რედაქციის სტუმარია, ცნობილი იურისტი, ადვოკატი დიანა გვიშიანი.

- ქალბატონო დიანა, თქვენ, სტაჟიან, გამოცდილ იურისტს, რითი დაგამახსოვრდათ „ნაციონალების“ ცხრაწლიანი მმართველობა?

- არნახული უკანონობით, კანონის ფეხქვეშ გათელვით.

- მე მახსოვს 2012 წლის სექტემბრის ბოლო, როცა გავრცელდა ე.წ. ციხის კადრები, რაც საზოგადოებისთვის შოკისმომგვრელი იყო…

- სიმართლე გითხრათ, ჩემთვის ეს კადრები არ იყო მოულოდნელი და წარმოუდგენელი, რადგან მაგ დროისთვის უკვე დიდი ხანია სისტემაში ვმუშაობდი და ვიცოდი, რომ კარანტინის დაშლის დროს პატიმრებს სცემდნენ. ამიტომ, ჩემს დაცვის ქვეშ მყოფებს ყოველთვის ვაფრთხილებდი: არ შეეპასუხოთ, არ გაუძალიანდეთ, თორემ ცემით მოგკლავენ-თქო. ბევრი ასეთი შემთხვევა მქონია პრაქტიკაში.
მერე, ციხეშიც ხდებოდა ზეწოლა, ღირსების შელახვა. მაგალითად, შედიოდა ბადრაგი და ეუბნებოდა ტუსაღს: შეძვერი საწოლის ქვეშ და სანამ არ მოვალ, არ გამოხვიდეო. აბა, გაგებედა და არ შეგესრულებინა ბადრაგის ახირება! სამწუხაროდ, პატიმრები ამაზე იშვიათად თუ ყვებოდნენ, თან გთხოვდნენ, არ გაახმაუროთო. ჯალათების ეშინოდათ. არ მისახელებდნენ მოძალადე ბადრაგების ვინაობას, რადგან პატიმარს მართლა მოკლავდნენ.

- ცემით?

- არა მარტო ცემით. გადაიყვანდნენ სამკურნალო დაწესებულებაში, იქ სხვა დიაგნოზს დაუწერდნენ და ვერსად იჩივლებდი. შეკრული წრე იყო, გამოსავალი არ არსებობდა… სწორედ, ასე მოექცნენ ჩემს დაცვის ქვეშ მყოფ პატიმარს, თამაზ დადვანს. თამაზი 22 წლის იყო, როცა ყაჩაღობის მუხლით გაასამართლე. რვა წელი მიუსაჯეს დანაშაულისთვის, რომელიც არ ჩაუდენია; ხოლო, რამდენიმე თვეში სიცოცხლე მოუსწრაფეს. ჯანმრთელი, ძლიერი ბიჭი იყო, ვერ ეგუებოდა მათ „წესებს“. ეტყობა, სიტყვასაც უბრუნებდა, როცა უმიზეზოდ ურტყამდნენ. მან მომიყვა, როგორ ჩაუნგრიეს ორგანოები ოცმა თანამშრომელმა. ერთ დღეს დაგვიკავშირდნენ თამაზის ოჯახის წევრები, გვითხრეს, ძალიან მძიმედ არის და გვიშველეო. ვუთხარი მათ, შევალ და ვნახავ-მეთქი. ციხის საავადმყოფოში შევედით მე და ჩემი კოლეგა – მაია დონაძე. თამაზი ჯერ კიდევ დადიოდა, მაგრამ ძალიან გაუბედურებული იყო. მახსოვს მთხოვა, ჩემი შეყვარებულის სურათი დამრჩა საპყრობილეში და გეხვეწები, იმ კედლებში ნუ დამიტოვებო… მეორედ რომ მივედით, ციხის ექიმებმა გვითხრეს, მფრინავი ტუბერკულოზი აქვს და პირბადეების გარეშე ნუ შეხვალთო. პირბადეები თავად არ ჰქონდათ და მაინც შევედით. თამაზ დადვანმა მოგვიყვა, როგორ სცემეს ის ბადრაგებმა. მანდ მთავარია, არ წაიქცე, თუ წაიქეცი, ზედ შეგდგებიანო. თავიდან ვუძლებდიო, თქვა, მერე დიდი ტანის ბადრაგი მოვიდა, იმან დამარტყა, წავიქეცი და შემდგნენო… სვანი იყო და ღირსების შელახვას ვერ აიტანდა. ალბათ, ამიტომაც ცემდნენ უმოწყალოდ, რომ ოთხზე არ დადიოდა, საწოლის ქვეშ არ ძვრებოდა, როგორც ზოგიერთი… რეანიმაციაშიაო გვითხრეს. ის ოთახი მორგს უფრო წააგავდა. თამაზი საწოლზე ეგდო, არაფერი ეფარა, მოძრაობის უნარიც არ ჰქონდა. ხელი მოვკიდე ხელზე და ისე მოვაწერინე ექსპერტიზის დანიშვნის თხოვნაზე… გვერდით ედო ხელუხლებელი ცელოფნის პარკში ოჯახიდან გამოგზავნილი თეთრეული და ტანსაცმელი. თეთრეული არც კი გადაუკრავთ. ზამთარი იყო. ერთადერთი ამოილუღლუღა: ფანჯარა დახურეთო. იქვე კიდევ ორი პატიმარი იწვა მოკუნტული საწოლზე, არანაირი სამედიცინო აპარატურა და ნივთი იქ არ მოიპოვებოდა. იწნენ და ელოდნენ სიკვდილს. მაიამ და მე თამაზი გავამხნევეთ: ნუ გეშინია, ყველაფერს გავაკეთებთ, ხვალ გამოხვალ-მეთქი. -ექსპერტიზის დასკვნა რომ იქნება, მერე, მაინც, ხომ დაიჯერებენ, რა მიქნესო, თქვა. იმედი მიეცა. ოთახიდან რომ გამოვედით, ექიმი ვნახეთ, ვუთხარით, მიხედეთ ბიჭს, რომ გდია იქ, გადასხმა მაინც გაუკეთეთ- თქო. ექიმმა ირონიულად გაიღიმა… მეორე დილას დამირეკეს და უხეშად მითხრეს, შენი პატიმარი მოკვდა და ოჯახს გააგებინეო. ოჯახის წევრებს ხელი მოაწერინეს იმაზე, რომ პრეტენზიები არ ექნებოდათ…

- ქალბატონო დიანა, ოჯახის წევრებს პრეტენზიები რომ გაჩენოდათ, მაშინ რა იქნებოდა?

– თამაზ დადვანის ოჯახის წევრები დააშანტაჟეს, ამ საბუთს ხელს თუ არ მოაწერთ, ცხედარს არ გაგატანთო…
სააკაშვილის მმართველობისას, პატიმარი ვერ წერდა საჩივარს კოკრეტულად რომელიმე ბადრაგის წინააღმდეგ. ვინც დაწერა, არ დაადგა კარგი დღე, ცემით მოკლეს ამის გამო. მაგალითად, გადავიყვანე ნაცემი, ფეხმომტვრეული პატიმარი ციხის საავადმყოფოში, მაგრამ პატიმარმა არ დამიდასტურა, რომ მას ფეხები ციხის ადმინისტრაციამ მოუმტვრია. მე როგორღა უნდა დამემტკიცებინა ადმინისტრაციის დანაშაული?

- რისთვის მოუმტვრიეს მას ორივე ფეხი?

– შესთავაზეს, ან გაგაუპატიურებთ, ან ფეხებს მოგამტვრევთო. მეორე აირჩია. ეს მერე გავიგე. დღემდე ეტლში ზის და, მიუხედავად იმისა, რომ ითხოვს სახელმწიფოსგან დახმარებას, როგორც რეჟიმის მსხვერპლი, არ ეხმარებიან, რადგან სააკაშვილის ხელისუფლება იურიდიულად არ არის გაფორმებული, როგორც დანაშაულებრივი რეჟიმი… მახსოვს, ერთხელ ციხის საავადმყოფოში ერთ-ერთ პატიმარს გავესაუბრე, თეატრალური ინსტიტუტის სტუდენტს. ცემასა და ზეწოლას ვერ გაუძლო და ფსიქიკური აშლილობა დაემართა. ეს ახალგაზრდა აღმოჩნდა მწერალ ლერი ალიმონაკის შვილი, გიორგი ალიმონაკი. თავის ადვოკატს ჰყავდა შემოყვანილი ინვალიდის ეტლით. გიორგის ეჩვენებოდა, რომ მასთან მუდვივად იმყოფებოდნენ 6–7 ბიჭი, თითოეული მათგანი თავისი ბავშვობის ეპიზოდი ეგონა. გვთხოვდა, სახლში წამიყვანეთ, დედასთანო. არც კი ახსოვდა, რომ პატიმარი იყო. ერთი სიტყვით, სააკაშვილის რეჟიმის დროს პატიმარი ბადრაგის საკუთრება იყო, ნივთი …

– თქვენი აზრით, „ნაცები“ ასე სასტიკად, რატომ ეპყრობოდნენ ადამიანებს?

– შეხედეთ მათ ლიდერებს. ვინ არიან ისინი? სულით და ხორცით მახინჯი არსებები, რომლებმაც გადაწყვიტეს ლამაზი, ჭკვიანი ქართველი ერის გენოციდი. მათი პათოლოგიური სისასტიკის მიზეზის სხვა ახსნა მე არ მაქვს.

გიორგი კორძაძე

მეტის ნახვა
29-11-2018, 08:30


ქართველებო, არ აჰყვეთ "ნაციონალი" კრიმინალების ზღაპრებს და დემაგოგიას – 28 ნოემბერს გააკეთეთ სწორი, პრაგმატული და პრინციპული არჩევანი _ არჩევანი საქართველოს გადასარჩენად!

მოდით, მშვიდად, ემოციების გარეშე, ცივი გონებით გავაანალიზოთ, რას გვპირდება გრიგოლ ვაშაძე!

გრიგოლ ვაშაძე (სხვათა შორის, ძალიან ღიად და დაუფარავად) გვპირდება რევოლუციას, დესტაბილიზაციას, არეულობას, სამოქალაქო დაპირისპირებას, ეკონომიკის ნგრევას, კრიმინალების ციხიდან გამოშვებას.
რატომ აპირებს ის ამის გაკეთებას?

არა იმიტომ, რომ რევოლუცია და სამოქალაქო დაპირისპირების პროვოცირება მისი თვითმიზანი და იდეაფიქსია, არამედ იმის გამო, რომ ის იძულებულია, ასე მოიქცეს, რადგან მას სხვა გამოსავალი და სხვა არჩევანი არ აქვს.

რატომ არ აქვს სხვა არჩევანი?

იმ უბრალო მიზეზის გამო, რომ გრიგოლ ვაშაძეს პრეზიდენტის სტატუსი არანაირ შანსს არ აძლევს, შეასრულოს ის დაპირებები, რასაც ის მოსახლეობას ჰპირდება.

პრეზიდენტი ვაშაძე, იმის გამო, რომ პრეზიდენტია, ვერც პენსიას მოუმატებს პენსიონერებს, ვერც საბანკო რეფორმებს განახორციელებს, ვერც 600 000 ადამიანს ჩამოაწერს ვალს, ვერც სასამართლო სისტემაში შეიტანს ცვლილებებს, ვერც ეკონომიკის განვითარების ტემპებს დააჩქარებს _ მას, როგორც პრეზიდენტს, ამის უფლებამოსილება არ აქვს.

ვაშაძემ რაღაცის გაკეთება რომ მოახერხოს, მან მთლიანად უნდა შეცვალოს ხელისუფლება _ დაითხოვოს მთავრობა, დაითხოვოს პარლამენტი, სადაც საპარლამენტო უმრავლესობას "ქართული ოცნება" ფლობს, მაგრამ ვაშაძეს ამ ამოცანის განხორციელების არანაირი ბერკეტი არ აქვს.

ამიტომაც ამბობს იგი, რომ გაპრეზიდენტების შემდეგ სათავეში ჩაუდგება საპროტესტო გამოსვლებს _ ქუჩაში გამოიყვანს 50-100 000 ადამიანს და ხელისუფლებას აიძულებს, დაინიშნოს ვადამდელი საპარლამენტო არჩევნები, სადაც "ნაციონალურმა მოძრაობამ" დიდი უპირატესობით უნდა გაიმარჯვოს, რომ შეძლოს საპარლამენტო უმრავლესობის მოპოვება, რის გარეშეც "ნაცმოძრაობა" ვერანაირ ცვლილებებს ვერ განახორციელებს.
ახლა იმაზე დავფიქრდეთ, რამდენად რეალურია დროში გაწელილი ამ ურთულესი ზეამოცანის განხორციელება?

შეგვიძლია ცალსახად, მთელი კატეგორიულობით განვაცხადოთ _ ამ ზეამოცანის განხორციელების შანსი ნულის ტოლია.

გამოდის, რომ ვაშაძის პრეზიდენტად არჩევის შემთხვევაში ჩვენ ვირჩევთ ნულს, ცარიელ ადგილს, ბლეფს, "ფუფლოს", რომლის შედეგად ხელში შეგვრჩება ავლაბრის რეზიდენციაში გამოდგმული ულვაშებიანი თოჯინა, რომელსაც არაფრის შეცვლა, არაფრის გაკეთება არ შეუძლია, გარდა ერთისა _ ხანდახან წამოიჩხავლოს და სულელური ლოზუნგები წამოისროლოს.

ასე რომ, ამომრჩეველი, რომელიც ხმას გრიგოლ ვაშაძეს აძლევს, უშვებს უდიდეს შეცდომას, ამჟღავნებს რა სრულ პოლიტიურ უმწიფრობას და სიბეცეს.
ცხადია, უკიდურესად შეურაცხმყოფელია, როცა ასე ადვილად გატყუებენ, როცა სულელად გთვლიან და იმ ავანტურაში გითრევენ, რომელიც, ელემენტარული გათვლებით, თავიდანვე დამარცხებისთვის არის განწირული.

ისღა დაგვრჩენია, გულწრფელად თანავუგრძნოთ იმ 600 000 ადამიანს, რომლებიც პოლიტიკურმა ფარისევლებმა და აფერისტებმა I ტურში ასე მწარედ მოატყუეს და ხმა იმ ავანტურისტული პროექტისთვის მიაცემინეს, რომელსაც განხორციელებას არ უწერია.
იმედია, ამ ადამიანების უმრავლესობა ახლა მაინც მოეგება გონს და თავის შეცდომას გამოასწორებს.

რაც შეეხება პრეზიდენტობის მეორე კანდიდატს სალომე ზურაბიშვილს, რომელსაც მხარს "ქართული ოცნება" უჭერს, მისი გამარჯვება "ქართულ ოცნებას" საშუალებას მისცემს, ხელოვნური დაბრკოლებების და მოსალოდნელი დესტაბილიზაციის საფრთხის გარეშე, მშვიდ ვითარებაში, დროის მოკლე მონაკვეთში, შეასრულოს ყველა ის პირობა, რაც მან საქართველოს მოსახლეობას მისცა.

"ნაცმოძრაობისგან" განსხვავებით, "ქართულ ოცნებას" ამ პირობის შესრულებისთვის ყველა აუცილებელი ბერკეტი გააჩნია, საჭიროა მხოლოდ პოლიტიკური ნების გამოჩენა და იმ გამოუყენებელი რესურსების ამოქმედება, რომლებიც "ქართული ოცნების" რეზერვში მრავლადაა..

თუ გავითვალისწინებთ იმ გარემოებას, რომ 2020 წელს საპარლამენტო არჩევნებია, შეგვიძლია დავასკვნათ, რომ "ქართული ოცნება" თავისი შესაძლებლობის მაქსიმუმს გააკეთებს, რომ საქართველოს მოსახლეობის ნდობა და მხარდაჭერა დაიბრუნოს.
ასე რომ, ქართველ ამომრჩეველს ძალიან მარტივი და უბრალო არჩევანის გაკეთება მოუწევს.

ეს არის არჩევანი ორ ძალას შორის, საიდანაც ერთს ცრუ დაპირებების და ცრუ ფახიფუხის გარდა, არანაირი ბერკეტი არ გააჩნია, ქვეყანაში სასიკეთო ცვლილებები განახორციელოს, მეორე მხარეს კი დგას რეალური ძალა, რომელიც რეალურ ძალაუფლებას და, როგორც ვთქვით, ყველანაირ ბერკეტს ფლობს, რომ საქართველოს ბედი უკეთესობისკენ შეცვალოს და ამისთვის მას `ნაცმოძრაობასავით~ არც არეულობის მოწყობა სჭირდება, არც რევოლუცია და არც დესტაბილიზაცია.

ყველაფერი ნათელია, ყველაფერი ცხადია, ყველაფერი გარკვეულია _ ახლა ცოტა მეტი გონების დაძაბვა გვჭირდება, ცოტა მეტი პრაქტიკული აზროვნება და ელემენტარული არითმეტიკა გვჭირდება, რომ საკუთარი ქვეყანა საკუთარი ხელით არ დავანგრიოთ და ამ ნანგრევებქვეშ ჩვენ თვითონ არ მოვყვეთ...
გაპრეზიდენტება _ გადარჩენის და სიცოცხლის გაგრძელების გარანტი.

ვაშაძისთვის I ტურში მიცემული 600 000 ხმა საქართველოსთვის ზურგში ნასროლი 600 000 ტყვიაა, სალომე ზურაბიშვილისთვის მიცემული თითოეული ხმა საქართველოს აწმყოსა და მომავლის ასაშენებლად დადებული თითო აგური.

ასე რომ, არჩევანი თქვენზეა, ძვირფასო ქართველებო!

ვახტანგ ხარჩილავა

მეტის ნახვა
27-11-2018, 09:30


ჩვენს დედა-სამშობლოს, საქართველოს, არასოდეს მოკლებია შინაური თუ გარეული მტერი, ჭილყვავი მრავლად ეხვია მუდამჟამს ჩვენს ქვეყანას, გაჭირვების დროს თუ დალხენილი ცხოვრებისას.

ყველა აშკარა მტერი, ვითომ მოყვარე, რომელიც ძმობას გვეფიცებოდა და ზურგსუკან მახეს გვიგებდა, ცდილობდნენ საქართველოსთვის ევნოთ. სამწუხაროდ, ასეა დღესაც. 2012 წლის არჩევნების შემდეგ საქართველოს მოსახლეობამ შვებით ამოისუნთქა. გვეგონა, საბოლოოდ მოვიცილეთ სახადი, ჭირი, რომელსაც "ნაცმოძრაობა" ჰქვია. ჩვენდა საუბედუროდ, პირსისხლიანი, დამნაშავე რეჟიმი არათუ გაქრა საქართველოს პოლიტიკური სივრციდან, იბარტყა! პირსისხლიანი "ნაცმოძრაობის" ნიადაგზე აღმოცენდნენ "გირჩი", "ევროპული საქართველო"… მათ დაემატათ პარტიები, რომლებიც ჯერ კიდევ 6 წლის წინ ნაცრეჟიმის ოპოზიციად გვაჩვენებდნენ თავს "რესპუბლიკელები", ლეიბორისტები და კიდევ სხვები.

გაყიდული თუ ირპირი პარტიების ფარისევლობა კარგად გამოჩნდა საპრეზიდენტო არჩევნების პირველი ტურის შედეგების გამოცხადების შემდეგ. მათ თითქმის ერთხმად განაცხადეს, მეორე ტურში მხარს ნაცების კანდიდატს გრიგოლ ვაშაძეს დავუჭერთო. თავისთავად, ნებისმიერი ადამიანი არჩევნებში თავისუფალია, საკუთარ ხმას ვისაც უნდა, იმას მისცემს. აქ საკითხავია, იმსახურებს კი ნაცრეჟიმის კანდიდატი ხალხის მხარდაჭერას? 

საკითხავია, რატომ არ იმსახურებს ნაცრეჟიმის კანდიდატი ქართველი ხალხის ნდობას, დაიკავოს ქვეყანაში მაღალი თანამდებობა. დავიწყოთ იმით, რომ ამხანაგ ვაშაძეს გვარ-სახელის გარდა ქართული არაფერი აქვს. ეროვნულობაზე ლაპარაკიც ზედმეტია. იგი სულით ხორცამდე უცხოელია, სხვა ქვეყნის ინტერესების კბილებით დამცველი. უცხოეთში, კერძოდ, რუსეთში, უმაღლესი განათლება უამრავ ქართველს აქვს მიღებული. უმეტესობა მათგანი საქართველოს სამსახურში ჩამდგარა და ახლაც არის, რასაც ვაშაძეზე ვერ ვიტყვით. აფხაზეთის კონფლიქტის დროს მას თითი თითზე არ დაუკარებია, ერთი სიტყვაც არ დასცდენია საქართველოს მხარდასაჭერად. სამაგიეროდ, პირად კეთილდრეობაზე ზრუნავდა. 

დავუშვათ, აფხაზეთის კონფლიქტის პერიოდფში ამხანაგ ვაშაძეს უკვე აღარ ჰქონდა ავტორიტეტი საგარეო საქმეთა სამინისტროში და უშიშროებაში, სადაც მოღვაწეობდა. ჯერ კიდევ საბჭოთა პერიოდში, 80-იან წლებში, შვეიცარიის ხელისუფლებამ ათი საბჭოთა დიპლომატი გააძევა ქვეყნიდან შპიონაჟის ბრალდებით. ერთ-ერთი მათგანი სწორედ გრიგოლ ვაშაძე გახლდათ. სავარაუდოდ, პატრონებმა ჩავარდნა არ აპატიეს. თუმცა, მშობლიური რუსეთის დედაქალაქი არ მოუტოვებია. იმედი ჰქონდა, კვლავ გამოადგებოდა სამშობლოს, ანუ რუსეთს. ეს დროც დადგა და კახა ბენდუქიძის მსგავსად, ისიც გამოაგზავნეს საქართველოში, სავარაუდოდ, განსაკუთრებული დავალებით, ანუ ქვეყნის დასაზარალებლად.

რუსეთშია დაბადებული მსახიობი ოლეგ ბასილაშვილი. ქართული არ იცის, სამაგიეროდ, ახსოვს თავისი მამა-პაპის ფუძე. რუსეთში ვარ დაბადებული, არ ვიცი ქართულიო, განაცხადა ეთ-ერთ ინტერვიუში. თუმცა 2008 წელს, ცხინვალის ამბების შემდეგ სანქტ-პეტერბურგში დარბაზი გაავსო და ღიად, მკაცრად დაგმო რუსეთის აგრესია, ამხანაგი ვაშაძე კი რუსეთის კულტურის სამინისტროს ქართული ანსამბლების კონცერტების გამართვას სთხოვდა.

პირსისხლიანი ნაცრეჟიმის დანაშაულების ჩამოთვლა შორს წაგვიყვანს, თუმც ვაშაძისთვის მნიშვნელობა არ ჰქონდა და მათ სამსახურში ჩადგა _ საქართველოს საგარეო საქმეთა მინისტრის თანამდებობაზე მისი დანიშვნა რამდენად სამართლიანი და ლოგიკური იყო, ცალკე თემაა. გულის და ხელის კანკალით, თვალცრემლიანმა დათმო რუსული პასპორტი თანამდებობაზე დანიშვნისას. თუმცა აღნიშნა, რუსეთი ჩემში რჩებაო. კარგი, ბატონო, დაინიშნა მინისტრად, მაგრამ რა გააკეთა სასიკეთო? არაფერი! პირიქით, ცდილობდა რუსეთის ინტერესების გატარებას, ანუ დავალების პირნათლად შესრულებას, რასაც კარგადაც აკეთებდა.

დანაშაულები, რომელსაც ფაშისტური რეჟიმი სჩადიოდა, ამხანაგ ვაშაძისთვის მისაღები და, თქვენ წარმოიდგინეთ, ლეგიტიმურიც კი იყო. მას ხმა არ ამოუღია ვეტერან მებრძოლთა აქციაზე მათი დების, მეუღლეების ფიზიკურ შეურაცსყოფაზე. 2011 წლის 26 მაისს, დამოუკიდებლობის დღისადმი მიძღვნილ აღლუმზე ამაყად იდგა ტრიბუნაზე. ოფიცერმა ვაშაძემ არაფრად ჩააგდო იმ ღამით მშვიდობიანი მიტინგის სასტიკი დარბევა, დაღუპულები, რომლებიც მაღაზიის სახურავზე გადამალეს. ან რა ჰქონდა სათქმელი, მისი გადასახედიდან თურმე ასე იყო საჭირო.
საარჩევნო კამპანია ამხანაგმა ვაშაძემ აგრესიულად რომ დაიწყო, ყველამ კარგად ნახა. კამპანიის წარმოების დასახმარებლად ვაშაძემ მშობლიურ რუსეთს სთხოვა დახმარება, საიდანაც ე.წ. `პიარშიკების~ დესანტი გადმოსხეს, ეგებ მართლა გახდეს ჩვენი კაცი პრეზიდენტიო. 
სისხლით და ხორცით რუსეთის მოქალაქე და მადიდებელი ვაშაძე იქამდე მივიდა, საფრანგეთში დაბადებულ და გაზრდილ, სულით და გულით ქართველს, ქალბატონ სალომე ზურაბიშვილს რუსეთის აგენტობა დააბრალა! ქართული მეტყველება დაუწუნა ოფიცერმა გრიგოლმა, რომელიც არ გამოირჩევა მჭერმეტყველებით. ამასთან, მისმა შვილებმა ქართული საერთოდ არ იციან, ქალბატონი სალომეს საფრანგეთში გაზრდილი შვილები კი მშვენივრად მეტყველებენ ქართულად. სასაცილოა, სატირალი რომ არ იყოს, როდესაც კაგებეშნიკი ვაშაძე რუსეთის აგენტობას აბრალებს საფრანგეთში დაბადებულ ადამიანს, რომელმაც უცხოეთშიც არ დაივიწყა ენა, მამული, სარწმუნოება.

გრიგოლ ვაშაძე იმ პარტიაშია, რომლის დამფუძნებელ-სულის ჩამდგმელები შლეგი სააკაშვილი, ბიძამისი თემურ ალასანია, რომელიც არანაკლები სადისტია, ქვეყანას (სამშობლოო, ვერ ვიტყვით, მათთვის უცხოა ეს ცნება), სადაც დაიბადნენ, ქართველ ხალხს დედას აგინებენ. თუმცა, რა, სამივე მათგანი კაგებეს შვილები არიან. მათი მიზანი საქართველოს დანაწევრება ან მთლიანად რუსეთისთვის ჩაბარება გახლავთ. თურმე შლეგი სააკაშვილის ავანტურა ცხინვალში უნდა დავივიწყოთ და არ გავახსენოთ!

აი, ამიტომაც ვუწოდებთ ნაცრეჟიმს და მის სატელიტებს ქვეყნის მტრებს. ამიტომ არ შეიძლება ოფიცერ ვაშაძის არჩევა ჩვენი ქვეყნის პრეზიდენტად. 

და ბოლოს, ოფიცერ ვაშაძის საქართველოს პრეზიდენტად არჩევა რომ არ შეიძლება, ამის თაობაზე ევროპარლამენტშიც დააფიქსირეს. ევროდეპუტატებს დაუშვებლად მიაჩნიათ საქართველოს პრეზიდენტად საბჭოთა დიპლომატის არჩევა. შესაძლოა, მათ არ იციან, რომ საბჭოთა დიპლომატი კაგებეშნიკი, თანაც ოფიცერია. ან თუ იციან, ისევ ქართველი ხალხი და სახელმწიფო დაინდეს, ბოლომდე არ გაგვწირეს. ანუ პირდაპირ არ გვითხრეს, გამოფხიზლდით, კარგად გაიაზრეთ, ვინ იყრის კენჭს პრეზიდენტობაზეო. ამის გარდა, ნიშანდობლივია, რომ "ევროპული საქართველოს" რიგებს დასტა-დასტა ტოვებენ მხარდამჭერები იმ მიზეზით, რომ ე.წ. პარტია მხარს ნაცების კანდიდატს უჭერს. ვნახოთ, საბოლოო განაჩენამდე მხოლოდ ერთი კვირაა დარჩენილი.

გია ბურდული

მეტის ნახვა
26-11-2018, 19:30


გასულ კვირას რედაქციაში ახალგორის მაცხოვრებლები გვეწვივნენ და მოისურვეს საკუთარი მოსაზრებების "საერთო გაზეთის" მკითხველებისთვის გაზიარება.

გვესაუბრებიან არასამთავრობო ორგანიზაცია "კავკასია 1014"-ის დამფუძნებელი, ქალბატონი იზო ყაულაშვილი და სახალხო აქტივისტი, ბატონი გიორგი წიპტაური.


იზო ყაულაშვილი, არასამთავრობო ორგანიზაცია "კავკასია 2014"-ის დამფუძნებელი:
ჩვენს ორგანიზაციაში არიან, ძირითადად, ცხინვალისა და სოხუმის რეგიონიდან დევნილი მოსახლეობა.

ჩვენი მთავარი ამოცანაა, სახალხო დიპლომატიით ურთიერთობის აღდგენა.

22 ნოემბერს დევნილთა დასახლებაში საქველმოქმედო აქცია ტარდება _ "შევუნარჩუნოთ ახალგორს მოსახლეობა". თუ სახალხო დიპლომატია თავის სიტყვას იტყვის და მოლაპარაკებები დაიწყება, დაიწყება სწორედ ახალგორიდან.

ჩვენ საქართველოს სადარაჯოზე ვდგავართ რიგით ჯარისკაცებად და ჩვენი ქვეყნის გადასარჩენად ყველაფერი უნდა გავაკეთოთ. წინ დიდი ბრძოლა გველის და ეს ბრძოლა ჩვენ უნდა მოვიგოთ!

მოგეხსენებათ, 25 ნოემბერს "პატრიოტთა ალიანსი" აქციას მართავს.

მოვუწოდებ ყველას, შევიკრიბოთ და შევუერთდეთ ამ აქციას. განსაკუთრებით სოხუმიდან და ცხინვალის რეგიონიდან დევნილებს მოვუხმობ, მოვიდნენ და დადგნენ ჩვენს გვერდით, დავანახოთ ყველას, რომ დამნაშავე რეჟიმის წინააღმდეგ ყველანი ვერთიანდებით!
გიორგი წიპტაური, აქტივისტი ახალგორიდან: საპრეზიდენტო არჩევნები ისე ჩატარდა, რომ არათუ მიაქტიურია, არამედ საერთოდ არც წავსულვარ არჩევნებზე. არ დაგიმალავთ, ძლიერ უკმაყოფილო ვიყავი ახლანდელი ხელისუფლების, მაგრამ ეს იმას არ ნიშნავს, რომ ვიღაცებს იმის საშუალება მივცეთ, რომ ქვეყანაში კვლავ არასტაბილური ვითარება შეიქმნას და სამოქალაქო დაპირისპირება მოხდეს.

დღევანდელი საპრეზიდენტო კანდიდატის გრიგოლ ვაშაძის უკან დგას მათი ბელადი მიხეილ სააკაშვილი და მისი ამფსონები, რომლებსაც მთელი ცხრა წლის განმავლობაში და მანამდეც უამრავი ბნელი საქმე აქვთ გაკეთებული.ე, თუ დავაზუსტებ, გასული საუკუნის 90-იანი წლებიდან მახსოვს ეს ხალხი და რაც ჩაიდინეს მაშინ, ყველამ ვიცით.

მე, პირადად, როგორც ერთი ადამიანი, წინ აღვუდგები ყოველგვარ დაპირისპირებას ქვეყნის შიგნი თ. ამიტომაც ვარ ხელისუფლების მხარდაჭერილი კანდიდატის მომხრე.

ამ ეტაპზე ჩვენი რეგიონის მოსახლეობისთვის მნიშვნელოვანია და მთელი საქართველოსთვის აუცილებელი, რომ II ტურში ხელისუფლების მხარდაჭერილმა კანდიდატმა გაიმარჯვოს. ეს იქნება ჩვენი ქვეყნის მშვიდობისა და სტაბილურობის გარანტი.

22 ნოემბერს გავმართავთ აქციას _ "შევუნარჩუნოთ ახალგორს მოსახლეობა", სადაც ჩაერთვებიან საზოგადოების ცნობილი ადამიანები, პატრიოტი ხალხი.
მეორე ტურში უნდა გავიმარჯვოთ! ამის შემდეგ კი მივმართავთ ხელისუფლებას იმის გარდა, რასაც აკეთებდნენ ახალგორის რაიონში, უფრო მეტი გააკეთონ და მხარში ამოგვიდგნენ ახალგორის მოსახლეობას. კერძოდ, უნდა განხორციელდეს სოფლის მეურნეობის პროექტები ახალგორში. ეს აუცილებელია რეგიონში მოსახლეობის დასამაგრებლად.

დიახ, ხელისუფლების გვერდით ვდგავართ. უნდა გავიმარჯვოთ. არჩევნების შემდეგ ჩვენი განცხადებები იქნება ძალიან მძიმე და მკვეთრად გამოხატული. მანამდე, როგორც ზემოთაც გითხარით, საქველმოქმედო აქციას ვმართავთ "შევუნარჩუნოთ ახალგორს მოსახლეობა", სადაც ქართული ჩოხებითა და ადათ-წესების დაცვით წარმოვაჩენთ ჩვენს კულტურას და წეს-ჩვეულებებს. ეს გამიზნულად კეთდება. შარვლები რომ ჩაიწიეს და უკანალები გამოაჩინეს, ჩვენ უნდა დავანახოთ ყველას, რომ ესენი კი არ არიან ქართველები, არამედ ისინი, რომლებიც ჩოხას ღირსეულაც იცვამენ და ვაჟკაცები არიან. საზღვარგარეთ რომ წავიდეთ, რა ვთქვათ, ჩვენ იმ ხალხის თანამემამულეები ვართ, უკანალები რომ მოიშიშვლესო? ვინღა დაგველაპარაკება ჩვენ სერიოზულად სერიოზულ თემებზე?! 22 ნოემბრის ღონისძიებით ჩვენი ქართული სახე კიდევ ერთხელ უნდა დავანახოთ ყველას.

ქალბატონი იზო ყაულაშვილი დამეთანხმება, რომ ეს საჭირო ღონისძიებაა, ისიც თავის თანამოაზრეებთან ერთად გვიერთდება 22 ნოემბრის აქციაში _ "შეუნარჩუნე ახალგორს მოსახლეობა", რომლის შემდეგაც უკვე 25 ნოემბერს ყველანი "პატრიოტთა ალიანსის" აქციას დავესწრებით.
მჯერა, ქართველი ხალხი 28 ნოემბერს კიდევ ერთხელ გაიმარჯვებს და მშვიდობა დამკვიდრდება ქვეყანაში, რაც წინაპირობაა ჩვენი ერთადერთი და მთავარი მიზნის _ საქართველოს გაერთიანების.

ირანდა კალანდაძე

მეტის ნახვა
26-11-2018, 19:00


თუ ღმერთი, რაიმე სახის კეთილი ძალა და სამართალი არსებობს, მხოლოდ ამ ფრაზის გამოც ვერასდროს მოხვალთ - ვერსად!

წლების წინ, ლისის ტბაზე მდებარე ონკოლოგიურ საავადმყოფოში ახლობელის მოსანახულებლად მივედი. პაციენტის ძებნაში გართულს სართულები ამერია და მოზრდილთა ნაცვლად, ბავშვთა განყოფილების კარი შევაღე. გრძელ დერეფანში შესულს დაახლოებით ათი წლის, გამხდარი გოგონა დამხვდა. თავზე ჭრელი თავსაფარი ჰქონდა მოხვეული და ცისფერი, სევდიანი თვალებით მიყურებდა. ასე პატარას და ასე ფერადს იმდენად არ უხდებოდა საავადმყოფოს მძიმე და რუხი კედლები, რომ ვერ მივხვდი, რატომ იყო აქ, რატომ ეზოში, თანატოლებთან არ დარბოდა, ბურთს არ თამაშობდა და რატომ ჰქონდა ასე პატარას თვალებში ასეთი დიდი ტკივილი და სევდა..

იმის შემდეგ წლები გავიდა და მჯერა, რომ ის გოგონა ახლა ჯანმრთელი და ბედნიერი ქალია, მაგრამ როცა რამდენიმე დღის წინ, გრიგოლ ვაშაძის საარჩევნო შტაბის ხელმძღვანელმა პირველი არხის გადაცემაში საყოველთაო ჯანდაცვის პროგრამაზე ისაუბრა, სწორედ ის გოგო და მისი სევდიანი თვალები გამახსენდა. გიორგი ვაშაძემ „ქართული ოცნების“ საყოველთაო ჯანდაცვის პროგრამა გააკრიტიკა და განაცხადა, რომ პროგრამის მთავარი ხარვეზია, რომ ფინანსები არა დაავადებების პრევენციაზე, არამედ – მომაკვდავი ადამიანის მკურნალობაზე იხარჯება.

„ნაცვლად იმისა, რომ გამართული ინფრასტრუქტურის პირობებში ფინანსები პრევენციის მიმართულებით დახარჯულიყო, ჩვენ ამ ფულს ვასხამთ შავ ხვრელში, რადგან ვმკურნალობთ მომაკვდავ ადამიანს. ანუ, მაგალითად, ადამიანს რომ სიმსივნე აქვს, ვმკურნალობთ იმას, რომ ქიმიოთერაპია მიიღოს და ვიცით, რომ ამან შეიძლება, ექვსი თვით გაუხანგრძლივოს ცხოვრება". 

2009–2010 წელი იქნებოდა, როცა ჩემს სამეზობლოში 16 წლის მოზარდი დაიღუპა. გოგონას ბრმა ნაწლავი გაუსკდა და საავადმყოფოში აუტანელი ტკივილებით გადაიყვანეს. გადარჩენა შეიძლებოდა, მაგრამ საოპერაციოში ვერ შევიყვანთ, სანამ ფულს არ გადაიხდითო – თავზარდაცემულ მშობლებს გამოუცხადეს ექიმებმა. სანამ გაგიჟებული მამა ფულის საშოვნელად ახლობლებში და ნათესავებში დარბოდა, საოპერაციოს კართან, ურიკაზე მწოლი ბავშვი გარდაიცვალა და იმ წლებში ასეთი არაერთი შემთხვევა მოხდა.

რამდენიც არ უნდა ვაკრიტიკოთ „ქართული ოცნება“ და მისი პოლიტიკა, იმის უარყოფა შეუძლებელია, რომ საყოველთაო დაზღვევის პროგრამამ უამრავი ადამიანი სიკვდილს გადაარჩინა და საოპერაციოს კართან არავინ მიუტოვებია. აქედან გამომდინარე, ადვილი წარმოსადგენია, რა საფრთხეს უკავშირდება მძიმე დაავადებების მქონე ადამიანებისთვის პროგრამის შეწყვეტა, რაც ნაციონალური მოძრაობის ხელისუფლებაში მოსვლის შემთხვევაში სრულიად რეალურია და ეს გიორგი ვაშაძის სიტყვებმაც დაადასტურა.

სამწუხაროდ, ონკოლოგიური დაავადებების მკურნალობა ხანგრძლივი და ძვირადღირებული პროცესია, რომელთან გამკლავება ფიზიკურადაც, მორალურადაც და ფინანსურადაც რთულია. ონკოლოგიურ პაციენტებს, სერიოზული გამოკვლევის გარდა, ქირურგიული ჩარევა, რადიოთერაპიისა და ქიმიოთერაპიის არაერთი კურსი ჭირდება თ. საყოველთაო ჯანდაცვამდე ონკოპაციენტების უმეტესობა უბრალოდ, ვერ იტარებდა მკურნალობას. პროგრამის ამოქმედების შემდეგ კი ისინი სახელმწიფო მზრუნველობის ქვეშ აღმოჩნდნენ, ამიტომ გიორგი ვაშაძის განცხადება ყველაზე მტკივნეული ამ კატეგორიის ავადმყოფებისთვის აღმოჩნდა. ონკოლოგიური დაავადების მქონე ადამიანები თოდუას კლინიკასთან შეიკრიბნენ და „ნაციონალური მოძრაობის“ საპრეზიდენტო კანდიდატის შტაბის ხელმძღვანელის განცხადება გააპროტესტეს. აქციის მონაწილეების თქმით, ქიმიო-თერაპიის კურსი მათთვის აუცილებელია.
ვაშაძის განცხადებას სოციალურ ქსელშიც უამრავი ადამიანი გამოეხმაურა. ნინი მთვარაძემ ფეისბუქის პირად გვერდზე თვალხატულა ბავშვის ფოტო და ემოციური პოსტი გამოაქვეყნა:

„ბატონო გიორგი ვაშაძე, თქვენთვის ე.წ. “შავი ხვრელი” ჩემთვის მთელი ცხოვრებაა – აი, ეს მზესავით ბიჭი, რომელიც ახლა გერმანიაში მკურნალობს. ეს ის ბიჭია, თქვენი განცხადება რომ წავიკითხე და ნაგავი-მეთქი რომ წამოვიძახე, შენიშვნა რომ მომცა, ადამიანებზე ასეთი სიტყვის თქმა არ შეიძლებაო. 
მე ახლა ისეთი დრო მიდგას ვინმეს “გამპრავებლად” და მხარდამჭერად ნამდვილად ვერ გამოვდგები, იქეთ ვარ მხარდასაჭერი, მაგრამ მისგან ასეთი გაუმართლებელი ბოროტება არც გვსმენია და გულით მჯერა, არც არასდროს გავიგებთ. და კიდევ იმის მჯერა გულით, რომ თუ ღმერთი, რაიმე სახის კეთილი ძალა და სამართალი არსებობს, მხოლოდ ამ ფრაზის გამოც ვერასდროს მოხვალთ – ვერსად! თქვენ და თქვენი თანამებრძოლები, ძველებიც და ახლებიც! თქვენ, რომელმაც ძალიან ბევრი დედის, მამის, ძალიან ბევრი შვილის, ძალიან ბევრი ძმის და დის გული კიდევ ერთხელ მოკალით ამ ნათქვამით. ადამიანებს, რომლებიც ყოველდღიურად ვებრძვით ამ ვერაგ დაავადებას და წარმოუდგენელ სიძლიერეს ვიჩენთ, გვითხარით, რომ ეს ყველაფერი ფუჭია, რომ აზრი არ აქვს. და თქვენმა თანაგუნდელებმა, რომლებმაც ბევრი ხან სიტყვით და უფრო ხშირად პირდაპირ საქმით მოკალით.

მიუხედავად ამისა, ჩვენ, რა თქმა უნდა, გავაგრძელებთ ბრძოლას და მთელი გულით, სულით და სხეულით მინდა ერთ დღეს, დემეტრე რომ უფლის წყალობით, დიდი ბიჭი გაიზრდება განახოთ, როგორ უნდა დაუდგეს სახელმწიფო “შავ ხვრელში” მყოფ ადამიანებს გვერდით, იმისთვის, რომ ისინი გადარჩნენ, იცოცხლონ და დიდები რომ გაიზრდებიან თქვენგან განსხვავებით თავად გადაარჩინონ ბევრი სიცოცხლე ამ ძალიან მძიმე განსაცდელგამოვლილებმა!“

ონკოლოგიური დაავადების მქონე ზოგიერთმა პაციენტმა „ვაშაძე და კამპანია“ ფაშისტებს შეადარა, რომლებიც მძიმე დაავადებების მქონე პაციენტებს სასიკვდილოდ იმეტებდნენ.

„კიბო არცერთ სტადიაში არაა განაჩენი“ – წერს სოციალური ქსელის მომხმარებელი ნატალია ენუქიძე, რომელიც ექვსი წელი მე 4 სტადიის სიმსივნეს ექვსი წელი ებრძვის.

მერწმუნეთ ჩემნაირებო 6 წელია ცოცხალი ვარ და კიდევ მრავალი 6 წელი უნდა ვიცოცხლო. არაფერს შეუშინდეთ და არასდროს იფიქროთ რომ უკვე გვიანია, რომ ბრძოლას აზრი არ აქვს, არდაიღალოთ, არ დანებდეთ, არ ჩაიკეტოთ საკუთარ თავში, სიხარულზე იფიქრეთ და მოვა, სიცოცხლეს დაუძახეთ და გესტუმრებათ, სიკვდილი გააპანღურეთ და წავა!!! ძალიან გთხოვთ როდესაც სიტყვა მო(მა)კვდავს ახსენებთ და შავ ხვრელში გადასაყრელ გვამებად მოგვიხსენიებთ, დაფიქრდით რომ თქვენ თვითონაც ისეთივე მო(მა)კვდავები ხართ როგორც ჩვენ და ოდესღაც თქვენც გაივლით იმ შავ გვირაბს, რომლის ბოლოშიც ყოველთვის სინათლეა. ღმერთს ებარებოდეთ!!! “

და ბოლოს, ნაციონალებს რომ ჩვენს ჯანმრთელობაზე ფიქრით ღამე არ ეძინათ, იქიდანაც ჩანს, რომ სააკაშვილის ხელისუფლების დროს სასწრაფო დახმარების გამოძახებაც კი ფასიანი გახდა. აღარაფერს ვიტყვით ძვირადღირებულ ოპერაციებზე. ამიტომ დრეს გიორგი ვაშაძემ როგორც არ უნდა „გადააბრუნოს პლასტინკა“ ასე კი არა, ისე ვთქვიო, მეხსიერებიდან ვერ ამოშლის, რომ მათი მმართველობის დროს, უფულო პაციენტი საავადმყოფოს ეზოშიც ვერ შედიოდა. პირადად მე, საყოველთაო დაზღვევამ ინსულტიანი დედის 5 თვის სიცოცხლე მაჩუქა და ამ ხუთი თვის ფასი მხოლოდ მე ვიცი..

ამასწინათ, ახლობელმა, რომელიც საავადმყოფოში მუშაობს, გამიმხილა – ამდენი პაციენტი დიდი ხანია არ გვყოლია. ნაცების ხელისუფლებაში დაბრუნებით შეშინებული ადამიანები მოგვაწყდნენ – სანამ ჯანდაცვის პროგრამა გაუუქმებიათ, ოპერაციის გაკეთება მოვასწროთო. როგორ ფიქრობთ, ეს ადამიანები არჩევნებზე ხმას ვის მისცემენ? გგონიათ, „ქართულ ოცნებაზე“ გაბრაზება ჯანმრთელობის დაკარგვის შიშს გადაწონის? ასე, რომ რაც დათესეთ, 28 ოქტომბერსაც იმას მოიმკით, ნაცებო!

ნელი თორდია

მეტის ნახვა
26-11-2018, 17:00


ღრმად ვარ დარწმუნებული, 28 ნოემბერს, მათთან ერთად, ვინც I ტურში ხმა მისცა "ქართული ოცნების" მიერ მხარდაჭერილ კანდიდატს სალომე ზურაბიშვილს, I ტურში შინ დარჩენილთა 54% უმრავლესობაც შეუერთდება და ხმას ვაშაძის წინააღმდეგ მისცემს, რომ "ნაცმოძრაობის" კრიმინალურ-ფაშისტური რეჟიმის ხელისუფლებაში დაბრუნების შანსი ერთხელ და სამუდამოდ აღკვეთოს.

ვინც არ უნდა ჩაერიოს ამ საქმეში შიგნიდან თუ გარედან, "ქართულ ოცნებაში" მეხუთე კოლონად შეგზავნილ-პორტირებული ნაცების არმია თუ პიარტექნოლოგიებით აღჭურვილი იდეოლოგიური დესანტი კრემლიდან, მაინც არაფერი გამოვა _ ქართველი ხალხი 2012 წლის მონაპოვარს არავითარ შემთხვევაში არ დათმობს, რადგან იცის _ უკან დასახევი გზა არ არსებობს _ უკან წყვდიადია, სიბნელეა, ძალადობაა, სადისტების და მანიაკების რევანში და ანგარიშსწორებაა.

28 ნოემბრის გამარჯვება ეს იქნება არა მხოლოდ "ქართული ოცნების" და სალომე ზურაბიშვილის, არამედ, პირველ ყოვლისა, ქართველი ხალხის გამარჯვება, რომელიც აცნობიერებს, რომ ნაცების უკან მობრუნებით შეიძლება სამშობლო დაკარგოს.

კიდევ ერთხელ ვიტყვი აქამდე ბევრჯერ ნათქვამს: მიკვირს იმ ადამიანების, ძალიან მიკვირს, რომლებიც მხარს ვაშაძეს და "ნაცმოძრაობას" უჭერენ.
სიტუაციაში რომ ვერ ერკვეოდე, რაღაც დაფარული და დამალული რომ იყოს და ამის გამო ცდებოდე და მცდარ არჩევანს აკეთებდე, მესმის, მაგრამ, როცა "ნაცმოძრაობის" ცხრაწლიანი რეჟიმის ნამოქმედარი წინ გიდევს, როცა მათ მიერ ჩადენილი უამრავი შემზარავი დანაშაულის მოწმე და თვითმხილველი ხარ, როცა საკუთარ თავს წესიერ, პატიოსან, პატრიოტ ადამიანს უწოდებ, ხმას როგორ აძლევ ყოველივე ამ უბედურების ჩამდენებს და შემოქმედებს, თუ შენც, ბოდიში მომითხოვია და მათნაირი არ ხარ და მათ მსგავსად, თუ შესაძლებლობა მოგეცემა, იგივეს გააკეთებ, რასაც ისინი აკეთებდნენ _ მოკლავ, გააუპატიურებ, დაჩაგრავ, დააჩმორებ, წაართმევ,. დააყაჩაღებ.

სხვანაირად რით და როგორ შეიძლება ამ საქციელის ახსნა ან გამართლება?

როცა მკვლელს და მოძალადეს მხარს უჭერ, შენც მკვლელი და მოძალადე ხარ, უფრო ზუსტად, მკვლელსა და მოძალადეზე ცოტათი უარესი და ცოტათი უფრო საშიში.

"ნაცმოძრაობა" 9 წლის განმავლობაში მთელ საქართველოს და დანარჩენ მსოფლიოს თვალში ნაცარს აყრიდა, მაგრამ გასკდა ნაცრის ეს დიდი გუდა და დღეს ყველამ ყველაფერი გაიგო, გარდა იმ 600 000 კაცისა, რომელიც ვაშას ძახილით კუდში დასდევს ვაშაძეს, რუსეთის აგენტს.
ფარისევლობა და უტიფრობა კი გამიგია, მაგრამ ასეთი და ამ მასშტაბის ნამდვილად არა.

რას ნიშნავს და როგორ ავხსნათ ის ფაქტი, როცა რუსეთს ოკუპანტს და მტერს ეძახი და ამ დროს რუსეთის ზესაიდუმლო სამსახურების მაღალჩინოსანს, ფაქტობრივად, რუს პოლიტიკოსს, საქართველოს პრეზიდენტის გვირგვინი გინდა თავზე დაადგა, ამის პარალელურად კი მოღალატეს სალომე ზურაბიშვილს ეძახი, რომ შენი ღალატის და ქვებუდანობის ამბავი ამით გადაფარო.

ოცი წელია "ნაცმოძრაობაზე" ვწერ და მის ანატომიას ვუკირკიტებ, მაგრამ, სიმართლე გითხრათ, მაინც ბოლომდე ვერ გავიგე და ვერ ამოვხსენი, რა ძალაა ეს, რომელიც ფორმალურად თითქოს პოლიტიკური ორგანიზაციაა, მაგრამ მის მოქმედებებს და მის მიერ ჩადენილ საქმეებს რომ დააკვირდები, ის პოლიტიკურ პარტიას კი არა, უფრო მეტად კარგად ორგანიზებულ ბანდას ჰგავს, რომელიც ნაწილია რაღაც გრანდიოზულად დიდი მასშტაბების საერთაშორისო ბანდისა.
"ნაცმოძრაობა" თითქოს ამ ტრანსკონტინენტალური ბანდის რეგიონალური განყოფილებაა, მისი ფილიალია.

"ნაცმოძრაობისთვის" საქართველო სამშობლო კი არა ტერიტორიაა, ზონაა, საიდანაც "ნაცმოძრაობის" დროს ძალზე სერიოზული თანხები მიედინებოდა საერთაშორისო "ობშიაკში".

როცა საჭიროებამ მოითხოვა, ეს ბანდა უკრაინაში იქნა გადასროლილი და კარგა ხანს იქ ალაგებდა "პალაჟენიას".
სულაც არ არის გამორიცხული, `ნაცმოძრაობა~ და მისი ლიდერი ხვალ თუ ზეგ სხვაგან და სხვა ქვეყანაში მიავლინონ წესრიგის დასამყარებლად.
ყოველივე ეს ნათლად მეტყველებს იმაზე, თუ რა ბეწვის ხიდზე გაიარა და რა სახიფათო ძალას დაუპირისპირდა ბიძინა ივანიშვილი და ქართველი ხალხი 2012 წელს.

ამ ძალის ხელისუფლებაში მობრუნება გარდაუვალ კატასტროფას ნიშნავს ქართული სახელმწიფოსთვის.
კარგად დაიმახსოვრონ ეს იმ ადამიანებმა, რომლებიც სრულიად ალოგიკური და უსაფუძვლო მოტივებით ხმის მიცემას გრიგოლ ვაშაძისთვის აპირებენ.
ქვეყნის ღალატია ეს, ქვეყნის მტრობაა, ქვეყნისთვის ზურგში ლახვრის ჩაცემაა.
_ წყეულიმც იყოს ყველა, ვინც მხარს "ნაცმოძრაობას" უჭერს! წყეულიმც იყოს ყველა მოღალატე და ქვეყნის გამყიდველი! _ ასეთი წყევლა ამოვიკითხე ამასწინათ სოციალურ ქსელებში.

მართალია, ნაციონალებს არც ღმერთის სწამთ, არც ზნეობრივ-მორალური ნორმები და სხვა ღირებულებებია მათთვის პატივსაცემი და მისაღები, ისინი მხოლოდ ეგოისტურ და ძალაუფლების პყრობის მანიაკალურ ინსტინქტებს ემორჩილებიან, მაგრამ მათ უნდა იცოდნენ, რომ ეს ყველაფერი, ადრე თუ გვიან, აუცილებლად ისჯება იმ სამართლით, რომელსაც განგების სამართალი ჰქვია და რომელსაც ვერავინ ვერ დააღწევს თავს.
ამიტომ გეშინოდეთ, ნაციონალებო, გეშინოდეთ ცხრა წლის განმავლობაში თქვენი არაადამიანური, სასტიკი და სადისტური დანაშაულების გამო თქვენს წინააღმდეგ აღვლენილი ყველა წყევლის.

ერთად შეკრებილ და ერთ ენერგიად გაერთიანებულ წყევლას იმდენად დამანგრეველი და გამანადგურებელი ძალა აქვს, მას ვერაფერი ვერ შეაჩერებს.
"ნაცმოძრაობასთან" ერთად თქვენც გეშინოდეთ, ნაციონალების მხარდამჭერებო, გეშინოდეთ ყველას, ვინც II ტურშიც 5-იანის შემოხაზვას აპირებთ და ამით იმ დიდ ცოდვას უერთდებით, იმ შემზარავი დანაშაულების თანამონაწილე ხდებით, რომელიც "ნაცნოძრაობამ" ჩაიდინა.

"ნაცმოძრაობა" ცდილობს, ყოფილი სამხედროები დაუპირისპიროს სალომე ზურაბიშვილს და "ქართული ოცნების" ხელისუფლებას და ამ მიზნით უამრავ ტყუილს და დეზინფორმაციას ავრცელებს.

სამწუხაროდ, ზოგიერთი ყოფილი სამხედრო პირი იოლად წამოეგო "ნაცმოძრაობის" ამ პროვოკაციულ ხრიკს.
_ ჩვენ მთელი ცხოვრება საქართველოს ვიცავდით, ახლა კი სალომე ზურაბიშვილის განცხადებებით შეურაცხყოფილები ვართო, _ ამბობენ ეს პატივცემული ადამიანები და ზოგი ღიად, ზოგიც შეფარვით მხარს ვაშაძის კანდიდატურას უჭერს.
კი, მაგრამ, ბატონებო, თქვენ რა მალე დაგვიწყნიათ, რა რეპრესიების რისხვა დაგატეხათ თავს, თქვენ, სამხედროებს, თქვენმა მთავარსარდალმა აგვისტოს სამარცხვინოდ წაგებული ომის შემდეგ და როგორ უტიფრად ცდილობდა იგი თავისი უუნარობა, თავისი შეცდომები, თავისი დანაშაულებრივი ქმედებები და გაუაზრებელი, წინდაუხედავი ნაბიჯები, რომლებიც მიზეზი გახდა ქართული შეიარაღებული ძალების დამარცხებისა, თქვენთვის, სამხედროებისთვის, გადაებრალებინა.

როგორც სულმოკლე, სულმდაბალ, ლაჩრული ბუნების კაცს სჩვევია, მან თავისი შეცდომები რეზერვისტებს, რიგით ჯარისკაცებს, სერჟანტებს, ოფიცრებს გადააბრალა და ზოგს დეზერტირობაში დასდო ბრალი, ზოგს ღალატსა და ჯაშუშობაში.

მაშინ სად იყავით, მაშინ რატომ არ ამოიღეთ ხმა, ბატონო გენერლებო და ოფიცრებო, როცა უდანაშაულო ადამიანებს მასობრივად ათავისუფლებდნენ სამხედრო შენაერთებიდან, ავიწროებდნენ, ზეწოლას ახდენდნენ, ციხეებში ყრიდნენ, კლავდნენ, აწამებდნენ და ეს ყველაფერი იმის გამო ხდებოდა, რომ ჭკუიდან გადასული თქვენი მთავარსარდლის დანაშაულებრივი ქმედებები მიჩქმალულიყო.
განა მარტო სააკაშვილი, გიგი უგულავა, სამხედრო საკითხებში აბსოლუტური პრაფანი, თქვენი სარდალი არ იყო და იმის ბრძანებებსაც უსიტყვოდ არ ასრულებდით?

აკი, თქვა გენერალმა მამუკა ყურაშვილმა, გიგი უგულავა იყო მთავარი "ქანჩი" ამ სამხედრო ოპერაციებშიო.
ეს მაინც როგორ დაუშვით, ამაზე მაინც რატომ არ ატეხეთ განგაში _ ქალაქის მერს, სამოქალაქო პირს, რა ესაქმება საბრძოლო მოქმედებების დაგეგმვაში? ომი გვაქვს ჩვენ აქ თუ ცხინვალის დასუფთავების და ინფრასტრუქტურული სამუშაოების მოგვარების "ოპერაციას" ვატარებთო?
რა მოხდა 2008 წლის აგვისტოს ომში ყველამ ყველაფერი ვიცით, ვიცით დეტალებში, საათების და წუთების მიხედვით.
ასე რომ რაღაც-რაღაცების დამალვას და სალომე ზურაბიშვილისთვის გადაბრალებას აზრი არ აქვს _ მოვა დრო და არა ჰააგის, არამედ ქართული სასამართლოს წინაშე აუცილებლად მოუწევს პასუხისმგებლობა, როგორც მთავარსარდალ სააკაშვილს, აგრეთვე იმ პირებს, რომლებმაც თავიანთი გაუაზრებელი, პროვოკაციული, ლოგიკურად აუხსნელი და უკიდურესად საეჭვო გადაწყვეტილებებით უდიდესი ზიანი მიაყენეს საქართველოს, მის მოსახლეობას, ქართულ ჯარს, მთლიანად ქართულ სახელმწიფოებრიობას.

"ქართულ ოცნებას" ამ ექვსი წლის განმავლობაში ორჯერ და სამჯერ მეტი საქმე აქვს გაკეთებული, ვიდრე "ნაცმოძრაობას" 9 წლის განმავლობაში, მაგრამ დავუშვათ და საყოველთაო ჯანდაცვის პროგრამის გარდა სხვა რომ არაფერი გაეკეთებინა "ქართულ ოცნებას", განა ეს არ გადაწონის ყველას და ყველაფერს, თავის გზებიან-ხიდიან-საწარმოებიან-სასტუმროებიანად?

აბა, წარმოვიდგინოთ, რამდენი ადამიანის სიცოცხლე გადაარჩინა ამ პროგრამამ, რამდენი ოჯახი ისხნა ეკონომიკური გაჩანაგებისგან და გაკოტრებისგან.
რა თქმა უნდა, არსებობს ზუსტი სტატისტიკური მონაცემები, ზუსტი ციფრები, რა კოლოსალური თანხები დახარჯა ხელისუფლებამ მისი მოქალაქეების გადასარჩენად, თუმცა "ქართულ ოცნებას" საარჩევნო პერიოდებშიც კი არ უკადრია თავის გამოსაჩენად და საკუთარი ღვაწლის წინ წამოსაწევად ეს ციფრები შეეხსენებინა საქართველოს მოსახლეობისთვის.
ძალიან მაინტერესებს, იმ 600 000 ადამიანიდან, რომლებმაც ხმა `ნაცმოძრაობას~ მისცეს, არავინ გამხდარა ავად, არავის დასჭირვებია ოპერაცია თუ სხვა სახის სამედიცინო დახმარება?

როგორც ჩანს, უმადურობას საზღვარი არ აქვს, თორემ როგორ შეიძლება თუნდაც ამ პროგრამის გამო "ქართული ოცნების" ხელისუფლების მადლიერი არ იყო და "ისტუკანივით" იძახო _ აბა, რა გამიკეთა "ქართულმა ოცნებამო"?
რა გაგიკეთა და სიცოცხლე გაჩუქა შენ, შენს ახლობლებს, შენს მეზობლებს, სიცოცხლე გაჩუქა, ოჯახი გადაგირჩინა.
სააკაშვილი დღეს გამოდის და ბრტყელ-ბრტყელ დაპირებებს იძლევა თუ როგორ გააკეთილშობილებს საბანკო სისტემას, როგორ გააუქმებს საჯარიმო საურავებს, როგორ დასწევს საპროცენტო განაკვეთებს და ა. შ.

ამ დაპირებებიდან, სააკაშვილი, ცხადია, არც ერთის შემსრულებელი არ არის. მას ამის იოტისოდენა სურვილი რომ ჰქონოდა, თავისი 9-წლიანი პრეზიდენტობის დროს ერთ ნაბიჯს მაინც გადადგამდა ამ მიმართულებით.

ვინც "ნაცმოძრაობის" უკან მობრუნებას ნატრობს, კარგად გაიხსენოს, რა ხდებოდა "ნაცმოძრაობის" დროს ჯანდაცვის სფეროში.
რა ხდებოდა და ადამიანები იძულებულნი იყვნენ, გაეყიდათ სახლ-კარი, გაეყიდათ ყველაფერი, ბანკებიდან კაბალური პირობებით აეღოთ სესხები, რომ საჭირო სამედიცინო მომსახურება მიეღოთ და თავიანთი თუ თავიანთი ახლობლები სიკვდილისგან ეხსნათ.

ფაქტობრივად, ეს იყო კარგად დაგეგმილი გენოციდი საქართველოს მოსახლეობის წინააღმდეგ, რომელიც არა მარტო ერთი კონკრეტული ადამიანის ფიზიკურ განადგურებას, არამედ მთელი მისი ოჯახის დედა-ბუდიანად გაკოტრებას და ამოძირკვას ისახავდა მიზნად.

ბანკებზე და ბანკების მიერ გაძარცვულ მოსახლეობაზე რომ ლაპარაკობთ, ნაციონალებო, განა ზუსტად თქვენს დროს არ გაუბედურდნენ ეს ადამიანები, განა თქვენი "ბედნიერი" და "აყვავებული" ეპოქიდან არ მოჰყვება ის ვალები მოქალაქეთა დიდ ნაწილს?
"ნაცმოძრაობას" თითი არ გაუნძრევია ამ ადამიანების პრობლემების მოსაგვარებლად _ იჯდა და მშვიდად უყურებდა, როგორ ყრიდნენ ადამიანებს სახლებიდან გავეშებული "აღმასრულებლები".

სამწუხაროდ, დემოკრატიას ერთი დიდი ნაკლი აქვს _ დემოკრატიის დროს სულელის და ჭკვიანის, გიჟის და ნორმალურის, გონებაჩლუნგის და გონიერის, ავანტურისტის და კეთილსინდისიერი ადამიანის ხმას ერთი წონა და ერთი ფასი აქვს.

დარწმუნებული ვარ, 28 ნოემბერს ჭკვიანი, გონიერი, კეთილსინდისიერი ადამიანები უფრო მეტნი იქნებიან, ვიდრე უგუნურები.
სინამდვილეში, უგუნურების ხსნა და შველაც ჭკვიანი და კეთილსინდისიერი ადამიანების გამარჯვებაშია…

სწორი გადაწყვეტილების მისაღებად საქართველოს სულ რაღაც 168 საათი დარჩა...

ვახტანგ ხარჩილავა


მეტის ნახვა
26-11-2018, 15:30


გვესაუბრება არასამთავრობო ორგანიზაცია "ყოფილი პოლიტ.პატიმრები ადამიანის უფლებებისთვის" თავმჯდომარე ნანა კაკაბაძე:

_ ქალბატონო ნანა, არჩევნებზე დამდგარი შედეგის მიხედვით, რა მესიჯი გაუგზავნა ხალხმა ხელისუფლებას?

_ ეს გახლდათ ხალხის რისხვა ხელისუფლების მიმართ. არადა, თავისუფალი საქართველოს პერიოდში ასეთი დიდი ნდობა, რაც "ნაცების" შეცვლის შემდეგ მოსულ ხელისუფლებას ჰქონდა, სხვა არ მახსენდება. შედეგად მივიღეთ ის, რაც მივიღეთ. სახელმწიფო გუნდმა არჩევნების დროსაც კი არაფერი გააკეთა იმისთვის, რომ ხმები დაეცვა, რაც ქართველმა ხალხმა მათ მისცა. სამწუხაროდ, კომისიებში, ყველგან, "ნაციონალები" ჰყავდათ და დღემდე ჰყავთ. პროკურატურაში, სასამართლოში, მერიაში, საკრებულოშიდა სხვა სახელმწიფო სტრუქტურებში ყველგან "ნაცმოძრაობაა" გაბატონებული. კომისიებში "ქართული ოცნების" და ასევე, ცენტრალური საარჩევნო კომისიის კვოტითაც, ძირითადად, "ნაცების" წარმომადგენლები იყვნენ. მათ, ფაქტობრივად, არავინ აკონტროლებდა და არ უშლიდა ხელს ეკეთებინათ ის, რაც სურდათ. 

დღეს, ივანიშვილი პოლიტიკურ პროცესებში ძალიან აქტიურად ჩაერთო და ფაქტობრივად, საარჩევნო შტაბს თავად მართავს. მას არამარტო პოლიტიკაში დაბრუნება მოუწია, არამედ პროცესების მართვაც. მან დაინახა, რომ მის მიერ ხელისუფლებაში მოყვანილი ადამიანები ისე გაზულუქდნენ და გათავხედდნენ, რომ არჩევნების დროსაც კი არ გაინძრნენ, რათა მათთვის მიცემული ხმები დაეცვათ. ვფიქრობ, მეორე ტური უფრო მეტად გაკონტროლდება. საზოგადოებამაც დაინახა, რომ მხოლოდ "ქართული ოცნების" იმედად არ უნდა იყოს. ხალხი მიხვდა, რომ საკუთარი მომავალი მათი დასაცავია. ჩვენ, რუსთაველის #34-ში სალომე ზურაბიშვილის მხარდასაჭერად ოფისი გავხსენით, სადაც დიდ მუშაობა მიდის. გაერთიანებული ვართ საზოგადოებრივ საწყისებზე, როგორც შვილმოკლული ოჯახის წევრები ისე, ბიზნეს, ქონებაწართმეული ადამიანები, არასამთავრობო ორგანიზაციები და უბრალოდ, აქტიური მოქალაქეები. ჩავთვალეთ, რომ მეტად მობილიზებულნი უნდა ვიყოთ, რათა ჩვენი ქვეყანა მოსალოდნელი საფრთხისგან დავიცვათ. მოქალაქეებს რომლებიც თავიანთი სახსრებით ვერ ახერხებენ რეგიონებში ჩასვლას და ხმის მიცემას, საშუალებას ვაძლევთ, უფასო ტრანსპორტით გადაადგილდნენ და გააკეთონ არჩევანი. ჩვენი დევიზია _ არა ნაციზმს, არა ფაშიზმს, არა ნაციონალებს! მიუხედავად იმისა, რომ ტელევიზიებით რეკლამირებას ვერ ვახერხებთ, საზოგადოების დიდი ნაწილი მოდის ჩვენს ოფისში და რეგისტრირდება, რათა ქვეყანა დაიცვას. მადლობა ღმერთს ქართულ საზოგადოებას შენარჩუნებული აქვს თვითგადარჩენის ინსტიქტი და მოსალოდნელ საფრთხეს გრძნობს. საზოგადოების გააქტიურება არის სწორედ იმის გარანტი, რომ ჩვენ, აუცილებლად, გავიმარჯვებთ და "ნაციონალების" ხელისუფლებაში დაბრუნებას არ დავუშვებთ. ჩვენი გაერთიანება აღარ დაუშვებს იმას, რომ ეს საფრთხე ოდესმე განმეორდეს. ამის შემდეგ, "ქართულ ოცნებას" მოუწევს ყველა დანაპირების შესრულება, მათ შორის, უმთავრესის _ სამართლიანობის აღდგენა და "ნაციონალების" ხელისუფლებიდან არა ფორმალურად, არამედ რეალურად ჩამოშორება. 

_ ქალბატონო ნანა, ამომრჩევლის 50%-ზე მეტი არჩევნებზე არ წავიდა. როგორ ფიქრობთ, ერი გამოფხიზლდა, მზად არის საკუთარი ხმების დასაცავად?

_ საზოგადოება თვითორგანიზებულია. გავხსენით თუ არა ოფისი სახელწოდებით _ არა ნაციზმს, უცებ, აღმოვაჩინეთ, რომ ძალიან მალე მსგავსი ოფისები გაიხსნა რუსთავში, ქუთაისში და სხვა დიდ ქალაქებში. ასეთი ორგანიზაციები მასშტაბურად ფუძნდება, რომლებიც მიმართულია იმისკენ, რომ თავად ხალხმა გააკეთოს ყველაფერი იმისათვის, რომ გადავრჩეთ. ვინ გაიმარჯვა 2012 წელს? _ ამაში ბიძინა ივანიშვილის დიდი ღვაწლი იყო, მაგრამ ხალხის როლსაც ნუ დავივიწყებთ. ეს იყო აჯანყება, რომელიც ქართველმა ხალხმა ამ პროვინციულ ფაშიზმს მოუწყო და კიდეც დაამარცხა. მაშინ ხალხი საარჩევნო უბნებთან მივიდა და "ნაცმოძრაობას" უარი უთხრა. დღეს, საზოგადოებაში ზუსტად ანალოგიური გამოფხიზლებაა. ხალხმა ზუსტად იგივე საფრთხე იგრძნო და მიხვდა, რომ ქართული სახელმწიფო და საკუთარი მომავალი მათი დასაცავია. სწორედ ამის იმედი მაქვს, თორემ, "ნაციონალური მოძრაობიდან" პორტირებული ადამიანები, რომლებიც დღესაც საბოტაჟის მდგომარეობაში იმყოფებიან, რა თქმა უნდა, ქართული სახელმწიფოსთვის არაფერს გააკეთებენ. ხალხმა უნდა გავაკეთოთ ჩვენი არჩევანი _ არა ფაშიზმს, არა ნაციზმს და გამარჯვების მერე ხელისუფლებას "ნაცებთან" კოაბიტაციური არსებობის საშუალება არ უნდა მივცეთ. თუმცა, ამას კოაბიტაცია არც ქვია. კოაბიტაცია არ ნიშნავს ხელისუფლების კრიმინალთან თანაარსებობას. კოაბიტაცია არ არის ის, რასაც დღეს ქართულ პოლიტიკაში ვხედავთ _ კრიმინალების ყოფნას. ეს არის დანაშაული. "ქართულმა ოცნებამ" პასუხი უნდა გაგვცეს, რატომ დაუშვეს კრიმინალები პოლიტიკაში. მჯერა, ქართველი ხალხი ბოლომდე გაწმენდს პოლიტიკურ სივრცეს კრიმინალებისგან. ეს ორგანიზებული საზოგადოება არის გარანტი იმისა, რომ ქართული სახელმწიფო გადარჩება და გაიმარჯვებს.

_ "ნაცების" გამარჯვების შემთხვევაში არსებობს აგრესიული რევანშის საფრთხე. რა ძალას წარმოადგენენ "ნაციონალები"?

_ არ მგონია, რომ ეს ძალა დღეს გაშიფრული არ იყოს. უდაოა, რომ "ნაცმოძრაობა" სრულიად რუსეთის მიერ მართული და მათ მიერ მხარდაჭერილი ძალაა დაწყებული 2003 წლიდან დღემდე. `"ვარდების რევოლუციის" დროს ყველას კარგად გვახსოვს ვინ ჩამოვიდა რუსეთიდან და გვერდით დაუდგა "ნაცმოძრაობას", რათა მათ გაემარჯვნათ. გრიგოლ ვაშაძის საარჩევნო შტაბი, აბსოლუტურად, რუსულია, იქ, ქართულ სიტყვასაც კი ვერ გაიგონებთ, არათუ რაიმე ქართულ აზრს ან იდეას. მთლიანად რუსული კამპანია, პიარი, პოლიტიკა მიდის. ეს უკვე ღია თამაშია პრო-დასავლურსა და რუსულ პოლიტიკას შორის. ხალხი ხედავს: ვაშაძე თავად აღიარებს, რომ მისი მშობლიური ენა ქართულთან ერთად რუსულიც არის. იგი, თავისი აზროვნებით, ოჯახით, შვილით, რომელიც დღემდე რუსეთის მოქალაქეა და ქართული ერთი სიტყვა არ ესმის, პრო-რუსია. მას რუსული ორიენტაციისა და აზროვნების ოჯახი ჰყავს. ვაშაძის სახით რუსი ფიგურები, რუსული სპეცსამსახურების, კაგებეს ნომენკლატურები ღიად არიან ჩართულნი ქართული პოლიტიკური სივრცის შესაცვლელად. აქ, გასაშიფრი არაფერი არ არის, ღია თამაშს ეწევიან. გაიძახიან: რუსები არ ვართო, მაგრამ ღიად, ლუსტრირებულად გვაჩვენებენ, რომ რუსეთი მოდის, რაც იკვეთება ვაშაძის შტაბიდან დაწყებული მისი ოჯახის წარმომავლობით დამთავრებული. ის აქტიურობა, რაც დღეს საზოგადოებისგან გამოიხატა სწორედ გარანტია იმისა, რომ საქართველო რუსულ წიაღში დაბრუნებას აღარ დაუშვებს და შეეცდება ცივილიზებული სამყაროს ნაწილი იყოს, რაც თავისთავად, გამორიცხავს პოლიტიკაში ვაშაძესთან თანაარსებობას. ასე, რომ მეორე ტურს იმედიანად ვუყურებ და დარწმუნებული ვარ, იგი, არა რომელიმე კანდიდატის, არამედ ქართველი ხალხის გამარჯვებით დამთავრდება. 

_ "ნაცმოძრაობა" ბინძურ პიარ-კამპანიას არ ეშვება. მათ დამოუკიდებელი კანდიდატის წინააღმდეგ ქართული ჯარის ამხედრებაც კი მოახერხეს.

_ დიახ, "ცმოძრაობა" პირდაპირ საბოტაჟს მიმართავს. სამწუხაროდ, ეს საბოტაჟი, რაც ქვეყანაში ახლა ხდება, "ქართული ოცნების" პოლიტიკის შედეგია. სალომე ზურაბიშვილის კი არა, ეს, რეალურად საქართველოს წინააღმდეგ ამხედრებაა, რათა ჩვენი ქვეყანა კრიმინალურმა ძალამ დაიპყროს. სამშობლოს ზოგი გულუბრყვილოდ, ზოგიც შეგნებულად ყიდის. ოდითგანვე ასეა: საქართველოს შინაური მტრები ყოველთვის უფრო მეტად აზიანებდნენ და აზარალებდნენ, ახლაც, ასე ხდება. ყველაზე დიდი მტერი, რაც დღეს საქართველოს ჰყავს, არის "ნაცმოძრაობა", რომელიც ქვეყანას უფსკრულისკენ მიაქანებს. მჯერა, აქაც ქართული გენი გაიმარჯვებს და ღვთისმშობლის წილხვედრი ქვეყანა არ გაიწირება. უფალი არ დაუშვებს, რომ ქართული სახელმწიფო გადაშენდეს, რაც ავტომატურად, ნაცების დამარცხებას ნიშნავს.

_ ნაცები გვეუბნებიან: დავივიწყოთ 9 წლიანი რეჟიმიო. განა ეს შესაძლებელია?

_ დიახ, "ნაცმოძრაობა" სულ ამას გაიძახის: ნუ გვახსენებთ ამ ცხრა წელს, რაღადროს ეგ არისო. კი მაგრამ ჩადენილი დანაშაულებებისთვის პასუხი აგეს? გერმანულმა ფაშიზმმა ხომ აგო პასუხი, იქ, განაჩენიც გამოიტანეს, მაგრამ ერი ფაშიზმს არ ივიწყებს იმიტომ, რომ ეს აღარასდროს განმეორდეს. როგორ შეიძლება ისეთი დანაშაულებების დავიწყება, რაც "ნაცმოძრაობამ" ჩაიდინა?! დავივიწყოთ, რათა იგივე ჯოჯოხეთი კიდევ მოგვიწყონ? რას ნიშნავს დავივიწყოთ. დავივიწყოთ კი არა, მათი ქმედებების შესახებ ჩვენმა შთამომავლობამ უნდა გაიგოს, რათა ის, რაც ნაცების დროს ხდებოდა, აღარასდროს განმეორდეს.

ამ პროცესებმა ძალიან ბევრი სიბინძურე ამოატივტივა _ ხელისუფლებაში დაშვებული შეცდომები და სახელმწიფოს მტრების უზარმაზარი არმია, რომლებიც სერიოზულ დონეებზე არიან მოკალათებული, მათ შორის, მედიაში, პოლიტიკაში, სამოქალაქო სექტორში. ეს ქართველმა ხალხმა კარგად უნდა გაიაზროს. ცვლილება ყველა რგოლს უნდა შეეხოს და მთელი სპექტრი გაიწმინდოს ფაშისტური წარმონაქმნებისგან და ფაშისტური რეჟიმის მხარდამჭერებისაგან. ყველა მიმართულებით უნდა მოხდეს ანტიქართული ძალების ჩამოშორება. დიდი მადლობა "საერთო გაზეთს" და ბატონ ვახტანგს იმისათვის, რომ ინარჩუნებთ სისუფთავეს, იბრძვით ქვეყნის მომავლისა და თავისუფლებისთვის.

თამარ შველიძე

მეტის ნახვა
26-11-2018, 10:00


,,საერთო გაზეთის” სტუმარია ანალიტიკოსი სამხედრო-პოლიტიკურ და უსაფრთხოების საკითხებში, გენერალი ამირან სალუქვაძე.

- ბატონო ამირან, მოგეხსენებათ,,, ნაციონალურმა მოძრაობამ” თავისი წინა საარჩევნო კამპანია, ფაქტობრივად, სალომე ზურაბიშვილის ერთ გამონათქვამზე ააგო, რომელიც 2008 წლის აგვისტოს ომის დაწყების საკითხს შეეხება. ნაცმოძრაობა საქმეს ისე წარმოაჩენს თითქოსდა ზურაბიშვილის ამ განცხადების გამო ჰააგის სასამართლოში საქართველომ შეიძლება წააგოს პროცესი და ქართველი სამხედროები და სხვა პირები დაექვემდებარონ, ასე ვთქვათ, მძიმე სანქციებს. რას იტყვით ამაზე?

– ახლა მოგახსენებთ რასთან გვაქვს საქმე – ჰააგის სასამართლო განიხილავს ომის დანაშაულებს და არა იმას თუ ვინ დაიწყო ომი. ეს ერთი, მეორეც, მე ვერ ვიპოვე და ვერც ვერავინ წარმომიდგინა სალომე ზურაბიშვლის განცხადება ომის დაწყებასთან დაკავშირებით, სადაც ის ამბობს, რომ საქართველომ დაიწყო ომი, მაგრამ დღეს, მეტ აქცენტს აკეთებენ არა ამაზე, არამედ ცხინვალის დაბომბვაზე, რომ ჩვენ დავბომბეთ ცხინვალი. სხვათა შორის, მსგავსი განცხადებები უამრავ ქართველ პოლიტიკოსს აქვს გაკეთებული და ამის გამო ქვეყანა არ დაუნგრევიათ. აღსანიშნავია, რომ სალომე ზურაბიშვილის ძირითადი ოპონენტი გაცილებით მწვავე შინაარსის განცხადებებს აკეთებდა, ვიდრე ზურაბიშვილი, დიახ, ის აცხადებდა, რომ რუსეთი არაფერ შუაშია და ა.შ.და ა.შ. ბოლო დროს მისი ახალი ინტერვიუც გავრცელდა, რომელსაც არავინ უარყოფს, უბრალოდ, მათ უნდათ დაგვიმტკიცონ, რომ ზურაბიშვილის განცხადებას იყენებენ ჰააგაში და სხვის განცხადებებს კი არ იყენებენ. აი, აქ მინდა აღვნიშნო, რომ ბატონი ვაშაძის ინტერვიუ, რომელიც ახლახან გავრცელდა, მაშინ იქნა ჩაწერილი როცა ვაშაძე საქართველოს მოქმედი საგარეო საქმეთა მინისტრი იყო, ხოლო სალომე ზურაბიშვილი კი ექსმინისტრი. აი, ამას კი ძალიან დიდი მნიშვნელობა აქვს. და ამაზე ისინი არაფერს ამბობენ, ესეც ორმაგი სტანდარტი წინასაარჩევნოდ და სხვა არაფერი.

ახლა საუბრობენ იმაზე სალომე ზურაბიშვილი, რომ გახდება პრეზიდენტი შესაძლოა მან იგივე განცხადება გააკეთოს და სახელმწიფო მეთაურის რანგში მისი განცხადებები უფრო დამაზიანებელი იქნებაო და ხომ შეიძლება იგივე განცხადება გრიგოლ ვაშაძემაც გააკეთოს? ამაზე არავინ სვამს კითხვას. მე ასეთ რამეებზე ცოტა უხეშად ვიტყვი – არ ვბოლდები. და აქ მინდა აუცილებლად აღვნიშნო, რომ სალომე ზურაბიშვილის იმ განცხადებას, რაც მან ძმათა სასაფლაოზე გააკეთა, არ ვეთანხმები, მიუხედავად იმისა ჩვენ დავბომბეთ ცხინვალი თუ არა. ძმათა სასაფლაო პოლიტიკური განცხადებების გაკეთების ადგილი არ არის, ამაზეც ბევრჯერ მისაუბრია, მაგრამ რატომღაც ჩვენს პოლიტიკოსებს ეს არ ესმით.

ახლა რაც შეეხება ცხინვალის დაბომბვის თემას და ამის გამო, მისი განცხადების გამო ზურაბიშვილისთვის მოღალატის იარლიყის ჩამოკიდებას. მოღალატე რას ნიშნავს? იმას რომ მას უნდა ჰქონდეს ჩადენილი ღალატი. ღალატი არის კონკრეტული სისხლის სამართლის დანაშაული, რომელიც უნდა დაადგინოს სასამართლომ, ისევე როგორც მკვლელობა, ქურდობა, ძალადობა და ა. შ. სასამართლოს განჩინების შემდეგ შეიძლება უკვე, რომ კონკრეტულ პირს, დამნაშავეს ვუწოდოთ მკვლელი, მოღალატე, მოძალადე და ა. შ. ანუ ჩვენ აქაც ვარღვევთ ყველანაირ სტანდარტს და ადამიანები, რომლებიც საუბრობენ დასავლურ ღირებულებებზე და ყველა დამნაშავის მიმართ მკვლელი იქნება თუ მოძალადე იცავენ უდანაშაულობის პრეზუმციას, რატომღაც სალომე ზურაბიშვილთან მიმართებაში ეს სტანდარტი მთლიანად დაირღვა, რასაც ასევე არ ვეთანხმები. ხაზს ვუსვამ, მე არ ვიზიარებ არც მის განცხადებას, ასევე არც იმას რა დევნაც მოუწყვეს მას და მის ოჯახს.

და თუ მოღალატეა და ღალატს ჰქონდა ადგილი, მაშინ უჩივლონ სასამართლოში, ან მიმართონ პროკურატურას, რატომ არ აკეთებენ ამას? დიახ, რატომ არ უჩივიან? უჩივლოს პოლიტიკურმა პარტიამ ან ფიზიკურმა პირმა, აქამდეც უნდა ეჩივლათ, მაგრამ ღალატს ვერ დაამტკიცებენ, და გეტყვით რატომ.
გარდა ტალიავინის კომისიისა, რომელზეც ყველა საუბრობს 2008 წლის 2 ოქტომბერს ევროსაბჭოს საპარლამენტო ასამბლეამ მიიღო რეზოლუცია, რომელ რეზოლუციასაც საქართველოს წარმომადგენლებმა მოაწერეს ხელი, რაც ვთვლი, რომ შეცდომა იყო. 
საზოგადოებამ უნდა იცოდეს ეს ყველაფერი და ჩემი აზრით, ალბათ ერთმა პროცენტმა თუ იცის რაზე გვაქვს საუბარი და რაზე გვაქვს ხელი მოწერილი საერთოდ. აი, სწორედ ეს რეზოლუცია იქნება ის, რაც შესაძლოა ჩვენ წინ დაგვიდონ ძალიან ცუდად, იგივე სტრასბურგის სასამართლოში, სადაც სასამართლო განხილვები ფაქტობრივად, დასრლებულია და, რა თქმა უნდა, მოსამართლეების მიერ გადაწყვეტილების მიღებისასაც შესაძლოა გავლენა იქონიოს ამ რეზოლუციამ, თუმცა ჰააგის სასამართლო იხილავს კონკრეტულად ცალკეული პირების მიერ ჩადენილ დანაშაულებებს, კაცობრიობის წინაშე ჩადენილ მძიმე დანაშაულებებს და არა იმას თუ ვინ დაიწყო ომი. რა თქმა უნდა, ეს იქ არავის აინტერესებს, ისევე როგორც ის ჩვენ დავბომბეთ ცხინვალი თუ არა.

ჩვენ დავბომბეთ, რუსებმა თუ უცხოპლანეტელებმა ამას არ აქვს მნიშვნელობა, ხოლო თუ დამტკიცდა, რომ ჩვენმა ქმედებებმა, კონკრეტული პირების ქმედებებმა გამოიწვია გენოციდი, ადგილი ჰქონდა წამების ფაქტებს და სხვა მძიმე დანაშაულებებს, რასაც მთლიანობაში ომის დანაშაულებს ვეძახით, მაშინ რა თქმა უნდა, ცალკეული პირების პასუხისმგებლობის საკითხი დადგება.

- რა მოლოდინი უნდა გვქონდეს, ვის და რა შეიძლება დაემუქროს ამ გამოძიებით?

– ჩვენ სამხედროებს გენოციდი არავისთვის მოუწყია. ომის დანაშაულები ჩვენი სამხედროების მხრიდან არ იკვეთება, ახლა თუ ტანკით გადაადგილება და არტილერიის ან სხვა სამხედრო ტექნიკის გამოყენებას ვიგულისხმებთ ეს ომის დანაშაულებად არ ითვლება. ომის დანაშაულებში არის კონკრეტული ჩამონათვალი და ჩვენ ასეთ ფაქტებს არ ვიცნობთ და ვერც დაგვიმტკიცებენ. აი, ჩვენი სამხედროებისა და ჩვენი მოქალაქეების წინააღმდეგ ომის დანაშაულები კი არის ჩადენილი, მათ შორის მძიმე ფაქტები, დაწყებული ეთნიკური წმენდიდან, დამთავრებული ჩვენი სამხედროებისა და მოქალაქეების წამების ფაქტებით. და არსებობს ამის ვიდეო მასალა. შესაბამისად იმის საფრთხეს, რომ ჩვენ სამხედროებს იქ რაიმე დაემუქროს, მე ვერ ვხედავ. 

რაც შეეხება თავად ჰააგის სასამართლოსთან თანამშრომლობას და პროცესს: აქ ორი ვარიანტია, პირველი: უარი ვთქვათ ჰააგის სასამართლოსთან თანამშრომლობაზე, რაც არაგონივრულია, ჩვენ იქ ჩვენ უფლებებს ვერ დავიცავთ და დარჩება ერთი მხარე — რუსეთის და სამხრეთ ოსეთის, გარდა ამისა, შეგახსენებთ, რომ ჩვენ ვალდებული ვართ ვითანამშრომლოთ, თუ არადა უნდა გავიწვიოთ ის ხელმოწერაც და საერთოდ შევწყვიტოთ რომის სტატუტის ფარგლებში თანამშრომლობა. ეს იქნება ძალიან დიდი შეცდომა. შესაბამისად რჩება მეორე ვარიანტი, ჰააგის სასამართლოსთან თანამშრომლობა ბოლომდე სანამ პროცესები არ დასრულდება. და თუ ვთანამშრომლობთ, სასამართლო წარმოუდგენელია ორივე მხარის გამოკითხვის გარეშე ხომ, ამიტომ, რა თქმა უნდა, ამ პროცესზე პროკურორებისა და სასამართლოს გადაწყვეტილებით მოუწევთ მონაწილეობა ჩვენს მოქალაქეებსაც იმისთვის რომ იქ სიმართლე დავამტკიცოთ. ჩვენ ანალოგიურად უკვე ვიმოქმედეთ სტრასბურგის სასამართლოში, სადაც უამრავი ჩვენი მოაქალაქე იყო ჩასული. ამით არაფერი დანგრეულა და არც გაუგია მოსახელეობას რამდენი ასეული მოწმე იქნა იქ ჩაყვანილი და ალბათ, სამხედროებიც. რატომღაც ვფიქრობ, რომ ჰააგის თემა ოპოზიციის მხრიდან წინასაარჩევნოდ გამოიყენება.

დამაინც, რაც შეეხება სამხედროების საკითხს. მე სპეციალურად გავაკეთე ეს შესავალი იმისთვის, რომ ვინც წაიკითხავს მოქმედი თუ თადარიგში მყოფი სამხედრო კარგად გაერკვიოს ამ ყველაფერში და გაიგოს, რომ არავითარი საფრთხე მათ არ ემუქრებათ. სახელმწიფო დაიცავს, როგორც მომქმედ, ისე თადარიგში მყოფ სამხედროს და არა მარტო მათ – მოქალაქეებს. ამაში 100 პროცენტით დარწმუნებული ვარ და თუ ეს ასე არ მოხდება, მე ვიქნები პირველი, ვინც ხმას ამოიღებს. მე აქ საფრთხეებს ვერ ვხედავ და კარგი იქნება თუ მეორე ტურის დარჩენილ პერიოდს მშვიდად ჩავატარებთ. 

ქეთი ხომერიკი

მეტის ნახვა
26-11-2018, 07:30


"საქართველოს მოსახლეობას საპრეზიდენტო არჩევნების მეორე ტურში უბრალოდ სხვა არჩევანი არ აქვს, ყველამ მხარი უნდა დავუჭიროთ სალომე ზურაბიშვილს, თუ არ გვინდა 2004–2012 წლების რეალობაში დაბრუნება", აცხადებს "საქართველოს პატრიოტთა ალიანსის" ლიდერი, პარლამენტის ვიცე-სპიკერი ირმა ინაშვილი.

ირმა ინაშვილი: ჩვენი პარტია რა თქმა უნდა, მხარს არ დაუჭერს გრიგოლ ვაშაძეს, რადგან არ გვინდა იმ წარსულში დაბრუნება, სადაც არბევდნენ ჟურნალისტებს, ადამიანებს ქონებას ართმევდნენ, ქუჩაში ხოცავდნენ ახალგაზრდებს. ჩვენ ეს გადმოცემით ხომ არ ვიცით, საკუთარი თვალით ვნახეთ. ამიტომ ნურავინ შემეკამათება, რატომ ლაპარაკობ ნაციონალების მმართველობის ცხრა წელზეო, თუმცა ახლა უკვე 15 წელზე ვლაპარაკობ, ბოლო ექვსი წლის განმავლობაში, არაერთ ფაქტზე გვქონდა მწვავე პოზიცია და მომავალშიც გვექნება. მიუხედავად იმისა, რომ ოპოზიცია ვართ, ჩვენს ქვეყანას არ ვუდგავართ ოპოზიციაში, არ ვართ სახელმწიფოს მტრები. პოლიტიკური ეგოიზმის, რაღაც ამბიციების გამო ვერ ვიტყვით, არ ვიღებთ არჩევნებში მონაწილეობასო. ქართულ პოლიტიკას ახასიათებს ბოღმა-შურიანობა, სამწუხაროდ, გადამწყვეტ მომენტში პოლიტიკოსებს ზოგჯერ გაუკეთებიათ არჩევანი არა ქვეყნის, არამედ საკუთარი პარტიების სასარგებლოდ. ჩვენ ამას არ გავაკეთებთ, ამიტომაც გადავწყვიტეთ მხარი დაგვეჭირა სალომე ზურაბიშვილისთვის, რადგან ეს არის საქართველოს მხარდაჭერა, ჩვენი შვილების მომავლის მხარდაჭერა. მინდა ქალბატონმა სალომემ კარგად გააცნობიეროს და დარწმუნებული ვარ გააცნობიერებს, რომ მას ახლა მხოლოდ "ქართული ოცნება" კი არა, ქართველი ხალხი ირჩევს, მათ შორის, ის ადამიანები, რომლებიც სააკაშვილის რეჟიმს ვებრძოდით, და გაამარჯვებინებს კიდეც. ქალბატონი სალომე მომავალში სწორედ ამ ხალხის წინაშე იქნება პასუხისმგებელი და ანგარიშვალდებული, იმედი მაქვს, პრეზიდენტი რომ გახდება, სიყვარულითა და ერთგულებით უპასუხებს ქართველ ხალხს. მე ეჭვი არ მეპარება, რომ მეორე ტურში სალომე ზურაბიშვილი გაიმარჯვებს, იმიტომ, რომ ხალხი კარგად აცნობიერებს შექმნილ ვითარებაში რატომ უნდა დაუჭიროს მხარი სალომე ზურაბიშვილს. პირველ ტურში პრაქტიკულად არ მიგვიღია მონაწილეობა, შესაბამისად, ჩვენმა მხარდამჭერებმა ან გადახაზეს ყველა კანდიდატურა, ანდა არ მივიდნენ არჩევნებზე. ამომრჩეველთა იმ 53%-ში, ვინც არჩევნებზე არ მივიდა, ჩვენი მხარდამჭერების დიდი წილი იყო. ახლა მათ მოვუწოდებთ იაქტიურონ, მხარი დავუჭიროთ სალომე ზურაბიშვილს, თუ არ გვინდა ჩვენი შვილების მომავალი საფრთხის წინაშე დავაყენოთ. 

სააკაშვილი, ბოკერია, ვაშაძეები, ბაქრაძეები და ა.შ. არც მალავენ, რომ მათ ინტერესში შედის გარკვეული პროვოკაციების აგორება, ვფიქრობ, უფრო არჩევნების შემდეგ ვარაუდობენ ამის ორგანიზებას. ჩვენ შეგვიძლია თავი მოვიტყუოთ, რომ არაფერი არ ხდება, მაგრამ საზოგადოება აშკარად შუაზეა გაყოფილი, მიდის ფარული დაპირისპირება, ფაქტობრივად ფარული ომი. ძალიან დიდია რადიკალიზაცია საზოგადოების სხვა და სხვა ჯგუფებს შორის, რასაც აღრმავებს ის ამორალური საქციელი, როცა მწამებელი, მკვლელი, ქართული მიწების გამჩუქებელ-გამყიდველი და სხვა არაერთი დანაშაულის ჩამდენი, სალომე ზურაბიშვილს ეძახის მოღალატეს. ამის ჩამდენები და ის ხალხი პარლამენტის ბიუროს სხდომაზე გონორით რომ გვესაუბრებიან, მათი ხმა არ გამიგია, როცა ხელ-ფეხი დაგვამტვრიეს 2009 წლის 15 ივნისის აქციაზე. ვინც ვერ მოგვკლეს, დაგვაზიანეს, თითქმის ყველას ჯანმრთელობა აქვს შერყეული. 50.000-ზე მეტმა მოწმემ სააკაშვილის რეჟიმის პირველი პირების წინააღმდეგ მისცა ჩვენება. ვაშაძე, რომ ამბობს გაპრეზიდენტების შემთხვევაში შევიწყალებ ამ დამნაშავეებს და გავათავისუფლებო, ესენი გარეთ რომ გამოვლენ და იქ დახვდება ეს 50.000-ზე მეტი მოწმე, ხომ წარმოგიდგენიათ, რა მოხდება. ამიტომ მინდა საღი გონებით, მშვიდად გავაკეთოთ მეორე ტურში არჩევანი. ვერავის ვერ შეაშინებს ვაშაძე, ვერც სააკაშვილი, ეს უკანასკნელი ამსტერდამში დარჩება, სანამ არ ჩამოვიყვანთ და "მატროსოვზე" არ მივაბრძანებთ. 

ამ "შავ" საარჩევნო კამპანიაში, ნაცმოძრაობის მთავარი თემა, რასაც თავიანთი რუსი პიარსპეციალისტების დახმარებით ავითარებდნენ, აგვისტოს ომის თემა იყო. დღემდე აქტუალურია სამხედროების დაპირისპირების მცდელობის საკითხი სალომე ზურაბიშვილთან. ჩემი აზრით, ეს მარტო ქალბატონ სალომესთან კი არა, სახელმწიფოსთან დაპირისპირების მცდელობაა. მინდა ქართველ სამხედროებს მივმართო, ჰააგის ტრიბუნალი რიგით ჯარისკაცებსა და ოფიცრებს არ ემუქრება, ის მაღალი პოლიტიკური თანამდებობის პირებს ემუქრება, რომლებმაც მთელი რიგი კანონები დაარღვიეს ომის პირობებში. პირველ რიგში, მიხეილ სააკაშვილს ემუქრება ჰააგის ტრიბუნალი. აგვისტოს ომის კონტექსტში მთელი კამპანია მიდიოდა მოღალატის თემაზე აპელირებით, ჯერ ერთი, სიტყვა მოღალატეს ყოველთვის სიფრთხილით უნდა მივუდგეთ, თანაც ვინ ლაპარაკობდა ღალატზე? სააკაშვილი, ბოკერიები, ვაშაძე და მთელი მათი გუნდი ის ხალხია, რომლებმაც აგვისტოს ომის დროს, სხვაზე რომ აღარაფერს ვთქვათ, გმირულად დაღუპული ჯარისკაცების ცხედრები მიატოვეს კონფლიქტის ზონაში, პატრიარქი რომ არ ჩასულიყო და არ გამოესვენებინა, იმ სიცხეში ბუზი ჭამდა და ნადგურდებოდა. მე აფხაზეთის ომის დროს 22 წლის ვიყავი, ყველას ახსოვს ვინც იქ მნახა, ხელით თუ ზურგზე მოკიდებული რომ გამომყავდა დაჭრილები და გარდაცვლილები, წინა ხაზზე არცერთი არ დამიტოვებია. მე ჩამოვასვენე დაღუპული ჟურნალისტები თბილისში. ამათ მთელმა გენერალიტეტმა, სააკაშვილებმა, კეზერაშვილებმა, ბაქრაძეებმა ასე დატოვეს ქართველი ჯარისკაცები ტრიალ მინდორზე. პატრიარქი ტიროდა, ჯარისკაცებისადმი, ჩვენი თანამემამულეებისადმი ასეთ დამოკიდებულების შემხედვარე. ჩვენი მიზანი ხომ ის არის, შვილი ისე აღზარდო, სამშობლოს სამსახურში იყოს და თუ საჭირო გახდა, თავი შესწიროს. მე იმიტომაც მოვუწოდებ ქართველ ხალხს მხარი არ დაუჭირონ ნაციონალებს, რადგან ჩვენ შვილებს, რომლებსაც სამშობლოს დასაცავად ქართულ ჯარში გავუშვებთ, ასე გაწირავენ და მიატოვებენ ბრძოლის ველზე. ნაციონალებზე დიდი მოღალატე ვინ არის, როცა კოდორის ხეობა, სადაც არავითარი საომარი მოქმედებები არ ყოფილა, მარტო კი არ ჩააბარეს, სამარცხვინოდ გაყიდეს, იქ კონკრეტული გარიგება მოხდა. კიდევ ერთხელ ვითხოვ მთავარი პროკურორისგან, გამოიჩინოს მოქალაქეობრივი სიმამაცე, ნუ მიაქცევს ყურადღებას აბსურდულ მოსაზრებებს, ამერიკელები რას იტყვიან, ბრიუსელი რას იტყვისო. ვერავინ ვერაფერს იტყვის, როცა დავადასტურებთ, რომ სააკაშვილის ხელისუფლებამ სამხედრო დანაშაული ჩაიდინა 2008 წლის ომის დროს. 

ამ ომის თემა რომ არ გამოვიძიეთ, იმიტომაცაა ნაციონალები სხვებს რომ დასძახიან მოღალატეებს. ესენი მოღალატეობაზე როგორ უნდა ლაპარაკობდნენ, მე საქართველოს უახლეს ისტორიაში ამათზე დიდი მოღალატე არ მეგულება. 

"პატრიოტთა ალიანსის" ინიცირებულ რეზოლუციას, რომელიც ითვალისწინებს სააკაშვილ-ბოკერიას მმართველობის შეფასებას, იყო თუ არა ის რეჟიმი, 300.000-ზე მეტმა ადამიანმა მოაწერა ხელი. თუ რეჟიმი იყო, მაშინ დაგვიჭიროს მხარი "ქართული ოცნების" საპარლამენტო დეპუტაციამ. ეს ხალხი 25 ნოემბერს, დღის სამ საათზე თავისუფლების მოედანზე ვიკრიბებით. არამარტო ამ რეზოლუციის მხარდამჭერები, არამედ ყველა, ვინც სააკაშვილის რეჟიმს უპირისპირდება. 23 ნოემბერს, ბათუმში, ამავე დროს ერას მოედანზე შევიკრიბები თ. ჩვენ იმიტომ ვიკრიბებით, რომ ამერიკას, ბრიუსელს, სტრასბურგს, სადაც კარგად თამაშობენ ეს ბატონები, გრიგოლ ვაშაძე და დანარჩენი ამხანაგები, საერთოდ მთელ მსოფლიოს ვაჩვენოთ რამდენნი ვართ, ვისაც არ გვინდა წარსულში, სააკაშვილის ძალადობრივ რეჟიმში დაბრუნება. ამიტომ ძალიან დიდი მნიშვნელობა აქვს ბევრი ვიყოთ. ველოდებით უამრავ ადამიანს, რომელიც არავითარ შემთხვევაში არ დააბრუნებს საქართველოს სააკაშვილ-ბოკერიების რეალობაში. კიდევ ერთხელ მივმართავ საქართველოს მოსახლეობას, მნიშვნელობა არ აქვს, პოლიტიკოსია, საზოგადო მოღვაწე თუ რიგითი მოქალაქე, ახლა არის გადამწყვეტი ეტაპი, უფლება არ გვაქვს, მიზეზთა გამო არჩევნებში მონაწილეობა არ მივიღოთ. ყველა გავერთიანდეთ და მხარი დავუჭიროთ სალომე ზურაბიშვილს, რადგან ამით ჩვენი შვილების მომავალს ვუჭერთ მხარს. ვაშაძის გამარჯვება ნაციონალების მობრუნებას ნიშნავს, რომლებიც ყველას სახლთან მივლენ, ყველას აწამებენ, გაასმაგებული ძალებით გააძრობენ ტყავს ჩვენს ერს. თუ მმართველმა პარტიამ რაიმე დააშავა, ამ არჩევნების მერე მოვთხოვოთ პასუხი. გპირდებით, მე ვიქნები ის ადამიანი, რომელიც "ქართულ ოცნებას" არაფერს არ აპატიებს.

მანანა სუხიშვილი

მეტის ნახვა
25-11-2018, 14:30