სარეკლამო ადგილი

947x125



ეს დრო რაღაცით ჰგავს გასული საუკუნის 90-იან წლებს, როცა ქვეყანა "მხედრიონის" და ათასი ჯურის საძმოების სათარეშოდ იქცა.

იმ ავბედით წლებში, რომელიღაც უჩინარმა და უხილავმა ძალამ ავტომატები და ნარკოტიკები ჩამოურიგა ახალგაზრდების ერთ ნაწილს და უთხრა: თქვენია ეს ქვეყანა, მიდით და მართეთო. და ისინიც "მართავდნენ". "მართავდნენ", როგორც შეეძლოთ და როგორც იცოდნენ, ცოდნით კი ავტომატის სასხლეტისთვის თითის გამოკლვრის გარდა სხვა რა უნდა სცოდნოდათ?

იქით "მხედრიონი" აზანზარებდა ქვეყანას, აქეთ სოკოებივით მომრავლებული "საძმოები" აკაკანებდნენ ავტომატებს, სადღაც მათ სიახლოვეს ტრიალებდა უკიდურესად აგრესიული და ჰიპერაქტიური დედაკაცებით დაკომპლექტებული ე.წ. "მდედრიონი".
ძალაუფლების სათავეები, ფაქტობრივად, მათ ხელში იყო, სახელმწიფო სტრუქტურები კი შორიდან მაყურებლის როლში აღმოჩნდნენ, რომლებსაც ხან `"მხედრიონი" დაუქნევდა თითს, ხან "მდედრიონი" დაჰკივლებდა და ხან "საძმოები" დაუცაცხანებდნენ ავტომატის ჯერით.

იმ უხილავმა და უჩინარმა რეჟისორმა, რომელმაც მთელი ეს შავბნელი, ტლუ, სასტიკი და ჩლუნგი ძალები ამოყარა ქვესკნელიდან, შესანიშნავად იცოდა, რომ ეს ძალები, პირველ რიგში, ახლად დამოუკიდებლობამიღებულ ქართულ სახელმწიფოს დააზიანებდნენ და დაანგრევდნენ.

გათვლა ზუსტი აღმოჩნდა _ იმდენად ტრაგიკულად დასრულდა ეს შეტევა ქართულ სახელმწიფოებრიობაზე, რომ დღემდე ვერ ვახერხებთ, ბოლომდე აღმოვფხვრათ მისი კატასტროფული შედეგები.

გამოხდა ხანი და იგივე განმეორდა, რაც 90-იან წლებში მოხდა. ოღონდ იმ განსხვავებით, რომ ახალგაზრდებს ავტომატების ნაცვლად ახლა მიკროფონები ჩამოურიგეს, "მხედრიონის", "მდედრიონის", "საძმოების" ნაცვლად არასამთავრობოები დაარქვეს და ისევ ქართულ სახელმწიფოს შეუსიეს დასაწიოკებლად.

– რას ჰქვია, დასაწიოკებლად? ეს არასამთავრობოები ქვეყანაში დემოკრატიული ინსტიტუტების გაძლიერებას, ადამიანის უფლებათა დაცვას, სამოქალაქო საზოგადოების ჩამოყალიბებას ემსახურებიანო, _ შემომედავებიან ვიღაც-ვიღაცები, მაგრამ იმის დასაბუთებას, თუ რა კავშირი შეიძლება იყოს ზემოთნახსენებ იმ სიკეთეებთან ის საქმიანობა, რასაც ეს არასამთავრობოები ეწევიან, ალბათ, ვერ მოახერხებენ.

დავიწყოთ თუნდაც ნარკოპოლიტიკის რედიკალური შეცვლის იდეის გარშემო გაერთიანებული არასამთავრობოების მოთხოვნებით, რომელთა ქვეტექსტიც აშკარად ანტისახელმწიფოებრივია და არცთუ შორეულ მომავალში ქართველ ერს სრული დემორალიზაციით და გენოფონდის განადგურებით ემუქრება.

სხვათა შორის, ნარკოპოლიტიკის ლიბერალიზაცია-დეკრიმინალიზაციის თემაზე საუბარი 90-იან წლებში, საქართველოს დამოუკიდებლობის პირველი დღეებიდანვე ძალზე აქტიურად დაიწყო და ამ თემას რამდენიმე პარტია ლობირებდა, რომლებისთვისაც, რომ გეკითხათ, საქართველოს ხსნისა და გადარჩენისთვის იკლავდნენ თავს.

მთელი თაობა შესვეს მაშინ ნემსზე, რომელთაგან ზოგი ნარკოტიკმა შეიწირა, ზოგი საძმოებს შორის ქუჩის ბრძოლებმა.
შემთხვევითი არ უნდა იყოს ის ამბავი, რომ დღესაც სწორედ ნარკოტიკების თემამ წამოიწია წინა პლანზე.

ორგანიზაციები, რომლებიც ნარკოტიკების მოხმარების დეკრიმინალიზაციის კამპანიას უდგანან სათავეში, ხშირ შემთხვევაში, სწორედ არასამთავრობო ორგანიზაციის სტატუსით არიან აღჭურვილნი, სტატუსით, რომელიც, ფაქტობრივად, ხელშეუხებლობის გარანტიას უტოლდება.

როგორც ვთქვით, ამ ახალი ყაიდის მხედრიონს, მდედრონს თუ საძმოებს, დღეს ავტომატი არ უჭირავთ ხელში, სამაგიეროდ, უჭირავთ ავტომატზე არანაკლებ მრისხანე იარაღი _ მიკროფონი და, პირდაპირ ვიტყვი, ქვეყნის მოღალატე ტელეარხების პულტს მიერთებულნი, თავიანთი დანაშაულებრივი, თვალთმაქცური, ფარისევლური პროპაგანდით საქმეს ისე წარმოაჩენენ, თითქოს ნარკოტიკების მოხმარება საზოგადოებისთვის ყოვლად უვნებელი, უწყინარი თამაშია, ნარკოტიკების მოხმარებისთვის სამართლებრივი სანქციების დაწესება კი ადამიანის უფლებათა უხეში დარღვევა, მისთვის თავისუფლების შეზღუდვა და ა. შ.
მსოფლიოში საქართველოს გარდა, არ მეგულება სხვა ქვეყანა, სადაც ნარკომანიისა და ნარკოტიკების რეკლამირება ღიად ხდებოდეს და ამაზე პასუხისმგებლობა არავის ეკისრებოდეს.

ამასწინათ, ტელეკომპანია "იმედში", ნიკოლოზ წულუკიძის კულინარიულ გადაცემაში ქოთანში ჩარგული კანაფით გამოცხადდა მარიხუანის ერთ-ერთი მთავარი პროპაგანდისტი ზურაბ ჯაფარიძე.

იმის ნაცვლად, რომ გადაცემის წამყვანს ნარკოაგიტატორისთვის თავზე დაემხო ეს ქოთანი თავის კანაფიანად და სტუდიიდან კინწისკვრით გაეგდო, ბატონმა ნიკოლოზმა დიდი სიყვარულით მიიღო სასურველი სტუმარი და გადაცემამაც სულ სიცილ-ხარხარში და ჭუკჭუკში ჩაიარა.

ეს ამბავი არ არის გამონაკლისი _ "პლანაქეშობის" ღია თუ შენიღბული პროპაგანდა-რეკლამირება ჩვეულებრივი მოვლენაა ქართულ ტელევიზიებში.

ასე, მაგალითად, რომელიმე მოხერხებული ჟურნალისტი, ვთქვათ და, რომელიმე პარლამენტარს, ისე, სასავათაშორისოდ, ჰკითხავს: "პლანი" თუ მოგიწევიათ?

_ პლანი ვის არ მოუწევია? კი, გამისინჯავს… _ ისმის პასუხი.

ამ პასუხს დაფარული სარეკლამო მესიჯი ასე იშიფრება _ ხომ ხედავთ, ეს კაცი პლანს ეწეოდა თურმე, მაგრამ ამას სულაც არ შეუშლია ხელი, პარლამენტარი გამხდარიყო.

რესპონდენტთა დიდი ნაწილი, დიდი უმრავლესობა, შეიძლება იმის შიშით, რომ ვინმემ `გოიმად~ და ჩამორჩენილ პროვინციელად არ ჩათვალოს, თამამად და ხალისიანად აღიარებს, რომ პლანს ეწეოდა, ანუ თავის დროზე კაი ტიპი იყო, მაგრამ, მიუხედავად ამისა, ცხოვრებაში წარმატებას მიაღწია.

ეს თუ არ არის რეკლამა, აბა, სხვა რა ჯანდაბაა?

კი, მაგრამ, ამ ჩვენს პატივცემულ ხელისუფლებას, სხვა თუ არაფერი, ის მაინც ხომ შეუძლია, რომ მსგავსი მავნებლობა კანონით აკრძალოს?

ხომ ცხადზე ცხადია, ხომ ეჭვგარეშეა, რომ ის ორგანიზაციები, რომლებიც ყველანაირი ნარკოტიკის მოხმარების სრულ ლეგალიზაციას მოითხოვენ, ნარკომაფიის წისქვილზე ასხამენ წყალს, რადგან თუ მათი მოთხოვნები შესრულდება, ეს ავტომატურად გაზრდის ნარკომომხმარებელთა ისედაც კატასტროფულ რაოდენობას და იმ კოლოსალურ შემოსავლებსაც, რაც ნარკომაფიის ჯიბეებში ჩაედინება.

ვინმეს სჯერა საქართველოში, რომ ეს კარგად ორგანიზებული მიტინგები და აქციები, რომლებშიც, როგორც წესი, ადამიანთა საკმაოდ მრავალრიცხოვანი მასა მონაწილეობს, ამ მიტინგების და აქციების საინფორმაციო უზრუნველყოფა ელექტრონული მედიის მხრიდან, ნარკომანიის ეს ღია თუ ფარული რეკლამირება, სრულიად უფასოდ, ენთუზიაზმის ხარჯზე ხდება და ყოველივე ამაში ძალზე სოლიდური თანხები არ იხარჯება?

"კანონიერი ქურდების", კრიმინალური სამყაროს წინააღმდეგ ისედაც მკაცრი კანონები კიდევ უფრო გამკაცრდა და ეს მისასალმებელია. მისასალმებელია ისიც, რომ "კანონიერი ქურდისთვის" საქმის გასარჩევად მიმართვაც კი დასჯადია, მაგრამ სრულიად გაუგებარია, რატომ რჩება ყოველგვარი რეაგირების გარეშე ნარკომაფიასთან თანამშრომლობა, ნარკომაფიისთვის მარკეტინგულ-ბროკერული სამსახურის გაწევა, ნარკომანიის აგიტაცია-პროპაგანდა და რეკლამირება?

"კანონიერი ქურდობა" და კანონიერ ქურდთან გახახუნებაც კი თუ დანაშაულია, ნარკომაფიოზთან და ნარკომაფიასთან დაძმობილება ქველმოქმედებაა?

საქართველოში 200-მდე არასამთავრობო ორგანიზაციაა.

თითოეულმა მათგანმა თვეში, მინიმუმ, 5000 ლარი რომ მოიხმაროს, ეს თვეში მილიონი ლარია, წელიწადში 12 მილიონი ლარი.
ვინ იხდის ამ 12 მილიონს და რისთვის?

რატომ არავინ არ სვამს ამ მარტივ და უბრალო კითხვას და რატომ უსვამენ თავზე ხელს და რატომ უჩლექენ ენას ამ პარაზიტულ და მუქთახორა ორგანიზაციებს, რომლებიც, ლამის არის, მეორე, არაოფიციალურ ხელისუფლებად გვექცეს, რომელიც ოფიციალურ ხელისუფლებას ხშირად შანტაჟის და ულტიმატუმის ენით ელაპარაკება.

როგორც "საერთო გაზეთის" წინა ნომერში ვწერდით: "ჩვენთვის უცნობია, არსებობს თუ არა ამ ორგანიზაციების საქმიანობის ამსახველი სერიოზული კვლევა თუ ანალიზი, მაგრამ ასეთი რამ თუ არსებობს, ადვილად მივალთ იმ დასკნამდე, რომ ამ ე.წ. არასამთავრობო ორგანიზაციების უკან, ხშირ შემთხვევაში, ამა თუ იმ პოლიტიკური თუ ბიზნესჯგუფების ან უფრო უარესი – დანაშაულებრივი სინდიკატების კარგად შეფუთული და შენიღბული ინტერესები დგას, რომლებიც არ შეიძლება თანხვედრაში მოდიოდეს ქართველი ხალხის ეროვნულ და სახელმწიფოებრივ ინტერესებთან.

მიუხედავად ამისა, ამ არასამთავრობო ორგანიზაციებმა, სხვადასხვა ბერკეტების მოშველიებით, მაინც მოახერხეს, განზე გაეწიათ საზოგადოება, ხალხი და, როგორც ზემოთ ვთქვით, ხელისუფლებასთან მუდმივი დისკუსიის რეჟიმში, რომელსაც ზოგჯერ შანტაჟის და ფსიქოლოგიური ზეწოლის ელფერი დაჰკრავს, ხალხის, საზოგადოების სახელით ელაპარაკათ და ემოქმედათ.

შედეგად მივიღეთ ის, რომ სახელმწიფო სტრუქტურების მხრიდან არაერთგზის გაჟღერებული განცხადება, რომ აუცილებელია საზოგადოებასთან მჭიდრო თანამშრომლობა და ურთიერთობა, საზოგადოებას თვითნებურად და დემაგოგიურად ჩანაცვლებულ არასამთავრობო ორგანიზაციებთან თანამშრომლობის და ურთიერთობის დონეზე დავიდა, საზოგადოება და ხალხი კი განზე დარჩა".

განზე დარჩენილი ხალხი და ხალხსა და ხელისუფლებას შორის ხალხის სახელით ჩაკვეხებული არასამთავრობოები, რომლებიც გვარწმუნებენ, რომ ისინი და მხოლოდ ისინი არიან საზოგადოების ინტერესების გამომხატველნი, ოთხივე მხრიდან უტევენ ქართულ სახელმწიფოს და თუ ძალიან არ ვიმარჯვეთ, იმასვე უზამენ ამ ქვეყანას, რაც თავის დროზე `მხედრიონმა~, "მდედრიონმა" თუ "საძმოებმა" უქნეს.

ესაა რეალობა და ამ რეალობას, პირველ რიგში, ხელისუფლებამ უნდა გაუსწოროს თვალი, სანამ ამ თვალს გიგაურები, პატარაიები, მიქელაძეები, სალაძეები, ვერძეულები, წიქარიშვილები არ გამოთხრიან...

ვახტანგ ხარჩილავა

P.S. რამდენი ხანია, რომელიმე სახელმწიფო სტრუქტურაში თანამშრომელთა ნარკოლოგიური შემოწმება არ მომხდარა?
რამდენი ხანია და ძალიან დიდი ხანია…

ყოველ შემთხვევაში, არც მე და არც სხვებს არაფერი გვსმენია ამის შესახებ და ვინმეს კონსპირაციულად თუ აფსმევინებენ ქილაში, არ ვიცი.

საინტერესოა, რატომ მიივიწყეს ეს ერთ დროს ფრიად მოდური ნარკოშემოწმებები?
იმიტომ ხომ არა, რომ შემოწმების გარეშეც შესანიშავად იციან, რატომ აყვინთავებს წარამარა ხალხის სამსახურში ჩამდგარ ჩინოვნიკთა ერთ ნაწილს.

რატომ გამახსენდა ამ ავადსახსენებელი ნარკოლოგიური შემოწმების საკითხი ამ წერილის წერისას?

რატომ გამახსენდა და იმიტომ, რომ მეც მხარს ვუჭერ მოთხოვნას, რომ ნარკოტიკის მოხმარებისთვის ადამიანი ციხეში არ უნდა ჩასვან, ოღონდ ერთი შესწორებით _ ნარკოტიკის მომხმარებელი, მათ შორის, მარიხუანის მომხმარებელი, არ შეიძლება სახელმწიფო სტრუქტურებში მუშაობდეს, ისე, როგორც არ შეიძლება, ნარკომომხმარებელი მუშაობდეს ექიმად, მასწავლებლად ანუ ნებისმიერ ისეთ დარგში და სფეროში, სადაც საქმე ადამიანს, მის სიცოცხლეს, მის აღზრდა-განათლებას, მის უსაფრთხოებას ეხება.
კი, ბატონო, ვისაც უნდა, "იკაიფოს", ვისაც უნდა, "დაბოლილმა" და გაშტერებულმა იაროს, ოღონდ იმის პრეტენზია მაინც ნუ ექნება, რომელიმე სამინისტროში ან დეპარტამენტში "იმოღვაწეოს" და ხელფასი და პრემია-დანამატები ხალხმა უხადოს.
იქნებ, ეს იყოს უფრო სწორი გზა, ვიდრე ციხე ან ფულადი ჯარიმა.

ერთიც და მეორეც ხომ სინამდვილეში ნარკომანს კი არა, მისი ოჯახის სრულიად უდანაშაულო წევრებს აწვებათ უმძიმეს ტვირთად.

ნარკოტიკებთან გაშინაურებას უმეტესობა სიყმაწვილისას სკოლის კედლებშივე იწყებს.

იქნებ, ამიტომაც სჯობდეს, მოზარდი დასაწყისშივე დავაყენოთ არჩევანის წინაშე და მკაფიოდ და გასაგებად ვუთხრათ _ გინდა, წარმატებული ადამიანი იყო? მაშინ სამუდამოდ დაივიწყე გზა ნარკოტიკებისკენ, რადგან ეს არის თავიდანვე დამარცხებისთვის განწირული გზა.

ახალგაზრდულ წლებში უნდა ვუთხრათ ჩვენ ეს ადამიანებს, სანამ ადრეა, მანამდე უნდა ვუთხრათ, თორემ ჩამოყალიბებული ნარკომანი გინდ ციხეში ჩასვი, გინდ ათასები და ათიათასები გადაახდევინე, ნარკომანობას მაინც ვერ მოიშლის.

ვ.ხ.

მეტის ნახვა
14-02-2018, 17:18


შენ რომელი ქვეყანა აგიტანს, გაშიფრულ და გაბანძებულ რუსეთის აგენტს

"ჩემი ბებიის ბებიამ იოსებ სტალინი მეფის ჟანდარმებისაგან გადაარჩინა", – დაიტრაბახა მიშამ. არადა, გასული საუკუნი 90-იან წლებში, პოლიტიკურ ასპარეზზე რომ გამოდიოდა, არც ბებიის ბებია უხსენებია ამ "დატვირთვით", არც ბიძა თემურ ალასანია, კგბ-ყოფილი პოლკოვნიკი და არც ბაბუა, რომელიც საქართველოს ნკვდ-ში მუშაობდა ბერიას დროს.

მიხეილ სააკაშვილმა, "რუსთავი 2"-ის, გადაცემა "განსხვავებული აქცენტების" ექსკლუზიურ "კიევურ" ინტერვიუში, "გამკაცრებულ" ეკა კვესიტაძეს როგორც უკრაინაში, ასევე საქართველოში მიმდინარე პოლიტიკურ პროცესებზე ესაუბრა. გადაცემა მართლაც განსხვავებული გახლდათ, რადგან კვესიტაძეს ისეთი სახე ჰქონდა, შთაბეჭდილება დამრჩა, რომ გადაცემამდე მიჰას ტელევიზიის დაფინანსებას თხოვდა და მწარე უარი მიიღო, არც იმას გამოვრიცხავ, რომ დასავლელ ჟურნალისტს მიბაძა და არც ისაა გამორიცხული, რომ ცრუსთავმა ხალხის შეცდომაში შეყვანის მიზნით ტაქტიკა შეცვალა. ფაქტია, რომ ეკა შეწუხებული ჩანდა. მიჰა ჩვეულ ამპლუაში თავის მრევლის დაბოლებით იყო დაკავებული. ბაქიბუქობდა, რომ სამოციათასი კაცი გამოვიდა მის დასაცავად როცა "დააპატიმრეს" კვესიტაძემ "შეახსენა", რომ იგი ურეიტინგო პოლიტიკოსის სტატუსით გახლდათ უკრაინაში და მხოლოდ ერთი პროცენტი ჰქონდა მის პარტიას, ეკამ მას ამპარტავანი პოლიტიკოსიც კი უწოდა და შეახსენა კრიტიკა უკრაინული ოპოზიციის მხრიდან და ისიც, რომ უკრაინის ოპოზიციური პარტიები მას მხარს არ უჭერდნენ-მიჰამ ისევ უაზრო ტყუილებით უპასუხა. თან, ეტყობა კვესოს აზრები წაიკითხა რა გიჟი და იდიოტი ხარ მიშაო და მყისვე უპასუხა ჩერჩილს, ლოთს, გიჟს და ათას სისაძაგლეს უწოდებდნენ, მაგრამ დღეს ის ხალხი აღარავის ახსოვს, ჩერჩილი კი ახსოვთო. მიშას თქმით მისი ეშინია პოროშენკოს, უკრაინის პროკურატურას და უსაფრთხოების სამსახურს, ასევე, საქართველოშიც კანკალებენ მისი შიშით, რომ დაიჭირონ თურმე, უამრავი ხალხი გამოვა უკრაინაშიც და საქართველოშიც მის დასაცავად, კვესიტაძე, კი უსწორებდა ციფრებს და ფაქტებს, მაგრამ მიჰა თავის უაზრო ტყუილებს მაინც აჭენებდა. ძნელი სათქმელია, რომელი ნარკოტიკის ზემოქმედების ქვეშ გახლდათ, მაგრამ ჩერჩილის მიმსგავსების შემდეგ აღმაშენებელი გაახსენდა: “მე, მიხეილ სააკაშვილმა, პირველად, ჩემ მეგობრებთან ერთად და ქართველ ხალხთან ერთად, მრავალი საუკუნის განმავლობაში, ალბათ, ამ მასშტაბით, დავით აღმაშენებლის შემდეგ პირველად შევქმენით ქართული სახელმწიფო – აი, ამაზე ვიღებ პასუხისმგებლობას. დავით აღმაშენებლის დროსაც ვიღაც მოკლეს, ვიღაც არასწორად დასაჯეს… კი, მერე? აღმაშენებელს აღმაშენებელი რამდენიმე საუკუნის მერე ეწოდა. მანამდე ის ისტორიიდან წაშალეს – ზედმეტად მკაცრი იყოო. მე არ ვედრები არც მასშტაბებით და არც სიმკაცრით, მითუმეტეს, მაგრამ არსებობს დიდი რაღაც და ეს დიდი რაღაც არ უნდა დაგვიბუროს წვრილმანმა ინტრიგებმა… მე არ ვიძახი, რომ ადამიანის სიკვდილი ინტრიგაა, მაგრამ რაც ამას მოყვა, პოლიტიკური მანიპულაციები – ეს უკვე ინტრიგაა.“

მიშას არ გახსენებია მოლაშვილი, შავაძე, რობაქიზე და სხვა უამრავი მისი ხროვის მიერ ჩახოცილი, ნაწამები ბიჭები და არც უამრავი სისაძაგლე რომელიც მისმა ხროვამ ჩაიდინა, რათქმაუნდა მისი მეთაურობით და დასტურით. სამაგიეროდ არ დაავიწყდა ვანო და ახალაია.
მიშა "ევროპულ საქართველოსაც" გადასწვდა და ივანიშვილის ფულზე გაყიდული უწოდა, რასაც თამარ ჩერგოლეიშვილმა სოციალურ ქსელის საშუალებით უპასუხა – "გადაგვარებული პოლიტიკური იმპოტენტის, იგივე მიშა შააკაშვილის ინტერვიუს და ბრალდებებს რაც შეეხება – ეგ თოქსიკური და ბოროტი კლოუნი რაც მეტ ბრალდებას ისვრის ჩვენი მისამართით. უნდა ვუპასუხოთ, ვუპასუხოთ მხოლოდ იმიტომ, რომ კიდევ უფრო ნათელი გახდეს, რომ მაგ მორალურად დეგრადირებულ არსებასთან აღარაფერი გვაკავშირებს გულისრევის გარდა".
აღნიშნულთან დაკავშირებით კომენტარი გიგა ბოკერიამაც გააკეთა,– "რაც გუშინ ვიხილეთ, იყო გადაგვარებული ლიდერის ურთიერთგამომრიცხავი აზრების ბოდვა".

მიშა, "ძალიან დამძიმდა", დავით აღმაშენებლის როლს ადრეც ირგებდა, მართალია "კაიფში" სროლის ხმის გარეშეც ხოხავდა, მაგრამ მაინც. ეხლა ჩერჩილსაც გიჟს ეძახდნენო და "მიემსგავსა", მაგრამ ჩერჩილის გარდა სიმონ ბოლივარიც გახდა. მერე რა, რომ ბოლივარზე ხალხი სიმღერებს თხზავდა, მიხოზე კი – წყევლა-კრულვებს და ლანძღვა გინებას, იმასაც "რაუჭირს" ასიათასობით ურჯულო, რომ ჩამოგვისახლა, გაგვიძარცვა, დაგვიქცია და გაგვიყიდა ქვეყანა სამაგიეროდ უკრაინიდან ასე "აფასებს" ქართველ ხალხს – "ხალხი მაზოხისტია საქართველოში! მერე რა რომ გირგვლიანი, ვაზაგაშვილი მოკლეს, ეგ პატარ-პატარა, წვრილმანი თემებია და არ უნდა გადაფაროს სახელმწიფოებრიობის თემა! უამრავი ადამიანი ჩახოცეს, აწამეს, გაძარცვეს, გააუბედურეს და ეს თავისუფალი გიჟი პარკში გადარგულ ხეებს დატირის" ქართველი ხალხი თავისი ხელით ამოთხრის ივანიშვილის გადარგულ ხეებს, როცა ამ ხელისუფლებას მოიშორებს! ბოლო-ბოლო მე ვარ მიხეილ სააკაშვილი, რომელიც იბრძვის ქვეყნების და ერების თავისუფლებისთვის!"

წერილი დასრულებული მქონდა, რომ უბედურების ზარმა ჩამოჰკრა სანაცეთში. მიშა რესტორან „სულგუნში“დააკავეს დათო ხუჯაძის მიერ შესრულებულ „მახინჯი ვარ“სიმღერის ფონზე. შეშინებული, გაბანძებული, ჩასვრილი, თმებით გამოათრიეს სამზარეულოდან საიდანაც გაქცევას ცდილობდა. მისი „დაუმორჩილებელ-დაუმარცხებელი“დაცვაც იატაკზე ახოხიალეს და მიშა ლაინერით და არა პროპელერით ოპერატიულად გაამგზავრეს პოლონეთში.

2013-წელს ჯერ კიდევ საქართველოს პრეზიდენტმა მედიას განუცხადა, რომ ის „არსად მიდის“ და „შემთხვევით“ ვლადიმერ ილიას ძე ლენინი გაიხსენა, ფსიქოანალიზის თეორიის მიხედვით: „ვარდების რევოლუციის“ ბელადი სააკაშვილი იმ მომენტში ქვეცნობიერად ფიქრობდა „ოქტომბრის რევოლუციის“ ბელად ულიანოვ-ლენინზე და ეშინოდა, რომ საქართველოდან პოლონეთში გაქცევის შემდეგ მას იქ, როგორც ლენინს 1914 წელს, ციხეში ჩასვამენ. მერე კი ჰააგის საერთაშორისო სისხლის სამართლის სასამართლოს გადასცემენ.

საგულისხმოა ის ფაქტიც, რომ ქუთაისის თავისუფალი ზონის წევრები კვირაზე მეტია პოლონეთში იმყოფებიან, ალბათ ახალ პოლონურ სპექტაკლში-ბუჩქის როლის შესასრულებლად. მშვიდობით მიშა, უკან მოხედვა მართლაც ძნელია შენთვის, და შენ, რომელი ქვეყანა აგიტანს, გაშიფრულ და გაბანძებულ რუსეთის აგენტს…
ქეთევან ზარნაძე

მეტის ნახვა
14-02-2018, 17:11


მიხეილ სააკაშვილის დეპორტაცია პოროშენკოს პრობლემებს არ მოაგვარებს – მიაჩნია უკრაინელ ჟურნალისტს ვიტალი კულიკს.

"მე ვფიქრობ, რომ სააკაშვილის დეპორტაცია ევროპაში პოროშენკოს სასურველ მშვიდობას არ მოუტანს. მიშას დეპორტაციით ისტორია არ დასრულებულა. ბანკოვაიაზე მიაჩნიათ, რომ მოიშორეს სააკაშვილი, მოაშორეს ის უკრაინის ტერიტორიას და ამით საპროტესტო მოძრაობა ჩაწყნარდება. პირიქით, რეალურად სააკაშვილის დეპორტაცია პროტესტის რადიკალიზაციას გამოიწვევს. 

ახლა თავის ძალას ქუჩაში, მაგალითად, იულია ტიმოშენკო და თუნდაც სემიონ სემენჩენკო მოსინჯავენ.
უახლოეს მომავალში, მარტის დასაწყისში მოსალოდნელია აქციების ახალი ტალღა, რომელსაც ალბათ «Батькивщина» ჩაუდგება სათავეში, ვადამდელი არჩევნებისა და პოროშენკოს იმპიჩმენტის მოთხოვნით. არჩევნები იმაზე ახლოა, ვიდრე გგონიათ," - განაცხადა ვიტალი კულიკმა.

მიხეილ სააკაშვილის უკრაინიდან გაძევების მიუხედავად, მის წინააღმდეგ მიმდინარე გამოძიება გრძელდება, – ამის შესახებ უკრაინის გენერალურმა პროკურორის პრესმდივანმა ლარისა სარგანმა განაცხადა. ინფორმაციას 1tv ავრცელებს. უწყების წარმომადგენელმა აღნიშნა, რომ გენერალური პროკურატურისთვის მოულოდნელი იყო მიხეილ სააკაშვილის პოლონეთში გაძევების ოპერაცია, რომელიც უკრაინის სასაზღვრო სამსახურმა ჩაატარა, რადგან მესაზღვრეებს ამის შესახებ უკრაინის გენერალური პროკურატურისთვის არ შეუტყობინებიათ. სარგანის თქმით, უკრაინაში სააკაშვილის წინააღმდეგ სისხლის სამართლის საქმეებზე წინასწარი გამოძიება დახურული არ არის და გაგრძელდება.

მიხეილ სააკაშვილი 12 თებერვალს, კიევში, რესტორან "სულგუნში" უკრაინის სასაზღვრო სამსახურის სპეცრაზმმა დააკავა და მალევე პოლონეთში გაამგზავრა ანუ ქვეყანაში, საიდანაც ოფიციალური კიევის აზრით უკრაინაში უკანონოდ შეიჭრა.

მეტის ნახვა
13-02-2018, 10:30


ფრაგმენტები რეზო ამაშუკელის ინტერვიუდან.
წამყვანი: ბონდო მძინარაშვილი "ობიექტივი" 20 იანვარი, 2018 წელი

_ ჩემზე ამბობენ, რომ მე საზოგადო მოღვაწე ვარ, მაგრამ, სინამდვილეში, ასე არ არის. საზოგადო მოღვაწე რომ იყო, ის არეალი უნდა არსებობდეს, სადაც ყურს დაუგდებ ვიღაცას და შენც ყურს დაგიგდებენ.წარმოვიდგინოთ, რომ ის ერი, რომელიც "ვეფხისტყაოსნის" პატრონია, ჰაგიოგრაფიის და ასეთი ღირებულებების, თვისებების და ა. შ. ერთ მშვენიერ დღეს გადავასახლოთ ისეთ კუნძულზე, სადაც ყოველივე ეს არის აკრძალული. რა მოხდება? ყოველი უზნეობა, რაც ხდება ჩვენს გარშემო, არის გლობალური მასშტაბის დემოგრაფიული შეტევა პლანეტის წინაღმდეგ. არსებობს დიდი ძალა და სულ, ალბათ, 5–6 ოჯახია, რომლებიც მართავენ ჩვენს პლანეტას. მე არაფერს ახალს არ ვამბობ და არც შეთქმულების თეორიის მომხრე ვარ, მაგრამ ამ ჯგუფებს სურთ, მოსახლეობა დაიყვანონ ერთ ოქროს მილიარდზე.

ეს იმას ნიშნავს, რომ ისინი ებრძვიან დედამიწაზე ადამიანს. ეს არის კაცობრიობის წინააღ- მდეგ მიმართული დანაშაული. მე პირდაპირ ვიტყვი: ნებისმიერი იმპერიის შიდა სეიფში ღრმად ჩაკეტილი იდეოლოგია, აზრი და მოქმედების გეგმა ყოველთვის ისაა, რომ გაძლიერდეს. ჩვენი ვალია, ვიომით, ანუ ისე ვიცხოვროთ, რომ გონებით წინ აღვუდგე ყოველივე ამას. ეს სატელევიზიო ბადეები, არასამთავრობო ორგანიზაზიები, "გირჩი", "თეთრი ხმაური", პროსტიტუციის აღიარება, ყოველივე ეს არის ერთი რგოლი, გო- ნივრულად შემუშავებული სპეციალური ინსტიტუტების მიერ. შეთქმულება კაცობრიობის წინააღმდეგ. ამ გეგმის განხორციელება იწყება პატარა ერებისგან, რომელთაც ძალა არ ეძლევათ, ყოველივეს აღუდგნენ წინ.

…ტელევიზიები, რომლებმაც უნდა შექმნან საზოგადოებრივი აზრი და აღზარდონ ახალგაზრდობა, რას აკეთებენ? პირდაპირ ვაცხადებ _ ჩვენ გვაქვს უბინძურესი ტელევიზიები, "იმედიდან" დაწყებული, პირგველიდან დამთვარებული, "იბერიაზე" რა ხდება, ყველა ვხედავთ. გადახედეთ, რა ამბავში არიან, გაპარსულ ყარაბასბარაბასს რომ ჰგავს ის ჟურნალისტი, თმაშეღებილი საჭურისი გვახარია და ა. შ. ამათი შემხედვარე, რანაირად უნდა დადგეს ეს ქვეყანა ფეხზე?! პრეზიდენტზე აუცილებლად უნდ ვთქვა, მაგრამ ცოტა მოგვიანებით.

საია (ახალგაზრდა იურისტთა ასოციაცია _ ი.კ.) ეს არის სოროსის ბოლში გამოყვანილი საზოგადოება, რომელიც არის ბაზა სახელმწიფო სტრუქტურების შესავსებად. ნახეთ: ჩუგოშვილი, კოჟორიძე, დოლიძე, ნაცვლიშვილი, ყველანი თანამდებობებზე დასვეს. ახლა საიას დირექტორად ვიღაც სალაძე დაუნიშნავთ, ღინღლიან მუხუდოს რომ ჰგავს. კი, ბატონო, იყვნენ ესენი, მაგრამ ხომ შეიძლება, ერთხელ მაინც დავინახო ამათ პროექტებში თუნდაც ერთი პროცენტი მხარდაჭერაქართული პროექტის, ქართული სულიერების, ქართული აღზრდის, განათლების მიმართ. მოსხიპეს ყველაფერი.

წავიდა ის, კაბუკის თეატრის ნიღაბი რომ იყო, ნანუაშვილი, მოგვიყვანეს სოროსის ბურტერიერი ლომჯარია… ჩემთვის გარეგნობა ადამიანის სულიერ მდგომარეობას გამოხატავს, ამიტომ, რასაც ვამბობ, იმაში ვერავინ შემედავება, რადგან, როგორც ამბობენ, თავისუფალ ქვეყანაში ვცხოვრობთ და კიდევ ვაპირებ საინტერესო პოლიტიკური ზოოპარკის გამოქვეყნებას. იქ ძალიან ბევრი ვოლიერში მოსეირნე ადამიანი გამოჩნდება ცოტა ხანში.

რაც შეეხება მარგველაშვილს, ეს ჩვენი ბიოცისტერნა, იგივე "`კარალევა მარგო", ფიქრობს ხვალინდელ დღეზე. მას შეწყალებული ჰყავს ისეთი დამნაშავეები, რომელთა შეწყალების უფლება არ ჰქონდა. ამიტომ წინასწარ იმზადებს ნიადაგს, თითქოს ყოველივე ამის ექსკლუზიური უფლება ჰქონდა.

არ მინდოდა მეთქვა, მაგრამ ხანდახან გავიღიმოთ უნდა _ ხომ არიან ფადიშაჰები, სულთნები, შაჰები, აღმოსავლეთის მბრძანებლები, დიდი ტიტულები აქვთ _ იბნ აბნ ალ და ა. შ. ეს მარგველაშვილია თუ ვიღაცა, ესეც არ უნდა დავტოვოთ სრული შეფასების გარეშე, ამიტომაც ვიტყვი: ის არის ბიოცისტერნა, "კარალევა მარგო", "ტროას ძროხა" _ დიდი ხნის წინ შემოგდებული, გასაბერი კაცი და "ბატონი რამდი დარი", გალაკტიონის "ნიკორწმინდის" მიხედვით, მდიდარი სექსი ჰქონია მაგას.
შე უბედურო, ქართველი კაცი რომ იქამდე მიხვალ, გამოეთრევი და იტყვი, მდიდარი სექსი მაქვსო, ხომ წარმოიდგენს ამის მსმენელი, ასეთი მდიდარი სექსი თუ აქვს, მის ჟიურის წევრ ცოლს რანაირი მდიდარი სექსი ექნება? სიბინძურეა ეს.

ეს არის ლიბერალური მოძრაობის პირველი ეტაპი.

ხომ ხედავთ, რა იკადრეს ქართველმა ქალებმა? კაცი ვარ და ვერ გავიმეორებ, რისი თავისუფლება მოითხოვეს. საიდან მოყარეს ეს ვითომ ექსპერტები? მე მეუბნებიან, ქართველ კაცს _ ქალს არ შეხედო, კაცთან დაწექიო.

ამ მახინჯებს, დაუბანელ ტანზე "შანელს" რომ ისხამენ, ეს თხები, მაგათი კომპლექსი ისაა, რომ აკლიათ ვიტამინი, კახეთში რას ეძახიან, არ ვიცი, მაგრამ ავიტამინოზი აქვთ. სადამდე უნდა ვიყოთ შეჩერებული დასავლეთს, სადამდე? უცხოური ფილმები რომ შემოდიდა თბილისში, მხოლოდ ერთი ფილმის ფირი არსებობდა ქალაქში. ფილმის ერთი მონაკვეთი რომ დამთავრდებოდა, ფირს მიარბენინებდნენ მეორე კინოთეატრში, იქიდან მერე სხვაგან და ა. შ. ასე დაათრევენ იმ ვიღაც ექსპერტებს გადაცემიდან გადაცემაში. ანდა ეს გარეწარი პარტიები: მარტო მე, მე და შენ, ეს ბაჩუკი რომ არის, კელამიდის მჭადებს ეძახიან გურულები, დიდი მჭადებია, ორი წერტილი რომ გაუკეთო იმ მჭადს, იმას ჰგავს სახეზე ბაჩუკი ქარდავა.სამი კაცი ჰყავთ პარტიაში და პარტიააო, იძახიან. მაგაზე დიდი სუფრების თამადა ვყოფილვარ მე.

მაინც მთავარი საკითხია არასათავრობოები.

ხელისუფლება, ჯერჯერობით, ისეთი ყურჩამოყრილია, რომ ებოდიშება _ დიახ! არა! გამარჯობა! თქვენ რას იტყვით! და ასე რომ ელოლიავებიან, თუ არასამთავრობოებს არ მოუვლიან, ხალხს მეტი გზა არ დარჩება, მას მერე, რაც ქართველი ერის კისერზე ბოლო ყულფად ნარკოტიკების რეალიზაციის დაკანონებას აპირებენ.

პარლამენტში ამ მიმართულების ემისრები რამდენიმე ახალგაზრდაა. ყოველივე ეს კი მუშავდება ისეთ გაიძვერა ინსტიტუტებში, რომლებიც, პირდაპირ ვაცხადებ, აშშ-ში არის დაფუძნებული. ჩლიფინით რომ გამოდის იან კელი, კოსტუმი მუცელზე რომ აქვს შეკრული და მხრებზე უკან გადაგდებული, სადარბაზოში ნათურას ვერ დააყენებ, თუ იმან არ თქვა. მთელმა საქართველომ იცის ეს.

…მე არც ისე გაუნათლებელი ვარ, არ შემეძლოს, ჩემი ინტუიციით კარგად განვჭვრიტო, პატარა ცდომილებით, რამდენი ხანი შეიძლება კიდევ ვიცოცხლო.

ჩემს ცხოვრებას ხაზს ვერ გადავუსვამ, რომ პატარა ყავის ჭიქა მეჭიროს ხელში და ტელევიზორის წინ ვიჯდე.

დედა უნდა ვუტიროთ მაგათ ჩვენ!

პრიორიტეტებიო, ამბობენ. პრიორიტეტი ერთი ვიცი მე _ ეს ნაციონალები უნდა გაიდო ფეხქვეშ, მაგრამ ყველაზე მთავარი პრიორიტეტი ისაა, რომ ეს ერი ბიოლოგიურად გადარჩეს. ვინც პატრიარქის გვერდზე გაიხედა, მიუხედავად იმისა, რომ შიგნითაც ბევრი ქვეგამხედვარი აღმოჩნდა, ყველა დამარცხდა, მაგრამ თუ გვინდა, რომ ჩვენმა მომავალმა ჯანმრთელად იცხოვროს, ეს მარიხუანაა, კანაფია თუ რა უბედურებაა, ამის დაკანონე- ბა არის უდიდესი შეთქმულების ერთი რგოლი. ვინც ამას ვერ გაათვითცნობიერებს, არ მინდა, ძმაო, არა ვარ მე არც ლიდერი, არც მოღვაწე, არც არაფერი, ვარ ერთი სულელი პოეტი, მომეცით ჭიქა და მომეშვით, არ მინდა არაფერი, ჩემს იმედზე ნუ იქნება ნურავინ.

…ვაჭრები არა ვართ ქართველებიო.

ყველა მეორე აღმოჩნდა ვაჭარი.

და ბანკირებმაც მიხედონ თავიანთ ცხოვრებას! ძალიან კარგი წერილი ჰქონდა გამოქვეყნებული ვახტანგ ხარჩილავას, მომეწონა. მე უკვე რამდენიმე თვეა არსად არ ვიბეჭდები, თავმოყვარეობა მაქვს და იმიტომ აღარ მინდა არაფერი. რამდენიმეჯერ შეკრება მქონდა. ყველას ვთხოვე, მოდით-მეთქი. ყველას უნდა პრეზიდიუმში ყოფნა.

კი, ბატონო, მე დავჯდები ბოლო რიგში, არ მინდა არაფერი. შეიძლება ხმამაღლა ვამბობ, მაგრამ მე მყოფნის ჩემი სახელი და გვარი და ის ორი სტრიქონი,რაც დამიწერია და მაგათ რომ გამოაცალონ მიკროფონი… რომ დადგებიან და პარტია ვართო, იძახიან. თუ პარტია ხარ, ბიძია, პეტრე ხარ თუ პავლე, ასე თუ გიყვარს შენი სამშობლო, ამდენს რომ ჰპირდები ხალხს და ნახევარზე მეტს ტყუილს რომ ამბობ, გაერთიანდი, რომ მოკვდეს ნარკომანია!

არავის დაჭერა მე არ მიხა- რია, მაგრამ არც ყველაფრის უფლება უნდა მისცენ ამ ხალხს. მე რომ კაზინოში დავდიორი, იმდენი არ უვლია არავის. მე არ ვარ ის კაცი, რამე დავმალო, რადგან, რაც დასამალია, მე ის არ გამიკეთებია, მაგრამ, ფაქტია, გაუბედურებულია ხალხი. როგორც ბორის პაიჭაძის ქალიშვილმა თქვა: საქართველო არის ბორდელი და საქართველო არის მეორე ლასვეგასი. ბევრი კარგი რამ გააკეთა ამ მთავრობამ, მაგრამ მე არ მაინ- ტერესებს უკვე ის კარგი, რადგან ამის მიღმა ერი მიდის საბოლოო განადგურებამდე, როგორც ზე- მოთაც ვთქვი, ეს არის ყულფი.

ანთროპოლოგიურად დააკვირდი _ ახალგაზრდები რომ გამოდიან, რას ჰგვანან?! სიმახინჯე იწყება სულიდან, ამიტომ ერთხელ კიდევ მოვუწოდებ ყვე- ლას, თუ ვინმეს სურვილი ექნება, აგერ ვზივარ მე, სახლში, მამამზე ერისთავივით სიბნელეში, შეუძლიათ დამიკავშირდნენ და ერთადერთი, რაც შემიძლია, ისაა, რომ რუსთაველის თეატრში, ან სადმე რაიმეს მოვახერხებ, რომ ბირთვი შეიკრას, ჩამოყალიბდეს გეგმა, მარტო ტლიკინისთვის კი არ შევიკრიბოთ და წივილ-კივილისთვის, ან ბოღმების გადმოსანთხევად, არამედ საქმისთვის და თითო კაცმა თავის თავზე 100 კაცი აიღოს. ისეთები კი არა, გა- მოვლენ იქიდან და მერე წავლენ რესტორანში, თავი უნდა დააკლა, თუ გინდა, რომ გადარჩეს შთამომავლობა.

გამოდის გოგო, ტუტუცი, რომელიც ამბობს, რომ 10 კაცთან ერთდროულად ჰქონდა სექსუალური ურთიერთობა და ამბობს, რომ ეს "მარში" რა არის? არ არიან საქართველოში კაცები, არა! ჩვენი ხნის ხალხი მიდის ნელ- ნელა, ამათ კი თავის გადადება არ უნდათ. ნახეთ, საით მიდის ამათი განათლება _ მენეჯმენტი, ბანკის ისა, ესა... ლაპარაკიც აღარ მინდა…

ამას წინათ ზვიად რატიანს მოვუსმინე და მთელი ის შეურიგებელი მრისხანება, რაც იყო ჩემში, ჩაქრა. ნორმალურად ილაპარაკა კაცმა… რაც შეეხება დანარჩენებს, ბოდიშს ვიხდი, მე მატლებზე ლაპარაკი არ მინდა. მატლებზე! ვისაც შნო აქვს, თავის ბერძენიშვილებიანად, მოვიდნენ და დამიდჯნენ. ეგენი წერენ ტექსტებს და მე ვწერ ლექსებს.

თუ შნო აქვთ, ღია ეთერში დაჯდნენ, რომ ტლიკინობენ. ლექსი დადონ, ლექსი! მე დავუდებ ჩემსას. მაგრამ ჩემთან ვერ დადგებიან გვერდზე. ნულები არიან ესენი. ბაბუაჩემის ბებიას უყურონ ამერიკის სენატორებმა. დამთავრდეს უნდა ერთხელ და სამუდამოდ, რას იტყვის სენატორი და მე აქ უნდა ვკანკალებდე შიშით, შენს ქვეყანას რაც სჭირდება, ისე უნდა ილაპარაკო.
რამდენჯერ მითქვამს, ყველაფერი კი არ მომწონს რაც "ობიექტივში" შუქდება, მაგრამ ახლა რასაც აქ ვლაპარაკობ, ვინ მათქმევინებს სხვა ტელევიზიაში?! ეს არის მიღწევა.

ზოგიერთ ჟურნალისტს ჰგონია, რომ ჟურნალისტიკა არის ის, რომ იყო უწიგნური, თავხედი, ტუჩებგადმობრუნებული, ყველაფერზე ხელის მომწერი, ათას ღობეზე გადამხტარი, ნებისმიერი რაიმეს მთქმელი. ვის ელაპარაკებიან ესენი?! ნინო რომ არის, ჟიჟილაშვილი. განათლებული გოგოა, მაგრამ პროფესორია თუ აკადემიკოსის დეიდაა, ჩასაფრებული მტერია და ბენდუქიძის გამხმარი ყვავია. მტრები არიან ეგენი და მისნაირი ჟურნალისტები.

ნახეთ, რა ხალხი მოაგროვეს ერთად?! ათქვიფეს "იმედი" და "რუსთავი-2".
რატომ უნდა მომილოცოს ვიღაცა იმან მე, ვერ ვხვდები, როცა ვუყურებ "იმედის" გადაცემებს, მგონია, რომ ვენდისპანსერიდან მიდის გადაცემები. რომ გადმოყრიან ლაჯებს და მერე მეუბნებიან, ნუ მაშტერდებიო.

ეს მაია ასათიანი ლამის რომ გადმოხტეს ეკრანიდან. ცოტა ჭკუას მოუხმონ, მაგ უბედურებმა, მაგრამ მე ვარ ნონ-გრატა, არ შეიძლება არსად ჩემი გამოჩენა. არც მაინტერესებს. კისერი უტეხიათ.

ხომ ვიომე. გაჩერებას კიდევ არ ვაპირებ. ზოგიერთს ხომ მაგრად მოხვდა ცხვირში ჩემი "მუშტი"?!.
ცოტა წვლილი მეც მიმიძღვის იმაში, ის გიჟი და გადარეული რომ დარბის უკრაინაში. ამათ კიდევ არ მოვასვენებ, მაგრამ სატელევიზიო გადაცემებს იმიტომვუყურებ, რომ მე უნდა ვიცოდე, სადამდე შეიძლება გარყვნან საზოგადოება და ერი და სადამდე შეიძლება ეს გაგრძელდეს.
ეს ყველაფერი მანამდე იქნება ასე, სანამ ჩვენს ხელისუფლებას კონცეპტუალურად არ ექნება იმის უფლება, თავისი გზა, მიმართულებები, პოლიტიკური ორიენტაცია თვითონ ჩამოაყალიბოს. ძალიან დიდი საშიშროების წინაშე დგას მსოფლიო. ამიტომ სწორია ის, ვინც ცდილობს, რომ ბეწვის ხიდზე ფრთხილად გავიაროთ, მაგრამ ქვედა რეგისტრებში შეიძლება, რომ უფრო ეფექტურად იმუშაონ.

წეღან კახი ვახსენე და ხმამაღლა ვაცხადებ _ მაქვს მისი იმედი.
მთავრობაშიც არის რამდენიმე მინისტრი, რომლებსაც ძალიან დიდ პატივს ვცემ. სუფთა ხალხია, ნორმალური ხალხი. ძალიან არ მიყვარს გიორგაძე (სპორტის, კულტურისა და ძეგლთა დაცვის მინისტრი _ ი.კ.). არაერთხელ გამიკრიტიკებია, იმიტომ რომ, რაც მე ლაშა ბაქრაძემ მაკადრა… ეს მატლები რომ გამოდიან და დედამისზე რომ აღგზნება ეწყებათ, იმათ გავუწიო ანგარიში თუ იმას, მშობლის "ჩაძაღლება" რომ უნდა? ეს არის მწერლობა? თამარ ლებანიძეა ერთი, იმხელა ყბებით გამოდის…

გამომცემლობებს ვერ მიხედეს, გამომ- ცემლობებს. ეს ის სფეროა, საიდანაც იწყება ყველა უბედურება. მაგრამ ყველაზე საზიზღარი კაცი დღეს, პირადად ჩემთვის, რეზო ამაშუკელისთვის, ბოკერიაზე და სხვებზე აღარაფერს ვამბობ, ხელი არ ამიკანკალდება, ამას ვაცხადებ მე, ჰუმანისტი პოეტი, რომ ყველაზე გათახსირებული კაცი არის მარგველაშვილი. ეგ არის ცენტრიფუგა, რომელიც ნელ-ნელა ისრუტავს, ადრე ხომ ქსოვდა ბებიამისის ნიფხავს, ახლა აბლაბუდას ქსოვს.

დარწმუნებული ვარ, ისევ პრეზიდენტობისთვის იომებს მარგველაშვილი, მაგრამ თუ ცოცხალი დავრჩი, მარტო მე მოვუღებ ბოლოს მაგას. ჩემი არც დეიდაშვილია, არც არავინ, ბიზნესი მე არ მაქვს და არაფერი, მაგრამ პრეზიდენტად ერთი ადამიანი მინდა, რომელიც ვაჟკაცია, განათლებულია, სუფთა, ქართულად უძგერს გული. გამოვცადე უკვე არა მხოლოდ მე, არამედ მთელმა ერმა და მაშინ, როდესაც ირაკლი ღარიბაშვილმა უარი თქვა ერთსქესიანთა ქორწინებაზე, მაშინვე მივხვდი, რომ იქედან გაუშვებდნენ.
დიდგორზე რომ ავიდა, გახსოვთ, რა ილაპარაკა? ღრანჭმონგრეული ხიდაშელიც რომ იქ იყო?! ერთადერთი კაცია, რომელიც გაუშვეს და მისხალი ბოროტება არ ჩაუდვია გულში.ერთხელ რა მითხრა, იცი? _ კვირიკაშვილი კარგი ბიჭიაო. ეს იყო ჩემთვის უკვე კაცობის მწვერვალი.

თუ გახსოვთ, სურამში იყო სულიერად ავადმყოფების დაწესებულება. ყველაფერი იმის შემყურე, რაც ჩვენს გარშემო ხდება, მე წარმოვიდგინე საკუთარი თავი იქ _ ქუთაისისკენ მანქანებით მიმავალი დეპუტატები რომ ჩაივლიან მანქანებით და მე რომ ვიქნები გადმოყუდებული დაწესებულებიდან ზოლიანი პიჟამით, არ დამაშტერდეთ!!

მოამზადა
ირანდა კალანდაძემ


მეტის ნახვა
12-02-2018, 12:14


წელიწადზე ოდნავ მეტი დრო გავიდა, რაც ამერიკის შეერთეული შტატების პრეზიდენტი დონალდ ტრამპი მოვალეობის შესრულებას შეუდგა. თუმცა ბრძოლა მის წინააღმდეგ ჯერ კიდევ საპრეზიდენტო არჩევნებამდე, 2016 წლიდან დაიწყო. ბრალდებები, იცოცხლეთ, მრავლად იყო. ტრამპის მოწინააღმდეგეთა ბანაკში იმასაც ამტკიცებდნენ, რომ არჩევნებში მან რუსეთის დახმარებით გაიმარჯვა. საკუთარი ქვეყნის პრეზიდენტს ლამის უცხო ქვეყნის აგენტად აცხადებდნენ. ბოლოს იქამდე მივიდნენ, რომ ტრამპის გონებრივ შესაძ- ლებლობებშიც კი დაეჭვდნენ და მისი სამედიცინო შემოწმებაც მოითხოვეს.

თეთრი სახლის წარმომადგენლები ჯერ კიდევ შარშან აცხადებ- დნენ, რომ ტრამპი თავს არავის დაუხრის და ყველას საკადრის პასუხს გასცემსო. სწორედ გასულ კვირას განახორციელა მოწინააღმდეგეებზე დონალდ ტრამპმა საპასუხო დარტყმა, რითაც არათუ გაანეიტრალა მასზე განხორციელებული თავდასხმები, არამედ, ფაქტობრივად, კონტრშეტევაზე გადავიდა.

გასული კვირის მიწურულს სენატის დაზვერვისა და უსაფრთხოების კომიტეტის ხელმძღვა- ნელმა დევიდ ნუნიენსმა დონალდ ტრამპის თანხმობით გაასაჯაროვა მოხსენება. გავრცელებული დოკუმენტიდან ირკვევა, რომ გამოძიების ფედერალური ბიუროს, იუსტიციის სამინისტროსა და სპეც- სამსახურების ხელმძღვანელებმა უფლებამოსილებას გადაამეტეს. უფრო მეტიც, ტრამპის საარჩევნო შტაბის წევრებზე უკანონოდ ახორციელებდნენ სატელეფონო საუბრების მოსმენას, თვალთ- ვალს. მათი ძირითადი ამოცანა გახლდათ, როგორმე მოეძებნათ ე.წ. "რუსული კვალი", თითქოს რუსები ეხმარებოდნენ ტრამპს არჩევნებში. ამისთვის ბრიტანელი აგენტიც გამოიყენეს. ფაქტობრივად, მათ გაყალბებული მონაცემები წარუდგინეს სასამართლოს, რისი მეშვეობითაც მიიღეს სანქცია უკანონობის გადასაფარად.

საქმეში პრესაც ჩართეს, რომლის წარმომადგენლებიც რეგულარულად გაიძახოდნენ არჩევნებში რუსეთის ჩარევაზე. თუმცა დამამტკიცებელი არგუმენტები მათ არასოდეს წარმოუდგენიათ. ტყუილად როდი გამოუცხადა ცრუ ამბების გამავრცელებელ პრესას ტრამპმა ინაუგურაციის პირველივე დღეს ფაქტობრივად, ბრძოლა. თუმცა ცრუ შეტევები დღემდე არ წყდება. მოხსენებიდან ირკვევა, რომ ყოველივე ამის ინიციატორი და შემკვეთი კლინტონების ოჯახია. ჰილარის საარჩევნო შტაბმა შუამავალი ორგანიზაციების მეშვეობით სოლიდური თანხა გადაიხადა, რათა ტრამპის წინაღმდეგ აეგორებინათ "შავი პიარი", როგორმე არჩევნებში რომ გაემარჯვა. საინ- ტერესოა ის გარემოებაც, რომ ხალხი, რომლებიც ამ ფარსში მონაწილეობდა, სპეცპროკურორ მიულერის (რომელიც განვლილ არჩევნებში "რუსულ კვალს" ეძებს) საგამოძიებო ჯგუფში მუშაობენ. სავარაუდოდ, ამიტო- მაც იყო, რომ მოხსენების გამოქვეყნების შემდეგ მთავარი კითხვა იყო — განხორციელდებოდა თუ არა საკადრო ცვლილებები. თუმცა ამ თემაზე ჯერ არ საუბრობენ. ჰილარი კლინტონის მხარ- დამჭერი დემოკრატიული პარტია მოხსენების გამოქვეყნების შემდეგ შეშფოთებულია, თუმცა რაიმე კომენტარი არავის გაუკეთებია. მომხდარს დონალდ ტრამპმა ქვეყნის სირცხვილი უწოდა. აქვე გასახსენებელია წინასაარჩევნო პერიოდში ტრამპის გამონათქვამი — "…ჰილარის ადგილი ციხეშიაო…"
 
თუმცა ინაუგურაციაზე ჰილარის, ფაქტობრივად, ხელი გაუწოდა და შერიგება შესთავაზა, მაგრამ ამბიციურმა ქალბატონმა არ მიიღო. საინტერესოა, ასრულდება თუ არა ტრამპის დანაქადნი და დაეკისრება თუ არა კლინტონს პასუხისმგებლობა. აღსანიშნავია, რომ მსგავს სკანდალს პრეზიდენტ რიჩარდ ნიქსონის კარიერა შეეწირა. ამჯერადაც ჰილარი კლინტონს ტრამპის განეიტრალება სპეცსამსახურების ხელით სურდა, მაგრამ…

დონალდ ტრამპი ხშირად ამბობს, რომ რუსეთთან ურთიერთობის გაუმჯობესება სურს. თუმცა ამას, პრაქტიკულად, ვერ ახერხებს. გასულ კვირას აშშ-ის დონალდ ტრამპი: ჰილარი კლინტონის ადგილი ციხეშია ფინანსთა სამინისტრომ გამოაქვეყნა რუსი ჩინოვნიკებისა და ბიზნესმენების სია, რომლებსაც, შესაძლოა, სანქციები დაუწესონ. ნუსხაში რუსეთის მთავრობის მთლიანი შემადგენლობაა პრეზიდენტ პუტინის გამოკლებით. როგორც ამბობენ, არსებობს მეორე, საიდუმლო სიაც. სახელმწიფო დეპარტამენტში აცხადებენ, რომ აღნიშნული ჩამონათვალი მხოლოდ შიდა მოხმარებისთვის არის განკუთვნილი, რათა ქვეყანაში არსებული დაძაბულობა როგორმე განეიტრალდეს. ტრამპი რუსეთთან ურთიერთობის გამწვავებაზე არ წავაო.

მოსალოდნელ სანქცირებულ პირთა გარდა გასულ კვირას აშშ- ში გამოქვეყნდა ქვეყნის ახალი სამხედრო დოქტრინა. ექსპერტების შეშფოთებას იწვევს ის ნაწი- ლი, სადაც ნათქვამია, რომ აშშ უფლებას იტოვებს, გამოიყენოს ბირთვული იარაღი, თუ ამას საჭიროდ ჩათვლის. ასევე ბირთვულ იარაღს გამოიყენებენ მაშინაც, თუ მოხდება ქვეყანაზე ან მის მოკავშირეებზე თუნდაც არაბირთვული იარაღით შეტევა. ექსპერტები  აღნიშნავენ, რომ ბირთვული ომის შეჩერება შეუძლებელი იქნება. დოქტრინაში გაწერილია ასევე, თუ როგორ წარიმართება ომი ჩინეთთან და რუსეთთან. ამერიკელი მაღალჩინოსანი სამხედროების თქმით, ორივე შემთხვევაში საბრძოლო მოქმედებები ევროპიდან უნდა დაიწყოს.

ექსპერტების განცხადებით, მსოფლიოში დღეს არნახულად გაურკვეველი ვითარებაა და აღნიშნულმა დოქტრინამ შესაძლოა, გაზარდოს სამყაროში ფართომასშტაბიანი ომის ალბათობა. ამერიკელი პოლიტოლოგები აღნიშნავენ, რომ დოკუმენტი არა სამხედრო დოქტრინა, არამედ სამხედრო ძალების არსებული მდგომარეობის მიმოხილვაა, სადაც ნათქვამია, რომ აუცილებელია სამხედრო არსენალის მოდერნიზირება, რისთვისაც ტრილიონ 200 მილიარდი დოლარი დაიხარჯება (დღეისათვის აშშ-ის სამხედრო ბიუჯეტი 700 მილიარდი დოლარია).

საყურადღებოა ამერიკელი პოლიტოლოგის დიმიტრი საიმსის მოსაზრება დღევანდელ სიტუაციაზე: "დონალდ ტრამპის წინაღმდეგ ბრძოლა კიდევ რომ გაგრძელდება, ფაქტია. ამერიკის დღევანდელი ადმინისტრაცია ფრთხილად ეკიდება სანქციების საკითხს, რადგან კარგად ესმის, რომ შეიძლება უკან ბუმერანგივით დაუბრუნდეს.

რაც შეეხება სამხედრო დოქტრინას. ტრამპი პოლიტიკაში პირდაპირ ბიზნესიდან მოვიდა, ამიტომაც ზერელედ უყურებდა ნატოსა და ევროკავშირის მნიშვნელობას. მას აუხსნეს, თუ ვის შეუძლია რეალური სამხედრო წინააღმდეგობა და ზარალი მიაყენოს ამერიკას. ასეთი ქვეყნები ჩინეთი და რუსეთია, ამიტომაც შეცვალა საკუთარი დამოკიდებულება ამ ორგანიზაციების მიმართ. დღევანდელ კონგრესში არსებული ვითარება, სიმართლე გითხრათ, მეც მაღელვებს. ზოგიერთი კონგრესმენი მიიჩნევს, რომ მსოფლიოს პარლამენტარია. თუმცა რაიმე პასუხისმგებლობის აღება არ სურთ, სხვას აკისრებენ. ამიტომაც ფრთხილობს ადმინისტრაცია.

ისეთ ქვეყნებში, როგორიც ავღანეთი, ლიბანი, ერაყი, სირიაა, ჯარებით შესვლა ადვილია, მაგრამ გამოსვლაა ძნელი. ერაყში ინგლისელთა წაქეზებით შევედით. თუ გადავხედავთ ბრიტანელთა წვლილს ერაყის ომში, დავინახავთ, რომ მიზერულზე მიზერულია. ამით იმის თქმა მსურს, რომ კონგრესში ხშირად გადაწყვეტილებებს, სამწუხაროდ, ყოველგვარი ანალიზის გარეშე იღებენ. დღეს აშშ-რუსეთის ურთიერთობა ჩიხშია შესული, საიდანაც გამოსვლა იოლი არ არის, მაგრამ აუცილებელია. ჩვენს ქვეყანაში პოლიტიკური სიტუაცია, სამწუხაროდ, არანორმალურია. ვაშინგტონში პოლიტიკური დაპირისპირება მალე უნდა დასრულდეს, რათა ქვეყანა არ დაზარალდეს. თუმცა იოლი ნამდვილად არ იქნება. ვნახოთ, როგორ ჩაივლის წელს შუალედური არჩევნები".

მსოფლიოში უაღრესად დაძაბულ ვითარებაზე ისიც მეტყველებს, რომ ამერიკაში ოფიციალური ვიზიტით რუსეთის დაზვერვის, ფედერალური უსაფრთხოების ბიუროსა და დაზვერვის მთავარი სამმართველოს (სამხედრო) პირველი პირები იმყოფებოდნენ. დიმიტრი საიმსის თქმით, ისინი უმაღლეს დონეზე მიიღეს.

მსგავსი პირების ვიზიტები ყოველთ- ვის გასაიდუმლოებულია, მაგრამ ამჯერად რუსული სპეცსამსახურების პირველი პირები ჩვეულებრივი რეისით ესტუმრნენ ამერიკას. "ყოვლისმცოდნე" ამერიკელმა ჟურნალისტებმა რუსი ძალოვანების ქვეყანაში ყოფნის შესახებ რუსული საინფორმაციო საშუალებებით შეიტყვეს, რამაც გააღიზიანა, როგორც ჩვენი კოლეგები, ასევე კონგრესმენები.

გასულ კვირას ბოსტონში გარდაიცვალა ფერადი რევოლუციების შემოქმედი შარპი. იქვე, ბოსტონში მას ჰქონდა ე.წ. პოლიტტექნოლოგიების ინსტიტუტი, სადაც დაფინანსებას სხვადასხვა ფონდებიდან იღებდა. სწორედ მისი დირექტივებით განხორციელდა მსოფლიოში ყველა სახელმწიფო გადატრიალება, რომლებიც შეფუთული იყო დემოკრატიისთვის ბრძოლის იდეით. მისი პირმშო იყო ასევე ჩვენთან, საქართველოში მომხდარი სახელმწიფო გადატრიალება, რომელიც "ვარდების რევოლუციად" მოინათლა. ე.წ. ფერადი რევოლუციები მას ომის შემცვლელად მიაჩნდა. შარპი კი გარდაიცვალა, მაგრამ, სამწუხაროდ, მისი დანატოვარი საქმე ცოცხლობს.

გია ბურდული


მეტის ნახვა
11-02-2018, 22:24


მელორ სტურუა:

"სამყაროს აღსასრულის საათი" (The Doomsday Clock) — ჩვენი პლანეტის შესახებ მეცნიერთა განგაშის სიმბოლო — იანვრის ბოლოს 30 წამით წინ გადაადგილდა და გაშეშდა შუაღამემდე, ანუ ბირთვულ აპოკალიფსამდე 2 წუთით ადრე. ეს ამბავი შეგვატყობინა "მეცნიერ- მეატომეთა ბიულეტენმა",
რომელიც ვაშინგტონში გამოიცემა.

"სიმბოლური საათის სიმბოლური ისრები ასე ახლოს შუაღამესთან მხოლოდ 1953 წელს იყო, გაგანია "ცივი ომის" დროს.

რამ უბიძგა აპოკალიფსის ისრებს გადაადგილებისკენ 2017 წელს? მეცნიერთა აზრით, მსოფლიო ლიდერებმა ვერ შეძლეს ეფექტიანად მოეგერიებინათ ბირთვული ომისა და კლიმატის ცვლილებების საფრთხეები — ამით დასუსტდა დედამიწელთა უსაფრთხოება 2016 წელთან შედარები თ. "მეორე მსოფლიო ომის პერიოდიდან მოყოლებული ჩვენი პლანეტის საფრთხის დონემ მაქსმალურ ზღვარს მიაღწია", — წერენ ბირთვული ფიზიკის სპეციალისტები, რომლებსაც ეკისრებათ პასუხისმგებლობა "სამყაროს აღსასრულის საათის" მაჩვენებლებზე. თავიანთი შიშისა და გაფრთხილების მტკიცებულებე- ბად მოჰყავთ ჩრდილოეთ კორეის ბირთვული პროგრამა, წინააღმდეგობა ამერიკის შეერთებულ შტატებსა და რუსეთს შორის, დაძაბულობა სამხრეთ ჩინეთის ზღვაში, ბირთვული არსენალის ზრდა პაკისტანსა და ინდოეთში…

მეცნიერები გვაფრთხილებენ აგრეთვე, რომ აუცილებელია შემცირდეს სათბურის ეფექტი, რომელიც ჩვენს პლანეტაზე კატასტროფულ დათბობას იწვევს. ისინი ასახელებენ დემოკრატიული პროცესის ტექნოლოგიურ დარღვევებსაც, მაგალითად ისეთს, როგორიცაა არჩევნებით მანიპულაცია დემოკრატიისადმი რწმენის შესარყევად. მეცნიერთა დასკვნის თანახმად, 2017 წელს "ამერიკის შეერთებულმა შტატებმა დათმო ხანგრძლივი დროის განმავლობაში მსოფლიო საზოგადოებრიობის ლიდერის როლი, იგი ნაკლებ ძალისხმევას იჩენს საყოველთაო გადაწყვეტილებების ძიების გზაზე, აგრეთვე მედგარ წინააღმდეგობას არ უწევს გლობალურ პრობლემებს". დესტაბილიზაციის გამომწვევ სხვადასხვა ფაქტორთან ერთად მეცნიერები ასახელებენ "დონალდ ტრამპის ხისტ რიტორიკას" და ჩრდილოეთ კორეის ლიდერ კიმ ჩენ ინთან მის პოლემიკას, ირანთან გარიგების უარყოფას და მისი ადმინისტრაციის გეგმებს, რომლებიც ამერიკული ბირთვული არსენალის გაზრდას ითვალისწინებს.

"არც ჩვენი მოკავშირეები, არც ჩვენი მოწინააღმდეგები არ არიან იმ მდგომარეობაში, რომ განჭვრიტონ ამერიკის მოქმე- დებები ან გაიგონ, როდის არის აშშ-ის
განცხადებები რეალური, როდის — მხოლოდ რიტორიკა, — წერენ მეცნიერები თავიანთ "ბიულეტენში". — დაკნინდა და ურთიერთლანძღვის დონემდე დაეშვა საერთაშორისო დიპლომატია და კიდევ უფრო სახიფათო გახდა საერთაშორისო ვითარება… ახლანდელ სიტუაციას სწორედ ამგვარად ვაფასებთ, რაც ხაზს უსვამს საფრთხის გარდაუვალ და დაუყოვნებლივ ხასიათს".

ვიმეორებ, უკანასკნელად "ბირთვულ შუაღამეს" ისრები ყველაზე მეტად მიუახლოვდა 1953 წელს, როცა ამერიკის შე- ერთებულმა შტატებმა და საბჭოთა კავშირმა თავთავისი ახალი თერმობირთვული იარაღი ექვსთვიანი ინტერვალით გამოსცადეს. ეს იყო კორეასთან ომის დამ- თავრების წელი, აგრეთვე წელი, როცა პრეზიდენტმა ეიზენჰაუერმა საჯაროდ გამოაცხადა თავისი პროგრამა "ატომი მშვიდობისთვი". იმ წელიწადს, იუჯინ რაბინოვიჩი, პირველი ბირთვული იარაღის შექმნის "მანჰეტენის პროექტის" მონაწილე და "ბიულეტენის" დამაარსებელი, წერდა: "საბჭოთა კავშირმა ამერიკაში თერმობირთვული გამოცდის შემდეგ მოახდინა თერმობირთვული აფეთქება. და მოვიდა დრო, რომლისაც ასე ეშინოდათ მეცნიერებს 1945 წლიდან მოყოლებული — დრო, როცა ორი დიდი სახელმწიფოს ხელში აღმოჩნდა ნებისმიერი სხვა ერის განადგურების ძალა".

მეცნიერები ამბობენ, რომ მათ ბირთვული იარაღის გავ- რცელებისა და კლიმატური ცვლილებების (ამ ფაქტორს 2007 წლიდან აქცევენ ყუ- რადღებას) გარდა აშფოთებთ ტექნოლოგიური ცვლის სისწრაფე. ისინი მოუწოდებენ მსოფლიო ლიდერებს, გამოიყენონ ამ ცვლილებების პოზიტიური მხარე და მინიმუმამდე
შეამცი- რონ მათგან მომავალი საფრთხე. არსებობს არაერთი სხვა საფრ- თხეც: მაგალითად, იმ კომპიუტერული სისტემებში შეღწევა, რომლებითაც კონტროლდება ფინანსური და ენერგეტიკული ინფრასტრუქტურა,"ავტონომიური იარაღის" განვითარება, რომელსაც შეუძლია მიიღოს "მომაკვდინებელი გადაწყვეტილებები" ადამიანის ჩაურევლად და სინთეტიკური ბიოლოგიის, მათ შორის გენების რედაქტურის ბოროტად გამოყენება.

"საშინელი სამსჯავროს საათს" ჰყავს თავისი კრიტიკოსები. ზოგიერთი მათგანის მტკიცებით, ხალხის გაფრთხილებამ, რომ მათ საფრთხე ემუქრებათ, შესაძლოა, "პოლიტიკური პარალიზი" გამოიწვიოს. სხვები საეჭვოს ხდიან იმ მეცნიერთა დასკვნებს, რომლებიც საათის ისრებს აადგილებენ. მაგალითად, მათ
გაუგონარი გულგრილობა გამოიჩინეს 1962 წელს კუბის ბირთვული კრიზისის მიმართ, რომელმაც საბჭოთა კავშირი და ამერიკის შეერთებული შტატები, როგორც არასდროს, ბირთვული ომის ზღვარს მიუახლოვა.

ლოურენს კრაუსი, არიზონის უნივერსიტეტის კოსმოლოგი და ერთ-ერთი მესაათე, ახლახან "ნიუ-იორკ ტაიმსისთვის" მიცემულ ინტერვიუში ამბობს:
|ძნელია ერთი ერთში შეადარო დღევანდელი დღე და 1953 წელი. უფრო მნიშვნელოვანია იმის ზუსტად დადგენა, რამდენად არის "საათის" ისრები დაშორე- ბული აპოკალიფსურ შუაღამეს. ამ თვალსაზრისით წლევანდელი წელი შარშანდელზე უფრო საშიში ხომ არ არის?" კრაუსი აღიარებს, რომ ფეიკი ახალი ამბების ჟამს "სამყაროს აღსასრულის საათის" კრიტიკოსებს შეუძლიათ, მეცნიერები პოლიტიკურად ანგაჟირებულებად გამოაცხადონ. "არ არის გამორიცხული, ხალხმა თქვას, რომ ყველაფერი ეს თავიდან ბოლომდე თაღლითობაა. ჩვენი ამოცანაა გავაღვივოთ საზოგადოებრივი დებატები, მოვუწოდოთ ხალხს აქტიურობისკენ. საათი გვახსენებს კაცობრიობის იმ რეალურ საფრთხეს, რომლის შესახებაც წლის განმავლობაში ჩვეულებრივ არ ლაპარაკობენ". ბეატრისა ფინი, ბირთვული იარაღის ლიკვიდაციის საერთაშორისო მოძრაობის აღმასრულებელი დირექტორი, რომელმაც 2017 წელს ნობელის პრემია მიიღო მშვიდობის დარგში, ამბობს: "სამყაროს აღსასრულის საათზე" ისრების შუაღამესთან მიახლოება ნამდვილად გულისშემძვრელია, რადგან გვიჩვენებს, თუ როგორ ახლოს მივიდა კაცობ- რიობა ბირთვული აპოკალიფსის ტრაგიკულ მიჯნასთან. დავოსის ფორუმზე გამოსვლისას ქალბატონმა ფინმა განაცხადა: "ბო- ლო წლებში ბირთვული იარაღის გამოყენების რისკი უჩვეულოდ გაიზარდა. ბირთვული იარაღის განიარაღების გარეშე, ადრე თუ გვიან, ამ იარაღს
გამოიყენებენ". "სამყაროს აღსასრულის საათი" წიკწიკებს და გვაფრთხილებს.


მეტის ნახვა
10-02-2018, 22:46


ხელისუფლების დისკრედიტაციაზეა აწყობილი შავი პიარის "გორაობა" გრძელდება. განსაკუთრებული სიმძაფრით ნაცმაცუნები კახი კალაძეს "ეომებიან" ნაცმაცუნები თავის ბიძაშვილმამიდაშვილ პარტიებთან ერთად. ნაცმედია "ომს" თავდაუზოგავად, ჩვეული, ბოლშევიკური შემართებით აწარმოებს, თუმცა უშედეგოდ, რადგან მხოლოდ მათ "მრევლს" ჯერა იმ ცრუ ინფორმაციების რომელსაც ნაცსატელიტი მედია ავრცელებს. სკოლამდელი აღსაზრდელი
ბავშვების კვებითი უზრუნველ- ყოფის მომსახურებაზე სკანდალი გასული წლის დეკემბერში გამძაფრდა და დამარცხებული კომპანია "ელფი" რომელიც 2006 წლიდან ეწევა კვებითი მომსახურეობის ბიზნესს და სკოლამდელი აღსაზრდელების კვებით მომსახურებას ზრუნველყოფდა მერიას დაუპირისპირდა. თუმცა მანამდე "ელფის" დირექტორი, თინათინ პაპუაშვილი დედაქალაქის მერიის მონიტორინგის სამსახურის უფროსს, ბადრი გიორგიძეს კომპანიის საქმიანო- ბისთვის ხელისშეშლაში სდებდა ბრალს.

როგორც ირკვევა, თბილისის მერიის შიდა აუდიტისა და მონიტორინგის საქალაქო სამსახურის დასკვნის თანახმად, სკოლამდელი აღსაზრდელი ბავშვების კვებით უზრუნველყოფის მომსახურების პერიოდში, მნიშვნელოვნად გაზრდილი იქნა მომსახურების ღირებულება შპს "ელფი"–ის სასარგებლოდ, რაც განხორციელდა მისაწოდებელ კვების პროდუქტებზე ამავე საზოგადოების მიერ ფასების სავარაუდოდ ხელოვნურად გაზრდის გამო.

ჯერ კიდევ 2014 წლის 8 ნოემბერს, ყოფილმა პრემიერ-მინისტრმა ბიძინა ივანიშვილმა "მოამბის" ეთერით განაცხადა, რომ ირაკლი ალასანიამ ხელი შეუწყო ნაციონალური მოძრაობის დროს დაფუძნებულ კომპანია "ელფს" , თავდაცვის სამინისტროს მომარაგების ტენდერი მოეგო. საქმე ეხებოდა აღნიშნულ პერიოდში ჯარისკაცების მოწამვლის გახშირებულ ფაქტებს. მედიაში 2013 წლიდან ვრცელდებოდა ინფორმაცია ჯარისკაცების მოწამვლის ფაქტების და შეიარაღებული ძალების კვების უსაფრთხოებაში არსებული პრობლემების შესახებ. ივანიშვილი გაოცებას ვერ მალავდა თავდაცვის სამინისტროს მომარაგებაში რატომ დარჩა ნაციონალური მოძრაობის დროს "მოლივლივე" კომპანიაო.

"ნაცებმა" 2006 წლიდან ბავშვების კვება და სწორედ "ელფი"-ს შერჩეული მნეები არიან დღესაც ბაღებში და "ელფი-ს" წყალობის დასაფასებლად"იღწვიან" მერიის და გამარჯვებული კომპანია "ნილის" დისკრედიტაციის მისაღწევად. ჯერ იყო და დისკვალიფიცირებულმა კომპანია "ნილმა" რატომ გაიმარჯვაო. კახი კალაძემ და ბაღების სააგენტომ აღნიშნულთან დაკავშირებით ამომწურავი პასუხი გასცა, რომ დისკვალიფიკაცია მხოლოდ ტექნიკურ ხარვეზს მოიცავდა. (კერძოდ, საგარანტიო წერილი ერთი დღის დაგვიანებით აიტვირთა)შემდეგ, თითქოს ყველი შეიტანეს არა კალორიული და ფოტოც დადეს, აღმოჩნდა, რომ ფოტო ყალბი იყო და გავრცელებული ფაქტი სიცრუე. შემდეგ რძე, მიმწოდებელ კომპანიას იგივე შეფუთვით, მაგრამ ღვინის ეტიკეტით შეუტანია(რადგან ეტიკეტი საზღვარგარეთ იბეჭდებოდა და გარკვეული მიზეზით აღარ ჰქონდათ, თან ყველა ბაღში არ შესულა სხვა ეტიკეტით) და თითქოს "მარიხუანა" ეწერა "ცრუსთავმა" და მისმა საბიძაშვილომ დაიხოკეს ლოყები. რძე ლაბორატორიაშიც შემოწმდა და ექსპერტიზაზეც წუნი არ დასდებია…შემდეგ თევზი დაიწუნეს, ორაგულისებრთა ოჯახის წევრი კი არა–მეფე რატომ არ არისო. აღნიშნულთან დაკავშირებითაც გაეცა მავანთ მერიის მხრიდან პასუხი. შემდეგ ახალი სკანდალი გამოაცხვეს, თითქოს ერთ-ერთ ბაღში ხუთი ბავშვი ბანანით მოიწამლა, აღმოჩნდა, რომ ბავშვებს ენტერო ვირუსი ჰქონდათ და ორი ბავშვი ერთი ოჯახის წევრი იყო და სამი მათი მეზობელი. ყველა ბაღში ერთი და იგივე პროდუქტი შედის და სხვა ბაღში ასსამოცდაერთიათასი ბავშვიდან არავინ მოწამლულა? შაქრის, მარილის და კალორაჟის შემცირება ჯანდაცვის საერთაშორისო ორგანიზაციის რეკომენდაციით მოხდა და მერიას უწევს აღნიშნულთან დაკავშირებით თავის მართლება. გაეროს ბავშვთა ფონდის განათლების პროგრამის ხელმძღვანელი მაია ყუფარაძის განმარტებით გაეროს ბაშვთა ფონდი დიდი ხანია აღნიშნავდა, რომ საქართველოში ბაგა-ბაღების მენიუ იყო გადატვირთული და იქ გათვალისწინებული კალორაჟი არ შეესაბამებოდა ევროპულ სტანდარტებს.

2017 წლის დეკემბერში მთავრობის მიერ მოხდა ახალი სტანდარტების დამტკიცება, რომელიც უკვე აისახა მენიუზე, თუმცა საზოგადოება ამ ცვლილებებთან დაკავშირებით ინფორმირებული არ არის. ჩვენ ვეთანხმებით კვების ახალ სტანდარტებს, რომლის თანახმადაც გადახედილია კალორაჟი და მენიუ. რეალურად ოდნავ შემცირებულია კალორაჟი იმის ხარჯზე,რომ ბავშვისის არასასარგებლო კვებითი პრდუქტები ამოღებულია რაციონიდან — მაგალითად შაქარი.
სამაგიეროდ, გაზრდილია კვებითი ღირებულების საკვები, როგორიც არის ხილი ბოსტნეული, ხორცეული, თევზეული და ასე შემდეგ.

აქამდე მენიუ გაჯერებული იყო ძალიან ბევრი შაქრი თ. ახალი სტანდარტებით კი, რეალურად, ბავშვის დანაყრება მოხდება ძალიან დაბალანსებული და მათი განვითრებისთვის საჭირო კვებითი ღირებულების მქონე საკვებით, ვიტამინებით. მთავარია, რომ ეს ახალი სტანდარტები, მენიუ და კალორაჟი კარგად შეისწავლონ ბაღებმა და ზუსტად მისი გათვალისწინებით იყოს მენიუ შედგენილი. ევროსტანდარტების მოყვარული ნაცები ამ შემთხვევაში რამ აღაშფოთა გაუგებარია, ფაქტია, რომ მათ ბავშვების ბედი კი არა სხვა რამ აწუხებთ – კონტროლის და გავლენის დაკარგვა.

"მომავლის" დარდით შეწუხებულ ნაცმედიას არჩილ გამზარდიაც შეუერთდა, კოპებშეკრული ჩაერთო "საქმეში" და შარშან დეკემბერში, სოციალური ქსელით გავრცელებული ფოტოს მსგავსი ფოტო წარმოადგინა სადაც გაგლეჯილ პურში საკანცელარიო დანა "ინახებოდა" , ცნობილი ფქტია, რომ ბაღებში მხოლოდ დაჭრილი პური შედის. თან, არა იმ ფორმის რომელიც ფოტოზე იყო აღბეჭდილი. თუნდაც დავუშვათ დაუჭრელი პური შესულიყო ბაღში, ბავშვებს დაუჭრიდნენ თუ დაგლეჯილ პურს მიართმევდნენ მკითხველმა განსაზღვროს. სკოლამდელი განვითარების და უფლებების დაცვის ლიგის ხელმძღვანელმა აღნიშნულ ფაქტთან დაკავშირებით მზია ფაილოძემ განაცხადა, რომ მედიით გავრცელებული "ფაქტი" სიმართლეს არ შეეფერება, ყველა ბაღში შედის დაჭრილი პური და გამორიცხულია მსგავსი რამ მომხდარიყო. მზია ფაილოძემ ასევე აღნიშნა, რომ პირადად შეისწავლა ათეულობით სკოლამდელი დაწესებულება და კვების მხრივ პრობლემა არ ყოფილა. ახალგაზრდა ბოლშევიკმა არჩილ გამზარდიამ, ცეცხლი აფრქვია და ბავშვების ბაღში ტარება სახიფათოდ და ტრაგიკულად დახატა, მაგრამ მისი შვილი რატომღაც მაინც დადიოდა და დადის "საშიშ" ბაღში. შემდეგ აღშფოთდა: შეტყობინება მივიღე ერთ-ერთ ბაღში სასწრაფოებია მობილიზებულიო და იქაც ცარიელი ვაზნა გაუვარდა. რადგან ერთი სასწრაფო გახლდათ მისული და ისიც იმის გამო, რომ თანამშრომელს მაღალი წნევა ჰქონდა.

"ოპერაცია დანა პურში" ძალიან გაუბანძდათ, სოციალურ ქსელში მომხმარებლების ნაწილი გულისწყრომას გამოხატავდა, რომ გამზარდიამ ხალხი ჩლუნგად ჩათვალა ასეთი არასერიოზული ინფორმაციის მიწოდებით, ნაწილი კი ნაცების გონებრივი შესაძლებლობების დაქვეითებაზე ღადაობდა. არჩილს გადაცემაში სტუმრად ყავდა "ახალი საქართველოს” სათათბიროს წევრი თეონა ჭალიძე რომელიც არცთუ დიდი ხნის წინ მმართველ გუნდს ადმინისტრაციული რესურსის გამოყენებაში ადანაშულებდა. მისი განცხადებით, არჩევნებზე მოქალაქეების პერსონალური მონაცემების მასიური გამოყენება მოხდა. თეონა ჭალიძის თქმით, “ქართულ ოცნების" წარმომადგენლები მოქალაქეებს ურეკავდნენ და საარჩევნო უბანზე გამოცხადებას სთხოვდნენ.

მსგავსი ფაქტი არ მსმენია, მაგრამ გიორგი ვაშაძე, რომ ესემესებს გზავნიდა უმისამართოდ მაგაზე კი ღლიცინებდნენ საზოგადოებრივი ქსელის მომხმარებლები, ეს ის ვაშაძეა არარსებულ კორპუსებში ასობით მკვდარი სული, რომ ჰყავდა ამომრჩეველად რეგისტირებული და ვანო მერაბიშვილს და მთელ მის სამინისტროს მაღალჩინოსნებს ყალბ პასპორტებს და პირადობის მოწმობებს უწერდა და არა მარტო მათ, ათასობით ყალბი პირადობის მოწმობები ამოუღეს აჭარის კუდის ყოფილ უფროს პატარიძეს, რომელმაც გამოძიებასთან ითანამშრომლა და ხელი მთავარ დამნაშავეს გიორგი ვაშაძეს დაადო.

თეონა ჭალიძე, დღეს ნაცკომპანია "ელფის" მფარველად გვევლინება და აცხადებს, რომ "ნილმა" ოდესღაც "ქართულ ოცნებას" 150000 ლარი "შეწირა" იმის თქმა ავიწყდება "ელფი" ნაცებს ამდენს "წირავდა და რა უჯდება ეხლა აგორებული შავი პიარი. რომელიც ჯერ არ დასრულებულა და სარწმუნო წყაროს ცნობით "მძიმე არტილერიაც" ჩაერთვება ახალი, უსუსური შავი პიარით და მერიის დისკრედიტაციის დიდი მცდელობით. ნაცებს, გვამებზე სიარულის დიდი გამოცდილება აქვთ, ბავშვებით ვაჭრობაც არ გახლავთ მათთვის უცხო. — თეონა ჭალიძემ რამოდენიმე დღის წინ, საქართველოს მთავარ პროკურატურაში, ბაგა-ბაღების კვებითი მომსახურების ტენდერის თაობაზე, განცხადება შეიტანა და ფაქტების გამოძიება მოითხოვა.

კონკრეტულად მოხდა თუ არა სატენდერო პირობე- ბის მორგება, ერთ კონკრეტულ პრეტენდენტზე და ჰქონდა თუ არა ადგილი კომისიის მხრიდან შესაძლო დანაშაულის დაფარვას. არადა სწორედ ჭალიძის "დაცვის" ქვეშ მყოფ კომპანია "ელფს" არგებდნენ ნაცები ტენდერს, სწორედ მასზე იჭრებოდა ტენდერის თარგი და მის გარდა არცერთ კომპანიას არ ჰქონდა უფლება გაემარჯვა.

სწორედ ამიტომ არიან ნაცხროვის წევრები თავის სატელიტებთან ერთად გაცოფებულები, რომ კახი კალაძემ მათი "სიმშვიდე" დაარღვია და ყველაფერი მართლაც გამჭირვალე გახადა.

ქეთევან ზარნაძე



მეტის ნახვა
9-02-2018, 21:16


ღია წერილი შინაგან საქმეთა მინისტრს ბატონ გიორგი გახარიას

უფროსი თაობის თბილისელებს ხშირად უნახავთ ასეთი სურათი – რუსთაველის პროსპექტზე საზოგადოებისთვის კარგად ცნობილი და ავტორიტეტული რომელიმე პიროვნება წითელი სამკლაურით, რომელიც სამართალდამცავების ჯგუფთან ერთად პატრულირებდა და, ასე ვთქვათ, საზოგადოებრივ წესრიგს მათთან ერთად იცავდა.

ესენი იყვნენ ცნობილი მწერლები, მსახიობები, მუსიკოსები, სპორტსმენები, მეცნიერები, განათლების სფეროს წარმომადგენლები, რომლებიც არ თაკილობდნენ, სამართალდამცველებთან ერთად ემორიგევათ თბილისის ქუჩებში.

ეს იყო წინათ, დიდი ხნის წინათ, თუმცა, როგორც ჩანს, დიდი ხნის წინათაც შესანიშნავად ესმოდათ, რომ სამართალდამცავი ორგანოების ეფექტური მუშაობა საზოგადოებასთან მჭიდრო კავშირის და თანამშრომლობის გარეშე წარმოუდგენელია.

სწორედ ამის დემონსტრირება იყო ის სურათი, რომელზეც ახლა ვისაუბრეთ.

ეს იყო ერთგვარი გაფრთხილება, ერთგვარი გზავნილი კრიმინალური სამყაროსადმი, რომ სამართალდამცავები და საზოგადოება ერთად, ერთ მხარეს დგანან.
მჭიდრო თანამშრომლობა საზოგადოებასა და სამართალდამცავ სტრუქტურებს შორის რომ აუცილებელია, ეს, ცხადია, კარგად ესმით დღესაც, მაგრამ კონკრეტულად როგორ და რა ფორმით უნდა განხორციელდეს ეს თანამშრომლობა, ვფიქრობთ, ჯერჯერობით ნათლად არ არის ჩამოყალიბებული, ერთ-ერთი მიზეზი ამისა კი, ჩვენი აზრით, ის გახლავთ, რომ ერთგვარად შეიკვეცა და დაპატარავდა არეალი იმ ცნებისა, რომელსაც საზოგადოება ჰქვია და რომელიც ეგრეთ წოდებული მესამე სექტორის, ანუ არასამთავრობო ორგანიზაციათა ქსელის ჩარჩოებით შემოისაზღვრა.

ეს, ნაწილობრივ, ამ არასამთავრობო ორგანიზაციების "დამსახურებაცაა", რომლებიც გვარწმუნებენ, რომ სწორედ ისინი და ექსკლუზიურად მხოლოდ ისინი გამოხატავენ მთელი საზოგადოების ნება-სურვილს და მათ მოთხოვნებს, რაც, უმეტესწილად, სულაც არ არის ასე.

საზოგადოებისა და არასამთავრობო ორგანიზაციების პოზიციები ხშირად დიამეტრალურად განსხვავებულია ერთმანეთისგან, თუმცა ეს ხელს არ უშლით ამ ორგანიზაციებს, თავიანთი ხმა საზოგადოების ხმად წარმოაჩინონ და ხელისუფლებას საზოგადოების სახელით ედავონ და ეკამათონ.

მათ, ფაქტობრივად, მონოპოლიზებული, უფრო ზუსტად თუ ვიტყვით, ოკუპირებული აქვთ ის სივრცე, რომელიც სინამდვილეში სამოქალაქო საზოგადოებას ეკუთვნის.

ჩვენთვის უცნობია, არსებობს თუ არა ამ ორგანიზაციების საქმიანობის ამსახველი სერიოზული კვლევა თუ ანალიზი, მაგრამ ასეთი რამ თუ არსებობს, ადვილად მივალთ იმ დასკნამდე, რომ ამ ე.წ. არასამთავრობო ორგანიზაციების უკან, ხშირ შემთხვევაში, ამა თუ იმ პოლიტიკური თუ ბიზნესჯგუფების ან უფრო უარესი – დანაშაულებრივი სინდიკატების კარგად შეფუთული და შენიღბული ინტერესები დგას, რომლებიც არ შეიძლება თანხვედრაში მოდიოდეს ქართველი ხალხის ეროვნულ და სახელმწიფოებრივ ინტერესებთან.

მიუხედავად ამისა, ამ არასამთავრობო ორგანიზაციებმა, სხვადასხვა ბერკეტების მოშველიებით, მაინც მოახერხეს, განზე გაეწიათ საზოგადოება, ხალხი და, როგორც ზემოთ ვთქვით, ხელისუფლებასთან მუდმივი დისკუსიის რეჟიმში, რომელსაც ზოგჯერ შანტაჟის და ფსიქოლოგიური ზეწოლის ელფერი დაჰკრავს, ხალხის, საზოგადოების სახელით ელაპარაკათ და ემოქმედათ.

შედეგად მივიღეთ ის, რომ სახელმწიფო სტრუქტურების მხრიდან არაერთგზის გაჟღერებული განცხადება, რომ აუცილებელია საზოგადოებასთან მჭიდრო თანამშრომლობა და ურთიერთობა, საზოგადოებას თვითნებურად და დემაგოგიურად ჩანაცვლებულ არასამთავრობო ორგანიზაციებთან თანამშრომლობის და ურთიერთობის დონეზე დავიდა, საზოგადოება და ხალხი კი განზე დარჩა.

არასამთავრობო ორგანიზაციების მიერ ხალხსა და ხელისუფლებას შორის ხელოვნურად აღმართული ფსიქოლოგიური ბარიერის გადალახვის გარეშე სახელისუფლო სტრუქტურებსა და ხალხს შორის ნორმალური, ჯანსაღი, ღია, გახსნილი ურთიერთობა ვერ შედგება.


მიმდინარე მოვლენებს თუ დავაკვირდებით, დავრწმუნდებით, რომ ფრონტის მთავარი ხაზი დღეს ძალოვან სტრუქტურებზე გადის.
არც ის არის ძნელი შესამჩნევი, რომ მთავარი შეტევა სწორედ ძალოვანი სტრუქტურებისკენ არის მიმართული.

ამ კარგად ორგანიზებული და კარგად დაფინანსებული შეტევის მიზანიც ნათელია – მოახდინონ ძალოვანი სტრუქტურების დისკრედიტაცია და სახელის გატეხვა, მოსახლეობაში მათ მიმართ უნდობლობის გაღვივება, მოქლაქეებისთვის დაუცველობის, უპერსპექტივობის, უიმედობის, შიშის ჩანერგვა.
ამ შემთხვევაში სრულიად დროული და გონივრულია ის საკანონმდებლო ინიციატივები და სხვა სახის ღონისძიებები, რომლებიც შინაგან საქმეთა მინისტრმა გიორგი გახარიამ საზოგადოებას შესთავაზა.

აქვე უნდა ითქვას, რომ ამ ინიციატივებისა და ღონისძიებების მიხედვით თუ ვიმსჯელებთ, ბატონ მინისტრს სწორად აქვს გაგებული და გააზრებული ის ძირითადი პრობლემები და მთავარი გამოწვევები, რაც დღეს ქართული სახელმწიფოს და, უპირველეს ყოვლისა, შსს-ის წინაშე დგას.

ბრძოლა კრიმინალური სამყაროს, კრიმინალური მენტალიტეტის, ორგანიზებული დანაშაულის წინააღმდეგ, მართალია, უაღრესად კომპლექსური და მრავალგანშტოებიანი საკითხია, რომელსაც, ცხადია, ერთი უწყება, ამ შემთხვევაში, შსს ვერ მოერევა, თუმცა ისიც ცხადია, რომ მთავარი ღერძი და ხერხემალი ამ ბრძოლისა მაინც შს სამინისტროა, რომელმაც მაკოორდინერებელი როლი და ფუნქცია უნდა შეასრულოს კრიმინალთან ბრძოლაში.

აქედან გამომდინარე, მთელი საზოგადოება, მისი თითოეული წევრი ვალდებულია, გვერდით დაუდგეს სამართალდაცმავ სტრუქტურებს და თავისი შესაძლებლობის ფარგლებში ყველაფერი გააკეთოს მის გასაძლიერებლად, მისი გამარჯვებისა და წარმატებისათვის, რადგან წარმატებული შსს ნიშნავს არა მარტო უსაფრთხო და მშვიდ გარემოს, არამედ ეს ნიშნავს წარმატებულ ეკონომიკას, წარმატებულ ბიზნესს, ქვეყნის წარმატებულ განვითარებას და, რაც მთავარია, ამ ქვეყნის თოთოეული მოქალაქის პირად წარმატებასაც.

ჩვენი აზრით, სწორედ ეს მესიჯები უნდა მიიტანოს შს სამინისტრომ ამ ქვეყნის თითოეულ მოქალაქემდე და უნდა მიიტანოს უშუალოდ მან საზოგადოების ავტორიტეტულ და პატივსაცემ წევრებთან ერთად.

ეს ისევე მნიშვნელოვანი და საჭიროა, როგორც ახალი ავტომანქანებით შს-ის ავტოპარკის განახლება და შევსება, ახალი სპეცტექნიკით აღჭურვა, ახალი ტექნოლოგიების დანერგვა და ა. შ.

ამასწინათ ერთმა პოლიტიკოსმა გაბრაზებული ტონით ბრძანა – ბოლო დროს სკოლებთან საპატრულო პოლიციის მანქანებს ვხედავ ხშირად. რა უნდა პოლიციას სკოლშიო.

აი, ეს გახლავთ ის გაუკუღმართებული, მავნებლური, კონფრონტაციული გაგება პოლიციისა და საზოგადოების ურთიერთობისა, როცა პოლიცია წარმოიდგინება როგორც საზოგადოებისათვის რაღაც უცხო სხეული და არა როგორც ამ საზოგადოების მთავარი მოკავშირე და მისი განუყრელი ნაწილი.
შსს სისტემატურად უნდა სტუმრობდეს სკოლებს, უმაღლეს სასწავლებლებს, შემოქმედებით კავშირებს, ინსტიტუტებს, კოლეჯებს. საწარმოებს, ახალგაზრდულ ცენტრებს და პირდაპირი უშუალო დიალოგი უნდა ჰქონდეს ადამიანებთან, როგორც ეს იყო ადრე, დიდი ხნის წინათ, როცა სამართალდამცავებზე იღებდნენ ფილმებს, იდგმებოდა სპექტაკლები, იწერებოდა რომანები, საგაზეთო სტატიები, კეთდებოდა სატელევიზიო გადაცემები და ა. შ. და ა. შ.

არის კიდევ ერთი გლობალური პრობლემა, რომლის გადაწყვეტა ცალკე აღებულ არც ერთ სტრუქტურას არ შეუძლია, თუ ამაში არ ჩაერთვება მთელი სახელმწიფო მანქანა, რა თქმა უნდა, სამოქალაქო საზოგადოების აქტიური მონაწილეობით.

27 წელი გავიდა, საქართველო დამოუკიდებელი, სუვერენული სახელმწიფოა, თუმცა ეს 27 წელიც არ აღმოჩნდა საკმარისი იმისთვის, რომ, ჩვენ, ამ სახელმწიფოს მოქალაქეებს, ბოლომდე გაგვეცნობიერებინა, რომ ეს ჩვენი სახელმწიფოა და მას ისევე უნდა გავუფრთხილდეთ, როგორც საკუთარ ოჯახს.
27 წელია, ჩვენი მოსახლეობის მნიშვნელოვანი ნაწილი ვერ ხვდება, რა პასუხისმგებლობა, რა ვალდებულებები აკისრია მას საკუთარი სახელმწიფოს წინაშე, თუმცა, თუ გულახდილნი ვიქნებით, ვერც ქართული სახელმწიფო დაიკვეხნის იმით, რომ თავისი მოქალაქების წინაშე ვალმოხდილი და პირნათელი იყოს.
27 წელია, საბჭოთა კავშირის შემადგენლობიდან გამოვედით, მაგრამ მენტალურად თითქოს მაინც იქ ვართ და ჩვენი დამოკიდებულება ქართული პოლიციისადმი, ქართული უსაფრთხოების სამსახურისადმი ისეთივე აგრესიულია, როგორიც იყო საბჭოთა მილიციისადმი, საბჭოთა კგბ-სა თუ გრუ-სადმი.
არადა, ეს ჩვენი დამოუკიდებელი ქართული სახელმწეიფოს პოლიციაა, ეს ჩვენი, ქართული სახელმწიფოს, უსაფრთხოების სამსახურია, ეს ჩვენი ქვეყანაა.
საკუთარი სახელმწიფოსადმი გაუცხოების სინდრომი გვჭირს დღეს ჩვენ, ქართველებს და ამიტომაც გავრბივართ ასე იოლად და დაუნანებლად საკუთარი სამშობლოსგან.

თუმცა აქვე ისმის კითხვა: კი, მაგრამ, რას აკეთებს ქართული სახელმწიფო იმისთვის, რომ საქართველოს მოქალაქე საქართველოს პატრიოტად აღიზარდოს, სახელმწიფოებრივი აზროვნება ისწავლოს?

რას აკეთებს და ბევრს არაფერს, უფრო ზუსტად, თითქმის არაფერს.

არადა, სახელმწიფოს არსებობის არსი და დანიშნულება არა მხოლოდ მატერიალური კეთილდღეობის უზრუნველყოფაა საკუთარი მოსახლეობისთვის, არამედ, პირველყოვლისა, სულიერად ზნემაღალი, კეთილშობილი, თავისი ქვეყნის მოყვარული და პატივისმცემელი ღირსეული ადამიანების აღზრდაა.
სახელმწიფოს ეს უმთავრესი ფუნქცია, ეს უმთავრესი მოვალეობა დღეს უკანა პლანზეა გადასული.

– შვილი დედამ უნდა გაზარდოსო, – ბრძანა ბატონმა ბიძინა ივანიშვილმა პოლიტიკაში შემოსვლის პირველსავე დღეებში.
სამწუხაროდ, ჩვენი საზოგადოება ვერ აღმოჩნდა მზად, გაეგო, რა ფილოსოფიური კონცეფცია იდო ამ, ერთი შეხედვით, მარტივად გასაგებ ფრაზაში.
"ჩვენ გვიკვირს და ვკითხულობთ: რატომ იძალადა კაცმა ქალზე, რატომ მოკლა ადამიანმა ადამიანი, ბავშვმა – ბავშვი. რატომ გახდა იგი დაუნდობელი, საკუთარი თანატოლის და მშობლის მიმართაც… რა არის მიზეზი?..

ბავშვს აღარ ჰყავს პედაგოგი სკოლაში, ის გათავისუფლებულია მასწავლებლის ზედამხედველობისგან! მოსწავლე თავად აქციეს მასწავლებლის მასწავლებლად. მასწავლებელს არ შეუძლია ბავშვს შენიშვნა მისცეს და თუნდაც ყური აუწიოს, მკაცრად შეხედოს ან ხმამაღლა დაელაპარაკოს!

ბავშვს ავიწყებენ საკუთარი წინაპრების ისტორიას და კულტურას, რჯულს, ქცევის წესებს…

ბავშვებს მასწავლებლად უზით "რობოტი სფინქსი" ტელევიზიებიდან, ფეისბუკებიდან, ტელეფონებიდან სატანის თვალი უყურებს და სატანის გონი მართავს. ეს ასეა და ეს არის მწარე რეალობა!

ამ თემის რეზიუმეს სახით მინდა ვთქვა: რაც ხდება ჩვენთან, ჩვენს სამშობლოში, ეს არის უსამშობლოო (და უმშობლო) თაობის სინდრომი და აყრილი ერის ტრაგედია! ეს არის ჩვენი ერის დღევანდელი ბედისწერა!

ჩვენ თუ ვერ დავაბრუნეთ დედა (ქართველი ქალი) საკუთარ ოჯახში, ჩვენ თუ არ დავუბრუნეთ ბავშვებს (თაობას) პედაგოგი, მშობელი და სამშობლო, ყველაფერი დაღუპულია" (ფრაგმენტები კ. არაბულის წერილიდან. "სგ" № 3. 2018).

დიახ, ასეა, როცა არც ოჯახი, არც სკოლა, არც უმაღლესი სასწავლებლები, არც მწერლობა, არც მედია და, საბოლოო ჯამში, არც სახელმწიფო არაფერს აკეთებს ადამიანის სრულფასოვან ადამიანად აღზრდისთვის, მათ აუცილებლად ჩაენაცვლება კრიმინალური სამყარო და ის იკისრებს "აღმზრდელის" ფუნქციას, ხოლო როცა ეს უკვე მომხდარია, ამ "აღზრდის" შედეგების აღმოფხვრა ძალიან რთული და ძნელია.

კრიმინალთან ბრძოლა ყოველთვის დაგვიანებულია, როცა ის უკვე არსებობს და მოქმედებს.

კრიმინალურ მენტალიტეტს, კრიმინალურ ფილოსოფიას ჩანასახშივე თუ არ გამოვუცხადეთ ომი, მერე ამ ომის მოგებას გაასმაგებული ენერგია და ძალისხმევა ჭირდება.

როგორც ჩანს, დადგა დრო, ქართულმა სახელმწიფომ სერიოზულად იფიქროს იმ პრიორიტეტების წინ წამოწევაზე, რომლებიც ხელს შეუწყობს ადამიანის ღირსეულ მოქალაქედ, თავისი ქვეყნის პატრიოტად ჩამოყალიბებას.

სწორედ ეს არის კრიმინალურ სამყაროსთან ბრძოლის ყველაზე ეფექტური და ყველაზე შედეგიანი გზა.

დროა, ქართულმა სახელმწიფომ თავის მოასხლეობას გაახსენოს დავიწყებული დიადი სიტყვა სამშობლო და სამშობლოს გრძნობა გასაკვირველი.
ეს ის თემაა, რომელიც უამრავ საკითხს აერთიანებს თავისთავში და, გამომდინარე აქიდან, მისი ეფექტურად გადაწყვეტა უამრავი სხვადასხვა დარგის სპეციალისტის და სახელმწიფო სტრუქტურების კოორდინირებულ ჩართვას და ერთობლივ მუშაობას მოითხოვენ.

თუ ეს არ მოხდა, ვერცერთი უწყება, რაც არ უნდა ძლიერი და მობილური იყოს, ვერ მოერევა კრიმინალთა ახალ-ახალი თაობების მოზღვავებას, რომლებსაც კრიმინალური სამყარო კონვეირული წესით ჩეკავს და ჩეკავს თავის შავბნელ "ლაბორატორიებსა" და "ინკუბატორებში".

"საერთო გაზეთი"

მეტის ნახვა
9-02-2018, 20:40


საქართველოში, ზოგადსაგანმანათლებლო დაწესებულებების 67 342 მასწავლებლიდან უმაღლესი კატეგორიის მხოლოდ 9 პედაგოგია.  ამის შესახებ სააგენტო ipn-ი წერს. მასწავლებელთა პროფესიული განვითარების ეროვნული ცენტრის ინფორმაციით, მენტორის სტატუსის მქონე 9 მასწავლებლიდან, რომელთა კვალიფიკაციაც უმაღლეს კატეგორიად ფასდება, 2 კერძო სკოლაში, 7 კი საჯარო სკოლაში ასწავლის. 

რაც შეეხება დანარჩენ კატეგორიებს, განსაზღვრულია ჯამში 4 კატეგორია, საიდანაც მეორე კატეგორიის - ე.წ. წამყვანის სტატუსის მქონე მასწავლებლია 231, მესამე კატეგორიის - ე.წ. უფროსის სტატუსის მქონე მასწავლებელია 17 179, ხოლო მეოთხე კატეგორია - ე.წ. პრაქტიკოსის სტატუსის მქონე მასწავლებლი, რაც ყველაზე დაბალ საფეხურად ითვლება, 44 611 პედაგოგს მოიცავს. ამასთან, ოფიციალური ინფორმაციით, დღეის მდგომარეობით, 67 342 მასწავლებლიდან საჯარო სკოლებში 59 093, ხოლო კერძო ზოგადსაგანმანათლებლო დაწესებულებებში - 8249 მასწავლებელი მუშაობს. აღსანიშნავია, რომ ზოგიერთი მასწავლებელი მუშაობს როგორც საჯარო სკოლაში, ასევე კერძო სკოლაში.

1 თებერვლიდან წამყვანი და მენტორი მასწავლებლების ხელფასი გაიზარდა. წამყვანი მასწავლებელი დანამატის სახით 700 ლარს, მენტორი კი 1000 ლარს მიიღებს. შესაბამის ბრძანებაზე განათლების მინისტრს ხელი უკვე მოწერილი აქვს. დღეის მდგომარეობით, წამყვანი მასწავლებლის დანამატი 250 ლარი იყო, მენტორის კი 300 ლარი.

მეტის ნახვა
9-02-2018, 15:25