სარეკლამო ადგილი

947x125



"ქართველმა სამართალდამცავებმა უკრაინიდან ჩამოსული მებრძოლების შვიდკაციანი ჯგუფი კი დააკავა, მაგრამ დარწმუნებული ვარ, სხვა ჯგუფებიც იქნებიან შემოსული, რომელთა სტუმრობის სავარაუდო მიზანიც საქართველოში ე.წ. მაიდნის მოწყობაა", აცხადებს პოლიციის ვიცე-პოლკოვნიკი დავით გაგნიძე.

მედიასაშუალებებით არაერთხელ ითქვა, რომ ბოლო "მაიდნის" დროს, კიევში, შენობების სახურავებზე განლაგებული სნაიპერები ესროდნენ მომიტინგეებსა და სპეცრაზმ "ბერკუტის" წევრებს. მოგვიანებით ქართველი სნაიპერების ინტერვიუებიც ვიხილეთ ტელევიზიით, რომლებიც ადასტურებდნენ სისხლიან ანგარიშსწორებაში მონაწილეობას და ამ ყველაფერში სააკაშვილის ჩართულობას. ახლა ეტყობა "ვალს" უბრუნებენ სააკაშვილს მისი უკრაინელი მხარდამჭერები და საქართველოში გადმოსხეს "დესანტი". მე არ ვიცი ვინმეს თუ სჯერა, რომ უკრაინელი მებრძოლები საქართველოს ღირსშესანიშნაობების დასათვალიერებლად და ახლობლების მოსანახულებლად ჩამოვიდნენ, როგორც თავად აცხადებენ. ისინი თურმე არც აპირებდნენ 2 დეკემბრის ნაცმოძრაობის მიერ ორგანიზებულ აქციაზე მისვლას. მე გამოძიების დასრულებამდე ვერ დავიწყებ იმის მტკიცებას, რომ დაკავებულებს მართლაც ჰქონდათ იარაღი და საბრძოლო მასალა, მაგრამ კრიტიკას ვერ უძლებს მავანთა სიტყვები, სტუმრები" თვითფრინავით ჩამოვიდნენ საქართველოში, კონტროლი გაიარეს და იარაღს როგორ შემოიტანდნენო. რად უნდოდა შემოტანა, როცა რაიმე ასე ვთქვათ, ოპერაციის ჩასატარებლად მიდიან, მათ ყოველთვის ადგილზე ხვდება იარაღიც და საბრძოლო მასალაც. ბინაც წინასწარაა მათთვის გამზადებული და ხშირ შემთხვევაში იარაღიც იქ ხვდებათ. თუ მართლაც სასტუმროს ნომრებში აღმოაჩინა პოლიციამ იარაღი, მე სასტუმროების მეპატრონეების მიკვირს, როგორ ვერ შენიშნეს იარაღი და საბრძოლო მასალა რომ შეჰქონდათ. 

თავად რადას დეპუტატი სემიონ სემენჩენკოც გარკვეულ ეჭვებს ბადებს. მის პერსონასთან დაკავშირებით, არცთუ სახარბიელო ინფორმაცია დევს ინტერნეტსივრცეში. სემენჩენკო სინამდვილეში კონსტანტინე იგორის ძე გრიშინია, ეროვნებით რუსი, რომელიც სევასტოპოლში დაიბადა და გაიზრდა. მან რამდენიმე წლის წინ შეიცვალა გვარ-სახელი. მამამისი სამხედრო ოფიცერი იყო, მხარი დაუჭირა ყირიმის რუსეთთან მიერთებას და ოჯახთან ერთად სევასტოპოლში დარჩა საცხოვრებლად. სემენჩენკოს ჩაოყალიბებულია ბატალიონი "დონბასი", რომელიც უკრაინელების ნაწილისთვისაც მიუღებელია, უკრაინის ხელისუფლებაც უარყოფითადაა მათ მიმართ განწყობილი, ამას არც მალავს და "დონბასის" მებრძოლებს მარადიორებად იხსენიებს".

ხსენებული ჯგუფის საქართველოში ჩამოსვლა-დაკავებას ფართო გამოხმაურება მოყვა ქვეყნის ფარგლებს გარეთაც. ინტერნეტსივრცეში ვრცელდება ერთ-ერთი არაქართველი ბლოგერის ინფორმაციას, რომ პოლონეთში არსებულ "ევროპული უსაფრთხოების აკადემიას", რომელიც სპეცრაზმელებსა და სამხედრო პირებს ამზადებს, მიმდინარე წლის 1 ნოემბერს პრეზიდენტყოფილი სააკაშვილი სტუმრობდა. ამ ცნობილ ბაზაზე, რომლის მომსახურებითაც ბევრი სარგებლობს, იმ დროს უკვე იმყოფებოდნენ სემიონ სემენჩენკო და მასთან დაახლოებული ათეულობით (სავარაუდოდ 40) სამხედრო პირი. რატომ არ ინტერესდება უკრაინის ხელისუფლება, რა მიზნით ვარჯიშობდა ეს ხალხი იქო. სააკაშვილსა და სემენჩენკოს შორის, რომელიც ექს-პრეზიდენტის დიდი ხნის მეგობრად და მოკავშირედ ითვლება, მოლაპარაკება შედგა, სააკაშვილმა მეგობარს სთხოვა, ნოემბრის ბოლოს რამდენიმე ჯგუფი ჩაეყვანა საქართველოშიო. დაჯგუფების გაგზავნის მიზეზად ვიპ-პერსონების და უძრავი ობიექტების დაცვა დასახელებულა. საინტერესოა, რა ობიექტები უნდა დაეცვა ამ ხალხს. ბატონი სემენჩენკო 29 ნოემბრიდან უკვე საქართველოში იყო, რამდენიმე დაჯგუფება კი 30 ნოემბერს გაგზავნეს, თუმცა ყველა ვერ შევიდა, ზოგიერთი საზღვრიდანვე უკან გააბრუნეს, დანარჩენებმა მაინც მოახერხეს საზღვრის გადალახვაო. ხსენებული ბლოგერის ინფორმაციით, 2 დეკემბერს უკრაინის საელჩოს საქართველოში ვინმე ევგენი შევჩენკო დაუკავშირდა, რომელმაც თავი სემენჩენკოს დამხმარედ და უკრაინის ეროვნული უსაფრთხოების აგენტად წარადგინა და ამცნო, რომ უკრაინის რამდენიმე მოქალაქე დაიკარგა და დახმარება ითხოვა. ელჩი სემენჩენკოს დაკავშირებია, ამ უკანასკნელს საქართველოში ყოფნა და ამ ადამიანების გაუჩინარება დაუდასტურებია. ამის შემდეგ ატყდა ხმაური მედიასა და სოციალურ ქსელებშიო. მართალია, ზემოხსენებული ბლოგერი არ ახსენებს, მაგრამ გაირკვა, რომ ბატონმა შევჩენკომ 2017 წელს კერძო საწარმო "დონბას ბატალიონ კორპი" დაარეგისტრირა, სავარაუდოდ ეს იმ კერძო სამხედრო დაჯგუფების ("დონბასი") "გადასაფარად" გაკეთდა, რომელიც უკრაინაში აკრძალულიაო. სწორედ ამ დაჯგუფების წევრები ყოფილან ის შვიდი პირი, რომლებიც ჩვენმა სამართალდამცავებმა დააკავეს. 

პრეზიდენტ პოროშენკოს მრჩეველი ბირიუკოვი ადასტურებს, რომ დაკავებულებს შორის სემენჩენკოც იყო. სხვა და სხვა წყაროები მყავს, ისინი ადასტურებენ, რომ სემენჩენკო თბილისშია, ის იქ ოფიციალური დოკუმენტებით, უკრაინის ხელისუფლების წარმომადგენლის სტატუსით იმყოფებოდა, დიპლომატიურ სკანდალში გაგვხვია, საკუთარი ხალხი გაწირა და გაიქცაო. ბირიუკოვი და უკრაინის სოციალური პარტიის ლიდერი ილია კივა ფეისბუქშიც წერენ, რომ ლვოვის პარტია "სამოპომოშჩი" სემენჩენკოს (ბატალიონ "დონბასის" ექსმეთაური) ხელმძღვანელობით, არის უკრაინაში ქართული დიპლომატიური სკანდალის "შემოქმედი". 

ბირიუკოვისა და კივას პოზიციას არაოფიციალური წრეებიც ეთანხმებიან, არეულობის მონაწილეები, რომლებსაც სათავეში სემენჩენკო უდგას, სავსებით შესაძლებელია სახელმწიფო გადატრიალების მოწყობის მცდელობაში დაადანაშაულონ, არ არის გამორიცხული ეს ბრალდება უკრაინასაც წარედგინოს, როგორც სახელმწიფოს. 

სემენჩენკო-გრიშინმა რადიო "თავისუფლებას" ფრიად "გულისამაჩუყებელი" ინტერვიუ მისცა, მან რა თქმა უნდა გამორიცხა დაკავებული უკრაინელი და ქართველი მებრძოლების საქართველოში მიმდინარე პოლიტიკურ პროცესებთან კავშირი და "დაგვმოძღვრა", მინდა ქართველები დაფიქრდნენ, თქვენ შესანიშნავი მეომრები ხართ, როგორ შეიძლება ვიღაცამ ხუთი კაცით და ჟანგიანი პისტოლეტით, რომელიც შეუგდეს, როგორც ჩანს, საქართველოს შსს-ს მეტი რესურსი არ ჰქონდა, გააკეთო რაღაც რევოლუცია რამდენიმე მილიონიან ქვეყანაში. 

თადარიგის მაიორი სემენჩენკო და სააკაშვილი წყლის ორი წვეთივით გვანან ერთმანეთს, თუნდაც იმიტომ, რომ სემიონიც მიშასავით ყველაფრის "სპეციალისტია". ბატალიონ "დონბასის" შტაბის ყოფილმა უფროსმა ერიომინმა ეს ჩვენი მაიორი 2014 წლის სექტემბერში, არაპროფესიონალიზმსა და გადაჭარბებულ პოპულიზმში დაადანაშაულა, ბატალიონი მისთვის კომერციული პროექტია, ფეისბუქზე წერა კი ეხერხება, მაგრამ მისი "მხედრობისა" რა მოგახსენოთ, კრიტიკულ მომენტებში, უბრალოდ უჩინარდება. ბატალიონის გასაპიარებლად ის ხშირად იწვევდა ჟურნალისტებს და ფოტოსესიებს აწყობდა, თავადვე ამბობდა, ვიცი, რომ ტელევიზიას არაფრისგან შეუძლია ფიგურა შექმნასო. ბატალიონ "დნეპრის" ასეულის უფროსმა შილოვმა ("დონბასის" ყოფილი მებრძოლი) სემენჩენკო ერთ-ერთ დასახლებულ პუნქტთან მიღებულ დანაკარგებში დაადანაშაულა, ისეთი სამოძრაო მარშრუტი შეადგინა, რომ უიარაღო ხალხს "ხორცსაკეპში" უკრა თავი, თვითონ კი უკანა ხაზზე ფეისბუქს იყო მიმჯდარი. ამის შემდეგ "დონბასიდან" ბევრი მებრძოლი გადავიდა სხვა სამხედრო დანაყოფებშიო.

სემიონ იგორის ძე სემენჩენკოს (წარსულში კონსტანტინე იგორის ძე გრიშინი) პერსონის უკეთ გასაცნობად, შემოგთავაზებთ მის მოკლე ბიოგრაფიას. იგი უკრაინის უმაღლესი რადას დეპუტატი (2014 წლის 27 ნოემბრიდან), ეროვნული უშიშროებისა და თავდაცვის კომიტეტის თავმჯდომარის მოადგილე, უკრაინის ეროვნული გვარდიის თადარიგის მაიორი გახლავთ, უკრაინის საზოგადო, სამხედრო და პოლიტიკური მოღვაწე. სემენჩენკო-გრიშინი მას შემდეგაა ცნობილი პიროვნება და პოლიტიკური წონის მქონე, რაც მოხალისეთა ბატალიონ "დონბასის" მეთაური და რადას დეპუტატი გახდა პარტია "სამოპომოშჩიდან". იგი კომპანია "ახალი თანამგზავრული ტელევიზიის" მფლობელიც გახლავთ. სემენჩენკოს ყოფილ თანამებრძოლებს ტყუილად არ შეპარვიათ ეჭვი, არ არის ეს კაცი სამხედროო, სევასტოპოლის ნახიმოვის სახელობის "შავი ზღვის სამხედრო სასწავლებელში" კი მოეწყო, მაგრამ როცა მიხვდა ფლოტში ვერ "გაქაჩავდა", სამოქალაქო სექტორში გადაბარგება გადაწყვიტა და სევასტოპოლის ტექნიკურ უნივერსტიტეტში საფინანსო ფაკულტეტზე გააგრძელა სწავლა. 1998–2004 წლებში საჯარო სამსახურში საპასუხისმგებლო თანამდებობა ეკავა, პარალელურად საზოგადოებრივ "მოღვაწეობასაც" ეწეოდა, გაზეთ "სევასტოპოლის მაცნეს" მთავარი რედაქტორი ყოფილა. ასე რომ, მას ჟურნალისტური გამოცდილებაც აქვს, ალბათ ამიტომაც ჩაერთო ბაჩუკი ქარდავას კუთვნილი საინფორმაციო სააგენტოს "ეგიდით", საქართველოს საპრეზიდენტო არჩევნებში დამკვირვებლად. სემენჩენკოს 2014 წლის შემოდგომაზე გაზეთმა "მოსკოვსკი კომსომოლეცმა" "გაუბაზრა", 2006–2008 წლებში "ვგიკში" სწავლობდა დრამატურგიასა და ტელევიზიის რეჟისურას, მაგრამ სადიპლომო ნამუშევარი ვერ შეასრულა და დიპლომი ვერ მიიღოო. 

ბატალიონი "დონბასი" სემენჩენკოს 2014 წლის აპრილში ჩამოუყალიბებია და უკრაინის თავდაცვის სამინისტროსგან უმოკლეს დროში "მუშაობისთვის" აუცილებელი ნებართვაც მიუღია. იგი ცოტა მოგვიანებით კიევში ჩავიდა მოთხოვნით, შეეწყვიტათ შერიგების მცდელობა და საომარი მდგომარეობა შემოეღოთ. ამ მოთხოვნით მიტინგი ჩაატარა პრეზიდენტის ადმინისტრაციასთან და "მაიდნის" სცენაზეც გამოვიდა სიტყვით. უკრაინის შს მინისტრმა არსენ ავაქოვმა 20014 წლის აგვისტოში ფეისბუქით გაავრცელა ინფორმაცია, რომ სემენჩენკო ილოვაისკისთვის ბრძოლაში თეძოსა და ზურგის არეში დაიჭრა და წარმატებული ოპერაცია ჩაუტარდა. პრემიერმა არსენ იაცენიუკმა და შს მინისტრმა ავაქოვმა სემენჩენკო ბოგდან ხმელნიცკის მესამე ხარისხის საბრძოლო ორდენით დააჯილდოვეს. შემდეგ რადას არჩევნებზე იყარა კენჭი და დეპუტატიც გახდა. ტელევიზიით კი უთქვამს პოდპოლკოვნიკის წოდება მომანიჭესო, თუმცა ამომრჩევლისადმი ფეისბუქმიმართვაში წერდა, რომ სახალხო გვარდიის თადარიგის მაიორი და ბატალიონ "დონბასის" სპეცდანიშნულების რაზმის მეთაურია. სემენჩენკო მისივე თქმით, 2000-იან წლებში დონეცკში გადავიდა საცხოვრებლად (მისი მეუღლე დონეცკელია, შვილებიც იქ დაიბადნენ), უსაფრთხოების სისტემებით იყო დაკავებული, მისი კომპანია ამონტაჟებდა თანამგზავრულ ტელევიზიისთვის საჭირო აპარატურას და მატერიალურად საკმაოდ უზრუნველყოფილი იყო, თუმცა 2014 წლის გაზაფხულზე, იძულებული გახდა, ოჯახთან ერთად კიევში გადასულიყო.

რუსული ტელეკომპანია "დოჟდის" ინფორმაციით, სემენჩენკო და მისი მეუღლე ნატალია მოსკოვეცი ფლობენ კომპანია "საოლქო კურიერულ სამსახურს", რომელიც ბრენდ "ახალი თანამგზავრული ტელევიზიის" შემადგენლობაშია. კომპანიის წლიური ბრუნვა მილიონნახევარი დოლარია, ხოლო წყვილის თვიური შემოსავალი მილიონი გრივნა. 

და ბოლოს, ვრცელდება ინფორმაცია, რომ უკრაინიდან სამარცხვინოდ განდევნილი მიხეილ სააკაშვილი, ერთ-ერთ უკრაინულ ტელეარხზე გადაცემას წაიყვანს. "გონივრული" ეჭვი მიჩნდება, რომ დიდი ალბათობით, ეს ტელევიზია მიხეილის მეგობარ-მოკავშირე სემიონ სემენჩენკოს ეკუთვნის.

მანანა სუხიშვილი

მეტის ნახვა
17-12-2018, 08:00


თელავში ქვეყნის მეხუთე პრეზიდენტის ინაუგურაციის ცერემონია დაიწყო. ფიცის დადების შემდეგ საქართველოს პრეზიდენტი რეგიონში პირველად ქალი გახდება.

ცერემონიას 1500 სტუმარი ესწრება. მათ შორის არიან მაღალი რანგის სტუმრები სხვადასხვა ქვეყნიდან, მოქმედი და ყოფილი პრეზიდენტები.
საქართველოს ისტორიაში პირველად ახალი პრეზიდენტის ფიცის დადებას მისი წინამორბედი ესწრება.
დღეიდან ამოქმედდება საქართველოს კონსტიტუციის ახალი რედაქცია.





 

მეტის ნახვა
16-12-2018, 14:30


ვახტანგ ხარჩილავა:

ე.წ. გაერთიანებულმა ოპოზიციამ ახალი ლოზუნგი წამოაყენა _ ყველა _ 1.
_ 1-ში, ცხადია, ბიძინა ივანიშვილი იგულისხმება…

ანუ ყველას ეს ერთი ბიძინა ივანიშვილი რომ გამოაკლდეს, გაერთიანებული ოპოზიციის აზრით, ქვეყანაში საყოველთაო ბედნიერების, კეთილდღეობის და აღმშენებლობის ეპოქა დაიწყება.
ეს ერთი, ბიძინა ივანიშვილია, ხელს რომ უშლის და ფეხებში რომ ებლანდება თურმე ამ აღმშენებლებს, თორემ მინუს ივანიშვილი და ყველაფერი უსწრაფესად გაპლიუსდება და ივერიაც გაბრწყინდება.

მოდით, ახლა ისიც ვნახოთ, ვინ არიან ეს გამპლიუსებლები, თავიანთ თავს გერთიანებულ ოპოზიციას ისე ამაყად და ისე თავმოწონებით რომ ეძახიან, თითქოს ნახევარი მსოფლიო ჰქონდეთ შემოერთებული.
ვინ არიან და ნიკანორ მელია, პაატა დავითაია, გრიგოლ ვაშაძე, ზურაბ ხარატიშვილი, გიორგი ვაშაძე, შოთა მალაშხია, ბაჩუკი ქარდავა, აკაკი ასათიანი, შალვა ნათელაშვილი, ნიკა მაჭუტაძე, მამუკა კაციტაძე, შალვა შავგულიძე და კიდევ სხვა ვიღაც-ვიღაცები, რომლებიც თავისუფალი გარემარბების როლში გვევლინებიან, გაერთიანებულ ოპოზიციაში ხან შეირბენენ, ხან გამოირბენენ და თვითონაც ხეირიანად რომ არ იციან, სინამდვილეში სად არიან.

აი, ესენი აპირებენ ქვეყნის აშენებას, ოღონდ ერთი პირობით _ მინუს ბიძინა ივანიშვილი!
რამდენი ხანია, სულ ამათი სახელები მესმის, მაგრამ ლაყბობის გარდა ამათი აშენებული ჯერ არავის არაფერი უნახავს და ახლა რა აღმშენებლობითი ნიჭი და ტალანტი დაეფერთხათ თავზე?
უმეტესობა მათგანი ჩამოყალიბებული პოლიტიკური წურბელა და პარაზიტია, რომელთა `მოღვაწეობა~ წურბელობის და პარაზიტობის იქით არ წასულა.

ყველა _ 1, ეს იდიოტური ფორმულა, რომელიც საქართველოს პოლიტიკურ ცხოვრებაში ადრეც ხშირად გაჟღერებულა და ზიანის გარდა სიკეთე არასოდეს მოუტანია ქვეყნისთვის, იმ სუბიექტების ბაგეთაგან, რომლებიც ე.წ. გაერთიანებულ ოპოზიციას წარმოადგენენ, იმდენად სასაცილოდ და კომიკურად ჟღერს, არ შეიძლება სერიოზული ადამიანი არ დააფიქროს: აი, ესენი, ეს ოდიოზური ფიგურები, 20 და 30 კი არა, თუნდაც 2000 და 3000, ერთად რომ გააერთიანო, თუნდაც გადაადნო და ერთ ზოდად ჩამოასხა, ბიძინა ივანიშვილს, მის მიერ გაკეთებულ საქმეებს გადასწონიან?

ყველა _ 1 რომ დაუჩემებიათ ამ პოლიტიკურ არამზადებს და პარაზიტებს, აბა, წარმოვიდგინოთ, როგორი და რანაირი იქნება საქართველო, მინუს ყველა ის საქმე, რაც ბიძინა ივანიშვილს გაუკეთებია ამ ქვეყნისთვის?

საქართველოს მინუს სამების ტაძარი და ბიძინა ივანიშვილის მიერ რესტავრირებული და აღდგენილი უამრავი ეკლესია-მონასტერი, საქართველოს მინუს ბიძინა ივანიშვილის წყალობით გადარჩენილი თეატრები და მუზეუმები, საქართველოს მინუს მის მიერ აშენებული მუსიკალური ცენტრები, სტადიონები, პარკები, გზები, ხიდები, სკოლები, საავადმყოფოები, სხვადასხვა სახის შენობა-ნაგებობები, საქართველოს მინუს ბიძინა ივანიშვილის მიერ რესტავრირებული უნივერსიტეტის I კორპუსი და ოპერის თეატრი, საქართველოს მინუს ბიძინა ივანიშვილის მიერ გადარჩენილი უამრავი სიცოცხლე, საქართველოს მინუს ბიძინა ივანიშვილის პენსიით თუ სტიპენდიით შიმშილით სიკვდილისგან დახსნილი უამრავი ადამიანი, საქართველოს მინუს ბიძინა ივანიშვილის მიერ დაფინანსებული და აწყობილი უამრავი სახელმწიფო სტრუქტურა, საქართველოს მინუს ჯერ შევარდნაძის და მერე სააკაშვილის მიერ თავიანთ აქტივში ჩათვლილი და მისაკუთრებული, მაგრამ სინამდვილეში ბიძინა ივანიშვილის მიერ უხმაუროდ და ინკოგნიტოდ დაფინანსებული ასევე უამრავი სახელმწიფო მნიშვნელობის პროექტი, იდეა, მიმართულება.

დაბოლოს, საქართველოს მინუს 2012 წლის შემოდგომაზე `ნაცმოძრაობის~ კრიმინალურ-ფაშისტურ რეჟიმზე გამარჯვება, რომლის მიღწევა ბიძინა ივანიშვილის თავგანწირვის და თავდადების გარეშე შეუძლებელი იქნებოდა.

ახლა იმაზე დავფიქრდეთ, ზემოთჩამოთვლილი მინუსების შემდეგ რა რჩება იმ საქართველოსგან, რომელსაც ბიძინა ივანიშვილის მიერ გაკეთებული საქმეები გამოვაკელით?

იმდენად მძიმე, უბადრუკ და უღიმღამო სურათს ვიღებთ, რომ ამის წარმოდგენაც კი არ მინდა…

საქართველოს მინუს ბიძინა ივანიშვილი და პლიუს პოლიტიკური მუქთახორები – ამ არითმეტიკით აპირებთ თქვენ ქვეყნის აშენებას, თქვე მართლაც უნიჭო აფერისტებო და ფარისევლებო?



მეტის ნახვა
13-12-2018, 18:00


სანამ პოზიცია და ოპოზიცია ერთმანეთში ბრალდებებს ცვლიან, „პატრიოტთა ალიანსი“ ვაშაძისთვის მიცემულ ხმებს ითვლის. საგანგებო ბრიფინგზე, ირმა ინაშვილმა საქართველოს მთავარ პროკურატურას და შინაგან საქმეთა სამინისტროს მოუწოდა დაიწყოს გამოძიება, ენმ-ს მიერ საპრეზიდენტო არჩევნებზე მიღებულ ხმებთან დაკავშირებით.

„ადგილი აქვს პოლტიკუირ აფერისტობას, რადგან შეუძლებელია 780 ათასი ამომრჩეველი გყავდეს და შენს მიერ ორგანიზებულ მიტინგზე მინიმუმ 30 ათასი მხარდამჭერი არ იდგეს“ – დარწმუნებულია ინაშვილი. გასული კვირის ყველაზე მნიშვნელოვანი თემა უდავოდ, არჩეული პრეზიდეტის ინაუგურაციის ადგილის განხილვა გახლდათ. როგორც მოსალოდნელი იყო, ოპოზიციამ ხელისუფლებას ინაუგურაციის ადგილად თელავის შერჩევა გაქცევად შეაფასა, თუმცა ვალში არც ხელისუფლების მხარდამჭერები დარჩნენ და ნაციონალურ მოძრაობას 2004 წელს ქუთაისში გამართული ინაუგურაცია გაახსენეს.

პოლიტოლოგი გია ხუხაშვილისთვის ინაუგურაციის თელავში ჩატარება სხვა მხრივაც მიუღებელი აღმოჩნდა. მისი თქმით, თელავი სიმბოლურად ქართული მონარქიის, ანუ სახელმწიფოებრიობის დასრულებასთან ასოცირდება და საპრეზიდენტო ეპოქის დასასრულის ასოციაციებს იწვევს. „თუ სიმბოლიკაზე ვსაუბრობთ, მაშინ ეს სიმბოლიკა უფრო ნეგატიურია, ვიდრე პოზიტიური. ეს ქალაქი სიმბოლურად ქართული მონარქიის ანუსახელმწიფოებრიობის დასრულებასთან ასოცირდება. თელავი რა თქმა უნდა, ნამდვილად არის ერთ-ერთი კულტურული ცენტრი და ძალიან მიყვარს, მაგრამ სიმბოლიკა ძირითადად მაინც სევდიანი და ნეგატიური აქვს“ – განაცხადა ხუხაშვილმა.

როგორც ცნობილია, ლეიბორისტული პარტია გაერთიანებული ოპოზიციის ულტიმატუმს შეუერთდა. 5 დეკემბერს „ძალა ერთობაშიას“ წევრები ოპოზიციის სამომავლო გეგმებზე სასაუბროდ „ლეიბორისტული პარტიის“ ლიდერს შეხვდნენ. პარტიის ოფისში გამართული შეხვედრის შემდეგ ოპოზიციურმა პარტიებმა საკონსულტაციო საბჭოს შექმნის გადაწყვეტილება მიიღეს და ხელისუფლებას 3 მოთხოვნას წაუყენეს:

პირველი – საარჩევნო სისტემის ცვლილება და შემდგომი საპარლამენტო არჩევნების სრულად პროპორციულიწესით ჩატარება;
მეორე – საარჩევნო ადმინისტრაციის წესის ძირეული ცვლილება და საარჩევნო გარემოს გარდაქმნა;
მესამე: რიგგარეშე საპარლამენტო არჩევნების ჩატარება“.

გიორგი მარგველაშვილის პრეზიდენტობის ბოლო დღეები არც თუ ისე სასიამოვნო აღმოჩნდა – ნუცუბიძის ქუჩაზე ჩატარებული სპეცოპერაციის შედეგად პრეზიდენტის სიძე და მასთან ერთად მყოფი ძებნილი პირი დააკავეს. გამოძიება მინდია გოგოჭურს, ცეცხლსასროლი იარაღის ჯგუფურად მართლსაწინააღმდეგო შენახვას და დანაშაულის დაფარვას ედავება.

რამდენიმე დღის წინ გაერთიანებული ოპოზიციის წევრს, პუბლიცისტ თაკო ჩარკვიანს სოციალურ ქსელში არც თუ ისე სასიამოვნო სიურპრიზი მოუწყვეს. ფეისბუქის ერთ-ერთმა მომხმარებელმა 2012 წლის ვიდეო გამოაქვეყნა, სადაც ქალბატონი თაკო სააკაშვილის ხელისუფლებას აკრიტიკებს და ციხეებში პატიმრების გაუპატიურებაზე საუბრობს. სოციალური ქსელის მომხმარებელმა რუსიკო ყიფიანმა კი ჩარკვიანს შემდეგი შინაარსის სტატუსით მიმართა: „ქ-ნო თაკო, ვინაა ბიძინას მონა?

თქვენ ძმას 5 ოპერაცია დაუფინანსა ისრაელში, ძმა გაგიცოცხლა, მამათქვენი იღებდა მისგან 5 000-ს, მისი დასაფლავების ხარჯები გაიღო, მიხვედით მამაჩემის ხელფასი დედაჩემს დაუტოვეთო … კიდევ რამდენი არ ვიცით… და ჩვენ ვართ ბიძინას მონები? აბა, დაფიქრდით! (ქმარი კი მილიონერი გყავთ, უხერხული ხომ არაა?)მისი მისამართით გამოთქმულ კრიტიკას ჩარკვიანი მშიდადშეხვდა და განაცხადა, რომ ყველაფერი კარგად ახსოვს, უსამართლობას ყოველთვის ებრძოდა და მის ოჯახს არავის ვალი არ აქვს. პირიქით, მათთან ვალში სახელმწიფოა, რომელმაც ოჯახის ბიზნესი „შეიტყაპუნა“ (სავარაუდოდ, საუბარია, სააკაშვილის ხელისუფლების დროს წართმეულ ბიზნესზე)

ბოლო დღეებში გაერთიანებული ოპოზიციის ერთიანობას ბზარი შეეპარა. „აღარ ვაპირებ არანაირ აქციაში მონაწილეობას, რომელზეც გრიგოლ ვაშაძეს მიესალმებიან, როგორც საქართველოს პრეზიდენტს“ – ამის შესახებ„ნაციონალური მოძრაობის“ წევრმა სალომე სამადაშვილმა ფეისბუკის პირად გვერდზე განაცხადა. სამადაშვილის განმარტებით, ეს მხოლოდ აზიანებს ოპოზიციის ინტერესებს როგორც ქვეყნის შიგნით, ასევე მის ფარგლებს გარეთ.

სავარაუდოდ, „ნაციონალური მოძრაობის“ სხვა წევრები თანამებრძოლის პოზიციით არ აღფრთოვანებულან, რადგან იმავე დღეს ნინო კალანდაძემ ფეისბუქის პირად გვერდზე შემდეგი შინაარსის სტატუსი გამოაქვეყნა:

„შეირყა გემი და გამოჩნდნენ პირველი ვირთხებიც? არცთუ პარადოქსალურად სულ ერთი და იგივე ვირთხებია ესენი ოღონდ. ტრადიციულად, ორიგინალურობით არც ახლა გამოირჩევიან”. ძნელი მისახვედრი არ უნდა იყოს, ვირთხებში ვინ იგულისხმება, თუმცა „ნაციონალური მოძრაობის“ კიდევ ერთი წევრი თინა ბოკუჩავა პარტიაში განხეთქილებას მთლიანად გამორიცხავს. „არანაირი განხეთქილება, ეს დარჩება ივანიშვილის აუსრულებელ ოცნებად“ – განაცხადა ბოკუჩავამ. „ძირს კინკლაობა! ერთიანობის დროა! ან თქვენ გადაარჩენთ ქვეყანის დემოკრატიის მომავალს, ან ავტოკრატია გადაგვყლაპავს ყველას ერთად და მოგვისპობს ხვალინდელ დღეს“ – ასე გამოეხმაურა ტელეკომპანია “რუსთავი2-ის” გენერალური დირექტორი მომხდარს.
სასოფლო სამეურნეო მიწების უცხოელებზე გაყიდვაზე დაწესებული მორატორიუმის შეჩერებას „ქართულმა მარშმა“ იუსტიციის სახლთან გამართული აქციით უპასუხა.

აქციის ერთ ერთი ორგანიზატორი დიმიტრი ლორთქიფანიძე აცხადებს, რომ მათი მოთხოვნების შეუსრულებლობის შემთხვევაში მარში ქვეყნის მთელ ტერიტორიაზე მშვიდობიან აჯანყებას მოაწყობს. „ეს იქნება ლეგიტიმურიკონსტიტუციური აქტი“- აცხადებს დიმიტრი ლორთქიფანიძე.

შეგახსენებთ, რომ უცხოეთის მოქალაქეებზე მიწების გასხვისების მორატორიუმი ძალადაკარგულად გამოცხადდა, თუმცა შეზღუდვები მხოლოდ 16 დეკემბრამდე მოიხსნა, რადგან პრეზიდენტის ინაუგურაციის შემდეგ ახალიკონსტიტუცია ამოქმედდება, რომელიც სასოფლო-სამეურნეო დანიშნულების მიწების უცხოეთის მოქალაქეებზე გასხვისების შესახებ შეზღუდვებს კვლავ აწესებს. საპროტესტო აქციის მონაწილეებიცდილობენ არ დაუშვან 16 დეკემბრამდე დარჩენილ დროში მიწების უცხო ქვეყნების მოქალაქეებზედარეგისტრირება.

„ღმერთი არავის გაუწყრესდა ამ 6 დღეში სანამ ახალი კონსტიტუცია შევა ძალაში, 1 სანტიმეტრი ქართული მიწა არ გაიყოდოს დაინაუგურაცია სამოქალაქო პანაშვიდებში არ გადაიზარდოს … ეგ მიწა ჩვენი ისეა, როგორც თქვენი და ეხლაპოლიტიკოსობანას თამაში არ დაიწყოთ, დილიდან და რამე არ მოხდეს, კარგად გაითვალისწინეთ“ – წერია „ქართული მარშის“ მიმართვაში.

აქციების პარალელურად, ცნობილი ხდება, რომ საზოგადოებრივი მოძრაობა “ქართული მარში” შეიძლება პოლიტიკურ ორგანიზაციად ჩამოყალიბდეს და საპარლამენტო არჩევნებში სხვა პოლიტიკურ გაერთიანებებთან ერთად, ბლოკის სახით მიიღოს მონაწილეობა. ამის შესახებ მოძრაობის ერთ-ერთმა ლიდერმა კონსტანტინე მორგოშიამ განაცხადა.

ალეკო ელისაშვილი ახლად დაფუძნებული სამოქალაქო მოძრაობისთვის კეთილსინდისიერ ადამიანებს ეძებს. ელისაშვილი ამბობს, რომ მოძრაობის წევრთა რიგებში მიიღებს ყველა მსურველს, ვინც მხოლოდ ორ კრიტერიუმს დააკმაყოფილებს: პროფესიონალიზმი და კეთილსინდისიერება.

ბოლო დღეებში მედია აქტიურად განიხილავს მთავრობაში მოსალოდნელი საკადრო ცვლილებების თემას. ერთ-ერთი ვერსიით, არჩეული პრეზიდენტის ინაუგურაციის შემდეგ, შესაძლოა, თანამდებობები დატოვონ პრემიერ მინისტრმა მამუკა ბახტაძემ, თავდაცვის მინისტრმა ლევან იზორიამ და რეგიონული განვითარების და ინფრასტრუქტურის მინისტრმა მაია ცქიტიშვილმა. მამუკა ბახტაძის შემცვლელად შინაგან საქმეთა მინისტრ გიორგი გახარიას მოიაზრებენ. გახარიას ადგილზე შესაძლოა, ალეკო ტაბატაძე ვიხილოთ. მაია ცქიტიშვილს სავარაუდოდ, სოფლის მეურნეობის ყოფილი მინისტრი ოთარ დანელია შეცვლის. იზორიას შემცვლელად მედიამ უკვე დაასახელა იმერეთის გუბერნატორი შავლეგო ტაბატაძე. რამდენი მინისტრი დაკარგავს პოსტს მამუკა ბახტაძის კაბინეტში, სავარაუდოდ, ახალი წლის შემდეგ გახდება ცნობილი.

და ბოლოს, ერთი სასიამოვნო ინფორმაცია, ავსტრიის პრეზიდენტის შვილი საქართველომ იმდენად მოხიბლაა, რომ საცხოვრებლად ჩვენს ქვეყანაში გადმოდის. ავსტრიის მოქმედი პრეზიდენტის ალექსანდრ ვან დერ ბელენის შვილმა ფლორიან ვან დერ ბელენმა 2018 წლის მაისში საკუთარი კომპანია დააარსა და ახლა უკვე საქართველოში საცხოვრებლად გადმოსვლასაც გეგმავს. „ჩემი ნარატივი საქართველოზე აღვიძებს სიყვარულს ამ ქვეყნის მიმართ პოტენციურ ინვესტორებში და საინვესტიციო შესაძლებლობებს აცნობს მათ. ევროპელებს საქართველო დღემდე ეგზოტიკურ ქვეყანად მიაჩნიათ, თუმცა აქ ჩამოსვლის შემდეგ რწმუნდებიან, რომ ეს ასე არ არის. საქმიან ადამიანებს საქართველოს ლიბერალურ გარემოსა და შესაძლებლობებზე ვუყვები.“ „როდესაც ავსტრიაში დავბრუნდი, ვერც კი ვიძინებდი. რაღაც მოსვენებას არ მაძლევდა. იცით, როგორ ვიყავი?! აი, განსაკუთრებულ ადამიანთან შეხვედრის შემდეგ რომ აცნობიერებ, რომ შეყვარებული ხარ მასზე“ – აცხადებს ერთ-ერთ ინტერნეტ გამოცემასთან ინტერვიუში ფლორიანი.

ნელი თორდია

მეტის ნახვა
13-12-2018, 11:00


„თუ საქართველოს სიკვდილი არ უწერია, მაშინ იმასთან ერთად შენც უკვდავი იქნები და თუ სასიკვდილოა, როგორც სურთ და ჰგონიათ, მაშინ ნეტავი შენ, რომ მაგ შენი სიკვდილით წინ-უსწარ მის სიკვდილს და თვალით ვეღარ ნახავ!” – დიახ, ეს აკაკის სიტყვაა ილიას დაკრძალვისას წარმოთქმული, თუმცა, ეს ციტატა ნიკა რურუას ყოფილ ცოლს სოფო გორგაძეს ფეისბუქსტატუსში თავისად აქვს გამოყენებული, რომელიც სრული სახით ასე „გამოიყურება“: „ნიკა რურუა თუ საქართველოს სიკვდილი არ უწერია, მაშინ იმასთან ერთად შენც უკვდავი იქნები და თუ სასიკვდილოა, როგორც სურთ და ჰგონიათ, მაშინ ნეტავი შენ, რომ მაგ შენი სიკვდილით წინ-უსწარ მის სიკვდილს და თვალით ვეღარ ნახავ!” და ახლა საქმე ასეა: ვაჟა, ილია, აკაკი და "ერის მამა"… ნიკა რურუა“. 

გავრცელებული ინფორმაციით რურუა გულის შეტევამ იმსხვერპლა. მაია ორჯონიკიძის აზრით რურუას გარდაცვალებაში რუსეთის ხელი ურევია, მეგი გოცირიძე კი ივანიშვილის კვალს ხედავს.~ჩემი სულიერი ძმა ნიკუშა რურუა… ერთ-ერთი ყველაზე ბრწყინვალე ქართველი და საქართველოზე გადამკვდარი პატრიოტი.. ცარიელი გული იყო… ცრემლები მახრჩობს… ხვალ მოდიოდა ჩემთან ევროპაში… რესტ ინ პეაცე, ბროტჰერ!… აუცილებლად მივიყვანთ შენს, ჩვენს საქმეს გამარჯვებამდე!”, – წერდა სააკაშვილი საკუთარ Facebook გვერდზე. „ნიკა იყო ჩემი მეგობარი. ის იყო ადამიანი, რომელთან ურთიერთობაც ყველა ეტაპზე იყო საინტერესო. ის იყო გამორჩეული კულტურის მინისტრი, კულტურის ბევრ მინისტრს შორის“, – უთხრა მედიას რურუების ოჯახში სამძიმრის სათქმელად მისულმა საქართველოს პრეზიდენტმა გიორგი მარგველაშვილმა.

“მე ნიკოლოზს ვიცნობ არაერთი ათეული წელია, ახალგაზრდობიდან და ძალიან გული დამწყდა მისი წასვლის გამო. ჩვენი ცხოვრების გზები გაიყარა. პოლიტიკურადაც სხვადასხვა გუნდში აღმოვჩნდით. მაგრამ როდესაც ადამიანი მიდის, პოლიტიკური აზრთა სხვადასხვაობა აქტუალობას კარგავს. ამიტომ მინდა მთელი გულით მივუსამძიმრო მის ოჯახს, ახლობლებს და მეგობრებს. ძალიან გულდასაწყვეტია, რომ ამ ასაკში წავიდა ამ ქვეყნიდან”, – განაცხადა ყოფილმა პრემიერმა გიორგი კვირიკაშვილმა.

ნიკა რურუას მეგობრების „დიდი მწერლების, „საზოგადო მოღვაწეების“ და იმ სამეგობროს შეფასებაც გასაგებია „ერთად დაღვრილი სისხლი, რომ აერთიანებდათ“. გიორგი მარგველაშვილთან „ნაწილობრივ“, მაგრამ ყოფილი პრემიერის, კვირიკაშვილის რურუასთან მეგობრობა ფრიად დამაფიქრებელია – საინტერესოა რა ნიშნით მეგობრობდნენ რა ჰქონდათ საერთო, ან რურუას რომელ გუნდში მოიაზრებოდა „სხვადასხვა“ გუნდში აღმოჩენამდე?… ბევრი ითქვა და დაიწერა რურუას შესახებ, უცებ აღმოვაჩინეთ რომ ნიკა რურუას მსგავსი ქართველი საქართველოსა და მის ფარგლებს გარეთ არ მოიძებნება. უცებ გავარკვიეთ, რომ რურუა ყოფილა ის პატრიოტი, რომელიც „ებრძოდა სტალინის ძეგლს“, ოკუპანტებს, ოკუპაციას, არჩევნების წაგების მიუხედავად სადარბაზოს კარი დაკიდა ერთ-ერთ კორპუსში და ასე შემდეგ, და ასე შემდეგ… ჩვენ, უბრალო მოკვდავთ სხვა „დეტალებიც“ გვახსოვს ძმები რურუების და რურუების საძმოს „ცხოვრებიდან“, მაგრამ ჩვენ უბრალონი ვართ და აბა ვის რაში ადარდებს ჩვენი მახსოვრობა, მთავარია ბრალიანებს რა ახსოვთ და რა უნდათ… და, როდესაც ერთმა „უბრალომ“ ერთი ეპიზოდი გაიხსენა, „ბრალიანებით“ აღფრთოვანებულმა „უბრალოებმა“ – მიცვალებულებზე ან კარგს ამბობენ, ან არაფერსო, – ბრძანეს. მხოლოდ ერთ ადამიანს გაახსენდა რომ ეს გამონათქვამი, სრული სახით ასე ჟღერს: მიცვალებულზე ან კარგს ამბობენ, ან არაფერს, სიმართლის გარდა. დიახ, სიმართლის გარდა! – „რა ვთქვა აბა? – ამ მოწმენდილ ცაზე მეხი გავარდნილა! ოჯახის წევრთან სამუდამო განშორებაზე დიდი ტკივილი არ ვიცი, თუ არის რამე… და მაინც დიდი სიამოვნებით ვიჯდებოდი ნიკა რურუას გვერდით და მოვისმენდი სიკვდილის წინ მის აღსარებას“, – ეს პოსტი თამუნა თორაძემ გამოაქვეყნა. დღეს შეიძლება ბევრს არ ახსოვდეს ვინ არის თამუნა თორაძე, საქართველოს ტრაგიკულ ისტორიას ახსოვს ვინ იყვნენ თორაძეები და ვინ არის თამუნა თორაძე. ერთი „უმნიშვნელო“ დეტალი, ერთი „შემთხვევითობა“: ნიკა რურუას სამოქალაქო პანაშვიდი ვერის სასაფლაოზე მდებარე ეკლესიაში მიმდინარეობდა, სწორედ იმ ვერის სასაფლაოსთან, სადაც 1992 წელს მისმა „საძმოს“ წევრებმა თორაძეების ოჯახის სამი წევრი უმოწყალოდ ჩახოცეს და შემდეგ დარჩენილ ოჯახის წევრებს „ბეტეერით“ მიადგნენ: „კარებზე აბრახუნეს, ხმა არ გავეცით, მერე ფანჯარაში მოგვიბრახუნეს: კარები გააღეთ! ვიცით, რომ აქ ხართ! ლიმონკებს შემოვყრით და ყველანი დაიხოცებით! ერთმანეთს ვუყურებდით და არ ვიცოდით, რა უნდა გვექნა. ბოლოს კახამ თქვა გაეღო კარები თამრიკოს. თამრიკომ კარები გააღო და სთხოვა მკვლელებს, ჩაეწიათ ავტომატები, ბავშვებს შეაშინებთო. ბიჭის ხმა გაისმა თორაძეები აქ არიან, ხო?! კახამ დაიძახა, აქ ვართ ხელცარიელებიო. შემოლაგდნენ გაფითრებული დაძაბული სახეებით წინ მომარჯვებული ავტომატებით და მიუშვირეს ორივეს! კახა იმედოს გადაეფარა, ბიჭო, არ ისროლო, უიარაღოდ ვართ და შეეცადა აეწია რურუას ავტომატი ზევით! მაგრამ კიდევ იყვნენ წვერებიანი და ნიღბიანი ბიჭები, რომლებმაც იარაღი მიუშვეს იმედოს და კახაზე! დაყარეს ძირს ორივე ძმა ჩვენს წინ, ვუყურებდი და ვხაოდი ბოლო ხმაზე! მაგრამ ვერავინ შევაჩერე! ვერც ავდექი! დავინახე წვერებიანი როგორ გავიდა ოთახიდან, როცა დარწმუნდა, ორივე ძმა მოკლული იყო! რურუა (ჟორჟიკა - ქ.ზ.) არ ვიცი, რამ გააბოროტა ესე, რომ მაკაროვი ამოიღო, ჩვენსკენ გამოიშვირა! თვალით ჩამოგვიარა ბავშვებს, მერე კი დაბლა დაწია და სროლა გააგრძელა უკვე მოკლულ უსულო სხეულზე! თითქოს ვითვლიდი, ეხლა მორჩება, ეხლა და, მგონი, 7 დავითვალე! გატრიალდნენ და გიჟებივით გარბოდნენ. ჰაერში ისროდნენ უკვე სახლიდან გასულები! თითქოს ზეიმობდნენ და აგებინებდნენ ერთმანეთს! რომ მორჩა. მოვკალით! არ ვიცი. ეს რანაირად შეიძლება გადმოგცეთ, რო თქვენც შეიგრძნოთ ამ თვითეული არა ადამიანის ჩადენილი!“…

ნუთუ არ ახსოვს ჟორიკა რურუას ჩემი სახე?! ჩემი თვალები?! როცა დაწია ჩემსკენ მომართული იარაღი და გააგრძელა მკვდარ სხეულზე სროლა?! ნუთუ არასოდეს შეაწუხებს იმის შიში, რომ მოწმე დატოვა?!ან იმ მეორეს (წვერებიანს) დინჯად რომ მიაბიჯებდა?!. შეიძლება ადვილია ვიღაცებისთვის ამის მოსმენა ან წაკითხვა!!! მერწმუნეთ, არ არის ადვილი ამ ყველაფრის შემსწრემ ცხოვრება გააგრძელო და რამე კანონის იმედი გქონდეს, იმ ქვეყანაში და საერთოდ დედამიწაზე, სადაც კანონს იყიდი თუ ბევრი ფული გაქვს! იმასაც არ დავივიწყებ, რომ ეს ადამიანები ერთ დროს გაჭირვებული ოჯახის შვილები იყვნენ! „ვლასტზე“ და „მაფიოზობაზე“ ოცნებობდნენ!..როგორც ამბობენ, კეკუაც რამდენიმე წელში რურუებმა გაისტუმრეს ჯერ ციხის „კლეტკებში“ და მერე „თავის ჩამოხრჩობით“. ჩამოკიდეს, რა თქმა უნდა! “ თორაძეების ოჯახის განადგურებას „მომხრეების“ ვაკეში, გია ბარამიძის და მისი ძმის განადგურება მოყვა, მანამდე, თორაძეების მეგობრის გელოვანის მკვლელობაზე მხოლოდ ბრალი წაუყენეს გიორგი რურუას…

თამუნა თორაძისთვის მაშინ, უცნობი, წვერებიანი და ნიღბიანი „ბიჭები“ დღეს თუ ცოცხლები არიან აუცილებლად წარმატებული ბიზმესმენები იქნებიან! ოთხმოცდაათიანელ „ბოროტებს“ მხედრიონელებს“და სხვა კრიმინალურ ჯგუფებს რომლებსაც დაღვრილი სისხლი აერთიანებდათ და სხვა უამრავი ჰქონდათ საერთო. ხელისუფლებამ და ქუჩამ თითქმის ერთდროულად 1995-წელს დაუნდობელი ბრძოლა გამოუცხადა. საძმოები სხვადასხვა ქვეყნებში მიმოიფანტნენ ვიდრე ქვეყნის სათავეში დიდი მიხეილი „კრიმინალების და ქურდების რისხვა“არ მოგვევლინა პრეზიდენტად და აქტიურად დაიწყო „ბოროტების“რეანიმაცია, რაც მშვენივრად გამოუვიდა და უკვე ჩასარეცხი კრიმინალები -პოლიტიკოსებად და ბიზმესმენებად აქცია, მართალია ბოლოს „ბიზნესწილების“ანუ დიდი ფულის გამო მაინც დაერივნენ ერთმანეთს, „ვერელი ბოროტები“, რომ სხვა დონე იყო ვერ გათვალა „უდელმა“ვანომ და ზის დღემდე დამარცხებულ-დადუმებული ციხეში, მაგრამ მანამდე შეხმატკბილებულად ძარცვავდნენ ხალხს და ქვეყანას (არც ეხლა აკლებენ)… ყველაფრისტი“, სისხლის მსმელი, კრიმინალები, ერთნაირი შემართებით ბიზნესმენებიც იყვნენ და ზონდერებიც. 2007-წელს „იმედის“დარბევის ფაქტზე, გიორგი რურუა მისგან მართულ ზონდერჯგუფთან ერთად სახალხო დამცველის ანგარიშშიც მოხვდა… ორი წლის წინ ინტერვიუში „ყოფილი „მხედრიონელი“ თემურ ხაჩიშვილი ყურადღებას ამახვილებს, თუ რა პოლიტიკურ წიაღში ჩამოყალიბდა ორგანიზაცია „მხედრიონი“: – „მხედრიონში“ ჩამოყალიბდნენ, რომლის ხელმძღვანელიც მე გახლდით, პირველ რიგში – გიგა ბოკერია, ასევე ძმები რურუები, მამა-შვილი გაბაშვილები და სხვები. სწორედ ეს ადამიანები წარმოადგენდნენ „მხედრიონის“ იმ მანკიერ მხარეს, რასაც საზოგადოება გმობდა. მე არ მსმენია პატიოსანი და, იმავდროულად, ფულიანი არც „მხედრიონელი“, არც ზვიადისტი პირადად მე – მრავალი წლის განმავლობაში მნიშვნელოვან თანამდებობზე ვიმუშავე, თუმცა როგორც ხედავთ, ჩემი მატერიალური მდგომარეობა უმწვავესია იმ ფონზე, როცა უღირსი „მხედრიონელები“ ფულის შოვნაზე იყვნენ ორიენტირებულნი და დღეს უზრუნველად ცხოვრობენ.

პირველი პოლიტიკური წრთობა მათ ზვიად გამსახურდიას კანონიერი ხელისუფლების წინაღმდეგ ქმედებებში მიიღეს. მაგალითად, ბოკერია სასტიკად არბევდა ზვიადისტებს, მან პირადად დააპატიმრა თბილისში ზვიადისტების მხარდასაჭერად ჩამოსული რუსი დისიდენტი ვალერი ნოვოდვორსკაია… ვაცნობიერებ, რომ მეც მეკისრება ამ დარბევების გამო პასუხისმგებლობა, როგორც „მხედრიონის“ ხელმძღვანელს… “, – აცხადებს თემურ ხაჩიშვილი გაზეთ „ასავალ-დასავალთან“ ინტერვიუში. დიახ, 90-იან წლებში დამნაშავეთა სამყაროს პოლიტიკაში ჩარევამ პოლიტიკის კრიმინალიზაციას დაუდო დასაბამი. “მხედრიონის” პოლიტიკური ამბიციებით გამოსვლამ ქურდული კონტრკულტურა ორად გაყო – ისინი, ვინც პოლიტიკაში მოვიდა და ისინი, ვინც ქურდული განდგომილობა დაიცვა. 1992 -წელი განსაკუთრებით გამოირჩეოდა სისხლიანი მოვლენებით. მიხეილ სააკაშვილმა სწორედ ეს ადამიანები „ჩაიხუტა“ გატეხილი სახელითა და ძალიან მძიმე რეპუტაციით „უპატრონა“და მათთან ერთად არანაკლები ბოროტება აკეთა ვიდრე ოთმოცდაათიან წლებში აკეთებდნენ“ბოროტების“ორდენის კავალრები… რობერტ სტურუას გათავისუფლებასთან დაკავშირებით გოგა ხაინდრავა 2011-წელს „ყველაზე წარმატებულ კულტურის მინისტრს“ჩვენი გაზეთის ფურცლებზე ასე ამკობდა- „კულტურის მინისტრი, რომელსაც ადამიანების სისხლში აქვს ხელები გასვრილი და მკვლელები რომ ქვეყნის სათავეში იქნებიან, ბოლოს და ბოლოს მკვლელებს რომ კულტურას ჩააბარებენ, ის კულტურა მოკვდება. მომავლის მოსპობის მცდელობა მიდის, იმიტომ, რომ ამ ნაციონალების იდეა თავიდანვე უისტორიო ახალი ქართველის შექმნა იყო. ჩვენთან, როგორც წესი, ასეთ რამეებს შეთქმულების თეორიის ნაწილს მიაწერენ, მაგრამ ეს არის კონკრეტული გეგმა, რომელიც ყოველდღიურად ხორციელდება.უცხოელები ამათ იყენებენ შემსრულებლებად. დავალებები ერთ ჯგუფს ეძლევა მოსკოვიდან, სხვა ჯგუფს ვაშინგტონიდან, არის კიდევ ჯგუფი, რომელიც ვაშინგტონიდანაც, რუსეთიდანაც, თეირანიდანაც, ბეირუთიდანაც, ჯანდაბიდან და ოხრობიდანაც რომ დაავალონ, შეასრულებენ საკუთარი კეთილდღეობისთვის… 

მათი ნავსაყუდელი არის სააკაშვილის მმართველობა და ყველანაირად ეცდებიან ეს ნავსაყუდელი არ დაკარგონ. ყველაფერზე ხელს მოაწერენ, რობიკო სტურუას მოხსნის კი არა, დახვრეტის ბრძანებას მოაწერენ ხელს, ერთი წუთით არ დაფიქრდება ამაზე ნიკოლოზ რურუა“. 

დაბოლოს, ნიკა რურუა არავის გაუსამართლებია მის მიერ ჩადენილ ცოდვათა გამო. არავის მოუთხოვია მისთვის პასუხი, ამიტომ წავიდა ის ამქვეყნიდან გმირის სახელით, დიდი მელომანის მანტიაში გახვეული. მეტიც, თურმე რურუამ ააყვავა „ქართული კინო“. არადა, თვალის ერთი გადავლებაც საკმარისია „აყვავებული“ „ქართული კინო“ რომ დავინახოთ: კინოთეატრებში გახსნოლი სახინკლეები და სასტუმროები, სუპერმარკეტები და სალონები. აი, როგორ ააყვავა ნიკა რურუამ „ქართული კინო“. არაფერს ვიტყვით „ვიდრე მე ვარ, კინოს ვერ გადაიღებ“-ო, იმ რეჟისორებს რომ ეუბნებოდა რურუა, ვინც ნაცხროვის რეჟიმს ქუჩაში, აქციებზე აპროტესტებდა.

„მშვიდობით საქართველოს თავისუფლების არწივო.მშვიდობით რუსეთის იმპერიასთან ბრძოლის დაუმორჩილებელო რაინდო“, – საინტერესოა არა? დიახ, საინტერესოა, ამიტომაა რომ ყოფილმა ცოლმა ნიკა ილიას რანგში აიყვანა. კიდევ კარგი, მთაწმინდაზე ადგილი აღარ არის, თორემ ვიხილავდით ილიას გვერდით „მხედრიონელ“ ნიკა რურუას… 

ქეთევან ზარნაძე

მეტის ნახვა
13-12-2018, 08:00


თეთღიწყაროს მუნიციპალიტეტში

ეთრიწყაროში, ე.წ. ნამტვრიანის დასახლებაში არსებული სპორტული მოედნის სარეაბილიტაციო სამუშაოების ფარგლებში, მოეწყობა შესაბამისი სპორტული ინფრასტრუქტურა და ხელოვნური საფარი. სამუშაოს მიმდინარეობას ადგილზე გაეცნო თეთრიწყაროს მუნიციპალიტეტის მერი გიორგი ქორიძე, მერიის ზედამხედველობის სამსახურის წარმომადგენლებთან ერთად.

მუნიციპალიტეტში საგზაო ინფრასტრუქტურის მოწესრიგების მიზნით კიდევ ერთი მნიშვნელოვანი პროექტი ხორციელდება – მერიის დაკვეთით, სოფელ მაწევნამდე მისასვლელ 3,2-კილომეტრიან საავტომობილო გზაზე ორ ფენად ასფალტი იგება. პროექტის მიხედვით ეზოებთან მისასვლელებიც მოასფალტდება.
მიმდინარე სამუშაოებს ადგილზე გაეცნო თეთრიწყაროს მუნიციპალიტეტის მერის პირველი მოადგილე მალხაზ სამაშვილი. ხელშეკრულებით პროექტის დასრულება გათვალისწინებულია 2019 წლის 2 იანვარს. მისი ღირებულება 771 724 ლარია. მსოფლიო ბანკის მხარდაჭერით

მიმდინარე „ირიგაციისადა მიწის ბაზრის განვითარების პროექტის“ ფარგლებში, სამელიორაციო ინფრასტრუქტურის შიდასამეურნეო ქსელის მოწეს- რიგების მიზნით დაგეგმილი საპროექტო სამუშაოების შესახებ, სოფ. ჯორჯიაშვილსა და ასურეთში ადგილობრივ მოსახლეობასთან საინფორმაციო შეხვედრები
გაიმართა. მოსახლეობას ამომწურავი ინფორმაცია მიეწოდა პროექტის ფარგლებში უკვე განხორციელებული და სამომავლოდ დაგეგმილი სამუშაოების შესახებ. შეხვედრას ესწრებოდნენ: საქართველოში მსოფლიო ბანკის მისია ვილფრიდ ჰანდერტმარკის ხელმძღვანელობით, რეგიონალური ექსპერტი გევორგ მიჩიკიანი,პროექტის წყალმომხმარებელთა განვითარების ჯგუფის ხელმ- ძღვანელი დავით ქაჯაია და შპს „საქართველოს მელიორაციის“ ალგეთი-ტბისი-კუმისის სერვის- ცენტრის წარმომადგენლები.

2018 წელს „ირიგაციისა და მიწის ბაზრის განვითარების პროექტის“ ფარგლებში, დასრულდა ტბისი-კუმისის საი- რიგაციო სისტემის ძირითადი/ მაგისტრალური სამელიორაციო სისტემების რეაბილიტაცია. პროექტის მეორე ეტაპზე იგეგმება შიდასამეურნეო ქსელის საპროექტო სამუშაო, რომელიც მოიცავს მუნიციპალიტეტის 20 სოფელს. შედეგად, გაიზრდება წყალუზრუნველყოფილი მიწის ფართობები, მაქსიმალურად იქნება ათვისებული სასოფლო- სამეურნეო მიწები და უკეთ განვითარდება სოფლად სამეურნეო საქმიანობა. შიდასამეურნეო ქსელის საპროექტო სამუშაოები 2019 წლიდან დაიწყება და მისი მიმდინარეობის პროცესში აქტიურად ჩაერთვება ადგილობრივი მოსახ ბა.

ჩოხატაურის მუნიციპალიტეტში

რამდენიმე დღის წინ სტიქიამ დასავლეთ საქართველოს თითქმის ყველა მუნიციპალიტეტი დააზარალა. ძლიერმა ქარმა ძირითადად დააზიანა ელექტროგადამცემი ხაზები და საცხოვრებელი სახლების სახურავები. ადგილობრივი ხელისუფლება უმალ შეუდგა სტიქიის შედეგების ლიკვიდაციას. ჩოხატაურის მუნიციპალიტეტის ხელმძღვანელები, სამხარეო თუ ცენტრალური ხელისუფლების წარმომადგენლებთან ერთად
განაწილდნენ სოფლებში ზარალის დასათვლელად და დაზარალებულთათვის ქმედითი დახმარების აღმოსაჩენად.

ჩოხატაურში პრობლემების დროულად აღმოსაფხვრელად გატარდა შესაბამისი ღონისძიებები. ქუჩები გაიწმინდა ხეებისგან, ელექტროგადამცემი ხაზები აღდგენილია. დაზარალებული მოსახლეობისთვის გადასახური მასალის გადაცემა ინტენსიურად მიმდინარეობს. მიმდინარე სამუშაოებს გაეცნენ რეგიონული განვითარებისა და ინფრასტრუქტურის სამინისტროს წარმომადგენელი ოთარ არევაძე და გურიის გუბერნატორის მოადგილე ქეთევან მოისწრაფეშვილი, ადგილობრივი ხელისუფლების წარმომადგენ- ლებთან ერთად.

კახეთის რეგიონში

კახეთის მხარეში სახელმწიფო რწმუნებულის-გუბერნატორის ადმინისტრაციის ინიციატივითა და გერმანიის საერთაშორისო თანამშრომლობის საზოგადოების (GIZ) მხარდაჭერით, კახეთის რეგიონში შემავალი მუნიციპალიტეტების წარმომად გენლების მონაწილეობით, კახეთის რეგიონული განვითარების სტრატეგიის 2019-2021 წლების სამოქმედო გეგმის პროექტების განხილვის მიზნით, შემაჯამებელი დასკვნითი სამუშაო შეხვედრა გაიმართა.

მიმდინარე წლის სექტემბრიდან, კახეთის რეგიონის მუნიციპალიტეტებში მიმდინარეობს აქტიური მუშაობა კახეთის რეგიონული განვითარების სტრატეგიის 2019-2021 წლების სამოქმედო გეგმის შემუშავებაზე, რაც, ძირითადად, ითვალისწინებს რეგიონებში განსახორციელებელი პროექტების ფონდიდან მუნიციპალიტეტებში დასაფინანსებელი საპროექტო წინადადებების შერჩევას.

დასკვნით სამუშაო შეხვედრაზე, კახეთის რეგიონში შემავალმა თითოეულმა მუნიციპალიტეტმა წარადგინა 2019-2021 წლების სამოქმედო გეგმა, რომელიც GIZ-ის ექსპერტების დახმარეით მომზადდა. შეხვედრას რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი, მხარის სახელმწიფო რწმუნებული ირაკლი ქადაგიშვილი, მედიისა და გერმანიის საერთაშორისო
თანამშრომლობის საზოგადოების (GIZ) წარმომადგენლები დაესწრნენ

გურჯაანის  მუნიციპალიტეტში

სოფელ ძირკოკში შიდა სასოფლო გზების რეაბილიტაციის პროცესში მოასფალტდა გზის 859 მეტრი, ე.წ. თუშების უბანი, ე.წ. ჭიაპაანთ უბანი და ე.წ. ელიკაანთ უბნის შესასვლელი. გზების რეაბილიტაცია რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით განხორციელდა, რისთვისაც 226 000 ლარი დაიხარჯა.

გზის რეაბილიტაცია მიმდინარეობს სოფელ ჭანდარში, ე.წ. უროიანის უბანში. მოასფალტდება 768 გრძივი მეტრი და მოეწყობა სანიაღვრე არხი. სამუშაოები რეგიონებში გან- სახორციელებელი პროექტების ფონდისა და ადგილობრივი ბიუჯეტის თანამონაწილეობით ხორციელდება, რომლის ღირებულებაც 389 538 ლარს შეადგენს.

ზუგდიდის მუნიციპალიტეტში

მუნიციპალიტეტში მიმდინარე ერთ-ერთი სოციალური პროექტის ,,მზრუნველი მობილური ჯგუფის“ წევრები მარტოხელა ბენეფიციარების დასახმარებლად იმყოფებოდნენ ახალაბასთუმნის, ინგირისა და კახათის ადმინისტრაციულ ერთეულებში. პროექტი ხელს უწყობს მარტოხელა და მარტო მცხოვრები ხანდაზმულებისთვის ცხოვრების ხარისხის გაუმჯობესებასა და საზოგადოებასთან ინტეგრაციას.

სოციალური პროგრამის ფარგლებში მერიამ წელს დაიწყო კიდევ ერთი ახალი პროექტი – "სოციალურად დაუცველი ოჯახების კვებით უზრუნველყოფა", რომელიც ითვალისწინებს ადმინისტრაციულ ერთეულებში მცხოვრები განსაკუთრებით მძიმე სოციალური და ეკონომიური პირობების მქონე პირების ზამთრის
პერიოდში საკვები პროდუქტებით დახმარებას.

413 ოჯახი პროგრამის ფარგლებში მერიისგან ერთჯერადად მიიღებს პირველადი მოხმარების საკვებ პროდუქტებს: შაქარს, ფქვილს, ზეთს, კარტოფილს, მაკარონსა და ხახვს. დახმარების გაცემა 4 დეკემბერს დაიწყო და ის ეტაპობრივად განხორციელდება. ამ დროისთვის პროდუქტები 170-მდე ბენეფიციარს გადაეცა.


მარნეულის მუნიციპალიტეტში

სოფელ ხოჯორნში დასრულდა წყალმიმღების მოწყო- ბისა და წყალსადენი მაგისტრალის რეაბილიტაციის პროექტი.  მოსახლეობის სასმელ-საყოფაცხოვრებო და სამეურნეო წყალმომარაგების გაუმჯობესების მიზნით, მოეწყო ჰორიზონტალური წყალმიმღები (დრენაჟი) და რეაბილიტაცია ჩაუტარდა სასმელი წყლის
მაგისტრალის დაზიანებულ მონაკვეთებს. პრო- ექტის საერთო ღირებულებამ 78 500 ლარი შეადგინა.

ასევე, სოფელ ხოჯორნში მიმდინარეობს ხელოვნურსაფრიანი, კომბინირებული მინისაფეხბურთო მოედნის მოწყობის სამუშაოები, რომლის სახელშეკრულებო თანხა 75 639 ლარს შეადგენს.

იმერლოში 120 აღსაზრდ გათვლილი საბავშვო ბაღის მშენებლობის მიმდინარეობას გაეცნენ მერიის სივრცითი მოწყობისა და ინფრასტრუქტურის სამსახურის ხელმძღვანელი პირები და თანამშრომლები. თანამედროვე სტანდარტების შესაბამის სააღმზრდელო დაწესებულებაში, საბავშვო ჯგუფებთან ერთად შენობაში განთავსდება სპორტული და სახელოვნებო ღონისძიებებისთვის განკუთვნილი დარბაზი, საბავშო ბაღის მიმდებარედ მოეწყობა და მოწესრიგდება გარე ინფრასტრუქტურა, შენობა ადაპტირებული იქნება განსაკუთრებული საჭიროების მქონე პირებისთვის. 
პროექტი ადგილობრივი ბიუჯეტის დაფინანსებით ხორციელ დება, რომლის სახელშეკრულებო ღირებულება 587 000 ლარია.

სოფელ წითელსოფელში ცენტრალური გზის რეაბილიტაციის სამუშაოები დასრულდა. აღსანიშნავია, რომ ინფრასტრუქტურული პროექტის განხორციელების იდეა ამავე სოფლის მკვიდრს არამ აკოფიანს ეკუთვნის, რომელმაც მონაწილეობა მიიღო პროექტ „სამოქალაქო ბიუჯეტი 2018“-ში და მისი იდეა ადგილობრივი ბიუჯეტიდან დაფინანსდა.

საგზაო ინფრასტრუქტურული პროექტი განხორციელდა სოფელ მარეთშიც, სადაც მოასფალტდა კორპუსებთან მისასვლელი გზა და ეზოები. პროექტები ადგილობრივმა ბიუჯეტმა 327 870 ლარით დააფინანსა.

სენაკის მუნიციპალიტეტში

მუნიციპალიტეტის მასშტაბით  აქტიურად მიმდინარეობს საავტომობილო გზების მოწყობისა და რეაბილიტაციის სამუშაოები. მოსახლეობის თხოვნის საფუძველზე, ქალაქად და სოფლად თანმიმდევრულად ხორციელდება გზების რეაბილიტაციასთან დაკავშირებული დაპირებები. ქალაქ სენაკში იგეგმება ასფალტბეტონის საფარის დაგება ს. შენგელიას, მარჯანიშვილის, ფურცელაძის, ჯიხას ქუჩებზე. ამ ეტაპზე მიმდინარე- ობს მოსამზადებელი სამუშაოები.

უკვე დამთავრდა სამტრედიის, სტალინის ქუჩის III შესახვევის, შავი ზღვის, ჭალადიდელის, ფალიაშვილის, გაბაშვილის, ალ.არჩაიას, მშვიდობის ქუჩების რეაბილიტაცია, აგრეთვე ალ. არჩაიას ქუჩიდან თბილისი-სენაკი–ლესელიძის ავტომაგისტრალამდე, დ. აღმაშენებლისა და ლოლუას ქუჩებზე.
მუნიციპალიტეტში აქტიურად მიმდინარეობს სანიაღვრე არხების მოწყობა, ამჯერად – კოსტავას, სახოკიას, ჯიხას, თეფანიას, გორის ქუჩებზე და ეკის ადმინისტრაციულ ერთეულში.

სანიაღვრე არხების მოწყობა მუნიციპალიტეტში მომავალშიც გაგრძელდება, რის შედეგადაც არხების მიმდებარე ტერიტორიების დატბორვის საშიშროება მოსახლეობას აღარ ექნება.

სტიქიის შედეგების მაქსიმალურად მოკლე ვადებში ლიკვიდაციის მიზნით, სენაკის მუნიციპალიტეტში დაწყებულია დაზარალებული მოსახლეობისთვის სამშენებლო მასალების გაცემის პროცესი, რომელიც 214 საცხოვრებელი სახლისა და მრავალბინიანი კორპუსის დაზიანებული სახურავების აღსადგენადაა განკუთვნილი. ქალაქის და ყველა ადმინისტრაციული ერთეულის დაზარალებულ მოსახლეობას გადაეცა შიფერი, თუნუქის, ალუმინისა და ხის მასალა. ამ პროცესში ჩართული არიან მუნიციპალიტეტის ხელმძღვანელი პირები – მერი ლევან კუპრეიშვილი, მერის პირველი მოადგილე გრიგოლ ბაღათურია, მერის
მოადგილე კახაბერ კუპრეიშვილი და შესაბამისი სამსახურის სხვა წარმომადგენლები. სოციალურად შეჭირვებულ მოსახლეობას გადასახური მასალა ადგილზე მიუტანეს.

ჩხოროწყუს მუნიციპალიტეტში 

სტიქიის შედეგების მაქსიმალურად მოკლე ვადებში ლიკვიდაციის მიზნით, აქტიურად გრძელდება დაზარალებული ოჯახების გადასახური მასალით უზრუნველყოფა. დაზარალებულთა ნაწილს სახლის გადასახური მასალა მუნიციპალიტეტის მერმა დათო გოგუამ პირადად მიუტანა. ძლიერის ქარის შედეგად დაზიანდა 94 საცხოვრებელი სახლის, 2 ადმინისტრაციული შენობისა და 1 საბავშვო ბაღის სახურავი. 

სტიქიის სალიკვიდაციო სამუშაოების ფარგლებში სახლის გადასახური მასალა ყველა დაზარალებულ ოჯახს გადაეცემა.

საბავშვო ბაღებში საჩუქრების გადაცემა გრძელდება. ამჯედ დათო გოგუა, ადგილობრივი ისუფლების წარმომადგენთან ერთად, სოფელ ლესიჭინეს საბავშვო ბაღებს ესტუმრა და მათ სათამაშოები გადასცა. მუნიპალიტეტის მერი სკოლამდელი სააღმზრდელო დაწების თანამშრომლებთან ებში არსებულ საჭიროებებს ეცნობა. საჩუქრებს ეტის ყველა სკოლამდელი აღზრდის დაწესებულება მიიღებს.

ბოლნსის  მუნიციპალიტეტში

მუნიციპალიტის მერმა თამაზ შერაზადიშვილმა, საკრებულოს თავმჯდომარე თმაზ ჟორჟოლიანთან ერთად, სოფელ ნახიდურში მცხოვრებ  18 წლის შშმ პირს ლეილა ისმაილოვას საჩუქრად პორტატული კომპიუტერი გადასცა. ლეილა ისმაილოვამ თავისი სურვილი რამდენიმე თვის წინ სოფლად მცხოვრებ სოციალურად დაუცველ და შშმ ქალებთან შეხვედრაზე გაამჟღავნა. ლეილა ისმაილოვა ფიქრობს, რომ კომპიუტერი საზოგადოებაში ინტეგრირებაში დაეხმარება და უფრო აქტიური გახდება. მის ოჯახს ბოლნისის მუნიციპალიტეტი სოციალური პროგრამის ფარგლებში მუდმივ დახმარებას უწევს.

წლის ბოლომდე კიდევ ერთი მნიშვნელოვანი ინფრასტრუქტურული პროექტი დასრულდება – სოფელ ქვეშში 18 სმ სისქის ბეტონის გზა 1125 გრძივ მეტრზე დაიგება. რეგიონებში განსახორციელებელი პროექტების ფონდი და ადგილობრივი ბიუჯეტი პროექტს 550 000 ლარით აფინანსებს. მოეწყობა აგრეთვე გვერდულები და სანიაღვრეები.

ქ. ფოთის მუნიციპალიტეტში

ფოთში სტიქიის შედეგების სალიკვიდაციო სამუშაოები გრძელდება. დაზიანებული სახურავების აღდგენაზე მუშაობენ სახელმწიფო ობიექტებსა და მრავალსართულიან საცხოვრებელ სახლებში. პარალელურად, გრძელდება დაზარალებული მოსახლეობისთვის სხვადასხვა სარემონტო მასალის მიწოდება.
მუნიციპალიტეტში სტიქიის სალიკვიდაციო შტაბი საგანგებო რეჟიმში მუშაობს. მიყენებული ზარალის ოდენობა ერთ მილიონ ლარს აღწევს.
აღმასრულებელი ხელისუფლებისა და რეგიონული სამსახურების წარმომადგენლები ადგილობრივ ხელისუფლებასთან ერთად კოორდინირებულ რეჟიმში განაგრძობენ მუშაობას. დაჩქარებული ტემპით ხორ- ციელდება მრავალსართულიანი საცხოვრებელი სახლების სახურავების აღდგენა. ობიექტებზე
ბრიგადები ღამის საათებშიც მუშაობენ, რათა ზამთრის პირობებში მოსახლეობას დამატებითი პრობლემები არ შეექმნას.
ფოთის მუნიციპალიტეტში გრძელდება დაზარალებულთა განცხადებების მიღება, ნაწილდება სარემონტო მასალები. მუშაობას აგრძელებს საგანგებო შტაბი.



მეტის ნახვა
12-12-2018, 21:14


"საერთო გაზეთის" სტუმარია მხატვარი შოთა გლურჯიძე:

_ ბატონო შოთა, როგორ შეაფასებთ 2018 წლის არჩევნების I და II ტურებს?

_ ამ საკითხზე ძალიან დუალისტური დამოკიდებულება მაქვს. დადებითია ის, რომ არჩევნებში დამოუკიდებელმა კანდიდატმა გაიმარჯვა. მეორე ტურში "ქართული ოცნება", ფაქტობრივად, ცდილობდა ხალხისთვის საკუთარი თავი გაეხსენებინა და ეთქვა, რომ არჩევნები მანაც მოიგო. ჩვენ, ძალიან მძიმე ბრძოლაში სახალხო პრეზიდენტი მივიღეთ. ეს რაც შეეხებოდა დადებით მხარეს. უარყოფითი ის გახლავთ, რომ ამ ყველაფრიდან არანაირი დასკვნები არ იქნა გამოტანილი. ვფიქრობ, ქალბატონი სალომე, აბსოლუტურად, დამოუკიდებელი პოლიტიკური ფიგურა იქნება. იგი დამოუკიდებელი ადამიანია, ძნელად შეიძლება ვინმემ საკუთარ დღის წესრიგზე გადაიყვანოს. იმედია, კონსტიტუციის ფარგლებში, სალომე ზურაბიშვილი საკუთარი დღის წესრიგის განმსაზღვრელი იქნება, ზღვარს არ გადავა და როგორც ევროპელი ადამიანი წესებს დაიცავს. 

ამ გარემოებაში ძალიან დიდი შანსია, პრეზიდენტმა ხელისუფლებასა და ხალხს შორის ჩატეხილი ხიდის გამთელების როლი შეასრულოს, რაც ჩემი აზრით, მეტად შეესაბამება ქართველი ხალხის ეროვნულ ამოცანებს, ვიდრე "ქართულ ოცნებასა" და "ნაციონალურ მოძრაობას" შორის ატეხილი კინკლაობა. ასე თუ გაგრძელდა და "ქართული ოცნება" არ გამოფხიზლდა, ის და "ნაცმოძრაობა" როგორც კარტოფილი ხახვში ერთად მოიხრაკებიან. ეს არის ჩემი პროგნოზი. სალომე ზურაბიშვილის პრეზიდენტობით შესაძლებელია სხვა დღის წესრიგი გაჩნდეს, შეიქმნას ხალხის ოცნებებისა და სურვილების გამხმოვანებელი მესამე ცენტრი. ჩვენ, ქართველი ხალხი ცალკე უნდა განვიხილოთ. თუ ქალბატონი სალომე შეძლებს ხალხს კიდევ უფრო მეტად დაუახლოვდეს. ზურაბიშვილი შეიძლება ქართველი ხალხის უპირობო ლიდერი გახდეს. თუ სწორად მოიქცევა, მას ამის შანსი აქვს. მისი პირველი ნაბიჯი ძალიან მომეწონა, როცა გამარჯვების შემდეგ საპატრიარქოში უწმინდესს შეხვდა და თქვა: ახლა, ვიგრძენი, რომ საქართველოს პრეზიდენტი ვარო. ეს ძალიან სიმბოლური, სწორი გზავნილი იყო. მას სწორად აქვს აღქმული, რა უნდა ხალხს. ქართველი ხალხის სურვილებისა და მისწრაფებების გამომხატველი ჩვენი სამოციქულო ეკლესია მუდამ იყო, ამაში ეჭვი არ მეპარება. ის ფაქტიც, რომ მან ადმინისტრაციის უფროსად აირჩია ადამიანი, რომელიც ქართულ ეკლესიასთან კავშირშია, ძალიან მახარებს. ანუ, ზურაბიშვილმა, არჩევანი ამ ჭინკა ლიბერალების წრიდან არ გააკეთა. ლაშა ჟვანიას კარგად არ ვიცნობ, მაგრამ არ მგონია პატრიარქის გვერდით ყოფილიყო ადამიანი, რომელიც ქართველი ხალხისთვის მიუღებელი იქნება.

_ ბატონო შოთა, მთავარ ოპოზიციურ პარტიად კვლავ "ნაცმოძრაობა" რჩება. გამოდის, იმავე ჯადოსნურ წრეზე ვტრიალებთ?

_ მოდით ვთქვათ: "ნაცმოძრაობა" ეს არის ცალკე "შპს" _ შეზღუდული პასუხისმგებლობის და აზროვნების საზოგადოება. მეორე მხარეს კი არის ქართველი ხალხი თავისი ტრადიციული პრობლემებით, ადათით, წესით. ჩვენ, სხვადასხვა ხალხი ვართ, შეიძლება თამამად ითქვას, რომ სხვადასხვა ნაცია ვართ. 

_ ბატონო შოთა, 800 ათასამდე ადამიანმა მხარი ვაშაძეს დაუჭირა. ამას რა ახსნა აქვს?

_ ამ ხალხიდან უმეტესმა ნაწილმა მხარი "ქართულ ოცნებას" იმიტომ დაუჭირა, რომ მათ "ნაცმოძრაობის" მობრუნება არ უნდოდათ. მე, მხარი დავუჭირე ქალბატონ სალომეს. ფაქტობრივად, საარჩევნო კამპანიის პერიოდი დისტანცირებულად გავიარე, მაგრამ დახმარებასაც ვცდილობდი. ქართველი ხალხიც, ალბათ, ამ პოზიციაზეა. უნდა აღინიშნოს, რომ ორივე ძალას დიდი მატერიალური რესურსი აქვს _ "ქართული ოცნების" უკან დგას ბიძინა ივანიშვილი დიდი ფულით და "ნაცების" უკან დგას მიხეილ სააკაშვილი ასევე დიდი ფულით. ამ არჩევნებზე ადგილი არ ჰქონდა ერთგულებას როგორც ეს ლევან გაჩეჩილაძისდროინდელი არჩევნების დროს იყო. ქართველი ხალხი ლევან გაჩეჩილაძეს მართლა გულით აძლევდა ხმას იმიტომ, რომ მასში ქართველ კაცს, მათი პრობლემების, ჭირ-ვარამის გამზიარებელს ხედავდა. თუმცა, ვიმეორებ, ამ არჩევნებზე "ქართულმა ოცნებამ" კი არა, არამედ ქართველმა ხალხმა და მისი სახით, სალომე ზურაბიშვილმა გაიმარჯვა. მან არ უნდა ჩათვალოს, რომ "ქართულ ოცნებასთან" რაიმე ვალდებულება აქვს. პირდაპირ ვაცხადებ: ქალბატონო სალომე, მე, "ქართული ოცნებისთვის" არ მიმიცია ხმა, არამედ ხმა თქვენ მოგეცით, როგორც ქართული ეროვნული პოზიციის, ემიგრაციის ღირსეულ წარმომადგენელს. ჩემთვის ეს ძალიან მნიშვნელოვანი არჩევანი იყო.

_ წინ 2020 წლის არჩევნებია, ასე თუ გაგრძელდა გამორიცხული არ არის "ნაცმოძრაობის" მხარდამჭერების რიცხვი გაიზარდოს.

_ მეტი არაა ჩემი მტერი "ნაცმოძრაობა" გაძლიერდეს. მათ ქართველი ხალხის გულების მოგება არ ძალუძთ. იმედი მქონდა, რომ მმართველ გუნდში პრაგმატულად მოაზროვნე ხალხი იყო, მაგრამ როგორც ცხენები რომელთაც შორებს უკეთებენ, რათა მარტო ერთ მხარეს იყურონ, ქართული ოცნებაც~ ასეა _ გვერდზე ვერ იყურება. "ქართული ოცნებისთვის" ისევე მისაღები აღმოჩნდა სინგაპურის მოდელი, როგორც მიხეილ სააკაშვილისთვის. სინგაპურში ორივე ძალა ვირტუალურ სინგაპურში ცხოვრობს, რომელიც საქართველო არ არის. სულ, ალბათ, 150 კაცი იქნაბა, ხომ. როგორმე ამ 150 კაცის სინგაპურში პორტირება უნდა მოვახდინოთ, ჩვენ კი საქართველოში ვიცხოვროთ. ახლა, დიდი ამბით გვამცნეს, რომ 2019 წელს დედა ენას დააბრუნებენ. შედგება კომისია, რათა დედა ენის რევიზია მოახდინონ. ამდენი საუკუნეა საქართველოში დედა ენის რევიზია არ მომხდარა და ახლა, ზოიძეები და სხვანი ისეთი ჭკვიანები არიან, რომ დედა ენის რევიზია უნდა მოახდინონ?! ეს არის სამარცხვინო.

_ ბატონო შოთა, "ქართული ოცნება" პორტირებული წევრებისგან უნდა გაიწმინდოს?

_ კი ბატონო, მაგრამ ვინ უნდა გაწმინდოს? ჩვენ შევქმნათ ახალი დღის წესრიგი. თუ ამაში ქალბატონი სალომე დაგვეხმარება, მადლობას გადავუხდით და გვეცოდინება, რომ სწორი არჩევანი გავაკეთეთ. 

ხალხი ეკონომიურად ძალიან მძიმე სიტუაციაშია, განსაკუთრებით, ინტელიგენცია, რომელიც ასფალტზე ხახვს და კარტოფილს ვერ მოიყვანს. შესაბამისად, ინტელიგენცია ძალიან მძიმე მდგომარეობაშია. ამიტომ, იმ ძალის ფორმირება, რაზეც ზემოთ ვისაუბრე, ძალიან ძნელია. იმედი არ მაქვს, რომ ამას 2020 წლამდე მოვახერხებთ. შეიძლება პოლიტიკურ ძალებს კიდევაც აწყობთ არჩევნების უფრო ადრე ჩატარება იმიტომ, რომ ქართველმა ხალხმა ძალა ვერ მოიკრიბოს. მოთხოვნა რაც "ნაცმოძრაობიდან" გაისმა _ დაინიშნოს ვადამდელი არჩევნები, შეიძლება "ქართულ ოცნებასაც" აწყობდეს. ასე მგონია, 2020 წლამდე ვერც "ქართული ოცნება" მიაღწევს და ვერც "ნაცმოძრაობა". ახალი ძალა უნდა გამოჩნდეს. მოვუწოდებ ეროვნული განწყობის ადამიანებს, ბიზნესმენებს ჩაიდონ თანხა ამ საქმეში, რათა ეროვნული ძალების კოორდინირება მოხდეს.

_ ბატონო შოთა, საერთაშორისო ორგანიზაციები ცუდად ჩატარებულ არჩევნებზე ალაპარაკდნენ.

_ იცი რა, მოდი სხვა არჩევნების გამოხმაურებები ამოვწიოთ და ზუსტად იგივე შეფასებებს დავინახავთ. მაგალითად, მე, საზიზღრობად მიმაჩნია, თუ ადამიანების კარტოფილით მოსყიდვა მართლაც ხდებოდა. მეორე მხრივ, მეგობრები მეუბნებოდნენ, რომ "ნაცებს" ამომრჩევლისთვის ფული პირდაპირ ტომრებით მიჰქონდათ. ასე ხომ ადამიანს ღირსებას ულახავ. ერთი რამ უდაოდ დადებითია: ამ არჩევნებზე არ ყოფილა პირდაპირი მუქარა, ზეწოლა, ცემა, რაც სააკაშვილის დროს ხდებოდა. ამ მხრივ, წინ ვართ, რაც მნიშვნელოვანია. "ნაციონალებმა" წინასაარჩევნოდ ყველაფერი იკადრეს, ბრალდებები, ცილისწამება ქალბატონი სალომეს მიმართ თითქოს, იგი მოღალატე ყოფილიყო. როგორც ქართველს, ამ ყველაფერის გამო, მრცხვენია. საერთაშორისო ორგანიზაციები "ქართულ ოცნებასაც" მხარს უჭერენ და "ნაცმოძრაობასაც". მათ აწყობთ, რომ პოლიტიკურ ველზე ეს ორი ძალა არსებობდეს. ჩემი აზრით, გარიგების მომენტია ის, როცა "ქართული ოცნების" ლიბერალი წევრები საუბრობდნენ, რომ პარტიას, თურმე, საერთოდ, არ უნდა დაეყენებინა კანდიდატი. ეს პირდაპირ იმას ნიშნავდა, რომ ისინი "ნაცმოძრაობას" აბარებდნენ ხელისუფლებას. "ქართულ ოცნებაში" დიდი ბრძოლა იყო გამართული იმ ხალხთან ვინც თვლიდა, რომ ამის გაკეთება არ შეიძლებოდა.

_ არჩევნების შედეგების გამოცხადების შემდეგ სააკაშვილის გაკეთებულ განცხადებებზე რას იტყვით?

_ ამას ისე უბრალოდ ნუ შევაფასებთ, თითქოს, ეს გიჟის ნათქვამია. ჯარშიც, პოლიციაშიც, უდიდესი ნაწილი, "ნაცმოძრაობის" ყოფილი წევრები, მათი ზონდერები არიან. სააკაშვილს სწორედ მათი იმედი აქვს. ეს ყველაფერი კი "ქართულმა ოცნებამ" შეინარჩუნა. დიდ ბოდიშს ვიხდი იმ ჯანსაღ ნაწილთან, რომელსაც მართლა შესტკივა საქართველოზე გული, მაგალითად, ზაზა პაპუაშვილს, გედევან ფოფხაძეს და კიდევ რამდენიმე მათგანს. დანარჩენები არც ვიცი ვინ არიან, არც ის მინახავს სად იყვნენ იმ 9 წლის მანძილზე, როცა ჩვენ ვიბრძოდით. ისინი მაშინ "ნაცმოძრაობის" ოფისებში იყვნენ მოკალათებულნი.

_ სააკაშვილმა რადიკალიზმისკენ მოუწოდა თავის გუნდს და მხარდამჭერებს. საფრთხის შეგრძნება გაქვთ?

_ იცი რა, ისეთ ქვეყანაში ვცხოვრობთ, საფრთხის შეგრძნება სულ უნდა გქონდეს. "ნაცმოძრაობის" უკან დგას უდიდესი ხიფათის შემცველი ძალა, როგორიც რუსეთის ფედერაციაა. საქართველოში სიტუაციის არევა, რა თქმა უნდა, ქვეყნის სრულ დესტაბილიზაციას გამოიწვევს. შესაბამისად, გაზრდის იმის შანსს, რაც დომბასში და ლუგანსკში მოხდა, საქართველოშიც იგივე განმეორდეს. პირდაპირ ვამბობ: მომღიმარი ულვაშების უკან, რომელიც ამ მაქცია ვაშაძეს აქვს, დგას ვოვა პუტინი. აქედან გამომდინარე, ეს ყველამ უნდა ვიცოდეთ, განსაკუთრებით, იმ ხალხმა, რომელსაც არ უნდა, რომ ისევ საქართველოს ანექსია მოხდეს. ვიმეორებ, საქართველოში დესტაბილიზაცია, სიტუაციის არევა ყველაზე მეტად რუსეთს აწყობს, რომელიც აქ არსებულ 2ათას კაციან აშშ-ს საელჩოს დედაბუდიანად ამოძირკვავს. ეს ამერიკელებსაც უნდა ესმოდეთ. რით ვერ გაიგეს, რომ მიშა ორმაგი აგენტია. ამიტომ, რა თქმა უნდა, ეს ყველაფერი ძალიან სახიფათოა. იმედი მაქვს, ქართველი ხალხი გააცნობიერებს, რომ არეულობას მხარი არ უნდა დაუჭიროს.

თამარ შველიძე

მეტის ნახვა
10-12-2018, 13:30


"სალომე ზურაბიშვილმა არჩევნების მეორე ტურში ასე დამაჯერებლად რომ გაიმარჯვა, ეს ქართველი ხალხის და პირადად ბიძინა ივანიშვილის დამსახურებაა", აცხადებს "უფლებადამცველთა გაერთიანების" თავმჯდომარე, ადვოკატი ნიკოლოზ მჟავანაძე.
სრულად ვეთანხმები პოეტ დავით მაღრაძის განცხადებას, რომ ეს არჩევნები ქართველმა ხალხმა მოიგო, სახელისუფლებო რესურსები ვისზე მუშაობდა, კაცმა არ იცისო. სახელისუფლებო რესურსების გარკვეული ნაწილი, სალომე ზურაბიშვილის საწინააღმდეგოდ მუშაობდა, ამიტომაც მივიღეთ პირველ ტურში ის შედეგი. სწორედ ამიტომ ჩაერთო ბიძინა ივანიშვილი საარჩევნო პროცესში და ვიღაცების თავების დაგორებაზეც დაიწყეს საუბარი. ვიმეორებ, რომ არა ქართველი ხალხი, არჩევნები წაგებული გვქონდა, რადგან ფაქტობრივად ყველა ტელევიზია, მათ შორის, საზოგადოებრივი მაუწყებელი ნაციონალების მხარეს მუშაობდა. 
ამ ყველაფრიდან გამომდინარე, საზოგადოებას ისეთი შთაბეჭდილება ექმნება, რომ თითქოს "ქართულ ოცნებას" არავინ უჭერს მხარს. გვარამიას რომ უსმინო, ყველა ხელოვანი ნაციონალებს უჭერს მხარს, არადა მთელი საქართველო სალომე ზურაბიშვილის მხარეს დგას, მაგრამ ამის აფიშირება არ ხდება. ტელეკომპანია "იმედმა" ბოლო ხანს პოლიტიკა შეცვალაო, ამას დიდად ვერ ვამჩნევ, 25 ნოემბერს თავისუფლების მოედანზე 100.000 ადამიანი შეიკრიბა, თუმცა "იმედმა" საზოგადოებრივმა მაუწყებელმა ერთი "ლაივიც" კი არ ჩართეს. სამაგიეროდ, ნაციონალებმა 2000 კაცი რომ შეკრიბეს ფილარმონიაში, ყველა ტელევიზია პირდაპირ ეთერში აჩვენებდა. საზოგადოებრივი მაუწყებლის წამყვანი ირმა ინაშვილს ეუბნება, თქვენს აქციაზე სულ ხანდაზმული ხალხი მოვიდა, ისეთი ხალხი, რომლებიც სოციალურ ქსელთან არ არიან ახლოს, გარიყულებივით არიანო. ჯერ ერთი, იმ აქციაზე ყველა ასაკის ადამიანი იყო, მეორეც ამხელა შეურაცხყოფას როგორ უნდა აყენებდე საზოგადოებას, "რუსთავი 2"-ის ენით ლაპარაკობს იმ ტელევიზიის ჟურნალისტი, რომელსაც ეს ხალხი უხდის ხელფასს. აი, ზუსტად ეს არის მტრობა. თავების დაგორებაზე რომ არის საუბარი, პირველი სწორედ სახელმწიფო არხზე უნდა დააგორონ თავები. "გირჩებისა" და რესპების გარდა, ამ ტელევიზიაში ფაქტობრივად არავის იწვევენ. 

მე მომხრე ვარ, რომ შეიქმნას საზოგადოებრივი დარბაზი, რომლის წევრებიც იქნებიან იგივე დავით მაღრაძე, თქვენი გაზეთის რედაქტორი ბატონი ვახტანგ ხარჩილავა, საზოგადოების სხვა ღირსეული წარმომადგენლები, რომლებიც ბიძინა ივანიშვილს ობიექტურ ინფორმაციას მიაწვდიან. როგორც ჩანს, მინისტრები და ხელისუფლების სხვა წარმომადგენლები მას სიმართლეს უმალავენ. ბატონ ბიძინას ობიექტურ ინფორმაციას რომ მივაწვდით, ის აუცილებლად დაინტერესდება და რეაგირებასაც მოახდენს. პირველი ტურის შემდეგ, სადაც სალომე ზურაბიშვილმა მინიმალური სხვაობით გაიმარჯვა, რაც ფაქტობრივად წაგება იყო, "ქართული ოცნების" საარჩევნო შტაბი თურმე დაცარიელებული იყო, კომპიუტერებიც კი წაღებული ჰქონდათ. წარმოიდგინეთ, არჩევნები არ დამთავრებულა, წინ მეორე ტური იყო და შტაბიდან ყველა გაიხვეტა. ამის შემხედვარე ბიძინა ივანიშვილი გაოგნებულა. 

ჩემს სოფელში, ჭანიეთში (ოზურგეთის რაიონი) კომუნისტების დროსაც კი არ გაკეთებულა, რაც "ქართული ოცნების" მმართველობისას გაკეთდა, აშენდა ახალი სკოლა, ახალი საბავშვო ბაღი, ფაქტობრივად ახალი გზა გაკეთდა, ამ დროს პირველ ტურში ნაცების კანდიდატმა გაიმარჯვა ოზურგეთში. ეს იმის ბრალია, რომ ხელისუფლებას არ აქვს ხალხთან კომუნიკაცია.
კარგია "იმედი" მეორე ტურის წინ მაინც რომ აჩვენებდა 7 ნოემბრის აქციის და მათი ტელევიზიის დარბევის კადრებს, მაგრამ ერთი სიუჟეტი არ გაუკეთებიათ `ქართული ოცნების~ მმართველობის პერიოდში ამდენი სკოლები, საბავშვო ბაღები, გზები და სხვა ინფრასტრუქტურული ობიექტები რომ აშენდა, ჯანდაცვაში რამხელა სასიკეთო ძვრებია. ისე, კერძო ტელევიზიასთან რა პრეტენზია მაქვს, როცა ხელისუფლება არ აპიარებს რა გააკეთა. "ქართული ოცნების" მტრები პარტია ნაცმოძრაობაზე მეტად თავად მმართველ პარტიაში ჩაბუდებული ვითომდა ყოფილი ნაციონალები არიან. როგორც ყოფილი "კაგებეშნიკი" არ არსებობს, ისე არ არსებობს ყოფილი ნაციონალი, ამიტომ სასწრაფოდ უნდა გაიწმინდოს "ქართული ოცნება" ამ პორტირებულებისგან. როგორ შეიძლება იმის არდაფასება, რაც ირმა ინაშვილმა გააკეთა, ვიღაცას 100.000 კაცის შეკრება ადვილი საქმე ხომ არ ჰგონია? მაინტერესებს, ამ "კრიტიკოსებმა" ძალიანაც რომ მოინდომონ, ამის მეათედ ხალხს თუ შეკრებენ. მე მეგონა, სალომე ზურაბიშვილი მივიდოდა თავისუფლების მოედანზე შეკრებილ ხალხთან და მადლობას ეტყოდა, ეს ხალხი ხომ მის მხარდასაჭერად შეიკრიბა. ვფიქრობ, ქალბატონი სალომე იმიტომ არ მივიდა მხარდამჭერებთან, რომ მას არ ყავს მრჩევლები, რომლებიც ამას ეტყოდნენ. მე მადლობა მინდა ვუთხრა ირმა ინაშვილს, რომელიც რკინის ლედიც არის, მაია წყნეთელიც, იმიტომ, რომ რაც მან ახლა გააკეთა, გმირობის ტოლფასია. რომ არა ის 100.000 კაცი, არ ვიცი რა შედეგით დამთავრდებოდა არჩევნები. მე პირადად ამდენი ხალხი რომ დავინახე, იმედი მომეცა, ქართველი ერი არ წაქცეულა, თორემ ამ ტელევიზიებს შემხედვარე, იფიქრებ, რომ ყველაფერი დამთავრდა. 

– გჯერათ, რომ ნაციონალებს 800.000 კაცი უჭერს მხარს?

– სანამ ამ კითხვაზე გიპასუხებდეთ, მინდა აღვნიშნო, რომ ზოგიერთი ე.წ. პოლიტიკოსის ლუსტრაციაც მოხდა, რომლებიც ხალხს მოუწოდებდნენ, არჩევნებზე არ მიხვიდეთო. ნაცმოძრაობას ყავს თავისი ამომრჩეველი, ეს არის სექტა, რომელსაც რა კადრებიც არ უნდა აჩვენო, ვერაფერს შეასმენ, მაგრამ ეს სექტა არ არის მრავალრიცხოვანი. როცა ვამბობთ, პროკურატურა და ძალოვანი სტრუქტურები ნაცებითაა სავსეო, რატომ გამოვრიცხავთ, რომ ცესკოშიც იყოს ეს კონტიგენტი, რომლებმაც ნაცების სასარგებლოდ გააყალბეს ეს არჩევნები? იცით თქვენ, რომ მთელი ცესკო "სამართლიანი არჩევნების", საიას და სხვა მათი მსგავსი ენჯეოების წარმომადგენლებითაა დაკომპლექტებული. ამიტომ ცესკოშიც ბევრი რამ არის შესამოწმებელი, ასევე გადასამოწმებელია ის ციფრები, რაც მათ გამოაქვეყნეს. ვიმეორებ, სალომე ზურაბიშვილის გაპრეზიდენტება იყო მნიშვნელოვანი გამარჯვება, ბიძინა ივანიშვილისა და ქართველი ხალხის დამსახურება, რომელმაც ბოლო შანსი მისცა "ქართულ ოცნებას". ახლა მართლა თავებიც უნდა დაგორდეს და "ქართული ოცნებაც" გაიწმინდოს პორტირებული ნაცებისგან, ამას უკვე თავად ბიძინა ივანიშვილთან დაახლოებული ადამიანები ამბობენ. ვინაიდან ამ გამარჯვებაში მთელ ერს მიგვიძღვის წვლილი, ხელისუფლება ვალდებულია გაითვალისწინოს ჩვენი მთავარი მოთხოვნა, დაასრულონ ნაცებთან კოჰაბიტაცია, გაასამართლონ ყველა დამნაშავე ნაციონალი.
 
საპრეზიდენტო არჩევნების დროს ამ "ენჯეოშნიკების" სრული ლუსტრაცია მოხდა, ხომ გამოჩნდა ვის წისქვილზე ასხამდნენ წყალს, თავიანთი უპასუხისმგებლო განცხადებებით. ვიცე-სპიკერი თამარ ჩუგოშვილი ამბობს, ხელისუფლებას მოვუწოდებ, კარვები არ დაშალოს პარლამენტის წინო. რომელ ხელისუფლებას მოუწოდებს, რომლის წარმომადგენელიც თვითონ არის? ამ ქალბატონს თავი ისევ საია-ს თავმჯდომარე ჰგონია, ვის მოუწოდებ, ვიცე-სპიკერი ხარ, თუ რამე გინდა, დაურეკე მინისტრს და უთხარი. სახალხო დამცველზე აღარაფერს ვამბობ. აი, ასეთი მოღალატეებითაა სავსე ეს ხელისუფლება. ირაკლი ღარიბაშვილი და კახა კახიშვილი ჩაჩოჩებული და გადამალული რომ ყავთ, ისინი წამოსწიონ წინ და დანიშნონ თანამდებობებზე, ესენი კი, ვის მიმართაც ხალხში უკიდურესი უკმაყოფილებაა, მოაშორონ ხელისუფლებას, თორემ, როგორც გითხარით, ხალხმა ბოლო შანსი მისცა ხელისუფლებას. 

მთლიანად გასაწმენდია "ქართული ოცნება", განსაკუთრებით მათი პიარ-სამსახურები. ის ხალხი, რომლებიც სახელმწიფოებრივად ვაზროვნებთ, გვაქვს ეროვნული, კონსერვატიული პოზიცები, არჩევნების პერიოდში ტელევიზიებს არ გაგვაკარეს. ხელისუფლების მხარდაჭერილი კანდიდატის დასაცავად ისეთ ხალხს უშვებდნენ, რომლებსაც არ შეუძლიათ პოლემიკასა და დისკუსიაში შესვლა. არჩევნების წინა დღეს შორენა შავერდაშვილი უნდა გეჯდეს, როცა მეორე მხარეს 30–40 ადამიანი ყავს თავისი კანდიდატის დასაცავად? ვინ არის საერთოდ შორენა შავერდაშვილი, ან ის ხალხი ვინც ვითომ მმართველი პარტიის პოზიციას იცავს, იცნობს ვინმე, ან რა პრინციპით შეარჩიეს? ეს არის საინფორმაციო პოლიტიკა? სახელმწიფო სტრუქტურების პიარ-სამსახურის წარმომადგენლები თავიანთ ფოტოებს კი არ უნდა დებდნენ სოციალურ ქსელებში, როგორი კაბა ან საცურაო კოსტიუმი აცვიათ და როგორ "გრიალებენ" უცხოეთში ვიზიტების დროს, ის ინფორმაცია უნდა გაასაჯარონ ახალი ობიექტები რომ იხსნება და სასიკეთო რაღაც კეთდება. თუ "ქართული ოცნება" ჭკუას არ ისწავლის და არ შეცვლის პოლიტიკას, ცუდად დაამთავრებს. ქართველი ხალხი უკვე ნაცებს კი არ დაეტაკება, ამათ მოვთხოვთ პასუხს. აუცილებლად უნდა შეიქმნას საზოგადოებრივი დარბაზი, სადაც ვიღაც მოღალატეები კი არ იქნებიან, არამედ საზოგადოებისთვის პატივსაცემი ადამიანები, რომლებიც ბიძინა ივანიშვილს რეალურ ინფორმაციას მიაწოდებენ და იმასაც ეტყვიან, სად რა არ კეთდება სწორად.

მანანა სუხიშვილი

მეტის ნახვა
10-12-2018, 10:00


გვესაუბრება ანალიტიკოსი სოსო მანჯავიძე:

_ ბატონო სოსო, მოდით შევაჯამოთ და შევაფასოთ არჩევნების ორივე ტური, როგორია თქვენი შთაბეჭილებები, რა მოლოდინები გქონდათ და ელოდით თუ არა ასეთ შედეგებს?

_ არჩევნების პირველ ტურში "ოცნების" გუნდი იმდენად მოუმზადებელი იყო, მეტიც, თითქოსდა იმდენად ყოყმანობდნენ, რომ ხალხი ვერც მიხვდა, უჭერდა თუ არა მხარს ხელისუფლება პრეზიდენტობის დამოუკიდებელ კანდიდატს. რჩებოდა შთაბეჭდილება და იყო კიდევაც მინიშნებები, რომ ხელისუფლება, თითქოსდა მეტი დემოკრატიულობისთვის, აპირებდა მხარი ე.წ. ოპოზიციონერი ბაქრაძის კანდიდატურისთვის დაეჭირა.

ყოველივე ამას ოსტატურად იყენებდა მოწინააღმდეგე, რამაც უდიდესი დაბნეულობა გამოიწვია, როგორც ხელისუფლებაში, ასევე საზოგადოებაში, რასაც ვერ ვიტყვით, კარგად კონსოლიდირებულ ოპოზიციაზე, რომელსაც შესანიშნავად უკვალავდა გზას მოწვეული პიარის სპეციალისტები, კერძოდ, შკლიაროვის ჯგუფი, რომელიც გრიგოლ ვაშაძემ ჩამოიყვანა.

ამას დაერთო ხელისუფლების სრულიად გაუაზრებელი წინადადება მარიხუანის ლეგალიცაზიის თემასთან დაკავშირებით, რაც საზოგადოებამ მკვეთრად უარყოფითად მიიღო. ამაზე ააგო, ფაქტობრივად, გრიგოლ ვაშაძემ მთელი წინასაარჩევნო კამპანია.

მეორე ტურის წინ უკვე თვალნათელი გახდა, რომ "ნაცმოძრაობის" რევანში რეალური იყო, რაც მანამდე თითქოს არავის არ სჯეროდა. ეს კი, საბოლოო ჯამში, გამოიწვევდა პოლიტიკური ლანდშაფტის ისეთ რღვევას, რომელიც კატასტროფით დამთავრდებოდა "ქართული ოცნებისთვის". გააცნობიერეს ეს და გაჩაღდა უპრეცედენტოდ აქტიური მუშაობა სალომე ზურაბიშვილის გასამარჯვებლად. ამ პროცესებში მნიშვნელოვანი როლი ითამაშა "პატრიოტთა ალიანსმა" და ტელეკომპანია "ობიექტივმა". არ შეიძლება მათი ნამოქმედარის უგულებელყოფა.

არჩევნებზე მივიდა უპრეცედენტოდ დიდი რაოდენობის ხალხი. მეორე ტური აღმოჩნდა არა მხოლოდ პრეზიდენტის არჩევნების პროცედურა, არამედ ერთგვარი რეფერენდუმი _ უნდა თუ არა საქართველოს მოსახლეობას "ნაცმოძრაობის" მობრუნება?! და მოსახლეობამ ცალსახად განაცხადა, რომ მას არ სურს ხელისუფლებაში კვლავ იხილოს "ნაცმოძრაობა", მაგრამ მას არ უთქვამს, რომ უნდა "ქართული ოცნება". ამიტომ, ცოტა არ იყოს, სასაცილოა, "ქართული ოცნების" ზოგიერთი წარმომადგენლის თავმოწონება და ზეიმი იმაზე, რომ მათ გაიმარჯვეს! საქართველოს მოსახლეობამ უდიდესი სურვილი და ნება გამოხატა ამ არჩევნებზე, ხმამაღლა უთხრა უარი "ნაცმოძრაობას", მაგრამ ეს, რატომღაც, ვერ გაიგო "ნაცმოძრაობამ" და კარგად ვხედავთ, რასაც აკეთებენ.

_ რას აკეთებს და რა უნდა გააკეთოს "ქართულმა ოცნებამ"?

_ "ქართული ოცნება" ვერანაირ პოზიტიურ და ეფექტურ ნაბიჯებს ვერ გადადგამს, თუ არ შეცვალა იდეოლოგია და არ იფიქრა სახელმწიფოებრივად. "ქართულ ოცნებაში" ე.წ. შიდა "რევოლუცია" უნდა მოხდეს. ეს "რევოლუცია" უნდა მოახდინონ იდეურმა, განათლებულმა, გამოცდილმა ადამიანებმა.

_ ბატონო სოსო, რით ახსნით იმას, რომ 780 000 ადამიანი მხარს უჭერს თურმე "ნაცმოძრაობას". რას ფიქრობთ, რა მოვლენასთან გვაქვს საქმე?

_ ყველგან, ყველა ქვეყანაში, 15-დან 20%-მდე არსებობენ ადამიანები, რომლებიც მშვიდობისა და წესრიგის ლოზუნგით ნებისმიერ რეპრესიას გაამართლებენ.
"ნაციონალებს", თითქმის ყველას, ერთი და იგივე რამ უდევთ გულში და ტვინში, რასაც ის ცნობილი ნაციონალი ბადრი შუბლაძეც ახმოვანებს _ ვინც ციხეებში იჯდა, ვისაც აწამებდნენ, ღირსი იყვნენო, ისეთივე რიტორიკაა, როგორც სტალინის რეპრესიების დროს _ "ნევინნიხ ნე ბივაეტო". ასე იყო გერმანიაშიც.

რასაც ესენი აკეთებენ და ითხოვენ, ეს არის ჩვეულებრივი ფაშიზმი.

სააკაშვილი მოქმედებდა ჩამოყალიბებული იდეოლოგიების მიხედვით. ის მოლაპარაკებული იყო იმაზე, რომ ნებისმიერი მოქმედება, რომელიც გაკეთდებოდა კორუფციასთან ბრძოლისა და დემოკრატიის საფარველქვეშ, იქნებოდა გამართლებული. ის იყო "დემოკრატიის შუქურა" და საქართველო იყო "ფერადი რევოლუციების" გავრცელების კერა. ხომ გახსოვთ ყირგიზეთში ბატონი თარგამაძის ჯორით სეირნობა და ა. შ. უზბეკეთში, რუსეთში და სხვა პოსტსაბჭოთა ქვეყნებში აპირებდნენ ე.წ. ხავერდოვანი რევოლუციების მოწყობას. ცხადია, ყველაფერი რუსეთის წინააღმდეგ იყო მიმართული და დასავლეთი ფართოდ დახუჭული თვალებით უყურებდა საქართველოში მიმდინარე მოვლენებს _ უპრეცედენტო რეპრესიებს და რის გამო და რატომ, ეს უკვე გაშიფრული ფაქტია.
ტრამპის გამარჯვების შემდეგ ჩვენ ვხედავთ "ფერადოვანი რევოლუციების" დამუხრუჭების ტენდენციებს.

სააკაშვილმა მაშინვე იგრძნო ახალი სიოს ქროლა და უცბათ აიტაცა ის ლოზუნგები, რასაც აჟღერებდა დონალდ ტრამპი მაშინ, როცა საქართველოს ხელისუფლება კვლავ ამერიკის დემოკრატიული პარტიის იმ უკიდურესად მემარცხენე ფლანგის იდეოლოგიის მიმდევრად რჩება. ამის შედეგი იყო მარიხუანას თემაც, ლგბტ თემის მხარდაჭერა, ოჯახში ძალადობაზე კანონების შექმნა და ა. შ.

სამწუხაროდ, ტრამპის "ხაზს" საქართველომდე არ ჩამოუღწევია და ვართ, ფაქტობრივად, გეოპოლიტიკურ ვაკუუმში.

შეიძლება არ გახსოვთ, ამიტომ მე შეგახსენებთ, გრიგოლ ვაშაძე გამოვიდა სტუდენტებთან შეხვედრაზე უნივერსიტეტში და თქვა: მე მრავალი მიზეზის გამო მხარს ვუჭერდი ჰილარი კლინტონს და უნდა გვესმოდეს, რომ რუსეთმა და აშშ-მა შესაძლოა მოილაპარაკონ ისლამურ ტერორიზმთან ბრძოლაში ერთობლივ მოქმედებებზე, მაგრამ ჩვენ არ გვაწყობს, აშშ-მა და რუსეთმა მოილაპარაკონ გლობალურ ტერორიზმთან ბრძოლის საკითხში, რადგან ასეთ შემთხვევაში, რუსეთმა შეიძლება მოითხოვოს თავისი გავლენების აღდგენა პოსტსაბჭოთა ქვეყნებშიო.ე.ი. საქართველოს უნდა აწყობდეს, რუსეთმა და აშშ-მა ვერ მოილაპარაკონ და ჩვენ ისეთი პოლიტიკა ვაწარმოოთ, რომ ისინი ერთმანეთს დაუპირისპირდნენ, ხოლო ჩვენი როლი უნდა იყოს მათ შორის დაპირისპირება. ეს უნდა იყოს ჩვენი ფუნქციაო, ანუ ჩვენ უნდა ვიყოთ პროვოკატორებიო.

2008 წელს ერთხელ უკვე ვითამაშეთ პროვოკატორის როლი.

ახლა რა უნდა გავაკეთოთ? რას გვთავაზობს ბატონი ვაშაძე? _ მარტივია. უნდა გავაკეთოთ ტერორისტების ტრანზიტი ჩღდილო კავკასიიდან სირიაში, კვლავ გავხდეთ მსოფლიო ტერორიზმის ოფშორი იმასთან ერთად, რომ უკვე ვართ სათამაშო ბიზნესის, პროსტიტუციის, ნარკოლიბერალიზაციის ოფშორი. ანუ გავხდეთ უკიდურესად რეაქციული დასავლური ძალების დასაყრდენი, იმ ძალებისა, რომლებიც არ დაუშვებენ რუსეთთან არანაირ მოლაპარაკებებს და რითი უნდა მოხდეს ქართველი ხალხის დაყოლიება ამ შენიღბულ პროვოკაციაზე? _ რა თქმა უნდა, ურაპატრიოტიზმით!

ურაპატრიოტიზმი უკვე ვიხილეთ არაერთხელ და აპოგეა იყო უკანალების ჩვენების პერფორმანსი სასაზღვრო ზოლთან.
ეს იყო უკიდურესად მნიშვნელოვანი აქტი. მოკლედ, ჩვენ უკანალები ვუჩვენოთ და გავაღიზიანოთ გამძვინვარებული დათვი და გადავიქცეთ, როგორც ვთქვი, გლობალურ პროვოკატორად. ტრაგედია, რაც შეიძლება მოხდეს, ვის კისერზე იქნება, ამას მათთვის მნიშვნელობა არ აქვს.
ახლა ხომ არ არის 2008? არც რუსეთია 2008 წლის რუსეთი, არც 2008 წლის ირანია ჩვენი მეზობელი და არც 2008 წლის თურქეთი. ჩვენი გეოპოლიტიკური ვითარება აბსოლუტურად შეცვლილია და სახეზე გვაქვს ერთი ზესახელმწიფო და ორი რეგიონალური ზესახელმწიფო. ყოველ წუთს, ნებისმიერი გეოპოლიტიკური რყევის შემთხვევაში, ჩვენ განწირული ვართ გადარჩენის ყოველგვარი შანსის გარეშე.

ვიღაცას შეიძლება ჰგონია, რომ იალტის ზავის შემდგომ პერიოდში ვცხოვრობთ, მაგრამ ასე არ არის, მეგობრებო.

დღეს, როცა ვინმე საუბარს იწყებს რუსეთთან მოლაპარაკებების დაწყებაზე, მაშინვე მოედინება ლანძღვა-გინების ნიაღვარი `ნაცმოძრაობისგან~, რადგან მოღალატეების მთავარი მიზანია, შენარჩუნდეს პროვოკატორის ფუნქცია… უნდათ გლობალური დაპირისპირებების პროექცია გადმოიტანონ საქართველოში და ჩვენი ქვეყანა შეწირონ ამ დაპირისპირებას თავიანთი პოლიტიკური და ფინანსური ინტერესების სანაცვლოდ. აი, ეს არის მთელი ალგორითმი, რაც ხდება საქართველოში და ის 780 000 ადამიანი, რომლებზეც ზემოთ ვსაუბრობდით, სრულიად გაუცნობიერებლად ემხრობა `ნაცმოძრაობას~, თუმცა არც ისინი არიან დიდად გათვითცნობიერებულნი, ვინც საწინააღმდეგოდ მისცეს ხმა.

ირანდა კალანდაძე

მეტის ნახვა
8-12-2018, 12:00