სარეკლამო ადგილი

947x125



გვესაუბრება ანალიტიკოსი სოსო მანჯავიძე:

_ ბატონო სოსო, მოდით შევაჯამოთ და შევაფასოთ არჩევნების ორივე ტური, როგორია თქვენი შთაბეჭილებები, რა მოლოდინები გქონდათ და ელოდით თუ არა ასეთ შედეგებს?

_ არჩევნების პირველ ტურში "ოცნების" გუნდი იმდენად მოუმზადებელი იყო, მეტიც, თითქოსდა იმდენად ყოყმანობდნენ, რომ ხალხი ვერც მიხვდა, უჭერდა თუ არა მხარს ხელისუფლება პრეზიდენტობის დამოუკიდებელ კანდიდატს. რჩებოდა შთაბეჭდილება და იყო კიდევაც მინიშნებები, რომ ხელისუფლება, თითქოსდა მეტი დემოკრატიულობისთვის, აპირებდა მხარი ე.წ. ოპოზიციონერი ბაქრაძის კანდიდატურისთვის დაეჭირა.

ყოველივე ამას ოსტატურად იყენებდა მოწინააღმდეგე, რამაც უდიდესი დაბნეულობა გამოიწვია, როგორც ხელისუფლებაში, ასევე საზოგადოებაში, რასაც ვერ ვიტყვით, კარგად კონსოლიდირებულ ოპოზიციაზე, რომელსაც შესანიშნავად უკვალავდა გზას მოწვეული პიარის სპეციალისტები, კერძოდ, შკლიაროვის ჯგუფი, რომელიც გრიგოლ ვაშაძემ ჩამოიყვანა.

ამას დაერთო ხელისუფლების სრულიად გაუაზრებელი წინადადება მარიხუანის ლეგალიცაზიის თემასთან დაკავშირებით, რაც საზოგადოებამ მკვეთრად უარყოფითად მიიღო. ამაზე ააგო, ფაქტობრივად, გრიგოლ ვაშაძემ მთელი წინასაარჩევნო კამპანია.

მეორე ტურის წინ უკვე თვალნათელი გახდა, რომ "ნაცმოძრაობის" რევანში რეალური იყო, რაც მანამდე თითქოს არავის არ სჯეროდა. ეს კი, საბოლოო ჯამში, გამოიწვევდა პოლიტიკური ლანდშაფტის ისეთ რღვევას, რომელიც კატასტროფით დამთავრდებოდა "ქართული ოცნებისთვის". გააცნობიერეს ეს და გაჩაღდა უპრეცედენტოდ აქტიური მუშაობა სალომე ზურაბიშვილის გასამარჯვებლად. ამ პროცესებში მნიშვნელოვანი როლი ითამაშა "პატრიოტთა ალიანსმა" და ტელეკომპანია "ობიექტივმა". არ შეიძლება მათი ნამოქმედარის უგულებელყოფა.

არჩევნებზე მივიდა უპრეცედენტოდ დიდი რაოდენობის ხალხი. მეორე ტური აღმოჩნდა არა მხოლოდ პრეზიდენტის არჩევნების პროცედურა, არამედ ერთგვარი რეფერენდუმი _ უნდა თუ არა საქართველოს მოსახლეობას "ნაცმოძრაობის" მობრუნება?! და მოსახლეობამ ცალსახად განაცხადა, რომ მას არ სურს ხელისუფლებაში კვლავ იხილოს "ნაცმოძრაობა", მაგრამ მას არ უთქვამს, რომ უნდა "ქართული ოცნება". ამიტომ, ცოტა არ იყოს, სასაცილოა, "ქართული ოცნების" ზოგიერთი წარმომადგენლის თავმოწონება და ზეიმი იმაზე, რომ მათ გაიმარჯვეს! საქართველოს მოსახლეობამ უდიდესი სურვილი და ნება გამოხატა ამ არჩევნებზე, ხმამაღლა უთხრა უარი "ნაცმოძრაობას", მაგრამ ეს, რატომღაც, ვერ გაიგო "ნაცმოძრაობამ" და კარგად ვხედავთ, რასაც აკეთებენ.

_ რას აკეთებს და რა უნდა გააკეთოს "ქართულმა ოცნებამ"?

_ "ქართული ოცნება" ვერანაირ პოზიტიურ და ეფექტურ ნაბიჯებს ვერ გადადგამს, თუ არ შეცვალა იდეოლოგია და არ იფიქრა სახელმწიფოებრივად. "ქართულ ოცნებაში" ე.წ. შიდა "რევოლუცია" უნდა მოხდეს. ეს "რევოლუცია" უნდა მოახდინონ იდეურმა, განათლებულმა, გამოცდილმა ადამიანებმა.

_ ბატონო სოსო, რით ახსნით იმას, რომ 780 000 ადამიანი მხარს უჭერს თურმე "ნაცმოძრაობას". რას ფიქრობთ, რა მოვლენასთან გვაქვს საქმე?

_ ყველგან, ყველა ქვეყანაში, 15-დან 20%-მდე არსებობენ ადამიანები, რომლებიც მშვიდობისა და წესრიგის ლოზუნგით ნებისმიერ რეპრესიას გაამართლებენ.
"ნაციონალებს", თითქმის ყველას, ერთი და იგივე რამ უდევთ გულში და ტვინში, რასაც ის ცნობილი ნაციონალი ბადრი შუბლაძეც ახმოვანებს _ ვინც ციხეებში იჯდა, ვისაც აწამებდნენ, ღირსი იყვნენო, ისეთივე რიტორიკაა, როგორც სტალინის რეპრესიების დროს _ "ნევინნიხ ნე ბივაეტო". ასე იყო გერმანიაშიც.

რასაც ესენი აკეთებენ და ითხოვენ, ეს არის ჩვეულებრივი ფაშიზმი.

სააკაშვილი მოქმედებდა ჩამოყალიბებული იდეოლოგიების მიხედვით. ის მოლაპარაკებული იყო იმაზე, რომ ნებისმიერი მოქმედება, რომელიც გაკეთდებოდა კორუფციასთან ბრძოლისა და დემოკრატიის საფარველქვეშ, იქნებოდა გამართლებული. ის იყო "დემოკრატიის შუქურა" და საქართველო იყო "ფერადი რევოლუციების" გავრცელების კერა. ხომ გახსოვთ ყირგიზეთში ბატონი თარგამაძის ჯორით სეირნობა და ა. შ. უზბეკეთში, რუსეთში და სხვა პოსტსაბჭოთა ქვეყნებში აპირებდნენ ე.წ. ხავერდოვანი რევოლუციების მოწყობას. ცხადია, ყველაფერი რუსეთის წინააღმდეგ იყო მიმართული და დასავლეთი ფართოდ დახუჭული თვალებით უყურებდა საქართველოში მიმდინარე მოვლენებს _ უპრეცედენტო რეპრესიებს და რის გამო და რატომ, ეს უკვე გაშიფრული ფაქტია.
ტრამპის გამარჯვების შემდეგ ჩვენ ვხედავთ "ფერადოვანი რევოლუციების" დამუხრუჭების ტენდენციებს.

სააკაშვილმა მაშინვე იგრძნო ახალი სიოს ქროლა და უცბათ აიტაცა ის ლოზუნგები, რასაც აჟღერებდა დონალდ ტრამპი მაშინ, როცა საქართველოს ხელისუფლება კვლავ ამერიკის დემოკრატიული პარტიის იმ უკიდურესად მემარცხენე ფლანგის იდეოლოგიის მიმდევრად რჩება. ამის შედეგი იყო მარიხუანას თემაც, ლგბტ თემის მხარდაჭერა, ოჯახში ძალადობაზე კანონების შექმნა და ა. შ.

სამწუხაროდ, ტრამპის "ხაზს" საქართველომდე არ ჩამოუღწევია და ვართ, ფაქტობრივად, გეოპოლიტიკურ ვაკუუმში.

შეიძლება არ გახსოვთ, ამიტომ მე შეგახსენებთ, გრიგოლ ვაშაძე გამოვიდა სტუდენტებთან შეხვედრაზე უნივერსიტეტში და თქვა: მე მრავალი მიზეზის გამო მხარს ვუჭერდი ჰილარი კლინტონს და უნდა გვესმოდეს, რომ რუსეთმა და აშშ-მა შესაძლოა მოილაპარაკონ ისლამურ ტერორიზმთან ბრძოლაში ერთობლივ მოქმედებებზე, მაგრამ ჩვენ არ გვაწყობს, აშშ-მა და რუსეთმა მოილაპარაკონ გლობალურ ტერორიზმთან ბრძოლის საკითხში, რადგან ასეთ შემთხვევაში, რუსეთმა შეიძლება მოითხოვოს თავისი გავლენების აღდგენა პოსტსაბჭოთა ქვეყნებშიო.ე.ი. საქართველოს უნდა აწყობდეს, რუსეთმა და აშშ-მა ვერ მოილაპარაკონ და ჩვენ ისეთი პოლიტიკა ვაწარმოოთ, რომ ისინი ერთმანეთს დაუპირისპირდნენ, ხოლო ჩვენი როლი უნდა იყოს მათ შორის დაპირისპირება. ეს უნდა იყოს ჩვენი ფუნქციაო, ანუ ჩვენ უნდა ვიყოთ პროვოკატორებიო.

2008 წელს ერთხელ უკვე ვითამაშეთ პროვოკატორის როლი.

ახლა რა უნდა გავაკეთოთ? რას გვთავაზობს ბატონი ვაშაძე? _ მარტივია. უნდა გავაკეთოთ ტერორისტების ტრანზიტი ჩღდილო კავკასიიდან სირიაში, კვლავ გავხდეთ მსოფლიო ტერორიზმის ოფშორი იმასთან ერთად, რომ უკვე ვართ სათამაშო ბიზნესის, პროსტიტუციის, ნარკოლიბერალიზაციის ოფშორი. ანუ გავხდეთ უკიდურესად რეაქციული დასავლური ძალების დასაყრდენი, იმ ძალებისა, რომლებიც არ დაუშვებენ რუსეთთან არანაირ მოლაპარაკებებს და რითი უნდა მოხდეს ქართველი ხალხის დაყოლიება ამ შენიღბულ პროვოკაციაზე? _ რა თქმა უნდა, ურაპატრიოტიზმით!

ურაპატრიოტიზმი უკვე ვიხილეთ არაერთხელ და აპოგეა იყო უკანალების ჩვენების პერფორმანსი სასაზღვრო ზოლთან.
ეს იყო უკიდურესად მნიშვნელოვანი აქტი. მოკლედ, ჩვენ უკანალები ვუჩვენოთ და გავაღიზიანოთ გამძვინვარებული დათვი და გადავიქცეთ, როგორც ვთქვი, გლობალურ პროვოკატორად. ტრაგედია, რაც შეიძლება მოხდეს, ვის კისერზე იქნება, ამას მათთვის მნიშვნელობა არ აქვს.
ახლა ხომ არ არის 2008? არც რუსეთია 2008 წლის რუსეთი, არც 2008 წლის ირანია ჩვენი მეზობელი და არც 2008 წლის თურქეთი. ჩვენი გეოპოლიტიკური ვითარება აბსოლუტურად შეცვლილია და სახეზე გვაქვს ერთი ზესახელმწიფო და ორი რეგიონალური ზესახელმწიფო. ყოველ წუთს, ნებისმიერი გეოპოლიტიკური რყევის შემთხვევაში, ჩვენ განწირული ვართ გადარჩენის ყოველგვარი შანსის გარეშე.

ვიღაცას შეიძლება ჰგონია, რომ იალტის ზავის შემდგომ პერიოდში ვცხოვრობთ, მაგრამ ასე არ არის, მეგობრებო.

დღეს, როცა ვინმე საუბარს იწყებს რუსეთთან მოლაპარაკებების დაწყებაზე, მაშინვე მოედინება ლანძღვა-გინების ნიაღვარი `ნაცმოძრაობისგან~, რადგან მოღალატეების მთავარი მიზანია, შენარჩუნდეს პროვოკატორის ფუნქცია… უნდათ გლობალური დაპირისპირებების პროექცია გადმოიტანონ საქართველოში და ჩვენი ქვეყანა შეწირონ ამ დაპირისპირებას თავიანთი პოლიტიკური და ფინანსური ინტერესების სანაცვლოდ. აი, ეს არის მთელი ალგორითმი, რაც ხდება საქართველოში და ის 780 000 ადამიანი, რომლებზეც ზემოთ ვსაუბრობდით, სრულიად გაუცნობიერებლად ემხრობა `ნაცმოძრაობას~, თუმცა არც ისინი არიან დიდად გათვითცნობიერებულნი, ვინც საწინააღმდეგოდ მისცეს ხმა.

ირანდა კალანდაძე

მეტის ნახვა
8-12-2018, 12:00


როგორ მოახერხა "საერთო გაზეთმა" არჩევნების  წინა დღეს არჩევნების რეალურ შედეგებთან ყველაზე მეტად მიახლოებული პროგნოზი დაედო?

მართლაც საოცრება არ არის, როგორ მოახერხა "საერთო გაზეთმა" არჩევნებამდე ერთი დღით ადრე, არჩევნების საბოლოო შედეგებთან ყველაზე მეტად მიახლოებული პროგნოზი გამოეთვალა, რომელიც "საერთო გაზეთის" 27 ნოემბრის ნომერში პირველ გვერდზე გამოქვეყნდა?

ჩვენ არც "გელაპი" გვყავდა და არც "სელაპი", არც "ედისონ რიჩერსი" და არც "ედისონ ფიქჩერსი", არც სოციოლოგიური კვლევებით შეგვიწუხებია თავი და არც საველე სამუშაოებით, არც კაჭკაჭიშვილებისთვის დაგვიძახნია და არც ბულბულაშვილებისთვის, შევიკრიბეთ სამი კაცი, რედაქციის ბუღალტერს ქალბატონ გულიკოს ვუხმეთ თავისი კალკულატორით, დავსხედით, გავაანალიზეთ, მივუმატეთ, გამოვაკელით, გავამრავლეთ, გავყავით, მერე ისევ შევკრიბეთ და ზუსტად ის შედეგი მივიღეთ, რაც ცესკომ გამოაცხადა _ 60% _ სალომე ზურაბიშვილი, 40% _ გრიგოლ ვაშაძე.

მართალია, 40% ცრუპენტელა გრიგოლ ვაშაძისთვის ვერ გავიმეტეთ _ მის 40%-ს 4% ჩამოვაჭერით და სალომე ზურაბიშვილის 60%-ს დავუმატეთ, მაგრამ სხვა კვლევებთან შედარებით მაინც ყველაზე ზუსტი ციფრები დავდეთ _ 64% _ 36%.

რამდენმა ავტორიტეტულმა თუ არაავტორიტეტულმა ორგანიზაციამ იმუშავა, რამდენმა ადამიანმა იწვალა და იჯახირა, რამდენი დრო და ენერგია დაიხარჯა, რამდენი მილიონი გაიცა და მაინც არაფერი _ "საერთო გაზეთის" სამკაციანმა ჯგუფმა და ქალბატონმა გულიკომ თავისი 10-ლარიანი კალკულატორით ყველას "გადაუჯოკრა", ისე, რომ არც ერთი თეთრი არ დახარჯულა.

ხომ არის ეს სასწაული?

არა, სულაც არ არის ეს სასწაული, ეს ყველაფერი იმის დადასტურებაა, რომ რეალურ სურათთან მიახლოებული ზოგადი სურათი რომ მიიღო, ამისთვის სულაც არ არის აუცილებელი, დღედაღამ "მკითხავებში" ირბინო და ამაში უზარმაზარი ფული ხარჯო _ ამას სჯობია, ყურადღებით იკითხო გაზეთები, ყურადღებით უყურო და უსმინო ტელე და რადიო გადაცემებს, თვითონ შენ ან შენი ნდობით აღჭურვილმა პირებმა ხშირად იაროთ ხალხში და ყური მიუგდოთ, რას ფიქრობენ შენზე, შენს პარტიაზე, შენს ხელისუფლებაზე შენი ქვეყნის მოქალაქეები, მერე განმარტოვდე, ყველაფერი ეს გააანალიზო და სათანადო დასკვნები გამოიტანო.

მკითხავები-მეთქი, ვთქვი ზემოთ და შეიძლება ამით ვიღაცებს ვაწყენინე, მაგრამ განა მკითხაობა არ არის, როდესაც სამი სხვადასხვა პრესტიჟული და ავტორიტეტული ორგანიზაცია ერთსა და იმავე კითხვაზე სამ განსხვავებულ პასუხს იძლევა და მერე იმაზე უნდა იმტვრიო თავი, რომელია ამ სამიდან სწორი და მართალი.

სოციოლოგია, საზოგადოების აზრის და განწყობების კვლევა და შესწავლა, ცხადია, საჭირო და სერიოზული საქმეა, მაგრამ საარჩევნო კამპანიის ციებ-ცხელების დროს რამდენად გამართლებულია, ეს კვლევები საზოგადოებაზე ზეგავლენის მოხდენის, სხვადასხვა მანიპულაციების და სპეკულაციების საშუალებად იქცეს, რომელიც, ხშირ შემთხვევაში, არაჯანსაღ აჟიოტაჟს და ვნებათაღელვას იწვევს.

თუ რომელიმე პოლიტიკურ ორგანიზაციას, გნებავთ, რომელიმე პოლიტიკოსს ან ადამიანთა რაღაც ჯგუფს ძალიან აინტერესებს, რა განწყობებია საზოგადოებაში და რა პროცესები მიმდინარეობს ქვეყანაში, კი, ბატონო, ვისაც უნდა, იმას შეუკვეთოს ყოველივე ამის კვალიფიციური შესწავლა, მაგრამ გამოიყენოს ეს კვლევები შიდა მოხმარებისთვის და არა საზოგადოებაზე ფსიქოლოგიური ზეწოლისთვის.

ბევრ ქვეყანაში, სადაც მაღალი დემოკრატიული სტანდარტები მოქმედებს, საარჩევნო პერიოდში სოციოლოგიური კვლევების და ელექტორატის წინასწარი გამოკითხვების შედეგად მიღებული მონაცებების გასაჯაროება, ამასთან ერთად, ეგზიტპოლების გამოქვეყნება, კანონით არის აკრძალული.
იქნებ დროა, საქართველოშიც ვიფიქროთ ამ მიმართულებით და ისედაც ნერვებდაწყვეტილი მოსახლეობა ამ უსაგნო და არაფრისმომცემი აჟიოტაჟის გამო დამატებით ნერვების წყვეტას ავარიდოთ.

ხოლო თუ ვინმეს ხმების დათვლამდე გული არ გითხმენთ და წინასწარ გინდათ, გაიგოთ, რა ბედი გელით არჩევნებზე, აგერ ვართ `საერთო გაზეთის~ სამკაციანი ჯგუფი, აგერ არის ქალბატონი გულიკო თავისი კალკულატორით, დაგვიძახეთ, მოვალთ და რამდენიმე საათში ზუსტად გეტყვით ყველაფერს, თანაც ამას ყოველგვარი ანაზღაურების და განსაკუთრებული ვალდებულებების გარეშე გავაკეთებთ.

აბა, თქვენ იცით.

ვახტანგ ხარჩილავა

მეტის ნახვა
8-12-2018, 11:00


"საერთო გაზეთის" სტუმარია ბატონი ნიკუშა შენგელაია:

_ არჩევნებამდე მოცემულ ინტერვიუში, თუ გახსოვთ, დავუშვი ალბათობა, რომ საქმე მეორე ტურამდე მივიდოდა. მოგეხსენებათ, დემოკრატიული გარემოსთვის მეორე ტური ტრაგედიას სულაც არ წარმოადგენს. ფაქტია, საზოგადოებაში არსებულმა უკმაყოფილებამ იფეთქა. პირადად, მე, "ნაციონალური მოძრაობა" ნორმალურ ოპოზიციურ ძალად არ მიმაჩნია. იგი ყოველგვარ ბოროტებას თესავას. ეს რომ არა, ასეთი დაძაბული გარემო არ იქნებოდა. მათი მმართველობის პერიოდშიც იგივე ხდებოდა. "ნაცმოძრაობის" ლიდერის პირიდან სიძულვილის ენისა და ტყუილის გარდა, სხვა არაფერი მახსენდება, რაც სრულად აქვს მის პარტიას ათვისებული. შედეგად, სიძულვილის, არეულობის, ტყუილის, ბოროტების გარდა, მათგან სხვა არაფერი მოდის. ეს რომ ნორმალური ოპოზიციური ძალა იყოს, სამოქალაქო საზოგადოებაში ასეთი დაძაბულობა არ იარსებებდა. ხალხი მოჯადოებულ წრეშია, მუდმივად ორ ძალას შორის იჭყლიტება. საზოგადოების დიდმა ნაწილმა რომელიც არჩევნებზე არ მივიდა, დღევანდელ ხელისუფლებას ამით კონკრეტული მესიჯი გაუგზავნა. აღვნიშნე, რომ "ნაციონალების" სახით ჯანსაღი ოპოზიცია არ გყავს, თუმცა ეს არ ნიშნავს, რომ ხელისუფლებამ ყურადღება მოადუნოს და ხალხის გულისცემას აღარ მოუსმინოს. ასე, რომ მეორე ტურამდე ბევრი მიზეზის გამო მივედით. ეს გახლავთ: მმართველი ძალის პოლიტიკისადმი წარმოების მიმართ არსებული დამოკიდებულება, არასწორი მართვის ვერტიკალი, სამართლიანობის აღდგენის დაყოვნება და ა.შ. ვიცით, რომ "ნაცმოძრაობამ" ათასობით ოჯახი დააქცია, ამ დროს, სამართლიანობის აღდგენა გაჭიანურდა. გარდა ამისა, საზოგადოება საკვანძო თანამდებობებზე ხედავს პორტირებულ ადამიანებს, რომლებიც "ნაცმოძრაობის" დროს ძალადობდნენ, რაც ხალხს აღიზიანებს. ამას ემატება უკიდურესად დიდი გაჭირვება, რაც მოსახლეობის დიდ ნაწილზე აისახება. ამ ყველაფრის ერთობლიობამ შექმნა ის სურათი, რომ დამოუკიდებელმა კანდიდატმა არჩევნები მხოლოდ ერთი პროცენტით მოიგო. ხალხს, პროცენტულად ასეთი მცირე სხვაობა, გაუკვირდა. პრინციპში, ამომრჩევლის 100%-იდან "ნაცმოძრაობამ" 17% მიიღო. ეს ის 17%-ია, რაც მათ წინა საპარლამენტო არჩევნებშიც ჰქონდათ. ადამიანების დიდ ნაწილს ვერ წარმოუდგენია, რომ ამ ძალას პოლიტიკაში მოსვლაზე კიდევ აქვს პრეტენზია, მაგრამ როცა ირგვლივ ამდენი გაჭირვებულია, მოსახლეობის დიდი ნაწილი კი სამართლიანობის აღდგენას ისევ ელოდება, შეიძლება ეს შედეგი მიიღო. ამიტომ, ვივარაუდე, წინა ინტერვიუში მეორე ტური. ჩვენ, საზოგადო მოღვაწენი ხომ ხალხის მაჯისცემას მძაფრად ვგრძნობთ იმიტომ, რომ კაბინეტებში არ ვსხედვართ, ხალხთან ურთიერთობა გვაქვს. ჩვენ ხალხი გვიყვარს, გვიცნობს, ჩვენთან მოდიან და საკუთარ გულის წუხილს გვიზიარებენ, რითაც ვგებულობთ მათში თუ რა განწყობაა. სამწუხაროდ, კაბინეტებში მსხდომთათვის ეს განწყობა უცნობია, ისინი სწორ ანალიზს არ აკეთებენ, ჭკვიან ხალხს ყურს არ უგდებენ, ფიქრობენ, რომ თავად ყველაფერი ყველაზე კარგად იციან. აქ იწყება ხელისუფალის დაავადება, რაც ცუდად მთავრდება-ხოლმე. სხვათა შორის, ზუსტად ეს ვიგრძენი ბიძინა ივანიშვილის მიმართვაშიც და "იმედისთვის" მიცემულ ინტერვიუშიც. იმედი მაქვს, მმართველი ძალა ამ გზავნილს სწორად გაიგებს. "ნაცებისგან" განსხვავებით, "ქართული ოცნება" შენიშვნებს ითვალისწინებს და იმედია, სწორ ანალიზსაც გააკეთებს. არ დაგვავიწყდეს, რომ წინ 2020 წლის საპარლამენტო არჩევნები მოდის. ჩვენ, საპარლამენტო რესპუბლიკა ვართ და ხელისუფლების გადაბარება 2020 წელს ხდება. ამიტომ, ამ ორ წელიწადში საზოგადოება უნდა გააქტიურდეს. აუცილებელია, გაჩნდეს მესამე ძალა, რაზეც "საერთო გაზეთთან" ინტერვიუებში ადრეც მისაუბრია. კი, ბევრი ავანტიურისტიც გამოჩნდება, მაგრამ წესიერ, კომპეტენტურ ძალას საზოგადოება ყოველთვის მიესალმება.

_ ბატონო ნიკუშა, პირველმა ტურმა გამოაჩინა თუ რა ძალა აქვს ხალხს. მეორე ტურის წინ ჩამოყალიბდა სამოქალაქო მოძრაობა _ "მე ვიცავ თავისუფლებას", რომელიც მეტად აქტიურობს, ვიდრე თავად "ქართული ოცნება".

_ საზოგადოება, ყოველთვის, უფრო ჯანსაღ რელსებზე დგას. კარგი იქნება პოლიტიკური პარტიაც ასე იყოს. წინა პლანზე ხალხის გულწრფელი წუხილია. მას არ სჭირდება გაუგებარ თამაშებში შესვლა, იგი წუხს ქვეყნის, მისი ოჯახის ბედზე. ყველაზე მთავარი საზოგადოებრივი პოლიტიკის წარმოებაა. თუ დემოკრატიულ სივრცეში ცხოვრება გვინდა, ამ თამაშის წესისთვის, საზოგადოებრივი პოლიტიკის კეთება, მნიშვნელოვანია. სამწუხაროდ, ეს ხელისუფლების მხრიდან არ ჩანდა, გარკვეული გათიშულობა იყო. ბიძინა ივანიშვილმა პოლიტიკაში დაბრუნებისას აღნიშნა: ვიგრძენი, რომ მმართველმა ძალამ ხალხის გულისცემა დაკარგაო. ამიტომაც დაბრუნდა. რაც მთავარია უნდა მოხდეს მნიშვნელოვანი ცვლილებები და არა ფასადური. საკადრო პრობლემაც სახეზეა, თუმცა, ვერ ვიტყვი, რომ მთავრობა ცუდად მუშაობს. ბევრი რამ კეთდება თუმცა, შეიძლებოდა უფრო ეფექტური ყოფილიყო საკადრო, ეკონომიკური, ინფრასტრუქტურის განვითარებისთვის მყისიერი გადაწყვეტილებების მიღება, რაც ქვეყანას წაადგებოდა. მნიშვნელოვანია.

_ ბატონო ნიკუშა, სამოქალაქო მოძრაობა _" მე ვიცავ თავისუფლებას", საქართველოს მასშტაბით ატარებს შეხვედრებს. რა განწყობებია რეგიონებში, რამდენად მზად არის სახლში დარჩენილი 53% არჩევანის გასაკეთებლად?

_ ხალხის განწყობა ძალიან შეცვლილია. სამწუხაროდ, ბევრი ადამიანი არჩევნებზე არ მივიდა. ჯანმრთელი გარემოს კუთხით, კარგიც კი არის, რომ მეორე ტური დაინიშნა. ამან დღევანდელი მმართველი გუნდი გამოაფხიზლა. ეს რომ 2020 წელს მომხდარიყო, შეიძლება დიდი ტრაგედია მოჰყოლოდა და "ნაცები" ყველა სახელისუფლო შტოში დაბრუნებულიყვნენ. "ნაცმოძრაობის" კანდიდატი ვერცერთ სახელისუფლებო შტოში ვერ წარმომიდგენია. ეს, უკვე, მორალურ-ზნეობრივი საკითხია. ამ კუთხით, ხალხი, ერთიანია. მაგრამ მოსახლეობა მხოლოდ მორალურ-ზნეობრივი თემებით არ ცხოვრობს. შეიძლება საზოგადოების დიდი ნაწილი ცხოვრობს ასე, მაგრამ მათ ასევე ესაჭიროებათ სამსახური, საკვები, შვილების განათლება. ხალხს მხოლოდ ზნეობრივ პოსტულატებს ვერ მიაწოდებ. ამიტომ, აშკარაა, რომ ხალხი ჩვენს გარეშეც აქტიურობს. მეორე ტურში ბევრად უფრო იმედიანად ვარ, რომ ქალბატონი სალომე გაიმარჯვებს იმიტომ, რომ ერი გამოფხიზლდა. "ნაციონალების" მოსმენა უკვე შეუძლებელია. იმედი მაქვს, რომ ღირსეული, თავისუფლების მოყვარული, შვილების ბედზე მზრუნველი და სამშობლოს მოყვარული ადამიანი გაიმარჯვებს.

დიახ, ამიტომაც მაქვს ადამიანების იმედი. ახლა, საკითხი ასე დგას: ან ბნელ წარსულს ვირჩევთ ან ქვეყნის განვითარებას. დემოკრატია ერთჯერადი აქტი არ არის, მუდმივად, განვითარებულ პროცესებს უნდა მისდიო და ხელისუფლება ისეთ მდგომარეობაში ჩააყენო, რომ იგი, იძულებული გახდეს სულ გისმენდეს და საზოგადოების დაკვეთას ასრულებდეს. `ნაცმოძრაობის~ სურვილები ქართველი ხალხის მოთხოვნებს არ ემთხვევა ამიტომ, ვერაფერს გახდებიან. ხომ გამოჩნდა მათი რეალური სახე _ ვინ ვინ არის, ვინ ვის მიეტმასნა, ვითომ, გაყრილები რომ იყვნენ. ვერ გამიგია, ეს რა სამყაროა. მათ უზნეო საქციელს არც ვიცი რა დავარქვა _ ერთ დღეს ერთმანეთს ლანძღავენ, მეორე დღეს პროშნიან, რათა ძალაუფლებაში მოხვდნენ და თბილი კაბინეტები დაიკავონ. ეს არანაირ ადამიანურ ფასეულობაში, ზნეობაში არ ჯდება. ადამიანების დიდ ნაწილს მათი მხარდაჭერა ვერც წარმოუდგენია, მაგრამ ხომ ხედავთ ეს ყველაფერი სად მიდის. ჩვენ უნდა დავფიქრდეთ, ასე რატომ ხდება. ყველამ იცის `ნაცმოძრაობა~ რასაც წარმოადგენს. ამიტომ, ადამიანებს, რომლებიც არჩევნებზე არ მოვიდნენ კიდევ ერთხელ ვთხოვ: იაქტიურონ, რათა თავიანთი პასიურობით ამ მოძალადე, ბნელი ძალის დაბრუნებას ხელი არ შეუწყონ.

_ რას იტყვით, საარჩევნო კამპანიაში მასმედიის, ენ-ჯე-ოების როლზე?

_ "რუსთავი2"-ს როგორ უნდა მოატყუებიო თავი, ეს თავმოყვარეობის საკითხია. სამწუხაროდ, მოსახლეობის დიდი ნაწილიამ არხს უყურებს და გულს იოკებს. რაც შეეხება ენ-ჯე-ოებს, ისინი ყველა ქვეყანაში დემოკრატიული წყობის ერთ-ერთი ნაწილნი არიან. ისინი კონსტრუქციული კრიტიკოსები უნდა იყვნენ, ამხილონ შეცდომებში როგორც ხელისუფლება, ასევე, ოპოზიცია. თუმცა, ხშირად მათ სპონსორები თუ დამფინანსებლები პოლიტიკური მოტივებით იყენებენ. ამიტომ, ხალხმა უნდა განსაჯოს რომელი ენ-ჯე-ო რას ემსახურება.

_ რა არის დღეს ჩვენი არჩევანი _ ევროპა თუ საბჭოთა წარსული?

_ "ნაციონალებს" რომ უსმინო: ევროპა თავად არიან, ხოლო ქალბატონი სალომე თურმე, რუსეთის გადმონაშთია. სირცხვილია ამაზე საუბარი. თუ ხალხი ტყუილ-მართალში ვერ ერკვევა, მაშინ უბედურება არ აგვცდება. ყველაფერი ცხადზე ცხადია. გადაბრალება, რაც "ნაცებს" სჩვევიათ, ძველი ჩეკისტური ტაქტიკაა.
"ნაცმოძრაობა" გვსაყვედურობს: ცხრა წლიან რეჟიმს რატომ იხსენებთო. იმიტომ ვიხსენებთ, რომ როგორც ილიამ თქვა: წარსული ქმნის აწმყოს, აწმყო _ მომავალს. თუ ჩვენი წარსული არ გვეხსომება, ვერასდროს შევცვლით ვერც აწმყოს, ვერც მომავალს. თუ წარსული აწმყოში არ გავაანალიზეთ, სწორ გადაწყვეტილებას ვერ მივიღებთ. ამიტომ, ეს სულ უნდა გვახსოვდეს. მთელს მსოფლიოს ახსოვს ნაციზმი. იცით რატომ? _ განა იმიტომ, რომ უნდათ ეს ახსოვდეთ, არამედ იმიტომ, რომ იციან: მომავალში ეს არ უნდა განმეორდეს.

თამარ შველიძე
საერთო გაზეთი # 43
27 ნოემბერი

მეტის ნახვა
8-12-2018, 09:00


ერთ დიდ მსახიობს (თუ არ ვცდები, ვასო აბაშიძე იყო) უნიჭო კოლეგა აუტყდა, შენს სპექტაკლებზე არ მეცინებაო. ერთხელ გაუტარა, ორჯერ, სამჯერ, მაინც არ ჩერდებოდა, არ მეცინება და რა ვქნაო? ბოლოს ამოუვიდა ყელში, ავიდა სცენაზე და იქიდან გამოუცხადა: ამ ჩემ ფეხებს, თუ არ გეცინებაო!

ეხლა დედამიწის არამოქალაქე მიხა სააკაშვილი ატყდა ამსტერდამიდან, საქართველოში ჩატარებული არჩევნების შედეგებს არ ვაღიარებ, ხალხმა გია ვაშაძე აირჩია, პრეზიდენტი ეგ არიო. ერთხელ გავუტარე, ორჯერ, სამჯერ, მაინც არ ჩერდება, არ ვაღიარებ და რა ვქნაო?!

ჰოდა, საჯაროდ ვეუბნები: ამ ჩემ ფეხებს, თუ არ აღიარებ, სულ ერთ ადგილას არ მკიდია?!
ტიპი არ არის არც ერთი ქვეყნის მოქალაქე, მისჯილი აქვს 6 წელიწადი, შეფარებულია სიდედრის ტრიკოს ტოტის ერთ-ერთ ნაოჭში და მაინც აცხადებს, არ ვაღიარებო. სალომე ზურაბიშვილს ლამის მთელმა მსოფლიომ მიულოცა, სადამკვირვებლო მისიებმაც დადეს ანგარიშები, დარღვევები იყო, მაგრამ მაინც ვემხრობით საქართველოს დემოკრატიასო და ეს კიდევ იძახის, არ ვაღიარებო. ჰოდა, ისევ ვიმეორებ: ამ ჩემ შაშას და კოლას, თუ არ აღიარებ!

თუმცა მიხას არაღიარებას აქვს თავისი მიზეზები: პირველი – მილიონები დახარჯეს მისმა ბიძამ თემურ ალასანიამ, მისმა "ძმაკაცმა" კობა ნაყოფიამ და კიდევ სხვა "ძმაკაცებმა", მაგრამ შედეგი მაინც არის ნულის ტოლფასი, გრიშა ვერ გახდა პრეზიდენტი; მეორე – მიხამ იცის, რომ მომავალში ამდენ ხალხს ვეღარ გადაიყვანს თავის რელსებზე, ისედაც ცალი ფეხით გაქცევაზე არიან ე.წ. ოპოზიციის ე.წ. ლიდერები, მათ კარგად იციან, რომ რევოლუციის არც ტრაკი აქვთ, არც რესურსი და არც ავტორიტეტი საზოგადოებაში; მესამე – სადაც იხარჯება დიდი ფული და ამ ფულის დამხარჯავი ვერ იღებს შედეგს, შემდეგ იწყება დავა-გარჩევა და ფულის უკან დაბრუნების პროცესი, უფრო სწორად, მცდელობა. როგორ გგონიათ, ადამიანი, რომელიც მილიონ დოლარს იძლევა ბიძინა ივანიშვილის მკვლელობისთვის, მაჭუტაძეებს, ვაშაძეებს, ქარდავებსა და დავითაიებს რამეს შეარჩენს? თუ არ იქნება რევოლუცია, გაიძვერა თემურ ალასანია ჩაფლავებულ ე.წ. ლიდერებზე დაიწყებს ნადირობას, მაგათ "ჩაპიზდეცებაში" სულაც არ არის მილიონები საჭირო, მუქდადაც ბევრი გაუერთიანებს თავ-პირს; მეოთხე – ბოლო დროს გავრცელებული ფარული ვიდეო-ჩანაწერების თანახმად (ეს ისედაც ვიცოდით), მიხა სააკაშვილს თავიდან ბოლომდე მართავს ბიძა, თემურ ალასანია, ის მუდმივად ეჯიჯღინება თავის დის შვილს, რომ არა და არ დადგა შედეგი, ვერა და ვერ დაამხეს ბიძინა ივანიშვილის ხელისუფლება. აგერ, მილიონები დახარჯეს პირველ ტურში, არაფერი გამოვიდა და ე.წ. ოპოზიცია ისევ ითხოვს ფულს. ამათ მიხა პირდება, წადით, არიეთ სიტუაცია, აქციები გადაიტანეთ თავისუფლების მოედანზე და როცა ძალაუფლებას ჩავიგდებთ ხელში, არ დაგივიწყებთ, ყველას გადაგიხდითო. ესენი, ეს ე.წ. ლიდერები არ და ვერ არიან ის ჩიტები, "პოსლეზე" რამე ააგორონ. არადა, რუსეთშიც კარგად დაინახეს, თუ როგორ დაირაზმა ერის ჯანსაღი ნაწილი გრიშას წინააღმდეგ და იქიდანაც ეგრევე შეწყვიტეს ფულის გამოგზავნა. არსებობს უტყუარი ინფორმაცია, რომ "ჩერეზ" ცხინვალი უზალთუნები ბლომად შემოდიოდა!

ე.წ. გაერთიანებული ოპოზიციის ქარაქუცა "ნაჩალნიკებს" უკან დასახევი გზა არ აქვთ, რაც თემურ ალასანიას ჯიბიდან ჭამეს, უკან ამოარწყევინებენ. "რესპუბლიკელებმა" ვერ მოასწრეს მსუყე ნაჭრის ჩამოჭრა და რევოლუციური გზიდან გადაუხვიეს, აქციას არ შეუერთდნენ. იციან ვირესმაკებმა, ვის როგორ უნდა უღალატონ. "ევროპულმა საქართველომ" ამ არჩევნებში 10-პროცენტიანი ბარიერი გადალახა, ბიუჯეტიდან 1 მილიონი ლარი დაითრია და ეგენიც გვერდზე გადგნენ, ჩვენ მომავალი საპარლამენტო არჩევნებისთვის უნდა მოვემზადოთო. ამ ვირეშმაკებმაც იციან, ვის რა დროს უნდა უღალატონ!

მიხა სააკაშვილი არც მალავს, რომ მას რევოლუცია სწყურია და ოცნებობს 2003 წლის სცენარზე, როცა დასავლეთ საქართველოდან "იკარუსით" გამოექანა. ნახეთ, რას აცხადებს:

"როგორც ჩვენ არ მივეცით საშუალება 2003 წელს ედუარდ შევარდნაძეს, გაეხსნა პარლამენტი და ლეგიტიმაცია მოეხდინა გაყალბებული საპარლამენტო არჩევნების, ზუსტად ასევე, 16-ში აპირებენ ესენი პრეზიდენტის ინაუგურაციას. ჩემი აზრით, ქართველმა ხალხმა უნდა თქვას, ჩვენ, მშვიდობიანად, წყნარად, კონსტრუქციულად, ზომიერების და კანონის ფარგლებში, ძალიან აუღელვებლად, მაგრამ ძალიან მასობრივად, არ მოგცემთ თქვენ საშუალებას, ჯიბეში ჩაიდოთ ხალხისგან მოპარული საპრეზიდენტო არჩევნები".

მიხა კბილებით ებღაუჭება ამ არჩევნების "მონაპოვარს", მეტი შანსი აღარ იქნება. ის ყველაფერზე მიდის, არც ადრე იყო დალაგებული, მაგრამ ახლა საერთოდ ამოვარდა გრაფიკიდან. არჩევნების ღამეს "ნაციონალების" შტაბში სკაიპით ჩაერთო და მილანძღ-მოლანძღა ყველა, დიდი თუ პატარა. როდესაც მას უთხრეს, რომ ამ ეტაპზე რევოლუციური სცენარი არ გამოვა, ბიძინა ივანიშვილის მოსყიდულები და მათხოვრები უძახა. ივანიშვილის მოსყიდვაზე რა გითხრათ, მაგრამ მათხოვრები რომ არიან, მაგაში ვეთანხმები. უკვე გითხარით, ამ მათხოვრებს სხვა გზა არ გააჩნიათ, რაკი შევიდნენ სააკაშვილ-ალასანიას ტლაპოში, ბოლომდე უნდა ჩაიხრჩონ!

არ არის ფული, აღარ არის ოვსილა და სურვილი. ამიტომაც გადავიდა "ნაცმოძრაობა" იაფფასიან ჭორებზე. მაგალითად, ახლა მოიგონეს, რომ თურმე პრეზიდენტის სასახლეში ბერა ივანიშვილი მეუღლესთან ერთად საცხოვრებლად გადადის. მიდის კომენტარები სოციალურ ქსელებში: "არ არსებობს, ამას ქართველი ერი არ დაუშვებს"! რასაკვირველია, ვინც ასეთ კომენტარს აკეთებს, მას სჯერა, რომ ბერა ავლაბრის სასახლეში გადადის საცხოვრებლად. სწორედ ამაზე იტყოდა ხოლმე გაბრაზებული აკაკი წერეთელი – ვაი, ვაი და სხვანიო!

მეორე იაფფასიანი შავი პიარი: ბიძინამ 5-5 კილო კარტოფილი და ხახვი დაარიგა, ანუ ხალხმა გრიშა ვაშაძე კარტოფილსა და ხახვში გაცვალა! ნუ, ეხლა "ნაცებს" რომ თავში ტვინის ნატამალი არ გააჩნიათ, ეს ვიცით, ცნობილია, მაგრამ ამ დონეზე? ჯერ ერთი, ქვეყნის მოსახლეობის დიდ ნაწილს რომ კარტოფილზე გაყიდულს ეძახი, შენ არ გამოდგები არც პრეზიდენტად და არც მინისტრად; მეორე – თუ მილიონზე მატმა ადამიანმა 5 კილო კარტოფილში გაგცვალა, მაშინ გამოდის, ამ 5 კილო კარტოფილის ფასადაც არ ღირხარ!

ნათქვამია, გაჭირვებამ ჩხუბი იცისო. ეს არ არის ნათქვამი მხოლოდ ეკონომიკურ გაჭირვებაზე, აქ იგულისხმება პოლიტიკური თუ ტვინით გაჭირვებაც. ჰოდა, რაკი ამ მხრივაც გადებული აქვთ, ერთმანეთსაც დაერივნენ. ამისი საუკეთესო მაგალითია მიხა სააკაშვილისა და ნილოლოზ გვარამიას კამათი პირდაპირ ეთერში:

მიხა: მე მიმაჩნია, რომ ხალხს ბევრად უფრო წყნარი ცხოვრება უნდა და ნამდვილად არ მესმის თქვენი ეს პიროვნული საუბრები – „მე მიქნეს" და ა.შ. რა მნიშვნელობა აქვს, თქვენ რა გიქნეს, რა გაწყენინეს?! ამას რა მნიშვნელობა აქვს?! მე ძალიან მიკვირს და თქვენს ადგილზე დავწყნარდებოდი. რომ ამბობთ, „მე მიქნეს", „ასე ვუზამ, ისე ვუზამ", რას ბაქიბუქობთ და რას ლაპარაკობთ?! ქვეყანა დაგვენგრა თავზე, ქვეყანა იკარგება.

ნიკოლოზი: რას ჰქვია, "მე რა მიქნეს", რა მნიშვნელობა აქვს?! მე ამ ქვეყანაში ვცხოვრობ თქვენგან განსხვავებით და ჩემს ოჯახის წევრებს შეეხნენ, ფიზიკურად ეხებოდნენ. მე ამ ქვეყანაში ვცხოვრობ და ფიზიკურად მეხებიან. მე შვილები მყავს ამ ქვეყანაში. ძალიან დიდი ბოდიში, მაგრამ ეს არის ჩემთვის წყალგამყოფი, ჩემს სივრცეში შემოღწევა!

სხვათა შორის, მიხას ყურს ძალიან ცუდად უნდა მოხვედროდა თაკო ჩარკვიანის ნათქვამი ფილარმონიაში – "არავითარი მიშა, არავითარი გრიშა"! ჩარკვიანმა განაცხადა, რომ მან შექმნა ახალი პარტია და იქ ეპატიჟება ყველას. ესე იგი, რა გამოდის? არც მიშა, არც გრიშა, ჩემთან წამოდითო. აშკარაა, შიგნით, ნაცხროვაში მთლად იეს ვერაა საქმე, როგორც მიხას და თემოს უნდათ.
და აი, დადგა 2 დეკემბერიც. დღის 3 საათი. პარლამენტის წინ, რუსთაველის გამზირზე შეიკრიბა 2 ათასამდე სექტანტი. თუ ამას გამოვაკლებთ პოლიციას, ჟურნალისტებს და სხვებს, დარჩება 1500 სექტანტი. ალბათ დამეთანხმებით, არ ჰგავს ეს 700 ათას მხარდაჭერილ აქციას. თუნდაც 3 ათასი იყოს, 5 ათასი, 10 ათასი, მერა რა? უჭირთ "ნაცებს" ყველანაირად, როგორც ეკონომიკრად, ისე პოლიტიკურად და "ტვინობრივად".

ასე გასრულდა რევოლუციამისჯილ მიხას ოცნება და ასე დასამარდა ნაციონალური ხროვა. თუმცა ფრთხილად, ქართველებო, ჩვენს გარშემო გველების სისინი კვლავაც ისმის!

P.S. მე ვნახე, როგორ იჭინთებოდა რუსთაველის გამზირზე გიორგი ვაშაძე, ნიკანორ მელია, ზაალ უდუმაშვილი, გრიგოლ ვაშაძე და სხვები. ისე იჭინთებოდნენ, გეგონება უთვალავი ლაშქარი მიადგა პარლამენტს და ხმას ვეღარ აწვდენდნენ. ვაი, თქვენს პატრონს, სად არის 700 ათასი ხმა? აი, მე ყოველთვის ვამბობდი, რომ ამათ ხელისუფლებას ცხვირწინ გაუყალბეს არჩევნები და ახლა იქით აბრალებენ გაყალბებას.

გელა ზედელაშვილი

მეტის ნახვა
7-12-2018, 15:00


2 დეკემბრის ღამეს, გაერთიანებული ოპოზიციის აქციამდე რამდენიმე საათით ადრე, ლიახვის ქუჩაზე სპეცოპერაცია ჩატარდა, სადაც უკრაინის 6 და საქართველოს ერთი მოქალაქე დააკავეს. გავრცელებული ინფორმაციით, დაკავებულებს შორის დონბასში მებრძოლი ლუკა ჩხეტიაა.
სპეცოპერაციის მეორე დღეს ჟურნალისტმა ლალი მოროშკინამ „ობიექტივის“ ეთერში სკანდალურ ინფორმაციას გააჟღერა. მისი თქმით, საქართველოს ექსპრეზიდენტ მიხეილ სააკაშვილის დაკვეთით, იგეგმებოდა გრიგოლ ვაშაძის მკვლელობა, რისი მიზანიც ქვეყანაში დესტაბილიზაციის შექმნა იყო. „ქვეყანამ აიცილა ძალიან სერიოზული არეულობა. დაგეგმილი იყო ვაშაძის მკვლელობა და გუშინ, ჩვენ კადრებშიც კარგად ვნახეთ, რომ მას საკმაოდ სქელი ჯავშანჟილეტი აცვია და ძალიან შეშინებულია. ზოგადად, ნებისმიერი ადამიანისთვის, ვისაც ეტყვიან, რომ “შენ ხარ სამიზნე”, ძალიან რთულია ამის გადატანა, თუ ის არ არის პროფესიონალი სამხედრო…“ – განაცხადა ლალი მოროშკინამ.

სწორედ მოსალოდნელ დესტაბილიაციაზე და ყოფილი პრეზიდენტის რევოლუციურ გეგმებზე ვესაუბრეთ ლალი მოროშკინას ლიახვის ქუჩის სპეცოპერაციამდე ერთი დღით ადრე და პირველი კითხვაც სწორედ მოსალოდნელი დესტაბილიზაციის შესახებ დავუსვით:

– ქალბატონო ლალი, მიუხედავად იმისა, რომ გაერთიანებული ოპოზიცია და მისი ლიდერები მშვიდობიანი პროტესტის შესახებ საუბრობენ, საზოგადოებაში არსებობს განცდა, რომ სადღაც იწერება ხელისუფლების შეცვლის რევოლუციური სცენარი.

– ჩვენ ვიცოდით ამ სცენარის შესახებ. მასობრივი არეულობის და სისხლიანი სცენარის დროს სააკაშვილი განსაკუთრებით კომფორტულად გრძნობს თავს, მაგრამ ავიწყდება, რომ რევოლუციის დროს მთავარი მოქმედი პირი ადგილზე უნდა იყოს. ოდესღაც ლენინმა შეძლო დისტანციურად რევოლუციის მოწყობა, მაგრამ მაშინ ხალხი მზად იყო ამისთვის. დღეს ხალხს მშვიდად და მშვიდობიანად ცხოვრება უნდა. როგორც უკრაინაში, ისე საქართველოში ხალხი ნელ-ნელა გამოდის სააკაშვილის დანატოვარი შოკური მდგომარეობიდან და უკან დაბრუნება არ სურს. მიუხედავად იმისა, რომ პირველ ტურზე არჩევნებზე მისვლის დიდი სურვილი არ გვქონდა და ძალიან სკეპტიკურად ვუყურებდით ბევრ რამეს, მეორე ტურზე ყველა ერთსულოვნად მივედით. ერთმანეთს ვუკაკუნებდით კარებზე, რომ არ დაგვეგვიანა, მოხუცები გამოგვყავდა სახლებიდან, რომ ხმა არ დაკარგულიყო. წარმოდგენაც კი არ მინდა, რომ შეიძლება საქართველოს ყოლოდა პრეზიდენტი, რომელიც ქალზე ამბობს, რომ უსულო საგანია. ეს არის ქვეყნის კატასტროფა.

– საუბრის დასაწყისში ბრძანეთ, რომ იცოდით რევოლუციური სცენარის შესახებ. კონკრეტულად რა ინფორმაცია გქონდათ?

– ვიცოდით, რომ რეგიონები ემზადებოდნენ არევისთვის და ცალკეული ჯგუფები გასულებიც იყვნენ ასარევად. ვიცოდით, რომ ეს უნდა დაწყებულიყო გარეუბნებიდან, ამიტომ სასაზღვრო ადგილებში და კონფლიქტურ ზონებთან სიტუაცია იძაბებოდა. პრაქტიკულად, საბოლოო შედეგს ელოდნენ, რომ დაწყებულიყო სერიოზული არევა, მაგრამ შსს-მ ძალიან კარგად იმუშავა. საოცრად მობილიზებული იყო სახელმწიფო უსაფრთხოების და კონტრდაზვერვის სამსახურები. გმირობის ტოლფასი იყო, რაც გახარიამ სამეგრელოში გააკეთა, სადაც განსაკუთრებით მობილიზებული იყო ერთი ჯგუფი. არჩევნებიდან ერთ საათში უკვე ცხადი იყო, რომ ვაშაძე დამარცხდა. ამან ისე გაამწარა სააკაშვილი, რომ აგრესიას ვერ იკავებდა. ფსიქიკის სრული ნგრევა იყო, როდესაც ის ჯარს, პოლიციას და ა.შ. დაუმორჩილებლობისკენ მოუწოდებდა და სწორედ ზემოთხსენებული სტრუქტურების გამართული მუშაობის შედეგად, ეს თავიდან ავიცილეთ. თუმცა, აქვე უნდა უნდა ვთქვათ, რომ ისეთი სახელმწიფო მოხელეებიც გვყავს, რომლებმაც არათუ რისკები ვერ აიცილეს, საერთოდ არ უმუშავიათ ამ მიმართულებით.

– იქნებ დაგვიკონკრეტოთ, რომელ სახელმწიფო მოხელეებს გულისხმობთ?

– მაგალითად, იზორიას, რომელმაც ვერ შეძლო, რომ ჯარში ნდობა მოეპოვებინა და სამხედროებმა სრული იგნორი გაუკეთეს. იგივეს ვიტყვი ქალაქებების მერებზე, სადაც შედეგი არ დადგა. ის სამი რაიონი, სადაც "ოცნებამ" არჩევნები წააგო, იმ ადამიანებზე მეტყველებს, რომლებსაც ეს რაიონები ებარათ. ეს იმ ადამიანების პირადი პასუხისმგებლობაა, რომლებმაც არ იმუშავეს. მუშაობაში ვგულისხმობ ადამიანების გულთან ახლოს მისვლას, იმედის მიცემას, დაპირებას, იმიტომ, რომ რეალურად, ეს 6 წელი ოცნებამ შეცდომებით იარა. შეცდომებთან ერთად, პიარი ან საერთოდ არ ჰქონდათ ან არ უვარგოდათ. მე ხშირად მიწევს მგზავრობა განსაკუთრებით, დასავლეთ საქართველოს მიმართულებით. ვხედავდი ახალ ავტობანებს და ვერ ვხვდებოდი, როდის გაიხსნა, იმიტომ, რომ ამაზე არავინ საუბრობდა. ვხედავდი რეალურად გაკეთებულ საქმეებს, მაგრამ ვერ ვხედავდი ხალხს, რომლებიც ამაზე ისაუბრებდნენ. მარტო „ჩ“ ჰეპატიტის პროგრამა ეყოფოდა სალაპარაკოდ რამდენიმე მთავრობას.. ცალკე თემაა ეს დამღუპველი კოჰაბიტაცია. აქამდე იმიტომ მივედით, რომ თავის დროზე მთავარ ოპოზიციურ ძალად არა ალიანსი, არამედ, ანაციონალების ანასხლეტები ვაღიარეთ. სწორედ ამ შეცდომების დამსახურებით მოხდა, რომ ბევრმა ადამიანმა, რომელმაც ხმა მისცა ნაციონალურ მოძრაობას, უბრალოდ, ხმა არ მისცა "ოცნებას" და ეს ამ განაწყენებული ადამიანების ერთგვარი რევანში იყო. დიდი შეცდომა იყო, რომ ინაშვილს გაუყალბეს საპარლამენტო არჩევნები, რომ კანცელარიასთან შიმშილობდა და მასთან არავინ გამოდიოდა. ისეთი ადამიანების უგულებელყოფა მოხდა, რომელთა უკან მართლა ასიათასობით ადამიანი დგას, რაც „პატრიოტთა ალიანსის“ მრავალათასიანმა აქციამ კიდევ ერთხელ დაამტკიცა. თუმცა, ზოგი ჭირი მარგებელია. ალბათ, კარგად უნდა დაგვენახა ვის შეუძლია ხალხის გამოყვანა, ვისი სჯერა ხალხს, ვინ არის ხალხის ერთგული და რეალურად, ვინ მოიგო არჩევნები. ჩვენ ხომ ვიცით, რომ არჩევნები ქართველმა ხალხმა მოიგო, რომელსაც ერთმანეთი გამოჰყავდა არჩევნებზე.

– თუმცა, გაერთიანებული ოპოზიცია არჩევნების შედეგებს არ აღიარებს და ხელისუფლებას ულტიმატუმების ენით ელაპარაკება.

– ეს უკვე აღარ არის აქტუალური, იმიტომ, რომ არჩევნების შედეგები ჯეიმს აპატურაიდან და ამერიკის საელჩოდან დაწყებული, პრაქტიკულად, ევროპის ყველა ქვეყანამ აღიარა. საკმაოდ ღირსეულად მოიქცა „ევროპული საქართველო“ და დათო ბაქრაძე, რომლისგანაც არანაირი ლოზუნგები არ გამიგია. მათ პირდაპირ უარი თქვეს ქუჩის აქციებზე. მეორე მხარეს ვხედავთ აგრესიულ, არაადეკვატურ ადამიანს, რომელიც იმის ნაცვლად, რომ მიულოცოს, ქალს უყვირის, – უსულო საგანი ხარო.. მე არ ვიცი ვინ თქვა, რომ ამ ადამიანს დიპლომატიის რამე ნასახი აქვს. შესაძლოა, ეს იყო ფსიქოზი და შოკური მდგომარეობა, მაგრამ როცა პრეტენზია გაქვს ქვეყნის პირველი პირი გახდე, ნებისმიერ შოკებს უნდა გაუძლო. ასეა თუ ისე, არჩევნების გარდა, ნერვების ომიც სალომე ზურაბიშვილმა მოიგო. მიუხედავად ამ საშინელი ჭაობისა, ქალს ნერვი არ შეტოკებია, ღიმილი არ მოშორებია სახიდან და ერთხელაც არ გაუკეთებია უცენზურო განცხადება. სამართლიანობა მოითხოვს ავღნიშნო, რომ 40% კარგი მაჩვენებელია და ნაციონალურ მოძრაობას საპარლამენტო არჩევნებისთვის კარგი შანსები აქვს, თუ მოიცილებენ თავიანთი რიგებიდან ექსტრემალურ პიროვნებებს.

– ამერიკელმა მკვლევარმა, ლინკოლნ მიტჩელმა “კვირის პალიტრასთან” საუბრისას განაცხადა, რომ ვაშაძის დამარცხებაში სააკაშვილის როლი უმთავრესია.“ნაციონალური მოძრაობისთვის” ის თავსატეხია, თუმცა მისი მხარდამჭერების წყალობით “ნაცმოძრაობა” ქვეყანაში კვლავ მეორე მსხვილ პოლიტიკურ ძალად რჩება“ – ეს მიტჩელის სიტყვებია.

– საქმეც ისაა, რომ ნაციონალურ მოძრაობაში ვერასდროს ახერხებენ ამ აგრესიული სახეების შეჩერებას. მათი რამდენიმე ლიდერისგან გაგვიგია კიდეც, რომ სააკაშვილი ვერ დაადუმეს. სწორედ სააკაშვილის აგრესიული რიტორიკა იყო "ოცნების" ყველაზე დიდი პიარ ტექნოლოგი და გამარჯვებაში ეხმარებოდა.

– იგივე ბრალდებები სალომე ზურაბიშვილის მისამართითაც ისმოდა. მომავალ პრეზიდენტს საყვედურობდნენ, რომ მისი ყოველი გამოსვლა `ოცნებას~ მომხრეებს აკარგვინებდა და ამიტომ გადამალეს..

– მე ასე არ ვფიქრობ, თუმცა აღსანიშნავია, რომ სალომეს ის ხალხი აქილიკებდა, რომელიც მის გამინისტრებას ტაშს უკრავდა. ეს ადამიანი ძალიან უარყოფით პიარში მოაქციეს, იმიტომ, რომ კარგად ვერ წარადგინეს და ჯეროვანი პრეზენტაცია არ ჰქონდა. დღეს რომ ვუყურებთ ძალიან ლამაზ და გულის ამაჩუყებელ სიუჟეტებს სალომეს ოჯახის ცხოვრებიდან, ეს ყველაფერი გაცილებით ადრე უნდა მომხდარიყო. სალომე პოზიცონირებული უნდა ყოფილიყო როგორც პროდასავლელი პოლიტიკოსი და ძალიან კარგი დიპლომატი. ამ ძალიან ღირსეულ ქალბატონს არანაირი დახმარება არ ჰქონია "ოცნებიდან" ბოლო წამამდე. პირიქით, თავად `"ოცნების" წარმომადგენლები უფუჭებდნენ საქმეს. ეს ჩემთვის ნაცნობია, რადგან პირადად გამივლია ეს წნეხი, როდესაც ოცნების დროს თანამდებობაზე ვიყავი დანიშნული. როგორც კი მე გავამახვილე ყურადღება ძალიან დიდ პრემიებზე, შეცდომებზე და გადაცდომებზე სასჯელაღსრულებაში, ერთ დღეში გადამთელეს დეპუტატებმა. წარმომიდგენია, რას განიცდიდა სალომე, როცა მიხვდა, რომ თანაგუნდელებში მეტი მტერი ჰყავდა.

– შეგიძლიათ სალომე ზურაბიშვილთან დაპირისპირებული თანაგუნდელები დაასახელოთ?

– ბიძინა ივანიშვილის გარდა, მიჭირს დასახელება ვინ იყო მის მხარეს. ალბათ, ყველაფერთან ერთად, ეს იყო ქართული, ხალხური შური და კავკასიური აზროვნება- არ გაატარო და დააკნინო ქალი. სამწუხაროდ, არასამთავრობოები, რომლებიც გრანტებს იღებდნენ ქალზე ძალადობასთან ბრძოლისთვის, თავად აღმოჩნდნენ ქალზე მოძალადეები. მამაკაცები ყველაფერს კადრულობდნენ, რომ ქალისთვის შეურაცხყოფა მიეყენებინათ და ოცნება ამაზე კულუარებში ქილიკობდა, რაც ძალიან კარგად ვიცი.

სხვათა შორის, საზღვარგარეთ ჩატარებული არჩევნების შედეგებზე ძალიან დიდი გავლენა მოახდინა იმან, რომ საფრანგეთსა და იტალიაში არაჩვეულებრივი ელჩები გამოცვალეს. ამით ძალიან ჩამოიშალა სიტუაცია ევროპაში. მიუხედავად იმისა, რომ დავით ზალკალიანს პირადად ვიცნობ, ვფიქრობ, რომ მან იზორიასთან ერთად უნდა დატოვოს თანამდებობა. ზოგადად, ქვეყანას ჭირდება ძლიერი გუნდის შექმნა, რომელიც საკუთარ ჯიბეზე კი არა, ქვეყნის აღმავლობაზე იქნება ორიენტირებული. წინასაარჩევნოდ კახი კახიშვილის „ჩრდილში“ გადაყვანაც ხომ ბოროტის გაკეთებულია? კახიშვილი ჩემი მეგობარია და ზუსტად ვიცი, შიგნიდან როგორ „ჭამდნენ“, როგორ არ სიამოვნებდათ მისი წინსვლა და მისი წარმატებული, ევროპული რეფორმები.

– შეიძლება, რომ კახიშვილი რომელიმე სხვა, უფრო აქტიურ პოზიციაზე ვიხილოთ?

- ვისურვებდი, რომ ასე მომხდარიყო. იმ ადამიანების „ჩაჩოჩებით“, რომლებიც რეალურად მუშაოდნენ ძალიან ბევრი რამე გაფუჭდა. მთელ მსოფლიოში ასეა, რომ არჩევნებამდე მიდიან საჩუქრებით მიდიან და არჩევნების შემდეგ იწყება ხისტი ნაბიჯები. ჩვენთან პირიქით მოხდა. რატომღაც ხისტი ნაბიჯებით გადავწყვიტეთ არჩევნების მოგება.. საინტერესოა, ვის თავში „მოიხარშა“ ეს პიარი? საუბრის ბოლოს გეტყვით, რომ საკუთარი გუნდისგან მოტყუებული და აბსოლუტურად გაჭაღარავებული ბიძინა ივანიშვილი ჩაერევა წკეპლით ხელში და ძალიან სერიოზული ცვლილებები იქნება. ვფიქრობ, რომ აუცილებლად უნდა დაბრუნდეს თუნდაც 10-კაციანი ნდობის ჯგუფი, რომელსაც პირადად ბიძინა ივანიშვილთან ექნება კონტაქტი. დაარქვას თუნდაც „ჩაი ჩაკითხვით“, ჩაგვეკითხოს ყველაფერზე, რაც აინტერესებს და ჩვენ სრულ და ობიექტურ სურათს დავდებთ. 2020 წლამდე ცოტა დრო რჩება და შედეგის მისაღწევად მთელი ძალით და მონდომებით მუშაობაა საჭირო. ხელისუფლებას სხვა გზა და გამოსავალი უბრალოდ, არ აქვს.

ნელი თორდია

მეტის ნახვა
7-12-2018, 12:00


ივანიშვილმა 5 სვეტიცხოველი რომ დადგას, 5 სამების ტაძარი, 5 არტემიდეს ტაძარი, 5 პირამიდა და ალექსანდრიის შუქურა, "ნაცები" ყველას ერთად დაანგრევენ და დაწვავენ ჰეროსტრატეებივით და კმაყოფილი იქნებიან!

სამწუხაროა, როდესაც მტერი "გულადი" გყავს და უღირსი!
თემმა იცოდა, ვინ იყო "ღირსეული" მტერი, ზურგიდან ღალატით რომ არ მოგკლავდა. ამიტომ არსებობდა "ღირსეული" მტრის ფენომენი.
ღირსეული მტერი იყო ალუდასთვის მუცალი. მამაცმა სალადინმა დამარცხებული ჯვაროსნები დაინდო და მშვიდობით გაუშვა იერუსალიმიდან!
ხოლო შინაური ბოროტი მტერი "მტრისაცა უფრო მტერია", ამბობს სიბრძნე.
ნაცები სწორედ ასეთ დაუნდობელ ბოროტ შინაურ ძალად იქცნენ.
სრულიად განსხვავებული ქართული ეროვნული მენტალობისგან და მორალისგან ანომალიური ქცევით და თვისებებით.

მათ საკუთარ სივრცეში შეუძლიათ გადაიბირონ და გადაიყვანონ საზოგადოების გარკვეული ნაწილი, ჩაასხა სულში შხამი და ატარონ ასე მოწამლული და შეცდენილი.
რა ეშველება ახლა ჩარკვიანის ქალს, სამუდამოდ რომ გააუბედურეს, კიდევ კარგი, ჯანსუღი ცოცხალი აღარ არის, გაასწრო ამ კოშმარს! თუმცა, ცოცხალი რომ ყოფილიყო, ქალიშვილს ამის ნებას ნამდვილად არ მისცემდა!

კიდევ ბევრჯერ გაახვევს ეს ქალბატონი საკუთარ ქმარსაც და სხვებსაც უსიამოვნო ინსინუაციებში.
ჩვენ ვერ ავირიდეთ ნაციონალების ფაშისტურ-სექტანტურ-ჰიქსოსური ხროვა, მათი ცინიზმი და მავნებლობა! მთლიანად "გააფუჭეს" ერი და საზოგადოება, მისი ცნობიერება, ნავთს რომ ჩაასხამ ღვინოში და აღარ იფილტრება…

ამათ არც პრეზიდენტი უნდათ და არც სახელმწიფო! რომელიღაცა პოლიტიკური "ჯუნგლებიდან" მოსულ "ანკლავს" ურჩევნია, რომ აქაც `ჯუნგლები~ იყოს. ამათ არც მონანიება შეუძლიათ, არც აღიარება!

ესენი ქვეყანას არ აგაშენებინებენ!

არ უნდათ, არ დაენახვებათ საქველო კეთილი საქმის მკეთებელი!..
ივანიშვილმა 5 სვეტიცხოველი რომ დადგას, 5 სამების ტაძარი, 5 არტემიდეს ტაძარი, 5 პირამიდა და ალექსანდრიის შუქურა, "ნაცები" ყველას ერთად დაანგრევენ და დაწვავენ ჰეროსტრატეებივით და კმაყოფილი იქნებიან!

არ უნდათ სიმშვიდე (მშვიდობა), სიკეთე, სათნოება, უნდათ რაღაც სხვა: ომი, ფაშიზმი, რევანშიზმი, ანარქია, ქაოსი და ამ ქაოსის მღვრიე წყალში ჭაობის ნიანგივით ცხოვრება და თევზის ჭერა!..

მართლაც საიდან მოვიდნენ და როგორ ჰგვანან ერთმანეთს მათი ქალები და კაცები (ერთი დინოზავრის კვერცხიდან გამოჩეკილივით) მელია-ვაშაძეები, ქალის სათნოებას და ღირსებას მოკლებული სამადაშვილი-დეკანოიძე-კვესიტაძე-სამნიძეები…
საიდან ამოთხარეს ვინმე "ფილოსოფოსი მაჭუტაძე" _ დააჭერენ თითს და ჩაირთვება "ნაწვიმარი ბაყაყივით".

როგორ არიან ყველანი ერთნაირად ბოროტი და დაუნდობლები, სხვა არც კაცი უნდათ და არც _ ქალი! არ ინდობენ ადამიანს, მის ღირსებას.
არ ინდობენ პრეზიდენტად მოვლენილ ქართველ მანდილოსანს, ღვთის ნებით გამოცხადებულს მილიონნახევარი ქართველის ხმით ამორჩეულს!
გამორჩეულს თავისი შარმით, თავისი გენეტიკური და ისტორიული ბედისწერით… სამშობლოზე შეყვარებულს და მონატრებულს, რუსოფილობას სწამებენ, მართლაც რომ რუსის აგენტები, ქართულის არმცოდნე და არმცნობი რენეგატები!..

ამ ნაცისტურ კასტას ღირსეულად არც გამარჯვება შეუძლია და არც დამარცხება!
მახსოვს მათი ველურებივით შემოჭრა პარლამენტის სხდომათა დარბაზში, ტრიბუნაზე ჭიქები რომ ამოხვრიპეს… მერე ქვეყანას მოედვნენ მონღოლებივით და ააოხრეს! არ დამავიწყდება, როგორ მიჰქონდა უგულავას ასლან აბაშიძის (აბაშიძეების) ქონება, მანქანები, ზანური თხები, კავკასიური ნაგაზები, დაარბიეს ბიზნესმენთა ქონება და ფერმები, ააფეთქეს ეკლესიები, კოშკები, მონუმენტები…


სამწუხაროდ, დაავიწყდა ეს აოხრება ზოგ-ზოგ ქართველს, მით უფრო კრწანისისა და ბახტრიონის მეომარ კახელთა უმადურობისა და "ვირო, მადლიოს" სინდრომი (ვირუსი) შეეყარათ!

_ როგორ გაამარჯვებინეთ სააკაშვილს ამ ლიბერასტულ-ნაცისტურ, სრულიად არაქართულ ხროვას თელავში?!
მეფე ერეკლეს ქალაქში ერეკლეს მტრებს და მაგინებლებს როგორ მოაგებინეთ, როგორ მოახერხეთ ეს?
როგორ გაამარჯვებინეთ ამ ახალი საუკუნის "ჰიქსოსებს" რუსთავში (რუსთაველის ქალაქში) თქვენ, "ბოსტან-ქალაქელნო?"
ერისთვის კრიზისული დროის შეცდომა, ძალიან სამარცხვინო და საგანგაშო (ანომალიური) მოვლენაა ეს, რაც თელაველთ და რუსთაველთ არ ეპატიებათ!

ნაცებს _ ვაშაძეებს და სააკაშვილებს _ ჰყოფნით უტიფრობა და უზნეობა იმისთვის, რომ "არ ჰყოფნის" სალომე ზურაბიშვილის 20%-იანი უპირატესობით მოგება, მათ არც 90% ეყოფოდათ!
დეკანოიძეების, მელიების და გვარამიების პარტიას და მათ მორალს არ ჰყოფნის მილიონნახევარი ქართველის ხმა, სანამ ეს "ხმები" მათ მთლიანად (ბოლომდე) არ გადაუვლიან!
მათ "კლონირებულ ტვინში" არა აქვთ ეროვნული ინტერესის და ემოციის ადგილი, ჭეშმარიტების უჯრედი…

ისინი შეპყრობილნი არიან ცხოველური შურისძიების (რევანშის) ინსტინქტით და ვერ გამოდიან მათი მამა-მარჩენალის, ჩვენი დროის სამარცხვინო პოლიტიკური შარლატანის "მუცლიდან"!..

და კიდევ, მეოთხე და მთავარი:
ხელისუფლებამ დღესვე (ახლავე) უნდა დაიწყოს საკუთარი მისიის აღსრულება ერის (ხალხის) ინტერესების გაცხადებისთვის ბრძოლა…
უნდა დაძლიოს "შიში" და ეგრეთ წოდებული "უნიათობის" სინდრომი, რომელიც მას მიაკერეს…
და მკვეთრად დაუპირისპირდნენ ყველა ნეგატიურ მოვლენას ერის შიგნით და მის გარეთაც:
_ დაუპირისპირდნენ სატანისტურ ენერგიებს, გარედან მოთვალთვალე სფინქსის ნებას;
_ დაძლიონ ორჭოფობა და შიში, დაიწყონ "პატრიოტთა ალიანსის" წინადადებათა მოსმენა და აღსრულება, მხარი დაუჭირონ მას;
_ დაიკავონ ერის ზნეობრივი სივრცე `სიტყვის აურით~ და პატრიოტული იდეოლოგიით, ზომბირებული, ამორალური გარემოს შესაცვლელად;
_ ამისთვის კიდევ უფრო "გაააქტიურონ" "იმედი" და I არხი;
_ შეუცვალონ საზოგადოებრივ ტელევიზიას ნაცების ნაგუბერნატორალი დირექტორი და მიეცეს ამ არხს სახელმწიფოსა და ერის ინტერესების დაცვის მისია;
_ დაიწეროს დაუყოვნებელი პასუხის გაცემის კამპანია ყოველ ცილისწამებაზე, სიტყვიერ ძალადობაზე, ერის და ეკლესიის შეურაცსყოფაზე, სიცრუეზე, დეზინფორმაციაზე, სახელმწიფოს ობსტრუქციაზე, აჯანყების და გადატრიალების პროპაგანდაზე;
_ შეიკრიბოს რჩეულ ერისკაცთა _ თემთა და უხუცესთა მუდმივმოქმედი დარბაზი (საბჭო, კონგრესი) დაუძახონ მათ, ვინაც გაიყვანეს "ქართული ოცნებიდან";
_ ხელისუფლებამ ტელევიზიის რამდენიმე არხზე დასვას ინტელექტუალური-საკრალური (ქარიზმული) პიროვნებანი, რომლებიც ჩამოაყალიბებენ სახელმწიფოს მართვის კონცეფციას, კულტურულ-ეკონომიკური და ზნეობრივი დაცვის პირამიდას, სამხედრო დოქტრინას;
_ ეს უნდა იყოს სრულიად არაორდინარული, ნიჭიერ პიროვნებათა ქადაგებანი ერის და ხალხის საკეთილდღეოდ და საიმედოდ.

_ ჯარი ხმას არ უნდა აძლევდეს ნაცებს, ჯარი სახელმწიფოს უნდა იცავდეს საკუთარი "ხმით" და იარაღითაც…
_ ემიგრანტები მხარს კი არ უნდა უჭერდნენ ნაცებს, აქ უნდა დაბრუნდნენ და გააცნობიერონ, რა ხდება მათ სამშობლოში!

"ქართული ოცნების" ხელისუფლებას ვეუბნები:
_ ამდენი რამე რომ გააკეთეთ, ააშენეთ. მოხანით, დათესეთ, გზა არხოტშიც კი ჩაიყვანეთ, მუცო აღადგინეთ, "მთის კანონი" მიიღეთ, ერთ ქვეყანას მარტო ივანიშვილის ქველობანი ეყოფოდა "საკვეხად" და საამაყოდ, 80 მილიონი თავზე დააყარა კახელებს და ა. შ.
მაგრამ რომ არავინ არაფერი იცის?! რომ ვერავინ ვერაფერი გაიგო და დაინახა?! ვისი და რისი ბრალია ეს?!

_ დააყენეთ შესატყვისი პიროვნებები თანამდებობებზე! გაუშვით ჯგუფები რეგიონებში, ისტორიულ კუთხეებში, პროვინციებში, ამბის მიმტანი `პილიგრიმები~, ექსპერტები, მეცნიერებათა აკადემია, მწერლების და ხელოვანთა ექსპედიციები. მიიტანეთ ხალხამდე სიტყვა და სიმართლე!

_ ხალხამდე მიიტანეთ ის სიკეთე და პირობა, რასაც აკეთებთ და რაც უნდა გაკეთდეს და დაიწყეთ კეთება!

_ დასვით ტელევიზიებში `ქადაგი~, ორატორი, მესიტყვე ადამიანები და ალაპარაკეთ; აჩვენეთ ფაქტები ვიდეო-ფილმებით. თქვენ გაქვთ ძალაუფლება, თქვენ გაქვთ ფული, თქვენ გაქვთ საკონსტიტუციო ძალაუფლება და წყალში ყრით ამ ძალაუფლებას და უპირატესობას! თავზე ისხამთ და თავზე ასვამთ ერს სააკაშვილის ნაძირლებს…
ეს უნდა დამთავრდეს!

კობა არაბული
მწერალი, ეთნოლოგი



მეტის ნახვა
7-12-2018, 10:30


ორ დეკემბერს ნაციონალური მოძრაობის და გაერთიანებული ოპოზიციის აქციაზე, აუუუუუუ!!! რამდენი ვართ!!!! – კი "დასჭექა" თაკო ჩარკვიანმა, მაგრაააამ დაანონსებული "უამრავი" ხალხის ნაცვლად მიტინგზე იდგა. 

საქმეს ვერც ფეისბუქით გავრცელებულმა მოწოდებებმა უშველა, ვერც მიხეილ სააკაშვილის მიმართვამ: "ჩვენ ყველაფერი გამოგვივა. ჩვენი ბრძოლა აუცილებლად დამთავრდება სრული გამარჯვებით. იმ წამს, როგორც კი თქვენ დაგჭირდებით და დამიძახებთ, იმ წამსვე ფიზიკურად გავჩნდები თქვენ გვერდით, გავჩნდები ლიდერების გვერდით, გავჩნდები ჩვენი ახალგაზრდობის გვერდით. იმიტომ, რომ ჩვენ ყველამ ერთად უნდა დავდოთ თითო აგური ჩვენს გამარჯვებაში. იმიტომ, რომ მე მირჩევნია მოვკვდე, ვიდრე დავნებდე ამ უსამართლობას," – განაცხადა იმ მიხეილ სააკაშვილმა რომელმაც არცთუ დიდი ხნის წინ, საყვარელ ბიძია, თემურ ალასანიასთან "ჭუკჭუკში" დესტაბილიზაციის გეგმების განხილვასთან ერთად აგინა და ლანძღა ქართველი ერი…" სულისშემძვრელი" სიტვებით მიმართა ხალხს ნიკა მელიამ – “ჩვენ გვაქვს ორი არჩევანი, ან შევეგუოთ იმას, რაც ჩაიდინა ხელისუფლებამ, ან ვიბრძოლოთ გამარჯვებამდე. ხელისუფლებამ დანიშნა მესამე ტური და მას ეგონა, რომ ჩვენ ენერგიისგან დავიცლებოდით და მონაწილეობას არ და ვერ მივიღებდით მესამე ტურში. ჩვენ, არა თუ ვიღებთ მონაწილეობას მესამე ტურში, არამედ აუცილებლად გავიმარჯვებთ." 

მურმან დუმბაძის მოთხოვნა გაცილებით პრაგმატული აღმოჩნდა. მან აქციის მონაწილეებს მეორე დღეს, შუშის სასახლესთან შეკრებისკენ მოუწოდა იმისათვის რომ "ქართული ოცნების" თავმჯდომარეს, ბიძინა ივანიშვილს ვალების გასტუმრება მოსთხოვონ. საპროტესტო აქციაზე გაჟღერებულ მოთხოვნას, ვადამდელ საპარლამენტო არჩევნებთან დაკავშირებით, საპარლამენტო უმრავლესობაში უპასუხეს. ვიცესპიკერმა გია ვოლსკის განცხადებით, ნაციონალები ცდილობენ, რომ შეცდომაში შეიყვანონ მათი მხარდამჭერები, ის 780- ათასამდე ადამიანი, რომელმაც ხმა გრიგოლ ვაშაძეს მისცა. “ოპოზიციაში იქნება პარტიებიც და ხალხიც, ვისაც სხვა მოსაზრება აქვს, მაგრამ არ მგონია, რომ იყოს ხალხი, რომელსაც ის სისხლისღვრა უნდა, რასაც სააკაშვილი გვთავაზობს. დღეს კარგად დავინახეთ ის სერიოზული სხვაობა გარკვეულ პოზიციებს შორის. ერთნი საუბრობენ ლეგიტიმურ გზებზე, მეორენი იმ დაძაბულობაზე, რასაც სააკაშვილი მოუწოდებს. ქართულმა საზოგადოებამ გააკეთა უკვე თავისი სწორი არჩევანი.” იურიდიულ საკითხთა კომიტეტის თავმჯდომარის ეკა ბესელიას შეფასებით კი ხალხმა გადაწყვიტა, რომ დრო არის არა 16 დეკემბრამდე, არამედ 2020 წლამდე. ბესელიამ გრიგოლ ვაშაძეს მიხეილ სააკაშვილის “ხელის ბიჭი” უწოდა და დასძინა “რა დიალოგი უნდა ვაწარმოოთ რუსეთის მსახურთან, ადამიანთან, რომელმაც გადაწყვიტა, საქართველოს მოსახლეობის უმრავლესობას მიაყენოს შეურაცხყოფა”, დეპუტატის შეფასებით, მაშინ, როდესაც დასავლელი პარტნიორები სალომე ზურაბიშვილს გამარჯვებას ულოცავენ და არჩევნების შედეგებს აღიარებენ, ნაციონალური მოძრაობის ეს განცხადებები კომიკურია… "მრავალრიცხოვანი" აქციის წინა დღეს სოციალურ ქსელში "ნაცაქტივისტები" ერთმანეთს ასე ამუნათებდნენ "კვირას როგორც ვხედავ ბევრი მოდის აქციაზე დედაქალაქში და ვინც ვერ ან არ მოდის მომავალში რამეზე დაწუწუნებული არ გნახოთ" – "სიმართლე რომ ვთქვათ მობილიზებას ცოტა უკეთესი ორგანიზება ჭირდება, ჯერჯერობით მინიმუმ 200 000 კაცის გამოსვლაა საჭირო ვადამდელი არჩევნებისთვის, საერთო რევოლუციას დიდი ესკორტი ჭირდება როგორც წალენჯიხიდან 2003 წელს". "მინდა და სად არის ტრანსპორტი რა ხდება თქვით ინფორმაცია ხალხმა არ იცის და როგორ წამოვიდეს თუ ყველა თავის ხოდით უნდა წავიდეს თუ როდის უნდა დაიდოს ინფორმაცია".დაგიკავშირდებითო იყო პასუხი და უამრავი კომენტარი თუმცა აქციაზე რვაასიათასის (როგორც ნაცლიდერები მხარდამჭერებს თვლიან)ნაცვლად ოთხიათასამდე "პროტესტანტი" და ორმოცდათი მიკროავტობუსი იდგა და ელოდა "პროტესტანტებს" რესპუბლიკის მოედანზე… აქციის წინა ღამეს ჩემი ყურადღება მიიქცია დავით სააკაშვილის "სამადლობელომ" -"დიდი მადლობა უმაგრესი გურჯაანიდან ყველა იმ ამომრჩეველს ვინც შანტაჟის, ტერორის და მოსყიდვის მიუხედავად მხარი დაუჭირა ოპოზიციას." ასევე, "დიდი პოლიტიკოსის" დავით ნებიერიძის მიერ შიშით გაჯერებულმა "პოსტმა": "დიდი არჩევანი არა გვაქვს. საქართველოს როგორც დემოკრატიული სახელმწიფოს გადარჩენის ერთად ერთი გზა არის ერთად დგომა და უკომპრომისო ჰიპერაქტიური ბრძოლა. ისეთი აქტიური, რომ ივანიშვილ-პუტინის ტანდემმა ვერ ამოისუნთქოს და ვერ მოახერხოს თავისი გეგმის მეორე ნაწილზე გადასვლა, რომლის დასაწყებად აუცილებელია ოპოზიციის გათიშვა და საპროტესტო მუხტის განელება. არ შეიძლება ტემპის დაგდება და კაბინეტური ბრძოლის რეჟიმში გადასვლა. იმიტომ, რომ მაგ “კაბინეტებიდან” ხელბორკილებით გამოგვიყვანენ, მეთოდურად, ცალ-ცალკე და ღამ ღამობით".

მეორე ტურის შედეგებით უკმაყოფილებას არ მალავენ სალომე ზურაბიშვილის მხარდამჭერებიც. დათო ოქიტაშვილმა სოციალური ქსელით ბიძინა ივანიშვილს მიმართა: 
ბატონო ბიძინა!

1. 700 000 ეს ციფრი საარჩევნო კომისიებში მომჯდარმა ნაციონალმა წარმომადგენლებმა შექმნეს!
(ყველაზე არ ვსაუბრობ ვინც თავისი პრაქტიკულად სიცოცხლის ფასად იცავდა ნაციონალების წინააღმდეგ მიცემულ ხმებს!)

2. ეს ციფრი ვაჟბატონმა ვაშაძემ და ნაციონალურმა ხროვამ შექმნა ადრე დაბეჭდილი ყალბი პირადობის მოწმობებით და მათივე შექმნილი სიებით, რომლითაც დღემდე ხდება ხმის მიცემა!
და მესამე და ყველაზე მთავარი!

შეიხედეთ სახელმწიფო სტრუქტურებში, ვინ უზის ახლა ტელევიზორებს და ფრჩხილების კვნეტით შესციცინებს ამ აქციას?

ჩანერგილი ნაციონალები! სახელმწიფო სტრუქტურებში, თანამდებობებზე მომჯდარი ჯალათები, რომლებიც დღეს ვერ გავიდოდნენ აქციაზე, რომ ლუსტრაცია არ მომხდარიყო!
სწორედ მათ და საარჩევნო კომისიებმა შექმნეს 700 000 ნაციონალებისთვის მიცემული ხმა!
ესაა სიმართლე!

გატყუებენ რომ არაა საკმარისი კადრები ქვეყანაში!

ტყუილია, რომ პროფესიონალების ნაკლებობაა სხვადასხვა სფეროში!

ათასობით პროგრესული, თავისი საქმის პროფესიონალი უმუშევარად ზის სახლში! ის ხალხი რომელმაც 9 წელი იომა ნაციონალური რეჟიმის დროს და არ მოუთხოვია თანამდებობები 2012 წლის შემდეგ, ის ხალხი, რომელმაც გარეწარი ჩანერგილების მიერ გაყიდული საპრეზიდენტო არჩევნების მეორე ტური მოიგო თქვენთან ერთად და ელოდება რომ დასრულდება კოჰაბიტაცია და ქვეყანა დაიწყებს წინსვლას! ის ხალხი ვისაც უყვარს ეს ქვეყანა!" სოციალური ქსელის უამრავი მომხმარებელი ეჭვქვეშ აყენებს "ნაცებზე მიწერილ" 40% და უკმაყოფილებას გამოთქვამს აღნიშნული ფაქტის გამო. რაც შეეხება ორი დეკემბრის "ხალხმრავალ" მიტინგს სოციალური ქსელის მომხმარებლები ასე აფასებენ" – დედააა 800000 ათასი "რჩეული" ბედაური გამოუყვანიათ ნაცხობას:) ესააა 11 ოპოზიციური პარტიის ნაკრები? ვავაა ნაცებო გახარიამ პოლიცია რო გაიყვანოს და (სუსის ხალხი) + ოპერატორები და ჟურნალისტები აქციაზე ბაჩუკი ქარდავა დარჩება მარტო… გრიგოლ ვაშაძემ, ნაციანალების პრეზომ, რომელზეც თვითონ პატარა ვაშაძე და სააკაშვილი ღადაობენ და კაცის პროვოკაციას ეძახიან, ადგა და მიტინგზე თვალებგადმოკარკლულმა წაუყენა ხელისუფლებას ნაირ-ნაირი მოთხოვნები:

"ეს რა იყო ჰააა, მაიმუნის კლეტკასთან უფრო მეტი ხალხი იდგა დღეს ზოოპარკში; ისე გაბანძდნენ რაოდენობაში, ნუ, ხარისხს არ ვახსენებ, მაგათ კიდე მაზოლზე ფეხი ჭირდებათ? ისე გაბანძდნენ დაჟე რუსთავი- 2-მა ჩაიქნია ხელი და რეალურ სურათს აგდებდა ხოლმე".

"არაორგანიზებული აქციაო და სავსე იყო მარშუტკებით რესპუბლიკის მოედანი და ელბაქიძის აღმართი, პირადობები აფრიალეს და 2 წუთში იუსტიციამ ტყუილში ამხილა, 900-ათასი ვართო და 5000- კაციც ვერ მოგროვდნენ მთელი საქართველოდან და კიდევ ვინმე ენდობით მაგ აფერისტებს?? ნაღდად გაგვიყალბეს ის 40%-იც რა"!

"ესე იგი თქვენი 800000 ფერია და ჩვენი 1200000 არაფერი? "მილიონს ჩემტო" თქვე ჩემის ბერდენკებო. თქვენ რა გინდათ ხელისუფლებაში, თვლა არ იცით დებილოიდებო~ – ვაპროტესტებ არჩევნების შედეგებს!ნაცებს ნაღდად არ აუღიათ 40%! ეგეც გააყალბეს!".

"ნაცების" მიერ "მოპოვებული" 40% მართლაც ბევრ უპასუხო კითხვას ბადებს.

ქეთევან ზარნაძე

მეტის ნახვა
7-12-2018, 09:30


ცხოვრებაში პერიოდულად დგება მომენტი, როცა შენი ძირითადი საქმე გვერდზე უნდა გადადო და წახვიდე იქ, სადაც საჭირო ხარ. არ აქვს მნიშვნელობა, ვინმე დაგიძახებს, ვინმე გთხოვს თუ ვინმე დაგავალებს. როდესაც ჩემი რაიონი (სიღნაღი) საპრეზიდენტო არჩევნების პირველ ტურში "კაგებეშნიკებთან" დამარცხდა, კალამი (კლავიატურა) გადავდე და წავედი. მე ვერასოდეს დავიჯერებდი და წარმოვიდგენდი, რომ ქიზიყი ოდესმე მგლების ხახაში ჩავარდნას და ავაზაკების თავზე დასმას მოისურვებდა, მაგრამ სამწუხაროდ, ასეთი რეალობის წინაშე დავდექით.

ისეთი შეგრძნება მქონდა, თითქოს ფრონტზე მივდიოდი… რა გითხრათ, მთლად ფრონტს ვერ დავარქმევ, მაგრამ ბრძოლის ველს კი ნამდვილად ვუწოდებ. ის ადამიანები, ანუ ადამიანის მსგავსი არსებები, რომლებიც ერთ დროს ხელისუფლებაში იყვნენ და რომლებსაც ძალიან კარგად ვიცნობ, ისევ ცდილობდნენ (ცდილობენ) მობრუნებას. ეს ის არსებები არიან, რომლებიც წლების განმავლობაში ჯიჯგნიდნენ რაიონს, სულს ხდიდნენ მოსახლეობას, აყაჩაღებდნენ, აუპატიურებდნენ, ართმევდნენ და მასხრად იგდებდნენ.

როდესაც სიღნაღში ჩავედი, 100 პროცენტით ვიყავი დარწმუნებული, რომ მეორე ტურში აუცილებლად გავიმარჯვებდით, გული ცუდს არ მეუბნებოდა. განსაკუთრებით მოზღვავებულ ძალას გრძნობ, როცა გვერდით ძლიერი მეგობრები გიდნანან და ახლა უკვე შეიძლება მათი დასახელებაც: უპირველესად, მე და ძალიან ბევრს გვქონდა ყოფილი დეპუტატის, წინა მოწვევის პარლამენტარის (2012-იანელის), გელა გელაშვილის იმედი. მართალია, პირველი ტურის შემდეგ "ქართული ოცნების" საარჩევნო შტაბი მავნე ელემენტებისგან გაწმინდეს და უფროსად ამჟამინდელი დეპუტატი ირაკლი შიოლაშვილი დანიშნეს, მაგრამ მთელი სიმძიმე მაინც ამ კაცზე გადავიდა. 

მოკლედ, ახლა იმაზე უნდა მოგითხროთ, სანამ "დამკაში" გავიდოდით, რა ხდებოდა და როგორ იბრძოდნენ (გვებრძოდნენ) "ნაცები". მათი ხელწერა იცით, ამაზე ბევრს აღარ მოვყვები — დაძრწოდნენ უბნებში, დაძრომიალობდნენ და ხალხს აშინებდნენ, ჩვენ უკვე მოვედით, ეს ოფიციალურად 28-ში გაფორმდება, ბიძინა ივანიშვილი ძალაუფლებას ნებით გვაბარებსო. რასაკვირველია, ამ ფანდზე ბევრი ბრიყვი წამოეგო. თან ძნელია, გაუძლო ცდუნებას, როცა კაი თანამდებობას და კაი ცხოვრებას გპირდებიან. რაც უფრო უვიცია ადამიანი, მით მეტი პრეტენზიები აქვს და ესენიც თეორიულად უკმაყოფილებდნენ ამბიციებს. კიიი, ტოოო, ოღონდ ხმა მოგვეცი, ოღონდ შენი ნათესავებიც გადმოიყვანე ჩვენს მხარეზე და გამგებლის მოადგილედ დაგნიშნავთ, ამ სფეროს ჩაგაბარებთ, იმ სფეროს ჩაგაბარებთ, ესა და ეს სოფელი შენი იქნება. მიდიიი, დაპირდი, შენი რა მიდის, როცა უამრავ ბრიყვს სჯერა, რომ ხვალ კაბინეტში გამოიჭიმება?! დღეს "ნაციონალები" ამტკიცებენ, "ოცნებამ" ხუთ-ხუთი კილო კარტოფილი და ხახვი დაარიგაო. ჯერ ერთი, მე კარტოფილი და ხახვი საერთოდ არ მინახავს და მეორეც — ფული, ხახვი, მაკარონი, ზეთი და კარტოფილი თავად მათ ჰქონდათ დარიგებული პირველ ტურში. ამიტომაც დადიოდნენ უკვე "მიცებულებთან" თუ "შეცემულებთან" მეორე ტურის წინ და სასტიკად აფრთხილებდნენ, ემანდ არ მიჰქაროთ, იმათ მხარეს არ გადახვიდეთ, თორემ დაგიმახსოვრებთ და დედებს მოგიტ…ნავთ, ყველაფერს ასმაგად მოგატანინებთო. რასაკვირველია, ამ შემთხვევაშიც შეშინდნენ "მიცემულები". მოგეხსენებათ, ამჟამად სოფლებში ძალიან ბევრი მარტოხელა მოხუცია, ბოლო-ბოლო, მაგათ შეშინებას რა უნდა? ასაკოვანი ქალი ვნახე, ტიროდა, პირველი ტურის წინ ცოტაოდენი ფული მიუციათ, ხმა დაითრიეს. მეორე ტურში აღარ მოუნდა ხმის მიცემა "ნაცებისთვის", მისი სახლიდან "ოცნების" აგიტატორი დაინახეს გამოსული, ეგრევე დაურეკეს, ბებო, ემანდ არაფერი შეგეშალოს, მავანს რა უნდოდა შენთანო? არა, შვილო, თბილისიდან ჩემ დას "ჩულქები" გამოუტანებია, ცელოფანით ის მომიტანაო. ახლა "ნაცები" ის ჩიტები არიან, ეგეთი რამეები ჭამონ? ყველას ყარაულობდნენ სახლის კართან, ვისაც კი პირველი ტურის წინ პატივი სცეს, უცებ "პლასტინკა" არ გადაატრიალონო, თან ემუქრებოდნენ, უკვე მოვედით ხელისუფლებაში, დედებს გიტირებთო!

ერთი საყურადღებო ფაქტი: სიღნაღში მაცხოვრებელთა უმეტესობას თავში აქვს ჩაჭედილი, რომ ოდესღაც ამ დალოცვილ მიწაზე მოვიდა მზეჭაბუკი მიშა, ჯერ აღაშენა მათ ქალაქი, შემდეგ კი გააბრწყინა. მეტიც, მან შემორეკა ქიზიყსა შინა უთვალავნი ტურისტნი, ვითარცა ყივჩაღნი და დააყრევინა ურიცხვი დოლარი, რუბლი, ევრო, ლირა და ლარი. აი, ასეთი გახლავთ მითი მზეჭაბუკ მიშაზე, მაგრამ სიმართლე ძალიან ცოტან თუ იცის. რა მოხდა სინამდვილეში? ოდესღაც, როცა გაჩნდა იდეა სიყვარულის ქალაქად სიღნაღის გამოცხადებისა, მზეჭაბუკმა მიშამ დაიბარა დეპუტატი თემურ ჩარკვიანი, რომელიც თავადვე ჩაწერა "ნაცმოძრაობის" საარჩევნო სიაში, რათა ახლოს ჰყოლოდა და კარგად გაეყვლიფა, დაისვა მაგიდასთან და დაავალა, სიღნაღი უნდა გაალამაზო, ფასადები შეღებო, გზები გააკეთო, სახლები გადახურო საკუთარი ხარჯებით, როცა ყველაფერს მორჩები, ბიუჯეტიდან ჩაგირიცხავთ ბოლო თეთრამდე, არ დაგაღალატებთო. თუმცაო, სახურავებზე ბევრი არაფერი დაგეხარჯება, მაგ მხრივ ბიძინა ივანიშვილი დაგეხმარებაო. ჩავიდა ბათუმელი თემურ ჩარკვიანი სიღნაღში, რომელიც დეპუტატობის პარალელურად სამშენებლო კომპანიასაც ხელმძღვანელობდა, დაიწყო ღებვა და მშენებლობა, სახურავებზე ივანიშვილი ზრუნავდა. მორჩა სამშენებლო სამუშაოები, შეიძლება ზოგგან ცოტა უხარისხოდ გაკეთდა, ზოგგან ჭერიდან წყალიც ჩავიდა, მაგრამ საერთო ჯამში მაინც გალამაზდა, მილიონები დაიხარჯა, ქალაქი რაღაცას დაემსგავსა. დადგა დრო ვალის გადახდისა. თემურ ჩარკვიანს ზურაბ ადეიშვილმა და მიშა სააკაშვილმა გამოუცხადეს, ერთ თეთრსაც ვერ მიიღებ, მადლობა გვითხარი, თუ არ გიჭერთო. გადაირია კაცი, თავისას აღარ ჩიოდა, მილიონობით დოლარის სამშენებლო მასალა ჰქონდა შემოზიდული "პოსლეზე", ყველა ფულს ითხოვდა. თავმოყვარე კაცი გახლდათ ბატონი თემური, შევარდნაძის ეპოქაში მშენებლობის მინისტრი იყო, პირადად ვიცნობდი, თბილისშიც კარგი სახელით სარგებლობდა და ბათუმშიც. გამოსავალი რომ ვეღარ მოძებნა, თავი მოიკლა. თან წერილი დატოვა, ჩემი ოჯახის ცოდვა ადეიშვილისა და სააკაშვილის კისერზე იყოსო. წესით, ამ ფაქტზე გამოძიება უნდა დაწყებულიყო და დამნაშავეები დასჯილიყვნენ. ახლა ერთი გაქცეულია, მეორე კი რევოლუციით გვემუქრება ამსტერდამიდან, თითქოს დასჯილები არიან, მაგრამ ამ კონკრეტულ საქმეზე ბრალი მაინც არ აქვთ წაყენებული. ამის თაობაზე ბევრს ველაპარაკე სიღნაღში, ბევრს ავუხსენი, სინამდვილეში რაც მოხდა, ბევრმა თავი გადააქნია, არ ვიცოდითო… ესე იგი, იმ კაცმა თავი მოიკლაო? ჰო, თავი მოიკლა, ასეთ დღეში ჩააგდეს-მეთქი. თუმცა რა? ისეთებიც გამომიჩნდნენ, რომლებმაც აქეთ შემომიტიეს, შეიძლება სიღნაღი ვიღაც ჩარკვიანმა ააშენა და ბიძინა ივანიშვილმა გადახურა, მაგრამ ხელმძღვანელი ხომ მაინც მიშა იყო, მაგათ ხომ ფული მიშამ აახია. რა უნდა ელაპარაკო ახლა ამნაირებს?

ჩვენ გავიმარჯვეთ, "ნაციონალური" ბანდა დავამარცხეთ, ხალხის დიდი ნაწილი გამოვაღვიძეთ, გამოვაფხიზლეთ, მაგრამ პრობლემა პრობლემად რჩება და ყველაზე დიდი პრობლემა იცით, რა არის? 2012 წლის შემდეგ "ქართული ოცნების" ეგიდით მოსულთა "ბაირამობა". დღეს ხშირად ვამბობთ, რომ ყველა სახელმწიფო თუ ბიზნეს-სტრუქტურებში "ნაციონალები" არიან, თავიდან მეც ვეთანხმებოდი აზრს, რომ ერთხელ და სამუდამოდ უნდა დამთავრებულიყო სამსახურებიდან პოლიტიკური ნიშნით დათხოვნა, მაგრამ ახლა სხვანაირად ვფიქრობ, რადგან ამ მეთოდმა არ გაამართლა. როდესაც პოლიტიკური ნიშნით აჟიტირებული ადამიანები გიწყობენ საბოტაჟს და ოცნებობენ ხელისუფლების დამხობაზე, ეს უკვე აღარ არის სიტყვისა თუ გამოხატვის თავისუფლება. კი, ბატონო, თუ პროფესიონალი ხარ და ამავე დროს გაგაჩნია განსხვავებული აზრი, ეს არ არის პრობლემა, მაგრამ როცა ამ განსხვავებული აზრით აზიანებ სახელმწიფოს, ეს უკვე მიუღებელი უნდა იყოს. მოგიყვებით ერთ მაგალითს, რომელიც მოხდა დედოფლისწყაროში: ესე იგი, ერთმა გოგონამ თბილისში დაამთავრა უმაღლესი სასწავლებელი, დაბრუნდა თავის რაიონში და მიაკითხა გამგებელს (მერს), იქნებ სადმე დამასაქმოთო? გამგებელი ნებივრად გადაწვა სავარძელში და ეუბნება — ერთ შეკითხვას დაგისვამ, თუ სწორად მიპასუხებ, დაგასაქმებო. კაი, ასე იყოსო, მიუგო გოგონამ. აბა, თუ იცი, რამდენ კვერცხს დადებს ქათამნახევარიო? რაო? ჰო, ერთი ქათამი ერთ კვერცხს დებს, ეს ვიცით, მაგრამ რამდენს დადებს ერთი ქათამი და კიდევ ნახევარიო? ადგა ბავშვი და უპასუხოდ დატოვა გამგებლის კაბინეტი, თან ცრემლები მოადგა თვალებზე, იგრძნო, რომ მასხრად აიგდეს. მისი ოჯახი "ნაციონალებს" ებრძოდა 2012 წლამდე, ყოველთვის იყვნენ რისკის ქვეშ, მოვიდა ახალი ხელისუფლება, ახალი გამგებელი და ახლა ეკითხებიან, ქათამნახევარი რამდენ კვერცხს დადებსო? ამას ეკითხება ადამიანი, რომელიც სააკაშვილის დროსაც მშვენივრად იყო და ახლაც მშვენივრად გამოიყურება. თქვენ გგონიათ, ეს ერთადერთი შემთხვევაა? არა, ბატონებო და ქალბატონებო, ასე მოხდა მასობრივად, ვინც კი "ნაციონალებს" ებრძოდა, ყველა გაირიყა, ყველას პანჩური ამოარტყეს და იმ გოგოს ოჯახიც იმ დონეზე გამწარდა, პირველ ტურშიც და მეორე ტურშიც "ნაციონალების" მხარეს იყვნენ. 

ამდენი მძიმე ამბების შემდეგ აღარ გავიცინოთ, მამაძალი?! რასაკვირველია, უნდა გავიცინოთ, კაი ხასიათზე დავასრულოთ მე წერა, თქვენ — კითხვა. სიღნაღში ყველაზე მაგარი ის იყო, დავით უსუფაშვილის მამა, რომელიც სოფელ ნუკრიანში ცხოვრობს, მთელი ძალებით რომ სალომე ზურაბიშვილის სასარგებლოდ მუშაობდა. ეს იმ დავითის მამაა, რომელიც მეორე ტურის წინ ტელევიზორში იჭაჭებოდა, ჩემს გემოვნებას არც ერთი კანდიდატი არ აკმაყოფილებს, არც სალომეს ვაძლევ ხმად და არც ამხანაგ გრიგოლსო. მე თუ მკითხავთ, ე.წ. "შუალედები" უფრო საშიში წარმონაქმნები არიან, ვიდრე თავად "ნაციონალები". ჰოდა, ეს ის შემთხვევაა, როცა ის ურჩევნია მამულსა, შვილი ვერ სჯობდეს მამასა. ეგრეც არი, დავით უსუფაშვილს გაცილებით უკეთესი მამა ჰყოლია, ვიდრე გვეგონა.

გელა ზედელაშვილი

მეტის ნახვა
7-12-2018, 08:30


გვესაუბრება "იურისტთა და ადვოკატთა საერთაშორისო ობსერვატორიის" ხელმძღვანელი, ადვოკატი გრიგოლ გაგნიძე.

_ ბატონო გრიგოლ, წლევანდელი საპრეზიდენტო არჩევნები, რომელსაც აკვირდებოდით, პირველი არ არის. თქვენ ჯერ კიდევ 2012-2013 წლიდან მოყოლებული, ყველა არჩევნებს აქტიურად აკვირდებოდით. რა შეფასებას მისცემთ წლევანდელ საპრეზიდენტო არჩევნებს?

_ წინა არჩევნებთან შედარებით წლევანდელი საპრეზიდენტო არჩევნები გამოირჩეოდა უახლესი ტექნოლოგიების გამოყენებით, რაც, ფაქტობრივად, გამორიცხავდა გაყალბების შესაძლებლობას.დავინახეთ, რომ ცალკეულმა არასამთავრობო ორგანიზაციებმა დისკრედიტაციის მიზნით დარტყმა განახორციელეს ცენტრალურ საარჩევნო კომისიაზე, იუსტიციის სამინისტროზე, ძალოვან სტრუქტურებზე, იმ მოტივით, თითქოს ხელისუფლება არჩევნებს აყალბებდა. ეს გახლდათ "ჭიქაში ქარიშხლის" ატეხვა "ნაცმოძრაობის" სასარგებლოდ. მათთვის თამასა რომ აეწიათ, რათა არჩევნების შემდეგ ეყვირათ ნაცებს, არჩევნები გააყალბესო. მათთვის მთავრი მიზანი საერთაშორისო არენაზე ქვეყნის იმიჯის შელახვა გახლდათ. თუმცა არასამთავრობოთა ნაწილს არანაირი ფაქტები არ წარმოუდგენია, სად და ვის მიერ ყალბდებოდა არჩევნები.

_ თქვენმა ორგანიზაციამ და კიდევ რამდენიმე არასამავრობომ მოსთხოვეთ, წარმოედგინათ ფაქტები?

_ დიახ, მოვთხოვეთ, წარმოედგინათ მასალები სამართალდამცავებისთვის. თუმცა ვერანაირი ფაქტები ვერ წარმოადგინეს. ეს კი არა, ახალგაზრდა იურისტების და "გამჭვირვალობა საქართველოს" წარმომადგენლები "იმედის" ეთერში თავიანთ ბრალდებებში აიხლართნენ, ხან უარყოფდნენ, ხან კვლავ გაყალბებაზე საუბრობდნენ. აქვე მინდა აღვნიშნო, არასამთავრობოების ნაწილი იმ კოლოსალურ დაფინანსებას, რასაც იღებენ, ქვეყნის იმიჯის შესალახად არ უნდა იყენებდნენ. მინდა მივმართო მედიასაშუალებებს: "იმედს", "პირველ არხს", როდესაც ხალხის მიერ შერქმეულ ნაცებთან ასოცირებულ ასო-ებს ართმევთ ინტერვიუებს, ჩვენ, სხვა ორგანიზაციებსაც გვთხოვონ კომენტარი, რომელთაც ალტერნატიული, უფრო არგუმენტირებული და დასაბუთებული პასუხები გაგვაჩნია მათგან განსხვავებით.

_ მათი რისხვის ობიექტი თქვენი ორგანიზაციაც გახდა. რას გედავებოდნენ?

_ არასამთავრობოთა ნაწილმა ჩვენში კონკურენტი დაინახა. ბოლო დღეებში საჯაროდ გვედავებოდნენ, რატომ გვყავს 3 ათასზე მეტი დამკვირვებელი, როდესაც საიას მხოლოდ 400 ჰყავსო. ჩვენი ორგანიზაცია არანაკლები ავტორიტეტით სარგებლობს საზოგადოებაში, ვიდრე სხვები. ეს განპირობებულია ჩვენი ადვოკატების კვალიფიციური საქმიანობით, რომლებიც აქტიურად ვიცავთ ადამიანის უფლებებს. ამიტომაც გამოგვიცხადეს მოქალაქეებმა ნდობა და ამიტომაც გვყავდა ამდენი დამკვირვებელი. მადლობა მინდა გადავუხადო თითოეულ მათგანს გაწეული საქმიანობისთვის.

_ ბატონო გრიგოლ, საქართველოში ნორმად იქცა ცრუ ბრალდებები. რა არის გამოსავალი, რათა შეწყდეს ეს მანკიერი ტენდენცია?

_ ცრუ ბრალდებების სპეციალისტები ნაციონალები და მათთან შერწყმული არასამთავრობო ორგანიზაციების სტილია. ვინმეს რაღაც სისულელეს დააბრალებენ, არგუმენტები კი არ მოჰყავთ. ისინი ბოროტად იყენებენ სიტყვის თავისუფლებას. მივმართავ პარლამენტს, ცილისწამების მუხლს თუ არ აღადგენენ, საფრანგეთში არსებული ნორმატივები გადმოიღონ, სადაც ცრუ ინფორმაციის გავრცელება დასჯადია. მომდევნო საპარლამენტო არჩევნები არაკანლებ მნიშვნელოვანია, ვიდრე განვლილი. ამიტომ პარლამენტმა დროულად უნდა შეიმუშავოს ნორმატივები, რათა არავის ჰქონდეს საშუალება, `უპრაგონოდ~ ტალახი ესროლოს რომელიმე ორგანიზაციას ან პიროვნებას.

_ გრიგოლ ვაშაძე დამარცხებას არ აღიარებს. რას ნიშნავს ეს?

_ მიუხედავად ნაციონალების მცდლობისა, დააკნინონ ჩავლილი არჩევნები, ყველა საერთაშორისო ორგანიზაციამ ლეგიტიმურად ცნო შედეგები. პირველი ტურის შემდეგ ევროპარლამენტარებმა ევროპარლამენტიდან ღიად დაგმეს ქალი პრეზიდენტობის კანდიდატზე ბინძური თავდასხმები. ქალთა უფლებების დამცველებს ამაზე ხმაც არ ამოუღიათ, რაც აღრმავებს ეჭვს, რომ აღნიშნული ორგანიზაციები ნაცებთან და სააკაშვილთან დაკავშირებული არიან, უფრო მეტიც, ნაცებს და მათთან დაახლოებულ ასო-ებს არანაირი შეფასება არ გაუკეთებიათ. გამოდის, იზიარებენ სააკაშვილის ცინიკურ განცხადებებს ევროპარლამენტზე. ახლა საზოგადოება განსჯის, რომელი არასამთავრობოა ობიექტური და რომელი არა, რომელი იმსახურებს ხალხის ნდობას.
კარგია, ხელისუფლებამ აღიარა შეცდომები და ამიტომაც მიიღო ხალხის მხარდაჭერა მეორე ტურში. ახლა მთავარია, შეასრულოს დაპირებები, ჩამოიცილოს "საბოტაჟნიკები", რომლებიც თავიანთი ქმედებით თუ უმოქმედობით აზიანებენ სახელმწიფო სტრუქტურების რეპუტაციას, რაც ნიჰილიზმს იწვევს საზოგადოებაში, რაც იმ დესტრუქციული პოლიტიკური ძალის წისქვილზე ასხამს წყალს, ვისაც საზოგადოების უმრავლესობამ არაერთხელ უთხრა უარი ბოლო არჩევნებზეც.

გია ბურდული

მეტის ნახვა
7-12-2018, 07:30