სარეკლამო ადგილი

947x125



თბილისის მერის მოადგილის, ილია ელოშვილის განცხადებით, თბილისის მასშტაბით, ისტორიულ ადგილებში შესაძლოა, ახალი საბაგიროები გაკეთდეს. 
ელოშვილის განცხადებით, ამ ეტაპზე, კონკრეტული არეალების დადგენა მიმდინარეობს.
"საბაგიროები განიხილება, როგორც ერთ-ერთ უმნიშვნელოვანეს, საინტერესო ტრანსპორტად იმ არეალებში, სადაც განსაკუთრებით დიდი ტურისტული ინტერესებია", - განაცხადა ელოშვილმა.

დღესვე თბილისის მერმა განაცხადა, რომ ახალი საბაგირო გზით მეტრო “რუსთაველისა” და მთაწმინდის დაკავშირება იგეგმება. მისი თქმით, არსებობს მეტრო “რუსთაველისა” და მთაწმინდის დამაკავშირებელი პროექტი, რომელიც აუცილებლად განხორციელდება.
"ერთადერთი პროექტი, როემლიც საბაგიროზე არსებობს, არის მეტრო “რუსთაველის“ დაკავშირება მთაწმინდასთან. ამ პროექტს აუცილებლად განვახორციელებთ. რაც შეეხება სხვა პროექტებს, კვლევებია ჩასატარებელი, რომლის შემდეგაც მივიღებთ შესაბამის გადაწყვეტილებას", - განაცხადა კალაძემ.

მეტის ნახვა
17-04-2018, 11:30


ერევნის ცენტრში, ბაგრამიანის გამზირზე პოლიციასა და საპროტესტო აქციის მონაწილეებს შორის შეტაკება მოხდა. აქციის მონაწილეები სომხეთის ყოფილი პრეზიდენტის სერჟ სარგსიანის პრემიერ-მინისტრის პოსტზე დანიშვნას აპროტესტებენ. შეტაკების შედეგად 3 პოლიციელი და საპროტესტო აქციის ერთ-ერთი ლიდერი დაიჭრა.

პარტია „სამოქალაქო შეთანხმების“ ლიდერი და საპარლამენტო ფრაქცია „გამოსვლის“ ხელმძღვანელი ნიკოლ პაშინიანი ნაკვეთი ჭრილობებით საავადმყოფოში გადაიყვანეს. გავრცელებული ინფორმაციით პაშინიანმა დაზიანებები მაშინ მიიღო, როდესაც შეტაკებისას მავთულხლართებზე დაეცა. ერევნის მედცენტრის ხელმძღვანელის თქმით, არიან სხვა დაშავებული დემონსტრანტებიც, რაც შეეხება პოლიციელებს, მათ მსუბუქი დაზიანებები მიიღეს და მათ სიცოცხლეს საფრთხე არ ემუქრება.

რამდენიმე საათით ადრე პაშინიანმა მხარდამჭერებს მოუწოდა პარლამენტის შენობისკენ წასულიყვნენ, რის შემდეგაც დემონსტრატების ნაწილმა პოლიციის ცოცხალი ჯაჭვის გარღვევა შეძლო. პოლიციამ პასუხად ცრემლსადენი გაზი გამოიყენა. დაშავებულების ზუსტი რიცხვი უცნობია. დილით აქციის მონაწილეებმა ერევნის რამდენიმე ცენტრალური ქუჩა გადაკეტეს. აქციის რამდენიმე ათეული მონაწილე სომხეთის სახელმწიფო პედაგოგიურ უნივერსიტეტში შეიჭრა და სტუდენტებს მოუწოდეს, რომ საპროტესტო აქციებს შეერთებოდნენ.

სარგსიანის მოწინააღმდეგეების მიტინგი ერევანში უკვე მესამე დღეა რაც იმართება, კვირას ნიკოლ პაშინიანმა მასობრივი აქციების გეგმა გაამჟღავნა, მან მხარდამჭერებს მოუწოდა გადაეკეტათ ხიდები, ქუჩები და მოეხდინათ მეტრო სადგურების ბლოკირება. ორშაბათს დილით, მმართველ კოლიციაში შემავალმა რესპუბლიკურმა პარტიამ და პარტია „დაშნაკცუტიუნმა“ ოფიციალურად წარადგინეს სერჟ სარგსიანი პრემიერის პოსტზე, ამ საკითხთან დაკავშირებით კენჭისყრა სამშაბათს იგეგმება.

სარგსიანი იკავებს უმაღლეს პოსტებს სომხეთში 2007 წლიდან. 2008 წელს ის აირჩიეს პრეზიდენტად, 2013 წელს ის ამ პოსტზე ხელმეორედ იქნა არჩეული, რის შემდეგაც სომხეთმა დაიწყო გადასვლა საპარლამენტო მმართველობის ფორმაზე, რომლის ფარგლებშიც ფართოვდება პრემიერ-მინისტრის უფლებამოსილება და მცირდება პრეზიდენტის. თუ სარგსიანი პრემიერი გახდება, ის ამ პოსტზე 2022 წლამდე იქნება.

სერჟ სარგსიანის შესაძლო გაპრემიერების წინააღდმდეგ მიმართული საპროტესტო აქციებს მოძრაობა „გადადგი ნაბიჯი“, „უარი სერჟს“ და ფრონტი „სომხეთის სახელმწიფოს სახელით“ მარტის ბოლოდან ატარებენ.

9 აპრილს სომხეთის ახლადარჩეული პრეზიდენტის არმენ სარკისიანის ინაუგურაცია გაიმართა, სარკისიანი დიდ ბრიტანეთში სომხეთის ყოფილი ელჩია. იმავე დღეს უფლებამოსილება შეუწყდა პრეზიდენტ სერჟ სარგსიანს და სომხეთის მთავრობა გადადგა, არმენ სარკისიანი გახდა სომხეთის პირველი პრეზიდენტი, რომელიც პარლამენტმა აირჩია 2015 წელს მიღებული კონსტიტუციის თანახმად, რომელიც ქვეყნის საპარლამენტო მმართველობაზე გადასვლას ითვალისწინებს.
newposts.ge

მეტის ნახვა
16-04-2018, 12:00


გურჯაანი - ველისციხელებს ეზოებს დატბორვისსაფრთხე აღარ ემუქრებათ

სოფელ ველისციხეში, №1 საბავშვო ბაღის მიმდებარე ტერიტორიაზე ბალასტისა და მყარი ნარჩენებისგან სანიაღვრე არხი გაიწმინდა. ნალექის დროს სანიაღვრე არხიდან წყალი გადმოდიოდა, იტბორებოდა გზის სავალი ნაწილი და მოსახლეობის ეზოები. სამუშაოები ა(ა)იპ მუნიციპალურმა სერვისმა შეასრულა.

დუშეთი - წინამძღვრიშვილის კოლეჯი ახალგაზრდებს იწვევს

დუშეთის მუნიციპალიტეტის მერიის ადმინისტრაციული შენობის სააქტო დარბაზში გაიმართა საინფორმაციო შეხვედრა ილია წინამძღვრიშვილის სახელობის საზოგადოებრივი კოლეჯის საგაზაფხულო რეგისტრაციასთან დაკავშირებით. კოლეჯის წარმომადგენლებმა დამსწრე საზოგადოებას გააცნეს ინფორმაცია სასწავლებლის დაარსებისა და სასწავლო მიმართულებების შესახებ. კოლეჯში ახალგაზრდები შეისწავლიან პროფესიულ პროგრამებს, რომლებზეც რეგიონის შრომის ბაზარზე დიდი მოთხოვნაა. საგანმანათლებლო ცენტრი აღჭურვილია თანამედროვე სტანდარტების შესაბამისი სახელოსნოებითა და ლაბორატორიებით.
მიმდინარე სასწავლო წლისთვის საზოგადოებრივი კოლეჯი უკვე აცხადებს სტუდენტების მიღებას შემდეგ სპეციალობებზე: მეფუტკრეობა, მეხილეობა, მევენახეობა-მეღვინეობა, ელექტროობა, სატყეო საქმე, ტრაქტორისტ-მემანქანე, თმის სტილისტი, სამკერვალო ნაწარმის სპეციალისტი და საქართველოს კულტურული მემკვიდრეობის გიდი. აღსანიშნავია, რომ სტუდენტები მეხილეობის სპეციალობაზე მიიღებენ სტიპენდიას გაეროს განვითარების პროგრამიდან, ხოლო მევენახეობა-მეღვინეობის სპეციალობა კი სრულიად ახალი, გერმანული მეთოდით ისწავლება. მსურველებს მიეცემათ საწარმოში პრაქტიკული მუშაობის შესაძლებლობა და შესაბამისი ანაზღაურების მიღება. ჩამოთვლილ სპეციალობებზე სწავლა უფასოა და გაიცემა სახელმწიფო დიპლომი.შეხვედრას ესწრებოდნენ დუშეთის მუნიციპალიტეტის მერის მოადგილე თამაზ უნდილაშვილი, დუშეთის მუნიციპალიტეტის მერისა და ილია წინამძღვრიშვილის სახელობის საზოგადოებრივი კოლეჯის წარმომადგენლები.

ფოთის მერია ავარიული სახლის ბინადართა საცხოვრისზე იზრუნებს

ქალაქ ფოთის მერმა გოჩა კურდღელიამ მოადგილესთან ირაკლი თოფურიასთან ერთად კაცაძის ქუჩაზე მდებარე საცხოვრებელი სახლი მოინახულა. სახლი ავარიულ მდგომარეობაშია და დემონტაჟს ექვემდება- რება. მასში ამჯერად ორი ოჯახი ცხოვრობს, რომელთა საცხოვრებელი ფართის პრობლემის მოგვარებაზე ქალაქის ადგილობრივი ხელისუფლება იზრუნებს. სახლის მობინადრეებთან შეხვედრას საკრებულოს მაჟორიტარი დეპუტატი თორნიკე შონია და მერიის ინფრასტრუქტურის სამსახურის წარმომადგენლები ესწრებოდნენ.

ჩოხატაური - აქცია "ერთად ვებრძოლოთ აზიურ ფაროსანას"

ამაღლების თემში ამ სახელწოდების აქცია გაიმართა სოფლის მეურნეობის სამინისტროს ჩოხატაურის მუნიციპალიტეტის საინფორმაციო-საკონსულტაციო სამსახურის ინიციატივით. შეხვედრაზე სამსახურის წარმომადგენლებმა დეტალურად ისაუბრეს აზიურ ფაროსანასთან ბრძოლის სახელმწიფო სტრატეგიით გათვალისწინებული ღონისძიებების შესახებ, მავნებლის მექანიკური განადგურების პროცესში მოსახლეობის მონაწილეობისა და მობილიზების აუცილებლობაზე. აქციას შეუერთდა ჩოხატაურის მოხალისეთა გუნდი, რომლის წევრებმა მოსახლეობას საინფორმაციო ბუკლეტები დაურიგეს.

ლაგოდეხი - 9 აპრილს გმირულად დაღუპული მამუკა ნოზაძის ხსოვნის დღე

1989 წლის ტრაგედიიდან 29 წელი გავიდა. საქართველოს დამოუკიდებლობისთვის ბრძო- ლას 21 ადამიანი შეეწირა. მუნიციპალიტეტის მერი ჯონდო მდივნიშვილი, ლაგოდეხისა და ყვარლის მაჟორიტარ დეპუტატ გურამ მაჭარაშვილთან, საკრებულოს თავმჯდომარე კახა ჯამბურიასთან და საკრებულოს წარმომადგენლებთან ერთად, 9 აპრილს გმირულად დაღუპული მამუკა ნოზაძის ხსოვნის პატივ- საცემად ყაზანის ყოვლადწმინდა ღვთისმშობლის სახელობის ეკლესიაში გამართულ სულის მოსახსენიებელ პანაშვიდს დაესწრნენ. მუნიციპალიტეტის წარმომადგენლებმა სოფელ კართუბანში მამუკა ნოზაძის საფლავი გვირგვინითა და წითელი ტიტებით შეამკეს.

სიღნაღი - გზის რეაბილიტაცია სოფელ ჯუგაანში

სიღნაღის მუნიციპალიტეტის მერმა გიორგი გოგილაშვილმა და მერის პირველმა მოადგილემ მადონა ბატიაშვილმა სოფელ ჯუგაანში საუბნო გზის სარეაბილიტაციო სამუშაოები დაათვალიერეს.პროექტი, რომელიც ადგილობრივი ბიუჯეტიდან 79 521 ლარით ფინანსდება, ორი სახიდე გადასასვლელის მოწყობასა და 537 მეტრზე ასფალტბეტონის საფარის დაგებას ითვალისწინებს.გზის რეაბილიტაცია უახლოეს დღეებში დასრულდება. განახლებული გზით სოფლის ორმოცამდე ოჯახი ისარგებლებს.

დედოფლისწყარო - მერი დედოფლისწყაროს სათნოების სახლს ეწვია

დედოფლისწყაროს მუნიციპლიტეტის მერი ნიკოლოზ ჯანიაშვილი მოადგილესთან, მალხაზ მერაბიშვილთან და მერიის სამსახურების ხელმძღვანელებთან რთად დედოფლისწყაროს სათნოების სახლ "სავანეს" ეწვია და ბენეფიციარებს აღდგომის ბრწყინვალე დღესასწაული მიულოცა. მერმა და მერიის თანამშრომლებმა ორასოცდაათივე ბენეფიციარს სააღდგომო საჩუქრები გადასცეს.

ზუგდიდი - მოხალისეები აზიური ფაროსანას წინააღმდეგ

ზუგდიდის მუნიციპალიტეტში, აზიურ ფაროსანასთან ბრძოლის სამუშაოების ფარგლებში, მარტოხელა და შეზღუდული შესაძლებლობის მქონე პირების საცხოვრებელი სახლების სხვენებისა და დამხმარე ნაგებობების შეწამვლა მიმდინარეობს.
ზედა ეწერის ადმინისტრაციულ ერთეულში მცხოვრებ მარტოხელა ოჯახებში მოხალისეების მიერ ჩატარებულ სამუშაოებს ზუგდიდის მუნიციპალიტეტის მერის მოადგილე მაიზერ ნანავა გაეცნო. ზედა ეწერის მსგავსად, მოხალისეთა ჯგუფები შექმნილია ზუგდიდის მუნიციპალიტეტის მერიის სხვა ადმინისტრაციულ ერთეულებში.შესაბამისი პესტიციდებით მუშავდება აგრეთვე მიტოვებული შენობა-ნაგებობები.

მარტვილი - მერი აბედათისა და ბანძის მოსახლეობას შეხვდა

მარტვილის მუნიციპალიტეტის მერი მოსახლეობასთან შეხვედრებს განაგრძობს. ალექსანდრე გრიგალავა მერის წარმომადგენლებთან ერთად აბედათის და ბანძის ადმინისტრაციული ერთეულის მოსახლეობას შეხვდა. მუნიციპალიტეტის მერი გაეცნო ადგილობრივთა პრობლემებს და ისაუბრა დაგეგმილი ინფრასტრუქტურული პროექტების შესახებ, რომლებიც მუნიციპალიტეტის მასშტაბით განხორციელდება. შეხვედრაზე მოსახლეობამ პრიორიტეტად დაასახელა შიდა გზების რეაბილიტაცია და გაზიფიცირება. მოსახლეობასთან შეხვედრები მუნიციპალიტეტის მასშტაბით ყველა ადმინისტრაციულ ერთეულში გაიმართება.

სენაკი - გარეგანათების მოწესრიგება

ქალაქ სენაკის ცენტრალურ პარკში, რკინიგზის სადგურის მიმდებარე ტერიტორიაზე და რუსთაველის ქუჩაზე მდებარე სკვერში გარეგანათების ბოძებზე დამონტაჟდა დიოდური ნათურები, აღდგენილია დაზიანებული ელექტროსადენები. ანალოგიური სამუშაოები ამჟამად მიმდინარეობს ნოქალაქევის ადმინისტრაციულ ერთეულშიც.

ჩხოროწყუ - თათბირი მერის წარმომადგენლებთან

ჩხოროწყუს მუნიციპალიტეტის მერმა დათო გოგუამ მერის წარმომადგენლებთან მორიგი თათბირი გამართა, რომელზეც მუნიციპალიტეტის მერმა მოისმინა ინფორმაცია 2 აპრილს მუნიციპალიტეტის დაბასა და სოფლებში მოსახლეობისთვის ქარიშხლის შედეგად მიყენებული ზარალის შესახებ. წარმომადგენ ლების ხელთ არსებული მონაცემების თანახმად, სტიქიის შედეგად  40-მდე საცხოვრებელი სახლის სახურავი ნაწილობრივ დაზიანდა. ქარმა სახურავი ნაწილობრივ გადახადა ასევე ლეგახარეს უბნის საბავშვო ბაღსა და ლესიჭინეს ადმინისტრაციულ შენობებს. ამ ეტაპზე მიმდინარეობს მონაცემთა დამუშავება შესაბამის სტრუქტურებში წარსადგენად.
დათო გოგუამ მერის წარმომადგენლებს დაავალა, აღრიცხონ მუნიციპალიტეტში არსებული უსახური შენობა-ნაგებობები, რათა შესაბამისმა სამსახურებმა მოახდინონ შემდგომი რეაგირება.  შეხვედრაზე მერის მოადგილემ ვალერი თოდუამ განაცხადა, რომ მუნიციპალიტეტის ხელმძღვანელები, სპეციალურ კომისიასთან ერთად, სახლში ეწვევიან უკი- დურეს საბინაო პირობებში მყოფ ოჯახებს და ადგილზე გაეცნობიანმათს საჭიროებებს.

ბოლნისის მუნიციპალიტეტი

ბოლნისის მუნიციპალიტეტის მერი დავით შერაზადიშვილი: "უკვე რამდენიმე წელია მუნიციპალიტეტი, ტრადიციულად, სააღდგომო ნობათებს ურიგებს ბოლნისის სათნოების სახლის ბენეფიციარებს და წელსაც, ჩვენი გადაწყვეტილებით, წინასააღდგომოდ, 200 ოჯახს გადავეცით ნობათი. მინდა, თითოეულ მათგანს მივულოცო აღდგომის ბრწყინვალე დღე სასწაული. მართალია ეს არის მცირედი, თუმცა ჩვენ მუდმივად ვზურნავთ შეჭირვებულ ოჯახებზე და წლის განმავლობაში რამდენჯერმე ვატარებთ მსგავს აქციებს.
მოგეხსენებათ, მუნიციპალიტეტი ყოველდღიურად 350 ბენეფიციარს უზრუნველყოფს კვებით. მსგავს აქტივობებს, რა თქმა უნდა, მომავალშიც გავაგრძელებთ". ბოლნისის სათნოების სახლის ბენეფიციარებს აღდგომის დღესასწაული ქვემო ქართლის გუბერნატორმა და ბოლნისის მუნიციპალიტეტის მერმა მიულოცეს. გრიგოლ ნემსაძე დავით შერაზადიშვილთან ერთად ბოლნისის სათნოების სახლში ტკბილეულით ხელდამშვენებული მივიდა და მოხუცებს აღდგომის დღესასწაული მიულოცა. ბენეფიციარებმა სტუმრებს გამოჩენილი გულისხმი- ერებისთვის მადლობა გადაუხადეს. ბოლნისის სათნოების სახლში 15 ბენეფიციარი ცხოვრობს, რომ- ლებიც მთელი წლის განმავლობაში უზრუნველყოფილნი არიან ფართით, საკვებითა და უფასო მედიკამენტებით.
"სათნოების სახლის მოხუცებს, ქვემო ქართლის გუბერნატორთან ერთად ვესტუმრე და აღდგომის დღესასწაული მივულოცე. მათ მუდმივად სჭირდებათ ჩვენი მხრიდან ყურადღება და მოფერება, რაც ნამდვილად არ აკლიათ. სიმბოლურად ტკბილეული მივართვით. მინდა თითოეულ მათგანს გულით მივულოცო ბრწყინვალე აღდგომა, უფალმა დალოცოს ისინი და ჯანმრთელობა არ მოაკლოს“, – განაცხადა ბოლნისის მუნიციპალიტეტის მერმა დავით შერაზადიშვილმა.

დმანისის მერია სოციალურად დაუცველი ოჯახებისთვის

დმანისის მუნიციპალიტეტის მერმა გიორგი ტატუაშვილმა მოადგილეებთან და მერიის თანამშრომლებთან ერთად ქალაქ დმანისში 26 სოციალურად დაუცველ ოჯახს აღდგომის ბრწყინვალე დღესასწაული მიულოცა და სააღდგომოდ ნობათი გადასცა."დმანისის მუნიციპალიტეტში მცხოვრებ სოციალურად დაუცველი ოჯახებისთვის მნიშვნელოვანია ჩვენი ყურადღება. მხარში დგომით და ერთმანეთის ტკივილის გულთან ახლოს მიტანით ჩვენ ძალიან ბევრ პრობლემას მოვაგვარებთ. ჩემი დიდი სურვილია, არც ერთ ოჯახს სოციალური თუ სხვა სატკივარი აღარ ჰქონდეს", – აღნიშნა დმანისის მუნიციპალიტეტის მერმა გიორგი ტატუაშვილმა.

თეთრიწყაროს მუნიციპალიტეტის სოფელ ასურეთში ახალი საბავშვო ბაღი გაიხსნა

თეთრიწყაროს მუნიციპალიტეტის სოფელ ასურეთში აღსაზრდელზე 70 გათვლილი ახალი საბავშო ბაღი აშენდა. შენობა აღიჭურვა სათანადო ინვენტარით, კეთილმოეწყო ეზო და დამონტაჟდა საბავშვო ატრაქციონები. თანამედროვე და ახალი საბავშვო ბაღი მოემსახურება მიმდებარე დასახლებების აღსაზრდელებსაც. აღსანიშნავია, რომ ბაღის შენობა ადაპტირებულია შშმ პირთათვის.
ახალი შენობა 29 მარტს საზეიმო ვითარებაში გახსნეს თეთრიწყაროს მუნიციპალიტეტის მაჟორიტარმა დეპუტატმა გოდერძი ჩანქსელიანმა და ქვემო ქართლში სახელმწიფო რწმუნებულმა–გუბერნატორმა გრიგოლ ნემსაძემ და თეთრიწყაროს მუნიციპალიტეტის მერმა გიორგი ქორიძემ თეთრიწყაროს მუნიციპალიტეტში მიმდინარე წელს თანამედროვე სტადნარტების შესაბამისი ახალი საბავშვო ბაღი გაიხს, სოფელ სამღერეთშიც, ხოლობაღების არსებული შენობების რეაბილიტაცია და აღჭურვა გათვალისწინებულია სოფელ მარაბდაში და სოფელ ჭივჭავში.
ასურეთის საბავშვო ბაღის მშენებლობის სახელშეკრულებო ღირებულება შეადგენს 374 303 ლარს, მათ შორის საფო ბიუჯეტიდან 348 415 ლარი. ხოლო ადგილობრივი ბიუჯეტიდან – 25 888 ლარი.

განცხადება დასაქმების მსურველთათვის

ევროკავშირისა და RDFG-ს პროექტის – „სოფლის მდგრადი განვითარება თეთრიწყაროს მუნიციპალიტეტში“ – ფარგლებში, დასაქმების პროგრამის მეორე ფაზა დაიწყო. მსურველებს შესაძლებლობა აქვთ 20 აპრილამდე დარეგისტრირდნენ აპლიკანტთა სიაში. რეგისტრაციისთვის დარეკეთ ნომერზე: 5 99 90 10 82 ან გაგზავ- ნეთ შეტყობინება შემდეგ მისამართზე:
lmaisuradze@rdfg.ge

წალკა - საჩუქრები ბედიანის ბავშვთა სახლის ბინადრებს

ქვემო ქართლის რწმუნებულ- გუბერნატორი გრიგოლ ნემსაძე და წალკის მუნიციპალიტეტის მერი ილია საბაძე, სააღდგომო ღონისძიებების ფარგლებში, დაბა ბედიანის ბავშვთა სახლს ესტუმრნენ და ბავშვებს სააღდგომო საჩუქრები გადასცეს.

მარნეულის მუნიციპალიტეტის სოფელ საიმერლოში ახალი საბავშვო ბაღი გაიხსნება

სკოლამდელი აღზრდის ხელმისაწვდომობა მუნიციპალიტეტის ერთერთი პრიორიტეტია, გამომდინარე აქედან ადგილობრივი თვითმმართველობა ეტაპობრივად აშენებს თანამედროვე სტანდარტების შესაბამის საბავშვო ბაღებს. მიმდინარე წელს მუნიციპალიტეტს კიდევ ერთი ახალი საბავშვო ბაღი შეემატება, რომლის მშენებლობაც დაგეგმილია წერეთლის ადმინისტრაციულ ერთეულში, სოფელ საიმერლოში.
ორსართულიანი საბავშვო ბაღი ოთხ ჯგუფზე იქნება გათვლილი საბავშვო ბაღის შენობაში მოთავსდება ოთხი სრულფასოვანი საჯგუფო ბლოკი, სამზარეულო ბლოკი და სხვა, ხმარე სათავსოები დამ. მეორე სართულზე საბავშვო ჯგუფებთან ერთად განთავსდება ადმინისტრაციული სათავსოები და სპორტულ სახელოვნებო ღონისძიებებისთვის განკუთვნილი დარბაზი შენობა ადაპტირებული იქნება  შშმ პირებისათვის.
მოგახსენებთ,რომ ბაღის შენობა ნაგებობისთვის განსაზღვრულ ტერიტორიაზე განთავსებულია მე-2 მსოფლიო ომის ვეტერანთა და აგვისტოს ომში გმირულად გარდაცვლილი მებრძოლის ზაზა ბოჭოიძის მემორიალი, პროექტით გათვალისწინებულია მისი ადგილმდებარეობის შეცვლა, კერძოდ კი მემორიალი განთავსდება საბავშო ბაღის გარე პერიმეტრზე ბაღის მშენებლობისთ. ადგილობრივ ბიუჯეტში გათვალისწი- ნებულია 686 000 ლარი. ამჟამად უკვე დასრულდა ტენდერი სამშენებლო სამუშაობზე.


მეტის ნახვა
14-04-2018, 20:54


ხანდახან მეჩვენება, რომ ჩვენი საზოგადოება ზედმეტად ინერტული გახდა და ისეთ საკითხებზეც კი ნაკლებად რეაგირებს, რომლებიც სასიცოცხლოდ მნიშვნელოვანია მისთვის და იმ სახელმწიფოსთვის, რომელშიც ცხოვრობს.

ეს რომ არ იყოს, დღეს საზოგადოების აქტიური მონაწილეობით გაცხოველებული სჯა-ბაასი და დებატები უნდა მიმდინარეობდეს იმის გარშემო, რომელსაც მთავრობის ახალი სამშვიდობო ინიციატივა ჰქვია.

მე, როგორც ერთი რიგითი მოქალაქე და ჩემთან ერთად ძალიან ბევრი, წლებია, ველოდებით ამ უაღრესად მნიშვნელოვანი ნაბიჯის გადადგმას საქართველოს მხრიდან.

ასე რომ, ეს ინიციატივა არ არის მხოლოდ მთავრობის ინიციატივა, ის საქართველოს მოქალაქეთა დიდი ნაწილის სურვილს და მისწრაფებას გამოხატავს, რომლებიც თვლიან, რომ პირველი ნაბიჯები ჩვენი ძმებისკენ, აფხაზებისა და ოსებისკენ, სწორედ ჩვენ, ქართველებმა, უნდა გადავდგათ, რადგან მთავარი პასუხისმგებლობა ყველაფრის გამო, რაც ქართულ სახელმწიფოში ხდება, უპირველეს ყოვლისა, ჩვენ, ქართველებს ,გვაკისრია.

"ეს არის სამშვიდობო ინიციატივა _ "ნაბიჯი უკეთესი მომავლისკენ". საქართველოს ხელისუფლება შერიგებისა და ჩართულობის პოლიტიკის ფარგლებში დგამს კონკრეტულ ნაბიჯებს, რომელიც მიზნად ისახავს აფხაზეთსა და ცხინვალის რეგიონებში მცხოვრები მოსახლეობის ჰუმანიტარული, სოციალურ-ეკონომიკური მდგომარეობის გაუმჯობესებას, გამყოფი ხაზების გასწვრივ კონტაქტების, მიმოსვლის, საერთო ინტერესებზე დაფუძნებული ურთიერთობების წახალისებას. 

ეს არის კიდევ ერთი ღია განაცხადი, რომ სამშვიდობო პოლიტიკის კურსი, რომელიც ჩვენმა ხელისუფლებამ აიღო, აუცილებლად გაგრძელდება. მიუხედავად უამრავი გამოწვევისა, ეს არის ჩვენი ურყევი კურსი, რომელიც თანმიმდევრულად გაგრძელდება. ეს არის ნაბიჯი, რომელსაც ჩვენ ვუპირისპირებთ გამოწვევებს და, რა თქმა უნდა, ეს ნაბიჯი მიზნად ისახავს ნდობის აღდგენასა და შერიგების პროცესის გააქტიურებას~, _ განაცხადა ამ ინიციატივის პრეზენტაციაზე პრემიერ-მინისტრმა გიორგი კვირიკაშვილმა, რომლის სასახელოდაც უნდა ითქვას, რომ ბოლო დროს მის მიერ გადადგმული ნაბიჯები უაღრესად საინტერესო, თამამი და პრაგმატული ხასიათისაა, დაწყებული მისი ცნობილი მიმართვიდან რუსეთის ხელისუფლებისადმი და დამთავრებული ამ ბოლო ინიციატივით.
რამდენი არ უნდა ამტკიცოს ოპოზიციამ, რამდენი გმირულ-ჰეროიკული შინაარსის განცხადებებიც არ უნდა აკეთონ ფსევდო-პატრიოტებმა, რა ხმაურიც არ უნდა ატეხონ ავანტურისტებმა და პროვოკატორებმა, შეიძლება დაბეჯითებით ითქვას, რომ გიორგი კვირიკაშვილის მიმართვის ტექსტი რუსეთის ხელისუფლებისადმი საქართველოს ეროვნულ-სახელმწიფოებრივი ინტერესებით არის ნასაზრდოები და მასში არაფერი არ არის ისეთი, რამაც შეიძლება ჩვენს ქვეყანას რაიმე სახის ზიანი მოუტანოს.

პირიქით, ეს მიმართვა არის ერთგვარი გარღვევა რუსეთ-საქართველოს ურთიერთობაში, რომლის გაკეთებასაც საკმაოდ დიდი გამბედაობა და პოლიტიკური სიმამაცე სჭირდებოდა.

ეს მიმართვა რომ არა, ალბათ, არ იქნებოდა მთავრობის ახალი სამშვიდობო ინიციატივაც, რომელიც სრულიად უნიკალურ შესაძლებლობებს ქმნის აფხაზეთისა და ცხინვალის რეგიონების მოსახლეობისათვის არა მარტო სოციალურ-ეკონომიკური მდგომარეობის გაუმჯობესებლად, არამედ ქართველ თანამემამულეებთან პირდაპირი დიალოგის დასაწყებად, რომელიც აუცილებელია როგორც მათთვის, ასევე ჩვენთვის, რომ ბოლოს და ბოლოს დნობა დაიწყოს ჩვენს შორის აღმართულმა იმ ყინულის ჯებირებმა, რომლებიც საშუალებას არ გვაძლევს ერთმანეთთან ახლოს მივიდეთ და ერთმანეთი ხელახლა ვიგრძნოთ.

ვინც აფხაზებთან და ოსებთან პირისპირ დალაპარაკებას დაუშვებლად მიიჩნევს, ის შეურაცხყოფას აყენებს აფხაზებსა და ოსებს, ლახავს მათ ღირსებას და თავმოყვარეობას, რადგან ამით პირდაპირ მიანიშნებს, რომ ოსებთან და აფხაზებთან დიალოგს აზრი არ აქვს, რადგან მათ არავინ ეკითხება, რა გადაწყვეტილება უნდა მიიღონ და რა გზას უნდა დაადგნენ.

საკითხისადმი ამგვარი მიდგომა, რა თქმა უნდა, შეცდომაა, არადა, იმდენი შეცდომები გვაქვს დაშვებული, ძველი შეცდომებისღვის კიდევ ახლის დამატება, ცხადია, არ ღირს.

ამ შეცდომებიდან ყველაზე მთავარი, ყველაზე საბედისწერო მაინც ის იყო, რომ გასული საუკუნის 90-იან წლებში, როცა თავისუფლება მოვიპოვეთ, უცებ გაირკვა, რომ ეს თავისუფლება მხოლოდ ჩვენთვის გვინდოდა, ხოლო აფხაზებს და ოსებს, რომლებმაც რეფერენდუმზე ერთხმად დაუჭირეს მხარი ქართული სახელმწიფოს დამოუკიდებლობას, ისეთი ვერაფერი შევთავაზეთ, რაც მათ მონაწილეობას ახალი ტიპის საქართველოს მშენებლობაში განსაკუთრებულ ფუნქციას და მისიას შესძენდა.

რთული და ვრცელი თემაა ეს და მასზე საუბარს აქ ვერ გავაგრძელებ, თუმცა ვიტყვი ერთს: სავაჭრო ურთიერთობების აღდგენა, სოციალური და ეკონომიკური პრობლემების მოგვარების გზების ძიება და ახალი ინიციატივების და იდეების შეთავაზება ოსთა და აფხაზთათვის, ცხადია, მისასალმებელია, მაგრამ არასაკმარისი.

სანამ ჩვენ, ქართველები, არ გავაკეთებთ მიუკერძოებელ, ობიექტურ ანალიზს იმისა, თუ რა მოხდა 90-იან წლებში, თუ გულწრფელად არ ვაღიარებთ და არ მოვინანიებთ ჩვენს წილ ცოდვებს და შეცდომებს, თუ ახალ პოლიტიკურ ენაზე არ ავმეტყველდებით, ყველა მცდელობა ფუჭად ჩაივლის.
ჩვენ, ქართველები, აფხაზები, ოსები ერთმანეთში ვიწყებით და ერთმანეთში ვგრძელდებით, ამიტომაც დაპირისპირება ჩვენს შორის _ ეს არის დაპირისპირება საკუთარ თავთან, დაპირისპირება, რომელიც ძალიან ჰგავს თვითმკვლელობის მცდელობას.

ჩვენ ერთად უნდა გადავრჩეთ _ სხვა ალტერნატივა არ არსებობს.

სწორედ ეს ქვეტექსტი გასდევს საქართველოს მთავრობის ახალ სამშვიდობო ინიციატივას ლაიტმოტივად.

სამშვიდობო ინიციატივების საკანონმდებლო ცვლილებათა პაკეტი სამ ძირითად მიმართულებას გულისხმობს.

"პირველი _ ადმინისტრაციული გამყოფი ხაზების გასწვრივ ვაჭრობის გაფართოება და გამარტივება ახალი შესაძლებლობების შექმნის გზით; ინიციატივის ფარგლებში შესაძლებელი იქნება ადმინისტრაციული გამყოფი ხაზების გავლით ვაჭრობასთან დამაკავშირებელი ინდივიდუალური და საერთო ბიზნეს ინიციატივების მხარდაჭერა და წახალისება.

მეორე _ ხარისხიანი განათლების მიღების დამატებითი შესაძლებლობების შექმნა და წვდომის გამარტივება განათლების ყველა საფეხურზე, როგორც ქვეყნის შიგნით, ისე საზღვარგარეთ; ჩვენთვის მნიშვნელოვანია ახალგაზრდები, მათი განათლება და კეთილდღეობა გამყოფი ხაზის ორივე მხარეს. ეს არის სწორედ ის თაობა, რომელმაც უნდა იცხოვროს ერთად გაერთიანებულ საქართველოში და მონაწილეობა მიიღოს ქვეყნის მშენებლობის პროცესში.

მესამე მიმართულებაა ისეთი მექანიზმის შექმნა, რომლითაც მარტივდება წვდომა იმ სიკეთეებსა და სარგებელზე, რომლებიც ქვეყნის განვითარების შედეგად, მათ შორის ევროინტერგაციის გზაზე, ხელმისაწვდომი გახდა _ ეს არის უვიზო მიმოსვლის უფლება, თავისუფალი ვაჭრობის უფლება და ა. შ.~
როგორც ხედავთ, სრულიად ახალი ხედვებია, სრულიად ახალი პოლიტიკური სინტაქსი, სრულიად ახალი მოდელი, რომლის განხორციელებისთვის ეროვნული კონსოლიდაცია, ეროვნული თანხმობა და ერთიანობაა საჭირო.

იმედი ვიქონიოთ, რომ საქართველოს მთავრობის აღმა ხნულს ვიღაც-ვიღაცები ამჯერად მაინც არ დაუწყებენ დაღმა ფარცხვას და ქვეყნის ინტერესებს საკუთარ ვიწრო პარტიულ ინტერესებს არ შესწირავენ...

მეტის ნახვა
14-04-2018, 11:00


"საერთო გაზეთის" სტუმარია არასამთავრობო ორგანიზაცია "უფლებადამცველთა გაერთიანების" თავმჯდომარე ნიკოლოზ მჟავანაძე.

უმრავლესობის წარმომადგენელმა რამდენიმე ათეულმა დეპუტატმა, აღდგომის წინა დღეებში "საზოგადოებრივი მაუწყებლის" ბორდის წევრად აირჩია ეკლესიის მტერი, ადამიანი, რომელიც დეკლარირებულად ებრძვის პატრიარქს, ლანძღავს უწმინდესს და საღებავით თხუპნის ეკლესიის კედლებს. ყველაზე გასაკვირი ისაა, ზვიად ძიძიგურმა რომ დაუჭირა მხარი ნინია კაკაბაძის კანდიდატურას, თორემ ფსევდოლიბერალებისგან არაფერი მიკვირს. ძალიან მაინტერესებს როგორ შევლენ ეკლესიაში იგივე "ქართული ოცნების" ის წევრები, რომლებმაც მხარდაჭერა გამოუცხადეს ღვთისმგმობელ კაკაბაძეს, დაანთებენ სანთლებს და თვალებში შეხედავენ პატრიარქს. მრევლის ადგილას, მე მათ ეკლესიაში არ შევუშვებდი, რადგან ისინი ფარისევლები არიან. მე ათეისტების მიმართ, რომლებიც ღიად ამბობენ, რომ არ სწამთ ღმერთი, არ უყვართ ეკლესია და პატრიარქი იმდენი აგრესია არ მაქვს, რამდენიც ხსენებული პერსონების მიმართ, რომლებიც მორწმუნეობაზე სდებენ თავს და ვითომ ძალიან უყვართ პატრიარქი. ფარისევლების გარდა რა უნდა უწოდო იმ ადამიანებს, რომლებიც ეკლესიის მტერს უჭერენ მხარს, რომ მან მერე სახელმწიფო ტელევიზიაზე გააკეთოს ეკლესიის საწინააღმდეგო გადაცემები, ხალხის გულისწყრომის შემდეგ კი ბოდიშებს იხდიან. სახარებაში წერია, რომ სწორედ ის ხალხი დაისჯება უფრო მეტად, ვინც ორმაგ თამაშს თამაშობს. ისე, სიმბოლურია, აღდგომის წინა დღეებში, დიდ ოთხშაბათს, როცა ქრისტე გასცეს, იმ დღეს გამოუცხადეს მხარდაჭერა უმრავლესობის დეპუტატებმა ქრისტეს მგმობელ კაკაბაძეს, რითაც ფაქტობრივად გასცეს ქრისტე. არც ერთ მათგანს არ გაუპროტესტებია იმ ახალგაზრდების სისხლის სამართლის დამნაშავეებად გამოცხადება, რომლებიც უფლის შეურაცხოფის გაპროტესტების გამო დაიჭირეს. 

ესენი პრემიერ-მინისტრ გიორგი კვირიკაშვილსაც ებრძვიან, პრემიერის რუსეთისადმი ცნობილი მიმართვის შემდეგ, გამოხტნენ ეს სოროსელები და ორაზროვანი განცხადებები გააკეთეს. ზუსტად ესენი დაუპირისპირდნენ თავის დროზე პრემიერ-მინისტრ ირაკლი ღარიბაშვილს. ეს ადამიანები უცხო ქვეყნების სპეცსამსახურების მიერ არიან "ჩანერგილი" ხელისუფლებაში იმისთვის, რათა ამ ქვეყნების ინტერესები გატარდეს საქართველოში. ძალიან დიდი დილემის წინაშე ვდგავართ, "ქართული ოცნება" თუ დაიშლება, ხელისუფლება კარგავს უმრავლესობას პარლამენტში, რადგან იქ ძალიან დიდი რაოდენობით არიან თავშეყრილი ფსევდოლიბერალები, რომლებიც არ არის გამორიცხული კოლექტიურ ნაცმოძრაობას, მათ იდეურ "პარტნიორს" შეუერთდნენ. ხელისუფლებაში მოსული სოროსის ლეკვები დღეს თუ ფარულად ებრძვიან ბიძინა ივანიშვილს, მოკლე ხანში ღიად დაუწყებენ ლანძღვას.
ბიძინა ივანიშვილი კაი ხანია გაემიჯნა ამათ, ტატუნაშვილის დასაფლავებაზე რომ იყო მისული, არც დალაპარაკებია "ქართული ოცნების" დეპუტატებს, აღარ ერევა პოლიტიკურ პროცესებში, არც ბოლო არჩევნებში ჩარეულა. ვფიქრობ, რაც ახლა სახელმწიფო ტელევიზიის ბორდთან დაკავშირებით მოხდა, არის წყალგამყოფი, აუცილებლად უნდა ჩატარდეს ვადამდელი არჩევნები, "ქართულმა ოცნებამ" უნდა აღიაროს, რომ შეცდომა დაუშვა, თუ პარტია არ გაიწმინდა "ჩანერგილებისგან", მას მომავალი არ ექნება. 

მე არც ის გამიკვირდება, რომ მათ მიხეილ სააკაშვილსაც დაუჭირონ მხარი, სადაც ნინია კაკაბაძეს უჭერენ მხარს, სააკაშვილის მხარდაჭერა შერცხვებათ და გაუჭირდებათ? აბსურდია იმის თქმა, რომ "ქართული ოცნება" ერთი გუნდია, რომელ ერთიანობაზეა საუბარი, როცა საკუთარ პრემიერ-მინისტრს არ უჭერენ მხარს. ნიკა მელია რომ დაუპირისპირდა გიორგი კვირიკაშვილს, პრემიერის დასაცავად ხელი არ გაუნძრევია თუნდაც გაუკეთებია მინისტრთა კაბინეტს. უმრავლესობის წევრი გია გაჩეჩილაძე და გიორგი ვაშაძე რომ შეკამათდნენ, ამათ გაჩეჩილაძეც მიატოვეს. ეს არის ყოვლად უპრინციპო, ამაზრზენი ძალა. ბიძინა ივანიშვილს რომ ლანძღავენ ნაცები და მათი სატელიტები, რომელიმეს ამოუღია ხმა? ამიტომაც ვიყავი სასტიკი წინააღმდეგი, რომ "ქართული ოცნების~ სახელით შესულიყო ეს დეპუტაცია პარლამენტში. ჩუგოშვილის გვარი რომ გავიგე, გავოგნდი, "ქართული ოცნების" ფანკლუბის წევრებს ნაცები რომ აკერიათ პირზე, `ჩუგოშვილსა და კომპანიაზე" დიდი ნაცი ვინღაა? სააკაშვილმა ვერავინ რომ ვერ მონახა 26 მაისის დარბევის "გასაპრავებლად", ჩუგოშვილმა გამოუცხადა "თანადგომა". ამ ქალბატონმა აუნთო "მწვანე შუქი" ამერიკის ელჩთან ერთად სააკაშვილს, ჩუგოშვილმა ბრძანა, ეს აქცია უნდა დაირბესო და მაგის მერე მოხდა ის საშინელება. ადამიანს, რომელსაც სისხლში აქვს გათხვრილი ხელები, ის რომ გეყოლება პარლამენტის ვიცე-სპიკერად, რომელიც პლიუს ამას ხელს უშლის თავის "თანამოაზრე" პარლამენტარებთან~ ერთად, საქართველოს ტერიტორიული მთლიანობის აღდგენას. ეს ხალხი, ქართული ოცნების გარდა ყველაფერია, ზოგი აზერბაიჯანული ოცნებაა, ზოგი სომხური, ზოგი თურქული და ა.შ. ამათ ქართველი ხალხის ოცნების ახდენა კი არა, თავიანთი დასავლელი დამფინანსებლების ოცნების ახდენა უნდათ საქართველოში. სახალხო დამცველად "დასმული" ნინო ლომჯარია ისეთ ანტიეროვნულ განცხადებებს აკეთებს, რომ უკვე უჩა ნანუაშვილს გაუსწრო. ნანუაშვილს უფლებამოსილების ვადა რომ ამოეწურა, გვიხაროდა, ნორმალური ადამიანი მოვა სახალხო დამცველადო, მაგრამ უარესი მივიღეთ. სახალხო დამცველად დაგვისვეს ადამიანი, რომელიც ამბობს, რომ თუ კონსტიტუციაში არ ჩაიწერა ერთსქესიანთა ქორწინება, მაშინ სამოქალაქო პარტნიორობა უნდა დავაკანონოთო, ეს არის სახელმწიფოებრივად მოაზროვნე? რა მნიშვნელობა აქვს ქორწინებას დაარქმევ თუ სამოქალაქო პარტნიორობას, თუ ეს კანონით იქნება დაშვებული, ერთსქესიანებს ეკლესია ისედაც არ დასწერდა ჯვარს. ვენეციის კომისიის წარმომადგენელმა ბუკიკიომ ხომ თქვა, საქართველოში გაგვიჭირდა ერთსქესიანთა ქორწინების დაკანონება, მაგრამ ჩვენსას მაინც მივაღწევთო, გააკეთებენ კიდეც ჩუგოშვილების, მდინარაძეების, მათიკაშვილების ხელით. მე იმის მეშინია, გამწარებული ხალხი არ მიუვარდეს ამათ და უბედურება არ დატრიალდეს.

სასჯელაღსრულების სამინისტრო ერთადერთი ნათელი წერტილია სახელმწიფო სტრუქტურებში, კახა კახიშვილისთანა მინისტრს ბევრი ევროპული ქვეყანა ინატრებს, ლომჯარია კი უჩხიკინებს ამ უწყებას, საპატიმროებში სერიოზული პრობლემები გვაქვს ჯანდაცვის და ადამიანის უფლებების დაცვის კუთხითო. ფსევდოლიბერალებს უნდათ, რომ ერთადერთი სისტემა, რომელიც გამართულად მუშაობს, დაანგრიონ. სააკაშვილის რეჟიმი ციხეებში არსებული საზარელი პირობების გამო დაიშალა, ახლა ამიტომ უჩხიკინებს ეს სექტა სასჯელაღსრულების სისტემას, რომ ხელოვნურად შექმნან იქ პრობლემა. ყოველივე ამის შემდეგ, ლომჯარიაა სახელმწიფოებრივად მოაზროვნე ადამიანი, რომელსაც ძლიერი, გამართულად მომუშავე სტრუქტურის დანგრევა უნდა და პარალელურად ეკლესიას ებრძვის? ესენი არიან გაკოტრებული პოლიტიკოსები ჯერჯერობით გედევან ფოფხაძეს ეყო ვაჟკაცობა და გაემიჯნა ამ ყველაფერს, იმედია, სხვებიც გამოჩნდებიან. ფსევდოლიბერალები მარტო პოლიტიკიდან კი არ უნდა წავიდნენ, მათ შეიძლება საქართველოდანაც მოუწიოთ წასვლა, რადგან თავიანთი ქმედებებით, სულში ჩააფურთხეს ქართველ ერს.

"ომბუდსვუმენი" ლომჯარია თუ ერთსქესიანთა სამოქალაქო პარტნიორობის დაკანონებას ითხოვს, მისი "სულიერი" და სოფო ვერძეული ქართული მიწების უცხოელებზე გასხვისების აკრძალვას აპროტესტებს. ვერძეულის პროტესტს "კეთილშობილური" მოტივი ჰქონია, მარტო მთავრობას რომ აქვს მიწის უცხოელებზე გასხვისების უფლება, ეს კორუფციის წყარო გახდებაო. სხვათა შორის, ეს განცხადებები საეჭვოდ დაემთხვა "ქართული მარშის" წევრების ციხეში გამომწყვდევას, რომლებიც ერთსქესიანთა ქორწინების და ქართული მიწის უცხოელებზე გასხვისების კატეგორიული წინააღმდეგები არიან.

ეს "ენჯეოშნიკები" სხვა და სხვა სახელის ქვეშ მოქმედი ერთი გუნდია, ორი არასამთავრობო ორგანიზაცია, მათი სახელები ზუსტად აღარ მახსოვს, ქართულ ეკლესიას და ხელისუფლებას ერთობლივ რეჟიმში დაუპირისპირდნენ. სახელმწიფოს გადაწყვეტილებით, ერთ-ერთი სადაო ტაძარი მართლმადიდებლურ ეკლესიას მიეკუთვნა, ეს ორგანიზაციები სომხურ ეკლესიასთან ერთად იბრძვიან, ეს ტაძარი ქართული კი არა, სომხურიაო. ქართული არასამთავრობო ორგანიზაცია თუ ხარ, რატომ უნდა დაიცვა უცხო ქვეყნის ინტერესები, ან რატომ უნდა იცავდე უცხოელებზე ქართული მიწის გასხვისების საკითხს, რატომ უნდა ითხოვდე ნარკოტიკების დეკრიმინალიზაციას? დღეს ყველა ტელევიზია "ბახალას" ეროვნულ გმირად წარმოგვიდგენს, ნარკოტიკების გამსაღებლები თურმე ანგელოზები ყოფილან. ამ დროს ის ბიჭები, რომლებმაც უფლის შეურაცხყოფა გააპროტესტეს, თურმე ქსენოფობები არიან. იმ უბედურებაში, რაც ჩვენს თავს ტრიალებს, ყველაზე დიდი დამნაშავე ტელევიზიები არიან. ძალიან ცუდი გააკეთა "ქართულმა ოცნებამ", რომ იმ ტელევიზიებსა და მათ ჟურნალისტებს, რომლებიც წლების განმავლობაში ემსახურებოდნენ (და დღესაც ემსახურებიან) ნაციონალების სისხლიან რეჟიმს, საქმიანობა არ აუკრძალეს.

გერმანელი ნაცისტები რომ დაამარცხეს, ევროპის ბევრ ქვეყანაში თავი გადაპარსეს, სამარცხვინო ბოძზე გააკრეს ის ხალხი, მათ შორის კულტურის მოღვაწეები და ჟურნალისტები, ვინც ჰიტლერთან თანამშრომლობდა. "ქართულმა ოცნებამ" კი ნაციონალების ჯიბის ჟურნალისტების ნაწილი სახელმწიფო კანცელარიისა და სხვა უწყებების პრესცენტრებში გადაანაწილეს, ფაქტობრივად უმუშევარი არავინ დაუტოვებიათ. ნაწილი დარჩა ტელევიზიებში, რომლებიც კვლავ ნაცების ხელშია და სისტემატურ რეჟიმში იფრქვევა იქიდან შხამი. ბადრი პატარკაციშვილისთვის წართმეული `იმედი~, ძველ მფლობელებს კი დაუბრუნდა, მაგრამ "რუსთავი 2"-ზე უფრო საზიზღარი ტელევიზია გახდა. თურმე ქსენოფობია ყოფილა ქართული მიწის და ეროვნული იდენტობის დაცვა, თურმე ვერ ვიტანთ უცხოტომელებს, შავკანიანების უფლებებს ვლახავთ, არატოლერანტი ერი ვართ, ერთი სიტყვით, ქართველები რითიც ვამაყობთ, ზუსტად იმას ურტყამენ. რამდენადაც ვიცი ტელეიმედის მფლობელი ბადრი პატარკაციშვილის ქვრივია, ძალიან მაინტერეესებს, ამ ქალბატონს საერთოდ თუ გააჩნია სინდისი, ნუთუ არ ანაღვლებს რას დაემსგავსა ბატონი ბადრის სათაყვანებელი ტელევიზია?

ამდენი ღვარძლი და სიბინძურე "რუსთავი 2"-დანაც კი არ მოდის. ყველა ანტიქართული პოზიციის მქონე ხალხი "იმედში" შეყარეს და ყველა "სიკეთესთან" ერთად, ღიად ეწევიან ნარკოტიკების რეკლამა-პროპაგანდას. ამ ტელევიზიამ ხალხი იმდენად გააღიზიანა, რომ უკვე იმას ამბობენ, ღირსები არიან რაც სააკაშვილმა და ნაცებმა გაუკეთესო. ფაქტია, საქართველოს ტელევიზიები, პრეზიდენტი, სამოქალაქო სექტორის, პოლიტიკური სპექტრის და მთავრობის გარკვეული ნაწილი, სოროსის მიერ მოსყიდული საზოგადოება, ფონდები, მთელი ეს ვერტიკალი ებრძვის ქართულ სახელმწიფოს. ქვეყანაში ისეთი ვითარებაა შექმნილი, რომ მართლაც გვჭირდება მეორე ბახტრიონი. მაშინ აჯანყება იმიტომ მოხდა, მღვდელი გააუპატიურესო, ახლა მთელი ქვეყანაა გაუპატიურებული. ვინ არის ბახტრიონის მომწყობი, როცა ყველაზე დიდ წმინდანს, თამარ მეფეს რომ გამოგისახავენ პრეზერვატივზე და ამას მოითმენ. ჯერ მავანნი გამოხტნენ ჭრელა-ჭრულა შარვლებით და კოპლებიანი ტრუსებით, ნარკოტიკების დეკრიმინალიზაცია-ლიბერალიზაცია მოვახდინოთო, ეს რომ შერჩათ, მეორე დღეს წმინდანები გამოსახეს პრეზერვატივებზე. ვეთანხმები იმ ხალხს ვინც ამბობს, თუ წმინდანის ასე გამოსახვა შეურაცხოფა არ არის, მაშინ საკუთარი დედები და ის პერსონები გამოსახონ, ვინც ასეთი თავგამოდებით იცავენ "ნოვატორებსო". სოციალურ ქსელში ზოგიერთი ისეთი ქალის გამოსახვა მოითხოვეს, რომ მერე თვითონვე უარყვეს, ეგენი რომ დაეხატათ, კაცებს მარტო მოცემულ მომენტში კი არა, საერთოდ აღარ გაუჩნდებოდათ სურვილიო. სხვათა შორის, ტრანსგენდერებზე, სექსუალურ შევიწროებაზე, გენდერულ კვოტირებაზე ისეთი ქალები საუბრობენ, რომლებზეც ნამდვილად არ გაგიჩნდება სურვილი რომ სექსუალურად შეავიწროვო. ხელისუფლება რომ გქვია, მეორე დღესვე უნდა მიგეღო კანონი რელიგიური გრძნობების შეურაცხყოფის დასჯადობის შესახებ, მაგრამ ფსევდოლიბერალებით გაძეძგილი პარლამენტი ამ კანონის მიმღებია? რა თაობას ზრდიან ფსევდოლიბერალები, ამის დასტურად ილიას უნივერსიტეტიც კმარა. მე არ ვიცი, ამაზე რთული ვითარება როდისმე თუ ყოფილა საქართველოს ისტორიაში. ვფიქრობ, დადგა დრო ქართველმა ხალხმა თავისი სიტყვა თქვას, მაინც და მაინც სახლში უნდა შემოგვეჭრან, ბიჭები უნდა გაგვითხოვდნენ, თითოეულს უნდა შეგვეხოს ეს უბედურება? 

– თქვენი პოზიციიდან გამომდინარე, არ გაგიკვირდეთ, რომ "ელიტარებისთვის" რუსეთის ინტერესების გამტარებელს წარმოადგენდეთ.

– "კავკასიაზე" ტელედებატების დროს, "ტაბულას" ჟურნალისტმა სალომე უგულავამ საქართველოს ინტერესების დაცვა, პუტინის ნარატივად "შეაფასა". თურმე მართლმადიდებლური ეკლესიის დაცვა, ერთსქესიანთა ქორწინების წინააღმდეგ წასვლა და ა.შ პუტინის ნარატივი ყოფილა. ამ ვითომ პროგრესულ-დემოკრატიულებმა იმ დონეზე შეაძულეს მოსახლეობას ამერიკა და დასავლეთი, რუსეთი რომ შემოვიდეს, შეიძლება ხალხი ყვავილებით დახვდეს. დღეს, ქვეყანაში რეალურად გვაქვს `მებრძოლ უღმერთოთა კავშირის~ და სოდომისტების მმართველობა. ნელნელა იქით მიდის ყველაფერი, რომ განსხვავებული აზრის გამო, შეიძლება დაგვხვრიტონ. ადრე თუ სატელივიზიო თოქ-შოუებში განსხვავებული პოზიციის მქონე ადამიანებსაც იწვევდნენ, ახლა ყველგან კოლექტიური ნაცები სხედან, რადგან ესენი ყოველთვის აგებდნენ დებატებს, ტელევიზიებმა დაასკვნეს, რომ არ ღირს განსხვავებული აზრის მქონე ხალხის მიწვევა. ახლა დასხდებიან ერთად ეს მარგინალები, იდილიას არავინ დაურღვევთ, შვლის ნუკრივით განაბული წამყვანებიც აუმღვრევლად მოისმენენ სტუმრების "ბრძნული" აზრების ფრქვევას. ამათ რუსული ინტერესების გატარება სხვას როგორ უნდა დააბრალონ, როცა თავიანთი სახელმწიფოსთვის ძირგამომთხრელი საქმიანობით, რუსეთის წისქვილზე ასხამენ წყალს. სააკაშვილი არ იყო, 2008 წლის ომიდან ძალიან მოკლე ხანში, ენგურჰესის მართვა რუსებს ჩააბარა. მე რომ ვამბობ, რუსეთს დაველაპარაკოთ, ურთიერთობა დავალაგოთ ამ ქვეყანასთან-თქო, ეს არის რუსეთის აგენტობა?

ვფიქრობ, დაიწყება "კუდიანებზე" ნადირობა, როგორც შევარდნაძის დროს ებრძოდნენ ზვიადისტებს, როგორც მიშა "ებრძოდა" კრემლის აგენტებს, "ენვერი" და რაღაც საქმეები რომ შეთითხნეს, ახლაც იგივე უნდათ, მაგრამ ეს ვერ იმუშავებს. ამათ ისევ ძველი დრო ჰგონიათ, დაიწყებენ თუ არა ამ პროცესებს, ზუსტად მანდ დამთავრდებიან საბოლოოდ, იმიტომ, რომ ყველაზე დიდი რუსეთის აგენტები, თვითონ უზით კაბინეტებში. რუსეთის აგენტობაზე ის ხალხი მელაპარაკება, რომლებსაც ბიზნესი აქვთ რუსეთში, სხვა და სხვა კომპანიების წილებში სხედან და ფულს შოულობენ? რაღაც საეჭვოდ ხდება ყველაფერი, ფსევდოლიბერალები ბიძინა ივანიშვილს რომ ლანძღავენ, ხოლო "ქართულ ოცნებასა" მთავრობას არ ეხებიან, ეს როგორ გავიგოთ? მიზანმიმართულად ხომ არ ხდება ეს ყველაფერი, რომ ბიძინა ივანიშვილი საბოლოოდ ჩამოიცილონ. აშკარაა, რომ ხელისუფლების გარკვეულმა წრეებმა გაწირეს ბატონი ბიძინა, ილიას ვესროლეთ, ზვიად გამსახურდიას ვესროლეთ, ეს გამყიდველი კასტა ბიძინა ივანიშვილს დაინდობს? შევარდნაძე მისმა მოწაფეებმა, ე.წ. რეფორმატორებმა გაყიდეს, ახლაც ეს ვითომდა რეფორმატორები, სოროსის ლეკვები, ცოტა ხანში ღიად დაუპირისპირდებიან ივანიშვილს, დიქტატორია, არაფორმალური მმართველიაო (ლომჯარიამ უკვე ისაუბრა არაფორმალური მმართველობის მიუღებლობაზე — მ.ს.) და ყველა უბედურებაზე მას შეახოცავენ ხელს.
არ არის გამორიცხული "განახლებული" სააკაშვილის გამოჩენა, ამ ყველაფერს უკავშირდებოდეს, რუსეთში გარკვეულ ძალებს სურთ სააკაშვილის "შემოგდება". რუსეთში არის გარკვეული ძალა, რომელიც ლობირებს სააკაშვილს, რომ საბოლოოდ დააქციონ საქართველო. 

თავს იმით ნუ დავიმშვიდებთ, რომ სააკაშვილს არ მიიღებენ, თავის დროზეც ვამბობდით, ამ გიჟს ვინ აირჩევსო, მაგრამ ორჯერ გახდა პრეზიდენტი. ასე რომ, ხშირ შემთხვევაში ხალხს არც ეკითხებიან. სააკაშვილის გამოჩენა, ერთგვარი მესიჯი იყო ხელისუფლებისთვისაც და მოსახლეობისთვისაც, რომ თუ ჭკუით არ მოვიქცევით, ხელისუფლებაში მოაბრუნონ, რაც აუცილებლად გამოიწვევს სამოქალაქო ომს, რასაც საქართველო ვერ გადაიტანს. ამიტომ, თუ ქვეყნის საბოლოო განადგურება, მისი დაქუცმაცება არ გვინდა, პირველ რიგში ხელისუფლება უნდა გაიწმინდოს ფსევდოლიბერალებისგან და დავიწყოთ რუსეთთან ურთიერთობის დალაგება. ერთხელ და სამუდამოდ უნდა შევიგნოთ, რომ რუსეთი არ დაუშვებს საქართველოს ტერიტორიაზე ნატოს ბაზების განლაგებას, ეს გამორიცხულია. რუსეთი თავის სასიცოცხლო ინტერესებს იცავს, ამიტომ მოვეშვათ ილუზიებს, ნუ ვაიძულებთ ამ უზარმაზარ ქვეყანას კონტრზომები მიიღოს, რაც საბოლოოდ დაასამარებს ჩვენს სახელმწიფოებრიობას.

მანანა სუხიშვილი

მეტის ნახვა
14-04-2018, 06:00


2011 წლის გაზაფხულზე ლიბიის სამთავრობო და ოპოზიციურად ძალებს შორის დაწყებული სამხედრო დაპირისპირება 20 ოქტომბერს ქვეყნის ლიდერის მუამარ კადაფის მკვლელობით დასრულდა. 69 წლის დიქტატორი 18 წლის მეამბოხემ თავში გასროლით მოკლა. ქვეყნის სათავეში სახელმწიფო გადატრიალების შედეგად მოსული პოლიტიკოსი, რომელიც ლიბიას 42 წლის განმავლობაში მართავდა, ხელისუფლებიდან სახელმწიფო გადატრიალების შედეგად წავიდა.

დღეს ბევრი მსჯელობს იმაზე კადაფი ხალხის კეთილდღეობაზე მზრუნველი გმირი იყო თუ სისხლიანი ტირანი, თუმცა ყველა თანხმდება, რომ ლიბიის ლიდერს ქალები და მათ გარემოცვაში ყოფნა უყვარდა. მისი პირადი დაცვის ელიტური ქვედანაყოფიც კი სპეცრაზმელი ქალებისგან შედგებოდა და „ამაზონელები“ როგორც მათ ევროპაში ეძახდნენ, კადაფს 20 წლის განმავლობაში ერთგულად ემსახურებოდნენ. კადაფი დარწმუნებული იყო, რომ ქალებს კატების მსგავსად, მეექვსე გრძნობა გააჩნიათ, რომელიც მათ ეხმარება ინტუიციით შეიგრძნონ საფრთხე და იმოქმედონ უფრო სწრაფად, ვიდრე კაცებმა. „ამაზონელები“ კადაფს ქვეყანაში არეულობის დაწყებამდე იცავდნენ, მოგვიანებით კი მათი კვალი გაქრა..

პოლკოვნიკს უჩვეულოდ ჩაცმა უყვარდა – ბედუინების კარავში დაბადებულ პოლიტიკოსს ხშირად იხილავდით ბედუინების ძვირფას სამოსში, რაც პატივმოყვარე იმპერატორის იერს აძლევდა.

ფსიქოლოგები დღემდე ვერ ხსნიან ლიბიის ლიდერის ზოგიერთ ახირებას. მაგალითად, ადამიანი, რომელსაც ფული და ძალაუფლება არ აკლდა, სიცოცხლის ბოლო დღემდე უპირატესობას კარავში ძილს ანიჭებდა. კარავში მართავდა საზეიმო მიღებებს და ნებისმიერ ქვეყანაში გამგზავრებისას, კარავს და საყვარელ აქლემს თან დაატარებდა.

ლიბიელი დიქტატორის პირველი ცოლი მისივე მასწავლებელი იყო, თუმცა ეს ქორწინება ხანმოკლე აღმოჩნდა. მეორე ცოლთან, საფია ფარკაშთან კი დიქტატორს ექვსი ვაჟი და ერთი ქალიშვილი შეეძინა. ცოლებისა და „ამაზონელების“ გარდა, ლიბიის ლიდერის ცხოვრებაში არსებობდა ქალი, რომელსაც უახლოეს გარემოცვაში ყველაზე მეტად ენდობოდა და რომლის გარეშე არც ერთ ოფიციალურ თუ არაოფიციალურ ვიზიტზე არ მიემგზავრებოდა.
2011 წელს სკანდალურმა „ვიკილიქსმა“ამერიკელი დიპლომატების მიმოწერა გაასაჯაროვა. გამოქვეყნებული მასალების თანახმად, ლიბიელ დიქტატორის უახლოეს გარემოცვაში 38 წლის უკრაინელი მედდა, გალინა კოლოტნიცკაია შედიოდა, რომელიც მუამარ კადაფის პირადი ექიმის ფუნქციას ასრულებდა, თუმცა სინამდვილეში დიქტატორის საყვარელი იყო და მასზე უზარმაზარი გავლენა ჰქონდა.

გავრცელებული ინფორმაციით, ლიბიამდე კადაფის ფავორიტი ქალი კიევის ოლქის ქალაქ ბროვარიში ცხოვრობდა. სკოლის დამთავრების შემდეგ, მან ჯერ სამედიცინო კოლეჯი, შემდეგ კი სამედიცინო ინსტიტუტი დაამთავრა. 2002 წელს კიევის ერთ-ერთმა დასაქმების სააგენტომ ექიმებისა და ექთნებისთვის უცხოეთის ვაკანსიები გამოაცხადა. გალინამ გადაწყვიტა ბედი ეცადა და უცხო ქვეყანაში სამუშაოდ გაემგზავრა. თავიდან ქალი ტრიპოლის სამხედრო ჰოსპიტალში მუშაობდა, 2008 წლის დეკემბერში კი სამუშაოდ კადაფის კლინიკაში გადავიდა.

არავინ იცის როგორ მოახერხა ქერათმიანმა უკრაინელმა კადაფისთვის თავის შეყვარება, მაგრამ ფაქტია, რომ დიქტატორი მის გარეშე ვერ ძლებდა და ყველაზე მეტად ენდობოდა. უკრაინაში ოფიციალური ვიზიტის დროს, პოლკოვნიკმა გალინას დედა მოინახულა, კარგი შვილის აღზრდისთვის მადლობა გადაუხადა და ძვირფასი საათი აჩუქა, რომელსაც კადაფის ფოტო ამშვენებდა. ცნობისთვის, კადაფი ასეთ საათებს მხოლოდ უახლოესი გარემოცვის წევრებს ჩუქნიდა და ამით ადამიანის მიმართ განსაკუთრებულ დამოკიდებულებას აღნიშნავდა.

„სისულელეა. დედა კადაფის საყვარელი არასოდეს ყოფილა. ჭორების გამო ის თავს ძალიან ცუდად გრძნობს და ადგილს ვერ პოულობს. დედა უბრალოდ, კადაფთან მედდად მუშაობდა და კარგი ანაზღაურება ჰქონდა, რომელიც თვითონაც ყოფნიდა და მეც მეხმარებოდა. ლიბიის ლიდერთან 4 უკრაინელი მედდა მუშაობდა, მაგრამ რატომღაც კადაფი დედაჩემს ყველაზე მეტად ენდობოდა და საქმიან ვიზიტებში ყოველთვის თან დაჰყავდა. კადაფი ბედუინი იყო, ამიტომ უდაბნო ძალიან უყვარდა. უდაბნოში ხშირად მიდიოდა და მხლებლებიც მიჰყავდა. უდაბნოს სიცხეში, ორი და სამი თვე კარვებში ცხოვრება და განსაკუთრებით, მუშაობა ძალიან ძნელია, მაგრამ, კადაფს ამის გარეშე სიცოცხლე არ შეეძლო. უცხოეთში ვიზიტების დროს, თავად კარავში ცხოვრობდა, თანმხლებ პირებს კი ძვირად ღირებულ სასტუმროების საპრეზიდენტო ნომრებში აბინავებდა. დედა ყოველთვის ამბობდა, რომ ის კეთილი და გულისხმიერი ადამიანი იყო, მაგრამ შეეძლო სიმკაცრეც გამოეჩინა – განაცხადა „ვიკილიქსის“ სკანდალური მასალის გამოქვეყნების შემდეგ მედიასთან გალინას ქალიშვილმა ტატიანა კოლოტნიცკაიამ.

2011 წლის 15 თებერვლიდან ლიბიაში კადაფის დამხობის მოთხოვნით, საპროტესტო აქციები დაიწყო. საპროტესტო ტალღა ბევღაზიდან დაიწყო და თანდათან, სამოქალაქო ომში გადაიზარდა, რომელმაც 2000-მდე ადამიანი შეიწირა. არეულობის დაწყებისთანავე, ლიბიიდან უცხოელების ევაკუაცია დაიწყო. გალინა კოლოტნიცკაია უკრაინაში, 2011 წლის 27 თებერვალს სატვირთო თვითმფრინავი Ил 76-ით დაბრუნდა. იმავე რეისის მგზავრები იხსენებენ, რომ ქალი საშინლად მთვრალი იყო და თვითმფრინავში დებოში ატეხა.

„ლიბიაში ალკოჰოლური სასმელის მიღების გამო, ადამიანებს ხუთწლიანი ციხე ემუქრებათ, თუმცა კოლოტნიცკაია ისეთი მთვრალი იყო, რომ თვითმფინავში ორმა კაცმა შემოიტანა. როცა მიხვდა, რომ სატვირთო თვითმფრინავის კაბინაში იმყოფებოდა, ქალმა საშინელი ყვირილი ატეხა. ითხოვდა პოლიტების გვარების დასახელებას და მათი სამსახურიდან გათავისუფლებით იმუქრებოდა. ის საშინლად აგრესიული იყო. ამბობდა, რომ კადაფის ქალია და მისი გაბრაზების უფლება არავის აქვს. მგზავრები და ეკიპაჟის წევრები გაოგნებულები უყურებდნენ და რაღაც მომენტში მისი დაბმაც კი დააპირეს, რადგან მასზე ლაპარაკი და შეგონებები არ ჭრიდა – იხსენებს ერთ-ერთი მგზავრი.

სამშობლოში დაბრუნებისთანავე, გალინა ჟურნალისტების ალყაში მოექცა, მაგრამ თავის დაძვრენა მოახერხა და ჟურნალისტებს ბროვარში, ახლად შეძენილ ბინაში დაემალა.

სასიკვდილოდ განწირული დიქტატორი კოლოტნიცკაიაზე ადრე მეორე უკრაინელმა მედდამ დატოვა. გალინას მსგავსად, ყოფილ უფროსს ისიც სითბოთი და სიყვარულით იხსენებდა და ლამის, ზებუნებრივ თვისებებს მიაწერდა:

„კადაფთან მუშაობა რომ დავიწყე, 21 წლის ვიყავი და არაბულად ერთი სიტყვაც კი არ ვიცოდი. კადაფი, რომელსაც უკრაინელი მედდები „მამიკოს“ ვეძახდით, ჩვენთან განსაკუთრებით გულუხვი იყო. მე ყველაფერი მქონდა, რაზეც კი მიოცნებია: საკუთარი სახლი, ძვირფასი ავეჯი, პირადი მძღოლი და ა.შ. თუმცა, სახლში მოსასმენი და სათვალთვალო აპარატურა მქონდა დამონტაჟებული და ფაქტობრივად, პირადი ცხოვრება არ მქონდა. ლიბიაში ჩასვლიდან პირველ სამ თვეს კადაფის რეზიდენციაში მისვლის უფლება არ მქონდა. ალბათ, „მამიკოს“ ეშინოდა, რომ მისი ცოლი, სოფია იეჭვიანებდა, მაგრამ მალე ეს აკრძალვა მოიხსნა და კადაფისთვის სამედიცინო დახმარების გასაწევად, რეზიდენციის ხშირი სტუმარი გავხდი. მე და სხვა უკრაინელ მედდებს გვევალებოდა, რომ გამუდმებით ლიბიის ლიდერის ჯანმრთელობის მდგომარეობა გვეკონტროლებინა. ის შესანიშნავ ფორმაში იყო და არტერიული წნევა და გულის რიტმი ახალგაზრდებზე უკეთესი ჰქონდა.

უკრაინული პრესა კადაფის ჰარამხანას გვეძახდა, რაც სისულელეა. ჩვენ მისი საყვარლები არასოდეს ვყოფილვართ და მხოლოდ იმისთვის ვეხებოდით, რომ წნევა გაგვეზომა ან ინექცია გაგვეკეთებინა. „მამიკო“ თავის მეგობარ სილვიო ბერლუსკონეზე ფრთხილი და წინდახედული იყო. მას უბრალოდ მოწონდა, როცა გარშემო ლამაზი ნივთები და ადამიანები ეხვია. გაცნობისას ხელი ჩამომართვა და პირდაპირ თველებში ჩამხედა. მოგვიანებით გავიგე, რომ ყველა გადაწყვეტილებას ადამიანთან პირველი შეხვედრისა და ხელის ჩამორთმევის დროს იღებდა. ის უდიდესი ფსიქოლოგი იყო.. კადაფს თან ვახლდი ამერიკაში, იტალიაში, პორტუგალიასა და ვენესუელაში ვიზიტის დროს. თუ კარგ ხასიათზე იყო, გვეკითხებოდა, რამე ხომ არ გვჭირდებოდა და ტანსაცმლის შესაძენად, დამატებით ბონუსებს გვაძლევდა. „მამიკო“ თავის თანამშრომლებს საკუთარი პორტრეტით დამშვენებულ ოქროს საათებს ჩუქნიდა. ეს საათი ნიშნავდა, რომ ლიბიაში ჩვენს წინაშე ნებისმიერი კარი გაიღებოდა და ჩვენი ნებისმიერი პრობლემა მოგვარდებოდა. ვგრძნობდი, რომ მოსახლეობის ერთ ნაწილს კადაფი არ უყვარდა. სამედიცინო პერსონალი ვერც ჩვენ გვიტანდა, რადგან მათზე სამჯერ მეტი ხელფასი – თვეში 3000 დოლარი გვქონდა. მე სხვებზე მეტად გამიმართლა -ტრიპოლიდან თებერვლის დასაწყისში წამოვედი, რადგან ხუთი თვის ორსული ვიყავი და მეშინოდა, რომ „მამიკო“ ჩემს სერბ რჩეულს არ მოიწონებდა. ალბათ კადაფი ღალატს არასოდეს მაპატიებდა, მაგრამ ლიბიიდან გაქცევა სწორი გადაწყვეტილება იყო. როგორც ვიცი, „მამიკო“ ჩემი უკრაინელი კოლეგებისა და საკუთარი შვილებისგან ბოლომდე მასთან დარჩენას და მასთან ერთად სიკვდილს მოითხოვდა“ – იხსენებდა ოქსანა ბალინსკაია.

რაც შეეხება კადაფის ფავორიტ ქალს, გალინა დიდხანს ვერ იჯერებდა, რომ „მამიკო“ აღარ ჰყავდა.
„სამზარეულოში შევედი, რომ ყავა მომედუღებინა. ამ დროს, ტელევიზიით ლიბიის ამბებს გადასცმდნენ და კადაფის სიკვდილის შესახებ გამოაცხადეს. ყავის ჭიქა ხელიდან გამივარდა და ისტერიკა დამეწყო. ბევრი ვერ გამიგებს, მაგრამ ვისაც კადაფთან უმუშავია, იცის, რომ ის ძალიან კეთილი, სამართლიანი და ბრძენი ადამიანი იყო. ცუდად გავხდი, როცა დავინახე მეამბოხეები როგორ სცემდნენ და ამცირებდნენ. ამის ყურება ვერ შევძელი.. ვფიქრობ, რომ ის ევროპის რომელიმე ქვეყანაში უნდა გაქცეულიყო და საერთაშორისო სამართალს ჩაბარებოდა, მაგრამ ძალიან მამაცი იყო და იმედს ყველაზე კრიტიკულ სიტუაციაშიც კი არ კარგავდა“ -იხსენებს გალინა. ბოლო ინფორმაციით, გალინა თურქ ბიზნესმენზე გათხოვდა და ნორვეგიის დედაქალაქ ოსლოში გალია ტომსონის სახელით ცხოვობს. კადაფის ფავორიტ ქალს 41 წლის ასაკში მეორე შვილი შეეძინა, რომელსაც რატომღაც, მუამარის ნაცვლად, ნიკოლასი დაარქვა...

სალომე სახოკია

მეტის ნახვა
12-04-2018, 17:07


„სირცხვილი და უნამუსობაა, რასაც მიხეილ სააკაშვილი ამბობს. მკვლელი და საქართველოს დამღუპველი როდესაც ასეთ განცხადებებს აკეთებს, ეს არის ქვეყნისთვის უბედურება. მე გამოვდივარ ინიციატივით და მოვუწოდებ მთელ საქართველოს, რომ შევიკრიბოთ და დავიცვათ ბიძინა ივანიშვილი და მისი ოჯახი შემოტევებისგან“. ოქიტაშვილის მოწოდებას ყოფილი პრეზიდენტის მხარდამჭერთა მძაფრი რეაქცია და კულტურის პალატის პრეზიდენტის მისამართით ბრალდებათა კასკადი მოჰყვა. დავინტერესდით რატომ გახდა ასეთი მოწოდების გაკეთება საჭირო და კომენტარისთვის დავით ოქიტაშვილს დავუკავშირდით:

– საზოგადოებამ ჩემი მოწოდება არასწორად გაიგო. ბიძინა ივანიშვილს არავის დაცვა არ ჭირდება, იმიტომ, რომ ამ ადამიანმა მთელი ქვეყანა და თითოეული ოჯახი გადაარჩინა. დაცვაში ვიგულისხმე, რომ ნებისმიერი ადამიანი ბიძინა ივანიშვილი იქნება, დათო ოქიტაშვილი თუ სხვა, დაცული უნდა იყოს ცილისწამებისგან. როცა მავანი 24 საათი გაიძახის, რომ ივანიშვილმა რაღაცა დაწვა, რაღაცა ამოთხარა და რაღაცა რუსეთს მიყიდა, საზოგადოება უნდა შეიკრიბოს და ამაზე თავისი აზრი დააფიქსიროს. ელემენტალურ მაგალითს გეტყვით.. არასწორი ინფორმაციის გამო, საზოგადოების ნაწილს ჰგონია, რომ ბატონი ბიძინა ამ ხეებს მოსახლეობის ნების საპირისპიროდ თხრის და თავის ეზოში რგავს. ჯერ ერთი, მისი სახლიდან იმ ადგილამდე, სადაც უნიკალური ბაღი შენდება, ორი კილომეტრია და ამასთან, ხეების ამოღება პატრონების ნებართვით და სოლიდური კომპენსაციების გადახდის შემდეგ ხდება. ბოლოს და ბოლოს, ეს ბაღი ჩვენთვის და ჩვენი ქვეყნისთვის კეთდება და მადლობას თუ არ ვამბობთ, ცილს მაინც არ უნდა დავწამოთ. ყველა ჩვენგანის უკან ოჯახი, მშობლები და შვილები დგანან და ისინი უსაფუძვლო ცილისწამებას ყველაზე მეტად განიცდიან. მიმაჩნია, რომ ადამიანი, რომელმაც თავის დროზე ჩვენ დაგვიცვა, ამას არ იმსახურებს. ყველამ ვიცით, რომ სააკაშვილის კლანს ვერავინ მოერეოდა ბიძინა ივანიშვილის გარდა და ამიტომ არიან გაგიჟებულები.

– როგორც ვიცი, ამ მოწოდების შემდეგ, სააკაშვილის მხარდამჭერების თავდასხმის ობიექტი გახდით და შეიძლება ითქვას, რომ თავადაც დასაცავი ხართ..

– რა ვთქვი ისეთი განსაკუთრებული, რომ სრულიად სანაცეთი პიჯაკიდან ამოვარდა? მათ გასაგონად ვიტყვი, რომ ასეთ ლანძღვა-გინებას მივეჩვიე და ვცდილობ, ყურადღება არ მივაქციო. როცა მაკრიტიკებენ, სოფიკო ჭიაურელის სიტყვები მახსენდება — უბედურება ისაა, როცა შენზე არაფერს ამბობენ. თუ გლანძღავენ, ვიღაცას აინტერესებო. ასე, რომ რამდენიც უნდა მლანძღონ და მაგინონ, ეს მხოლოდ მაძლიერებს, მაგრამ ამ ადამიანებისთვის წმინდა არაფერი არსებობს და იქამდე მივიდნენ, რომ ჩემი სამი თვის შვილიშვილსაც კი ლანძღავენ. მათ ყველაზე მეტად საზოგადოების შეკრების ეშინიათ, რადგან ამ შეკრებას მოჰყვება გადაწყვეტილება, რომელიც მათთვის განაჩენი იქნება. ბედნიერი ვარ, რომ ჩემს მოწოდებას უამრავი ადამიანი გამოეხმაურა და უამრავმა დახმარების ხელი გამომიწოდა. ჩვენ აუცილებლად დავთქვამთ დღეს და შევიკრიბები თ. ნაციონალურ მოძრაობას პასუხი თუ არ გავეცით, ყოველგვარ ზღვარს გადადიან. საინტერესოა, სააკაშვილს, რომელმაც კარიერის გამო, მოქალაქეობა დათმო, ახლა რატომ გაახსენდა საქართველო?

– სამწუხაროდ, სახელისუფლებო გუნდშიც ბევრი პრობლემაა, რაც საზოგადოებრივი მაუწყებლის სამეურვეო საბჭოს წევრად ნინია კაკაბაძის არჩევის შემდეგ განვითარებულმა პროცესებმაც დაადასტურა.

– გეთანხმებით. ვატყობ, რომ შიგნიდან რყევა დაიწყო, ამიტომ „ქართული ოცნება“ დროულად უნდა გამოფხიზლდეს. როგორც ვიცი, უმრავლესობის დატოვებაზე გედევან ფოფხაძის გარდა, სხვებიც ფიქრობენ. გული მწყდება, რომ ასეთი მოქმედებებით ნაციონალურ მოძრაობას საშუალებას ვაძლევთ, რომ ადამიანები ლანძღონ და ლაფი ასხან. დარწმუნებული ვარ, რომ რაღაც ცუდის აგორებას ცდილობენ, მაგრამ საბედნიეროდ, საზოგადოებაში მხარდაჭერა არ აქვთ და არასოდეს ექნებათ.

მე „ქართული ოცნების“ პარტიის წევრი არ ვარ, ბიძინა ივანიშვილის მხარდამჭერი გახლავართ. შესაბამისად, პარტიის შიგნით მიმდინარე პროცესებზე ვერაფერს გეტყვით, თუმცა ყველამ ვიცით, რომ ბიძინა ივანიშვილის გარეშე ამ ადამიანებს ხმას არავინ მისცემდა. იმის ნაცვლად, რომ მის გვერდით დადგნენ და ცილისწამებისგან დაიცვან, ზოგიერთებმა ბუჩქებში დამალვა ამჯობინეს. არ მინდა დავიჯერო, მაგრამ ბევრის მსგავსად, მეც მაქვს განცდა, რომ `ქართული ოცნების~ შიგნით ღალატს აქვს ადგილი. თუნდაც ის, რაც ახლახან მოხდა. იმის ქვოტა იყო თუ ამის ქვოტა, „ქართული ოცნების“ დეპუტატების გადაწყვეტილებამ საზოგადოება გააღიზიანა. როგორ შეიძლება საზოგადოებრივ არხის სამეთვალყურეო საბჭოს წევრად, რომელსაც მოსახლეობა თავისი ჯიბიდან აფინანსებს, აირჩიონ ადამიანი, რომელიც უწმინდესს ლანძღავს? საზოგადოებას კითხონ, უნდა თუ არა ამ პოზიციაზე ნინია კაკაბაძის ხილვა და საზოგადოებამ გადაწყვიტოს ვის აძლევს ხმას.

ზოგჯერ ვფიქრობ, რომ ვიღაც განგებ ცდილობს მოსახლეობის გაღიზიანებას, რომ ის ძალა გააცოცხლოს, რომელსაც ქართველმა ერმა უარი უთხრა. მე არ ვამბობ, რომ ყველაფერი კარგადაა. რა თქმა უნდა, არის უმუშევრობა და გაჭირვება, მაგრამ ხელისუფლებას ისეთი უმძიმესი მემკვიდრეობა დახვდა, რომ ამის გამოსწორებას დრო უნდა. თუ რომელიმე სამინისტრო ცუდად მუშაობს, კეთილი ვინებოთ და პასუხი მის ხელმძღვანელობას მოვთხოვოთ და არა ივანიშვილს. ეს უმადურობაა ოჯახის მიმართ, რომელმაც თავი გადადო, რომ ქვეყანა მანიაკებისგან გაეთავისუფლებინა. ამ ადამიანს ეს არაფერში ჭირდებოდა. საერთოდ არ მოვიდოდა პოლიტიკაში და მშვენივრად იცხოვრებდა, როგორც მანამდე ცხოვრობდა. ზოგიერთებისგან განსხვავებით, არსებობენ ადამიანები, რომლებიც ბუჩქებში არ დამალულან და ყველა უსამართლო ცილისწამებას პასუხს გასცემენ. ის ოჯახები, რომლებიც ბიძინა ივანიშვილმა არაერთი უბედურებისგან იხსნა, არსად წასულან. ისინი აუცილებლად შეიკრიბებიან და ამ მანქურთებს პასუხს გასცემენ. 

ნელი თორდია

მეტის ნახვა
12-04-2018, 13:30


უმთავრესი ნახტომი ლგბტ საზოგადოებებმა საბჭოთა კავშირის დაშლისა და ორპოლუსოვანი მსოფლიოს დაცემის შემდეგ განახორციელეს, როდესაც “ადამიანის უფლებების” დასავლური კონცეფცია ღირებულების ერთადერთ შესაძლო სისტემად დამკვიდრდა. 1990 წლის 17 მაისს, აფა-ზე ორიენტირებული და ძლიერი პოლიტიკური ზეწოლის ქვეშ მყოფმა ჯანდაცვის მსოფლიო საზოგადოებამ ამოიღო ჰომოსექსუალიზმი დაავადებათა საერთაშორისო კლასიფიკაციიდან. სწორედ ამ დღეს აღნიშნავს ლგბტ-საზოგადოება ჰომოფობიასთან ბრძოლის საერთაშორისო დღედ.

მოკლედ, გარყვნილება ლეგიტიმირებულ იქნა და მას ფიზიოლოგიური და მორალური ნორმის, ანუ ცხოვრების ალტერნატიული ფორმის ერთ-ერთი ვარიანტის სტატუსი მიენიჭა. შლუზები გაიხსნა, და პათოლოგიური მოვლენა დასავლეთში არნახული სისწრაფით განვითარდა. ლგბტ-თანამეგობრობამ თავის უმთავრეს ამოცანად დაისახა “მოუხსნას ჰომოსექსუალურობას პათოლოგიისა და დევიაციის მარკერი” ყველა ეროვნულ სახელმწიფოში, რაც დაიწყო 90-იანი წლებიდან. ამის პარალელურად მიმდინარეობდა მამათმავლობისთვის დასჯის გაუქმების საყოველთაო პროცესი, რომელიც დღეს მხოლოდ აფრიკისა და აზიის ზოგიერთ ქვეყანაში შემორჩა. რუსეთში არსებული შესაბამისი კანონი გაუქმდა 1993 წელს, როდესაც ქვეყანა ევროპის საბჭოში შესასვლელად მოემზადა.
სოდომიტების განსაკუთრებული მდგომარეობის დამტკიცების უმთავრეს საშუალებად იქცა ოჯახის ინსტიტუტის სრული უარყოფის იდეა, რომელსაც ისინი ჩამორჩენილსა და გაცვეთილ მოვლენას უწოდებენ. მაგრამ, როდესაც მიხვდნენ, რომ ამგვარმა მოთხოვნამ შესაძლოა არ გასჭრას, მაშინ ტაქტიკა შეცვალეს და დაიწყეს აქტიური გამოსვლა ერთსქესიანი “ქორწინებების” დასამკვიდრებლად, რითაც ქორწინების ინსტიტუტის შიგნიდან რღვევას შეეცადნენ.

სწორედ ეს გახდა სექსუალური რევოლუციის საკვანძო ეტაპი, რომელიც ადამიანის ბუნებისა და დასავლეთის ნაქები “უფლებების” წინააღმდეგაც არის მიმართული. რაც შეეხება ევროპულ უფლებებს, ერთსქესოვანი კავშირები კანონმდებლობისგან ითხოვენ სქესის ცნების, ანუ მამაკაცისა და დედაკაცის, როგორც ადამიანური საზოგადოების ცნების ამოღებას. მათ ნაცვლად უნდა შემოიტანონ ერთგვარი უსქესო არსებები — “დასაქორწინებელი ა”, “დასაქორწინებელი ბ”, “მშობელი ა”, “მშობელი ბ”, “პარტნიორი ბ”, რომელიც შეაქვთ არა მარტო სამოქალაქო კოდექსში, არამედ იურიდიულ დოკუმენტებშიც, რომელიც არეგულირებს შრომის საკითხებს, სოციალურ უზრუნველყოფას. “მამაკაცი” და “დედაკაცი”, “ქმარი” და “ცოლი” როგორც სამართლის სუბიექტები უნდა გაქრნენ. სამართლებრივი სივრცის ჩარჩოში იცვლება ოჯახის, როგორც ასეთის სტრუქტურა, რადგან ერთსქესოვანი ქორწინება გულისხმობს ბავშვთა მიშვილების უფლებას, ეს კი ცვლის ნათესაობის ცნების ხასიათსაც და აუქმებს კავშირს ბიოლოგიურ მშობლებსა და მიშვილებულ ბავშვს შორის. ბავშვები რჩებიან ფესვების გარეშე. ანუ, კანონმდებლობითი აქტით ცდილობენ შეცვალონ ბიოლოგიური რეალობა და შექმნან კაცობრიობის ახალი მოდგმა გადამწყვეტი ნაბიჯი რევოლუციისკენ გადაიდგა კაიროს 1994 წლისა და პეკინის 1995 წლის კონფერენციებზე, რომელიც მიეძღვნა დედამიწის მოსახლეობისა და დედაკაცთა მდგომარეობის საკითხებს.

სწორედ აქ მიიღეს გადაწყვეტილებანი, რომლებმაც დასაბამი მისცა ჰომოსექსუალისტთა ქორწინების აღიარებას და ჰომოსექსუალური წყვილებისთვის სამედიცინო ხელშეწყობის ტექნიკის გაფართოებას. საქმე იმაშია, რომ კონფერენციის დოკუმენტებში ოჯახის განსაზღვრება იმდენად გაბუნდოვანებულია, რომ არსებული ტექსტი მათი თავისუფალი ინტერპრეტაციის საშუალებას იძლევა. ასე, მაგალითად, კაიროს კონფერენციის მოხსენებაში “ოჯახი, მისი ფუნქცია, უფლებები, შემადგენლობა და სტრუქტურა” ნათქვამია: “მართალია, სხვადასხვა სოციალური, კულტურული, სამართლებრივი და პოლიტიკური სისტემებისთვის დამახასიათებელია ოჯახის განსხვავებული ტიპები, ოჯახი საზოგადოების ძირითადი ბირთვია და როგორც ასეთს უფლება აქვს დაცულ იქნეს და მიიღოს ყოველმხრივი დახმარება”. “ოჯახი სხვადასხვა ფორმებს ღებულობს კულტურულ, პოლიტიკურ და სოციალურ სისტემებში” მსგავსმა ფორმულირებებმა მაშინ სერიოზული სკანდალი გამოიწვია. მრავალი იურისტი იქვე შენიშნავდა, რომ ამგვარი ფორმულირებები გარდაუვალად მიიყვანდა საზოგადოებას ბუნების საწინააღმდეგო კავშირებამდე. მაგრამ შემაჯამებელ დოკუმენტში შეტანილ იქნა ზოგადი ცნება “წყვილი”, რომელსაც დაუმტკიცეს მათთვის აუცილებელი უფლებები. კერძოდ, მითითებული იყო იმ აუცილებლობაზე, რომ “წყვილებსა და ინდივიდებს უნდა გაეწიოს დახმარება ჰყავდეთ შვილები”…

ჰომოსექსუალური ქორწინებების ლეგალიზაცია და დამხმარე რეპროდუქციული ტექნოლოგიების გამოყენება ჰომოსექსუალური პირების მიერ, იურიდიულად გადაწყდა გაერო-ს ჩარჩოებში, რის შემდეგაც ევროპის კავშირი ამ პოლიტიკის დამტკიცებას “ევროპის სივრცეში” შეუდგა. 1994 წლის 8 თებერვლის რეზოლუციაში ევროპარლამენტი წევრი-ქვეყნებისგან მკაფიოდ ითხოვდა ბოლო მოეღოთ ჰომოსექსუალისტებისთვის დაწესებული აკრძალვისთვის ჰყოლოდათ ოჯახი, იძლეოდა რეკომენდაციებს გარანტირებული ჰქონოდათ მთელი რიგი უფლებები, პარტნიორთა რეგისტრაციის შესაძლებლობა და მოხსნილიყო შეზღუდვა ჰომოსექსუალისტთა მიერ ბავშვთა მიშვილებაზე. 2000 წელს, ადამიანის უფლებათა ქარტიაში ევროპის კავშირმა უარი თქვა სქესის მითითებაზე ქორწინების განსაზღვრებისა და ბავშვის უფლებების დამტკიცების სფეროში (ლაპარაკია მშობლების თანასწორუფლებიანობაზე დედისა და მამის ხსენების გარეშე). 2001 წლის 5 ივლისის რეზოლუციაში ევროპარლამენტმა წევრ-ქვეყნებს რეკომენდაცია მისცა შეეცვალათ თავიანთი კანონმდებლობა ჰომოსექსუალისტთათვის თანაბარი უფლებების მინიჭების მხრივ და ევრო კავშირის დღის წესრიგში დაეყენებინათ საკითხი ჰომოსექსუალისტთა შორის ურთიერთობის კანონიკურობის აღიარებაზე.

2003 წელს, ევროპარლამენტმა გაიმეორა თავისი მოთხოვნა მოხსნილიყო ჰომოსექსუალისტთა დისკრიმინაციის ყველა ფორმა (იურიდიული და ფაქტობრივი), კერძოდ, ქორწინებისა და ბავშვთა მიშვილების სფეროში. შემდეგტ, 2006 წლის რეზოლუციაში ქვეყნებს რეკომენდაცია მისცეს მიეღოთ ახალი ზომები ერთსქესოვანი ქორწინებების ლეგალიზაციისთვის და მოუწოდეს ყველას თავიანთი კანონმდებლობა ჰომოსექსუალისტებისადმი უფრო “ლმობიერი” კანონებით შეეცვალა თ. გარდა ამისა, ამავე რეზოლუციით გათვალისწინებულია მთელი რიგი ზომები იმ ქვეყნების წინააღმდეგ, რომლებიც არაფერს იღონებენ ამ პოლიტიკის წინააღმდეგ გამოვლენილი სხვადასხვა ექსცესებისადმი. მოცემული პოლიტიკის გატარების სხვა საკვანძო სტრუქტურად მოგვევლინა ევროპის სასამართლო ადამიანის უფლებების განხრით ევროპის საბჭოში, რომელმაც შექმნა უფლება აკრძალულიყო დისკრიმინაცია სექსუალურ ორიენტაციაზე. 
მოკლედ, ერთსქესოვანი ქორწინებების დამტკიცება — ეს არის ევროკავშირისა და ევროპის საბჭოს მკაფიოდ განსაზღვრული კურსი, რომელსაც გააჩნია შორსმიმავალი შედეგები და შესაბამისი იურიდიული ინსტრუმენტების ფართო სპექტრი.

იმისთვის, რათა არ გამოეწვიათ ევროპელთა პირველდაწყებითი მძაფრი საპროტესტო რეაქცია, გარდამავალი ნაბიჯის სახით ევროპის პოლიტიკური ელიტის მაღალმა ეშელონებმა შეიმუშავეს ქორწინების ალტერნატიული ფორმა, ერთსქესიანი პარტნიორობის დარეგისტრირების უფლება, რომლის წყალობითაც ისინი ღებულობდნენ საგადასახადო შეღავათებს და მემკვიდრეობის უფლებებს.

პირველად კანონი ამის შესახებ მიღებულ იქნა დანიაში 1989 წ., ხოლო დღეისთვის ის არსებობს ანდორაში, ავსტრალიაში, ავსტრიაში, ბრაზილიაში, დიდ ბრიტანეთში, უნგრეთში, გერმანიაში, ისრაელში, ირლანდიაში, ისლანდიაში, კოლუმბიაში, ლიხტენშტეინში, ლუქსემბურგში, სლოვენიაში, ფინეთში, ხორვატიაში, ჩეხეთში, შვეიცარიაში, ეკვადორსა და აშშ-ს ზოგიერთ შტატში. ჰომოსექსუალისტებს შეუძლიათ ოფიციალურად დარეგისტრირდნენ იტალიის ზოგიერთ ქალაქშიც. სხვადასხვა ქვეყნებში ეს “კავშირები” სხვადასხვაგვარად იწოდება, განსხვავებულია უფლებების ჩამონათვალიც, რომლებითაც ისინი სარგებლობენ, თუმცა ამით არსი არ იცვლება — ეს არის ჰომოსექსუალისტთა “ქორწინების” დაკანონების პირველი ფორმა. ბრძოლის ალგორითმი კარგად არის შემუშავებული და საკმაოდ მკაფიოდ მუშაობს. ნიადაგის მომზადების შემდეგ,”წინწაწეული” მმართველები კიდევ უფრო შორს წავიდნენ და ჰომოსექსუალისტებს უკვე ქორწინების სრული უფლებები მიანიჭეს. პირველი სახელმწიფო, რომელმაც ეს აღიარა, გახდა ჰოლანდია (2001 წ.), შემდეგ ამ გზას დაადგნენ ბელგია (2003), ესპანეთი, კანადა, სამხრეთ აფრიკა, ნორვეგია, შვედეთი, პორტუგალია, ისლანდია, არგენტინა, დანია და აშშსა და მექსიკის ზოგიერთი შტატები. 2013 წლის აპრილს მათ შეუერთდა ურუგვაი და ახალი ზელანდია, 18 მაისს — საფრანგეთი, ხოლო 21 მაისს ბრიტანეთის პარლამენტის თემთა პალატამ მოიწონა კანონპროექტი, რომელიც ერთსქესიანი ქორწინიების უფლებას იძლევა ინგლისსა და უელსში. ამჯერად მსგავს კანონპროექტებს განიხილავენ ლუქსემბურგი, ნეპალი და პარაგვაი.

ქეთევან ზარნაძე

მეტის ნახვა
12-04-2018, 10:30


კეშას ბლოგი
___________________
ქრისტე აღსდგა! – გილოცავთ.
მანამდე ზეციდან ჩამოვიდა, კაცის სახე მიიღო – ადამიანთა ცოდვებისგან დამძიმებული მიწა შეამსუბუქა და ჩვენს გამო ეწამა.
15 საუკუნის წინ „ტფილისის კაცნი დასხდებოდეს და მარიამ-წმიდა ეკლესიაი აღაშენეს“. ტაძრის დასავლეთს ფასადის ფილებზე წარწერაა: „უფალო, მეფე დაჩის შეხეწიე“ – იგულისხმება ვახტანგ გორგასლის ვაჟი, დაჩი უჯარმელი. ტაძარი დღეს – ანჩისხატის სახელითაა ცნობილი.
ანჩისხატი ერთადერთი ტაძარი იყო თბილისში, რომელსაც არაბთა ბატონობის დროს, ზარების რეკვის უფლება ჰქონდა შენარჩუნებული. ამის გამო, მას „ზარების საყდარს“ უწოდებდნენ.

15 საუკუნის წინ დაარსა ალავერდი ერთ-ერთმა ასურელმა მამამ – იოსებ ალავერდელმა.
დიდია ჩემი ტაძარი – სიძველის სიდიდე აქვს, ლოცვის სიდიდე, ჯვრის სიდიდე, მლოცველის სიდიდე.
გააქვს და გამოაქვს მართლმადიდებელი მრევლი დღეს, ვისაც არ ეზარება.
წაიყვანეს იეღოლევებმა ჯვარის მატარებელი მართლმადიდებლები.

ქუჩა-ქუჩა, სახლ-სახლ, კარ-კარ დადიან იეღოველები და ინგლისურს გასწავლით უფასოდო – გვთავაზობენ. უფასო ინგლისური სათაგურშია მხოლოდ.
რა არის სეპარატიზმი? – სოციალური იზოლაცია არ არის? კანონის დაუმორჩილებლობა არ არის? ცხოვრობენ იეღოველები ასე იზოლირებულად, დგამენ ლიტერატურის სტენდებს იქ, სადაც გარე ვაჭრობა აკრძალულია, აკრავენ ჩემს კარზე ბუკლეტებს, სთავაზობენ ჩემს არასრულწლოვან შვილს მათთან სიარულს უცხო ენის შესასწავლად, უარს ამბობენ ჩვენი სისხლის გადასხმაზე…

სად არის ამ დროს ჩემი ეკლესია, სად არიან ამ დროს ჩემი მღვდლები და ბერები?
კათოლიკურმა ეკლესიამ ბზობას ბზის კონები საჩუქრად დაურიგა თავის მრევლს – მართლმადიდებლებმა ბზის ორი ტოტი 2 ლარად ვიყიდეთ, მარჯანიშვილზე, ეკლესიის წინ დღის ორ საათზე, უკვე 5 ლარად იყიდებოდა ბზის სამი ტოტი – ცოტაღა დაგვრჩაო.
ერთხელ კედი მაჩუქეს – ვიღაც კეთილ ადამიანს ეკლესიისთვის სხვადასხვა ზომის კედები შეუწირია – საწარმო ჰქონია. ხოდა, იარა, იარა ამ კედმა და ჩემამდეც მოვიდა – მღვდლის სახლიდან იარა და ისე მოვიდა ჩემამდე. სულ არ იცის იმ მამაომ, მისი ტაძრისთვის შეწირული კედი თუ ჩემამდე მოვიდა. ხოდა – ეკლესიისთვის და მრევლისთვის შეწირული განკარგვის უფლება თუ აქვს მამაოს სურვილისამებრ – ბზის გაყიდვაც შეუძლია რომ უზრუნველჰყოს მისაღებ ფასად – სურვილი და ნება არა აქვს, უბრალოდ.

უამრავი საეკლესიო სკოლა გვაქვს ქვეყანაში – სადაც გადასახადი იმდენად ძვირია, მე ვერ გავწვდები ჩემი შვილის მიბარებას.
ასამდე უფასო პანსიონატები გახსნეს აჭარაში თურქებმა – სამჯერადი კვება აქვთ ბავშვებს, გაკვეთილების მომზადებაში ეხმარებიან, მერე ყურანს ასწავლიან და თურქულს.

ჩემს მიწაზე უფასოდ ასწავლიან ყურანს თურქები ჩემს შვილებს, ჩემს დამშეულ შვილებს სამჯერ აჭმევენ დღეში, ისლამისადმი ლოცვის სანაცვლოდ…
ჩემი ეკლესია კი ფულს მთხოვს ჩემი შვილისთვის „მამაო ჩვენოს“ სწავლებაში. მაშინაც კი მთხოვს, თუ ვეტყვი, რომ სოციალურად დაუცველი ვარ და მიჭირს.

და ჰქვია ამ საეკლესიო სკოლებს ამა თუ იმ წმინდანის სახელი: წმინდა ილია მართლის, წმიდა ნინოს, იოანე პეტრიწის, წმიდა გიორგის, კეთილმსახური მეფე თამარის, წმიდა ბარბარეს და ა. შ… ვისია ეს სკოლები? რატომ ჰქვიათ საეკლესიო სკოლა, რატომ არიან წმინდანების სახელობის – თუ ლოცვის და ბიბლიის შესწავლას ვყიდით?

ჩემი წმინდანების ცრემლით და სისხლით გაჯერებულ მიწაზე, წმინდანების ძვლებით დალოცვილ ჩემს მიწაზე – ყურანს ასწავლიან ჩემს შვილებს უფასოდ, უფასოდ ასწავლიან ინგლისურს და იეღოვას…

ზუსტად ორჯერ ნაკლებ ფასად იყიდება სანთელი ეკლესიის გარეთ. ანუ, სანთლის დამზადება იმაზე ორჯერ და მეტჯერ ნაკლები ჯდება – რა ფასიც ეკლესიაში ადევს სანთელს? და რატომ ორმაგდება ეკლესიაში სანთლის ფასი? რა აორმაგებს? ლოცვა? ლოცვას ვყიდით სანთელთან ერთად?
დავანთებ სანთელს, შუამდეც არ არის ჩამწვარი, მოვლენ, ჩააქრობენ და ტომარაში უკრავენ თავს – თავიდან გადასამუშავებლად. ერთმა მოძღვარმა მითხრა, საკმარისია სანთლის თავი მოიწვას, გეთვლებაო. სად მეთვლება, რაში მეთვლება, ვინ მითვლის? ბოლომდე ჩამწვარი სანთლის მადლი მინდა მე. ბოლომდე დასრულებული ლოცვის და ბოლომდე გადაწერილი პირჯვარი მინდა მე.

მინახავს რამდენიმე ტაძარი სადაც არც სანთლების გამყიდველი ზის და არც ფასი ადევს სანთელს – დევს სანთლები და დევს ყუთი – ვისაც რისი საშუალება აქვს იმ თანხას შეწირავს ტაძარს – ოღონდ ქალაქში არ მინახავს – არ მოვიტყუები – ვინ მოვატყუო, ჩემს თავს ხომ არ მოვატყუებ.
ხოდა, წელსაც, ამჯერადაც აჭარის სოფლებში დაკეტილი დახვდათ ეკლესიის კარები მრევლს, ჩარაზული დახვდათ ეკლესიის ჭიშკარი, არავის დაურეკავს ზარი.

ციხისძირში თავად ააგო სოფელმა ეკლესია. დიდი მრევლი ჰყავს ციხისძირის ტაძარას – მაინც არ ჩერდება ციხისძირის მოძღვარი აღდგომას და შობას სოფლის ტაძარში – დიდ ეკლესიაში უნდა წავიდე, დიდ ეკლესიაში ღვთისმსახურებაში უნდა დავეხმარო მღვდლებსო – ამბობს.
არც ციხისძირის ეკლესიაა პატარა – ეკლესიის სიდიდე ლოცვის სიდიდეზე, მრევლის სიმრავლეზე, რწმენის სიდიდეზეა დამოკიდებული – თორემ, ხუროთმოძღვრება ცალკე აღებული – შენობაა და მეტი არაფერი.

კონცერტია ღვთისმსახურება, რომ ბანის მისაცემად მიატოვო ტაძარი და მრევლი?
შენს სოფელში, უცხო ქვეყნის შვილები ყურანს ასწავლიან შენს შვილებს უფასოდ, კვებავენ და აცმევენ უფასოდ – შენ ტაძრის კარს უკეტავ ცხვირწინ და არ აზიარებ მრევლს, რომელმაც მარხვა შეინახა?

რატომ არ გინდა მოუარო და უპატრონო მართლმადიდებელ მრევლს, მამაო? რატომ არ ცდილობ, საპატრიარქოვ, ჩემი მართლმადიდებელი მრევლის შენარჩუნებას?

რატომ აგდებთ ჩემს ქრისტიანებს იეღოველების ხელში, რატომ ახსნევინებთ ჩემი ბავშვების კისრიდან ჯვარს მაჰმადიანებს?
პოლიტიკოსების და მთავრობის წევრებისთვის, ელჩებისთვის და კონსულებისთვის ხომ გცალიათ, მამაო?
გაჭირვებული ხალხისთვის რატომ არ გცალიათ, გაჭირვებულ მრევლზე რატომ არ შეგტკივათ გული.
გამოდით-თქო, გეხვეწებით უკვე მესამე წელია, გამოდით და ხალხი ნახეთ, ხალხს ესაუბრეთ, ჩამოდით ჯიპებიდან, კაბა თუ გიშლით ხელს, მე დაგეხმარებით ჩამოსვლაში და მოდით ჩვენამდე, მოდით მართლმადიდებლების გულამდე.
წელს გაიჟღერა სურვილმა ხალხში გამოსვლის, ქუჩებში ადამიანთა დალოცვის – სურვილი სურვილად დარჩა – ქუჩაში კი არა – სოფლებში ეკლესიებს მიკეტავთ აღდგომის წმიდა ღამით.

წაიყვანა ჩემი ქართველი მართლმადიდებელი იეღოველმა და ვაჰაბიტმა, კათოლიკემ და პროტესტანტმა, ევანგელისტურმა და ბაპტსიტურმა ეკლესიამ წაიყვანა კიდევ და აგერ, სულ მთლად ჩემს თვალწინ, ღიად მიჰყავს მუსლიმან თურქს ყურანის სასწავლად და ალაჰზე დასაფიცებლად.
ვინ უნდა მოვიდეს და ვის გავატან ჩემს შვილს? ვინ მოვა ჩემს სახლში და ვის გაჰყვება ჩემი შვილი? გვიყვარს ჩვენ ერთმანეთი და იმიტომ, შემტკივა მე ჩემს შვილზე გული და არ შემიძლია, ვერ ვიცოცხლებ, რომ წაიყვანონ, რომ წამართვან.

ბევრი შვილი გყავს, მამაო, ვიცი, კიდევ მეტი შეიძლებოდა გყოლოდა, კიდევ მეტი შეიძლება, რომ გყავდეს. არ გიყვარვართ, მამაო, ისე, როგორც მე მიყვარს ჩემი შვილი, თორემ ვის დაანებებდი ჩემს და-ძმებს, ვის გაატანდი ჩემს და-ძმებს.

ნუ დამტოვებ, მამაო, ობლად, ნუ დამტოვებ ობლად მართლმადიდებელს წმინდათა ძვლებით გაჯერებულ, ღვთისმშობლის კურთხეულ მიწაზე, რამდენჯერ უნდა ჩამოვიდეს უფალი მიწაზე და მიიღოს კაცის სახე, რამდენჯერ უნდა ეწამოს ჩვენს გამო, რამდენი ცოდვა უნდა აგვაცალოს მხრებიდან – რომ ვირწმუნოთ, რომ გვიყვარდეს, რომ დავიცვათ ჩვენი ჯვარი და ჩვენი ტაძარი.

ატარე მამაო, ჯიპი კი არა, ჯვარი ატარე, მამაო, და ნუ დამტოვებ მართლმადიდებელს ობლად, შემიყვარე, მამაო, შვილივით შემიყვარე და აღარ გაგემეტები, ვეღარ გამიმეტებ, აღარ დამიკეტავ ტაძარს, აღარ მიმცემ ურჯულოს და გადამთიელს, მიპატრონებ და დამიცავ, თუ ისე გეყვარები, როგორც მე მიყვარს ჩემი შვილი.

დამლოცე, მამაო!

მეტის ნახვა
12-04-2018, 04:00