სარეკლამო ადგილი

947x125



გასული კვირა პოლიტიკური ხასიათის ორი ოინბაზობით დაგვამახსოვრდა. ოინბაზობა კი იყო ორი, მაგრამ, როგორც ჩანს, ავტორი ჰყავს ერთი – "ნაცმოძრაობა".

ოინბაზობა I – ევროპარლამენტის სხდომაზე საქართველოში არსებულ მდგომარეობაზე მოხსენებას კითხულობს ვინმე ნონა მიხელიძე.

ეს ჩვენ ვამბობთ, ვინმეო, თორემ ქ-ნი ნონა, როგორც "რუსთავი 2" იუწყება, დიდი ვინმეა თურმე _ საერთაშორისო ექსპერტია!
გასაკვირი ის არის, რომ ამ საერთაშორისო ექსპერტს საერთაშორისო მასშტაბით არავინ იცნობს.

კიდევ უფრო გასაკვირი ის არის, რომ ამ საერთაშორისო მასშტაბით უცნობ საერთაშორისო "ექსპერტს" ევროპარლამენტი საქართველოს შესახებ ანალიტიკური ხასიათის გამოკვლევის ჩატარებას უკვეთავს.

ამ გასაკვირზე გასაკვირ ამბავზე კიდევ უფრო გასაკვირი ის გახლავთ, რომ ეს საერთაშორისო მასშტაბით უცნობი საერთაშორისო ექსპერტი ევროპარლამენტის სხდომაზე საკუთარ, დამოუკიდებელ და მიუკერძოებელ კვლევად ასაღებს ტექსტს, რომელიც სხვა არაფერია, თუ არა "ნაცმოძრაობის" პარტიული ტელევიზიის "რუსთავი 2"-ის საინფორმაციო გადაცემებიდან და თოქ-შოუებიდან ამოკრეფილი ამონარიდების მონტაჟი, რომელმაც მოხსენების სახე, ალბათ, "ნაცმოძრაობის" სამონტაჟო ლაბორატორიაში მიიღო.
ახლა ის არის გასარკვევი, ევროპარლამენტიდან "ნაცმოძრაობის" დავალებით და შეკვეთით "ნაცმოძრაობის" რომელმა ლობისტმა შეუკვეთა ეს მოხსენება "ექსპერტ" ნონას და რამდენი იქნა გადახდილი "ნაცმოძრაობის" ჯიბიდან ამ ოინბაზობაში?

ევროპარლამენტი აუცილებლად უნდა დაინტერესდეს ამ საკითხით და აუცილებლად უნდა შეისწავლოს, როგორ და რანაირად შეიძლებოდა განხორციელებულიყო ეს პოლიტიკური აფიორა?

ბოლოს და ბოლოს, სირცხვილია _ ევროპარლამენტია, პოლიტიკური "დელეცების" და ავანტურისტების გილდია ხომ არ არის, რომ ვიღაც-ვიღაცებს ამგვარი ოინბაზობის საშუალება ჰქონდეთ?

ოინბაზობა II – "რუსთავი 2"-მა გასულ კვირას კიდევ ერთი სენსაციური ამბავი გვამცნო _ თურმე "ქართულ ოცნებას" საიდუმლო სოციოლოგიური კვლევა ჩაუტარებია, რომლის შედეგებსაც "ქართული ოცნება" საგულდაგულოდ მალავს.
დამალავს, აბა, რა იქნება _ "კვლევის" მიხედვით გრიგოლ ვაშაძეს პრეზიდენტის პოსტზე გამოკვლევებულთა 27% უჭერს მხარს, ბაქრაძეს _ 17%, სალომე ზურაბიშვილს კი მხოლოდ 12%.

გასაიდუმლოებული და ცხრაკლიტულში ჩაკეტილი "დოკუმენტი", რა თქმა უნდა, "რუსთავი 2"-ს ჩაუვარდა ხელში (ყველაფერი ამათ როგორ უვარდებათ ხელში, გადაირევი პირდაპირ) და იმანაც ქვეყანას მოსდო ეს ზესკანდალური "ფაქტი".
"ქართული ოცნება" იფიცება _ არავითარი სოციოლოგიური კვლევა არ ჩაგვიტარებია, საიდან მოიტანეთ ეს სისულელეო?
პატივცემულო "ქართულო იცნებავ", 18 წელია (მეტი!), ეს პოლიტიკური აფერისტები და თაღლითები პოლიტიკურ სცენაზე დგანან და თქვენ კიდევ ვერ მიხვდით, ვინ არიან ესენი და ვისთან გაქვთ საქმე?

სხვა ყველაფერს რომ თავი დავანებოთ, ის მაინც გეცოდინებათ, რას მოჰყვა ვარდების რევოლუცია და რა მოტივით და რა საბაბით დაიწყო იგი.
_ არჩევნების შედეგები გაგვიყალბესო, _ ყვიროდნენ მაშინ ნაცები და ამ დროს თვითონ არივდარიეს ყველაფერი _ შეყარეს გაყალბებული ბიულეტენები, შეყარეს მკვდარი სულების გრძელზე გრძელი სიები, შეთითხნეს ყალბი ოქმები და მერე თვითონ დაიწყეს ყვირილი _ ნახეთ, ნახეთ, როგორ გააყალბა შევარდნაძემ არჩევნებიო.

არ გჯერათ, ეგერ გყავთ პარლამენტში გოგორიშვილები, ბოკერიები, ბარამიძეები და ჰკითხეთ, ასე იყო თუ არა?
"ნაცმოძრაობამ", რომელიც დღეს გაერთიანებული ოპოზიციის ფსევდონიმით გამოდის ასპარეზზე, შესანისნავად იცის, რომ მათი ფალავანი ამ არჩევნებს წააგებს, მაგრამ ყველაფერს აკეთებს იმისთვის, რომ შექმნას ილუზია, თითქოს ვაშაძე ყველაზე პოპულარული და სასურველი კანდიდატია დანარჩენებს შორის, მაგრამ რად გინდა _ "ქართული ოცნება" არჩევნების შედეგებს გააყალბებს და ამ ყველაზე ღირსეულ კანდიდატს, ვაშაძეს, ხელოვნურად წააგებინებს, რაც `ნაცმოძრაობის~ და მათი სატელიტების "სამართლიან" აღშფოთებას გამოიწვევს.

ისინი შეეცდებიან, ეს აღშფოთება დიდ სახალხო საპროტესტო განწყობაში გადაზარდონ და "ვარდების რევოლუცია" №2 მოაწყონ.
აი, ამასაა, რომ ჩალიჩობენ ეს პოლიტიკური თვალთმაქცები და ფარისევლები, თორემ არჩევნების მომგები რომ არ არიან, აქედანვე შესანიშნავად იციან.

ასე რომ, ფრთხილად იყავით თქვენ, პატივცემულო `ქართულო ოცნებავ~, თორემ თქვენს მიერ გადარჩენილმა "ნაცმოძრაობამ" შეიძლება ისეთი სპექტაკლი დაგიდგათ, სანანებლად გაგიხდეთ, რომ ეს გველის წიწილები დაინდეთ და ქართველი ხალხის რისხვისგან დაიფარეთ…



მეტის ნახვა
10-09-2018, 16:44


ფინანსთა სამინისტრო განაგრძობს ბიზნესის განვითარებისთვის მეგობრული საგადასახადო/საბაჟო პოლიტიკის განხორციელებას, რაც ეკონომიკურ რეფორმებთან ერთად, ითვალისწინებს კანონმდებლობის ჰარმონიზაციას ევროკავშირის სტანდარტებთან.

2019 წლიდან, საქართველოს საბაჟო სფეროში ევროპული კანონმდებლობა ექნება.

ფინანსთა სამინისტრომ მუშაობა დაასრულა საბაჟო კოდექსის პროექტზე, რომელიც სრულად პასუხობს ევროკავშირის სტანდარტებს, რაც მნიშვნელოვანი სტიმული გახდება ევროკავშირიდან ინვესტიციების მოსაზიდად და ხელს შეუწყობს ქართული ბიზნესის ინტეგრაციას ევროკავშირის ბაზარზე.
ამ წუთებში, ფოთის გაფორმების ეკონომიკურ ზონაში ფინანსთა მინისტრი ივანე მაჭავარიანი ახალი საბაჟო კოდექსის პროექტით გათვალისწინებულ სიახლეებს ბიზნესსექტორის წარმომადგენლებს აცნობს.

ევროკავშირის კანონმდებლობასთან დაახლოების შედეგად, გამარტივდება საქართველო-ევროკავშირს შორის საბაჟო პროცედურები, კერძო სექტორს შეუმცირდება საგარეო ვაჭრობასთან დაკავშირებული დანახარჯები, საქართველოსა და ევროკავშირის ბიზნესის წარმომადგენლებისთვის, შეიქმნება ერთნაირი საბაჟო რეგულირების გარემო, მარტივი და სამართლიანი წესები.

კანონპროექტი ითვალისწინებს მნიშვნელოვან სიახლეებს საბაჟო პროცედურების გამარტივების მიმართულებით:
• შემოდის მარტივი გაფორმების ახალი წესები და დეკლარირების ფორმები;
• იქმნება გადახდილი იმპორტის გადასახადის დაბრუნების შესაძლებლობა;
• საბაჟო გადაწყვეტილების მიღების დროს, მაქსიმალურად იქნება გათვალისწინებული მეწარმის ინტერესები;
• ბიზნესის გათვალისწინებით, შესაძლებელი იქნება გარანტიის ახალი სახის (თავდებობა) გამოყენება;
• იქმნება მნიშვნელოვანი წინაპირობა, ბიზნესმა გამარტივებული საბაჟო პროცედურებით ისარგებლოს ევროკავშირსა და სხვა ქვეყნებში;

ამასთან, საბაჟო კანონმდებლობაში შენარჩუნდება ყველა ის პოზიტიური ცვლილება, რაც რეფორმების შედეგად განხორციელდა საგადასახადო და საბაჟო ვალდებულებების ერთიანი/გამარტივებული ადმინისტრირების მიმართულებით, მათ შორისაა: გადასახადის გადამხდელის ერთიანი ბარათი (საგადასახადო და საბაჟო), „სივრცეში" და „საზღვარზე" არსებული ზედმეტობის ურთიერთჩათვლა, ერთიანის სახაზინო კოდი საგადასახადო/საბაჟო ვალდებულების შესასრულებლად, გასაჩივრებისა და საგადასახადო შეთანხმების ერთიანი სისტემა.

საბაჟო კოდექსის ამოქმედების შემდეგ, საქართველო იქნება პირველი ქვეყანა რეგიონში, რომელიც თანამედროვე საბაჟო ინფრასტრუქტურასთან ერთად, ახალი საბაჟო კანონმდებლობითაც სრულად უპასუხებს ევროსტანდარტებით გათვალისწინებულ მოთხოვნებს და მნიშვნელოვან წვლილს შეიტანს საერთაშორისო ვაჭრობის განვითარებაში.

ფინანსთა სამინისტროს გაცხადებული პოლიტიკის ფარგლებში, დაიწყება საჯარო განხილვები ბიზნესსექტორის, ექსპერტების, ყველა დაინტერესებული და მიზნობრივი ჯგუფების მონაწილეობით.

მეტის ნახვა
10-09-2018, 11:30


საპრეზიდენტო არჩევნების პირველ ტურში დასრულების შემთხვევაში საკონსტიტუციო ცვლილებები 18 ნოემბერს ამოქმედდება, – ამ საკითხზე საქართველოს პარლამენტის თავმჯდომარემ, ირაკლი კობახიძემ საქართველოს კონსტიტუციასთან საქართველოს საკანონმდებლო აქტების ჰარმონიზაციის საპარლამენტო კომისიის სხდომის დაწყებისას ისაუბრა.

პარლამენტის თავმჯდომარის განცხადებით, აუცილებელია ყველა შესაბამისი კანონის ოქტომბრისთვის მიღება.

„როგორც მოგეხსენებათ, 28 ოქტომბერს არის დანიშნული საპრეზიდენტო არჩევნები, რაც იმას ნიშნავს, რომ არჩევნების პირველ ტურში დასრულების შემთხვევაში, 18 ნოემბერს ამოქმედდება უკვე საკონსტიტუციო ცვლილებები. იმისათვის, რომ 18 ნოემბრამდე უზრუნველყოფილი იყოს კანონმდებლობის ჰარმონიზაცია, ყველა ვადის დაცვით, საჭიროა, არაუგვიანეს ოქტომბრისა მივიღოთ ყველა შესაბამისი კანონი, ანუ ოქტომბერს არ უნდა გადასცდეს შესაბამისი კანონების მიღება. ეს არის ჩვენი ვადა და ამ ვადის გათვალისწინებით უნდა დავგეგმოთ ჩვენი შემდგომი სამუშაო პროცესი”, – განაცხადა ირაკლი კობახიძემ.

1tv.ge

მეტის ნახვა
10-09-2018, 10:30


კობა არაბული

ეტყობა, "შავი მთვარის" გავლენით გარკვეულ მომენტში იცვლება საზოგადოების ენერგეტიკა, იცვლება ცნობიერება და მოვლენების აღქმა _ გეჩვენება შავი თეთრად.

"მემკვიდრენი" შორდებიან წინაპრებს და კარგავენ ორიენტაციას; "მემკვიდრენი" უპირისპირდებიან "საკუთარ მომავლინებელს" და კუმირს,… იშვება შავი ენერგია, პროტესტის ტალღა უკუ ენერგიას იძენს და ბრუნდება საკუთარი მხსნელის და პატრონისკენ.

შეიძლება ვთქვათ, რომ ილია ჭავჭავაძე იყო და არის ქართველთა ყველა დროის ფენომენალური ინტელექტი და მოძღვარი, ქართველი ერის გზის გამკვლევი.
გარკვეულმა ძალებმა ილიას წინააღმდეგ აამოქმედეს შავი ენერგია _ შავი პიარი და წიწამურთან ტყვია შეაგებეს… ილიას მიმართ ეს "შავი პიარი" დღესაც გრძელდება, არიან მემკვიდრენი იმ `'შავი ენერგეტიკის", რომლებიც ისევ ანგრევენ ერის მორალს და ზნეობრივ არქიტექტურას…
მათ არ უნდათ რუსთაველი…

არ უნდათ ილია…
არ უნდათ ვაჟა-ფშაველა…
არ უნდათ პატრიარქი…
და უნდათ ვინმე მაკკეინი _ ამერიკელი სენატორი, ვიეტნამში ნატყვევი, 5 წელს ნაჯდომი “მგლის ორმოში…"…
მაკკეინი უნდათ, მაკკეინს ტირიან _ ქართულმა (ანტიეროვნულმა) ტელევიზიებმა და ლიბერასტულმა სამყარომ სამდღიანი (დაუსრულებელი) “ტრაური” გამოაცხადა.

რა ტიპის ანომალიაა? სხვათა მკვდარზე მოტირალი ერი საკუთარ თავს და მიცვალებულს რომ ვერ დასტირის(!!), საკუთარ ბედისწერას რომ ვერ აცნობიერებს.

მე კარგად მახსოვს (ჩვენ ყველას გვახსოვს), ისე წავიდნენ ამ ქვეყნიდან ბრწყინვალე მწერლები, ხელოვნების კორიფეები, მეცნიერები, მამულიშვილები, ჩვენს ვაი-ტელევიზიებს კრინტი არ დაუძრავთ და არც დაძრავენ. ისინი იზეიმებენ მაშინ, თუ საქართველოს გაასვენებენ! მისი არსებობის იდეას: "ენას, მამულსა და სარწმუნოებას" დამარხავენ! მარხავენ კიდევაც ყოველ დღე და თანდათან!
ყოველ დღე მართავენ "საიდუმლო სირობებს" ჩვენი ტელეარხები და ღიად სახელმწიფო გადატრიალების გეგმებს აწყობენ სააკაშვილების, მელიების, ვაშაძე _ შალიკოების მონაწილეობით. ანომალიაა არაა, რომ ამაზე სახელმწიფოს რეაქცია არა აქვს?!.

"მე მწყევლიან პალატები ჩემი ნაგები" _ ეს ერთი ბრწყინვალე პოეტის საკრალური ფრაზაა!
დიახ, დგება დრო, როდესაც "მეხსიერებას" კარგავს "ზედნაშენი" და დევნის "თავურ" დასაბამს, მას ავიწყდება, ვინ არის და საიდან მოვიდა!..
საზოგადოების უმადურობა ფატალურია, მას ავიწყდება და არ ახსოვს, რაც მომავლინებელმა მისცა. ერთი ტიპი ადამიანთა საკუთარ მშობლებს ჭამს, მეორე ხეზე კიდებს ფრინველების საკორტნად, მესამე _ გოდორში სვამს და კლდეზე აგორებს!..
ცხოველებს არა აქვთ ეს თვისება!
***

დიახ, პოლიტიკა ზოგადად, და, კერძოდ, ქართველთა პოლიტიკა ასეთი ბინძური, ანომალიური და ველურია. ის უეჭველად მოკლავდა ილიას, გამსახურდიას, კოსტავას, შარაძეს… და მოკლეს კიდევაც…
მოკლავენ ყველას _ ზოგს ტყვიით, ზოგს _ ენით, ზოგს _ ღალატით……
სამწუხაროა ეს ფატალური რეალობა _ ყოველთვის იჩეკებიან ბერბიჭაშვილები (არ ჩამოვთვლი აქ მათ გვარებს), რომლებიც ახლა განსაკუთრებით მომრავლდნენ და პირდაპირ საპრეზიდენტო "ფსონს" დებენ……
ყველა მათგანი ერთ ადამიანს უმიზნებს ტყვიას და, იმ ერთმა, ეს უნდა იცოდეს და იმოქმედოს!..
გვახსოვდეს: "არასოდეს ჰქონია მოძღვარს და წინასწარმეტყველს საკუთარ ქვეყანაში შენდობა!" ეს ქრისტესეული სენტენციაა და მწარე ჭეშმარიტებას შეიცავს…

***

მაგრამ, მიუხედავად ამისა, ჩვენ მეხსიერება და მორალი არ უნდა დავკარგოთ და არანაირი გაჭირვებისა და ძალადობის კარნახით არ უნდა ვიქცეთ უმადურ რასად, ანუ სამარცხვინო "შალიკო-პალიკოებად".

კაცი, რომელსაც არაფერი დაუშავებია საკუთარი ქვეყნისთვის, არაფერი წაურთმევია და მხოლოდ და მხოლოდ მიუცია, აუშენებია, გადაურჩენია, ეს უნიკალური პიროვნება 35 000 ქართველ მოღვაწეს: ხელოვანს, რეჟისორს, მსახიობს, მუსიკოსს, მეცნიერს, მწერალს, პედაგოგს შემწეობას და საარსებო სახსარს აძლევს!

500-ზე მეტი ეკლესია, თეატრი, კულტურის სახლი, სამეცნიერო, სამუზეუმო შენობა აღუდგენია და აუგია ამ დიდ ქველმოქმედს და მოღვაწეს, ასობით ავადმყოფი სიკვდილისგან გადაურჩენია და სხვა ურიცხვი დაფარული სიკეთე, რომელიც მას უკეთებია! ბარაქალა მას ამ ქველობისთვის, ამ ქართველობისთვის და ამ კაცობისთვის, არ უნდა გვიხაროდეს და გვეამაყებოდეს ჩვენ ეს?! რამდენს ჰქონია სხვას ფული, რამდენი ყოფილა და არის მილიონერი, მაგრამ მსგავსი რამ არავის უკეთებია…
ბოლოს და ბოლოს XXI საუკუნის "სვეტიცხოველი აღუმართავს" სამების გენიალური ტაძრის სახით!!!
ამ კეთილი საქმეებისთვის მაინცდამაინც ხელი უნდა მოვჭრათ?!

***
ამას წინათ ერთი გაზეთი მომიტანეს შალიკო ნათელაშვილის ამაზრზენი წერილით (ეს გაზეთი შენახული მაქვს). იგი საშინელ შეურაცხყოფას აყენებს ჩვენს ბრწყინვალე არტისტებს გივი ბერიკაშვილს და კახი კავსაძეს, მათ ოლიგარქის და სახელმწიფო კანცელარიის კარზე მდგომ მათხოვრებს უწოდებს. ოლიგარქში, რა თქმა უნდა, ივანიშვილს გულისხმობს და მას დანაშაული ჰგონია ის, რომ მათ ეს გენიალური ქველმოქმედი (და, გნებავთ, კანცელარია და ხელისუფლება) რომ ეხმარება.

უდიდესი მადლობა (და პატივი) იმ ქველმოქმედს და სახელმწიფოს, ხელოვანთა შემწეობისა და ხელშეწყობისთვის. დიახ, შემოქმედი ქმნის და მას სახელმწიფომ, ეკლესიამ, ბიზნესმენმა უნდა მისცეს სახსარი და ჯილდო!

სამწუხაროდ, შალიკოებმა არ იციან, რომ ასე იყო შუმერებიდან მოყოლებული დღემდე: მენკაუსეს, პირველი პირამიდის ამშენებელს, ფიდიასს თუ მიქელანჯელოს სახელმწიფო (ეკლესია) უკვეთავდა და უხდიდა!

ბაბილონის ზიკურატის თუ სოლომონის ტაძრის აღდგენას ასირიელ ხუროთმოძღვრებს პირდაპირ მეფეები უკვეთავდნენ და აფინანსებდნენ…
ნაბუქოდონოსორმა ებრაელი სწავლულები მოახმობინა, რომ ქალდეური დამწერლობა აღედგინათ და დიდი სახსარი მისცა…
ახლა რა ეშველება ჩვენს ქვეყანას და ხალოვანებს, შალიკოსნაირი პრეზიდენტები რომ მოევლინონ?!. ანდა ბაქრაძის ტიპის "ცრუ მოღვაწენი", პარლამენტის (გერმანელების ნაგები) ბრწყინვალე შენობა რომ მოსპო და "გამოთხარა" შიგნიდან მაჩვივით?!
ეს "ანომალიები" და სააკაშვილის კლონები უშველიან ქართულ კულტურას და ქვეყანას?!

***
ძლიერი იყო ქართული სახელმწიფოო, ვამბობთ, ფარნავაზისა და თამარისა თუ აღმაშენებლის ეპოქებში!
იქნებოდა ძლიერი, თავად მწიგნობარნი იყვნენ ქართველთა ძველი მეფენი და მწიგნობართუხუცესნი ეჯდნენ მრჩევლად!

დავით აღმაშენებელი აკადემიებს და საგანგებო "ხანდაკებს" უშენებდა მწერლებს, ჩვენ კი ისტორიული სახლებიდან ვყრით და მიწისქვეშა გადასასვლელებში მივერეკებით მათ?!. ქართული მწერლობა და კულტურა ყვავების საკორტნად ვაქციეთ! გივი ბერიკაშვილი გულნატკენი წავიდა იმქვეყნად ნათელაშვილის ამ უტიფრობის გამო, ხოლო კახი კავსაძემ, ამ მართლა ვირტუოზულმა არტისტმა, ასევე გულდაწყვეტილმა მკითხა:
"თუ ძმა ხარ, სადაურია ეს კაცი, შეიძლება ასეთი არსება ბაზალეთში დაიბადოსო?!"
მართლაც, საიდან არიან ეს არსებანი, არავინ არ იცის _ ჩნდებიან და მრავლდებიან ამფიბიებივით, ქრებიან და ისევ ჩნდებიან… სამწუხაროდ…

***
ახლა კვლავ პირველსავე სიტყვას მივიდეთ და ვიკითხოთ:
რა ფსიქოლოგიური ვნების ფაზაში ვართ ჩვენ ახლა, ამ გარდატეხის ეტაპზე?
ვის "სწყევლიან პალატები თავისი ნაგები", ანუ დამარცხებული სატანის თავიდან ამოსული დემონები?

ვაფრთხილებდი და ვაფრთხილებ ხელისუფლებას, რომ დევის თავიდან გამოსული "კოაბიტირებული" ჭიები ურჩხულებად იქცნენ, ვისაც ადრე "ნულოვანი ტოლერანტობით" და ტერორით მუსრავდნენ, ახლა იდეოლოგიური შანტაჟით და შავი პიარით წამლავენ ქვეყანას, ტოტალურ ობსტრუქციას უწყობენ სახელმწიფოს, ყოველი იდეა და საერო საქმე "დაბლოკილია" მათ მიერ!.. მთავრობას, ხელისუფლებას ტელევიზიებით და არასამთავრობოებით ატერორებენ და აშანტაჟებენ! ასე სახელმწიფოს ვერ ავაშენებთ!

ვერანაირი ხელისუფლება, დავით აღმაშენებელიც რომ გააცოცხლო, ქვეყანას ვერ გადაარჩენს! თუ უბიდან გველებს არ მოიშორებ, რომლებიც მუდმივად გგესლავენ… თუ ამ ტიპის "მძინარებაში" და "კოაბიტირებულ" ნირვანაში დავრჩებით ხალხი და ხელისუფლება, ქვეყანას არაფერი ეშველება და მათ,
შესაძლოა, დაბრუნებაც კი მოახერხონ!..

თუ ჩვენი საზოგადოება ვერ გააცნობიერებს ამ ბედისწერულ ვითარებას და ფეხზე არ დადგება ამ "ეშმაკის თავების" დასათრგუნად, გადარჩენა არ გვიწერია! ეტყობა, მარტო ხელისუფლება ვერ დაძლევს შინაური და გარეგანი სატანური ძალების პრესინგს.

***

პარლამენტმა და ხელისუფლებამ უეჭველად უნდა მიიღოს გადაწყვეტილება, რომ "ნაციონალების" პარტია გამოცხადდეს კანონგარეშე, როგორც დამნაშავეთა ბანდა და ტერიტორიების გადამცემი სხვა ქვეყნისთვის, ახლა ნიანგის ცრემლებს რომ ღვრიან და თავისი დანაშაულის სხვისთვის გადაბრალებას ცდილობენ.

***

საზოგადოებას არწმუნებენ, რომ ნაცების (და მათი კლონების) დანაშაული არ არის დასჯადი დანაშაული, მაგრამ დანაშაული და დასჯადია ამ დანაშაულის მხილება?!
ეს არის ცინიზმი და მართლმსაჯულების აგონია, რომელიც ანგრევს საზოგადოების (ერის) ფსიქოლოგიას!

ვინ ჩაჭრის და გაარღვევს ტელევიზიების ალყას, რომელთაც მარყუჟში ჰყავს ქვეყანა. მაინცდამაინც ერდოღანია საჭირო ხელისუფლებაში, ან ტრამპი, რომ ამათი თავხედობა ალაგმოს, რომ სახელმწიფოს და ერის ტელევიზიებით ზომბირებას წინ აღუდგეს? სახელმწიფო და საზოგადოება დეზორიენტირებული და პარალიზებულია!

ვინ აღმართავს "უფლის ხელს" და ვინ გამოიყვანს ქვეყანას ამ ჩიხიდან, ვინ ჩაჭრის "ლაოკოონის გველების" ამ ქსელს თუ ხლართს?!

***
დააკვირდით რა ტიპის ფსიქოლოგია ყალიბდება _ ყოველგვარი უზნეობა, ნარკომანია, ჰომოსექსი, პედოფილია, სექტანტიზმი და გირჩომანია, გამოხატვის და ქცევის ცხოველური თავისუფლება კი არ ყოფილა ამორალური გადაცდომა და დანაშაული, არამედ მისი მხილება! ვინ აღუდგება ამ და სხვა მოვლენებს წინ, ვინ აღმართავს სამართლის და მორალის ხელს ერის და თაობის გადასარჩენად?!

შეძლებს ამას სუსტი (გაუბედავი), სხვისი თვალთვალის არეალში მომწყვდეული ხელისუფლება და ჯინსებამოხეული თაობა (?!), მგლის გამოგლეჯილი ცხვრებივით რომ დადიან! რა დონის ვულგარულიზაციაა, რა ტიპის მორალური კრიზისია, გამოვნების რა დევალვაცია და დეფიციტი!..
ჩემი თაობა მოვესწარით მოდის მრავალჯერ ცვლას: გრძელს, მოკლეს, განიერს, ვიწროს, ძალიან ვიწროს, მაგრამ ასეთი რამ არასოდეს ყოფილა!
დაგლეჯილ-გამოხვრეტილი სამოსელი უეჭველად ასეთივე ანომალიური ფსიქოლოგიიის ანაბეჭდია _ მიდრეკილება, ყველაფერი რომ უნდა უჩანდეთ?!.
თაობას აქვს დაშლილი (დაგლეჯილი) ფსიქოლოგია, ვინ გაამთელებს და აღადგენს მათ წონასწორობას! ეს ტელევიზიები და ავრობოთა მჩხავანა ყვავები (!), სრულიად რომ მოიცვეს ჩვენი ქალაქისა და ერის საარსებო მიწა და ჰაერი?!

სამწუხაროდ, ქართველი ძალი არ ეშველება თვითონ მას, თუ კვლავ არ მოიხმო ის აღტკინებული პატრიოტი მამაცი ქართველები, რომლებიც სააკაშვილის სატანური რეჟიმის განდევნაში ედან ცოტა დადის ქართულ ქუჩებში, გნენ გვერდით. ეს სიტუაცია და მალე ისიც აღარ ივლის!!!
ვინ აღმართავს "უფლის ხელს" ამ მოვლენების დასაძლევად?!

კაცი არა ჩანს, რო "თოფი გაისროლოს" და გაფანტოს ეს ჭილყვავთა გუნდები…

***
სხვანაირად ქვეყნას არ ეშველება, თუ ფსიქოლოგიური (ზნეობრივი) სივრცე არ გაჯანსაღდა!..
ვერანაირი ეკონომიკა, ვერანაირი პოლიტიკა ვერ იმუშავებს!

ვერ "მიხვდება" ჩვენი დიპლომატია, რომ მერკელს აეროპორტში ვინმე "ზანკალიანი" არ უნდა დახვდეს!
ვერ გაიგებ, რომ მერკელს დაკითხვას არ უნდა უწყობდე და ჭკუას არ ასწავლიდე, რუსეთისგან იყიდოს თუ სხვისგან, ენერგორესურსები!
ეს სირცხვილიც კი არ არის, ეს არის გაუგებარი იდიოტიზმი!_ ვიღაცის და რაღაცის კარნახით სრულიად უპიროვნო მოქმედება, სახელმწიფოს დაუცველობის გამოხატულებაა!

ვიღაცას მერკელისთვის ქუთაისის საავტომობილო ქარხნის აღდგენა რომ ეთხოვა, ალბათ, იზამდა ამას…
ჩვენ ჩავაცივდით, რომ სიტყვა "ოკუპაცია" ეთქვა (ეხმარა!)
თქვა _ იხმარა! და წავიდა. მერე რა? მეორე დღეს "ოკუპანტებმა" კიდევ რამდენიმე ქართველი გადაიტაცეს მავთულხლართებზე და ა. შ. ეს ჩვენი იდიოტური პოლიტიკის კულმინაცია და სავალალო შედეგია! ამათი, ანუ ნაცების მიერ ჩანერგილი, საკუთარ მიცვალებულთა გვამებზე ცეკვა რომ გვასწავლეს და სხვათა მკვდრების გლოვა!..

***
მაშ, რა ვქვნათ? გვიშველის ამდენი ნაფტალინიანი საპრეზიდენტო კანდიდატი, რომ გამოიჩეკა და დაბოდიალობენ პინგვინის ბღლარტებივით?
ნუთუ რუსთაველის ქვეყანაში ერთი გონიერი, ბრძენი ქართველი კაცი არ დაიძებნება, რომ ამ თანამდებობიდან მტერს და მოყვარეს ღირსეულად დალაპარაკებოდა?

არაფერი ეშველება ამ და სხვა საქმეებს, თუ ისევ ბიძინა ივანიშვილ მა არ შემოაბრუნა, "არ შემოულაწუნა" უფრო ძლიერად და გაბედულად (უშიშრად!).

არ ეშველება თვითონ მას, თუ ის აღტკინებული პატრიოტი მამაცი ქართველები, რომლებიც სააკაშვილის სატანური რეჟიმის განდევნაში ედგნენ გვერდით. ეს სიტუაცია და ვითარება, ხელისუფლება, პარლამენტი, უნდა გაცოცხლდეს “ძველით” _ ერთგული და ნაცადი “მეომრებით”.
ივანიშვილმა რადიკალურად უნდა შეცვალოს ვითარება და დაიწყოს სახელმწიფო რეფორმის და მშენებლობის მეორე ფაზა, ახალი ეტაპი. უნდა დაიწყოს ანსაკუთრებული მოქმედება ერის საკრალურ-ისტორიულ კუთხეთა სივრცეში!
როგორც დედამიწის "ოზონის გარსი", ისე სჭირდება ქვეყანას "პროვინციათა" დამცავი ზოლის (სარტყელის) გადარჩენა, რადგან ისტორიულად აქ გადარჩა ჩვენი გენი!…

პირდაპირ ვიტყვი, ჩვენ ვერ მოვახერხეთ ისტორიულ თემებში შეღწევა ვერც "ქართული ოცნების" მეოხებით.
ჩემდა სამწუხაროდ, ჩემს თვალწინ აიყარა და გაუდაბურდა რამდენიმე თემი. ერთი პროგრამა ვერ დავაფინანსეთ ვერც ერთი თემისთვის _ მთის ფონდი მიზანს აცდენილი აღმოჩნდა!

ვერც იქ მყოფს და ვერც იქ მობრუნების მსურველებს ვერ შევაშველეთ ხელი! ეს მართლაც სავალალო რეალობაა...


***
და დასასრულს რეზიუმეს სახით ვიტყვი:
"ქართული ოცნებიდან" ვიღაცამ გაიყვანა "ქართული ოცნება" და სხვა ხალხი მოიყვანა! _ ისინი არ დაიცავენ ივანიშვილს და კრიზისულ მომენტში გაწირავენ!.. ეს სკეპსისი მის გამოსვლაშიც იგრძნობოდა…
ეს საბედისწერო შეთქმულების ნაწილია და საზოგადოების მწვავე განცდას და სინანულს იწვევს.
ჯერჯერობით ამ განცდას ვერ ვცვლით…

ფოლკლორი გვასწავლის: "ნუ დაკარგავ ძველსა გზასა, ნურცა ძველსა მეგობარსა!.." _ ეს არის უცვლელი მარადიული სიბრძნე და უნდა გვახსოვდეს…
ასევე მითი გვეუბნება: თუ ადამიანმა ორჯერ გიღალატა, გახსოვდეს, რომ მესამედაც გიღალატებს და ნუღარ ენდობი. ადამიანის ზნე და თვისება არ იცვლება, ნუ გგონია, რომ სიკეთე კეთილად მოაქცევს მას, სიკეთის გამცემი და ასევე მიმღებიც, ზნემაღალი პიროვნება უნდა იყოს. სიკეთე უმადურთათვის არის ჯორისთვის მიცემული ბედი...



მეტის ნახვა
8-09-2018, 09:30


მაკარტიზმი _ ეს არის საზოგადოებრივი მოძრაობა, რომელიც აშშ-ში ჩამოყალიბდა გასული საუკუნის 40-იანი წლების ბოლოსა და 50-იანი წლების დასაწყისში და ამერიკის ისტორიის არც თუ სასახელო ეპოქად იქცა.

მეორე მსოფლიო ომის შემდეგ ამერიკა მოიცვა იმის შიშმა, რომ "კომუნიზმი" სსრ კავშირის სახით მსოფლიო ბატონობას მოიპოვებდა, რადგან ევროპის ნახევარი ისედაც სტალინის გავლენის ქვეშ იყო. ამასთან დაკავშირებით, 1947 წელს აშშ-ის 33-ე პრეზიდენტმა ჰარი თრუმენმა ბრძანება გამოსცა, შეემოწმებინათ ყველა სახელმწიფო მოხელე. ამ პერიოდში გამოჩნდა ბევრი მსურველი, ქვეყანა კომუნისტებისგან გაეწმინდათ, მაგრამ მათ შორის ყველაზე წარმატებული აღმოჩნდა სენატორი ვისკონსინის შტატიდან ჯოზეფ რაიმონდ მაკარტი. მან შეძლო დაერწმუნებინა ამერიკის საზოგადოება იმაში, რომ კომუნისტების ჯაშუშები ყველგან არიან და მხოლოდ ის (ჯოზეფ მაკარტი) არის მისი გადამრჩენელი.

1950 წლის 9 თებერვალს დასავლეთ ვირგინიის ქალაქ უილინგში გამოსვლისას მაკარტიმ განაცხადა, რომ აშშ-ის სახელმწიფო დეპარტამენტი კომუნისტების ბუდეა და დონ აჩესონის (ტრუმენის მმართველობის დროს სახელმწიფო მდივანი) უწყებაშიც კი მათმა რაოდენობამ 205-ს მიაღწია. სწორედ ეს მოვლენა ითვლება მაკარტისტული მოძრაობისა და მაკარტის აქტიური მოღვაწეობის დასაწყისად. ბევრი პოლიტიკოსი და რესპუბლიკელი სენატორი გაოგნებული და შოკირებული იყო მაკარტის მიერ მაღალი თანამდებობის პირების მისამართით გამოთქმული ბრალდებებით (დონ აჩესონის გარდა მაკარტიმ ეჭვქვეშ დააყენა ჯ. მარშალის პატიოსნება და ერთგულება, რომელიც აჩესონამდე სახელმწიფო მდივანი იყო). თუმცა ისეთი მოღვაწეები, როგორებიც ტობერტ ტაკეტი და რიჩარდ ნიქსონი იყვნენ, პირიქით, სენატორის ქმედებას ამართლებდნენ და მხარს უჭერდნენ მას. ასე დაიწყო დევნის დრო, რომელსაც ხალხში "კუდიანებზე ნადირობა" შეარქვეს.

მაკარტიზმი ამერიკული საზოგადოების ყველა სფეროში შეიჭრა. მაკარტისტების აზრით, ყველა პრობლემის სათავე კომუნისტები და კომუნიზმი იყო. თუმცა, უნდა აღინიშნოს, რომ მაკარტიზმი მხოლოდ საძულველი კომუნისტების წინააღმდეგ მიმართული მოძრაობა როდი იყო. ანტიკომუნისტურ განწყობას ამოფარებული მაკარტისტები ებრძოდნენ ლიბერალურ ინტელიგენციას, კულტურისა და მეცნიერების მოღვაწეებს, პროფკავშირების მოწინავეებს. დემოკრატ პრეზიდენტ ჰარი ტრუმენთან და მის ლიბერალურ გარემოცვასთან თანაარსებობა რესპუბლიკელი მაკარტისტებისთვის ადვილი სულაც არ იყო და ბევრი წინააღმდეგობა იჩენდა ხოლმე თავს. მაკარტისტები ბრალს სდებდნენ თრუმენს, რომ ის კომუნისტების მიმართ ძალიან შემწყნარებელი იყო და აშშ-ის მთელ სამხედრო სიმძლავრეს არ იყენებდა საბჭოთა კავშირის გავლენის გასანადგურებლად, ტრუმენი კი, თავის მხრივ, არ ამართლებდა მაკარტის ქმედებებს. თუმცა ამ აზრთა სხვადასხვაობას ხელი არ შეუშლია მაკარტისთვის, თავისი ხაზი "გაეტარებინა". 1950 წლის 23 სექტემბერს კორეის ომით გამოწვეული განწყობის კვალდაკვალ, მიიღეს მაკარენის კანონი "შიდა უსაფრთხოების შესახებ", რომელმაც პრეზიდენტის ვეტოც კი დაძლია. ამ კანონში ლაპარაკი იყო ახალი სამმართველოს შექმნის შესახებ, რომელსაც უნდა გაეკონტროლებინა ძირგამომთხრელი და ანტიამერიკული საქმიანობა და გამოეძიებინა და გამოევლინა კომუნისტური ორგანიზაციები მათთვის საკადრისის მიზღვის მიზნით. 1952 წლის ივნისში კი, მრავალრიცხოვანი პროტესტისა და თრუმენის ვეტოს მიუხედავად, მიიღეს მაკარენი-უოლტერის ბილი მიგრაციის შეზღუდვის შესახებ. როცა 1952 წლის საპრეზიდენტო არჩევნებში რესპუბლიკელებმა გაიმარჯვეს, მაკარტიზმის გავლენა უფრო გაძლიერდა და თითქმის სახელმწიფო კურსად იქცა. რესპუბლიკელების მხარდაჭერის მოპოვების მიზნით, ეიზენჰაუერი აქტიურად ურთიერთობდა მაკარტისთან და მაკარტისტებთან, მხარს უჭერდა მათ მოღვაწეობას. ხალხის მოლოდინი, რომ რესპუბლიკელი პრეზიდენტის მოსვლის შემდეგ "ნადირობა" შეწყდებოდა, არ გამართლდა და პირიქითაც კი მოხდა. ისეთი შთაბეჭდილება იქმნებოდა, რომ ეიზენჰაუერი მთლიანად მაკარტის გავლენის ქვეშ იმყოფებოდა. ამის ნათელი დადასტურებაა შემთხვევა, როცა სიტყვით გამოსვლისას ეიზენჰაუერმა არ წაიკითხა ის აბზაცი, მარშალის დამსახურებებს რომ ეძღვნებოდა, რადგან მაკარტი ასე არ მიიჩნევდა. 1953 წელს მაკარტიზმის "ოქროს წლად" იქცა, რადგან პრეზიდენტის მხრიდან არავითარი წინააღმდეგობა არ ყოფილა. გახდნენ რა მმართველი პარტიის ნაწილი, მაკარტისტები ცდილობდნენ, თავად ემართათ ქვეყანა, მაკარტი კი აშშ-ში თითქმის ყველაზე გავლენიან ადამიანად იქცა. ყოველივე ეს ქვეყნის სახელმწიფოებრივ-პოლიტიკურ და საკონსტიტუციო სისტემის კრიზისზე მიუთითებდა.

მაკარტისტები გამოძიებებს თავიანთ გამოძიებებს ახლა უკვე კონგრესის სხვადასხვა კომიტეტის საშუალებით აწარმოებდნენ. მაკარტი ხელმძღვანელობდა სენატის სამთავრობო ოპერაციების კომისიას და გამოძიების მუდმივ ქვეკომისიას. მისი მთავარი "თანამებრძოლები" ველდი და ჯენერი კი აკონტროლებდნენ სენატის შიდა უსაფრთხოებისა და წარმომადგენელთა პალატის ანტიამერიკული მოღვაწეობის საგამოძიებო კიმისიას.

მაკარტისტებმა გამოძიების ინსტიტუტი ყოველივე პროგრესულისა და დემოკრატიულის დევნის იარაღად აქციეს. გარდა ამისა, მათი მოღვაწეობა ქვეყნის აღმასრულებელ ხელისუფლებაშიც კი იჭრებოდა. განსაკუთრებით ნათლად ეს გამოვლინდა, როცა ერთ-ერთმა მაკარტისტმა ბრიკერმა სენატში შეიტანა შესწიორება საკონსტიტუციო ხელშეკრულებების დადების დროს პრეზიდენტის უფლებამისილების შეზღუდვის შესახებ.

მაკარტისტების მოღვაწეობამ უჩვეულო მასშტაბები და ფორმები შეიძინა. ისინი ბრალს სდებდნენ ანტიამერიკულობასა და ღალატში ყველას, ვინც მათი აზრით თუნდაც ამის მცირე საბაბს იძლეოდა, ხშირად უსაფუძვლოდაც კი. მაკარტისტები ანადგურებდნენ პროფკავშირებს, ათავისუფლებდნენ სამსახურებიდან სახელმწიფო მოხელეებს. სახელმწიფო აპარატი ძალიან მკაცრ `წმენდას~ განიცდიდა. პირველი თვეების განმავლობაში სამსახურებიდან გაათავისუფლეს 800 ადამიანი, 600 თავად წავიდა. სახელმწიფო მოხელეების გარდა, "წმენდაში" მოყვნენ ცნობილი პროგრესული მოღვაწეები, რომელთა მნიშვნელოვანი ნაწილი სამსახურებიდან გაათავისუფლეს, დააპატიმრეს ან "შავ სიაში" შეიტანეს. იმ წლებში საბრალდებო სკამზე აღმოჩნდა 140-მდე კომუნისტი, პროფკავშირის ათეულობით მოღვაწე, ბევრი მეცნიერი, რეჟისორები, მსახიობები და ჰოლივუდისა და ქვეყნის კულტურული ელიტის სხვა წარმომადგენლები – "ჰოლივუდის ათიანი", “რედ ცჰანნელს”.

მაკარტისტები უყურადღებოდ არ ტოვებდნენ არც უნივერსიტეტებს, ათავისუფლებდნენ პროფესორებს და წვავდნენ წიგნებს. მაკარტიზმი ანადგურებდა ყველაფერს: პროგრესს, უდანაშაულო ადამიანებს, ქვეყნის იმიჯს და მათ "ნაქებ" დემოკრატიას. ისინი ახდენდნენ შესწორებებისა და სასამართლო კონდეფციების ინტერპრეტირებას ისე, როგორც თვითონ აწყობდათ, რათა ყოველგვარი სირთულეებისა და შეფერხების გარეშე გამოეცხადებინათ პიროვნება ან ორგანიზაცია "საეჭვოდ" და "სახიფათოდ". მაკარტისტები აკონტროლებდნენ ყველა სასამართლოს, თვით უზენაეს სასამართლოსაც კი. მათ დაიქვემდებარეს იუსტიციის სამინისტრო და ყველაფერი, რაც შეიძლებოდა და… რაც არ შეიძლებოდა.

მაკარტისტების მოღვაწეობის ფინალურ აკორდად იქცა მორიგი კანონი, რომელიც 1954 წელს მიიღეს. ეს გახლდათ "1954 წლის კანონი კომუნისტებზე კონტროლის შესახებ". ამ აქტის შესაბამისად, მათ კომუნისტური პარტია კანონგარეშედ გამოაცხადეს და ჩამოართვეს ყველა უფლება და პრივილეგია, რითიც სხვა პარტიები სარგებლობდენ. გარდა ამისა, კანონი კომუნისტებს უკრძალავდა საზღვარგარეთის პასპორტის აღებას. ასევე შემოიღეს 14 ნიშანი, რომელთა მიხედვითაც დგინდებოდა კომუნიზმთან ადამიანის კუთვნილება. უნდა ითქვას, რომ ეს ნიშნები იმდენად გაურკვეველი იყო, რომ აშშ-ის ნებისმიერი მოქალაქე ხდებოდა ეჭვმიტანილი ერთ-ერთი ნიშნით მაინც.

მაკარტნის მოღვაწეობა ამერიკის არმიასაც შეეხო. რამდენიმე კვირის განმავლობაში გადაიცემოდა ტელესესიები, სადაც მაკარტი კითხავდა ამერიკის უმაღლეს სამხედრო პირებს, მათ შორის, ომის გმირებსაც. ამ გამოსვლებით მაკარტიმ ქვეყანას უჩვენა თავისი სრული უღირსობა. სამხედროებმა საპასუხოდ, მაკარტი დაადანაშაულეს ფაქტების გაყალბებაში და სპეციალური კომისიაც კი შეიქმნა, რომელიც მაკარტის მოღვაწეობის წინააღმდეგ წამოყენებულ ბრალდებებს იძიებდა. 1955 წელს მაკარტიმ შეიტანა ბოლო რეზოლუცია სენატში იმის შესახებ, რომ შეეცვალათ სოციალიზმის მიმდევარ ქვეყნებში წყობა. ამ რეზოლუციის წინააღმდეგ ხმა 77-მა სენატორმა მისცა.

მაკარტის საქმის მოსმენა დასრულდა, სენატი, პრეზიდენტი და ვიცე-პრეზიდენტი მას იგნორირებას უწევდნენ, თავად იგი კი შერცხვენილი დარჩა. მოვლენების ამგვარმა განვითარებამ ძლიერად იმოქმედა მაკარტიზე, მან ალკოჰოლის ჭარბი მოხმარება დაიწყო და 1957 წელს გარდაიცვალა.
მაკარტიზმი ყოველთვის დარჩება ამერიკული წარსულის სამარცხვინო ფურცლად.

ბელა გველესიანი






მეტის ნახვა
6-09-2018, 11:00


თეთრიწყაროს მუნიციპალიტეტში

ამიერკავკასიის ექიმთა ლიგის ინიციატივით, 8 სექტემბერს დილის 11 საათიდან საღამოს 6 საათამდე ქ. თეთრიწყაროს რეგიონული ჯანდაცვის ცენტრის შენობაში უფასო სამედიცინო აქცია გაიმართება.მოსახლეობას უფასო გამოკვლევებს ჩაუტარებენ შემდეგი პროფილის ექიმ-სპეციალისტები:
ალერგოლოგი, გასტროენტეროლოგი, გინეკოლოგი, ნევროლოგი, ანგიოლოგი, რადიოლოგი, ენდოკრინოლოგი. უფასოდ ჩატარდება აგრეთვე სპირომეტრია და ექოსკოპიური კვლევები.

მუნიციპალიტეტის მერიაში, ქართველოს პროფესიული კავშირების გაერთიანების ქალთა კომიტეტის და ააიპ "საზოგადოებრივი ჯანმრთელობისა და უსაფრთხო გარემოს უზრუნველყოფის ცენტრის" ორგანიზებით, საჯარო სექტორში დასაქმებულთათვის შრომითი უფლებების დაცვის შესახებ გაიმართა სემინარი, რომელსაც საქართველოს პროფესიული კავშირების თავმჯდომარის მოადგილეები ეთერ მათურელი და რაისა ლიპარტელიანი უძღვებოდნენ. სემინარი გაიმართა იმ პროექტის ფარგლებში, რომელსაც "ქალთა შრომითი უფლებები — ევროპული და საერთაშორისო სტანდარტები" ჰქვია. მას ფრიდრიხ ებერტის ფონდის მხარდაჭერით საქართველოს პროფესიული კავშირების გაერთიანების ქალთა კომიტეტი ახორციელებს.

გურჯაანის მუნიციპალიტეტში

წელს დაინერგა სახელმწიფო პროგრამა "ახალგაზრდა მეწარმე", რომლის ფარგლებშიც უამრავი პროექტი დაფინანსდა.
სოფელ ახაშნის მკვიდრი კახა მაისურაძე ამ პროექტის ერთ-ერთი ბენეფიციარია. მან სახელმწიფოს თანადაფინანსებით საკუთარ ეზოში მარნის მშენებლობა დაიწყო, რომელიც რთვლის გაჩაღებამდე დასრულდება და სადაც წელსვე დაიწურება ყურძენი. კახა მაისურაძე საკუთარ მარანში შვიდ ტონაზე მეტი ქვევრის ღვინის დაყენებას, ბოთლში ჩამოსხმას და ექსპორტზე გატანას გეგმავს.

სახელმწიფო პროექტებისა და გრანტების შესახებ დეტალური ინფორმაციისა და რეკომენდაციების მისაღებად ნებისმიერ მსურველს შეუძლია დაუკავშირდეს გურჯაანის მაჟორიტარი დეპუტატის, დავით სონღულაშვილის ბიუროს.

ქალაქ გურჯაანში, კოსტავას ქუჩის № 29,31,33-ში მდებარე საცხოვრებელი კორპუსების ეზოებში საკანალიზაციო სისტემის რეაბილიტაცია მიმდინარეობს.
ქალაქ გურჯაანში ფარნავაზის ქუჩის კორპუსების ეზოებში ასფალტი იგება. მალე სოფელ ნანიანის მოსახლე ობას წყალმომარაგება საგრძნობლად გაუუმჯობესდება. მუნიციპალიტეტის მერიამ მოსახლეობის მოთხოვნის საფუძველზე ახალი ჭაბურღილისა და წყალმომარაგების ქსელის მოწყობის სამუშაოებზე 20 აგვისტოს გამოაცხადა ტენდერი, რომლის შესყიდვის სავარაუდო ღირებულება 127 229 ლარია.

სოფელ ვეჯინში ახალი ჭაბურღილი და წყალმომარაგების ქსელი, ე.წ. ჰესის გზის თავში გაკეთდება და წყლით მომარაგდება სამი დიდი უბანი: ე.წ. ჰესის გზის, ე.წ. ქუვეითის და სტადიონის უბნები. ტენდერი 10 სექტემბერს დასრულდება, სამუშაოების შესყიდვის სავარაუდო ღირებულება 137 508 ლარს შეადგენს.

გურჯაანის ადმინისტრაციული შენობის რეაბილიტაცია დაიწყო. ნულოვან სართულზე, რომელიც ადაპტირებული იქნება შშმ პირთათვის, მოქალაქეთა მომსახუ-ების განყოფილება განთავსდება. მერიას განზრახული აქვს, შექმნას ერთიანი სივრცე მოქალაქეთა მომსახურების გასაუმჯობესებლად. გარდა ამისა, შენობის მეორე და მესამე სართულებზე დაიგება ლამინატი. სამუშაოებს ადგილობრივი ბიუჯეტი 77 ათასი ლარით აფინანსებს.


დედოფლისწყაროს მუნიციპალიტეტში

მუნიციპალიტეტს ეწვივნენ უკრაიინელი ინვესტორები, რომლებიც მერთან, ნიკოლოზ ჯანიაშვილთან შეხვედრისას დედოფლისწყაროს საინვესტიციო გარემოთი და პოტენციალით დაინტერესდნენ. ამის შესახებ მათ დეტალური ინ- ფორმაცია პირადად ნიკოლოზ ჯანიაშვილისგან მიიღეს.
უკრაინელ ინვესტორებს მუნიციპალიტეტის ტერიტორიაზე 100 ჰექტარი ზეთისხილის პლანტაცია აქვთ გაშენებული. სამომავლოდ ისინი ბიზნესის გაფართოებას და ინვესტიციების გაზრდას გეგმავენ. მუნიციპალიტეტის მერი უკრაინელ ბიზნესმენებს შეჰპირდა მხარდაჭერას და აღნიშნა, რომ
მიესალმება ინვესტორთა საქმია- ნობას დედოფლისწყაროში, რაც მუნიციპალიტეტის ეკონომიკურ წინსვლასა და ახალი სამუშაო ადგილების შექმნას შეუწყობს ხელს. შეხვედრის დასასრულს უკრაინული დელეგაციის წარმომადგენლებმა ნიკოლოზ ჯანიაშვილთან დედოფლისწყაროს მუნიციპალიტეტში არსებულ ეკონომიკურ მდგომარეობასა და მისი გაუმჯობესების მიზნით დაგეგმილი ღონისძიებების შესახებ ინტერვიუ ჩაწერეს.

ნიკოლოზ ჯანიაშვილმა არბოშიკის ადმინისტრაციულ ერთეულში გზის სამშენებლო სამუშაოები დაათვალიერა. სოფლის ცენტრიდან სასაფლაოებისკენ მიმავალ შიდა გზაზე იგება ასფალტის საფარი და წესრიგდება სანიაღვრე სისტემა.

ლაგოდეხის მუნიციპალიტეტში

მუნიციპალიტეტის მერი ჯონდო მდივნიშვილი სოფელ პატარაგორის მოსახლეობას შეხვდა. პირველი ქუჩის მცხოვრებნი გაზიფიცირებისა და გარე განათების პრობლემებზე საუბრობენ. გარე განათების მოწყობა მუნიციპალიტეტის ბიუჯეტში 2018 წელსაა გათვალისწინებული. ამ ეტაპზე მიმდინარეობს საპროექტო სამუშაოები. მეორე ქუჩის მოსახლეობას წლების განმავლობაში აწუხებს უგზოობისა და გაზიფიცირების პრობლემა, აგრეთვე გარე განათების მოუწესრიგებლობა. მუნიციპალიტეტის მერია უახლოეს მომავალში გაითვალისწინებს გზის საფარის რეაბილიტაციის საკითხს. გარე განთების პრობლემა კი მეორე ქუჩაზე მყისიერად მოგვარდა. გაზიფიცირების სამუშაოები როგორც პატარაგორში, ისე მუნიციპალიტეტის სხვა სოფლებში: გელათში, განათლებაში, ზემო და ქვემო მსხალგორსა და ბაისუბანში უახლოეს მომავალში დაიწყება.

მუნიციპალიტეტის მერი ადგილობრივი ხელისუფლების წარმომადგენლებთან ერთად სოფ. განჯალის მცხოვრებლებს შეხვდა, მუნიციპალიტეტში მიმდინარე პროექტებზე ინფორმაცია მიაწოდა და მათი საჭიროებები მოისმინა.

სიღნაღის მუნიციპალიტეტში

სოფელ ბოდბისხევში ე.წ. „ბაზრის უბნის“ საავტომობილო გზის რეაბილიტაცია დასრულდა. სამუშაოები სიღნაღის მუნიციპალიტეტის მერმა გიორგი გოგილაშვილმა და მერის პირველმა მოადგილემ მადონა ბატიაშვილმა დაათვალიერეს. რეაბილიტაციის ფარგლებში 315 მეტრზე ორფენიანი ასფალტბეტონის საფარი დაიგო. პროექტი, რომლის ღირებულებაც 126 980 ლარია, სიღნაღის ადგილობრივი ბიუჯეტიდან და რეგიონში განსახორციელებელი პრო- ექტების ფონდიდან დაფინანსდა.

ჩოხატაურის მუნიციპალიტეტში

სოფლებს ჩხაკაურასა და ზოტს გურიის რეგიონისა და მუნიციპალიტეტის ხელმძღვანელი პირები სტუმრობდნენ. რწმუნებულ-გუბერნატორ ზურაბ ნასარაიასა და ადგილობრივებს შორის დიალოგისას საუბარი შეეხო როგორც მიმდინარე, ისე სამომავლო ინფრასტრუქტურულ პროექტებს, ხე-ტყით სარგებლობის პრობლე- მებსა და მაღალმთიან სოფლებში სამედიცინო ამბულატორიების შექმნის აუცილებლობას. გუბერნატორმა სოფელ ზოტში საბავშვო ბაღი დაათვალიერა და სააღმზრდელო წლისთვის მზადების პროცესს გაეცნო.

"ფაბრიკის დასახლებაში" დასრულდა საერთო საცხოვრებელი შენობის გადახურვა. სამუშაოები დაათვალიერეს მუნიციპალიტეტის მერმა ირაკლი კუჭავამ, მერის პირველმა მოადგილემ თამაზ ჯინჭარაძემ და ინსპექტირების ჯგუფის წევრებმა.

მუნიციპალიტეტში აზიური ფაროსანას საწინააღმდეგო წამლობა გრძელდება. ამჯერად ფაროსანასთან ბრძოლის საკოორდინაციო შტაბის წევრები, სურსათის ეროვნული სააგენტოს სპეციალისტები, მხარისა და მუნიციპალიტეტის ხელმძღვანელებთან ერთად, წამლობას ცივი შესხურებით სოფელ სამებაში ატარებენ, სადაც, ისე როგორც სხვა სოფლებში, მწერის მოსაზიდი ფერომონები, ე.წ. „მოიზიდე და გაანადგურე“ სადგურებია დამონტაჟებული.

3 სექტემბერს, საღამოს 8 საათიდან, მუნიციპალიტეტის ყველა სოფელში, ერთდროულად 62 ერთეული სპეციალური სატრა სპორტო საშუალება მუშაობდა.

დუშეთის მუნიციპალიტეტში

დუშეთის მუნიციპალიტეტის მერიის ხელშეწყობით საქართველოს გაერთიანებული წყალმომარაგების დუშეთის სერვისცენტრი ახორციელებს ინფრასტრუქტურულ პროექტს, რომელიც ქ. დუშეთში, მილახვრიანთ დასახლებაში წყალმომარაგების ქსელის სრულ რეაბილიტაციას ითვალისწინებს. ამორტიზებული და ძველი მილები იცვლება ახალი გაყვანილობით, ასევე იგეგმება ინდივიდუალური გამრიცხველიანება. სამუშაოების დასრულების შემდეგ მოსახლეობა სასმელ წყალს 24-საათიან რეჟიმში მიიღებს.

სოფელი დიხჩო დუშეთის მუნიციპალიტეტის იმ სოფლებს მიეკუთვნება, სადაც არასოდეს ჰქონიათ ელექტროენერგია და სამანქანო გზა. დუშეთის მუნიციპალიტეტის მერიის ინიციატივით, საქართველოს მთავრობასა და კერძო სექტორებთან კოორდინებული თანამშრომლობის შედეგად, სოფელ დიხჩოში დასრულდა ელექტროენერგიის გაყვანა. ამჟამად ექვსი ადგილობრივი მცხოვრები უკვე რეგისტრირებულია აბონენტად. დაიდგა აგრეთვე მაგთიკომის საკომუნიკაციო ანძა. აქაური მოსახლეობა იმედით შეჰყურებს პრემიერ-მინისტრ მამუკა ბახტაძის ინიციატივას, რომელიც ფშავ-ხევსურეთისა და გუდამაყრის ხეობის ინტერნეტიზაციას, მაღალმთიან სოფლებში პარამედიკოსების პროგრამის ამუშავებას და 100-ზე მეტი უშუქო სოფლის ელექტრიფიკაციას ითვალისწინებს.

ზუგდიდის მუნიციპალიტეტში

ზუგდიდის მუნიციპალიტეტის მერიის სოციალურ პროგრამებზე აგვისტოს თვეში 61 715 ლარი დაიხარჯა. სოციალური მომსახურებით 1255-მა ბენეფიციარმა ისარგებლა.
მუნიციპალიტეტში მიმდინარე აზიური ფაროსანას საწინააღმდეგო შეწამლვითი სამუშაოები. შესაბამისი სამსახურების წარმომადგენლები, მუნიციპალიტეტის ადმინისტრაციულ ერთეულებში ამონტაჟებენ ფერომონებს, რომლებითაც მავნებელს იზიდავენ.  მონიტორნიგის შედეგებზე დაყრდნობით დაიწყება შეწამვლითი სამუშაოები.

მუნიციპალიტეტის მერის მოგილე მაიზერ ნანავა, მერიის სოციალური და ჯანდაცვის სამსახურის წარმომადგენლებთან ერთად, დაესწრო ასოციაცია "ნერგების" პროექტ "ჩემი სივრცის“ პრეზენტაციას, რომლის თანადამფინანსებული მერიაა.

მუნიციპალიტეტის მერიამ ტენდერები გამოაცხადა საავტომობილო გზების რეაბილიტაციაზე. კერძოდ: ნარაზენი-შამადელას ადმინის- ტრაციული ერთეულების დამაკავშირებელი საავტომობილო გზის მონაკვეთის სარეაბილიტაციო სა მუშაოების შესყიდვის სავარაუდო ღირებულება 400 000 ლარია.
ნარაზენის ადმინისტრაციულ ერთეულში ნარაზენის გზიდან საბეჭვაიოს საავტომობილო გზის სარეაბილიტაციო სამუშაოების შესყიდვაზე, რომლის სავარაუდო ღირებულება 200 000 ლარია.

გრიგოლიშის ადმინისტრაციულ ერთეულში საავტომობილო გზის სარეაბილიტაციო სამუშაოების (გრიგოლიშის ცენტრიდან ზუგდიდი ყულიშკარის საავტო- მობილო გზამდე მე-2 ეტაპი) შეს- ყიდვაზე. სავარაუდო ღირებულება 400 000 ლარია. ოდიშის ადმინისტრაციულ ერთეულში ცენტრიდან № 1 სასაფლაომდე საავტომობილო გზის სარეაბილიტაციო  სამუშაოების შესყიდვაზე, რომლის სავარაუდო ღირებულება 300 000 ლარია.

ქ. ფოთის მუნიციპალიტეტის მერიაში

ნაბადის უბანში გარე განასარემონტო სამუშაოებს ბის ქალაქ ფოთის მუნიციპალიტეტის სერვისების ცენტრი ახორციელებს. მუნიციპალიტეტის ხუთ სკოლამ დელ დაწესებულებაში გაზიფიცირებისა და გათბობის სისტემის სამონტაჟო სამუშაოები დასრულდა. ფოთის მერმა გოჩა კურდღელიამ, მოადგილეებმა მამუკა პაპასკირმა და გიორგი ფარეშიშვილმა, მერიის ადმინის- ტრაციული და შესყიდვების სამსახურის უფროსმა ინგა მასხულიამ და მაჟორიტარის ბიუროს ხელმძღვანელმა მარინე ზარანდიამ შესრულებული სამუშაოები დაათვალიერეს.

ქალაქ ფოთის №1, №6, №10, №13 და №16 სკოლამდელ სააღმზრდელო დაწესებულებაში გაზიფიცირებისა და გათბობის სისტემის მონტაჟისთვის ბიუჯეტიდან 181 111 ლარი გამოიყო. პროექტი ფოთის მაჟორიტარი დეპუტატის, ირაკლი ხახუბიას ინიციატივითა და მხარდაჭერით განხორციელდა. ამ ეტაპზე მიმდინარეობს მოსამზადებელი სამუშაოები დარჩენილი სკოლამდელი აღზრდის დაწესებულებების გაზიფიცირებისთვის.

მარტვილის მუნიციპალიტეტში

ვედიდკარის ადმინისტრაციულ ერთეულში საცხოვრებელი ფართის არმქონე პირთათვის განკუთვნილი შენობის სარეაბილიტაციო სამუშაოების მეორე ეტაპი მიმდინარეობს. პროექტის ღირებულება 56 829 ლარს შეადგენს. რეაბილიტაციის პირველი ეტაპი შარშან დასრულდა და მისმა ღირებულებამ 35 962 ლარი შეადგინა. სამუშაოებს ადგილობრივი მუნიციპალიტეტი აფინანსებს. არსებული შენობა საცხოვრებელ სახლად გადაკეთდება და მასში საცხოვრებელი ფართის არმქონე რვა ოჯახი დაიდებს ბინას. მიმდინარე სამუშაოები მარტვილის მუნიციპალიტეტის მერის პირველმა მოადგილემ დავით სურმავამ დაათვალიერა.

სენაკის მუნიციპალიტეტში

მუნიციპალიტეტში მიმდინარეობს აზიური ფაროსანას საწინააღმდეგო შეწამვლითი სამუშაოები. შესაბამისი სამსახურების წარმომადგენლები ქალაქის ტერიტორიაზე და ყველა ადმინისტრაციულ ერთეულში ამონტაჟებენ ფერომონებს მავნებლის მოსაზიდად.

პარალელურად, მუნიციპალიტეტის მერის პირველი მოადგილე გრიგოლ ბაღათურია, სურსათის ეროვნული სააგენტოს რისკებზე რეაგირების დეპარტამენტის უფროსის მოადგილე, აზიური ფაროსანას შტაბის ერთ-ერთი ხელმძღვანელი ლევან თოლორდავა, მერიის შესაბამისი სამსახურის წარმომადგენლებთან ერთად, მუნიციპალიტეტის ადმინისტრაციული ერთეულებში იმყოფებოდნენ და ადგილობრივ მოსახლეობასთან მართავდნენ შეხვედრებს წამლობის სამომავლო გეგმების შესახებ. აღსანიშნავია, რომ ფერომონების განთავსებამ კარგი შედეგები მოიტანა, თხილისა და სიმინდის მოსავალი ფაქტობრივად გადარჩენილია.
ამ ეტაპზე ბრძოლა საკარმიდამო ნაკვეთების გადასარჩენად მიმდინარეობს.

ჩხოროწყუს მუნიციპალიტეტში

კირცხის №1 საჯარო სკოლის სრული რეაბილიტაცია დაიწყო. მუნიციპალიტეტის მერმა დათო გოგუამ, მერის პირველ მოადგილე გოჩა ჩიქოვანთან და საკრებულოს თავმჯდომარე ბესიკ ესებუასთან ერთად, სკოლაში მიმდინარე სარეაბილიტაციო სამუშაოები დაათვალიერა. სკოლის სრული რეაბილიტაცია აგვისტოს თვეში დაიწყო და 2019 წლის მარტში დასრულდება. პროექტს ათასწლეულის გამოწვევის კორპორაციის დაფინანსებით საქართველოს განათლებისა და მეცნიერების სამინისტრო და სსიპ "საგანმანათლებლო და სამეცნიერო ინფრასტრუქტურის განვითარების სააგენტო" ახორციელებენ. ამჟამად დასაქმებულია ოცი ადგილობრივი მცხოვრები, უახლოეს პერიოდში მათი რაოდენობა ორმოცდაათამდე გაიზრდება.

ბოლნისის მუნიციპალიტეტში

სოფელ რაჭისუბნის შიდა გზების კეთილმოწყობის სამშენებლო სამუშაოები დაიწყო. ტენდერში გამარჯვებული კომპანია რამდენიმე ქუჩაზე, სადაც ამ დრომდე არ ყოფილა კეთილმოწყობილი გზა, ასფალტის საფარს დააგებს. შესასრულებელი სამუშაოების საერთო მოცულობა 1600 გრძივი მეტრია. სოფლისთვის ერთ-ერთი უმნიშვნელოვანესი პროექტი ნოემბრის დასაწყისში დასრულდება. გზის მშენებლობის პროცესში ადგილობრივი კადრები დასაქმდებიან.

მარნეულის მუნიციპალიტეტში

ქვემო ქართლში ახლად დანიშნული სახელმწიფო რწმუნებული-გუბერნატორი შოთა რეხვიაშვილი 3 სექტემბერს მარნეულის მუნიციპალიტეტს ესტუმრა.
მხარის გუბერნატორი მოადგილესთან ზაურ დარგალთან, მარნეულის მუნიციპალიტეტის მერის მოვალეობის შემსრულებელ ზაურ ტაბატაძესთან, საკრებულოს თავმჯდომარე ამირან გიორგაძესთან, მერის მოადგილე ლაშა ლობჯანიძესთან და თვითმმართველობის სხვა ხელმძღვანელ პირებთან ერთად, მარნეულის სხვადასხვა ადმინისტრაციული ერთეულის სოფლების — სადახლოს, დამიაგეურარხის, ქვემო სარალის, ზემო სარალის, კაჩაგანისა და კასუმლოს მოსახლეობას შეხვდა. რწმუნებულ-გუბერნატორმა დასრულებული საგზაო ინფრასტრუქტურული პროექტები დაათვალიერა სოფელ კაჩაგანსა და სოფელ ხანჯიგაზლოში.



მეტის ნახვა
5-09-2018, 13:30


სკოლებს ახალი სახელმძღვანელოები დაურიგდათ. I-VI კლასების განახლებული სახელმძღვანელოების გადაცემის პროცესს საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი, მოსწავლეებთან ერთად, თბილისის 61-ე სკოლაში დაესწრო.
2018-2019 სასწავლო წლიდან საქართველოს სკოლებში ახალი ეროვნული სასწავლო გეგმა და I-VI კლასების ახალი პროგრამები ამოქმედდება.
მინისტრის თქმით, ახალი სასწავლო წლიდან დაინერგა შინაარსობრივად, ვიზუალურად და ტექნიკურად განახლებული სახელმძღვანელოები.
მისივე განცხადებით, ახალი სახელმძღვანელოები ევროპული სტანდარტებით დაიბეჭდა და მათი წონა ფაქტობრივად განახევრებულია, რაც ბავშვების ჯანმრთელობისთვის მნიშვნელოვანია.

„გასულ წლებთან შედარებით, გაუმჯობესებულია ქაღალდისა და საღებავის უვნებლობის ხარისხი, საბეჭდი ქაღალდი გამოირჩევა სიმსუბუქითა და გამძლეობით. ახალი წიგნები გამოირჩევა აქტივობების მრავალფეროვნებით, შედგენილია თანამედროვე სალიტერატურო ენის ნორმების დაცვით, შეესატყვისება მოსწავლეთა ასაკს და ითვალისწინებს მოსწავლეთა უნარების განვითარებას თანამედროვე საინფორმაციო ტექნოლოგიური მიღწევების გამოყენებით. რაც შეეხება სხვა საფეხურებს, საბაზო საფეხურის ახალ პროგრამებზე მუშაობა დასრულებულია და მომავალი წლიდან VII-IX კლასებშიც ახალი სახელმძღვანელოები გვექნება. ამ ეტაპზე აქტიური მუშაობა მიმდინარეობს საშუალო საფეხურის პროგრამებზე”, – განაცხადა განათლების მინისტრმა.

1tv.ge

მეტის ნახვა
5-09-2018, 08:00


ირანში, ფერეიდუნ შაჰრის რაიონში ყველაზე კომპაქტურად ცხოვრობენ საქართველოდან 4 საუკუნის წინათ იძულებით გადასახლებული ქართველები და მათი მთავარი ოცნება, გადაუჭარბებლად ვიტყვი, საქართველოს უკავშირდება.

მე არაერთხელ დავრწმუნდი ამაში.

ისინი საქართველოს ინახავენ ფერეიდანში, რომელსაც ჩვენ სამწუხაროდ, აქ, საქართველოში, ისე უდარდელად ვკარგავთ, როგორც ერთ მუჭა წყალს და არც კი ვფიქრობთ იმაზე, რომ დადგება დრო, როცა ეს უდარდელობა სანანებელი გაგვიხდება…

გასულ კვირას ჩემი ფერეიდნელი მეგობრები შემეხმიანენ და იქაური ქართული ხალხური სიმღერის ბავშვთა ანსამბლის ვიდეოჩანაწერი გამომიგზავნეს.
უტკბილესად მღერიან და ისეთ ქართულს ლაპარაკობენ, საქართველოში, ბარე ორს არ ეცოდინება ისეთი თავანკარა და ტკბილი ქართული ლაპარაკი.
დღეს საქართველოში ინგლისურია მოდაში და ქართულ ენას და ტრადიციებს დრომოჭმულად მიიჩნევენ. სამაგიეროდ, ირანში საქართველოს ის 50 000 ქართველი სათუთად ინახავს და გადაუჭარბებლად ვიტყვი, ცივ ნიავსაც არ აკარებს დედაენას.

ისინი საქართველოს მეორე დედას ეძახიან და აქ ჩამოსვლა მათთვის სამოთხეში მოხვედრის ტოლფასი ბედნიერებაა.
მუჰამედ მოლიანი (მოლაშვილი), მისი ძმა ბაჰრამ მოლიანი და რძალი აზამ ასფანანი (ასპანაშვილი) საქართველოს ნამდვილი დესპანები არიან ირანში. ისინი იქ ინახავენ თავიანთ წილ სამშობლოს…

აზამ ასპანაშვილი ქართული ეროვნული ტანისამოსის დიზაინერია და ულამაზეს ქართულ სამოსს ქმნის.
მათი შვილები ქართულად ლაპარაკობენ, ქართულად მღერიან და ცეკვავენ ქართულ ცეკვებს.
მათ კონცერტებს ირანში უამრავი მაყურებელი ჰყავს, ხოლო აზამ ასპანაშვილის დიზაინით შექმნილი ქართული ორნამენტებით გაწყობილი სამოსი პირდაპირ „ბრენდად“ ითვლება.

ისინი ამაყობენ, რომ ქართველები არიან და ირანშიც დიდი პატივისცემით სარგებლობენ.

მუჰამედ მოლიანი (მოლაშვილი):
– ახლა აქ ვცხოვრობთ: მოლიანი, გუგუნანი, იოსელიანი, ასფანანი, დათუაშვილი, ასლანაშვილი, ლაჩინანი, ყურჩიანი, დარჩიანი, 19 გვარი არის სულ. იმ დროიდან 19 ნაწილად იყო გაყოფილი მიწა-წყალი შაჰისგან და ჯერჯერობითაც ხელი ვერ უხდენია ვერავის.
იქა არავინ არ ცხორებულა, ოხრად იყო იქაობა. მიწა გაჩუჩუნებულა (მიწისძვრა ყოფილა – ი.კ.) და ყველაფერი მომსპარა. თუ არა, იქა დიდი სოფელი ყოფილა, მხოლოდ გაფუჭებულა.

ჩონ წინაპრებსა იმდენი უბედურება გადოუტანია, მაგრამ თავის ფეხზე თვითონ დამდგარა, იმდენი უმუშავნია. მოუყვანია ჩონ თავი აქამდენა.
ახლა ჩვენ მუსულმანურ წესზე მივდივართ. შიიტი ვართ, მარა ახლა არ მამწონს, არ მამწონს ეს ამბავი.

– მაგალითად, დაქორწინება როგორ ხდება თქვენთან?

– წინათა დედ-მამამ აირჩიეს და შეაერთეს, ახლა და ახლა მივა-წავა, ნახავს და.

– თქვენ როგორ დაქორწინდით?

– მიველ, ვნახე, ბიძას ბიჭმა წამიყვანა იქა, მაჩვენა და წაველი. მოველაპარაკე და დოუბარე-ყე, ეს უნდა ვითხოვო და მერე თქეს, დრო მამეცითო, გაგსინჯოთ-ყეო, დაგაფასოთ რა ფასი გაქო. ერთი წლის უკან მოგიკითხოთო.

– გასინჯვა რას ჰქვია, როგორ ხდება ეს გასინჯვა?

– გასინჯვა როგორაა და რამდენ ოჯახსა, რამდენ ხალხსა გამაჰკითხვენ – ეს მოლიანი რა კაციაო, რა საქმეზეა, რა ფიქრი აქ, ნამუსს შაინახავს-არ შაინახავს, მიხედენ ჩემ დედასა, ჩემ დასა, მიხედენ შორიდან ჩემ ოჯახსა, გასინჯვენ, შავიდეს ეს გოგო თუ არ შავიდეს.

– თქვენი რჩეული რითი მოგეწონათ, როგორი იყო?

– ლამაზ იყო, (ეცინება – ი.კ.) ლამაზ.

– რა გვარის ქალია?

– ყაფლანაშვილი.

– ქართული იცის?

– თეირანში იყო გაზრდილი 20 წელიწადი. ძმასთან და დასთან ოჯახში სპარსულად ლაპარაკობდა, რომ შემოვიდა ჩვენთან, ოჯახში, ვუთხარ: მე სპარსული არ ვიცი, ქართულად დამელაპარაკე. სპარსული ვიცოდი, მარა ისე ვუთხარ, მოვატყუე (იცინის). 
ჩვენთან დედა ასწავლის ქალსა გაკეთებას, დალაგებას, კერვას, რომ უნდა გათხოვდეს ქალი, იმან ოჯახის ყველაფერი იცის. ქალმა უნდა იცოდეს საჭმელი გააკეთოს, ბავშვს მოუაროს, დაკეროს.

– მუჰამედ, თქვენ ქართული ვინ გასწავლათ?

– დედამ მასწავლა ლაპარაკი. წერა-კითხვა არ მასწავლა. ჩემ დედამ წერა-კითხვა არ იცოდა. სკოლა არ იყო მაშინ ჩვენთან, მაგრამ გოგოებს ისედაც არ უშვებდნენ, რო წავიდეს სკოლაში. მე რო დავიბადე, სიღარიბე იყო, სინათლე არ იყო სოფელში. მუშია ჩირაღით (ნავთის ლამპა – ი.კ.) ვანათებდით სახლსა. ისეთი ამბავები იყო, ისეთი რომა?! ახლა ტელევიზორი, ინტერნეტი, ისა, ისა, რა მახდენ, ხედავ? რა მახდეეენ? (რა მოხდა – ი.კ.) რას მოვესწარ, მაშინ რაის სწავლა და რაი იყო, რას ამბობ, მარა ვისწავლეთ მაინც.

დედა მეტყოდა:
– მუჰამად, ადესა, წყალი მოიტა, ადესა, პური მოიტა, ქართულ სიტყოს მეტყოდა. 15 წლისა ვიყავი, სპარსული კარგად არ ვიცოდი. ჩემ დედამ სპარსული არ იცოდა. ჩემ მამიდამ სპარსული ვერ დაისწავლა. ყველა ქართულს ლაპარაკობდა. სპარსული არ იცოდა სახლჩი არავინ. 
ისე ძალი ჰქონდა, რო სიტყვა გაიტანა ტვინჩი, ენაზედ, ჩამიდუა ტვინჩი, მე ცოცხალ კაცი გავხდი და შენთან ახლა ჩემ დურად ვცხოვრობ (დასავით ვარ – ი.კ.). მადლობას უბნობ-ყე, და იმ დედასა და დედის ენასა პატივცემა უნდა. იმიტომ ჩავატარეთ ესა, იმ უბედურობაჩი, იმ შიმშილჩი, იმ სიცოცხლობაჩი, ესეთი საქმე ქნა და მე ცოცხალ გამატარა. დედასა ფიქრი ჰქონდა, რომ მე ცოცხალ გავხდე და ქართული გავხდე (ჯანმრთელი ვიყო და ქართველად დავრჩე – ი.კ.) და ვილაპარაკო და იმიტომ პატივსა ვცემ დედის ენასა.
ზოგიერთმა ქართული არ იციან და იმათი ოჯახი გაფუჭებულია, ზოგ ოჯახი ივიწყებს ქართულს, სპარსულს მისდევს, ვლანძღავ-ყე იმასა, შევაჩვენებ-ყე.

– წერა-კითხვა არ იცი ხომ ქართულად, მუჰამედ?

– ვიცი, ისე ვიცი, პირველი კელას (კლასელი – ი.კ.) ბავშვი რომ წაიკითხავს. ახლაც ისე მწყურია ვიცოდე ქართული კარგად, როგორც მწყურვალეს წყალი. ჩემ შვილებმა, დიახ, კარგად იციან. გოგო მყვანს, იმხელა წერა-კითხვა იცის?! ოოო, დიახ.

– გათხოვილი არიან, ხომ თქვენი გოგონები?

– ერთი, მარიამი მყავს გასათხოვარი. საქართველოჩი უნდა გამოუშვა, აქ ისწავლოს, აქ მინდა დაოჯახდეს.

– მუჰამედ, საქართველოში გადმოსახლება არ გინდა?

– კი, მინდა. ფული უნდა მოვაგროვო, რომ სახლი ვიყიდო. მაგრამ ჯერჯერობით ირანჩი ვარ. იქა კარგი სიცოცხლობა არის, აქა ძნელია ჩემი სიცოცხლობა. აქ ცოტა ხელფასია. იქ მაძლევენ 800 დოლარს პენსიას. ოჯახი, ბავშვი, შვილი, ხო უნდა სამუშაო. ხალხი აქ მშიერი ადგები, დაწვები, ასე არ შეიძლება. 
ახლა აფხაზეთი და ცხინვალი რო დავკარგეთ, არ მოსწონს ხალხსა. ომი რო ჩატარდა, ძაან წუხდებოდა და ძაან არ უყორდა ხალხსა. საქართველო ამერიკას და რუსეთს შემეევლა (შეეწირა – ი.კ.).

არ უნდა გააკეთოს, თავის თავს უნდა მიხედოს საქართველომ.

– ძალიან დაგქანცეთ, დაგემშვიდობებით დროებით და გაგაცილებთ ქუჩამდე, ვწუხვარ, უცხო ხართ და გზა რომ ვერ გაიგნოთ?

– მადლობთ. არ შეწუხდე. თვითონ წავალ – საქართველოში რა დამკარგავს, ბავშვი დედის კალთაჩი დაიკარგება?

ირანდა კალანდაძე

მეტის ნახვა
4-09-2018, 14:00


2018 წლის 29 იანვარს მასმედია იუწყებოდა, რომ ესპანეთის პროვინცია ანდალუზიაში პარლამენტის სოციალისტურმა უმრავლესობამ მიიღო კანონი იმის შესახებ, რომ ამიერიდან ლგბტ-იდეოლგია სავალდებულო ხდება სკოლებისთვის, მასობივი საინფორმაციო საშუალებებისთვის და ექიმებისთვის. ხოლო ყველასთვის ცნობილი ორი ბიოლოგიური სქესის არსებობა "ბავშვებისთვის აკრძალულ ინფორმაციად" ცხადდება, რომელთა გამავრცელებლებს ეკისრებათ ასტრონომიული ჯარიმები.

ახალი კანონმდებლობის მიხედვით სკოლებს (მათ შორის ყველა კათოლიკური დაწესებულება, რომლებიც ესპანეთში უხვადაა) ევალება მოსწავლეებს ასწავლონ ჰომოსექსუალიზმის იდეოლოგია, ანუ ფაქტიურად გასწიონ მისი პროპაგანდა. მასობრივ საინფორმაციო საშუალებებში, მათ შორის ინტერნეტსა და სოციალურ ქსელებში იკრძალება მათი კრიტიკა, ვინც დაიბადა "მამაკაცად" ან "დედაკაცად", მაგრამ საჯაროდ თავს "არამამაკაცად" ან "არადედაკაცად" აცხადებს. ამ კანონის მიხედვით ბავშვებს უფლება აქვთ მშობელთა ნებართვის გარეშე მიიღონ სქესობრივი მომწიფების საწინააღმდეგო პრეპარატები, ხოლო ჰომოსექსუალისტებისადმი და სქესობრივი იდენტურობის დარღვევის მქონე ნებისმიერი პიროვნებისადმი ფსიქოლოგიური დახმარება ანდალუზიაში დღეიდან კანონსაწინააღმდეგოა და დასჯადი. გარდა ამისა, მთელი საგანმანათლებლო კონტენტი (სასკოლო სახელმძღვანელოთა შინაარსი, ასევე მეცადინეობები და გაკვეთილები) სრულიად გადაწერილ უნდა იქნას ლგბტ-იდეოლოგიის სულისკვეთებით. ჯარიმა მასწავლებლებისთვის, ჟურნალისტებისა და ექიმებისთვის, რომლებიც გაბედავენ და ბავშვებს მოუთხრობენ ორი სქესის შესახებ წარმოადგენს 6000-დან 12 000 ევროს. საფრანგეთში 2017 წლის 25 ივლისს ქვეყნის პარლამენტმა ხმა მისცა წინადადებას ჩასწორებულიყო კანონი, რომელიც მოქალაქეებს უკრძალავს იყონ არჩეულნი, თუკი ისინი ადრე ექვემდებარებოდნენ სისხლის სამართლის დევნას თავისი ერთგულებისთვის ნორმალური ოჯახისა და ტრადიციული საზოგადოებისადმი… მსგავსი საკანონმდებლო და სასკოლო სიახლეების სულისკვეთებით გაასამართლეს აშშ-ში მასწავლებელი ჯენი ნოქსი. როდესაც მის სასწავლო დაწესებულებაში ოფიციალურად გამოაცხადეს "ჰომოსექსუალიზმის თვიური", ჯენი ნოქსმა გაბედა და ეს აქცია გააკრიტიკა. არა ხმამაღლა, არამედ მხოლოდ თავის საკუთარ გვერდზე სოციალურ ქსელზე ისე, რომ პიროვნულად არავის შეხებია, მაგრამ, მაინც დამნაშავედ სცნეს იგი და სამი წლით აუკრძალეს პედაგოგიური მოღვაწეობა. 

ფაქტობრივად ჩვენს თვალწინ ჩნდება ფაშიზმის ახალი სახეობა, სადაც უპირატესობის უმთავრესი კრიტერიუმი უკვე გახლავთ არა რასობრივი, ან კლანურ-გვაროვნული, ან კორპორატიული, არამედ – სოდომური. გარყვნილები – უბერმენშები (ზეკაცები) არიან, ხოლო ყველა დანარჩენი – უნტერმენშები(ანუ ნახევრადადამიანები). დღეს მათ ართმევენ სამსახურს, ხვალ კი, სრულიად მოსალოდნელია, წაართვან სიცოცხლეც კი. არ შეიძლება არ აღვნიშნოთ პროცესის დინამიკაც. ის, რაც მესამე რეიხის ელიტის პათოლოგიურ მიდრეკილებას წარმოადგენდა, XXI საუკუნის ფაშიზმის ახალ წრეზე გახდა იდეოლოგიური დომინანტი, იმპერატივი ყველასთვის. 

აღწერილი ტენდენციის პრიზმაში გასაგები ხდება კიდევ ერთი კანონის არსი. კერძოდ, საკმაოდ მჭიდროდ არის დაკავშირებული სოდომური "გენდერის" დანერგვა "სექსუალური შევიწროვების" წინააღმდეგ მიღებულ კამპანიასთან. როგორ? იმავე სქემით, როგორც ეს ხდება დასავლეთის ქვეყნებში, სადაც მამაკაცებს ეშინიათ ქალებს მიაქციონ თავაზიანი ყურადღება და გამოიჩინონ მათდამი უწყინარი პატივი – მიაწოდონ პალტო, დაეხმარონ მძიმე ჩანთების ტარებაში, დაუთმონ ადგილი ტრანსპორტში და სხვა – რათა დადანაშაულებულ არ იქნენ "სექსიზმში" (ანუ ქალებისადმი, როგორც "სუსტი სქესისადმი" დამოკიდებულებაში), ზოგჯერ კი სისხლის სამართლის კოდექსით დასჯად (სექსუალური შევიწროვება). შედეგად მრავალ მამაკაცში მუშაობას იწყებს თავდაცვითი ინსტინქტი, და ისინი წყვეტენ დაინტერესებას ქალებით. ხოლო მამაკაცთა ყურადღებისა და დაცვის გარეშე დარჩენილი ქალები, თანაც მთელი მსოფლიოს მასშტაბით მიმდინარე სექსუალური პროპაგანდის პირობებში, ექცევიან ლესბოსელობისა და სხვა უმგვანობების ხაფანგებში, რომლებიც არყევენ საზოგადოებრივ მორალს და ანგრევენ ცხოვრებისეულ საფუძვლებს. აღნიშნულ თემასთან დაკავშირებით, ცნობილი ამერიკული საზოგადო მოღვაწე, იურიდიული მეცნიერების დოქტორი სკოტ დუგლას ლაივლის თავის წიგნში "ცისფერი სვასტიკა" მრავალ წყაროზე დაყრდნობილ სერიოზულ, დამაფიქრებელ კვლევას გვთავაზობს, მოულოდნელი დასკვნებით, თურმე, ჰომოსექსუალური მოძრაობა გერმანიაში იყოფოდა ორ მტრულ ბანაკად: ქალური და, პირიქით, ზე-მამაკაცური ტიპის ჰომოსექსუალურ მიმართულებებად. 

დაახლოებით 1920 წელს, – წერს ლაივლი, – "მამრები" უკვე დამოუკიდებელ და სერიოზულ პოლიტიკურ ძალას წარმოადგენდნენ. 1920 წ. მათ ჩამოაყალიბეს "ადამიანის უფლებათა დაცვის საზოგადოება"… როგორც ჰირშფილდი, ისინიც იბრძოდნენ ჰომოსექსუალიზმისთვის სისხლის სამართალში მიცემის გაუქმებისთვის. 

"მეტოქეობა ორ გადამტერებულ ჰომოსექსუალურ დაჯგუფებას შორის – დამთავრდება მაშინ, როცა "მამრები" ნაცისტური პარტიიდან 1933 წელს მოვლენ ხელისუფლებაში, – აგრძელებს ლაივლი – ასე რომ "გრძელი დანების ღამე" – გახლავთ არა სექსუალური, არამედ პოლიტიკური უთანხმოებების შედეგი…
XX ს-ის დასაწყისის გერმანიაში გაჩნდა ახალგაზრდული მოძრაობა `ვანდერვეჰელ~ ("გადამფრენი ფრინველები" ან "მოხეტიალენი"), რომლებიც ორგანიზებული იყო ახალგაზრდა გარყვნილების მიერ. 1905 წელს მასში შედიოდა 100-მდე მოზარდი, მაგრამ შემდეგ, მთელი ევროპის მასშტაბით გაჩნდა ანალოგიური ჯგუფები და ამ მოძრაობაში ჩათრეულთა რაოდენობამ 60 ათას ადამიანს მიაღწია. 

განსაკუთრებით აქტიურობდა ჰიმლერის ოფიციალური ორგანო Das Schwarze Korps-ი, და გამოიყენებოდა როგორც ბაზისი გერმანული საზოგადოებრივი კულტურისთვის. ნაცისტების ელიტის წევრებს ირჩევდნენ ცალკეული "მამრების" საზოგადოებებიდან, რომელთაც ორდენსბურგენი ეწოდებოდათ. ისინი განკუთვნილნი იყვნენ ოჯახის, როგორც საფუძვლის შემცვლელებად, რომელზეც შენდება სახელმწიფო" ეს საზოგადოებები ჩამოყალიბებული იყო "ვანდერვეჰელის" მიხედვით. შემდეგში, როგორც ლაივლი წერს, არა მარტო "ვარნდერვეჰელის~ წარმოჩიტული წევრები გახდნენ ჰიტლერის ერთ-ერთი უმთავრესი მხარდამჭერები ძალაუფლებაში მისი მოსვლის პერიოდში, არამედ თვით მოძრაობა აღმოჩნდა ნაცისტური ორგანიზაციის "ჰიტლერიუგენდის" ცენტრი. 

ბუნების საწინააღმდეგო ვნებები, რაც ასევე ექვემდებარება ახსნას. თვით სიტყვა "ბუნებისსაწინააღმდეგო~ შეიცავს მინიშნებას. ეს არის ღმრთის მიერ შექმნილი ბუნების საწინააღმდეგო მოქმედება. შესაბამისად, ადამიანური ბუნების გარყვნა შეიცავს ბრძოლას და დაპირისპირებას წმიდა შემოქმედისადმი. შემთხვევით როდი ნერგავენ სოდომიას დემონურ და სატანურ კულტთა პრაქტიკაში. მრავალ ოკულტურ სექტაში სოდომური აქტი ინიციაციის როლს თამაშობს, და წარმოადგენს რიტუალურ განდობას, როდესაც ახალი ადეპტი მისტიკურ დონეზე ეზიარება შესაბამისი სულიერი არსებების სამყაროს – დემონებს. დღეს, თუ ინტერნეტს გამოვიყენებთ, ადვილად ვიპოვით მრავალ ისტორიულ ფაქტს მოცემულ თემაზე, ამიტომაც მოვიტანთ მხოლოდ ორიოდ ციტატას "ცისფერი სვასტიკიდან". "მანიქეველთა სექტა სახელწოდებით "ბოგომილები" (მოგვიანებით "კათარები") საკმაოდ გავრცელდა ბულგარეთსა და ევროპაში. ჰომოსექსუალიზმი იმდენად მჭიდროდ ასოცირდებოდა ამ მწვალებლებთან, რომ მათი პრაქტიკა ცნობილი იყო როგორც ბუგგერყ – სოდომია. ევროპაში კათარების აღმნიშვნელი სიტყვა მამათმავალთა აღმნიშვნელ სიტყვად გადაიქცა: გერმანიაში – კეტზერ, იტალიურში – გაზარრო და ფრანგულში – ჰერიტე… მწვალებლობა და ჰომოსექსუალიზმი იმდენად ურთიერთშეთავსებადი აღმოჩნდნე, რომ მწვალებლობებში დადანაშაულებულნი ხშირად ცდილობდნენ დაემტკიცებინათ თავიანთი უდანაშაულობა ჰომოსექსუალიზმში და თავს ჰეტეროსექსუალებად აცხადებდნენ~
აი რას წერს სტატიაში ისტორიულ მეცნიერებათა კანდიდატი, ნ. ჩეტვერიკოვა:

"სოდომიზმი მარტო რიტუალური აქტი არ გახლავთ, ეს რელიგიაა, რომელიც პასუხისმგებლობას იღებს ღმრთის ხატის დამახინჯებისთვის და უფალს აცხადებს ეშმაკად. ყველაზე სრულად ეს წარმოდგენილია კაბალაში, საიდუმლო იუდეველურ მოძღვრებაში, რომელიც იუდეველთა ბაბილონში ტყვეობის დროს ჩამოყალიბდა. რომის იმპერიაში ქრისტეანობის აღიარებიდან და დამკვიდრებიდან მოყოლებული ვიდრე XIX საუკუნემდე, მამათმავლობა დასავლეთში განიხილებოდა როგორც გარყვნილება, რომელიც ადამიანის შეგნებული და თავისუფალი არჩევანის შედეგია. 

სიყვარულის უარყოფით, გნოსტიკოსები და მანიქეველები ქორწინებასაც უარყოფდნენ და შთამომავლობის გაგრძელებასაც, რადგან ქორწინებას დაცემულთა და მდაბიოთა ხვედრად მიიჩნევდნენ. მაგალითად, გნოსტიკოსი მარკიონი აცხადებდა, რომ ქორწინებისგან თავშეკავებით, კაცობრიობის მოდგმის გაგრძელებაზე უარის თქმით, თვით შემოქმედს უპირისპირდება. წაართვეს რა ადამიანებს ქორწინების საიდუმლო და შეცვალეს რა იგი მამათმავლობით, გნოსტიკოსები ამტკიცებდნენ, რომ კაცობრიობა გაათავისუფლეს შეწყვილებული ინდივიდუალიზმისგან, სიყვარულისა და ოჯახის ეგოიზმისგან".

ქეთევან ზარნაძე

მეტის ნახვა
4-09-2018, 12:30