სარეკლამო ადგილი

947x125



მეგი გოცირიძე კემეროვოში მომხდარ ტრაგედიაზე სოციალურ ქსელში ყოვლადამაზრზენ პოსტს აქვეყნებს: "არა, არა, არა. რუსი ბავშვები ცეცხლში კი არ უნდა იწვოდნენ, რუსი აღარ უნდა იბადებოდეს, აღარ უნდა მრავლდებოდეს, აღარ უნდა იზრდებოდეს, აღარ უნდა ღორდებოდეს…"

ამ არსების ნაჯღაბნზე ყურადღებას არც გავამახვილებდი, რომ არა ერთი, ერთი კი არა ორი და მეტი გარემოება.
პირველ რიგში, ამას წერს ინდივიდი, რომელიც თურმე "დედები შვილების დასაცავად" ორგანიზაციის ფუძემდებელია.
იმ უკუღმა დაბადებულმა და უკუღმართმა სააკაშვილმა – ასე როგორ მოუღრიცა ტვინი და კისერი ქართველს, თუ მართლა ძირით ქართველია ეს მეგი გოცირიძე, მით უფრო "დედები შვილების დასაცავად" ორგანიზაციის დამაარსებელს, რომ 48 ბავშვის ცოცხლად ამოწვა გაუხარდა და გულზე მალამოდ მოეცხო?

დიდი ეჭვი მაქვს, მეგი გოცირიძეს, არა მხოლოდ რუსი, ქართველი ბავშვებიც ფეხებზე ჰკიდია, ისე, როგორც მიშას ხელისუფლებას, რომლებიც უმოწყალოდ უხოცავდნენ ბავშვებს მამებს და უწამებდნენ ოჯახის წევრებს.
ესენი რომ "ქოცებს" ეძახიან, იმათი დედები და ბავშვები, ღმერთმა ყველას დაუფაროს და, რამე ხიფათი რომ შეემთხვეთ, ნაცებს, ამ უსისხლოებს, ალბათ, ესეც ძალიან გაუხარდებათ.

რომელი ერისაც უნდა იყოს, დედა დედაა, გოცირიძე, ღვთისმშობლის მსგავსი, ბავშვი კიდევ ბავშვი და ყველა ანგელოზს ჰგავს. თუ სხვანაირად ფიქრობთ, მაშინ მაგ ორგანიზაციიას თუ ნაცსექტის ნაწილს, დააწერეთ ნაციონალი დედებისა და მათი შვილების დამცველი ორგანიზაცია "მეგი გოცირიძე და ნაცქაჯთა კამპანია", ვითომ ვინმე გავიწროებდეთ, და გასაგები გახდება ყველაფერი. რაღას ეფარებით დედაშვილობის უწმინდეს სახელს?
რუსი დედა იყო ტატიანა დარსალია, შვილი რომ გამოუყვანია ხანძრიდან, სხვა ბავშვების გადასარჩენად შესულა შუაგულ ცეცხლში და იქვე ჩაფერფლილა.
მას არ ჰქონია არავითარი ორგანიზაცია, მაგრამ სხვისი შვილების დასაცავად სიცოცხლე გასწირა.
ეს გოცირიძე კი აქ ყიამყრალობს, კმაყოფილია ბავშვების დაწვით და იმით, რომ ორმა რუსმა შვილებდამწვარმა დედამ, რომელთაგან ერთს ოთხი შვილი დაღუპვია, ამ ტრაგედიის მერე თავი მოიკლა.

ეს ფარისეველი არსება, რომელიც ორღობის ყიჟინას, ორგანიზაციის სახელით ნიღბავს, არის, აგრეთვე, პირწავარდნილი ქურდი _ მისი ორგანიზაციის _ "დედები შვილების დასაცავად" ლოგო მოპარული აქვს და გახლავთ ვ.ი. ლენინის სახელობის საბჭოთა საბავშვო ფონდის ლოგოს ზუსტი ასლი.
სხვათა შორის, ამ ემბლემით რუსეთის საბავშვო ფონდები დღესაც მოღვაწეობენ იმ რუსეთის ტერიტორიაზე, რომელსაც, ვითომდა ებრძვის მეგი გოცირიძე.
არ დაიჯეროთ, ბატონებო და ქალბატონებო, რომ ესენი რუსეთს ებრძვიან.

ჯერ ერთი, ესენი არავისაც არ ებრძვიან. საკუთარი ტყავი და სტომაქი ადარდებთ და მეორე, ეს არის ტაქტიკა, რომელიც იდეური ბელადის მიბაძვით ხორციელდება – სიტყვით ლანძღე, საქმით მათი საქმე აკეთე.

ჰოდა, უბერავს მეგი, რომელსაც თავისი დედაც დავიწყებია, შვილებიც, დედაშვილობის სიწმინდეც და ეტყობა, არც "ვეფხისა და მოყმის ბალადა" სმენია ოდესმე, შვილმკვდარი დედა რომ ამბობდა: `იქნება ვეფხის დედაი ჩემზე მწარედა სტირისაო".
მხოლოდ მიშა ელანდება, ხვითქგადადენილი თვალებს ქაჩავს და ორთქლს უშვებს ფოთის "პარაოზივით"…
სიძულვილის ენაზე საუბარი თუ მიუღებელია, მეგი გოცირიძეს რატომ არ ეკუთვნის სასჯელი ამ ფრაზებისთვის: "რუსი არ უნდა იბადებოდეს, არ უნდა ღორდებოდეს…"

გოცირიძეს არავინ სთხოვს პასუხს, მეტიც, გენაცვალე, ჩემო მეგი, ჩვენო პატრიოტოო, წერენ თანამოაზრეები მეგის და ლოცავენ.
"პატრიოტიზმი არამზადების უკანასკნელი თავშესაფარიაო", – ამბობდა ბრიტანელი მოაზროვნე სამუელ ჯონსონი.
არამზადა კი თავის თავში ქურდსაც გულისხმობს, უგულოსაც, უნამუსოსაც, ზნეწამხდარსაც და კიდევ მრავალ ეპითეტს, რაც მსურველის ფანტაზიის მასშტაბზეა დამოკიდებული.

ირანდა კალანდაძე

მეტის ნახვა
4-04-2018, 21:11


კეშას ბლოგი
_____________________
გაზაფხულის საღამოა მშვიდი,
ხიდან ხეზე გადაფრინდა ციყვი…
ანუ, ციყვის მოტანილს – ციყვი წაიღებსო…
აციყვდა, ბოლო კვირა, საქართველო. ყველგან სექსი და სექსუალური სექსი ელანდებათ, ყველგან სექსშეტენილი და სექსშეუტენელი კაცები ეჩვენებათ, ყველგან ციყვი და მგელია.

ციყვი აციყვებულა – საციყვეში ჩაციყვებულაო – რაღაა იმ ციყვის ფასი, რომლის სახელიც გაცხადდაო.
ნეტა ყველა შავი საქმე ციყვით უნდა შეიკეროს და დაგვირისტირდეს დღეიდან? – თეთრი ძაფიც აღარ იქნება საჭირო?
მინდია უგრეხელიძის ბიჭია ეს პაპუნა უგრეხელიძე და ეგ იზამდა – აბა, რას იზამდაო.
ნწუ, ნწუ, ნწუ…

რომელი მინდია უგრეხელიძის ბიჭია ეგ – 70-მდე ნაშრომის და სამი მონოგრაფიის ავტორი მინდია უგრეხელიძის? „იურისტთა მსოფლიო ასოციაციისა“ და სისხლის სამართლის საერთაშორისო ასოციაციის“ წევრი – მინდია უგრეხელიძის? საქართველოს მეცნიერებათა აკადემიის პრემია რომ მიიღო და ქართული ენციკლოპედიის საგამომცემლო საბჭოს წევრი რომ იყო 1994 წელს, ოსტინის, ჰიუსტონის და პასადენას საპატიო მოქალაქე რომაა, იმის? ღირსების ორდენი რომ აქვს მინიჭებული და ადამიანის უფლებათა ევროპული სასამართლოს მოსამართლედ რომ აირჩიეს, იმ მინდიას ბიჭია? – ხოო, მაშინ კი იზამდა… მაშინ მჯერა. გეთქვათ თავიდანვე.

მივწერო ერთი ოსტინს, ჰიუსტონს და პასადენას…
ციყვმა თხარა, თხარა – სახელ-გვარი გამოითხარაო – ასე დაემართა ეკა მესხიძეს. უფრო სწორედ, ასე დაემართა, მეგონა.
პაპუნა უგრეხელიძემ „შტუკა“ მოუწყო მსხვერპლ ციყვს და მისი ვინაობა გაასაჯაროაო – კიდევ ერთი დანაშაული აკიდეს „მოძალადეს“.
რათა, რათა: კითხვა არ იცით? კითხვა გეზარებათ?

აგერ, აგვიფრიალა ელისო კილაძემ: „ქრონიკა+“-ში ჯერ კიდევ 2017 წლის 8 დეკემბერს გამოვაქვეყნე სახალხო დამცველი ნანუაშვილის დასკვნაო – ხოდა, ამ დასკვნაში შავი კლავიატურით თეთრ ეკრანზე ორჯერაა ზედიზედ მესხიძის გვარი გაპარული.
ასე მტერი გაგვეპაროს.

სხვაგან ყველგან კი პირობითად მოიხსენიებენ, როგორც ვინმე: ნ.ნ.-ს, მაგრამ ორჯერაა გაპარული გვარიც და მარტო მე ვიცი კითხვა, ნეტავი?
დავსქრინეეე, ელისო, დავსქრინე და ფოტოც გადავუღე – ტყუილად არ მიადგე და აღარ ჩაასწორო.
აგერ მთლად ნანუაშვილს გამოუჭენებია ეს გადამალული ციყვი და…
ციყვუნამ თქვა: ჩირგვში ვზივარ, ვერვინ მოვა ჩემზედაო…

ამერიკაში გადაღებულ ფოტოზეც ერთად ვართ მე და მგელი და რა მომივა, ვინღა შემჭამსო
დაემალა 2015 წლის 30 სექტემბერს ციყვი მგელს, თორემ შეჭამდა და ეძებნათ მერე წითელქუდას და მონადირეს, რამდენიც უნდოდათ.
შენგენის ვიზა არ ჩაურტყეს მგელს პასპორტში მაგ დღეს – მგელი კი არა მეც გავბრაზდებოდი, მეც მივადგებოდი ჩემს თანაშემწეს, რომ მყოლოდა თანაშემწე.
იუკადრისა ციყვმა მგელის საყვედური და ტელეფონი გაუთიშა. მიწერა მგელმა მესიჯი:“ნუ ხტიხარ და აკეთე ის, რასაც გეუბნები… ამხელა გოგო ხარ და ზედმეტი არ უნდა მოგივიდეს“.

რა ქნას, ციყვია და რომ არ ახტეს და დახტეს არ შეუძლია.
მანამდე კი, მანამდე იყო… გულები…
ვგიჟდები რომანტიულ მგლებზე…

გაუგზავნა მგელმა ციყვს გულები და მესიჯიც მიაყოლა, თურმე: – გული გამომიგზავნე…
ერთი ციყვის ერთ გულს რამხელა თანამდებობა გადააყოლა მგელმა – რა ზღვას დაუხრჩვიხარ, რა ციყვსაო.
ვერბალური სექსუალური შევიწროება ყოფილა, გულს რომ გიგზავნიან და უგზავნი.
დღეს 13.45-ზე და 20.12-ზე ორმა ადამიანმა მთხოვა დალაიქება. 15.26-ზე და 17.02-ზე – ასევე ორმა მთხოვა, ფოტო გახსენი და გული დამიწერეო და ბოლოს 22.57-ზე მეხუთემ საერთოდაც, პირად გვერდზე გაზიარება მთხოვა, რაღაც სისულელის, საკმაოდ ფამილარულად. ხუთივე მთხოვნელიდან – არც ერთს არ ვიცნობდი.

ანუ, მე დღეს 5-ჯერ შემავიწროვეს?
სანტიმეტრი ავიღე, წელი და თეძო გავიზომე – არა, იგივეა – არ დავიწროებულა.
სადავ იწროა – იქ გაწყდეს – სექსუალურად შევიწროებული ვყოფილვარ, ფიზიკურად ვერ მავიწროებს, თურმე, გულები – ამოვისუნთქე.
ანუ, დღეს ხუთი თეორიული სექსი მქონდა? – ფაქტობრივად, სიქა გამძვრა დღეს.
ამ დღეებში ორსულობის დასადგენ ტესტს ვიყიდი მაინც – ვაიდა, იმ ხუთიდან არც ერთს არ ეკეთა თამარ მეფის გამოსახულებიანი პრეზერვატივი და დავფეხმძიმდე?

უცნაური ერი ვართ ძალიან – თამარ მეფეს სახეს პრეზერვატივზე ვახატავთ და საოხრეზე ვიკეთებთ და მესიჯად გაგზავნილი გული აღგვაშფოთებს.
ხოდა, მე კითხვა მაქვს ნანუაშვილის უწყებასთან, ნუ, აწ უკვე ნანუაშვილის ყოფილ უწყებასთან – 2015 წლის ივნისის ჩანაწერი თუ გაქვთ ამოწერილი – ანუ, მინიმუმ 2015 წლის 1 ივნისიდან 2016 წლის იანვრამდე მესიჯებსა და მიმოწერებზე გქონდათ წვდომა, ხომ? 8 თვის მესიჯებზე გქონდათ, ანუ წვდომა მინიმუმ და ამ 8 თვეში – რამდენიმე გულისა და ერთი ციყვის მეტი – ვერაფერი ამოქექეთ – სწორად გავიგე, თუ რამე გეშლებათ, იმის არ იყოს, გვარს არ დავასახელებთ, მაგრამ მესხიძეაო – რომ გიწერიათ?

ნამეტანი დინჯად ძალადობდა მგელი ციყვზე – რაკი 8 თვეში მეტი არაფერი მიუწერია „ისეთი“ – აი, დემოკრატიული.
- მიხო, დემოკრატია რა არის?

- აი, მარო, დემოკრატია ისაა, რომა, შემიძლია გადავიდე და ჩვენს მეზობელ ნაზიკოსთანა დავწვე.

- ანუ, მე რომ ნაზიკოს ქმართან დავწვე – ეგაც შაიძლება?

- ე, ქალოო, შენა დემოკრატიას ბოზობაში ნუ აურევ…

ასე მოგვდის, თორე, ერთი ყოფილი მინისტრი სულაც იწვა თავის ხელქვეითთან, თუ მაგას წოლა ქვია – მაგრამ, მთელი ბომონდი იცავდა, პრეზიდენტის ჩათვლით – მისი ბიჭია და უნდა დაწვება, უნდა ადგება – მისი პირადი საქმეა ხელქვეითთან წოლაო.

ახლა, მდიდრულმა გულმა გვიყო.
მისი ხელქვეითია და უნდა გულს გაუგზავნის, უნდა სულს.
ეჰ, ცხარე ცრემლით ვსტირი ეკატერინე მესხიძისათვის სმაილიკებით მიყენებულ შეურაცხყოფას – მაგრამ მე ვინ ვარ, მესხიძემ გვითხრა: კულუარულად ვიცი, პრემიერ-მინისტრიც მითანაგრძნობსო.
დედა, საიდან ყავს ამ ქალს ამდენი კულუარი.
მე რატომ არ მითანაგრძნობს პრემიერ მინისტრი, დღეს რომ თეორიულად ხუთჯერ გამაუპატიურეს – მარტო ეკა მესხიძის პრემიერია ეგ?
ხოდა, კიდევ რა ვერ გავიგე – ეს ამბავი იცოდნენ რეესტრშიო, იცოდა იუსტიციის მინისტრმაო, იცოდა პრემიერ მინისტრმაო, იცოდა თავად მგელმაცო… ქმარმა თუ იცოდა, ქმარმა?

ისიც იქ მუშაობდა და ეცოდინებოდა, წესით – აკი, დებილოს მეძახდა და კუთხეში დადექი – მეუბნებოდა მგელი, მე კი სულ ვტიროდიო და როგორ ვერ გაიგებდა და შეამჩნევდა ქმარიც.
ციყვო, ციყვო, შენსა მზესა, შენი ქმარი რა რიგია?
რაო, რა ქნა ქმარმა? მივიდა და შემოულაწუნა, ალბათ? – არა? – აბა? წამოუთაქა? – არა? არც ეგ? – უჩივლა მაშინ, შესაძლოა – უი, არც ეგ?
ისა და ქალბატონო, ეგ თქვენი ქმარია, თუ დათვის?
კი უნდა დადგეთ, მაშინ კუთხეში – არ არის სხვა გზა. პრემიერის თანაგრძნობას რომ რამე შეეძლოს – ფაროსანა ამოწყვეტილი იქნებოდა და მე დაპურებული.
ციყვს ჰკითხეს, რათ სტირიო, გამდის და ვსტირიო.
მრგვალ შენობაში უნდა იმუშაოთ, თქვენ, ციყვო – კუთხე რომ არ ჰქონდეს შენობას და კუთხეში რომ ვერ დაგაყენონ და დებილო-ზე რა გითხრათ, ჯერ ვერაფერი მოვიფიქრე.

მერე იყო ტორტი, ციყვებიანი ტორტი – ასე გადაუხადა სამაგიერო მგელს ციყვმა – ტყუილი ციყვი აჭამა… ციყვის – დაძახებით შეურაცხყოფილმა – ენა ვერ შეუბრუნა, მაგრამ ტორტი შეუბრუნა, ტორტზე დაახატა თავისი ტკივილი და ცრემლი…
ეჰ, რა თანასწორობა, რა მოკლე და გრძელი, რა სუსტი და ძლიერი: – ქალები იქეთ ვიცავთ კაცებს. წამოვიდა ციყვი სამსახურიდან – სხვაგან გადავიდა, უკეთეს ადგილას, უკეთესი ხელფასით, პირადი რეკომენდაცია მისცა მგელმა.

წამოვიდა რეესტრის კუთხიდან მგლისგან დაჩაგრულ-ატირებული ციყვი, მაგრამ მაინც ვერავის უყვებოდა სექსუალური ძალადობის მსხვერპლობის ისტორიას – ქმარს იცავდა, ქმარი ისევ მგელთან მუშაობდა და როგორც სუსტი სქესი უნდა იცავდეს ძლიერს, ისე იცავდა, როგორც ამბობს, უტყვად და უენოდ.
ეჰ, ხანგრძლივ ეგ მგელი გაახარებს ციყვების ქმრებს, განა? მაინც გაუშვა მგელმა ციყვის ქმარი სამსახურიდან. არ დაუფასდა ციყვს თავგანწირვა.
მშიერი ციყვი პატრონს უკბენსო.

აი, აქედან უნდა იწყებოდეს, ჩემი წერილი – რადგან ზუსტად ქმრის სამსახურიდან გამოშვების შემდეგ დაიწყო მთელი ეს დაგულები, გაგულების, მიგულების, გამოგულების, გადაგულების ამბავი.
ციყვი – ციყვია და თუ გაცხარდა – მესხიძეო.
ციყვის ქმარი, რომლის სახელ და გვარსაც არსად ასახელებენ და ყველა ყველგან ასე მოიხსენიებს: ეკა მესხიძეს მეუღლეო (ნუ, მგელმა კი ახსენა, მაგრამ მგელს ხომ ვერ დავესესხები – ემანდ გული არ გამომიგზავნოს), სასამართლოში უჩივის რეესტრსა და რეესტრის მაჩო მგელს – უსამართლოდ გამომიშვაო.
პირველი მოჩივარი, ბატონს მართალი ეგონაო.

ციყვის ქმრის დამცველებმა – ჩვენს საქმეში მთავარი მტკიცებულება სახალხო დამცველის დასკვნაა და უკვე ჩავაბარეთ მოსამართლესო.
ანუ, ციყვის ქმარი რომ სამსახურიდან უკანონო გამოშვებას დაობს, იმ საქმეშია მთავარი მტკიცებულება სახალხო დამცველის დასკვნაა ეკა მესხიძის საქმეზე?
დედა, ცოლი ამას ქვია.

ძლივს არ მივხვდი, რისთვის გამოიყენებს ციყვობას?
ტიტუ, ქმარიც ამას ქვია – საკუთარ ცოლზე სექსუალური ძალადობის ფაქტები დაამტკიცებინა ნანუაშვილს და მიაქვს ახლა სასამართლოში.
ამას, ნამდვილად არ უცემია უგრეხელიძე, ხო? არც შემოულაწუნებია? – არა? არც წამოუთაქებია? – არც უჩივლია ცოლის კინაღამ „დემოკრატიაზე“, ხო?
აბა, ციყვების ოჯახში თუ მშვიდობა და სოლიდარობაა, მითანაგრძნოს პრემიერმა მე, ეყოფათ მაგათ უკვე, თავისი ეყოფათ.

მეტის ნახვა
4-04-2018, 21:07


გარემოს დაცვისა და სოფლის მეურნეობის სამინისტრომ RMG Gold-ს და RMG Cooper-ს რეკომენდაციებით მიმართა.
სამინისტრომ კომპანია RMG Copper-ს დაავალა დაუყოვნებლივ დაიწყოს ყველა შესაძლო ღონისძიების განხორციელება მდინარე კაზრეთულას დაბინძურებისაგან დაცვის მიზნით.

"კომპანიამ 2018 წლის 31 დეკემბრამდე მდინარე კაზრეთულაში უნდა აღკვეთოს საწარმოს მხრიდან ნებისმიერი დაბინძურება. როდესაც სამინისტრო შეამოწმებს ვალდებულების შესრულების მდგომარეობას, კაზრეთულას დაბინძურების ფაქტები არ უნდა ფიქსირდებოდეს. ეს არის მეტად მნიშვნელოვანი საკითხი, რომელიც ვფიქრობთ, რომ ამ ვადაში მიღწევადია. საუბარია 9 თვიან ვადაზე და ისეთ მასშტაბურ სამუშაოებზე, რაც ამ 9 თვიანი პერიოდისათვის ნამდვილად არ არის მარტივი საწარმოს ფართობისა და საქმიანობის მასშტაბების გათვალისწინებით. გარდა აღნიშნულისა, მდინარეების ფოლადაურისა დამაშავერას, დაბინძურების თავიდან აცილების მიზნით, შესაბამის დროში გაწერილ ვადებში, ორივე კომპანია ვალდებულია დაუყოვნებლივ დაიწყოს და ეტაპობრივად (2020 წლის 31 მარტამდე) აღკვეთოს კუდსაცავებიდან და ფუჭი ქანების სანაყაროებიდან ჩამდინარე წყლების შესაგროვებელი სადრენაჟო სისტემისა და გამწმენდი მოწყობილობის/ნაგებობების მონტაჟი.

ამ ვადების განსაზღვრისას გათვალისწინებული იქნა ასევე ის გარემოებაც, რომ გამწმენდი ნაგებობების მოსაწყობად აუცილებელია გარემოზე ზემოქმედების შეფასების პროცედურა, რასაც სულ მცირე 6 თვიანი ვადა სჭირდება. კომპანიები სამინისტროს წარმოუდგენენ გამწმენდი ნაგეგობების დეტალურ პროექტებს, რასაც ჩვენი გეოლოგები და ჰიდროლოგები ადგილზე შეისწავლიან, იმისათვის რომ ყველა სამომავლო წყლის დაბინძურების რისკი თავიდან იქნეს აცილებული.

კომპანიის მხრიდან ჩასატარებელი სამუშაოების მასშტაბი საკმაოდ დიდია, გამომდინარე ტერიტორიის სიდიდისა, თუმცა ამ შემთხვევაში, სამინისტროს მიდგომა იყომაქსიმალურად მკაცრი, რათა მოკლე ვადებში აღმოიფხვრას წყლის დაბინძურების პრობლემები რეგიონში. სამინისტროს მიერ დადგინდა გონივრული ვადები ყველა სხვა პირობის შესასრულებლად, რომელიც ძირითადად 2018-2020 წლებში გასატარებელ ღონისძიებებს მოიცავს. მათ შორის, კომპანიებმა დაუყოვნებლივ უნდა დაიწყონ და წლის ბოლომდე დაასრულონ წყლის საშხეფი სისტემების დამონტაჟება მადნის დამსხვრევისა და გადატანის პუნქტებზე, რომლებიც უზრუნველყოფს მტვრის ემისიების შემცირებას.

ექსპლუატაციის ეტაპზე მუდმივად უნდა უზრუნველყონ ცხელ და მშრალ ამინდებში ძირითადი სატრანსპორტო გზების პერიოდული მორწყვა, ამტვერიანების მინიმუმამდე შესამცირებლად", - წერია გარემოს დაცვისა და სოფლის მეურნეობის სამინისტროს რეკომენდაციაში.
დღეს პარლამენტში სოფლის მეურნეობის მინისტრს მოუსმინეს.  ლევან დავითაშვილის მოხსენების მთავარი თემა დაბა კაზრეთში გარემოს დაბინძურებასთან დაკავშირებული საკითხებია. საუბარია კომპანია RMG-ის მიერ ჩატარებულ სამუშაოებზე.

კანონმდებლები მინისტრისგან ისმენენ ინფორმაციას, თუ რა სამომავლო ნაბიჯების გადადგმას აპირებს უწყება იმისთვის, რომ გარემოსთვის მიყენებული ზიანი შემცირდეს და აღმოიფხვრას. ბოლნისსა და დმანისში აღებული სინჯების ანალიზის საფუძველზე დადგინდა, რომ მდინარე კაზრეთულა დიდი რაოდენობით შეიცავს ისეთ მავნე ელემენტებს, როგორებიცაა: კადმიუმი, ტყვია, სპილენძი, თუთია, რკინა, ნიკელი, მანგანუმი და დარიშხანი.
imedinews.ge

მეტის ნახვა
3-04-2018, 17:30


2006 წელს საქართველოში სოციალური დახმარების სახელმწიფო პროგრამა ამოქმედდა, რომლის მთავარი მიზანი ქვეყანაში სიღარიბის შემცირება გახლდათ. პროგრამის ამოქმედებიდან დღემდე საზოგადოებაში აზრთა სხვადასხვაობაა: ერთ ნაწილს მიაჩნია, რომ პროგრამა სიღარიბის დაძლევის კი არა, საარჩევნო ხმების მობილიზაციისთვის შეიქმნა, მეორე ნაწილი შეფასების სისტემას უსამართლობაზე საუბრობს, მესამე ნაწილი კი დარწმუნებულია, რომ პროგრამა ერის გაზარმაცებას და სახელმწიფო ბიუჯეტის განიავებას იწვევს.

რატომ არის აუცილებელი სოციალური დახმარების არსებული მოდელის შეცვლა, ამაზე დემოგრაფიული აღორძინების ფონდის თავმჯდომარე თამარ ჩიბურდანიძე გვიამბობს:

– დავიწყებ იმით, რომ თავის დროზე, სააკაშვილის ხელისუფლებამ სოციალური დახმარების პროექტი პოლიტიკური მიზნებისთვის შემოიტანა, რადგან ეს მათთვის ხალხზე მანიპულირების ძლიერი ბერკეტი იყო. იმ დროისთვის, ქვეყანაში დაახლოებით 700 000 პენსიონერი იყო და სოციალურად დაუცველთა რაოდენობას თუ დაამატებდნენ, საარჩევნო ხმები გარანტირებული ჰქონდათ. არავისთვის საიდუმლოს არ წარმოადგენს, რომ სტატუსს ძირითადად, ყოფილი ხელისუფლების მხარდამჭერები იღებდნენ. კონკრეტულ მაგალითს გეტყვით. აღმაშენებლის გამზირზე, იტალიურ ეზოში ნაციონალური მოძრაობის აქტივისტის ოჯახი სამ ბინას ფლობდა. აქედან ორი გაქირავებული ჰქონდათ და თვითონ სარდაფში ცხოვრობდნენ. ასეთ ოჯახს სოციალურად დაუცველის სტატუსი მიანიჭეს, როცა იმავე სახლში მცხოვრებ, ოპოზიციურად განწყობილ და უკიდურესად გაჭირვებულ ოჯახს სტატუსი არ აღირსეს. სოციალური დახმარებები პოლიტიკური მხარდაჭერისთვის დაწესებული საჩუქარი იყო და არავის ანაღვლებდა, რომ ბიუჯეტს, საიდანაც დახმარებები გაიცემა, ხელისუფლების მხარდაჭერი თუ ოპოზიციაში მყოფი ერთნაირად ავსებს. ეს სრული სიმახინჯე იყო და საბედნიეროდ, ასე აღარ ხდება. წარსულის ცუდი გამოცდილების გათვალისწინებით, „ქართული ოცნების“ მხარდამჭერებიც იგივეს ელოდნენ და ასე რომ არ მოხდა, ხელისუფლებას გაუნაწყენდნენ.
– სოციალური დახმარებების თემაზე ხელისუფლებასთან მხოლოდ მხარდამჭერებს კი არა, ნაციონალური მოძრაობის მომხრეებსაც პრეტენზიები აქვთ.
– ხელისუფლების მხარდამჭერი იქნება თუ ნაციონალური მოძრაობის, უსამართლოდ მინიჭებული სტატუსი ყველას უნდა მოეხსნას. ვაღიარებ, რომ ზოგიერთს სტატუსი უსამართლოდ მოუხსნეს, მაგრამ აღუდგინეს ან აღდგენას ელოდებიან. სტატუსის მინიჭება თუ მოხსნა ცალკე თემაა, თუმცა, ამჯერად მინდა თავად პროექტზე გიამბოთ. განვითარებულ ევროპულ ქვეყნებში, სადაც ანალოგიური პროექტები მოქმედებს, ეს დროებითი ღონისძიება გახლავთ. სოციალურად დაუცველის სტატუსს 5, 10 და 15 წლით კი არა, ხანმოკლე ვადით ანიჭებენ და შემდეგ ამ ადამიანის დასაქმებაზე სახელმწიფო ზრუნავს. წარმოიდგინეთ, ძალიან ძლიერი სახელმწიფოებიც კი ბიუჯეტის ყველა კაპიკს უფრთხილდებიან და თანხას ისე არ გასცემენ, რომ უკუგება არ მიიღონ. საქართველოში რა ხდება? 2013 წელს, სოციალური დახმარებების გაზრდას სოციალურად დაუცველთა რაოდენობა მკვეთრი ზრდა მოჰყვა. რა თქმა უნდა, ყველას არ ეხება, მაგრამ ზოგიერთი ჯანმრთელი და შრომისუნარიანი ადამიანი დახმარების მოხსნის შიშით არ მუშაობს. ამჟამად, თითქმის ნახევარი მილიონი სოციალურად დაუცველი ადამიანი გვყავს და კიდევ ერთი ამდენი სტატუსს ითხოვს. გამოდის, რომ ნახევარი მილიონი არ მუშაობს იმიტომ, რომ სოციალური დახმარება არ მოეხსნას და კიდევ ნახევარი მილიონი არ მუშაობს იმიტომ, რომ სტატუსი მიიღოს და შესაბამისი განცხადება დაწერილი აქვს.

— თუ სწორად გავიგე, სამუშაო ადგილები არის, მაგრამ ადამიანები მუშაობას თავს სოციალური შემწეობის გამო არიდებენ..

– მე არ ვამბობ, რომ ქვეყანაში გაჭირვება და პრობლემები არ არის, მაგრამ რაღაც ვაკანსიები მაინც არსებობს. სამი წელია, ჯანდაცვის სამინისტროს დასაქმების დეპარტამენტი ძირითადად, სოციალურად დაუცველებისთვის დასაქმების ფორუმს ატარებს, სადაც ვაკანსიებს აცხადებენ. საუბარი არ არის მაღალანაზღაურებად სამსახურებზე. ძირითადად, 300-დან 600 ლარამდე, ზოგჯერ კი 700 ლარიანი ვაკანსიებია. ორი წლის წინ, ფორუმზე 9000-მდე ვაკანსია გამოცხადდა, მაგრამ მხოლოდ 540 სამუშაოს მაძიებელი მივიდა და აქედან 112 დასაქმდა. წარმოიდგინეთ, 9000-მდე ვაკანსია იყო და მხოლოდ 112 ადამიანი დასაქმდა. სამწუხაროდ, ამ პროექტმა ხალხი ისე გააზარმაცა, რომ მუშაობის სურვილი აღარ აქვთ. ვიმეორებ, ყველას არ ეხება, მაგრამ ბევრს მუშაობას სახელმწიფოსგან მიღებული გარანტირებული შემოსავალი ურჩევნია. პირადად გადავამოწმე და დავრწმუნდი, რომ სოციალურად დაუცველების ნახევარზე მეტი შეფარულად მუშაობს და მათი შემოსავლები არსად აისახება. მოგეხსენებათ, რომ თუ ანგარიშზე დარიცხვები ექნებათ, შემწეობას დაკარგავენ, ხელზე გაცემულ თანხას კი ვერავინ აკონტროლებს. იცით, რაიონებში რა ხდება? ახალი კრიტერიუმების მიხედვით, თუ ოჯახს ჰექტრობით მიწის ნაკვეთი აქვს, სოციალურად დაუცველის სტატუსი არ ეკუთვნის, მაგრამ ბევრმა აქაც გამოსავალი ნახა — ვითომ მიწა გაყიდა, სინამდვილეში ნათესავებზე გადააფორმა და დღემდე სოციალურ დახმარებას იღებს. სოფლის მეურნეობის სამინისტრო უამრავ პროექტს ახორციელებს, ოთხი წელი ხვნა-თესვა საერთოდ უფასო იყო, მაგრამ ასეთებს სურვილი არ აქვთ, რომ მიწა დაამუშაონ და მოსავალი მოიწიონ. ურჩევნიათ, ისევ სახელმწიფოს მიადგნენ, სტატუსი მჭირდება და დამეხმარეო. სახელმწიფო ასეთ მდგომარეობას დიდხანს ვეღარ გაუძლებს. მით უმეტეს, რომ ქვეყანაში ერის დაბერების პროცესი ძალიან სწრაფი ტემპით მიმდინარეობს.

– იქნებ განგვიმარტოთ, ერის დაბერების პროცესი სოციალური დახმარებების მოცულობასთან რა კავშირშია?

– ერის დაბერება სიცოცხლის მოსალოდნელი ხანგრძლივობის გაზრდას ნიშნავს, რაც ძალიან კარგია და ჯანდაცვის პროექტების დამსახურება გახლავთ. ერის დაბერება ნიშნავს, რომ ქვეყანაში მოხუცებულთა რაოდენობა ბავშვების რაოდენობას რამდენჯერმე აჭარბებს. წარმოიდგინეთ, 60-იანი წლების საქართველოში ბავშვების რაოდენობა 700 000-ით აჭარბებდა მოხუცებულთა რაოდენობას, დღეს კი მოხუცებულთა რაოდენობა ბავშვებისას 120 000-ით აჭარბებს. სულ რაღაც 10–15 წელიწადში ხანდაზმულთა რაოდენობა ქვეყნის მოსახლეობის 33% გახდება, რადგან 60-იან წლებში დაბადებული მილიონნახევარი ადამიანი საპენსიო ასაკს მიაღწევს. ერის დაბერებამ ისეთ განვითარებულ ქვეყანასაც კი შეუქმნა პრობლემები, როგორიც იაპონიაა და ბუნებრივია, საქართველოსაც პრობლემებს შეუქმნის. შობადობის კლების ფონზე, ქვეყნიდან გადის მწარმოებელი ფენა, რომელიც პროდუქტს ქმნის და ბიუჯეტში ფული შეაქვს. ამავე დროს, სახელმწიფო ბიუჯეტიდან, რომელსაც მოხუცები და ბავშვებიც შესანახი ჰყავს, მილიარდობით ლარი სოციალურ დახმარებებში გაედინება. გამოდის, რომ სახელმწიფო მუდმივად გასცემს და ძალიან ცოტას იღებს, რადგან ქვეყანაში მწარმოებელი ფენა ცოტა დარჩა. ასეთ დარტყმას ვერც ერთი, თუნდაც ძალიან ძლიერი ქვეყნის ბიუჯეტი ვერ გაუძლებს და ხერხემალში გადატყდება.

— თქვენი აზრით, რა არის საჭირო, რომ სოციალური დახმარების დღეს არსებული მოდელი უფრო ეფექტური მოდელით შეიცვალოს?

— ჩემი აზრით, სოციალურად დაუცველის სტატუსის პროექტი მთლიანად მიზნობრივ პროექტებზე უნდა გადაეწყოს. ქვეყანა უდიდესი დემოგრაფიული პრობლემის წინაშე დგას და ჩვენ კაპიკებს ვეძებთ, რომ მრავალშვილიანებს დავეხმაროთ და შობადობა წავახალისოთ. დაფინანსდა რაღაც ინიციატივები და გარკვეული წინსვლა გვაქვს, მაგრამ მაინც უამრავი პრობლემაა. ამიტომ ვამბობ, რომ უნდა გაიზარდოს საბაზისო პენსია, შეზღუდული შესაძლებლობების მქონე პირების დახმარება, სათანადოდ დაფინანსდეს დემოგრაფიული ინიციატივები და ა.შ. ხოლო სოციალური დახმარებები საზღვარგარეთის ქვეყნების მსგავსად, მხოლოდ მოხუცებს და არაქმედითუნარიანებს უნდა დაუტოვონ. მოსახლეობის საპროტესტო ტალღის ყველა ხელისუფლებას ეშინია, მაგრამ ეს ყველაფერი სახელმწიფოს აზიანებს. არ ვამბობ, რომ ეს აუცილებლად დღეს ან ხვალ უნდა მოხდეს, მაგრამ შეიძლება გარდამავალი ეტაპი მომზადდეს, რომ სახელმწიფომ მოქალაქეს ვაკანსია შესთავაზოს. დასაქმება ნებაყოფლობითი კი არა, სავალდებულო უნდა იყოს, როგორც ყველა ქვეყანაშია.

– სოციალურად დაუცველს სტატუსი დასაქმებისთანავე შეუწყდება?


– დასაქმების შემთხვევაში, სოციალურად დაუცველს სტატუსი და შესაბამისად, შემწეობა რამდენიმე თვე უნარჩუნდება. ზემოთ ჩამოთვლილის გარდა, დღეს მოქმედ პროექტს სხვა ნეგატიური მხარეებიც აქვს. შემწეობის მოხსნის შიშით, ხალხს სახლში ტელევიზორი და კომპიუტერი არ ჰქონდა. მსოფლიო ვითარდება და ჩვენთან ბავშვებს ტელევიზორი და კომპიუტერი არ ჰქონდათ ნანახი.

– როგორც ვიცი, 2015 წლიდან ქვეყანაში სოციალურად დაუცველთა სარეიტინგო ქულების გამოსათვლელად ახალი მეთოდოლოგია ამოქმედდა, რომლის მიხედვით, საყოფაცხოვრებო ნივთები და ტექნიკა ფუფუნებად აღარ ითვლება და სარეიტინგო ქულების რაოდენობაზე გავლენას აღარ ახდენს.

– დიახ, ახლა ტელევიზორისა და კომპიუტერის გამო, სტატუსს აღარ ართმევენ, მაგრამ სხვა პრობლემებს ასე ადვილად არ ეშველება.. ძალიან ბევრი ოჯახი ვიცი, სადაც შვილებს მაღალი შემოსავალი აქვთ და მშობლები სოციალურად დაუცველის სტატუსს იღებენ და ეს ბიუჯეტიდან ფუჭად გაღებული ფულია. ოფიციალურად, კანონი შვილს მშობლის რჩენას არ ავალდებულებს, მაგრამ თუ ჩვენი მორალი, კულტურა და ტრადიციები იქამდე დავიდა, რომ კანონის მოთხოვნის გარეშე, მშობლის მოვლა აღარ გვინდა, მაშინ ეს ქვეყანა საქართველო აღარ ყოფილა. ამჟამად, ხანდაზმულებისთვის სტატუსის მინიჭების დროს, შვილების შემოსავლები არ აღირიცხება, მაგრამ ჩემი აზრით, ასე არ უნდა იყოს. ჩემი აზრით, სტატუსის მინიჭების დროს მხოლოდ ხანდაზმული მშობლების კი არა, მათი შვილების ქონებრივი მდგომარეობის აღწერაც უნდა მოხდეს.

– ამა თუ იმ მიზეზის გამო, შვილს თუ ხანდაზმული მშობლის რჩენა არ სურს?


– მაშინ მშობელზე და მის სახელზე არსებულ ქონებაზე უარი უნდა თქვას და მე მომხრე ვარ, რომ ეს კანონმდებლობაში ჩაიწეროს. საუბრის ბოლოს გეტყვით, რომ სანამ ეს პროექტი დღევანდელი ფორმით არსებობს, სანამ სახელმწიფო ყოველწლიურად, მილიარდებს ყრის და ამ მილიარდების მნიშვნელოვანი ნაწილი ზარმაც ადამიანებთან მიდის, როგორი ეკონომიკური წინსვლაც არ უნდა გვქონდეს, სახელმწიფო წინ ვერ წავა და დროა, ამ ვითარების შეცვლაზე ვიფიქროთ.

ნელი თორდია

მეტის ნახვა
3-04-2018, 16:30


კეშას ბლოგი
----------------------

რამდენ ბანაკად დაიყო საქალეთი: ფემინისტები, პარლამენტარები, პარლამენტში ქვოტის მომხრენი, ძალადობის მსხვერპლი ქალები, ქალების მოძულე ქალები, ქალების მოყვარული ქალები, პრადვინუწი ქალები, მეოჯახე ქალები.
რა დროს ფემინიზმია: ისედაც იმდენ მოვალეობას ვიღებთ ქალები საკუთარ თავზე, არ გვყოფნის? კიდევ უფრო ძლიერი სქესი გვინდა ვიყოთ? სადღა უნდა გავძლიერდეთ, როგორღა გავძლიერდეთ. რა თანასწორნი, რატომ უნდა დავაჭედო კედელზე თარო, თუ სახლში კაცია - მით უფრო, რომ ლურმნისა და ჩაქუჩის ხელში დაჭერისთანავე, უკვე რამდენიმე დაზიანება მაქვს თითებზე. რატო რა, ბაზრიდან თუ ჩანთას წამომიღებს მამაკაცი - წინააღმდეგი უნდა ვიყო?

არაფერი შეგეშალოთ, ფემინისტს ქალებს, სულაც არ კლავთ ლურსმნის დაჭედების სურვილი. არც გათანაბრება უნდათ - მეტი სჭირდებათ - მამაკაცის როლის გაუქმება და უფუნქციო მამაკაცი უნდათ - მონა სჭირდებათ - სასურველია დაკოდილი მონა, ენით დაკოდილი კი არა, მართლა დაკოდილი.
აბა, დააკვირდით, როგორი ქალები გამოდიან ფემინიზმის მოთხოვნით - ნახევარქალები, ძალადქალები, ქალ-კაცა ქალები - ხოდა, მაგათ ისედაც არაფერში სჭირდებათ მამაკაცი და ჩვენს წილ მამაკაცებს თავად მივხედავთ, დაგვაცადონ, ბატონო.

ჩემს წილ მამაკაცს - მინდა ელექტროენერგიის ქვითარს გავატან, მინდა სასიყვარულო ბარათს, ჩემს წილ მამაკაცს მინდა ლურსმნის დაჭედებას მოვთხოვ, მინდა სხვა რაღაცის დაჭედებას, მინდა ტოლმას შევუკაზმავ. რატომ მიტოვებენ ჩემს წილ მამაკაცს უფუნქციოდ, რატომ უნდათ ჩემი წილი მამაკაცის დაკოდვა?

რამდენი მამაკაციც არ უნდა დამიტოვონ უფუნქციოდ - მაინც არ გავიხედავ ქალისკენ - ჩემი წილი მკერდიც მეყოფა!
ძალად პრადვინუწი ქალებიც ოხრად გვყავს - აი, ძლიერი ქალი ვარ მე, ყველაფერს ჩემით მივაღწიე, მანქანა ჩემით ვიყიდე, სამსახურში ჩემით მოვეწყვე - მაგრამ, მეგობარი კაცის სახელს ვერ ვიტყვი, ცნობილი ადამიანია და არ მინდა ჯერ ვთქვა... არ უნდა, რომ ვთქვა...
ცნობილი და მდიდარი ადამიანის ხარჭა თუ ვიქნები - რატომ ვერ ვიყიდი მანქანას და ბაითს, რატომ ვერ ვიქნები ძლიერი.
ახლა გაპარლამენტარებული ქალები - გეხვეწებით რა - ქართველი პარლამენტარი, გინდა კაცი და გინდა ქალი, მხოლოდ ორჯერაა გამოსადეგი - არჩევნების წინ, როცა ხმები უნდა და პარლამენტარობის ბოლოს - როცა ახსენდება, რომ ვადა გასდის და ხმები ისევ დასჭირდება.
დანარჩენ დროს კანონის, კონსტიტუციის და ერთმანეთის ჭამაში ატარებენ - ხოდა, ქალი დაღეჭავს და მოინელებს კანონს, კონსტიტუციას და პარლამენტარის ხელფასს, თუ კაცი - ჩემთვის ერთი ჯანდაბაა.

თუმცა, ასეც რომ არ იყოს, იყარა კენჭი რომელიმე ჭკვიანმა და კარგმა ქალმა არჩევნებში და სქესის გამო, ვერ გაიმარჯვა?
თქვენ კი ვერ აღიქვამთ, მაგრამ ქალია იუსტიციის მინისტრიც - რამდენი წელი ინარჩუნებს თანამდებობას, აბა?
გამოდით, რამდენს გინდათ, პარლამენტარობა - დაგთვალოთ.

რა ქვოტა და რა ნახევარ-ნახევარი - ყველა უნდა დაწყვილდეთ? ქალზე კაცი უნდა გამოვიდეს? თუ, კაცზე ქალი?
შნაპსის წაღება არ დაგავიწყდეთ, მერე სამსახურში. რავი, 90-იანებში ორი ბიჭი თუ შნაპსს იშოვიდა - ეგრევე ორი გოგოს ძებნას იწყებდა და რაკი თქვენც წყვილდებით - ვიფიქრე დაგჭირდებოდათ. რავა ტყუილად აკრძალეთ ბუსუებიანი პრეზერვატივები.

ქალები გვინდა პარლამენტშიო. რავიცი, წინასაარჩევნოდ ზოგმა პარტიამ, ნახევარქალები და კაც-ქალები წარმოგვიდგინეთ კანდიდატებად და ეგაა ქალები პარლამენტში?

ძალადობის მსხვერპლი ქალები გვყავს კიდევ ბევრნი. ცალსახად ვემიჯნები ძალადობას. თუ ვინმეზე ძალა იხმარეს - აუცილებლად უნდა გაასაჯაროოს, უნდა უჩივლოს, უნდა დაუმტკიცოს - დახმარებაც უნდა ითხოვოს, თუ მარტოს გაუჭირდება გამკლავება.
მაგრამ, უფრომა თვალი ჩამიკრა, უფროსმა მიჩქმიტა, უფროსმა ყავაზე დამპატიჟა - რა უწუ-ბუწუებია.
ბავშვობაში ბიჭი თუ თვალს ჩამიკრავდა - ენას ვუყოფდი და ვეჯღანებოდი - სინჯეთ თქვენც - იქნება და გაამართლოს.
14 წლის გახდება მალე ჩემი ბიჭი - ხშირ-ხშირად ვეკითხები: ყავს თუ არა შეყვარებული. სიხარულით ველოდები, როდის ჩაუკრავს თვალს გოგოებს, როდის დაპატიჟებს ყავაზე - ხომ არ დაგიჟდით თქვენ.
ეს როგორაა იცით? ვიღაცის ჩაკრული თვალი მოსწონთ, ვიღაცის - არა. ვიღაცის ხარჭობა უნდათ, ვიღაცის - არა. და იმ ვიღაცა უფულომ, ვისი ჩაკრული თვალიც არ მოსწონთ - მთელი ცხოვრება თვალებდაქაჩულმა უნდა იაროს - არიქა, თვალის ჩაკვრა არ მოეჩვენოთ და არაფერი დამწამონო?
ორი ირანელი გოგო დასახლდა ჩემს მეზობლად პლეხანოვზე - სამი დღე იცხოვრეს ზუსტად - იმ სამ დღეში ბოიფრეენდები გაიჩინეს და იმათ ბინებში გადავიდნენ საცხოვრებლად. ასეთი ბოიფრენდები იქაც გვყავს ირანშიო. ქმარი რა ჯანდაბად გვინდა - აქოთებული წინდები უნდა ვურეცხოთ და ხან ლანჩს მოგთხოვენ, ხან ყავას და ჩაის, ახლა კი, მე თავად ვთხოვ ამას: - სადაა ჩემი ლანჩი, სადაა ჩემი ყავა, სადაა ჩემი სექსი...
რავიცი აბა, სადაა ჩემი ლანჩი, სადაა ჩემი ყავა, სადაა ჩემი სექსი... - გაბნეულია სადღაც კოსმოსში.

მარტო ჩემს წინდებს ვრეცხავ ჩემს პატარა საკანში:

„ის საკანია,
როცა მარტო ვარ,
სახლად იქცევა,
როცა ორნი ვართ“.

განა ცხოვრება ლანჩი, სექსი და ყავაა? განა ცხოვრება მანქანა და ბაითია? სიცოცხლის ბოლო წუთებში მხოლოდ ბედნიერი წუთები და ლამაზი ემოციები გახსენდება ადამიანს, სიცოცხლის ბოლომდე, მხოლოდ ახლობელი ადამიანები მოგყვება, გინდ ფიზიკურად, გინდ სულიერად.
თუ თანამედროვე ცხოვრება ლანჩისთვის, ყავისთვის, მანქანისთვის სექსია, თუ თანამედროვე ცხოვრებაში ბიჭმა გოგოს თვალი არ უნდა ჩაუკრას და ყვავილები არ უნდა აჩუქოს, თუ თანამედროვე ცხოვრებაში ზემოდანაც და ქვემოდანაც ქალი უნდა იყოს და სანთელი დაკოდილ, ენით კი არა, მართლა დაკოდილ კაცს უნდა ეჭიროს - იყოს, ჩავრჩები მე აქ - ძველში, გაცრეცილში.
კიდევ ხარჭობა და ქალ-კაცობა გვინდა ჩვენ? რას მარგია მე - ირანელის და თურქის წახედულობა - ეგენი ათასჯერ ჩემზე მეტნი არიან მაინც. ეს მე ვარ დარჩენილი ორი კინკილა, ეს მე მემუქრება გადაშენება.
მოკლედ, ქალი მინდა ქალად, კაცი - კაცად, ბავშვი - ბავშვად, მოხუცი - მოხუცად. ოჯახი მინდა - ქალი და კაცის, ოჯახი მინდა ბავშვით და მოხუცით. ხოდა, იკაცეთ და იქალეთ, ძალად კი არა, მიბაძვით კი არა, ხარჭად კი არა, შიშით კი არა, მონად კი არა - მართლა და გულით!
და თუ არ არის მოდაში დღეს კაცს - კაცი ერქვას და ქალს - ქალი - დაე, ვიყოთ გოიმები.
აჰა, გოიმი ვარ მე და მშვენივრად ვგძნობ თავს!

გოიმი ვარ და მჯერა:

„ამ გზით თუ წახვალ -
მზეს შეეყრები,
იმ გზაზე -
სახლი უდგას იუდას“.

მეტის ნახვა
2-04-2018, 22:00


გვესაუბრება მოძრაობა "ქართული მარშის" ერთ-ერთი ლიდერი რამაზ გაგნიძე.

ტელეკომპანია "რუსთავი 2"-ის ოფისთან მისული ჩვენი ორგანიზაციის წევრები, რომლებიც ე.წ. ჟურნალისტის გიორგი გაბუნიასგან ქრისტეს შეურაცხყოფისთვის ბოდიშის მოხდას ითხოვდნენ, ლიბერასტული სამყაროს დაკვეთით დააკავეს და სააკაშვილის ზონდერმოსამართლედ წოდებულმა დავით კურტანიძემ ექვს მათგანს ორთვიანი წინასწარი პატიმრობა შეუფარდა. ის ბრალდება, რაც მათ წაუყენეს, 2000-ლარიან ჯარიმას და 30-დან 90 დღემდე ადმინისტრაციულ პატიმრობასაც ითვალისწინებს, მაგრამ ინციდენტს სისხლის სამართლის კვალიფიკაცია მისცეს. თურმე ეს ხულიგნური ჯგუფი, რომლებმაც წინასწარ მოილაპარაკეს და დაგეგმეს "დანაშაული". თუ ბოდიშის მოხდის მოთხოვნა და გინება სისხლის სამართლის დანაშაულია, რომლისთვისაც ხალხს ციხეში უშვებენ. მაშინ რატომ არ დადგა სხვების, მათ შორის პოლიტიკოსების პასუხისმგებლობის საკითხი? იგივე მელია სიტყვიერ და ფიზიკურ შეურაცხყოფას აყენებს ხალხს, ზუგდიდისა და თელავის საკრებულოებში, აგინეს კი არა, ცხვირ-პირი დაამტვრიეს ერთმანეთს, მაგრამ კაციშვილი არ დაუკავებიათ. შეიძლება ჩვენმა წარმომადგენლებმა მართლაც ჩაიდინეს წვრილმანი ხულიგნობა, დაესაჯათ ადმინისტრაციული წესით, ეს ბრალი 100-დან 500 ლარამდე ჯარიმას გულისხმობს. გაბუნიასთვის არავის უცემია, რომელიც ჟესტების ენით იქით აყენებდა შეურაცხყოფას იქ მისულ ხალხს.

დაკავებულთაგან ორს ბრალი დაუმძიმეს, სხვისი ნივთის განზრახ დაზიანების ბრალდებაც წაუყენეს. თურმე მათ დაუმტვრევიათ ტელეკომპანიის იურისტის ავტომანქანა და ზარალი 550 ლარს უტოლდება, არადა უმნიშვნელო დაზიანება იყო, რომლის გამოსწორებასაც მაქსიმუმ 150 ლარი ჭირდება. ზარალი ხელოვნურად გაბერეს, რომ სს-ის საქმე აღეძრათ. იმას რატომ არ ამბობენ, რომ იურისტმა თამთა მურადაშვილმა ავტომანქანით ფეხებზე გადაუარა ტელეკომპანიის ეზოს მიმდებარე ტერიტორიაზე შეკრებილ აქციის მონაწილეებს. მე მოსამართლე კურტანიძის კომპეტენციაში არ ვიჭრები, მაგრამ იქნებ ვინმემ ამიხსნას, რას ნიშნავს წინასწარ დაგეგმილი ხულიგნობა, იურისპრუდენცია ასეთ ცნებას არ ცნობს, ასე რომ ეს თავიდან ბოლომდე არასწორი ბრალდებაა. ვფიქრობ, ეს იყო "რუსთავი 2"-ის მხრიდან წინასწარ დაგეგმილი პროვოკაცია. ჩვენი ორგანიზაციის ახალგაზრდულმა ფრთამ ფეისბუქით გაავრცელა ინფორმაცია, რომ "რუსთავი 2"-ის ოფისთან ვიკრიბებოდით დათქმულ დროს, რათა გაბუნიასთვის ბოდიში მოგვეხდევინებინა. ამ ინფორმაციებს ცხადია, ყველა კითხულობს. აქციის მონაწილეები დათქმულ დროს მივიდნენ ადგილზე, მურადაშვილის ავტომანქანა მათ უკვე ჭიშკართან ხვდება სადაც გაბუნიაც ზის, მურადაშვილი უცებ გამოვარდა და ფეზებზე გადაუარა რამდენიმე ადამიანს და ამის შემდეგ დაიწყო აყალმაყალი. ამ დროს ეზოდან გამოცვივდნენ ათამდე ზონდერი, ბადრი ბასიშვილის ცნობილი დაჯგუფების წევრები, რომლებიც დღემდე "რუსთავი 2"-ის დაცვის არაოფიციალური წევრები არიან. ამ ფიზიკურად ძლიერ, ნავარჯიშებ ახალგაზრდებს, რომლებიც გაბუნიას მსგავსად საყურეებით იყვნენ "შემკულნი", "ქართული მარშის" ახალგაზრდული ფრთის წევრებთან მოუვიდათ წაკამათება და ფიზიკური შეხლა-შემოხლა.

ეს ყველაფერი დაფიქსირებულია ვიდეოკადრებშიც და ფოტოებზეც, ასე რომ ამ ზონდერჯგუფის ამოცნობა პრობლემას არ წარმოადგენს. კურიოზი ისაა, რომ ტელევიზიის კორესპონდენტი იღებდა იმ ადგილს, რომ თითქოს აქციის მონაწილეები მურადაშვილის ავტომანქანას უკნიდან აყირავებდნენ, ავტომანქანა შეიძლება გვერდიდან გადააბრუნო და არა უკანიდან. ყველა ტელევიზია სისტემატურ რეჟიმში ატრიალებდა ზონდერჟურნალისტ დავით ერაძის ("რუსთავი 2" ტელევიზია კი არა, ზონდერჟურნალისტების ნაკრებია) დასისხლიანებულ სახეს, მაგრამ არავინ ამბობს ამას წინ რა უძღვოდა. ვიდეოკადრებში კარგად ჩანს, ერაძეს როგორ გაყავს ჩვენი წევრი გიორგი ონიანი გვერდით, ეკამათება და მერე ურტყამს. რახან ონიანს ცხვირიდან სისხლი არ წამოუვიდა, ნაცემი არ არის და ონიანმა საპასუხოდ რომ დაარტყა, მარტო ეს ითვლება ხულიგნობად? სასამართლოში ამ ყველაფერზე იყო მსჯელობა, როგორ შევარდა მურადაშვილი ავტომანქანით ადამიანების ჯგუფში, ცინიკურად როგორ იწვევდა გაბუნია აქციის მონაწილეებს, როგორ დაგვესხნენ თავს მათი ზონდერები, მაგრამ პროკურორმა და მოსამართლემ სიტყვა არ გვათქმევინეს, პროკურორმა, რომლის გვარიც აღარ მახსოვს, არცერთ კითხვაზე პასუხი არ გაგვცა. ეს პროკურორი ცნობილია, როგორც სოროსის ლიბერასტული ფრთის წარმომადგენელი, "შემოგდებული" პროკურორია, მოსამართლეზეც მოგახსენეთ, ნაცების ზონდერ მოსამართლე იყო და თავისას არც ახლა იშლის, ის შერჩევითი სამართალი, რაც ნაცრეჟიმის დროს იყო გამეფებული, კვლავ მოქმედებს და ისევ ნაცების და მათი სატელიტების სასარგებლოდ. "ქართულმა ოცნებამ" თავის დროზე პოლიტპატიმრებად გამოაცხადა და ბოდიში მოუხადა იმ რვა ადამიანს, რომელიც ნაცების მმართველობისას ტელეკომპანია "კავკასიის" ღია ეთერში ქრისტეს სიყვარულის გამო დაიჭირეს და გისოსებს მიღმა გამოამწყვდიეს, მოქმედმა ხელისუფლებამ ახლა იგივე გაიმეორა, თვითონ უკვე შვიდი პოლიტპატიმარი ჰყავს. დიდი აჟიოტაჟით მიღებული ანტიდისკრიმინაციული კანონი, მხოლოდ სოროსულ-ლიბერასტული ფრთის, ქრისტეს მაგინებლების ინტერესების დაცვას მოარგეს, ფაქტია, ქრისტიან-მართლმადიდებლების უფლებები როცა ილახება, არ მოქმედებს.

– არ ფიქრობთ, რომ თქვენ საქართველოს ხელისუფლება კი არა, გლობალიზაციის მონსტრი გიპირისპირდებათ ამ "ძალადმაცხონე" გვარამიას და მისი დამქაშების ხელით?


– გეთანხმებით, მაგრამ ევროპაში არ არის ასეთი კატასტროფული მდგომარეობა, ათამდე ქვეყანას გლობალისტ-მასონები ვერაფერს აკლებენ. საპატრიარქომ განცხადება გაავრცელა, რაც გარკვეულწილად ბუნდოვანი იყო, მოგეხსენებათ, ეკლესიაშიც მრავლად არიან ლიბერასტული ფრთის წარმომადგენლები, რომლებიც პატრიარქს ღალატობდნენ და სულიერებისგან შორს დგანან. მთავრობასთან იმიტომ მაქვს პრეტენზია, რომ არ შეიძლება გარე ძალებს მუდმივად თავი დაუხარო და მათი "დირექტივებით" იმოქმედო, პოლიციამ ლამის ერთი-ერთში გაიმეორა ნაციონალებისდროინდელი პოლიციის "სპეცოპერაციები". ბასიშვილის ზონდერებმა ტვინის შერყევა მიაყენეს მიხეილ ამისულაშვილს, ირაკლი დოლენჯაშვილს, ლადო სადღობელაშვილს და სხვებს, საქმეში დევს ეს სამედიცინო დასკვნები, მაგრამ პროკურატურა-მართლმსაჯულებას ამისთვის ყურადღება არ მიუქცევია. აქციის მონაწილეები ზოგი საავადმყოფოში დააკავეს, ზოგიც ოფისებში, სადაც პოლიციამ კარი შეამტვრია. ინციდენტის დროს სანდრო ბრეგაძე იქ საერთოდ არ ყოფილა, ჩვენ სხვადასხვა ავტომანქანებით ვმოძრაობდით, "საცობში" მოვხვდით და ლამის ორი საათის დაგვიანებით მივედით. სანდრო პოლიციამ დააკავა, მოგვიანებით, როცა საავადმყოფოდან გამოვიდა მაშინ უთხრეს, მოწმის სტატუსით უნდა დაგკითხოთო. როდის იყო მოწმეებს აკავებდნენ, შეტყობინება გაუგზავნეს და უარი თქვა ჩვენების მიცემაზე? ვაკე-საბურთალოს კრიმინალური პოლიციის თანამშრომლებმა დააკავეს, რომლებსაც ფორმა არ ეცვათ და არც შესაბამისი მოწმობები წარუდგენიათ. პოლიციის შენობაში არ უცემიათ, მაგრამ დაკავების დროს სანდროს თავი მიარტყმევინეს და ზედა ტანსაცმელი შემოახიეს, მცირე სილურჯის კვალი ეტყობოდა, ჩაატარონ სამედიცინო, ბიოლოგიური თუ ქიმიური ექსპერტიზები, რაც უკვე მოვითხოვეთ და დამტკიცდება, რომ სანდრო ძალის გამოყენებით დააკავეს.

ნერვიულობის დროს გულყრები ეწყება, დაკავების დროს ცუდად გახდა, მაღალი წნევაც ჰქონდა, პოლიციაში პატარა, უჰაერო ოთახში გამოკეტეს და ცუდად რომ გახდა, კარს არ უღებდნენ ჰაერი რომ შესულიყო. ადამიანის წამება მარტო ცემა, ფეხებით დაკიდება, ხელების მაგიდის უჯრაში მოყოლება არ არის, რასაც ნაციონალები აკეთებდნენ. ცუდად მყოფ ადამიანს საათზე მეტ ხანს უჰაეროდ რომ გამოკეტავ, ხომ შეიძლება დაიღუპოს, შველას რომ გთხოვს და ექიმს არ გამოუძახებ, ესეც წამებაა, რასაც ევროკონვენციის შესაბამისი მუხლიც ითვალისწინებს. არც ამ ფაქტებს მიაქცია ყურადღება მოსამართლემ. მელორ ვაჩნაძე სანდროს სანახავად იყო მისული საავადმყოფოში, როცა დააკავეს. პალატიდან გამოსულს დახვდა ბადრაგი, რატომ შეხვედიო, ცემით დამუქრებიან, შეკამათების დროს მელორს ტელეფონი ამოუღია და იღებდა, რამაც პოლიციელები გააღიზიანა, ლიფტში შეუყვანიათ და იქ უცემიათ. ნაციონალები ვინც არიან კარგად ვიცი, მე 'ქართული ოცნების" იმ წარმომადგენლებისგან მწყინს დაპატიმრებული ადამიანების დაცინვა-ღლიცინი, ვისთან ერთადაც წლების განმავლობაში ვიბრძოდით ნაციონალების წინააღმდეგ.

მანანა სუხიშვილი

მეტის ნახვა
2-04-2018, 22:00


ვაგრძელებთ საუბარს ამერიკის ფარმაკოგნოზიის საზოგადოებისა და საერთაშორისო საინჟინრო აკადემიის ნამდვილ წევრთან, პროფესორ რამაზ გახოკიძესთან. ამჯერად, ბატონი რამაზი "საერთო გაზეთის" მკითხველს შოკოლადის სამკურნალო თვისებებზე მოუთხრობს. ასევე, გავიგებთ რა სასარგებლო და მავნე თვისებები აქვს ყავას:

მუქი შოკოლადი - მოციმციმე არითმიის  რისისგან და თრომბის წარმოქმნისგან დაგიცავთ!

შოკოლადი დიდი რაოდენობით შეიცავს კოფეინს, თეობრომინს და ანტიოქსიდანტებს, რომლებიც ორგანიზმს სტრესთან და გარემოს გაბინძურებასთან საბრძოლველად ეხმარება, დადებითად მოქმედებს გულსისხლძარღვთა სისტემაზე, უხდება ხველებას, აფერხებს კიბოს განვითარებას. შოკოლადი შეიცავს ფენილეთილამინს, რომელიც ბუნებრივი ანტიდეპრესანტია, ასევე, კრიპტოფანს, რომელიც იწვევს ტვინში სეროტონინის – "ბედნიერების ჰორმონის" გამომუშავებას, რაც ამაღლებს გუნება-განწყობილებას და ლიბიდოს. ეს ნივთიერებები ორგანიზმში ბუნებრივადაც გამოიყოფა, როცა ადამიანი ბედნიერი ან შეყვარებულია. შოკოლადის სახეობებიდან ჯანმრთელობისთვის განსაკუთრებით სასარგებლოა მუქი ანუ მწარე შოკოლადი.

შოკოლადი ასევე, ხელს უწყობს ორგანიზმში აზოტის ოქსიდის გამომუშავებას, რომელიც სისხლძარღვთა გაფართოებას იწვევს და შესაბამისად, არტერიული წნევის შემცირებას. შოკოლადის რეგულარულად მიღება 40%-მდე ამცირებს გულის დაავადებათა რისკს. არსებობს მონაცემები, რომ შოკოლადი მოციმციმე არითმიის რისკსაც ამცირებს. მუქი შოკოლადი ასევე, დიაბეტის საწინააღმდეგო პროფილაქტიკური საშუალებაა. მუქ შოკოლადს დაბალი გლიკემიური ინდექსი აქვს, არ იწვევს სისხლში შაქრის დონის მატებას და ხელს უწყობს სისხლში შაქრის უკეთ შეთვისებას. მუქი შოკოლადის მიღება დიაბეტის საწინააღმდეგო პროფილაქტიკური საშუალებაა. შოკოლადი ხელს უწყობს აზროვნების განვითარებას. მუქ შოკოლადში შემავალი ფლავონოიდები აფართოებს სისხლძარღვებს და ხელს უწყობს ტვინის ძირითადი უბნების სისხლის მიმოქცევის გაუმჯობესებას. ეს კი, თავის მხრივ, ასტიმულირებს ტვინის მუშაობას, ამაღლებს ყურადღებას და კონცენტრაციის უნარს. მუქი შოკოლადი ასევე, აუმჯობესებს ტვინის მუშაობას ძილის უკმარისობის დროს.

გსურთ სიცოცხლის გახანგრძლივება?  მიირთვით შოკოლადი.

შოკოლადი ხელს უწყობს სიცოცხლის ხანგრძლივობის გაზრდას და აფერხებს სიბერის ჭკუასუსტობას. მას ზომიერად თუ მიირთმევთ, წონის დაკლებაშიც დაგეხმარებათ. მუქი შოკოლადი დიდი ხნით აცხრობს სიტკბოსადმი მიდრეკილებას და საკვების მიღების სურვილს. შიმშილის მოსაკლავად საკმარისია 10გრ მუქი შოკოლადის მიღება. ჰელსინკის უნივერსიტეტში დაადგინეს, რომ ფეხმძიმე ქალებს, რომლებიც რეგულარულად იღებენ შოკოლადს, ჯანმრთელი ბავშვები უჩნდებათ. მუქმა შოკოლადმა შეიძლება ზიანი მიაყენოს ადამიანის ორგანიზმს მისი ჭარბი რაოდენობით მიღების შემთხვევაში, რამაც შესაძლოა გამოიწვიოს სიმსუქნე და შაქრიანი დიაბეტიც კი. მუქმა შოკოლადმა ასევე, შეიძლება გამოიწვიოს ალერგია. მისი მიღება არ შეიძლება სამ წლამდე ბავშვებისთვის.

რა საფრთხეს შეიცავს შოკოლადში შემავალი ტოქსიკური ნივთიერება ბენზპირენი?

ბენზპირენი წარმოიქმნება ნავთობის, ნახშირის, ნაგვის დაწვისას, შედის ძრავების გამონაბოლქვ გაზებში, თამბაქოს ბოლში, ჭვარტლში. არაკეთილსინდისიერი მეწარმეები ხშირად მუქ შოკოლადს ე.წ. კაკაოველას – კაკაოს პარკების გადამუშავების ნარჩენს, ჩენჩოს უმატებენ, რასაც ეტიკეტზე არ უთითებენ. ეს კი შოკოლადის ხარისხს აქვეითებს. ჩენჩოსთან ერთად შოკოლადი შეიძლება შეიცავდეს ნიადაგიდან მოხვედრილ ტოქსიკურ მძიმე მეტალებს – ტყვიას და კადმიუმს, რომლებიც ადამიანის ორგანიზმში გროვდება და აზიანებს ნერვულ სისტემას, სისხლის უჯრედებს, ძვლებს და შინაგან ორგანოებს.

– ბატონო რამაზ, შოკოლადთან ყავა განუყოფელი ატრიბუტია. მის სარგებლიანობაზე რას იტყვით?

– ყავის ყველაზე აქტიურ კომპონენტს კოფეინი წარმოადგენს, რომელიც ცენტრალური ნერვული სისტემის სტიმულატორია. სწორედ მასთან არის დაკავშირებული ყავის სარგებლობაც და ზიანიც. ინგლისელი მედიკოსების აზრით, კოფეინი ადამიანისთვის აუცილებელია. იგი ხსნის კუნთების ტკივილს. რაციონიდან კოფეინის შემცველი პროდუქტების (ყავა, ჩაი, შოკოლადი) გამორიცხვით იზრდება თავის ტკივილისა და ნევროზების ალბათობა. ადამიანმა შეიძლება მიიღოს კოფეინის ის რაოდენობა, რომელსაც შეიცავს ორი ფინჯანი ყავა, სამი ფინჯანი ჩაი ან ნახევარი ფილა შავი შოკოლადი. ყავის მოქმედება ადამიანის ორგანიზმზე ინდივიდუალურია და მის თავისებურებაზეა დამოკიდებული. კოფეინის დიდი რაოდენობით მიღებამ შეიძლება გამოიწვიოს ფსიქოზები, ეპილეფსია, არამოტივირებული აგრესია. ყავაში შემავალი ნივთიერებიდან განსაკუთრებით უნდა გამოიყოს პოლიფენოლები, რომელთაც ანტიოქსიდანტური მოქმედების გამო ანთებისა და კიბოს საწინააღმდეგო ეფექტი ახასიათებს. ანტიოქსიდანტების შესანარჩუნებლად ყავა არ უნდა მიიყვანოთ ადუღებამდე.

ყავა ასტიმულირებს შემომედებით აზროვნებას, აუმჯობესებს შრომისუნარიანობას, დადებითად მოქმედებს ადამიანის ფსიქიკურ ჯანმრთელობაზე, ამაღლებს გამძლეობას სტრესებისა და დეპრესიის მიმართ. ყავის მოხმარება, ასევე, ხელს უწყობს მეორე ტიპის შაქრიანი დიაბეტის პროფილაქტიკას. ყოველდღიურად ორი ფინჯანი ყავის მიღებით მცირდება კუჭქვეშა ჯირკვლის კიბოსა და ღვიძლის ალკოჰოლური ცეროზის განვითარების რისკი. ცნობილია, რომ მწეველებში საშარდე ბუშტის კიბოს რისკი 7-ჯერ იზრდება, ხოლო ყავის აქტიურ მომხმარებლებში ეს რისკი 43%-ით მცირდება. ყავის მოხმარება აფერხებს პარკინსონის დაავადების განვითარებასაც. ყავა ისეთი დაავადებების პროფილაქტიკის საშუალებას წარმოადგენს როგორებიცაა: შაკიკი, ჰიპერტონია, ნაღველ-კენჭოვანი დაავადება, ასთმა, ათეროსკლეროზი, ინფარქტი. კოფეინის გავლენით ფართოვდება თავის ტვინისა და გულის სისხლძარღვები, რაც ინსულტისა და გულ-სისხლძარღვთა დაავადების პროფილაქტიკაა. ყავა ეფეტური საშუალებაა მამაკაცთა რეპროდუქციული ფუნქციის გასაუმჯობესებლად. იგი ზრდის სპერმატოზოიდების აქტიურობას. ყავაში შემავალი ნივთიერებები აძლიერებს კუჭის სეკრეციას – ამაღლებს კუჭის წვენის მჟავიანობას. ეს თვისება სასარგებლოა მათთვის, ვისაც აწუხებს გასტრიტი დაბალი მჟავიანობით. ყავა ხელს უწყობს საჭმლის მონელებას. ყავა ზრდის ანტიბიოტიკების ეფეტიანობას, იცავს ნიკრისის ქარისგან. იგი გვეხმარება გახდომაშიც. დიეტის დაცვის დროს ყავა ხელს უწყობს ორგანიზმს ენერგიის მისაღებად მხოლოდ ცხიმები გამოიყენოს. უშაქრო ყავა დარიჩინთან ერთად საუკეთესო საშუალებაა წონის დასაკლებად. ყავა ანტიოქსიდანტების შემცველობის გამო ხელს უწყობს ახალგაზრდობისა და სილამაზის შენარჩუნებას.

– ბატონო რამაზ, რომელი ყავა უფრო უვნებელია ადამიანის ჯანმრთელობისთვის მარცვლოვანი თუ ხსნადი?

– თავის დაზღვევის მიზნით უპირატესობა მიანიჭეთ მარცვლოვან ყავას, ვიდრე ხსნადს, რითაც შეგიძლიათ აიცილოთ სხვადასხვა არომატული დანამატის ზემოქმედება.

– ბატონო რამაზ, ისევე როგორც შოკოლადი, ალბათ, არც ყავა არ არის დაზღვეული ფალსიფიცირებისგან. როგორ გავარჩიოთ ნატურალური ყავა ნაყალბევისგან?

– შემოგთავაზებთ რამდენიმე რჩევას: პირველ რიგში, ყურადღება მიაქციეთ ყავის სპეციფიკურ სუნს; რამდენიმე მარცვალი ჩაყარეთ ცივ წყალში და მოურიეთ. ნატურალური ყავა ოდნავ გაიბერება და წყალი შეიფერება, ფალსიფიცირებული კი ფსკერზე ნალექს წარმოქმნის; მარცვალი შუაზე გაჭერით. ნატურალური ყავის შემთხვევაში გადანაჭერზე ნათლად შეიმჩნევა ყავის მსხვილი გარსი და ბირთვი; ცივ წყალში ჩაყარეთ ერთი კოვზი დაფქული ყავა. ვარდკაჭკაჭას შემცველოვის შემთხვევაში წყალი ყავისფრად შეიღებება და მწარე გახდება; თიხის აღმოსაჩენად ყავის მარცვალი მოათავსეთ სანაყში და ქვასანაყით დაამტვრიეთ. ნატურალური ყავა წვრილ ნამტვრევებად დაიმსხვრევა, თიხის შემცველი კი ფხვნილად დაიშლება; დაყენებულ ყავაში ჩააწვეთეთ იოდის ერთი-ორი წვეთი. ხსნარი ლურჯად თუ შეიღებება, ე.ი. იგი სახამებელიან და ფქვილოვან მარცვლებს შეიცავს; ყავის მარცვლები მოათავსეთ ქაღალდის ხელსახოცში და გასრისეთ. ხელსახოცს ჭუჭყიანი კვალი თუ დააჩნდება, ყავა შეღებილია ტყვიის საღებავებით, რაც ჯანმრთელობისთვის ძალიან მავნეა; ხსნადი ყავა სწრაფად უნდა გაიხსნას. თუ რამდენიმე წუთი ურევთ მუქ კოშტებს, იცოდეთ, ეს არ არის ყავა; მაღალხარისხიანი ყავა დიდხანს არ ინახება. მისი შენახვა შესაძლებელია მაქსიმუმ 18 თვე.

თამარ შველიძე


მეტის ნახვა
2-04-2018, 21:00


გვესაუბრება დავით ბააზოვის სახელობის საქართველოს ებრაელთა და ქართულ-ებრაულ ურთიერთობათა ისტორიის მუზეუმის ყოფილი დირექტორი, ბატონი შალვა წიწუაშვილი.

_ ბატონო შალვა, თქვენ გაქვთ ორმაგი მოქალაქეობა, ხშირად დადიხართ საქართველოში. ამჯერად რა არის თქვენი სტუმრობის მიზეზი?


_ გასულ წელს დავბეჭდეთ "საქართველოს ებრაელთა პოეზიის ანთოლოგია"და შევუდექით საქართველოს ებრაელთა პროზაზე მუშაობას. ამჟამად, თბილისში კაბადონდება ეს წიგნი და ჩემი სტუმრობის მიზეზიც ეს გახდა.
წიგნი, სავარაუდოდ, აპრილის ბოლოს იქნება მზად, პრეზენტაციას მოვაწყობთ ჯერ ისრაელში, შემდეგ თბილისში, ებრაელთა მუზეუმში.

_ ბატონო შალვა, რამდენი ებრაელი მწერლის ნაწარმოები შევიდა ამ ანთოლოგიაში და რა ენაზე წერენ ავტორები?


_ პოეზიის ანთოლოგიაში 61 ავტორი შევიდა. პროზის ანთოლოგიაში კი 40-ზე მეტი.
40 პროზაიკოსი რომ მოიძებნოს ქართველ-ებრაელთა პატარა თემში, ეს არის საინტერესო და სასიამოვნოდ გასაკვირი.
უნდა გითხრათ, რომ პროზის ანთოლოგიის ავტორებიდან მხოლოდ ორი წერს რუსულად, დანარჩენები ქართულად.
აღსანიშნავია პროზის ანთოლოგიაში შეტანილი ერთი რუსულენოვანი ავტორის ნაწარმოებები. ეს გახლავთ თბილისში დაბადებული და გაზრდილი ქალბატონი რიტა იოსებაშვილი, რომელიც ახლა ნიუ-იორკში ცხოვრობს და მოღვაწეობს. სხვათა შორის, ის გახლავთ და ცნობილი სიმონ კრიხელისა, რომელიც ნიუ-იორკში გამოსცემს სოლიდურ ქართულ გაზეთს "დავითის ფარ".
ავტორები გვყავს როგორც ამერიკიდან, ისე საფრანგეთიდან, გერმანიიდან, ისრაელიდან, საქართველოდან.

_ გასაკვირია, რომ ეს ადამიანები ქართულად ქმნიან ლექსებს. ქართულ-ებრაული პოეზია, ალბათ, ცალკე ფენომენია ქართულ ლიტერატურაში.

_ თქვენ ნახავთ, რომ თითოეული ნაწარმოები, პროზაც და პოეზიაც შექმნილია ძალიან კარგი ქართულით. მაგალითად, გიგლა ხუხაშვილს გალაკტიონ ტაბიძეზე აქვს დაწერილი ისეთი მოთხრობა, გაოცების გარეშე ვერ წაიკითხავთ.

_ ნიშანდობლივია ის, რომ საქართველოში არსებობს საქართველოს ებრაელთა ისტორიის ამსახველი მუზეუმი.

_ მე და ბატონმა გივი ღამბაშიძემ დიდი ძალისხმევით შევძელით და აღვადგინეთ 1951 წელს დახურული საქართველოს ებრაელთა ისტორიულ-ეთნოგრაფიული მუზეუმი. პროექტი წარვუდგინეთ მაშინდელ მთავრობას და მთავრობამ მოიწონა იგი. პროექტი ითვალისწინებდა მუზეუმის რესტავრაციას, რაც ფინანსთა სამინისტროს უნდა განეხორციელებინა, თუმცა იმდროინდელი პოლიტიკური მოვლენების გამო საქმე ბოლომდე ვერ მივიდა. მალე სამოქალაქო ომი დაიწყო და მუზეუმისთვის არავის ეცალა. ასე გაჭიანურდა საქმე 2014 წლამდე. დანგრევის პირას იყო მისული იქაურობა. თქვენ ხართ ნამყოფი იმ მუზეუმში?

_ არა.

_ ბევრი დაგიკარგავთ.

იქ რომ შეხვალთ, გული გაგინათდებათ. მუზეუმი უნიკალურია არა მხოლოდ ექსპონატების სიუხვით, არამედ სასიამოვნო გარემოთი და შესანიშნავი ინტერიერ-ექსტერიერით.

_ საქართველოს ებრაელებმა მოინდომეს, ალბათ, და გაარემონტეს მუზეუმი.


_ მუზეუმი სრულად არის გარემონტებული ბატონი ბიძინა ივანიშვილის სახსრებით. მან დიდი საქმე გაუკეთა ქართველ-ებრაელთა თემს და არა მარტო ქართველ ებრაელებს, არამედ სრულიად ებრაულ სამყაროს.
თუ არ ვცდები, ყოველ ორ წელიწადში, მსოფლიოში მუზეუმების საერთაშორისო კონფერენცია იმართება. ახლახან მიუნხენში გაიმართა ასეთი კონფერენცია, სადაც ჩემი მეგობრის, გივი ღამბაშიძის ქალიშვილმა აჩვენა ჩვენი მუზეუმის ვიდეოკოლაჟი. აღფრთოვანებულნი იყვნენ, თურმე, ასეთი მუზეუმი მსოფლიოში იშვიათიაო.
რასაკვირველია, ყოველივე ეს ბიძინა ივანიშვილის დამსახურებაა. მას რომ არ აღედგინა ეს მუზეუმი, არც გამოფენა გვექნებოდა და არც მუზეუმი და ვერც საერთაშორისო აღიარებას მივაღწევდით.
ძალიან მნიშვნელოვანია ის, რომ ამ პატარა ქვეყანაში, ასეთი გრანდიოზული საქმე გაკეთდა იმის მიუხედავად, რომ საქართველოში ებრაელები ახლა უკვე ცოტა რაოდენობით არიან.

_ როგორ ფიქრობთ, რამ განაპირობა ქართველებსა და ებრაელებს შორის უპრეცედენტო მეგობრობა?


_ ჩვენი მეგობრობა განაპირობა ქართველთა ტოლერანტულმა ხასიათმა და ებრაელთა ხასიათში არსებულმა ერთგულებამ და საიმედოობამ. ებრაელი თავის მეგობარს, ვინც უნდა იყოს ის, თუ უმეგობრა, ზურგს არასდროს შეაქცევს.
"ქართლის ცხოვრების" მიხედვით, ებრაელები საქართველოში ძვ.წ. აღ-ით VI ს-ში მოვიდნენ და მცხეთის მამასახლისის თანხმობით, სოფელ ზანავში დასახლდნენ.
I საუკუნეში, როდესაც იესოს გასამართლება მოხდა, მოგეხსენებათ, აქედან ებრაელები წავიდნენ.
იმასაც დავძენ, რომ რომის ერთ-ერთმა პაპმა ებრაელები გაამართლა. მათ არავითარი ბრალი არ მიუძღვით იესო ქრისტეს წამებასა და მკვლელობაშიო. სხვანაირი პოლიტიკა ტრიალებდა მაშინ და სხვა ამბები იყო, მაგრამ, მოდით, თემას არ გადავუხვიოთ და გავიხსენოთ ელიოზ მცხეთელი და ლონგინოზ კარსნელი და მათი და სიდონია, რომელიც იესოს კვართთან ერთად დაკრძალეს.
ამ ადამიანებს დიდი წვლილი მიუძღვით მაშინდელ საქართველოში კერპთთაყვანისმცემლობის დამხობის საქმეში.
ებრაელთა თემმა ძალიან შეუწყო ხელი წმინდა ნინოს თავისი მისიის განხორციელებაში. ისტორიულად ცნობილი ფაქტია, წმინდა ნინო ქართლში რომ შემოვიდა, პირველად ურბნისს ეწვია, სადაც ებრაელები ცხოვრობდნენ, უმეტესწილად. ერთი თვე დაჰყო წმინდა ნინომ ურბნისში ებრაელებთან და მერე დაიწყო მსვლელობა მისიის აღსასრულებლად.

ახლა მოგიყვებით ერთ გადმოცემას, რომელიც ებრაელთა ერთგულებას და საქართველოს სიყვარულს ადასტურებს.
ერეკლე მეფის დროს ინდოეთში ერთ-ერთი დიდი პროვინციის მმართველი ერეკლეს მეგობარი გახლდათ. სომეხი ყოფილა ის კაცი. ერეკლეს გადაუწყვეტია, მისთვის გარეკახეთის მიწები ეჩუქებინა მეგობრობის ნიშნად. ეს სიგელი იოსებ დანიბეგაშვილისთვის გაუტანებია ინდოეთში. დანიბეგაშვილი ებრაელ ვაჭარს ჯინჯიხაშვილს გაჰყოლია. მთელი გზის განმავლობაში დანიბეგაშვილს დანა არ უხსნიდა თურმე პირს. ჯინჯიხაშვილს ბევრი ხვეწნის შემდეგ გაუტეხია დანიბეგაშვილი და მასაც მეფის სიგელის შესახებ უამბია ვაჭრისთვის. ჯინჯიხაშვილს უთქვამს: მე მოვუვლი ამ საქმესო. იმ პერიოდში სომეხი მთავარი სასიკვდილო სარეცელზე ყოფილა მიჯაჭვული და ჯინჯიხაშვილს ეს ამბავი კარგად სცოდნია. სომეხს ფანტიაშვილისნაირი ვაჟი ჰყოლია. როცა გარდაცვლილა ინდოეთის პროვინციის მმართველი, მერე გამოუჩენიათ ჯინჯიხაშვილს და დანიბეგაშვილს ეს წერილი, მიუტანიათ იმ სომეხის შვილისთვის და უთქვამთ: საქართველოს მეფემ კი გიბოძათ ეს მიწები, მაგრამ, რად გინდათ შორეულ ქვეყანაში ხრიოკი ადგილი, გაყიდეო. მიუცია ჯინჯიხაშვილს დიდძალი ოქრო, გამოუსყიდია ეს მიწები. მერე ჩამოსულან თბილისში და კვლავ საქართველოსთვის გადმოუციათ ეს მიწები. ეს არის ლეგენდა, მაგრამ არ არსებობს ლეგენდა, რომელშიც სიმართლის მარცვალი არ იყოს.

ახლა ნამდვილ ისტორიულ ფაქტს მოგიყვებით და ყველა დარწმუნდებით ებრაელთა ერთგულებაში საქართველოს მიმართ.
მეოცე საუკუნის დასაწყისში, როცა საქართველოს დამოუკიდებლობა გამოცხადდა, თურქეთმა საქართველოს მიწების დაპატრონება გადაწყვიტა. იმ ხანებში ქუთაისში გამოდიოდა ებრაული გაზეთი "ებრაელის ხმა". ამ გაზეთის ერთ-ერთ ნომერში ვინმე დავით მოშიაშვილი ავრცელებს განცხადებას: ჩემო ძმებო და მეგობრებო, საქართველო გასაჭირშია. ქართველი ხალხი ომის პირასაა. ჩვენი, საქართველოს მეგობარი და საქართველოს შვილების _ ებრაელების ვალია, შევიკრიბოთ, შევქმნათ ებრაული რაზმი და დავეხმაროთ ქართველებს.
დავიცვათ ჩვენი სამშობლო! _ ასე მთავრდებოდა ის მიმართვა.

_ ბატონო შალვა, ძალიან დიდ უკმაყოფილებას იწვევს ისრაელის საზღვარზე ქართველებისადმი უდიერი მოპყრობის ფაქტები. ეს არყევს ჩვენს შორის არსებულ მეგობრულ ურთიერთობას და ახარებს მტერს, რომელიც, შესაძლოა, კმაყოფილია ჩვენს შორის ურთიერთობის დაძაბვით.


_ იყო დრო, როცა ნებისმიერი ქართველი ჩამოდიოდა და არავითარი პრობლემა არავის შექმნია. მაგრამ რა მოხდა, ახლავე მოგახსენებთ. ისრაელის საზღვარზე მკაცრ კონტროლს რომ გადიან ქართველები, ეს არის ფაქტი, თუმცა ეს არ გახლავთ ისრაელის მხარის, ან ებრაელი მესაზღვრის ბრალი.
როგორც ჩემთვის ცნობილი გახდა, ისრაელიდან ებრაელები ჩამოდიოდნენ, კრებდნენ ფულს ისრაელში წასვლის მსურველი ქართველებისგან და გადაჰყავდათ ისინი საზღვარზე არალეგალებად.
ეს არასახარბიელო ფაქტია, მაგრამ ყველა ერში შეიძლება იყოს არაწესიერი ხალხი.
მოკლედ, დაიჭირეს ეს ყალბისმქნელი ებრაელები, მაგრამ, როგორც ჩანს, კიდევ არიან დარჩენილი მსგავსი ელემენტები, რომლებიც ცდილობენ არალეგალურად გადაიყვანონ ისრაელში ხალხი საქართველოდან.

ახლა გავიხსენებ ერთ შემთხვევას და ამაზე საუბრით თავს მეტად აღარ შეგაწყენ თ. ჩვენს ორგანიზაციაში _ `საქართველოს ებრაელთა კვლევის ცენტრი ისრაელში~ სტუმრობის ეგიდით ორი კაცი ჩამოვიდა ისრაელში. გააჩერეს საზღვარზე. ჰკითხეს ჩამოსვლის მიზანი. მათ უპასუხეს: ქართველ ებრაელთა ყოფა-ცხოვრების შესასწავლად ჩამოვედითო. გაესაუბრნენ, მაგრამ აღმოჩნდა, რომ ამ ადამიანებს ქართულ-ებრაული ურთიერთობის ისტორიის კი არა, საქართველოს ისტორიის არაფერი გაეგებოდათ. ვინ აღმოჩნდნენ ესენი? _ უბრალო მუშები.
მე შემაცდინა ერთმა კაცმა, რომელმაც მთხოვა, თქვენს ორგანიზაციაში სტუმრად მოდიანო და მივეცი თანხმობა.
საზღვრიდან მაშინვე დამირეკეს _ ასეთი მდგომარეობაა, თქვენ იქნებით პასუხისმგებელი, რომ უკან წავლენო? მე ვუთხარი, რომ ამ ადამიანებზე პასუხისმგებელი ვერ ვიქნებოდი. ისინი უკან გააბრუნეს.

ჩემი ვაჟი მორისი მედიცინის სფეროში მოღვაწეობს. მასაც იგივე რამ შეემთხვა. მას სთხოვეს და მისი მოწვევით ორი კაცი, ვითომ ექიმები გადმოდიოდნენ საზღვარზე. ისინიც მუშები აღმოჩნდნენ.
ყოველივე ამის შემდეგ, რატომ გიკვირთ, საზღვარზე მკაცრი კონტროლი რომ იყოს? აქვე დავძენ, მე ასევე მომწვდა ყურს, თითქოს საზღვარზე აპატიმრებდნენ ქართველებს, აგდებულად ეპყრობოდნენ, წყლიან ჭიქაში უფურთხებდნენ და და ა. შ. გამორიცხულია ეს.
ერთადერთი, რატომაც შეიძლება ასეთი პროვოკაციული ჭორები ვრცელდებოდეს, არის ის, რომ ვიღაცას არ მოსწონს ჩვენი ურთიერთობა. ამიტომ მეტად გონივრულად უნდა მივუდგეთ ყველაფერს.

_ თქვენთვის რა არის საქართველო?


_ ორმაგი მოქალაქეობა მაქვს. საქართველო ჩემთვის სამშობლოცაა, საყვარელი ადგილიც არის და ყველაფერია. საქართველოში უამრავი მეგობარი მყავს. ახლაც, ამ ჩამოსვლის დროსაც იმდენი ძველი მეგობარი ვნახე, ისე ვისიამოვნე მათი ნახვით, ვერ აგიწერთ. უდიდესი სულიერი სიამოვნება განვიცადე. ჩვენ, სანამ პირში სული გვიდგას, ასეთი კავშირები უნდა შევინარჩუნოთ.

_ ახალი თაობები როგორ უყურებენ ამ ურთიერთობებს?

_ ქართული ენა თანდათანობით იკარგება. ისრაელში დაბადებული ბავშვი სკოლას ამთავრებს ებრაულად. სწავლობს ებრაულად, მუშაობს და ლაპარაკობს ებრაულად. რაც შეეხება გვარებს, იქ უჭირთ ქართული გვარების წარმოთქმა, ამიტომ ჩემმა ვაჟმა მორესმა, მაგალითად, გვარი წიწუაშვილი თარგმნა და ახლა ის არის მორეს ბენ ორენ. ბიძაშვილი მყავს გერშონი, ისიც ბენ ორენია. ბევრი ინარჩუნებს ქართულ გვარებს. მე, მაგალითად, ჩემი გვარით მიცნობენ ისრაელშიც და ყველგან. სანამ მე და ჩემი შვილების თაობა ვართ, ქართული ენა იარსებებს ქართველ ებრაელებში, მერე, ალბათ, უკვე აღარ. ქართულად მაქვს დისერტაცია დაწერილი, ქართულად ვაზროვნებ, ქართულად ვლაპარაკობთ მეგობრები, ქართულად ვსაუბრობთ ოჯახში და ქართული ტრადიციებით ვცხოვრობთ. ჩემი შვილიშვილი, რომელიც ახლა ამერიკაში სწავლობს, შესანიშნავად ლაპარაკობს ქართულად და ისეთ სადღეგრძელოებს ამბობს, გაგიკვირდებათ, რატომ ხდება ასე? მე მას სულ ქართულად ველაპარაკებოდი.

რამდენიმე ხნის წინ მე და ჩემი მეგობარი გივი ღამბაშიძე მივედით საქართველოს დიასპორის სამინისტროში და მივიტანეთ წერილი. ვთავაზობდით ქართული მატერიალური კულტურის ძეგლების შესწავლას ისრაელში, ქართული ენის პოპულარიზაციას, ქართული ენის სწავლების ღონისძიებების განხორციელებას, ბავშვთა ჯგუფების შექმნას და ა. შ. წერილი გადავეცით მინისტრის მოადგილეს. თუმცა, პასუხი არ ჩანს. ჩვენ საქმეს მაინც ვაკეთებთ. აი, ანთოლოგიები გამოვეცით. სხვა მნიშვნელოვანი გამოცემებიც გვაქვს დაბეჭდილი, საინტერესო ღონისძიებებია განხორცილებული.

_ თანამედროვე პერიოდში რამ შეიძლება გააძლიეროს ჩვენი მრავალსაუკუნოვანი მეგობრობა. სულიერმა კავშირებმა თუ პოლიტიკურ-ეკონომიკურმა პარტნიორობამ?


_ ერთიც სჭიროა და მეორეც, თუმცა არ ვეთანხმები ზოგიერთის აზრს, წავიდა სულიერი კავშირების დრო და ახლა ურთიერთობებმა სხვა ფორმატი შეიძინაო. მე ვინ დამიშლის ჩემი ქართველი ძმები მიყვარდეს? ვერაფერი ვერ წაშლის, მაგალითად, ჩემი და ჩემი მეგობარი გივი ღამბაშიძის ურთიერთსიყვარულს. გაჭირვებაც გამოგვივლია ერთად და დალხინებაც და ერთხელაც არ გვიღალატია ერთმანეთისთვის.
კიდევ გავიმეორებ, რაც ისრაელის საზღვარზე ხდება, ამაში ისრაელი არ არის დამნაშავე. ამას იმიტომ კი არ ვამბობ, რომ ჩემი ისრაელია, მე ინფორმაციებზე დაყრდნობით ვლაპარაკობ.

_ მოდით, ჩვენი, ქართულ-ებრაული ურთიერთობების მომავალ პერსპექტივებზე ვისაუბროთ.


_ მიუხედავად ზოგიერთი ძალების მცდელობისა, ჩვენი ურთიერთობები არ შეიცვლება: მეგობრობით, ნდობით, ურთიერთგატანით ვიარსებებთ დედამიწაზე კიდევ მრავალი საუკუნე. ამის დიდი იმედი მაქვს.

ამ ინტერვიუში შევეცადე გადმომეცა ბატონი შალვას შესანიშნავი ქართულით წარმოთქმული განცდები საქართველოსადმი.
საუბრის დროს ბევრჯერ ჟრუანტელმა დამიარა, როცა წარმოვიდგინე, რომ დიდი და ძლიერი ისრაელის შვილი, პატარა საქართველომ თავისი მიწისა და ცის სიყვარულით გამოზარდა, მერე დედასავით თვალცრემლიანმა გაუშვა და ახლა ყოველი მისი ნახვით ამაყობს და ხარობს…

ირანდა კალანდაძე

მეტის ნახვა
2-04-2018, 17:30


გურჯაანი - სასტუმრო "ახაშენი ღვინის კურორტი" გაიხსნა

გურჯაანის რაიონის სოფელ ახაშენში სახელმწიფო პროგრამა „აწარმოე საქართველოში“, DCFTA-სა (ევროკავშირთან ღრმა და ყოვლისმომცველი თავისუფალი სავაჭრო ხელშეკრულების ფარგლებში მოქმედი მცირე და საშუალო მეწარმეობის განვითა- რების პროექტი) და „საქართვე- ლოს ბანკის“ თანადაფინანსებით აშენდა Akhasheni Wine Resort. იგი ტუტებში ქართული ღვინის უძველეს, 8000-წლოვან ისტორიას გაუწევს პოპულარიზაციას. ახალი ტურისტული კომპლექსის საზეიმო გახსნის ცერემონიაზე საქართველოს პრემიერ-მინისტრმა გიორგი კვირიკაშვილმა აღნიშნა:
„დღეს ძალიან სასიხარულო დღეა. ჩვენს ქვეყანას, კონკრეტულად კახეთს შეემატა თანამედროვე ინფრასტრუქტურით გაწყობილი ულამაზესი სასტუმრო, რომელშიც 7 მილიონ 500 ათასი ლარის ინვესტიცია განხორციელდა ერთობლივად, სახელმწიფოსა და კერძო სექტორის მიერ. პრემიერ-მინისტრმა „კახურ ტრადიციულ მეღვინეობას“ (KTW ) და პირადად ზურაბ ჩხაიძეს მადლობა გადაუხადა მევენახეობის მიმართულებით განხორციელებული მასშტაბური ინვესტიციებისთვის და კომპანი- ის დამფუძნებლების მოღვაწეობა მამულიშვილურ საქმედ შეაფასა.
"სასიხარულოა, რომ კახეთში ტურიზმი გადადის თვისებრივად ახალ განზომილებაში. მოთხოვნა ასეთი ტიპის სასტუმრო კომპლექსებზე ყოველწლიურად მნიშვნელოვნად იზრდება. გასული წლის განმავლობაში 28 პროცენტით მოიმატა ტურისტების რიცხვმა. ნამდვილად გვაქვს იმის პოტენციალი, რომ 2025 წლამდე გავასამმაგოთ ტურისტების რაოდენობა საქართველოში. შეგვიძლია ეს რიცხვი 10 მილიონამდე გავზარდოთ. ეს ძალიან მნიშვნელოვანია იმისთვის, რომ მართლაცდა სრულიად სხვა ცხოვრების დონე მივიღოთ საქართველოში, მნიშვნელოვნად გაიზარდოს დასაქმების დონე და ქვეყნის ვიზუალური სახეც მნიშვნელოვნად გაუმჯობესდეს“, – აღნიშნა პრემიერმა.

„თუშეთი და კახეთი არ შეიძლება ცალ-ცალკე განვიხილოთ. მნიშვნელოვანია ის ინვესტიციები, რომლებსაც სახელმწიფო ახორციელებს ამ მიმართულებით. თუშეთში შენდება ახალი გზა, რომე- ლიც შესაძლებლობას მოგვცემს, რომ თბილისიდან სამჯერ შევამ- ციროთ ავტომობილით მგზავრობის ხანგრძლივობა თუშეთის მიმართულებით. ეს ყველაფერი ერთიანობაში მოიტანს გაცილე- ბით უფრო მაღალ დინამიკას და, რა თქმა უნდა, ცხოვრების დონის მნიშვნელოვან გაუმჯობესებას ამ რეგიონში. ვფიქრობ, მივედით იმ ეტაპამდე, როდესაც კახეთს სჭირდება ცალკე აეროპორტი. ისევ და ისევ კერძო სექტორთან პარტნიორობით ჩვენ შევძლებთ, რომ პირ- ველ ეტაპზე კახეთში განხორცი- ელდეს პირდაპირი ჩარტერული რეისები, შემდგომში შესაძლოა, რეგულარული რეისებიც დაინიშ- ნოს", – განუცხადა შეკრებილებს გიორგი კვირიკაშვილმა.

თეთრიწყარო - მდინარე ხრამის მართვის გეგმა
თეთრიწყაროს მუნიციპალიტეტის მერიაში ევროკავშირის მიერ დაფინანსებული პროექტის – „ევროკავშირის წყლის ინიციატივაპლუს აღმოსავლეთის პარტნიო- რობისთვის“ – ფარგლებში, ადგილობრივი ხელისუფლებისა და პროექტის წარმომადგენლების მონაწილეობთ, პირველი სამუშაო შეხვედრა გაიმართა.
პროექტი მიზნად ისახავს წყლის რესურსების, კერძოდ, ტრანსსასაზღვრო მდინარეების, მათ შორის მდინარე ხრამის აუზის მართვის გეგმის შემუშავებას და წყლის ხარისხის ამაღლებისთვის საჭირო გრძელვადიანი ინსტრუმენტების შექმნას. შეხვედრაზე განიხილეს საკვლევი წყლის ობიექტის შესწავლის მიზნით სამომავლოდ განსახორციელებელი კონკრეტული სამუშაოები, რაც პირველ ეტაპზე გულისხმობს არსებული მონაცემების შეგროვებასა და ანალიზს. მოკვლეული მასალის საფუძველზე დაზუსტდება წყლის ეკოსისტემებისთვის საფრთხის შემცველი პრობლემები და მოიძებნება მათი გადაჭრის გზები.
პროექტის ფარგლებში, ადგილობრივი და საერთაშორისო ექსპერტების, ადგილობრივი თვითმმართველობის წარმომადგენლებისა და ყველა დაინტერე- სებული მხარის მონაწილეობით, შეიქმნება სპეციალური სამუშაო ჯგუფი, რომელიც შეიმუშავებს საპილოტე მდინარეთა აუზების მართვის 6-წლიან სამოქმედო გეგმას. სამუშაოების პირველი ეტაპი ზაფხულის პერიოდში დაიწყება.
„ევროკავშირის წყლის ინიციატივა პლუს აღმოსავლეთის პარტნიორობისთვის“ პროექტი მხარს უჭერს აღმოსავლეთ პარტნიორობის ქვეყნებს წყლის რესურსების მართვის სფეროში ევროკავშირის სტანდარტებთან მიახლოებაში, ევროკავშირის წყლის ჩარჩო დირექტივის პრინციპების შესაბამისად. შეხვედრას ესწრებოდნენ: თეთრიწყაროს მუნიციპალიტეტის მერის პირველი მოადგილე მალხაზ სამაშვილი, მერის მოადგილე ბერდია ხვისტანი, პროექტის კოორდინატორები და ექსპერტები, გაერთიანებული წყალმომარაგების კომპანიის, საქართველოს მელიორაციის წარმომადგენლები.

წყლის რესურსების საერთაშორისო დღეს ბოლნისიც შეუერთდა

დასუფთავების კამპანია "ლურჯი ნაკადული", რომელიც საქართველოს მწვანეთა მოძრაობა/ დედამიწის მეგობრების ინიციატივით ტარდება, ბოლნისშიც გაიმართა და ნარჩენებისგან გაიწმინდა სოფელ მუშევანის ხევი. დასუფთავების აქციაში მონაწილეობა ბოლნისის მუნიციპალიტეტის მერის პირველმა მოადგილემ მერიის თანამშრომლებთან და შპს "კომუნალური მეურნეობის" წარმომადგენლებთან ერთად მიიღო."უკვე მე-7 წელია საქართველოში მწვანეთა მოძრაობის ორგანიზებით იმართება კამპანია "ლურჯი ნაკადული“, რომელიც წყლის რესურსების დაცვის საერთაშორისო დღეს ეძღვნება. ბოლნისის მუნიციპალიტეტი წელსაც მოხალისეობრივად ჩაერთო ამ წამოწყებაში და მერიის თანამშრომლებმა კომუნალური სამსახურის წარმომადგენლებთან ერთად სოფელ მუშევანის ხევი დავასუფთავეთ. მუნიციპალიტეტის თვითმმართველობა ბოლო რამდენიმე წელია, აქტიურად ატარებს დასუფთავების მასშტაბურ აქციებს და წელსაც, წინასწარ შედგენილი განრიგის მიხედვით დასუფთავდა მუნიციპალიტეტი", – განაცხადა ბოლნისის მუნიციპალიტეტის მერის პირველმა მოადგილემ ბუბა გობეჯიშვილმა.

ლაგოდეხი - შეხვედრა კახეთის სოციალური მომსახურების სააგენტოს თანამშრომლებთან
მუნიციპალიტეტის მერი სსიპ კახეთის სოციალური მომსახურების სააგენტოს ცენტრის დასაქმების თანამშრომლებს შეხვდა. სამუშაო შეხვედრა სახელმწიფო სერვისების გაცნობისა და გაუმჯობესების მიზნით გაიმართა. ცენტრის თანამშრომლებმა ვრცლად ისაუბრეს სტაჟირების, სუბსიდირების და პროფესიული მომზადების სახელმწიფო პროგრამების შესახებ.
სოციალური მომსახურების სააგენტო ადმინისტრირებას უწევს რამდენიმე ათეულ სოციალურ და ჯანმრთელობის დაცვის სახელმწიფო პროგრამას. სააგენტოს ძირითადი მიზანია მოსახლეობის სოციალურად დაუცველი ფენის მხარდაჭერა, მოქალაქეთათვის გა- წეული მომსახურების ხარისხის ამაღლება, სერვისების დახვეწა, მოქნილ, მარტივ და სწრაფ, მოსახლეობისთვის ადვილად ხელმისაწვდომ მექანიზმებზე გადაყვანა. ჯონდო მდივნიშვილის ინიციატივით, სახელმწიფო სერვისების უკეთესად გაცნობისა და ინფორმირებულობის მიზნით, ადგილობრივ მეწარმეებთან და ბიზნესმენებთან შეხვედრა უახლოეს დღეებში გაიმართება.

სიღნაღი - დაძმობილებული ქალაქების ქარტია მოზარდების განათლებასაც უწყობს ხელს

2015 წელს ქალაქ სიღნაღსა და საფრანგეთის ქალაქ შატონეფს შორის დაძმობილების ქარტია გაფორმდა. ადვოკატისა და მეცენატის ბატონ ჟერარ ჟერმანის ინიციატივით, შატონეფისა და სიღნაღის დასაახლოებლად დაიგეგმა არაერთი ვიზიტი, კულტურული და სხვადასხვა სახის გაცვლითი ღონისძიებები. სწორედ ამ ურთიერთთანამშრომლობის ფარგლებში, სიღნაღის მუნიციპალიტეტის სოფელ ანაგის საჯარო სკოლაში, სადაც ფრანგული ენა ისწავლება,Skype-ის საშუალებით V–VI კლასებთან პირველი ღია გაკვეთილი ჩატარდა. საფრანგეთიდან მეცა- დინეობას პროფესორი ჟისლენი უძღვებოდა. საფრანგეთიდან ჩამოსულ სტუმრებთან ერთად გაკვეთილს ესწრებოდნენ სიღნაღის მუნიციპალიტეტის საკრებულოს თავმჯდომარე ილია ხატიაშვილი, მერი გიორგი გოგილაშვილი, რესურს-ცენტრის უფროსი ლია ბეჟაშვილი და ადგილობრივი თვითმმართველობის წარმომადგენლები. პროგრამის ფარგლებში ბავშვები კვლავაც მიიწვიეს შატონეფში ფრანგულ მასტერკლასში მონაწილეობის მისაღებად. ეს გაკვეთილები ხელს შეუწყობს ფრანგული ენის ცოდნის განმტკიცებას.


ჩხოროწყუ – სოფელ ლესიჭინეში ახალი ხიდი შენდება

სოფელ ლესიჭინეში, მდინარე ოჩხომურზე, ახალი საავტომობილო ხიდის მშენებლობა მიმდინარეობს. ხიდის სიგრძე 170, ხოლო, სიგანე 11 მეტრია. ჩხოროწყუს მუნიციპალიტეტის მერმა დათო გოგუამ და მერის პირველმა მოადგილემ გოჩა ჩიქოვანმა მიმდინარე სამუშაოები დაათვალიერეს. პროექტი საქართველოს საავტომობილო გზების დეპარტამენტის მიერ 6 577 834 ლარით ფინანსდება.  ამ ეტაპზე ძველ ხიდზე როგორც ქვეითი, ისე საავტომობილი მოძრაობა შეზღუდული არ არის, ახალი ხიდის მშენებლობის ასრულების შემდგომ კი მისი დემონტაჟი იგეგმება.

ჩოხატაური "მოსწავლე ახალგაზრდობის სახლის შენობის რეაბილიტაციისთვის"

ა(ა)იპ ჩოხატაურის მუნიციპალიტეტის სახელოვნებო სკოლების გაერთიანების – მოსწავლე ახალგაზრდობის სახლის შენობის რეაბილიტაციის საპროექტო დოკუმენტაციის განხილვის მიზნით, ჩოხატაურის მუნიციპალიტეტის ხელმძღვანელი პირები, შესაბამისი სამსახურებისა და საპროექტო ორგანიზაციის წარმომადგენლებთან ერთად, მოსწავლე ახალგაზრდობის სახლში იმყოფებოდნენ.

"განავითარე შენი რეგიონი" დუშეთში

დუშეთის მუნიციპალიტეტის მერი ზურაბ სეხნიაშვილი ა(ა)იპ "დამოუკიდებელ ბავშვთა და სტუდენტთა გაერთიანების" წარმომადგენლებს შეხვდა. შეხვედრაზე განიხილეს  სტუდენტური პარლამენტის პროექტი "განავითარე შენი რეგიონი", რომელიც სოციალური პროგრამის ნაწილია და ემსახურება მუნიციპალიტეტების განვითარების პროცესში ახალგაზრდების მაქსიმალურ მონაწილეობას ისეთი მეთოდებით, როგორიცაა არაფორმალური განათლების ლექციები, ბანაკები, საჯარო ბრაინსტორმინგები, ლიდერთა სკოლები და ა.შ.

ახალი ჭაბურღილი ბულაჩაურში

ჭოპორტის ადმინისტრაციუ-ლი ერთეულის სოფ. ბულაჩაურში მოწყობილი ახალი ჭაბურღილი ექსპლუატაციაში შევიდა. წყლის სისტემის სარეაბილიტაციო პრო ექტი დუშეთის მუნიციპალიტეტის მერიისა და არასამთავრობო ორგანიზაცია LDC-CHARITIES-ის დაფინანსებით განხორციელდა. ახალი ჭაბურღილის ამოქმედებით 250-მდე ოჯახი სასმელი წყლით არის უზრუნველყოფილი. უახლოეს მომავალში ჭაბურღილის მოეწყობა სოფელ ქუბრიაანთკარშიც. პროექტის დასრულების შემდგომ სასმელი წყლით 200-მდე ოჯახი მომარაგდება.

ზუგდიდი - საავტომობილო გზის რეაბილიტაციის მესამე ეტაპი ტყაიაში

ზუგდიდის მუნიციპალიტეტის ტყაიას ადმინისტრაციულ ერთეულში საავტომობილო გზის რეაბილიტაციის მესამე ეტაპი დაიწყო. ამის შესახებ მუნიციპალიტეტის მერმა ლაშა გოგიამ მერიაში გამართულ სამუშაო შეხვედრაზე ისაუბრა. გზის სარეაბილიტაციო სამუშაოების მესამე ეტაპის მიმდინა- რეობისას რეაბილიტირდება 334 მეტრი სიგრძისა და 6 მეტრი სიგა- ნის გზა. დაიგება ბეტონის საფარი, აღდგება სანიაღვრე არხებიც. პროექტი საქართველოს რეგიონებში განსახორციელებელი პროექტების ფონდისა და ადგი- ლობრივი  ბიუჯეტის დაფინანსებით ხორციელდება და მისი ღი რებულება 185 560 ლარია. ტყაიაში 2015 წელს 980 მეტრი სიგრძის გზა, 2016 წელს კი 820 მეტრი გზა რეაბილიტირდა.
შეხვედრაზე ლაშა გოგიამ აზიურ ფაროსანასთან დაკავშირებითაც ისაუბრა და აღნიშნა, რომ მოსახლეობასთან ერთად, ერთობლივი ძალებით ამ პრობლემას აქტიურად შეებრძოლებიან, ამისთვის კი მოსახლეობის დროული ინფორმირება და აქტიური მუშაობაა საჭირო.


ფოთის სასწრაფო დახმარების სამსახური ყველაზე სწრაფად რეაგირებს

საგანგებო სიტუაციების კოორდინაციისა და გადაუდებელი დახმარების ცენტრის აუდიტის დასკვნის მიხედვით, მუნიციპალიტეტებს შორის ფოთის სასწრაფო დახმარების სამსახური ყველაზე სწრაფად რეაგირებს – მაღალი პრიორიტეტის შემთხვევაში გამოძახების საშუალო დრო 8 წუთს შეადგენს, ხოლო გამოძახებათა 68 პროცენტში სასწრაფოს რეაგირების დრო ხშირად 8 წუთზე ნაკლებია.

სენაკი - სანიაღვრე არხების ამოწმენდა გრძელდება

ქალაქ სენაკში, გამსახურდიასა და თეფანიას ქუჩების კვეთაზე შლამისა და ინერტული მასალისგან იწმინდება სანიაღვრე არხი. ასეთივე სამუშაოები მიმდინარეობს ახალსოფლის ადმინისტრაციულ ერთეულში, საგადელიოს უბანში.

წყლის საერთაშორისო დღე ადიგენში

აქციის ფარგლებში ადიგენის მუნიციპალიტეტში მდინარის ნაპირები საყოფაცხოვრებო ნარჩენებისგან გაიწმინდა. დასუფთავდა დაბა ადიგენის და აბასთუმანის ქუჩები, სოფლების, საავადმყოფოს, საჯარო სკოლებისა და საბავშვო ბაღების მიმდებარე ტერიტორიები. გარემოსდაცვით ღონისძიებებში ჩართული იყვნენ მუნიციპალიტეტის მერიის, აა- იპ-ების, საგანმანათლებლო რესურსცენტრის, საავადმყოფოს, სახანძრო-სამაშველო სამსახურის, საჯარო სკოლებისა და საბავშვო ბაღების წარმომადგენლები. პროექტი საქართველოს მწვანეთა მოძრაობის ინიციატივით ხორციელდება, რომელიც მდინარეებისა და წყალსატევების ნაპირების დასუფთავებაზეა ორიენტირებული.

მარტვილი - მერი გურძემისა და კიწიის მოსახლეობას შეხვდა
მარტვილის მუნიციპალიტეტის მერი ალექსანდრე გრიგალავა მერის წარმომადგენლებთან და მაჟორიტარებთან ერთად გურძემისა და კიწიის ადმინისტრაციულ ერთეულში მცხოვრებ მოსახლეობას შეხვდა და მათს პრობლემებს გაეცნო. შეხვედრაზე მოსახლეო- ბის პრიორიტეტად შიდა გზების რეაბილიტაცია, გარეგანათება და გაზიფიცირება დასახელდა.
ალექსანდრე გრიგალავამ მოსახლეობას გააცნო დაგეგმილი ინფრასტრუქტურული პროექტები, რომლებიც მუნიციპალიტეტის მასშტაბით განხორციელდება, ასევე ისაუბრა აზიურ ფაროსანასთან ბრძოლის სახელმწიფო პროგრამაზე და უპასუხა მოქალაქეთა შეკითხვებს. მოსახლეობასთან შეხვედრები მუნიციპალიტეტის მასშტაბით ყველა ადმინისტრაციულ ერთეულში გაიმართება.

დმანისის მუნიციპალიტეტის მერია ავრცელებს ინფორმაციას!

დმანისის მუნიციპალიტეტის მერია გაცნობებთ, რომ სტუდენტებისთვის, ვეტერანებისა და დიალეზის სახელმწიფო პროგრამით მოსარგებლე ბენეფიციარებისთვის უფასოდ მოძრაობს მუნიციპალური ტრანსპორტი: დმანისი-თბი- ლისი, თბილისი-დმანისის მიმართულებით, კვირაში ორი დღე, ორშაბათსა და პარასკევს. მუნიციპალური ტრანსპორტი ორშაბათს დმანისის მუნიციპალიტეტის ავტოსადგურიდან გადის დილის 9 საათზე, ხოლო პარასკევ საღამოს ქალაქ თბილისის მეტროსადგურ "სამგორის" მიმდებარე ტერიტორიიდან გამოდის 15 საათზე.

მუნციპალიტეტის საკუთრებაში არსებული ავტომობილების ნაწილი გაიყიდა
ადმინისტრაციული ხარჯების დაზოგვის მიზნით მუნიციპალიტე- ტის ბალანსზე რიცხული ავტომობილები, რომლებიც ადგილობრივ თვითმმართველობას ემსახურებოდა, აუქციონის წესით გაიყიდა. მარნეულის მუნიცალიტეტის საკუთრებაში არსებული 55 მან- ქანიდან 26 აუქციონზე გავიდა, საიდანაც 23 გაყიდულია. აღსანიშნავია, რომ გაყიდული მანქანები ტექნიკური თვალსაზრისით გაუმართავი და ამორტიზრებული იყო, რომელთა მოვლა-შენახვის ხარჯი წელიწადში 70 000 ლარზე მეტს შეადგენდა. გაყიდული მანქანებიდან შემოსული თანხით კი იგეგმება მხოლოდ 5 ავტომობილის შეძენა, რომლებიც შედარებით ეკონომიურია და ეკოლოგიური თვალსაზრისით ნაკლებად აბინძურებს გარემოს.




მეტის ნახვა
2-04-2018, 16:38