წინა კვირას, "რუსთავი 2"-ზე კვესიტაძე-გვარამიას მორიგი "შედევრი" ვიხილეთ, რასაც ზაზა ოქუაშვილის ინტერვიუ ერქვა. მსგავსი "საცოდაობა" ჯერ არ მინახავს, ხსენებულმა დუეტმა ამჯერად საკუთარ თავსაც აჯობა. რაც შეეხება ლონდონიდან ჩართულ რესპონდენტს, მის გამოსვლებს "იბერიის" ეთერში იმ პერიოდში ვუყურებდი, როცა ნაციონალები აქტიურად ემზადებოდნენ ოქუაშვილის "გასაკულაკებლად". სიმართლე გითხრათ, არც მაშინ ვყოფილვარ ამ "დიდი" ბიზნესმენის გონებამახვილობა-მჭევრმეტყველებით აღფრთოვანებული, მაგრამ "აქცენტებში" საერთოდ, "რეკორდი" მოხსნა.

მეორე დილას, ეზოში ჩემუბნელი, როგორც თვითონ ამბობს, "კარენოი" ქალაქელი ედიკა შემომეყარა და მეუბნება, მანანაჯან, ამ ზაზას საერთოდ არა სცხვენია? წუხელ ვუსმინე, ეს რეებს ბოდიალობდა ტო. ჟურნალისტი ხო ხარ, ერთი ჰკითხე რა, ზაზაჯან, ცავატანემ, შენ ნამუსი სავსემ ჩუნეს-თქო? ედიკა კარგად იყოს, ჩვენ კი გავიხსენოთ, ვინ არის ზაზა ოქუაშვილი, რომელიც თავისი ბოლო ინტერვიუთი საქართველოს "მხსნელად" მოგვევლინა, თურმე მან უნდა დაიცვას დემოკრატია, სიტყვის თავისუფლება და რაც მთავარია, ალ კაპონეებისგან უნდა გაათავისუფლოს ქვეყანა. მე აუცილებლად ჩამოვალო, ბრძანა ზაზა-"მესიამ", არ ჩამოხვიდე, რამე არ მოგწიონო, "შეშფოთდა" გვარამია, მაგრამ ვერ დაიყოლია. არა, მე აუცილებლად უნდა ჩამოვიდე, ეს რეჟიმი უნდა დავამთავროთო, გაჯიუტდა ზაზა.

ვფიქრობთ, ზაზა ოქუაშვილს შემთხვევით არ გასჩენია ამბიცია, გმირობასა და ქვეყნის მხსნელობაზე, ეტყობა გარკვეულმა ძალებმა დაარწმუნეს, 28 ოქტომბერს ყოველგვარი ეჭვის გარეშე ნაცმოძრაობის საპრეზიდენტო კანდიდატი გრიგოლ ვაშაძე გაიმარჯვებს და შენც უნდა შეიტანო "წვლილი" ამ ამბავშიო. ეჭვი მაქვს, "მარწმუნებლები" მარტო ნაციონალები არ არიან, სხვა წონიანი ფიგურებიც დაიხმარეს, ნაცებს ხომ ეხერხებათ ასეთი რამეები. იმასაც ვეჭვობ, რომ ეს "ფიგურები" ქართველები არ არიან, ბატონი გრიგოლის წარსულს თუ გავიხსენებთ, დიდი ალბათობით რუსები იქნებოდნენ, რომლებმაც ოქუაშვილს "უტყუარი" ინფორმაცია მიაწოდეს, "ზემოთ" ყველაფერი გადაწყვეტილია, ბიძინა ივანიშვილის ხელისუფლება უკვე დამთავრებულია და 28 ოქტომბერს ვაშაძის "გამარჯვებას" ვიზეიმებთო. თანაც პირობა მიუციათ, რომ გამარჯვებისთანავე, მის კომპანიებს ყველა ვალს ჩამოაწერდნენ, შეუქმნიდნენ უაღრესად კომფორტულ პირობებს, მისი ბიზნესი კიდევ უფრო "გაიფურჩქნებოდა" და თავად ზაზას პრემიერ-მინისტრად თუ არა, მინისტრად მაინც დანიშნავდნენ. მის ინტერვიუს ყურადღებით და ობიექტური შემფასებლის თვალით თუ დააკვირდებოთ, აშკარად ჩანდა, რომ ეს კაცი, როგორც თავად კოლექტიური ნაციონალების უმეტესობა, რაღაც თავის გამოგონილ სამყაროში ცხოვრობს. ნაცებს, როგორც ჩანს კარგად ჰქონდათ შესწავლილი მისი პიროვნული თვისებები და არ გაუჭირდებოდათ დაერწმუნებინათ, რომ გმირია, ქვეყანას უნდა უშველოს, სხვა გამოსავალი არ არის, მათი კარნახით უნდა იმოქმედოს. ეს ყველაფერი კარგი, მაგრამ მარტივ ენაზე რა შეიძლება ვუწოდოთ იმ ადამიანს, რომელიც კუდის რიკამდე გაატყავეს ნაციონალებმა, დევნილად აქციეს, ახლა მათ სიყვარულს ეფიცება, ხოლო იმ ხალხს ლანძღავს, ვინც წართმეული დაუბრუნა და ბიზნესის გაგრძელების საშუალება მისცა?! ამის გარკვევაში ზაზა ოქუაშვილის ბიზნეს-წარსული დაგვეხმარება.

არ მკითხოთ, როგორ ვიშოვე პირველი მილიონი

ზაზა ოქუაშვილს შეიძლება "დაავიწყდა", მაგრამ ბევრს ახსოვს როგორ დაიწყო მისი "ბიზნეს-მოღვაწეობა". იყო დრო, ეს ბატონი სიგარეტებით სავსე ცელოფანის პარკებით რომ დარბოდა საბურთალოზე და სავაჭრო ჯიხურებს აბარებდა. როგორც ამბობენ, დამწყები ბიზნესმენის "სამოქმედო არეალი", მიცკევიჩის ქუჩა იყო, სადაც დევნილობამდე ცხოვრობდა ედუარდ შევარდნაძის მიერ ჯერ უშიშროების მინისტრად დანიშნული და შემდეგ №1 ტერორისტად გამოცხადებული იგორ გიორგაძე. სწორედ მან გაუკვალა გზა ოქუაშვილს დიდი ბიზნესისკენო.

სხვათა შორის, იგორ გიორგაძე არც მალავდა, რომ მისი უწყება სიგარეტის კონტრაბანდით იყო დაკავებული, რა ვქნა, სახელმწიფო ხაზინა ცარიელია, ჩემს თანამშრომლებს მშიერს ხომ ვერ დავტოვებო. ცხადია, მინისტრი გიორგაძე მარტო ვერ შეძლებდა "ბიზნესის" გაძღოლას და ოქუაშვილის სახით, საქმეში "სანდო" და "გამოცდილი" კაცი ჩართო. ამ ქართველ "ბიზნესმენებს" კავშირი ჰქონდათ ამერიკულ კომპანია "ფილიპ-მორისის", მოსკოვში მდებარე რეგიონალურ ოფისთან, რომელიც თითქმის მთელ პოსტსაბჭოთა სივრცეს მოიცავდა. სწორედ იგორ გიორგაძეს შეუთავაზებია ამ ოფისისთვის, რომ საქართველოში თავიანთ წარმომადგენლად ზაზა ოქუაშვილი დაენიშნათ. ასევე, გიორგაძემ დააკავშირა ოქუაშვილი ასლან აბაშიძეს და ერთობლივი დიდი ბიზნესი ააწყობინაო. ოქუაშვილის კომპანიის დასახელებაც ("ომეგა"), ალბათ უშიშროების სამინისტროსთან მჭიდრო ურთიერთობებიდან მოდის, თავის დროზე, სწორედ იგორ გიორგაძემ ჩამოაყალიბა სპეცდანიშნულების რაზმები სახელწოდებით "ალფა" და "ომეგა". კომპეტენტური წყაროს ცნობით, გიორგაძის ხალხი იყო ამ აწ უკვე საერთო ბიზნესის კონკურენტებს რომ დაერეოდნენ ხოლმე, ავტომატებით უსაფრდებოდნენ და აყაჩაღებდნენ, იყო საგადასახადო სტრუქტურებში ჩივილი თუ მივარდნები. ოქუაშვილი იგორ გიორგაძის მფარველობით "გულაობდა", ის თავადაც მონაწილეობდა კონკურენტების დარეკეტებაშიო. გიორგაძე კი გააქციეს საქართველოდან, მაგრამ ოქუაშვილის ბიზნესს პრობლემა არ შექმნია, წარმატებით აგრძელებდა თავის საქმეს. ეს არც არის გასაკვირი, გიორგაძე რუსეთს "შეეხიზნა", ასე რომ, არ გაუჭირდებოდა ოქუაშვილის დახმარებოდა, ხოლო ასლან აბაშიძე კვლავ აჭარის ერთპიროვნული მმართველი და ბუნებრივია, არავის დააჩაგვრინებდა ბიზნესპარტნიორს. ბოლო ხანს, ერთ-ერთმა ფეისბუქელმა ზაზა ოქუაშვილს წარსული შეახსენა, ცოლ-ქმარი რომ ამბობთ, ნაციონალების დროს სამართალს მივაღწიეთ, ნაციონალებმა მართალია, ზარალი მოგვაყენეს, მაგრამ რესტრუქტურიზაცია გაკეთდა და აქედან გამომდინარე, როგორ შევადაროთ ერთმანეთს ნაცმოძრაობა და "ქართული ოცნება", ეს უკანასკნელი უარესიაო. შეგახსენებთ, "შავბნელ" 90-იან წლებში როგორ იშოვეთ პირველი მილიონი. გვახსოვს, "ომეგასა" და თამაზ ელიზბარაშვილის "ელიზის" თანაცხოვრების პერიოდი, ამ ორ კომპანიას რომ გქონდათ მონოპოლიზებული სიგარეტის ბიზნესი. მოკლე ხანში, ერთმანეთს დაუპირისპირდით, როდესაც "ომეგა" და "ელიზი" ერთი გუნდი აღარ იყავით, ბაზრის გადანაწილების გამო, სისხლიანი გარჩევები დაიწყეთ, რაც თქვენი კომპანიის გამარჯვებით დასრულდა. მაშინდელ სს-ის საქმეებს რომ გადავხედოთ, უამრავია "ომეგას" მფლობელების წინააღმდეგ აღძრული საქმეები, რომლებიც ბურუსით იყო მოცული და მალევე გაურკვეველ ვითარებაში იფარცხებოდა, იქიდან გამომდინარე, რომ ოქუაშვილმა მფარველად ასლან აბაშიძე გაიჩინა და მისი ბიზნესიც ხელშეუხებელი გახდაო.

ერთი სიტყვით, ზაზა ოქუაშვილი შევარდნაძის მმართველობის დასრულებამდე მშვენივრად გრძნობდა თავს, მის ბიზნესს სასათბურე პირობები ჰქონდა შექმნილი და ყვაოდა. სანდო წყაროს ცნობით, სწორედ იმ დროს იშოვა ზაზა-ბატონმა ძალიან დიდი ფული. აქვე აუცილებლად უნდა ითქვას, რომ "ფილიპ მორისის" რუსეთის რეგიონალური ოფისი ანგარიშს უწევდა რუსულ პოლიტიკურ ინტერესებს, აქედან გამომდინარე, სიგარეტის ბიზნესი ძალზე სერიოზული ბერკეტი იყო რუსეთისთვის, კავკასიის რეგიონში პოლიტიკური ინტერესების გასატარებლად. ასე რომ, ზაზა ოქუაშვილი თავის ახალ "პატრონებთან" ერთად ვინმესკენ ხელს გაიშვერს, რუსეთის ინტერესების გამტარებელია, ჯერ თავის ბიოგრაფიას გადახედოს. მისი სრული "პორტრეტისთვის" უფრო დეტალურად უნდა გავიხსენოთ "ელიზის" დაყაჩაღების ამბავი, რომელზეც ლამის მთელი საქართველო ლაპარაკობდა და მთავარ ფიგურანტად, სწორედ "ომეგას" მესვეურებს თვლიდა. ეს სისხლიანი ანგარიშსწორება კინაღამ ფატალური შედეგით დამთავრდა. როგორც ამბობდნენ, ავტომატის კონდახებით დაუმტვრიეს "ელიზის" თანამშრომლებს ცხვირპირი და პროდუქციაც წაართვეს. იმავე პერიოდში სასტიკად გაუსწორდნენ თავად თამაზ ელიზბარაშვილსაც, რამდენადაც მახსოვს, ის გისოსებს მიღმაც გამოამწყვდიეს. აი, ეს კაცია ოქუაშვილი თავისი "უმწიკვლო" წარსულით, რომელიც დღეს "მაღალ მატერიებზე" გვესაუბრება, ამ წარსულის მქონე კაცი, სახელმწიფო ინტერესების დამცველად და ქვეყნის მხსნელად წარმოგვიჩენს თავს.

მელას თავისი მახრჩობელა მართლა უყვარს?!

სანამ იმაზე ვისაუბრებდეთ, სად და როგორ მოხდ ზაზა ოქუაშვილისა და ნაციონალების "დაძმობილება", გავიხსენოთ, როგორ "გააკულაკეს" ოქუაშვილი "ვარდოსნებმა" და "ყარიბადაც" აქციეს. მიხეილ სააკაშვილმა რა თქმა უნდა, კარგად იცოდა სინამდვილეში ვისი იყო ის რუსების მიერ "დაკრიშული" ბიზნესი, რომელსაც ოქუაშვილის ბიზნესს ეძახდნენ. გასაკვირიც იქნებოდა, არ სცოდნოდა სხვა ყველაფერს რომ თავი დავანებოთ, "კაგებეს" გენერლის დისშვილსა და თავადაც "კაგებეს" ჯარში ნამსახურებ კაცს. სააკაშვილს კატეგორიულად მოუთხოვია "ფილიპ-მორისის" ხელმძღვანელობისთვის, ოქუაშვილი მოაშორეთ, სახელმწიფოს წინააღმდეგ იბრძვის, დავით კეზერაშვილი დავნიშნოთ საქართველოში თქვენს წარმომადგენლადო. მათ უარი უთქვამთ, ოქუაშვილთან ხელშეკრულება გვაქვს გაფორმებული, ეს რომ გავაკეთოთ, ძალიან სერიოზულ ჯარიმას "ავიკიდებთო". ამ "პაექრობაში" უკრაინის მხარეც ჩაერთო, რომელთანაც სააკაშვილს მაშინ ძალიან კარგი ურთიერთობა ჰქონდა. უკრაინელები "ფილიპ მორისის" ხელმძღვანელობას დამუქრებიან, თუ ოქუაშვილის ადგილზე კეზერაშვილს არ დანიშნავთ, სერიოზულ პრობლემებს შეუქმნიდნენ, თქვენ პროდუქციას უკრაინაში არ გავასაღებთო. "ფილიპ მორისი" მაინც უარზე იყო, ძალიან დიდი ჯარიმის გადახდა მომიწევსო, ბოლო ჯამში ეს ამბავი იმით დასრულდა, რომ ოქუაშვილს სააკაშვილმა და მისმა ბანდამ "ფილიპ მორისის" ნაცვლად გადაუხადა 70 მილიონი დოლარი, ოქუაშვილი მეტს ითხოვდა, მაგრამ ეს თანხა მისცესო. ჩვენი წყარო დაზუსტებით ვერ ამბობს, ზუსტად როდის მოხდა ეს "აღებ-მიცემობა", სავარაუდოდ ოქუაშვილისთვის ბიზნესის "ახევამდე" მოხდა. მან ეს ფული აიღო, მაგრამ ჩვევული მეთოდი გამოიყენა (რასაც ახლა აკეთებს) სცადა ბიზნესის შენარჩუნება და სასამართლოში უჩივლა "ფილიპ მორისს", ამიტომაც დასცხო სააკაშვილმა და თავიდან ბოლომდე გაანადგურაო. მოგეხსენებათ, ოქუაშვილი საქართველოდან გაიქცა, მის მთელ ქონებას ნაცმოძრაობა დაეპატრონა, ეს ყველაფერი დავით კეზერაშვილმა გადაიბარა. ინტერნეტსივრცეში გავრცელებული ინფორმაციებს თუ დავუჯერებთ, ოქუაშვილს "ემიგრანტობის" პერიოდშიც გაუგრძელებია საქართველოში "მოღვაწეობა". ნაცხელისუფლების მაშინდელმა მაღალჩინოსანმა ირაკლი ოქრუაშვილმა მას დიდძალი თანხის "ქეშად" გადახდის სანაცვლოდ, მუშაობის უფლება მისცა, მაგრამ რამდენჯერმე კვლავ გახდა ნაცჩინოვნიკების რეკეტის მსხვერპლი, ოღონდ ამჯერად ხმა არ ამოუღია. ოქუაშვილ-ჩხეიძის წყვილი ახლა ათას სისულელეს რომ ლაპარაკობს, იქნებ გვითხრან რატომ "აახია" ერეკლე კოდუამ "ბმვ"-ს მარკის ავტონქანები 40.000 ევროსთან ერთად, როგორ გაეხვივნენ სკანდალში და ჩაფარცხეს დამტვრეული ავტომანქანების საქმეო. ოქუაშვილის კომპანიას, გადაზიდვის დროს დაზიანებული რამდენიმე ავტომანქანა შეუკეთებია და კონვეიერიდან ახლად ჩამოსულის ფასში გაუყიდია. "ომეგას" ერთ-ერთი მენეჯერი თაღლითობის ბრალდებით ყოფილა დაკავებული. ზაზა ოქუაშვილს აქტიური კომუნიკაცია ჰქონია "ქვეყნისხერხემალ" მერაბიშვილთან, "პაბეგში" მყოფი ოქუაშვილი საქართველოში ყველა ჩამოსვლაზე დღიურად დაწესებულ თანხას (50.000 აშშ დოლარი) იხდიდა, ოქუაშვილს სამშობლოში ერთკვირიანი `ვიზიტი~ 350.000 დოლარი უჯდებოდა...

ფულს თუ არ გადაიხდიდა, არ შემოუშვებდნენო. აქვე ერთი ძალზე საგულისხმო დეტალი, როგორც ანონიმი ფეისბუქმომხმარებელი წერს, ის პიროვნება, რომელიც თიბისი ბანკში გადაღებულ ფოტოზე ჩანს, ზაზა ოქუაშვილის თანამშრომელია, რომელიც დამტვრეული ავტომანქანების რეალიზაციასთან დაკავშირებით, თაღლითობის ბრალდებით იქნა გასამართლებული.

ახლა, რაც შეეხება სააკაშვილ-ოქუაშვილის "ჩახუტებას". ჩვენს ხელთ არსებული ინფორმაციით, 2017 წლის დასაწყისში, სავარაუ- დოდ იანვრის თვეში, ზაზა ოქუაშვილი ევროპაში ხვდება "რუსთავი-2"- ის წარმომადგენლებს, ოღონდ არა გვარამიას და სხვა წვრილფეხობას, არამედ ტელეკომპანიის ე.წ. მეპატრონეების ნდობით აღჭურვილ პირებს და სწორედ მაშინ იგეგმება ის "აბსურდის თეატრი", რასაც დღეს ვუყურებთ. როგორ აღმოჩნდა ოქუაშვილი სააკაშვილთან, რომელმაც ფაქტობრივად ყველაფერი წაართვა და დევნილადაც აქცია. ერთია, თვითონ ზაზა ოქუაშვილის მორალურ- ზნეობრივი თვისებები, რაც ემატება "ბიზნესინტერესი" და შურისძიება. მოგეხსენებათ, სააკაშვილსა და კეზერაშვილს შორის კაი ხნის წინ გაირბინა "შავმა კატამ", ეს უკანასკნელი ნაცმოძრაობას აღარ აფინანსებდა, მაგრამ "ეჭვმიტანილი" იქნა, რომ აფინანსებდა "ევროპულ საქართველო. ისე, დღეს ამას დამფინანსებელ-დაფინანსებულები აღარ მალავენ. ოქუაშვილმა ამ შემთხვევით ისარგებლა, მართალია, ორივე კეზერაშვილიც და სააკაშვილიც მისი მტრები იყვნენ, მაგრამ ამ შემთხვევაში მისი და სააკაშვილის ინტერესები ერთმანეთს დაემთხვა, ერთმანეთს ჭირდებოდნენ და მოხდა კიდეც მათიჩაბრატება". ოქუაშვილი ხვდება რუსთავი-2"-ის მესვეურებს და სააკაშვილის უშუალო ხელმძღვანელობით იწერება სცენარი, რა და როგორ უნდა გაკეთდეს. ოქუაშვილს დაევალა ყველაფერი ჩაეწერა, მერე აქედან სხვა მასალას შევქმნით, ოღონდ ეს საპრეზიდენტო არჩევნების დასაწყისამდე დღის სინათლეს ვერ იხილავს, ერთი თვით ადრე გამოქვეყნდებაო.

ოქუაშვილი და კოლექტიური ნაცები ბიძინა ივანიშვილისა და "ქართული ოცნების" დაპირებებზე რომ ქირქილებენ, თუ ამნეზია დაემართათ, ჩვენ გავახსენებთ, ბიძინა ივანიშვილი პრემიერ-მინისტრის რანგში რომ შეხვდა სააკაშვილის რეჟიმის დროს დატერორებულ ბიზნესმენებს და მათ სამართლებრივი თუ ეკონომიკური დახმარება გაუწია. მან უამრავი კომპანიას გამოუყო ფინანსები საკუთარი თანაინვეს- ტირების ფონდიდან, მუშაობა რომ გაეგრძელებინათ, აქედან გამომდინარე ბატონმა ბიძინამ ათასობით ადამიანი იხსნა უმუშევრობისგან.

ის "პატივცემულ" ოქუაშვილსაც შეხვდა, რასაც არც ეს უკანასკნელი არ უარყოფს, ოქუაშვილი თურმე თავზე ნაცარს იყრიდა, ბიზნესმენი კაცი, პოლიტიკაში არ უნდა ჩავრეულიყავი, არც მედიასაშუალება უნდა მქონოდა, რადგან ამის გამო გავხდი დევნის ობიექტიო. ეს ახალი მოდის "ძე-შეცთომილი" თურმე ყველაფერს იფიცებდა, მსგავს შეცდომებს აღარ გავიმეორებო და იხვეწებოდა ბიზნესის წარმოებაში დამეხმარეთო. სარწმუნო წყაროს ცნობით, ბატონმა ბიძინამ მას პირობა მისცა, რომ არაფერი ემუქრებოდა, თუ რაიმე პრობლემა შეექმნებოდა, ნებისმიერ დროს შეხვდებოდა და დაეხმარებოდა. ამ საუბრის შემდეგ, საგადასახადო სამსახური შევიდა ოქუაშვილის კომპანიაში, აღიწერა წარმოება, ყველაფერი გასწორდა, ფინანსთა სამინისტრომ ბევრი რამ აპატია კიდეც, საბოლოო ჯამში, "ომეგა ჯგუფის" რამდენიმე მილიონი ლარი დავალიანებაც ჩამოაწერეს და "განწმენდილებმა" დაიწყეს მუშაობაო.


მანანა სუხიშვილი

მეტის ნახვა
13-10-2018, 09:30


გვესაუბრება ანალიტიკოსი ვაჟა ბერიძე:

_ ბატონო ვაჟა, "ეროვნულმა ბანკმა" კომერციული ბანკებისთვის, მიკრო-საფინანსო ორგანიზაციებისთვის, მოსახლეობაში ჭარბვალიანობასთან დაკავშირებით, ახალი რეგულაციები შემოიღო. რა საფრთხეებზე შეგვიძლია ვისაუბროთ ამ შემთხვევაში?

_ უწინარეს ყოვლისა, არავის უნდა დაავიწყდეს, რომ მთავარი ამოცანა მოსახლეობის კეთილდღეობაა. ჩვენი ეკონომიკის არცთუ სახარბიელო მდგომარეობიდან გამომდინარე, ხალხის დასაქმების პრობლემა სერიოზულია. ამიტომ, მოქალაქეები იძულებულნი არიან სხვადასხვა საფინანსო ორგანიზაციებიდან სესხები აიღონ და ასეთ ვითარებაში, ისინი, ხშირად, არ ითვალისწინებენ საკუთარ გადახდისუნარიანობას. შედეგად, რთულდება პრობლემა, რასაც ჭარბვალიანობა ჰქვია. ამდენად, მთავრობა, "ეროვნული ბანკი" იძულებულნი გახდნენ, ამ მიმართულებით, რეგულაციები შემოეღოთ. ცალსახად უნდა ითქვას, რომ ეს რეგულაციები საჭირო და აუცილებელია იმდენად რამდენადაც მოსახლეობას მომავალში პრობლემებისგან აზღვევს. მაგალითად, როგორ ხდება ახლა? _ ხალხს ბანკში ჩადებული აქვს უძრავი ქონება _ საცხოვრებელი ბინები, ვალებს ვეღარ იხდიან და სახლის დაკარგვა ემუქრებათ. პროცესი რომელიც მიდის _ სესხების გაპრობლემურება, რასაც თან შესაბამისი საფინანსო, სამართლებრივი პროცედურები ახლავს, მოსახლეობას უმძიმეს მდგომარეობაში აგდებს. ერთი მხრივ, ეს რეგულაციები, ამ თვალსაზრისით, კარგი საშუალებაა შემდგომი პაუპერიზაციის _ მოსახლეობის გაღატაკების თავიდან ასარიდებლად. მეორე მხრივ, ამ პრობლემას კრიტიკულად უნდა შევხედო თ. კერძოდ, მთავრობა და ახალი პრემიერი მამუკა ბახტაძე ისე წარმოაჩენენ, თითქოს, ჭარბვალიანობა სიღარიბის სერიოზული განმაპირობებელი და ფაქტორია. თუმცა, მე, არ დავეთანხმებოდი ასე ცალსახად პრობლემის გაშიფვრას. რეალურად, ჭარბვალიანობა კი არ არის სიღარიბის წარმომშობი, არამედ სიღარიბე არის ჭარბვალიანობის განმაპირობებელი. აქედან გამომდინარე, ჩვენ სხვაგვარად ვებრძვით _ შედეგს და არა მიზეზს. ზოგჯერ, საარსებო პრობლემების გადასაჭრელად მოქალაქემ თუნდაც, დროებით, პრობლემის მოსაგვარებლად, საფინანსო ორგანიზაციას უნდა მიმართოს. ამ დროს, თუ მას აღარ ექნება საშუალება, რომ მომავლის იმედით პრობლემა დროებით მაინც მოიგვაროს, მაშინ იგი გამოუვალ მდგომარეობაში აღმოჩნდება, წინა პლანზე წამოიწევს სიღატაკის პრობლემა და შრომისუნარიანი მოსახლეობა ქვეყნიდან რუსეთში, ევროპაში, თურქეთში გაიხიზნება როგორც ეს დღემდე ხდება და დეპოპულაციის პროცესი ანუ, შრომისუნარიანი მოსახლეობის ქვეყნიდან დაცლა კიდევ უფრო გაღრმავდება. საბოლოო ჯამში, ამას შედეგად ქვეყნის და სოციალური პრობლემების კიდევ უფრო მეტად დაბერება მოყვება. ქვეყანაში დარჩებიან მოხუცები და ბავშვები როგორც 90-იან წლებში რაჭის სოფლებში გვქონდა. იქ, ეს ვითარება დღემდე შენარჩუნებულია. ამიტომ, ჭარბვალიანობის თემა და რეგულაციები უნდა განვიხილოთ როგორც საფინანსო-ეკონომიკური პრობლემა და ამასთანავე, ქვეყნის სოციალური სატკივარი. 

_ ამ რეგულაციების შედეგად, აშკარაა, რომ მოსახლეობის დიდი ნაწილი საბანკო მომსახურებით ვერ ისარგებლებს, ვერ აიღებს სესხს და იძულებული გახდება მევახშეს მიმართოს. დროთა განმავლობაში, შეიძლება, მევახშეს თანხა ვეღარ გადაუხადოს და სახეზე კრიმინალური სამყაროს რეანიმაცია მივიღოთ როგორც ეს 90-იან წლებში იყო.

_ ცხადია, მოსახლეობის დიდი ნაწილი ვეღარ ისარგებლებს საბანკო მომსახურებით. ეს გასაგებია, მაგრამ, ამ შემთხვევაში, ჩვენ იმ მოტივით, რომ ვთქვათ, მევახშეობა უფრო მასობრივი გახდება, არ შეიძლება თვალი დავხუჭოთ პრობლემაზე და მიკრო-საფინანსო ორგანიზაციებს საშუალება მივცეთ მოსახლეობა ძარცვოს და შედეგად, სოციალური ფონი კიდევ უფრო დამძიმდეს.

_ მაგრამ რა მნიშვნელობა აქვს მიკრო-საფინანსო ორგანიზაცია გაგვძარცვავს თუ მევახშე?

_ ეს კომპლექსური თემაა და მასშტაბური ხედვიდან გამომდინარე, ცალსახად, მოგვარებული უნდა იყოს. რაც შეეხება მევახშეობას, ამასაც, ასევე, კანონი არეგულირებს. მევახშეობაც აბსოლუტურად ლეგალური უნდა გახდეს, ანუ, ცალკეული პირების მიერ ფულის გასესხება კანონს უნდა დაექვემდებაროს. თუ ადამიანები მაინც გააგრძელებენ დაურეგისტრირებლად, არალეგალურად სესხების მიცემას და მოქალაქეების დაკაბალებას, ამ შემთხვევაში, პასუხისმგებლობა ეკისრება როგორც მევახშეს, ისე მოქალაქეს, რომლებიც არალეგალურ, არასამართლებრივ ურთიერთობაში შედიან ერთმანეთთან. ამიტომ, აქ გამოსავალი ისევ და ისევ კანონის და კონტროლის გამკაცრებაა, რათა სხვა ნეგატიურ მოვლენას ვთქვათ, მევახშეობის მიმართულებით აქცენტის გადატანას, ადგილი არ ჰქონდეს.

_ მოქალაქეს ვინც ვეღარც ბანკიდან აიღებს სესხს და ვერც მევახშეს მიმართვას, რა გზა რჩება?

_ თუ შრომისუნარიანია საზღვარგარეთ ემიგრაცია და იქ სამუშაოს ძებნა. შრომისუუნარო მოსახლეობის მდგომარეობა კი, ვისაც ქვეყნიდან თავის გადასარჩენად გასვლა არ შეეძლება, კიდევ უფრო დამძიმდება. ცალსახად შემიძლია ვთქვა: ადამიანმა სესხი აიღოს იმ შემთხვევაში, როდესაც არ აქვს შესაბამისი შემოსავლები, რითაც ამ სესხს მოემსახურება, გამოსავალი არ არის.

_ თქვენ, თქვით: ხალხი ქვეყნიდან გაიქცევაო. ხომ არ დადგა დრო, ხელისუფლებამ იმოქმედოს იმ მიმართულებით, რომ განვითარდეს ადგილობრივი ეკონომიკა?


_ მიუხედავად იმისა, რომ სხვადასხვა საერთაშორისო რეიტინგული ორგანიზაციების მონაცემებით საქართველო საკმაოდ მაღალ პოზიციას იკავებს ბიზნესის კეთების სიიოლით და ბიზნესგარემოს მდგომარეობით, ეს არსებულ რეალობას სრულად არ ასახავს. თუმცა, გარკვეულწილად, სწორი ტენდენციის მანიშნებელია. ეს აქცენტები უფრო მეტად უნდა დაისვას. აქვე ვიტყვი, რომ ამ ყველაფრის გაკეთება იმ პირობებში, როდესაც ქვეყანა, ფაქტობრივად, საომარ მდგომარეობაშია ჩვენს დიდ მეზობელთან _ რუსეთთან, ადვილი არ არის. არასახარბიელო ეკონომიკური ფონია თავად რუსეთში, თურქეთში, სხვა მეზობელ ქვეყნებში. ისევ და ისევ გაბედული ნაბიჯები, რადიკალური ეკონომიკური რეფორმა, ბევრი მიმართულებით, საშუალებას მოგვცემს ახალი სამუშაო ადგილები შევქმნათ. სხვა შემთხვევაში, ჩვენ, გამოსავალი არ გვაქვს იმიტომ, რომ დასავლური ბიზნესი აღმოსავლეთისკენ ხალისით არ მოდის, ხოლო რუსული კაპიტალის აქტივობას ქვეყანაში, ჩვენი დასავლეთელი, სტრატეგიული პარტნიორები არ მიესალმებიან. 

_ რამდენად არის პრობლემატური საკითხი: ქვეყანაში არ არსებობს საშუალო ფენა, ღარიბ და მდიდარ ფენებს შუა დიდი უფსკრულია. ეს ეკონომიკის განვითარებას ხელს არ უშლის?

_ ამ სიტუაციის შეცვლა ძალიან ძნელი იქნება, რადგან ის, რომ ჩვენ, გვყავს ცოტა მდიდარი და ბევრი ღარიბი, შუა ფენა კი არ არსებობს, ესეც არსებული ეკონომიკური პოლიტიკის შედეგია. ყველა ქვეყანაში, სადაც ეკონომიკური ზრდა დამაიმედებელია, ეს წინსვლა საშუალო ბიზნესის ხარჯზე ხდება. ჩვენთან, როცა ინვესტიციები მოცულობით საკმარისი არ არის, რეგიონში ვითარება საკმაოდ მძიმეა თუნდაც, საბაზრო ეკონომიკის საკმაოდ სერიოზული ხარვეზების შემცველი მდგომარეობიდან გამომდინარე, ძალიან ძნელი იქნება, სოციალური ნარჩენების სტრუქტურა, რაც დღეს გვაქვს, მოკლე ხანში შეიცვალოს. ცოტა მდიდარი ადამიანი რომ გვყავს და ტრანსფორმაციული პერიოდის ეკონომიკა საშუალებას აძლევს ცალკეულ პირებს, ხშირად, უკანონოდაც გამდიდრდნენ, ეს მათი ბრალი არ არის, რადგან ბიზნესი კეთდება ისე როგორც კეთდება. რა თქმა უნდა, ბიზნესი ლეგალურ ჩარჩოებში უნდა ჯდებოდეს, მაგრამ სამწუხაროდ, ამ პროცესის რეგულირება გარდამავალი პერიოდის ეკონომიკის მქონე ქვეყნებში ფერხდება. მაგრამ ჩვენ, ამის გამო, სიღარიბის ფილოსოფიით არ უნდა ვიცხოვროთ. რაც უფრო მეტი მდიდარი იქნება, რაც უფრო მეტი ადამიანი არ დამალავს თავის ქონებას, ანუ, არ გადამალავს საკუთარ მოგებას და ფინანსებს ოფშორებში, საიდანაც მერე, ხშირად, შემოდის როგორც ინვესტიცია, ქვეყნისთვის უკეთესი იქნება. რადგან ასეთ ვითარებაში ადამიანები მდიდრდებიან, საზღვარგარეთ მიდიან და იქ, აკეთებენ ბიზნესს, სადაც უფრო უსაფრთხოდ გრძნობენ თავს. ჩვენი მასის ფსიქოლოგია, რომელსაც მდიდრები სძულს, ზოგჯერ, ქვეყანას დათვურ სამსახურს უწევს. ამიტომ, ჩვენ, ყველანაირად უნდა წავახალისოთ საშუალო და მცირე ბიზნესი, რათა უფრო მეტი ადამიანი დასაქმდეს. თუმცა, ამ მიმართულებით, ჯერჯერობით, ხელშესახები ცოტაა. ისევ და ისევ, ტურიზმის იმედად ვართ. თავისთავად, ეს ძალიან კარგია, მაგრამ როდესაც საქართველოში ტურისტი ჩამოდის და მიირთმევს თურქულ ბოსტნეულს, სომხურ ხილს, აზერბაიჯანულ ნაწარმს და ა.შ. ჩვენ, მხოლოდ მომსახურების სფერო გვრჩება, რაზეც წარმოება მიბმული ვერ არის. ჯერჯერობით, არ ხერხდება რომ იგივე, სოფლის მეურნეობის პროდუქცია _ კიტრი, პომიდორი, კარტოფილი და სხვა ჩვენთან იწარმოებოდეს და ადამიანებს ასაქმებდეს. ასე, რომ ეს პრობლემებიც ერთმანეთთან მჭიდრო კავშირშია და ვიდრე ეს ყველაფერი ეკონომიკური რეფორმების ჭრილში არ იქნება განხილული, ვითარების გაუმჯობესებას არ უნდა ველოდოთ.

თამარ შველიძე

მეტის ნახვა
13-10-2018, 06:30


ფრანკოფონიის მე-17 მსოფლიო სამიტის დღევანდელ დეკლარაციაში მსოფლიოს 84 ქვეყანა საქართველოს ტერიტორიულ მთლიანობას მხარს კიდევ ერთხელ დაუჭერს. ამის შესახებ ინფორმაციას იუსტიციის სამინისტრო ავრცელებს.

„მნიშვნელოვანია, რომ ჩვენი, ქართველი დიპლომატების მხრიდან მრავალი თვეა, მიმდინარეობს მუშაობა, რომ  მიღებულ ფრანკოფონიის დეკლარაციაში აისახოს საქართველოს ტერიტორიული მთლიანობის საკითხი და ამ მხრივ ჩვენ იმედიანად ვართ“, - აცხადებს თეა წულუკიანი.
იუსტიციის მინისტრი ორმხრივი შეხვედრების შესახებაც საუბრობს, რომელიც ბურკინა ფასოსა და ცენტრალური აფრიკის რესპუბლიკის საგარეო საქმეთა მინისტრებთან გაიმართა.

„მქონდა შესაძლებლობა, კიდევ ერთხელ მესაუბრა ამ ქვეყნების საგარეო საქმეთა მინისტრებთან იმის შესახებ, თუ რა მნიშვნელოვანია საქართველოსათვის რეფორმები და ძლიერი სახელმწიფოს მშენებლობა იმ პირობებში, როდესაც ჩვენი ქვეყანა ოკუპირებულია. ცენტრალური აფრიკის რესპუბლიკის საგარეო საქმეთა მინისტრმა დიდი მადლობა გადაუხადა საქართველოს იმისათვის, რომ ქართველი ჯარისკაცები მონაწილეობენ სამხრეთ აფრიკის რესპუბლიკაში საერთაშორისო უსაფრთხოების უზრუნველყოფის საქმეში“, – განაცხადა თეა წულუკიანმა.

თეა წულუკიანი ერევანში ფრანკოფონიის მე-17 მსოფლიო სამიტში მონაწილეობის მისაღებად იმყოფება.
სამიტი ფრანკოფონიის საერთაშორისო ორგანიზაციის პატრონაჟით იმართება. ღონისძიებას 40-მდე ქვეყნის სახელმწიფო მეთაურები – პრეზიდენტები, პრემიერმინისტრები და მინისტრები ესწრებიან. სამიტი საფრანგეთის პრეზიდენტის მისასალმებელი სიტყვით გაიხსნა.

მეტის ნახვა
12-10-2018, 12:00


ამა წლის 5 ოქტომბერს სოფლის კლუბ “იბერიაში” ელისტრახო კილაძე აათამთამეს - გამოუშვეს სცენაზე ვითარცა პატიოსნების განსახიერება და უფრთო ანგელოზი, ვითარცა უშიშარი, უხორცო და ერის დედაი, ქვეყნის გადამრჩენელი! ვაი, ვაი, ვაი... ნეტა არ ვიცნობდე მაინც, ხომ ვიცი, რა ნაგავსაყრელიც ბრძანდება - რა პატიოსნება, რი ანგელოზი, რომელი ქვეყნის გადამრჩენელი?!

ელოს პირველი “ჩეპე”:

ახლა, თავი რომ არ მოგაბეზროთ და გადაგღალოთ, მოკლედ გეტყვით, რეები იკადრა ამ ყველაფრის მკადრებელმა არსებამ: ისაო, დღეს ქართულ ჟურნალისტიკას “ქართული ოცნების” მხრიდან გრუ-ს ბებერი გენერალი ნუგზარ ფოფხაძე მართავსო. უფრო სწორად, იმ ნაწილს მართავს, სადაც თავმოყრილნი არიან სულწაწყმედილი ჟურნალისტებიო და ჩამოთვალა - “ასავალ-დასავალის” “სასტავი”, სააგენტო “რეპორტიორი” გიორგი მამაცაშვილის თამადობით, “საერთო გაზეთი” ვახტანგ ხარჩილავას თამადობით და მე, რომელსაც თურმე ჩემი საინფორმაციო სააგენტოც მქონია. საერთოდ, ელისო კილაძის ნაბოდვარზე რეაქცია არ მაქვს ხოლმე, მაგრამ ამჯერად ყურადღებას მხოლოდ რამდენიმე უზუსტობაზე გავამახვილებ. 

ქალბატონი ელეონორა თავისი ბინძური პირით ღაღადებს, თამაზ თამაზაშვილი ჩემთვის გადმოსაცემად ნუგზარ ფოფხაძეს ყოველთვიურად 20 ათას დოლარს ატანდა, მაგრამ არ მოჰქონდაო. გაიგონეთ? ატანდა და არ მოჰქონდაო!

ამ დროს არჩილ გამზარდია ზის სტუდიაში წამყვანად და თვალებს აჭყეტავს ქვადარტყმული ბაყაყივით. შე მართლა უჯიშო ქლიავო, თუ მიკერძოებული არ ხარ, ხომ უნდა ჰკითხო: ელო, ქალო, თუ თამაზაშვილი ფოფხაძეს შენთან 20 ათასს ატანდა, გამოდის, რაღაც გარიგება გქონდათ, ესე იგი, ფოფხაძე ზედელაშვილს, ხარჩილავას და სხვებს კი არა, შენ გმართავდა, შე მართლა უკუღმა მომართულო, შენა! 

ელოს მეორე “ჩეპე”: თავის მონოლოგში ერთგან ამბობს, როდესაც გაზეთის გამოცემა დავაპირე, ნუგზარ ფოფხაძე წილის 30 პროცენტს მთხოვდა და უარი ვუთხარიო. საერთოდ, ჩვენში ასეა, როცა ვინმე წილს ან მსგავს რამეს გთხოვს, ის ან ოჯახის წევრია, ან მეგობარი, ან კიდევ გარე ნათესავი. თუ ნუგზარ ფოფხაძე მე და ვახტანგ ხარჩილავას გვმართავს, მაშინ რატომ არ მოგვთხოვა წილები ჩვენ, როცა შპს-ებს ვარეგისტრირებდით? დიახ, მე მაქვს საინფორმაციო სააგენტო “ლიდერი”, რომლის წილის 100-პროცენტიანი მფლობელი არის ჩემი შვილი. რაღაც არ მახსენდება, ფოფხაძეს დაერეკოს და ეთქვას, წილში ჩამსვითო. თუ ვინმე დარეკავდა, ვეტყოდი, სად ერეკლე, სად - პაპაჩემის ყურებიანი ქუდი-მეთქი? არა, ელისომ ასე ვერ უთხრა ნუგზარ ფოფხაძეს, რადგან იმ პერიოდში მას გრუ–ს რეზიდენტს კი არა, მშობელ მამაზე უფრო საყვარელ მამას, გამზრდელს და გზის გამკვალავს ეძახდა და გაზეთიც მისი მეცადინეობით გამოსცა!

ელისტრახო სხაპასხუპით აფრქვევს ტყუილებს, ამ დროს არჩილ გამზარდია ისევ ზის სტუდიაში წამყვანად, როგორც ქვადარტყმული ბაყაყი და ხმას არ იღებს, მხოლოდ ერთხელ ხვნეშის, შოკში ვარო. ბებიაშენისამ, შოკში ხარ, დაგავალეს, ელეონორას არ შეაწყვეტინოო და შეასრულე კიდევაც გაჭყლეტილი ბაყაყის როლი. “ტოჟე მნე”, შოკშია ბიჭი!

ელოს მესამე “ჩეპე”: მოჰყვა, კაცო, მოჰყვა და აღარ გაჩერდა, აღარ ამოისუნთქა, აღარ გააკეთა პაუზა, ბევრი ზღაპარი ჰქონდა მოსაყოლი. თამაზ თამაზაშვილი რომ ფოფხაძეს ჩემთან 20 ათასს ატანდა 4 თვის განმავლობაში, ამის შესახებ თამაზაშვილმა რეზო ამაშუკელს უთხრა, ამ საუბარს “ასავალ-დასავალის” რედაქტორი ლაშა ნადარეიშვილი ესწრებოდაო. აი, უყურეთ, თურმე ის რომ ამას ფულს ატანდა, ამაზე იმან ამას უთხრა და ამას ისიც ესწრებოდა. ხომ კარგად არის ჩახლართული ასინეთურად? ჩამოთვლილთაგან არც ერთს არ აქვს კონტაქტი ელისტრაკოსთან, არც ერთი არ გაუგულისპასუხდებოდა, რომ მისთვის ინფორმაცია მიეწოდებინა. არადა, ამან დეტალურად იცის, ვინ ვის რა და როგორ უთხრა. არა, პირწავარდნილი ასინეთაა, ეს ჩემი ცოდვით გახორცმეტებული!

ელო ხლართავს, ინტრიგებს აწყობს (თავისი მოკლე ჭკუით), იმან რომ ამას ის უთხრა, ეს ხომ დაეჭვდება, მართლა ხომ არ უთხრაო? უნდა, რომ ხალხი დარიოს ერთმანეთში, მაგრამ არა მგონია, რომელიმე ამ დაჟანგებულ ანკესზე წამოეგოს, არც ერთია არიფი, არც მეორე და არც მესამე!

ელოს მეოთხე “ჩეპე”: ვის, ვის და... მას არ უნდა ეხსენებინა სიტყვა “ხორცმეტები”. არადა, ჩამოგვთვალა - ზედელაშვილიო, ახრახაძეო, თოფურიაო, ჯღარკავაო, მამაცაშვილიო... აი, ესენი, ეს ხორცმეტები უნდა ჩავრეცხოთო. დიახ, სწორედ ასე თქვა “ხორცმეტებიანმა” ელომ. ჰმ... ეტყობა, ამ უგვანოს აღარ ახსოვს, რომ მე ის 2012-ში ჩავრეცხე და ხელებიც დავიბანე. არა, ადამიანის მსგავსი არსება თავის ნაგავს სხვას ასე აყრიდეს, პირველად ვხედავ!
ეგენიო, ეგ ხორცმეტებიო, მკვლელები არიან, სიტყვით კლავენ ადამიანებსო – თქვა ხორც–მეტმა ელომ, იმაზე კი არაფერი უთქვამს, არგასაზრდელი გამზარდიას ეთერში მთელი ნახევარი საათი ცოცხლად რომ მარხავდა კაცს, რომელსაც ცოტა ხნის წინათ მამას ეძახდა.

ელოს მეხუთე “ჩეპე”: დიახაცო... მეო, ხშირად მინახავს ლევან ყიფიანი ნუგზარ ფოფხაძის სახლშიო. აი, თეთრი ძაფი და უკანალში პაპიროსი! მე არც ფოფხაძის სახლში ვყოფილვარ, არც ამ ადამიანს ვიცნობ ხეირიანად (ერთხელ ვარ შენახვედრი მეგობრის დაბადების დღეზე შემთხვევით) და ბუნებრივია, არც ლევან ყიფიანი მინახავს მის სახლში. ესე იგი, შენ დადიოდი ფოფხაძის სახლში და ნახე ლევან ყიფიანი ხომ?!

ეეეჰ, ზის ისევ გაშტერებული სახით არჩილ გამზარდია გადაცემის წამყვანად და ხმას არ იღებს, ეგეთი ქინძობა გაგონილა? ჰკითხე, ბიჭო, ჰკითხე, რასაც ახლა მე ვეკითხები. თუმცა რა უნდა ჰკითხო, როცა ქილაში ჯონჯოლის ჩადების მეტი არაფერი იცი? რომც იცოდე, ბებიაშენისამ, რამეს გაბედავ, აი! 

და კიდევ ერთი... თავიდან ელომ დააბრეხვა, ბიძინა ივანიშვილი ფოფხაძის ხელით ქართული მედიის დიდ ნაწილს აკონტროლებსო, მართავსო, ბოლოს კი ყვება, ვიღაცის დაკრძალვაზე შეხვდა ბიძინა მამაჩემ ნუგზარას და ხელი არ ჩამოართვაო. აი, აქ კი შეიშმუშნა ფიქრებში წასული გამზარდია, მაშინ რა გამოდისო? ელომ აქ თავისებურად ჩააგვირისტა, ფოფხაძე ივანიშვილის სახელს იყენებსო. მაიცა, შე ტარტაროზო, ხომ იძახდი, იმის ხელით მართავსო? ეხლა კიდე ის არ მართავს ამის ხელით და ეს მხოლოდ იყენებს? ეგრე არ გამოვა, შვილოსან, ან ისე უნდა იყოს, ან ასე. თუმცა ბოლოს ელომ ისე შეატრიალა საკითხი, თითქოს ბიძინა ივანიშვილმა არაფერი იცის და ჩვენ მას ჩამოვაცილეთ სანდო ადამიანები. მომეჩვენა, რომ “სანდო ადამიანებში” თავისი თავი იგულისხმა. არა, ელისტრახოს არაერთხელ ჰქონდა მცდელობა, ბიძინა ივანიშვილის თუ არა, სოსო გოგაშვილის კართან მაინც ჩამომჯარიყო, მაგრამ არც ერთმა არ გაიკარა და მას მერე ჩაუჯდა მიხა სააკაშვილს მუხლებში. ჩაუჯდა რა, მაგანაც თქვა დასაწყისში, ბინძური ქალია, მაგრამ საჩემოდ გამოვიყენებო. ბინძურმა ბინძური უნდა გამოიყენოს, აბა, როგორ? თუმცა შედეგი ყოველთვის უარყოფითია, ქართველმა ხალხმა ქიციც იცის და ქიცმაცურიც. ბოლო-ბოლო, სანამ რამეს მოიწადინებ, სარკეში მაინც უნდა ჩაიხედო, ხომ არ ჰგავხარ ყურებიან პენისს?!

ჰა, ჰა, ჰა... ზედელაშვილს ნუგზარ ფოფხაძე მართავსო, კაცოოო, „საერთო გაზეთსაცო”, იმასაც და ამასაცო. რათა ნუგზარი, იქნებ პირდაპირ ვოვა პუტინი გვმართავს კრემლიდან? ააა, ეს შუამავალია? მერე, თუ გვმართავს, ფული სად არი, რატო არ იძლევა, რატო არ ატანენ ყოველთვიურად 20 ათასს? ნუგზარი ტეხავს? აბა, უყურეთ, ეგეთი რამეები როგორ შეიძლება? ვაი, ვაი, ვაი, არ გიცნობდე მაინც, ელო, შე ფულის ხურუშიანო, შენა!!!

გელა ზედელაშვილი

მეტის ნახვა
11-10-2018, 19:00


რუსეთის მოქალაქე ვაშაძემ, რუსული "პიარშიკები" ჩამოიყვანა და "ქართულ გაგებას" რუსულად "აწვება". ვაშაძისათვის ყველაფერი "მოსულა", ისიც კი, ზურაბიშვილზე თქვას რუსეთუმეაო, ეს იმ დროს, როცა ნაცებმა აღიარეს ოფიციალურად, რომ 2008 წლის აგვისტოს ომში, პირველად თავად გაისროლეს, "წინ გადადგმული ნაბიჟი ყოფილა" იმ პერიოდისათვის, თურმე სხვა გამოსავალი არ ჰქონიათ. ესე იგი, ნაცებმა რუსებს 2008 წელს არა მხოლოდ "ქვების გროვა", ფაქტიურად სრულიად საქართველო ჩააბარეს! არაა გამორიცხული, როგორც მეხუთე მუხლი ამოტივტივდა წლების შემდეგ, ასევე ამოტივტივდეს სხვა მუხლები, სხვა გარიგებები, რაც რუსების სასარგებლოდ ნაცმაცუნურმა ხელისუფლებამ გააკეთა. 

ისე წავიდა სააკაშვილი და მისი ხროვა ხელისუფლებიდან 2008 წლის აგვისტოს ომი, როგორც ომი არ უღიარებიათ. ისინი "აგვისტოს მოვლენებს" უწოდებდნენ იმ სისხლისმღვრელ ომს, რომლის დასრულებაც დედაქალაქის მთავარ პროსპექტზე კონცერტით აღნიშნეს. დიახ, დეტალები ეშმაკებშია და ეს დეტალი სულაც არაა უმნიშვნელო! ძალიან მნიშვნელოვანია, ძალიან!

მთავარ გვერდზე ვიკიპედიას მხოლოდ ექვსი კანდიდატის ფოტო აქვს გამოქვეყნებული. ეს არის მოცემულობა და ისიც მოცემულობაა, რომ. მთავარი ოპოზიციურ ძალას მხარს უმშვენებს საქართველოს მოქალაქეობის არმქონე პირი – მიხეილ სააკაშვილი. 2003 წელს, როდესაც ვარდების რევოლუცია "დაალაგა" საქართველოს ოკუპანტმა (ივანოვი) და როდესაც "მეგობარი სახელმწიფოს" ამერიკის ელჩი ჩაერია საქართველოს საშინაო საქმეებში, მედიამ და საზოგადოებამ ეს "უმნიშვნელო" ფაქტი "გაატარა". ასეა დღესაც, მედია და საზოგადოება დუმს როცა საქართველოს საპრეზიდენტო არჩევნებში ერევა პირი, რომელმაც ცხრა წელი მართა საქართველო და თავი რომ გადაერჩინა პირველსავე შემთხვევაში უარყო თავისი ქვეყნის მოქალაქეობა! საზოგადოება და რათქმა უნდა პოლიტიკური სპექტრი ვაშაძეს რომ ოკუპანტები უკეთებენ პიარს არც ამაში ხედავს დიდ უბედურებას. მაშ რა არის უბედურება? საფრანგეთში დაბადებულ-გაზრდილმა ზურაბიშვილმა ქართული რომ არ იცის კარგად? ეს არის უბედურება?! ეს არის უტყუარი მტკიცებულება იმისა, რომ სალომე ქვეყნის მტერია?

ერთ-ერთ სატელევიზიო გამოსვლაში ქინძთა ბელადმა "ბრძანა" – "ჩემი ბრძოლა იქნება სამართლებრივი. ჩვენი ბრძოლა იქნება საარჩევნო და ჩვენ აუცილებლად ამ ბრძოლას საბოლოო ჯამში დავასრულებთ გამარჯვებით ოქტომბერში არჩევნებზე და შემდგომ ჩვენ გავუყინავთ ხალხს უსამართლო ვალებს, მე არასდროს ტყუილ დაპირებებს არ ვიძლევი, ჩვენ დავწევთ საბანკო კრედიტს, ჩვენ მივაღწევთ იმას, რომ ასეთი უსამართლო ურთიერთობები საბანკო ინსტიტუტებს, მთავრობას და ხალხს შორის აღარ იქნება საქართველოში, დამყარდება სამართლიანობა, კანონის უზენაესობა," "ნულოვანი ტოლერანტობის გარდა" დაპირებებს როგორ ასრულებდა მთავარი ქინძი კარგად გვახსოვს. სწორედ მისი ყვავილობის ცხრა წელიწადში პარპაშობდა უსამართლობა და უზენობა. სწორედ მისმა შნირმა ქინძებმა ოცდათხუტმეტ ლარიანი უპატრონოდ დაგდებული ფიცრის მოპარვისთვის სამოცდახუთი წლის ლტოლვილი ერთი წლით ციხეში გამოამწყვდიეს, ხოლო თავად ათობით და ასობით მილიონის ხე-ტყეს იპრავდნენ, ქვეყნის სტრატეგიულ სიმდიდრეებს "უპრაგონოდ~ ჰყიდდნენ და ერთ ლარად ჩუქნიდნენ. საკუთარი ქონებას კი ვეღარც ითვლიდნენ. მთავარ ქინძს ეტყობა ნარკოტიკმა ტვინი გაულაყა და აღარ ახსოვს მისი ბრძანებით ლტოლვილებს რომ ყრიდა საცხოვრებელი ადგილებიდან და კუნგის ტიპის დახურული ავტოფურგონებით საცხოვრებლად შეუფერებელ გეტოებსა და რეზერვაციებში ეზიდებოდა. არც ის ახსოვს ყველა ბიზნესი, რომ გათელა და ქვეშ მოიგდო, მონოპოლიები და კარტელური გარიგებები ნორმად აქცია, ვინც საბანკო კრედიტის განაკვეთი ევროპაში უმაღლეს დონეზე ასწია, ხოლო საცხოვრებელი მინიმუმის დონეს მუდამ ხელოვნურად ამცირებდა და აყალბებდა. არც მათეული ბიზნესის ახევის ღამის პრაქტიკა ახსოვს, სამარცხვინოა როცა მიშა და მისი შნირები ზეწოლებსა და გადაბირების მცდელობებზე და აბსოლუტურად უსაფუძვლოდ და უარგუმენტოდ ლაპარაკობენ. სწორედ ისინი პოლიტიკური პოლიციისა და ზონდერბრიგადების გამოყენებით ასობით და ათასობით ადამიანზე რომ ძალადობდა ხანგრძლივად. ვინც ხალხს პოლიტიკური ნიშნით აწინაურებდა საჯარო სამსახურებში და პოლიტიკური ნიშნით ათავისუფლებდა სამსახურიდან. სამარცხვინოა, რომ ის უტიფარი ხალხი ახსენებს სიტყვა "სამართალს", რომელთა მიერ სამართალი ყველა დონეზე შეგინებული და გაუპატიურებული იქნა. ეს ის მთავარი ქინძია თავის ხროვასთან ერთად სადისტობას, ჯალათობას, კრიმინალებთან მეგობრობას და უზნეობას – დემოკრატიის შუქურვარსკვლავობას რომ უთავსებდა. ეს ის პოლიტიკური ძალაა, რომელთა მინისტრები ომის დროს სამარცხვინოდ "მოტყდნენ" ქვეყნიდან და ახლა გვარწმუნებენ – არასოდეს არ მიგატოვებთო? ეს ის ხალხია, ვითომდა, პრეზიდენტთან შესახვედრად წასული, მძღოლს რომ მობილურს უტოვებდა მანქანაში და თავად აეროპორტიდან ფრანკფურტში ტყდებოდა ოჯახთან ერთად. სწორედ ის ლიდერები არიან, რომლებიც გაიქცნენ, რადგან, სავარაუდოდ, ყველა საფუძველი არსებობს, რომ მრავალწლიანი ციხე ემუქრებათ, როგორც კრიმინალებს და მაფიის ბოსებს.

ქინძთა ბელადმა არაერთხელ მოგვიწოდა, რომ არ უნდა დავუშვათ შურისძიების ახალი ციკლი და ყველაფერი დავივიწყოთო, მაგრამ შეუძლებელია დაგავიწყდეს, 2007 წლის 7 ნოემბრის მშვიდობიანი მასობრივი დემონსტრაციის დარბევა, კერძო ტელევიზია "იმედის" დარბევა და მაუწყებლობის შეწყვეტა, ტელევიზია" კავკასიის" მაუწყებლობის შეჩერება, მედია საშუალებების გაკოტრება, ლიცენზიის ჩამორთმევა, მითვისება და ოფშორული კომპანიების საშუალებით კონტროლი, ათეულობით ახალგაზრდის ქუჩაში ძალოვანი სტრუქტურების მიერ ლიკვიდაცია მათთვის "ნულოვანი ტოლერანტობის" კარტ-ბლანშის მიცემით, 2008 წლის საპრეზიდენტო და საპარლამენტო არჩევნების ჩატარებაში მნიშვნელოვანი დარღვევების და მასობრივი გაყალბების ორგანიზება, რაც ორივე შემთხვევაში ეუთოს არჩევნებზე მონიტორინგის კომისიის ანგარიშში, სამწუხაროდ, არჩევნებიდან 2–3 თვის შემდეგ აისახა და არჩევნების შედეგზე გავლენა ვერ იქონია, მეგობარი ქვეყნების და ორგანიზაციების მიერ მრავალჯერადი გაფრთხილების მიუხედავად 2008 წელს რუსეთის მიერ პროვოკაციაზე არაადეკვატური პასუხი და საომარი მოქმედების დაწყება, რაც დადასტურებულია ტალიავინის საერთაშორისო კომისიის მიერ. პატიმართა რიცხვის წარმოუდგენელი ზრდის და განაჩენების არაადექვატური დამძიმების პარალელურად პატიმართა ყოფის აუტანელი პირობები და ციხეებში წამების და გარდაცვალების ისეთი შემზარავი სტატისტიკა ფიქსირდებოდა, რომელიც მსოფლიო უფლებადამცველი ორგანიზაციების მზარდი კრიტიკის მიზეზი გახლდათ. პოლიტიკური დევნილის სტატუსი გაცემულია საფრანგეთის, გერმანიის, შვეიცარიის, კანადის, იტალიის და სხვა დემოკრატიული ქვეყნების მთავრობების მიერ ადამიანის უფლებების ევროპულ სასამართლოში საქართველოდან წარგზავნილი საქმეების წარმოუდგენელი ზრდა (2010 წელს 2000 საქმეზე მეტი) და ყველაზე უფრო საჩვენებელი – გირგვლიანის საქმე. 

სააკაშვილის მთავრობის მეორე სამარცხვინო სავიზიტო ბარათად ქცეული 2011 წლის სისხლიანი 26 მაისი, როდესაც მშვიდობიანი დემონსტრაციის უკანონოდ გამოცხადებიდან რამდენიმე წუთში სისხლიანი მეთოდებით დაშლას ადამიანების მსხვერპლი და ჟურნალისტებსა და საზოგადოებაზე მასობრივი ძალადობა მოჰყვა. ხოლო სააკაშვილის რეჟიმმა სისხლით მოსვრილ რუსთაველის გამზირზე მისი მორეცხვიდან რამდენიმე საათში საქართველოს დამოუკიდებლობის აღსანიშნავი აღლუმი ისე მიიღო, რომ ახლო-მახლო დაყრილი რამდენიმე ნაწამები და გარდაცვლილი ადამიანის გვამი ჯერ კიდევ არ იყო აღებული. სააკაშვილის ოჯახის წევრების და საქართველოს მთავრობის ელიტარული კორუფცია ბევრად აჭარბებდა შევარდნაძის ხელისუფლების ანალოგიურ მაჩვენებლებს. 

ჯერ კიდევ 2003 წელს მთავარმა ქინძმა მთელი მინისტთა კაბინეტი გვერდში ამოიყენა და პირდაპირ ეთერში, სახალხოდ დადო პირობა, რომ თუ რომელიმე მთავრობის წევრის ძმას, დედას, მამას, ცოლს, ბიძაშვილს, მეგობარს ან ახლო ნათესავს მოულოდნელად აღმოაჩნდებოდა ბიზნესის კეთების განსაკუთრებული ნიჭი, ისინი უმკაცრესად დაისჯებოდნენ. თუმცა, დედამისს რამდენიმე უმაღლესი სასწავლებელი და უძრავი ქონება უფეშქაშა, მის ძმას უმსხვილესი ნავთობკომპანია და სადაზღვევო სააგენტო, ბიძამისს ოქროსა და სპილენძის მომპოვებელი საბადო. მის უახლოეს მეგობრებს, ძმებ ბეჟუაშვილებს ქვანახშირისა და მანგანუმის საბადოები, ცემენტის ქარხნები, გაზის გამანაწილებელი კომპანია. ვანო "გაღლეტილის" ოჯახს, მამას, ბიძას, ბიძაშვილს, ათეულობით უმსხვილესი და მონოპოლისტი კომპანია და რესტორანი ეკუთვნოდათ, რატომღაც მისი მშობლიური სოფლის, ადიგენის რაიონის სოფელი უდეს მაცხოვრებლებს, განსაკუთრებით ვანო მერაბიშვილის ტოლებს, ფენომენალური ნიჭი აღმოაჩნდათ ბიზნესისა და ლამის თითო მათგანზე 3–4 უმსხვილესი სადისტრიბუტორი კომპანია იყო რეგისტრირებული. ერეკლე კოდუას სასტუმრო და კაზინო "საქართველო", მის დედას საქართველოში მოქმედ თითქმის ყველა ბაზრობაზე უმსხვილესი წილები და "გასანადგურებელი" ნარკოტიკები. ჩატარებულ ყველა სახელმწიფო და გაუმჭვირვალე მსხვილ ტენდერში ქინძთა ხელისუფლების მაღალჩინოსნების მიერ ტენდერამდე ერთი კვირით ადრე დაარსებული და ახლობლებზე რეგისტრირებული შპს – ები იმარჯვებდნენ.

ყოფილი ეკონომიკის მინისტრი გიორგი არველაძეს ახეული ტელევიზია "ჩაახუტა" ყოფილ თავდაცვის მინისტრსა და მსოფლიო მასშტაბით ცნობილ იარაღით მოვაჭრე, კორუმპირებულ დავით კეზერაშვილს საქართველოში ლატარიის გაყიდვის მონოპოლიური უფლება მისცა, მის მიერ ქართული ჯარის ხარჯზე გაკეთებულ მრავალმილიონიან "ატკატები", რატომღაც გაუტარა. კეზერას მფლობელობაში გახლდათ უმსხვილესი სამშენებლო კომპანიები, მაგალითად არტ-იქსი, რომელიც ნახევარ მილიონს ზემოთ ბიუჯეტის თითქმის ყველა სახელმწიფო ტენდერს იგებდა. სააკაშვილის მინისტრების და პარლამენტარების მიერ აბსოლუტურად მონოპოლიზირებული გახლდათ საკვები პროდუქტების ბიზნესი. მთავარი ქინძის მინისტრები და ყველა პარლამენტარი ფლობდა მინიმუმ ორზე მეტ ფეშენებელურ სახლს დედაქალაქის პრესტიჟულ უბნებში, საუკეთესო ვილებს ზღვისპირეთში, თბილისის შემოგარენში და ზამთრის კურორტებზე, ყველა მათგანს მინიმუმ ორი ახალი და ძვირფასი ავტომობილი ჰყავდა, ყველა მათგანი მსოფლიოს საუკეთესო კურორტებზე ისვენებდნენ. კიდევ ბევრი რამის ჩამოთვლა შეიძლება მიხეილის წუწუნის გასაბათილებლად, თურმე უფულოდ, რომ ყოფილა და მხარდამჭერებს მიმართავს გრიშა დააფინანსონ.

ყველა მისი მიგვერდზე მდგომი მათ ლიარდელად თუ არა მილიონერად აქცია მიხეილმა და ისეთი კეთილი გულის ბიჭი იყო წილს მარტო "ქინძაობისთვის" ითხოვდა? გამოდის უფრო დიდი სირი ყოფილა ვიდრე მეგონა. აშშ–შიც ეტყობა ფეშენ სახლები ფერშალმა ცოლმა უყიდა. არა, არ მჯერა ნიანგის ცრემლების… დიახ, სწორედ მთავარმა ქინძმა შექმნა დანაშაულებრივი ინანსური – პოლიტიკური სისტემა, სადაც ნებისმიერი სახელმწიფო სახსრების ლომის წილი უნაწილდებოდა სამთავრობო პირების და მათი საახლობლო წრის მიერ ხშირად ტენდერის ჩატარებამდე რამდენიმე დღით ადრე სპეციალურად დაფუძნებულ კომპანიებს, რომლებიც შემდეგ საარჩევნო პერიოდში უხვი ღია თუ ფარული შემოწირულობების სახით ნაციონალურ მოძრაობას ხარკს უხდიდნენ და "ვალს" უბრუნებდნენ.

უტიფარი მთავარი ქინძი, როცა სამართლიან არჩევნებზე გრიშას სასარგებლოდ საუბრობს ავიწყდება მისი ზეობის ხანაში დამკვირვებელ ქალბატონს ბეისბოლის ბიტით ფეხები როგორ დაუსახიჩრეს, ათობით მანქურთმა ცხრა შვილის მამა – დამკვირვებელი მღვდელი როგორ ცემეს, სწორედ მისი ნაქები სპეცნაზი იპარავდა საარჩევნო ყუთებს და რეზინის ტყვიებს ესროდა მოსახლეობას, მამაოს მშვიდობიანი პროტესტისათვის იარაღს ადებდნენ და როცა არჩევნების წინა პერიოდში დარღვევის და უთა- ნაბრობის ათასობით ფაქტი იყო დაფიქსირებული ბელადი უნდა დადუმდეს და გაიხსენოს წაგლეჯილ მილიონობით ლარს როგორ ახმარდა თავისი ბინძური კამპანიას როცა ათასობით ადამიანს უკანონოდ და პოლიტიკური საფუძვლით ყადაღა დაადეს,
როცა იმ ციხის ვიდეოებით ანახეს, რა გველოდებოდა, თუ მათი ნების და სურვილის წინააღმდეგ ვინმე წავიდოდა, ლაფანყურში სისხლიანი ტრაგედია მოაწყვეს, მილიონზე მეტ სამშობლოდან წასულ ადამიანს ფაქტიურად მოქალაქეობა აჰყარეს და უუფლებოდ დატოვეს, მთავარ ქინძს სურს დავივიწყოთ, როგორ ძალადობდნენ ქალებზე და ბავშვებზე, როცა იგონებდნენ აბსურდულ ფაბრიკაციებს, როცა ხან რუსის დამქაშები ვიყავით თურმე და ხან კანონიერი ქურდების ნატრულნი.

მიშას ნოსტალგია აქვს და დიდი სურვილი საქართველოში დაბრუნდეს თუმცა კარ- გად იცის ძველ "დიდებას" ვეღარ დაიბრუნებს. არადა მსოფლიოში დიქტატორების გარდა ვფიქრობ, არცერთ პრეზიდენტს არ ჰქონია ისეთი ძვირფასი სასახლე, არავის ჰყოლია მასზე ძვირფასი მანქანები და თვითმფრინავები. არავის უყიდია ბოინგი, რომლის ფასიც ასეულობით მილიონი დოლარით განისაზღვრება, არავის ჩამოუყვანია პირადი ბოინგით მსოფლიოს უძვირესი და უპოპულარულესი მასაჟისტი. ნუ, ადგილობრივ მის ძუკნებზე აღარაფერს ვიტყვი, არც სომხეთის ბორდელებიდან ჩამოყვანილ ტურფებზე (სისხლის ყივილი) არავის უმოგზაურია ამდენი, მათ შორის კოსტა–რიკაში თუ ჰონდურასში. საქართველოს არცერთი პრეზიდენტის ფონდი არ ყოფილა იმხელა და იმდენჯერ მეტი, რაც ბელადს ჰქონდა. მიხეილის ბოროტ ზრახვებს ხმარდებოდა 2004–08 – წლებში მომქმედი კერძო სამართლის იურიდიული პირის სტატუსის მქონე "პროკურატურის ინსტიტუციური განვითარების ფონდში" და "თავდაცვის ფონდში" დალექილი მილიარდობით ლარი, ფონდების ბიუჯეტი საპროცესო გარიგებებით და სხვა სახელმწიფო რეკეტის გზით ივსებოდა…

მთავარ ქინძზე და მის ხრო- ვაზე მათ სისხლიან წარსულზე მწარედ გასახსენებელი ბევრია, სალაპარაკოც და მოსათხოვიც, ყველას ყველაფერი გვახსოვს განსაკუთრებით "მიხეილის სანატორია" გამოვლილებს. უტიფრად კი ამბობენ მისი შნირები, რომ ციხის კადრები დადგმული იყო, მაგრამ ვინც იქ გახლდნენ და ტელეკამერების წინ ყვებიან იმ გაუგონარი სისასტიკის შესახებ რაც ნაცგულაგებში ხდებოდა, კოლექტიურად დაესიზმრათ მიცვალებულებთან "კანდალებით" გადაბმული სადამსჯელო ღონისძიებები და სისხლის გუბეები? სისხლში და ფურთხში უნდა იცურაონ ნაცლიდერებმა დარჩენილი ცხოვრება და თავგადაკლულ მხარდამჭერებსაც გაუნაწილონ ჩამოურეცხავი ცოდვა რომელიც ცხრა წელი აგროვეს…


ქეთევან ზარნაძე

მეტის ნახვა
11-10-2018, 18:00


ტრამპი ასრულებს წინასაარჩევნო დანაპირებს და ანახლებს ძველ საერთაშორისო ხელშეკრულებებს.

აშშ-ის სენატმა გასულ კვირას დაამტკიცა დონალდ ტრამპის მიერ უმაღლეს სასამართლოში წარდგენილი კანდიდატი ბრედ კავანო. მისი უმაღლეს სასამართლოს მოსამართლედ დამტკიცება, რაც სენატის უფლებამოსილებაა, თითქმის ერთი თვე გაიწელა. კავანო ჯგუფური გაუპატიურების მცდელობაში დაადანაშაულა თანაკურსელმა. ნუ გაგიკვირდებათ, მაგრამ თითქოს მომხდარს 30 წლის წინ ჰქონდა ადგილი. თუმცა გამოძიების გედერალურმა ბიურომ, რომელიც იკვლევდა საჩივარს, ერთი მოწმეც ვერ მოძებნა, რომელიც ბრალდებას დაადასტურებდა.

სენატის სხდომა კავანოს და ტრამპის საწინააღმდეგო აქციების ფონზე მიმდინარეობდა. რამდენიმე მონაწილემ სენატის შენობაში შეჭრაც კი სცადა. ვიცე-პრეზიდენტმა მაიკ პენსმა ამის გამო რამდენჯერმე მიმართა ძალოვანი სტრუქტურების წარმომადგენლებს, დაეცვათ წესრიგი. ათეულობით აქციის მონაწილე პოლიციამ დააკავა. სენატმა გვიღალატაო, აცხადებდნენ პროტესტანტები. კავანის მოსამართლედ დამტკიცების შემდეგ. პოლიტოლოგებმა ბრედ კავანოს უმაღლეს სასამართლოში განწესება საშინაო პოლიტიკაში დონალდ ტრამპის ერთ-ერთ მნიშვნელოვან გამარჯვებად შეაფასეს. თავად დონალდ ტრამპმა სენატთან გამართული აქციების ორგანიზებაში "მოსისხლე მტერი" მილიარდერი ჯორჯ სოროსი დაადანაშაულა.
 
უსაფუძვლო ბრალდებებმა აშშ-ში უკვე ქრონიკული სახე მიიღო, რაც პოლიტიკოსების და პოლიტოლოგების შეშფოთებას იწვევს. ქვეყანაში უკვე გაჭირდა სიმართლისა და ტყუილის გარჩევა. სავარაუდოდ, ამიტომაც განაცხადა მაიკლ პენსმა, "ქვეყანაში დასაცავია უდანაშაულობის პრეზუმფცია, თორემ სიტუაცია სენატორ მაკარტნის დროინდელი გახდებაო". 

აღმოსავლეთ აზიაში აშშ-ს კვლავ დაძაბული პოლიტიკურ-ეკონომიკური ვითარება აქვს. ჩინეთმა უარი განაცხადა ამერიკული ნავთობის შეძენაზე. პეკინი ეძებს პარტნიორებს, ვისთანაც იუანით განახორციელებს ანგარიშსწორებას. მაიკ პენსი გასულ კვირას ჩინეთის კრიტიკით გამოვიდა. მისი განცხადებით, პეკინის პოლიტიკა სავაჭრო ომს გასცდა. მათი გემები ჩინეთის ზღვაში და სხვა რეგიონებში პატრულირებენ, რაც ვითარებას ძაბავს. პენსმა ჩინელები ტრამპის ადმინისტრაციის დამხობის სურვილშიც დაადანაშაულა. გეგმის მიხედვით, გასულ კვირას მაიკლ პომპეო ფხენიანში გაემგზავრა, იქინად კი ჩინეთში ჩავიდა. მართალია, იგი თბილად მიიღეს, მაგრამ შეძლო თუ არა თავისი ვიზიტით სახელმწიფო მდივანმა ქვეყნებს შორის ვითარების შერბილება, მომავალი გვიჩვენებს. 

რუსეთისა და ინდოეთის მჭიდრო თანამშრომლობა საყოველთაოდ არის ცნობილი. გასულ კვირას რუსეთის პრეზიდენტი ვლადიმირ პუტინი ინდოეთში ოფიციალური ვიზიტით ჩავიდა. პუტინმა ინდოეთის პრემიერ-მინისტრთან ნარენრე მოდისთან ბოლო ექვს თვეში მესამედ გამართა პირადი შეხვედრა. საუბრის თემა მრავალფეროვანი იყო _ სირია, რეგიონი, მსოფლიოში მიმდინარე მოვლენები. 20-ზე მეტი ორმხრივი ხელშეკრულება გაფორმდა. ვიზიტისას მთავარი გარიგება საჰაერო დაცვის კომპლექსის შ 400-ის ინდოეთისთვის გადაცემა იყო. ინდოეთი კომპლექსებში რუსეთს 5,5 მილიარდს გადაუხდის. გარიგება იმითაა საინტერესო, რომ ინდოეთმა ყურად არ იღო აშშ-ის მუქარა, რომ მკაცრ სანქციებს დაუწესებენ ქვეყნებს, რომლებიც რუსეთისგან იყიდიან შეიარაღებას. ვიზიტის ბოლოს პუტინმა მოდი გაისად აღმოსავლეთ ეკონომიკურ ფორუმზე საპატიო სტუმრად მიიწვია.

ინტერპოლი ერთი კვირის მანძილზე ეძებდა საკუთარი ორგანიზაციის პრეზიდენტს. იგი საფრანგეთიდან ჩინეთში, თავის სამშობლოში გაემგზავრა შვებულების გასატარებლად, აეროპორტიდან კი გაქრა. ორი დღის წინ ჩინეთის მხარემ დაადასტურა, რომ იგი დაკავებულია ფინანსური მაქინაციებისთვის. ჩინეთში არსებული კანონებით, დანაშაულის დამტკიცების შემთხვევაში, სიკვდილით დასჯა ელოდება.

უცნაურად დასრულდა არჩევნები ევროკავშირის წევრ ქვეყანაში, ლატვიაში, სადაც პრორუსულმა პარტიამ "სოგლასიემ" (თანხმობა) პირველი ადგილი დაიკავა. მართალია, ამომრჩეველთა აქტივობა დაბალი იყო, მაგრამ ლატვიის სეიმში 21 ადგილი პრორუსული პარტიისთვის ბევრი და გაუგებარია. როგორ განვითარდება მსოფლიო პოლიტიკაში მოვლენები, ბურუსით არის მოცული. პროგნოზები კი უადგილოა.

გია ბურდული

მეტის ნახვა
11-10-2018, 16:00


გვესაუბრება ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის თეორიული და გამოყენებითი ენათმეცნიერების ინსტიტუტის ცენტრის „ენა, ლოგიკა, მეტყველება“ მკვლევარი, სოხუმის სახელმწიფო უნივერსიტეტის კულტურის კვლევებისა და მულტიკულტურული განათლების ცენტრის სპეციალისტი, ბატონი გია კვაშილავა.

– წლევანდელი წელი პროდუქტიული იყო. მრავალ ქვეყანაში ვიყავი, ბევრმა გაიგო ჩემი სამეცნიერო კვლევების შესახებ, თუმცა უნდა ითქვას, რომ საქართველოზე, მის გეოგრაფიულ მდებარეობაზე მსოფლიომ კვლავაც ძალიან ცოტა იცის.
25 წელიწადი არ არის, ალბათ, საკმარისი დრო იმისთვის, რომ გაგვიცნოს მსოფლიომ. ხელოვნებაში, ასე თუ ისე, გვაქვს ცნობადობა, მაგრამ მეცნიერებაში ნაკლებად.

თუნდაც კორეა და აზიის სხვა ქვეყნები ცდილობენ მეცნიერებაში თავი გამოიჩინონ, მაგრამ საქართველო, ამ მხრივ, ძალიან ჩამორჩება.
აკადემიკოსი, ბატონი თამაზ გამყრელიძის სიტყვებით ვიტყვი: „დღეს უნიკალური შანსი გვეძლევა ქართული კულტურის მსოფლიოში გაცხადებისა და დემონსტრირების, და ეს შესაძლებლობა ღირსეულად უნდა გამოვიყენოთ“.
მე, მაგალითად, კონფერენციებზე ზოგს რუსი ვეგონე, ზოგს — თურქი. დიდხანს დამჭირდა იმის ახსნა, რომ რუსეთსა და თურქეთს შორის არის სახელმწიფო.

მეკითხებოდნენ — ამ ტერიტორიაზე სახელმწიფო არის?

– არც კავკასიის შესახებ სმენოდათ რამე?

– მართებულად შენიშნეთ და ახლა ზუსტად კავკასიაზე და კავკასიურ მოდგმაზე მინდა გესაუბროთ. ალბათ გსმენიათ იოჰან ფრიდრიხ ბლუმენბახის შესახებ?

– დიახ.

– უფრო დაწვრილებით რომ გითხრათ, ბლუმენბახი გახლდათ გერმანელი პროფესორი, მედიცინის დოქტორი გიოტინგენის უნივერსიტეტში. იგი მოღვაწეობდა მე 18 ს-ის ბოლოს. იყო ანთროპოლოგიის ფუძემდებელი და ბრიტანეთის სამეფო საზოგადოების წევრი. სწავლობდა ადამიანის ორგანოების ფორმებსა და აგებულებებს.

მან კვლევისთვის დედამიწის ყოველი კუთხიდან შეკრიბა 245 ადამიანის თავის ქალა, შეისწავლა და დაწერა მონოგრაფია „ადამიანთა მოდგმის ბუნებრივი სახეობების შესახებ“. ბლუმენბახმა გააკეთა მრავალი ღირებული დაკვირვება ანთროპოლოგიაში, ფიზიოლოგიასა და შედარებით ანატომიაში.
1795 წლის 11 აპრილს მან გიოტინგენის უნივერსიტეტში მესამედ გადამუშავებული მონოგრაფია წიგნად გამოსცა.
მან ამ წიგნში სრული და ნათელი წარმოდგენა მოგვცა ქართველთა ყველაზე ლამაზ მოდგმაზე.

წარმოგიდგენთ ციტატას წიგნიდან: „კავკასიური მოდგმა — ეს სახელწოდება ავიღე კავკასიის მთების სახელიდან ორი მიზეზის გამო. იმიტომ, რომ მისი მახლობელი ტერიტორია, განსაკუთრებით კავკასიის ქედის სამხრეთი ფერდობი წარმოშობს ადამიანთა ყველაზე ლამაზ მოდგმას, ვგულისხმობ ქართველებს. ყველა ფიზიოლოგიურ მიზეზებს იქეთ მივყავართ, რომ კაცობრიობის თავდაპირველი საცხოვრისი თუ სადმე უნდა განვათავსოთ, ყველაზე დიდი ალბათობით ამ რეგიონში“.

ამ საკითხებზე კვლევები საქართველოშიც მიმდინარეობდა. ცნობილი არქეოლოგი, ანთროპოლოგი და ეთნოგრაფი გიორგი ნიორაძე აქტიურად მოღვაწეობდა ამ მიმართულებით.

1923 წელს გიორგი ნიორაძემ თემა წარადგინა ანთროპოლოგთა საერთაშორისო კონგრესზე გერმანიაში, ქალაქ ტიუბინგენში. ამ მოხსენებაში მან გამოკვეთა, თუ რატომ გამოიყენა ბლუმენბახმა ტერმინი კავკასიური მოდგმა.

ნიორაძე თავის წერილში, რომელიც ივანე ჯავახიშვილს გაუგზავნა, წერს: „ბლუმენბახმა წოდება „კავკასიური რასა“ იხმარა ქართველი ქალის საპატივსაცემოდ, როდესაც მან კაცობრიობა ხუთ რასად დაჰყო (მონღოლური, ამერიკული, კავკასიური, მალაიური და ეთიოპიური).“
ბლუმენბახის ამ კლასიფიკაციაში კავკასიურ, ანუ თეთრ რასას საფუძვლად ახალგაზრდა ქართველი ქალის თავის ქალა დაედო.
მაგრამ ვინ არის ეს ქართველი ქალი და როგორ მოხვდა ბლუმენბახის კლასიფიკაციაში?

ბლუმენბახს ერთ-ერთ თავის ნაშრომში ასეთი ამბავი აქვს აღწერილი: 1787–1791 წლის რუსეთ-თურქეთის ომში დაატყვევეს 19 წლის ქართველი ქალი და ჩაიყვანეს მოსკოვში, სადაც იგი მოულოდნელად გარდაიცვალა.
იმხანად მოსკოვში მოღვაწეობდა გერმანელი პროფესორი იოანე ჰილტებრანდტი. მან დაათვალიერა ცხედარი და ითხოვა, რომ ახალგაზრდა ქართველი ქალის თავის ქალა მისთვის გადაეცათ.

ჰილტებრანდტმა დაწვრილებით შეისწავლა ეს თავის ქალა, გაოცებული დარჩა მისი სიმშვენიერით და 1790 წელს, თავის ქალა პეტერბურგში მოღვაწე სამხედრო ექიმს გეორგ თომას ფონ აშს გაუგზავნა. აღფრთოვანებულმა გეორგ აშმა თავის ქალა 1793 წელს ბლუმენბახს გადაუგზავნა გიოტინგენის უნივერსიტეტში.

მე უამრავჯერ შემხვდა კვლევების პერიოდში ბლუმენბახის თეორია კავკასიური რასის შესახებ, თუმცა თვალს ვარიდებდი, რადგან არ გახლავართ ანთროპოლოგი. ბოლოს ვეღარ მოვითმინე და მაინც ჩავუღრმავდი ამ თემას. გავაგზავნე წერილი გერმანიაში, გიოტინგენის უნივერსიტეტში — იყო თუ არა დაცული დახურულ ფონდში ახალგაზრდა ქართველი ქალის თავის ქალა. აგვისტოს თვეში გერმანიიდან შეტყობინება მივიღე, რომ ეს ქალა ბლუმენბახის ანთროპოლოგიის კაბინეტში დაცულია. რუსეთში ინახება ამ თავის ქალის თაბაშირის ასლი, რომელზეც ლათინური წარწერა ქართულად ასე ჟღერს: „გრუზინერუმი ბლუმენბახის კოლექციიდან“.

ბლუმენბახის ტერმინი „კავკასიური მოდგმა“ იმდენად გამოყენებადი გახდა, რომ ინგლისურენოვან სამყაროში `კავკასიელი~ ნიშნავს თეთრ ადამიანს.
ამის მაგალითად ბარაკ ობამას დაბადების მოწმობას წარმოგიდგენთ.

როგორც ცნობილია, ობამას დედა თეთრკანიანია. ობამას მოწმობაში დედის გრაფაში წერია — „კავკასიელი“. ცხადია, ქალბატონი კავკასიელი არ არის, მაგრამ ეს ტერმინი ანთროპოლოგიაში იმდენად მუშა გახდა, რომ ამერიკის შეერთებულ შტატებში დღემდე გამოიყენება თეთრკანიანი ადამიანის აღსანიშნავად.

– დავუბრუნდეთ ქართველი ქალის თავის ქალას. რითი არის ის განსხვავებული და განსაკუთრებული?

– მაგალითად, აფრიკელის სახის დახრის კუთხე 70 გრადუსია, ევროპელის სახის დახრის კუთხე, ძირითადად, 80–85 გრადუსამდეა. ბლუმენბახმა წარმოადგინა თავის ქალა, რომლის დახრის კუთხე 90 გრადუსია და ეს ქართველი ქალის თავის ქალა იყო.
პეტრუს კამპერმა დასვა შეკითხვა, ხომ არ შეიძლებოდა თავის ქალის დახრის კუთხე 90 გრადუსზე მეტი ყოფილიყო? ასეთი რამ აღმოჩნდა ბერძნული ხელოვნების ნიმუშებში, მითოლოგიური ღმერთების გამოსახულებებში. მაგალითად, ნახეთ, მედეას გამოსახულება ბერძნულ წითელ ამფორაზე (ძვ.წ. 330 წ.), რომელიც ლუვრის მუზეუმში ინახება. მედეას თავის ქალის დახრის კუთხე 93 გრადუსია.

– 90 გრადუსი, ფაქტობრივად, ღვთაებებთან მიახლოებას ნიშნავს?

– ამაზე მე ვერ ვისაუბრებ. 

მე შემიძლია გესაუბროთ, მეცნიერული თეორიაზე, რომელიც 61 000-დან 25 0000 წლის წინ ადამიანების მიგრაციას ეხება. 
აღმოჩნდა, რომ უხსოვარი დროიდან საქართველოს ტერიტორიიდან ადამიანები ევროპასა და აზიაში ვრცელდებიან, შემდეგ აზიის გავლით გადადიან ჩრდილოეთ ამერიკაში, მერე სამხრეთ ამერიკაში და ასე განიფინებიან მთელ მსოფლიოში.

თანამედროვე კვლევებით, მტკიცდება, რომ თეთრი ადამიანი საქართველოდან გავრცელდა!

_ რითი არის განსაკუთრებული ანთროპოლოგიაში დახრის კუთხე?

– სიმეტრია სილამაზესთან და დახვეწილობასთან არის დაკავშირებული. ბლუმენბახი კიდევაც წერდა: „ქართველი ქალის თავის ქალა ძალიან სიმეტრიულია, მშვენიერი და ელეგანტურიო“.
ზემოთ გითხარით, ღვთაებებს გამოხატავდნენ სიმეტრიული ნაკვთებით და რეალობაში ასეთი სიმეტრია ქართველი ქალის თავის ქალაზეა წარმოდგენილი.

– ანუ გამოდის ისიც, რომ კაცობრიობის განვითარებაში კავკასიური რასის მოძრაობამ მნიშვნელოვანი და, შეიძლება ითქვას, გადამწყვეტი მნიშვნელობა იქონია და მეტიც, მეტყველებაშიც ბევრი კავკასოიდური ელემენტი შევიდა და დამკვიდრდა?

– დღეს უკვე ცნობილია, ერთი და იგივე ძირისა და მნიშვნელობის დაახლოებით 2805 სიტყვა, რომელებიც მთელი მსოფლიოს ენებში ერთი ძირი-ენიდან არის წარმოდგენილი.

ეს ინფორმაცია ინტერნეტში ჩვეულებრივადაა ხელმისაწვდომი, მაგრამ მნიშვნელოვანი ის არის, რომ კაცობრიობის თავდაპირველი სამშობლო არის საქართველო.

ამას არ ვლაპარაკობ სატრაბახოდ. ეს არის რეალობა.

– წითელკანიანები, ყვითელკანიანები და სხვები?

– 245 თავის ქალა შეისწავლა ბლუმენბახმა და 5 ტიპად დაყო ადამიანთა რასა დედამიწაზე: მონღოლოიდური — ყვითელკანიანი რასა, ამერიკული, ანუ წითელკანიანები, კავკასიელი — თეთრი მოდგმა, მალაიური — ყავისფერი და ეთიოპური, ანუ შავი რასა. თუმცა ბლუმენბახის კლასიფიკაციაში ქართველი ქალის თავის ქალას ყველაზე მნიშვნელოვანი ადგილი უკავია. 

P.S.
როგორც ამ საუბრიდანაც ჩანს და როგორც მეცნიერები ამტკიცებენ, ადამიანს პირველად საქართველოს ტერიტორიაზე ჩაჰბერა სული ღმერთმა, რომელმაც ხატად და სახედ თვისად შექმნა იგი.

იქნებ ამიტომაცაა ყველაზე პროპორციული, ანუ ყველაზე მიახლოებული ღვთაებრივ სახესთან ქართველი ქალის სახე და გარეგნობა.
აქედან გამომდინარე, სამხრეთ კავკასიის ტერიტორიაზე გაჩენილი პირველი ადამიანი, კავკასიური რასის ფუძემდებელი, თეთრკანიანი არსება პირდაპირ ღვთიური წარმოშობის ყოფილა. რაც იმას ნიშნავს, რომ არ უნდა იყოს ის ჰიპოთეზები უსაფუძვლო, როცა ზოგიერთი მეცნიერ-მკვლევარი წმინდა ნინოს, წმინდა გიორგის, ღვთისმშობელისა და თვით იესო ქრისტეს კავკასოიდურ, ანუ ქართველურ წარმოშობაზე საუბრობს.

ქვეყნები იგონებენ ლეგენდებს, თხზავენ ისტორიებს, ჩვენ კი ვჩქმალავთ და ვმალავთ, თითქოს გვესირცხვილება ლაპარაკი, რაც სინამდვილეში ვართ, ანუ იმაზე, რომ კაცობრიობის აკვანი საქართველოში დაირწა და ადამიანმა გავრცელება საქართველოდან დაიწყო მსოფლიოში. ამაზე არათუ ჩვეულებრივ მოქალაქეებს, ხელისუფალთაც კი არ აქვთ წარმოდგენა. მაშინ, როცა ჩვენ ვეძიებთ, რაზე ავაგოთ სახელმწიფოებრივი იდეოლოგია, როგორ ვიცხოვროთ მომავალში, გვავიწყდება რომ თვითონ ჩვენ ვართ, თურმე, სამყაროს პირველი ადამიანები და ამის უგულებელყოფას თვით შემოქმედი — ღმერთი არ გვაპატიებს.

ირანდა კალანდაძე
ფოტოს გამოყენება შესაძლებელია მხოლოდ „საერთო გაზეთის“ და აღმოჩენის ავტორის მითითებით.

მეტის ნახვა
8-10-2018, 15:30


საქართველოში სკოლის საატესტატო (CAT) გამოცდები 2011 წლიდან, ორ ეტაპად, მე 11 და მე 12 კლასებში ტარდება. მე 11 კლასის მოსწავლეები სასწავლო წლის ბოლოს იმ საგნებს აბარებენ, რომელთა სწავლაც დაასრულეს (ფიზიკა, ქიმია, ბიოლოგია, გეოგრაფია). დარჩენილ 4 საგანში კი (მათემატიკა, ქართული ენა და ლიტერატურა, უცხოური ენა, ისტორია) ტესტირებას მოსწავლეები სკოლის დამთავრებისას გადიან. მიუხედავად იმისა, რომ საატესტატო გამოცდებისთვის მოსწავლეები მთელი წლის მანძილზე ემზადებიან, გამოცდებზე ჩაჭრილთა რაოდენობა ყოველწლიურად იზრდება. მაგალითად, 2016 წელს 47 098 მოსწავლიდან ზღვარი ვერ გადალახა 11 519-მა. 2017 წელს 48 434 მოსწავლიდან ზღვარის გადალახვა 12 803-მა ვერ შეძლო, ამიტომ უფროსკლასელებისა და მათი მშობლებისთვის სასიხარულო აღმოჩნდა ინფორმაცია, რომ გამოსაშვები გამოცდების რაოდენობა შესაძლოა, რვიდან ოთხამდე შემცირდეს.

საქართველოს პარლამენტის განათლების, მეცნიერებისა და კულტურის კომიტეტის თავმჯდომარის მარიამ ჯაშის განცხადებით, შესაძლოა, ცვლილებების განხორციელების დროს გამოიყენონ ევროპული ქვეყნების გამოცდილება, სადაც გამოცდები მხოლოდ ოთხ ძირითად საგანში ბარდება – მშობლიური ენა, მათემატიკა, უცხო ენა და ერთი არჩევითი საგანი.

„ცალსახად ვფიქრობ, რომ რაოდენობრივად ძალიან ბევრი გამოცდაა, თან გარკვეულ კონფლიქტში მოდის კონკრეტული გამოცდები – სკოლის დამამთავრებელ ეტაპზე მოსწავლემ შეიძლება ჩააბაროს იგივე გამოცდები, რასაც ეროვნულ გამოცდებზე აბარებს, ეს კი ახდენს დუბლირებას და ჯანსაღი პროცესი არ არის” – განაცხადა ჯაშმა.

რა შედეგებს მოუტანს გამოსაშვები გამოცდების შემცირება სკოლას და როგორ იმოქმედებს ქვეყანაში განათლების ხარისხზე განათლების ექსპერტი მანანა ნიკოლაიშვილი გვესაუბრა:

– რამდენიმე დღის წინ პარლამენტის განათლების, მეცნიერებისა და კულტურის კომიტეტის თავმჯდომარემ განაცხადა, რომ სკოლის გამოსაშვებ გამოცდები რვიდან ოთხამდე შემცირდება. შესაბამისად, ერთიანი ეროვნული გამოცდების საგნები: ინგლისური, ქართული, მათემატიკა და ერთი არჩევითი საგანი დარჩება და ფუნდამენტური მეცნიერებები ფიზიკა, ქიმია, ბიოლოგია და გეოგრაფია გაუქმდება. სრული პასუხისმგებლობით ვაცხადებ, რომ ამის გაკეთება არ შეიძლება, რადგან სკოლის დაცლას გამოიწვევს. სკოლა თავზე დაგვემხობა. ეს „კინო“ ერთხელ ხომ ვნახეთ? და რა შედეგები მოგვცა? ეს არის საქმის ყოვლად გაუმართლებელი, მტრული და მზაკვრული გამარტივება იმისთვის, რომ გამოსაშვებ გამოცდებზე ნაკლები ჩაჭრილი გვყავდეს და პოლიტიკოსებმა საზოგადოებას თვალში ნაცარი შეაყარონ — აი, ბატონო ავწიეთ განათლების ხარისხიო.

თავის დროზე, მე და თქვენ ვწერდით, რა მოუტანა სკოლას გამოცდების გაუქმებამ. ჯერ მეთორმეტე კლასი დაიცალა, შემდეგ მეთერთმეტე და მეათე ანუ მთლიანად, სკოლის მესამე საფეხური, შემდეგ გაცდენები მეორე საფუხურზე დაიწყო და ბოლოს სკოლაში აღარავინ დადიოდა. იმდენად კატასტროფული ვითარება შეიქმნა, რომ სააკაშვილის ხელისუფლება 2010 წელს იძულებული გახდა გამოცდები აღედგინა. ახლა ზუსტად იგივე წრეზე მიდის ოცნება, ამიტომ ვამბობ, რომ ეს „კინო“ ნანახი გვაქვს. ასე აპირებენ გამოცდების ფორმატის შეცვლას და ღრმა რეფორმის გატარებას? რეფორმა კი არა, მთლიანად დაიცლება სკოლები.

– ხელისუფლება ევროპული ქვეყნების გამოცდილების გაზიარებაზე საუბრობს, სადაც გამოცდები მხოლოდ ძირითად საგნებში ბარდება.

– სად, რომელ ევროპულ ქვეყანაში არ არის სასკოლო გამოცდები? როგორ შეიძლება ბავშვს 12 წელი ასწავლო და სკოლა ისე დაამთავრებინო, რომ სახელმწიფო გამოცდა არ ჩაუტარო? 8 კი არა, წლების წინ 12 გამოცდა იყო. მერე 11-მდე და 10-მდეც შეამცირეს და ახლა 8 გამოცდაა, მაგრამ ეს აუცილებლად უნდა დარჩეს. გამოსაშვები გამოცდების შემცირების ნაცვლად, ერთიანი ეროვნული გამოცდები უნდა მოხსნან და საატესტატო გამოცდებს ფორმატი შეუცვალონ. საზღვარგარეთის ქვეყნების მსგავსად, უნდა შემოვიდეს სამი სავალდებული კრიტერიუმი: ატესტატის რეიტინგი, ატესტატის ქულა და დახასიათება -რეკომენდაცია, რომელსაც სკოლა იძლევა.

–უმაღლეს სასწავლებელში ჩარიცხვა ამ კრიტერიუმების საფუძველზე უნდა მოხდეს?

– ამ კრიტერიუმებისა და გასაუბრების საფუძველზე. შეფასებისა და გამოცდების ეროვნული ცენტრი რომ იქმნებოდა, რეფორმის სათავეში უცხოელი კონსულტანტები იდგნენ და იქიდანვე განსაზღვრული იყო, რომ რაღაც პერიოდის შემდეგ ერთიანი ეროვნული გამოცდები იმ ფორმით რა ფორმითაც ახლა არის, გაუქმდებოდა.

– როგორც იცით, მიხეილ ბატიაშვილმა შეფასებისა დაგამოცდების ეროვნული ცენტრის უცვლელი დირექტორი თანამდებობიდან გაუშვა და მის ნაცვლად მასწავლებელთა პროფესიული განვითარების ცენტრის დირექტორი სოფო გორგოძე დანიშნა. თქვენი აზრით, რამდენად გაუმკლავდება გორგოძე ამ მისიას?

– არ ვიცი ასეთი საკადრო ცვლილება ვის მოუვიდა თავში, რადგან მაია მიმონოშვილი უმაღლესი დონის პროფესიონალია და განათლების დონითაც და სპეციალობითაც სრულიად შეესაბამებოდა იმ თანამდებობას. საერთოდ, ჩემთვის გაუგებარია, რატომ აბრუნებენ სისტემაში ძველ კადრებს, რომლებიც თავის დროზე გაუშვეს. სოფო გორგოძე, მასწავლებელთა სახლის ახალი დირექტორი ბერიკა შუკაკიძე და მინისტრის ახალი მოადგილე ირინა აბულაძე განათლების სამინისტროში ალექსანდრე ლომაიას დროს მუშაობდნენ და მათი დაბრუნება წარსულთან დაბრუნების ასოციაციას ქმნის. საინტერესოა, რატომ გაუშვეს ეს ხალხი სამინისტროდან? კარგი მუშაობისთვის? ხარისხიანი რეფორმა გატარდა რომელიმე? ჯერჯერობით, რა კადრებიც მოიყვანეს, თითქმის ყველა ლომაიას კადრია. ამ ხაზით თუ აპირებენ საკადრო ცვლილებების განხორციელებას, მაშინ ჯობია, პირდაპირ ლომაია მოიყვანონ, უფრო ქმედითიც იქნება და ღრმა რეფორმების გატარება სხვა მინისტრებზე უკეთაც შეუძლია.

– საუბრის ბოლოს აუცილებლად სახელმძღვანელოების გრიფირებაზეც უნდა გკითხოთ. სამინისტროს განმარტებით, გამოვლენილ დარღვევებში შესაძლოა სისხლის სამართლებრივი დანაშაულის ნიშნები იკვეთებოდეს, ამიტომ სამინისტრომ ინსპექტირების სამსახურის დასკვნა პროკურატურაში გადააგზავნა. თქვენი აზრით, დადგება თუ არა კონკრეტულ პირთა პასუხისმგებლობის საკითხი?

– სასკოლო სახელმძღვანელობის საკონკურსო წესით შერჩევისა და გრიფირების პროცესი რომ დარღვევებით ჩატარდა, ამაზე არაერთხელ ითქვა. შედეგად, სკოლამ აირჩია სულ სხვა წიგნები და მიიღო სულ სხვა, რაც არის გაუმართავი და კორუფციული ხვრელებით სავსე გრიფირების დებულების დამსახურება. 2015 წელს უნდა გამოცხადებულიყო სახელმძღვანელოებზე კონკურსი, მაგრამ რატომღაც გადაიდო და 2018 წლამდე ორჯერ გაუგრძელდა ვადა. საინტერესოა, რატომ გამოცხადდა კონკურსი დაგვიანებით? 2017 წლის ბოლოს უნდა ჩაებარებინათ საკონკურსო მასალა, კონკურსის დაგვიანებით გამოცხადების გამო ძალიან მცირე იყო სახელმძღვანელოების დაწერისადა საკონკურსო მაკეტების დამზადებისათვის გამოყოფილი დრო.

სახელმძღვანელოებისდაწერისთვის იყო შვიდი თვე, რაც არის გამაოგნებლად მცირე დრო და ექსპერტიზისთვის იყო ექვსი თვე. ბუნებრივია, ჩნდება კითხვა რატომ იყო ექსპერტიზისთვის ასეთი გაწელილი დრო, რომლის განმავლობაშიც სოლიდურ ხელფასებს ირებდნენ? ავტორებს წაართვეს ექსპერტებთან შეხვედრისა და აზრის დაფიქსირების უფლება, ხშირ შემთხვევაში არ იყო აპელაციის საშუალება, გრიფირებული სახელმძღვანელოების პრეზენტაცია მოხდა სახელმძღვანელოების გარეშე. ზოგიერთ შემთხვევაში დარღვეული იყო ანონიმურობა. ზოგიერთი ავტორის წიგნები გრიფირების შემდეგ ვერ მოხვდა ე.წ. შესყიდვების სიაში, როგორც ვთქვი მასწავლებლებმა აირჩიეს სხვა წიგნები და სრულიად სხვა წიგნები მიიღეს, რითაც დაირღვა მასწავლებელთა, სკოლების, ავტორების და გამომცემელთა უფლებები. სახელმძღვანელოების ფასი სამინისტროსთვის გაცილებით ღირებული აღმოჩნდა, ვიდრე მათი შინაარსობრივი და მეთოდური გამართულობა. რატომ არ აღმოჩნდა შესყიდვების სიაში ის სახელმძღვანელოები, რომლებიც საუკეთესო იყო და აღმოჩნდა ის სახელმნძღვანელოები, რომლებიც პირველი გრიფირების დროს საერთოდ არ იყო გრიფირებულთა სიაში..როგორც ხედავთ, სახელმძღვანელოების გრიფირების პროცესში საკმარისზე მეტი დარღვევაა. რაც შეეხება პასუხისმგებლობის საკითხს, ეს სხვა სტრუქტურების დასადგენია და მოვლენებს წინ ნუ გავუსწრებთ.

ნელი თორდია

მეტის ნახვა
6-10-2018, 20:30


რამდენიმე ხნის წინ ინტერნეტსივრცეში გავრცელდა "სახალხო კრების" ყოფილი წევრის, მოძრაობა "ქართული მარშის" ერთ-ერთი დამფუძნებლის ლაშა ამირეჯიბის საზოგადოებისადმი მიმართვა. ლაშა ამირეჯიბის განცხადებით, მან არჩევნებთან დაკავშირებით ძალზე საინტერესო, უფრო მეტიც, საგანგაშო ინფორმაციები მიიღო საზღვარგარეთიდან.

მიმართვის ადრესატი მოქმედი ხელისუფლებაცაა, რომელიც მისი მისი აზრით, არაფრის მაქნისი აღარ არის. ამ ინფორმაციას ვაწვდი საქართველოს მოქალაქეებს, იმ ადამიანებს ვისაც თავისი ქვეყანა უყვარს. ნაციონალები როდესაც ვინმეს ასე წირავენ, მის რუსეთუმეობაზე და რუსეთის აგენტობაზე ლაპარაკობენ, გრიგოლ ვაშაძეს ერთი თვეა რუსეთიდან შემოყვანილი ჰყავს ძალიან სერიოზული პიარ-სპეციალისტები ვიტალი შკლიაროვი და ალექსანდრე კაცი, რომლებიც მას ეხმარებიან. რა გამოდის, ეს ადამიანები სარგებლობენ ხომ რუსეთის დახმარებით? ეს ნაძირალა ნაციონალები ვინმესკენ ხელს რომ გაიშვერენ, სხვა ბევრ რამესთან ერთად, ესეც უნდა შევახსენოთო. ახლა იმის შესახებ, რას აპირებენ ნაცები იმ შემთხვევაში თუ მათი საპრეზიდენტო კანდიდატი არჩევნებს ვერ მოიგებს. ლაშა ამირეჯიბის ხელთ არსებული ინფორმაციით, ლევან ვარშალომიძესა და მის გუნდს დავალებული ჰქონიათ, რომ რადაც არ უნდა დაუჯდეთ, ვაშაძეს აჭარაში ხმების 70% უნდა მოუგროვონ. აქ ჩართეს აჭარაში მცხოვრები უცხოტომელები, მეტწილად თურქები, ასევე არაბები და ა.შ. ეს ის ხალხია, რომლებიც სააკაშვილმა ჩამოიყვანა და დაასახლა საქართველოში, მათ მიეცათ აქ ჩაწერის უფლება. ეს ხალხი იმ დროს ყოფილა აჭარაში ჩაწერილი, როცა ფეთჰულა გიულენმა სთხოვა სააკაშვილს. ვარშალომიძის ჯგუფს დავალებული აქვს დიდი ფულის დახარჯვა, რომ მათ ნაცმოძრაობას დამ ის კანდიდატს მისცენ ხმა. დაახლოებით იგივე მდგომარეობა ყოფილა სამეგრელოში, `საქმის~ მოკვარახჭინება როლანდ ახალაიას, გოროზიას, თენგიზ გუნავას და მათ ზონდერებს ჰქონიათ დავალებული.

ლაშა ამირეჯიბი: მისახედია ეს ამბავიც, იმიტომ, რომ სამეგრელო ძალიან სპეციფიური რეგიონია და ძალიან დიდი ალბათობაა იმისა, რომ მართლა წავაგოთ იქ არჩევნები. წავაგოთო იმიტომ ვამბობ, რომ ქართველი ხალხი გადარჩეს, გადაურჩეს ნაციონალების სისასტიკეს, სისხლსა და უბედურებას. გარდა ამისა, ძალოვან უწყებებში (შსს, სპეცსამსახურები, ჯარი და ა.შ.) ნაცების ნარჩენები, რომლებიც ამ უწყებების კონტიგენტის დაახლოებით 40%-ს შეადგენენ, მზადყოფნაში არიან, ნაცმოძრაობა ძალიან სერიოზულად მუშაობს მათთან, არჩევნების შემთხვევაში რამე რომ მოხდეს, ეს ადამიანები მზად არიან ნაცებს ხელი გაუმართონ და დაეხმარონ. ეს აუცილებლად უნდა ვიცოდეთ ხალხნო, რადგან მგონი, ჩვენ მოგვიწევს ყველაფრის ჩვენს თავზე აღება, იმიტომ, რომ ხელისუფლება ვერაფერს აკეთებს. საარჩევნო ფული ქეშად შემოდის თურქეთიდან და სომხეთიდან პატარ-პატარა ნაკადებად, თითო კაცს 4000–5000 დოლარი შემოაქვს. არცერთ სამსახურს არ აქვს უფლება რომ ამ ოდენობაზე ვინმეს კითხოს რატომ შემოაქვთ, შეიძლება შემოიტანო საზღვრიდან. ნაცმოძრაობა და ე.წ. ოდესის ქართველები, დავით ლორთქიფანიძე, რომელიც ოდესის პოლიციის უფროსი იყო, ვინმე მამულაშვილი, მაყიშვილი და რა თქმა უნდა გარეწარი დათო საყვარელიძე, ძალიან "მწარე" ნაციონალი, რომელსაც სიკეთე არავისთვის გაუკეთებია ქირაობენ ადამიანებს, სანდო პირებს, რომლებსაც ევალებათ საქართველოში ფულის შემოტანა ასე ნაწილ-ნაწილ რა თქმა უნდა, გარკვეული საფასურის სანაცვლოდ. დიდი თანხის გადმორიცხვის ეშინიათ და ასე შემოდიან ადამიანები ყოველდღიურად პატარა თანხებით და ნელნელა მოგროვდება ფული. მიუხედავად იმისა, რომ ძალიან არ მინდა ამის თქმა, ის ქართველი მეომრები, რომლებიც უკრაინაში რუსეთის წინააღმდეგ იბრძოდნენ, თურქეთის გავლით პატარ-პატარა ჯგუფებად შემოდიან, ვითომ მუშები არიან, რომლებიც თურქეთში მოსავლის ასაღებად იყვნენ წასული. მათ საზღვარზე რომ ეკითხებიან სად იყავითო, ჩაის და ხილის საკრეფად ვიყავიო.

ნაცმოძრაობის ლიდერები პირდაპირ ამერიკის საელჩოდან იღებენ დირექტივებს, ისინი ძალიან ხშირად სტუმრობენ საელჩოს, მაგალითად ბოკერია, მისი მეუღლე და კიდევ რამდენიმე კაცი დირექტივის მისაღებად რა და როგორ უნდა გააკეთონ. რაც მთავარია, ამათ ძალიან ეხმარებიან საქართველოს ფარგლების გარედანაც, მინდა ვთხოვო ჩვენს სპეცსამსახურებს რომ სასაზღვრო პოლიციაში გადაამოწმონ სიები ვინ სად და როგორ მიდის. ეს ადამიანები გადიან ქვეყნიდან და ძალიან სერიოზული შეხვედრები აქვთ ამერიკელ და ევროპელ ძალიან მაღალი თანამდებობის პირებთან, რომლებისგანაც დირექტივებს იღებენ. ამხელა ძალა ებრძვის საქართველოს, ბიძინა ივანიშვილს, რომ დაამხონ იგი თავის ხელისუფლებიანად. ადრე პატარა "გრეჩიხამ" რომ დაიყვირა, პატრიარქი "პლენშიაო", დღესაც ასეთი მდგომარეობაა. მე როგორც მომაწოდეს ინფორმაცია, ივანიშვილიც "პლენშია", უფლება არ აქვს გამოვიდეს და თქვას, რომ "მარიხუანის" თემის ინიციატორი თვითონ არ არის, რომ ის "შემოგდებულია" და ივანიშვილმა თავის თავზე უნდა აიღოს. არსებობენ ასეთი ადამიანები, მათიას იორში (ევროსაბჭოს საპარლამენტო ასამბლეის მონიტორინგის ჯგუფის ყოფილი ხელმძღვანელი), კრეტინი მეთიუ ბრაიზა (ამ პერსონის წარდგენა დიდად არ ჭირდება საზოგადოებას – მ.ს.) და პიტერ სემნები (ევროკავშირის ყოფილი სპეცწარმომადგენელი სამხრეთ კავკასიაში), რომლებიც ძალიან სერიოზულად არიან ჩართული პროცესებში და ეხმარებიან ნაცმოძრაობის ლიდერებს. ბევრი სხვა რამის თქმაც შემიძლია, მაგრამ არ მინდა დაგძაბოთ. საბოლოოდ უნდა მოხდეს ასეთი რამ, თუ ნაცმოძრაობის კანდიდატმა ვერ გაიმარჯვა საპრეზიდენტო არჩევნებში, შემდეგ უკვე იწყება ხალხის გამოყვანა, რუსთაველის გამზირის გადაკეტვა და არეულობა. ასე რომ, ძალიან რთული ვითარებაა, ამ ძალებმა შესაძლოა საპატრიარქო გამოიყენონ, რისი დაჯერებაც არ მინდა.

ხმამაღლა მინდა ვთქვა, რომ მოსალოდნელია არეულობა, რომელმაც ჩვენს კისერზე უნდა გადაიაროს. ამიტომ მეგობრებო, ჩემო ძმებო, ვაჟკაცებო ეს უნდა იცოდეთ. ნაციონალები არ უნდა მოვიდნენ ხელისუფლებაში, გადაწყვეტილება უნდა მივიღოთ და ავირჩიოთ არანაციონალი პრეზიდენტი. 
მოძრაობა "ქართული მისიის" წარმომადგენლის რამაზ გაგნიძის განცხადებით, მათაც აქვთ ინფორმაცია, რომ დონბასიდან გადმოყავთ ის ზონდერები, რომლებსაც ნაცრეჟიმის დროს 300.000 ადამიანის დაჭერაში, ადამიანების წამება-გაუპატიურებაში, ახალგაზრდების ქუჩაში ჩახოცვასა და უამრავ სხვა დანაშაულში აქტიურად იყვნენ ჩართული. ისინი მზად არიან არეულობა მოაწყონ, იარაღი აიღონ ხელში და დაამხონ ხელისუფლება. არ დავუშვებთ რომ ქვეყანა სამოქალაქო დაპირისპირებამდე მივიდეს, რასაც ჩვენი ქვეყანა ვეღარ გაუძლებს. ათასეულობით ადამიანი შევიკრიბებით და კონსტიტუციის ფარგლებში დავიცავთ ჩვენს უფლებებს, რომ სისხლისმსმელი ნაცები ხელისუფლებაში ვეღარ დაბრუნდნენო.

"კავკასიელ ხალხთა კონფედერაციის" თავმჯდომარე ზაალ კასრელიშვილი: საქართველოში ყველაფრის უკან, რასაც ოპოზიციური საქმიანობა ჰქვია, ნაცმოძრაობა დგას. მათ ხელისუფლებაში არჩევნების გზით მოსვლის შანსი არ აქვთ, სხვათა შორის, მათ არც 2003 წელს ჰქონდათ უმრავლესობით მოსვლის შანსი, არჩევნებში ხმების 17 თუ 18% მიიღეს. ამიტომაც მოაწყეს რევოლუცია, რაშიც შევარდნაძემ შეუწყო ხელი. მათ ახლაც ერთი გზა რჩებათ, რევოლუცია, იმიტომ ცდილობენ არეულობების მოწყობას. მე ამას დესტაბილიზაციას ვერ დავარქმევ, რადგან ეს არეულობა ქვეყნის მასშტაბით არ არის, ხალხის აყოლიებას ვერ შეძლებენ, რადგან რეგიონებშიც უამრავი მოწინააღმდეგე ყავთ. დააკვირდით, მხოლოდ მედიასაშუალებებში ჩანს ოპოზიციური სპექტრი, დედაქალაქში თუ შეკრებენ მცირერიცხოვან მომხრეებს და პატარა არეულობას შექმნიან. ნაცმოძრაობას ავიწყდება, რომ მათ მოწინააღმდეგე უფრო მეტი ყავთ, ვიდრე მომხრე, ხალხთან დაპირისპირებაში აღმოჩნდებიან, 2012 წელსაც დაუპირისპირდნენ ხალხს და წააგეს. ახლაც არათუ წააგებენ, არამედ საბოლოოდ დაიმარხებიან, სხვა ოპოზიციური ძალები არ დაიჭერენ მათ მხარეს. 

უცხოური სპეცსამსახურების ხელი ურევია ამ არეულობებში. როდესაც საქართველოსთან დაკავშირებით, ასეთი დადებითი პროცესები მიდის საერთაშორისო ასპარეზზე, მხოლოდ რუსებს აწყობთ აქ ვითარების დაძაბვა. ნაცმოძრაობის ლიდერებს საერთოდ არ აინტერესებთ რა მოყვება ამ არეულობას, ეს განსაკუთრებით სააკაშვილზე ითქმის, მისთვის მხარდამჭერები მხოლოდ საზარბაზნე ხორცია. მეომრების ჩამოყვანა და "სამართლიანობის" აღდგენა რომ უნდა, ამ დალოცვილს "ბოევიკები" თუ ყავდა, აგვისტოს ომში გამოეყენებინა, მთელი მსოფლიოს სასაცილო რომ გაიხადა თავი გორში ასფალტზე ხოხვით და ტელეკამერის წინ ჰალსტუხის ღეჭვით. რატომ არ იბრძოლეს ომში მაგისმა ე.წ. სარდლებმა, ჯარისკაცები რომ მიატოვეს და ცხინვალიდან უკანმოუხედავად გამოიქცნენ. 

დღეს რაც ხდება, ეს პოზიცია-ოპოზიციის დაპირისპირება არ შეიძლება ჩაითვალოს, რადგან თვითონ ნაციონალებსა და მათ სატელიტებს დაყავთ თუნდაც საპრეზიდენტო არჩევნები სააკაშვილისა და ბიძინა ივანიშვილის შორის დაპირისპირებამდე. ვიმეორებ, სააკაშვილმა ძალიან კარგად იცის, რომ ვერაფერს მიაღწევს, მაგრამ უნდა არეულობა გამოიწვიოს, რომ როგორმე ყურადღების ცენტრში მოექცეს საერთაშორისო დონეზე.

მანანა სუხიშვილი

მეტის ნახვა
6-10-2018, 17:30