საერთო გაზეთს“ ანდრია პირველწოდებულის სახელობის უნივერსიტეტის ფსიქოლოგიის პროფესორი, ფსიქოლოგთა საზოგადოების თავმჯდომარის მოადგილე და ექსპერტი განათლების საკითხებში ზურაბ ვახანია ესაუბრა:

– ბატონო ზურაბ, დიდი ხანია საუბრობენ, რომ სახელმწიფო ეტაპობრივად ახორციელებს უნივერსიტეტების შემცირების პოლიტიკას. თუ გავითვალისწინებთ, რომ ყოველწლიურად რამდენიმე უმაღლესი სასწავლებელი ავტორიზაციას კარგავს და ეროვნული გამოცდების დასრულების შემდეგ უმაღლეს სასწავლებლებში14 569 ვაკანტური ადგილი დარჩა, ეს ვარაუდი უსაფუძლო არ უნდა იყოს.

– უმაღლეს სასწავლებლებში თავისუფალი ადგილების დარჩენის მთავარი მიზეზი ის გახლავთ, რომ ცოდნის დონე წლიდან წლამდე იკლებს და აბიტურიენტებს გამოცდების ჩაბარება სულ უფრო მეტად უჭირთ. სამწუხაროდ, რაც უფრო მეტი დრო გადის, განათლების სისტემის ყველა საფეხურზე მდგომარეობა უარესდება. მარტო სკოლებში კი არა, უკვე მაგისტრატურაშიც კატასტროფაა. შეიძლება დაუჯერებლად ჟღერს, მაგრამ მაგისტრანტებმა და ზოგ შემთხვევაში დოქტორანტებმა ისეთი საკითხები არ იციან, რაც ჩემი წარმოდგენით, მე 8 და მე 9 კლასელმა მოსწავლემ უნდა იცოდეს.

– როგორც ჩანს, ხარისხიანი განათლების მისაღწევად მხოლოდ განათლების მინისტრებისა და ხელისუფლებებისა ცვლა საკმარისი არაა. თქვენი აზრით, რა არის უმაღლეს სასწავლებლებში განათლების ხარისხია გაუარესების მიზეზი?

– გაუარესდება აბა რა იქნება, როცა უნივერსიტეტებში სრულიად მოუმზადებელი ბავშვები აბარებენ, რომლებსაც არავითარი საფუძველი არა აქვთ. ჩვენთან უმაღლესი განათლება სავაჭრო დახლად არის ქცეული და ყველა, ვინც ფულს გადაიხდის, დიპლომს იღებს. ერთი ასეთი შემთხვევა მახსენდება. საბჭოთა კავშირის დაშლის შემდეგ, საზღვრები რომ გაიხსნა, ქართველი ახალგაზრდა ამერიკაში გაცვლითი პროგრამით გაგზავნეს. ერთხელ შეესწრო, რომ მისი მასპინძელი ოჯახის შვილი, რომელიც უმაღლეს სასწავლებელში აბარებდა, საგამოცდო ტესტს თავის სახლში ავსებდა და უნივერსიტეტს ინტერნეტით უგზავნიდა. ჩვენებურმა გაოცებით იკითხა ეს როგორი გამოცდაა, ხომ შეიძლება ვინმე დაიხმარო და რას მიხვდებიან შენ გააკეთე თუ სხვამო. ამერიკელი გაოცდა – რაში მჭირდება ამის გაკეთება, ეს ტესტი მაჩვენებს რამდენად მზად ვარ უნივერსიტეტში სწავლისთვის და თუ მზად თუ არ ვარ, ტყუილად წლები რატომ უნდა დავკარგოო? აი, ეს არის საღი აზროვნება. ჩვენთან კი უნივერსიტეტში ჩაბარება კი არა, თუ საკმარის ფულს გადაიხდის, ადამიანი დისერტაციას დაიცავს და მერე თანამდებობაზე ან ექსპერტად მოგვევლინება. უკვე გამოჩნდა ასეთი ექსპერტების თაობა, მაგრამ 5 წლის მერე უარესი იქნება. სწორედ ამ ე.წ. ექსპერტების გამო მოხდა ის, რაც სახელმძღვანელოების გრიფირებაზე მოხდა, თუმცა ეს ცალკე საუბრის თემაა.. გაუგებარია, ვის რაში ჭირდება ამდენი დიპლომიანი უვიცი? კომუნისტების დროს, როცა საქართველოში ორჯერ მეტი ახალგაზრდა და თითქმის 100%-იანი დასაქმება იყო, უმაღლეს სასწავლებლებს წელიწადში 8000 ახალგაზრდა ამთავრებდა. დღეს, როცა იმ დროსთან შედარებით, მოსახლეობის რაოდენობა განახევრებულია, ჩვენი ეკონომიკისა და დასაქმების მქონე ერისთვის 4 000 კურსდამთავრებულიც საკმარისია. ყოველწლიურად 1500 ახალგაზრდა რომ იურისტის დიპლომს აიღებს, იმათ რა უნდა აკეთონ? რეალურად, ამ უმაღლესი სასწავლებლების უმეტესობა ცოდნის მიცემის კი არა, ახალგაზრდების მოტყუების და ცხოვრების გამრუდების გზაა. ფიქრობთ, რომ იქ რამეს ასწავლიან? ამასწინათ, ერთ-ერთ უნივერსიტეტში რაღაც გამოკითხვა იყო და ეკონომისტებმა პროცენტი ვერ გამოთვალეს. ეკონომისტმა პროცენტის გამოთვლა რომ არ იცის, მისგან რა სპეციალისტი უნდა გამოვიდეს?

– თქვენი აზრით, სახელმწიფოს რაში ჭირდება სტუდენტების რაოდენობის ხელოვნურად გაზრდა? ეს ხომ ბიუჯეტიდან ტყუილად გადაყრილი ფულია?

– პირიქით, ბიუჯეტის დაფინანსებას სტუდენტების ძალიან მცირე ნაწილი იღებს. ალბათ სწორედ ის 4000 და უფრო ცოტა, დანარჩენებმა კი ფარატინა წაღალდი რომ აიღონ, ოჯახები უკანასკნელ ძროხას და ზოგჯერ სახლ-კარს ყიდიან და ბანკის სესხებს იღებენ. საბოლოოდ, ვერც ცოდნას იღებენ და რაც აქვთ, იმასაც კარგავენ. სახელმწიფო ფულს აძლევს კი არა, ამ ხალხისგან ქაჩავს ფულს. ასეთმა ახალგაზრდამ უკვე საქმის კეთება აღარ იცის და მხოლოდ სიყალბეზეა ორიენტირებული. ყალბი დიპლომი რომ აქვს, თავი მართლა უმაღლესდამთავრებული ჰგონია და ელის, როდის მოაწყობენ სადმე დირექტორად. ის უკვე მოქალაქედაც არ ვარგა, რადგან მთლიანად დამახინჯებული აზროვნება აქვს. წლების მანძილზე ვითომ გამოცდებს აბარებდა, ვითომ ნიშნებს იღებდა, ვითომ დიპლომიც აიღო და სინამდვილეში, წესიერად რომ ჩაუტარო, მე 6 კლასის გამოცდებს ვერ ჩააბარებს. ეს არის თაობების და საქართველოს მომავლის გაუბედურება.

– თავის დროზე, როცა უმაღლესი სასწავლებლები ნაწვიმარზე სოკოსავით მომრავლდნენ, ექსპერტები ვარაუდობდნენ, რომ ხელისუფლება ამ გზით ახალგაზრდების ქუჩიდან მოწყვეტას და სწავლით დამაგრებას ცდილობდა..

- რომელ სწავლაზე მელაპარაკებით, რომელიც არ არსებობს? ან ქუჩას როგორ მოწყვიტეს, როცა სტუდენტები ლექციებზე არ დადიან და მაინც ქუჩაში დგანან. ამას ქვია ქუჩას მოწყვეტა?

– ისევ სკოლის პრობლემებს დავუბრუნდეთ. წლებია საუბრობენ იმაზე, რომ მე 12 კლასელები სკოლაში არ დადიან და ბიუჯეტის მილიონები წყალში იყრება, მაგრამ მეთორმეტე კლასს მაინც არ აუქმებენ..

– არ აუქმებენ იმიტომ, რომ ბოლონიის საერთაშორისო სტანდარტების მიხედვით, ზოგადი განათლება მინიმუმ, 12 წლიანი უნდა იყოს, მაგრამ მარტო მე 12 კლასზე რატომ ვლაპარაკობთ? სხვა კლასებში დადიან და სწავლობენ? თავად განათლების სამინისტროს ჩატარებული კვლევის შედეგები სრული კატასტროფაა და ამიტომ ასაიდუმლოებენ. დასკვნის მიხედვით, მეოთხე კლასის შემდეგ მოსწავლეების უმეტესობა მომდევნო კლასში სწავლისთვის მზად არაა. გამოდის, რომ ბავშვების ნახევარზე მეტი მეექვსე და შემდგომ კლასებში ტყუილად დადის. პედაგოგიკა ძალიან თანმიმდევრული მეცნიერებაა. ათასში ერთია განსაკუთრებულად ნიჭიერი ბავშვი, რომელსაც სულ რომ არ ასწავლო, მაინც ისწავლის. საშუალო დონის მოსწავლემ კი ყველაფერი თანმიმდევრულად უნდა გაიაროს. გამოდის, რომ მეექვსე კლასში მოსწავლეების 50% ტყუილად დადის, მე 7-მე 8 კლასში უკვე 80% დადის ტყუილად იმიტომ, რომ მეექვსე კლასის პროგრამა არ უსწავლია და რაღა მე 12 კლასზე ვლაპარაკობთ? წესით, მეათე კლასში უნდა მოხდეს სერიოზული პროფილირება სხვანაირად შეუძლებელია. მსოფლიოში არ არსებობს მეტ-ნაკლებად განვითარებული განათლების სისტემა, რომელშიც ყველა ბავშვი ერთად ზის მეათე კლასში. არ ხდება ასეთი რამე და ჩვენ სასწაულს შევძლებთ? 

– ყოველწლიურად, ავტორიზაციას რამდენიმე უმაღლესი სასწავლებელი კარგავს და ასე თუ გაგრძელდა, სტუდენტთა რაოდენობა ზოგადი უნარების „დახმარების “ გარეშეც შემცირდება.


– მაინც ძალიან ბევრია. ყველაფერს რომ თავი დავანებოთ, ამდენი უნივერსიტეტის სამყოფი პროფესურაც არ გვყავს. მართლა პროფესორი და კვალიფიციური სპეციალისტი რასაც ქვია, სანთლით არის საძებნი. ისიც საინტერესოა, რატომ არ უტარებს სახელმწიფო უნივერსიტეტების მასწავლებლებს გამოცდებს სკოლის მასწავლებლების მსგავსად? რატომ არავის აინტერესებს ნამდვილად მზად არის თუ არა ადამიანი იმისთვის, რომ სტუდენტს ასწავლოს? ხუთჯერ დავსვი ეს საკითხი სამინისტროში, და არავინ შეისმინა. თუმცა, ვინ უნდა შეისმონოს, როცა საქმის მცოდნე არავინ ჰყავთ და ნამდვილ ექსპერტს და სპეციალისტს გვერდით არ იკარებენ? ამიტომ არის ჩვენი ე.წ. განათლების სისტემა ერთი დიდი სიყალბე და ეს სიყალბე იწყება სკოლიდან. ახლა სასწავლო გეგმების საკითხი.. იცით, რას ასწავლიან სტუდენტებს? იმას კი არა, რაც სტუდენტს ჭირდება, რაც მასწავლებელს ურჩევნია იმას და ამაზე არავითარი კონტროლი არ არსებობს.. ათი სტუდენტიდან სამი და ოთხი რომ მონდომებულია და სხვებთან შედარებით, სწავლა შეუძლია, ისიც ვერ სწავლობს, იმიტომ, რომ არაპროფესიონალი მასწავლებელი უსარგებლო რამეებს ასწავლის. ამიხსნას ვინმემ, რატომ შეინარჩუნეს ნაციონალების კადრები სამინისტროში და სკოლის დირექტორებად? განათლების სისტემაში ნახევარზე მეტი მათი კადრია.

– ალბათ იმიტომ, რომ ნაციონალების შემდეგ მოსული ხელისუფლების პირველი განათლების მინისტრმა ამ კადრების შენარჩუნება ბრძანა.

– მერე რა? დღეს ხომ აღარ არის გიორგი მარგველაშვილი „ქართული ოცნების“ სახე? მაშინ ვისი პოზიციაა ეს? იმისი ხომ არა, ვინც „ქართულ ოცნებასაც“, მარგველაშვილსაც და ნაცებსაც მართავს? ასე მივადგებით იმ საკითხს, რომელსაც ტაბუ ადევს. შუა რგოლს არ ენაღვლება ეს ყველაფერი, მას მხოლოდ პირადი სარგებელი აქვს და იმის იქით, თუნდაც ქვა ქვაზე არ დარჩენილა. მსოფლიოში არ არსებობს ძალა, რომლისთვისაც ძლიერი და განვითარებული საქართველო ხელსაყრელია. ეს ჩვენთვისაა დამღუპველი, თორემ ეკონომიკურად დასუსტებული ერი და მარიხუანით გამოდებილებული ახალგაზრდობა ადვილად სამართავია და ყველას ხელს აძლევს.იმიტომ ვართ იქ, სადაც ვართ და ეს ყველაფერი კანონზომიერია.

ნელი თორდია

მეტის ნახვა
11-09-2018, 21:16


სკანდალური ინტერვიუ მალხაზ კობაურის ადვოკატთან ვასილ მამულაშვილთან

სმიტების ოჯახის მკვლელობაში ბრალდებული მალხაზ კობაურის ინტერესებს ორი ადვოკატი, ვასილ მამულაშვილი და ლექსო კობაიძე იცავენ. ვასილ მამულაშვილის განცხადებით, ამ ეტაპზე ისინი სს-ის საქმეში არსებულ შესაძლო მტკიცებულებების შეფასებას ახდენენ.

ვასილ მამულაშვილი:
შესაძლო იმიტომ, რომ საქმეში არსებულ არცერთ დოკუმენტს არ გააჩნია, სანამ მოსამართლე არ მიანიჭებს ერთ-ერთი მხარის მტკიცებულების სტატუსს. დღეს კობაურის ჩვენების გარდა, არ არსებობს არანაირი მტკიცებულება, რომელიც კობაურის დანაშაულს დაადასტურებს. რაც შეეხება კობაურის ე.წ. აღიარებით ჩვენებას, მისი გაცნობის და კობაურის საუბრის მოსმენის შემდეგ აშკარა გახდება, ბრალდებულს სრულიად განსხვავებული საუბრის მანერა აქვს, უფრო მეტიც, იქ ისეთი ტერმინებია გამოყენებული, რაც მიუთითებს, რომ ჩვენება მისი კარნახით კი არ არის დაწერილი, სამართალმცოდნის შედგენილია. კობაურის განცხადებით, ჩვენებაში მითითებული ინფორმაციები მას არ უთქვამს, სულ სხვა რამ ვილაპარაკე და სხვა ჩვენებაზე მომაწერინეს ხელიო. ეჭვი გვაქვს, რომ მასზე ზეწოლები განხორციელდა, რაზეც თავის დროზე ვისაუბრებთ. ერთი სიტყვით, კობაური ხსენებულ ჩვენებას უარყოფს, რისი უფლებაც მას კანონმდებლობით აქვს. ბრალდებულს ნებისმიერ დროს შეუძლია ჩვენება შეცვალოს, რაც მის მიმართ უარყოფითად არ უნდა შეფასდეს. ზოგიერთს კი ჰგონია, რომ რახან ბრალდებულმა ჩვენება შეცვალა, ე.ი. დამნაშავეა.

კობაურმა თავის დროზე თქვა სიმართლე, მაგრამ ამის ოფიციალურად დაფიქსირება არ მოხდა. ასეთ ვითარებაში ჩვენი დაცვის ქვეშ მყოფი გამოძიებას ჩვენებას აღარ მისცემს, მას გამოვკითხავთ და იქნება დაცვის მხარის და არა ბრალდების მოწმე, რისი უფლებაც მას აქვს. როცა საჭირო იქნება, ის სრულყოფილ ჩვენებას მოგვცემს. ყველაზე დიდი დარღვევა, რაც გამოძიებამ ჩაიდინა ისაა, რომ ფარული საგამოძიებო მოქმედება ჩაატარეს მოწმის მიმართ, კერძოდ, იცოდნენ რა, რომ კობაურის ე.წ. ჩვენება რეალობას არ შეესაბამებოდა, მისი საუბარი ფარულად ჩაიწერეს, თან როგორც მტკიცებულება, რაც ფაქტობრივად პრეცედენტია. ამ ტიპის მოქმედებას მაშინ იყენებენ, როცა ნარკოტიკის ამოღება ან რეალიზაცია, ქრთამის მიცემა ხდება, რადგან ისე ვერ დაამტკიცებენ დანაშაულის ფაქტს. კობაურის შემთხვევაში გამოძიებამ ეტყობა იფიქრა, შეიძლება ადვოკატის ჩართვის შემდეგ მან ჩვენება შეცვალოსო და თავი "დაიზღვიეს", თორემ სხვა რა ლეგიტიმური მიზანი ჰქონდათ მისაღწევი? მოწმის გამოკითხვის ოქმი იმისთვის დგება, რომ სასამართლომ საჭიროდ ჩათვალოს პროცესზე მისი დაკითხვა, თუ არ არის მის მიერ მიწოდებული ინფორმაცია რელევანტური, მოსამართლე უარს ეუბნება მხარეს ამ ადამიანის დაკითხვაზე. ეს უბრალოდ გამოკითხვაა, ჩვენება ის არის, რასაც პირი სასამართლოზე მისცემს. ერთი სიტყვით, გამოძიებამ შექმნა ეს ვითომდა მტკიცებულება, თან ისე გაატარეს, რომ კობაურს ჩაწერის დროს თითქოს არ ჰქონდა ე.წ. ჩვენება მიცემული და მერე ჩამოართმევდნენ. ამ 12-წუთიანი საუბრიდან ჩანს, რომ კობაური უკვე გამოკითხული ყავდათ, ჩანს, რომ გამომძიებელი თვითონ საუბრობს დეტალებზე და კობაურს "იმოწმებს", ხომ ასეაო, რეალურად კობაურის მხოლოდ თანხმობებია, ანუ იგი ზემოქმედების ქვეშაა. ამ აუდიოჩანაწერთან დაკავშირებითაც გვინდა ექსპერტიზის ჩატარება, რომ გაირკვეს კობაურის ფსიქოლოგიური მდგომარეობა იმ მომენტში. ყოველ შემთხვევაში, ცალსახად დადგინდება, რომ ჩვენება უკვე აღებული აქვთ და კობაურს მის გასამყარებლად ალაპარაკებენ, თორემ ხელიდან გამოეცლებათ ის ე.წ. მტკიცებულებაც, რაზეც ბრალდებაა აგებული.
ÐаÑÑинки по запÑоÑÑ ááá¡áá áááá£ááá¨áááá
ბრალდების დადგენილების ტექსტის 98% კობაურის ჩვენებაა. პროკურორსა და მოსამართლესაც ვკითხე, ბრალდებულმა ეს ჩვენება უარყო და დღეს რა მტკიცებულება ჰქონდათ. იმიტომ არ გააშუქეს პროცესი, რომ საზოგადოებას არ დაენახა პროკურატურის უსუსრობა, რაც სერიოზულ უარყოფით ეფექტს გამოიწვევდა, როგორც პროკურატურის, ისე მართლმსაჯულების კუთხით. პროკურორს დაახლოებით 15 კითხვა დავუსვი და ფაქტობრივად ვერცერთზე ვერ მივიღე პასუხი. ვთხოვე მიეთითებინათ ერთი მტკიცებულება მაინც მისი ჩვენების გარდა, რომელიც ადასტურებდა კობაური ალკოჰოლური ზემოქმედების ქვეშ რომ იყო, ან ის კობაური სმიტებს რომ შეხვდა, ერთად რომ მიირთვეს საჭმელი, მერე შელაპარაკება რომ მოხდა, კობაურმა ამოხოცა მთელი ოჯახი და გვამები გადამალა, არ ვიცითო, რა მტკიცებულებას მიმითითებდნენ, რაც არ აქვთ. ბრალდება მხოლოდ კობაურის ჩვენებაზეა აგებული, ეს ჩვენება აღარ გვაქვს და დღეს მტკიცებულებების გარეშეა საქმე. მარტო იმას იმეორებენ, ექსპერტიზამ დაადგინა, რომ ლორა სმიტის სხეულიდან აღებულ ბიოლოგიურ მასალაში კობაურის სპერმააო. ყველაზე საინტერესო ის არის, რომ კობაურს ამ ქალბატონის არც გაუპატიურებასა და არც მკვლელობაზე ბრალი წარდგენილი არ აქვს, მხოლოდ რაიან და ქელები სმიტების მკვლელობას ედავებიან, თუმცა აქაც ძველი ბრალდებაა შემორჩენილი. მკვლელობის ბრალის დასადასტურებლად, რაზეც ბრალდებაც კი არ აქვთ წარდგენილი, იშველიებენ ქალბატონის უკანა ტანში სპერმის არსებობას. დავუშვათ (ჯერ ერთი არაფერს ვუშვებთ, რადგან ეს ყველაფერი გამოსაკვლევია), აღმოჩნდა იქ სპერმა, რაც ყველაზე ასე ვთქვათ, კარგ შემთხვევაში სექსუალური კავშირის დამყარების ფაქტზე მიუთითებს, სექსუალური აქტი რომელი დანაშაულია? აუცილებელია დადგინდეს იძულება, ძალადობა და ა.შ., როდესაც სექსუალური აქტი შეიძლება დანაშაულში გადაიზარდოს. საქმეში არ არის ძალადობის მტკიცებულება, კობაურის ფრჩხილებიდან ამოღებულ მასალაში არ არის ლორა სმიტის დნმ-ი, რა გამოდის გაუპატიურება ისე განხორციელდა, რომ შემხებლობა არ იყო? ლოგიკურად გამორიცხულია, ადამიანი გააუპატიურო და მასთან შემხებლობა არ გქონდეს. არის რაღაც თეორიული შესაძლებლობა, თუ ისეთი მუქარა განხორციელდა, რაც ადამიანს აიძულებდა ნებაყოფლობით დათანხმებულიყო სექსუალურ კავშირზე, მაგრამ ესეც გამოსავლენია. შეუძლებელია იმის დადასტურება, რომ კობაურმა ისეთი მუქარა განახორციელა, რომელიც ქალბატონს აიძულებდა ნებაყოფლობით კავშირზე.

– რა გახდა ლორა სმიტის გარდაცვალების მიზეზი?

– ეს დღემდე არ ვიცით, ფაქტია, ამ ადამიანს არ ეტყობა ძალადობის კვალი, საერთოდ არაფერი ეტყობა. სპერმის "აღმოჩენა", როგორც გითხარით სქესობრივ აქტზე მიუთითებს და არა გაუპატიურებაზე, ასეც რომ იყოს, რა კავშირშია გაუპატიურება მკვლელობასთან, ამ ორ დანაშაულს შორის პირდაპირი კავშირი არ არის. შესაძლებელია მკვლელობა მოხდეს, მაგრამ არ განხორციელდეს გაუპატიურება, ან პირიქით, ასე ცალსახად ბმა ვერ იქნება. სასამართლო პროცესზე მარტივი კითხვა დავუსვი პროკურორს (სხვათა შორის, პირველად გვქონდა შესაძლებლობა პროკურატურასთან პირისპირ გვესაუბრა), რომ თუ ლორა სმიტის უკანა ტანში აღმოჩენილი სპერმა მის გაუპატიურების ფაქტზე მიუთითებდა, მაშინ რას ეტყვოდნენ სასამართლოს და დაცვის მხარეს რაიან სმიტის უკანა ტანში აღმოჩენილ სპერმაზე, რომელიც ექსპერტიზის დასკვნით, ამ ადამიანსვე ეკუთვნოდა. ამ ლოგიკას რომ გავყვეთ, ესეც ნიშნავს რომ ბრაიან სმიტმა საკუთარი თავი გაიუპატიურა. აბსურდამდე მივდივართ. ეს ყველაფერი მინიმუმ ეჭვის საფუძველს გვაძლევს, რომ ნიმუშების აღების კუთხით, უნებლიედ ან განზრახ არის დაშვებული შეცდომა, თორემ ექსპერტს რა ნიმუშსაც წარუდგენენ, იმას იკვლევს. ექსპერტიზა სამხარაულის სახელობის ეროვნულ ბიუროში ჩატარდა, ნიმუშების აღება ექსპერტის მონაწილეობით კი ხდება, მაგრამ ეს ექსპერტი შსს-ს საექსპერტო-კრიმინალისტიკური დეპარტამენტის თანამშრომელია. ამ დასკვნების გარდა, საქმეში სხვა არანაირი მტკიცებულებები არ არსებობს. არცერთი მწყემსი და სხვა გამოკითხული პირი მტკიცებით ფორმაში არ საუბრობს, ყველა ამბობს, რომ ვიღაცისგან მოისმინა. წყაროს მითითების შემთხვევაშიც ეს ირიბი ჩვენებაა, ასეთი ჩვენებაც რომ იყოს ამ საქმეში, კანონმდებლობა ცალსახად გვეუბნება, რომ ათასი ირიბი ჩვენება ვერ გაუტოლდება ერთ მყარ მტკიცებულებას.

საქმე იმაშია, რომ შემთხვევის ადგილზე არავინ საუბრობს, ჩვენ ამ კუთხითაც გვინდა საგამოძიებო ექსპერიმენტის ჩატარება. რაიან სმიტის ცხედარი დაახლოებით კილომეტრნახევრით არის გადაადგილებული იმ ადგილიდან, სადაც ბავშვის ცხედარი აღმოაჩინეს, ქალის ცხედარიც დაახლოებით ამავე მანძილის დაშორებით იყო მეუღლის ცხედრიდან, ოღონდ სხვა მიმართულებით არიან. ოფიციალური ვერსიით, კობაურმა ქალბატონი მოკლა და მდინარეში გადააგდო, არადა იქ ახლოს არანაირი მდინარე არ არის, გამოდის 50-კილოიანმა ბიჭმა რამდენიმე კილომეტრიც ზურგით ატარა მასზე ორჯერ მეტი წონის მქონე ადამიანის ცხედარი. ეს ხომ აბსურდია. მას თურმე მამაკაციც ასე უტარებია, რანაირად შეიძლება ამხელა მანძილზე ისე გადაიტანო ცეცხლნასროლი ჭრილობით გარდაცვლილი ადამიანი, რომ მინიმუმ სისხლის კვალი მაინც არ დარჩეს. ისედაც ფიზიკურად გამორიცხულია ისეთ გზაზე კილომეტრნახევრის გავლა 100 კგ ტვირთით, რომელიც ჩვეულებრივი გზის 4 კმ-ზე სიარულს უდრის, მით უმეტეს კობაურის აღნაგობის მქონე ადამიანისთვის.

აქედან გამომდინარე, ლოგიკურია ვიფიქროთ, რომ კობაური სიმართლეს ამბობს, ამ დანაშაულში რამდენიმე ადამიანი მონაწილეობდაო. რაც ყველაზე მთავარია, ლორა სმიტის ცხედრის აღმოჩენიდან მეორე დღეს იპოვეს მისი მეუღლის ცხედარი, ანუ მას შემდეგ, რაც ტელევიზიით გავრცელდა შესაბამისი ინფორმაცია. თან ისეთ ადგილზე აღმოაჩინეს მამაკაცის გვამი, სადაც მანამადე რამჯერმე გაიარეს მაშველებმა, მაგრამ არაფერი უნახავთ. ეჭვი გვაქვს, ტელევიზიით გასული ინფორმაციის შემდეგ მიიტანეს იქ ბრაიან სმიტის გვამი, თან ეს ღამით ხდება. გვამი მთლად შიშველი იყო, რაც ვფიქრობთ, მტკიცებულებების განადგურების მიზნით მოხდა, რადგან მამაკაცის ტანსაცმელზე იქნებოდა შემხებლობის კვალი, ბიოლოგიური თუ სხვა მასალა. ესეც მიუთითებს, რომ პროფესიონალების ჩადენილი დანაშაულია, ფაქტობრივად მოსპეს მტკიცებულებების მიღების შესაძლებლობა. ბრაიან სმიტის მობილურ ტელეფონს ახლა საერთოდ მალავს გამოძიება, ადრე ამბობდნენ გვაქვსო, ახლა თურმე ვერ ნახეს. მერე ავტომანქანის ტელეფონი ამოიღეს, მაგრამ თურმე ექსპერტიზის ბიურო ვერ ხსნის, რაც დიდ ეჭვს იწვევს. მერე სასამართლოს მიმართეს, რომ კრიმინალისტიკურ დეპარტამენტში ჩატარდეს ექსპერტიზა, რას და როგორ ჩაატარებენ, რა ინფორმაციას ამოიღებენ, ეს კიდევ ცალკე კითხვებს გამოიწვევს. 6 ივლისს, ამერიკის საელჩოდან შეტყობინება შევიდა 112-ში, სავარაუდოდ დანაშაული 4 ივლისს მოხდა, ე.ი. ორი დღის შემდეგ.

3 და 4 ივლისის დილას სმიტების ადგილება დაფიქსირებულია ყაზბეგ- ში და მიმდებარე ტერიტორიაზე. მე ძალიან მიჭირს იმის დაჯერება, რომ ნებისმიერი სახელმწიფოს დიპლომატიური სამსახური ისე ზრუნავს თავის მოქალაქეებზე, რომ თუ 1–2 დღე კავშირზე არ გამოვიდნენ, განგაში ატეხონ. ისინი უცხო ქვეყნებში ჩასულ თავიანთ ყველა მოქალაქეს ვერ გააკონტროლებენ და არც უნდა გააკონტროლონ, ყველას აქვს დასვენების და გადაადგილების უფლება, რატომ უნდა იყოს საელჩოს კონტროლის ქვეშ. სმიტების ოჯახი ისეთ ადგილზე იყო, მთაში, სადაც ხეობების უმეტესობაში ტელეფონს მიღება არ
აქვს, რატომ იყო პრობლემა თუ გარკვეული პერიოდი ვერ დაუკავშირდნენ? ამიტომ ჩნდება ეჭვები აშშ- ის დიპლომატიური სამსახურის დაინტერესებასთან დაკავშირებით. მათი მხრიდან ორი შეტყობინება გაკეთდა, რომ ისინი ხადას ხეობისკენ წავიდნენ, მეორე შეტობინებით, სმიტების ბოლო ლოკაცია ამ ხეობაში დაფიქსირდა და ამის შემდეგ კონტაქტზე არ გამოდიანო. სმიტების ძებნა ამ შეტყობინების შემდეგ დაიწყო. ლოკაციის დადგენა ერთადერთი ჯიპიეს-ით არის შესაძლებელი, კავშირზე იყვნენ, ამიტომ ჩნდება ეჭვი, რომ სმიტებს რაღაც განსაკუთრებული დავალება ჰქონდათ, რასაც ირიბად ადასტურებს 112-ში განხორციელებული შეტყობინებები. გამოიკითხნენ საელჩოს წარმომადგენლები და თითქოს რაიან სმიტს მისმა მეგობარმა, საელჩოს თანამშრომელმა დაურეკა და ლოკაცია იმიტომ ახსენეს. სმიტმა მას მობილური ტელეფონით ფოტოები გამოუგზავნა და ამით დაადგინეს ისინი სად იმყოფებოდნენ. ეს ყველაფერი უკვე არარეალურია, შთაბეჭდილება რჩება, რომ სუსტი გამოძიების და საერთოდ, არავის ინ- ტერესში არ შედის, რომ რეალობა გამოიკვეთოს. მოკლედ, ძალიან რთული საკითხია, ამ თემაზე ბევრი საუბარი არ მინდა. საერთოდ, ყველა დანაშაულს აქვს თავისი მოტივი, არ არსებობს უმოტივო დანაშაული, ცხადია, ხადას ხეობაში მომხდარ საშინელ დანაშაულსაც აქვს რეალური მოტივი. თუ გამოძიებას ჭეშმარიტების დადგენა უნდა, მოტივის დადგენაც შესაძლებელია, მაგრამ პიროვნებების სრულყოფილად შესწავლის გარეშე, სწორ მოტივზე ვერ გახვალ. რაიან სმიტმა საფრთხე დაინახა კობაურს თოფი არასწორად რომ ჰქონ- და, შენიშვნა მისცა და ამის გამო კობაურმა დახოცა სამი ადამიანი, თან ქალი გააუპატიურა, ეს არის სრულიად არარეალური ვერსია, ასეთი რამ ფილმებში და ზღაპრებში არ ხდება. პროკურატურა ბრალის დადგენილებაში ფაქტებისა და ინფორმაციების ერთობლიობაზე საუბრობს, ამ დროს თითქმის ვერცერთ კითხვაზე ვერ მივიღეთ პასუხი. მოსამართლე ფუხაშვილმა გვითხრა, მიიღეთ ის, რასაც პროკურორი გპასუხობთ, არპასუხიც პასუხიაო. აი, ამ ფონზე მერე მოსამართლე მსჯელობს, ფაქტებისა და ინფორმაციების რაოდენობა გაზრდილიაო, კობაურს წინასწარი პატიმრობის ვადა გაუგრძელა და პროცესიც
დახურა, რისი მიზეზიც არ არსებობდა. არ უნდათ საზოგადოებამ, რომელშიც ჯერ კიდევ შენარჩუნებულია კობაურისადმი უარყოფითი განწყობა, დაინახოს ბრალდების აბსურდულობა და უსუსრობა. ჩვენ გვინდა ნაფიცმა მსაჯულებმა განიხილონ ეს საქმე, ამიტომ უნდათ უარყოფითი დამოკიდებულების შენარჩუნება, სპეციალურად ხდება ცრუ ინფორმაციების გავრცელება საზოგადოებრივი ქსელებით.

– მოდით, უფრო კონკრეტულად ვისაუბროთ საქმის ირგვლივ არსებულ მასალებზე, მათ შორის, იმ ვერსიაზეც, რომელზეც მალხაზ კობაური საუბრობს.

– სასამართლო-სამედიცინო ექსპერტიზის დასკვნით, რაიან და ქელები სმიტების გარდაცვალების მიზეზი თავის არეში მიყენებული ცეცხლნასროლი ჭრილობებია. რაიან სმიტს ორჯერ ესროლეს, აქედან ერთი ჭრილობა წელის არეში აქვს მიყენებული. თავში გამჭოლი ჭრილობა აქვს, შუბლის არეში შემავალი, რომელიც ყელის არეში გამოდის, ანუ ტყვია ზემოდან ქვემოთ არის ნასროლი. ორივე შემთხვევაში ახლო მანძილიდანაა ნასროლი (120 სმ).
ექსპერტიზის დასკვნით, რაიან სმიტს გარდაცვალებამდე რამდენიმე წუთით ადრე აქვს მიღებული დაზიანებები, ოღონდ ეს არ არის წამების კვალი, ფეხის, გულმკერდის არეში და იღლიაში აქვს ნაჭდევები, რაც ბლაგვი საგნითაა მიყენებული. ვერ დავიჯერებ, რომ კობაურმა ჯერ იჩხუბა მასთან, სპორტული აღნაგობის, მასზე გაცილებით ძლიერ და დიდი გაბარიტების მქონე ადამიანს სხეულზე სამი დაზიანება მიაყენა და ამის შემდეგ სმიტი ზურგით დაუდგა "თავდამსხმელს", რომელსაც იარაღი ჰქონდა, როგორც გითხარით, სმიტს ზურგში აქვს ნასროლი, ეს ხომ არარეალურია. კობაური ამბობს, რომ სმიტი დაჩოქილი, პირველად ზურგში ესროლეს და გადავარდაო. ესეც დამაჯერებელია, რადგან რაიან სმიტს ზურგის ტვინი აქვს დაზიანებული. ექსპერტიზამ
უნდა დაადგინოს, მაგრამ ჭრილობის მიხედვით თუ ვიმსჯელებთ, თავშიც დაჩოქილ მდგომარეობაში ესროლეს.
ÐаÑÑинки по запÑоÑÑ á¡ááá¢áááá¡ áá¯áá®á

სანადირო თოფით არიან მოკლული მამა-შვილი, მაგრამ არც ის არის დადგენილი, ნამდვილად კობაურის თოფით თუ მოხდა მკვლელობა. ისე, კობაურის თოფზე მისი დნმ-ი არ აღმოჩნდა. რაიან სმიტს გარდაცვალების შემდეგაც აქვს მიღებული რამდენიმე დაზიანება, რაც გვამის გადატანის შედეგია. ლორა სმიტი რომ წყალში დაიხრჩო თუ გაგუდეს, ამის არანაირი მტკიცებულება არ არსებობს. გვამის ფოტოები რომ ვნახე, არც დასველების და არც ძალადობის კვალი არ ეტყობა. ჩვენთვის ყველაზე მთავარია, რა გახდა ამ ქალბატონის გარდაცვალების მიზეზი, ველოდებით ექსპერტის დასკვნას. აგენტურულ თემაზე ვსაუბრობდით, მე ბოლომდე არ ვარ გარკვეული, მაგრამ არსებობს მოსაზრება, რომ, როდესაც აგენტების გამოვლენა ხდება, ქალების და მამაკაცების ლიკვიდირება განსხვავებული მეთოდით ხდება. მტკიცებით ფორმაში ვერაფერს ვიტყვი, მაგრამ შეიძლება ამ შემთხვევაშიც რაღაც ასეთი მეთოდები გამოიყენეს. მამა-შვილს თავის არეში და ერთი და იიგივე მიმართულებით აქვთ ნასროლი, ქალის მიმართ კი ცეცხლსასროლი იარაღი არ არის გამოყენებული. ის რომ ქალი გადავარდა, პროკურატურა თვითონვე უარს ამბობს ამ ვერსიაზე, მაგრამ დადგენილებაში მაინც უწერია. კობაურს მისი მდგომარეობიდან გამომდინარე, ბევრ კითხვას ვერ ვუსვამ, ამიტომ დეტალური ინფორმაცია არ მაქვს. რაღაცები კი მოგვიყვა, მაგრამ არსებით თემებში არ შევდივართ, ახლა ბევრს არ ვისაუბრებ, მაგრამ გეტყვით, რომ დეტალურად აღწერს შვიდი თავდამსხმელის სახეებს, ჩაცმულობას, ვინ რას და როგორ აკეთებდა. თავის დაზიანებაზეც მიუთითებს, ერთ-ერთმა დამარტყაო.

მამა-შვილის მკვლელობას ვესწრებოდი, ხოლო ლორა სმიტი კი არ გაიქცა, ორმა თუ სამმა კაცმა წაიყვანაო. რაიან სმიტი დაჩოქილი რომ იყო და ზურგში ესროლეს, ეს ფაქტი მახსოვს, მეორედ რომ ესროლეს, მხოლოდ გავიგონე, მეფარებოდნენ და არ ჩანდა, მერე ცუდად გავხდი და აღარაფერი მახსოვსო. მე რასაც ვხედავ, ეს სამედიცინო ექსპერტიზამაც დაადასტურა, რომ კობაურს ფსიქოლოგიურ-ფსიქიკური პრობლემები არ აქვს, კონცენტრირებულია და საღად აზროვნებს. ამხელა დანაშაულს ედავებიან, მას კი თურმე ცხვარიც არ დაუკლავს, მეცოდებოდაო. რომ ცრუობდეს, ექსპერტებს ამის დადგენა არ გაუჭირდებოდათ, ნამდვილად არ აქვს მანიაკალური გადახრები, რაც სერიულ მკვლელებს ახასიათებთ. ქალთან ურთიერთობის კუთხითაც ვესაუბრეთ, ქალბატონებიც გამოვკითხეთ, თვითონ ამბობს, რომ ქალთან არ ჰქონია ურთიერთობა, ამ ქალბატონებმაც დაადასტურეს, ძალიან მორიდებული იყო, ყოფილა შემთხვევა ნასვამები ყოფილა ყველა, შეეძლო ქალთან კავშირი დაემყარებინა, მაგრამ მორცხვობდაო. არარეალურია იმის მტკიცება, რომ მან ქალის გულისთვის ასეთი განსაკუთრებული სისასტიკის დანაშაული ჩაიდინა. ისე, ვაპირებთ, რომ მისი სრულყოფილი სამედიცინო გამოკვლევა მოხდეს. გამოძიებამ ახალი "ვერსია" შექმნა, კობაურის მობილური ტელეფონიდან ინფორმაციები ამოვიღეთ, ისეთ საიტებზე შედიოდა, სადაც ქალების ფოტოებია და ათვალიერებდაო, შევთავაზეთ, ამ კუთხითაც ჩაგვეტარებინა ექსპერტიზა.

ჟურნალისტებმა და ჩვენც გამოვკითხეთ ბევრი ადამიანი, მათ შორის მარნეულშიც. ერთ-ერთმა ქალბატონმა თქვა, რომ სმიტები ყაზბეგში წასვლას აპირებდნენ, სავარაუდოდ 1–2 ივლისს იყვნენ ყაზბეგში, 3 ივლისს დილით ხადას ხეობისკენ მიმავალ გზაზე, გაზისგასამართ სადგურთან ჩანან. იგივე ქალბატონს ჟურნალისტებისთვის უთქვამს, რომ სმიტებს თანხა ჰქონდათ შეგროვილი, მგონი, სახლის შეძენას აპირებდნენო. ლორა სმიტს უთქვამს
30.000 დოლარი გვაქვსო. მალხაზმა საერთოდ არ იცოდა ტელევიზიით რა ითქვა, ან ჩვენ ვის ვისაუბრეთ, როცა სამედიცინო ექსპერტების თანდასწრებით მოგვიყვა, რაიან სმიტი დაჩოქილი რომ იყო, იმ მამაკაცებმა მისი ჩანთა გახსნეს, ნახე ამას რამდენი ფული ჰქონიაო და ამოიღეს 3–4 შეკვრაო. ექსპერტს აჩვენა როგორი შეკვრა იყო და რა ფერის. ასეთი კიდევ ბევრი იყო, ერთ-ერთმა მათგანმა ჩაიდო და წაიღესო. კობაურმა ისიც თქვა, რომ როდესაც ამ ჯგუფთან ერთად გამოჩნდა, რაიან სმიტს შეეშინდა და შეცბა, ისეთი შთაბეჭდილება დამრჩა, რომ თითქოს მათი გამოჩენით ასეთი რაღაც მოხდებოდა, ძალიან შეშინებული სახე ჰქონდაო. თუ მართლა რაღაცას არ ელოდები ადამიანი, რატომ უნდა შეგეშინდეს ვინმეს დანახვაზე? ესენი უცხო ენაზე ელაპარაკებოდნენ სმიტს, თუმცა ქართულადაც ლაპარაკობდნენ, ოღონდ მთიელების კილო არ ჰქონდათო. სავარაუდოდ, სმიტს მართლაც ჰქონდა ფული, ეჭვი მიჩნდება, სადღაც მთაში ექსკურსიაზე მიმავალ კაცს რაში გჭირდება 30.000 დოლარის წაღება. უამრავი ეჭვი და ვერსიაა, ზოგი იმასაც ეჭვობს ნარკოტიკებს ხომ არ უკავშირდება ეს ყველაფერი, ძალიან ძნე- ლია იმის გარკვევა სინამდვილეში რა იყო, დანამდვილებით ვერაფერს იტყვი, თუმცა ყველა ვერსიას აქვს არსებობის უფლება. ჩემი ინფორმაციით, რაიან სმიტის ერთ-ერთი ძმა რომელიღაც ქვეყანაში იყო, ოღონდ არ ვიცი რა მისიით და რამდენიმე წელია გაუჩინარებულად ითვლება.

კარგი იქნება თუ ყველა ვერსია დამუშავდება, რითაც თავად გამოძიება უნდა იყოს დაინტერესებული, ადრე რამდენიმე ვერსია მუშავდებოდა. სამწუხაროდ ახლა ასე აღარ ხდება, ეს ერთი ვერსია აქვთ არჩეული და კანონიერი თუ უკანონო გზებით ცდილობენ მის გამყარებას. დაცვის მხარეს არ გვაქვს მეტი შესაძლებლობა და რესურსი სხვადასხვა მიმართულებით ქმედებისთვის. მიმართულებებს გვიწესებენ, გვზღუდავენ, ჩემი აზრით, ამ საქმის მიმართულე- ბები და გამოძიების შედეგები, შეიძლება სხვა ქვეყანაშია გადაწყვე- ტილი. სამწუხაროდ, ასეთი ეჭვები მიჩნდება, იმიტომ, რომ ამ საქმის სრულყოფილი და ობიექტური გამოძიება ვერ ხდება, თუმცა ისეთი განწყობა მაქვს, რომ აუცილებლად დადგება გამამართლებელი განაჩენი.

მანანა სუხიშვილი

მეტის ნახვა
11-09-2018, 20:16


სკოლებს ახალი სახელმძღვანელოები დაურიგდათ. I-VI კლასების განახლებული სახელმძღვანელოების გადაცემის პროცესს საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი, მოსწავლეებთან ერთად, თბილისის 61-ე სკოლაში დაესწრო.
2018-2019 სასწავლო წლიდან საქართველოს სკოლებში ახალი ეროვნული სასწავლო გეგმა და I-VI კლასების ახალი პროგრამები ამოქმედდება.
მინისტრის თქმით, ახალი სასწავლო წლიდან დაინერგა შინაარსობრივად, ვიზუალურად და ტექნიკურად განახლებული სახელმძღვანელოები.
მისივე განცხადებით, ახალი სახელმძღვანელოები ევროპული სტანდარტებით დაიბეჭდა და მათი წონა ფაქტობრივად განახევრებულია, რაც ბავშვების ჯანმრთელობისთვის მნიშვნელოვანია.

„გასულ წლებთან შედარებით, გაუმჯობესებულია ქაღალდისა და საღებავის უვნებლობის ხარისხი, საბეჭდი ქაღალდი გამოირჩევა სიმსუბუქითა და გამძლეობით. ახალი წიგნები გამოირჩევა აქტივობების მრავალფეროვნებით, შედგენილია თანამედროვე სალიტერატურო ენის ნორმების დაცვით, შეესატყვისება მოსწავლეთა ასაკს და ითვალისწინებს მოსწავლეთა უნარების განვითარებას თანამედროვე საინფორმაციო ტექნოლოგიური მიღწევების გამოყენებით. რაც შეეხება სხვა საფეხურებს, საბაზო საფეხურის ახალ პროგრამებზე მუშაობა დასრულებულია და მომავალი წლიდან VII-IX კლასებშიც ახალი სახელმძღვანელოები გვექნება. ამ ეტაპზე აქტიური მუშაობა მიმდინარეობს საშუალო საფეხურის პროგრამებზე”, – განაცხადა განათლების მინისტრმა.

1tv.ge

მეტის ნახვა
5-09-2018, 08:00


2018 წლის 29 იანვარს მასმედია იუწყებოდა, რომ ესპანეთის პროვინცია ანდალუზიაში პარლამენტის სოციალისტურმა უმრავლესობამ მიიღო კანონი იმის შესახებ, რომ ამიერიდან ლგბტ-იდეოლგია სავალდებულო ხდება სკოლებისთვის, მასობივი საინფორმაციო საშუალებებისთვის და ექიმებისთვის. ხოლო ყველასთვის ცნობილი ორი ბიოლოგიური სქესის არსებობა "ბავშვებისთვის აკრძალულ ინფორმაციად" ცხადდება, რომელთა გამავრცელებლებს ეკისრებათ ასტრონომიული ჯარიმები.

ახალი კანონმდებლობის მიხედვით სკოლებს (მათ შორის ყველა კათოლიკური დაწესებულება, რომლებიც ესპანეთში უხვადაა) ევალება მოსწავლეებს ასწავლონ ჰომოსექსუალიზმის იდეოლოგია, ანუ ფაქტიურად გასწიონ მისი პროპაგანდა. მასობრივ საინფორმაციო საშუალებებში, მათ შორის ინტერნეტსა და სოციალურ ქსელებში იკრძალება მათი კრიტიკა, ვინც დაიბადა "მამაკაცად" ან "დედაკაცად", მაგრამ საჯაროდ თავს "არამამაკაცად" ან "არადედაკაცად" აცხადებს. ამ კანონის მიხედვით ბავშვებს უფლება აქვთ მშობელთა ნებართვის გარეშე მიიღონ სქესობრივი მომწიფების საწინააღმდეგო პრეპარატები, ხოლო ჰომოსექსუალისტებისადმი და სქესობრივი იდენტურობის დარღვევის მქონე ნებისმიერი პიროვნებისადმი ფსიქოლოგიური დახმარება ანდალუზიაში დღეიდან კანონსაწინააღმდეგოა და დასჯადი. გარდა ამისა, მთელი საგანმანათლებლო კონტენტი (სასკოლო სახელმძღვანელოთა შინაარსი, ასევე მეცადინეობები და გაკვეთილები) სრულიად გადაწერილ უნდა იქნას ლგბტ-იდეოლოგიის სულისკვეთებით. ჯარიმა მასწავლებლებისთვის, ჟურნალისტებისა და ექიმებისთვის, რომლებიც გაბედავენ და ბავშვებს მოუთხრობენ ორი სქესის შესახებ წარმოადგენს 6000-დან 12 000 ევროს. საფრანგეთში 2017 წლის 25 ივლისს ქვეყნის პარლამენტმა ხმა მისცა წინადადებას ჩასწორებულიყო კანონი, რომელიც მოქალაქეებს უკრძალავს იყონ არჩეულნი, თუკი ისინი ადრე ექვემდებარებოდნენ სისხლის სამართლის დევნას თავისი ერთგულებისთვის ნორმალური ოჯახისა და ტრადიციული საზოგადოებისადმი… მსგავსი საკანონმდებლო და სასკოლო სიახლეების სულისკვეთებით გაასამართლეს აშშ-ში მასწავლებელი ჯენი ნოქსი. როდესაც მის სასწავლო დაწესებულებაში ოფიციალურად გამოაცხადეს "ჰომოსექსუალიზმის თვიური", ჯენი ნოქსმა გაბედა და ეს აქცია გააკრიტიკა. არა ხმამაღლა, არამედ მხოლოდ თავის საკუთარ გვერდზე სოციალურ ქსელზე ისე, რომ პიროვნულად არავის შეხებია, მაგრამ, მაინც დამნაშავედ სცნეს იგი და სამი წლით აუკრძალეს პედაგოგიური მოღვაწეობა. 

ფაქტობრივად ჩვენს თვალწინ ჩნდება ფაშიზმის ახალი სახეობა, სადაც უპირატესობის უმთავრესი კრიტერიუმი უკვე გახლავთ არა რასობრივი, ან კლანურ-გვაროვნული, ან კორპორატიული, არამედ – სოდომური. გარყვნილები – უბერმენშები (ზეკაცები) არიან, ხოლო ყველა დანარჩენი – უნტერმენშები(ანუ ნახევრადადამიანები). დღეს მათ ართმევენ სამსახურს, ხვალ კი, სრულიად მოსალოდნელია, წაართვან სიცოცხლეც კი. არ შეიძლება არ აღვნიშნოთ პროცესის დინამიკაც. ის, რაც მესამე რეიხის ელიტის პათოლოგიურ მიდრეკილებას წარმოადგენდა, XXI საუკუნის ფაშიზმის ახალ წრეზე გახდა იდეოლოგიური დომინანტი, იმპერატივი ყველასთვის. 

აღწერილი ტენდენციის პრიზმაში გასაგები ხდება კიდევ ერთი კანონის არსი. კერძოდ, საკმაოდ მჭიდროდ არის დაკავშირებული სოდომური "გენდერის" დანერგვა "სექსუალური შევიწროვების" წინააღმდეგ მიღებულ კამპანიასთან. როგორ? იმავე სქემით, როგორც ეს ხდება დასავლეთის ქვეყნებში, სადაც მამაკაცებს ეშინიათ ქალებს მიაქციონ თავაზიანი ყურადღება და გამოიჩინონ მათდამი უწყინარი პატივი – მიაწოდონ პალტო, დაეხმარონ მძიმე ჩანთების ტარებაში, დაუთმონ ადგილი ტრანსპორტში და სხვა – რათა დადანაშაულებულ არ იქნენ "სექსიზმში" (ანუ ქალებისადმი, როგორც "სუსტი სქესისადმი" დამოკიდებულებაში), ზოგჯერ კი სისხლის სამართლის კოდექსით დასჯად (სექსუალური შევიწროვება). შედეგად მრავალ მამაკაცში მუშაობას იწყებს თავდაცვითი ინსტინქტი, და ისინი წყვეტენ დაინტერესებას ქალებით. ხოლო მამაკაცთა ყურადღებისა და დაცვის გარეშე დარჩენილი ქალები, თანაც მთელი მსოფლიოს მასშტაბით მიმდინარე სექსუალური პროპაგანდის პირობებში, ექცევიან ლესბოსელობისა და სხვა უმგვანობების ხაფანგებში, რომლებიც არყევენ საზოგადოებრივ მორალს და ანგრევენ ცხოვრებისეულ საფუძვლებს. აღნიშნულ თემასთან დაკავშირებით, ცნობილი ამერიკული საზოგადო მოღვაწე, იურიდიული მეცნიერების დოქტორი სკოტ დუგლას ლაივლის თავის წიგნში "ცისფერი სვასტიკა" მრავალ წყაროზე დაყრდნობილ სერიოზულ, დამაფიქრებელ კვლევას გვთავაზობს, მოულოდნელი დასკვნებით, თურმე, ჰომოსექსუალური მოძრაობა გერმანიაში იყოფოდა ორ მტრულ ბანაკად: ქალური და, პირიქით, ზე-მამაკაცური ტიპის ჰომოსექსუალურ მიმართულებებად. 

დაახლოებით 1920 წელს, – წერს ლაივლი, – "მამრები" უკვე დამოუკიდებელ და სერიოზულ პოლიტიკურ ძალას წარმოადგენდნენ. 1920 წ. მათ ჩამოაყალიბეს "ადამიანის უფლებათა დაცვის საზოგადოება"… როგორც ჰირშფილდი, ისინიც იბრძოდნენ ჰომოსექსუალიზმისთვის სისხლის სამართალში მიცემის გაუქმებისთვის. 

"მეტოქეობა ორ გადამტერებულ ჰომოსექსუალურ დაჯგუფებას შორის – დამთავრდება მაშინ, როცა "მამრები" ნაცისტური პარტიიდან 1933 წელს მოვლენ ხელისუფლებაში, – აგრძელებს ლაივლი – ასე რომ "გრძელი დანების ღამე" – გახლავთ არა სექსუალური, არამედ პოლიტიკური უთანხმოებების შედეგი…
XX ს-ის დასაწყისის გერმანიაში გაჩნდა ახალგაზრდული მოძრაობა `ვანდერვეჰელ~ ("გადამფრენი ფრინველები" ან "მოხეტიალენი"), რომლებიც ორგანიზებული იყო ახალგაზრდა გარყვნილების მიერ. 1905 წელს მასში შედიოდა 100-მდე მოზარდი, მაგრამ შემდეგ, მთელი ევროპის მასშტაბით გაჩნდა ანალოგიური ჯგუფები და ამ მოძრაობაში ჩათრეულთა რაოდენობამ 60 ათას ადამიანს მიაღწია. 

განსაკუთრებით აქტიურობდა ჰიმლერის ოფიციალური ორგანო Das Schwarze Korps-ი, და გამოიყენებოდა როგორც ბაზისი გერმანული საზოგადოებრივი კულტურისთვის. ნაცისტების ელიტის წევრებს ირჩევდნენ ცალკეული "მამრების" საზოგადოებებიდან, რომელთაც ორდენსბურგენი ეწოდებოდათ. ისინი განკუთვნილნი იყვნენ ოჯახის, როგორც საფუძვლის შემცვლელებად, რომელზეც შენდება სახელმწიფო" ეს საზოგადოებები ჩამოყალიბებული იყო "ვანდერვეჰელის" მიხედვით. შემდეგში, როგორც ლაივლი წერს, არა მარტო "ვარნდერვეჰელის~ წარმოჩიტული წევრები გახდნენ ჰიტლერის ერთ-ერთი უმთავრესი მხარდამჭერები ძალაუფლებაში მისი მოსვლის პერიოდში, არამედ თვით მოძრაობა აღმოჩნდა ნაცისტური ორგანიზაციის "ჰიტლერიუგენდის" ცენტრი. 

ბუნების საწინააღმდეგო ვნებები, რაც ასევე ექვემდებარება ახსნას. თვით სიტყვა "ბუნებისსაწინააღმდეგო~ შეიცავს მინიშნებას. ეს არის ღმრთის მიერ შექმნილი ბუნების საწინააღმდეგო მოქმედება. შესაბამისად, ადამიანური ბუნების გარყვნა შეიცავს ბრძოლას და დაპირისპირებას წმიდა შემოქმედისადმი. შემთხვევით როდი ნერგავენ სოდომიას დემონურ და სატანურ კულტთა პრაქტიკაში. მრავალ ოკულტურ სექტაში სოდომური აქტი ინიციაციის როლს თამაშობს, და წარმოადგენს რიტუალურ განდობას, როდესაც ახალი ადეპტი მისტიკურ დონეზე ეზიარება შესაბამისი სულიერი არსებების სამყაროს – დემონებს. დღეს, თუ ინტერნეტს გამოვიყენებთ, ადვილად ვიპოვით მრავალ ისტორიულ ფაქტს მოცემულ თემაზე, ამიტომაც მოვიტანთ მხოლოდ ორიოდ ციტატას "ცისფერი სვასტიკიდან". "მანიქეველთა სექტა სახელწოდებით "ბოგომილები" (მოგვიანებით "კათარები") საკმაოდ გავრცელდა ბულგარეთსა და ევროპაში. ჰომოსექსუალიზმი იმდენად მჭიდროდ ასოცირდებოდა ამ მწვალებლებთან, რომ მათი პრაქტიკა ცნობილი იყო როგორც ბუგგერყ – სოდომია. ევროპაში კათარების აღმნიშვნელი სიტყვა მამათმავალთა აღმნიშვნელ სიტყვად გადაიქცა: გერმანიაში – კეტზერ, იტალიურში – გაზარრო და ფრანგულში – ჰერიტე… მწვალებლობა და ჰომოსექსუალიზმი იმდენად ურთიერთშეთავსებადი აღმოჩნდნე, რომ მწვალებლობებში დადანაშაულებულნი ხშირად ცდილობდნენ დაემტკიცებინათ თავიანთი უდანაშაულობა ჰომოსექსუალიზმში და თავს ჰეტეროსექსუალებად აცხადებდნენ~
აი რას წერს სტატიაში ისტორიულ მეცნიერებათა კანდიდატი, ნ. ჩეტვერიკოვა:

"სოდომიზმი მარტო რიტუალური აქტი არ გახლავთ, ეს რელიგიაა, რომელიც პასუხისმგებლობას იღებს ღმრთის ხატის დამახინჯებისთვის და უფალს აცხადებს ეშმაკად. ყველაზე სრულად ეს წარმოდგენილია კაბალაში, საიდუმლო იუდეველურ მოძღვრებაში, რომელიც იუდეველთა ბაბილონში ტყვეობის დროს ჩამოყალიბდა. რომის იმპერიაში ქრისტეანობის აღიარებიდან და დამკვიდრებიდან მოყოლებული ვიდრე XIX საუკუნემდე, მამათმავლობა დასავლეთში განიხილებოდა როგორც გარყვნილება, რომელიც ადამიანის შეგნებული და თავისუფალი არჩევანის შედეგია. 

სიყვარულის უარყოფით, გნოსტიკოსები და მანიქეველები ქორწინებასაც უარყოფდნენ და შთამომავლობის გაგრძელებასაც, რადგან ქორწინებას დაცემულთა და მდაბიოთა ხვედრად მიიჩნევდნენ. მაგალითად, გნოსტიკოსი მარკიონი აცხადებდა, რომ ქორწინებისგან თავშეკავებით, კაცობრიობის მოდგმის გაგრძელებაზე უარის თქმით, თვით შემოქმედს უპირისპირდება. წაართვეს რა ადამიანებს ქორწინების საიდუმლო და შეცვალეს რა იგი მამათმავლობით, გნოსტიკოსები ამტკიცებდნენ, რომ კაცობრიობა გაათავისუფლეს შეწყვილებული ინდივიდუალიზმისგან, სიყვარულისა და ოჯახის ეგოიზმისგან".

ქეთევან ზარნაძე

მეტის ნახვა
4-09-2018, 12:30


„საერთო გაზეთს“ პოლიტიკური მეცნიერების მაგისტრი, ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის დოქტორანტი თამარ დოლიძე ესაუბრა:

– მე გახლავართ ყოფილი ჟურნალისტი, პოლიტიკური მეცნიერების მაგისტრი და ეკონომიკისა და ბიზნესის ფაკულტეტის დოქტორანტი. მიმაჩნია, რომ პროფესიული ცოდნა და მოქალაქეობრივი სტატუსი მორალურ უფლებას მაძლევს, რომ ჩემს თანამოქალაქეებს ორიოდე მართალი და მოკრძალებული და სიტყვა ვუთხრა. ამქვეყნად ყველაფერს აქვს საწყისი და საყრდენი წერტილი. ისტორიულად, ქართველი ეთნოსის საყრდენი წერტილი ყოველთვის მშობლიური მიწა და აგროსისტემა გახლდთ. ჩვენი სამშობლოს სახელწოდება – გეორგიაც აქედან მოდის, მაგრამ გაუგებარი მიზეზებისა და შიდა თუ გარე ძალების ზემოქმედებით ჩვენს საყრდენ წერტილს მოვწყდით და ქართველმა კაცმა მიწა მიატოვა. მას შემდეგ, მიწამიტოვებული მოქალაქეები ბედის ანაბარა არიან მიმოფანტული მთელ სამყაროში. რა თქმა უნდა, მიწასთან მუშობა მძიმეა და ადამიანები შრომის იოლ გზებს დაეძებენ, მაგრამ ეს გზები ძალიან შეზღუდულია. მომსახურეობის სექტორით, რომელშიც დამატებითი ღირებულება არ იქმნება, ადამიანმა შეიძლება საუკეთესო შემთხვევაში თავის გამოკვება შეძლოს. ამიტომ არის ჩვენი ეკონომიკა ასეთ მდგომარეობაში. რეალურად რომ ვთქვათ, ჩვენ ეკონომიკა არ გვაქვს, რაშიც ანგელა მერკელის ვიზიტმა კიდევ ერთხელ დამარწმუნა.

– გერმანიის კანცლერის ვიზიტის დღეს ჩვენი ეკონომიკისა და მდგრადი განვითარების სამინისტრო საქართველოსა და გერმანიას შორის ურთიერთვაჭრობისა და ქართული ექსპორტის 36%-იან ზრდაზე საუბრობდა..

– შევთანხმდეთ, რომ მერკელის კავკასიაში ჩამოსვლის მთავარი მიზანი ჩვენი პროდუქციის ექსპორტი კი არა, გაზსადენის პროექტი გახლდთ, რომელიც ფაქტობრივად, რუსეთისა და გერმანიის აქტიური მონაწილეობით კეთდება. პრეზიდენტი ტრამპის ადმინისტრაცია ამ პროექტს ეწინააღმდეგება და მის საპირწონედ ტრანსადრიატიკულ ანუ სამხრეთულ დერეფანს განიხილავს. სწორედ ამ საკითხებისა და თავისი ქვეყნის ინტერესების გამო ჩამოვიდა გერმანიის კანცლერი, რომელიც დაინტერესებულია, რომ აზერბაიჯანის გაზი გერმანიას სამხრეთული დერეფნის გავლით მიეწოდოს. უნივერსიტეტში შეხვედრის დროს, რომელსაც ვესწრებოდი, ანგელა მერკელმა სახრეთ კავკასიის ქვეყნებზე ისაუბრა და აღნიშნა, რეგიონში რომ აზერბაიჯანი რეგიონში ყველაზე დაწინაურებული და გამართული ეკონომიკის მქონე ქვეყანაა. სომხეთზე ერთი წინადადებით თქვა, რომ მას ნედლეული არ გააჩნია, ხოლო ჩვენ შეფასების ღირსადაც არ ჩაგვთვალა. ამითი ყველაფერია ნათქვამი.. თუ ჩვენი ეკონომიკა აზერბაიჯანისას ვერ შეედრება, როგორ უნდა შევედაროთ აღმოსავლეთ ევროპის რომელიმე ქვეყანას, თუნდაც პოლონეთს ან რუმინეთს? ძალიან დასაფიქრებელი ფაქტორია, როცა მსოფლიოში მეოთხე ეკონომიკის და ევროკავშირში ეკონომიკის ლიდერი ქვეყნის მეთაური შენს საუნივერსიტეტო სივრცეში აზერბაიჯანზე ლაპარაკობს და პირდაპირ მიგანიშნებს, რომ საქართველო და აზერბაიჯანი სხვადასხვა განზომილებაში არიან. სხვათა შორის, ეს არც ერთ ექსპერტს და პოლიტოლოგს არ აღუნიშნავს. მერკელმა პირდაპირ გვითხრა, ღვთის წილხვედრი ქვეყანა გაქვთ, სადაც ისეთი კლიმატი და გარემო პირობებია, რომელიც უნდა გამოიყენოთ და აგროსექტორს მიხედეთო. მოქალაქეებს საბანკო კრედიტები გაუიაფეთ, რომ წარმოების ამუშავებისა და შემოსავლის მიღების შესაძლებლობა ჰქონდეთო. გერმანიის კანცლერს მეტის თქმის უფლება არა აქვს. ის კანონს ვერ დაგიწერს და მოსამართლეს ვერაფერს დაავალებს. 

– მერკელმა საქართველოში დუალური განათლების სისტემის დანერგვის აუცილებლობაზეც ისაუბრა. 

– მერკელს დუალური განათლება შემთხვევით არ უხსენებია, რადგან ამ მოდელზე გერმანული ეკონომიკა დგას. დუალური განათლების პრინციპია, რომ თეორია, რომელსაც აუდიტორიებში ვასწავლით, პრაქტიკით იყოს გამყარებული, მაგრამ რომელ პრაქტიკაზეა საუბარი, როცა ქვეყანაში წარმოება არ მუშაობს? თუ წარმოება არ გაქვს, სად გაივლის ადამიანი პრაქტიკას? სწორედ ამიტომ თქვა ქალბატონმა კანცლერმა – ჯერ კრედიტი გააიაფეთ, რომ ადამიანმა საწარმოს გახსნა და ბიზნესის ამუშავება შეძლოსო. როცა ამ ბაზას შექმნით, დუალური განათლებით აღზარდეთ სპეციალისტები და კვალიფიკაცია მიეცითო. ისიც თქვა, გერმანიაში რომ ჩავალ, დავინტერესდები შრომის ბაზარზე რა კვალიფიკაციებია დეფიციტური და კადრებს თუ მოამზადებთ, ჩვენი შრომის ბაზარზე ლეგალური წვდომა გექნებათო. ეს იყო ყველაზე მთავარი, რაც კანცლერმა გვითხრა. თემას დავუბრუნდები და გეტყვით, რომ წარმოების გარდა, არც სოფლის მეურნეობა გვაქვს. აგრარული სექტორი დაცლილი და ტექნოლოგიურად განუახლებელია, ინფრასტრუქტურა საბჭოთა სამეურნეო სისტემიდან დარჩენილი და მოძველებული. ფაქტობრივად, აგრარული სექტორის ყველა დარგი ჩავარდნილია. არ არის მემცენარეობა, მეხილეობა, მებოსტნეობა, მარცვლეული კულტურების წარმოება, მეცხოველეობა..

– „ქართული ოცნების“ ხელისუფლებაში მოსვლის შემდეგ სოფლის მეურნეობის სფეროში საერთო ინვესტიციების მოცულობამ მილიარდ ლარს გადააჭარბა, თუმცა განსაკუთრებით არ იგრძნობა, რომ ეს სექტორი განვითარდა და წინ წავიდა. როგორ ფიქრობთ რა არის ამის მიზეზი?

– ძალიან მნიშვნელოვან საკითხს შეეხეთ. ბატონმა ივანიშვილმა სოფლის მეურნეობაში გარკვეული სუბსიდიები ჩადო, მაგრამ ამას არავითარი უკუგება არ მოჰყოლია. რატომ? იმიტომ, რომ ეკონომიკა არის სამეურნეო სისტემა, რომელსაც თანმიმდევრული, ალგორითმული, კარგად დაგეგმილი და გაწერილი მოქმედებები ჭირდება. რასაკვირველია, შეიძლებოდა იმ ფულის ეფექტიანად გამოყენება, მაგრამ შესაძლოა, ბატონი ბიძინას კეთილი ჟესტით კონკრეტულმა ჩინოვნიკებმა იხეირეს და არა დარგმა. განვითარების ნაცვლად, იმას მივაღწიეთ, რომ უკვე მესამე სამყაროს ქვეყნებში გავდივართ და დახმარება, რომელიც განვითარებული კაპიტალისტური ქვეყნებიდან სხვადასხვა პროექტების სახით მოედინება, უმეტეს შემთხვევაში, დანიშნულების ადგილამდე ვერ აღწევს და ბიუროკრატიულ, ჩინოვნიკურ აპარტში გაიწოვება.

– კი მაგრამ, იმ განვითარებულ კაპიტალისტურ ქვეყნებს კონტროლის მექანიზმები არ აქვთ, რომ ფულმა ადრესატამდე მიაღწიოს?

– არსად ანგელოზები არ ცხოვრობენ და მღვრიე წყალში ყველა ცდილობს თევზის დაჭერას. ვიღაცა დაინტერესებულია, რომ ფულის მნიშვნელოვანი ნაწილი ე.წ. ატკატების სახით უკან დაბრუნდეს და ასე, წრეზე ტრიალებს ყველაფერი, ხოლო პრობლემა წლების განმავლობაში პრობლემად რჩება.
მეორე მსოფლიო ომის შემდეგ, მიწასთან გასწორებული გერმანია 5 წელიწადში კრიზისიდან გამოვიდა და ფეხზე დადგა. ეს კი იმის წყალობით მოახერხა, რომ გერმანიის კანცლერმა ერჰარდმა შესანიშნავი ეკონომიკური დოქტრინა შეიმუშავა. ერჰარდს დახმარება და გრანტები არავისთვის უთხოვია, მხოლოდ შიდა გერმანული რესურსების მობილიზება მოახდინა. ომით განადგურებულ ქვეყანაში დიდი და პატარა შრომობდა. ყველაზე მოთხოვნადი საექსპორტო პროდუქციის წარმოებით დაიწყეს და დღეს ევროკავშირის 27 ქვეყანაში ეკონომიკურად ყველაზე დაწინაურებულები არიან. ჩვენ ასეთი რა მოგვივიდა, რომ 30 წლის განმავლობაში ფეხზე ვერ დავდექით? ვფიქრობ, მიზეზი ერის მენტალური პრობლემაა.

არსებობს ვლადიმერ პაპავას მიერ შექმნილი მშვენიერი ტერმინი ჰომოეკონომიკუსი. მაგრამ არსებობს ასევე ჰომოსოვეტიკუსი, რომელსც ინდივიდუალური პასუხისმგებლობის განცდა არ გააჩნია და ნებისმიერ საჭიროებაზე სახელმწიფოსკენ იშვერს ხელს: სახელმწიფომ უნდა დაასაქმოს, დაუნიშნოს ხელფასი და ა.შ. სამწუხაროდ, ჩვენში ჰომოეკონომიკუსებს ჰომოსოვიეტიკუსები ჭარბობენ, რაც ქვეყანასაც ეტყობა.. არიან დღეს ქართველი ბიზნესმენები? ადამიანები, რომლებმაც გაძარცვეს ჩვენს მიერ შექმნილი საზოგადოებრივი საკუთრება, ძარცვის შედეგად, დააგროვეს კაპიტალი და მიითვისეს. ეს არის ბიზნესმენობა?

– კონკრეტულად, რომელ ბიზნესმენს გულისხმობთ?

– თუნდაც თემურ ჭყონიას, რომელმაც ბიუჯეტიდან უზარმაზარი კრედიტი აიღო და არ დააბრუნა. ვანო ჩხარტიშვილს და ა. შ. 
ჩემს აღმზრდელ ბიძას, პროფესორ კაცს, რომელმაც მთელი ცხოვრება იმუშავა, თავისი შრომით შექმნილი დანაზოგი წაართვეს და ნულზე დატოვეს. ბიძაჩემის მსგავსად, ასიათასობით ადამიანი გაუბედურდა და ამისთვის ვინმე დაისაჯა?

სანამ ქვეყანაში ეკონომიკური სამრთლიანობა არ აღდგება, ევროპულ ოჯახში შესვლაზე ოცნებაც ზედმეტია. სამყაროში იმაზე დიდი დანაშაული რა უნდა იყოს, რომ ადამიანი მთელი ცხოვრება სწავლობდე, შრომობდე და არავის ჭირდებოდე, იმიტომ, რომ ვიღაცის კლანის წევრი არა ხარ. ქალბატონმა მერკელმა, რომელსაც აბსოლუტურად ყველაფერში ვეთანხმები, ბრძანა თქვენი ევროტლანტიკურ სტრუქტურაში და ევროკავშირში გაწევრიანება უახლოეს მომავალში არ მოხდებაო. ეს ადამიანი ყალბი არაფერში ყოფილა და სრული სიმართლე გვითხრა. რაც ჩემთვის, როგორც ეკონომისტისთვის, ყველაზე მთავარია. 
საერთოდ, რა გზავნილებიც ქალბატონმა მერკელმა დაგვიტოვა, თუ ჩვენს ხელისუფლებაში ამის გამგები, გულთან მიმტანი და საქმეში გადამტანი ადამიანი არსებობს, სასიკეთო ძვრებისკენ უნდა წავიდეთ, მაგრამ სამწუხაროდ, ასეთი ერთი ადამიანიც კი არ მეგულება. ერთი ქვეყანა მაინც დამისახელეთ, სადაც განათლების, მეცნიერების, კულტურის და სპორტის სამინისტრო გაერთიანებულია.. ეს იმაზე მეტყველებს, რომ ეს არის რაღაც გეოგრაფიული სივრცე, სადაც მიდის გაუგონარი თამაშები. ეს არც სახელმწიფოა, არც პოლიტიკა, არც ეკონომიკა და არაფერი.

ჩვენი ქვეყანა იქცა ტერიტორიად, სადაც აბსოლუტურად ყველაფრის იმპორტი ხდება და ეს იმის ბრალია, რომ საკუთარ თავს გავექეცით. ახალმა პრემიერმა მოსვლისთანავე წამოწია ისეთი ეკონომიკური საკითხები, როგორიცაა ბანკების კრედიტები და დოლარიზაციის შემცირება, მაგრამ ეს არის ძალიან პიარული აქცია და საკითხის სერიოზული გადაჭრის გზები არ ჩანს. 
დღეს კიდევ იცით რაზე დგას საზოგადოება? საბჭოთა დროიდან შემორჩენილი სახლი აქვს და ესეც რომ არ ექნება, მივიღებთ ლუმპენ პროლეტარიატს, ანუ მოსახლეობის გაღატაკების მაქსიმალურ ხარისხს. 

– საკმაოდ პესიმისტური პროგნოზებია..

– ოპტიმიზმის საფუძველს რა გვაძლევს? ავიღოთ თუნდაც ჩვენი კანონმდებლობა.. ვენეციის კომისია გვეუბნება ჩვენთან, მაგალითად, ბრიტანეთში, გერმანიაში ან საფრანგეთში არის ასეთი საგადასახადო კოდექსიო და ადგენს ჩვენი ტიპის ქვეყნისთვის რომელი მოდელი უფრო მისაღებია. ანუ ჩვენ კი არ ვირჩევთ, ისინი გვიდგენენ და ვიღებთ კანონებს, რომლებიც ისევე დაშორებულია ჩვენს სინამდვილეს და სამეურნეო სისტემას, როგორც მაგალითად, ჩემი და ბილ გეიტსის ფინანსური მდგომარეობა. 

ჩვენ სანამ ბუკიკიოების ჭკუაზე ვივლით, სულ ასეთი გამობუკიკიოვებულები ვიქნებით...

ნელი თორდია

მეტის ნახვა
3-09-2018, 16:30


კომპენსაციის მიღებით დაინტერესებული არ ვართ, გვინდა, ჩვენი შვილის მკვლელები ვნახოთ განსასჯელის სკამზე, – ამის შესახებ არჩილ ტატუნაშვილის მამამ გიორგი ტატუნაშვილმა წამების მსხვერპლთა რეაბილიტაციის ცენტრ „ემპათიაში“ პრესკონფერენციაზე განაცხადა, რომელზეც ისაუბრეს საქმეზე „ტატუნაშვილი რუსეთის ფედერაციის წინააღმდეგ“.

„ჩვენ კომპენსაციის მიღებით დაინტერესებულები არ ვართ. გვინდა, რომ ჩვენი შვილის მკვლელები ვნახოთ განსასჯელის სკამზე, დღე და ღამე ამაზე ვფიქრობ. დიდი მადლობა ყველას, ცენტრს – გაწეული შრომისთვის“, – განაცხადა გიორგი ტატუნაშვილმა.

ცენტრი „ემპათია“ ევროსასამართლოში გზავნის საჩივარს „ტატუნაშვილი რუსეთის ფედერაციის წინააღმდეგ“, რომელშიც მთავარ მტკიცებულებას წარმოადგენს დასკვნა, რომლის მიხედვითაც, წამებასა და გარდაცვალებას შორის მიზეზ-შედეგობრივი კავშირი დადგენილია. დასკვნა ცენტრმა „ემპათიამ“ მოამზადა.
წამების მსხვერპლთა რეაბილიტაციის ცენტრ „ემპათიას“ ექსპერტთა ჯგუფმა, 10 ექსპერტის მონაწილეობით, არჩილ ტატუნაშვილის წამებისა და ძალადობრივი სიკვდილის ფაქტთან დაკავშირებით კომპლექსურ-კომისიურისასამართლო ექსპერტიზა დაასრულა. 

როგორც „ემპათიაში“ აცხადებენ, აღნიშნული დასკვნით დადასტურებულია, რომ არჩილ ტატუნაშვილი ცხინვალში პატიმრობისას სხვადასხვა მეთოდის გამოყენებით აწამეს, რამაც მისი გარდაცვალება გამოიწვია.
საჩივარი ადამიანის უფლებათა ევროპულ სასამართლოში დღეს გაიგზავნება ევროკონვენციის მე-2 მუხლის (სიცოცხლის უფლება), მე-3 მუხლის (წამების აკრძალვა), ასევე მე-5 (თავისუფლების უფლება), მე-8 (პირადი და ოჯახური ცხოვრების პატივისცემა) და მე-13 მუხლების (ეფექტური ზომა) დარღვევისათვის.

ამასთან, საქართველოს იუსტიციის სამინისტრომ 21 აგვისტოს სტრასბურგის სასამართლოში რუსეთის ფედერაციის წინააღმდეგ საქართველოს სახელით ახალი სახელმწიფოთაშორისი საჩივარი „საქართველო რუსეთის ფედერაციის წინააღმდეგ“ შეიტანა.
„საჩივარი ეხება რუსეთის მიერ საქართველოს ოკუპირებულ ტერიტორიებზე და საოკუპაციო ხაზის გასწვრივ საქართველოს მოსახლეობის მასობრივი შევიწროების, დაკავებების, თავდასხმებისა და მკვლელობების ადმინისტრაციულ პრაქტიკას, რომელიც განსაკუთრებით გაძლიერდა 2008 წლის ომის შემდეგ და კრიტიკულ ზღვარს მიაღწია მიმდინარე წლის თებერვალში არჩილ ტატუნაშვილის წამებისა და მკვლელობის დროს“, – აცხადებენ იუსტიციის სამინისტროში.
1tv.ge

მეტის ნახვა
22-08-2018, 13:30


ბატონ ელბრუს მამედოვთან საუბრის სურვილი მას შემდეგ გამიჩნდა, რაც ქართულ საზოგადოებაში ბათუმში ახალი მეჩეთის მშენებლობაზე დაიწყო ვნებათაღელვა. დამაინტერესა, რას ფიქრობდნენ ამის შესახებ ჩვენი არაქართველი მუსულმანი მოქალაქეები.

გთავაზობთ ინერვიუს ნაციონალური უმცირესობების უფლებადამცველთა ჯგუფის ხელმძღვანელთან, ბატონ ელბრუს მამედოვთან:

– ჩვენ ხშირად გვესმის, ვკითხულობთ კომენტარებს სოციალურ ქსელებში იმის შესახებ, რომ აზერბაიჯანული თემი უკმაყოფილოა და რატომ არიან ისინი ასე უმადურნი. „ყველაფერი ხომ უკეთესობისკენ მიდის, ახლა თქვენ, მუსულმანურ სათვისტომოს, გყავთ პოლიტიკოსები, ჩინოვნიკები, საზოგადოებრივი მოღვაწეები და მარნეულის მერიც კი გყავდათ. არიან აზერბაიჯანელი აქტივისტები, აგერ, პარლამენტში სხედან დეპუტატები. ეს არის ყველაზე მაღალი ნებართვა, თუნდაც თქვენთვის. თუ თქვენ, მუსულმანური სათვისტომო, ამ ყველაფრის მიუხედავად, თვლით, რომ თქვენი საქმეები დაუფასებელი რჩება და თქვენ არ ხართ ამით კმაყოფილნი?“ – აი, ეს არის საუბრის მანერა მუსულმანებისადმი. 

დღეს ჩვენ გვეუბნებიან, რომ გვაქვს უფლება ვიყოთ ნამდვილი მოქალაქეები, მაგრამ, როდესაც ჩვენს უფლებებს წამოვწევთ კულტურულ, რელიგიურ და ეთნიკურ იდენტობაზე, ვალდებულნი ვხდებით, ვიყოთ ნებადართულის ფარგლებში და ბევრის უფლება არ გვაქვს.
დღეს ასეთი მდგომარეობაა: მუსულმანურ თემს უცხადებენ, თუ თქვენი თემი კარგად მოიქცევა, მაშინ მას ნებას დართავენ ზოგიერთ პრივილეგიაზე, რომლებიც მაქსიმალურად დოზირებული იქნება.

- ვერ დაგეთანხმებით, რომ აზერბაიჯანელი `დოზირებულად~ ცხოვრობს საქართველოში, მაგრამ, მოდით, ამ საკითხს სხვა კუთხით შევხედოთ, თქვენ ხშირად უკეთებთ ტირაჟირებას, მაგალითად, ბათუმელი მუსლიმის ტარიელ ნაკაიძის განცხადებებს და ამის გამო არავინ გავიწროვებთ. სამართლიანად მიგაჩნიათ მისი მოთხოვნა?


- ტარიელ ნაკაიძე, არც მეტი, არც ნაკლები, ზუსტად ისეთივე მუსლიმი ქართველია, როგორც ის ქართველები, რომლებიც ცდილობენ შეინარჩუნონ საკუთარი ცხოვრების წესი, საკუთარი რწმენა აფხაზეთსა და სამაჩაბლოში. ტარიელ ნაკაიძე არის ქართველი, რომელიც რატომღაც ცხოვრობს ისე, თითქოს აფხაზეთში იმყოფებოდეს. მისი უფლებები დარღვეულია და სიმბოლიზირებას ახდენს ისეთივე ქართველების, რომლებიც სეგრეგაციასა და შევიწროებას განიცდიან აფხაზეთის სეპარატისტული ხელისუფლების მხრიდან. ასე ვიტყოდი, დღეს მძაფრი მტრობისა და სიძულვილის ენა ტარიელ ნაკაიძისა და საქართველოს მუსლიმებისადმი სწორედ ისეთივე თავდასხმაა, როგორც გალელის მიმართ აფხაზი სეპარატისტების მხრიდან შევიწროება.

- მე მგონი, არასწორ, ცოტა არ იყოს, პროვოკაციულ პარალელებს ავლებთ, ბატონო ელბრუს... ოლო პერიოდში საქართველოში ასეულობით მეჩეთი აშენდა. კიდევ რა უფლებებზე ლაპარაკობთ?

- მე გამუდმებით ვხედავ ციფრს, რომელიც რატომღაც საფრთხობელადაა ქცეული ქართული საზოგადოებისთვის. ჩვენ ვსაუბრობთ ღმერთისადმი სალოცავ სახლებზე, მაგრამ ჩვენ არ ვლაპარაკობთ ათობითა და ასობით კაზინოზე, მოზარდთა გარყვნილების ფარულ სახლებზე, კლუბებსა და დისკოთეკებზე, სადაც მოიხმარენ სხვადასხვა სახეობების ნარკოტიკს. ჩვენ ვსაუბრობთ სახლზე, სადაც ღმერთისადმი ლოცულობენ. როდესაც ციფრებით მანიპულირებას ცდილობენ და აქსოვენ მასში ნეგატიურ მნიშვნელობას, რითაც განზრახული აქვთ მუსლიმების „ადგილზე“ მოსმა. ეს, ცხადია, სიტუაციას ამძაფრებს.

ჩვენი ქართველი ძმები ყოველთვის ითხოვენ იმას, რომ ჩვენ ვიყოთ ლოიალურები და ერთგულნი მათ მიმართ, მაგრამ, ამავდროულად, არ სურთ ნახონ ჩვენში ამ ქვეყნის მკვიდრი ხალხი. ჩვენი აზერბაიჯანელებისადმი დამახასიათებელი სტანდარტი არის მხოლოდ `სტუმარი“. ჩვენ კი გარწმუნებთ, რომ ვართ ერთგულნი და ლოიალურები, მაგრამ მაინც არ გსურთ ამის დაჯერება. 

რაში ხედავს დღეს ქართული ქრისტიანული საზოგადოება საფრთხეს? მეჩეთებში? ღმერთისადმი სალოცავ ადგილებში?
ის ილუზია, რასაც დასავლური მედია ავრცელებს ისლამის შესახებ, თითქოს ისლამი არის ომის რელიგია, სინამდვილეს არ შეესაბამება და აბსოლუტური სიცრუეა. 

მუსულმანური თემი არ ატარებს პროზელიტიზმის კამპანიას ქრისტიანებს შორის. არ ითვისებს ეკლესიებს, არ ანგრევს მათ, არ აქცევს ქრისტიანებს საკუთარ რწმენაზე და ამაში არის პოზიტიურობა. კავკასიაში შეუძლებელია იმის თქმა, რომ თქვენ გუშინ გვჭირდებოდით, დღეს კი არა, „სტუმრები“ ხართ და უნდა წახვიდეთ. ამას დიდი პრობლემების მოტანა შეუძლია ქვეყნისთვის. ისტორია ხომ ისედაც სავსეა რელიგიური ომებითა და არაადამიანურობით?!

– როცა თქვით, ჩვენ თქვენ ეკლესიებს არ გართმევთო, ყველაფერს რომ თავი დავანებოთ, როგორ შემიძლია არ გკითხოთ დავით გარეჯზე, რომელზეც მუდმივ პრეტენზიას აცხადებს აზერბაიჯანული მხარე?!

– ირანდა, ჩემი წინაპრები საქართველოში უკვე მეათე თაობა ცხოვრობს და აქვთ აქაური მოქალაქეობა. ის პრობლემები, რაც არსებობს დავით გარეჯსა და კახ-ზაქათალას მოსახლეობაში, პირდაპირ ეხება ჩემი თემის პრობლემებს. ეს საკითხები ისე პირდაპირ გვეხება ჩვენაც, როგორც, მაგალითად, მეგრელს ზუგდიდში. როცა საუბარია ამ თემებზე, აზერბაიჯანულ თემს თითქოს არაფერი გვეკითხება, არადა, ჩვენც ხომ ამ ქვეყნის მოქალაქეები ვართ?
საერთოდაც, მიმაჩნია, რომ პრობლემები ჩვენს ორ სტრატეგიულ პარტნიორ და მეგობრულ სახელმწიფოს შორის მოგვარებადია. ეს ორი ქვეყანა ურთიერთსასარგებლო გადაწყვეტილებას მიიღებს და პრობლემაც აღმოიფხვრება.

ბევრმა შეიძლება არ იცის, მაგრამ აზერბაიჯანში არსებობს ქართული ეკლესია, რომელსაც აქვს თავისი სტატუსი, იქ მიმდინარეობს მღვდელმსახურებაც, მაგრამ ეს არ უშლის ხელს აზერბაიჯანულ მოსახლეობას და, შესაბამისად, არც ქართველები არიან უკმაყოფილო.

_ თქვენ ერთი ეკლესიით იწონებთ თავს და ჩვენს მიწაზე 300 მეჩეთი გეცოტავებათ?

_ ახლა ეს შეკითხვა რომ დამისვით, კიდევ ერთხელ გამიჩნდა იმის განცდა, გვთვლით თუ არა ქართველოები ჩვენ, მუსულმანებს საქართველოს სახელმწიფოს სრულუფლებიან წევრებად თუ ყოველთვის ცდილობთ გასასვლელი კარებისკენ მიგვითითოთ?

ირანდა კალანდაძე

მინაწერი:


ბოლო ორი ათეული წელია მაჰმადიანური სალოცავების _ მეჩეთებისა და მედრესეების მშენებლობების ბუმია ამ პატარა ქვეყანაში და არავინ ეკითხება ქართველ ხალხს, სურს თუ არა ეს, მაშინ, როცა, მაგალითად, შვეიცარიაში, თურმე, მეჩეთის მშენებლობა რეფერენდუმით წყდება.
საქართველო სხვა მახასიათებლებთან ერთად იმითაც არის უნიკალური, რომ განსაკუთრებით ტოლერანტული ქვეყანაა, მაგრამ ტოლერანტობა არ უნდა ნიშნავდეს საკუთარი ინტერესების უგულებელყოფას.

ჩვენი ინფორმაციით, მხოლოდ აჭარაში ბოლო ათწლეულების განმავლობაში 300-ზე მეტი მეჩეთია აშენებული. თუ ასე გაგრძელდა, ქრისტიანები უმცირესობაში აღმოვჩნდებით და აღარ იქნება ლეგიტიმური ქართველების მოთხოვნა მართლმადიდებლობა სახელმწიფო რელიგიად გამოვაცხადოთ ქვეყანაშიო.

დიდი ხანი არ არის, რაც ავსტრიაში კანონი მიიღეს, რომელიც მეჩეთების დახურვასა და მუსულმანი ღვთისმსახურების ქვეყნიდან განდევნას ითვალისწინებს. დონალდ ტრამპიც უარს ამბობს უახლოეს ხანებში აშშ-ში მაჰმადიანი ემიგრანტების მიღებაზე.
ჩვენ კარები ყველა მხრიდან გახსნილი გვაქვს. ყველას ვაძლევთ აღმსარებლობის თავისუფლებას და ეს ანტიდისკრიმინაციული კანონითაც განმტკიცდა, რომელიც პარლამენტმა მოსახლეობის ნების საწინააღმდეგოდ მიიღო…

ამ სიტუაციაში რა გასაკვირია, მუსულმანი მოსახლეობა თავისი უფლებების გაფართოებისთვის იბრძოდეს ქვეყანაში?!
ბატონმა ელბრუს მამედოვმა კი თქვა, მაგრამ არავინ უთითებს აზერბაიჯანელებს `კარებისკენ~, ასე იყო ადრეც და ასე არის დღესაც. აზერბაიჯანელები ქართველების გვერდით მშვიდობიანად ცხოვრობენ და არავის არასდროს დაუშლია მათთვის არც საზოგადოებრივ-პოლიტიკური ცხოვრებაში აქტიური მონაწილეობა და არც, მით უმეტეს, ალაჰის დიდება.

რამდენიმე წლის წინ ბაქოში ვიყავი.
მთელ ქალაქში ერთი ეკლესიაა და ვერავინ ითხოვს იქ კიდევ სხვა ქრისტიანული ტაძრის მშენებლობას. 
ის კი არა, კახ-ზაქათალაში ეკლესიის ზარებს ქართველები მორიდებით რეკავენ, მუსულმანი მოსახლეობა არ შევაწუხოთო. როცა საკითხი დასმულა, საინგილოში ტაძრები აღვადგინოთო, აზერბაიჯანის პრეზიდენტს ილჰამ ალიევს უთქვამს: ასეთი რამეები აზერბაიჯანში რელიგიის საბჭოს გადასაწყვეტია. მე ამ საქმეში ვერ ჩავერევიო.
კაცმა რომ თქვას, ერთი შეხედვით, თავად მეჩეთი და სალოცავი სახლი, არავითარ საფრთხეს არ წარმოდგენს, იყვნენ, ილოცონ, მაგრამ ეს ყველაფერი რელიგიურ ექსპანისას არ უნდა დაემსგავსოს. 
საქართველო ქრისტიანული ქვეყანაა და აქ ყოველ ფეხის ნაბიჯზე მეჩეთების მშენებლობა, დიახაც, დიდ საფრთხეს შეიცავს ქართული სახელმწიფოს არსებობისთვის.

მეტის ნახვა
20-08-2018, 10:00


თელავში ძლიერი სეტყვისა და წვიმის შედეგად მრავალსართულიანი კორპუსების ეზოები დაიტბორა. ამასთან, როგორც პირველი არხის ჟურნალისტი იუწყება, გზებზე შეფერხებული იყო ავტოტრანსპორტის მოძრაობა. ძლიერი სეტყვისა და წვიმის შედეგად საავტომობილო გზებზე ქვა-ღორღი და ნაშალი მასალა გადმოვიდა. ახმეტის მუნიციპალიტეტის სოფლებში, ქისტაურსა და ახშანში სეტყვამ მთლიანად გაანადგურა ვენახები, ხეხილის ბაღები და სასოფლო-სამეურნეო კულტურები.

 ძლიერი წვიმისა და სეტყვის გამო, საგანგებო სიტუაციების მართვის სამსახურის კახეთის მთავარი სამმართველო მუშაობის განსაკუთრებულ რეჟიმზეა გადასული. ამის შესახებ სამსახურის უფროსმა გიორგი ჩარკვიანმა პირველ არხს განუცხადა. ჩარკვიანი აცხადებს, რომ ძლიერმა წვიმამ და სეტყვამ ძირითადად გართულებები ქალაქ თელავში გამოიწვია:

„დაიტბორა სახლების პირველი სართულები და სარდაფები, პრობლემები შეიქმნა ელექტროგადამცემ ხაზებზე, ასევე, პრობლემები შეექმნა ცენტრალურ გზებზე მოძრავ მანქანებს, სადაც დიდი ნიაღვარი მოდიოდა“, – განაცხადა ჩარკვიანმა.

მისივე თქმით, ამ დროისთვის სიტუაცია დასტაბილურდა.

„ახმეტასა და თელავში მობილიზებულია ყველა საჭირო რესურსი, რათა სტიქიის შედეგები მოკლე დროში აღმოიფხვრას. დაშავებული არავინ არის. მიმდინარეობს სტიქიის სალიკვიდაციო სამუშაოები. სიტუაციის გართულება არ არის მოსალოდნელი, თუკი სტიქია არ განმეორდება. ამის ალბათობაც ძალიან დაბალია. ვრჩებით გაძლიერებულ რეჟიმზე, სანამ საჭიროება მოითხოვს“, – აღნიშნა გიორგი ჩარკვიანმა.

რამდენიმე საათის წინ მოსულმა ძლიერმა სეტყვამ თელავისა და ახმეტის მუნიციპალიტეტებში პრობლემები შექმნა.

1tv.ge



მეტის ნახვა
18-08-2018, 21:00


ხადას ხეობაში მომხდარმა საზარელ მკვლელობაში ბრალდებულ 19 წლის მალხაზ კობაურს პროკურატურის მოთხოვნის საფუძველზე ფსიქიატრიული ექსპერტიზა ჩაუტარდება, რასაც ბრალდებულის ადვოკატიც დაეთანხმა. კობაური უკვე გადაყვანილია შესაბამის დაწესებულებაში, მას რამდენიმე დღის განმავლობაში დააკვირდებიან სპეციალისტები, რის შემდეგაც დაიდება დასკვნა ბრალდებულის ფსიქიკური მდგომარეობის შესახებ.

გამოძიება რატომღაც ახლაღა დაინტერესდა იყო თუ არა შერაცხადი კობაური იმ პერიოდში, რა დროსაც მძიმე დანაშაულის ჩადენას ედავებიან. ბრალდებულის ადვოკატის განცხადებით, მისი დაცვის ქვეშ მყოფს ამ მხრივ პრობლემები არ აქვს. ცნობისთვის, "ავადსახსენებელი" კომუნისტების მმართველობის პერიოდში ადამიანი მკვლელობას რომ ჩაიდენდა, მას ყველა შემთხვევაში უტარდებოდა სასამართლო-ფსიქიატრიული ექსპერტიზა. პროფესიონალ ფსიქიატრთა განცხადებით, არცთუ იშვიათად ისმებოდა მკვლელობის აფექტის მდგომარეობაში ჩადენის საკითხი. არსებობს აფექტის ორი სახე, ფიზიოლოგიური და პათოლოგიური, რაც სრულიად განსხვავებული ცნებები ყოფილა. პათოლოგიური აფექტის დროს, ადამიანს სრულიად ებინდება გონება, მერე შეიძლება საერთოდ აღარ ახსოვდეს რა ჩაიდინა. ვფიქრობთ, არც იმის გამორიცხვა შეიძლება, რომ შთაგონების შემთხვევაში, მან არჩადენილი დანაშაულიც დაიბრალოს. არის თუ არა კობაური რეალური დამნაშავე, აქ საზოგადოების აზრი ორად იყოფა, ერთნი დაჟინებით ამტკიცებენ, რომ სწორედ მან დახოცა ცოლ-ქმარი სმიტები და მათი ოთხი წლის ბიჭი და "მკვლელის"  ჩაქოლვას თუ არა, სამუდამო პატიმრობას ითხოვენ.

ეს "ღრმადდარწმუნებულები" იმ ადამიანებსაც აქილიკებენ, ვისაც არ სჯერა, რომ ხსენებული ამაზრზენი დანაშაული კობაურმა ჩაიდინა, მით უმეტეს მარტომ. აქვე სამედიცინო და ბიოლოგიურ ექსპერტიზების დასკვნებს იშველიებენ, მეტი რაღა მტკიცებულება გინდათ, ნუთუ ოფიციალურ დასკვნებზე მეტად, 19 წლის მწყემსის თვალების გჯერათ, რომ ასეთ დანაშაულს არ ჩაიდენდაო. სხვათა შორის, "ურწმუნოთა" შორის, კომპეტენტური ადამიანები, პროფესიონალი სამართალდამცავებიც არიან, რომლებსაც საკმაო გამოცდილება აქვთ იმისთვის, რომ შავი და თეთრი გაარჩიონ ერთმანეთისგან, მით უმეტეს, რომ ბევრჯერ შეხვედრიან "უტყუარ" დასკვნა-მტკიცებულებებს. ჩვენ არაფერს ვამტკიცებთ, მაგრამ ამ საქმეში რომ ბევრი საეჭვო დეტალია, ვფიქრობთ, შეუიარაღებელი თვალითაც ჩანს. ამ სს-ის საქმის პროკურორის განცხადებით, მკვლელობაში ბრალდებულმა კობაურმა თავად აპოვნინა ბავშვის ცხედარი სამართალდამცავებს, უშუალოდ მან მიუთითა ის ადგილი, სადაც ბავშვის ცხედარი და სხვა ნივთები გადამალა. კობაური ისეთ დეტალებზე საუბრობს, რომ შეუძლებელია ეს ისეთმა პირმა იცოდეს, ვინც დანაშაულის მოხდენის დროს შემთხვევის ადგილზე არ იმყოფებოდა და უშუალოდ არ ჩადიოდა დანაშაულს. კერძოდ, როგორ მოკლა მამაკაცი, რომელსაც ჯერ ზურგში ესროლა, მერე თავში, სხვათა შორის, ზუსტად ეს საკონტროლო გასროლა იწვევს ეჭვს გამოცდილ პოლიციელებში, რადგან ე.წ. კონტროლკა მკვლელის პროფესიონალიზმზე მიუთითებს. კობაურმა თქვა, შემდეგ როგორ ესროლა ბავშვს, როგორ გამოეკიდა დედას, მითუმეტეს მას ჰქონდა თოფი და იყო ნასვამი. ქალი გაქცევისას ხევში გადავარდაო. მერე ისიც ითქვა, რომ კობაურმა ქალი გააუპატიურა და თვითონ დაახრჩო წყალში, რასაც ექსპერტიზების დასკვნებიც ადასტურებსო.
ÐаÑÑинки по запÑоÑÑ áá£áá áá¤áá¡ ááááááááá
ბრალდებულმა კობაურმა როცა უარყო დანაშაულის ჩადენა, გავრცელებული ინფორმაციით, თქვა, რომ ორმა უცხოელმა, სავარაუდოდ დაღესტნელებმა ჩაიდინეს ეს დანაშაული, თუმცა ადვოკატის განცხადებით, მან სხვა პირებზეც ისაუბრა, ოღონდ დეტალებზე ჯერ არ ისაუბრებსო. პროფესიონალ სამართალდამცავთა განცხადებით, კობაური შეიძლება მართლაც შეესწრო ამაზრზენ მკვლელობას და დეტალებზეც იმიტომ საუბრობს, თუნდაც იმაზე სად გადამალეს ბავშვის ცხედარი. გამოძიებას კობაურის ე, წ. აღიარებითი ჩვენების გარდა, ფაქტობრივად სხვა მტკიცებულება არ აქვს, მარტო აღიარება კი უტყუარი მტკიცებულებების გარეშე არაფერს ნიშნავს, ასე შეიძლება ბევრი რამე "აღიარო", მათ შორის, კენედის მკვლელობაცო.
სიმართლე გითხრათ, ოფიციალური ვერსიის ჩვენც ნაკლებად გვჯერა, ოღონდ აქ საქართველოს პროკურატურა-პოლიციის მიმართ ნდობა და პროფესიონალიზმი არაფერ შუაშია. ეს საშინელი მკვლელობა რომ ყოფით ნიადაგზე ჩადენილი დანაშაული არ არის, ბევრი დეტალი მიანიშნებს, აქ სხვა გაცილებით სერიოზული ინტერესი და მოტივი იკვეთება, რაც ვფიქრობთ, ჩვენი ქვეყნის ფარგლებს სცილდება და საერთაშორისო მნიშვნელობა აქვს. ასეთ შემთხვევაში ადგილობრივი სამართალდამცავი და საგამოძიბო სტრუქტურები ფაქტობრივად ხელფეხშკრულნი არიან, რადგან გლობალური პოლიტიკური მოთამაშეები მათ ობიექტური გამოძიების უფლებას არ მისცემენ. ასე რომ არ იყოს, რა ინტერესი უნდა ჰქონდეს ჩვენს პოლიცია-პროკურატურას, რომ ეს ამაზრზენი დანაშაული საკუთარ მოქალაქეს, 19 წლის მწყემსს "დააბრალოს", თუ მას ეს მართლაც არ ჩაუდენია?! კომპეტენტურ ადამიანებს კობაურის მიმართ ნაგვიანევად დანიშნულმა ფსიქიატრიულმა ექსპერტიზამაც გაუჩინა ეჭვი, მოგეხსენებათ, იგი ცოლ-ქმარ სმიტებისა და მათი მცირეწლოვანი შვილის მკვლელობას დღემდე არ აღიარებს, რა იცით რა მედიკამენტებით გაჭყიპავენ სასურველი შედეგის მისაღებად.


ეს საქმეაც რეალურად არ გაიხსნება, ისევე, როგორც სხვა რეზონანსული მკვლელობები, სადაც ასევე ყავდათ ბრალდებულ-მსჯავრდებულები, მაგრამ საქმეში ჩახედულმა ხალხმა კარგად იცის, რომ ისინი "ყურით მოთრეული" დამნაშავეები იყვნენო. სმიტების ოჯახის ტრაგედიამ ბევრს აშშ-ის ცენტრალური სადაზვერვო სააგენტოს (ცსს) ოფიცრის ფრედი ვუდროფის 25 წლის წინ მომხდარი მკვლელობა გაახსენა. "საერთო გაზეთში" ამ მკვლელობის შესახებ, კარგად ინფორმირებულ სანდო წყაროებზე დაყრდნობით, თავის დროზე წერდა, აქედან გამომდინარე, შეგვიძლია ვთქვათ, რომ ამ ორ საქმეში მართლაც არსებობს მსგავსება. მაშინ ეს საქმეც "გაიხსნა", მაგრამ პროფესიონალი პოლიციელების კერძო საუბარში არ მალავდნენ, რომ ვუდროფის მკვლელობაში მსჯავრდებულს არ მოუკლავს საქართველოში ამერიკელი დიპლომატის ეგიდით ჩამოსული სპეცსამსახურის ოფიცერი. სხვათა შორის, "ქართული ოცნების" ხელისუფლება რამდენიმე წლის წინ აპირებდა ამ საქმის ხელახალ გამოძიებას, იუსტიციის მინისტრი თეა წულუკიანი აცხადებდა, რომ ეს საქმე თავის დროზე სათანადოდ არ იქნა გამოძიებული, განახლდა თუ არა ძიება ვერაფერს მოგახსენებთ, რადგან საჯაროდ აღარ გაკეთებულა განცხადებები. შეგვიძლია ვივარაუდოთ, რომ ძიება არ დაწყებულა, იმ მარტივი მიზეზის გამო, რაზეც ზემოთ უკვე ვისაუბრეთ.

ვუდროფის მკვლელობაში დასდეს ბრალი, მიუხედავად საქმეში არსებული ბევრი საეჭვო დეტალისა მას 15-წლიანი პატიმრობა მიუსაჯეს, მოგვიანებით, ციხიდან გაქცევის მცდელობისთვის სამი წელი დაუმატეს, თუმცა 2008 წელს გაათავისუფლეს. შარმაიძე სატელევიზიო ინტერვიუში აცხადებდა, რომ აღიარებითი ჩვენება სასტიკი წამების შედეგად გამოსძალეს. გოგოლაძე ინციდენტის ადგილზე დაბრუნდა და სამი ნასვამი პირი დააკავა, მათ შორის ანზორ შარმაიძე. ამ უკანასკნელის დამნაშავეობაში თავიდანვე ეჭვი ეპარებოდა, როგორც ქართულ საზოგადოებას, ისე გარდაცვლილი ვუდროფის ოჯახს. ოფიციალური ვერსიის არც თეა წულუკიანს სჯეროდა, შარმაიძე მხოლოდ იმიტომ გაასამართლეს, რომ სჭირდებოდათ პირი, ვისაც მკვლელობას დააბრალებდნენ, რადგან ამ მკვლელობამ სერიოზულად შეაცბუნა ედუარდ შევარდნაძე.

ვუდროფის ოჯახის ადვოკატი აცხადებდა, რომ შარმაიძე უბრალო მსხვერპლია, რომელიც მისაღები იყო ვაშინგტონისთვისაც, რომელსაც დამნაშავის დაკავება სურდა და რუსეთისთვისაც, რომელსაც არ უნდოდა ამ მკვლელობასთან რაიმე კავშირი ჰქონოდა.

ÐоÑожее изобÑажение
ხადას ხეობაში მომხდარ საზარელ მკვლელობასთან დაკავშირებით, კომენტარი ვთხოვეთ პროფესიონალ "ოპერატივნიკს", პოლიციის ვიცე-პოლკოვნიკ  დავით გაგნიძეს, რომლის განცხადებითაც  აშშ-მა ამ შემთხვევაშიც საკმაოდ ბუნდოვანი პოზიცია დაიკავა.

დავით გაგნიძე: როგორც შარმაიძის შემთხვევაში, ახლაც ეჭვი მეპარება, რომ კობაური იყოს მკვლელი. გავრცელდა ინფორმაცია, რომ ცოლ-ქმარი სმიტები სპეცსამსახურის თანამშრომლები იყვნენ, ვფიქრობ, ისინი რაღაცის შესამოწმებლად იყვნენ ჩასული ხადას ხეობაში, ბავშვი სპეციალურად ეყოლებოდათ წაყვანილი, რომ არავინ დაეჭვებულიყო მათ რეალურ ინტერესში, ეს აპრობირებული მეთოდია ეჭვის გასაქარწყლებლად. მათ ეტყობა რაღაც ისეთი ნახეს იქ, რაც არ უნდა ენახათ, ამიტომაც მოიშორეს, თანაც ასეთი საზარელი გზით, ესეც სპეცსამსახურების მეთოდია. ეს მკვლელობა საეჭვოდ დაემთხვა ჩვენი მესაზღვრეების გატაცებას, რომლებიც მალევე გამოუშვეს. მათაც რაღაც ისეთი ნახეს, თორემ ორივე მხარის წარმომადგენელმა მესაზღვრემ შეიძლება უნებლიედ დაარღვიოს საზღვარი, მაგრამ მას არავინ იჭერს და მიყავს. არსებობს ინფორმაცია, რომ ჩვენს აღმოსავლეთ საქართველოს ჩრდილოეთ საზღვარზე რუსული სამხედრო დანაყოფებია შემოსული, ეტყობა ამის შესამოწმებლად იყვნენ ჩასულები სმიტები და დააფიქსირეს კიდეც, მესაზღვრეების შემთხვევაშიც ასე მგონია. შეიძლება მწყემსი ბიჭი მათ მართლაც წაიყვანეს მეგზურად, რადგან კარგად არ იცნობდნენ იქაურობას, გადააწყდნენ იქ რაღაც ჯგუფს და ამ ბიჭმა საკუთარი თვალით ნახა სმიტებს როგორ გაუსწორდნენ. კობაური იმიტომაც დატოვეს ცოცხალი, რომ ესეც წინასწარ იყო გათვლილი, რომ მას დაბრალდებოდა ეს საზარელი დანაშაული, სიმართლეს არავინ დაუჯერებდა. კითხვა რატომ არავის უჩნდება, რატომ იყო მოკლული მამაკაცი შიშველი, რაში ჭირდებოდა ეს კობაურს? ათლეტური აღნაგობის მამაკაცს ცოცხალს ეს ვერ გააშიშვლებდა, თუ მოკვლის შემდეგ გააშიშვლა, რა იყო მისი მიზანი, დასვა გამოძიებამ ეს კითხვა? აქედანაც ჩანს, რომ ამ ბიჭს არ მოუკლავს, მამა-სმიტი ვიღაცებმა აწამეს და ამიტომაც გააშიშვლეს. ან რომ ამტკიცებენ ქალბატონი გააუპატიურა კობაურმაო, ეს არის სრული აბსურდი, გამორიცხულია ერთმა კაცმა, მითუმეტეს ასეთი აღნაგობისამ მარტო მყოფმა გააუპატიუროს ქალი, თანაც ისეთი ფიზიური მონაცემების მქონე, როგორიც ის ქალბატონი იყო. მორიგი სისულელეა თოფზე აქცენტის გაკეთება, თან სანადირო თოფით ემუქრებოდა და თან აუპატიურებდა? რაც შეეხება ექსპერტიზის დასკვნებს გაუპატიურებასთან დაკავშირებით, დასკვნები თავადაც მოგეხსენებათ როგორ კეთდება, როცა ამხელა დაინტერესება არსებობს.

შეიძლება ის ქალბატონი მართლაც იყო გაუპატიურებული, მაგრამ ეს ამ ბიჭმა ჩაიდინა? აი, ეს არის მთავარი.

ვფიქრობ, კობაური სიმართლეს ამბობს იმ ფაქტთან დაკავშირებითაც, რომ თავდამსხმელები ორზე მეტი იყვნენ, ორი კაცი ამას ვერ შეძლებდა. ისიც ძალიან მენიშნა, რომ კობაური თავდამსხმელებად დაღესტნელებს მოიხსენიებს. გამალებული შენდება დაღესტნიდან კახეთში გადმოსასვლელი გზა (ყადორი), ჩემი ინფორმაციით, ამ ტერიტორიაზეც შეუნიშნავთ რუსი სამხედროები. ადრეც გითხარით, რომ ამერიკა რუსეთს უბრუნებს თავისი გავლენის სფეროებს და ეს საქართველოსაც ეხება. ამ შემთხვევაშიც ამერიკის რბილად რომ ვთქვა, გაურკვეველი პოზიცია, როცა ეს საზარელი მკვლელობა ყოფით ნიადაგზე მომხდარ დანაშაულად უნდა შემოგვასაღონ, მაფიქრებინებს, რომ ეს ყველაფერი იმ "გადაცემამიღების" ერთერთი ეტაპია. როცა შენს მოქალაქეებს, მით უმეტეს სპეცსამსახურის წარმომადგენლებს ასეთი სასტიკი მეთოდით უსწორდებიან და შენ დუმილს ამჯობინებ, უფრო მეტიც, ემიჯნები ამ ყველაფერს, ჭკუათმყოფელმა, მეტნაკლებად საღად მოაზროვნე ადამიანმა სხვა რა უნდა იფიქროს?

მანანა სუხიშვილი

მეტის ნახვა
13-08-2018, 16:30