თელავში ქვეყნის მეხუთე პრეზიდენტის ინაუგურაციის ცერემონია დაიწყო. ფიცის დადების შემდეგ საქართველოს პრეზიდენტი რეგიონში პირველად ქალი გახდება.

ცერემონიას 1500 სტუმარი ესწრება. მათ შორის არიან მაღალი რანგის სტუმრები სხვადასხვა ქვეყნიდან, მოქმედი და ყოფილი პრეზიდენტები.
საქართველოს ისტორიაში პირველად ახალი პრეზიდენტის ფიცის დადებას მისი წინამორბედი ესწრება.
დღეიდან ამოქმედდება საქართველოს კონსტიტუციის ახალი რედაქცია.





 

მეტის ნახვა
16-12-2018, 14:30


ვახტანგ ხარჩილავა:

ე.წ. გაერთიანებულმა ოპოზიციამ ახალი ლოზუნგი წამოაყენა _ ყველა _ 1.
_ 1-ში, ცხადია, ბიძინა ივანიშვილი იგულისხმება…

ანუ ყველას ეს ერთი ბიძინა ივანიშვილი რომ გამოაკლდეს, გაერთიანებული ოპოზიციის აზრით, ქვეყანაში საყოველთაო ბედნიერების, კეთილდღეობის და აღმშენებლობის ეპოქა დაიწყება.
ეს ერთი, ბიძინა ივანიშვილია, ხელს რომ უშლის და ფეხებში რომ ებლანდება თურმე ამ აღმშენებლებს, თორემ მინუს ივანიშვილი და ყველაფერი უსწრაფესად გაპლიუსდება და ივერიაც გაბრწყინდება.

მოდით, ახლა ისიც ვნახოთ, ვინ არიან ეს გამპლიუსებლები, თავიანთ თავს გერთიანებულ ოპოზიციას ისე ამაყად და ისე თავმოწონებით რომ ეძახიან, თითქოს ნახევარი მსოფლიო ჰქონდეთ შემოერთებული.
ვინ არიან და ნიკანორ მელია, პაატა დავითაია, გრიგოლ ვაშაძე, ზურაბ ხარატიშვილი, გიორგი ვაშაძე, შოთა მალაშხია, ბაჩუკი ქარდავა, აკაკი ასათიანი, შალვა ნათელაშვილი, ნიკა მაჭუტაძე, მამუკა კაციტაძე, შალვა შავგულიძე და კიდევ სხვა ვიღაც-ვიღაცები, რომლებიც თავისუფალი გარემარბების როლში გვევლინებიან, გაერთიანებულ ოპოზიციაში ხან შეირბენენ, ხან გამოირბენენ და თვითონაც ხეირიანად რომ არ იციან, სინამდვილეში სად არიან.

აი, ესენი აპირებენ ქვეყნის აშენებას, ოღონდ ერთი პირობით _ მინუს ბიძინა ივანიშვილი!
რამდენი ხანია, სულ ამათი სახელები მესმის, მაგრამ ლაყბობის გარდა ამათი აშენებული ჯერ არავის არაფერი უნახავს და ახლა რა აღმშენებლობითი ნიჭი და ტალანტი დაეფერთხათ თავზე?
უმეტესობა მათგანი ჩამოყალიბებული პოლიტიკური წურბელა და პარაზიტია, რომელთა `მოღვაწეობა~ წურბელობის და პარაზიტობის იქით არ წასულა.

ყველა _ 1, ეს იდიოტური ფორმულა, რომელიც საქართველოს პოლიტიკურ ცხოვრებაში ადრეც ხშირად გაჟღერებულა და ზიანის გარდა სიკეთე არასოდეს მოუტანია ქვეყნისთვის, იმ სუბიექტების ბაგეთაგან, რომლებიც ე.წ. გაერთიანებულ ოპოზიციას წარმოადგენენ, იმდენად სასაცილოდ და კომიკურად ჟღერს, არ შეიძლება სერიოზული ადამიანი არ დააფიქროს: აი, ესენი, ეს ოდიოზური ფიგურები, 20 და 30 კი არა, თუნდაც 2000 და 3000, ერთად რომ გააერთიანო, თუნდაც გადაადნო და ერთ ზოდად ჩამოასხა, ბიძინა ივანიშვილს, მის მიერ გაკეთებულ საქმეებს გადასწონიან?

ყველა _ 1 რომ დაუჩემებიათ ამ პოლიტიკურ არამზადებს და პარაზიტებს, აბა, წარმოვიდგინოთ, როგორი და რანაირი იქნება საქართველო, მინუს ყველა ის საქმე, რაც ბიძინა ივანიშვილს გაუკეთებია ამ ქვეყნისთვის?

საქართველოს მინუს სამების ტაძარი და ბიძინა ივანიშვილის მიერ რესტავრირებული და აღდგენილი უამრავი ეკლესია-მონასტერი, საქართველოს მინუს ბიძინა ივანიშვილის წყალობით გადარჩენილი თეატრები და მუზეუმები, საქართველოს მინუს მის მიერ აშენებული მუსიკალური ცენტრები, სტადიონები, პარკები, გზები, ხიდები, სკოლები, საავადმყოფოები, სხვადასხვა სახის შენობა-ნაგებობები, საქართველოს მინუს ბიძინა ივანიშვილის მიერ რესტავრირებული უნივერსიტეტის I კორპუსი და ოპერის თეატრი, საქართველოს მინუს ბიძინა ივანიშვილის მიერ გადარჩენილი უამრავი სიცოცხლე, საქართველოს მინუს ბიძინა ივანიშვილის პენსიით თუ სტიპენდიით შიმშილით სიკვდილისგან დახსნილი უამრავი ადამიანი, საქართველოს მინუს ბიძინა ივანიშვილის მიერ დაფინანსებული და აწყობილი უამრავი სახელმწიფო სტრუქტურა, საქართველოს მინუს ჯერ შევარდნაძის და მერე სააკაშვილის მიერ თავიანთ აქტივში ჩათვლილი და მისაკუთრებული, მაგრამ სინამდვილეში ბიძინა ივანიშვილის მიერ უხმაუროდ და ინკოგნიტოდ დაფინანსებული ასევე უამრავი სახელმწიფო მნიშვნელობის პროექტი, იდეა, მიმართულება.

დაბოლოს, საქართველოს მინუს 2012 წლის შემოდგომაზე `ნაცმოძრაობის~ კრიმინალურ-ფაშისტურ რეჟიმზე გამარჯვება, რომლის მიღწევა ბიძინა ივანიშვილის თავგანწირვის და თავდადების გარეშე შეუძლებელი იქნებოდა.

ახლა იმაზე დავფიქრდეთ, ზემოთჩამოთვლილი მინუსების შემდეგ რა რჩება იმ საქართველოსგან, რომელსაც ბიძინა ივანიშვილის მიერ გაკეთებული საქმეები გამოვაკელით?

იმდენად მძიმე, უბადრუკ და უღიმღამო სურათს ვიღებთ, რომ ამის წარმოდგენაც კი არ მინდა…

საქართველოს მინუს ბიძინა ივანიშვილი და პლიუს პოლიტიკური მუქთახორები – ამ არითმეტიკით აპირებთ თქვენ ქვეყნის აშენებას, თქვე მართლაც უნიჭო აფერისტებო და ფარისევლებო?



მეტის ნახვა
13-12-2018, 18:00


სანამ პოზიცია და ოპოზიცია ერთმანეთში ბრალდებებს ცვლიან, „პატრიოტთა ალიანსი“ ვაშაძისთვის მიცემულ ხმებს ითვლის. საგანგებო ბრიფინგზე, ირმა ინაშვილმა საქართველოს მთავარ პროკურატურას და შინაგან საქმეთა სამინისტროს მოუწოდა დაიწყოს გამოძიება, ენმ-ს მიერ საპრეზიდენტო არჩევნებზე მიღებულ ხმებთან დაკავშირებით.

„ადგილი აქვს პოლტიკუირ აფერისტობას, რადგან შეუძლებელია 780 ათასი ამომრჩეველი გყავდეს და შენს მიერ ორგანიზებულ მიტინგზე მინიმუმ 30 ათასი მხარდამჭერი არ იდგეს“ – დარწმუნებულია ინაშვილი. გასული კვირის ყველაზე მნიშვნელოვანი თემა უდავოდ, არჩეული პრეზიდეტის ინაუგურაციის ადგილის განხილვა გახლდათ. როგორც მოსალოდნელი იყო, ოპოზიციამ ხელისუფლებას ინაუგურაციის ადგილად თელავის შერჩევა გაქცევად შეაფასა, თუმცა ვალში არც ხელისუფლების მხარდამჭერები დარჩნენ და ნაციონალურ მოძრაობას 2004 წელს ქუთაისში გამართული ინაუგურაცია გაახსენეს.

პოლიტოლოგი გია ხუხაშვილისთვის ინაუგურაციის თელავში ჩატარება სხვა მხრივაც მიუღებელი აღმოჩნდა. მისი თქმით, თელავი სიმბოლურად ქართული მონარქიის, ანუ სახელმწიფოებრიობის დასრულებასთან ასოცირდება და საპრეზიდენტო ეპოქის დასასრულის ასოციაციებს იწვევს. „თუ სიმბოლიკაზე ვსაუბრობთ, მაშინ ეს სიმბოლიკა უფრო ნეგატიურია, ვიდრე პოზიტიური. ეს ქალაქი სიმბოლურად ქართული მონარქიის ანუსახელმწიფოებრიობის დასრულებასთან ასოცირდება. თელავი რა თქმა უნდა, ნამდვილად არის ერთ-ერთი კულტურული ცენტრი და ძალიან მიყვარს, მაგრამ სიმბოლიკა ძირითადად მაინც სევდიანი და ნეგატიური აქვს“ – განაცხადა ხუხაშვილმა.

როგორც ცნობილია, ლეიბორისტული პარტია გაერთიანებული ოპოზიციის ულტიმატუმს შეუერთდა. 5 დეკემბერს „ძალა ერთობაშიას“ წევრები ოპოზიციის სამომავლო გეგმებზე სასაუბროდ „ლეიბორისტული პარტიის“ ლიდერს შეხვდნენ. პარტიის ოფისში გამართული შეხვედრის შემდეგ ოპოზიციურმა პარტიებმა საკონსულტაციო საბჭოს შექმნის გადაწყვეტილება მიიღეს და ხელისუფლებას 3 მოთხოვნას წაუყენეს:

პირველი – საარჩევნო სისტემის ცვლილება და შემდგომი საპარლამენტო არჩევნების სრულად პროპორციულიწესით ჩატარება;
მეორე – საარჩევნო ადმინისტრაციის წესის ძირეული ცვლილება და საარჩევნო გარემოს გარდაქმნა;
მესამე: რიგგარეშე საპარლამენტო არჩევნების ჩატარება“.

გიორგი მარგველაშვილის პრეზიდენტობის ბოლო დღეები არც თუ ისე სასიამოვნო აღმოჩნდა – ნუცუბიძის ქუჩაზე ჩატარებული სპეცოპერაციის შედეგად პრეზიდენტის სიძე და მასთან ერთად მყოფი ძებნილი პირი დააკავეს. გამოძიება მინდია გოგოჭურს, ცეცხლსასროლი იარაღის ჯგუფურად მართლსაწინააღმდეგო შენახვას და დანაშაულის დაფარვას ედავება.

რამდენიმე დღის წინ გაერთიანებული ოპოზიციის წევრს, პუბლიცისტ თაკო ჩარკვიანს სოციალურ ქსელში არც თუ ისე სასიამოვნო სიურპრიზი მოუწყვეს. ფეისბუქის ერთ-ერთმა მომხმარებელმა 2012 წლის ვიდეო გამოაქვეყნა, სადაც ქალბატონი თაკო სააკაშვილის ხელისუფლებას აკრიტიკებს და ციხეებში პატიმრების გაუპატიურებაზე საუბრობს. სოციალური ქსელის მომხმარებელმა რუსიკო ყიფიანმა კი ჩარკვიანს შემდეგი შინაარსის სტატუსით მიმართა: „ქ-ნო თაკო, ვინაა ბიძინას მონა?

თქვენ ძმას 5 ოპერაცია დაუფინანსა ისრაელში, ძმა გაგიცოცხლა, მამათქვენი იღებდა მისგან 5 000-ს, მისი დასაფლავების ხარჯები გაიღო, მიხვედით მამაჩემის ხელფასი დედაჩემს დაუტოვეთო … კიდევ რამდენი არ ვიცით… და ჩვენ ვართ ბიძინას მონები? აბა, დაფიქრდით! (ქმარი კი მილიონერი გყავთ, უხერხული ხომ არაა?)მისი მისამართით გამოთქმულ კრიტიკას ჩარკვიანი მშიდადშეხვდა და განაცხადა, რომ ყველაფერი კარგად ახსოვს, უსამართლობას ყოველთვის ებრძოდა და მის ოჯახს არავის ვალი არ აქვს. პირიქით, მათთან ვალში სახელმწიფოა, რომელმაც ოჯახის ბიზნესი „შეიტყაპუნა“ (სავარაუდოდ, საუბარია, სააკაშვილის ხელისუფლების დროს წართმეულ ბიზნესზე)

ბოლო დღეებში გაერთიანებული ოპოზიციის ერთიანობას ბზარი შეეპარა. „აღარ ვაპირებ არანაირ აქციაში მონაწილეობას, რომელზეც გრიგოლ ვაშაძეს მიესალმებიან, როგორც საქართველოს პრეზიდენტს“ – ამის შესახებ„ნაციონალური მოძრაობის“ წევრმა სალომე სამადაშვილმა ფეისბუკის პირად გვერდზე განაცხადა. სამადაშვილის განმარტებით, ეს მხოლოდ აზიანებს ოპოზიციის ინტერესებს როგორც ქვეყნის შიგნით, ასევე მის ფარგლებს გარეთ.

სავარაუდოდ, „ნაციონალური მოძრაობის“ სხვა წევრები თანამებრძოლის პოზიციით არ აღფრთოვანებულან, რადგან იმავე დღეს ნინო კალანდაძემ ფეისბუქის პირად გვერდზე შემდეგი შინაარსის სტატუსი გამოაქვეყნა:

„შეირყა გემი და გამოჩნდნენ პირველი ვირთხებიც? არცთუ პარადოქსალურად სულ ერთი და იგივე ვირთხებია ესენი ოღონდ. ტრადიციულად, ორიგინალურობით არც ახლა გამოირჩევიან”. ძნელი მისახვედრი არ უნდა იყოს, ვირთხებში ვინ იგულისხმება, თუმცა „ნაციონალური მოძრაობის“ კიდევ ერთი წევრი თინა ბოკუჩავა პარტიაში განხეთქილებას მთლიანად გამორიცხავს. „არანაირი განხეთქილება, ეს დარჩება ივანიშვილის აუსრულებელ ოცნებად“ – განაცხადა ბოკუჩავამ. „ძირს კინკლაობა! ერთიანობის დროა! ან თქვენ გადაარჩენთ ქვეყანის დემოკრატიის მომავალს, ან ავტოკრატია გადაგვყლაპავს ყველას ერთად და მოგვისპობს ხვალინდელ დღეს“ – ასე გამოეხმაურა ტელეკომპანია “რუსთავი2-ის” გენერალური დირექტორი მომხდარს.
სასოფლო სამეურნეო მიწების უცხოელებზე გაყიდვაზე დაწესებული მორატორიუმის შეჩერებას „ქართულმა მარშმა“ იუსტიციის სახლთან გამართული აქციით უპასუხა.

აქციის ერთ ერთი ორგანიზატორი დიმიტრი ლორთქიფანიძე აცხადებს, რომ მათი მოთხოვნების შეუსრულებლობის შემთხვევაში მარში ქვეყნის მთელ ტერიტორიაზე მშვიდობიან აჯანყებას მოაწყობს. „ეს იქნება ლეგიტიმურიკონსტიტუციური აქტი“- აცხადებს დიმიტრი ლორთქიფანიძე.

შეგახსენებთ, რომ უცხოეთის მოქალაქეებზე მიწების გასხვისების მორატორიუმი ძალადაკარგულად გამოცხადდა, თუმცა შეზღუდვები მხოლოდ 16 დეკემბრამდე მოიხსნა, რადგან პრეზიდენტის ინაუგურაციის შემდეგ ახალიკონსტიტუცია ამოქმედდება, რომელიც სასოფლო-სამეურნეო დანიშნულების მიწების უცხოეთის მოქალაქეებზე გასხვისების შესახებ შეზღუდვებს კვლავ აწესებს. საპროტესტო აქციის მონაწილეებიცდილობენ არ დაუშვან 16 დეკემბრამდე დარჩენილ დროში მიწების უცხო ქვეყნების მოქალაქეებზედარეგისტრირება.

„ღმერთი არავის გაუწყრესდა ამ 6 დღეში სანამ ახალი კონსტიტუცია შევა ძალაში, 1 სანტიმეტრი ქართული მიწა არ გაიყოდოს დაინაუგურაცია სამოქალაქო პანაშვიდებში არ გადაიზარდოს … ეგ მიწა ჩვენი ისეა, როგორც თქვენი და ეხლაპოლიტიკოსობანას თამაში არ დაიწყოთ, დილიდან და რამე არ მოხდეს, კარგად გაითვალისწინეთ“ – წერია „ქართული მარშის“ მიმართვაში.

აქციების პარალელურად, ცნობილი ხდება, რომ საზოგადოებრივი მოძრაობა “ქართული მარში” შეიძლება პოლიტიკურ ორგანიზაციად ჩამოყალიბდეს და საპარლამენტო არჩევნებში სხვა პოლიტიკურ გაერთიანებებთან ერთად, ბლოკის სახით მიიღოს მონაწილეობა. ამის შესახებ მოძრაობის ერთ-ერთმა ლიდერმა კონსტანტინე მორგოშიამ განაცხადა.

ალეკო ელისაშვილი ახლად დაფუძნებული სამოქალაქო მოძრაობისთვის კეთილსინდისიერ ადამიანებს ეძებს. ელისაშვილი ამბობს, რომ მოძრაობის წევრთა რიგებში მიიღებს ყველა მსურველს, ვინც მხოლოდ ორ კრიტერიუმს დააკმაყოფილებს: პროფესიონალიზმი და კეთილსინდისიერება.

ბოლო დღეებში მედია აქტიურად განიხილავს მთავრობაში მოსალოდნელი საკადრო ცვლილებების თემას. ერთ-ერთი ვერსიით, არჩეული პრეზიდენტის ინაუგურაციის შემდეგ, შესაძლოა, თანამდებობები დატოვონ პრემიერ მინისტრმა მამუკა ბახტაძემ, თავდაცვის მინისტრმა ლევან იზორიამ და რეგიონული განვითარების და ინფრასტრუქტურის მინისტრმა მაია ცქიტიშვილმა. მამუკა ბახტაძის შემცვლელად შინაგან საქმეთა მინისტრ გიორგი გახარიას მოიაზრებენ. გახარიას ადგილზე შესაძლოა, ალეკო ტაბატაძე ვიხილოთ. მაია ცქიტიშვილს სავარაუდოდ, სოფლის მეურნეობის ყოფილი მინისტრი ოთარ დანელია შეცვლის. იზორიას შემცვლელად მედიამ უკვე დაასახელა იმერეთის გუბერნატორი შავლეგო ტაბატაძე. რამდენი მინისტრი დაკარგავს პოსტს მამუკა ბახტაძის კაბინეტში, სავარაუდოდ, ახალი წლის შემდეგ გახდება ცნობილი.

და ბოლოს, ერთი სასიამოვნო ინფორმაცია, ავსტრიის პრეზიდენტის შვილი საქართველომ იმდენად მოხიბლაა, რომ საცხოვრებლად ჩვენს ქვეყანაში გადმოდის. ავსტრიის მოქმედი პრეზიდენტის ალექსანდრ ვან დერ ბელენის შვილმა ფლორიან ვან დერ ბელენმა 2018 წლის მაისში საკუთარი კომპანია დააარსა და ახლა უკვე საქართველოში საცხოვრებლად გადმოსვლასაც გეგმავს. „ჩემი ნარატივი საქართველოზე აღვიძებს სიყვარულს ამ ქვეყნის მიმართ პოტენციურ ინვესტორებში და საინვესტიციო შესაძლებლობებს აცნობს მათ. ევროპელებს საქართველო დღემდე ეგზოტიკურ ქვეყანად მიაჩნიათ, თუმცა აქ ჩამოსვლის შემდეგ რწმუნდებიან, რომ ეს ასე არ არის. საქმიან ადამიანებს საქართველოს ლიბერალურ გარემოსა და შესაძლებლობებზე ვუყვები.“ „როდესაც ავსტრიაში დავბრუნდი, ვერც კი ვიძინებდი. რაღაც მოსვენებას არ მაძლევდა. იცით, როგორ ვიყავი?! აი, განსაკუთრებულ ადამიანთან შეხვედრის შემდეგ რომ აცნობიერებ, რომ შეყვარებული ხარ მასზე“ – აცხადებს ერთ-ერთ ინტერნეტ გამოცემასთან ინტერვიუში ფლორიანი.

ნელი თორდია

მეტის ნახვა
13-12-2018, 11:00


"საერთო გაზეთის" სტუმარია მხატვარი შოთა გლურჯიძე:

_ ბატონო შოთა, როგორ შეაფასებთ 2018 წლის არჩევნების I და II ტურებს?

_ ამ საკითხზე ძალიან დუალისტური დამოკიდებულება მაქვს. დადებითია ის, რომ არჩევნებში დამოუკიდებელმა კანდიდატმა გაიმარჯვა. მეორე ტურში "ქართული ოცნება", ფაქტობრივად, ცდილობდა ხალხისთვის საკუთარი თავი გაეხსენებინა და ეთქვა, რომ არჩევნები მანაც მოიგო. ჩვენ, ძალიან მძიმე ბრძოლაში სახალხო პრეზიდენტი მივიღეთ. ეს რაც შეეხებოდა დადებით მხარეს. უარყოფითი ის გახლავთ, რომ ამ ყველაფრიდან არანაირი დასკვნები არ იქნა გამოტანილი. ვფიქრობ, ქალბატონი სალომე, აბსოლუტურად, დამოუკიდებელი პოლიტიკური ფიგურა იქნება. იგი დამოუკიდებელი ადამიანია, ძნელად შეიძლება ვინმემ საკუთარ დღის წესრიგზე გადაიყვანოს. იმედია, კონსტიტუციის ფარგლებში, სალომე ზურაბიშვილი საკუთარი დღის წესრიგის განმსაზღვრელი იქნება, ზღვარს არ გადავა და როგორც ევროპელი ადამიანი წესებს დაიცავს. 

ამ გარემოებაში ძალიან დიდი შანსია, პრეზიდენტმა ხელისუფლებასა და ხალხს შორის ჩატეხილი ხიდის გამთელების როლი შეასრულოს, რაც ჩემი აზრით, მეტად შეესაბამება ქართველი ხალხის ეროვნულ ამოცანებს, ვიდრე "ქართულ ოცნებასა" და "ნაციონალურ მოძრაობას" შორის ატეხილი კინკლაობა. ასე თუ გაგრძელდა და "ქართული ოცნება" არ გამოფხიზლდა, ის და "ნაცმოძრაობა" როგორც კარტოფილი ხახვში ერთად მოიხრაკებიან. ეს არის ჩემი პროგნოზი. სალომე ზურაბიშვილის პრეზიდენტობით შესაძლებელია სხვა დღის წესრიგი გაჩნდეს, შეიქმნას ხალხის ოცნებებისა და სურვილების გამხმოვანებელი მესამე ცენტრი. ჩვენ, ქართველი ხალხი ცალკე უნდა განვიხილოთ. თუ ქალბატონი სალომე შეძლებს ხალხს კიდევ უფრო მეტად დაუახლოვდეს. ზურაბიშვილი შეიძლება ქართველი ხალხის უპირობო ლიდერი გახდეს. თუ სწორად მოიქცევა, მას ამის შანსი აქვს. მისი პირველი ნაბიჯი ძალიან მომეწონა, როცა გამარჯვების შემდეგ საპატრიარქოში უწმინდესს შეხვდა და თქვა: ახლა, ვიგრძენი, რომ საქართველოს პრეზიდენტი ვარო. ეს ძალიან სიმბოლური, სწორი გზავნილი იყო. მას სწორად აქვს აღქმული, რა უნდა ხალხს. ქართველი ხალხის სურვილებისა და მისწრაფებების გამომხატველი ჩვენი სამოციქულო ეკლესია მუდამ იყო, ამაში ეჭვი არ მეპარება. ის ფაქტიც, რომ მან ადმინისტრაციის უფროსად აირჩია ადამიანი, რომელიც ქართულ ეკლესიასთან კავშირშია, ძალიან მახარებს. ანუ, ზურაბიშვილმა, არჩევანი ამ ჭინკა ლიბერალების წრიდან არ გააკეთა. ლაშა ჟვანიას კარგად არ ვიცნობ, მაგრამ არ მგონია პატრიარქის გვერდით ყოფილიყო ადამიანი, რომელიც ქართველი ხალხისთვის მიუღებელი იქნება.

_ ბატონო შოთა, მთავარ ოპოზიციურ პარტიად კვლავ "ნაცმოძრაობა" რჩება. გამოდის, იმავე ჯადოსნურ წრეზე ვტრიალებთ?

_ მოდით ვთქვათ: "ნაცმოძრაობა" ეს არის ცალკე "შპს" _ შეზღუდული პასუხისმგებლობის და აზროვნების საზოგადოება. მეორე მხარეს კი არის ქართველი ხალხი თავისი ტრადიციული პრობლემებით, ადათით, წესით. ჩვენ, სხვადასხვა ხალხი ვართ, შეიძლება თამამად ითქვას, რომ სხვადასხვა ნაცია ვართ. 

_ ბატონო შოთა, 800 ათასამდე ადამიანმა მხარი ვაშაძეს დაუჭირა. ამას რა ახსნა აქვს?

_ ამ ხალხიდან უმეტესმა ნაწილმა მხარი "ქართულ ოცნებას" იმიტომ დაუჭირა, რომ მათ "ნაცმოძრაობის" მობრუნება არ უნდოდათ. მე, მხარი დავუჭირე ქალბატონ სალომეს. ფაქტობრივად, საარჩევნო კამპანიის პერიოდი დისტანცირებულად გავიარე, მაგრამ დახმარებასაც ვცდილობდი. ქართველი ხალხიც, ალბათ, ამ პოზიციაზეა. უნდა აღინიშნოს, რომ ორივე ძალას დიდი მატერიალური რესურსი აქვს _ "ქართული ოცნების" უკან დგას ბიძინა ივანიშვილი დიდი ფულით და "ნაცების" უკან დგას მიხეილ სააკაშვილი ასევე დიდი ფულით. ამ არჩევნებზე ადგილი არ ჰქონდა ერთგულებას როგორც ეს ლევან გაჩეჩილაძისდროინდელი არჩევნების დროს იყო. ქართველი ხალხი ლევან გაჩეჩილაძეს მართლა გულით აძლევდა ხმას იმიტომ, რომ მასში ქართველ კაცს, მათი პრობლემების, ჭირ-ვარამის გამზიარებელს ხედავდა. თუმცა, ვიმეორებ, ამ არჩევნებზე "ქართულმა ოცნებამ" კი არა, არამედ ქართველმა ხალხმა და მისი სახით, სალომე ზურაბიშვილმა გაიმარჯვა. მან არ უნდა ჩათვალოს, რომ "ქართულ ოცნებასთან" რაიმე ვალდებულება აქვს. პირდაპირ ვაცხადებ: ქალბატონო სალომე, მე, "ქართული ოცნებისთვის" არ მიმიცია ხმა, არამედ ხმა თქვენ მოგეცით, როგორც ქართული ეროვნული პოზიციის, ემიგრაციის ღირსეულ წარმომადგენელს. ჩემთვის ეს ძალიან მნიშვნელოვანი არჩევანი იყო.

_ წინ 2020 წლის არჩევნებია, ასე თუ გაგრძელდა გამორიცხული არ არის "ნაცმოძრაობის" მხარდამჭერების რიცხვი გაიზარდოს.

_ მეტი არაა ჩემი მტერი "ნაცმოძრაობა" გაძლიერდეს. მათ ქართველი ხალხის გულების მოგება არ ძალუძთ. იმედი მქონდა, რომ მმართველ გუნდში პრაგმატულად მოაზროვნე ხალხი იყო, მაგრამ როგორც ცხენები რომელთაც შორებს უკეთებენ, რათა მარტო ერთ მხარეს იყურონ, ქართული ოცნებაც~ ასეა _ გვერდზე ვერ იყურება. "ქართული ოცნებისთვის" ისევე მისაღები აღმოჩნდა სინგაპურის მოდელი, როგორც მიხეილ სააკაშვილისთვის. სინგაპურში ორივე ძალა ვირტუალურ სინგაპურში ცხოვრობს, რომელიც საქართველო არ არის. სულ, ალბათ, 150 კაცი იქნაბა, ხომ. როგორმე ამ 150 კაცის სინგაპურში პორტირება უნდა მოვახდინოთ, ჩვენ კი საქართველოში ვიცხოვროთ. ახლა, დიდი ამბით გვამცნეს, რომ 2019 წელს დედა ენას დააბრუნებენ. შედგება კომისია, რათა დედა ენის რევიზია მოახდინონ. ამდენი საუკუნეა საქართველოში დედა ენის რევიზია არ მომხდარა და ახლა, ზოიძეები და სხვანი ისეთი ჭკვიანები არიან, რომ დედა ენის რევიზია უნდა მოახდინონ?! ეს არის სამარცხვინო.

_ ბატონო შოთა, "ქართული ოცნება" პორტირებული წევრებისგან უნდა გაიწმინდოს?

_ კი ბატონო, მაგრამ ვინ უნდა გაწმინდოს? ჩვენ შევქმნათ ახალი დღის წესრიგი. თუ ამაში ქალბატონი სალომე დაგვეხმარება, მადლობას გადავუხდით და გვეცოდინება, რომ სწორი არჩევანი გავაკეთეთ. 

ხალხი ეკონომიურად ძალიან მძიმე სიტუაციაშია, განსაკუთრებით, ინტელიგენცია, რომელიც ასფალტზე ხახვს და კარტოფილს ვერ მოიყვანს. შესაბამისად, ინტელიგენცია ძალიან მძიმე მდგომარეობაშია. ამიტომ, იმ ძალის ფორმირება, რაზეც ზემოთ ვისაუბრე, ძალიან ძნელია. იმედი არ მაქვს, რომ ამას 2020 წლამდე მოვახერხებთ. შეიძლება პოლიტიკურ ძალებს კიდევაც აწყობთ არჩევნების უფრო ადრე ჩატარება იმიტომ, რომ ქართველმა ხალხმა ძალა ვერ მოიკრიბოს. მოთხოვნა რაც "ნაცმოძრაობიდან" გაისმა _ დაინიშნოს ვადამდელი არჩევნები, შეიძლება "ქართულ ოცნებასაც" აწყობდეს. ასე მგონია, 2020 წლამდე ვერც "ქართული ოცნება" მიაღწევს და ვერც "ნაცმოძრაობა". ახალი ძალა უნდა გამოჩნდეს. მოვუწოდებ ეროვნული განწყობის ადამიანებს, ბიზნესმენებს ჩაიდონ თანხა ამ საქმეში, რათა ეროვნული ძალების კოორდინირება მოხდეს.

_ ბატონო შოთა, საერთაშორისო ორგანიზაციები ცუდად ჩატარებულ არჩევნებზე ალაპარაკდნენ.

_ იცი რა, მოდი სხვა არჩევნების გამოხმაურებები ამოვწიოთ და ზუსტად იგივე შეფასებებს დავინახავთ. მაგალითად, მე, საზიზღრობად მიმაჩნია, თუ ადამიანების კარტოფილით მოსყიდვა მართლაც ხდებოდა. მეორე მხრივ, მეგობრები მეუბნებოდნენ, რომ "ნაცებს" ამომრჩევლისთვის ფული პირდაპირ ტომრებით მიჰქონდათ. ასე ხომ ადამიანს ღირსებას ულახავ. ერთი რამ უდაოდ დადებითია: ამ არჩევნებზე არ ყოფილა პირდაპირი მუქარა, ზეწოლა, ცემა, რაც სააკაშვილის დროს ხდებოდა. ამ მხრივ, წინ ვართ, რაც მნიშვნელოვანია. "ნაციონალებმა" წინასაარჩევნოდ ყველაფერი იკადრეს, ბრალდებები, ცილისწამება ქალბატონი სალომეს მიმართ თითქოს, იგი მოღალატე ყოფილიყო. როგორც ქართველს, ამ ყველაფერის გამო, მრცხვენია. საერთაშორისო ორგანიზაციები "ქართულ ოცნებასაც" მხარს უჭერენ და "ნაცმოძრაობასაც". მათ აწყობთ, რომ პოლიტიკურ ველზე ეს ორი ძალა არსებობდეს. ჩემი აზრით, გარიგების მომენტია ის, როცა "ქართული ოცნების" ლიბერალი წევრები საუბრობდნენ, რომ პარტიას, თურმე, საერთოდ, არ უნდა დაეყენებინა კანდიდატი. ეს პირდაპირ იმას ნიშნავდა, რომ ისინი "ნაცმოძრაობას" აბარებდნენ ხელისუფლებას. "ქართულ ოცნებაში" დიდი ბრძოლა იყო გამართული იმ ხალხთან ვინც თვლიდა, რომ ამის გაკეთება არ შეიძლებოდა.

_ არჩევნების შედეგების გამოცხადების შემდეგ სააკაშვილის გაკეთებულ განცხადებებზე რას იტყვით?

_ ამას ისე უბრალოდ ნუ შევაფასებთ, თითქოს, ეს გიჟის ნათქვამია. ჯარშიც, პოლიციაშიც, უდიდესი ნაწილი, "ნაცმოძრაობის" ყოფილი წევრები, მათი ზონდერები არიან. სააკაშვილს სწორედ მათი იმედი აქვს. ეს ყველაფერი კი "ქართულმა ოცნებამ" შეინარჩუნა. დიდ ბოდიშს ვიხდი იმ ჯანსაღ ნაწილთან, რომელსაც მართლა შესტკივა საქართველოზე გული, მაგალითად, ზაზა პაპუაშვილს, გედევან ფოფხაძეს და კიდევ რამდენიმე მათგანს. დანარჩენები არც ვიცი ვინ არიან, არც ის მინახავს სად იყვნენ იმ 9 წლის მანძილზე, როცა ჩვენ ვიბრძოდით. ისინი მაშინ "ნაცმოძრაობის" ოფისებში იყვნენ მოკალათებულნი.

_ სააკაშვილმა რადიკალიზმისკენ მოუწოდა თავის გუნდს და მხარდამჭერებს. საფრთხის შეგრძნება გაქვთ?

_ იცი რა, ისეთ ქვეყანაში ვცხოვრობთ, საფრთხის შეგრძნება სულ უნდა გქონდეს. "ნაცმოძრაობის" უკან დგას უდიდესი ხიფათის შემცველი ძალა, როგორიც რუსეთის ფედერაციაა. საქართველოში სიტუაციის არევა, რა თქმა უნდა, ქვეყნის სრულ დესტაბილიზაციას გამოიწვევს. შესაბამისად, გაზრდის იმის შანსს, რაც დომბასში და ლუგანსკში მოხდა, საქართველოშიც იგივე განმეორდეს. პირდაპირ ვამბობ: მომღიმარი ულვაშების უკან, რომელიც ამ მაქცია ვაშაძეს აქვს, დგას ვოვა პუტინი. აქედან გამომდინარე, ეს ყველამ უნდა ვიცოდეთ, განსაკუთრებით, იმ ხალხმა, რომელსაც არ უნდა, რომ ისევ საქართველოს ანექსია მოხდეს. ვიმეორებ, საქართველოში დესტაბილიზაცია, სიტუაციის არევა ყველაზე მეტად რუსეთს აწყობს, რომელიც აქ არსებულ 2ათას კაციან აშშ-ს საელჩოს დედაბუდიანად ამოძირკვავს. ეს ამერიკელებსაც უნდა ესმოდეთ. რით ვერ გაიგეს, რომ მიშა ორმაგი აგენტია. ამიტომ, რა თქმა უნდა, ეს ყველაფერი ძალიან სახიფათოა. იმედი მაქვს, ქართველი ხალხი გააცნობიერებს, რომ არეულობას მხარი არ უნდა დაუჭიროს.

თამარ შველიძე

მეტის ნახვა
10-12-2018, 13:30


"სალომე ზურაბიშვილმა არჩევნების მეორე ტურში ასე დამაჯერებლად რომ გაიმარჯვა, ეს ქართველი ხალხის და პირადად ბიძინა ივანიშვილის დამსახურებაა", აცხადებს "უფლებადამცველთა გაერთიანების" თავმჯდომარე, ადვოკატი ნიკოლოზ მჟავანაძე.
სრულად ვეთანხმები პოეტ დავით მაღრაძის განცხადებას, რომ ეს არჩევნები ქართველმა ხალხმა მოიგო, სახელისუფლებო რესურსები ვისზე მუშაობდა, კაცმა არ იცისო. სახელისუფლებო რესურსების გარკვეული ნაწილი, სალომე ზურაბიშვილის საწინააღმდეგოდ მუშაობდა, ამიტომაც მივიღეთ პირველ ტურში ის შედეგი. სწორედ ამიტომ ჩაერთო ბიძინა ივანიშვილი საარჩევნო პროცესში და ვიღაცების თავების დაგორებაზეც დაიწყეს საუბარი. ვიმეორებ, რომ არა ქართველი ხალხი, არჩევნები წაგებული გვქონდა, რადგან ფაქტობრივად ყველა ტელევიზია, მათ შორის, საზოგადოებრივი მაუწყებელი ნაციონალების მხარეს მუშაობდა. 
ამ ყველაფრიდან გამომდინარე, საზოგადოებას ისეთი შთაბეჭდილება ექმნება, რომ თითქოს "ქართულ ოცნებას" არავინ უჭერს მხარს. გვარამიას რომ უსმინო, ყველა ხელოვანი ნაციონალებს უჭერს მხარს, არადა მთელი საქართველო სალომე ზურაბიშვილის მხარეს დგას, მაგრამ ამის აფიშირება არ ხდება. ტელეკომპანია "იმედმა" ბოლო ხანს პოლიტიკა შეცვალაო, ამას დიდად ვერ ვამჩნევ, 25 ნოემბერს თავისუფლების მოედანზე 100.000 ადამიანი შეიკრიბა, თუმცა "იმედმა" საზოგადოებრივმა მაუწყებელმა ერთი "ლაივიც" კი არ ჩართეს. სამაგიეროდ, ნაციონალებმა 2000 კაცი რომ შეკრიბეს ფილარმონიაში, ყველა ტელევიზია პირდაპირ ეთერში აჩვენებდა. საზოგადოებრივი მაუწყებლის წამყვანი ირმა ინაშვილს ეუბნება, თქვენს აქციაზე სულ ხანდაზმული ხალხი მოვიდა, ისეთი ხალხი, რომლებიც სოციალურ ქსელთან არ არიან ახლოს, გარიყულებივით არიანო. ჯერ ერთი, იმ აქციაზე ყველა ასაკის ადამიანი იყო, მეორეც ამხელა შეურაცხყოფას როგორ უნდა აყენებდე საზოგადოებას, "რუსთავი 2"-ის ენით ლაპარაკობს იმ ტელევიზიის ჟურნალისტი, რომელსაც ეს ხალხი უხდის ხელფასს. აი, ზუსტად ეს არის მტრობა. თავების დაგორებაზე რომ არის საუბარი, პირველი სწორედ სახელმწიფო არხზე უნდა დააგორონ თავები. "გირჩებისა" და რესპების გარდა, ამ ტელევიზიაში ფაქტობრივად არავის იწვევენ. 

მე მომხრე ვარ, რომ შეიქმნას საზოგადოებრივი დარბაზი, რომლის წევრებიც იქნებიან იგივე დავით მაღრაძე, თქვენი გაზეთის რედაქტორი ბატონი ვახტანგ ხარჩილავა, საზოგადოების სხვა ღირსეული წარმომადგენლები, რომლებიც ბიძინა ივანიშვილს ობიექტურ ინფორმაციას მიაწვდიან. როგორც ჩანს, მინისტრები და ხელისუფლების სხვა წარმომადგენლები მას სიმართლეს უმალავენ. ბატონ ბიძინას ობიექტურ ინფორმაციას რომ მივაწვდით, ის აუცილებლად დაინტერესდება და რეაგირებასაც მოახდენს. პირველი ტურის შემდეგ, სადაც სალომე ზურაბიშვილმა მინიმალური სხვაობით გაიმარჯვა, რაც ფაქტობრივად წაგება იყო, "ქართული ოცნების" საარჩევნო შტაბი თურმე დაცარიელებული იყო, კომპიუტერებიც კი წაღებული ჰქონდათ. წარმოიდგინეთ, არჩევნები არ დამთავრებულა, წინ მეორე ტური იყო და შტაბიდან ყველა გაიხვეტა. ამის შემხედვარე ბიძინა ივანიშვილი გაოგნებულა. 

ჩემს სოფელში, ჭანიეთში (ოზურგეთის რაიონი) კომუნისტების დროსაც კი არ გაკეთებულა, რაც "ქართული ოცნების" მმართველობისას გაკეთდა, აშენდა ახალი სკოლა, ახალი საბავშვო ბაღი, ფაქტობრივად ახალი გზა გაკეთდა, ამ დროს პირველ ტურში ნაცების კანდიდატმა გაიმარჯვა ოზურგეთში. ეს იმის ბრალია, რომ ხელისუფლებას არ აქვს ხალხთან კომუნიკაცია.
კარგია "იმედი" მეორე ტურის წინ მაინც რომ აჩვენებდა 7 ნოემბრის აქციის და მათი ტელევიზიის დარბევის კადრებს, მაგრამ ერთი სიუჟეტი არ გაუკეთებიათ `ქართული ოცნების~ მმართველობის პერიოდში ამდენი სკოლები, საბავშვო ბაღები, გზები და სხვა ინფრასტრუქტურული ობიექტები რომ აშენდა, ჯანდაცვაში რამხელა სასიკეთო ძვრებია. ისე, კერძო ტელევიზიასთან რა პრეტენზია მაქვს, როცა ხელისუფლება არ აპიარებს რა გააკეთა. "ქართული ოცნების" მტრები პარტია ნაცმოძრაობაზე მეტად თავად მმართველ პარტიაში ჩაბუდებული ვითომდა ყოფილი ნაციონალები არიან. როგორც ყოფილი "კაგებეშნიკი" არ არსებობს, ისე არ არსებობს ყოფილი ნაციონალი, ამიტომ სასწრაფოდ უნდა გაიწმინდოს "ქართული ოცნება" ამ პორტირებულებისგან. როგორ შეიძლება იმის არდაფასება, რაც ირმა ინაშვილმა გააკეთა, ვიღაცას 100.000 კაცის შეკრება ადვილი საქმე ხომ არ ჰგონია? მაინტერესებს, ამ "კრიტიკოსებმა" ძალიანაც რომ მოინდომონ, ამის მეათედ ხალხს თუ შეკრებენ. მე მეგონა, სალომე ზურაბიშვილი მივიდოდა თავისუფლების მოედანზე შეკრებილ ხალხთან და მადლობას ეტყოდა, ეს ხალხი ხომ მის მხარდასაჭერად შეიკრიბა. ვფიქრობ, ქალბატონი სალომე იმიტომ არ მივიდა მხარდამჭერებთან, რომ მას არ ყავს მრჩევლები, რომლებიც ამას ეტყოდნენ. მე მადლობა მინდა ვუთხრა ირმა ინაშვილს, რომელიც რკინის ლედიც არის, მაია წყნეთელიც, იმიტომ, რომ რაც მან ახლა გააკეთა, გმირობის ტოლფასია. რომ არა ის 100.000 კაცი, არ ვიცი რა შედეგით დამთავრდებოდა არჩევნები. მე პირადად ამდენი ხალხი რომ დავინახე, იმედი მომეცა, ქართველი ერი არ წაქცეულა, თორემ ამ ტელევიზიებს შემხედვარე, იფიქრებ, რომ ყველაფერი დამთავრდა. 

– გჯერათ, რომ ნაციონალებს 800.000 კაცი უჭერს მხარს?

– სანამ ამ კითხვაზე გიპასუხებდეთ, მინდა აღვნიშნო, რომ ზოგიერთი ე.წ. პოლიტიკოსის ლუსტრაციაც მოხდა, რომლებიც ხალხს მოუწოდებდნენ, არჩევნებზე არ მიხვიდეთო. ნაცმოძრაობას ყავს თავისი ამომრჩეველი, ეს არის სექტა, რომელსაც რა კადრებიც არ უნდა აჩვენო, ვერაფერს შეასმენ, მაგრამ ეს სექტა არ არის მრავალრიცხოვანი. როცა ვამბობთ, პროკურატურა და ძალოვანი სტრუქტურები ნაცებითაა სავსეო, რატომ გამოვრიცხავთ, რომ ცესკოშიც იყოს ეს კონტიგენტი, რომლებმაც ნაცების სასარგებლოდ გააყალბეს ეს არჩევნები? იცით თქვენ, რომ მთელი ცესკო "სამართლიანი არჩევნების", საიას და სხვა მათი მსგავსი ენჯეოების წარმომადგენლებითაა დაკომპლექტებული. ამიტომ ცესკოშიც ბევრი რამ არის შესამოწმებელი, ასევე გადასამოწმებელია ის ციფრები, რაც მათ გამოაქვეყნეს. ვიმეორებ, სალომე ზურაბიშვილის გაპრეზიდენტება იყო მნიშვნელოვანი გამარჯვება, ბიძინა ივანიშვილისა და ქართველი ხალხის დამსახურება, რომელმაც ბოლო შანსი მისცა "ქართულ ოცნებას". ახლა მართლა თავებიც უნდა დაგორდეს და "ქართული ოცნებაც" გაიწმინდოს პორტირებული ნაცებისგან, ამას უკვე თავად ბიძინა ივანიშვილთან დაახლოებული ადამიანები ამბობენ. ვინაიდან ამ გამარჯვებაში მთელ ერს მიგვიძღვის წვლილი, ხელისუფლება ვალდებულია გაითვალისწინოს ჩვენი მთავარი მოთხოვნა, დაასრულონ ნაცებთან კოჰაბიტაცია, გაასამართლონ ყველა დამნაშავე ნაციონალი.
 
საპრეზიდენტო არჩევნების დროს ამ "ენჯეოშნიკების" სრული ლუსტრაცია მოხდა, ხომ გამოჩნდა ვის წისქვილზე ასხამდნენ წყალს, თავიანთი უპასუხისმგებლო განცხადებებით. ვიცე-სპიკერი თამარ ჩუგოშვილი ამბობს, ხელისუფლებას მოვუწოდებ, კარვები არ დაშალოს პარლამენტის წინო. რომელ ხელისუფლებას მოუწოდებს, რომლის წარმომადგენელიც თვითონ არის? ამ ქალბატონს თავი ისევ საია-ს თავმჯდომარე ჰგონია, ვის მოუწოდებ, ვიცე-სპიკერი ხარ, თუ რამე გინდა, დაურეკე მინისტრს და უთხარი. სახალხო დამცველზე აღარაფერს ვამბობ. აი, ასეთი მოღალატეებითაა სავსე ეს ხელისუფლება. ირაკლი ღარიბაშვილი და კახა კახიშვილი ჩაჩოჩებული და გადამალული რომ ყავთ, ისინი წამოსწიონ წინ და დანიშნონ თანამდებობებზე, ესენი კი, ვის მიმართაც ხალხში უკიდურესი უკმაყოფილებაა, მოაშორონ ხელისუფლებას, თორემ, როგორც გითხარით, ხალხმა ბოლო შანსი მისცა ხელისუფლებას. 

მთლიანად გასაწმენდია "ქართული ოცნება", განსაკუთრებით მათი პიარ-სამსახურები. ის ხალხი, რომლებიც სახელმწიფოებრივად ვაზროვნებთ, გვაქვს ეროვნული, კონსერვატიული პოზიცები, არჩევნების პერიოდში ტელევიზიებს არ გაგვაკარეს. ხელისუფლების მხარდაჭერილი კანდიდატის დასაცავად ისეთ ხალხს უშვებდნენ, რომლებსაც არ შეუძლიათ პოლემიკასა და დისკუსიაში შესვლა. არჩევნების წინა დღეს შორენა შავერდაშვილი უნდა გეჯდეს, როცა მეორე მხარეს 30–40 ადამიანი ყავს თავისი კანდიდატის დასაცავად? ვინ არის საერთოდ შორენა შავერდაშვილი, ან ის ხალხი ვინც ვითომ მმართველი პარტიის პოზიციას იცავს, იცნობს ვინმე, ან რა პრინციპით შეარჩიეს? ეს არის საინფორმაციო პოლიტიკა? სახელმწიფო სტრუქტურების პიარ-სამსახურის წარმომადგენლები თავიანთ ფოტოებს კი არ უნდა დებდნენ სოციალურ ქსელებში, როგორი კაბა ან საცურაო კოსტიუმი აცვიათ და როგორ "გრიალებენ" უცხოეთში ვიზიტების დროს, ის ინფორმაცია უნდა გაასაჯარონ ახალი ობიექტები რომ იხსნება და სასიკეთო რაღაც კეთდება. თუ "ქართული ოცნება" ჭკუას არ ისწავლის და არ შეცვლის პოლიტიკას, ცუდად დაამთავრებს. ქართველი ხალხი უკვე ნაცებს კი არ დაეტაკება, ამათ მოვთხოვთ პასუხს. აუცილებლად უნდა შეიქმნას საზოგადოებრივი დარბაზი, სადაც ვიღაც მოღალატეები კი არ იქნებიან, არამედ საზოგადოებისთვის პატივსაცემი ადამიანები, რომლებიც ბიძინა ივანიშვილს რეალურ ინფორმაციას მიაწოდებენ და იმასაც ეტყვიან, სად რა არ კეთდება სწორად.

მანანა სუხიშვილი

მეტის ნახვა
10-12-2018, 10:00


გვესაუბრება ანალიტიკოსი სოსო მანჯავიძე:

_ ბატონო სოსო, მოდით შევაჯამოთ და შევაფასოთ არჩევნების ორივე ტური, როგორია თქვენი შთაბეჭილებები, რა მოლოდინები გქონდათ და ელოდით თუ არა ასეთ შედეგებს?

_ არჩევნების პირველ ტურში "ოცნების" გუნდი იმდენად მოუმზადებელი იყო, მეტიც, თითქოსდა იმდენად ყოყმანობდნენ, რომ ხალხი ვერც მიხვდა, უჭერდა თუ არა მხარს ხელისუფლება პრეზიდენტობის დამოუკიდებელ კანდიდატს. რჩებოდა შთაბეჭდილება და იყო კიდევაც მინიშნებები, რომ ხელისუფლება, თითქოსდა მეტი დემოკრატიულობისთვის, აპირებდა მხარი ე.წ. ოპოზიციონერი ბაქრაძის კანდიდატურისთვის დაეჭირა.

ყოველივე ამას ოსტატურად იყენებდა მოწინააღმდეგე, რამაც უდიდესი დაბნეულობა გამოიწვია, როგორც ხელისუფლებაში, ასევე საზოგადოებაში, რასაც ვერ ვიტყვით, კარგად კონსოლიდირებულ ოპოზიციაზე, რომელსაც შესანიშნავად უკვალავდა გზას მოწვეული პიარის სპეციალისტები, კერძოდ, შკლიაროვის ჯგუფი, რომელიც გრიგოლ ვაშაძემ ჩამოიყვანა.

ამას დაერთო ხელისუფლების სრულიად გაუაზრებელი წინადადება მარიხუანის ლეგალიცაზიის თემასთან დაკავშირებით, რაც საზოგადოებამ მკვეთრად უარყოფითად მიიღო. ამაზე ააგო, ფაქტობრივად, გრიგოლ ვაშაძემ მთელი წინასაარჩევნო კამპანია.

მეორე ტურის წინ უკვე თვალნათელი გახდა, რომ "ნაცმოძრაობის" რევანში რეალური იყო, რაც მანამდე თითქოს არავის არ სჯეროდა. ეს კი, საბოლოო ჯამში, გამოიწვევდა პოლიტიკური ლანდშაფტის ისეთ რღვევას, რომელიც კატასტროფით დამთავრდებოდა "ქართული ოცნებისთვის". გააცნობიერეს ეს და გაჩაღდა უპრეცედენტოდ აქტიური მუშაობა სალომე ზურაბიშვილის გასამარჯვებლად. ამ პროცესებში მნიშვნელოვანი როლი ითამაშა "პატრიოტთა ალიანსმა" და ტელეკომპანია "ობიექტივმა". არ შეიძლება მათი ნამოქმედარის უგულებელყოფა.

არჩევნებზე მივიდა უპრეცედენტოდ დიდი რაოდენობის ხალხი. მეორე ტური აღმოჩნდა არა მხოლოდ პრეზიდენტის არჩევნების პროცედურა, არამედ ერთგვარი რეფერენდუმი _ უნდა თუ არა საქართველოს მოსახლეობას "ნაცმოძრაობის" მობრუნება?! და მოსახლეობამ ცალსახად განაცხადა, რომ მას არ სურს ხელისუფლებაში კვლავ იხილოს "ნაცმოძრაობა", მაგრამ მას არ უთქვამს, რომ უნდა "ქართული ოცნება". ამიტომ, ცოტა არ იყოს, სასაცილოა, "ქართული ოცნების" ზოგიერთი წარმომადგენლის თავმოწონება და ზეიმი იმაზე, რომ მათ გაიმარჯვეს! საქართველოს მოსახლეობამ უდიდესი სურვილი და ნება გამოხატა ამ არჩევნებზე, ხმამაღლა უთხრა უარი "ნაცმოძრაობას", მაგრამ ეს, რატომღაც, ვერ გაიგო "ნაცმოძრაობამ" და კარგად ვხედავთ, რასაც აკეთებენ.

_ რას აკეთებს და რა უნდა გააკეთოს "ქართულმა ოცნებამ"?

_ "ქართული ოცნება" ვერანაირ პოზიტიურ და ეფექტურ ნაბიჯებს ვერ გადადგამს, თუ არ შეცვალა იდეოლოგია და არ იფიქრა სახელმწიფოებრივად. "ქართულ ოცნებაში" ე.წ. შიდა "რევოლუცია" უნდა მოხდეს. ეს "რევოლუცია" უნდა მოახდინონ იდეურმა, განათლებულმა, გამოცდილმა ადამიანებმა.

_ ბატონო სოსო, რით ახსნით იმას, რომ 780 000 ადამიანი მხარს უჭერს თურმე "ნაცმოძრაობას". რას ფიქრობთ, რა მოვლენასთან გვაქვს საქმე?

_ ყველგან, ყველა ქვეყანაში, 15-დან 20%-მდე არსებობენ ადამიანები, რომლებიც მშვიდობისა და წესრიგის ლოზუნგით ნებისმიერ რეპრესიას გაამართლებენ.
"ნაციონალებს", თითქმის ყველას, ერთი და იგივე რამ უდევთ გულში და ტვინში, რასაც ის ცნობილი ნაციონალი ბადრი შუბლაძეც ახმოვანებს _ ვინც ციხეებში იჯდა, ვისაც აწამებდნენ, ღირსი იყვნენო, ისეთივე რიტორიკაა, როგორც სტალინის რეპრესიების დროს _ "ნევინნიხ ნე ბივაეტო". ასე იყო გერმანიაშიც.

რასაც ესენი აკეთებენ და ითხოვენ, ეს არის ჩვეულებრივი ფაშიზმი.

სააკაშვილი მოქმედებდა ჩამოყალიბებული იდეოლოგიების მიხედვით. ის მოლაპარაკებული იყო იმაზე, რომ ნებისმიერი მოქმედება, რომელიც გაკეთდებოდა კორუფციასთან ბრძოლისა და დემოკრატიის საფარველქვეშ, იქნებოდა გამართლებული. ის იყო "დემოკრატიის შუქურა" და საქართველო იყო "ფერადი რევოლუციების" გავრცელების კერა. ხომ გახსოვთ ყირგიზეთში ბატონი თარგამაძის ჯორით სეირნობა და ა. შ. უზბეკეთში, რუსეთში და სხვა პოსტსაბჭოთა ქვეყნებში აპირებდნენ ე.წ. ხავერდოვანი რევოლუციების მოწყობას. ცხადია, ყველაფერი რუსეთის წინააღმდეგ იყო მიმართული და დასავლეთი ფართოდ დახუჭული თვალებით უყურებდა საქართველოში მიმდინარე მოვლენებს _ უპრეცედენტო რეპრესიებს და რის გამო და რატომ, ეს უკვე გაშიფრული ფაქტია.
ტრამპის გამარჯვების შემდეგ ჩვენ ვხედავთ "ფერადოვანი რევოლუციების" დამუხრუჭების ტენდენციებს.

სააკაშვილმა მაშინვე იგრძნო ახალი სიოს ქროლა და უცბათ აიტაცა ის ლოზუნგები, რასაც აჟღერებდა დონალდ ტრამპი მაშინ, როცა საქართველოს ხელისუფლება კვლავ ამერიკის დემოკრატიული პარტიის იმ უკიდურესად მემარცხენე ფლანგის იდეოლოგიის მიმდევრად რჩება. ამის შედეგი იყო მარიხუანას თემაც, ლგბტ თემის მხარდაჭერა, ოჯახში ძალადობაზე კანონების შექმნა და ა. შ.

სამწუხაროდ, ტრამპის "ხაზს" საქართველომდე არ ჩამოუღწევია და ვართ, ფაქტობრივად, გეოპოლიტიკურ ვაკუუმში.

შეიძლება არ გახსოვთ, ამიტომ მე შეგახსენებთ, გრიგოლ ვაშაძე გამოვიდა სტუდენტებთან შეხვედრაზე უნივერსიტეტში და თქვა: მე მრავალი მიზეზის გამო მხარს ვუჭერდი ჰილარი კლინტონს და უნდა გვესმოდეს, რომ რუსეთმა და აშშ-მა შესაძლოა მოილაპარაკონ ისლამურ ტერორიზმთან ბრძოლაში ერთობლივ მოქმედებებზე, მაგრამ ჩვენ არ გვაწყობს, აშშ-მა და რუსეთმა მოილაპარაკონ გლობალურ ტერორიზმთან ბრძოლის საკითხში, რადგან ასეთ შემთხვევაში, რუსეთმა შეიძლება მოითხოვოს თავისი გავლენების აღდგენა პოსტსაბჭოთა ქვეყნებშიო.ე.ი. საქართველოს უნდა აწყობდეს, რუსეთმა და აშშ-მა ვერ მოილაპარაკონ და ჩვენ ისეთი პოლიტიკა ვაწარმოოთ, რომ ისინი ერთმანეთს დაუპირისპირდნენ, ხოლო ჩვენი როლი უნდა იყოს მათ შორის დაპირისპირება. ეს უნდა იყოს ჩვენი ფუნქციაო, ანუ ჩვენ უნდა ვიყოთ პროვოკატორებიო.

2008 წელს ერთხელ უკვე ვითამაშეთ პროვოკატორის როლი.

ახლა რა უნდა გავაკეთოთ? რას გვთავაზობს ბატონი ვაშაძე? _ მარტივია. უნდა გავაკეთოთ ტერორისტების ტრანზიტი ჩღდილო კავკასიიდან სირიაში, კვლავ გავხდეთ მსოფლიო ტერორიზმის ოფშორი იმასთან ერთად, რომ უკვე ვართ სათამაშო ბიზნესის, პროსტიტუციის, ნარკოლიბერალიზაციის ოფშორი. ანუ გავხდეთ უკიდურესად რეაქციული დასავლური ძალების დასაყრდენი, იმ ძალებისა, რომლებიც არ დაუშვებენ რუსეთთან არანაირ მოლაპარაკებებს და რითი უნდა მოხდეს ქართველი ხალხის დაყოლიება ამ შენიღბულ პროვოკაციაზე? _ რა თქმა უნდა, ურაპატრიოტიზმით!

ურაპატრიოტიზმი უკვე ვიხილეთ არაერთხელ და აპოგეა იყო უკანალების ჩვენების პერფორმანსი სასაზღვრო ზოლთან.
ეს იყო უკიდურესად მნიშვნელოვანი აქტი. მოკლედ, ჩვენ უკანალები ვუჩვენოთ და გავაღიზიანოთ გამძვინვარებული დათვი და გადავიქცეთ, როგორც ვთქვი, გლობალურ პროვოკატორად. ტრაგედია, რაც შეიძლება მოხდეს, ვის კისერზე იქნება, ამას მათთვის მნიშვნელობა არ აქვს.
ახლა ხომ არ არის 2008? არც რუსეთია 2008 წლის რუსეთი, არც 2008 წლის ირანია ჩვენი მეზობელი და არც 2008 წლის თურქეთი. ჩვენი გეოპოლიტიკური ვითარება აბსოლუტურად შეცვლილია და სახეზე გვაქვს ერთი ზესახელმწიფო და ორი რეგიონალური ზესახელმწიფო. ყოველ წუთს, ნებისმიერი გეოპოლიტიკური რყევის შემთხვევაში, ჩვენ განწირული ვართ გადარჩენის ყოველგვარი შანსის გარეშე.

ვიღაცას შეიძლება ჰგონია, რომ იალტის ზავის შემდგომ პერიოდში ვცხოვრობთ, მაგრამ ასე არ არის, მეგობრებო.

დღეს, როცა ვინმე საუბარს იწყებს რუსეთთან მოლაპარაკებების დაწყებაზე, მაშინვე მოედინება ლანძღვა-გინების ნიაღვარი `ნაცმოძრაობისგან~, რადგან მოღალატეების მთავარი მიზანია, შენარჩუნდეს პროვოკატორის ფუნქცია… უნდათ გლობალური დაპირისპირებების პროექცია გადმოიტანონ საქართველოში და ჩვენი ქვეყანა შეწირონ ამ დაპირისპირებას თავიანთი პოლიტიკური და ფინანსური ინტერესების სანაცვლოდ. აი, ეს არის მთელი ალგორითმი, რაც ხდება საქართველოში და ის 780 000 ადამიანი, რომლებზეც ზემოთ ვსაუბრობდით, სრულიად გაუცნობიერებლად ემხრობა `ნაცმოძრაობას~, თუმცა არც ისინი არიან დიდად გათვითცნობიერებულნი, ვინც საწინააღმდეგოდ მისცეს ხმა.

ირანდა კალანდაძე

მეტის ნახვა
8-12-2018, 12:00


როგორ მოახერხა "საერთო გაზეთმა" არჩევნების  წინა დღეს არჩევნების რეალურ შედეგებთან ყველაზე მეტად მიახლოებული პროგნოზი დაედო?

მართლაც საოცრება არ არის, როგორ მოახერხა "საერთო გაზეთმა" არჩევნებამდე ერთი დღით ადრე, არჩევნების საბოლოო შედეგებთან ყველაზე მეტად მიახლოებული პროგნოზი გამოეთვალა, რომელიც "საერთო გაზეთის" 27 ნოემბრის ნომერში პირველ გვერდზე გამოქვეყნდა?

ჩვენ არც "გელაპი" გვყავდა და არც "სელაპი", არც "ედისონ რიჩერსი" და არც "ედისონ ფიქჩერსი", არც სოციოლოგიური კვლევებით შეგვიწუხებია თავი და არც საველე სამუშაოებით, არც კაჭკაჭიშვილებისთვის დაგვიძახნია და არც ბულბულაშვილებისთვის, შევიკრიბეთ სამი კაცი, რედაქციის ბუღალტერს ქალბატონ გულიკოს ვუხმეთ თავისი კალკულატორით, დავსხედით, გავაანალიზეთ, მივუმატეთ, გამოვაკელით, გავამრავლეთ, გავყავით, მერე ისევ შევკრიბეთ და ზუსტად ის შედეგი მივიღეთ, რაც ცესკომ გამოაცხადა _ 60% _ სალომე ზურაბიშვილი, 40% _ გრიგოლ ვაშაძე.

მართალია, 40% ცრუპენტელა გრიგოლ ვაშაძისთვის ვერ გავიმეტეთ _ მის 40%-ს 4% ჩამოვაჭერით და სალომე ზურაბიშვილის 60%-ს დავუმატეთ, მაგრამ სხვა კვლევებთან შედარებით მაინც ყველაზე ზუსტი ციფრები დავდეთ _ 64% _ 36%.

რამდენმა ავტორიტეტულმა თუ არაავტორიტეტულმა ორგანიზაციამ იმუშავა, რამდენმა ადამიანმა იწვალა და იჯახირა, რამდენი დრო და ენერგია დაიხარჯა, რამდენი მილიონი გაიცა და მაინც არაფერი _ "საერთო გაზეთის" სამკაციანმა ჯგუფმა და ქალბატონმა გულიკომ თავისი 10-ლარიანი კალკულატორით ყველას "გადაუჯოკრა", ისე, რომ არც ერთი თეთრი არ დახარჯულა.

ხომ არის ეს სასწაული?

არა, სულაც არ არის ეს სასწაული, ეს ყველაფერი იმის დადასტურებაა, რომ რეალურ სურათთან მიახლოებული ზოგადი სურათი რომ მიიღო, ამისთვის სულაც არ არის აუცილებელი, დღედაღამ "მკითხავებში" ირბინო და ამაში უზარმაზარი ფული ხარჯო _ ამას სჯობია, ყურადღებით იკითხო გაზეთები, ყურადღებით უყურო და უსმინო ტელე და რადიო გადაცემებს, თვითონ შენ ან შენი ნდობით აღჭურვილმა პირებმა ხშირად იაროთ ხალხში და ყური მიუგდოთ, რას ფიქრობენ შენზე, შენს პარტიაზე, შენს ხელისუფლებაზე შენი ქვეყნის მოქალაქეები, მერე განმარტოვდე, ყველაფერი ეს გააანალიზო და სათანადო დასკვნები გამოიტანო.

მკითხავები-მეთქი, ვთქვი ზემოთ და შეიძლება ამით ვიღაცებს ვაწყენინე, მაგრამ განა მკითხაობა არ არის, როდესაც სამი სხვადასხვა პრესტიჟული და ავტორიტეტული ორგანიზაცია ერთსა და იმავე კითხვაზე სამ განსხვავებულ პასუხს იძლევა და მერე იმაზე უნდა იმტვრიო თავი, რომელია ამ სამიდან სწორი და მართალი.

სოციოლოგია, საზოგადოების აზრის და განწყობების კვლევა და შესწავლა, ცხადია, საჭირო და სერიოზული საქმეა, მაგრამ საარჩევნო კამპანიის ციებ-ცხელების დროს რამდენად გამართლებულია, ეს კვლევები საზოგადოებაზე ზეგავლენის მოხდენის, სხვადასხვა მანიპულაციების და სპეკულაციების საშუალებად იქცეს, რომელიც, ხშირ შემთხვევაში, არაჯანსაღ აჟიოტაჟს და ვნებათაღელვას იწვევს.

თუ რომელიმე პოლიტიკურ ორგანიზაციას, გნებავთ, რომელიმე პოლიტიკოსს ან ადამიანთა რაღაც ჯგუფს ძალიან აინტერესებს, რა განწყობებია საზოგადოებაში და რა პროცესები მიმდინარეობს ქვეყანაში, კი, ბატონო, ვისაც უნდა, იმას შეუკვეთოს ყოველივე ამის კვალიფიციური შესწავლა, მაგრამ გამოიყენოს ეს კვლევები შიდა მოხმარებისთვის და არა საზოგადოებაზე ფსიქოლოგიური ზეწოლისთვის.

ბევრ ქვეყანაში, სადაც მაღალი დემოკრატიული სტანდარტები მოქმედებს, საარჩევნო პერიოდში სოციოლოგიური კვლევების და ელექტორატის წინასწარი გამოკითხვების შედეგად მიღებული მონაცებების გასაჯაროება, ამასთან ერთად, ეგზიტპოლების გამოქვეყნება, კანონით არის აკრძალული.
იქნებ დროა, საქართველოშიც ვიფიქროთ ამ მიმართულებით და ისედაც ნერვებდაწყვეტილი მოსახლეობა ამ უსაგნო და არაფრისმომცემი აჟიოტაჟის გამო დამატებით ნერვების წყვეტას ავარიდოთ.

ხოლო თუ ვინმეს ხმების დათვლამდე გული არ გითხმენთ და წინასწარ გინდათ, გაიგოთ, რა ბედი გელით არჩევნებზე, აგერ ვართ `საერთო გაზეთის~ სამკაციანი ჯგუფი, აგერ არის ქალბატონი გულიკო თავისი კალკულატორით, დაგვიძახეთ, მოვალთ და რამდენიმე საათში ზუსტად გეტყვით ყველაფერს, თანაც ამას ყოველგვარი ანაზღაურების და განსაკუთრებული ვალდებულებების გარეშე გავაკეთებთ.

აბა, თქვენ იცით.

ვახტანგ ხარჩილავა

მეტის ნახვა
8-12-2018, 11:00


"საერთო გაზეთის" სტუმარია ბატონი ნიკუშა შენგელაია:

_ არჩევნებამდე მოცემულ ინტერვიუში, თუ გახსოვთ, დავუშვი ალბათობა, რომ საქმე მეორე ტურამდე მივიდოდა. მოგეხსენებათ, დემოკრატიული გარემოსთვის მეორე ტური ტრაგედიას სულაც არ წარმოადგენს. ფაქტია, საზოგადოებაში არსებულმა უკმაყოფილებამ იფეთქა. პირადად, მე, "ნაციონალური მოძრაობა" ნორმალურ ოპოზიციურ ძალად არ მიმაჩნია. იგი ყოველგვარ ბოროტებას თესავას. ეს რომ არა, ასეთი დაძაბული გარემო არ იქნებოდა. მათი მმართველობის პერიოდშიც იგივე ხდებოდა. "ნაცმოძრაობის" ლიდერის პირიდან სიძულვილის ენისა და ტყუილის გარდა, სხვა არაფერი მახსენდება, რაც სრულად აქვს მის პარტიას ათვისებული. შედეგად, სიძულვილის, არეულობის, ტყუილის, ბოროტების გარდა, მათგან სხვა არაფერი მოდის. ეს რომ ნორმალური ოპოზიციური ძალა იყოს, სამოქალაქო საზოგადოებაში ასეთი დაძაბულობა არ იარსებებდა. ხალხი მოჯადოებულ წრეშია, მუდმივად ორ ძალას შორის იჭყლიტება. საზოგადოების დიდმა ნაწილმა რომელიც არჩევნებზე არ მივიდა, დღევანდელ ხელისუფლებას ამით კონკრეტული მესიჯი გაუგზავნა. აღვნიშნე, რომ "ნაციონალების" სახით ჯანსაღი ოპოზიცია არ გყავს, თუმცა ეს არ ნიშნავს, რომ ხელისუფლებამ ყურადღება მოადუნოს და ხალხის გულისცემას აღარ მოუსმინოს. ასე, რომ მეორე ტურამდე ბევრი მიზეზის გამო მივედით. ეს გახლავთ: მმართველი ძალის პოლიტიკისადმი წარმოების მიმართ არსებული დამოკიდებულება, არასწორი მართვის ვერტიკალი, სამართლიანობის აღდგენის დაყოვნება და ა.შ. ვიცით, რომ "ნაცმოძრაობამ" ათასობით ოჯახი დააქცია, ამ დროს, სამართლიანობის აღდგენა გაჭიანურდა. გარდა ამისა, საზოგადოება საკვანძო თანამდებობებზე ხედავს პორტირებულ ადამიანებს, რომლებიც "ნაცმოძრაობის" დროს ძალადობდნენ, რაც ხალხს აღიზიანებს. ამას ემატება უკიდურესად დიდი გაჭირვება, რაც მოსახლეობის დიდ ნაწილზე აისახება. ამ ყველაფრის ერთობლიობამ შექმნა ის სურათი, რომ დამოუკიდებელმა კანდიდატმა არჩევნები მხოლოდ ერთი პროცენტით მოიგო. ხალხს, პროცენტულად ასეთი მცირე სხვაობა, გაუკვირდა. პრინციპში, ამომრჩევლის 100%-იდან "ნაცმოძრაობამ" 17% მიიღო. ეს ის 17%-ია, რაც მათ წინა საპარლამენტო არჩევნებშიც ჰქონდათ. ადამიანების დიდ ნაწილს ვერ წარმოუდგენია, რომ ამ ძალას პოლიტიკაში მოსვლაზე კიდევ აქვს პრეტენზია, მაგრამ როცა ირგვლივ ამდენი გაჭირვებულია, მოსახლეობის დიდი ნაწილი კი სამართლიანობის აღდგენას ისევ ელოდება, შეიძლება ეს შედეგი მიიღო. ამიტომ, ვივარაუდე, წინა ინტერვიუში მეორე ტური. ჩვენ, საზოგადო მოღვაწენი ხომ ხალხის მაჯისცემას მძაფრად ვგრძნობთ იმიტომ, რომ კაბინეტებში არ ვსხედვართ, ხალხთან ურთიერთობა გვაქვს. ჩვენ ხალხი გვიყვარს, გვიცნობს, ჩვენთან მოდიან და საკუთარ გულის წუხილს გვიზიარებენ, რითაც ვგებულობთ მათში თუ რა განწყობაა. სამწუხაროდ, კაბინეტებში მსხდომთათვის ეს განწყობა უცნობია, ისინი სწორ ანალიზს არ აკეთებენ, ჭკვიან ხალხს ყურს არ უგდებენ, ფიქრობენ, რომ თავად ყველაფერი ყველაზე კარგად იციან. აქ იწყება ხელისუფალის დაავადება, რაც ცუდად მთავრდება-ხოლმე. სხვათა შორის, ზუსტად ეს ვიგრძენი ბიძინა ივანიშვილის მიმართვაშიც და "იმედისთვის" მიცემულ ინტერვიუშიც. იმედი მაქვს, მმართველი ძალა ამ გზავნილს სწორად გაიგებს. "ნაცებისგან" განსხვავებით, "ქართული ოცნება" შენიშვნებს ითვალისწინებს და იმედია, სწორ ანალიზსაც გააკეთებს. არ დაგვავიწყდეს, რომ წინ 2020 წლის საპარლამენტო არჩევნები მოდის. ჩვენ, საპარლამენტო რესპუბლიკა ვართ და ხელისუფლების გადაბარება 2020 წელს ხდება. ამიტომ, ამ ორ წელიწადში საზოგადოება უნდა გააქტიურდეს. აუცილებელია, გაჩნდეს მესამე ძალა, რაზეც "საერთო გაზეთთან" ინტერვიუებში ადრეც მისაუბრია. კი, ბევრი ავანტიურისტიც გამოჩნდება, მაგრამ წესიერ, კომპეტენტურ ძალას საზოგადოება ყოველთვის მიესალმება.

_ ბატონო ნიკუშა, პირველმა ტურმა გამოაჩინა თუ რა ძალა აქვს ხალხს. მეორე ტურის წინ ჩამოყალიბდა სამოქალაქო მოძრაობა _ "მე ვიცავ თავისუფლებას", რომელიც მეტად აქტიურობს, ვიდრე თავად "ქართული ოცნება".

_ საზოგადოება, ყოველთვის, უფრო ჯანსაღ რელსებზე დგას. კარგი იქნება პოლიტიკური პარტიაც ასე იყოს. წინა პლანზე ხალხის გულწრფელი წუხილია. მას არ სჭირდება გაუგებარ თამაშებში შესვლა, იგი წუხს ქვეყნის, მისი ოჯახის ბედზე. ყველაზე მთავარი საზოგადოებრივი პოლიტიკის წარმოებაა. თუ დემოკრატიულ სივრცეში ცხოვრება გვინდა, ამ თამაშის წესისთვის, საზოგადოებრივი პოლიტიკის კეთება, მნიშვნელოვანია. სამწუხაროდ, ეს ხელისუფლების მხრიდან არ ჩანდა, გარკვეული გათიშულობა იყო. ბიძინა ივანიშვილმა პოლიტიკაში დაბრუნებისას აღნიშნა: ვიგრძენი, რომ მმართველმა ძალამ ხალხის გულისცემა დაკარგაო. ამიტომაც დაბრუნდა. რაც მთავარია უნდა მოხდეს მნიშვნელოვანი ცვლილებები და არა ფასადური. საკადრო პრობლემაც სახეზეა, თუმცა, ვერ ვიტყვი, რომ მთავრობა ცუდად მუშაობს. ბევრი რამ კეთდება თუმცა, შეიძლებოდა უფრო ეფექტური ყოფილიყო საკადრო, ეკონომიკური, ინფრასტრუქტურის განვითარებისთვის მყისიერი გადაწყვეტილებების მიღება, რაც ქვეყანას წაადგებოდა. მნიშვნელოვანია.

_ ბატონო ნიკუშა, სამოქალაქო მოძრაობა _" მე ვიცავ თავისუფლებას", საქართველოს მასშტაბით ატარებს შეხვედრებს. რა განწყობებია რეგიონებში, რამდენად მზად არის სახლში დარჩენილი 53% არჩევანის გასაკეთებლად?

_ ხალხის განწყობა ძალიან შეცვლილია. სამწუხაროდ, ბევრი ადამიანი არჩევნებზე არ მივიდა. ჯანმრთელი გარემოს კუთხით, კარგიც კი არის, რომ მეორე ტური დაინიშნა. ამან დღევანდელი მმართველი გუნდი გამოაფხიზლა. ეს რომ 2020 წელს მომხდარიყო, შეიძლება დიდი ტრაგედია მოჰყოლოდა და "ნაცები" ყველა სახელისუფლო შტოში დაბრუნებულიყვნენ. "ნაცმოძრაობის" კანდიდატი ვერცერთ სახელისუფლებო შტოში ვერ წარმომიდგენია. ეს, უკვე, მორალურ-ზნეობრივი საკითხია. ამ კუთხით, ხალხი, ერთიანია. მაგრამ მოსახლეობა მხოლოდ მორალურ-ზნეობრივი თემებით არ ცხოვრობს. შეიძლება საზოგადოების დიდი ნაწილი ცხოვრობს ასე, მაგრამ მათ ასევე ესაჭიროებათ სამსახური, საკვები, შვილების განათლება. ხალხს მხოლოდ ზნეობრივ პოსტულატებს ვერ მიაწოდებ. ამიტომ, აშკარაა, რომ ხალხი ჩვენს გარეშეც აქტიურობს. მეორე ტურში ბევრად უფრო იმედიანად ვარ, რომ ქალბატონი სალომე გაიმარჯვებს იმიტომ, რომ ერი გამოფხიზლდა. "ნაციონალების" მოსმენა უკვე შეუძლებელია. იმედი მაქვს, რომ ღირსეული, თავისუფლების მოყვარული, შვილების ბედზე მზრუნველი და სამშობლოს მოყვარული ადამიანი გაიმარჯვებს.

დიახ, ამიტომაც მაქვს ადამიანების იმედი. ახლა, საკითხი ასე დგას: ან ბნელ წარსულს ვირჩევთ ან ქვეყნის განვითარებას. დემოკრატია ერთჯერადი აქტი არ არის, მუდმივად, განვითარებულ პროცესებს უნდა მისდიო და ხელისუფლება ისეთ მდგომარეობაში ჩააყენო, რომ იგი, იძულებული გახდეს სულ გისმენდეს და საზოგადოების დაკვეთას ასრულებდეს. `ნაცმოძრაობის~ სურვილები ქართველი ხალხის მოთხოვნებს არ ემთხვევა ამიტომ, ვერაფერს გახდებიან. ხომ გამოჩნდა მათი რეალური სახე _ ვინ ვინ არის, ვინ ვის მიეტმასნა, ვითომ, გაყრილები რომ იყვნენ. ვერ გამიგია, ეს რა სამყაროა. მათ უზნეო საქციელს არც ვიცი რა დავარქვა _ ერთ დღეს ერთმანეთს ლანძღავენ, მეორე დღეს პროშნიან, რათა ძალაუფლებაში მოხვდნენ და თბილი კაბინეტები დაიკავონ. ეს არანაირ ადამიანურ ფასეულობაში, ზნეობაში არ ჯდება. ადამიანების დიდ ნაწილს მათი მხარდაჭერა ვერც წარმოუდგენია, მაგრამ ხომ ხედავთ ეს ყველაფერი სად მიდის. ჩვენ უნდა დავფიქრდეთ, ასე რატომ ხდება. ყველამ იცის `ნაცმოძრაობა~ რასაც წარმოადგენს. ამიტომ, ადამიანებს, რომლებიც არჩევნებზე არ მოვიდნენ კიდევ ერთხელ ვთხოვ: იაქტიურონ, რათა თავიანთი პასიურობით ამ მოძალადე, ბნელი ძალის დაბრუნებას ხელი არ შეუწყონ.

_ რას იტყვით, საარჩევნო კამპანიაში მასმედიის, ენ-ჯე-ოების როლზე?

_ "რუსთავი2"-ს როგორ უნდა მოატყუებიო თავი, ეს თავმოყვარეობის საკითხია. სამწუხაროდ, მოსახლეობის დიდი ნაწილიამ არხს უყურებს და გულს იოკებს. რაც შეეხება ენ-ჯე-ოებს, ისინი ყველა ქვეყანაში დემოკრატიული წყობის ერთ-ერთი ნაწილნი არიან. ისინი კონსტრუქციული კრიტიკოსები უნდა იყვნენ, ამხილონ შეცდომებში როგორც ხელისუფლება, ასევე, ოპოზიცია. თუმცა, ხშირად მათ სპონსორები თუ დამფინანსებლები პოლიტიკური მოტივებით იყენებენ. ამიტომ, ხალხმა უნდა განსაჯოს რომელი ენ-ჯე-ო რას ემსახურება.

_ რა არის დღეს ჩვენი არჩევანი _ ევროპა თუ საბჭოთა წარსული?

_ "ნაციონალებს" რომ უსმინო: ევროპა თავად არიან, ხოლო ქალბატონი სალომე თურმე, რუსეთის გადმონაშთია. სირცხვილია ამაზე საუბარი. თუ ხალხი ტყუილ-მართალში ვერ ერკვევა, მაშინ უბედურება არ აგვცდება. ყველაფერი ცხადზე ცხადია. გადაბრალება, რაც "ნაცებს" სჩვევიათ, ძველი ჩეკისტური ტაქტიკაა.
"ნაცმოძრაობა" გვსაყვედურობს: ცხრა წლიან რეჟიმს რატომ იხსენებთო. იმიტომ ვიხსენებთ, რომ როგორც ილიამ თქვა: წარსული ქმნის აწმყოს, აწმყო _ მომავალს. თუ ჩვენი წარსული არ გვეხსომება, ვერასდროს შევცვლით ვერც აწმყოს, ვერც მომავალს. თუ წარსული აწმყოში არ გავაანალიზეთ, სწორ გადაწყვეტილებას ვერ მივიღებთ. ამიტომ, ეს სულ უნდა გვახსოვდეს. მთელს მსოფლიოს ახსოვს ნაციზმი. იცით რატომ? _ განა იმიტომ, რომ უნდათ ეს ახსოვდეთ, არამედ იმიტომ, რომ იციან: მომავალში ეს არ უნდა განმეორდეს.

თამარ შველიძე
საერთო გაზეთი # 43
27 ნოემბერი

მეტის ნახვა
8-12-2018, 09:00


2 დეკემბრის ღამეს, გაერთიანებული ოპოზიციის აქციამდე რამდენიმე საათით ადრე, ლიახვის ქუჩაზე სპეცოპერაცია ჩატარდა, სადაც უკრაინის 6 და საქართველოს ერთი მოქალაქე დააკავეს. გავრცელებული ინფორმაციით, დაკავებულებს შორის დონბასში მებრძოლი ლუკა ჩხეტიაა.
სპეცოპერაციის მეორე დღეს ჟურნალისტმა ლალი მოროშკინამ „ობიექტივის“ ეთერში სკანდალურ ინფორმაციას გააჟღერა. მისი თქმით, საქართველოს ექსპრეზიდენტ მიხეილ სააკაშვილის დაკვეთით, იგეგმებოდა გრიგოლ ვაშაძის მკვლელობა, რისი მიზანიც ქვეყანაში დესტაბილიზაციის შექმნა იყო. „ქვეყანამ აიცილა ძალიან სერიოზული არეულობა. დაგეგმილი იყო ვაშაძის მკვლელობა და გუშინ, ჩვენ კადრებშიც კარგად ვნახეთ, რომ მას საკმაოდ სქელი ჯავშანჟილეტი აცვია და ძალიან შეშინებულია. ზოგადად, ნებისმიერი ადამიანისთვის, ვისაც ეტყვიან, რომ “შენ ხარ სამიზნე”, ძალიან რთულია ამის გადატანა, თუ ის არ არის პროფესიონალი სამხედრო…“ – განაცხადა ლალი მოროშკინამ.

სწორედ მოსალოდნელ დესტაბილიაციაზე და ყოფილი პრეზიდენტის რევოლუციურ გეგმებზე ვესაუბრეთ ლალი მოროშკინას ლიახვის ქუჩის სპეცოპერაციამდე ერთი დღით ადრე და პირველი კითხვაც სწორედ მოსალოდნელი დესტაბილიზაციის შესახებ დავუსვით:

– ქალბატონო ლალი, მიუხედავად იმისა, რომ გაერთიანებული ოპოზიცია და მისი ლიდერები მშვიდობიანი პროტესტის შესახებ საუბრობენ, საზოგადოებაში არსებობს განცდა, რომ სადღაც იწერება ხელისუფლების შეცვლის რევოლუციური სცენარი.

– ჩვენ ვიცოდით ამ სცენარის შესახებ. მასობრივი არეულობის და სისხლიანი სცენარის დროს სააკაშვილი განსაკუთრებით კომფორტულად გრძნობს თავს, მაგრამ ავიწყდება, რომ რევოლუციის დროს მთავარი მოქმედი პირი ადგილზე უნდა იყოს. ოდესღაც ლენინმა შეძლო დისტანციურად რევოლუციის მოწყობა, მაგრამ მაშინ ხალხი მზად იყო ამისთვის. დღეს ხალხს მშვიდად და მშვიდობიანად ცხოვრება უნდა. როგორც უკრაინაში, ისე საქართველოში ხალხი ნელ-ნელა გამოდის სააკაშვილის დანატოვარი შოკური მდგომარეობიდან და უკან დაბრუნება არ სურს. მიუხედავად იმისა, რომ პირველ ტურზე არჩევნებზე მისვლის დიდი სურვილი არ გვქონდა და ძალიან სკეპტიკურად ვუყურებდით ბევრ რამეს, მეორე ტურზე ყველა ერთსულოვნად მივედით. ერთმანეთს ვუკაკუნებდით კარებზე, რომ არ დაგვეგვიანა, მოხუცები გამოგვყავდა სახლებიდან, რომ ხმა არ დაკარგულიყო. წარმოდგენაც კი არ მინდა, რომ შეიძლება საქართველოს ყოლოდა პრეზიდენტი, რომელიც ქალზე ამბობს, რომ უსულო საგანია. ეს არის ქვეყნის კატასტროფა.

– საუბრის დასაწყისში ბრძანეთ, რომ იცოდით რევოლუციური სცენარის შესახებ. კონკრეტულად რა ინფორმაცია გქონდათ?

– ვიცოდით, რომ რეგიონები ემზადებოდნენ არევისთვის და ცალკეული ჯგუფები გასულებიც იყვნენ ასარევად. ვიცოდით, რომ ეს უნდა დაწყებულიყო გარეუბნებიდან, ამიტომ სასაზღვრო ადგილებში და კონფლიქტურ ზონებთან სიტუაცია იძაბებოდა. პრაქტიკულად, საბოლოო შედეგს ელოდნენ, რომ დაწყებულიყო სერიოზული არევა, მაგრამ შსს-მ ძალიან კარგად იმუშავა. საოცრად მობილიზებული იყო სახელმწიფო უსაფრთხოების და კონტრდაზვერვის სამსახურები. გმირობის ტოლფასი იყო, რაც გახარიამ სამეგრელოში გააკეთა, სადაც განსაკუთრებით მობილიზებული იყო ერთი ჯგუფი. არჩევნებიდან ერთ საათში უკვე ცხადი იყო, რომ ვაშაძე დამარცხდა. ამან ისე გაამწარა სააკაშვილი, რომ აგრესიას ვერ იკავებდა. ფსიქიკის სრული ნგრევა იყო, როდესაც ის ჯარს, პოლიციას და ა.შ. დაუმორჩილებლობისკენ მოუწოდებდა და სწორედ ზემოთხსენებული სტრუქტურების გამართული მუშაობის შედეგად, ეს თავიდან ავიცილეთ. თუმცა, აქვე უნდა უნდა ვთქვათ, რომ ისეთი სახელმწიფო მოხელეებიც გვყავს, რომლებმაც არათუ რისკები ვერ აიცილეს, საერთოდ არ უმუშავიათ ამ მიმართულებით.

– იქნებ დაგვიკონკრეტოთ, რომელ სახელმწიფო მოხელეებს გულისხმობთ?

– მაგალითად, იზორიას, რომელმაც ვერ შეძლო, რომ ჯარში ნდობა მოეპოვებინა და სამხედროებმა სრული იგნორი გაუკეთეს. იგივეს ვიტყვი ქალაქებების მერებზე, სადაც შედეგი არ დადგა. ის სამი რაიონი, სადაც "ოცნებამ" არჩევნები წააგო, იმ ადამიანებზე მეტყველებს, რომლებსაც ეს რაიონები ებარათ. ეს იმ ადამიანების პირადი პასუხისმგებლობაა, რომლებმაც არ იმუშავეს. მუშაობაში ვგულისხმობ ადამიანების გულთან ახლოს მისვლას, იმედის მიცემას, დაპირებას, იმიტომ, რომ რეალურად, ეს 6 წელი ოცნებამ შეცდომებით იარა. შეცდომებთან ერთად, პიარი ან საერთოდ არ ჰქონდათ ან არ უვარგოდათ. მე ხშირად მიწევს მგზავრობა განსაკუთრებით, დასავლეთ საქართველოს მიმართულებით. ვხედავდი ახალ ავტობანებს და ვერ ვხვდებოდი, როდის გაიხსნა, იმიტომ, რომ ამაზე არავინ საუბრობდა. ვხედავდი რეალურად გაკეთებულ საქმეებს, მაგრამ ვერ ვხედავდი ხალხს, რომლებიც ამაზე ისაუბრებდნენ. მარტო „ჩ“ ჰეპატიტის პროგრამა ეყოფოდა სალაპარაკოდ რამდენიმე მთავრობას.. ცალკე თემაა ეს დამღუპველი კოჰაბიტაცია. აქამდე იმიტომ მივედით, რომ თავის დროზე მთავარ ოპოზიციურ ძალად არა ალიანსი, არამედ, ანაციონალების ანასხლეტები ვაღიარეთ. სწორედ ამ შეცდომების დამსახურებით მოხდა, რომ ბევრმა ადამიანმა, რომელმაც ხმა მისცა ნაციონალურ მოძრაობას, უბრალოდ, ხმა არ მისცა "ოცნებას" და ეს ამ განაწყენებული ადამიანების ერთგვარი რევანში იყო. დიდი შეცდომა იყო, რომ ინაშვილს გაუყალბეს საპარლამენტო არჩევნები, რომ კანცელარიასთან შიმშილობდა და მასთან არავინ გამოდიოდა. ისეთი ადამიანების უგულებელყოფა მოხდა, რომელთა უკან მართლა ასიათასობით ადამიანი დგას, რაც „პატრიოტთა ალიანსის“ მრავალათასიანმა აქციამ კიდევ ერთხელ დაამტკიცა. თუმცა, ზოგი ჭირი მარგებელია. ალბათ, კარგად უნდა დაგვენახა ვის შეუძლია ხალხის გამოყვანა, ვისი სჯერა ხალხს, ვინ არის ხალხის ერთგული და რეალურად, ვინ მოიგო არჩევნები. ჩვენ ხომ ვიცით, რომ არჩევნები ქართველმა ხალხმა მოიგო, რომელსაც ერთმანეთი გამოჰყავდა არჩევნებზე.

– თუმცა, გაერთიანებული ოპოზიცია არჩევნების შედეგებს არ აღიარებს და ხელისუფლებას ულტიმატუმების ენით ელაპარაკება.

– ეს უკვე აღარ არის აქტუალური, იმიტომ, რომ არჩევნების შედეგები ჯეიმს აპატურაიდან და ამერიკის საელჩოდან დაწყებული, პრაქტიკულად, ევროპის ყველა ქვეყანამ აღიარა. საკმაოდ ღირსეულად მოიქცა „ევროპული საქართველო“ და დათო ბაქრაძე, რომლისგანაც არანაირი ლოზუნგები არ გამიგია. მათ პირდაპირ უარი თქვეს ქუჩის აქციებზე. მეორე მხარეს ვხედავთ აგრესიულ, არაადეკვატურ ადამიანს, რომელიც იმის ნაცვლად, რომ მიულოცოს, ქალს უყვირის, – უსულო საგანი ხარო.. მე არ ვიცი ვინ თქვა, რომ ამ ადამიანს დიპლომატიის რამე ნასახი აქვს. შესაძლოა, ეს იყო ფსიქოზი და შოკური მდგომარეობა, მაგრამ როცა პრეტენზია გაქვს ქვეყნის პირველი პირი გახდე, ნებისმიერ შოკებს უნდა გაუძლო. ასეა თუ ისე, არჩევნების გარდა, ნერვების ომიც სალომე ზურაბიშვილმა მოიგო. მიუხედავად ამ საშინელი ჭაობისა, ქალს ნერვი არ შეტოკებია, ღიმილი არ მოშორებია სახიდან და ერთხელაც არ გაუკეთებია უცენზურო განცხადება. სამართლიანობა მოითხოვს ავღნიშნო, რომ 40% კარგი მაჩვენებელია და ნაციონალურ მოძრაობას საპარლამენტო არჩევნებისთვის კარგი შანსები აქვს, თუ მოიცილებენ თავიანთი რიგებიდან ექსტრემალურ პიროვნებებს.

– ამერიკელმა მკვლევარმა, ლინკოლნ მიტჩელმა “კვირის პალიტრასთან” საუბრისას განაცხადა, რომ ვაშაძის დამარცხებაში სააკაშვილის როლი უმთავრესია.“ნაციონალური მოძრაობისთვის” ის თავსატეხია, თუმცა მისი მხარდამჭერების წყალობით “ნაცმოძრაობა” ქვეყანაში კვლავ მეორე მსხვილ პოლიტიკურ ძალად რჩება“ – ეს მიტჩელის სიტყვებია.

– საქმეც ისაა, რომ ნაციონალურ მოძრაობაში ვერასდროს ახერხებენ ამ აგრესიული სახეების შეჩერებას. მათი რამდენიმე ლიდერისგან გაგვიგია კიდეც, რომ სააკაშვილი ვერ დაადუმეს. სწორედ სააკაშვილის აგრესიული რიტორიკა იყო "ოცნების" ყველაზე დიდი პიარ ტექნოლოგი და გამარჯვებაში ეხმარებოდა.

– იგივე ბრალდებები სალომე ზურაბიშვილის მისამართითაც ისმოდა. მომავალ პრეზიდენტს საყვედურობდნენ, რომ მისი ყოველი გამოსვლა `ოცნებას~ მომხრეებს აკარგვინებდა და ამიტომ გადამალეს..

– მე ასე არ ვფიქრობ, თუმცა აღსანიშნავია, რომ სალომეს ის ხალხი აქილიკებდა, რომელიც მის გამინისტრებას ტაშს უკრავდა. ეს ადამიანი ძალიან უარყოფით პიარში მოაქციეს, იმიტომ, რომ კარგად ვერ წარადგინეს და ჯეროვანი პრეზენტაცია არ ჰქონდა. დღეს რომ ვუყურებთ ძალიან ლამაზ და გულის ამაჩუყებელ სიუჟეტებს სალომეს ოჯახის ცხოვრებიდან, ეს ყველაფერი გაცილებით ადრე უნდა მომხდარიყო. სალომე პოზიცონირებული უნდა ყოფილიყო როგორც პროდასავლელი პოლიტიკოსი და ძალიან კარგი დიპლომატი. ამ ძალიან ღირსეულ ქალბატონს არანაირი დახმარება არ ჰქონია "ოცნებიდან" ბოლო წამამდე. პირიქით, თავად `"ოცნების" წარმომადგენლები უფუჭებდნენ საქმეს. ეს ჩემთვის ნაცნობია, რადგან პირადად გამივლია ეს წნეხი, როდესაც ოცნების დროს თანამდებობაზე ვიყავი დანიშნული. როგორც კი მე გავამახვილე ყურადღება ძალიან დიდ პრემიებზე, შეცდომებზე და გადაცდომებზე სასჯელაღსრულებაში, ერთ დღეში გადამთელეს დეპუტატებმა. წარმომიდგენია, რას განიცდიდა სალომე, როცა მიხვდა, რომ თანაგუნდელებში მეტი მტერი ჰყავდა.

– შეგიძლიათ სალომე ზურაბიშვილთან დაპირისპირებული თანაგუნდელები დაასახელოთ?

– ბიძინა ივანიშვილის გარდა, მიჭირს დასახელება ვინ იყო მის მხარეს. ალბათ, ყველაფერთან ერთად, ეს იყო ქართული, ხალხური შური და კავკასიური აზროვნება- არ გაატარო და დააკნინო ქალი. სამწუხაროდ, არასამთავრობოები, რომლებიც გრანტებს იღებდნენ ქალზე ძალადობასთან ბრძოლისთვის, თავად აღმოჩნდნენ ქალზე მოძალადეები. მამაკაცები ყველაფერს კადრულობდნენ, რომ ქალისთვის შეურაცხყოფა მიეყენებინათ და ოცნება ამაზე კულუარებში ქილიკობდა, რაც ძალიან კარგად ვიცი.

სხვათა შორის, საზღვარგარეთ ჩატარებული არჩევნების შედეგებზე ძალიან დიდი გავლენა მოახდინა იმან, რომ საფრანგეთსა და იტალიაში არაჩვეულებრივი ელჩები გამოცვალეს. ამით ძალიან ჩამოიშალა სიტუაცია ევროპაში. მიუხედავად იმისა, რომ დავით ზალკალიანს პირადად ვიცნობ, ვფიქრობ, რომ მან იზორიასთან ერთად უნდა დატოვოს თანამდებობა. ზოგადად, ქვეყანას ჭირდება ძლიერი გუნდის შექმნა, რომელიც საკუთარ ჯიბეზე კი არა, ქვეყნის აღმავლობაზე იქნება ორიენტირებული. წინასაარჩევნოდ კახი კახიშვილის „ჩრდილში“ გადაყვანაც ხომ ბოროტის გაკეთებულია? კახიშვილი ჩემი მეგობარია და ზუსტად ვიცი, შიგნიდან როგორ „ჭამდნენ“, როგორ არ სიამოვნებდათ მისი წინსვლა და მისი წარმატებული, ევროპული რეფორმები.

– შეიძლება, რომ კახიშვილი რომელიმე სხვა, უფრო აქტიურ პოზიციაზე ვიხილოთ?

- ვისურვებდი, რომ ასე მომხდარიყო. იმ ადამიანების „ჩაჩოჩებით“, რომლებიც რეალურად მუშაოდნენ ძალიან ბევრი რამე გაფუჭდა. მთელ მსოფლიოში ასეა, რომ არჩევნებამდე მიდიან საჩუქრებით მიდიან და არჩევნების შემდეგ იწყება ხისტი ნაბიჯები. ჩვენთან პირიქით მოხდა. რატომღაც ხისტი ნაბიჯებით გადავწყვიტეთ არჩევნების მოგება.. საინტერესოა, ვის თავში „მოიხარშა“ ეს პიარი? საუბრის ბოლოს გეტყვით, რომ საკუთარი გუნდისგან მოტყუებული და აბსოლუტურად გაჭაღარავებული ბიძინა ივანიშვილი ჩაერევა წკეპლით ხელში და ძალიან სერიოზული ცვლილებები იქნება. ვფიქრობ, რომ აუცილებლად უნდა დაბრუნდეს თუნდაც 10-კაციანი ნდობის ჯგუფი, რომელსაც პირადად ბიძინა ივანიშვილთან ექნება კონტაქტი. დაარქვას თუნდაც „ჩაი ჩაკითხვით“, ჩაგვეკითხოს ყველაფერზე, რაც აინტერესებს და ჩვენ სრულ და ობიექტურ სურათს დავდებთ. 2020 წლამდე ცოტა დრო რჩება და შედეგის მისაღწევად მთელი ძალით და მონდომებით მუშაობაა საჭირო. ხელისუფლებას სხვა გზა და გამოსავალი უბრალოდ, არ აქვს.

ნელი თორდია

მეტის ნახვა
7-12-2018, 12:00