სარეკლამო ადგილი

947x125



ჩვენს დედა-სამშობლოს, საქართველოს, არასოდეს მოკლებია შინაური თუ გარეული მტერი, ჭილყვავი მრავლად ეხვია მუდამჟამს ჩვენს ქვეყანას, გაჭირვების დროს თუ დალხენილი ცხოვრებისას.

ყველა აშკარა მტერი, ვითომ მოყვარე, რომელიც ძმობას გვეფიცებოდა და ზურგსუკან მახეს გვიგებდა, ცდილობდნენ საქართველოსთვის ევნოთ. სამწუხაროდ, ასეა დღესაც. 2012 წლის არჩევნების შემდეგ საქართველოს მოსახლეობამ შვებით ამოისუნთქა. გვეგონა, საბოლოოდ მოვიცილეთ სახადი, ჭირი, რომელსაც "ნაცმოძრაობა" ჰქვია. ჩვენდა საუბედუროდ, პირსისხლიანი, დამნაშავე რეჟიმი არათუ გაქრა საქართველოს პოლიტიკური სივრციდან, იბარტყა! პირსისხლიანი "ნაცმოძრაობის" ნიადაგზე აღმოცენდნენ "გირჩი", "ევროპული საქართველო"… მათ დაემატათ პარტიები, რომლებიც ჯერ კიდევ 6 წლის წინ ნაცრეჟიმის ოპოზიციად გვაჩვენებდნენ თავს "რესპუბლიკელები", ლეიბორისტები და კიდევ სხვები.

გაყიდული თუ ირპირი პარტიების ფარისევლობა კარგად გამოჩნდა საპრეზიდენტო არჩევნების პირველი ტურის შედეგების გამოცხადების შემდეგ. მათ თითქმის ერთხმად განაცხადეს, მეორე ტურში მხარს ნაცების კანდიდატს გრიგოლ ვაშაძეს დავუჭერთო. თავისთავად, ნებისმიერი ადამიანი არჩევნებში თავისუფალია, საკუთარ ხმას ვისაც უნდა, იმას მისცემს. აქ საკითხავია, იმსახურებს კი ნაცრეჟიმის კანდიდატი ხალხის მხარდაჭერას? 

საკითხავია, რატომ არ იმსახურებს ნაცრეჟიმის კანდიდატი ქართველი ხალხის ნდობას, დაიკავოს ქვეყანაში მაღალი თანამდებობა. დავიწყოთ იმით, რომ ამხანაგ ვაშაძეს გვარ-სახელის გარდა ქართული არაფერი აქვს. ეროვნულობაზე ლაპარაკიც ზედმეტია. იგი სულით ხორცამდე უცხოელია, სხვა ქვეყნის ინტერესების კბილებით დამცველი. უცხოეთში, კერძოდ, რუსეთში, უმაღლესი განათლება უამრავ ქართველს აქვს მიღებული. უმეტესობა მათგანი საქართველოს სამსახურში ჩამდგარა და ახლაც არის, რასაც ვაშაძეზე ვერ ვიტყვით. აფხაზეთის კონფლიქტის დროს მას თითი თითზე არ დაუკარებია, ერთი სიტყვაც არ დასცდენია საქართველოს მხარდასაჭერად. სამაგიეროდ, პირად კეთილდრეობაზე ზრუნავდა. 

დავუშვათ, აფხაზეთის კონფლიქტის პერიოდფში ამხანაგ ვაშაძეს უკვე აღარ ჰქონდა ავტორიტეტი საგარეო საქმეთა სამინისტროში და უშიშროებაში, სადაც მოღვაწეობდა. ჯერ კიდევ საბჭოთა პერიოდში, 80-იან წლებში, შვეიცარიის ხელისუფლებამ ათი საბჭოთა დიპლომატი გააძევა ქვეყნიდან შპიონაჟის ბრალდებით. ერთ-ერთი მათგანი სწორედ გრიგოლ ვაშაძე გახლდათ. სავარაუდოდ, პატრონებმა ჩავარდნა არ აპატიეს. თუმცა, მშობლიური რუსეთის დედაქალაქი არ მოუტოვებია. იმედი ჰქონდა, კვლავ გამოადგებოდა სამშობლოს, ანუ რუსეთს. ეს დროც დადგა და კახა ბენდუქიძის მსგავსად, ისიც გამოაგზავნეს საქართველოში, სავარაუდოდ, განსაკუთრებული დავალებით, ანუ ქვეყნის დასაზარალებლად.

რუსეთშია დაბადებული მსახიობი ოლეგ ბასილაშვილი. ქართული არ იცის, სამაგიეროდ, ახსოვს თავისი მამა-პაპის ფუძე. რუსეთში ვარ დაბადებული, არ ვიცი ქართულიო, განაცხადა ეთ-ერთ ინტერვიუში. თუმცა 2008 წელს, ცხინვალის ამბების შემდეგ სანქტ-პეტერბურგში დარბაზი გაავსო და ღიად, მკაცრად დაგმო რუსეთის აგრესია, ამხანაგი ვაშაძე კი რუსეთის კულტურის სამინისტროს ქართული ანსამბლების კონცერტების გამართვას სთხოვდა.

პირსისხლიანი ნაცრეჟიმის დანაშაულების ჩამოთვლა შორს წაგვიყვანს, თუმც ვაშაძისთვის მნიშვნელობა არ ჰქონდა და მათ სამსახურში ჩადგა _ საქართველოს საგარეო საქმეთა მინისტრის თანამდებობაზე მისი დანიშვნა რამდენად სამართლიანი და ლოგიკური იყო, ცალკე თემაა. გულის და ხელის კანკალით, თვალცრემლიანმა დათმო რუსული პასპორტი თანამდებობაზე დანიშვნისას. თუმცა აღნიშნა, რუსეთი ჩემში რჩებაო. კარგი, ბატონო, დაინიშნა მინისტრად, მაგრამ რა გააკეთა სასიკეთო? არაფერი! პირიქით, ცდილობდა რუსეთის ინტერესების გატარებას, ანუ დავალების პირნათლად შესრულებას, რასაც კარგადაც აკეთებდა.

დანაშაულები, რომელსაც ფაშისტური რეჟიმი სჩადიოდა, ამხანაგ ვაშაძისთვის მისაღები და, თქვენ წარმოიდგინეთ, ლეგიტიმურიც კი იყო. მას ხმა არ ამოუღია ვეტერან მებრძოლთა აქციაზე მათი დების, მეუღლეების ფიზიკურ შეურაცსყოფაზე. 2011 წლის 26 მაისს, დამოუკიდებლობის დღისადმი მიძღვნილ აღლუმზე ამაყად იდგა ტრიბუნაზე. ოფიცერმა ვაშაძემ არაფრად ჩააგდო იმ ღამით მშვიდობიანი მიტინგის სასტიკი დარბევა, დაღუპულები, რომლებიც მაღაზიის სახურავზე გადამალეს. ან რა ჰქონდა სათქმელი, მისი გადასახედიდან თურმე ასე იყო საჭირო.
საარჩევნო კამპანია ამხანაგმა ვაშაძემ აგრესიულად რომ დაიწყო, ყველამ კარგად ნახა. კამპანიის წარმოების დასახმარებლად ვაშაძემ მშობლიურ რუსეთს სთხოვა დახმარება, საიდანაც ე.წ. `პიარშიკების~ დესანტი გადმოსხეს, ეგებ მართლა გახდეს ჩვენი კაცი პრეზიდენტიო. 
სისხლით და ხორცით რუსეთის მოქალაქე და მადიდებელი ვაშაძე იქამდე მივიდა, საფრანგეთში დაბადებულ და გაზრდილ, სულით და გულით ქართველს, ქალბატონ სალომე ზურაბიშვილს რუსეთის აგენტობა დააბრალა! ქართული მეტყველება დაუწუნა ოფიცერმა გრიგოლმა, რომელიც არ გამოირჩევა მჭერმეტყველებით. ამასთან, მისმა შვილებმა ქართული საერთოდ არ იციან, ქალბატონი სალომეს საფრანგეთში გაზრდილი შვილები კი მშვენივრად მეტყველებენ ქართულად. სასაცილოა, სატირალი რომ არ იყოს, როდესაც კაგებეშნიკი ვაშაძე რუსეთის აგენტობას აბრალებს საფრანგეთში დაბადებულ ადამიანს, რომელმაც უცხოეთშიც არ დაივიწყა ენა, მამული, სარწმუნოება.

გრიგოლ ვაშაძე იმ პარტიაშია, რომლის დამფუძნებელ-სულის ჩამდგმელები შლეგი სააკაშვილი, ბიძამისი თემურ ალასანია, რომელიც არანაკლები სადისტია, ქვეყანას (სამშობლოო, ვერ ვიტყვით, მათთვის უცხოა ეს ცნება), სადაც დაიბადნენ, ქართველ ხალხს დედას აგინებენ. თუმცა, რა, სამივე მათგანი კაგებეს შვილები არიან. მათი მიზანი საქართველოს დანაწევრება ან მთლიანად რუსეთისთვის ჩაბარება გახლავთ. თურმე შლეგი სააკაშვილის ავანტურა ცხინვალში უნდა დავივიწყოთ და არ გავახსენოთ!

აი, ამიტომაც ვუწოდებთ ნაცრეჟიმს და მის სატელიტებს ქვეყნის მტრებს. ამიტომ არ შეიძლება ოფიცერ ვაშაძის არჩევა ჩვენი ქვეყნის პრეზიდენტად. 

და ბოლოს, ოფიცერ ვაშაძის საქართველოს პრეზიდენტად არჩევა რომ არ შეიძლება, ამის თაობაზე ევროპარლამენტშიც დააფიქსირეს. ევროდეპუტატებს დაუშვებლად მიაჩნიათ საქართველოს პრეზიდენტად საბჭოთა დიპლომატის არჩევა. შესაძლოა, მათ არ იციან, რომ საბჭოთა დიპლომატი კაგებეშნიკი, თანაც ოფიცერია. ან თუ იციან, ისევ ქართველი ხალხი და სახელმწიფო დაინდეს, ბოლომდე არ გაგვწირეს. ანუ პირდაპირ არ გვითხრეს, გამოფხიზლდით, კარგად გაიაზრეთ, ვინ იყრის კენჭს პრეზიდენტობაზეო. ამის გარდა, ნიშანდობლივია, რომ "ევროპული საქართველოს" რიგებს დასტა-დასტა ტოვებენ მხარდამჭერები იმ მიზეზით, რომ ე.წ. პარტია მხარს ნაცების კანდიდატს უჭერს. ვნახოთ, საბოლოო განაჩენამდე მხოლოდ ერთი კვირაა დარჩენილი.

გია ბურდული

მეტის ნახვა
26-11-2018, 19:30


"დღეს, განსხვავებით სამი თვის წინანდელიდან, რუსეთის საზოგადოებრივი აზრი მკვეთრად პოზიტიურად განეწყო საქართველოს მიმართ. მე ეს ვერ წარმომედგინა რომ შეიძლება ასე სწრაფად მომხდარიყო. დღეს საქართველოს ხსენებაზე, რუსეთში უკვე აღარ არის ის უარყოფითი, რომელიც იყო და რომელმაც ძალიან დაგვაზარალა თავის დროზე. დღეს აღარ არის მოდაში, თუნდაც ყველაზე ნაციონალისტი პოლიტიკოსების მხრიდან, საქართველოს ლანძღვა და ამით პოლიტიკური ქულების დაწერა, იმიტომ, რომ ამას აზრი არა აქვს. და თავის დროზე ასეთმა რიტორიკამ საქართველოში, ათჯერ და ასჯერ დაგვაზარალა და სერიოზულად მოგვითხარა ძირი აფხაზეთშიც და საქართველოს სხვა რეგიონებში.
ამიტომ სერიოზული, პარტნიორული ურთიერთობის წარმოება რუსეთთან, მე მიმაჩნია ჩემს ერთ-ერთ მთავარ ამოცანად და ამ მხრივ ჩვენ, უახლოეს პერიოდში, იმედია, მივიღებთ სავიზო რეჟიმის გამარტივების გადაწყვეტილებას, რაც მნიშვნელოვანია. შეიძლება მთლიანად შეცვლა, მთლიანად გაუქმება, სწორი არც იყოს, მაგრამ გამარტივება სრულიად აუცილებელია. ჩვენ მივიღებთ ახალი ეკონომიკური პრეფერენციების მიღების გარანტიებს რუსეთიდან, ყოველშემთხვევაში, ამაზე ვლაპარაკობთ. მნიშვნელოვანია, რომ სხვა ნაბიჯები გადმოდგა რუსეთმა ჩვენთან შესახვედრად და ჩვენც უნდა გვესმოდეს, რომ ეს არის მხოლოდ ჩვენთვის სასარგებლო, ჩვენს წინაშე მდგომი, ასევე შიდა ამოცანების აუხლოეს მომავალში გადასაწყვეტად, ეს არის ერთ-ერთი ყველაზე სერიოზული ფაქტორი", – ამ სიტყვების ავტორი არის მიხეილ სააკაშვილი და ეს მან პარლამენტში განაცხადა, ეგრედ წოდებული ვარდების რევოლუციიდან რამდენიმე თვეში. ამის შემდეგ იყო – პუტინს პატიოსანი კაცის თვალები აქვს. 

იმ დროინდელი ხელისუფლება ხაზგასმით აღნიშნავდა, რომ ბევრს მუშაობდა, რათა ქვეყანაში გაზრდილიყო უცხოური ინვესტიციების შემოსვლა. თუმცა, აღსანიშნავია, რომ ისეთ მნიშვნელოვან სფეროებში, როგორიც არის ელექტროენერგია, წყალმომარაგება, მადნეული, მინერალური წყლები, განხორციელებული ინვესტიციების დიდი წილი რუსულ კომპანიებზე მოდის. 2015 წლის მდგომარეობით, კომპანია "ინტერ რაო", რომლის აქციონერები რუსული სახელმწიფო კომპანიები არიან, ფლობენ საქართველოს ენერგოსადისტრობუციო კომპანია "თელასს", თბოსადგურ "მტკვარი ენერგეტიკას", ჰესებს "ხრამჰესი 1", "ხრამჰესი 2". "ინტერ რაოს" მართვაში აქვს გადაცემული ყველაზე მძლავრი ჰიდროელექტროსადგური "ენგურჰესი". რუსეთის მოქალაქე ფლობს შპს "ენერგიასაც", რომელსაც ეკუთვნის დარიალი ჰესი, ლარსი ჰესი, შილდა ჰესი. რუსეთის მოქალაქეების საკუთრებაშია ავანიჰესი, ალგეთი ჰესი, სკურდიდი ჰესი. ქართული და რუსული მხარე ერთობლივად ფლობენ "საქრუსენერგოსაც", რომელიც ქვეყანაში ელექტროენერგიის გადამცემ სისტემას განკარგავს. რუსეთის მოქალაქეების საკუთრებაშია ჟინვალჰესი, რუსეთის მოქალაქეების საკუთრებაშია ნავთობ კომპანიები "ლუკოილი", "გალფი", "ფოთის ნავთობტერმინალი", ძვირფასი ლითონების მომპოვებელი კომპანიები RMG Gold და RMG Copper, აგრეთვე მინერალური წყლების მწარმოებელი "ბორჯომი", მუდმივი დენის მაგისტრალური ელმავლების მწარმოებელი სს “ელმავალმშენებელი”, "ვითიბი ბანკი ჯორჯია", ფიჭური კავშირგაბმულობის კომპანია "ბილაინი" და ბევრი სხვა კომპანიები. აღსანიშნავია რომ, იმ ფონზე, როდესაც საქართველოში პრობლემები ექმნებათ ირანისა და ინდოეთის მოქალაქეობის მქონე ბიზნესმენებს, შეუფერხებლად საქმიანობენ ის რუსული კომპანიები, რომლებსაც ამერიკის შეერთებულმა შტატებმა და ევროკავშირმა სანქციები დაუწესა – მათ შორისაა "ლუკოილი", "ვითიბი ბანკი" და "როსნეფტი", რომელიც ოფშორული კომპანიების საშუალებით ფლობს ფოთის ნავთობტერმინალებს და ბენზინგასამართი სადგურების ქსელს. სანქციები რუსეთის წინააღმდეგ ბოლო ათწლეულში რამდენიმეჯერ გააფართოვეს ევროკავშირმა და აშშ-მ, მიზეზი კი უკრაინის აღმოსავლეთში რუსეთის მიერ უკრაინელი ამბოხებულების მხარდაჭერა და კონფლიქტის ესკალაცია გახდა. ყველაზე ფართომასშტაბიანი სანქციების შესახებ აშშ-მ და ევროკავშირმა 2014 წლის სექტემბერში გამოაცხადეს. სანქციების მიხედვით, ამერიკულ და ევროპულ კომპანიებს აეკრძალათ სანქცირებულ რუსულ კომპანიებთან თანამშრომლობა, მათთვის ნავთობის მომპოვებელი და ნავთობსაბადოების საკვლევი ტექნოლოგიების მიწოდება, ასევე, გრძელვადიანი სესხების მიცემა და ა.შ. სანქციები, ძირითადად, შეეხო ენერგეტიკის, ნავთობისა და საბანკო სექტორებს. სანქცირებულთა შორის აღმოჩნდნენ რუსეთის უმსხვილესი ბანკები, მათ შორის VTB ბანკი, აგრეთვე, უმსხვილესი ნავთობკომპანია "როსნეფტი" და "ლუკოილი". მიუხედავად იმისა, რომ საქართველოს ჰქონდა საერთაშორისო სანქციებისთვის მიერთების პრაქტიკა, რუსეთის შემთხვევაში აღნიშნული გადაწყვეტილება ხელისუფლებამ ვერ მიიღო. 

საქართველოში დაფუძნებული კომპანიების, ნუსხა რომლებსაც რუსეთის მოქალაქეები ფლობენ საკმაოდ ვრცელია, აღსანიშნავია ის ფაქტიც, რომ "ნაცხელისუფლება" თან რუსეთს ლანძღავდა და არასასურველ ხალხს რუსეთის აგენტს უწოდებდა, თან სარფიანად ყიდდა სტატეგიულ ობიექტებს "მოსისხლე მტერ სახელმწიფოს~ მოქალაქეებს. 2015 წლის მონაცემებით, "ინტერ რაო" -ს საკუთრებაშია "თელასის" აქციათა 75%, დაახლოებით 25%-ს კი ქართული სახელმწიფო ფლობს. 2011 წელს გაფორმებული ახალი მემორანდუმით, “ინტერ რაო” ხრამზე სამი ახალი ჰიდროელექტროსადგურის მშენებლობის ვალდებულებას იღებდა, რისთვისაც 193 მილიონი დოლარის ინვესტირება უნდა განეხორციელებინა. ამ პროექტით ახალი ჰესებით 85100 მეგავატი ენერგიის გამომუშავება იყო დაგეგმილი. IDFI-მ გამოიკვლია, რომ "ხრამჰესის" გაყიდვიდან მიღებული თანხა (99 774 000 ლარი) ქუთაისში პარლამენტის ახალი შენობის აშენებას მოხმარდა. 2008 წლის დეკემბერში, რუსეთ – საქართველოს ომის დასრულებიდან რამდენიმე თვის შემდეგ, საქართველოს ენერგეტიკის სამინისტრომ "ინტერ რაოსთან" კიდევ ერთი მემორანდუმი გააფორმა, რაც "ენგურჰესის" ერთობლივ მართვას გულისხმობდა. "ენგურჰესი" უდიდესი ჰიდროელექტროსადგურია კავკასიაში, რომელიც მდინარე ენგურთან მდებარეობს. მასში შედის ვარდნილჰესების კასკადიც. მისი ჯამური სიმძლავრე 1300 მგვტ-ია. ენგურჰესის კაშხალი საქართველოს კონტროლირებად ტერიტორიაზეა, ხოლო ელექტროსადგური ადმინისტრაციული საზღვრის აფხაზურ მხარეს მდებარეობს. "ინტერ რაოსა" და საქართველოს შორის დადებული მემორანდუმის შესახებ ქართულმა მხარემ პირველი კომენტარი ხელმოწერიდან ორი კვირის შემდეგ გააკეთა. 2009 წლის 12 იანვარს ენერგეტიკის მინისტრმა ალექსანდრე ხეთაგურმა მედიას განუცხადა, რომ ენგურჰესის მართვა რუსული და ქართული მხარეების მიერ ერთობლივად განხორციელდება. "ინტერ რაოს" მიერ გავრცელებული ინფორმაციით, ხელმოწერილი მემორანდუმის მიხედვით, მხარეები შეთანხმდნენ ენგურჰესის "ეფექტიანად ექსპლუატაციის" მიზნით შეიმუშავონ ათ წელზე არანაკლები ხანგრძლივობის პროგრამა. მაღალი საზოგადოებრივი ინტერესის მიუხედავად, რუსულ კომპანიასთან დადებული მემორანდუმი არ გასაჯაროებულა. უცნობი დარჩა რეალურად რას ითვალისწინებდა მხარეებს შორის შეთანხმება. რამდენიმე ჰიდროელექტროსადგური ეკუთვნის შპს "ენერგიას", რომელიც 2010 წელს საქართველოში დაფუძნდა. მისი 70 პროცენტი რუსეთის მოქალაქე მევლუდ ბლიაძეს ეკუთვნის, 30 პროცენტი კი შპს "ფერის" მფლობელობაშია. შპს "ენერგია" სს "დარიალი ენერჯის" აქციონერია. სტატისტიკის ეროვნული სამსახურის მიერ მოწოდებული ინფორმაციით, მევლუდ ბლიაძის ინვესტიცია 2011 წელს რუსეთიდან განხორციელებულ ყველაზე მსხვილ ინვესტიციებს შორის მოხვდა. მევლუდ ბლიაძე საქართველოში დაიბადა. მოგვიანებით რუსეთში გადავიდა საცხოვრებლად. 1992 წელს კი რუსული სააქციო საზოგადოება "პილონის" ხელმძღვანელობა დაიწყო. დღეს ის კომპანიის დირექტორთა საბჭოს თავმჯდომარეა. "პილონი" სანკტ პეტერბურგში ხიდების, გზების რეკონსტრუქციასა და შეკეთებას უზრუნველყოფს და ერთ-ერთი ლიდერი კომპანიაა ამ მიმართულებით. 2012 წელს ამ კომპანიის მიერ განხორციელებული მორიგი პროექტის გახსნას თავად პრემიერ მინისტრი დიმიტრი მედვედევი ესწრებოდა. მევლუდ ბლიაძეს მინიჭებული აქვს "რუსეთის დამსახურებული მშენებლის" წოდება. წყალმომარაგების სექტორში რუსეთის მოქალაქეების მიერ დაფუძნებული კომპანიის გამოჩენა საქართველოში 2008 წლის მაისიდან იწყება. 

(გაგრძელება იქნება)

ქეთევან ზარნაძე

მეტის ნახვა
26-11-2018, 19:15


ეს გვერდი მოარიდეთ ბავშვებს და წაკითხვისთანავე დაწვით

როდესაც ვნახე, თუ რა ჩაიდინეს ე.წ. პოლიტიკური გაერთიანება "გირჩის" წევრებმა (იგივე "ნაციონალებმა") საოკუპაციო საზღვართან, როგორ ჩაიხადეს შარვლები და რანაირად აჩვენეს თავიანთი უშნო დუნდულები მოშორებით გამაგრებულ რუსებს, უნებლიედ აღმომხდა: ჰაი, დედასააა… განა ტრაკია ადამიანი?! არა, აქამდეც ბევრი ტრაკი მინახავს საქართველოში, ბევრი ქვემძრომი, ბევრი ვაზელინწასმული, ბევრი შარვალჩახდილი, მაგრამ ეგრე, კაცო, ეგრე სახალხოდ აშვერილნი და თანაც მტრის წინაშე, რომელსაც ხიშტიანი "კალაშნიკოვი" უჭირავს?! არა-მეთქი, რეალში არ მინახავს! ახლა მკითხავთ, რეალში თუ არა, სხვაგან სად გინახავსო? უცხოური ფილმია ერთი, სათაური აღარ მახსოვს, თუ არ ვცდები, შოტლანდიელმა მეომრებმა უჩვენეს ასე ბრიტანელ მეომრებს, გააღიზიანეს და ისინიც გამოეკიდნენ მშვილდებით. ოღონდ შოტლანდიელებსა და ე.წ. ქართველებს შორის დიდი სხვაობაა – იქ რეჟისორმა უფრო მკვრივი და ზაგარმიღებული ტრაკები შეარჩია, აქ კი ჩვენ ვიხილეთ თეთრი, გაფუებული და უნიათო დუნდულები. აი, ისეთები, ადამიანს რომ შეგეცოდება და მიფურთხება მოგინდება. ეეეჰ, ამოიოხრეს ამის შემყურე ცოტა ნორმალურმა ქართველებმა და ჩაილაპარაკეს: ჩვენი წინაპრები და ჩვენც ყოველთვის იარაღით ვიბრძოდით, ესენი კი ტრაკებით აპირებენ ტერიტორიული მთლიანობის აღდგენასო. პრინციპში, მეტრაკეების დროში რით და რანაირად უნდა დაიბრუნო დაკარგული ტერიტორიები, თუ არა ტრაკით?!

* * *

ჰოდა, იმას ვამბობდი… როდესაც ვნახე ეს დუდულოვიჩები, მაშინვე აღმომხდა: ტრაკია ადამიანი?! ალბათ გახსოვთ, ამაზე ჩემამდე ილია ჭავჭამაძემ იფიქრა, მაგრამ რაკი ის უფრო ზრდილობიანი კაცი გახლდათ, სიტყვა "ტრაკი" "კაცით" შეცვალა. მე ბოდიშს ვუხდი მის სულს, პატიებასაც ვთხოვ, უბრალოდ სხვა გზა არ მაქვს, თუ ყველას და ყველაფერს თავისი სახელი არ დავარქვით, ქვეყანა შემოგვეღუპება.

მოკლედ, ჩემო მკითხველო, ჯერ იმაზედ ვიმსჯელოთ, რა როლი აკისრია მეტრაკეობას ქართულ პოლიტიკაში? დამეთანხმებით, ამ სფეროში ეს დარგი დიდად გახლავთ განვითარებული. ჩვენში ბოლო დროს ფეხი მოიკიდა ერთმა ფრთიანმა გამოთქმამ, სადაც დიდი ტკივილია ჩადებული – დღეს მავანი და მავანი იტყვის ხოლმე, როცა შვილები და შვილიშვილები მკითხავენ, შენ სად იყავიო, მე ამაყად ვუპასუხებ, რომ ქვეყნის სადარაჯოზე ვიდექი, ბოროტებას ვებრძოდიო. ბუნებრივია, ცხოვრებაში დადგება დრო, როცა იმ ტრაკაშვერილ ადამიანებსად იგივეს ჰკითხავენ თავიანთი შთამომავლები და როგორ გგონიათ, რას უპახუსებენ? მე უკვე წარმოვიდგინე: ბაბუ, მე საოკუპაციო ხაზთან ვიდექი, სამშობლოს სადარაჯოზე. შეკითხვა: ესე იგი, თოფი გეჭირა, ბაბუ? პასუხი: მდაააა… ისა, არა, ტრაკით ვიბრძოდი, ბაბუ! შეიძლება პასუხი სულაც სხვანაირი იყოს, შეიძლება ამათ თავიანთი შთამომავლებიც მოატყუონ და დაარწმუნონ, რომ ტანკისტები იყვნენ ომამდე. კაი, ბატონო, მე პირადად შარვალჩახდილების სახეები არ მინახავს, ქუჩაში კი არა, სადმე სუფრაზეც რომ შემხვდნენ ვერ ვიცნობ, მაგრამ ეს უფრო ცუდი არ არის? მე ხომ დღეს ამ უცოდინრობის გამო ყველა ქართველი "ვაჟკაცი" შარვალჩახდილი მეტრაკე მგონია? ეჭვი, მეგობრებო, ეჭვი უფრო საზიზღარი რამეა, ვიდრე დუნდულებაშვერილთა სახეზე ცნობა. აი, ასევე ცუდ დღეში ჩაცვივდებიან ჩვენი შვილები და შვილიშვილები, ისინიც ხომ ყველა ჩვენგანში შარვალჩახდილ `გმირს~ ხედავენ? ალბათ, გახსოვთ, რა თქვა ილია ჭავჭავაძემ, როცა "ტრაკია ადამიანი?"-ს… უკაცრავად, "კაცია ადამიანი?"-ს წერა დაიწყო, ნუ გეწყინებათ, ჩემო თანამემამულეებო, თუ ლუარსაბში საკუთარ თავებს ამოიცნობთო, მე მხოლოდ "მოყვარეს პირში" უნდა ვუძრახო და სარკეში ჩაგახედოთო. ჰოდა, ჩემო თანამემამულეებო, მეც მინდა, პირში გიძრახოთ და სარკეში ჩაგახედოთ, მაგრამ საგონებელში მაგდებთ – ვცდილობ, სარკეში საკუთარი თავი დაგანახოთ, თქვენ კიდევ ამ სარკეს ტრაკს უშვერთ. თუმცა ახლა იმისიც მეშინია, რომ გაიძულოთ და სახით დაგაყენოთ, მაინც ტრაკი არ გამოჩნდეს. სხვათა შორის, ჯორჯ ორუელს აქვს ერთი გენიალური რომანი ("ცხოველების ფერმა"), სადაც მოთხრობილია, თუ როგორ მოაწყეს ცხოველებმა, თხებმა, ცხვრებმა, ვირებმა, ღორებმა და ასევე ფრინველებმა ფერმაში რევოლუცია, როგორ ჩაიგდეს ხელში ძალაუფლება და როგორ გააძევეს ფერმის პატრონი. ფინალი ასეთია: იყურებიან სარკეში ღორები და საკუთარ თავებს ვეღარ სცნობენ… ანუ ჩვენს დღევანდელობას თუ შევადარებთ, სარკეში ხედავდნენ მხოლოდ ტრაკებს.

ზურაბ ჯაფარიძე, იგივე "ჯაფარა", იგივე "ნაციონალი", რომელმაც თავის თანამოაზრეებს შარვლები ჩახადა, გახლავთ თანამადროვე ლუარსაბ თათქარიძე, საქმე რომ არაფერი აქვს და მუდმივად ყვერებს იფხანს. კაი, ბატონო, ამან მოიფიქრა, ამას თავში წაუღიტინეს, შენ, ვითომ ქართველო კაცო, რა ბნედა დაგცემია, რომ ამას აკეთებ? თან როგორი ყაზილარები შეურჩევია, ორმეტრიანები, ქუჩაში რომ გაივლიან და იტყვი, თქვენს გამზრდელებს ვენაცვალეო. სინამდვილეში კი რა ხდება? ფუი, თქვენს კაცობას და ვაი თქვენს მოდგმას, განა თქვენ ხართ დავით აღმაშენებლის შთამომავლები? არა, არ ხართ, ვერ ხართ!
"ჯაფარა" გახლდათ პრეზიდენტობის კანდიდატი, კენჭს იყრიდა პირველ ტურში და ხმების გარკვეული რაოდენობაც აკრიფა, ზოგიერთ ე.წ. პოლიტიკოსს აჯობა. მოდით, ვიფანტაზიოროთ და წარმოვიდგინოთ, რომ ის გამხდარიყო საქართველოს პრეზიდენტი, როგორ დაიბრუნებდა დაკარგულ ტერიტორიებს, როგორ დაელაპარაკებოდა ოკუპანტებს? როგორ და მივიდოდა ე.წ. საზღვართან, ჩაიხდიდა შარვალს, გადმოყრიდა გაყვითლებულ დუნდულებს და ოკუპანტებს აჩვენებდა შუა თითს. დიახ, ის თავის მიმდევრებსაც დააყენებდა ასეთივე პოზაში და ეს იქნებოდა უპრეცედენტო ომი რუსეთის წინააღმდეგ. მე თუ მკითხავთ, 2008 წლის აგვისტოს ომიც დაახლოებით მსგავსი იყო, უბრალოდ "ნაცმთავრობის" სარდლებმა შარვლების ჩახდა ვეღარ მოასწრეს. თუმცა ვეღარ მოასწრეს რა, რა რეზოლუციაზეც ხელი მოაწერეს ევროსაბჭოში, შარვლის ჩახდაზე უარესია, რაც მიხო სააკაშვილმა ჩაიდინა გორში თვითმფრინავის ხმის გაგონებაზე, მაგას შარვლის ჩახდა სჯობდა. დიახ-მეთქი, ჰალსტუხის ღეჭვას და წითელი ხიდისკენ გაქცევას ნამდვილად სჯობდა შარვლის ჩახდა!
უკაცრავად, დღეს ვინ გველაპარაკება ჩვენ გმირობაზე, პატრიოტობასა და სინდის-ნამუსზე? ის, ვისაც არც ერთი გააჩნია, არც მეორე და არც მესამე. რა, მიხო სააკაშვილი არ არის პირწავარდნილი ლუარსაბ თათქარიძე? ილია ჭავჭავაძე ცოცხალი რომ ყოფილიყო და მიხოს ჭამისა თუ ცხოვრების სტილი ენახა, ვის დახატავდა ლუარსაბის ნაცვლად? ვის და მიხოს, გაქსუებულ თემურ ალასანიას დის შვილს. ეს ის ნაძირალა თემური გახლავთ, რომელსაც ქართველი ხალხის თავზე დაჯმა სურს. სამწუხაროდ, საქართველოში აღმოჩნდნენ აპრაკუნე ჭიმჭიმელები, რომებიც ყაბულს არიან, მოგვაფურთხეთ, დაგვაფსით და უფრო მეტიც გვიქენით, ბატონო, ეს ჩვენთვის ჟუჟუნა წვიმააო.

დასკვნა: დღეს საქართველოში ბევრი ტრაკია, რომელსაც გარეგნულად ადამიანის ფორმა აქვს, ფრთხილად!

გელა ზედელაშვილი

მეტის ნახვა
26-11-2018, 19:05


გასულ კვირას რედაქციაში ახალგორის მაცხოვრებლები გვეწვივნენ და მოისურვეს საკუთარი მოსაზრებების "საერთო გაზეთის" მკითხველებისთვის გაზიარება.

გვესაუბრებიან არასამთავრობო ორგანიზაცია "კავკასია 1014"-ის დამფუძნებელი, ქალბატონი იზო ყაულაშვილი და სახალხო აქტივისტი, ბატონი გიორგი წიპტაური.


იზო ყაულაშვილი, არასამთავრობო ორგანიზაცია "კავკასია 2014"-ის დამფუძნებელი:
ჩვენს ორგანიზაციაში არიან, ძირითადად, ცხინვალისა და სოხუმის რეგიონიდან დევნილი მოსახლეობა.

ჩვენი მთავარი ამოცანაა, სახალხო დიპლომატიით ურთიერთობის აღდგენა.

22 ნოემბერს დევნილთა დასახლებაში საქველმოქმედო აქცია ტარდება _ "შევუნარჩუნოთ ახალგორს მოსახლეობა". თუ სახალხო დიპლომატია თავის სიტყვას იტყვის და მოლაპარაკებები დაიწყება, დაიწყება სწორედ ახალგორიდან.

ჩვენ საქართველოს სადარაჯოზე ვდგავართ რიგით ჯარისკაცებად და ჩვენი ქვეყნის გადასარჩენად ყველაფერი უნდა გავაკეთოთ. წინ დიდი ბრძოლა გველის და ეს ბრძოლა ჩვენ უნდა მოვიგოთ!

მოგეხსენებათ, 25 ნოემბერს "პატრიოტთა ალიანსი" აქციას მართავს.

მოვუწოდებ ყველას, შევიკრიბოთ და შევუერთდეთ ამ აქციას. განსაკუთრებით სოხუმიდან და ცხინვალის რეგიონიდან დევნილებს მოვუხმობ, მოვიდნენ და დადგნენ ჩვენს გვერდით, დავანახოთ ყველას, რომ დამნაშავე რეჟიმის წინააღმდეგ ყველანი ვერთიანდებით!
გიორგი წიპტაური, აქტივისტი ახალგორიდან: საპრეზიდენტო არჩევნები ისე ჩატარდა, რომ არათუ მიაქტიურია, არამედ საერთოდ არც წავსულვარ არჩევნებზე. არ დაგიმალავთ, ძლიერ უკმაყოფილო ვიყავი ახლანდელი ხელისუფლების, მაგრამ ეს იმას არ ნიშნავს, რომ ვიღაცებს იმის საშუალება მივცეთ, რომ ქვეყანაში კვლავ არასტაბილური ვითარება შეიქმნას და სამოქალაქო დაპირისპირება მოხდეს.

დღევანდელი საპრეზიდენტო კანდიდატის გრიგოლ ვაშაძის უკან დგას მათი ბელადი მიხეილ სააკაშვილი და მისი ამფსონები, რომლებსაც მთელი ცხრა წლის განმავლობაში და მანამდეც უამრავი ბნელი საქმე აქვთ გაკეთებული.ე, თუ დავაზუსტებ, გასული საუკუნის 90-იანი წლებიდან მახსოვს ეს ხალხი და რაც ჩაიდინეს მაშინ, ყველამ ვიცით.

მე, პირადად, როგორც ერთი ადამიანი, წინ აღვუდგები ყოველგვარ დაპირისპირებას ქვეყნის შიგნი თ. ამიტომაც ვარ ხელისუფლების მხარდაჭერილი კანდიდატის მომხრე.

ამ ეტაპზე ჩვენი რეგიონის მოსახლეობისთვის მნიშვნელოვანია და მთელი საქართველოსთვის აუცილებელი, რომ II ტურში ხელისუფლების მხარდაჭერილმა კანდიდატმა გაიმარჯვოს. ეს იქნება ჩვენი ქვეყნის მშვიდობისა და სტაბილურობის გარანტი.

22 ნოემბერს გავმართავთ აქციას _ "შევუნარჩუნოთ ახალგორს მოსახლეობა", სადაც ჩაერთვებიან საზოგადოების ცნობილი ადამიანები, პატრიოტი ხალხი.
მეორე ტურში უნდა გავიმარჯვოთ! ამის შემდეგ კი მივმართავთ ხელისუფლებას იმის გარდა, რასაც აკეთებდნენ ახალგორის რაიონში, უფრო მეტი გააკეთონ და მხარში ამოგვიდგნენ ახალგორის მოსახლეობას. კერძოდ, უნდა განხორციელდეს სოფლის მეურნეობის პროექტები ახალგორში. ეს აუცილებელია რეგიონში მოსახლეობის დასამაგრებლად.

დიახ, ხელისუფლების გვერდით ვდგავართ. უნდა გავიმარჯვოთ. არჩევნების შემდეგ ჩვენი განცხადებები იქნება ძალიან მძიმე და მკვეთრად გამოხატული. მანამდე, როგორც ზემოთაც გითხარით, საქველმოქმედო აქციას ვმართავთ "შევუნარჩუნოთ ახალგორს მოსახლეობა", სადაც ქართული ჩოხებითა და ადათ-წესების დაცვით წარმოვაჩენთ ჩვენს კულტურას და წეს-ჩვეულებებს. ეს გამიზნულად კეთდება. შარვლები რომ ჩაიწიეს და უკანალები გამოაჩინეს, ჩვენ უნდა დავანახოთ ყველას, რომ ესენი კი არ არიან ქართველები, არამედ ისინი, რომლებიც ჩოხას ღირსეულაც იცვამენ და ვაჟკაცები არიან. საზღვარგარეთ რომ წავიდეთ, რა ვთქვათ, ჩვენ იმ ხალხის თანამემამულეები ვართ, უკანალები რომ მოიშიშვლესო? ვინღა დაგველაპარაკება ჩვენ სერიოზულად სერიოზულ თემებზე?! 22 ნოემბრის ღონისძიებით ჩვენი ქართული სახე კიდევ ერთხელ უნდა დავანახოთ ყველას.

ქალბატონი იზო ყაულაშვილი დამეთანხმება, რომ ეს საჭირო ღონისძიებაა, ისიც თავის თანამოაზრეებთან ერთად გვიერთდება 22 ნოემბრის აქციაში _ "შეუნარჩუნე ახალგორს მოსახლეობა", რომლის შემდეგაც უკვე 25 ნოემბერს ყველანი "პატრიოტთა ალიანსის" აქციას დავესწრებით.
მჯერა, ქართველი ხალხი 28 ნოემბერს კიდევ ერთხელ გაიმარჯვებს და მშვიდობა დამკვიდრდება ქვეყანაში, რაც წინაპირობაა ჩვენი ერთადერთი და მთავარი მიზნის _ საქართველოს გაერთიანების.

ირანდა კალანდაძე

მეტის ნახვა
26-11-2018, 19:00


თუ ღმერთი, რაიმე სახის კეთილი ძალა და სამართალი არსებობს, მხოლოდ ამ ფრაზის გამოც ვერასდროს მოხვალთ - ვერსად!

წლების წინ, ლისის ტბაზე მდებარე ონკოლოგიურ საავადმყოფოში ახლობელის მოსანახულებლად მივედი. პაციენტის ძებნაში გართულს სართულები ამერია და მოზრდილთა ნაცვლად, ბავშვთა განყოფილების კარი შევაღე. გრძელ დერეფანში შესულს დაახლოებით ათი წლის, გამხდარი გოგონა დამხვდა. თავზე ჭრელი თავსაფარი ჰქონდა მოხვეული და ცისფერი, სევდიანი თვალებით მიყურებდა. ასე პატარას და ასე ფერადს იმდენად არ უხდებოდა საავადმყოფოს მძიმე და რუხი კედლები, რომ ვერ მივხვდი, რატომ იყო აქ, რატომ ეზოში, თანატოლებთან არ დარბოდა, ბურთს არ თამაშობდა და რატომ ჰქონდა ასე პატარას თვალებში ასეთი დიდი ტკივილი და სევდა..

იმის შემდეგ წლები გავიდა და მჯერა, რომ ის გოგონა ახლა ჯანმრთელი და ბედნიერი ქალია, მაგრამ როცა რამდენიმე დღის წინ, გრიგოლ ვაშაძის საარჩევნო შტაბის ხელმძღვანელმა პირველი არხის გადაცემაში საყოველთაო ჯანდაცვის პროგრამაზე ისაუბრა, სწორედ ის გოგო და მისი სევდიანი თვალები გამახსენდა. გიორგი ვაშაძემ „ქართული ოცნების“ საყოველთაო ჯანდაცვის პროგრამა გააკრიტიკა და განაცხადა, რომ პროგრამის მთავარი ხარვეზია, რომ ფინანსები არა დაავადებების პრევენციაზე, არამედ – მომაკვდავი ადამიანის მკურნალობაზე იხარჯება.

„ნაცვლად იმისა, რომ გამართული ინფრასტრუქტურის პირობებში ფინანსები პრევენციის მიმართულებით დახარჯულიყო, ჩვენ ამ ფულს ვასხამთ შავ ხვრელში, რადგან ვმკურნალობთ მომაკვდავ ადამიანს. ანუ, მაგალითად, ადამიანს რომ სიმსივნე აქვს, ვმკურნალობთ იმას, რომ ქიმიოთერაპია მიიღოს და ვიცით, რომ ამან შეიძლება, ექვსი თვით გაუხანგრძლივოს ცხოვრება". 

2009–2010 წელი იქნებოდა, როცა ჩემს სამეზობლოში 16 წლის მოზარდი დაიღუპა. გოგონას ბრმა ნაწლავი გაუსკდა და საავადმყოფოში აუტანელი ტკივილებით გადაიყვანეს. გადარჩენა შეიძლებოდა, მაგრამ საოპერაციოში ვერ შევიყვანთ, სანამ ფულს არ გადაიხდითო – თავზარდაცემულ მშობლებს გამოუცხადეს ექიმებმა. სანამ გაგიჟებული მამა ფულის საშოვნელად ახლობლებში და ნათესავებში დარბოდა, საოპერაციოს კართან, ურიკაზე მწოლი ბავშვი გარდაიცვალა და იმ წლებში ასეთი არაერთი შემთხვევა მოხდა.

რამდენიც არ უნდა ვაკრიტიკოთ „ქართული ოცნება“ და მისი პოლიტიკა, იმის უარყოფა შეუძლებელია, რომ საყოველთაო დაზღვევის პროგრამამ უამრავი ადამიანი სიკვდილს გადაარჩინა და საოპერაციოს კართან არავინ მიუტოვებია. აქედან გამომდინარე, ადვილი წარმოსადგენია, რა საფრთხეს უკავშირდება მძიმე დაავადებების მქონე ადამიანებისთვის პროგრამის შეწყვეტა, რაც ნაციონალური მოძრაობის ხელისუფლებაში მოსვლის შემთხვევაში სრულიად რეალურია და ეს გიორგი ვაშაძის სიტყვებმაც დაადასტურა.

სამწუხაროდ, ონკოლოგიური დაავადებების მკურნალობა ხანგრძლივი და ძვირადღირებული პროცესია, რომელთან გამკლავება ფიზიკურადაც, მორალურადაც და ფინანსურადაც რთულია. ონკოლოგიურ პაციენტებს, სერიოზული გამოკვლევის გარდა, ქირურგიული ჩარევა, რადიოთერაპიისა და ქიმიოთერაპიის არაერთი კურსი ჭირდება თ. საყოველთაო ჯანდაცვამდე ონკოპაციენტების უმეტესობა უბრალოდ, ვერ იტარებდა მკურნალობას. პროგრამის ამოქმედების შემდეგ კი ისინი სახელმწიფო მზრუნველობის ქვეშ აღმოჩნდნენ, ამიტომ გიორგი ვაშაძის განცხადება ყველაზე მტკივნეული ამ კატეგორიის ავადმყოფებისთვის აღმოჩნდა. ონკოლოგიური დაავადების მქონე ადამიანები თოდუას კლინიკასთან შეიკრიბნენ და „ნაციონალური მოძრაობის“ საპრეზიდენტო კანდიდატის შტაბის ხელმძღვანელის განცხადება გააპროტესტეს. აქციის მონაწილეების თქმით, ქიმიო-თერაპიის კურსი მათთვის აუცილებელია.
ვაშაძის განცხადებას სოციალურ ქსელშიც უამრავი ადამიანი გამოეხმაურა. ნინი მთვარაძემ ფეისბუქის პირად გვერდზე თვალხატულა ბავშვის ფოტო და ემოციური პოსტი გამოაქვეყნა:

„ბატონო გიორგი ვაშაძე, თქვენთვის ე.წ. “შავი ხვრელი” ჩემთვის მთელი ცხოვრებაა – აი, ეს მზესავით ბიჭი, რომელიც ახლა გერმანიაში მკურნალობს. ეს ის ბიჭია, თქვენი განცხადება რომ წავიკითხე და ნაგავი-მეთქი რომ წამოვიძახე, შენიშვნა რომ მომცა, ადამიანებზე ასეთი სიტყვის თქმა არ შეიძლებაო. 
მე ახლა ისეთი დრო მიდგას ვინმეს “გამპრავებლად” და მხარდამჭერად ნამდვილად ვერ გამოვდგები, იქეთ ვარ მხარდასაჭერი, მაგრამ მისგან ასეთი გაუმართლებელი ბოროტება არც გვსმენია და გულით მჯერა, არც არასდროს გავიგებთ. და კიდევ იმის მჯერა გულით, რომ თუ ღმერთი, რაიმე სახის კეთილი ძალა და სამართალი არსებობს, მხოლოდ ამ ფრაზის გამოც ვერასდროს მოხვალთ – ვერსად! თქვენ და თქვენი თანამებრძოლები, ძველებიც და ახლებიც! თქვენ, რომელმაც ძალიან ბევრი დედის, მამის, ძალიან ბევრი შვილის, ძალიან ბევრი ძმის და დის გული კიდევ ერთხელ მოკალით ამ ნათქვამით. ადამიანებს, რომლებიც ყოველდღიურად ვებრძვით ამ ვერაგ დაავადებას და წარმოუდგენელ სიძლიერეს ვიჩენთ, გვითხარით, რომ ეს ყველაფერი ფუჭია, რომ აზრი არ აქვს. და თქვენმა თანაგუნდელებმა, რომლებმაც ბევრი ხან სიტყვით და უფრო ხშირად პირდაპირ საქმით მოკალით.

მიუხედავად ამისა, ჩვენ, რა თქმა უნდა, გავაგრძელებთ ბრძოლას და მთელი გულით, სულით და სხეულით მინდა ერთ დღეს, დემეტრე რომ უფლის წყალობით, დიდი ბიჭი გაიზრდება განახოთ, როგორ უნდა დაუდგეს სახელმწიფო “შავ ხვრელში” მყოფ ადამიანებს გვერდით, იმისთვის, რომ ისინი გადარჩნენ, იცოცხლონ და დიდები რომ გაიზრდებიან თქვენგან განსხვავებით თავად გადაარჩინონ ბევრი სიცოცხლე ამ ძალიან მძიმე განსაცდელგამოვლილებმა!“

ონკოლოგიური დაავადების მქონე ზოგიერთმა პაციენტმა „ვაშაძე და კამპანია“ ფაშისტებს შეადარა, რომლებიც მძიმე დაავადებების მქონე პაციენტებს სასიკვდილოდ იმეტებდნენ.

„კიბო არცერთ სტადიაში არაა განაჩენი“ – წერს სოციალური ქსელის მომხმარებელი ნატალია ენუქიძე, რომელიც ექვსი წელი მე 4 სტადიის სიმსივნეს ექვსი წელი ებრძვის.

მერწმუნეთ ჩემნაირებო 6 წელია ცოცხალი ვარ და კიდევ მრავალი 6 წელი უნდა ვიცოცხლო. არაფერს შეუშინდეთ და არასდროს იფიქროთ რომ უკვე გვიანია, რომ ბრძოლას აზრი არ აქვს, არდაიღალოთ, არ დანებდეთ, არ ჩაიკეტოთ საკუთარ თავში, სიხარულზე იფიქრეთ და მოვა, სიცოცხლეს დაუძახეთ და გესტუმრებათ, სიკვდილი გააპანღურეთ და წავა!!! ძალიან გთხოვთ როდესაც სიტყვა მო(მა)კვდავს ახსენებთ და შავ ხვრელში გადასაყრელ გვამებად მოგვიხსენიებთ, დაფიქრდით რომ თქვენ თვითონაც ისეთივე მო(მა)კვდავები ხართ როგორც ჩვენ და ოდესღაც თქვენც გაივლით იმ შავ გვირაბს, რომლის ბოლოშიც ყოველთვის სინათლეა. ღმერთს ებარებოდეთ!!! “

და ბოლოს, ნაციონალებს რომ ჩვენს ჯანმრთელობაზე ფიქრით ღამე არ ეძინათ, იქიდანაც ჩანს, რომ სააკაშვილის ხელისუფლების დროს სასწრაფო დახმარების გამოძახებაც კი ფასიანი გახდა. აღარაფერს ვიტყვით ძვირადღირებულ ოპერაციებზე. ამიტომ დრეს გიორგი ვაშაძემ როგორც არ უნდა „გადააბრუნოს პლასტინკა“ ასე კი არა, ისე ვთქვიო, მეხსიერებიდან ვერ ამოშლის, რომ მათი მმართველობის დროს, უფულო პაციენტი საავადმყოფოს ეზოშიც ვერ შედიოდა. პირადად მე, საყოველთაო დაზღვევამ ინსულტიანი დედის 5 თვის სიცოცხლე მაჩუქა და ამ ხუთი თვის ფასი მხოლოდ მე ვიცი..

ამასწინათ, ახლობელმა, რომელიც საავადმყოფოში მუშაობს, გამიმხილა – ამდენი პაციენტი დიდი ხანია არ გვყოლია. ნაცების ხელისუფლებაში დაბრუნებით შეშინებული ადამიანები მოგვაწყდნენ – სანამ ჯანდაცვის პროგრამა გაუუქმებიათ, ოპერაციის გაკეთება მოვასწროთო. როგორ ფიქრობთ, ეს ადამიანები არჩევნებზე ხმას ვის მისცემენ? გგონიათ, „ქართულ ოცნებაზე“ გაბრაზება ჯანმრთელობის დაკარგვის შიშს გადაწონის? ასე, რომ რაც დათესეთ, 28 ოქტომბერსაც იმას მოიმკით, ნაცებო!

ნელი თორდია

მეტის ნახვა
26-11-2018, 17:00


ღრმად ვარ დარწმუნებული, 28 ნოემბერს, მათთან ერთად, ვინც I ტურში ხმა მისცა "ქართული ოცნების" მიერ მხარდაჭერილ კანდიდატს სალომე ზურაბიშვილს, I ტურში შინ დარჩენილთა 54% უმრავლესობაც შეუერთდება და ხმას ვაშაძის წინააღმდეგ მისცემს, რომ "ნაცმოძრაობის" კრიმინალურ-ფაშისტური რეჟიმის ხელისუფლებაში დაბრუნების შანსი ერთხელ და სამუდამოდ აღკვეთოს.

ვინც არ უნდა ჩაერიოს ამ საქმეში შიგნიდან თუ გარედან, "ქართულ ოცნებაში" მეხუთე კოლონად შეგზავნილ-პორტირებული ნაცების არმია თუ პიარტექნოლოგიებით აღჭურვილი იდეოლოგიური დესანტი კრემლიდან, მაინც არაფერი გამოვა _ ქართველი ხალხი 2012 წლის მონაპოვარს არავითარ შემთხვევაში არ დათმობს, რადგან იცის _ უკან დასახევი გზა არ არსებობს _ უკან წყვდიადია, სიბნელეა, ძალადობაა, სადისტების და მანიაკების რევანში და ანგარიშსწორებაა.

28 ნოემბრის გამარჯვება ეს იქნება არა მხოლოდ "ქართული ოცნების" და სალომე ზურაბიშვილის, არამედ, პირველ ყოვლისა, ქართველი ხალხის გამარჯვება, რომელიც აცნობიერებს, რომ ნაცების უკან მობრუნებით შეიძლება სამშობლო დაკარგოს.

კიდევ ერთხელ ვიტყვი აქამდე ბევრჯერ ნათქვამს: მიკვირს იმ ადამიანების, ძალიან მიკვირს, რომლებიც მხარს ვაშაძეს და "ნაცმოძრაობას" უჭერენ.
სიტუაციაში რომ ვერ ერკვეოდე, რაღაც დაფარული და დამალული რომ იყოს და ამის გამო ცდებოდე და მცდარ არჩევანს აკეთებდე, მესმის, მაგრამ, როცა "ნაცმოძრაობის" ცხრაწლიანი რეჟიმის ნამოქმედარი წინ გიდევს, როცა მათ მიერ ჩადენილი უამრავი შემზარავი დანაშაულის მოწმე და თვითმხილველი ხარ, როცა საკუთარ თავს წესიერ, პატიოსან, პატრიოტ ადამიანს უწოდებ, ხმას როგორ აძლევ ყოველივე ამ უბედურების ჩამდენებს და შემოქმედებს, თუ შენც, ბოდიში მომითხოვია და მათნაირი არ ხარ და მათ მსგავსად, თუ შესაძლებლობა მოგეცემა, იგივეს გააკეთებ, რასაც ისინი აკეთებდნენ _ მოკლავ, გააუპატიურებ, დაჩაგრავ, დააჩმორებ, წაართმევ,. დააყაჩაღებ.

სხვანაირად რით და როგორ შეიძლება ამ საქციელის ახსნა ან გამართლება?

როცა მკვლელს და მოძალადეს მხარს უჭერ, შენც მკვლელი და მოძალადე ხარ, უფრო ზუსტად, მკვლელსა და მოძალადეზე ცოტათი უარესი და ცოტათი უფრო საშიში.

"ნაცმოძრაობა" 9 წლის განმავლობაში მთელ საქართველოს და დანარჩენ მსოფლიოს თვალში ნაცარს აყრიდა, მაგრამ გასკდა ნაცრის ეს დიდი გუდა და დღეს ყველამ ყველაფერი გაიგო, გარდა იმ 600 000 კაცისა, რომელიც ვაშას ძახილით კუდში დასდევს ვაშაძეს, რუსეთის აგენტს.
ფარისევლობა და უტიფრობა კი გამიგია, მაგრამ ასეთი და ამ მასშტაბის ნამდვილად არა.

რას ნიშნავს და როგორ ავხსნათ ის ფაქტი, როცა რუსეთს ოკუპანტს და მტერს ეძახი და ამ დროს რუსეთის ზესაიდუმლო სამსახურების მაღალჩინოსანს, ფაქტობრივად, რუს პოლიტიკოსს, საქართველოს პრეზიდენტის გვირგვინი გინდა თავზე დაადგა, ამის პარალელურად კი მოღალატეს სალომე ზურაბიშვილს ეძახი, რომ შენი ღალატის და ქვებუდანობის ამბავი ამით გადაფარო.

ოცი წელია "ნაცმოძრაობაზე" ვწერ და მის ანატომიას ვუკირკიტებ, მაგრამ, სიმართლე გითხრათ, მაინც ბოლომდე ვერ გავიგე და ვერ ამოვხსენი, რა ძალაა ეს, რომელიც ფორმალურად თითქოს პოლიტიკური ორგანიზაციაა, მაგრამ მის მოქმედებებს და მის მიერ ჩადენილ საქმეებს რომ დააკვირდები, ის პოლიტიკურ პარტიას კი არა, უფრო მეტად კარგად ორგანიზებულ ბანდას ჰგავს, რომელიც ნაწილია რაღაც გრანდიოზულად დიდი მასშტაბების საერთაშორისო ბანდისა.
"ნაცმოძრაობა" თითქოს ამ ტრანსკონტინენტალური ბანდის რეგიონალური განყოფილებაა, მისი ფილიალია.

"ნაცმოძრაობისთვის" საქართველო სამშობლო კი არა ტერიტორიაა, ზონაა, საიდანაც "ნაცმოძრაობის" დროს ძალზე სერიოზული თანხები მიედინებოდა საერთაშორისო "ობშიაკში".

როცა საჭიროებამ მოითხოვა, ეს ბანდა უკრაინაში იქნა გადასროლილი და კარგა ხანს იქ ალაგებდა "პალაჟენიას".
სულაც არ არის გამორიცხული, `ნაცმოძრაობა~ და მისი ლიდერი ხვალ თუ ზეგ სხვაგან და სხვა ქვეყანაში მიავლინონ წესრიგის დასამყარებლად.
ყოველივე ეს ნათლად მეტყველებს იმაზე, თუ რა ბეწვის ხიდზე გაიარა და რა სახიფათო ძალას დაუპირისპირდა ბიძინა ივანიშვილი და ქართველი ხალხი 2012 წელს.

ამ ძალის ხელისუფლებაში მობრუნება გარდაუვალ კატასტროფას ნიშნავს ქართული სახელმწიფოსთვის.
კარგად დაიმახსოვრონ ეს იმ ადამიანებმა, რომლებიც სრულიად ალოგიკური და უსაფუძვლო მოტივებით ხმის მიცემას გრიგოლ ვაშაძისთვის აპირებენ.
ქვეყნის ღალატია ეს, ქვეყნის მტრობაა, ქვეყნისთვის ზურგში ლახვრის ჩაცემაა.
_ წყეულიმც იყოს ყველა, ვინც მხარს "ნაცმოძრაობას" უჭერს! წყეულიმც იყოს ყველა მოღალატე და ქვეყნის გამყიდველი! _ ასეთი წყევლა ამოვიკითხე ამასწინათ სოციალურ ქსელებში.

მართალია, ნაციონალებს არც ღმერთის სწამთ, არც ზნეობრივ-მორალური ნორმები და სხვა ღირებულებებია მათთვის პატივსაცემი და მისაღები, ისინი მხოლოდ ეგოისტურ და ძალაუფლების პყრობის მანიაკალურ ინსტინქტებს ემორჩილებიან, მაგრამ მათ უნდა იცოდნენ, რომ ეს ყველაფერი, ადრე თუ გვიან, აუცილებლად ისჯება იმ სამართლით, რომელსაც განგების სამართალი ჰქვია და რომელსაც ვერავინ ვერ დააღწევს თავს.
ამიტომ გეშინოდეთ, ნაციონალებო, გეშინოდეთ ცხრა წლის განმავლობაში თქვენი არაადამიანური, სასტიკი და სადისტური დანაშაულების გამო თქვენს წინააღმდეგ აღვლენილი ყველა წყევლის.

ერთად შეკრებილ და ერთ ენერგიად გაერთიანებულ წყევლას იმდენად დამანგრეველი და გამანადგურებელი ძალა აქვს, მას ვერაფერი ვერ შეაჩერებს.
"ნაცმოძრაობასთან" ერთად თქვენც გეშინოდეთ, ნაციონალების მხარდამჭერებო, გეშინოდეთ ყველას, ვინც II ტურშიც 5-იანის შემოხაზვას აპირებთ და ამით იმ დიდ ცოდვას უერთდებით, იმ შემზარავი დანაშაულების თანამონაწილე ხდებით, რომელიც "ნაცნოძრაობამ" ჩაიდინა.

"ნაცმოძრაობა" ცდილობს, ყოფილი სამხედროები დაუპირისპიროს სალომე ზურაბიშვილს და "ქართული ოცნების" ხელისუფლებას და ამ მიზნით უამრავ ტყუილს და დეზინფორმაციას ავრცელებს.

სამწუხაროდ, ზოგიერთი ყოფილი სამხედრო პირი იოლად წამოეგო "ნაცმოძრაობის" ამ პროვოკაციულ ხრიკს.
_ ჩვენ მთელი ცხოვრება საქართველოს ვიცავდით, ახლა კი სალომე ზურაბიშვილის განცხადებებით შეურაცხყოფილები ვართო, _ ამბობენ ეს პატივცემული ადამიანები და ზოგი ღიად, ზოგიც შეფარვით მხარს ვაშაძის კანდიდატურას უჭერს.
კი, მაგრამ, ბატონებო, თქვენ რა მალე დაგვიწყნიათ, რა რეპრესიების რისხვა დაგატეხათ თავს, თქვენ, სამხედროებს, თქვენმა მთავარსარდალმა აგვისტოს სამარცხვინოდ წაგებული ომის შემდეგ და როგორ უტიფრად ცდილობდა იგი თავისი უუნარობა, თავისი შეცდომები, თავისი დანაშაულებრივი ქმედებები და გაუაზრებელი, წინდაუხედავი ნაბიჯები, რომლებიც მიზეზი გახდა ქართული შეიარაღებული ძალების დამარცხებისა, თქვენთვის, სამხედროებისთვის, გადაებრალებინა.

როგორც სულმოკლე, სულმდაბალ, ლაჩრული ბუნების კაცს სჩვევია, მან თავისი შეცდომები რეზერვისტებს, რიგით ჯარისკაცებს, სერჟანტებს, ოფიცრებს გადააბრალა და ზოგს დეზერტირობაში დასდო ბრალი, ზოგს ღალატსა და ჯაშუშობაში.

მაშინ სად იყავით, მაშინ რატომ არ ამოიღეთ ხმა, ბატონო გენერლებო და ოფიცრებო, როცა უდანაშაულო ადამიანებს მასობრივად ათავისუფლებდნენ სამხედრო შენაერთებიდან, ავიწროებდნენ, ზეწოლას ახდენდნენ, ციხეებში ყრიდნენ, კლავდნენ, აწამებდნენ და ეს ყველაფერი იმის გამო ხდებოდა, რომ ჭკუიდან გადასული თქვენი მთავარსარდლის დანაშაულებრივი ქმედებები მიჩქმალულიყო.
განა მარტო სააკაშვილი, გიგი უგულავა, სამხედრო საკითხებში აბსოლუტური პრაფანი, თქვენი სარდალი არ იყო და იმის ბრძანებებსაც უსიტყვოდ არ ასრულებდით?

აკი, თქვა გენერალმა მამუკა ყურაშვილმა, გიგი უგულავა იყო მთავარი "ქანჩი" ამ სამხედრო ოპერაციებშიო.
ეს მაინც როგორ დაუშვით, ამაზე მაინც რატომ არ ატეხეთ განგაში _ ქალაქის მერს, სამოქალაქო პირს, რა ესაქმება საბრძოლო მოქმედებების დაგეგმვაში? ომი გვაქვს ჩვენ აქ თუ ცხინვალის დასუფთავების და ინფრასტრუქტურული სამუშაოების მოგვარების "ოპერაციას" ვატარებთო?
რა მოხდა 2008 წლის აგვისტოს ომში ყველამ ყველაფერი ვიცით, ვიცით დეტალებში, საათების და წუთების მიხედვით.
ასე რომ რაღაც-რაღაცების დამალვას და სალომე ზურაბიშვილისთვის გადაბრალებას აზრი არ აქვს _ მოვა დრო და არა ჰააგის, არამედ ქართული სასამართლოს წინაშე აუცილებლად მოუწევს პასუხისმგებლობა, როგორც მთავარსარდალ სააკაშვილს, აგრეთვე იმ პირებს, რომლებმაც თავიანთი გაუაზრებელი, პროვოკაციული, ლოგიკურად აუხსნელი და უკიდურესად საეჭვო გადაწყვეტილებებით უდიდესი ზიანი მიაყენეს საქართველოს, მის მოსახლეობას, ქართულ ჯარს, მთლიანად ქართულ სახელმწიფოებრიობას.

"ქართულ ოცნებას" ამ ექვსი წლის განმავლობაში ორჯერ და სამჯერ მეტი საქმე აქვს გაკეთებული, ვიდრე "ნაცმოძრაობას" 9 წლის განმავლობაში, მაგრამ დავუშვათ და საყოველთაო ჯანდაცვის პროგრამის გარდა სხვა რომ არაფერი გაეკეთებინა "ქართულ ოცნებას", განა ეს არ გადაწონის ყველას და ყველაფერს, თავის გზებიან-ხიდიან-საწარმოებიან-სასტუმროებიანად?

აბა, წარმოვიდგინოთ, რამდენი ადამიანის სიცოცხლე გადაარჩინა ამ პროგრამამ, რამდენი ოჯახი ისხნა ეკონომიკური გაჩანაგებისგან და გაკოტრებისგან.
რა თქმა უნდა, არსებობს ზუსტი სტატისტიკური მონაცემები, ზუსტი ციფრები, რა კოლოსალური თანხები დახარჯა ხელისუფლებამ მისი მოქალაქეების გადასარჩენად, თუმცა "ქართულ ოცნებას" საარჩევნო პერიოდებშიც კი არ უკადრია თავის გამოსაჩენად და საკუთარი ღვაწლის წინ წამოსაწევად ეს ციფრები შეეხსენებინა საქართველოს მოსახლეობისთვის.
ძალიან მაინტერესებს, იმ 600 000 ადამიანიდან, რომლებმაც ხმა `ნაცმოძრაობას~ მისცეს, არავინ გამხდარა ავად, არავის დასჭირვებია ოპერაცია თუ სხვა სახის სამედიცინო დახმარება?

როგორც ჩანს, უმადურობას საზღვარი არ აქვს, თორემ როგორ შეიძლება თუნდაც ამ პროგრამის გამო "ქართული ოცნების" ხელისუფლების მადლიერი არ იყო და "ისტუკანივით" იძახო _ აბა, რა გამიკეთა "ქართულმა ოცნებამო"?
რა გაგიკეთა და სიცოცხლე გაჩუქა შენ, შენს ახლობლებს, შენს მეზობლებს, სიცოცხლე გაჩუქა, ოჯახი გადაგირჩინა.
სააკაშვილი დღეს გამოდის და ბრტყელ-ბრტყელ დაპირებებს იძლევა თუ როგორ გააკეთილშობილებს საბანკო სისტემას, როგორ გააუქმებს საჯარიმო საურავებს, როგორ დასწევს საპროცენტო განაკვეთებს და ა. შ.

ამ დაპირებებიდან, სააკაშვილი, ცხადია, არც ერთის შემსრულებელი არ არის. მას ამის იოტისოდენა სურვილი რომ ჰქონოდა, თავისი 9-წლიანი პრეზიდენტობის დროს ერთ ნაბიჯს მაინც გადადგამდა ამ მიმართულებით.

ვინც "ნაცმოძრაობის" უკან მობრუნებას ნატრობს, კარგად გაიხსენოს, რა ხდებოდა "ნაცმოძრაობის" დროს ჯანდაცვის სფეროში.
რა ხდებოდა და ადამიანები იძულებულნი იყვნენ, გაეყიდათ სახლ-კარი, გაეყიდათ ყველაფერი, ბანკებიდან კაბალური პირობებით აეღოთ სესხები, რომ საჭირო სამედიცინო მომსახურება მიეღოთ და თავიანთი თუ თავიანთი ახლობლები სიკვდილისგან ეხსნათ.

ფაქტობრივად, ეს იყო კარგად დაგეგმილი გენოციდი საქართველოს მოსახლეობის წინააღმდეგ, რომელიც არა მარტო ერთი კონკრეტული ადამიანის ფიზიკურ განადგურებას, არამედ მთელი მისი ოჯახის დედა-ბუდიანად გაკოტრებას და ამოძირკვას ისახავდა მიზნად.

ბანკებზე და ბანკების მიერ გაძარცვულ მოსახლეობაზე რომ ლაპარაკობთ, ნაციონალებო, განა ზუსტად თქვენს დროს არ გაუბედურდნენ ეს ადამიანები, განა თქვენი "ბედნიერი" და "აყვავებული" ეპოქიდან არ მოჰყვება ის ვალები მოქალაქეთა დიდ ნაწილს?
"ნაცმოძრაობას" თითი არ გაუნძრევია ამ ადამიანების პრობლემების მოსაგვარებლად _ იჯდა და მშვიდად უყურებდა, როგორ ყრიდნენ ადამიანებს სახლებიდან გავეშებული "აღმასრულებლები".

სამწუხაროდ, დემოკრატიას ერთი დიდი ნაკლი აქვს _ დემოკრატიის დროს სულელის და ჭკვიანის, გიჟის და ნორმალურის, გონებაჩლუნგის და გონიერის, ავანტურისტის და კეთილსინდისიერი ადამიანის ხმას ერთი წონა და ერთი ფასი აქვს.

დარწმუნებული ვარ, 28 ნოემბერს ჭკვიანი, გონიერი, კეთილსინდისიერი ადამიანები უფრო მეტნი იქნებიან, ვიდრე უგუნურები.
სინამდვილეში, უგუნურების ხსნა და შველაც ჭკვიანი და კეთილსინდისიერი ადამიანების გამარჯვებაშია…

სწორი გადაწყვეტილების მისაღებად საქართველოს სულ რაღაც 168 საათი დარჩა...

ვახტანგ ხარჩილავა


მეტის ნახვა
26-11-2018, 15:30


ვაფრთხილებ ყველას, დიდსაც და პატარასაც, ქალსაც და კაცსაც, ერსაც, ბერსაც და ხელისუფლებასაც, "ნაციონალები" ისევ აყალბებენ არჩევნებს (28 ნოემბერს დანიშნულ მეორე ტურს). თუ პირველ ტურში ე.წ. გაერთიანებული ოპოზიცია (მაჭუტაძეები) საქართველოს მთავარი გამყალბებლის გარეშე მუშაობდნენ, ახლა ისიც ამ "სასტავში" მოექცა.

დიახ, ალბათ მიხვდით, ვისზეც მოგახსენებთ, მაგრამ მაინც დაგიკონკრეტებთ – ეს გახლავთ არჩევნების გაყალბების დედა ხათ(ქ)უნა გოგორიშვილი. ვერაფერს იტყვი, მას აქვს უპრეცედენტო გამოცდილება შევარდნაძიდან ეპოქიდან მოყოლებული დღემდე. თქვენ გგონიათ, დავით ბაქრაძემ (ჩანგალა და გოგონამ) მართლა მიიღო 10 პროცენტი პირველ ტურში? არ დაიჯეროთ, უბრალოდ ვიღასცებს ეგონათ, დავითი მოსესავით გვატარებს და თავს მართლა ევროპულ საქართველოში ამოგვაყოფინებსო, სინამდვილეში კი ისევ "ნაცმოძრაობაში" აღმოჩნდნენ. თან, როგორც გითხარით, ქალბატონმა ხათ(ქ)უნამაც შეიტანა თავისი მანიპულაციებით დიდი წვლილი ჩერგო-ბოკერვილების კანტორაში. მოკლედ, ასეა თუ ისე, ამჟამად გოგორიშვილი ე.წ. გაერთიანებული ოპოზიციის (მაჭუტაძეების) შტაბშია გადასროლილი და შესაბამისად, უნდა ველოდოთ გაყალბების ახალ-ახალ იდეებსა თუ პროექტებს. მართალია, ქალბატონ ხათ(ქ)უნას გადასროლა (წონის გამო) იოლი არ იყო, მაგრამ `ნაცებმა~ მაინც მოახერხეს, მაგათი მოუხერხებელ-გაუკეთებელი არის რამე ამ დუნიაზე? ბოლო-ბოლო, "კასტილებით" აუპატიურებდნენ თანამოქალქეებს!

ერთი სიტყვით და მრავალნაირი გაგებით, მე, როგორც ერთ-ერთმა რიგითმა მოქალაქემ, გადავწყვიტე, ბოლომდე ვებრძოლო "კასტილოვანთა" მოდგმას და არ დავუშვა მათი დაბრუნება ხელისუფლებაში. ამიტომ პერიოდულად გვერდზე ვდებ კალამს (კლავიატურას) და თბილისიდან ჩავდივარ ჩემს მშობლიურ სიღნაღში, სადაც "ნაციონალებმა" ლამის მთლიანად ააყროლეს იქაურობა და იკადრეს ყველაფერი. სამწუხაროდ, ჩვენი საზოგადოების ნაწილს დღეს საერთოდ არ გააჩნია ანალიზის კი არა, უბრალოდ დაფიქრების უნარი – ბევრი წამოეგო ვაშაძის "ტუფტა" (400-ლარიან) პენსიის თემას. ზოგი ბებო იძახის, განა მჯერა, შვილო, რო მოგვიმატებს, მაგრამ მაინც კარგი მოსასმენიაო. ჰო, ეგრეა, ყურს სიამოვნებს 400 ლარი. მეორე – გარკვეულ მასებში ასევე კარგად მუშაობს მიხო სააკაშვილის უძლეველობის თემა – მაგალითად, გავიცანი ადამიანი, რომელსაც ამ ხელისუფლებამ ორჯერ დაუფინანსა გულის ოპერაცია, ერთხელ 32 ათასი ლარით, მეორედ – 22 ათასი ლარით, ახლა სიცოცხლენაჩუქები ადამიანი და მისი ახლობლები ამტკიცებენ, რომ ეს ფული სააკაშვილმა დაუტოვათ წასვლისას (აზროვნების დონე ნახეთ!). ასეთ ადამიანებს ვერც ვერაფერს ავუხსნი, ვერც ვერაფერში დავარწმუნებ, საქმე გვაქვს ფსიქიატრიულ მოვლენასთან.

"ნაციონალებს" კარგად აქვთ შესწავლილი ჩვენი ხალხის ფსიქოლოგია და გონებრივი შესაძლებლობები. ამავე დროს ეფექტურად იყენებენ იოზეფ გებელსის (ადოლფ ჰიტლერის იდეოლოგის) მეთოდებს – შენი სიბინძურეები უნდა მიაწერო და გადააბრალო სხვას, რათა იმ სხვას იქით მოუხდეს თავის მართლება. ამის საუკეთესო მაგალითი გახლავთ ბოლო დროს აჭარაში განვითარებული მოვლენები, სადაც "ნაცები" დაძვრებიან ასლან აბაშიძის მომხრეებთან, მის ყოფილ სპეცრაზმელებთან, მიდის გადაბირება. ამ დროს იწყებენ კამპანიას, თითქოს "ოცნება" აწარმოებს მოლაპარაკებებს მათთან. მურმან დუმბაძემ თქვა კიდეც ამაზე, ვახტანგ გომელაურია ჩამოსული აჭარაში და "ბაბუინებს" ხვდება ფარულადო. ისე, მე თუ მკითხავთ, ამ ხალხს მართლა უნდა დაელაპარაკოს ვინმე, უნდა დამთავრდეს ამ ადამიანების გარიყვის პროცესი, მარტო 500-მდე ყოფილი სპეცრაზმელი ზის სახლში.

"ქართული ოცნების" საარჩევნო შტაბებიდან ჯერაც ვერ მოხერხდა "ნაციონალებისა" და მათთან გათანაბრებული პირების განდევნა. როგორც მეუბნებიან, ბათუმის შტაბის უფროსს, ირაკლი ჭეიშვილს მარჯვენა ხელად ჰყავს გავარვარებული "ნაციონალი", ვინმე ბერძენიშვილი. სულ მიკვირდა და ახლაც მიკვირს, თუ შენ ამ ხელისუფლების სამსახურში ხარ, მაშინ რატომ იყენებ ამავე სამსახურში ისეთ ადამიანს, რომელიც დღეს თუ ხვალ გადატრიალებას მოგიწყობს და ყელს გამოგჭრის? გარდა ამისა, "ოცნების" საარჩევნო შტაბებიდან გრიალით გადის ინფორმაცია, "ნაციონალებისთვის" ამ მხრივ არა არს რაიმე დაფარული. შტაბებში ჩანერგილების თემა არახალია, მაგრამ არსებობს საფუძვლიანი ეჭვი, რომ შენობებში დამონტაჟებულია მოსასმენი აპარატურები, ე.წ. "ჟუჩოკები". მოვუწოდებ ხელმძღვანელებს, კარგად გადაამოწმონ ოთახები, ავეჯი და კედლები, ასევე "შტეფსელები". თუ ვერაფერს აღმოაჩენენ, მაშინ გაითვალისწინონ ჩემი რჩევა და ოფისებში ნუ ილაპარაკებენ ბაზრის დონეზე, შეარჩიონ დრო და ადგილი. უჰ, რავა ყველაფერი ჩემი საფიქრალია ამ ქვეყანაში?! კაი, ვხუმრობ, სერიოზულად არ მიიღოთ!

რაც უფრო მოახლოვდება მეორე ტური, მით მეტი იქნება საბოტაჟის მცდელობა. ამ საქმისთვის "ნაციონალები" იყენებენ სკოლების დირექტორებს, რეგიონებში ბიბლიოთეკების გამგეებს, ბაგა-ბაღების ხელმძღვანელებს და ასე შემდეგ. მაგალითად, ბათუმის ერთ-ერთი საჯარო სკოლიდან სწორედ მეორე ტურის წინ მოუნდათ "მავნებს" პედაგოგების გათავისუფლება და საათების შემცირება, ვითომც განათლების სამინისტროდან დაავალეს. მე არ ვიცი, ვინ გასცა ბრძანება, სკოლაში პედაგოგები შეამცირეთო, მაგრამ ეს რომ აშკარა საბოტაჟია, კარგად ჩანს. ამჟამად სიტუაცია გამოსწორებულია.

როდესაც ამ სტატიას ვწერდი, გავრცელდა ინფორმაცია, „ნაციონალური მოძრაობის" კოორდინატორი, ვეჯინელი ელმირა ბეციაშვილი თელავის პროკურატურაში გამოკითხვაზე დაიბარესო. თურმე ელმირას ამავე სოფელში მცხოვრებ გულნაზ ცანკაშვილისთვის 40 ლარი მიუცია, შენს რძალს გადაეცი, რომ მხარი გრიგოლ ვაშაძეს დაუჭიროსო. გულნაზის ფული არ აუღია და როცა სახლში მისულა, შვილსა და რძალს უცებიათ. თურმე რძალმა არა მარტო სცემა, არამედ ხელის მტევანზეც რამდენჯერმე უკბინა. გაუძელით, ქალბატონო გულნაზ, ჩვენც მაგ დღეში ვართ, "ნაციონალები" ხან ხელის მტევანზე გვკბენენ, ხან კიდევ ტრაკზე. ისე, ძალიან ძნელია, ოჯახში ასეთი სულგაყიდულები რომ გეყოლებიან. ეს ამბავი ცოტაოდენ სასაცილო კია, მაგრამ საბოლოო ჯამში სერიოზულ კატასტროფასთან გვაქვს საქმე – გამოვა ამხანაგი გრიგოლი (თუ აირჩიეს) და გამოგვიცხადებს, მე ვარ და ჩემი ნაბადიო, ქართველმა ხალხმა ქვეყნის სადავეები ჩამაბარაო. სინამდვილეში კი ბეციაშვილ-ცანკაშვილების ნაჩალიჩარი პრეზიდენტი გამოდის. უკვე გითხარით, სიღნაღში ჩავდივარ-მეთქი პერიოდულად… ჰოდა, იქ ერთ სოფელში აღმოჩნდა ბიბლიოთეკარი ქალი, რომელსაც სამკითხველო ამ კვარტალში არ გაუღია, აღარაფერს ვამბობ წინა კვარტლებზე. ამ ქალს იმავე სოფელში მაღაზია აქვს გახსნილი, ზის მთელი დღე და ვაჭრობს. ბიბლიოთეკაში ხელფასი აქვს პენსიასავით, თავს მშვენივრად გრძნობს, მაგრამ იმდენად გახარბებულა, "ნაცებისგანაც" აუღია და "განაცებულა". 

ერთი მნიშვნელოვანი მოვლენა: მეორე ტურში "ნაციონალები" იმდენ ფულს ვეღარ ხარჯავენ, რამდენიც პირველ ტურში დახარჯეს. აშკარაა, რომ თურქეთის გავლით დიდ ფულს აღარ იძლევიან. თემურ ალასანიას ან გაუთავდა, ან კიდევ წუწკობს და ბიძინა ივანიშვილის მოსაკლავად ინახავს. ჰოდა, რაკიღა ეს წუპაკები ტელევიზიით სარეკლამო რგოლებს ვეღარ უშვებენ, მოსახლეობას ვეღარ არწმუნებენ, სალომე ზურაბიშვილი მოღალატეაო, მთელი თავიანთი ბინძური არტილერია სოციალურ ქსელებში გადაიტანეს. სოციალურ ქსელებში რა, მაგათ მარტო "ფეისბუქში" შესვლა იციან ახლობლების დახმარებით და იბრძვიან ლათინური შრიფტი თ. აგერ, სალომეს ვაჟს, თეიმურაზ გორჯესტანს ლანძღავენ (ლათინური შრიფტით), შენ დედას რანაირად დაიცავ, როცა ქართველი კი არა, ირანელი ხარო? ჰა, ჰა, ჰა… ჯერ ერთი, თეიმურაზის ნამდვილი გვარი გუგუშვილია და მეორეც – რათ უნდა დედის დაცვას ეროვნება, თქვე ჭკუით ღატაკებო, ეგ რა შუაშია?! მოკლედ, "ნაცებმა" თავიანთ "პადელნიკებს" დაავალეს, როგორც შეგიძლიათ, ისე ლანძღეთ და თათხეთ სალომე ზურაბიშვილიო და ესენიც გადასულები არიან შეტევაზე. აქ მნიშვნელობა არ აქვს, როგორ სისულელეს დაწერენ ან იტყვიან, ამ ქვეყანაში იმდენი დეგენერატი ცხოვრობს, ამასაც იჯერებენ, იტაცებენ და მსჯელობენ.

და ბოლოს… "ქართულ ოცნებას", მთავრობას, საკანონმდებლო ორგანოს და საერთოდ, "ნაციონალების" მოწინააღმდეგე ძალებს ახლა სჭირდებათ ასი თვალი და ასი ყური, "ოცნებამ" თავის შტაბებში კი შეცვალა "უმფროსობა", მაგრამ იქ "მიშმაკები" მაინც მრავლად არიან, ამ ეტაპზე ყველას ვერ მისწვდები, გაწმენდითი სამუშაოები არჩევნების შემდეგაც უნდა გაგრძელდეს. ერთ-ერთ რაიონში (შეგნებულად არ ვასახელებ) რამდენიმე ჩინოვნიკის მძღოლი "ნაციონალი" რომ აღმოჩნდა, მაგაზე ვიცინე მაგრად. არა, რა სასაცილო ამბავი ესაა, მაგრამ "ოცნების" ხელისუფლებაში რომ ხარ და მძღოლად `"აციონალი" გყავს, მაინც მაგარია. თან ამ მძღოლის ძმის სახლში ყოველ საღამოს რაიონული მაჭუტაძეების შეკრებები იმართება, ეგეც ხომ ძაან მაგარია? ჰოდა, ბიჭებო და გოგოებო, თქვენ მძღოლებზეც მე რაფერ უნდა ვიფიქრო, მაგრამ რაკი ახლა საქმეს სჭირდება, გადაამოწმეთ, შეიძლება ვინმეს გადაცმული გრიგოლ ვაშაძე, ან გადაცმული მიხო სააკაშვილი აღმოგაჩნდეთ მანქანაში. თუ თავს კარგად გრძნობთ მაგათთან, იმის გაგება მაინც მოახერხეთ, რომ ჯიბეებში "დიქტოფონები" არ ედოთ. კარგად დაიმახსოვრეთ, ეგენი ფარული ჩაწერის დიდოსტატები არიან. მაგალითად, მე უკვე ისე ვარ დაზაფრული, როცა მანქანაში ვჯდები, საგულდაგულოდ ვათვალიერებ, შეიძლება სალონში უცებ მეგი გოცირიძე გამეჩითოს.

აბა, თქვენ იცით, ნუ გეშინიათ, ჩვენ ამ ომსაც მოვიგებთ და მერე პასუხსაც მოგთხოვთ, აქამდე რომ მიგვიყვანეთ, გასაგებია?!

გელა ზედელაშვილი

მეტის ნახვა
26-11-2018, 14:00


გვესაუბრება არასამთავრობო ორგანიზაცია "ყოფილი პოლიტ.პატიმრები ადამიანის უფლებებისთვის" თავმჯდომარე ნანა კაკაბაძე:

_ ქალბატონო ნანა, არჩევნებზე დამდგარი შედეგის მიხედვით, რა მესიჯი გაუგზავნა ხალხმა ხელისუფლებას?

_ ეს გახლდათ ხალხის რისხვა ხელისუფლების მიმართ. არადა, თავისუფალი საქართველოს პერიოდში ასეთი დიდი ნდობა, რაც "ნაცების" შეცვლის შემდეგ მოსულ ხელისუფლებას ჰქონდა, სხვა არ მახსენდება. შედეგად მივიღეთ ის, რაც მივიღეთ. სახელმწიფო გუნდმა არჩევნების დროსაც კი არაფერი გააკეთა იმისთვის, რომ ხმები დაეცვა, რაც ქართველმა ხალხმა მათ მისცა. სამწუხაროდ, კომისიებში, ყველგან, "ნაციონალები" ჰყავდათ და დღემდე ჰყავთ. პროკურატურაში, სასამართლოში, მერიაში, საკრებულოშიდა სხვა სახელმწიფო სტრუქტურებში ყველგან "ნაცმოძრაობაა" გაბატონებული. კომისიებში "ქართული ოცნების" და ასევე, ცენტრალური საარჩევნო კომისიის კვოტითაც, ძირითადად, "ნაცების" წარმომადგენლები იყვნენ. მათ, ფაქტობრივად, არავინ აკონტროლებდა და არ უშლიდა ხელს ეკეთებინათ ის, რაც სურდათ. 

დღეს, ივანიშვილი პოლიტიკურ პროცესებში ძალიან აქტიურად ჩაერთო და ფაქტობრივად, საარჩევნო შტაბს თავად მართავს. მას არამარტო პოლიტიკაში დაბრუნება მოუწია, არამედ პროცესების მართვაც. მან დაინახა, რომ მის მიერ ხელისუფლებაში მოყვანილი ადამიანები ისე გაზულუქდნენ და გათავხედდნენ, რომ არჩევნების დროსაც კი არ გაინძრნენ, რათა მათთვის მიცემული ხმები დაეცვათ. ვფიქრობ, მეორე ტური უფრო მეტად გაკონტროლდება. საზოგადოებამაც დაინახა, რომ მხოლოდ "ქართული ოცნების" იმედად არ უნდა იყოს. ხალხი მიხვდა, რომ საკუთარი მომავალი მათი დასაცავია. ჩვენ, რუსთაველის #34-ში სალომე ზურაბიშვილის მხარდასაჭერად ოფისი გავხსენით, სადაც დიდ მუშაობა მიდის. გაერთიანებული ვართ საზოგადოებრივ საწყისებზე, როგორც შვილმოკლული ოჯახის წევრები ისე, ბიზნეს, ქონებაწართმეული ადამიანები, არასამთავრობო ორგანიზაციები და უბრალოდ, აქტიური მოქალაქეები. ჩავთვალეთ, რომ მეტად მობილიზებულნი უნდა ვიყოთ, რათა ჩვენი ქვეყანა მოსალოდნელი საფრთხისგან დავიცვათ. მოქალაქეებს რომლებიც თავიანთი სახსრებით ვერ ახერხებენ რეგიონებში ჩასვლას და ხმის მიცემას, საშუალებას ვაძლევთ, უფასო ტრანსპორტით გადაადგილდნენ და გააკეთონ არჩევანი. ჩვენი დევიზია _ არა ნაციზმს, არა ფაშიზმს, არა ნაციონალებს! მიუხედავად იმისა, რომ ტელევიზიებით რეკლამირებას ვერ ვახერხებთ, საზოგადოების დიდი ნაწილი მოდის ჩვენს ოფისში და რეგისტრირდება, რათა ქვეყანა დაიცვას. მადლობა ღმერთს ქართულ საზოგადოებას შენარჩუნებული აქვს თვითგადარჩენის ინსტიქტი და მოსალოდნელ საფრთხეს გრძნობს. საზოგადოების გააქტიურება არის სწორედ იმის გარანტი, რომ ჩვენ, აუცილებლად, გავიმარჯვებთ და "ნაციონალების" ხელისუფლებაში დაბრუნებას არ დავუშვებთ. ჩვენი გაერთიანება აღარ დაუშვებს იმას, რომ ეს საფრთხე ოდესმე განმეორდეს. ამის შემდეგ, "ქართულ ოცნებას" მოუწევს ყველა დანაპირების შესრულება, მათ შორის, უმთავრესის _ სამართლიანობის აღდგენა და "ნაციონალების" ხელისუფლებიდან არა ფორმალურად, არამედ რეალურად ჩამოშორება. 

_ ქალბატონო ნანა, ამომრჩევლის 50%-ზე მეტი არჩევნებზე არ წავიდა. როგორ ფიქრობთ, ერი გამოფხიზლდა, მზად არის საკუთარი ხმების დასაცავად?

_ საზოგადოება თვითორგანიზებულია. გავხსენით თუ არა ოფისი სახელწოდებით _ არა ნაციზმს, უცებ, აღმოვაჩინეთ, რომ ძალიან მალე მსგავსი ოფისები გაიხსნა რუსთავში, ქუთაისში და სხვა დიდ ქალაქებში. ასეთი ორგანიზაციები მასშტაბურად ფუძნდება, რომლებიც მიმართულია იმისკენ, რომ თავად ხალხმა გააკეთოს ყველაფერი იმისათვის, რომ გადავრჩეთ. ვინ გაიმარჯვა 2012 წელს? _ ამაში ბიძინა ივანიშვილის დიდი ღვაწლი იყო, მაგრამ ხალხის როლსაც ნუ დავივიწყებთ. ეს იყო აჯანყება, რომელიც ქართველმა ხალხმა ამ პროვინციულ ფაშიზმს მოუწყო და კიდეც დაამარცხა. მაშინ ხალხი საარჩევნო უბნებთან მივიდა და "ნაცმოძრაობას" უარი უთხრა. დღეს, საზოგადოებაში ზუსტად ანალოგიური გამოფხიზლებაა. ხალხმა ზუსტად იგივე საფრთხე იგრძნო და მიხვდა, რომ ქართული სახელმწიფო და საკუთარი მომავალი მათი დასაცავია. სწორედ ამის იმედი მაქვს, თორემ, "ნაციონალური მოძრაობიდან" პორტირებული ადამიანები, რომლებიც დღესაც საბოტაჟის მდგომარეობაში იმყოფებიან, რა თქმა უნდა, ქართული სახელმწიფოსთვის არაფერს გააკეთებენ. ხალხმა უნდა გავაკეთოთ ჩვენი არჩევანი _ არა ფაშიზმს, არა ნაციზმს და გამარჯვების მერე ხელისუფლებას "ნაცებთან" კოაბიტაციური არსებობის საშუალება არ უნდა მივცეთ. თუმცა, ამას კოაბიტაცია არც ქვია. კოაბიტაცია არ ნიშნავს ხელისუფლების კრიმინალთან თანაარსებობას. კოაბიტაცია არ არის ის, რასაც დღეს ქართულ პოლიტიკაში ვხედავთ _ კრიმინალების ყოფნას. ეს არის დანაშაული. "ქართულმა ოცნებამ" პასუხი უნდა გაგვცეს, რატომ დაუშვეს კრიმინალები პოლიტიკაში. მჯერა, ქართველი ხალხი ბოლომდე გაწმენდს პოლიტიკურ სივრცეს კრიმინალებისგან. ეს ორგანიზებული საზოგადოება არის გარანტი იმისა, რომ ქართული სახელმწიფო გადარჩება და გაიმარჯვებს.

_ "ნაცების" გამარჯვების შემთხვევაში არსებობს აგრესიული რევანშის საფრთხე. რა ძალას წარმოადგენენ "ნაციონალები"?

_ არ მგონია, რომ ეს ძალა დღეს გაშიფრული არ იყოს. უდაოა, რომ "ნაცმოძრაობა" სრულიად რუსეთის მიერ მართული და მათ მიერ მხარდაჭერილი ძალაა დაწყებული 2003 წლიდან დღემდე. `"ვარდების რევოლუციის" დროს ყველას კარგად გვახსოვს ვინ ჩამოვიდა რუსეთიდან და გვერდით დაუდგა "ნაცმოძრაობას", რათა მათ გაემარჯვნათ. გრიგოლ ვაშაძის საარჩევნო შტაბი, აბსოლუტურად, რუსულია, იქ, ქართულ სიტყვასაც კი ვერ გაიგონებთ, არათუ რაიმე ქართულ აზრს ან იდეას. მთლიანად რუსული კამპანია, პიარი, პოლიტიკა მიდის. ეს უკვე ღია თამაშია პრო-დასავლურსა და რუსულ პოლიტიკას შორის. ხალხი ხედავს: ვაშაძე თავად აღიარებს, რომ მისი მშობლიური ენა ქართულთან ერთად რუსულიც არის. იგი, თავისი აზროვნებით, ოჯახით, შვილით, რომელიც დღემდე რუსეთის მოქალაქეა და ქართული ერთი სიტყვა არ ესმის, პრო-რუსია. მას რუსული ორიენტაციისა და აზროვნების ოჯახი ჰყავს. ვაშაძის სახით რუსი ფიგურები, რუსული სპეცსამსახურების, კაგებეს ნომენკლატურები ღიად არიან ჩართულნი ქართული პოლიტიკური სივრცის შესაცვლელად. აქ, გასაშიფრი არაფერი არ არის, ღია თამაშს ეწევიან. გაიძახიან: რუსები არ ვართო, მაგრამ ღიად, ლუსტრირებულად გვაჩვენებენ, რომ რუსეთი მოდის, რაც იკვეთება ვაშაძის შტაბიდან დაწყებული მისი ოჯახის წარმომავლობით დამთავრებული. ის აქტიურობა, რაც დღეს საზოგადოებისგან გამოიხატა სწორედ გარანტია იმისა, რომ საქართველო რუსულ წიაღში დაბრუნებას აღარ დაუშვებს და შეეცდება ცივილიზებული სამყაროს ნაწილი იყოს, რაც თავისთავად, გამორიცხავს პოლიტიკაში ვაშაძესთან თანაარსებობას. ასე, რომ მეორე ტურს იმედიანად ვუყურებ და დარწმუნებული ვარ, იგი, არა რომელიმე კანდიდატის, არამედ ქართველი ხალხის გამარჯვებით დამთავრდება. 

_ "ნაცმოძრაობა" ბინძურ პიარ-კამპანიას არ ეშვება. მათ დამოუკიდებელი კანდიდატის წინააღმდეგ ქართული ჯარის ამხედრებაც კი მოახერხეს.

_ დიახ, "ცმოძრაობა" პირდაპირ საბოტაჟს მიმართავს. სამწუხაროდ, ეს საბოტაჟი, რაც ქვეყანაში ახლა ხდება, "ქართული ოცნების" პოლიტიკის შედეგია. სალომე ზურაბიშვილის კი არა, ეს, რეალურად საქართველოს წინააღმდეგ ამხედრებაა, რათა ჩვენი ქვეყანა კრიმინალურმა ძალამ დაიპყროს. სამშობლოს ზოგი გულუბრყვილოდ, ზოგიც შეგნებულად ყიდის. ოდითგანვე ასეა: საქართველოს შინაური მტრები ყოველთვის უფრო მეტად აზიანებდნენ და აზარალებდნენ, ახლაც, ასე ხდება. ყველაზე დიდი მტერი, რაც დღეს საქართველოს ჰყავს, არის "ნაცმოძრაობა", რომელიც ქვეყანას უფსკრულისკენ მიაქანებს. მჯერა, აქაც ქართული გენი გაიმარჯვებს და ღვთისმშობლის წილხვედრი ქვეყანა არ გაიწირება. უფალი არ დაუშვებს, რომ ქართული სახელმწიფო გადაშენდეს, რაც ავტომატურად, ნაცების დამარცხებას ნიშნავს.

_ ნაცები გვეუბნებიან: დავივიწყოთ 9 წლიანი რეჟიმიო. განა ეს შესაძლებელია?

_ დიახ, "ნაცმოძრაობა" სულ ამას გაიძახის: ნუ გვახსენებთ ამ ცხრა წელს, რაღადროს ეგ არისო. კი მაგრამ ჩადენილი დანაშაულებებისთვის პასუხი აგეს? გერმანულმა ფაშიზმმა ხომ აგო პასუხი, იქ, განაჩენიც გამოიტანეს, მაგრამ ერი ფაშიზმს არ ივიწყებს იმიტომ, რომ ეს აღარასდროს განმეორდეს. როგორ შეიძლება ისეთი დანაშაულებების დავიწყება, რაც "ნაცმოძრაობამ" ჩაიდინა?! დავივიწყოთ, რათა იგივე ჯოჯოხეთი კიდევ მოგვიწყონ? რას ნიშნავს დავივიწყოთ. დავივიწყოთ კი არა, მათი ქმედებების შესახებ ჩვენმა შთამომავლობამ უნდა გაიგოს, რათა ის, რაც ნაცების დროს ხდებოდა, აღარასდროს განმეორდეს.

ამ პროცესებმა ძალიან ბევრი სიბინძურე ამოატივტივა _ ხელისუფლებაში დაშვებული შეცდომები და სახელმწიფოს მტრების უზარმაზარი არმია, რომლებიც სერიოზულ დონეებზე არიან მოკალათებული, მათ შორის, მედიაში, პოლიტიკაში, სამოქალაქო სექტორში. ეს ქართველმა ხალხმა კარგად უნდა გაიაზროს. ცვლილება ყველა რგოლს უნდა შეეხოს და მთელი სპექტრი გაიწმინდოს ფაშისტური წარმონაქმნებისგან და ფაშისტური რეჟიმის მხარდამჭერებისაგან. ყველა მიმართულებით უნდა მოხდეს ანტიქართული ძალების ჩამოშორება. დიდი მადლობა "საერთო გაზეთს" და ბატონ ვახტანგს იმისათვის, რომ ინარჩუნებთ სისუფთავეს, იბრძვით ქვეყნის მომავლისა და თავისუფლებისთვის.

თამარ შველიძე

მეტის ნახვა
26-11-2018, 10:00


,,საერთო გაზეთის” სტუმარია ანალიტიკოსი სამხედრო-პოლიტიკურ და უსაფრთხოების საკითხებში, გენერალი ამირან სალუქვაძე.

- ბატონო ამირან, მოგეხსენებათ,,, ნაციონალურმა მოძრაობამ” თავისი წინა საარჩევნო კამპანია, ფაქტობრივად, სალომე ზურაბიშვილის ერთ გამონათქვამზე ააგო, რომელიც 2008 წლის აგვისტოს ომის დაწყების საკითხს შეეხება. ნაცმოძრაობა საქმეს ისე წარმოაჩენს თითქოსდა ზურაბიშვილის ამ განცხადების გამო ჰააგის სასამართლოში საქართველომ შეიძლება წააგოს პროცესი და ქართველი სამხედროები და სხვა პირები დაექვემდებარონ, ასე ვთქვათ, მძიმე სანქციებს. რას იტყვით ამაზე?

– ახლა მოგახსენებთ რასთან გვაქვს საქმე – ჰააგის სასამართლო განიხილავს ომის დანაშაულებს და არა იმას თუ ვინ დაიწყო ომი. ეს ერთი, მეორეც, მე ვერ ვიპოვე და ვერც ვერავინ წარმომიდგინა სალომე ზურაბიშვლის განცხადება ომის დაწყებასთან დაკავშირებით, სადაც ის ამბობს, რომ საქართველომ დაიწყო ომი, მაგრამ დღეს, მეტ აქცენტს აკეთებენ არა ამაზე, არამედ ცხინვალის დაბომბვაზე, რომ ჩვენ დავბომბეთ ცხინვალი. სხვათა შორის, მსგავსი განცხადებები უამრავ ქართველ პოლიტიკოსს აქვს გაკეთებული და ამის გამო ქვეყანა არ დაუნგრევიათ. აღსანიშნავია, რომ სალომე ზურაბიშვილის ძირითადი ოპონენტი გაცილებით მწვავე შინაარსის განცხადებებს აკეთებდა, ვიდრე ზურაბიშვილი, დიახ, ის აცხადებდა, რომ რუსეთი არაფერ შუაშია და ა.შ.და ა.შ. ბოლო დროს მისი ახალი ინტერვიუც გავრცელდა, რომელსაც არავინ უარყოფს, უბრალოდ, მათ უნდათ დაგვიმტკიცონ, რომ ზურაბიშვილის განცხადებას იყენებენ ჰააგაში და სხვის განცხადებებს კი არ იყენებენ. აი, აქ მინდა აღვნიშნო, რომ ბატონი ვაშაძის ინტერვიუ, რომელიც ახლახან გავრცელდა, მაშინ იქნა ჩაწერილი როცა ვაშაძე საქართველოს მოქმედი საგარეო საქმეთა მინისტრი იყო, ხოლო სალომე ზურაბიშვილი კი ექსმინისტრი. აი, ამას კი ძალიან დიდი მნიშვნელობა აქვს. და ამაზე ისინი არაფერს ამბობენ, ესეც ორმაგი სტანდარტი წინასაარჩევნოდ და სხვა არაფერი.

ახლა საუბრობენ იმაზე სალომე ზურაბიშვილი, რომ გახდება პრეზიდენტი შესაძლოა მან იგივე განცხადება გააკეთოს და სახელმწიფო მეთაურის რანგში მისი განცხადებები უფრო დამაზიანებელი იქნებაო და ხომ შეიძლება იგივე განცხადება გრიგოლ ვაშაძემაც გააკეთოს? ამაზე არავინ სვამს კითხვას. მე ასეთ რამეებზე ცოტა უხეშად ვიტყვი – არ ვბოლდები. და აქ მინდა აუცილებლად აღვნიშნო, რომ სალომე ზურაბიშვილის იმ განცხადებას, რაც მან ძმათა სასაფლაოზე გააკეთა, არ ვეთანხმები, მიუხედავად იმისა ჩვენ დავბომბეთ ცხინვალი თუ არა. ძმათა სასაფლაო პოლიტიკური განცხადებების გაკეთების ადგილი არ არის, ამაზეც ბევრჯერ მისაუბრია, მაგრამ რატომღაც ჩვენს პოლიტიკოსებს ეს არ ესმით.

ახლა რაც შეეხება ცხინვალის დაბომბვის თემას და ამის გამო, მისი განცხადების გამო ზურაბიშვილისთვის მოღალატის იარლიყის ჩამოკიდებას. მოღალატე რას ნიშნავს? იმას რომ მას უნდა ჰქონდეს ჩადენილი ღალატი. ღალატი არის კონკრეტული სისხლის სამართლის დანაშაული, რომელიც უნდა დაადგინოს სასამართლომ, ისევე როგორც მკვლელობა, ქურდობა, ძალადობა და ა. შ. სასამართლოს განჩინების შემდეგ შეიძლება უკვე, რომ კონკრეტულ პირს, დამნაშავეს ვუწოდოთ მკვლელი, მოღალატე, მოძალადე და ა. შ. ანუ ჩვენ აქაც ვარღვევთ ყველანაირ სტანდარტს და ადამიანები, რომლებიც საუბრობენ დასავლურ ღირებულებებზე და ყველა დამნაშავის მიმართ მკვლელი იქნება თუ მოძალადე იცავენ უდანაშაულობის პრეზუმციას, რატომღაც სალომე ზურაბიშვილთან მიმართებაში ეს სტანდარტი მთლიანად დაირღვა, რასაც ასევე არ ვეთანხმები. ხაზს ვუსვამ, მე არ ვიზიარებ არც მის განცხადებას, ასევე არც იმას რა დევნაც მოუწყვეს მას და მის ოჯახს.

და თუ მოღალატეა და ღალატს ჰქონდა ადგილი, მაშინ უჩივლონ სასამართლოში, ან მიმართონ პროკურატურას, რატომ არ აკეთებენ ამას? დიახ, რატომ არ უჩივიან? უჩივლოს პოლიტიკურმა პარტიამ ან ფიზიკურმა პირმა, აქამდეც უნდა ეჩივლათ, მაგრამ ღალატს ვერ დაამტკიცებენ, და გეტყვით რატომ.
გარდა ტალიავინის კომისიისა, რომელზეც ყველა საუბრობს 2008 წლის 2 ოქტომბერს ევროსაბჭოს საპარლამენტო ასამბლეამ მიიღო რეზოლუცია, რომელ რეზოლუციასაც საქართველოს წარმომადგენლებმა მოაწერეს ხელი, რაც ვთვლი, რომ შეცდომა იყო. 
საზოგადოებამ უნდა იცოდეს ეს ყველაფერი და ჩემი აზრით, ალბათ ერთმა პროცენტმა თუ იცის რაზე გვაქვს საუბარი და რაზე გვაქვს ხელი მოწერილი საერთოდ. აი, სწორედ ეს რეზოლუცია იქნება ის, რაც შესაძლოა ჩვენ წინ დაგვიდონ ძალიან ცუდად, იგივე სტრასბურგის სასამართლოში, სადაც სასამართლო განხილვები ფაქტობრივად, დასრლებულია და, რა თქმა უნდა, მოსამართლეების მიერ გადაწყვეტილების მიღებისასაც შესაძლოა გავლენა იქონიოს ამ რეზოლუციამ, თუმცა ჰააგის სასამართლო იხილავს კონკრეტულად ცალკეული პირების მიერ ჩადენილ დანაშაულებებს, კაცობრიობის წინაშე ჩადენილ მძიმე დანაშაულებებს და არა იმას თუ ვინ დაიწყო ომი. რა თქმა უნდა, ეს იქ არავის აინტერესებს, ისევე როგორც ის ჩვენ დავბომბეთ ცხინვალი თუ არა.

ჩვენ დავბომბეთ, რუსებმა თუ უცხოპლანეტელებმა ამას არ აქვს მნიშვნელობა, ხოლო თუ დამტკიცდა, რომ ჩვენმა ქმედებებმა, კონკრეტული პირების ქმედებებმა გამოიწვია გენოციდი, ადგილი ჰქონდა წამების ფაქტებს და სხვა მძიმე დანაშაულებებს, რასაც მთლიანობაში ომის დანაშაულებს ვეძახით, მაშინ რა თქმა უნდა, ცალკეული პირების პასუხისმგებლობის საკითხი დადგება.

- რა მოლოდინი უნდა გვქონდეს, ვის და რა შეიძლება დაემუქროს ამ გამოძიებით?

– ჩვენ სამხედროებს გენოციდი არავისთვის მოუწყია. ომის დანაშაულები ჩვენი სამხედროების მხრიდან არ იკვეთება, ახლა თუ ტანკით გადაადგილება და არტილერიის ან სხვა სამხედრო ტექნიკის გამოყენებას ვიგულისხმებთ ეს ომის დანაშაულებად არ ითვლება. ომის დანაშაულებში არის კონკრეტული ჩამონათვალი და ჩვენ ასეთ ფაქტებს არ ვიცნობთ და ვერც დაგვიმტკიცებენ. აი, ჩვენი სამხედროებისა და ჩვენი მოქალაქეების წინააღმდეგ ომის დანაშაულები კი არის ჩადენილი, მათ შორის მძიმე ფაქტები, დაწყებული ეთნიკური წმენდიდან, დამთავრებული ჩვენი სამხედროებისა და მოქალაქეების წამების ფაქტებით. და არსებობს ამის ვიდეო მასალა. შესაბამისად იმის საფრთხეს, რომ ჩვენ სამხედროებს იქ რაიმე დაემუქროს, მე ვერ ვხედავ. 

რაც შეეხება თავად ჰააგის სასამართლოსთან თანამშრომლობას და პროცესს: აქ ორი ვარიანტია, პირველი: უარი ვთქვათ ჰააგის სასამართლოსთან თანამშრომლობაზე, რაც არაგონივრულია, ჩვენ იქ ჩვენ უფლებებს ვერ დავიცავთ და დარჩება ერთი მხარე — რუსეთის და სამხრეთ ოსეთის, გარდა ამისა, შეგახსენებთ, რომ ჩვენ ვალდებული ვართ ვითანამშრომლოთ, თუ არადა უნდა გავიწვიოთ ის ხელმოწერაც და საერთოდ შევწყვიტოთ რომის სტატუტის ფარგლებში თანამშრომლობა. ეს იქნება ძალიან დიდი შეცდომა. შესაბამისად რჩება მეორე ვარიანტი, ჰააგის სასამართლოსთან თანამშრომლობა ბოლომდე სანამ პროცესები არ დასრულდება. და თუ ვთანამშრომლობთ, სასამართლო წარმოუდგენელია ორივე მხარის გამოკითხვის გარეშე ხომ, ამიტომ, რა თქმა უნდა, ამ პროცესზე პროკურორებისა და სასამართლოს გადაწყვეტილებით მოუწევთ მონაწილეობა ჩვენს მოქალაქეებსაც იმისთვის რომ იქ სიმართლე დავამტკიცოთ. ჩვენ ანალოგიურად უკვე ვიმოქმედეთ სტრასბურგის სასამართლოში, სადაც უამრავი ჩვენი მოაქალაქე იყო ჩასული. ამით არაფერი დანგრეულა და არც გაუგია მოსახელეობას რამდენი ასეული მოწმე იქნა იქ ჩაყვანილი და ალბათ, სამხედროებიც. რატომღაც ვფიქრობ, რომ ჰააგის თემა ოპოზიციის მხრიდან წინასაარჩევნოდ გამოიყენება.

დამაინც, რაც შეეხება სამხედროების საკითხს. მე სპეციალურად გავაკეთე ეს შესავალი იმისთვის, რომ ვინც წაიკითხავს მოქმედი თუ თადარიგში მყოფი სამხედრო კარგად გაერკვიოს ამ ყველაფერში და გაიგოს, რომ არავითარი საფრთხე მათ არ ემუქრებათ. სახელმწიფო დაიცავს, როგორც მომქმედ, ისე თადარიგში მყოფ სამხედროს და არა მარტო მათ – მოქალაქეებს. ამაში 100 პროცენტით დარწმუნებული ვარ და თუ ეს ასე არ მოხდება, მე ვიქნები პირველი, ვინც ხმას ამოიღებს. მე აქ საფრთხეებს ვერ ვხედავ და კარგი იქნება თუ მეორე ტურის დარჩენილ პერიოდს მშვიდად ჩავატარებთ. 

ქეთი ხომერიკი

მეტის ნახვა
26-11-2018, 07:30