სარეკლამო ადგილი

947x125



(დასასრული. დასაწყისი იხ. "სგ" N42)

საქართველოს მთავრობამ, საქართველოს ეკონომიკის სამინისტრომ და ქალაქ თბილისის მერიამ ოფშორულ ზონაში რეგისტრირებულ შპს "მალთიფლექს ენერჯი ლიმიტედს" მიჰყიდა "თბილისის წყალი", "რუსთავწყალკანალი", "მცხეთაწყალკანალი", "საქწყალკანალი". ხელშეკრულების თანახმად, წილის ნასყიდობის საფასური იყო ჯამში 80 011 208 აშშ დოლარის ექვივალენტი ლარში. თანხის გადარიცხვა ორ ტრანშად განხირციელდა. კომპანიაში მალევე შეიცვალა მენეჯმენტი და გენერალურ დირექტორად რუსეთის მოქალაქე იური ლესი დაინიშნა. "ჯორჯიან უოთერ ენდ ფაუერის" სახელწოდებით კომპანია 2009 წლიდან ოპერირებს. კომპანიის მესაკუთრე "მალთიფლექს ენერჯი ლიმიტედსაც" სახელწოდება იმავე წელს შეეცვალა და "ჯორჯიან გლობალ უთილითის" გახდა.შპს "რუსთავწყალკანალი", შპს "მცხეთაწყალკანალი", შპს "საქწყალკანალი" და შპს "თბილისის წყლი" შპს "ჯორჯიან გლობალ იუთილითიზს" (ყოფილი შპს "მალტიპლექს ენერჯი ლიმითედს") საქართველოს მთავრობის 2008 წლის 14 მაისს გამოცემული № 325 განკარგულებით გადაეცა. არასამთავრობო ორგანიზაციამ "მწვანე ალტერნატივა" ამ კომპანიებთან მთავრობის მიერ გაფორმებული ხელშეკრულებები ვერ მოიპოვა ვერც სასამართლოს გზით. ხელშეკრულების სრული ტექსტი, ხელშეკრულების ერთ-ერთი მუხლითვე მიჩნეული იყო მყიდველის კომერციულ საიდუმლოდ. "ლუკოილ ჯორჯია" 100%-იანი წილის მფლობელია ნიდერლანდებში, "ლუკოილ ჯორჯიას" სამეთვალყურეო საბჭოს წევრები 2005 წლის 26 ოქტომბრის მდგომარეობით გახლდნენ, რუსეთის მოქალაქეები სერგეი ფედორცოვი და ვალერი გოლოვუშკინი, სამეთვალყურეო საბჭოს თავმჯდომარე კი ასევე რუსეთის მოქალაქე ფიკრეტ ალდაჯან ოგლია. 2005 წლის შემდეგ საჯარო რეესტრის ჩანაწერებში აღნიშნული მონაცემები არ შეცვლილა. "პეტროკას ენერჯი ლიმიტედი" საქართველოში ფლობს ფოთის ნავთობტერმინალებს, ბენზინგასამართი სადგურების ქსელს, თუმცა, აღნიშნული მფლობელობა საქართველოს საჯარო რეესტრში არ არის რეგისტრირებული. გარიგებები ოფშორულ ზონებში რეგისტრირებული კომპანიების საშუალებით ხორციელდებოდა. კომპანიის წარმომადგენლების საჯარო განცხადებების მიხედვით, "პეტროკას ენერჯი ლიმიტედის" ძირითადი მეწილე რუსეთში მოღვაწე ქართული წარმოშობის ბიზნესმენი დავით იაკობაშვილია, 2014 წლის 29 დეკემბერს რუსულმა კომპანია "როსნეფტმა" განაცხადა, რომ მან "პეტროკას ენერჯი ლიმიტედის" 49%-იანი წილი შეიძინა, თუმცა, აღნიშნული გარიგების შესახებ ინფორმაცია რეგისტრირებული არ არის საქართველოს საჯარო რეესტრში. სავარაუდოდ, აღნიშნული გარიგება ოფშორულ ზონაში რეგისტრირებულ კომპანიებს შორის გაფორმდა. "როსნეფტის" ინფორმაციით, გარიგების შედეგად კომპანიამ გაიმყარა ლიდერის პოზიციები კავკასიის რეგიონში არსებულ ნავთობბაზარზე. გარდა ამისა, "როსნეფტისვე" განცხადებით," პეტროკასთან" თანამშრომლობით მოხდება კავკასიისა და ცენტრალური აზიის მზარდი ბაზრების უკეთ ათვისება და ნავთობით მომარაგების დივერსიფიცირება. 

2003 წელს ხელისუფლების "ვარდების რევოლუციით" შეცვლიდან დაახლოებით სამ კვირაში, ბოლნისში ძვირფასი მადნის მომპოვებელ ყველა კომპანიაში, მათ შორის "კვარციტში", "მადნეულსა" და მათთან დაკავშირებულ სხვა კომპანიებში პროკურატურა შევიდა. 2003 წლის 15 დეკემბერს აღნიშნული კომპანიებიდან საფინანსო დოკუმენტაცია მოსამართლის ბრძანებით ამოიღეს, რადგან დაიწყო სისხლის სამართლის საქმის გამოძიება ყალბი ანგარიშფაქტურების დამზადების ფაქტზე. ამის შემდეგ მალევე, "კვარციტში" ავსტრალიური კომპანიის სრულუფლებიან წარმომადგენლად დაინიშნა იმდროინდელი მმართველი გუნდისა და პარლამენტის თავმჯდომარის მოადგილის, მიხეილ მაჭავარიანის ძმა ივანე მაჭავარიანი. 2004 წლის ნოემბერში "კვარციტისა" და "მადნეულის" გენერალურ დირექტორად, ასევე, ორივე კომპანიის სამეთვალყურეო საბჭოს თავმჯდომარედ დაინიშნა რუსეთში მოღვაწე ბიზნესმენი კობა ნაყოფია, რომელიც მოგვიანებით, 2008–2012 წლებში საქართველოს პარლამენტის წევრი გახდა, ის იყო მმართველი გუნდის, ფრაქცია "ერთიანი ნაციონალური მოძრაობის" წევრი. კობა ნაყოფია ჟურნალ "ლიბერალთან" საუბარში იხსენებს, რომ 2004 წელს ის რუსეთში, რუსი მილიარდერის, სერგეი გენერალოვის კომპანია "პრომიშლენიე ინვესტორში" მუშაობდა, როცა მას საქართველოს ეკონომიკის სამინისტროდან, იმდროინდელი მინიტრის, კახა ბენდუქიძის სახელით დაურეკეს და საქართველოში ჩამოსვლა შესთავაზეს. როგორც ნაყოფია იხსენებს, ბენდუქიძემ მას ასარჩევად "ჭიათურმანგანუმის", ან "მადნეულის" დირექტორობა შესთავაზა.

საქართველოს ხელისუფლებამ კობა ნაყოფიას ძვირფასი ლითონების მომპოვებელი სახელმწიფო საწარმოების პრივატიზებისთვის მომზადება დაავალა, 2005 წელს კი გასაყიდად გამოიტანა. კომპანიებისადმი დაინტერესება დიდი იყო, თუმცა, საბოლოოდ, "მადნეული" და "კვარციტი" კობა ნაყოფიას ყოფილი პარტნიორის, სერგეი გენერალოვის ჰოლდინგის, "პრომიშლენიე ინვესტორის" შვილობილმა კომპანიამ "გეოპრომაინინგმა" (Stanton Equites Corporation) შეიძინა დაახლოებით 33 მილიონ აშშ დოლარად. ოფიციალურად, "გეოპრომაინინგი" ვირჯინიის კუნძულებზეა რეგისტრირებული, თუმცა, "კვარციტისა" და "მადნეულის" რეალური მფლობელი რომ "პრომიშლენიე ინვესტორი" იყო, ამას კომპანიის ვებგვერდზე დღემდე განთავსებული ინფორმაციაც ადასტურებს. რაც შეეხება "პრომიშლენიე ინვესტორის" მფლობელს, რუს მილიარდერ სერგეი გენერალოვს ის რუსეთის პოლიტიკისა და ბიზნესის ერთ-ერთი გავლენიანი პერსონაა. (სააკაშვილის ბიძის თემურ ალასანიას მეგობარი) ბიზნესთან ერთად, გენერალოვს რუსულ პოლიტიკაში მოღვაწეობის გამოცდილებაც აქვს. "აიდიეს ბორჯომი საქართველოს" ოფიციალური მესაკუთრე არის ოფშორულ ზონაში რეგისტრირებული "აიდიეს ბორჯომი ბევერიჯიზ კომპანი". მისი დირექტორი კი რუსეთის მოქალაქე ვლადიმირ აშუროვია. აშუროვი ხელმძღვანელობს IDS  Borjomi International-საც. კავშირგაბმულობის კომპანია "მობიტელი" საქართველოში 2007 წელს "ბილაინის" ბრენდით შემოვიდა. კომპანია რუსული "ვიმპელკომის" ჯგუფის წევრია. ელმავალმშენებლის სადამფუძნებლო დოკუმენტაციაში რუსეთის მოქალაქეები 2005 წლიდან ჩნდებიან, როდესაც რუსულმა Dema Computers-მა აქციათა 51% შეიძინა. 36% ზურაბ ცინცაძეს, 12,76% კი საწარმოთა მართვის სააგენტოს დარჩა. სამეწარმეო რეესტრში დაცული დაკომუნეტებიდან არ ჩანს, რა თანხად იყიდა საკონტროლო პაკეტი Dema Computers-მა. "გაერთიანებული ქართული ბანკის" აქციები რუსულმა "ვითიბიმ" 2005 წელს შეიძინა. კომპანიის რებრენდინგი 2006 წლის დეკემბერში განხორციელდა, შეიცვალა სახელწოდება და "ვით იბი ბანკი" ეწოდა. "ვიმ ბილ დან საქართველო" რძის პროდუქტების მწარმოებელი რუსული სს "ვიმ-ბილ-დანის" მფლობელობაში მყოფი კომპანიაა. საქართველოში 2008 წელს დარეგისტრირდა. კომპანიის დამფუძნებელი რუსეთში მოღვაწე ქართული წარმოშობის ბიზნესმენი დავით იაკობაშვილია. ქართულ ბაზარზე მისი პროდუქცია ცნობილია სახელწოდებით "სოფლის ნობათი". 2011 წელს ვიმ ბილ დანის აქციათა 66% პეპსიკომ 3.8 მილიარდ დოლარად იყიდა 56. მანამდე ის 11%-ს ფლობდა. ამ გარიგებთ "პეპსიკო" ჯამში კომპანიის აქციების 77%-ს მფლობელი გახდა.
 
დოკუმენტებით ირკვევა, რომ "ტიფლისკი ვინნი პოგრების" 100 პროცენტიანი წილი "დიონისემ" "დკ სერვისს" 2014წლის ოქტომბერში 2 ათას ლარად მიჰყიდა. "დკ-სერვისის" მფლობელი რუსეთის მოქალაქე ელენა შჩელკანოვაა, გენერალური დირექტორი კი – იმავე ქვეყნის მოქალაქე ნაძეჟდა სტროკატოვა. ვიდრე "დიონისე" "დკ სერვისს" მიყიდიდა, "ტიფლისკი ვინი პოგრების" დირექტორი რუსეთის მოქალაქე გერმან ლისოვი იყო.

ეს მხოლოდ მცირე ჩამონათვალია იმ ბიზნესებისა, რომლებიც "ნაცმოძრაობამ" მისთვის საძულველ რუსეთს გადასცა ხელისუფლებაში ყოფნის 9 წლის განმავლობაში.

ქეთევან ზარნაძე

მეტის ნახვა
29-11-2018, 11:30


რედაქციის სტუმარია, ცნობილი იურისტი, ადვოკატი დიანა გვიშიანი.

- ქალბატონო დიანა, თქვენ, სტაჟიან, გამოცდილ იურისტს, რითი დაგამახსოვრდათ „ნაციონალების“ ცხრაწლიანი მმართველობა?

- არნახული უკანონობით, კანონის ფეხქვეშ გათელვით.

- მე მახსოვს 2012 წლის სექტემბრის ბოლო, როცა გავრცელდა ე.წ. ციხის კადრები, რაც საზოგადოებისთვის შოკისმომგვრელი იყო…

- სიმართლე გითხრათ, ჩემთვის ეს კადრები არ იყო მოულოდნელი და წარმოუდგენელი, რადგან მაგ დროისთვის უკვე დიდი ხანია სისტემაში ვმუშაობდი და ვიცოდი, რომ კარანტინის დაშლის დროს პატიმრებს სცემდნენ. ამიტომ, ჩემს დაცვის ქვეშ მყოფებს ყოველთვის ვაფრთხილებდი: არ შეეპასუხოთ, არ გაუძალიანდეთ, თორემ ცემით მოგკლავენ-თქო. ბევრი ასეთი შემთხვევა მქონია პრაქტიკაში.
მერე, ციხეშიც ხდებოდა ზეწოლა, ღირსების შელახვა. მაგალითად, შედიოდა ბადრაგი და ეუბნებოდა ტუსაღს: შეძვერი საწოლის ქვეშ და სანამ არ მოვალ, არ გამოხვიდეო. აბა, გაგებედა და არ შეგესრულებინა ბადრაგის ახირება! სამწუხაროდ, პატიმრები ამაზე იშვიათად თუ ყვებოდნენ, თან გთხოვდნენ, არ გაახმაუროთო. ჯალათების ეშინოდათ. არ მისახელებდნენ მოძალადე ბადრაგების ვინაობას, რადგან პატიმარს მართლა მოკლავდნენ.

- ცემით?

- არა მარტო ცემით. გადაიყვანდნენ სამკურნალო დაწესებულებაში, იქ სხვა დიაგნოზს დაუწერდნენ და ვერსად იჩივლებდი. შეკრული წრე იყო, გამოსავალი არ არსებობდა… სწორედ, ასე მოექცნენ ჩემს დაცვის ქვეშ მყოფ პატიმარს, თამაზ დადვანს. თამაზი 22 წლის იყო, როცა ყაჩაღობის მუხლით გაასამართლე. რვა წელი მიუსაჯეს დანაშაულისთვის, რომელიც არ ჩაუდენია; ხოლო, რამდენიმე თვეში სიცოცხლე მოუსწრაფეს. ჯანმრთელი, ძლიერი ბიჭი იყო, ვერ ეგუებოდა მათ „წესებს“. ეტყობა, სიტყვასაც უბრუნებდა, როცა უმიზეზოდ ურტყამდნენ. მან მომიყვა, როგორ ჩაუნგრიეს ორგანოები ოცმა თანამშრომელმა. ერთ დღეს დაგვიკავშირდნენ თამაზის ოჯახის წევრები, გვითხრეს, ძალიან მძიმედ არის და გვიშველეო. ვუთხარი მათ, შევალ და ვნახავ-მეთქი. ციხის საავადმყოფოში შევედით მე და ჩემი კოლეგა – მაია დონაძე. თამაზი ჯერ კიდევ დადიოდა, მაგრამ ძალიან გაუბედურებული იყო. მახსოვს მთხოვა, ჩემი შეყვარებულის სურათი დამრჩა საპყრობილეში და გეხვეწები, იმ კედლებში ნუ დამიტოვებო… მეორედ რომ მივედით, ციხის ექიმებმა გვითხრეს, მფრინავი ტუბერკულოზი აქვს და პირბადეების გარეშე ნუ შეხვალთო. პირბადეები თავად არ ჰქონდათ და მაინც შევედით. თამაზ დადვანმა მოგვიყვა, როგორ სცემეს ის ბადრაგებმა. მანდ მთავარია, არ წაიქცე, თუ წაიქეცი, ზედ შეგდგებიანო. თავიდან ვუძლებდიო, თქვა, მერე დიდი ტანის ბადრაგი მოვიდა, იმან დამარტყა, წავიქეცი და შემდგნენო… სვანი იყო და ღირსების შელახვას ვერ აიტანდა. ალბათ, ამიტომაც ცემდნენ უმოწყალოდ, რომ ოთხზე არ დადიოდა, საწოლის ქვეშ არ ძვრებოდა, როგორც ზოგიერთი… რეანიმაციაშიაო გვითხრეს. ის ოთახი მორგს უფრო წააგავდა. თამაზი საწოლზე ეგდო, არაფერი ეფარა, მოძრაობის უნარიც არ ჰქონდა. ხელი მოვკიდე ხელზე და ისე მოვაწერინე ექსპერტიზის დანიშვნის თხოვნაზე… გვერდით ედო ხელუხლებელი ცელოფნის პარკში ოჯახიდან გამოგზავნილი თეთრეული და ტანსაცმელი. თეთრეული არც კი გადაუკრავთ. ზამთარი იყო. ერთადერთი ამოილუღლუღა: ფანჯარა დახურეთო. იქვე კიდევ ორი პატიმარი იწვა მოკუნტული საწოლზე, არანაირი სამედიცინო აპარატურა და ნივთი იქ არ მოიპოვებოდა. იწნენ და ელოდნენ სიკვდილს. მაიამ და მე თამაზი გავამხნევეთ: ნუ გეშინია, ყველაფერს გავაკეთებთ, ხვალ გამოხვალ-მეთქი. -ექსპერტიზის დასკვნა რომ იქნება, მერე, მაინც, ხომ დაიჯერებენ, რა მიქნესო, თქვა. იმედი მიეცა. ოთახიდან რომ გამოვედით, ექიმი ვნახეთ, ვუთხარით, მიხედეთ ბიჭს, რომ გდია იქ, გადასხმა მაინც გაუკეთეთ- თქო. ექიმმა ირონიულად გაიღიმა… მეორე დილას დამირეკეს და უხეშად მითხრეს, შენი პატიმარი მოკვდა და ოჯახს გააგებინეო. ოჯახის წევრებს ხელი მოაწერინეს იმაზე, რომ პრეტენზიები არ ექნებოდათ…

- ქალბატონო დიანა, ოჯახის წევრებს პრეტენზიები რომ გაჩენოდათ, მაშინ რა იქნებოდა?

– თამაზ დადვანის ოჯახის წევრები დააშანტაჟეს, ამ საბუთს ხელს თუ არ მოაწერთ, ცხედარს არ გაგატანთო…
სააკაშვილის მმართველობისას, პატიმარი ვერ წერდა საჩივარს კოკრეტულად რომელიმე ბადრაგის წინააღმდეგ. ვინც დაწერა, არ დაადგა კარგი დღე, ცემით მოკლეს ამის გამო. მაგალითად, გადავიყვანე ნაცემი, ფეხმომტვრეული პატიმარი ციხის საავადმყოფოში, მაგრამ პატიმარმა არ დამიდასტურა, რომ მას ფეხები ციხის ადმინისტრაციამ მოუმტვრია. მე როგორღა უნდა დამემტკიცებინა ადმინისტრაციის დანაშაული?

- რისთვის მოუმტვრიეს მას ორივე ფეხი?

– შესთავაზეს, ან გაგაუპატიურებთ, ან ფეხებს მოგამტვრევთო. მეორე აირჩია. ეს მერე გავიგე. დღემდე ეტლში ზის და, მიუხედავად იმისა, რომ ითხოვს სახელმწიფოსგან დახმარებას, როგორც რეჟიმის მსხვერპლი, არ ეხმარებიან, რადგან სააკაშვილის ხელისუფლება იურიდიულად არ არის გაფორმებული, როგორც დანაშაულებრივი რეჟიმი… მახსოვს, ერთხელ ციხის საავადმყოფოში ერთ-ერთ პატიმარს გავესაუბრე, თეატრალური ინსტიტუტის სტუდენტს. ცემასა და ზეწოლას ვერ გაუძლო და ფსიქიკური აშლილობა დაემართა. ეს ახალგაზრდა აღმოჩნდა მწერალ ლერი ალიმონაკის შვილი, გიორგი ალიმონაკი. თავის ადვოკატს ჰყავდა შემოყვანილი ინვალიდის ეტლით. გიორგის ეჩვენებოდა, რომ მასთან მუდვივად იმყოფებოდნენ 6–7 ბიჭი, თითოეული მათგანი თავისი ბავშვობის ეპიზოდი ეგონა. გვთხოვდა, სახლში წამიყვანეთ, დედასთანო. არც კი ახსოვდა, რომ პატიმარი იყო. ერთი სიტყვით, სააკაშვილის რეჟიმის დროს პატიმარი ბადრაგის საკუთრება იყო, ნივთი …

– თქვენი აზრით, „ნაცები“ ასე სასტიკად, რატომ ეპყრობოდნენ ადამიანებს?

– შეხედეთ მათ ლიდერებს. ვინ არიან ისინი? სულით და ხორცით მახინჯი არსებები, რომლებმაც გადაწყვიტეს ლამაზი, ჭკვიანი ქართველი ერის გენოციდი. მათი პათოლოგიური სისასტიკის მიზეზის სხვა ახსნა მე არ მაქვს.

გიორგი კორძაძე

მეტის ნახვა
29-11-2018, 08:30


ნიკა გვარამიას ბოლოდროინდელ სატელევიზიო გამოსვლებს რომ უსმენ, შეიძლება შიშმა შეგიპყროს _ არ არის გამორიცხული, ეს ადამიანი პირდაპირ ღია ეთერში გაგიჟდეს და "რუსთავი 2"-ის სტუდიიდან ფსიქიატრიულ კლინიკაში ამოყოს თავი.

ეს კაცი რომ გაგიჟების ზღვარზეა, ამას, როგორც ჩანს, კარგად გრძნობს მისი თანაწამყვანი ეკა კვესიტაძე, რომელიც ხან დაყვავებით, ხან ცოტათი მკაცრი შეძახილით ცდილობს, დააშოშმინოს დაუკრეფავში გადასული გენდირექტორი, მაგრამ ამაოდ _ გვარამია ვერ მშვიდდება, ვერ წყნარდება და თავისას მიერეკება.

დაბნეული, დამფრთხალი ჩანს კვესიტაძე _ პატარა ამბავი რომ არ არის, ათიათასობით მაყურებლის თვალწინ ღია ეთერში გენდირექტორი დასაბმელი რომ გაუხდეს?

ბოლო ერთი წელია, გარეგნულადაც და ფსიქიკურადაც უცნაურ მეტამორფოზას, უფრო ზუსტად, უცნაურ დეფორმაციას განიცდის გვარამია და სულ უფრო და უფრო ემსგავსება ანჩხლ, რაღაცით გაბოროტებულ და გაკაპასებულ დედაკაცს, რომელიც მზად არის, მოწინააღმდეგეს ლოყები ჩამოატყავოს, თვალები ამოკორტნოს, თმებით ითრიოს.

ეტყობა, შემთხვევით არ მომხდარა, ვაჟკაცმა გვარამიამ ერთ-ერთ აქციაზე უამრავი მამაკაციდან მაინცდამაინც ქალბატონი რომ ამოიღო მიზანში და "ფუთიანი" მუშტი რომ "ხეთქა".

კაცების მეტი რა იყო იქ, მაგრამ გვარამიამ მაინცდამაინც ქალბატონი ამოირჩია თავისი რისხვის ობიექტად.
ბატონი ზიგმნუდი (ფროიდი), რომელიც კარგად ერკვეოდა ასეთ საქმეებში, ზუსტ ფსიქოანალიტიკურ დასკვნას გამოიტანდა გვარამიას საქციელიდან, ცოცხალი რომ ყოფილიყო.

მამაკაცი, მით უმეტეს, ქართველი მამაკაცი, მანდილოსანთან სერიოზულ პოლემიკაში შესვლას არ იკადრებს, იმიტომ, რომ მამაკაცია. არ იკადრებს მანდილოსნის საჯაროდ და სახალხოდ ლანძღვას, იმიტომ, რომ მამაკაცია, აი, ბატონი მამაკაცი გვარამია კი ისე თათხავს და ლანძღავს, ისეთ ქოქოლას აყრის ქალბატონ სალომეს, თითქოს მამაკაცი კი არა, თავადაც ქალბატონი იყოს.

ეხ, მართლაც რა დროს არ არის ცოცხალი ის ცხონებული ფროიდი…

_ სამშობლოს მოღალატეა ეს ქალი, სამშობლოს მოღალატეს კი ვერ დავინდობ, პატრიოტი ვარო, _ წიკვინებს გვარამია და ზურაბიშვილის პირად ცხოვრებაზე ისეთ იაფფასიან ჭორს ჰყვება, რომლის მოყოლას ბაზრის ყველაზე ჭორიკანა დედაკაციც არ იკადრებდა.

_ ბატონო ნიკა, პირად ცხოვრებაზე ნუ ვილაპარაკებთ, არ არის ეს სწორიო, _ ეკა კვესიტაძე ცდილობს შეაჩეროს ფსიქიკური აშლილობის ზღვარზე მყოფი შეფი, მაგრამ არაფერი გამოსდის.

კვესიტაძე რაღაცით ჰგავს ექთანს თუ სანიტარს, რომელსაც მძიმე ავადმყოფი ჩააბარეს მოსავლელად და მკაცრად გააფრთხილეს: _ გააკონტროლე, როგორც კი დაუკრეფავში გადავა, სადავეები მოქაჩე და დააოკეო.

გვარამია ვერ ოკდება _ მე რომ პირადი ცხოვრება დამინგრიეს, მე რომ ფსიქიკა შემირყიეს და ჩემი განადგურება სცადეს, ახლა მიიღონ სამაგიერო კბილებშიო.
გვარამია არ აკონკრეტებს, ვინ დაუნგრია პირადი ცხოვრება, ვინ შეურყია ფსიქიკა და ვინ შეცვალა ასე, კაცს კი არა გაუპატიურებულ ოფოფს რომ ჰგავს.
პატივცემული ნიკას მინიშნებებს თუ ჩავუღრმავდებით, როგორც ჩანს, ის თავისი გაუბედურების მთავარ მიზეზად "ქართულ ოცნებას" მიიჩნევს, არადა, სულ ტყუილად.

ნიკა გვარამიას გაუბედურება-გაპარტახების დრამატული ისტორია მაშინ დაიწყო, როცა ის თავისი ცხოვრების გარიჟრაჟზე მიხეილ სააკაშვილს გადაეყარა.
სააკაშვილს, რომელიც თავისი გამზრდელის, შევარდნაძის წინააღმდეგ დაგეგმილი დიდი ღალატისთვის ემზადებოდა. საწყის ეტაპზე, "ნაცმოძრაობის" სახით, სულების შემსყიდველი პუნქტი ჰქონდა გახსნილი, სადაც მომავალი პოლიტიკური ბრძოლებისთვის საჭირო კადრებს იზიდავდა და "ავერბოვკებდა".
ასე მოხვდა ნიკა გვარამია სააკაშვილის "სასტავში" და ასე ჩააბარა სააკაშვილის სულების შემსყიდველ პუნქტს სული.

ასე რომ, ნიკა, ბიძიკო, სულ ტყუილად იშვერ შენ ხელს ბიძინა ივანიშვილისკენ და "ქართული ოცნებისკენ" _ სააკაშვილმა დაგღუპა შენ, სააკაშვილმა ამოგაცალა სული და ყველაფრის მკადრებელ, ყველაფერზე წამსვლელ, სინდის-ნამუსისგან გარეცხილ, უტიფარ და ურცხვ რობოტად გაქცია.
თუმცა შენი გოლგოთა ჯერ არ დამთავრებულა, ნიკა გვარამიავ, მთავარი განსაცდელი წინ გელოდება და რამდენიც არ უნდა იხვანცალო, შენ ამ განსაცდელისგან თავს ვერ დაიხსნი.

ციხე ან საგიჟეთი _ აი, ეს არის შენი ბოლო ნავსაყუდელი.

გიორგი გამეზარდაშვილი

მეტის ნახვა
27-11-2018, 11:00


აი, როგორიც ჰოლანდიაში გაქსუებული მიხო სააკაშვილია, ეგეთს კახეთში აჯამს ეძახიან. ეხლა მეტყვით, რათ არი აჯამი, ეგ ხო პრეზიდენტი იყოვო? თქვენ გგონიათ, პასუხზე ჯიბეში ჩავიყოფ ხელსა? არა, ეგრევე მოგახლით: იმიტომაა აჯამი, რომ ეგ ჩემის ტრულაილა, ისევ 2003-შია ჩარჩენილი.

ვეღარ მიხვდა, როგორ განვითარდა ტექნოლოგიები, აზრზე ვერ მოდის, ყველა სიტყვას რომ უწერენ, უშიფრავენ და უქვეყნებენ. კიდევ იმიტომაა აჯამი, რომ ტელეფონზე იმნაირებსა ლაპარაკობს, ყურო ნუ გაიგონებ, იქით ებრაელებს აგინებს, აქეთ გრიგოლ ვაშაძეს ყ…ს უწოდებს, ქართველ ხალხს დედას აგინებს და რაც მთავარია, რევოლუციას ხლართავს ბანაცუა გიორგი (გოგიტა) ვაშაძესთან ღლაბუცში. ამაზრზენი ფარული ჩანაწერი, რომელიც რამდენიმე დღის წინ უკრაინულ საიტზე გამოუქვეყნეს, დარწმუნებული ვარ, ავთენტურია, ანუ ნამდვილია. ეს საიდანღა ვიცი? კარგად ვიცნობ ამათ ჯიშსა და მოდგმას, მაგას რა ცოდნა და დიდი ფილოსოფია უნდა? ეგ არი, ნაღდია. ყველაფერს რომ თავი დავანებოთ, განა იგივე რევოლუციურ სცენარს არ ანვითარებს მისი ტელე "იაშიკი" "რუსთავი 2"? განა ამ სცენარს არ ანვითარებს მისი მარჯვენა ყვერი ნიკოლოზ გვარამია? ისე, კახეთში მიხოსნაირ აჯამს ანაცუასაც ეძახიან, ხოლო ვაშაძის მსგავს არსებას – ბანაცუას. ეს რაღას ნიშნავს? იმას ნიშნავს, რომ ეს ეშმაკის პირიდან გავარდნილი ავაზაკები რევოლუციას აწყობენ მაშინ, როცა არც ამისი ტრაკი აქვთ და არც საამისო ავტორიტეტი. მოდით, საკუთარი თვალით გადავიკითხოთ, რას მიედ-მოედებიან ანაცუა-ბანაცუა და დანარჩენზე შემდეგ ვიმსჯელოთ.

მიხეილ სააკაშვილი: თქვენ რაღაც არ ხართ რევოლუციის ხასიათზე!
გიორგი ვაშაძე: დღეს, აი მართლა გეუბნები ეხლა, ბაქრაძეც იქ იყო … „კაროჩე" ფული, ფული, ფული აკერიათ პირზე. „ფულის გარეშე რა ჩემი ყ…ე უნდა ვქნათ"?, „რა აზრი აქვს"? ვეუბნები, ბიჭო, დავიწყოთ რა, მაგის დედა ვატირე. თუ არ დავიწყეთ, რა ფული მოვა? ეხლა ვიღაცამ ხო უნდა თქვას, რომ რაღაც შედეგზე შეიძლება გავიდნენ რა, სიტყვაზე ვამბობ.
მიხეილ სააკაშვილი: მე მაგ ინტრიგებში ჩარევა არ მინდა და ზოგადად ვუთხარი, რომ მაინტერესებს, მიყვარხართ, კაი ბიჭები ხართ, რა გიყოთ ეხლა და… არ მიგატოვებთ და ეხლა ვინ ვის არ აირჩევს, მაგრა ქინძზე მკიდია მართლა. ოღონდ გულწრფელად.
გიორგი ვაშაძე: ეხლა „იმენნა" ნერვები მეშლება „პროსტა" რა. და რისი იმედი აქვთ მაგ ყ…ებს, ბოზ.შვილი ვიყო...
მიხეილ სააკაშვილი: ხოდა, მთელი არსია, რომ სინამდვილეში, როგორც კი ესენი ამას გააკეთებენ, უნდა ვთქვათ, რომ ფულის პონტია და „ვსიო~, „ნახუი~, თქვენი დედაც მოვტ…ან. ვაშაძე არ იწვევს ეხლა ხალხში სიყვარულს, მაგრამ მეორეს მხრივ, ვაშაძე არის აქტიური ტიპი, ხო?
გიორგი ვაშაძე: თვითონაც არ მიაჩნია თავისი თავი კაცად, თორე სხვას რომ მიაჩნდეს, რაღაცა ისეთი… ისეთ ყლ…ობებს „ბაზრობს" ხოლმე, რომ ბო…შვილი ვიყო ხალხი გამოყლ…ებულია.
მიხეილ სააკაშვილი: საბოლოო ჯამში, შეგვიძლია გადავავადოთ ამათი დამხობა, ან დროზე დავამხოთ და თუ იტყვის რიგგარეშე არჩევნებს, ბოდიშს ვიხდი, უნდა გადაიყვანოთ სიტუაცია რევოლუციურში და რა, არ არის მაგის წინაპირობები თუ რა? ძაან მნიშვნელოვანია, რომ თავისუფლების მოედანზე გადავიტანოთ და შევკრიბოთ ბევრი ხალხი.
გიორგი ვაშაძე: ხო ხედავ არა, რომ ვერ ვშვებით…
მიხეილ სააკაშვილი: არ უნდა მაგას ეხლა დიდი თეორია. არის დავალებები, რომელიც უნდა სრულდებოდეს და მე არ ვარ შეჩვეული, რომ რაღაცა არ სრულდება.
გიორგი ვაშაძე: ამ ისრაელთან დაკავშირებით მთელი ამბავია ატეხილი, გუშინ ღამე ვეკონტაქტებოდი, რა…
მიხეილ სააკაშვილი: მაგ ღორების დედაც მოვტყან ეხლა, ეგრე "პროსტა", ისიც იფიქრეთ, რომ იქ ათასი დაინტერესებული პროჭია ადეიშვილის გამწარებული და ეხლა…

ესე იგი, ჰოლანდიაში ჩაკვეხებული ანაცუა ეუბნება საქართველოში "მოღვაწე" ბანაცუას, დიადი რევოლუციის სადავეები ჩვენს ხელშიაო. თან ნახეთ, როგორი თავდაჯერებულია, თითქოს ჯადოსნური ჯოხი უჭირავს ხელში და მასზეა დამოკიდებული, რევოლუციას გადაავადებს თუ ახლავე დაიწყებს. ყოველ შემთხვევაში, ამ დამპალი ავანტიურისტის სურვილია, რომ საქართველოში რაც შეიძლება მალე დაიწყოს არეულობა. ალბათ ახლა იმასაც ხვდებით, რატომ სურდათ ე.წ. არასამთავრობოებს ე.წ. ყალბი პირადობის მოწმობების ბეჭდვის გასკანდალება, აშკარაა, ეს თემაც რევოლუციური გეგმის ერთი ნაწილი უნდა ყოფილიყო, მაგრამ ჩაუვარდა თ. უკვე თავში აქვს ავარდნილი ანაცუას, მე არ მიყვარს, როცა რამე არ სრულდებაო. კი, არ უყვარდა, როცა რამე არ სრულდებოდა და ამიტომაც ცხრილავდნენ ქუჩაში ბიჭებს, ამიტომაც ართმევდნენ ადამიანებს ქონებას, აწამებდნენ ციხეებში, აუპატიურებდნენ, იღებდნენ, ამონტაჟებდნენ, აშანტაჟებდნენ და ასე შემდეგ. ესეც აღიარებითი ჩვენებაა, ანუ ესეც მიგვანიშნებს იმაზე, რომ ამ აჯამისა და ტლუს გარეშე ქვეყანაში არაფერი ხდებოდა. ეს ავალებდა, ეს ითხოვდა და მის ყვერებს ჩამოკიდებული ბაღლინჯოებიც სიამოვნებით ასრულებდნენ. სხვათა შორის, სანამ ეს ჩანაწერი გამოქვეყნდებოდა, მე მქონდა ინფორმაცია, რაც ე.წ. შინაურობაში თქვა ანაცუა სააკაშვილმა – მაგათო, ბიჭო, ბოკერიებს, ვაშაძეებს, უგულავებს, ბაქრაძეებს და მაგათთანებს გამოვიყენებ და მერე ყვერებს ქვემოთ დავიკიდებო. აჰა, ფაქტი და მტკიცებულება, იგივეს არ ამბობს? ვაშაძე ხალხში სიყვარულს არ იმსახურებს, მაგრამ აქტიურიაო. ვეღარ გაიგეს ამ კრეტინებმა, რომ ავანტიურისტ ანაცუასა და ტყლარწ თემურ ალასანიას ხელში პაიკებიც კი არ არიან, ჩვრების როლს ასრულებენ და როცა ყველაფერი მორჩება მათ საზიანოდ, სამუდამოდ გაიწირებიან. მაგასო, ეუბნება ბანაცუა ანაცუას, თვითონაც არ ჰგონია თავი კაციო. ამაზე მეტი შეურაცხყოფა რაღა გინდათ? ამას, ამ ულვაშას თავმოყვარეობა რომ ჰქონდეს, ეგრევე დაახვევდა არჩევნებიდან, მაგრამ ეგეთი რაღაცები მხოლოდ საკაცეთში ხდება ხოლმე. ისე, რა თქვა ბანაცუამ ულვაშაზე ტყუილი? კაცი რომ იყოს, იმას არ იკადრებდა ქალის წინააღმდეგ, რაც თვეების განმავლობაში იკადრა.

ბანაცუა (გოგიტა) თავს იკატუნებს, უიმე, ჩემი ხმა ვერ ვიცანი, ეგ ყველაფერი დადგმულიაო. ჩვენ ვიცანით, ბიჭო, ჩვენ… ისიც კარგად ვიცანით, თქვენმა ტყლარწმა კარდინალმა, თემურ ალასანიამ რომ თქვა ქართველ ხალხზე, ზედ თუ არ დაა…ვი და დედა არ მოუტყ…ანი, აზრზე ვერ მოდიანო. ეგა ხართ, მეტი ინტელექტი და გონება არ გაგაჩნიათ. მთელი ცხოვრება ძალადობით და სისხლით გაგქონდათ… შენ კი რა, შენ რისი ტრაკი გაქვს, იმათზე ვამბობ, თავზე რომ გაფსამენ და იძახი, ჟუჟუნა წვიმა მოდისო.

ბანაცუა ანაცუას შესჩივის, შტაბში სულ ფული აკერიათ პირზეო, აღარ არი და ვერაფერს ვაკეთებთო. ანაცუა პირდება, როცა მეფე გავხდები, არ დაგივიწყებთ, კაი ბიჭები ხართ, ძალიან მიყვარხართ, ისე არ დაგტოვებთო. ჰმ… პირდება ბიჭებს, ჯერ ეუბნება, მიყვარხართო, მერე იძახის, ყვერებს ქვემოთ დავიკიდებო. პირდება "პოსლეზე", ეხლა შეუტიეთო, ახალ წლამდე დავამთავროთო… არა, თუ გინდათ, ამათი დამხობა ცოტა ხნით გადავდოთ, მაგრამ არ ღირსო. ეგრე რააა, ტაშიიი!

სხვათა შორის, ხალხო, მე პირადად ერთი შეცდომა მაქვს ამ კუთხით დაშვებული და ყველანაირად ვეცდები, აღარ გავიმეორო. 1991 წლის 20 დეკემბერს პარლამენტის წინ ცოცხალ ჯაჭვში ვიდექი. ჩვენ კიტოვან და მისთანებს ვეხვეწებოდით, რომ არ ესროლათ. მაინც ისროლეს. ახლა ცოტა სხვა დროა, იარაღით გამოსვლა აღარ გამოვა, მაგრამ სამაგიეროდ უფრო დიდი და ამაზრზენი "ბომბი" არსებობს ქვეყანაში – "რუსთავი 2" და მასთან მიერთებული სხვა ტელევიზიები, რომლებიც პირდაპირ აყ…ევებენ ადამიანებს. უნდა მეთქვა, ტვინებს ურეცხავენ-მეთქი, მაგრამ ეს უკვე დაყ..ევებაა (ბოდიშს ვიხდი უცენზურო სიტყვებისთვის). ამ ყველაფერს ხელს უწყობენ არასამთავრობოები და მათთან გათანაბრებული დაუსრულებელი, უსაქმური არსებები. სახელმწიფოს წინააღმდეგ მოედინება დიდი ნიაღვარი სიცრუისა, ბოღმისა და გარყვნილებისა, თუ ამას არ აღვუდექით წინ, კიტოვანის ჟანგიანი ზარბაზანი მონაგონი იქნება!

ისე, ბატონო მიხავ… უკაცრავად, ანაცუავ, ჩემი თხოვნა იქნება, რევოლუციურზე შენი სიდედრი გადაიყვანე, ქვემოდან "ხლაპუშკა" შეუგდე და ახალ წელს ააფეთქე!

გელა ზედელაშვილი

მეტის ნახვა
27-11-2018, 10:00


ქართველებო, არ აჰყვეთ "ნაციონალი" კრიმინალების ზღაპრებს და დემაგოგიას – 28 ნოემბერს გააკეთეთ სწორი, პრაგმატული და პრინციპული არჩევანი _ არჩევანი საქართველოს გადასარჩენად!

მოდით, მშვიდად, ემოციების გარეშე, ცივი გონებით გავაანალიზოთ, რას გვპირდება გრიგოლ ვაშაძე!

გრიგოლ ვაშაძე (სხვათა შორის, ძალიან ღიად და დაუფარავად) გვპირდება რევოლუციას, დესტაბილიზაციას, არეულობას, სამოქალაქო დაპირისპირებას, ეკონომიკის ნგრევას, კრიმინალების ციხიდან გამოშვებას.
რატომ აპირებს ის ამის გაკეთებას?

არა იმიტომ, რომ რევოლუცია და სამოქალაქო დაპირისპირების პროვოცირება მისი თვითმიზანი და იდეაფიქსია, არამედ იმის გამო, რომ ის იძულებულია, ასე მოიქცეს, რადგან მას სხვა გამოსავალი და სხვა არჩევანი არ აქვს.

რატომ არ აქვს სხვა არჩევანი?

იმ უბრალო მიზეზის გამო, რომ გრიგოლ ვაშაძეს პრეზიდენტის სტატუსი არანაირ შანსს არ აძლევს, შეასრულოს ის დაპირებები, რასაც ის მოსახლეობას ჰპირდება.

პრეზიდენტი ვაშაძე, იმის გამო, რომ პრეზიდენტია, ვერც პენსიას მოუმატებს პენსიონერებს, ვერც საბანკო რეფორმებს განახორციელებს, ვერც 600 000 ადამიანს ჩამოაწერს ვალს, ვერც სასამართლო სისტემაში შეიტანს ცვლილებებს, ვერც ეკონომიკის განვითარების ტემპებს დააჩქარებს _ მას, როგორც პრეზიდენტს, ამის უფლებამოსილება არ აქვს.

ვაშაძემ რაღაცის გაკეთება რომ მოახერხოს, მან მთლიანად უნდა შეცვალოს ხელისუფლება _ დაითხოვოს მთავრობა, დაითხოვოს პარლამენტი, სადაც საპარლამენტო უმრავლესობას "ქართული ოცნება" ფლობს, მაგრამ ვაშაძეს ამ ამოცანის განხორციელების არანაირი ბერკეტი არ აქვს.

ამიტომაც ამბობს იგი, რომ გაპრეზიდენტების შემდეგ სათავეში ჩაუდგება საპროტესტო გამოსვლებს _ ქუჩაში გამოიყვანს 50-100 000 ადამიანს და ხელისუფლებას აიძულებს, დაინიშნოს ვადამდელი საპარლამენტო არჩევნები, სადაც "ნაციონალურმა მოძრაობამ" დიდი უპირატესობით უნდა გაიმარჯვოს, რომ შეძლოს საპარლამენტო უმრავლესობის მოპოვება, რის გარეშეც "ნაცმოძრაობა" ვერანაირ ცვლილებებს ვერ განახორციელებს.
ახლა იმაზე დავფიქრდეთ, რამდენად რეალურია დროში გაწელილი ამ ურთულესი ზეამოცანის განხორციელება?

შეგვიძლია ცალსახად, მთელი კატეგორიულობით განვაცხადოთ _ ამ ზეამოცანის განხორციელების შანსი ნულის ტოლია.

გამოდის, რომ ვაშაძის პრეზიდენტად არჩევის შემთხვევაში ჩვენ ვირჩევთ ნულს, ცარიელ ადგილს, ბლეფს, "ფუფლოს", რომლის შედეგად ხელში შეგვრჩება ავლაბრის რეზიდენციაში გამოდგმული ულვაშებიანი თოჯინა, რომელსაც არაფრის შეცვლა, არაფრის გაკეთება არ შეუძლია, გარდა ერთისა _ ხანდახან წამოიჩხავლოს და სულელური ლოზუნგები წამოისროლოს.

ასე რომ, ამომრჩეველი, რომელიც ხმას გრიგოლ ვაშაძეს აძლევს, უშვებს უდიდეს შეცდომას, ამჟღავნებს რა სრულ პოლიტიურ უმწიფრობას და სიბეცეს.
ცხადია, უკიდურესად შეურაცხმყოფელია, როცა ასე ადვილად გატყუებენ, როცა სულელად გთვლიან და იმ ავანტურაში გითრევენ, რომელიც, ელემენტარული გათვლებით, თავიდანვე დამარცხებისთვის არის განწირული.

ისღა დაგვრჩენია, გულწრფელად თანავუგრძნოთ იმ 600 000 ადამიანს, რომლებიც პოლიტიკურმა ფარისევლებმა და აფერისტებმა I ტურში ასე მწარედ მოატყუეს და ხმა იმ ავანტურისტული პროექტისთვის მიაცემინეს, რომელსაც განხორციელებას არ უწერია.
იმედია, ამ ადამიანების უმრავლესობა ახლა მაინც მოეგება გონს და თავის შეცდომას გამოასწორებს.

რაც შეეხება პრეზიდენტობის მეორე კანდიდატს სალომე ზურაბიშვილს, რომელსაც მხარს "ქართული ოცნება" უჭერს, მისი გამარჯვება "ქართულ ოცნებას" საშუალებას მისცემს, ხელოვნური დაბრკოლებების და მოსალოდნელი დესტაბილიზაციის საფრთხის გარეშე, მშვიდ ვითარებაში, დროის მოკლე მონაკვეთში, შეასრულოს ყველა ის პირობა, რაც მან საქართველოს მოსახლეობას მისცა.

"ნაცმოძრაობისგან" განსხვავებით, "ქართულ ოცნებას" ამ პირობის შესრულებისთვის ყველა აუცილებელი ბერკეტი გააჩნია, საჭიროა მხოლოდ პოლიტიკური ნების გამოჩენა და იმ გამოუყენებელი რესურსების ამოქმედება, რომლებიც "ქართული ოცნების" რეზერვში მრავლადაა..

თუ გავითვალისწინებთ იმ გარემოებას, რომ 2020 წელს საპარლამენტო არჩევნებია, შეგვიძლია დავასკვნათ, რომ "ქართული ოცნება" თავისი შესაძლებლობის მაქსიმუმს გააკეთებს, რომ საქართველოს მოსახლეობის ნდობა და მხარდაჭერა დაიბრუნოს.
ასე რომ, ქართველ ამომრჩეველს ძალიან მარტივი და უბრალო არჩევანის გაკეთება მოუწევს.

ეს არის არჩევანი ორ ძალას შორის, საიდანაც ერთს ცრუ დაპირებების და ცრუ ფახიფუხის გარდა, არანაირი ბერკეტი არ გააჩნია, ქვეყანაში სასიკეთო ცვლილებები განახორციელოს, მეორე მხარეს კი დგას რეალური ძალა, რომელიც რეალურ ძალაუფლებას და, როგორც ვთქვით, ყველანაირ ბერკეტს ფლობს, რომ საქართველოს ბედი უკეთესობისკენ შეცვალოს და ამისთვის მას `ნაცმოძრაობასავით~ არც არეულობის მოწყობა სჭირდება, არც რევოლუცია და არც დესტაბილიზაცია.

ყველაფერი ნათელია, ყველაფერი ცხადია, ყველაფერი გარკვეულია _ ახლა ცოტა მეტი გონების დაძაბვა გვჭირდება, ცოტა მეტი პრაქტიკული აზროვნება და ელემენტარული არითმეტიკა გვჭირდება, რომ საკუთარი ქვეყანა საკუთარი ხელით არ დავანგრიოთ და ამ ნანგრევებქვეშ ჩვენ თვითონ არ მოვყვეთ...
გაპრეზიდენტება _ გადარჩენის და სიცოცხლის გაგრძელების გარანტი.

ვაშაძისთვის I ტურში მიცემული 600 000 ხმა საქართველოსთვის ზურგში ნასროლი 600 000 ტყვიაა, სალომე ზურაბიშვილისთვის მიცემული თითოეული ხმა საქართველოს აწმყოსა და მომავლის ასაშენებლად დადებული თითო აგური.

ასე რომ, არჩევანი თქვენზეა, ძვირფასო ქართველებო!

ვახტანგ ხარჩილავა

მეტის ნახვა
27-11-2018, 09:30


“მოგმართავთ, როგორც თეიმურაზისა და ქეთევან გუგუშვილი გორჯესტანების მამა. უფროს თაობებს ალბათ ახსოვთ ვინ ვარ და რას წარმოვადგენდი საქართველოში სამი ათეული წლის წინ. ახალ თაობას კი ჩემს ამბავს მოვუყვები, რომ სოციალურ მედიაში მძვინვარე დეზინფორმაციით გაჯერებულ ჭუჭყში არ ჩაიძიროს.

მამაჩემი, ევსევი-ძუკუ გუგუშვილმა საქართველო 1913 წელს დატოვა და ირანში ცნობილ ქართველ ინვესტორთან, აკაკი ხოშტარიასთან სამუშოდ წავიდა. ბატონი აკაკი,რომელიც იმ ხანად ბაბუაჩემის, დიმიტრი გუგუშვილის მეგობარი იყო, ეძებდა ტექნიკური კვალიფიკაციის მქონე ქართველ ახალგაზრდებს, რომლებიც მასთან ერთა ირანში მნიშვნელოვან საინვესტიციო პროქეტშებზე იმუშავებდენენ. ძუკუ სამშობლოში დაბრუნებას აპირებდა, მაგრამ მას შემდეგ, რაც 1921 წელს წითელმა არმიამ საქართველო დაიპყრო, იძულებული შეიქნა ირანში პოლიტიკური თავშესაფარი მოეთხოვა. ირანის მოქალაქეობის ასაღებად მამაჩემს გვარის შეცვლა მოსთხოვეს. პატრიოტული მოსაზრებიდან გამომდინარე მან გვარად ,,გორჯესტანი“ აირჩია, რაც სპარსულად ნიშნავს ,,წარმოშობით საქართველოდან.“ მამაჩემი 1983 წელს ამერიკაში გარდაიცვალა, მაგრამ ვამაყობ, რომ შევძელი 1978 წელს მისი საქართველოში ჩამოყვანა და 65–წლიანი იძულებითი დევნილობის შემდეგი საკუთარი სამშობლოს, საქართველოს კიდევ ერთხელ ჩვენება.

მე და ჩემი შვილების დედა სალომე თეიმურაზსა და ქეთევანს ვზრდიდით პატრიოტ ქართველებად, რომლებიც იამაყებდნენ თავიანთი ტრადიციებით და გააგრძელებდნენ რაინდობის, ღირსებისა და თავდადების იმ ძველი ქართული ღირებულებების ერთგულებას, რომლებზეც შოთა რუსთაველი და დავით გურამიშვილი წერდნენ. შავბნელმა წრეებმა გაბედეს და ეჭვის ქვეშ დააყვენეს ჩემი შვილების წარმომავლობა და დაამახინჯეს ის ყველაფერი, რასაც მათი მამა სამ ათეულ წელზე მეტ ხანს ემსახურა. ისინი, ვინც ამ ბოროტ დეზინფორმაციას ავრცელებს არაკაცები არიან, კაცობრიობის ნაგავსაყრელზე გადასაგდები.
საქართველოს მიმართ სიყვარულმა 1980 წლების ეროვნულ–გამათავისუფლებელ მოძრაობაში ჩართვა გადამაწყვეტინა. ამ მოძრაობის ორი ბუმბერაზი, ზვიად გამსახურდია და მერაბ კოსტავა ორივე ჩემი უძვირფასესი მეგობარი იყო. იმ დღეს, როდესაც 1990 წელს მრგვალი მაგიდის გამარჯვების შესახებ შევიტყვეთ, მე ზვიადის გვერდზე ვიდექი. კოალიცია ,,მრგვალი მაგიდის“ ეკონომიკური რეფორმების პროგრამა სწორედ ჩემი დაწერილია. ვემზადებოდი ზვიადის მთავრობის წევრობისთვის, რომ მას პროგრამის განცორციელებაში დავხმარებოდი, მაგრამ ნომენკლატურამ წაგვართვა ჩვენი ოცნებების განხორციელების შესაძლებლობა. პუტჩის შემდეგ მე საქართველოს პოლიტიკიდან შორს დავიჭირე და არცერთი პარტიისთვის მხარი აღარ დამიჭერია.

დიდი პატივისცემით ვიყავი გამსჭვალული ჩემი შვილების ბებიისა და ბაბუის – ლევან ზურაბიშვილისა და ზეინაბ კედიას მიმართ. 

მათ, ვისაც ეჭვი შეაქვს ჩვენი ოჯახების წარმომავლობასა და ურთიერთობებში, უნდა ენახათ თეიმურაზის ქორწილი გერგეთის სამებაში გასულ აგვისტოს, რომელიც ერთად ვიზეიმეთ. ეს ჩვენი ოცნების ასრულება იყო: მას შემდეგ, რაც 105 წლის წინ ძუკუ გუგუშვილმა საქართველო დატოვა, ჩვენი ვაჟი თავისი წინაპრების მიწას დაუბრუნდა და აქ დაქორწინდა. ჩემი ცხოვრების ერთ–ერთი ყველაზე საპატიო მისია სწორედ ამ ტრადიციული სუფრის გაძღოლა იყო თამადის როლში.

მე და სალომე ვამაყობთ, რომ ჩვენი შვილები ნამდვილი პატრიოტები არიან და მამაცურად უმკლავდებიან დაშინებასა და თავდასხმებს. გუგუშვილებისა და ზურაბიშვილების ოჯახები არიან მტკიცენი და საქართველოს ერთგულნი. მივესალმები ჩემსა ვაჟსა და ქალიშვილს, რომლებშიც ჩემი სისხლი ჩქებს და რომლებიც ჩვენი ოჯახის კელაპტარს მომავალ თაობებს გადასცემენ. ვამაყობ, რომ დედას გვერდზე უდგანან და ეხმარებიან საქართველოს ლიბერალური დემოკრატიისა და თავისუფლების გზით სვლაში.

მე ჩემს პრინციპებს ყოველთვის ვიცავდი. ამ არჩევნებში ჩემი პრინციპული არჩევანი იმ საზოგადოებას ეკუთვნის,რომელიც დასავლეთისკენ იყურება და არა ჩრდილოეთისკენ!

გაუმარჯოს საქართველოს!”

კოკი გუგუშვილი

მეტის ნახვა
27-11-2018, 09:00


ინტერვიუ გლდანის ივერიის ყოვლადწმიდა ღმრთისმშობლის სახელობის ეკლესიის წინამძღვართან მამა ბასილ მკალავიშვილთან.

_ მამაო, რა უნდოდა სააკაშვილს, ვერ მოუნელებია, რომ გლდანში გრანდიოზული ეკლესია კვლავ არსებობს და უფალს ადიდებთ?

_ სახელითა მამისათა, და ძისათა, და სულითა წმიდისათა. ჩვენთან არს ღნერთი! ჩემო ძვირფასო, ჩვენი მრავალჭირგამოვლილი ქვეყანა ყოვლადწმიდა ღმრთისმშობლის წილხვედრია. საუკუნეები განვვლეთ და ღმრთის შემწეობით მოვედით დღემდე. იმპერიები გადაშენდა, ჩვენ კი ვდგავართ. ქრისტეს ეკლიან გზაზე თუ ვიჩოქებდით, ისევ ჩვენ ვაი-თანამოძმეთა მზაკვრობით, რამეთუ გამყიდველები, მტრებთან შეკრულნი პირადი ინტერესების საფასურად, თელავდნენ ერის ღირებულებებს, წინაპართა ნაამაგარს.
მიხეილ სააკაშვილის გაპრეზიდენტება უფლისგან უდიდესი გამოცდა იყო. სააკაშვილი შეეკრა ბარაბას, ჩამოაყალიბა საქართველოს გამყიდველებთან ერთად "ნაცმოძრაობის" სატანისტური სექტა და დაიწყო ჩვენი ერის ისტორიაში ფაშისტური რეჟიმი, 9-წლიანი ტანჯვა. ყოველივე ამას მე წინასწარ ვგრძნობდი. სანამ ის ხელისუფლებაში მოვიდოდა, 2003 წელს ჩემი მრევლით, აკადემიკოს გურამ შარაძესთან ერთად 3 დღე და ღამე ვიდექით პარლამენტის შენობის წინ და მათ არ ვუშვებდით იქ. სწორედ ეს გახდა მიზეზი მისი მხეცური ქმედებისა შურისძიების მიზნით. ბატონი გურამი დღისით, მზისით ქალაქის გულში დახვრიტეს, ხოლო ჩვენ დიდი მარხვის პარასკევს, ღამენათევი მრევლი უმოწყალოდ დაგვარბიეს. მოგვისიეს 300 სპეცნაზელი, სამხედრო ჯარი _ ე.წ. მე 8 პოლკი და ეკლესიის ეზოში სისხლის გუბეები დააყენეს. მრევლის 10 წარმომადგენელი დააპატიმრეს, ხოლო მე 5 წლით ციხეში გამომკეტეს. 5-ჯერ ეცადნენ ჩემს ლიკვიდაციას, მაგრამ ვერაფერს გახდნენ, რამეთუ მე ღმერთი მიცავს, მიცავს ყოვლადწმიდა დედა.

რა თქმა უნდა, სააკაშვილს ყველა ადგილი, სადაც უფალს ადიდებენ და პიროვნებები, ვინც ღმერთს მსახურებენ, ვერ აუტანია, რამეთუ ის ძალიან შორს არის მართლმადიდებლობისგან. სწორედ ეს არის მიზეზი, რომ მას აღიზიანებს ეკლესია და ყოველივე, რაც ღმერთთან ასოცირდება.

_ მამაო, ზოგადად, სალოცავი ადგილი, სადაც ეკლესიური რიტუალი ტარდება, შეიძლება ფარდულად შეირაცხოს?

_ ნებისმიერი ადგილი, სადაც ეკლესიური რიტუალი ტარდება, წმიდა ადგილად იწოდების. და თვით ფარდულიც კი, სადაც უფალს ადიდებენ და მართლმადიდებელნი იკრიბებიან ღმერთის სახელით, საპატიო ადგილად ითვლება.

პირველ საუკუნეებში, როცა მართლმადიდებლობა იდევნებოდა, მორწმუნენი ყველგან ლოცულობდენ. უდიდესი მამა, სასწაულმოქმედი სერაფიმე საროველი ტყეში ლოცულობდა. ჩვენ თვითონ 5 წელი ღია ცის ქვეშ ვლოცულობდით და ისეთი მადლი მოვიღეთ უფლისგან, მრევლის შემოწირულობით გრანდიოზული, ულამაზესი ტაძარი ავაგეთ, გავამშვენეთ, შევქმენით სულიერი სავანე, რომელიც ტვინდაბნელებული სააკაშვილის ხედვით, ფარდულია. ქრისტესმოძულე სააკაშვილს უამრავ კითხვას უსვამენ, რატომ დაარბია ეკლესია, ის იდიოზურად პასუხობს, რომ ფარდული დაარბია. შენ, მტანჯველო, მწამებელო, ფერიას მთაზეც ფარდული დაარბიე?..

სააკაშვილო! შენ ჩვენი ეკლესიის დარბევამ მოგიღო ბოლო, დარბევის დღეს დაედო შენს ე.წ. მოღვაწეობას ვეტო, რამეთუ, შენ საქართველოს ვერ იხილავ, ნუ ოცნებობ, რამეთუ შენისთანა მოღალატეები, სისხლისმსმელები საქართველოს არ სჭირდება. შენ საქართველო დაღუპე. ჩვენი მიწა-წყლის 20% შენი უტვინობით რუსეთს ჩააბარე. 8 აგვისტოს ომში ქართული გენი ბომბდამშენების ქვეშ დატოვე და თვით გამოიქეცი, შიშით იმალებოდი და მიწაზე ფორთხავდი. ჩახვედი უკრაინაში და იქაც ყველაფერი თავდაყირა დააყენე. მათაც დააკარგინე ტერიტორია. ეხლა კვლავ აქეთ იყურები, რათა, რაც დაგრჩა გასაჩანაგებელი, ბოლო მოუღო. შინაური მტრები ყოველთვის ჰყავდა საქართველოს, მაგრამ შენი დონის მოღალატე არასოდეს ჰყოლია. შენი და შენი თანამზრახველების მიზანი იყო ამოგეძირკვათ ქართული გენი, იდენტობა, ზნეობა მსოფლიოს შავ-ბნელი მასონური ორგანიზაციების მხარდაჭერით, რომელთა მიზანია, შექმნან კლონირებული ადამიანები, რომელთაც არ ექნებათ არც წარმოშობა, არც ეროვნება, არც ისტორია, მაგრამ ეს არ დაგცალდა. ამ ბოროტებასთან მისასვლელი გზა სწორედ ვაშაძის გაპრეზიდენტებაა. ჩვენ, ქართველნი ვცხოვრობთ წინაპართა სისხლით გაპოხიერებულ მიწაზე. ეს მიწა-წყალი უფალმა გვიბოძა და შენ, ბოროტო, ვერ შეძლებ, მოგვწყვიტო ამ მიწას. ვერ მოესწრები ამ დღეს.

_ მამაო, რამდენადაც ვიცით, ვინც მონაწილეობა მიიღო თქვენი ეკლესიის დარბევაში, ბევრი დაისაჯა. სააკაშვილის შეთხვევაში რას გვეტყვით?

_ სააკაშვილისა და მისი ბანდის შესაკრებელი შავნაბადას რეზიდენცია იყო. ეს გაუწონასწორებელი, პოტენციური გიჟი შეკრებდა თავის თანამზრახველებს ღამის 12 საათზე: ვანო მერაბიშვილს, გიგა ბოკერიას, ძმებ ახალაიებს, ადეიშვილს, თოფურიძეს და გეგმავდნენ, მომავალში ვინ მოეკლათ, რომელი ბიზნესმენისთვის რა რაოდენობის თანხა გამოეძალათ. ჩვენი დარბევაც იქ დაიგეგმა. მათი გეგმის ნაწილი იყო ჩვენი ეკლესიის ტერიტორიაზე შემოეტანათ დიდძალი საბრძოლო იარაღი, თითქოს ჩვენ ასლან აბაშიძეს ვეხმარებოდით, მაგრამ ეს ვერ მოახერხეს, კოვზი ნაცარში ჩაუვარდათ.

ვინც ჩვენი ეკლესიის დარბევაში მონაწილეობდა, ბევრი მათგანი მკაცრად დაისაჯა. არ გეგონოთ, ეს მახარებს. მე ღვთის მსახური ვარ და ბოროტებას ბოროტებითვე არ ვპასუხობ, პირიქით, მეცოდებიან ისინი. მათ ღმერთი მიაგებს დამსახურებისამებრ. სასჯელი ღმრთის არს. ეს სააკაშვილია, რომელშიც ბოროტი სული ბუდობს. იმ ღამით, როცა ჩვენ გვარბევდნენ, სააკაშვილი ამერიკაში ჯორჯ სოროსთან ერთად რესტორანში იჯდა და იქიდან ადევნებდა თვალს, როგორ უსწორდებოდა 5000-მდე კბილებამდე შეიარაღებული დამსჯელი ღამენათევ მრევლს. ზოგ მაღალჩინოსანს ნიღაბი ეკეთა, ხოლო დათა ახალაია, ვასილ სანოძე, გოგი თათუხაშვილი უნიღბოდ ებრძოდნენ მრევლს ხელკეტებით.

მეკითხებით, სააკაშვილის შემთხვევაში რას გეტყვით. ეს ჩვენ გვეჩქარება, უფალს კი არა. მე თვითონ გეკითხებით, მეტი სასჯელი შეიძლება, რაც სააკაშვილს სჭირს? დასჯილი, მაწანწალასავით უვლის მსოფლიოს გარშემო. შორიდან უყურებს მისი 9-წლიანი ფაშისტური შედეგით განადგურებულ საქართველოს. ვერ შემოდის და ვერც შემოვა! ჩვენი ტანჯული ქვეყანა მისი სამშობლო ვერ იქნება. სამშობლოს სიყვარული სულ სხვა მცნებაა. ასე იწანწალებს უმისამართოდ. მე მეცოდება მისი შვილები. შევევედრები უფალს, შეინანოს მათმა მამამ თავისი ცოდვები, გონს მოეგოს, რათა მისი უმძიმესი ცოდვები მომავალ თაობას არ დაეკისროს. როგორც ვიცი, მისი სულიერი მამა პაატა ცაავა იყო. ახალაიებსაც ის იფარებდა მარტვილის რეზიდენციაში. თავად ის მიეხმარა, გასულიყვნენ საქართველოდან უვნებელნი. საინტერესოა, რით მოძღვრავდა ცაავა თავის "ღირსეულ" სულიერ შვილებს.

_ თქვენ ქადაგებთ, რომ "ნაცმოძრაობა" არ უნდა არსებობდეს. მათი რჩეული კანდიდატი არ უნდა იბრძოდეს პრეზიდენტობისთვის. რატომ ისმება საკითხი პრინციპულად, რომ სალომე ზურაბიშვილმა უნდა გაიმარჯვოს?

– ქართველი ხალხი დიდი დილემის წინაშე აღმოჩნდა. აქეთ ფაქტობრივი ხელისუფლება და იქით იმედგაცრუებული ხალხი. სხვა მხარეს გაავებული იბრძვის შერეკილი სააკაშვილი და მისი ბანდა, რომლებიც ტყუილი დაპირებების პირამიდებს უშენებენ ხალხს.
გავიხსენოთ ციხის კადრები, 7 ნოემბერი, 26 მაისი. ქუჩებში ჩაცხრილული ახალგაზრდები, რომლებიც მტკვარში ჩაყარეს, დაკარგული, გასხვისებული ტერიტორიები, ბატონი გურამ შარაძის მკვლელობა, პატარკაციშვილის მკვლელობა, სულხან მოლაშვილის წამება და უამრავი სადისტობა და ყოველივე ამის შემდეგ კვლავ "ნაცმოძრაობის" რჩეულს მისცეს ხმა. მე არავის ვუწევ აგიტაციას. ყველა თავისუფალია არჩევანში, მაგრამ საღად მოაზროვნე ადამიანი უნდა არჩევდეს, რა უნდა გადაწყვიტოს ერის კეთილდღეობისთვის.

მოდით, თუ "ნაცმოძრაობის" წარმომადგენლები შეკრულნი ერთად იბრძვიან, დააბრუნონ ფაშისტი სააკაშვილი, ჩვენც ერთად შევიკრათ და ვიხსნათ ჩვენი ქვეყანა გადაშენებისგან, გადავარჩინოთ სარწმუნოება, სხვა გზა ჩვენთვის არ არსებობს, ყველაფერი ვიღონოთ, არ მოვიდეს ხელისუფლებაში `ნაცმოძრაობა~ და მათი მაწანწალა ხელმძღვანელი.
ღმერთმა დაგლოცოთ.

ირანდა კალანდაძე


მეტის ნახვა
26-11-2018, 20:30


გვესაუბრება საქართველოს აზერბაიჯანელთა კონგრესის თავმჯდომარე ალი ბაბაევი.

_ ბატონო ალი, თქვენ აქტიურად ხართ ჩართული საარჩევნო კამპანიაში და "ქართული ოცნების" მხარდაჭერილ კანდიდატს გვერდით უდგახართ. მიმაჩნია, რომ მამულიშვილურ საქმეს ემსახურებით. რის გამოც "საერთო გაზეთის", ჩვენი მკითხველების და ქართული საზოგადოების სახელით მადლობა მინდა გითხრათ პატრიოტული საქციელისთვის და უანგარო თავდადებისთვის.
რამდენადაც ვიცით, თქვენ ინტენსიურად დადიხართ რეგიონებში. რა მდგომარეობაა, ზოგადად, რა განწყობაა ხალხში?


_ ვინც ცხოვრობს საქართველოში, ყველა ადამიანის ვალია, იყოს ამ ქვეყნის პატრიოტი და ყველაფერი გააკეთოს იმისთვის, რომ სტაბილურობა იყოს ქვეყანაში.

მე შემოვიარე თითქმის მთელი აღმოსავლეთი საქართველო _ ქვემო ქართლი და თბილისი. თითქმის ყველა ოჯახში ვიყავით და აღმოჩნდა, რომ მოსახლეობის დიდი ნაწილი საერთოდ არ იყო ჩართული საარჩევნო კამპანიაში. ზოგი ნაწყენი იყო უყურადღებობით. აღმოჩნდა, რომ 2014 წლიდან ახლადარჩეული მაჟორიტარი დეპუტატები, ადგილობრივი მუნიციპალიტეტების მერები, მათი აპარატი, საკრებულოების ხელმძღვანელობა მთლიანად იყო დაშორებული ხალხს. შეწყვეტილი იყო სოციალური დახმარებები, შემწეობები და ა. შ.

"ნაცმოძრაობის" და სხვა ვითომ გაერთიანებული ოპოზიციონერების მხრიდან ვგრძნობდით, რომ იყო ძალიან ბევრი სპეკულაცია, არასწორი ინფორმაცია მოსახლეობასთან.
აზერბაიჯანულ მოსახლეობაში ვრცელდებოდა ინფორმაციები, თითქოს სალომე ზურაბიშვილი არის სომეხი, თითქოს აფინანსებს სომხური დიასპორა საფრანგეთში, თითქოს ეწეოდა ანტითურქულ პროპაგანდას. თურქეთიდანაც კი დამირეკეს _ ჩვენს მოწინააღმდეგე პრეზიდენტს ირჩევთო?!

ხალხში მრავლად იყო მცდარი ინფორმაციები.
შესაძლოა, ვიღაცებს ეგონათ, რომ ბიძინა ივანიშვილის ავტორიტეტით I ტურში აუცილებლად გაიმარჯვებდა ხელისუფლების მხარდამჭერი კანდიდატი.

ადგილობრივმა მუნიციპალტეტებმა ძალიან ცუდად იმუშავეს, ფაქტობრივად, საერთოდ არ უმუშავიათ, ამიტომ, რაც მოხდა I ტურში, ეს გასაკვირი არც უნდა იყოს.

36 სოფელი მოვიარე ბოლო ხანებში ჩემს მეგობრებთან ერთად. სრული არაინფორმირებულობა იყო ქარელის, კასპის, გორის, გარდაბნის რაიონების სოფლებში. სამი ინტერვიუ მივეცი აზერბაიჯანულენოვან საიტებს, რომ გაეგოთ, ვინ არის სალომე ზურაბიშვილი და რატომ უნდა დავუჭიროთ მას მხარი. ხალხი გაოცებული მხვდებოდა. მუნიციპალიტეტებში კი საარჩევნო პლაკატები იატაკზე ეყარა და ხალხამდე არავის მოჰქონდა. არავითარი სოციოლოგიური კვლევა არსად არ იყო ჩატარებული, "კარდაკარებზე" ხომ საუბარიც ზედმეტია.

_ რატომ, რა ხდება, რა მოხდა, ბატონო ალი?

_ მე ვფიქრობ, ეს საქმე "ქართულ ოცნებაში" პორტირებულებისთვის ჰქონდათ დავალებული. სიტყვით `"ქართული ოცნების", ანუ სახელმწიფოს მხარეს იყვნენ, საქმით "ნაცმოძრაობას" ემხრობოდნენ. 
დაწინაურებული არიან ისინი, ვინც გვატერორებდა, თითს გვიქნევდა და სასიკვდილოდ გვიმეტებდა. მათ შორის საკრებულოების დეპუტატებიც არიან, ზოგიერთი მერიც გახლავთ. მაგალითად, გარდაბნის დღევანდელი მერი, რომელიც წლების განმავლობაში აყალბებდა "ნაცმოძრაობის" ხმებს.

მოგეხსენებათ, სართიჭალა-მუღანლო დიდი დასახლებაა. სასტიკად წააგო იქ სალომე ზურაბიშვილმა, რადგან არავითარი ინფორმაცია არ მიუწოდებია არავის ხალხისთვის. სოფლის დეპუტატს ჰქონდა მხოლოდ სახლის კარებთან გაკრული ზურაბიშვილის პლაკატი. სხვათა შორის, ეს ადამიანი "ნაცმოძრაობის" დროს ვაჟა ლელუაშვილის და ყოფილი გუბერნატორის მოადგილის სოინ უსუბოვის აგენტურაში იყო ჩართული. ეს ადამიანი ახლა გარდაბნის საკრებულოს დეპუტატია.

ასეთები ბევრი იყვნენ.

ბატონი ივანიშვილის გამოსვლის შემდეგ, მუნიციპალიტეტების ხელმძღვანელები გააქტიურდნენ, დადიან მოსახლეობაში, მაგრამ რაც მოხდა, იმაზე უნდა განხორციელდეს სერიოზული რეაგირება.
ჩემი აზრით, პარტიამ სერიოზული ანალიზი უნდა გაუკეთოს თავის ქმედებას 2014 წლიდან 2018 წლამდე. არც რეგიონებში იმუშავეს, არც პოლიტსაბჭომ იმოქმედა. პარტიამ თავისი პლატფორმა უნდა გადაახალისოს, რადგან წინ სერიოზული ბრძოლაც გველის საპარლამენტო არჩევნების სახით.

კასპში არის სოფელი ხიდისყური. იქ საარჩევნო უბანზე ყოფილა შეხლა-შემოხლა. ნიკოლოზ მელია მისულა იმ სოფელში, მაგრამ ხალხს კი არ შეხვედრია, ამ არეულობის დროს დაზარალებულის ეზოში მისულა და დაუწყია ტრაბახი _ ჩვენ ვიცავთ ეთნიკურ უმცირესობებსო და ა. შ.
ბატონო მელია, მელიასავით რომ მიცუნცულდი იმ სოფელში, არ შეგეკითხა არავინ, 9 წლის განმავლობაში სოფელ ხიდისყურში ან მის მახლობელ სოფელ საქადაგიანოში, რა გააკეთა "ნაცმოძრაობამ"?

მე გეტყვით, რაც გააკეთა _ ამ სოფლებშიც ატერორებდა ხალხს, უდებდნენ ნარკოტიკს, განადგურებული ინფრასტრუქტურა იყო ყველგან.
ამ ხელისუფლების დროს ხიდისყურსა და მადლობელ სოფლებში გაკეთდა გზა, გაიყვანეს გაზი, წყალი მიეწოდება მოსახლეობას, გარე განათებები დამონტაჟდა, სკოლები გარემონტდა, გეგმაშია ასევე ძალიან სერიოზული პროექტების განხორციელება.

როგორ შეიძლება "ნაცმოძრაობას" მხარს უჭერდეს ვინმე, როცა ესენი არიან ქართული მართლმადიდებელი ეკლესიის მტრები, ისლამური რელიგიის გამანადგურებლები, ტრადიციების მომსპობები. ამის დადასტურებაა ისიც, რომ შარვლები ჩაიხადეს სასაზღვრო ზოლთან. გაიგეთ, ხალხო, ნაციონალებისთვის ქართული და აზერბაიჯანული სულ ერთია. ყველა ტრადიცია, რასაც ვთვლით, რომ წმინდაა და კავკასიურია, ესენი ფეხით თელავენ.
კავკასიელი კაცი შარვალს არასოდეს ჩაიხდიდა და უკანალს არ აჩვენებდა.

_ ასეთ სიმართლეს რომ ამბობთ, ნაციონალები არ გიტევენ?

_ 2007 წლიდან აქტიურად ვდგავარ მათ წინააღმდეგ ქართველი ხალხის გვერდით. როგორც ჩემი წინაპრები იდგნენ საქართველოსთან. როგორც ხუდია ბორჩალოელი ედგა მხარში ერეკლე II-ს. საქართველო ჩემი სამშობლოა. ამას ვერავინ ვერ წამართმევს. მე ვიდექი და ვდგავარ ფეხზე საქართველოსთვის და ვერავინ ვერ დამაშინებს, მიუხედავად დიდი ტერორისა, რაც განვიცადეთ და რასაც განვიცდით მთელი ჩემი ოჯახი.

II ტურში ხმა უნდა მივცეთ 48 ნომერს, სალომე ზურაბიშვილს, რომელიც გახლავთ ჩვენი ქვეყნის ხვალინდელი მშვიდობიანი დღის გარანტორი.
ჩემო აზერბაიჯანელო თანამემამულეებო, მე ვიბრძოდი და ვიბრძვი საქართველოში აზერბაიჯანელთა უფლებებისთვის წლების განმავლობაში და გპირდებით, თქვენს უფლებებს მე ყველგან და ყოველთვის დავიცავ. ძალიან გთხოვთ, გაითვალისწინეთ და გაიხსენეთ ის დრო, როცა გარბევდნენ, თქვენს შვილებს იჭერდნენ, ჯიბეებში ნარკოტიკებს და იარაღს უდებდნენ, მიწებს გართმევდნენ, საცხოვრებელი სახლებიდან გყრიდნენ. მიდით საარჩევნო ყუთებთან და ხმა მიეცით თქვენი შვილების მომავალს, ხმა მიეცით ქალბატონ სალომე ზურაბიშვილს.

"ქართული ოცნება" ბიძინა ივანიშვილის ხელმძღვანელობით, ყველაფერს გააკეთებს, რომ საზოგადოების ასპარეზზე გამოჩნდნენ აზერბაიჯანელები, რომლებსაც ხმის ამოღების უფლება არ ჰქონდათ ნაციონალების დროს. წიხლს რომ გირტყამდნენ და თვითონ კარგად ცხოვრობდნენ, ის ახლხი აღარასდროს არ უნდა მობრუნდნენ ხელისუფლებაში.

_ ბატონო ალი, "რუსთავი 2"-ს აზერბაიჯანული ეროვნების ახალი კორესპონრენტი გამოუჩნდა, რომელიც ამტკიცებს, აზერბაიჯანულ მოსახლეობას პურზე და ყურანზე აფიცებინებს "ქართული ოცნებაო"

_ რას ლაპარაკობთ. "ნაცმოძრაობის" სიცრუეზე დაფუძნებულ ტელევიზიას როგორ უნდა დაუჯეროთ. ეს არის მოგონილი ტყუილი "ნაცმოძრაობის" ქვემო ქართლის მთავარი მაფიოზის, აზერბაიჯანელების პირველი დამტერორებლის, ყოფილი `კმარას~ წარმომადგენლის დავით კირკიტაძის მიერ. ის არის ამის ინიციატორი. ეს კაცი ნაციონალების დროს იყო ქვემო ქართლის გუბერნატორი. მასე უამრავი საზიზღრობა აქვს გაკეთებული ქვემო ქართლში. დღევანდელი პროკურატურა, რომელიც, სამწუხაროდ, ძალიან სუსტად მუშაობს, არ აქცევს ყურადღებას იმ ადამიანების საჩივრებს, კირკიტაძის წინააღმდეგ რომ არის შეტანილი.

2012 წლის არჩევნების დროს კირკიტაძემ რუსთავში მუსულმანი სასულიერო პირები, შეიხები და იმამები დაიბარა. მოუწოდა მათ: თითოეულმა თქვენგანმა უნდა იაროთ ყოველ სახლში, ხელში გეჭიროთ ყურანი და ყველა ოჯახში დააფიცებინათ ყურანზე, ხმა მისცენ "ნაცმოძრაობასო". კირკიტაძის ამ მეთოდს ასაღებენ ახლა "ქართულ ოცნებას". არ გამოუვათ. ჩვენი ხალხი ამ პროვოკაციას არ წამოეგება. საქართველოში მცხოვრები აზერბაიჯანელები ქართული სახელმწიფოს ერთგული ჯარისკაცები ვართ. ჩვენ გავიმარჯვებთ!

ირანდა კალანდაძე

მეტის ნახვა
26-11-2018, 20:00


დავით გაგნიძე (პოლიციის ვიცე-პოლკოვნიკი): "კაგებეს" გენერალი თემურ ალასანია და მისი "მრევლი", რომელსაც საპრეზიდენტო კანდიდატიც ამავე სამსახურის გამოზრდილი კადრი გრიგოლ ვაშაძე ყავთ. სააკაშვილისთანა ვამპირის გამზრდელი, სირცხვილით ხმას ვერ უნდა იღებდეს, ამ დროს თემურ ალასანია უწმაწური სიტყვებით ლანძღავს ქართველ ერს, ვინ მისცა მას ამის უფლება? ნაცსექტანები გასაგებია, მაგრამ ინტელიგენციას მინდა მივმართო, განსაკუთრებით იმ ადამიანებს, რომლებიც ვაშაძის მხარდამჭერებად მოიაზრებიან, სულ დაკარგეთ თავმოყვარეობა, ნუთუ არავის გაგიჩნდათ პროტესტის გრძნობა ქართველი ხალხის ასეთ შეურაცხყოფაზე, ხმას რომ არ იღებთ?! ამ ყველაფერსაც თავი რომ დავანებოთ, ხმა როგორ უნდა მისცე იმ ადამიანს, რომელიც კომუნისტების ნაჩუქარ "მოსწავლეთა სასახლეს" ართმევდა ბავშვებს. ნაციონალების ხელისუფლებაში მობრუნება არაფრით არ შეიძლება, ეს ჩვენი ქვეყნის საბოლოოდ დაღუპვას ნიშნავს. ჩემს ადრინდელ ინტერვიუებში არაერთხელ მითქვამს, რომ ნაციონალები დესტაბილიზაციას გეგმავდნენ, თუ ერი არ გაერთიანდა, დიდი საფრთხის წინაშე აღმოვჩნდებით. ამიტომ ყველამ გვერდზე უნდა გადავდოთ, წყენა იქნება თუ გულგატეხილობა, 28 ნოემბერს მივიდეთ საარჩევნო უბნებზე და ხმა მივცეთ სალომე ზურაბიშვილს".

ნუკრი ქირია (26 მაისის დარბევის დაზარალებული, მცხეთა): "არჩევნების პირველ ტურში მცხეთაშიც იგივე მოხდა, რაც საქართველოს დანარჩენ რაიონებში, "ქართული ოცნება", რომ იტყვიან, მხართეძოზე წამოწოლილი შეხვდა საპრეზიდენტო არჩევნებს, ეგონათ ხალხი ისედაც მიიღებდა სწორ გადაწყვეტილებას. სამწუხაროდ, მეორე ტური გახდა საჭირო, რომ ხალხს კარგად გაეანალიზებინა, რომ მათმა გულგრილობამ, კატასტროფამდე შეიძლება მიგვიყვანოს. არავინ დაუშვებს ნაციონალების უკან დაბრუნებას, ხალხმა თვითონ აიღო ხელში ინიციატივა, ყველა მივა არჩევნებზე და დარწმუნებული ვარ, ქალბატონი სალომე ზურაბიშვილი დამაჯერებლად გაიმარჯვებს. პირადად მე, არაერთხელ გავხდი ნაცრეჟიმის სამიზნე. 2008 წელს საკუთარი თვალით ვუყურებდი, როგორ გააყალბეს ნაციონალებმა საპრეზიდენტო და საპარლამენტო არჩევნები. გაერთიანებული ოპოზიციის კოორდინატორი ვიყავი მცხეთაში. საპარლამენტო არჩევნების დროს, მოტყუებით მიმიყვანეს პოლიციაში, ვერაფერი რომ ვერ მომიძებნეს, მითხრეს ნარკოტიკული ნივთიერების ზემოქმედების ქვეშ ხარო, რა ნარკოტიკი, მაღალი სიცხე მქონდა, სერიოზული ოპერაცია უნდა გამეკეთებინა. პოლიციელები მეუბნებოდნენ, დაურეკე გუბერნატორ ჩოჩელს, ხომ კარგად იცნობ, ის თუ გვეტყვის, რა პრობლემაა, გაგიშვებთო. არაფერი დამიშავებია, რა მქონდა ჩოჩელთან სათხოვარი, უარი ვთქვი ვინმესთან დარეკვაზე. ის ღამე საკანში გამათევინეს, ნარკოლოგიურ ექსპერტიზაზე წამიყვანეს და ვითომ ნარკოტიკის მოხმარება დამიდგინდა. სასამართლომ 500 ლარით დამაჯარიმა, არ გამისაჩივრებია, იურისტებმა მირჩიეს, აზრი არ აქვს გასაჩივრებას, ამათ ხელში სამართალს მაინც ვერ იპოვნიო. ჩემთვის ყველაზე მძიმე გასახსენებელი მაინც 2011 წლის 26 მაისია, იმ ღამეს სიკვდილს ჩავხედე თვალებში. ასეთი სისატიკე, როგორითაც ხალხს უსწორდებოდნენ ნაცზონდერები, არასდროს მინახავს. რუსთაველის გამზირი ყველა მხრიდან ჩაკეტეს, ხალხს უმოწყალოდ ურტყამდნენ ხელკეტებს. კინოთეატრ "რუსთაველის" წინ წავიქეცი, ხალხის ტალღამ რკინის მოაჯირი გადაანგრია, ამ მოაჯირის ქვეშ მოვყევით მე და ცნობილი მოჭიდავე ლუკა კურტანიძე. ლუკამ მოახერხა მოაჯირის აწევა, რომ გამოვსულიყავით, თორემ გადაგვჯეგავდნენ მარბიელები. ასე რომ, ლუკა კურტანიძემ გადამარჩინა სიკვდილს. კინოთეატრის შენობაში შევცვივდით, მარბიელები იქაც შემოგვყვნენ, აქ უკვე შავფორმიანი რაღაც დაჯგუფება გამოუშვეს, რომელთა სისასტიკემ სპეცრაზმელებიც კი გააოგნა, ძირს დაყრილ, ხელებშეკრულ ხალხს რაღას ერჩით, ნუღარ ურტყამთო ეუბნებოდნენ, მაგრამ ესენი ჭკუაზე აღარ იყვნენ, ზომბებივით იქცეოდნენ. სპეცრაზმელები ამათზე ამბობდნენ მიხეილ სააკაშვილის "ლიჩნიკები" არიან, 30-კაციანი დაჯგუფებაა, მხოლოდ სააკაშვილს ემორჩილებიანო. როგორც დაგეშილი ძაღლები, ისე იწევდნენ ხალხზე, ლამის ორმეტრიანი ხელკეტები ეჭირათ და იმით სცემდნენ ხალხს განურჩევლად, ქალი იყო, მოხუცი თუ ბავშვი. ბევრს გაუტეხეს თავი, მათ შორის, ჩემს მეგობარსაც. ერთი მოხუცი კაცი ეუბნებოდა, აქციის მონაწილე არ ვარ, აქ შემთხვევით მოვხვდი, შვილიშვილს ვეძებო, არც ის დაინდეს, ხელკეტით გაუხეთქეს თავი და სისხლში აბანავეს. ამ შავფორმიანებმა დარბაზიდან გაიყვანეს ქალები, გვეგონა მათ უშვებდნენ, ვიფიქრეთ, რაღაც სინდისი კიდევ შერჩენიათო, შენობიდან რომ გავყავდით, მერე გავიგეთ ქალები ტუალეტებში ჰყავდათ შეყრილი, ისეთი წივილ-კივილი იყო, გახსენება აღარ მინდა, ნურაფერს მკითხავთ. კი ამბობენ, ამ დარბევის დროს ორი კაცი დაიღუპაო, მაგრამ მსხვერპლი გაცილებით მეტი მგონია. 

აი, ამ ნაძირალებს უნდათ ხელისუფლებაში დაბრუნება, ქართველი ხალხი ამას არ მოითმენს. ჩემსავით გამწარებული უამრავი ადამიანია, რომლებიც არ დაუშვებენ, რომ ის სისხლიანი რეჟიმი უკან დაბრუნდეს და უარესი სასაკლაო მოგვიწყონ. ყველას მოვუწოდებ, 28 ნოემბერს მივიდეთ არჩევნებზე და მხარი დავუჭიროთ სალომე ზურაბიშვილს, დღეს ეს არის მთავარი, მერე სამართლიანობაც აღდგება, ყველაფერი დალაგდება და ხალხსაც ეშველება."

გიორგი თევზაძე (უფლებადაცველი): "თუ არჩევნების მეორე ტურში სახელისუფლებო კანდიდატმა გაიმარჯვა, ეს იქნება მოსახლეობის მხრიდან ავანსად გაცემული ნდობა. ამიტომ პოლიტიკოსები ნუ ჩაიკეტებიან საკუთარ ნაჭუჭში, გამოვიდნენ ილუზიებიდან. ხელისუფლება საქართველო ღვთისმშობლის წილხვედრ, ვაზის ქვეყაანაში "მარიხუანასა" და სხვა ე.წ. მსუბუქი ნარკოტიკების კულტივაცია-ექსპორტზე, როგორც შემოსავლების სერიოზულ წყაროზე არ უნდა საუბრობდეს. ეს ყველაფერი უდიდეს საფრთხეს უქმნის ჩვენს გენოფონდს, მომავალ თაობებს, ამიტომ ბუნებრივია, მოსახლეობა ამ ინიციატივას დადებითად არ შეხვდებოდა. მისასალმებელია, რომ ხელისუფლებამ ბოლოს და ბოლოს გაითვალისწინა ჩვენი ბრძენი პატრიარქის რჩევა და გაიწვია ეს პროექტი. მაინც და მაინც მოსახლეობას მკვეთრად უარყოფითი პოზიცია უნდა დაეფიქსირებინა არჩევნების პირველ ტურში და მეორე ტურის დანიშვნის აუცილებლობა უნდა დამდგარიყო, რომ ხელისუფლებას ეს გადაწყვეტილება მიეღო?!"

როგორც ჩანს, ნაციონალების "რჩეულმა" გრიგოლ ვაშაძემ თავი უკვე პრეზიდენტად დაიგულა და ქვეყნის "დალაგებას" მიჰყო ხელი. სახელმწიფო თურმე არც თეატრებს უნდა აფინანსებდეს, არც ფეხბურთს. მისი მოგვარე და მარჯვენა ხელი გიორგი ვაშაძე უფრო შორს წავიდა, სახელმწიფომ ონკოლოგიური დაავადების მქონე ავადმყოფები არ უნდა დააფინანსოს, ეს წყალში გადაყრილი ფულიაო. ვაშაძეების ტანდემის "ნოვაციებმა" დიდი აღშფოთება გამოიწვია ნაციონალებისადმი ისედაც უარყოფითად განწყობილ საზოგადოების უდიდეს ნაწილში.

მსახიობი თემურ გვალია გრიგოლ ვაშაძის "ბრძნულ" მოსაზრებას თეატრებთან დაკავშირებით ასე ეხმაურება: "ეს ენოტთან ნაჯვარი მაჩვი ნახეთ რა დღეშია, 80-იანი წლების შემდეგ ქართულ თეატრში არავის შეუხედიაო. სხვას რომ დასცინი ქართულად ვერ მეტყველებსო, ჯერ ერთი "შეუხედია" კი არა, "შეუხედავს". მეორეც, ვინმე ხომ არ გეხუმრა, უკვე პრეზიდენტი ხარო და შემთხვევით ხომ არ დაიჯერე? შე მართლა თანამდებობისთვის შეუფერებელო "კაგებეს" პრაპორშჩიკო, ჯერ ფეხბურთელებს დაემუქრე, ახლა ქართულ თეატრს, ხვალ ალბათ მომღერლების ჯერი დადგება. ყველას კარგად გვახსოვს როგორი მონდომებით "ახევდი" ბავშვებს "მოსწავლეთა ახალგაზრდულ სასახლეს", რომ შენი წეროსთვის თუ გედისთვის "ტბა" მოგეწყო ფულის გასაკეთებლად, უბრალოდ არ დაგცალდა. მთელი ქართული "თეატრალური საზოგადოების" საყურადღებოდ, მოუსმინეთ ამ "ბეთხოვენას" რეების გაკეთებას აპირებს და ისე გააკეთეთ არჩევანი! ეს კანდიდატი დაღუპავს საქართველოს. საქართველოში "მიშა-გრიშას" დრო წავიდა. არა მიშას! არა ნაციონალურ მოძრაობას და მასში შემავალ ხუთკაციან "პარტია-სამიკიტნოებს"!

ზურაბ ყიფშიძე (მსახიობი): "გრიგოლი იტყოდა ასეთ რამეს… აბსოლუტურად იდიოტია, რა იცის მაგან. ყოველთვის ასე იყო, სახელმწიფოში არ არსებობს თეატრი, რომელიც სახელმწიფო დოტაციაზე არ არის. თეატრი არის ქვეყნის სიამაყე, ან საერთოდ როგორ შეიძლება ვაშაძემ ილაპარაკოს ხელოვნებაზე. ამაზე ორი აზრი არ არსებობს. ერთადერთი ბროდვეის თეატრია, რომელიც თავს თვითონ ინახავს."

ვეტერანი ფეხბურთელი ლადო ბურდული: "თავს ვიკავებდი განცხადების გაკეთებისგან, მაგრამ ყველაფერს საზღვარი აქვს. ეს რომელი პარტიის "ჩლენია"? თავის ენაზე რომ მივმართო, მართლა "ჩლენია", ამხელა კაცი ფეხბურთზე ამბობს, არ უნდა დაფინანსდესო. ვინმემ ამ "ჩლენს" აუხსენით, რომ საქართველოში პროცენტულად რა სპორტსმენებიც ფიქსირდებიან, იმის ნახევარი ფეხბურთით არის დაკავებული და ეს ამ განცხადებით უნდა მოვიდეს ქვეყნის სათავეში? ზუსტად ეს საფეხბურთო სამყაროს ოჯახები და ფეხბურთელები გეყოფით, რომ გადაგახიოთ თავზე ეს არჩევნები".

ანა მიქაძე (ფერმერი): "ხალხი დარაზმულია, მე არ ვიცი ვის აძლევენ ხმას მეორე ტურში, მაგრამ ზუსტად ვიცი, რომ შეშფოთებულები არიან პირველი ტურის შედეგებით, მათაც ჩემსავით არ უნდათ ნაცმოძრაობის ხელისუფლებაში დაბრუნება. მე არ მომწონდა მათი მართვის სტილი. სიამოვნებით გავუწევ პროპაგანდას, რომ ფერმერული მოძრაობის წარმომადგენლები პოლიტიკაში მოვიდნენ, ეს იქნება ხალხის ხმა, მერე ყველა ნახავს ნამდვილ მშრომელ ადამიანებს რა აწუხებთ და ჭირდება თ. "ქართულ ოცნებას" პიარი არ უვარგა, ამდენი გადამამუშავებელი საწარმო, სათბური, დამუშავებული მიწები ამ ხნის ქალს, არ მახსოვს. თქვე დალოცვილებო, თქვენ თუ არ გინდათ ამდენი გაკეთებული საქმის გაპიარება, მე მჭირდება მოტივაციისთვის. ძალიან მიხარია რაიმე კარგი თუ კეთდება, ასეა ყველა საღად მოაზროვნე ადამიანი. მმართველ პარტიას მოვუწოდებ, კეთილი ინებეთ და გააპიარეთ, რაც ქვეყანაში კარგი ხდება, მიიტანეთ ეს მოსახლეობამდე, რომ ვიღაცებს სათქმელი არ ჰქონდეთ, რომ ამ ხელისუფლების ხელში, თითქოს ქვეყანა თავზე გვენგრევა".

მანანა სუხიშვილი



მეტის ნახვა
26-11-2018, 19:40