სარეკლამო ადგილი

947x125



ბოლო ხანებში სომხეთში ვითარება დაიძაბა.

მოვლენების ეპიცენტრში კი ნიკოლ პაშინიანი მოექცა, რომელსაც სომხური საზოგადოება, აქამდე, ჟურნალისტად იცნობდა.
პაშინიანი 1975 წელს დაიბადა, 1991 წელს ერევნის სახელმწიფო უნივერსიტეტის ფილოლოგიის ფაკულტეტზე ჩააბარა, ჟურნალისტიკის მიმართულებით. 1994–98 წლებში რამდენიმე ყოველდღიური გაზეთის ჟურნალისტი და მთავარი რედაქტორი იყო. ყველაზე დიდხანს, 13 წლის განმავლობაში, იგი გაზეთ “Haykakan zhamanak”-ის მთავარი რედაქტორის პოსტს იკავებდა.


2008 წლის იანვარში პაშინიანი 7 წლით დააპატიმრეს, 2010 წელს მას 7-წლიანი სასჯელი 3.5 წლამდე შეუმცირდა, ხოლო 2012 წლიდან იგი სომხეთის პარლამენტის წევრად აირჩიეს. პაშინიანი ამჟამად პარტია “სამოქალაქო შეთანხმებას” მეთაურობს, რომელიც “ელკის” შემადგენლობაში შედის.
2017 წლის არჩევნებში მისმა ბლოკმა 105-დან მხოლოდ 9 მანდატის მოპოვება შეძლო. პარტია "სამოქალაქო შეთანხმებას" ლიბერალური, დასავლური კურსი აქვს. ისინი ევრაზიულ კავშირში სომხეთის ყოფნის წინააღმდეგ გამოდიან.

ნიკოლ პაშინიანის პოლიტიკური ბიოგრაფიიდან არაერთი ინიციატივის გახსენება შეიძლება, რომელიც რუსეთის და სომხეთის ურთიერთოების ეწინააღმდეგება. მის ოპოზიციურ ფრაქციას ეკუთვნის ინიციატივა, რომელიც ევრაზიული ეკონომიკური კავშირიდან სომხეთის გამოსვლას უკავშირდება.

პაშინიანს ხისტი პოზიცია ჯერ კიდევ 2013 წელს დადებული შეთანხმების რატიფიკაციისას გამოჩნდა, რომელიც სამხედრო-ტექნიკური თანამშრომლობის შესახებ რუსეთსა და სომხეთს შორის გაფორმდა. ამ შეთანხმების პირველი პუნქტი ამბობს, რომ სამხედრო ტექნიკის გადამცემ ქვეყანას უფლება აქვს კონტროლი განახორციელოს სამხედრო ტექნიკის ხელმისაწვდომობასა და გამოყენებაზე და შემსყიდველმა ქვეყანამ ამისთვის პირობები უნდა უზრუნველყოს.

სომხეთში მიმდინარე მოვლენებზე ანალიტიკოსი სოსო მანჯავიძე გვესაუბრება:

– ბატონო სოსო, რა ხდება დღეს სომხეთში? პაშინიანი დასავლეთის პროექტია?

– სომხეთში მიმდინარე მოვლენები ძალიან ჰგავს საქართვლოში 2003 წელს განვითარებულ სიტუაციას, როცა თბილისში ანთებული თვალებით დარბოდა ხალხი და ყველა კუნჭულში მიშა-მიშას გაიძახოდნენ.
იგივე სიტუაცია იყო რუსეთშიც, როცა ელცინი მოდიოდა ხელისუფლებაში.
ასეთი ეიფორიები, როგორც წესი, არ მთავრდება ხოლმე კარგად, რადგან ხდება არსებული ელიტების ცვლა და ხელისუფლებაში მოდიან პერსონები, რომლებსაც წარმოდგენაც კი არ აქვთ სახელმწიფოს სტაბილურობის და მისი მოწყობის შესახებ.
ამას მოჰყვება ხოლმე რეპრესიული მანქანის ამოქმედების მკაცრი აუცილებლობა მოწინააღმდეგეების დათრგუნვის და იმ გაუგებრობების დასაფარად, რომელსაც რეჟიმების ცვლა იწვევს.
რაც შეეხება პაშინიანს, მისი ძირითადი ბრალდება სარქსიანის მიმართ ისაა, რომ შარშან ყარაბაღის ხუთდღიან კონფლიქტში პოზიციები თითქოს დათმო.

– ეს ჩვეულებრივი ტექნოლოგიაა, თუნდაც ჩვენი გამოცდილების მაგალითზე – ეროვნული ღირებულებებისა და სამშობლოს ცნების წინ წამოწევით ხელისუფლებაში მოდიან და მერე მთელი ძალებით ებრძვიან ეროვნულობის ყოველგვარ გამოვლინებას.

– ეს გახლავთ მანიპულაციის მექანიზმი. ადამიანის ძირითად იმპულსებზე მანიპულაციით მოდიან ხელისუფლებაში ასეთი ტიპის ლიდერები და ჩვენ უახლოეს მომავალში ვიხილავთ ამ შედეგებს ერევანში.
რაც ეხება რუსეთის როლს, რუსეთს არ აქვს დამუშავებული ე.წ. რბილი ძალის პოლიტიკა და ამას თვითონაც აღიარებენ. ის, რომ ყველგან ყველაფერს ტანკები გადაწყვეტენ, არასწორია.
რაზეა საუბარი, როცა რუსეთმა ვერ მოახერხა და თავისი აქტივების დიდი ნაწილი ამერიკის მთავრობის ობლიგაციებში აქვთ დაბანდებული. რუსეთიდან გატანილი კაპიტალის მოცულობა 2017 წლის მონაცემებით, 60 ტრილიონი რუბლი იყო, ანუ ტრილიონი დოლარი.
რუსეთი არ არის ჰომოგენური სახელმწიფო, როგორიც იყო, მაგალითად, სტალინის დროს. დღეს იქ ძლიერია ლიბერალური ფლანგი, რომელიც შიგნიდან ღრღნის ამ ქვეყანას. ამიტომაც რუსეთისა და დასავლეთის დამოკიდებულება იმაზეა დამყარებული, რამდენად შეძლებენ კონსოლიდირებას დასავლური ძალები და მოახერხებს თუ არა რუსეთი მყარად ჩამოყალიბებული სამოკავშირეო კონტრნაბიჯების გადადგმაას.

– ანუ რუსეთი ამ დაპირისპირებაში დამარცხდება?

– რა თქმა უნდა. მაგრამ, მოდი, თანმიმდევრულად მივყვეთ: ბალტიისპირეთი რომ მტრულადაა განწყობილი, ეს საყოველთაოდ ცნობილია, მოლდოვაში საპარალამენტო უმრავლესობა და ოლიგარქი პლახატნიუკი ანტირუსულ ისტერიაში არიან. უკრაინის შესახებ, მოგეხსენებათ. იგივე ვითარებაა ყაზახეთშიც. ნაზარბაევმა კირილიცას მაგივრად ლათინური შრიფტი დანერგა. 
თვით სომხეთში აშშ-ის საელჩოში 200 თანამშრომელია დასაქმებული, როცა რუსეთის საელჩოში 60 კაცია. სომხეთში აშშ-ის საელჩო ყველაზე მრავალრიცხოვანია ახლო აღმოსავლეთში.
ანუ ცეცხლოვანი რკალი რუსეთის გარშემო სახეზეა.

– ბატონო სოსო, რა მოუტანა ფერადოვანმა რევოლუციებმა პოსტსაბჭოთა ქვეყნებს? თუ ერთად მათი განხილვა არამიზანშეწონილი და არაგონივრულია?

– ეს ქვეყნები, ძირითადად, დასავლეთის მიერ მათი გეოპოლიტიკური ინტერესების მიხედვით განიხილებიან, საჭიროების მიხედვით.
არავის უნდა ჰქონდეს ილუზია, რომ ამ ქვეყნებს ბევრი პრეფერენცია ექნებათ იმისთვის, რასაც ისინი აკეთებენ, ან უფრო სწორად, აკეთებინებენ. აშშ-ი მოქმედებს სრულიად კონკრეტული სქემით – ქვეყნებში ამყარებენ პოლიტიკურ კონტროლს. მათ მიერ კონტროლირებად ხელისუფლებებს კი იმას აკეთებინებს, რაც თვითონ აინტერესებთ და არაფრად აგდებენ საზოგადოებების განწყობებს.

– რატომ არ გახდა მაგალითი სხვა პოსტსაბჭოთა ქვეყნებისთვის იგივე უკრაინის ან თუნდაც საქართველოს მაგალითი?

– საერთოდ, ძალიან ძნელია დასკვნების გამოტანა, რადგან ყველა სახელწმიფოს თავისი შიდა პრობლემები ახასიათებს და ამ პრობლემების გვირაბებიდან იხედებიან.
სომხებმა ვერ გამოიტანეს დასკვნები. ვერც გამოიტანდნენ. საქმე ისაა, რომ ანტიპატია იმდენად დიდი იყო სომხეთის ხელისუფლების მიმართ – კორუფცია, პრობლემები მართვის სფეროში და ა.შ. რომ ხალხის უკმაყოფილება საკმაოდ მასშტაბური იყო იყო.
დასავლეთის ალტერნატივა გაცილებით უარესია, ფერადი რევოლუციების შედეგები კი უმძიმესი, მაგრამ ის, რითაც მანიპულირებს დასავლეთი, ხალხს აიძულებს თვალი დახუჭონ მოსალოდნელ შედეგებზე.
რაც ნაკლები იყო დასავლური გავლენა, იმ პოსტსაბჭოთა ქვეყნებმა უფრო შეინარჩუნეს მოსახლეობის კეთილდღეობის ნიშა, მაგალითად, ბელორუსში, ყაზახეთში…

– საქართველო კი ახალი შიდაპოლიტიკური ძვრებისთვის ემზადება. როგორც მოგეხსენებათ, ბიძინა ივანიშვილი პოლიტიკაში დაბრუნდა...


– ივანიშვილი ძალიან შეზღუდულია იმ გავლენით, რაც ლიბერალურ ფრთას აქვს და მხარდაჭერილია სოროსისა და დასავლელი ლიბერალების მიერ.
მისი დაბრუნება შეიძლება განვიხილოთ იმ კონტექსტში, რომ ეს გავლენები სუსტდება. დონალდ ტრამპის ადმინისტრაციაში მაიკ პომპეო მოვიდა. ის, სავარაუდოდ, შეცვლის მიმართულებას, ლიბერალური წნეხი და კონტროლი მოსალოდნელია, შეიცვალოს. თუ ასე განვითარდა მოვლენები, დადებითი ძვრები შეიძლება მოხდეს და ბიძინა ივანიშვილს, შესაძლოა, საშუალება მიეცეს რადიკალური ცვლილებები განახორციელოს.

ირანდა კალანდაძე

P.S. პაშინიანი უკვე სომხეთის პრემიერ-მინისტრი გახდა.

მეტის ნახვა
8-05-2018, 10:54


ორიოდე დღის წინ რუსეთმა კიევსა და ოდესაში მომხდარი გამიზნული მკვლელობების შესახებ განაახლა საუბარი, სადაც პოროშენკოც ფიგურირებს. ამ საკითხებთან დაკავშირებით "საერთო გაზეთის" სტუმარია ტრისტან წითელაშვილი, როგორც ინფორმირებული და აღნიშნულ სიტუაციების შესახებ ინფორმირებული პირი.

– თქვენ თუ გახსოვთ, როდესაც 2014 წელს მაიდანზე დახოცეს მშვიდობიანი მომიტინგეები, ერთ კვირაში მედიით განვაცხადე, რომ ამ საქმეში მიხეილ სააკაშვილი იყო ერთ-ერთი მთავარი ფიგურა. მაშინ ჩემი მისამართით წამოვიდა ლანძღვა-გინება, ხან პროვოკატორი მიძახეს და ხან კრემლის აგენტი. მე იმ დროს უკვე მქონდა გარკვეული სახის ინფორმაცია, რადგან სააკაშვილის მიერ ჩაყვანილ ზონდერებში აღმოჩნდნენ ჩემი ყოფილი ხელქვეითები, ჩემს მიერ მომზადებული სნაიპერები, როდესაც ჯარში მსახურობდნენ…

– თქვენთან რატომ გამოვიდნენ კავშირზე, გაუგებარია…

– როდესაც დახოცეს მშვიდობიანი მომიტინგეები (6-ნი იყვნენ ესენი), ამის შემდეგ დაიწყო მათზე ნადირობა, ეტაპობრივად უნდა მომხდარიყო მათი ლიკვიდაცია (ყიფიანის მოკვლა მოასწრეს, გვერდზე ქუჩაზე ნახეს მოკლული). ამ ოპერაციის შემდეგ ფული უნდა გადაეხადათ, ცხადია. ამათთან მივიდა იქაური ერთ-ერთი ჯგუფის ხელმძღვანელი, მეტსახელად `ჟან~, რომელიც იცნობდა "ბეჟოს" (სააკაშვილის ჩაყვანილი) და უთხრა, დროზე წადით აქედან, ცუდი ამბავი გელითო. ამათ, ამავდროულად, შეიტყვეს, რომ ყიფიანი უკვე მოკლული იყო და გაქრნენ. რა ფული, რის ფული! მამულაშვილს ჰყავდა წაყვანილი, ის ხელმძღვანელობდა და ამერიკელი ოფიცერი ქრისტოფერ ბრაიანი. ასევე, უკრაინის პარლამენტის თავმჯდომარე ანდრეი პარუბი და უკრაინის ახლანდელი უშიშროების საბჭოს მდივანი სერგეი პაშინსკი. მათ შეაიარაღეს სააკაშვილის სნაიპერები; განალაგეს ზოგი სასტუმრო "უკრაინაში", ზოგი – კონსერვატორიის შენობაში და მიიღეს ბრძანება…

– ხალხის დახოცვაზე რატომ იყვნენ დაგეშილები?

– იანუკოვიჩთან ინტენსიური მოლაპარაკება მიმდინარეობდა ევროსაბჭოს ლიდერების მხრიდან, რომ ჩატარებულიყო ვადამდელი საპრეზიდენტო არჩევნები. დათანხმდა, ბოლო-ბოლო, იანუკოვიჩი, 18-ში ხელი უნდა მოეწერა თანხმობაზე, მაგრამ ეს უკვე მიუღებელი იყო აქეთა მხარისთვის, რადგან იმას ნიშნავდა, რომ ესენი მიზანს ვერ მიაღწევდნენ. ამიტომ საჭირო იყო არეულობა და შტურმით ძალაუფლების ხელში აღება. ამ დროს მაკკეინიც ჩაფრინდა, შედგა თათბირი და ამ გეგმის ერთ-ერთი ნაწილი იყო ესეც, ადამიანების დახოცვა. თუ ხალხი დაშლას დაიწყებდა და დრო გაიწელებოდა, ყველაფერი ეშლებოდათ, ამიტომ უნდა დაესწროთ იანუკოვიჩის ხელის მოწერისთვის და მოეკლათ, როგორც თავიანთი მომხრეები, ისე – "ბერკუტელები". ჩაატარეს დაგეგმილი და აიღეს კიდეც ხელში ძალაუფლება. რა თქმა უნდა, არჩევნებზე ეს მხარე ვერ გაქაჩავდა, დონეცკი, დონბასი, ხარკოვი – პრორუსული მოსახლეობა იყო, მხოლოდ ბენდერები ვერ გადასძალავდნენ.

გიორგი ბეჟიტაშვილი, კობა ნერგაძე, ალექსანდრე რევაზიშვილი, ცეზარ ბაჯელაძე, გიორგი სარალიძე და მერაბ ყიფიანი – ამათ კი შეასრულეს დავალება, მაგრამ ჰყავდათ `გამწმენდი ჯგუფი~, რომელსაც ფაქტების მოსპობა ევალებოდა, მათ შორის, შემსრულებელი სნაიპერების. ორის მოკვლა მოასწრეს, ყიფიანის და სარალიძის, დანარჩენები, ბაჯელაძის გარდა, წავიდნენ. ბაჯელაძე ახლო კონტაქტში შევიდა მამულაშვილთან, ფიქრობდა, ფული ავიღოო… გაიფანტნენ მიშას სნაიპერები სხვადასხვა ქვეყნებში და შემდეგ მოხდა ჩემთან კონტაქტზე გამოსვლა.

– ფაქტოვრივად, დახმარება გთხოვეს…

– დიახ. ჩვენზე ნადირობენ, უნდა დაგვხოცონო. ბუნებრივია, როდესაც ადამიანი მოგმართავს დახმარებისთვის და ეს სიკვდილ-სიცოცხლის ამბავია, შედიხარ მის მდგომარეობაში. ვინ ნადირობს-მეთქი? აშშ-ის სპეცსამსახურებიც ნადირობს, მარტო სააკაშვილზე არ არის საუბარიო. გავიარე კონსულტაციები, მოვახერხე და გავედი იანუკოვიჩის ადვოკატებზე. არ დაგიმალავთ, შევხვდი მათ. ვუთხარი, რომ არიან ცოცხალი მოწმეები, რომლებიც მზად არიან, აღიარონ, რაც ჩაიდინეს და ვისი ბრძანებით, მაგრამ გარანტიებია საჭირო. შევიკრიბეთ "ძალიან ისეთი" პირები, შევხვდი კონკრეტულ ერთ პირს, რომლის ვინაობას არ დავასახელებ ჯერჯერობით და მივიღეთ გადაწყვეტილება, რომ მე წავსულიყავი ევროპაში, რათა შევხვედროდი ამ ხალხს. მივიღე გარანტიები, რომ აღნიშნულ პირებზე არ აღიძვრებოდა სისხლის სამართლის საქმეები. პარალელურად, ჩაერთვებოდა ევროპის ადამიანთა უფლებების დაცვის სხვადასხვა ორგანიზაციები და იქნებიან ეს ადამიანები დაცულები. ეს მხოლოდ იმ შემთხვევაში, თუ ეს ადამიანები დასხდებოდნენ ტელეკამერების წინ და ისაუბრებდნენ თავიანთ ნამოქმედარზე. რა თქმა უნდა, საუბარი არ არის საქართველოზე, ევროპის ქვეყნების ტელევიზიები იგულისხმება.

ჩავედი და შევხვდი, ავუხსენი, რა გზით შეიძლებოდა მათი შველა. ამის შემდეგ შევხვდი იტალიელ ჟურნალისტს (რამდენიმეს), შევხვდი "ბი-ბი-სის" წარმომადგენელს სამხედრო ექსპერტის კუთხით, რათა ანალიზი გამეკეთებინა და, ამავდროულად, არ მომხდარიყო თუნდაც უმნიშვნელო დეტალის უმართებულოდ წარმოჩენა. პრეზიდენტს რომ უყენებ ბრალდებას, ხელს ადებ პარლამენტის თავმჯდომარეს, უშიშროების საბჭოს მდივანს და ა. შ. ჰაი-ჰარად ვერ ილაპარაკებ. ეს გუნდი იყო ყველა უბედურების შემოქმედი და ზედ დართული მიხეილ სააკაშვილი, აქტიური ფიგურა იმ სიტუაციებში. ის არის ამ "სპექტაკლების" დამდგმელი (გარდა სნაიპერებისა, სხვა "შემსრულებლებიც" ჰყავდა ჩაყვანილი საქართველოდან). დავდიოდი ჟურნალისტებთან ერთად იმ ქვეყნებში, სადაც ეს სნაიპერები იყვნენ, იწერდნენ და ვუდარებდით მათ ნაამბობს ერთმანეთს; ვიყავით იმ ადგილებზე, რომელზეც საუბრობდნენ და აბსოლუტური სიზუსტე იყო. აღსანიშნავია, რომ სააკაშვილმა ესენი საქართველოდან გაიყვანა ყალბი პასპორტებით. გვარ-სახელები, რომლებიც ამათ დამისახელეს, ამოვიღეთ აეროპორტის ბაზიდან – წამი-წამზე დაჯდა ყველაფერი. გარდა სნაიპერებისა, იმ ადგილობრივებსაც გავესაუბრე, ვინც მონაწილეობდა იმ ამბებში. ამას დაერთო ისიც, რომ მე ხელში ჩამივარდა ოპერატიული მასალა, რომელშიც ის ღამეა ასახული, რაც დოკუმენტად დევს – სააკაშვილის, პოროშენკოს, პარუბის, პაშინსკის, ბრაიანის და მაკკეინის ნაავკაცარი.

ამ ფილმის ჩვენებამ ფეხზე დააყენა ევროპის ჟურნალისტები და არასამთავრობო ორგანიზაციები,. ფილმის ბოლოში ამბობენ განწირული სნაიპერები, რატომ იძლევიან ინტერვიუს; რომ მათ სიცოცხლეს საფრთხე ემუქრება და მათი გადარჩენის ერთადერთი გზა არის ეს – აღიარონ, ვისი ბრძანებით რა დავალებას ასრულებენ და თუ რამე დაემართებათ, გამოსაძიებელი არაფერი იყოს.

ამ ფილმის გამოსვლის შემდეგ დამიკავშირდნენ იანუკოვიჩის ადვოკატები, ჩამოვიდნენ კიდეც და ჩემთან დააზუსტეს, თუ მისცემდნენ სააკაშვილის სნაიპერები ჩვენებას. მე ისევ მომიწია ჩასვლამ მათთან და ამ ადამიანებმა მისცეს აღიარებითი ჩვენება. კიევის პეჩორის სასამართლომ მიიღო ეს ჩვენებები და, ამასთანავე, მათ წარედგინათ ეს ფილმიც.

ახლა, რა ხდება უკრაინაში: 23 თებერვალს დაიბარეს უკრაინაში სააკაშვილი დაკითხვაზე ამ საქმესთან დაკავშირებით. სააკაშვილმა უთხრა პოროშენკოს: ხო რამდენი ბრალდება წამიყენეთ. აგერ, კიდევ, უკვე ისეთი, რომ შენ თუ სასამართლოში მიმიყვან, დავაღებ პირს და ვიტყვი ყველაფერს. მიიმწყვდია ჩიხში სააკაშვილმა პოროშენკო, რაღა ექნა? ამიტომ იყო, რომ 22 თებერვალს იძულებითი დეპორტაცია გაუკეთეს სააკაშვილს, მოაცილეს ქვეყნიდან, თორემ სასამართლოს მიერ სხვა საქმესთან დაკავშირებით, გასვლის უფლება ჰქონდა ჩამორთმეული. სააკაშვილის ავანტურისტობა ვის გაუკვირდება და, აი, ამ შემთხვევაშიც გამოიყენა მომენტი, დაიძვრინა თავი უკრაინიდან.

ძალაუფლება რომ აიღეს ხელში, რეგიონები იყო დასამორჩილებელი, რადგან ძალიან ცუდად ჰქონდათ საქმე. რეგიონებძი შეიქმნა "ანტიმაიდნის კონიტეტი", მათ შორის, ოდესაში, ოდესა კი კარგი ლუკმა იყო სააკაშვილისთვის, ნაოცნებარი ლუკმა. თვით ოდესა რაში ანაღვლებდა, ოდესის პორტი იყო მნიშვნელოვანი, რომ ეწარმოებინა, როგორც იარაღის კონტრაბანდა, ისე – ნარკოტიკების.

პროფკავშირების შენობის წინ მიმდინარეობდა აქცია და მიიღეს გადაწყვეტილება, რომ აქციის მონაწილეები კი არ დაერბიათ, არამედ, ფიზიკურად გაენადგურებინათ. დაუძახეს ბაჯელაძეს სააკაშვილმა და მამულაშვილმა, შენ იქნები ჩვენი წარმომადგენელი და გაჰყვები "მემარჯვენე სექტორს", პარუბის და 250-კაციანი ჯგუფი გაუშვეს ავტობუსებით ოდესაში და პარაცუკი (ჯგუფის ხელმძღვანელი იყო, პარლამენტარია ისიც). ჩავიდნენ ოდესაში, დაიწყეს პროვოცირებებით და ბოლოს მომიტინგეები მოაქციეს ალყაში ისეთნაირად, რომ შერეკეს ამ შენობაში. თან წაღებული ჰქონდათ გამზადებული "მოლოტოვის კოქტეილები" და როგორც კი შენობაში შერეკეს მომიტინგეები, კარებები ჩაურაზეს, ფანჯრებში კი "კოქტეილებს" ყრიდნენ. ვინც ფანჯრიდან ხტებოდა, იმას ესროდნენ, სახანძრო დახმარების მანქანები კი არ მიუშვეს. რა თქმა უნდა, – ამას თვითონ ამბობს ბაჯელაძე. ეს იყო უშუალოდ სააკაშვილის მიერ ორგანიზებული მკვლელობა და მის მიერ გაცემული ბრძანება. ამით მან, ფაქტობრივად, დაიმორჩილა ოდესა და ცდილობდა, ხელში ჩაეგდო სრული ძალაუფლება. ოდესის გუბერნატორად გამომცხვარ სააკაშვილს ჩაჰყავს ოდესაში თავისი დაჯგუფებები და, მათ შორის, მახაური (მოკლეს უკვე კიევში), ჩეჩენი.

ოთხი პასპორტი ჰქონდა. ეს მახაური თურქეთშიც ჰყავდა გაგზავნილი სააკშვილს ერთი პირის ლიკვიდაციისთვის. სააკაშვილის ერთ-ერთი შემსრულებელი იყო, ლორთქიფანიძის გამოჩეკილი, იმ ლორთქიფანიძის, სააკაშვილმა ოდესის პოლიციის შეფად რომ დანიშნა.
სააკაშვილმა დაიწყო ინტენსიური კრიმინალური ქმედებები უკვე ოდესაში. რა თქმა უნდა, იმ დროს ყველა საქმეში ერთად და ერთნაირად იგულისხმებიან ის პირები, ვინც გითხარით, ცხადია, პოროშენკოს ჩათვლით. მერე აერიათ მეგობრობა, თორემ ამ ოთხ ადამიანს უნდა ემართა მთელი უკრაინა (სააკაშვილი, პოროშენკო, პაშინსკი, პარუბი). ასეც იქნებოდა, გადაინაწილებდნენ სფეროებს, მაგრამ სააკაშვილმა მოინდომა ყველაფერი. არანაირი პოლიტიკური დაპირისპირება არ ყოფილა მათ შორის, გარდა ფინანსური ინტერესებისა. სააკაშვილმა პოროშენკოსთან დაახლოებული ბიზნესმენი გაიტაცა, გამოსძალა მილიონები და მანდ დამთავრდა მათი მეგობრობა. მერე ავაქოვთან დაახლოებული ბიზნესმენი გაიტაცა და მას გამოსძალა და ა. შ. დაიწყო იგივე, რასაც საქართველოში აკეთებდა: ბიზნესმენების გატაცება მილიონების გამოძალვის მიზნით; ბიზნესმენებისგან ფულის იძულებითი ამოღება; ადამიანების ლიკვიდაცია; გაუპატიურებები… მან დაიწყო ოდესიდან (ამის მასალები მაქვს) სირიაში ტერორისტთა გადასროლა, რომლებიც უკრაინის დროშის ქვეშ იბრძოდნენ "ისლამური სახელმწიფოს" შემადგენლობაში. ერთ-ერთი პროვინცია რომ გაათავისუფლეს, შტაბში ნახეს უკრაინული დროშა, უკრაინული სიგარეტები და პირი, რომელიც დაატყვევეს, აღმოჩნდა უკრაინელი, რომელიც სააკაშვილის მიერ იყო გაგზავნილი. მიშას ხელს უწყობდა ყველანაირად მაკკეინი. ოდესის პორტიდან ხდებოდა იარაღის გადაყიდვა, ნარკოგადაზიდვები და უმთავრესი – მან გახსნა იქ გაურკვეველი მიმართულების კლინიკა "უკრაინის ომში მონაწილე მეომრების სარეაბილიტაციო ცენტრიო". სინამდვილეში, რომ შეჰყავდათ დაჭრილები და ოპერაციას რომ უკეთებდნენ, ჯანმრთელ ორგანოებს აჭრიდნენ. მესამე ოპერაცია რომ ტარდებოდა ორგანოების ამოსაღებად და გასაყიდად, დაიჭირეს ამ საქმეში სირიელი ბიზნესპარტნიორი, რომელმაც აღიარებითი ჩვენება მისცა… აი, ასეთ და ამდენ სიბინძურეებში იყო ჩაბმული სააკაშვილი ოდესაში, ხალხის ცოცხლად დაწვის ჩათვლით. დემოკრატიის კი არა, სიკვდილის შუქურაა სააკაშვილი! "ბი-ბი-სის" ბიურომ ისრაელში გადაიღო ფილმი ოდესის ამბავზე, რომელიც აჩვენეს უკვე, დეტალურადაა აღწერილი ყველაფერი, ბაჯელაძე ინტერვიუში ამბობს, აღიარებს.

– ისიც ევროპაშია?

– არა, ბელარუსში. ყველგან მომიწია ჩასვლამ და საუბარმა. ჯერ არ დამისრულებია მისია, ახლა მათთან მივდივარ, ვისაც იარაღის კონტრაბანდაში აქვს მიღებული მონაწილეობა უკრაინაში. 
შემდეგ, უნდოდათ სპექტაკლის დადგმა, რომ გავანადგურეთ რუსეთის ქვედანაყოფები და საიდანღაც მოიტანდნენ ცხედრებს, ჩააწვენდნენ სანგრებში, მიუდებდნენ იარაღს, გადაიღებდნენ და აი, "ქართულმა ლეგიონმა" ჩაატარა სპეცოპერაცია, გაანადგურა რუსული ქვედანაყოფებიო, სინამდვილეში "ბომჟები" და გაურკვეველი ვინაობის გვამები იყო.
აი, ამას აკეთებდნენ უკრაინაში ის ქართველი "გმირები", რომლებიც ვითომ საქართველოს იცავდნენ იქ, უკრაინაში.

P.S. ბატონმა ტრისტანმა მიჩვენა ფოტომტკიცებულებები და იმ სახის დოკუმენტაცია, რომელსაც მიზეზთა გამო ვერ ვაქვეყნებთ.

გიორგი ჩხეიძე

მეტის ნახვა
8-05-2018, 10:30


"საქართველოში ფაქტობრივად არ არსებობს ქართული ტელევიზია, თითქმის ყველა მათგანი უცხო ქვეყნების სპეცსამსახურებია და ამ ქვეყნების ინტერესებს ემსახურებიან. ესენი იმაზე კი არ დარდობენ, რა უჭირს საქართველოს, მათი მთავარი საფიქრალია რა დავალებას მიიღებენ ამერიკიდან და რა გრანტით "დაჯილდოვდებიან" შესრულებული "სამუშაოსთვის", აცხადებს არასამთავრობო ორგანიზაცია "უფლებადამცველთა გაერთიანების" თავმჯდომარე, ადვოკატი ნიკოლოზ მჟავანაძე.

"ტვ პირველზე", ვახო სანაიას გადაცემაში იმიტომ მოხდა დაპირისპირება ჩემსა და წამყვანს შორის, რომ თავიდანვე პროვოკაცია იყო ჩადებული შავკანიანებთან დაკავშირებით. მათ დაჩეხილი ვიდეოკადრები დადეს, სადაც არ ჩანს როგორ დაიწყო ჩხუბი ბელიაშვილის ქუჩაზე. ვიმეორებ, იქ რასობრივ ნიადაგზე არ მომხდარა დაპირისპირება, უბრალოდ, ე.წ. ქართულმა ტელევიზიებმა შეფუთეს ასე, რასაც შორს მიმავალი ზრახვა აქვს. იმ ფონზე, როცა უამრავი ქართველი დევნილი გვყავს, გვჭირდება ამდენი უცხოელი მიგრანტი? სწორედ ეს კითხვა გახდა სტუდიაში დაპირისპირების მიზეზი. ვახო სანაიას არ ესიამოვნა ჩემი ნათქვამი, ისტორიულ ჰერეთში ქართველებს რომ აწამებენ, ამას რატომ არ აშუქებთ-თქო. სანაიამ აქეთ შემომიტია, ჭკუას ნუ მასწავლიო, რითაც პირდაპირ მიანიშნა, რომ არ გააშუქებენ. ამიტომ ვუთხარი, რომ ჰერეთელების პრობლემების არ გაშუქების მიზეზი, "სოკარის" მიერ მათ ტელევიზიაში მიტანილი რეკლამებია, არ უნდათ აზერბაიჯანელების განაწყენინება, რადგან ხვალ-ზეგ შეიძლება აღარ მიუტანონ ეს რეკლამები. სანაია იმიტომაც გაცხარდა, რომ მტკივნეულ ადგილზე დავარტყი, მტკივნეულ ადგილზე მოხვედრილმა ნათქვამმა ისე გააცოფა სანაია, რომ ეთიკის ნორმებიც დაავიწყდა. ქართული ტელეჟურნალისტიკის ისტორიაში, ვგულისხმობ საქართველოს დამოუკიდებლობის შემდგომ პერიოდს, არცერთ ტელევიზიაში, მათ შორის, "რუსთავი 2"-ში არასდროს ყოფილა, რომ რესპოდენტისა თუ სტუმრისთვის ასეთი შეურაცხყოფა მიეყენებინოთ, სისულელეს ლაპარაკობ, წადი, დატოვე სტუდია, ეს ბოლო გადაცემაა შენთვისო და ა.შ. ბოლო გადაცემა ვისთვის იქნება და საერთოდ რა იქნება, ამას მომავალი გვიჩვენებს. სანაია ძალიან ბევრ ტელევიზიას იცვლის, სამსახურიდან წასვლის მიზეზი თავად უკეთ მოეხსენება. "ტვ პირველის" ხელმძღვანელობის ადგილზე, სანაიას ბოლოდროინდელ საქციელს რეაგირების გარეშე არ დავტოვებდი. სოციალურ ქსელს რომ გადავხედე, ნამდვილად არ იხსენიებენ თბილად და ტკბილად სანაიას და თავად ტელევიზიას. 

ჩემი ვარაუდით, მისი მიზანი იყო, შეურაცხყოფა მიმეყენებინა ან რაღაც ისეთი მეთქვა, რომ "კავკასიის" მსგავსი სცენარი დადგმულიყო. სიმართლისთვის უნდა ითქვას, რომ თითქმის ყველა ტელევიზიაში უჩნდებათ პრობლემები კონსერვატიულად, ეროვნულად მოაზროვნე ადამიანებს, მათ ლაპარაკს არ აცლიან წამყვანები, სამაგიეროდ ლიბერასტებს სულგანაბულები უსმენენ, საუბარში არ ეჭრებიან და არც კითხვას უსვამენ. ეროვნულად მოაზროვნე ადამიანები მიუღებელია ლიბერასტულად მოაზროვნე "კონტიგენტისთვის", წამყვანებთან ერთად სხვა რესპოდენტები და სტუმრებიც გაწყვეტინებენ სიტყვას, არ გაძლევენ პოზიციის ჩამოყალიბების საშუალებას, რაც გამიზნულად ხდება. ტრადიციული ღირებულების მატარებელი ადამიანები ტელევიზიებს უბრალოდ ანტურაჟისთვის ვჭირდებით.

სანაიას იმის მაგივრად რომ ბოდიში მოეხადა თავისი განცხადებების გამო, ბრძანებს ისევ იმ პოზიციაზე ვრჩები, რაზეც ვიყავიო, თან ვითომ ხუმრობს, იყო თუ არა პენალტიო. ვიცით ბატონო, ფეხბურთი რომ უყვარს, მეც ძალიან მიყვარს, ამიტომ ამ `ფეხბურთისმოყვარულს~ ვურჩევ გაითვალისწინოს, რომ როდესაც მატჩის დროს მსაჯი ნეიტრალურ ფიგურად კი არ რჩება, მხარედ იქცევა, ის თამაში ცუდად ფასდება. ასევე უნდა იყოს გადაცემის წამყვანიც, ხსენებულ გადაცემაში კი სანაია გამოკვეთილად მხარე იყო. ერთ-ერთ სტუმარს ლამის თოფით დაადგა, თქვენ შეიძლება კანის ფერის გამო პრობლემა არ გქონიათ საქართველოში, მაგრამ თქვით, ხომ გაგიგიათ სხვებს რომ ექმნებათო. ამიტომ ვუთხარი სანაიას, რომ ქართველები და ყველაფერი ქართული ეზიზღებათ. სანაიას კოლეგებიც აყვნენ, იგივე იდეოლოგიის მქონე ჟურნალისტები, თურმე ჩამჭრელი კითხვა დამისვეს, რაზეც ვერ ვუპასუხე. კუდი მოაბეს შავკანიანი სტუმრის აბსურდულ კითხვას, ღმერთი თეთრია თუ შავიო. მასაც ვუთხარი, რომ სისულელე იყო ამგვარი კითხვის დასმა, მეტი რა პასუხი უნდა გამეცა?! შეგნებულად არ შევყევი დისკუსიაში, რადგან ეს იყო შეურაცხმყოფელი კითხვა, მაშინ უნდა მეთქვა, რომ ისიც გიორგი გაბუნუასავით შეურაცხყოფდა ქრისტეს და სულ სხვა გადაცემა წავიდოდა. რა ფერზეა საუბარი, როცა ქრისტე არის ნათელი და უხილავი. ამ გადაცემის შემდეგ, უამრავი ადამიანი მიკავშირდება და მხარდაჭერას მიცხადებს, საინფორმაციო სააგენტო `ჰერეთის~ წარმომადგენლებმა მითხრეს, სანაიამ მარტო თქვენ კი არა, ჰერეთელებსაც მოგვაყენა შეურაცხყოფა და ჩვენს მიმართაც მოიხადოს ბოდიშიო. ცხადია, სანაიას არც ის ესიამოვნა, როცა ვკითხე ძაღლებსა და კატებს გადაცემების ციკლს რომ უძღვნით, რატომ არ აშუქებთ რა სავალალო დემოგრაფიული მდგომარეობაა შექმნილი ქვეყანაში, ქართველები თუ ხართ, ჯერ ქართველების პრობლემები გააშუქეთ და მერე იზრუნეთ უცხოტომელ მიგრანტებზე-თქო. ამიტომ ვამბობ, რომ ესენი არ არიან ქართული ტელევიზიები, სულგაყიდული ხალხია, რომლებისთვისაც მთავარი მსუყე გრანტებია. გრანტი კი ქართველების უფლებების დაცვაზე არ მოდის, `პრიორიტეტული~ რელიგიური, ეთნიკურ უმცირესობების ინტერესების "დაცვაა". 

ჟურნალისტის ძმამ რამდენიმე ტაქსისტი დააყაჩაღა, ამასთან დაკავშირებით, საჯარო განცხადება გავაკეთე, ეს ტელეკომპანია "ქართულ ოცნებას" ჩადენილ "დანაშაულობებს" რომ უთვლის, თავისი ძმის ყაჩაღობებთან დაკავშირებით სიუჟეტი რატომ არ გააკეთა-თქო. სხვათა შორის, ამ პიროვნებას საპროცესო შეთანხმება გაუფორმეს და გაათავისუფლეს. ამ განცხადების შემდეგ, ამ ტელეარხმა დამბლოკა, ახლა "ტვ პირველიც" თუ დამბლოკავს, არ იქნება ეს ჩემთვის ტრაგედია. თუ ყველა კონსერვატიულად, ეროვნულად მოაზროვნე ადამიანებს დაბლოკავენ ტელევიზიები, არ არის გამორიცხული ხალხი ქუჩაში გამოვიდეს. ეროვნული მოძრაობის და ნაციონალების მმართველობის დროსაც ჩაკეტილი იყო ტელევიზიები, მაგრამ ხალხი ქუჩაში გამოდიოდა და იქ ლაპარაკობდა, უტელევიზიობას პოლიტიკური მოვლენებისთვის ხელი არ შეუშლია. ჩვენ გადაცემაში მიწვევას გვამადლიან, სამაგიეროდ, "გირჩი", რომელიც ებრძვის ეკლესიას, ჯარს, ეროვნულობას, ყველა გადაცემაში უზით, ყველა ქართველთმოძულე, ქართველების მტერი ტელევიზიების მუდმივი სტუმარია. ბარემ ჩუსტები და ხალათიც აჩუქონ, რომ სახლში წასასვლელად დრო არ დაკარგონ.

– ეროვნულად მოაზროვნე ხალხი რეიტინგისთვის ჭირდებით ტელევიზიებს, საზოგადოებას განსხვავებული აზრის მოსმენა უნდა. მარტო ფსევდოლიბერალები რომ მიიწვიონ თოქ-შოუებში, იმ მწირ მაყურებელსაც დაკარგავენ, რაც ყავთ ქართულ ტელევიზიებს.

– ამიტომ ვამბობ, რომ ანტურაჟისთვის ვჭირდებით, წინააღმდეგ შემთხვევაში აზრის გამოხატვის საშუალებას არ შეგვიზღუდავდნენ, ახლა უკვე შეურაცხყოფაზეც გადმოდიან. ელიზბარ ჯაველიძეს ეთერი გათიშული ეგონა და შეიგინა, ატყდა ერთი ამბავი, ისე მონათლეს, თითქოს ინგა გრიგოლიას შეაგინა. მაინ და მაინც უნდა შეეგინებინა სანაიას, რომ შეურაცხყოფად ჩაეთვალათ. "ტვ პირველის" მხრიდან ადექვატური საქციელი იქნებოდა სანაიას ბოდიში მოეხადა, შეცდომა ვის არ მოსვლია, მაგრამ კიდევ აქეთ არიან დიდ გულზე, თურმე აზრი არ შეუცვლია. მე რომ გამოვიდე და ვთქვა, ზოგიერთი ჟურნალისტი რეალურად რა პიროვნებაცაა, ბევრი მათგანი შეიძლება ბევრი მათგანი მარტო ტელეეთერში ვერ გამოჩნდეს კი არა, ქუჩაშიც ვერ გამოვიდეს, მაგრამ ამას არ ვაკეთებ, მორალი არ მაძლევს ამის უფლებას. ესენი ჯერ სააკაშვილის რეჟიმს ემსახურებოდნენ, ახლა სააკაშვილის დაბრუნებას და ქართველების წინააღმდეგ ბრძოლას ემსახურებიან. "ქართული ოცნების" ხელისუფლება მართლა დამნაშავეა, ამათ პასუხი რომ არ აგებინა, არ შეაფასა მათი "მოღვაწეობა" და არ დაითხოვა ტელეეთერებიდან. იმ ჟურნალისტებისთვის, რომლებიც ჰიტლერს ემსახურებოდნენ, სამუდამოდ ჩაიკეთა გერმანული მედიის კარი, ჩვენთან კი რეჟიმის "გამპრავებლები" სახელმწიფო უწყებების პრესსამსახურებში და სამთავრობო ტელევიზიებში დაასაქმეს, ხოლო ის ჟურნალისტები, რომლებიც ცხრა წელი რეჟიმის მიერ იდევნებოდნენ, ახლაც უმუშევრები სხედან. იმიტომაც არის კარგად ხელისუფლების პიარის საქმე. თქვენ გგონიათ, ციხის გამაუპატიურებლებზე ნაკლებები იყვნენ ის ჟურნალისტები, რომლებმაც კარგად იცოდნენ რა ხდებოდა, მაგრამ ემსახურებოდნენ ამ უბედურების `შემოქმედთ~. ახლობელთან სტუმრად ვიყავი, "პოპულარული" სერიალი "ჩემი ცოლის დაქალები" გადიოდა, გავოგნდი, ფილმის პერსონაჟმა კაცმა მცირეწლოვან შვილს ისეთი უწმაწურობა უთხრა, ვერ გავიმეორებ. ძალიან მაინტერესებს, შეიძლება ასეთი უხამსობის პროპაგანდა? ქართული ტელეარხების ყურება არ შეიძლება, მე უბრალოდ, იძულებული ვარ ვუყურო, საჯარო სივრცეში ვარ ჩართული და უნდა ვიცოდე ქვეყანაში რა ხდება. 

აფგან მუხთარლიზე რომ შემოიხიეს ყველაფერი, უდანაშაულო ქართველი, ბესო ქუზიბაბაშვილი რომ ზის აზერბაიჯანის ციხეში, ამაზე ხმას რატომ არ იღებენ ტელევიზიები, უფლებადამცველები და პოლიტიკოსები? ჩვენს ხელისუფლებას ერთი ტაშ-ფანდურა რომ აქვს ატეხილი ნოვრუზ-ბაირამზე და ულოცავენ ჩვენს თანამოქალაქე მუსლიმანებს, ერთხელ თუ ჩასულა ჰერეთში პრეზიდენტი ალიევი და იქაურებისთვის თუ მიულოცია ქრისტიანული დღესასწაულები? ჰერეთში მცხოვრებ ქართველებს რომ შეურაცხყოფს, იმ ქვეყნის მეგობრად მოხსენიება ცოტა გადაჭარბებული ხომ არ არის? ქართულ ეკლესია-მონასტრებს შეურაცხყოფენ, თქვენმა ეპისკოპოსმა აზერბაიჯანის მოქალაქეობა მიიღოს საინგილოში რომ იქადაგოსო, ეკლესიების გარდა, ქართულ სკოლებსაც არ ხსნიან, ქართული წიგნები ვერ შედის, ასე თუ გაგრძელდა, იქ ქართველი აღარ დარჩება. ამას რატომ არ აშუქებენ ე.წ. ქართული ტელევიზიები? მწვადებს შავკანიანებს კი ნუ უწვავენ, ჰერელებს შეუწვან, ამ გმირ ხალხს. დიდ პატრიოტებად რომ მოაქვთ თავი ამ ოპოზიციონერებს, ისინი რატომ არ იღებენ ხმას იმის წინააღმდეგ, თუნდაც საინგილოში რაც ხდება? მე უკვე "შავ სიაში" ვარ შეყვანილი, ძალიანაც რომ მინდოდეს ჰერეთში ჩასვლა არავინ შემიშვებს, მაგრამ ვცდილობ რაღაც გავაკეთო, მარტო საუბრით არ ვიფარგლები. ჯანდაცვის კომიტეტში და საერთოდ პარლამენტში შეხვედრები მქონდა ამ საკითხებზე, აზერბაიჯანის პრეზიდენტის ადმინისტრაციაში წერილი გავაგზავნე. მე თუ რაღაცას ვამბობ, საქმითაც ვცდილობ, იმიტომ ვარ მიუღებელი იმ "კონტიგენტისთვის", რომელიც საზოგადოებას წამლავს. ამათი ჭკუით პატრიოტიზმი, კულტურის და ტრადიციების დაცვა თურმე სისულელეა, ამის დამკვიდრებას ცდილობენ, მათთვის მთავარი სექსუალური უმცირესობის და არაქართველების დაცვაა.

ნაცხროვამ და მისმა სატელიტებმა ვახო სანაიას დაცვის "ეგიდით" ე.წ. ჟურნალისტი ელისო კილაძე მომიქსიეს, მერე ისიც დაწერა სიამოვნებით ვცემდი ნიკოლოზ მჟავანაძეს, ჩემი შვილი დაჭერილი რომ იყო, ცუდად შეეხოო. ვინმეს თუ უნახავს ჩემი ერთი პოსტი მაინც, სადაც მის შვილს ცუდად ვიხსენიებ, მე არ ვარ ის ადამიანი, პატიმარზე ცუდი ვთქვა, წაქცეულს ვურტყამდე. ეს კილაძის სტილია, ის ლანძღავდა ამაზრზენი სიტყვებით ჟურნალისტებს გიორგი მამაცაშვილსა და ნინო ჯღარკავას, უნდა ვუთხრა თქვენს შვილებს რა მშობლებიც ყავხართო. მე დავდე სოციალურ ქსელში მტკიცებულებები როგორ ლანძღავს მათ კილაძე, დადოს ამ ქალბატონმაც მტკიცებულება, როგორ გავლანძღე მისი შვილი. აი, ეს ადამიანი ყავთ წამოსკუპებული ეთერში ყველა ტელევიზიას და ალანძღვინებენ ხელისუფლებას თუ განსხვავებულად მოაზროვნე ადამიანებს. ექსპერტობასთან ერთად, "ნათელმხილველობაზეც" აქვს კილაძეს პრეტენზია, თუმცა სამი წელია მისი "ხილვები" არ ცხადდება, ვერაფრით ვერ გადააყენა პრემიერ-მინისტრი კვირიკაშვილი. ტელევიზიებში მისი სისტემატურ სტუმრობასაც აქვს თავისი მიზეზი, ეჭვი არ მეპარება ჟურნალისტებზეც ექნება "კომპრომატები", აბა ერთი არ მიიწვიონ გადაცემაში, ცხვირწინ დაულაგებს "მტკიცებულებებს". არჩილ გამზარდიაზე ბრძანებდა კილაძე სუს-ის აგენტიაო, ახლა დღე და ღამე გამზარდიას უზის გადაცემაში, ახლა აღარ არის გამზარდია აგენტი? როგორ დამავიწყდა, ირაკლი ჩხვირკიაც ძალიან აქტიურობს სანაიას დაცვაში.

ახლა იცხრილება პოლიტსაბჭო და ყველაზე მეტად ესენი აკრიტიკებენ გასაყრელად გამზადებულ "თანაგუნდელებს". ბიძინა ივანიშვილის პოლიტიკურ ასპარეზზე გამოჩენა, რა თქმა უნდა დადებითი მოვლენაა, ეს ხელისუფლებაზეც აისახება და იმედია, ვითარება გამოსწორდება. სახელისუფლებო გუნდიდან მისმა წასვლამ ძალიან ცუდად იმოქმედა, ყველაფერი უკან-უკან წავიდა, ფაქტობრივად თავზე დაიმხეს ყველაფერი სოროსის "ბუდიდან" აფრენილმა უმწიფარმა პოლიტიკოსებმა. როგორ გაიწმინდება, ვინ დატოვებს ხელისუფლებას და თავად "ქართულ ოცნებას", უახლოეს მომავალში ვიხილავთ.

მანანა სუხიშვილი

მეტის ნახვა
8-05-2018, 10:30


რატომ ვერ შეძლო „ქართულმა ოცნებამ“ განათლების სისტემაში არსებული მდგომარეობის გამოსწორება ამაზე განათლების ექსპერტი მანანა ნიკოლაიშვილი გვესაუბრა:

– განათლება დიდი პოლიტიკის ნაწილია და პოლიტიკური პარტია, რომელიც ამ მიმართულებით პროგრესულ და პოპულარულ რეფორმებს არ ატარებს, ვადაზე ადრე მიდის ხელისუფლებიდან. სააკაშვილის ხელისუფლება განათლებასა და მეცნიერებაში გატარებულმა არაპოპულარულმა და ანტიმეცნიერულმა რეფორმებმა შეიწირა. მისგან განსხვავებით, „ქართული ოცნება“ ხელისუფლებაში საუკეთესო პროგრამით მოვიდა, რომელიც პირველ რიგში, კანონმდებლობის მთლიანად შეცვლას ითვალისწინებდა, მაგრამ იმ პროგრამიდან არაფერი გაკეთებულა. რაც დღეს ხდება, კატასტროფაა! არასრულწლოვან ნარკომომხმარებელთა რიცხვი რამდენჯერმე გაიზარდა. მხოლოდ ბოლო ერთი კვირის მანძილზე ე.წ. კლუბურმა ნარკოტიკმა 15-მდე მოზარდი შეიწირა. გაზრდილია არასრულწლოვანთა მიერ ჩადენილი დანაშაულების რიცხვიც, რაც იმის დამსახურებაა, რომ 14 წლამდე ასაკის ბავშვი მთლიანად გაათავისუფლეს პასუხისმგებლობისგან.

– რა გამოდის, რომ ყოველწლიურად, 600 მილიონს უვიცობაში და კრიმინალისა თუ ნარკომიდრეკილების ჩამოყალიბებაში ვიხდით?

– თუ გავითვალისწინებთ, რომ განათლების მიღების ნაცვლად, ბავშვები ნარკოტიკებს ეჩვევიან, მოძალადეებად ყალიბდებიან და ჭრიან და ჩეხავენ ერთმანეთს, ასე გამოდის. უძვირესი კერძო სკოლები გვაქვს: ამერიკული, ბრიტანული, ევროპული, არაეროპული, აზიური და ა.შ. ზოგან სწავლა 25 000 დოლარი ღირს, ზოგან 10 000 დოლარი და არაფერი. მოდის ბავშვი სახლში და მშობელი ყველა საგანში ამზადებს, რადგან იმდენ ცოდნას ვერ აძლევენ, რომ ბავშვმა დავალება დამოუკიდებლად შეასრულოს. დედამიწაზე არ არსებობს ქვეყანა, სადაც ზოგადი თუ უმაღლესი განათლების მიმართულებით, ასეთი მზაკვრული, ბოროტი, ანტიმეცნიერული და ახალგაზრდების განადგურებაზე ორიენტირებული სისტემა მოქმედებს. სტუდენტების განათლების დონეს რომ ვხედავ, ვრწმუნდები, რომ საერთოდ არაფერი იციან. ვეკითხები სახელმწიფო თუ კერძო უმაღლესი სასწავლებლების რექტორებს – რად უნდათ ეს უვიცი ბავშვები, მარტო იმისთვის, რომ ხელფასი აიღონ?

– თავის დროზე, ვარაუდობდით, რომ უმაღლესი სასწავლებლების დაფინანსების დღეს არსებული მოდელი სწორედ ასეთ შედეგებს მოიტანდა..

– არც ვცდებოდი, თუმცა დაფინანსების გარდა, სხვა პრობლემებიცაა. ჩემი აზრით, დანაშაულია, როცა ტექნიკურ, სამედიცინო ან აგრონომიულ ფაკულტეტებზე ისტორიას, გეოგრაფიას ან ლიტერატურას გამოცდებით აბარებენ და სპეციალურ საგნებში არავითარი ცოდნა არა აქვთ. წარმოიდგინეთ, სტუდენტებს ქართველი კლასიკოსების ერთი ნაწარმოებიც კი არ აქვთ წაკითხული და ეროვნულ გამოცდებს აბარებენ. გაუგებარია, რა ტესტია, რა წყობაა და რა მოთხოვნებია, რომ უნარების გარდა, არაფრის ცოდნა არ გჭირდება და სტუდენტი ხდები. სტუდენტებმა ქართული და მათემატიკა არ იციან და ქიმიის, ბიოლოგიის და საბუნებისმეტყველო საგნების ცოდნაზეა საუბარი? რატომ გვიკვირს, რომ ამდენი უმაღლესი სასწავლებლის პირობებში, პროფესიონალი ექიმების, ინჟინრების თუ აგონომების დეფიციტი გვაქვს? რა აგრონომი გახდები თუ ფიზიკა, ქიმია და ბიოლოგია არ ჩაგიბარებია? რა ინჟინერი გახდები მარტო ისტორია-გეოგრაფიის ცოდნით?

– დანგრეული მაღაროები, ავარიული სახლები და გზები საბოლოოდ, ვიღაცის არაპროფესიონალიზმის შედეგია, თუმცა ბოლო დროს, განსაკუთრებით ბევრ კითხვას ჩვენი ექიმების პროფესიონალიზმი აჩენს..

– რაც შეეხება სამედიცინო დარგს, დღევანდელი ექიმები სანატრელი გაგვიხდებიან, როცა პროფესიაში ექიმების ახალი თაობა შევა. თქვენ ნახავთ, რომ ცოტა ხანში, უბრალო დაავადებების სამკურნალოდ თურქეთში წასვლა დაგვჭირდება. რომელ არჩევით საგანზეა საუბარი? სამედიცინოზე მინიმუმ, ხუთი საგანი უნდა ბარდებოდეს: სამი, რომელიც ყველგან ბარდება და ამასთან, ქიმია, რომელიც მედიცინის ხერხემალს წარმოადგენს და ბიოლოგია. თანამედროვე მედიცინა ფიზიკის ცოდნასაც მოითხოვს, ამიტომ მომავალმა ექიმმა ეს საგანიც უნდა იცოდეს. ფიზიკა-ქიმიას კი ვერ ისწავლი, თუ მათემატიკა კარგად არ იცი. ამასწინათ, სტუდენტთა ჯგუფს ვკითხე მეტალი ელექტრულ დენს ატარებს თუ არა და ვერ მიპასუხეს. 21-ე საუკუნეში სტუდენტს ეს რომ არ ეცოდინება, სამედიცინოს სტუდენტი გოგორდმჟავას და მარილმჟავას ფორმულას რომ ვერ დაგიწერს და ფიზიოლოგიური ხსნარი არ იცის რაა, ის რა ექიმი უნდა დადგეს? ათასობით სტუდენტში თითო-ოროლა წარმატებულ და შრომისმოყვარე სტუდენტს ნახავთ და ისინიც საზღვარგარეთ გარბიან, იმიტომ, რომ აქ თუ ფული არ გაქვს და ვიღაცის შვილი არ ხარ, სამსახურს ვერ იშოვი. მაშინ რაში გვჭირდება ამდენი უმაღლესი სასწავლებელი? საბჭოთა კავშირის დროს, როცა 5 მილიონი ვიყავით, 18 უმაღლესი სასწავლებელი გვქონდა. ახლა ამის ნახევარი ვართ და 70-მდე აკრედიტებული უნივერსიტეტი გვაქვს. უნივერსიტეტების გარდა, დასახურია ბევრი მიმართულება. არ მესმის, რა საჭიროა პროფილურ უმაღლეს სასწავლებლებში არაპროფილური მიმართულებები? მაგალითად, ტექნიკური უნივერსიტეტისთვის ისტორიის ან ჟურნალისტიკის ფაკულტეტები სრულიად ზედმეტია და თავის პროფილურ მიმართულებებს უნდა მიხედოს. ასევე, სხვებმაც. სიტყვა რომ არ გამიგრძელდეს, გეტყვით, რომ განათლების სისტემის ყველა საფეხურზე ძირეული რეფორმებია გასატარებელი. 

თქვენი აზრით, რომელ პოლიტიკურ ძალასთან ასოცირდება განათლების ყოფილი მინისტრი ალექსანდრე ჯეჯელავა? ეს ადამიანი იმ ხუთკაციანი კომისიის წევრი გახლდათ, რომელმაც ჯავახიშვილის სახელმწიფო უნივერსიტეტიდან ღვაწლმოსილი პროფესიორები გაუშვა, თანაც ამ დროს, აკადემიური ხარისხი არ ჰქონდა. ასეთი საკადრო პოლიტიკის შედეგია, რომ განათლების სისტემაში ნაციონალების წასვლის შემდეგ არაფერი შეცვლილა.

– დღევანდელი განათლების სისტემას ყველაზე მწვავედ ნაციონალები აკრიტიკებენ. თქვენ კი ამბობთ, რომ „ქართულმა ოცნებამ“ მათი საგანმანათლებლო პოლიტიკა გააგრძელა და რადიკალური ცვლილებები არ განუხორციელებია.

– ნაციონალებს ოპონირებაში ბადალი არ ჰყავთ, ხელისუფლებამ კი მათთვის პასუხის გამცემიც კი ვერ ნახა.. ღრმა და საფუძვლიანი რეფორმირების ნაცვლად, „ქართულმა ოცნებამ“ უმნიშვნელო ცვლილებები განახორციელა, რომლის წყალობით მივიღეთ გაცილებით უარესი, „ტაშფანდურა“ საგნებით სავსე და არაფრის მომცემი ეროვნული სასწავლო გეგმა. მასწავლებელთა პროფესიული განვითარების სქემა ხომ საერთოდ, კორუფციის წყარო კი არა, მდინარეა.. ამდენი მკვლელობა და ძალადობა არ მოხდებოდა, რომ ასეთ გაუაზრებლად მიღებულ დოკუმენტებს მასწავლებელი და მოსწავლე არ დაეშორებინა.. ყველა მიმართულებით ჩიხში შევედით და ამას ხელისუფლება მშვიდად აკვირდება. ბავშვებში რომ ამდენი აგრესია და ძალადობაა, გაკვეთილების მიმდინარეობისას თუ გაკვეთილების შემდეგ ერთმანეთს რომ ჭრიან და ხოცავენ, თანამდებობის პირებმა პასუხი არ უნდა აგონ? 

– 51-ე სკოლის მოსწავლეების მკვლელობის ფაქტს გულისხმობთ?

– არა მარტო, მაგრამ თუნდაც ეს ფაქტი იყოს. სასწავლო პროცესის დროს მოხდა სასტიკი დანაშაული. კი არ მოკლეს, დაკლეს ბავშვები და სკოლის დირექციას პასუხი არ უგია.. რატომ არავინ დაინტერესდა, დანაშაულის ჩადენის დროს, სად იყვნენ 51-ე და პირველი ექსპერიმენტული სკოლის დირექტორები? თუ ადგილზე იყვნენ, რა გააკეთეს, რომ ეს არ მომხდარიყო? მე თუ მკითხავთ, მარტო დირექტორები კი არა, სამინისტროს მთელი შემადგენლობა უნდა გაეშვათ. სანამ თანამდებობა მარტო მაღალ ხელფასთან ასოცირდება და არა პასუხისმგებლობასთან, ვერც ივანიშვილის დაბრუნება გვიშველის და ვერაფერი. დღეს არასრულწლოვანთა დანაშაულის ზრდა ყველაზე დიდი გამოწვევაა, ამიტომ არათუ თანამდებობა უნდა დაატოვებინონ, პასუხი უნდა აგებინონ ყველას, ვისი ბრალეულობაც ამ საქმეში იკვეთება.

საერთოდ გაუშვან არაპროფესიონალი და გამოცდილების არმქონე დირექტორები, რომლებსაც სკოლის მართვა არ შეუძლიათ. შეცვალონ უვარგისი კანონი, რომელშიც წერია, რომ სკოლის დირექტორად მუშაობისთვის პედაგოგიური განათლება აუცილებელი არაა და 3 წლიანი სტაჟიც საკმარისია. ასეთი რამ არც ერთ ქვეყანაში არ ხდება. სამი კი არა, სკოლის დირექტორს ათწლიანი სტაჟი და განათლების სისტემის სხვადასხვა საფეხურები უნდა ჰქონდეს გავლილი, რომ ნამდვილი პროფესიონალი ერქვას. როგორ შეიძლება გამოცდილების არმქონე ადამიანი პროფესიონალი იყოს, როცა პროფესიონალიზმს წლები და გამოცდილება ჭირდება?

ნელი თორდია



მეტის ნახვა
8-05-2018, 07:00


კომერციული ბანკებისთვის დღეიდან ეროვნული ბანკის ახალი რეგულაციები ამოქმედდება, რაც იმას ნიშნავს, რომ სესხის გაცემის პროცედურა მკაცრდება.

მომხმარებელთა ინტერესების დაცვის და კომერციულ ბანკებში ჯანსაღი საკრედიტო პორტფელის ხელშეწყობის მიზნებისთვის საქართველოს ეროვნული ბანკის პრეზიდენტის ბრძანებით, ცვლილებები შევიდა "კომერციულ ბანკებში კრედიტების კონცენტრაციისა და მსხვილი რისკების შესახებ დებულებაში.

კერძოდ, კომერციულ ბანკებს მომხმარებელთა გადამხდელუნარიანობის სრულფასოვანი ანალიზის გარეშე სესხების გაცემა ეზღუდებათ. იმისათვის, რომ ფიზიკური პირის შემოსავალი ჩაითვალოს გაანალიზებულად, ბანკში წარდგენილ უნდა იქნეს სახელფასო ამონაწერი საბანკო ანგარიშიდან ან ცნობა შემოსავლების სამსახურიდან.

თუ მსესხებელი შემოსავალს იღებს სავაჭრო/სამეწარმეო საქმიანობიდან, ბანკს მოუწევს გადამხდელუნარიანობის დასადასტურებლად მისი საქმიანობის დეტალური ფინანსური ანალიზი ჩაატაროს.

ეროვნული ბანკის განმარტებით, შემოსავლის დადასტურების გარეშე საცალო სესხების გაცემის მოტივაციის შემცირება ხელს შეუწყობს საბანკო სექტორში საკრედიტო სტანდარტების, ასევე კომერციული ბანკების საკრედიტო პორტფელების ხარისხის გაუმჯობესებას და სოციალური პასუხისმგებლობის მქონე საკრედიტო ურთიერთობების წახალისებას.

imedinews.ge

მეტის ნახვა
7-05-2018, 10:30


საქართველოს პრემიერ-მინისტრის განცხადებით, ხელისუფლების ერთ-ერთი უმნიშვნელოვანესი ამოცანაა, სკოლასა და ზოგადად, განათლების სისტემაში ძალადობისგან თავისუფალი, უსაფრთხო სასწავლო გარემოს შექმნა. ამის შესახებ საქართველოს პრემიერ-მინისტრმა, გიორგი კვირიკაშვილმა განათლების სისტემის სამოქმედო გეგმის პრეზენტაციაზე ისაუბრა.

საქართველოს პრემიერის თქმით, განათლების სისტემაში არსებული ამოცანები, ხელისუფლებასთან ერთად, საზოგადოების მაქსიმალურ აქტიურობას მოითხოვს. ამ მიმართულებითაც დაწყებულია კონკრეტული ნაბიჯების გადადგმა – სხვადასხვა უწყების ერთობლივი მუშაობით შეიქმნა საკანონმდებლო ცვლილებების პროექტი, უფრო ინტენსიურად მოხდება სასკოლო პროცესში ფსიქოლოგების და მშობლების ჩართულობის უზრუნველყოფა. დაიწყო მოსწავლეებთან აქტიური კომუნიკაციის პროექტიც.

"ძალიან მნიშვნელოვანი ამოცანების წინაშე ვდგავართ და ისინი ჩვენი ხელისუფლების მხრიდან ძალიან დიდ ძალისხმევას საჭიროებს. ამავე დროს, ეს ყველაფერი მოითხოვს საზოგადოების მაქსიმალურ აქტიურობას. ჩვენი ვალია, არამხოლოდ მკაფიოდ ავუხსნათ საზოგადოებას განხორციელებული ცვლილებებისა და სამოქმედო გეგმის არსი, არამედ უწყვეტი საჯარო დისკუსიის პირობებში ერთად შევქმნათ ისეთი განათლების სისტემა, რომელიც გახდება ძალიან ძლიერი დასაყრდენი ჩვენი ქვეყნის თითოეული მოქალაქისთვის. მე დარწმუნებული ვარ, რომ ამ უაღრესად საპასუხისმგებლო საქმეში ჩვენ ნამდვილად დიდ წარმატებას მივაღწევთ.“ – განაცხადა საქართველოს პრემიერ-მინისტრმა.

გიორგი კვრიკაშვილის თქმით, ქვეყნის წინსვლა და სტაბილურობა, დემოკრატიული პროცესის განვითარება, ხალხის კეთილდღეობა მხოლოდ ცოდნასა და განათლებას შეიძლება ეფუძნებოდეს. როგორც პრემიერმა განაცხადა, ნებისმიერი გეგმა, რომელიც განათლებას უკავშირდება, პირველ რიგში, ახალგაზრდებთან უნდა იყოს განხილული და შეჯერებული.

„ახალგაზრდების ჩართულობა ქვეყნის აღმშენებლობის საქმეში მნიშვნელოვანია. მათ გააჩნიათ მომავლის სხვანაირი ხედვა, თამამი იდეები და თამამი გადაწყვეტილებების მიღების სხვაგვარი უნარი, რაც მნიშვნელოვანია ქვეყნის აღმშენებლობის პროცესისთვის და თქვენი ჩართულობა გარდაუვალი და მნიშვნელოვანია. მადლობა განათლების სამინისტროს და მინისტრ მიხეილ ჩხენკელს საინტერესო გეგმის წარმოდგენისთვის. მათ ბევრი იმუშავეს ამ გეგმაზე. ჩვენ სიღრმისეულად გვაქვს გაცნობიერებული, რომ ქვეყნის წინსვლა და სტაბილურობა, დემოკრატიული პროცესის განვითარება, ხალხის კეთილდღეობა მხოლოდ ცოდნასა და განათლებას შეიძლება ეფუძნებოდეს. მთავრობის 4-პუნქტიან გეგმაში, რომელიც ჩვენი ქვეყნის მოსახლეობის კეთილდღეობას ისახავს მიზნად, პირველი არის განათლება. ჩვენ მიზნად დავისახეთ, რომ განათლების სისტემა იყოს ბაზრის მოთხოვნებზე ორიენტირებული და ეკონომიკური წინსვლის მთავარი ძალა გახდეს. ჩვენ ვქმნით განათლების სისტემას, რომელიც აუცილებლად იქნება გათვლილი გრძელვადიან პერსპექტივაზე.”- განაცხადა გიორგი კვირიკაშვილმა.

მისივე თქმით, პროფესიული განათლება ერთ-ერთი უმნიშვნელოვანესია განათლების რეფორმის საქმეში.

„ჩვენ ვნერგავთ პროფესიული განათლების წარმატებულ მოდელს. უკვე შემუშავებულია პროფესიული განათლების შესახებ ახალი კანონპროექტი, რომელიც ამ სისტემის ერთიან ევროპულ საგანმანათლებლო სივრცესთან თავსებადობას უზრუნველყოფს. დაწყებულია კოლეჯების შექმნა, შემდეგი წლიდან იგეგმება ევროპულ პროფესიულ კოლეჯებთან თანამშრომლობა”- აღნიშნა პრემიერ-მინისტრმა.

მეტის ნახვა
7-05-2018, 10:30


სურსათის ეროვნული სააგენტოს გურიის რეგიონული სამსახურის ორგანიზებით, ოზურგეთში მეფუტკრეებთან შეხვედრა გაიმართა. რეგიონული სამსახურის უფროსმა ნინო შეწირულმა მეფუტკრეებს ინფორმაცია მიაწოდა აზიურ ფაროსანასთან დაკავშირებით მიმდინარე ღონისძიებებზე. როგორც შეხვედრაზე ითქვა, აქტიურად მიმდინარეობს ფაროსანას მონიტორინგი, ხოლო იმ მუნიციპალიტეტებში, სადაც მავნებლის გამოსვლა აღინიშნება, წამლობითი ღონისძიებები ტარდება.

უსაფრთხოების ზომების და მეფუტკრეების ინტერესების გათვალისწინებით, იმ ტერიტორიებზე, სადაც საფუტკრეებია განთავსებული თერმული ნისლის ტექნოლოგიით დამუშავება მიმდინარეობს საღამოს საათებში, როცა ფუტკარი უკვე დაბინავებულია, ხოლო „მოიზიდე და გაანადგურე“ სადგურების განთავსება ყვავილოვანი მცენარეებისგან მოშორებით მიმდინარეობს. გარდა ამისა, დაავადებათა კონტროლის ცენტრმა გაავრცელა სრული რეკომენდაცია,როგორ უნდა დაიცვათ სახლი აზიური ფაროსანასგან.




მეტის ნახვა
5-05-2018, 15:30


გვესაუბრება პოლიტოლოგი, ფსიქოლოგი რამაზ საყვარელიძე:

_ ბატონო რამაზ, "საერთო გაზეთის" წინა ნომერში მოცემულ ინტერვიუში "ქართულ ოცნებაში" არსებულ კრიზისზე ვისაუბრეთ. ასევე, გკითხეთ ივანიშვილის პოლიტიკაში შესაძლო დაბრუნებაზე, თქვენ კი მიპასუხეთ, რომ ეს უფრო მითოლოგიის სფეროს მიეკუთვნება, ვიდრე სინამდვილეს. ამ ინტერვიუს გამოქვეყნებიდან მეორე დღეს კვირიკაშვილმა ივანიშვილის პოლიტიკაში დაბრუნებასთან დაკავშირებით განცხადება გააკეთა. როგორია თქვენი შეფასება?

_ ეს ის შემთხვევაა, როცა გულწრფელად მიხარია, რომ ჩემი პროგნოზი არ გამართლდა და ბიძინა ივანიშვილი პოლიტიკაში დაბრუნდა. დიახ, წინა ინტერვიუში მართლაც აღვნიშნე, რომ ივანიშვილის დაბრუნება მითოლოგიის სფეროა. სიმართლე გითხრათ, მისი პოლიტიკაში დაბრუნება ჩემთვის, ნამდვილად, მოულოდნელი იყო. ბატონი ბიძინას დაბრუნებას არ ველოდი იმდენად რამდენადაც მან არაერთხელ თქვა, რომ პოლიტიკაში მისი დაბრუნება მეორედ მოსვლის ტოლფასი იქნებოდა. როგორც ჩანს, "ქართული ოცნების" გუნდმა მის წინაშე დაპირებული ამოცანები ვერ შეასრულა. ამ ჯგუფმა ვერ მოახერხა საკუთარ თავში რესურსი მოეძებნა, რათა გარედან, ამ შემთხვევაში, ივანიშვილისგან დახმარება არ დასჭირვებოდა. ივანიშვილის გამოჩენის ძირითადი მიზანი ის არის, რომ თავისი პირმშო _ "ქართული ოცნება" შეინარჩუნოს და შედარებით ნაკლები რყევებით მიიყვანოს შემდეგ საფეხურამდე _ ეს იქნება საპრეზიდენტო თუ სამომავლოდ საპარლამენტო არჩევნები.

_ დაპირისპირება, რაც ბოლო ხანებში "ქართული ოცნების" ორ ბანაკს შორის მიმდინარეობს განა იმ სირთულის პრობლემაა, რომ ეს ბატონი ბიძინას პოლიტიკაში დაბრუნების მიზეზი გამხდარიყო თუ მართლა მეორედ მოსვლაა?

_ როგორც ჩანს პრობლემა სერიოზულია. ზედაპირზე ნინია კაკაბაძესთან დაკავშირებული ინციდენტი ჩანდა, მაგრამ ჩვენ ხომ კარგად არ ვიცით შიდა სამზარეულო, რომელიც სავარაუდოდ უფრო მძიმე სურათს ხატავს. ბიძინა ივანიშვილმა ამ დღეებში ინტერვიუ ტელეკომპანია "ჯი-დი-ეს" მისცა, სადაც განაცხადა: რასაც მოსახლეობა ოთხი წლის მანძილზე ელოდა ყველაფერი დარეგულირდებაო. ამ ყველაფერში მან იგულისხმა `ნაცმოძრაობის~ თემა და კიდეც აღნიშნა, რომ ამ პარტიის საკითხი ქართული პოლიტიკის დღის წესრიგიდან მოიხსნებაო. 

_ რადგან დაბრუნდა, მისი კვლავ დაბრუნების ერთ-ერთი მთავარი მიზანი, ალბათ, ხალხის ნდობის დაბრუნებაცაა.

_ რა თქმა უნდა, გეთანხმებით. ერთ-ერთი და რთული ამოცანა, ალბათ, ხალხის ნდობის დაბრუნებაა, რაც აუცილებელია იმისათვის, რომ დაიძლიოს ის სირთულეები, რამაც ივანიშვილის შემოტრიალება განაპირობა.

_ 2012 წელს "ქართულ ოცნებასთან" ერთასდ იბრძოდა ხალხი, რომლებიც მთლი ამ წლების მანძილზე არავის გახსენებია…

_ დიახ, ვფიქრობ, ერთ-ერთი მთავარი ამოცანა ამ ხარვეზის გამოსწორება იქნება იმიტომ, რომ გარკვეული კუთხით ანალოგიური პრეტენზია ნინია კაკაბაძის ინციდენტში გაჟღერდა. ამ შემთხვევაში ლაპარაკი იყო მხოლოდ საპარლამენტო გუნდზე, რომელიც "ქართულ ოცნებას" თავიდანვე გვერდით ედგა. გახსოვთ, ითქვა, რომ "ქართული ოცნების" ძველი შემადგენლობა ხმის უფლების გარეშე დარჩა და სიტუაციას ის ახალგაზრდები წარმართავენ, რომელთაც ამ ბრძოლაში მონაწილეობა არ მიუღიათ. ასე, რომ ფაქტობრივად, "ქართული ოცნების" გუნდის შიგნით დატრიალდა ის საყვედური, რასაც ახლა, თქვენ მთელი საზოგადოების მასშტაბით მეკითხებით.

_ წეღან ახსენეთ, ივანიშვილი როგორც აღნიშნა, "ნაცების" საკითხს დღის წესრიგიდან მოხსნისო. ეს ხომ არ ნიშნავს, რომ ყბადაღებული კოაბიტაცია დასრულდება?


_ ასეთი პროგნოზის გაკეთება მიჭირს იმიტომ, რომ ანალოგიური ფრაზეოლოგია ადრეც მოგვისმენია და ამ მხრივ, იმედგაცრუება იყო. ივანიშვილმა ისევე როგორც ადრე, შეიძლება, ვერც ახლა მოახერხოს კოაბიტაციის რეჟიმიდან თავის დაღწევა. პროგნოზს მოვერიდები, მაგრამ ის, რომ ივანიშვილის წინაშე ეს საკითხი დადგა, მგონი ცხადია. ამოცანა დგას და როგორ მოახერხებს იგი მის გადაწყვეტას, ცხოვრება გვიჩვენებს.

_ ახლა ივანიშვილის პოლიტიკაში დაბრუნების შესაძლო მიზეზებზე ვისაუბრეთ, მაგრამ მოდით ისიც ვთქვათ რას წაადგება მისი მოსვლა, იგივე, რა გადალაგებების მომსწრე შეიძლება გავხდეთ?

_ ალბათ ერთ-ერთი მიმართულება პარტიის შიგნით წესრიგის გაძლიერება უნდა იყოს იმ მიმართულებით, რამაც ამ დღეებში გაიჟღერა. ისევ ნინია კაკაბაძის თემას რომ დავუბრუნდეთ, გაისმა საყვედურები: მოსახლეობას სამართლიანობის აღდგენას დაპირდით და ასევე, "ქართული ოცნების" მხრიდან "ნაცების" მიმართ უფრო ფხიზელი დამოკიდებულება უნდა ყოფილიყო, რაც არ ხდებაო. აი, რას საყვედურობს პარტიის ერთი გუნდი მეორეს. სავარაუდოდ, ამ ყველაფერზე განახლებულ "ქართულ ოცნებას" პასუხი ექნება.

_ კოჰაბიტაცია ჩვენ არ მოგვიგონია, ეს ფაქტია. როგორ შეხვდება "ნაცებთან" "ფხიზელ დამოკიდებულებას"დასავლეთი?

_ არ მგონია დასავლეთის თემა, ამჟამად, გადამწყვეტი იყოს. მაშინ, როცა დასავლეთი კოაბიტაციას ბეჯითად ითხოვდა, შესაბამისი ინფორმაცია მათ საქართველოდან მიეწოდებოდათ. ამ ინფორმაციებზე დაყრდნობით დასავლეთს მიაჩნდა, რომ `ქართული ოცნება~ შურისძიების გამო დგამდა იმ ნაბიჯებს, რასაც დგამდა. ეს მოახერხა `ნაცმოძრაობამ~, რომ სამართლიანობის აღდგენის სურათი უცხოელებისთვის შურისძიების სურათად გაესაღებინათ. აღსანიშნავია, რომ დასავლეთის მეთაურებს ზუსტად ამავე დროს არ უკვირდათ, როცა საფრანგეთის პრეზიდენტზე საქმე იღძვრებოდა, ისრაელის პრეზიდენტთან დაკავშირებითაც ანალოგიური სიტუაცია იყო და ა.შ. მაგრამ ხსენებულ შემთხვევებში დასავლეთს მიაჩნდა, რომ დანაშაული რეალურად ჩადენილია და ეს პროცესები მას სამართლიანი სასამართლოს ნიშნულით ჰქონდა აღქმული. ვფიქრობ, განვლილმა პერიოდმა და განსაკუთრებით, უკრაინის მაგალითმა დასავლეთს სააკაშვილის განცხადებების მიმართ ნდობა გაუძნელა. ამდენად, არ მგონია დღეს დასავლეთმა კოჰაბიტაციის მოთხოვნა გაიმეოროს, რადგან ახლა, უკვე, შეიძლება ამ პროცესებში იგივე დაინახოს, რაც ბევრ სხვა ქვეყანაში ხდება. ვიმეორებ, ყოფილი თანამდებობის პირების სასამართლო პროცესი დღეს არავის უკვირს. ამ ფონზე მეჩვენება, რომ უფრო რეალისტურია საკითხის ასე დაყენება — ქართული მოსახლეობისთვის მიცემული პირობა სამართლიანობის აღდგენაზე შეიძლება ახლა, უფრო ადვილი შესასრულებელი იყოს, ვიდრე ადრე.

_ რაც შეეხება საპრეზიდენტო არჩევნებს. ბატონი ბიძინა პრეზიდენტობისთვის ხომ არ ემზადება?

_ არა მგონია კენჭი პრეზიდენტობაზე იყაროს. თუმცა, ამის თქმა უკვე სახიფათოა, ყველაფერი შეიძლება მოხდეს. თუმცა, ივანიშვილს შეეძლო თუ პრეზიდენტობა სურდა, მარათონში პარტიის თავმჯდომარეობის გარეშეც ჩაბმულიყო. იურიდიულად ამას ხელს არაფერი უშლიდა. რადგან ეს ნაბიჯი არ გადადგა, ე.ი. მის ინტერესში საპრეზიდენტო მარათონში ჩაბმა არ არის. მას უნდა მის მიერ შექმნილი პარტია სისცოცხლისუნარიანი იყოს, ეს არგუმენტი უფრო დამაჯერებელია.
ქვეყნის კრიზისი კიდევ ცალკე საკითხია. მან პოლიტიკაში პირველად მოსვლისას თქვა, რომ ოთხ წელიწადში კარგად ვიცხოვრებდით. ეს არ იყო პარტიის ბედ-იღბალთან დაკავშირებული დაპირება. ეს დაპირება მაშინ ცოტა გამიკვირდა იმიტომ, რომ ერთ ან ორ წელიწადში ეკონომიკა არ იცვლება-ხოლმე. მაგრამ ივანიშვილი, ალბათ, გააცნობიერებს, რომ ასეთი ცვლილების გარეშე ანუ, ეკონომიკური სიტუაციის ცვლილების გარეშე, მხოლოდ შიდა პარტიული პროცესების შეცვლით, საზოგადოებაში კმაყოფილება დიდად არ იქნება.

_ თქვენი აზრით, რა იქნება მომდევნო ოთხი წლის მერე, როგორი საქართველო გვექნება?

_ რთული შეკითხვაა, ნამდვილად არ ვიცი როგორი საქართველო გვექნება, მაგრამ მეორე მხრივ, შეიძლება ივანიშვილმა ამგვარი დაპირებები იმის ხარჯზე გასცა, რომ რაღაც პროცესები საქართველოში ისედაც დაწყებულია, ვგულისხმობ, ინვესტიციებს, ეკონომიკურ პროცესებს. მაგალითად, ჩინეთი აპირებს ინვესტიციები ჩადოს ელექტრო-მობილების მშენებლობაში, ანუ, საქართველოში ელექტრო-მობილების მშენებლობა დაიწყოს. მოგეხსენებათ, ეს საკმაოდ დიდი სტიმულია ეკონომიკის წამოწევისა და მოსახლეობის კეთილდღეობის მისაღწევად. შესაბამისად, ივანიშვილმა, ალბათ, იცის, რომ ამ მხრივ რაღაც პერსპექტივა _ უცხოელებიდან სერიოზული ინვესტიციების შემოსვლის თვალსაზრისით, იგეგმება და ამ გეგმების იმედით დგამს იმ ნაბიჯს, რომ პოლიტიკურ სივრცეს დაუახლოვდეს.

_ ოპოზიციისგან ხშირად გვესმის არაფორმალური მმართველობა. ახლა, ივანიშვილი კვლავ ღიად შემოდის მმართველობაში. რა იცვლება ამით?

_ "ქართული ოცნების" წევრები აქამდე გამუდმებით იმეორებდნენ, რომ ბატონი ბიძინა პოლიტიკაში და ჩვენს გადაწყვეტილებებში არ ერევაო. ახლა, ივანიშვილი ღიად მისცემს ინტერვიუს და პირველი პირიდან გავიგებთ ამა თუ იმ გადაწყვეტილების მიღმა რა მზადდება. აი ეს იცვლება.

_ ბატონო რამაზ, წინა ნომერში გამოქვეყნებულ ინტერვიუში ასეთი რამ განაცხადეთ: ივანიშვილს თუ გაკოჭავენ, ხელებს გადაუგრეხენ, თორემ ისე პოლიტიკაში არ მოვაო. რა მოხდა მართლაც გაკოჭეს?

_ (იცინის) არმგონია რომ გაკოჭეს იმიტომ, რომ იგი ყოველთვის იმას აკეთებს, რასაც თავად დაისახავს მიზნად. ადრეც კოჭავდნენ, როცა პოლიტიკიდან წასვლას აპირებდა, მაგრამ მან თავისი არ დაიშალა და წავიდა. ასე, რომ გაკოჭვის გამო კი არ დაბრუნდა, არამედ თვითონ გადაწყვიტა, რომ ქვეყნის გადაჩეხვისგან გადარჩენის, მისი შემობრუნების დრო იყო და ამიტომ დაბრუნდა.

თამარ შველიძე

მეტის ნახვა
5-05-2018, 14:00


"საერთო გაზეთის" სტუმარია მხატვარი  ნიკუშა შენგელაია:

_ ბატონო ნიკუშა, პრემიერ-მინისტრმა ბიძინა ივანიშვილის პოლიტიკაში დაბრუნებაზე განცხადება გააკეთა. როგორ შეაფასებთ ამ ნაბიჯს?

_ რა თქმა უნდა, დადებითად. საერთოდ, ამ განცხადებას, საზოგადოების მხრიდან, ძალიან დადებითი რეაქცია მოჰყვა. კარგად მესმოდა თუ რატომ უნდოდა ივანიშვილს პოლიტიკიდან გასვლა და გულწრფელად ცდილობდა საქმე ახალგაზრდებისთვის გადაებარებინა, თუმცა, ეს, მაინც არ მოხერხდა. იმიტომ, რომ ვფიქრობ, ახლა, მისი ხელია საჭიროა, რათა საქმე ბოლომდე მივიდეს. ალბათ, მისი დაბრუნების განმაპირობებელი ბევრი ფაქტორი არსებობდა. მე, პარტიულ ცხოვრებაში არ ვერევი, არ ვიცი კულუარებში რა ხდება, მაგრამ ზოგადად, როგორც ჩანდა, პარტიაში განხეთქილებაც იყო, ადამიანები საკუთარი გუნდების შექმნას ცდილობდნენ და ა.შ. გარდა ამისა, ძალიან რთულია, როცა ადამიანს პოლიტიკიდან წასვლას არ გაცლიან _ არაფორმალური მმართველობა ყბადაღებულ თემად იქცა. ისეთი წესიერი და მორალური ადამიანისთვის როგორიც ბიძინა ივანიშვილია პოლიტიკის სფეროში ყოფნა ძალიან ძნელია, მაგრამ მან, ისევ და ისევ სამშობლოს სიყვარულისა და ხალხის კეთილდღეობისთვის ეს ნაბიჯი გადადგა, რათა ქვეყანა პოლიტიკური, პარტიული სირთულეების საჯიჯგნი არ გამხდარიყო. ვიმეორებ, ეს ძალიან დადებითი მოვლენაა. ზოგადად, საქართველოში საკადრო საკითხი მოსაგვარებელია, მოსაძიებელია ადამიანები, რომლებიც განათლებით, კომპეტენციით, პროფესიონალიზმით, თავიანთი ბიოგრაფიით და წესიერებით თანამდებობრივ ნიშებს შეავსებენ. ვფიქრობ, ეს კიდევ ერთი მიზეზია იმისა, რატომაც ბატონი ბიძინა პოლიტიკაში დაბრუნდა. იგი ძალიან კარგად და ზუსტად გრძნობს რა მომენტში სჭირდება საკუთარ ხალხსა და ქვეყანას. ივანიშვილმა წასვლისას თქვა: ჩემი პოლიტიკაში დაბრუნება მეორედ მოსვლა იქნებაო. ეს, რა თქმა უნდა, გადატანითი მნიშვნელობით ითქვა ანუ, იგულისხმებოდა _ როცა საჭიროებას დავინახავ მაშინ დავბრუნდებიო. ახლა, მართლაც საჭიროა მისი თვალი, ყური. მიუხედავად იმისა, რომ საკუთარ გუნდს მიენდო, ქვეყნის წინაშე აღებული პასუხისმგებლობისთვის თავი არასდროს აურიდებია. ივანიშვილისადმი ხალხს უფრო დიდი ნდობა აქვს ვიდრე პოლიტიკური პარტიების თუ სხვა სუბიექტებისადმი. რაც მოსაწესრიგებელია უნდა მოწესრიგდეს, ასე ქვეყანაც წინ წაიწევს და იმედია, პოლიტიკურ არენაზე უკეთესი კადრები გაჩნდება.

_ როგორ ფიქრობთ, პირველ რიგში, რა უნდა გაკეთდეს ხალხის ნდობის დასაბრუნებლად?

_ ხალხმა უნდა დაინახოს, რომ მთავრობა მაქსიმალურად ეფექტურად მუშაობს. არ მინდა ვთქვა, რომ არ მუშაობდნენ, ძალიან ბევრი რამ გაკეთდა, მაგრამ იყო რიგი საკითხები მით უმეტეს, პარტიულ და საპარლამენტო ცხოვრებაში, რაც ჩარევას და გამოსწორებას საჭიროებს. ვფიქრობ, ეს ბუნებრივი პროცესია. "ქართული ოცნება" ძალიან ეკლექტური ძალაა. ფაქტობრივად, იგი, "ნაცმოძრაობის", სააკაშვილის გასაშვებად ჩამოყალიბდა. პარტიის მთავარი ფიგურა ყოველთვის ბიძინა ივანიშვილი იყო. აზრთა სხვადასხვაობა, გაუგებრობა მოსალოდნელი იყო, ეს პრობლემა არ არის. კომუნიკაცია უფრო ეფექტური რომ იყოს, ამისთვისაც ივანიშვილის დაბრუნება დროული და კარგი ნაბიჯია.

_ ბატონო ნიკუშა, 2012 წელს ვინც გამარჯვებისას `ქართულ ოცნებას~, ბიძინა ივანიშვილს გვერდით ედგა, განზე დარჩა. მათი `შემობრუნების~ დრო ხომ არ მოვიდა?

_ იცით რა, ადამიანის წარსულს, მის ბიოგრაფიას ყოველთვის პატივი უნდა სცე, თუ როგორ იმოქმედა, რა დროს რა გააკეთა. თუ აქტიური ხარ და პოტენციალი გაქვს საკუთარ ქვეყანას დადებითი შესძინო, ამის კეთებას არავინ გიშლის. გუნდი უნდა შეიკრას, ერთმანეთში პატივისცემა იყოს, რა თქმა უნდა, ივანიშვილი ამის გაკეთებას შესძლებს. მას ძალიან დიდი ავტორიტეტი აქვს, პატივისცემით სარგებლობს. საჭირო დროს მოვიდა იმ მხრივაც, რომ საზოგადოებაში ცოტა გაურკვევლობა იყო თანაც საპრეზიდენტო არჩევნებიც ახლოვდება.

_ როგორ ფიქრობთ, ივანიშვილი საპრეზიდენტო არჩევნებში კენჭს იყრის?


_ არ მგონია იმიტომ, რომ პარტია პოლიტიკური ამინდის, კადრების სამჭედლოა. დღევანდელ პრეზიდენტს ქვეყნის შიდა პოლიტიკაში ჩარევის ნაკლები რესურსი აქვს, ვიდრე პრემიერ-მინისტრს, პარტიის თავმჯდომარეს, პარლამენტს და ა.შ. ჩვენი ქვეყანა მაინც საპარლამენტო რესპუბლიკისკენ იხრება.

_ როგორც ვახსენეთ, ივანიშვილი დაბრუნდა, რათა შიდა დაპირისპირებები მოისპოს და "ქართული ოცნების" გუნდი კვლავ გაერთიანდეს, მაგრამ ასევე, დაბრუნდა თუ არა იმისთვის, რომ ქვეყანა კრიზისიდან გამოიყვანოს. როგორ ფიქრობთ, ქვეყნის განვითარებაში რა წვლილს შეიტანს მისი პოლიტიკაში დაბრუნება?

_ ამას დრო გვიჩვენებს, ყოველ შემთხვევაში, არსებობს რწმენა, რომ მოვლენები დადებითად განვითარდება. არ მგონია ქვეყანა ძალიან კრიზისულ მდგომარეობაში იყოს გამომდინარე რეალობიდან თუ სად ვიმყოფებით, როგორი ეკონომიკა გვაქვს. ქვეყანა ვითარდება, მადლობა ღმერთს რომ მშვიდობა გვაქვს და ამას ვინარჩუნებთ, ეკონომიკაც ვითარდება, მაგრამ უფრო ეფექტური მუშაობაა საჭირო, თუნდაც უმუშევრობის დაძლევის კუთხით. ეს ქვეყნისთვის ყველაზე დიდი პრობლემაა, ძალიან ბევრი მოქალაქე უმუშევარია. სოციალურ თემებს უნდა მოევლოს. სხვა მხრივ თუ დავაკვირდებით, რა ხდება ჩვენს რეგიონში და გარშემოც, ვთვლი, რომ ხელისუფლებას სიტუაცია კიდევ კარგად უჭირავს.

_ რა შეცდომებია დაშვებული და რა არის ის პრიორიტეტი, რაც ქვეყნის განვითარებისთვის უნდა გაკეთდეს?

_ უფრო მეტი ძალისხმევა განათლებას სჭირდება. მიუხედავად იმისა, რომ ეს მთავრობისთვის უფრო პრიორიტეტული სფერო გახდა, მაინც მეტია საჭირო. პლუს სასურველია საკვანძო ადგილებზე უფრო პასუხისმგებლიანი და კომპეტენტური კადრები შეირჩეს, რაც ქვეყნის განვითარებაზე სასიკეთოდ იმოქმედებს. ეს იოლი პრობლემა არ არის, ამ მხრივ, სერიოზული სამუშაოა ჩასატარებელი.

_ "ჯი-დი-ეს"-ისთვის მიცემულ ინტერვიუში ბატონმა ბიძინამ აღნიშნა, რომ ნაციონალების თემას წერტილს დაუსმევს. ამაში რა იგულისხმებოდა?

_ თაკო, თუ გახსოვს, შენთან ინტერვიუში არაერთხელ მითქვამს: 2012 წლიდან მოყოლებული "ნაცმოძრაობა" დამთავრდა, ეს თემა დღის წესრიგიდან უნდა ამოვიდეს. საერთოდ, არ უნდა გავაზვიადოთ ის, რაც არანაირ ღირებულებას არ წარმოადგენს. ივანიშვილმა, თავისი გამონათქვამით, ალბათ, ეს შეახსენა საზოგადოებას. ყოველთვის ამ პოზიციაზე ვიყავი _ მათ უტიფარ შენიშვნებს, არაარგუმენტირებულ კრიტიკას ყურადღება არ უნდა მიაქციო, ვითომ არც არიან. ჩვენი ყველაზე საუკეთესო მაჩვენებელი კარგად გაკეთებული საქმეები იქნება, ესაა ყველაზე დიდი პოლიტიკური დაცვა. ამიტომ, 2012 წლიდან "ნაცმოძრაობაზე" არ ვსაუბრობ, ვთვლი, რომ პასუხის გაცემის და ყურადღების ღირსიც არ არიან.

_ "ქართულ ოცნებაში" ხომ არ არიან ძალები, რომლებიც ცდილობენ პარტია მაგისტრალური ხაზიდან გადაიყვანონ, ეს რამდენად საფრთხილოა?

_ გარწმუნებ, ვერავინ ვერაფერს აურევს. სამწუხაროდ ისე ხდება, რომ საზოგადოებაში არსებობს ხალხი, რომლებიც თავიანთი კარიერის, კეთილდღეობის გამო ყველაფრის მკადრებელია. სწორედ ასეთი ადამიანების დიდ ნაწილი ხვდება პოლიტიკაში, პარტიებში და მერე თავიანთი მოკლე ტვინით მსგავს მოძრაობებს იწყებენ, მაგრამ ეს არ გაუვათ არც ბიძინა ივანიშვილთან, არც ქართულ საზოგადოებასთან. ისინი კარგად უნდა დაფიქრდნენ, თუ ამის ტვინი აქვთ.

_ რა შეიცვლება ხალხისთვის ბიძინა ივანიშვილის დაბრუნებით, თუნდაც აღდგება თუ არა დაპირებული სამართლიანობა?

_ ეს ერთ-ერთი რთული პრობლემაა. მცდელობა გვაქვს სამართლებრივი ქვეყანა გავხდეთ. ამიტომ, არგუმენტებზე დაყრდნობით რაც შეიძლება მეტი საქმე უნდა გადაწყდეს იმ ხალხის სასარგებლოთ, რომლებიც "ნაცმოძრაობის" დროს მართლა დაიჩაგრნენ და სამართლიანობის აღდგენას ითხოვენ. ასეთი ხალხი ბევრია, მე მათ გვერდით ვდგავარ იმიტომ, რომ ძალიან ძნელია როცა შენი შრომით შეკოწიწებულს ვიღაც გინგრევს და ამ კუთხით, სამართალს დღემდე არ უზეიმია. ამ საკითხს უფრო აქტიურად უნდა მიხედოს სასამართლომაც, პროკურატურამაც, ძალოვნებმაც იმიტომ, რომ ამ ადამიანების თავზე ბევრმა რამემ გადაიარა. ბევრი მათგანისთვის გაუგებარია, საიდან ჩნდებიან "ნაციონალებთან" ასოცირებული ადამიანები თანამდებობებზე, პარლამენტში და ა.შ. ვიცით, რომ ბევრი მათგანი, რომელიც მაშინ კურდღელივით იჯდა, დღეს, თავაწეული დადის, თითქოს, რამეს წარმოადგენდეს იმიტომ, რომ მათ "ქართულმა ოცნებამ" სხვადასხვა თანამდებობების დასაკავებლად კარები გაუხსნა. ის ადამიანი არ ვარ, რომ ყველა დავადანაშაულო. ადამიანებმა, ფაქტობრივად, რვა წელი უზნეობის წინააღმდეგ ბრძოლაში, ქუჩაში გაატარეს. ეს ჩვენი საზოგადოების დიდი მებრძოლი, მოაზროვნე ნაწილია. ასეთი ადამიანები ქვეყნის აღმშენებლობისთვის თუ ჩაერთვებიან, ძალიან მნიშვნელოვანი იქნება. საერთოდ, დროა, დიდი გაგებით, გუნდი საზოგადოებრივ პოლიტიკაზე გადავიდეს, უფრო სერიოზული საჭადრაკო პარტია დაიწყოს, რასაც თავის თავში დემოკრატია მოიცავს, საზოგადოებას საკუთარი ქვეყნის აღმშენებლობაში ჩართულობის გრძნობა უნდა გაუჩნდს. ეს საჭადრაკო პარტია ძალიან დიდია, რაც არ არის მხოლოდ სამთავრობო ინსტიტუტებზე და პარტიებზე ორიენტირებული საკითხი. ეს თემა ფართოდ უნდა გაიშალოს იმიტომ, რომ ყველაზე დიდი ძალა საზოგადოებრივი მხარდაჭერაა. ამაზე დიდი ძალა პოლიტიკაში, არცერთ დემოკრატიულ ქვეყანაში, არ არსებობს. ამიტომ, ამ მიმართულებითაც, ბევრი სამუშაოა.

_ პოლიტ.საბჭოს სხდომაზე ბიძინა ივანიშვილმა "ქართული ოცნების" ახალგაზრდული ფრთის ერთ-ერთ წარმომადგენელს ჰკითხა: საიდან მოხვედით თქვენ "ქართულ ოცნებაშიო"?

_ (იცინის) მოუკლია კაცი. არ ვიცი ეს პიროვნებები საიდან მოდიან, რით ცხოვრობენ. ჩემი ტიპის ხელოვანი ადამიანები სხვა რამით ცხოვრობენ, ისინი _ სხვა რამით. მართლაც არ ვიცი საიდან მოდიან, საით მიდიან, მაგრამ სანამ არიან უნდა ეცადონ ქვეყანას დადებითი შესძინონ თუ ამის კომპეტენცია აქვთ, მაგრამ თუ მარტო საკუთარ კარიერაზე და კეთილდღეობაზე ფიქრობენ, ეს მათ არ გამოუვათ. არჩევანი უნდა გააკეთონ. თუმცა, ისტორიამ გვიჩვენა: ძალიან ბევრი ხალხი ვიცით, რომლებიც რამდენიმე ხელისუფლებაში იყვნენ, აქეთ-იქით დახტოდნენ პარტიიდან პარტიაში. საზოგადოება მათ ყველას იცნობს, ასე რომ არ გაუვათ ეს ამბავი.
ბოლოს, დასკვნის სახით მინდა ვთქვა: რაც მთავარია საზოგადოება მზად არის ბიძინა ივანიშვილს ყოველთვის გვერდში დაუდგეს იმიტომ, რომ მან პირადად, ყოველგვარი პოლიტიკისა და პარტიის გარეშე, ნებისმიერ სფეროში, თავის ქვეყანას უდიდესი სიკეთეEგაუკეთა. ამიტომ, აქვთ ადამიანებს მისი რწმენა, პატივისცემა. ივანიშვილის ყველაზე დიდი მხარდამჭერი პარტია ან რამე სხვა კი არა, არამედ ქართველი ხალხი და საზოგადოებაა.

თამარ შველიძე

მეტის ნახვა
4-05-2018, 11:30