-საფიფიოს უბანში, საავტომობილო ხიდის მოწყობა დასრულდა. ამ უბანში აქამდე ხიდი არ არსებობდა და მოსახლეობა შემოვლითი გზით სარგებლობდა. პროექტის ღირებულება 24 185 ლარია.

ზუგდიდში ბოტანიკური ბაღის რეაბილიტაცია გრძელდება. პროექტით გათვალისწინებულია: ბაღის ტერიტორიაზე არსებული შენობებისა და ღობის რეაბილიტაცია, ნალიზაციო, სადრენაჟო სისტემების მონტაჟი. პროექტის განხორციელება ხელს შეუწყობს ტურისტებისა და დამსვენებლების რაოდენობის ზრდას. რეაბილიტაცია 2019 წლის ივნისში დასრულდება.

ქ. ფოთის მუნიციპალიტეტის მერიაში

მდინარე რიონის ჰიდროკვანძზე რეაბილიტაციო სამუშაოები ქალაქის მერმა გოჩა კურდღელიამ მაჟორიტარ დეპუტატ ირაკლი ხახუბიასთან და ადგილობრივი ხელისუფლების სხვა წარმომადგენლებთან ერთად დაათვალიერა. იგეგმება ფარების, კაშხლის, ამორტიზებული ელექტროტექნიკისა და სხვა მექანიკური ნაწილების კაპიტალური რემონტი და რეაბილიტაცია. პროექტის მეორე ეტაპზე აღდგენითი სამუშაოები უკვე წყლის ქვეშ დაიწყება.
სარემონტო სამუშაოებზე 1 367 815 ლარი დაიხარჯება.

მარტვილის მუნიციპალიტეტში

სალხინოს ადმინისტრაციულ ერთეულში, წაჩხურუს უბანში, მთავარანგელოზის სახელობის ტაძართან მისასვლელი გზის მშენებლობის მეოთხე ეტაპის ფარგლებში დაიგება 1 429 მეტრი ასფალტბეტონის საფარი. პროექტი ასევე მოიცავს გრუნტის კიუვეტების, ღია წყალმიმღები ბეტონის ცხაურის, ლითონის მილებისა და გზის დამცავი საყრდენი კედლის მოწყობას. მიმდინარე სამუშაოებს მარტვილის მუნიციპალიტეტის მერის პირველი მოადგილე დავით სურმავა გაეცნო.

ინჩხურის ადმინისტრაციულ ერთეულში მიმდინარეობს დაზიანებული ლითონის კონსტრუქციის ხიდის სარეაბილიტაციო სამუშაოები: ხიდის სავალ ზედაპირზე ეწყობა ფოლადის ახალი ფურცლები, რკინაბეტონის საყრდენი კედლები და ლითონის მოაჯირები. სამუშაოებს მარტვილის მუნიციპალიტეტის მერის პირველი მოადგილე დავით სურმავა შესაბამისი სამსახურების თანამშრომლებთან ერთად გაეცნო.
მარტვილში, გარე განათების ბოძებზე 50-ვატიანი ნათურების მონტაჟი მიმდინარეობს. თავისუფლების ქუჩაზე და ცენტრალურ გზებზე 600 დიოდური ნათურა დამონტაჟდება, ხოლო ანალოგიური სამუშაოები ქალაქის მასშტაბით ეტაპობრივად გაგრძელდება.

სენაკის მუნიციპალიტეტში

მუნიციპალიტეტის მერმა ვანო კუპრეიშვილმა, ადგილობ რივი ხელისუფლების წარმომადგენლებთან ერთად, შშმ პირებს გადასაადგილებელი ეტლები გადასცა. მუნიციპალიტეტის მერიამ, საერთაშორისო ასოციაციის — "საქართველოს ქალები მშვიდობისა და სიცოცხლისათვის" — მხარდაჭერით, ამ ეტაპზე, მუნიციპალიტეტში მცხოვრებ სპეციალური საჭიროების ოთხ მოქალაქეს უსასყიდლოდ გამოუყო ეტლები. მერიის ხელშეწყობით, უკვე სამი წელია ეტლები ურიგდებათ მოქალაქეებს როგორც ქალაქის ტერიტორიაზე, ისე ადმინისტრაციულ ერთეულებში. ეტლები უკვე 41 შშმ პირს გადაეცა. ყველგანმავალი ეტლის ინოვაციური დიზაინი ადვილად და უსაფრთხოდ გადაადგილების საშუალებას იძლევა, რაც გააუმჯობესებს შშმ პირთა გარემოსთან ადაპტირების ხარისხს.

ჩხოროწყუს მუნიციპალიტეტში

მუნიციპალიტეტის მერმა დათო გოგუამ და მერის პირველმა მოადგილემ გოჩა ჩიქოვანმა სოფელ ახუთში, მდინარე ზანაზე, ხიდის მშენებლობასთან დაკავშირებული სამუშაოები დაათვალიერეს. 2017 წლის 12 ივნისის სტიქიის შედეგად ხიდი დაზიანდა და მისი დემონტაჟი განხორციელდა. ამ ეტაპზე, სტიქიის სალიკვიდწელს აციო სამუშაოების ფარგლებში, შენდება ახალი სახიდე გადასასვლელი, რომლისთვისაც 780 000 ლარია გამოყოფილი. ხიდის სიგრძე 54, ხოლო სიგანე 10 მეტრი იქნება. აღნიშნული ხიდით ჩხოროწყუს მუნიციპალიტეტი მარტვილის მუნიციპალიტეტს დაუკავშირდება.


მეტის ნახვა
19-05-2018, 11:16


გვესაუბრება ექსპერტი კავკასიის საკითხებში მამუკა არეშიძე:

_ ბატონო მამუკა, "ქართული ოცნების" მეხუთე ყრილობაზე პარტიის თავმჯდომარედ ბიძინა ივანიშვილი აირჩიეს. როგორ აფასებთ ამ ნაბიჯს?

_  ხალხს  შემდეგი  გარემოე- ბები  აინტერესებდა:  პირველი – რატომ ბრუნდება ივანიშვილი პოლიტიკაში, მეორე – რას აპირებს, ანუ, იგულისხმება, რა შეიცვლება. მიუხედავად იმისა, რომ ქვეყანაში ბევრი რამ გაკეთდა, საზოგადოება ამას  წარმატებად  ვერ  აღიქვამს იმიტომ,  რომ  დიდი  უმრავლესობის სოციალური მდგომარეობა არ გამოსწორებულა, არ შეცვლილა. რასაკვირველია, ადამიანების სერიოზულ  კატეგორიას  სიკეთე დაეტყო  იმ  თვალსაზრისით,  რომ აღარ  ხდება  მათი  შევიწროება,  სამოქალაქო  და  ადამიანური ღირსებების ხელყოფა და გარკვეული პროცენტისთვის ეკონომიკური  მდგომარეობაც  გამოსწორდა. თუმცა, ხალხის ძირითად ნაწილს, ეს  სიკეთეები  მაინცდამაინც  არ უგრძვნია.  მოსახლეობა  ითხოვს შემდეგს – შეიქმნას ქვეყნის მყარი ეკონომიკური და სოციალური განვითარების  სისტემა.  თორემ, ის  რაც  აქამდე  გაკეთდა  კარგია, მაგრამ  ამაში  სისტემა  ნაკლებად იგრძნობა.

ეკონომიკური  განვითარების კუთხით სერიოზული ცვლილებები  რომ  მოხდეს,  ამისთვის  მყარი სისტემის  შექმნაა  საჭირო.  მაგალითად, ბიძინა ივანიშვილმა რომ გამოაცხადოს: ხვალიდან ინდუსტრიის განვითარება იწყება, სხვა- დასხვა  რეგიონში,  ინდუსტრიის განვითარების  თვალსაზრისით, ხუთი  ქარხნის  მშენებლობა  დაიწყებაო,  აი,  ეს  მართლა  გააჩენს იმედს.  ასე  ქვეყნის  სამრეწველო პოტენციალის განვითარების კუთხით  მყარ  სისტემას  დაედება საფუძველი. ჩვენი ერთ-ერთი უმნიშვნელოვანესი ამოცანა ხომ ის არის, რომ ისეთი სოციალური გარემო შევქმნათ, როდესაც ხალხი ქვეყნიდან გასვლაზე აღარ იფიქრებს.  მეტსაც  გეტყვით,  ამოცანა, ალბათ, ისიც უნდა იყოს, რომ ჩვენი  მოსახლეობის  ის  ნაწილი რომელიც  ევროპაში,  მსოფლიოს სხვადასხვა  ქვეყნებშია  წასული, ნაწილი მაინც სამშობლოში დაბრუნდეს.  მათი  დაბრუნების  წინაპირობა  კი  სწორედ  ამ  სისტემის შექმნა  იქნება.  როცა  ადამიანი დაინახავს,  რომ  ქარხანა  მუშაობს  სადაც  ხელფასი  საშუალოდ 1500  ლარია,  ის  თავის  ქვეყანაში იცხოვრებს,  დიდი  ნაწილი  დაბრუნდება, ეს უმნიშვნელოვანესია. საბოლოო ჯამში რეზიუმეს სახით ვიტყვი: ბუნებრივია, ივანიშვილის გამოსვლაში ბევრი ძალიან მნიშვ- ნელოვანი რამ ითქვა, საინტერესო გზავნილები  იყო,  მაგრამ  ხალხს დღეს, რეალური ქმედება სჭირდება. სოციალურ-ეკონომიკური თემა იყო მთავარი საკითხი რაზეც მან ყურადღება  გაამახვილა.  მეორე საკითხი იყო პარტიაში, სახელისუფლებო წრეებში განხეთქილება, ნაპრალი, რომელიც ნელ-ნელა იზრდებოდა. მაგრამ ნაპრალი მარტო სახელისუფლებო წრეებში როდი იყო  მზარდი.  თავად  ივანიშვილ- მაც ახსენა იმის საშიშროება, რომ ნაპრალი შეიძლებოდა ხელისუფლებასა  და  ხალხს  შორის  გაზრდილიყო,  ეს  მან  დელიკატურად თქვა.  ვთვლი,  რომ  ეს  ნაპრალი ისედაც  საკმაოდ  სერიოზულად არის  გაზრდილი.  კომუნიკაციის სისტემა  ხალხსა  და  ხელისუფ- ლებას  შორის  ძალიან  შემცირე- ბულია, თუ საერთოდ დაკარგული არ არის. საზოგადოება ზუსტად ამ კომუნიკაციის  სისტემის  აღდგენას ითხოვს.

პრემიერ-მინისტრის აპარატს უამრავი თანამშრომელი ჰყავს, მაგრამ მათი დიდი ნაწილი ვერ აცნობიერებს სად და რისთვის არიან, ან კონკრეტული მისამართობრივი დავალება არ აქვთ, რაც ძალიან  ცუდია.  სხვა  სამინისტროებზე  აღარაფერს  ვამბობ.  რიგ სამინისტროებში,  კომუნიკაციის დამყარების  თვალსაზრისით,  უბრალოდ, ვერ შეაღწევ, ან ყურმილის მეორე მხარეს, აბსოლუტურად,  უვიცი  ადამიანები  სხედან, ან ისეთ პასუხს გაგცემენ მეორედ დარეკვა აღარ მოგინდება. გამოსვლაში ამაზე იყო საუბარი.

_ ივანიშვილმა მიღწევებზე ისაუბრა. აღნიშნა რომ დაცულია ბიზნესი, შევძელით რუსეთთან ურთიერთობის დეესკალაცია.


_  ბიზნესთან  დაკავშირებით საქმე მთლად ასე არ არის. ბიზნესის დაცვა არ ნიშნავს, რომ ვიღაცამ საწარმო გახსნა და მას თავზე სხვადასხვა ჩინოვნიკები არ ასხედან და ქრთამს არ თხოვენ. ამაში არ არის საქმე. არც იმაშია საქმე, რომ ბიზნესის წამოწყება საქართველოში  იოლია.  ეს  მართლაც ასეა. მეორეს
გეტყვით: არსებობს უზარმაზარი  ბიზნეს-პროექტები, რომელსაც ჩინოვნიკები შეგნებულად  ამუხრუჭებენ.  ზუსტად  ეს არის იმის ერთ-ერთი ნიშანი, რომ ქვეყანაში ბიზნესის განვითარება ფერხდება, განსაკუთრებით, დიდ პროექტებზე, ეს იქნება ენერგეტიკული თუ ინდუსტრიის. როდესაც ივანიშვილი ბიზნესისთვის ხელის არშეშლაზე საუბრობს, სხვა რამეს გულისხმობს. დიახ, ბიზნესს, ნაწილობრივ,  ხელი  არ  ეშლება.
გარკვეული  შეზღუდვები,  რაც მიშას დროს იყო, არ არის და ეს ძალიან კარგია. ხალხი ხომ ესეა მოწყობილი, ყოველთვის უკეთესი უნდა. საზოგადოებას ასეთი ფსიქოლოგია  აქვს  –  აუცილებლადდიდი ერების წარმატებებს უნდა ეტოლებოდეს. ევროპაზე სწორება ყოველთვის  იყო.  ბოლო  6–7  საუკუნეა ასეა და ეს ძალიან კარგი თვისებაა. სწორება უნდა იყოს საუკეთესოზე, მაგრამ ნურავის ჰგონია, რომ საზოგადოება საუკეთესოს დღესვე ითხოვს. საზოგადოების  ძირითადი  ნაწილი  ითხოვს საუკეთესოს,  მაგრამ  დღესვე  კი არა,  არამედ  ზეგ.  დღეს  ითხოვს: დამანახეთ  განვითარების  პროცესი  და  როგორი  სისტემა  შექმენითო.  ეს  ლეგიტიმურია.  რაც შეეხება  რუსეთთან  ესკალაციის თემას, საქართველო ბოლო ექვსი წლის განმავლობაში სტაბილური ქვეყანა გახდა, ეს ბიზნესის განვი- თარებასაც ეტყობა. რაც არ უნდა ილაპარაკონ ოპოზიციის წარმომადგენლებმა, ეს ასე. მაგრამ საქმე  ისაა,  რომ  ამ  სტაბილურობას დამოკლეს  მახვილივით  ჰკიდია ოკუპირებული  ტერიტორიები. ამ  მიმართულებით  სერიოზული გარღვევა  ვერ  მოვახერხეთ.  არ ვამბობ, რომ ეს 2013 წელს უნდა მომხდარიყო. სიტუაციის შეცვლას დიდი დრო სჭირდება, მაგრამ  აქაც  პროცესი უნდა  დავინახოთ.

რაც შეეხება რუსეთთან ურთიერთობას, რა მემკვიდ- რეობაც დაგვიტოვეს იქედან გამოვდივართ.  არსებობს ორი პლატფორმა – ჟენევის  ფორმატი და  აბაშიძე-კარასინის შეხვედრები. შეიძლება, პოლიტიკური  თვალსაზრისით, განსაკუთრებული გარღვევა  არ  მომხდარა,  მაგრამ  ნუ დაგვავიწყდება, რომ თუ ჟენევის მოლაპარაკებებში რუსეთი ცდილობს შუამავალი იყოს, კარასინი-აბაშიძის  შემთხვევაში – რუსეთი მხარეა. ამ ხელისუფლების  ხელში  ახალი  ფორმატი შეიქმნა,  რამაც  გამოიწვია  გარკვეული  გარღვევა  ეკონომიკური ურთიერთობების  გაჯანსაღების თვალსაზრისით.

_ როგორ ფიქრობთ, რა ეტაპი იწყება ივანიშვილის მოსვლით?

_ ჯერჯერობით, რთული სათქმელია. ერთადერთი მთავარი რაც არის, დავინახე, რომ ივანიშვილმა ისევ ღიად აიღო პასუხისმგებლობა  საკუთარ  თავზე.  ეს  ძალიან მნიშვნელოვანი ფაქტორია. თუ ამან  იმუშავა  მაშინ  მას  მართლა შეუძლია  მთლიანად  გამოიყენოს ის რესურსი, რომელიც არის პარტიაში, ხელისუფლებაში და საზოგადოებაში.

_  თქვენი  აზრით,  შეძლებს კვლავაც ხალხის ნდობის მოპო- ვებას და საზოგადოების კონსოლიდაციას?

_  მხოლოდ  იმ  შემთხვევაში თუ ხალხმა დაინახა, რომ სიტყვების უკან სერიოზული სისტემური ნაბიჯები  დგას  და  არა  ფრაგმენტული.

_ საკადრო ცვლილებებს უნდა ველოდოთ?

_  საკადრო  ცვლილებები აუცილებელია. ადამიანების ერთი ნაწილი ხელისუფლებაში იმყოფება  იმიტომ,  რომ  ხელისუფლების მაღალჩინოსნის მეგობარია, ძმაკაცია,  ისე  არაფერს  წარმოადგენს. ბალასტი  როგორც  აღმასრულებელ  ხელისუფლებაში,  ისე  საკანონმდებლოში იმაზე უფრო მეტია, ვიდრე საჭიროა.

_ განახლებულ პოლიტ.საბჭოზე რას იტყვით?

_  არ  მომეწონა  ის,  რომ  ვეტერანების ერთი ნაწილი პოლიტ. საბჭოში  აღარ  არის.  ეს  არ  მომეწონა  იმიტომ,  რომ  ამ  ხალხმა 2012 წელს მართლა სერიოზული ბრძოლები გადაიტანა. მაგრამ ის, რომ  პოლიტ.საბჭოში  ახალგაზრდები  არიან,  ეს  მათი  შანსია.  ამ შანსს გამოყენება უნდა. მინახავს ადამიანები,  რომლებიც  ივანიშ- ვილის გვერდზე იყვნენ, პარტიის სათავეში იდგნენ და მეორე დღეს არსად არ ყოფილან, რადგან შანსი ვერ გამოიყენეს. შანსის გამოყენება საკუთარ კეთილდღეობაზე კი არა ქვეყანაზე ზრუნვას ნიშნავს.

_ ერთ-ერთი ამოცანა უნდა იყოს თუ არა იმ თანამებრძოლების დაბრუნება, რომლებმაც ივანიშვილთან ერთად
ქვეყანას 2012 წელს ეს გამარჯვება მოუტანეს?


_ ეს ლაპარაკი ჩემგან არ გამოვა იმიტომ, რომ ერთ-ერთი მათგანი  მეც  ვიყავი  და  გამოვა,  რომ ჩემს თავზე ვსაუბრობ. მაგრამ იმ ხალხში  ვინც  მაშინ  ახალ  გარემოს  ქმნიდა,  ბევრი  ღირსეულია, რომელთაგან  ზოგი  იმედგაცრუების  გამო  ჩამოშორდა,  ზოგიც თვითონ  მოიშორეს.  ამ  ხალხის მიმართ  ასე  მოქცევა  არ  შეიძლება,  დიდი  ნაწილი,  პარტიულ საქმიანობაში,  დასაბრუნებელია. ახლა,  პარტიის  ყრილობას  რომ ვუყურებდი 50%-ს საერთოდ ვერ ვცნობდი  ვინ  იყვნენ,  ეს  ძალიან ცუდია.  არ  ვიცი  ივანიშვილი  ამ ნაბიჯს გადადგამს თუ არა, მაგრამ ხალხის  ნაწილი  უკან  უნდა  დაბრუნდეს.  

ახალგაზრდობას  ერთი კარგი  თვისება  აქვს  –  ეს  მისი ენერგია,  დისტანცირებაა  კომუნისტური  წარსულისგან  რომელშიც ვცხოვრობდით. მაგრამ ცუდი თვისებაც აქვთ – გამოცდილება არ გააჩნიათ.
ახალგაზრდების დიდი ნაწილი, უბრალოდ, ხალხს არ იცნობს. ბიძინა ივანიშვილი ბევრ ჩვენთაგანს  არ  იცნობდა,  მაგრამ ყველაფერს აკეთებდა, რომ მაქსიმალურად ბევრი ადამიანი გაეცნო. პირადად  მთხოვდა  კონკრეტულ ადამიანებზე ბიოგრაფიული ცნობები  მიმეწოდებინა  და  ქვეყანაში მათი გავლენები შემეფასებინა. აქ, პოლიტიკაში ჩართულ ადამიანებზე არ არის ლაპარაკი. ახალგაზრდების დიდ უმრავლესობას ამის სურვილს  ვერ  ვატყობ,  საკუთარ წრეში არიან ჩაკეტილნი, თავიანთი გამოცდილებით კმაყოფილდებიან, არ უნდათ ვინმემ შეამჩნიოს, რომ რაღაც  არ  იციან  და  კონსულტაციებს არ გადიან.
შედეგად ვიღებთ ჩაკეტილ წრეს, ისინი საქმის მოგვარებისთვის მზად არ არიან.

თამარ შველიძე



მეტის ნახვა
18-05-2018, 23:00