სარეკლამო ადგილი

947x125



„საერთო გაზეთს“ ანალიტიკოსი სამხედრო-პოლიტიკურ და უსაფრთხოების საკითხებში, გენერალი ამირან სალუქვაძე ესაუბრა:

– ბატონო ამირან, 10 აპრილს პარლამენტის სამი კომიტეტის დახურულ სხდომაზე სახელმწიფო უსაფრთხოების სამსახურის ანგარიში მოისმინეს. თემაზე დისკუსია დახურულ ფორმატში შედგა. როგორ ფიქრობთ, რამდენად სრულყოფილია ეს ანგარიში? 


– მე ანგარიშის დახურული ნაწილი არ მინახავს, საგარეო დაზვერვის სამსახურში მუშაობის ხანგრძლივი გამოცდილება მკარნახობს, რომ საფრთხეებისა და რისკების ნაწილში მხოლოდ რუსეთზე არ იქნება საუბარი, ოღონდ ეს იქნება დახურული ფორმატისთვის. საგარეო დაზვერვისა და უსაფრთხოების სამსახურებს შორის მუდმივი კომუნიკაციაა, ამიტომ მეტ-ნაკლებად ვიცი, სახელმწიფო უსაფრთხოების სამსახური რა საფრთხეებზე მუშაობს. დახურული ფორმატის პრაქტიკას უამრავი სახელმწიფო მიმართავს, რადგან საფრთხეების გარკვეული ნაწილი საჯარო განხილვისთვის დახურულია. რა თქმა უნდა, რუსეთი ძირითადი და მთავარი საფრთხეა, მაგრამ თუ ნებისმიერი სახელმწიფო, რომელსაც კავკასიაში ინტერესები აქვს, ჩვენთვის საფრთხეს წარმოადგენს, სპეცსამსახურები ამ საფრთხეების განეიტრალებაზეც მუშაობენ. ამ ინფორმაციის გასაჯაროება რომ საჭირო იყოს, ამას სახელმწიფო უსაფრთხოების სამსახური გააკეთებდა. რაც შეეხება რუსეთს, ძირითადი საფრთხეები სწორედ რუსეთის პოლიტიკისა და იმ გარემოებებისგან მომდინარეობს, რაც ოკუპაციას ახლავს. აღსანიშნავია, რომ შარშანდელ ანგარიშთან შედარებით, წლევანდელი უფრო დეტალურია და მასში სიახლეებია გაწერილი. კერძოდ, პროპაგანდა, რომელსაც რუსეთი პირდაპირ ან ირიბად ახორციელებს საქართველოში, და სოციალურ ქსელებში არსებული ფეიკ-გვერდები, რომლებსაც საზოგადოება შეცდომაში შეჰყავთ, ცრუ მოლოდინებს და შიშებს აჩენენ და ქვეყნისთვის ზიანი მოაქვთ. რა თქმა უნდა, ეს დასავლური განწყობების გაუარესებას და რუსეთის პროპაგანდას ემსახურება და კარგია, რომ ანგარიშში აისახა. 

– ასახვა კარგია, მაგრამ ალბათ, არასაკმარისი. ყველამ ვიცით, რომ სოციალურ ქსელებში გახსნილია გვერდები, სადაც ღიად თუ შეფარულად, ტერორისტული ორგანიზაციების მხარდაჭერისკენ მოუწოდებენ, ქართველ ხალხს ანგარიშსწორებით ემუქრებიან და ა.შ. 


– რა თქმა უნდა, ამ მიმართულებით სპეცსამსახურებმა შესაბამისი ზომები უნდა გაატარონ. როგორც იცით, ახლახან Fაცებოოკ- ის დამფუძნებელი მარკ ცუკერბერგი მონაცემთა კონფიდენციალურობის სკანდალის გამო ამერიკის კონგრესში დაიბარეს და სავარაუდოდ, უახლოეს ხანებში, Google-ს და Twitter-ის ხელმძღვანელებსაც დაიბარებენ. ალბათ,უახლოეს ხანებში, სოციალური ქსელები შეცვლიან პოლიტიკას და დარეგისტრირებისთვის ვინაობის იდენტიფიკაცია აუცილებელი გახდება, თუმცა აუცილებელი არაა ცუკერბერგს ველოდოთ. ჩვენ ჩვენი საფრთხეებისა და გამოწვევების შესაბამისად უნდა ვიმოქმედოთ. 

– ამბობენ, რომ ბოლო დროს აჭარაში თურქული სპეცსამსახურები ღიად მოქმედებენ. რამდენიმე დღის წინ სარფის საბაჟოზე თურქმა მესაზღვრეებმა საქართველოს მოქალაქე სასტიკად სცემეს და ასეთი შემთხვევები საკმაოდ ხშირია. 

– მე ამას საფრთხეების კატეგორიაში ვერ განვიხილავ, რადგან, შესაძლოა, კონფლიქტი საყოფაცხოვრებო თემას უკავშირდებოდეს. გასაგებია, რომ მწვავე თემაა, მაგრამ დასკვნების გაკეთება გამოძიების შემდეგ უნდა მოხდეს. რამდენიმე დღის წინ ბელიაშვილის ქუჩაზე მომხდარი კონფლიქტის შემდეგ ზოგიერთებმა რასიზმზე დაიწყეს საუბარი, რაც აბსოლუტური სისულელეა. ეს ელემენტალური გაუნათლებლობის საკითხია, გაუნათლებლები კი თურქეთშიც არიან და საქართველოშიც. შესაძლოა, თურქეთიდან რაღაც გამოწვევები მომდინარეობდეს, მაგრამ ვიმეორებ, ანგარიშის კონტექსტში ამაზე ღიად ვერ ვისაუბრებ. ანგარიშის დახურული ნაწილი დასახური რომ არ ყოფილიყო, მაშინ სახელმწიფო უსაფრთხოების სამსახური გაასაჯაროებდა. 

– ინფორმაციის თავისუფლების განვითარების ინსტიტუტის (IDFI) ინფორმაციით, საპრეზიდენტო ვადის ბოლო თვეებში მიხეილ სააკაშვილმა საქართველოს მოქალაქეობა თურქეთის 3 464 მოქალაქეს მიანიჭა. ამ პროცესების კვალდაკვალ, აჭარაში შესამჩნევად გაიზარდა თურქეთის გავლენა.

– თუ ამ საკითხს ანგარიშისგან განვაცალკევებთ, გეტყვით, რომ ჩვენ წლების განმავლობაში არ ვაქცევდით ყურადღებას აჭარაში თურქული გავლენის ზრდას. თავის დროზე ტელევიზიით, ღიად ვრცელდებოდა ინფორმაცია თურქეთის სასაზღვრო რაიონებში მცხოვრებთათვის საქართველოს მოქალაქეობის მასიურად მინიჭების შესახებ. ვინ და როგორ შეუწყო ხელი ექსპანსიური პოლიტიკის განხორციელებას, ეს ცალკე საუბრის და გამოძიების თემაა. შესაძლოა, ის რაც აჭარაში ან თბილისის ზოგიერთ ქუჩაზე ხდება, შესაძლოა, საზოგადოებისთვის გამაღიზიანებელი იყოს და სახელმწიფოსთვის გამოწვევას წარმოადგენდეს, მაგრამ შესაბამისმა სამსახურებმა ამაზე ზედმეტი აჟიოტაჟისა და ხმაურის გარეშე უნდა იმუშაონ. რაღაც ისე უნდა გავაკეთოთ, რომ საინვესტიციო გარემო არ დავაზიანოთ და ნაბან წყალს ბავშვიც არ გადავაყოლოთ.

– სუს-ის ანგარიშს დავუბრუნდეთ, სადაც წერია, რომ საქართველოში უცხო ქვეყნების სპეცსამსახურების ძირითად ამოცანას დესტრუქციული პოლიტიკური ჯგუფებისა და საზოგადოებრივი ორგანიზაციების საშუალებით ანტიდასავლური განწყობების გაღვივება წარმოადგენს. ამან პარლამენტის თავმჯდომარის მიერ FREEDOM HOUSE და NDI-ის თბილისის ოფისის მისამართით რამდენიმე დღის წინ გაკეთებული განცხადება გამახსენა. ირაკლი კობახიძემ ეს ორგანიზაციები არაობიექტურობასა და საკუთარი ხელისუფლების შეურაცხყოფაში დადანაშაულა, რაც იმას ნიშნავს, რომ ზოგჯერ, შეიძლება, დასავლური ორგანიზაციებიც სცოდავდნენ..

– პარლამენტის თავმჯდომარეს უფლება აქვს თავისი მოსაზრებები ჰქონდეს და, გარკვეულწილად, შეიძლება დავეთანხმო, თუმცა, ამ თვალსაზრისით, მე მეტი თავისუფლება მაქვს, ვიდრე პარლამეტის თავმჯდომარეს. რაც შეეხება კონკრეტულად NDI-ის და სხვა ორგანიზაციებს, ჩემი აზრით, მათ მიერ სხვადასხვა ქვეყნებში, სხვადასხვა დროს ჩატარებული კვლევები და დასკვნები ხშირად რეალობას არ შეესაბამება. ზოგჯერ იმ ორგანიზაციებისა და საზოგადოების სხვადასხვა ჯგუფების მუშაობა, რომლებიც თავს პროდასავლურად აღიქვამენ, პირიქით, ხელს უწყობენ პრორუსული განწყობების გაძლიერებას. ამიტომ ყველა, ვინც დაინტერესებულია, რომ საქართველომ დასავლური კურსი გააგრძელოს, უარი უნდა თქვას ვიწრო პოლიტიკურ ინტერესებზე და საკუთარ განცხადებებს, დასკვნებს და კვლევებს მეტი პასუხისმგებლობით მოკიდოს.

– საქართველოს პრემიერ-მინისტრის მიერ რუსეთის ხელისუფლების მისამართით გაკეთებული მიმართვის შემდეგ რუსეთთან დიალოგის აუცილებლობაზე ამერიკის ელჩმაც განაცხადა. ამის მიუხედავად, ზოგიერთი პოლიტიკური პარტიისა და მათი მხარდამჭერებისთვის რუსეთთან დიალოგი სამშობლოს ღალატის ტოლფასია. თქვენი აზრით, რა არის შექმნილ მდგომარეობაში საუკეთესო გამოსავალი? 

– კვირიკაშვილის განცხადება საკმაოდ დაბალანსებული იყო და იმაზე მეტყველებდა, რომ საქართველო მზად არის განმუხტოს საოკუპაციო ზონაში არსებული ვითარება. ვერავინ უარყოფს, რომ საფრთხეები არსებობს. ისიც ვიცით, რომ ამ საფრთხეებს განეიტრალება სჭირდება, მაგრამ რა გზით და მეთოდებით უნდა მოხდეს, ეს ცალკე თემაა. რაც შეეხება საქართველოს ევროატლანტიკურ ინტეგრაციას, ეს რუსეთთან სავაჭრო თემა არაა და რუსეთს მოწონს თუ არ მოწონს, ამასთან შეგუება მოუწევს. არჩილ ტატუნაშვილის ტრაგედიამ კიდევ ერთხელ დაგვანახა ვისთან გვაქვს საქმე, მაგრამ ეს იმას არ ნიშნავს, რომ კარი ჩავრაზოთ და საუბარი არ გავაგრძელოთ. სხვათა შორის, დიალოგის აუცილებლობაზე მარტო იან კელის არ უთქვამს, ანალოგიური იყო ევროკავშირის ელჩისა და ნატოს გენერალური მდივნის პოზიცია. ერთ-ერთმა ამერიკელმა ექსპერტმა ისიც აღნიშნა, რომ 30-მდე სახელმწიფოდან, რომლებმაც რუსი ელჩების გაძევების გადაწყვეტილება მიიღეს, საქართველო ყველაზე დაუცველია, რადგან რუსეთი ჩვენი უშუალო მეზობელია და ჩვენი ორი რეგიონი ოკუპირებული აქვს. ამასთან, სხვებისგან განსხვავებით, ჩვენ არც ნატოს და არც ევროკავშირის „ქოლგის“ ქვეშ არ ვართ. აი, ამაზე უნდა ვიფიქროთ, როცა მთავრობა წერილებით და მიმართვებით ცდილობს საფრთხეების შერბილებას. პოლიტიკურმა ჯგუფებმა უნდა დაასრულონ კინკლაობა და ისეთი პოლიტიკის გატარებაზე შეთანხმდნენ, რომელიც საქართველოს დასავლეთთან და დეოკუპაციასთან დაახლოვებს.

ნელი თორდია

რედაქციისაგან:
ადამიანები მშვიდობის ფასს მხოლოდ მაშინ გრძნობენ, როცა ის არ არისო – ნათქვამია.
საქართველოში დღეს მშვიდობაა, რაშიც უდიდესი წვლილი საქართველოს უსაფრთხოების სამსახურსაც მიუძღვის, თუმცა ეს წვლილი, ამ სამსახურის მუშაობის სპეციფიკურობის გამო, ზოგჯერ კონკრეტული ფაქტებით არ არის გაცხადებულ-დადასტურებული.
გამომდინარე აქედან, უნდა ვივარაუდოთ, რომ ბევრი რამ, რაც სუს-მა ამ საანგარიშო პერიოდში გააკეთა ქვეყანაში მშვიდობისა და უსაფრთხოების შესანარჩუნებლად, მის ანგარიშში საჯაროდ და სახალხოდ ვერ გაჟღერდებოდა...
სუს-ის მუშაობის შეფასების მთავარი კრიტერიუმი, როგორც ვთქვით, ის არის, რომ საქართველოში მშვიდობაა, ამის უკან კი ძალიან ბევრი ადამიანის უძილო ღამეები და თავდაუზოგავი შრომა დგას.

მეტის ნახვა
23-04-2018, 11:00


კეშას ბლოგი
--------------------------
ნიგერიელებმა და თბილისის მერმა, ნიგერიელებმა და პარლამენტის თავმჯდომარემ ფეხბურთი და კალათბურთი ითამაშეს და საფეხბურთო კონფლიქტი ამოიწურა - გვეშველა.

მწვადიც უჭამიათ, არ არიან ჩემი ნიგერიელები მშივრები, ამოვისუნთქე.
სხვა მოედანზეც მომხდარა კონფლიქტი - ქართველ ბიჭებს ქართველ ბიჭებთან უჩხუბიათ და მერს ვითხოვთ და პარლამენტის თავმჯდომარეს, ვერ ვშოშმინდებით სხვანაირად, ვერ ვწყნარდებით.

მიიწვია გაბუნიამ პირდაპირ ეთერში მხარე ნიგერიელი სამუელ ალავოდი - ხოდა, მისხალ-მისხალ და პატიოსნად მოყვა სამუელი: რომ მივედით ბავშვები თამაშობდნენ და ერთი წავაქციეთ, ამიტომ, ვთხოვეთ, მოედანი დაეტოვებინათო.

ხოდა, ეკითხება გაბუნია: - როგორ ფიქრობთ, ბავშვებს მართლა უნდოდათ თამაში მოედანზეო?
მართლა არ ენდომებოდათ, იტყუებოდნენ, ცრუობდნენ - ის რა ბავშვია, რომელსაც თამაში უნდა. ბავშვი ვიცი მე ტელევიზორთან და კომპიუტერთან.
უნდოდათ თამაში კი არა - თამაშობდნენ ბავშვები მოედანზე, თამაშობდნენ.

თუ დავინახავ, რომ ბავშვები გაყარეს მოედნიდან ზრდასრულმა კაცებმა - კანის ფერის გარჩევას დავიწყებ? - კანის ფერის მიხედვით უნდა ვიმოქმედო?
რა ვუყოთ, რომ თეთრი ვარ? 

ეროვნების ნიშნით განვასხვავო, ვის აქვს ბავშვების თამაშისთვის ხელის შეშლა და ვის არა? 
რა ვუყოთ, რომ ქართველი ვარ.

ხელის ტანკსაწინააღმდეგო ქვემეხს - ბაზუკას გვიმიზნებდნენ ქართველებიო. სად წავიდა მერე ის ბაზუკა, სადაა ბაზუკადან გატყორცნილი ჭურვი?
არა, ახლა, ყველა ნამდვილი ქართველის სახლში ერთი ტანსაწინააღმდეგო ბაზუკა კი დევს, მაგრამ ასე წარამარა კი არ ვისვრით.
რაის ბაზუკა, რა ტანკსაწინააღმდეგო, რის ჭურვი.

ეს ნიგერიელები კი ისხდნენ წელგამართულები და ხერხემალში გაშლილები და ქართველს დაჟეჟილი თუ დალეწილი ხელი ჰქონდა ჩამოკიდებული ბინდით კისერზე. კაციშვილი არ ეკითხება, რა დროს იტკინა ხელი, როგორი დაზიანება აქვს, კიდევ ვინმეს ხომ არ აქვს დაზიანება.
ყვება თვითმხილველი, როგორ სცემდა 30 ნიგერიელი ერთ ქართველს და ჟურნალისტი ეუბნება, ეგ არ მინდა, ის მოყევი, 30 ქართველი რომ ერთ ნიგერიელს სცემდაო.

მოყვა ამას პოსტები ღრუზინობაზე, კანის ფერზე, ტოლერანტობაზე, ქაჯობაზე, დისკრიმინაციაზე.
რა ვუყოთ, რომ თეთრი ვარ, რა ვუყოთ, რომ ქართველი ვარ, ამის გამო სულ მე რატომ უნდა ვიყო თავჩახრილი - განა შეიძლება, კანის თეთრი ფერის და ეროვნების გამო, ჩემს ქვეყანაში ვისჯებოდე?

იუნონა შაფათავამ - შავი შვილები მეყოლება მე და ზანგს ვინც დაუძახებს, გავხევ შუაშიო.
აუ, გგონიათ ფერადკანიანები არ გვეძახიან - თეთრებს ზედმეტსახელებს? რა ვქნა, გავხიო შუაში?
შავი პურის ჭამას ვიწყებ ხვალიდან, შავებს ვიცმევ ხვალიდან, შავად ვიღებავ სახეს ხვალიდან, ტელეფონი უნდა გამოვცვალო - თეთრი ხაზი დაყვება გვერდზე, ემანდ ვინმემ არაფერი იფიქროს, რომ მოვკვდები, შავ კუბოში ჩამაწვინეთ - სახალხოდ ვიბარებ.

რა ვუყოთ, რომ თეთრი ვარ, რა ვუყოთ, რომ ქართველი ვარ, თორემ, ნიგერიელი რომ ვიყო, მეც და ჩემს შვილსაც ხომ შეგვიწვავდა ქალაქის მერი მწვადს.
რა დისკრიმინაციაზე ვსაუბრობთ, გაგდებული აქვს ჩემი ქალაქი ყველა ჯურის ჩამოსულს, რამდენიმე წლის წინ, პლეხანოვზე „სტაიშნიკს“ თურქეთის მოქალაქემ ჯოხი ჩაარტყა თავში და უბნის ინსპექტორმა გაუშვა თურქეთის მოქალაქე, პატრულიც არ გამოიძახა - დაზარალებული არ უჩივისო. 
სასწრაფოა გამოძახებული, კაცს თავი აქვს გატეხილი, სისხლი მოსდის - უბნის ინსპექტორი ამ ამბავს შეესწარი და პატრულსაც არ იძახებ - ანუ, მე რომ ხვალ მომკლან, თუ არავინ იჩივლა - შერჩება მკვლელს?

აბა, ქართველს ჩაერტყა? - რა ვუყოთ, რომ ქართველი ვარ, რა ჯანდაბა ვუყოთ.

მე თეთრი ქართველი ვარ, საბურთალო ინდოელებს დამუთმე, პლეხანოვი თურქებს და არაბებს, ყველა სხვა უბანი ნიგერიელებს და აფრიკელებს, ჩინელებს და პაკისტანელებს - რა ვქნა მეტი, რა შემიძლია კიდევ მოგცეთ, რა უნდა გავიღო კიდევ, რომ ლიბერალი გამოვჩნდე და დემოკრატი გეგონოთ? რა გავაჩუქო კიდევ, რომ დისკრიმინაციაში აღარავინ დამდოს ბრალი?

რა ვუყოთ, რომ თეთრი ვარ? - მე დავწვი, ბატონო? 

რატომ უნდა ვაგო პასუხო, ოდესღაც მსოფლიოში ჩადენილ ყველა დანაშაულზე პასუხი მე. 
ამას წინათ, ერთი ევროპული ქალაქის მერმა პაკისტანელებს განუცხადა: ჩვენ ოდესღაც მიგიღეთ და ცხოვრების უფლება მოგეცით, მაგრამ ის კი არ გვიგულისხმია, რომ ჩვენ ჩვენს ტრადიციებს ვუღალატებთ და თქვენსას მივიღებთ - კეთილი ინებეთ და ჩვენი ცხოვრების სტილს შეეგუეთო.
სად გვაქვს ჩვენ ცხოვრების სტილი, მაგრამ ჯერ კიდევ ვიცით, რომ ბავშვს კი არა, ძაღლს უნდა აცადო თამაში.

ცხოვრობს ნიგერილი 5 წელი ჩემს გვერდით, ერთი სიტყვა ქართული არ იცის, არ სჭირდება, არ მცემს პატივს და არ ვუყვარვარ, არ უნდა ჩემი ენის სწავლა - მე რომ ნიგერიაში ჩავიდე - ჩემს ქართულს ვინ გაიგებს, ვინ გამაგდებინებს ნიგერიელის ბავშვებს მოედნიდან, რომელი ნიგერიელი მერი დამაპურებს?
ხოდა, გავიგე, რომ უნდა ცხოვრობდეს, მაინც და მაინც ჩემს გვერდით უნდა ცხოვრობდეს ნიგერიელი და ჩინელი, ინდოელი და არაბი, თურქი და ერაყელი - გავიგე, კარგი - მაგრამ, ჩემს ქართველზე მეტად რატომ უნდა მიყვარდეს, რისი უფლებაც ჩემს ქართველს არა აქვს, იმის უფლებას რატომ ვაძლევთ მათ - ეგ ვერ გავიგე და გამხიოს თუ უნდა იუნონამ შუაზე, რა ვქნა.

ბიუჯეტს ვავსებთ მაგ შემოსული ადამიანებითო - მეუბნებიან, ხმა არ გაიღო, ჩუმად იყავიო. აუ, წლებია, ჩამოდიან და ჩამოდიან და შევსებული ბიუჯეტი მე ვერ დავინახე, ვერც ცხოვრების გაუმჯობესება დავინახე და ეგენი ავსებენ ბიუჯეტს და მე ვაკლებ ღამე ჩუმად, თუ როგორაა საქმე?
რა ვუყოთ, თუ თეთრი ვარ, მეც მინდა თამაში, მეც მინდა ცხოვრება, მეც მინდა სამართალი.

რა ვუყოთ, თუ ქართველი ვარ, მეც მინდა სამსახური, მეც მინდა სახლი, მეც მინდა პარლამენტის თავმჯდომარის და ქალაქის მერის, თუნდაც, მორალური მხარდაჭერა.

მეტის ნახვა
23-04-2018, 10:00


(დასასრული. დასაწყისი იხ. "სგ" N14)

საკმაოდ მძაფრად მიმდინარეობდა ამ საკითხის განხილვა ბრიტანეთის პარლამენტშიც. როგორც ევროპარლამენტის დეპუტატი დიდი ბრიტანეთის დამოუკიდებლობის პარტიიდან ნაიჯელ ფარაჯი უთითებდა, სინამდვილეში ყველაფერს წყვედტა არა ინგლისის პარლამენტი, არამედ ადამიანის უფლებათა ევროპის სასამართლო. პრემიერ-მინისტრმა კამერონმა, მისი პარტიისა და ერის საწინააღმდეგოდ, ეს კანონპროექტი პარლამენტს თავს მოახვია უშუალოდ სტრასბურგის მითითებით.


2008 წელს გაეროს ისტორიაში პირველად საფრანგეთის, ნიდერლანდებისა და სხვა მთელი რიგი სახელმწიფოების ინიციატივით გენერალური ასამბლეის 63-ე სესიაზე მიღებულ იქნა დეკლარაცია ადამიანის უფლებებთან და სექსუალურ ორიენტაციასთან და გენდერულ იდენტურობასთან დაკავშირებით, (“ანტი-ადამიანის უფლებები” “ადამიანის უფლებების” ნაცვლად.) (რომელსაც მხარი დაუჭირა სახელმწიფოთა მესამედმა: დღეისთვის მას ხელი მოაწერა უკვე 68 სახელმწიფომ (ალბანეთი, გერმანია, ანდორა, არგენტინა, სომხეთი, ავსტრალია, ავსტრია, ბელგია, ბოლივია, ბოსნია-ჰერცოგოვინა, ბრაზილია, ბულგარეთი, კანადა, მწვანე კონცხი, ჩილი, კოლუმბია, კოსტა-რიკა (შეუერთდა 2010 წლის მარტში), ხორვატია, კუბა, დანია, ეკვადორი, აშშ (შეუერთდა 2009 წ.), ესპანეთი, ესტონეთი, მაკედონია, ფინეთი, საფრანგეთი, გაბონი, საქართველო, საბერძნეთი, გვინეა-ბისაუ, უნგრეთი, ირლანდია, ისლანდია, ისრაელი, იტალია, იაპონია, ლატვია, ლიტვა, ლიხტენშტეინი, ლუქსემბურგი, მალტა, მავრიკია, მექსიკა, ჩერნოგორია, ნეპალი, ნიკარაგუა, ნორვეგია, ახალი ზელანდია, პარაგვაი, ნიდერლანდები, პოლონეთი, პორტუგალია, ცენტრალური აფრიკის რესპუბლია, რუმინეთი, დიდი ბრიტანეთი, სან-მარტინი, სან ტომე-და-პრინსიპე, სერბეთი, სლოვაკეთი, სლოვენია, შვედეთი, შვეიცარია, ტიმორ-ლესტე, ურუგვაი და ვენესუელა).

ამან შედეგად გამოიწვია სოდომიტების უფლებების საყოველთაო გამყარება, რომელმაც თავი იჩინა ახლადმიღებულ კანონებში, რომლებიც ითვალისწინებენ დასჯას ჰომოფობიის საფუძველზე, ცნობენ ერთსქესოვან ქორწინებას და ამარტივებენ ტრანსგენდერთათვის ოფიციალური დოკუმენტების გაცემას, სადაც მითითებულია სასურველი სქესი. პოლიციის თანამშრომელთათვის, ციხეებისა და სოციალური მუშაკებისთვის, ასევე სხვა პერსონალისთვის შემუშავდა შესაბამისი პროგრამები. მრავალ სკოლაში რეალიზებულ იქნა ინიციატივები, რომლებიც მიმართულია დაშინების პრაქტიკის აღმოფხვრისკენ. საყურადღებოა ის გარემოება, რომ ღონისძიებათა შორის, რომელიც ადამიანის უფლებათა დაცვის სამმართველოს უმაღლესმა კომისარიატმა დაგეგმა ჰომოსექსუალიზმის საყოველთაო დეკრიმინალიზაციის მისაღწევად, სხვა დანარჩენთან ერთად გათვალისწინებულია მთავრობებთან დიალოგის გზით რეკომენდაციების შემუშავება რეფორმის ჩასატარებლად, მონაწილეობის მიღება საზოგადოებრივ პროპაგანდაში, სტატიები პრესაში და ვიდეო-მიმართვები, თანამშრომლობა გაეროს პარტნიორებთან შესაბამისი საგანმანათლებლო ინიციატივების რეალიზაციისთვის, მხარდაჭერის უზრუნველოყოფა დისკრიმინაციის ფაქტების დადგენასა და მთავრობებთან კონფიდენციალური კავშირების დამყარებაში. როგორც ვხედავთ, ადამიანის უფლებათა დაცვის კომისარიატის გეგმები საკმაოდ მასშტაბურია, ხოლო მათი კოორდინირება ხდება შტაბ-ბინიდან, რომელიც მდებარეობს ნიუ-იორკში. ამავდროულად ფართოვდება ფინანსური ბაზა გარყვნილთა საერთაშორისო “დახმარებისთვის”.

ჯერ კიდევ 2009- წელს საფრანგეთმა, ნიდერლანდებმა და ნორვეგიამ შექმნეს ისტორიაში პირველი, ფონდი რომელიც ეხმარება სექსუალურ უმცირესობებს. ფონდი, რომლის სახელწოდებაა “ადამიანის, სექსუალური ორიენტაციისა და გენდერული იდენტურობის უფლებები” დაფუძნდა ჰომოფობიასთან და ტრანსფობიასთან საბრძოლველად და იმართება დონორი-სახელმწიფოების დახმარებით, ასევე არასამთავრობო ორგანიზაციების შემწეობით, რომლებიც სპეციალიზირებულნი არიან ადამიანის უფლებათა დაცვაზე. ფონდის საქმიანობაში შედის სოდომიტების მხარდამჭერი აქციების დაფინანსება. ამასთან საინტერესოა, რომ ფონდის ადმინისტრაციულ და ფინანსურ მართვას ახორციელებდა საფრანგეთის საგარეო საქმეთა სამინისტრო. ფონდის საქმიანობაში შედის სოდომიტების მხარდამჭერი აქციების დაფინანსება. 2010 წლის ივლისში შეიქმნა პირველი სამმართველო კომიტეტი, რომელიც შედგებოდა ფონდის სპონსორებისგან (ნორვეგიისა და ნიდერლანდების საელჩოები, საფრანგეთის საგარეო საქმეთა სამინისტრო). 2011 წლის თებერვალში კომიტეტმა შეიმუშავა სამი საცდელი პროექტი, რომელიც რეალიზებული იქნა ორი წლის განმავლობაში. პირველი მიმართული იყო მედია-კამპანიების დახმარებით ტოლერანტობის მისაღწევად ყველა დონეზე, ასევე ზეგავლენის მოხდენად კანონმდებლებზე (ეროვნულ კანონმდებლობასა და საერთაშორისო კონვენციებს შორის არსებულ წინააღმდეგობათა გამოვლენის მხრივ) და ჰომოსექსუალისტთა უშუალო დაცვისკენ. მეორე პროექტის მიზანი იყო უშუალო მუშაობა მოსახლეობასთან, რათა განეწყოთ იგი ლგბტ-თანამეგობრობის სასარგებლოდ, პროპაგანდისტულ ღონისძიებებში იგულისხმებოდა დოკუმენტალური ფილმების დემონსტრაცია, შესაბამისი შინაარსის კინო-ფესტივალები და დემონსტრაციები, სადაც განსაკუთრებული ყურადღება ექცევა უნივერსიტეტებს. მესამე პროექტი ეძღვნება ჰომოსექსუალისტთა ასოციაციების იურიდიულ აღიარებას, რომლებიც იბრძვიან დისკრიმინალიზაციის წინააღმდეგ ფონდს აქტიურად აფინანსებენ დონორი ორგანიზაციები, პროფკავშირები, უნივერსიტეტები, მასმედია და ადამიანის უფლებათა დაცვის ეროვნული ინსტიტუტები.

2013 წლის დასაწყისში (თებერვალ-მარტი) სამი კონტინენტის სახელმწიფოთა ძალისხმევით, ჰომოფობიის წინააღმდეგ ბრძოლის საერთო სტრატეგიის შესამუშავებლად, ბრაზილიაში (ამერიკა), კატმანდუსა (აზია) და პარიზში (ევროპა) ჩატარდა კონფერენცია ადამიანის უფლებათა და სექსუალურ-გენდერული იდენტურეობის დაცვის ეგიდით ხოლო 15–16 აპრილს ოსლოს საერთაშორისო კონფერენციაში, რომელზეც შეიკრიბა მსოფლიოს 86 ქვეყნის 200-მდე წარმომადგენელი, წარმოდგენილ იქნა ჩატარებული მუშაობის შედეგები და განხილულ იქნა მომდევნო ნაბიჯები ლგბტ-თანამეგობრობის გასაძლიერებლად სამწუხაროდ, სოდომური მაფია გადაიქცა მძლავრ იდეურ-პოლიტიკურ ძალად, რომელიც სულ უფრო და უფრო აგრესიულ ფორმებს ღებულობს, ამყარებს თავის კონტროლს კულტურლ-საზოგადოებრივი ცხოვრების საკვანძო სფეროებზე. მისი წინსვლა მსოფლიო პოლიტიკის მწვერვალებისკენ მიმდინარეობდა უხილავად, დიდი ხნის განმავლობაში არ აღიქმებოდა სერიოზულ ძალად და განიხილებოდა როგორც ერთ-ერთი უმცირესობა. შედეგად, როდესაც დაგროვდა პოტენციალი და შეიქმნა მისდამი დაქვემდებარებულ ორგანიზაციათა და მოძრაობათა ქსელი, ლგბტ-მოძრაობა გამოვიდა მსოფლიო არენაზე და აღმოჩნდა, რომ ძალაუფლებრივ სტრუქტურებში “სექსუალური უმცირესობა” უკვე დიდი ხანია გადაქცეულია “სექსუალურ უმრავლესობად”, რომელიც მთელი სისატიკით კარნახობს თავის კანონებსა და ნორმებს. იბრძვის რა დისკრიმინაციისა და ჰომოფობიის სახელით (რომელიც შეიძლება საკმაოდ ფართოდ და თავისუფლად იქნეს განმარტებული), გარყვნილთა ძალა აქტიურად ამტკიცებს თავის განსაკუთრებულ უფლებებს და თანდათანობით იქცევა ხელშეუხებელთა კასტად. რეალურად, აძლევს რა საკუთარ უფლებებს საკრალურ ხასიათს, სოდომურ მაფიაში იწყება რელიგიური თანამეგობრობის სახის გამოკვეთა. წინ წაწიეს რა “ქუჩის ჰომოსექსუალიზმი” და ამოეფარნენ რა სამეცნიერო-გენდერულ რიტორიკას, მისი ოკულტური, ნიუ-ეიჯისეული ბირთვი ჯერაც მიმალულია, მაგრამ აშკარად მიჰყვება თავის მიზანს. მოქმედებს რა სატანური ლოგიკით, ის მუდმივად ახორციელებს ცნებების აღრევას, რათა თავის ქსელში შემოიტყუოს რაც შეიძლება მეტი ადამიანის, რომლებიც, უკვე გატოლერანტებულნი, სიმართლისა და სიცრუის გამრჩევნი ვეღარ იქნებიან. მაგრამ, რამდენად უფრო ტოლერანტულია საზოგადოება, იმდენად ნაკლებად შემწყნარებელნი არიან მისდამი სოდომიტები.

ისინი მაქციებივით მოქმედებენ, ერთნი იყენებენ საზოგადოების სოციალურ ორგანიზაციებს და კანონებს, რათა შიგნიდან გახრწნან ისინი და მათ ნანგრევებზე ააშენონ თავიანთი სოდომური ერთობა, რომელიც არის კიდევაც სატანის ანტიეკლესია. ისინი ამოფარებულნი არიან “ადამიანის უფლებებს”, და მისი დახმარებით ახდენენ ადამიანურობის ლიკვიდაციას, რომლის ნაცვლად ამყარებენ უსქესო არსებას – ანტი-ადამიანს.

ისინი სისხლს წოვენ ამ სისტემას მანამ, სანამ ეს სჭირდებათ. მაგრამ, როგორც კი ეს “თანამეგობრობა” მიაღწევს თავის კრიტიკულ მასას და დაამყარებს მსოფლიო დემოკრატიას, მათი რევოლუციაც დასრულდება, მათი სოდომი გახდება ერთადერთი ნორმა, ყველა დანარჩენი კი პათოლოგიად გამოცხადდება.
ნორმა იქნება ყოველგვარი ვნება და გარყვნილება, დამტკიცდება საყოველთაო სექსუალური ანარქია, როდესაც ქორწინების დაკანონებას არ ექნება არავითარი მნიშვნელობა, რამეთუ მას თანაცხოვრების ყველაზე ანტიბუნებრივი ფორმებით შეცვლიან. ის, რაც დღეს ნორვეგიაში ხდება — ამ საძაგელი ტილოს მხოლოდ ესკიზებია, რომელსაც მსოფლიო ანტიეკლესიის მესვეურები ხატავენ, მათი ხელით მოქმედებს თვით სატანა.

ქეთევან ზარნაძე

მეტის ნახვა
22-04-2018, 08:30


სენაკის პროგრამა "ახალგაზრდა მეწარმე" სოფლად - ახალგაზრდა მეწარმეების მხარდასაჭერად

დაფინანსებას მიიღებენ საქართველოში რეგისტრირებული ახალგაზრდა მეწარმეები (18–35 წლამდე მამაკაცები და 18–40 წლამდე ქალები) ან მათ მიერ დაფუძნებული სასოფლო-სამეურნეო კოოპერატივები. პროგრამა ითვალისწინებს მხოლოდ ახალი ბიზნესის (სტარტაპის) დაფინანსებას, როგორც სასოფლო-სამეურნეო, ისე არასასოფლო-სამეურნეო ბიზნესმიმართულებებს, გარდა იმ დარგებისა, რომლებიც უკვე ფინანსდება სხვადასხვა სასოფლო-სამეურნეო საგრანტო პროგრამით დაფინანსდება პროექტის ღი რებულების 40 პროცენტი, არა უმეტეს 60 000 ლარისა. ანამონაწილეობის თანხის მოძიება შესაძლებელია როგორც საკუთარი სახსრებით, ისე საბანკო კრედიტით (მათ შორის, შეღავათიანი აგროკრედიტით).
რეგისტრაცია და ვრცელი ინფორმაციის ნახვა შესაძლებელია ვებგვერდზე: www.danida.apma.ge
სააგენტოში განცხადება და თანამდევი დოკუმენტაციის წარდგენა შესაძლებელია ელექტრონულად შემდეგი ვებგვერდების მეშვეობით: www.apma.ge და www.danida.apma.ge

ჩოხატაური - გორაბერეჟოულის გზაზე ასფალტბეტონი იგება

ჩოხატაურის მუნიციპალიტეტის სოფელ გორაბერეჟოულში, სასაფლაოსთან მისასვლელ საავტომობილო გზაზე ასფალტბეტონის საფარი იგება. სამუშაოები რეგიონული განვითარების ფონ- დისა და ადგილობრივი ბიუჯეტის თანადაფინანსებით ხორციელდება.

გურჯაანის ტურისტული პოტენციალი

გურჯაანის მუნიციპალიტეტის მერიის ეკონომიკის სამსახურის საგარეო ურთიერთობების, საერთაშორისო პროექტების და ტურიზმის განვითარების განყოფილება მუნიციპალიტეტში ტურიზმის განვითარების გეგმაზე მუშაობს. სპეციალისტები მიმართავენ მუნიციპალიტეტის მოსახლეობას, გამოთქვან თავიანთი აზრი, გურჯაანის ტურისტული განვითარების შესახებ. მოსახლეობას შეუძლია ადგილობრივ ხელისუფლებას თავისი მოსაზრებები გაუზიაროს შემდეგ მისამართზე: gurjanitourisma@gmail.com

გამწვანების აქცია სოფელ მაჩხაანში

სიღნაღის მუნიციპალიტეტის მერიისა და საკრებულოს მუნიციპალიტეტის ორგანიზებით სოფელ მახჩაანში გამწვანების აქცია გაიმართა, რომლის მონაწილეობდნენ მუნიციპალიტეტის მერი  გიორგი გოგლაშვილი, საკრებულოს თავმჯდომარე ილია ხატიაშვილი, ადგილობრივი თვითმმართველობის წარმომადგენლები და სოფლის მცხოვრებლები. სამოცი ძირი წიწვოვანი ნერგი სათამაშო მოედნის, ორი დასას- ვენებელი სკვერის, ტაძრისა და „ფანიანის“ მიმდებარე ტერიტორიაზე განაწილდა.
2018 წელს გამწვანების აქცია მუნიციპალიტეტის ყველა სოფელში იგეგმება.

დუშეთი - საქველმოქმედო აქცია სოფელ თხილიანაში

დუშეთის მუნიციპალიტეტის მერის მოადგილე ზაქარია ხეხელაშვილი და ომში დაღუპულთა შემწეობის ფონდის – "მეოხი 2004"-ის ხელმძღვანელი თემურ მირაქიშვილი უკანაფშავის ადმინისტრაციული ერთეულის სოფ. თხილიანაში მცხოვრებ ზაზა მერიისა და "მეოხი 2004"-ის სახელით ოჯახს საკვები პროდუქტები, ტანსაცმელი, სასკოლო ნივთები, რაგბის ბურთი  და ველოსიპედი გადასცეს.

ფოთი - მალთაყვის განვითარების საპროექტო წინადადებების განხილვა

ფოთის მუნიციპალიტეტის მერიის სხდომათა დარბაზში, მალთაყვის განვითარების პროექტის საჯარო განხილვას ქალაქ ფოთის მერი გოჩა კურდღელია, მერიისა და საკრებულოს ხელმძღვანელები, საზოგადოებრივი დარბაზის წარმომადგენლები და სხვა დაინტერესებული პირები ესწრებოდნენ. „წინასაპროექტო კვლევა და ხედვა მალთაყვის სარეკრეაციო ტერიტორიის განვითარებისათვის" საქართველოს ეკონომიკისა და მდგრადი განვითარების სამინისტროს წარმომადგენელმა ნინო გვენცაძემ და შპს „ურბანიკას“ დირექტორმა ირაკლი მურღულიმ წარადგინეს. პროექტის საბოლოო  სახით შემუშავების პროცესში გათვალისწინებული იქნება საჯარო განხილვაზე გამოთქმული მოსაზრებები.

სენაკის მუნიციპალიტეტში

სენაკში, რუსთაველის ქუჩაზე გარგანათების ბოძებზე მიმ დინარეობს 150-ვატიანი ნათურების 50-ვატიანი დიოდური ნათურებით ჩანაცვლების LED-სი.ანალოგიური სამუშაოები გაგრძელდება ქალაქის მასშტაბით. ამ ეტაპზე დამონტაჟდება 360 დიო- დური ნათურა, რის შედეგადაც ეკონომია წლიურად 24 000 ლარი იქნება.
ეკონომიკისა და მდგრადი განვითარების სამინისტრო — ინოვაციებისა და ტექნოლოგიების სააგენტო, მსოფლიო ბანკის მხარდაჭერით, ახორციელებს პროგრამას "ინტერნეტი განვითარებისთვის", რომლის ფარგლებშიც, საქართველოს რეგიონებში, ადგილობრივი მეწარმეებისთვის იმართება უფასო ტრენინგები ციფრულ წიგნიერებასა და ელექტრონულ ბიზნესში. პროგრამის მიზანია საქართველოს რეგიონებში ფართოზოლოვან ინტერნეტზე ხელმისაწვდომობის გაზრდა და ელექტრონული კომერციის დონის ამაღლება.ტრენინგი ჩატარდა სენაკის მუნიციპალიტეტის მერიის შენობაში.

ზუგდიდის მუნიციპალიტეტში

ზუგდიდის მუნიციპალიტეტის მერია მიმდინარე წელსაც აგრძელებს მძიმე საყოფაცხოვ- რებო პირობების მქონე ოჯახე- ბისთვის საცხოვრებელი სახლების მშენებლობისა და "ერთი თბილი ოთახის“ პროგრამას. განცხადებების ადგილზე შემოწმებისა და ოჯახების ანკეტირების პროცესი დასრულებულია. წელს მერიაში "ერთი თბილი ოთახის“ პროგ- რამაში ჩართვის მსურველთა 78 განცხადებაა შესული. აღნიშნული პროგრამისთვის 100 000 ლარი დაიხარჯება და 20 ოჯახი ჩაერთვება. 2017 წელს "ერთი თბილი ოთახის“ პროგრამით 11 ოჯახმა ისარგებლა.
სანიაღვრე არხები გაიწმინდაყულიშკარის, დიდინეძისა და მაცხოვრისკარის ადმინისტრაციულ ერთეულებში. მსგავსი სამუშაო იგეგმება კოკში, ცაიშში, ცაცხვსა და ორსანტიაში. მიმდინარეობს მწვანე საფარის მოწესრიგებაც. ზედაეწერის ადმინისტრაციულ ერთეულში რამდენიმე ოჯახს
საშეშე მერქანი გადაეცა.
ჯანდაცვის კომისიამ 37 მოქალაქეს სხვადასხვა სამედიცინო მომსახურება დაუფინანსა. გახარჯულმა თანხამ 11 125 ლარი შეადგინა.

ჩხოროწყუ - მოქალაქეთა მორიგი მიღება მერთან

მუნიციპალიტეტის მერი გაეცნო ადგილობრივების საჭიროე- ბებს. განცხადებები ძირითადად ინფრასტრუქტურულ, ჯანდაცვის, სოციალურ და დასაქმებასთან დაკავშირებულ საკითხებს შეეხებოდა. დათო გოგუამ, შესაძლებლობების ფარგლებში, მოქალაქეებს დახმარება აღუთქვა. ჩხოროწყუს მუნიციპალიტეტის მერთან მოქალაქეთა მიღების დღეები ყოველი კვირის სამშაბათი და პარასკევია, თუმცა მერი, საჭიროების შემთხვევაში, მათ ყოველდღე იღებს.

ბოლნისის მუნიციპალიტეტში

ააიპ "რეგიონების კულტურულ-საგანმანათლებლო და ბიზნესის განვითარების ასოციაცია“ ქვემო ქართლის 6 რეგიონალურ ერთეულში ახორციელებს პროექტს „დედაენა ქართული“. ფესტივალი-კონკურსი მოიცავს ბლოგს თემით,, დედაენა ქართული“. პირველი ღონისძიება ორგანიზატორებმა დედაენის დღეს დაამთხვიეს და სტარტი საბას მიწიდან, ძირძველი ტანძიიდან აიღეს. სულხან-საბას მუზეუმმა უამრავ სტუმარს უმასპინძლა, იყო ქართული სიმღერა, ლექსი და სიტყვა მადლიანი, როგორც დიდი პოეტი იტყოდა. ფესტივალში მონაწილეობდა ბოლნისის მუნიციპალიტეტის ცამეტი სკოლა. სპეციალურად არჩეულმა ჟიურიმ გამოავლინა სამი საპრიზო ადგილის მფლობელი სკოლა, რომლებიც დაჯილდოვდნენ სამახსოვრო სიგელებით, ისტორიულ-შემეცნებითი და მხატვრული ლიტერატურის ტომეულებით. ყველა მონაწილე სკოლას გადაეცა სამახსოვრო სიგელები.
ღონისძიებაში მონაწილეობდნენ ბოლნისის კულტურის სახლის ანსამბლები და მომღერალთა გუნდები. კონკურსი საზეიმოდ დაიხურება 2018 წლის 23 ნოემბერს, საქართველოს რესპუბლიკის პარლამენტის დარბაზში.

მედიატური "გაიცანი დმანისი"

დმანისის მუნიციპალიტეტში, ქვემო ქართლის გუბერნატორის ინიციატივით, მედიატური მოეწყო, რომლის ფარგლებშიც ცენტრალური და ადგილობრივი მედიასაშუალებების წარმომადგენლები გაეცნენ დმანისის ტურისტულ პოტენციალს, დაათვალიერეს მუნიციპალიტეტის ღირსშესანიშნაობები და მხარისა და მუნიციპალიტეტის ხელმძღვანელი პირებისგან მიიღეს ინფორმაცია ტურიზმის განვითარების მხრივ დაგეგმილი ღონისძიებების შესახებ.
დმანისის მუნიციპალიტეტის მერი გიორგი ტატუაშვილი: "დმანისის მუნიციპალიტეტს დიდი ტურისტული პოტენციალი გააჩნია. ტურიზმის განვითარების ხელშეწყობისთვის შექმნილია სამუშაო ჯგუფი. დმანისში წლის ბოლოს გვექნება ტურისტული საინფორმაციო ცენტრი, რომელიც იზრუნებს მარშრუტების შექმნასა და ეკიპირებაზე, რეკლამაზე, საოჯახო სასტუმროებისა და კვების ობიექტების საინფორმაციო ბაზების მოძიებაზე, ექსკურსიამძღოლებისა და მოლაშქრეების დატრენინგებაზე. დმანისის მუნიციპალიტეტში შესაძლებელია განვითარდეს სატრანსპორტო, საფეხმავლო და აგროტურიზმი, ასევე — კულინარული ტურიზმი".

შეხვედრა შშმ ბავშვთა სოციალური ინტეგრაციის საკითხებზე

თეთრიწყაროს მუნიციპალიტეტის მერიაში გამართულ შეხვედრაზე ევროკავშირის მიერ დაფინანსებული პროექტის — „ერთად ერთმანეთისათვის“ ფარგლებში, სპეციალური საჭიროებების მქონე ბავშვთა სოციალური ინტეგრაციის ხელშეწყობის საკითხები განიხილეს თეთრიწყაროს მუნიციპალიტეტის მერმა გიორგი ქორიძემ, მოადგილემ ლია ზურებიანმა, ორგანიზაცია „ინიციატივა რეგიონული განვითარებისათვის“, შშმ ბავშვების მშობელთა ორგანიზაციის –„ბავშვი, ოჯახი, საზოგადოების“ ხელმძღვანელმა და მერიის სოციალური განყოფილების ხელმძღვანელმა მზია მჭედლიშვილმა. შეხვედრაზე იმსჯელეს შშმ ბავშვთა ინტეგრაციის ხელშესაწყობად სოციალური სერვისების დანერგვა/განვითარებისთვის მუნიციპალიტეტში არსებული რესურსების შესახებ. განსაკუთრებული ყურადღება დაეთმო სენსორული დარღვევის მქონე სმენადაქვეითებულ ბავშვთა ჯანმრთელობისა და მათი განვითარების ხელშეწყობის საკითხებს. პროექტის ფარგლებში, ადგილობრივ თვითმმართველობასთან თანამშრომლობის გზით, პირველ ეტაპზე იგეგმება შშმ ბავშვთა აღრიცხვა და ინფორმაციის შეგ- როვება მათი საჭიროებების შესახებ, ხოლო შემდგომ — კონკრეტული ღონისძიებები.

მარნეულის მერი სოფელ ქვემო სარალის მოსახლეობას შეხვდა
მუნიციპალიტეტის მერი თემურ აბაზოვი, პირველ მოად- გილესთან ზაურ ტაბატაძესთან ერთად, სოფელ ქვემო სარალში იმყოფებოდა, სადაც სასმელი წყლის ახალი სისტემის პროექტის დატესტვის დროს აღმოჩენილი ხარვეზების აღმოფხვრის მიზნით მიმდინარე სამუშაოებს გაეცნენ. თემურ აბაზოვი პირადად გაეცნო სოფელში განხორციელებულ და მიმდინარე ინფრასტრუქტურულ სამუშაოებს, მოისმინა მოსახლეობის პრობლემები და კომპეტენციის ფარგლებში მოგვარებას დაჰპირდა.

ქართული ენის დღე მარნეულის საჯარო სკოლებში

მარნეულის მუნიციპალიტეტში ქართული ენის დღე მასშტაბურად აღინიშნა. მარნეულის კულ- ტურის სახლში, ქართული ენის კვირეულის ფარგლებში, ქალაქ მარნეულის დავით აღმაშენებლის სახელობის სკოლა-ლიცეუმმა ქართული ენისადმი მიძღვნილი დასკვნითი ღონისძიება გამართა და ამით კვირეული დაასრულა. ღონისძიებაში, რომელიც შინაარსობრივად მრავალფეროვანი იყო, მონაწილეობდნენ ამავე სკოლის მოსწავლეები და პედაგოგები. მათ მაყურებელს შესთავაზეს ქართული სიმღერები, ცეკვები და ლექსები.

მეტის ნახვა
21-04-2018, 23:09


2018 წლის 20 აპრილს საქართველოს საგარეო საქმეთა სამინისტრო პირველი დემოკრატიული რესპუბლიკის 100 წლის იუბილესადმი მიძღვნილი ღონისძიებების ფარგლებში ღია კარის დღეს უმასპინძლებს.  ინფორმაციას საგარეო საქმეთა სამინისტრო ავრცელებს.

უწყების ინფრომაციით, სამინისტროს თბილისის სხვადასხვა საჯარო სკოლის დამამთავრებელი კლასის მოსწავლეები ეწვევიან. ღია კარის ფარგლებში საქართველოს ვიცეპრემიერი, საგარეო საქმეთა მინისტრი მიხეილ ჯანელიძე საჯარო სკოლის მოსწავლეებთან ერთად გახსნის სპეციალურ ინსტალაციას 100, რომელიც საქართველოს პირველი დემოკრატიული რესპუბლიკის ისტორიისა და საგარეო საქმეთა სამინისტროს ასი წლის იუბილესთან დაკავშირებით შენობის მთავარ შესასვლელში განთავსდება.

ღია კარის დღეების მიზანია სკოლის მოსწავლეებში პროფესია დიპლომატის შესახებ ცნობადობის ამაღლება. ღონისძიების ფარგლებში ახალგაზრდა სტუმრებს გააცნობენ სამინისტროს საქმიანობას და ქართული დიპლომატიის ისტორიას.აღსანიშნავია, რომ პირველი დემოკრატიული რესპუბლიკის 100 წლისთავთან დაკავშირებით სამინისტრო ღია კარის დღეს რამდენჯერმე უმასპინძლებს, საიუბილეო თარიღთან დაკავშირებით კი 26 მაისამდე გაიმართება არაერთი შემეცნებითი ღონისძიება.

მეტის ნახვა
20-04-2018, 11:00


გვესაუბრება ანალიტიკოსი სოსო მანჯავიძე

_ ბატონო სოსო, დიდი ხანია საქართველოს პოლიტიკურ წრეებში და ქართულ მედიაში აქტიურად საუბრობენ ე.წ. რუსულ აგენტურაზე. როგორ ფიქრობთ, როგორ უნდა გამოვიცნოთ რუსეთის აგენტი?


_ ეს მარტივია, რადგან რუსეთის სახელმწიფო კაპიტალით დაფუძნებული უამრავი კომპანია საქართველოში აბსოლუტურად ლეგალურად მუშაობს. მაგალითად, მთელი ენერტეგიკის სექტორი, რაოეესი, ენერგო-პრო, ფეროშენადნობთა ქარხანა, ჭიათურმანგანუმი და ა. შ. ვი-თი-ბი ბანკი, თბილისის წყალი და მრავალი სხვა სახელმწიფო სტრატეგიული ობიექტი, რომლებიც რუსეთის სახელმწიფო კაპიტალით არიან დაფუძნებული. მათ უკან ბუნებრივია, რუსეთის სახელმწიფო ინტერესები დგას.

ცალკე კვლევის საგანია, რა ბიზნესწილები და რა კავშირები აქვთ რუსეთთან ყოფილი ხელისუფლების წარმომადგენლებს. ვთქვათ, ძმებ ბეჟუაშვილებს, ან გრიგოლ ვაშაძეს, რომელიც მუშაობდა რუსეთის საგარეო საქმეთა სამინისტროს კოსმოსისა და ბირთვული შეიარაღების განყოფილებაში. თუმცა ის დღეს პოზიციონირებს, როგორც რუსეთის სასტიკი მოწინააღმდეგე. ასევე იქცევიან მთელი რიგი ე.წ. ოპოზიციონერი პოლიტიკოსებიც, რომლებიც უკომპრომისო კრიტიკოსები, მეტიც, თითქოსდა, მტრები არიან რუსეთის, ახლოით განჩხრეკისას კი აღმოჩნდება ხოლმე, რომ ისინი სწორედაც რუსეთში არსებული ბიზნესებით საზრდოობენ.

ახლა მომაგონდა ვინმე მამუკა გამყრელიძე, რომელსაც, აღმოჩნდა, რომ დიდი ბიზნესები აქვს რუსეთში. თუ გახსოვთ, ამ ადამიანს შოუ მიჰყავდა "რუსთავი 2"-ზე. ისიც გამწარებული აგინებს რუსებს. გაიძახის, რომ რუსეთში არის ავტორიტარული რეჟიმი, სადაც ყველაფერი კონტროლდება, მათ შორის ბიზნესი. მაგრამ თვით გამყრელიძის ბიზნესი რატომ არ კონტროლდება და არ იზღუდება, ამაზე რა პასუხი აქვს, ძალიან საინტერესოა.
უამრავი ასეთი მაგალითის მოტანა შეიძლება.

_ გასაგებია, მაგრამ პოლიტიკოსებში ცოტა ძნელია, ალბათ, რუსეთის აგენტების ამოცნობა.

_ გაგიკვირდებათ და, ესეც მარტივი რამ გახლავთ.
საკითხში უკეთ გასარკვევად, მოდით, ჯერ განვიხილოთ, რა ინტერესები გვაქვს რუსეთთან მიმართებით. ეს ინტერესი, პირველ რიგში, ჩვენი ტერიტორიული მთლიანობის აღდგენას და უსაფრთხოების პრობლემას ითვალისწინებს, რომელსაც რუსეთთან დიალოგის გარეშე ვერ გადაწყვეტ. უსაფრთხოების და სხვა მნიშვნელობის საკითხები ვერ დარეგულირდება, თუ ამ სუპერძალებთან ურთიერთობა არ მოაწესრიგე.

რუსეთს რომ სურდეს, საქართველოში შეიქმნას ისეთი პოლიტიკური ისტებლიშმენტი, რომელიც შეძლებს მოლაპარაკების მაგიდასთან დაჯდომას, ამას მოახერხებდა, რაც ნიშნავს, რომ მას ეს არ აწყობს.

გამოდის, რომ ქართველი პოლიტიკოსები, რომლებიც რუსეთთან პირიპირ დიალოგს ეწინააღმდეგებიან, რუსეთის ინტერესებს ემსახურებიან.
არიან კიდევ სხვა გარე ძალები, რომლებსაც არ სურთ რუსეთ-საქართველოს შორის ურთიერთობის დარეგულირება. მთავარი და უმთავრესი მათ შორის გახლავთ სომხეთი, რადგან მას შავი ზღვის აკვატორიაში აფხაზეთზე აქვს პრეტენზია. თუ აფხაზეთში ლტოლვილები დაბრუნდებიან და ეს პრობლემა მოწესრიგდება, იგივე უნდა მოხდეს ყარაბაღშიც. იგივე სურს ამერიკას, რომელიც დაინტერესებულია, რომ ნებისმიერი დავის დროს, რომელიც ევრაზიაში მიმდინარეობს, არბიტრის როლი ითამაშოს, რითაც შექმნას ე.წ. ანაკონდას რკალი რუსეთისა და ჩინეთის წინააღმდეგ.

საქართველო ერთ-ერთი შუამდებარე ტერიტორიაა, რომელზე დომინირებაც განსაზღვრავს "ანაკონდას რკალის" ეფექტურობას.
საქართველოს რუსეთთან მოლაპარაკება და ჩვენი ინტერესების განხორციელება კატეგორიულად არ აწყობს შეერთებულ შტატებს.
სომხური ლობი რუსეთში და სომხური ლობი ამერიკაში სარგებლობენ ამ ინტერესთა დამთხვევით და ე.წ. ლიბერალური ფლანგის მეშვეობით რუსეთში წარმატებით ახორციელებენ თავიანთ მიზნებს. თუმცა, გარწმუნებთ, ეს დიდხანს არ გასტანს. ლიბერალური პროექტის ნგრევასთან რუსეთში და ამ პროექტის დომინირების დაცემასთან ერთად ამერიკაში, გეოპოლიტიკური ბრძოლა სულ სხვა ჭრილში გადავა.

რუსეთში ლავროვი, მედვედევი, მაგამედოვების კლანი ამ დესტაბილიზაციით იყვნენ დაინტერესებული, მაგრამ, სავარაუდოდ, რუსეთში დიდი წმენდაა მოსალოდნელი, რითაც შანსი ჩნდება მოლაპარაკებების ფანჯარა გაიხსნას და ამ უსასრულო წკვარამიდან გამოვიდეთ.

ვინც ყველაზე მეტს ყვირის, იგინება, იფურთხება და უარყოფს რუსეთს, არის რუსეთის ნებსითი თუ უნებლიე აგენტი. მათი მიზანია, იქამდე მიიყვანონ მდგომარეობა, რომ საქართველოს სახელმწიფოს ნგრევა გამოიწვიონ. ესენი არიან ანტიქართული და აგრესიული რუსული ძალების პირდაპირი აგენტები.

_ ე.ი. სააკაშვილი, ბოკერია და სხვანი და სხვანი, ვინც რუსეთს ლანძღავდნენ და ლანძღავენ, სხვა მანიშნებლებთან ერთად რუსეთის აგენტები გამოდიან?

_ გლობალური პოლიტიკის ერთ-ერთი მთავარი დინამიკა ტრანსნაციონალური, გლობალისტური ძალების საკმაოდ საშიში ფრთაა, რომლის ხელმძღვანელადაც სოროსს მოიხსენიებენ, მაგრამ ნაციონალურ სახელმწიფოებთან ბრძოლაში ეს გაცილებით ფართო ცნებაა.

შესაბამისად, რუსეთის ლიბერალური ფრთის ანარეკლი სწორედ წინა ხელისუფლების წარმომადგენლებს ადგას გვირგვინივით.
თუმცა ყველაფერი ასე მარტივადაც არ არის. ისინი თუ "რუსეთის აგენტები" იყვნენ, გამოდის, რომ შესაბამისი დასავლური და ამერიკული ძალების აგენტებიც ყოფილან და ეს, პრინციპში, ლოგიკური ამბავია.

გახსოვთ, ალბათ, სააკაშვილის გაპრეზიდენტებისას ბორის ივანოვი რომ ჩამოვიდა და სააკაშვილს ხელი აუწია. ივანოვი სწორედ იმ ლიბერალური ძალების წარმომადგენელი იყო. სააკაშვილი, მისი ამფსონები და ივანოვი ერთი მიმართულების ხალხი იყვნენ და არიან.

_ ბარემ ესეც ვთქვათ, რას აკეთებს აგენტი, რა არის მისი დანიშნულება და მოქმედების ტაქტიკა?

_ რიტორიკული კითხვაა.
ვინც ზემოთ ვახსენე, ისინი ლანძღავენ რუსეთს, ხოლო უბრალო ადამიანს, რომელიც ქვეყნის სიყვარულის გამო რუსეთის ლანძღვას მოერიდება და მოლაპარაკების მომხრეა, აგენტის ეძახიან.
აგენტურა, როგორც წესი, სხვადასხვა ხერხით მუშაობს. აგენტის ჩანერგვის ერთ-ერთი ხერხი ასეთია: პირს მიაკრავენ ვითოდა დასავლური ორიენტაციის იარლიყს და ევროპა-ამერიკის გავლით უშვებენ სამუშაოდ, ვითომ დასავლეთის მომხრეა, სინამდვილეში კი რუსეთიდანაა შემოგზავნილი.
ასეთი იყო ჩვენი წინა მთავრობა და მისი წარმომადგენლები სააკაშვილის მეთაურობით.

ახლა რუსეთში ძალიან საინტერესო პროცესები ვითარდება. დაახლოებით ერთ წელიწადში ჩვენ დიდი კრისტალიზაციის მოწმენი გავხდებით. დაიწყება დიდი წმენდა, რაზეც ზემოთაც გითხარით. განსაკუთრებით ლიბერალურ ფლანგს შეავიწროვებენ მნიშვნელოვნად.
მოკლედ, საინტერესო პროცესები იწყება რუსეთში, თუმცა ჩვენთან ამაზე ნაკლებს ლაპარაკობენ.
ისევ ძმებ მაგომედოვებს მივუბრუნდები. ისინი დაღესტნელი ტატები (ებრაელები) არიან.

მედვედევის პრეზიდენტობის დროს მათი გავლენები გაიზარდა. ისინი წამყვან ინფრასტრუქტურულ პროექტებს ახორციელებდნენ. ნოვოროსიისკის სტრატეგიულად მნიშვნელოვანი პორტი, ტამანის პორტი და ა.შ. მათ ხელში იყო. ისინი ცდილობდნენ კონტროლი აეღოთ ხორბლის ექსპორტზე, როსნეფტში ნახევარ წილებს ფლობდნენ და ა. შ.

მაგომედოვებთან ერთად მედვედევისა და დვორკოვიჩის სახელებსაც გავიხსენებ და გეტყვით, რომ ამ კლანების ჩამოცილების პროცესი მინდინარეობს დღეს რუსეთში. ეს სამკვდრო-სასიცოცხლო საკითხია და თუ ეს პოლიტიკა ვლადიმირ პუტინმა წარმატებით დაასრულა, მისი საბოლოო წარმატება გარდაუვალია.
გლობალურ პოლიტიკას რომ გადავხედოთ, ჩინეთის გარეშე პოლიტიკური პროცესების განხილვა აბსურდია და რაც ხდება რუსეთში, ყველაფერი უნდა გავნიხილოთ ჩინეთის გლობალური ინტერესების ჭრილში.

ჩინეთის მთავარი გასასვლელი სამხრეთ ჩინური ზღვაა, სადაც აშშ-ის, ტაივანისა და იაპონიის რკალია.
აშშ-ი თავის მხრივ ცდილობს დარჩეს დომინანტ ძალად წყნარი ოკეანის რეგიონში, რის გამოც არ აქვს სახარბიელო დამოკიდებულება ჩინეთთან.
ჩინეთს სახმელეთო სტრატეგიული მნიშვნელობაც აქვს ე.წ. აბრეშუმის გზის პროექტში.

რუსეთი, როგორც ევრაზიის ცენტრი, ცდილობს იყოს ჩინეთის როგორც მაკონტროლებელი, ასევე მისი თანაბარი პარტნიორიც და ის ამბიციური პროექტიც, რაც პუტინმა წამოაყენა _ 75 მლრდ რუბლის დახარჯვა ინფრასტრუქტურაში, რომელიც ტვირთების გადაზიდვის დროს ოპტიმიზაციას და ჩრდილო ყინულოვანი ოკეანის გზის ამ მიმართულებით გამოყენებას გულისხმობს, სწორედ ამის დასტურია.

_ საქართველო სად არის აქ?

_ წარმოიდგინეთ, რომ აქ საქართველოს ადგილი, თუმცა მოკრძალებული, მაგრამ მაინც არის. ჩინეთი ანაკლიის საზღვაო პორტით არის დაინტერესებული. კერძოდ იმით, თუ რომელი მხარე გააკონტროლებს ამ პორტს.
ცხადია, აშშ-ი ამის პირველი მოსურნეა, მაგრამ ჩინური ინტერესებიც დიდია ამ საქმეში.

ის, რომ ენერგომატარებლების საქართველოზე გაყვანის გზით, იგივე შაჰდენიზის პროექტით, ბაქო-ჯეიჰანით და სხვ. რუსეთისთვის რომ ზიანი მიგვეყენებინა და გეოპოლიტიკურ თამაშებს მიღმა დაგვეტოვებინა, ფაქტობრივად, მივაღწიეთ ამას და საქართველოზე გადიოდა ეს ხაზები, მაგრამ, სამაგიეროდ, ქვეყანა დაიყო სამ ნაწილად. ისე მოგვივიდა, "გააქეზეს მურია და შეაჭამეს მგელსო". სანაცვლოდ მივიღეთ 60 მლნ დოლარი წლიური შემოსავალი, ეს მაშინ, როცა საქართველო დღემდე ატარებს მსოფლიო ნავთობის 2%-მდე.

ამ ფონზე ჩვენი ქვეყანა ნელ-ნელა იცლება, ლიბერალური მთავრობები ერთმანეთს ცვლიან, ანტიეროვნული პოლიტიკა მძვინვარებს, როგორც აწყობდა ტრანსნაციონალურ კორპორაციებს და უმძიმეს დაპირისპირებაში ვართ რუსეთის ფედერაციასთან.

_ ე.ი. მოლაპარაკება ამ ეტაპზე შეუძლებელია?

_ ტყუილია ის, რომ საქართველოს რუსეთთან მოლაპარაკება არ შეუძლია.
რუსეთი, თურქეთი და ირანი გარკვეულ კონსენსუსამდე მივიდნენ. პროექტს დიდი ქურთისტანის შექმნის და ახლო აღმოსავლეთის აღრევისას, რაც იყო აშშ-ის ინტერესებში, დაუპირისპირდა სამი რეგიონული სუპერძალის პრინციპს _ თურქულ-რუსულ-ირანულ ალიანსს.

ამერიკა-ისრაელი, შესაბამისად, კვებავდა ქურთულ სეპარატიზმს. ეს ვითარება პირდაპირ არის დაკავშირებული საქართველოს ბედთან, რადგან რუსულ-თურქული კავშირი, ის, რაზეც ლაპარაკობენ დღეს პუტინი და ერდოღანი, პირდაპირ არის დაკავშირებული საქართველოსთან.
სამწუხაროდ, ადვილი მოსალოდნელია, რუსეთისა და დასავლეთის დაპირისპირებამ სამხრეთ კავკასიაში გადმოინაცვლოს.
სამხრეთ კავკასია, რომელიც, ბედად, ჯერჯერობით, არ არის სამხედრო დაპირისპირების არეალი, არის ვაჭრობის საგანი _ რუსეთისთვის გეოპოლიტიკური და ინფორმაციულ-პოლიტიკური პირობების შექმნის თვალსაზრისით.

იმ შემთხვევაში, თუ რუსეთი კვლავ შეეცდება სამხედრო-პოლიტიკური მეთოდებით საქართველოს საკითხის გადაწყვეტას და ამით ჩრდილოეთ კავკასიის პრობლემას ვითომდა მოხსნას, ის აღმოჩნდება სრული იდეოლოგიური ბანკროტი მსოფლიოს თვალში. სწორედ ამიტომ, რუსეთს არ აწყობს საქართველოში საკუთარი ინტერესების გამომხატველი ხელისუფლების _ ქართული პოლიტიკური სუბსტრატის არსებობა.
ასევე არ აწყობს ეს დასავლეთსაც.

შესაბამისად, ნგრევის პროცესი, რომელიც საქართველოში მიმდინარეობს, აბსოლუტურად ლოგიკურია.
რუსეთი და თურქეთი საოცარი ინტენსივობით ხვდებიან ერთმანეთს და მიმდინარეობს მოლაპარაკებები, როგორ გადაინაწილონ სამხრეთ კავკასია, ხოლო ჩვენი ე.წ. ექსპერტების დიდი ნაწილი გვარწმუნებს, რომ რაკიღა რუსეთს ვებრძვით, თურქეთი ჩვენი მეგობარია…
ამ ვითარებაში მოლაპარაკებების ეფექტურობა, ჯერჯერობით, არარეალურად მეჩვენება.

ირანდა კალანდაძე

მეტის ნახვა
19-04-2018, 17:30


შინაგან საქმეთა სამინისტრომ ნივთმტკიცებად ამოღებული რამდენიმე მილიონი ლარის ღირებულების ნარკოტიკი გაანადგურა.„შინაგან საქმეთა სამინისტრომ 400 კილოზე მეტი სხვადასხვა სახის ნარკოტიკული საშუალება თანამედროვე სტანდარტების შესაბამისად გაანადგურა. სისხლის სამართლის 800 საქმეზე სხვადასხვა დროს ნივთმტკიცებად ამოღებული, განადგურებული ნარკოტიკების ღირებულება ე.წ. „შავ ბაზარზე“, დაახლოებით, ოთხ მილიონ ლარზე მეტია.
სამართალდამცველები ნარკოტიკულ და ფსიქოაქტიურ ნივთიერებებს შინაგან საქმეთა მინისტრის ბრძანების საფუძველზე, სასამართლოს შესაბამისი განაჩენის შემდეგ, სპეციალური მუდმივმოქმედი კომისიის თანდასწრებით, ეტაპობრივად ანადგურებენ.

შინაგან საქმეთა სამინისტრომ გაანადგურა საქართველოს მასშტაბით სხვადასხვა დროს ჩატარებული საგამოძიებო ღონისძიებების შედეგად უკანონო ბრუნვიდან ამოღებული ნარკოტიკული საშუალებები: 996 გრამი კოკაინი, 288 გრამი ჰეროინი, 1402 აბი „სუბუტექსი“, კოდეინის შემცველი 1317 აბი, 55 გრამი და 173 აბი მეტადონი, 172 გრამი და 77 აბი „მდმა“, ასევე, სხვადასხვა დასახელების დიდი ოდენობით ნარკოტიკული საშუალებები, ფსიქოტროპული და ახალი ფსიქოაქტიური ნივთიერებები.

ნარკოტიკები ახალი ტექნოლოგიით, შესაბამისი გარემოსდაცვითი სტანდარტებისა და ფილტრაციის სისტემების მქონე მაღალტემპერატურულ ღუმელში განადგურდა. ნარკოტიკული საშუალებების განადგურების პროცესს, შინაგან საქმეთა სამინისტროს თანამშრომლებთან ერთად, მთავარი პროკურატურის და შრომის, ჯანმრთელობისა და სოციალური დაცვის სამინისტროს წარმომადგენლებიც დაესწრნენ“ - აღნიშნულია შსს-ს მიერ გავრცელებულ ინფორმაციაში.

მეტის ნახვა
18-04-2018, 15:30


ვაგრძელებთ საუბარს პროფესორ რამაზ გახოკიძესთან. ამჯერად, ბატონი რამაზი "საერთო გაზეთის" მკითხველს "მავნე სისუფთავის" შესახებ მოუთხრობს:
ევრო-რემონტი - ადამიანის ჯანმრთელობის რისკის ფასად?

– მეცნიერულ-ტექნიკურმა პროგრესმა ერთი შეხედვით ჩვენი ყოფა გაალამაზა: შეცვალა სახლის დიზაინი, ქაღალდის შპალერები გასარეცხმა შპალერებმა შეცვალა, ხის ჩარჩოები — პლასტმასისამ და ა.შ. საბოლოოდ, ისე მოხდა, რომ ყველაფერი ბუნებრივი ნაგავს გავატანეთ და ქიმიური პროდუქციით ჩავანაცვლე თ. ჩავთვალეთ, რომ ასე უფრო მოხერხებული და თანამედროვეა. დიასახლისებმაც გაიხარეს — სახლის დალაგება ბევრად გაიოლდა. თუმცა, მალევე, გამოკვლევებმა აჩვენა, რომ თანამედროვე პლასტიკური მასალები საკმაოდ შხამიანია. მათგან გამოყოფილი საწამლავები, თანდათანობით, შინაგან ორგანოებში გროვდება. სამრეწველო მასალების უწვრილესი ნაწილაკები, გაბინძურებულ ჰაერთან და წყალთან ერთად, კიბოს განვითარების სტიმულირებას იწვევს. მაგალითად, თქვენ აფრქვევთ დეზოდორანტს ან კოღოების და სხვა მწერების საწინააღმდეგო აეროზოლებს, იყენებთ სხვადასხვა სპრეებს: თმების ლაქს, არომატულ საფრქვეველს ტუალეტისთვის, რასაც გაზმატარებლად გამოყენებული ფრეონები ემატება. აშშ-ში 1500 ქალზე ჩატარებულმა კვლევამ აჩვენა, რომ ის დიასახლისები რომლებიც მუდმივად იყენებენ საყოფაცხოვრებო ქიმიის საშუალებებს (აეროზოლები, ასევე, ზედაპირიდან ობის მოსაცილებელი საშუალებები), ძუძუს კიბოთი უფრო ხშირად ავადდებიან, ვიდრე ისინი, რომლებიც საერთოდ არ იყენებენ გასუფთავების საყოფაცხოვრებო საშუალებებს. ამერიკელ მეცნიერთა მონაცემებით, საყოფაცხოვრებო ქიმიის ზემოქმედება დედის საშოში ბავშვის ეკზემის რისკის განცდას იწვევს.

ფოსფორშემცველი სარეცხი ფხვნილები  კიბოს განვითარების რისკს ზრდის!
ყოველდღიურად თანამედროვე ადამიანი სხვადასხვა ქიმიურ გამწმენდ და სარეცხ საშუალებებს იყენებს. სარეცხი ფხვნილების ძირითად აქტიურ კომპონენტს ე.წ. ზედაპირულად აქტიური ნივთიერებები წარმოადგენს. მართალია ისინი ჭუჭყს შლიან, მაგრამ სამაგიეროდ კანში იჭრებიან და ადამიანის ორგანიზმზე ძალიან უარყოფით გავლენას ახდენენ. მაგალითად, იწვევენ ალერგიულ რეაქციებს, არღვევენ იმუნიტეტს, აზიანებენ ტვინს. ჩვენი ჯანმრთელობისთვის და გარემოსთვის დიდი ზიანი მოაქვთ ფოსფატებს, რომლებსაც ზედაპირულად აქტიურ ნივთიერებებთან ერთად სარეცხი ფხვნილები შეიცავს. ისინი ჩამდინარე წყლებით მდინარეებსა და წყალსაცავებში ხვდებიან და მათ აბინძურებენ, ხელს უწყობენ ციანბაქტერიების გამრავლებას, რომელთა ტოქსინები კიბოს უჯრედების განვითარებას ააქტიურებენ. გერმანიაში, იტალიაში, ავსტრიაში, ჰოლანდიასა და ნორვეგიაში უკვე აიკრძალა ფოსფორშემცველი სარეცხი ფხვნილების გაყიდვა. სარეცხი ფხვნილების მავნე ზეგავლენისგან თავის დასაცავად ეცადეთ გამოიყენოთ უფოსფატო ფხვნილები. სარეცხი ფხვნილების მტვერი ადვილად ვრცელდება გარემოში, ამიტომ სარეცხ მანქანას სამზარეულოში ნუ დააყენებთ. ხელით რეცხვისას აუცილებელია გაიკეთოთ ხელთათმანები. გარეცხილ თეთრეულს გულმოდგინედ გაავლეთ, დაახლოებით, ათჯერ ცხელი (50–60გრადუსი) წყალი, რადგან ზედაპირულად აქტიური ნივთიერებები და ფოსფატები ცივ წყალში არ იხსნება.

უსაფრთხო რეცხვის  საშუალებანი!
ფოსფატშემცველი ფხვნილების ერთ-ერთი ალტერნატივაა საპნის საფუძველზე დამზადებული საბავშვო ფხვნილები, თუმცა, ისინი წყალში ცუდად იხსნებიან. შეგიძლიათ გამოიყენოთ სხვა უსაფრთხო საშუალებებიც: სამეურნეო საპონი შესანიშნავად რეცხავს ნატურალურ ქსოვილს და კიდეც არბილებს, რაც ჩვილი ბავშვებისთვის მნიშვნელოვანია. გამოიყენეთ შემდეგი ხსნარი: ერთ ვედრო თბილ წყალს დაამატეთ 50 გრამი გახეხილი საპონი და სამი სუფრის კოვზი სოდა. მუქ, არამდგრადი შეფერილობის ნივთებს სოდის გამოყენების გარეშე რეცხავენ. აღნიშნული საშუალებით თეთრეული ნორმალურად ირეცხება სარეცხ მანქანაშიც.

სხვადასხვა ქსოვილის გასარეცხად სხვადასხვა შემადგენლობის ფხვნილია საჭირო. მჟავა და ნეიტრალური არე სასურველია ცხოველური წარმოშობის ქსოვილებისაგან (მატყლი, სელი) დამზადებული ნაწარმის გასარეცხად, ზომიერად ტუტოვანი არე კი — ხელოვნური და სინთეზური ქსოვილებისგან დამზადებული ნაწარმის გასარეცხად. ამიტომ, ბამბისა და სელისგან დამზადებული ნაწარმი შესანიშნავად ირეცხება კალცინირებული სოდით (განსაკუთრებით სარეცხ მანქანაში 50–70 გრადუს ტემპერატურაზე). ავტომატში გასარეცხად სარეცხ ფხვნილად შეგიძლიათ მდოგვის გამოყენება, დაახლოებით, 50 გრამი, რომელიც ერთიანად უნდა ჩაყაროთ მანქანაში და არა კიუვეტში არა უმეტეს 40 გრადუს ტემპერატურის პირობებში, რათა მდოგვი არ შეიკრას. მდოგვით შეიძლება მატყლის ნაწარმის გარეცხვა.
 
საპონას ფესვებით კარგია მატყლისა და აბრეშუმის ქსოვილების გარეცხვა. საპონას ყიდვა შეგიძლიათ ჰომეოპათიურ აფთიაქში ან ბაზარში. 1 კილოგრამ მშრალ ტანსაცმელზე იღებენ 50 გრამ საპონას ფესვებს, ჩაქუჩით ამტვრევენ წვრილ ნატეხებად, ამატებენ ნახევარ ლიტრ მდუღარე წყალს, აყოვნებენ ერთ დღე-ღამეს ხშირი მორევის პირობებში. 24 საათის შემდეგ ერთი საათი დაბალ ცეცხლზე ადუღებენ, მერე აცივებენ, გადაწურავენ მარლაში. მარლაში დარჩენილი საპონას ფესვები შეიძლება კვლავ გამოიყენოთ — დაასხით მდუღარე წყალი და დააყოვნეთ რამდენიმე საათი. ხსნარის გამოყენება შეგიძლიათ ხელმეორედ. მიღებულ საპონას ასხამენ თბილ წყლიან ჯამში, თქვეფენ და თეთრეულს ორ-სამჯერ რეცხავენ.

ჭურჭლის სარეცხი  საშუალებები -  უშვილობის გამომწვევია?!

ჭურჭლის "საუკეთესო" სარეცხ საშუალებათა შემადგენლობაშიც ასევე შედის ჯანმრთელობისთვის მავნე კომპონენტები: ფოსფატები, ქლორი, ზედაპირულად აქტიური ნივთიერებები, ფტალატები. მაგალითად, ქლორი იწვევს ანემიას, ათეროსკლეროზს, ალერგიას, ზრდის კიბოს წარმოქმნის რისკს. ფტალატები ტოქსიკურ ზემოქმედებას ახდენს ღვიძლსა და თირკმლებზე, რეპროდუქციულ ორგანოებზე, ნერვულ და ენდოკრინულ სისტემებზე. ითვლება, რომ ეს ნაერთები შესაძლოა აღმოჩნდეს ონკოლოგიურ დაავადებათა, უშვილობისა და ასთმის მიზეზი. ფოსფატების ჭარბი შემცველობა ორგანიზმში იწვევს მაგნიუმის, კალციუმისა და რკინის შეთვისების მოშლას.
* * *
– ბატონო რამაზ, საყოფაცხოვრებო ქიმიის გარდა კიდევ რა საფრთხეებია?

– ადამიანის ჯანმრთელობისთვის საფრთხის შემცველი ნივთებია: ჰაერის ე.წ. გამაგრილებელი საშუალებანი, რომელთა უმრავლესობა შეიცავს ფორმალდეჰიდს და ნაფტალენებს. სჯობს ისინი ნატურალური საშუალებებით, მაგალითად, ლავანდის ან სხვა ეთერზეთით შევცვალოთ; სამღებრო საშუალებანი (საღებავები, წებოები, გრუნტი), რომლებიც კანცეროგენებს შეიცავს, მიუხედავად იმისა, რომ მათ უმრავლესობას თან ახლავს `ეკოლოგიური სერთიფიკატები~; არ შეინახოთ სახლში საავტომობილო ქიმიის პროდუქტები, რადგან თითქმის ყველა ტოქსიკურია; ფერადი პარაფინული სანთლები, რომელიც წვისას კანცეროგენს გამოყოფს. სჯობს ბამბის პატრუქიანი ბუნებრივი ცვილის სანთლის გამოყენება; განსაკუთრებული ყურადღება გმართებთ ნოხებისა და ავეჯის შამპუნების შერჩევისას; ტარაკნებს და მავნე მწერებს ებრძოლეთ სანიტარიით და არა ქიმიით.

– ზამთარ-ზაფხულ თითოეული ჩვენგანი კონდიციონერს აქტიურად იყენებს. რამდენად უსაფრთხოა იგი ადამიანის ჯანმრთელობისთვის?

– კონდიციონერს სიკეთესთან ერთად ზიანის მოტანაც შეუძლია. იგი ადამიანს სერიოზულ განსაცდელს უქმნის, რადგან დაავადების გამომწვევი მიკროორგანიზმების თავისებურ დამგროვებელს წარმოადგენს. იყო შემთხვევები, როცა კონდინციონერის საშუალებით პნევმონიის ურთულესი ფორმის გამომწვევი ბაქტერიები გავრცელდა. განსაკუთრებით მავნედ მოქმედებს კონდიციონერი იმ პირებზე, რომელთაც აქვთ ქრონიკული დაავადებები, მაგალითად, ჰაიმორიტი ან ქრონიკული ბრონქიტი. აუცილებელია კონდინციონერი გაიწმინდოს წელიწადში ერთხელ, თუმცა ეს არ არის პანაცეა. სასურველია, ოფისებში კონდიციონერები ჩაირთოს სამუშაოს დაწყებამდე 10–15 წუთით ადრე, რადგან მისი ჩართვის შემდეგ ზედაპირზე მყოფი მიკრობების კონცენტრაცია მცირდება.

თამარ შველიძე

მეტის ნახვა
18-04-2018, 10:00


პრეზიდენტის განცხადებით, ნატოს წევრობა ქართველი ხალხის ნათელი არჩევანია. ამ გზაზე საქართველოს ყველა შესაბამისი სტრუქტურა, შეიარაღებული ძალები, თავდაცვის სამინისტრო, საგარეო საქმეთა სამინისტრო, ყველა სტრუქტურა სრული მობილიზაციითა და მიზნის მნიშვნელობის სრული გააზრებით მუშაობს.
გიორგი მარგველაშვილის განცხადებით, ნატოსთან მიმართებაში საქართველოს პასუხისმგებლიანი პოზიცია არაერთხელ დაფიქსირდა ჩვენი საგარეო პოლიტიკური ვექტორებით და გადაწყვეტილებებით.
საქართველოს მტკიცე მონაწილეობა ნატოს მშვიდობისმყოფელ მისიებში მნიშვნელოვნადაა დაფასებული ჩვენი პარტნიორების მიერ. ნათლადაა დაფიქსირებული საქართველოს მზაობა ჩაერთოს ნატოს ფორმატებში, სადაც საქართველოს როლი უაღრესად მნიშვნელოვანი და გასათვალისწინებელია.
"არაერთხელ აღგვინიშნავს, რომ საქართველოს წევრობის პარალელურად საქართველოს ჩართვა შავი ზღვის უსაფრთხოების დისკუსიებში ადეკვატურია და საქართველო მზად არის ამ თვალსაზრისითაც შეასრულოს ის პასუხისმგებლობა, რომელიც უფრო სტაბილურ და დაცულ რეგიონს და სამყაროს მოგვცემს.
წელს მართლაც მნიშვნელოვანი წელია, ჩვენ ველით და ვემზადებით კიდევ ერთი მნიშვნელოვანი სამიტისთვის და გვაქვს იმედი, რომ საქართველოს საკითხი იქნება შესაბამისად წარმოდგენილი. ჩვენ ვმუშაობთ ამ მიზნისათვის", - განაცხადა გიორგი მარგველაშვილმა.
პრეზიდენტის განცხადებით, მიმდინარეობს საინფორმაციო და პროპაგანდისტული ომი ნატოს და ზოგადად, დასავლური ღირებულებების წინააღმდეგ, რომელიც ჩვენგან კიდევ უფრო აქტიურ ჩართულობას და პასუხის გაცემას მოითხოვს.
"ეს არის ის პოლიტიკური რეალობა, რომელშიც არა მარტო საქართველოა, არამედ ნატოს წევრი ქვეყნებიც. ჩვენ ყველა ვერთიანდებით იმ მიზნის ირგვლივ, რომ საზოგადოება, ჩვენი მოსახლეობა მაქსიმალურად ინფორმირებულები გავხადოთ იმ სიმართლის, ჭეშმარიტების თაობაზე, რომელსაც ჩვენ ამ ღირებულებებით გაერთიანებული ქართველებიც და ნატოს ჩვენი პარტნიორებიც ვემსახურებით", - აღნიშნა გიორგი მარგველაშვილმა.

მეტის ნახვა
17-04-2018, 13:00