სალომე ზურაბიშვილის წინააღმდეგ ნაციონალების მიერ აგორებული შავი პიარი დიდი ხანია, გასცდა დასაშვებ ნორმებს და სისხლის სამართლის დანაშაულში გადაიზარდა.

ფაქტობრივად, ეს არის ადამიანის დევნა პოლიტიკური ნიშნით, მისთვის საარჩევნო კამპანიის ნორმალურ, ცივილიზებულ პირობებში ჩატარებისთვის ხელის შეშლა ნებისმიერი მეთოდებით, მისი ღირსებისა და პატივის მიზანმიმართული შელახვა გამოგონილი ბრალდებებით, რაც უაღრესად ცინიკური და ამაზრზენი ფორმებით ხორციელდება.

იქმნება შთაბეჭილება, რომ `ნაცმოძრაობამ~ საქართველოში ინკვიზიციის შავბნელი დრო დააბრუნა და "კუდიანებზე" ნადირობა დაიწყო.

მოვუწოდებთ საქართველოს ხელოსუფლებას _ იმოქმედეთ კანონის მიხედვით და დაუსჯელობის სინდრომით გაპარპაშებულ კრიინალებს პასუხი მოსთხოვეთ.

ის, რაც სალომე ზურაბიშვილის მისამართით ხდება, ეს არა მარტო ქალბატონი სალომეს, არამედ ყველა ღირსეული და საღად მოაზროვნე ქართველის, მთელი ქართული სახელმწიფოს შეურაცხყოფაა, რადგან ხდება გაუგონარი რამ _ ნამდვილი დამნაშავეების მიერ ქვეყნისა და ერის წინაშე ჩადენილი უმძიმესი დანაშაულის სხვებისთვის გადაბრალება.

"ნაციონალურმა მოძრაობამ" იცის, რომ 2018 წლის საპრეზიდენტო არჩევნებში მათი ყოფნა-არყოფნის საკითხი დგას – თუ სალომე ზურაბიშვილი გაიმარჯვებს, ეს იქნება მათი პოლიტიკური დასასრულის დასაწყისი, რაც აუცილებლად დამთავრდება ქართული ნიურნბერგის პროცესით.

ამიტომაც იბრძვიან ისინი ასეთი თავგანწირვით სალომე ზურაბიშვილის წინააღმდეგ.

გარდა სალომე ზურაბიშვილისა, მათთვის მისაღებია ნაბისმიერი სხვა კანდიდატის გამარჯვება, რადგან ამით ნაციონალებს გადარჩენის შანსი უჩნდებათ, "ნაცმოძრაობის" გადარჩენა კი საქართველოს დამარცხებას ნიშნავს.

"ნაციონალური მოძრაობა", რომელმაც იცის, რომ მათი კანდიდატი ვერ გაიმარჯვებს, არჩევნებისთვის კი არა, დესტაბილიზასიისთვის, სამოქალაქო დაპირისპირების პროვოცირებისთვის, ქაოსისა და არეულობის მოსაწყობად ემზადება.
– სამარცხვინო კამპანია, რომელიც თქვენი მხრიდან წარიმართება ქალბატონი კანდიდატის მიმართ, არც კაცობა, არც არაფერი არ შეიძლება ამას ეწოდოსო, – უთხრა ირაკლი კობახიძემ ნაციონალებს.

კი, მაგრამ, რა კაცობაზე ელაპარაკებით ამათ, ბატონო ირაკლი, სად აქვთ ამათ კაცობა და ადამიანობა?

ბატონმა ირაკლიმ ისიც ბრძანა, ამათ მიერ აგორებულ შავ პიარს ჩვენ შავი პიარით არ ვუპასუხებთ, თორემ განა არ ვიცით, ვაშაძეს რუსეთი გულში რომ ჰყავს სამარადისოდ აღბეჭდილი და მისი სახით საქართველოს პრეზიდენტობაზე რუსეთის განუყოფელი ნაწილი რომ იყრის კენჭსო.

თუ ეს ყველაფერი ვიცით, მაშინ რატომ გაატარა რეგისტრაციაში საქართველოს ცენტრალურმა საარჩევნო კომისიამ კაცი, რომელიც ოკუპანტი ქვეყნის სიყვარულს გულით ატარებს და მისი განუყოფელი ნაწილია?

მართალია, ლუსტრაციის კანონი ვერა და ვერ მივიღეთ, მაგრამ ამხანაგი გრიგოლის ბიოგრაფიის პატრონს რა ლუსტრაცია სჭირდება, ისედაც თავიდან ბოლომდე ლუსტრირებული არ არის?

მართალია, ნაკლებად არის ეს მოსალოდნელი, მაგრამ ხომ არსებობს ალბათობა, ეს რუსეთის ნაწილი, რუსული პოლიტიკის ბარაქიანი ძუძუთი გაზრდილი, ფაქტობრივად, რუსი პოლიტიკოსი გრიგოლ ვაშაძე, რაღაც მანქანებით, საქართველოს პრეზიდენტი გახდეს?

თუ მოარულ ხმებს დავუჯეებთ, რუსეთი ზესახელმწიფოს, აშშ-ის საპრეზიდენტო არჩევნებში ერეოდა და თუ მოინდომებს, მოსკოვის ერთი უბნის ხელა სახელმწიფოში თავისი კაცის გაყვანა არ უნდა გაუჭირდეს.
ძალიან მაინტერესებს, ეს რომ მოხდეს, რას ვშვრებით?

შავ პიარს შავი პიარით ხომ არ ვუპასუხებდითო, ვიტყვით?

ამ განცხადებამ გასული საუკუნის 90-იან წლებში ნათქვამი ერთი ისტორიული ფრაზა გამახსენა: დაე, მათ ტყვიები გვესროლონ, ჩვენ კი ვარდები ვესროლოთო.

როგორი საბედისწერო შედეგებით დამთავრდა ეს ყველაფერი, ყველას კარგად ვახსოვს…
შავ პიარს შავი პიარით არა, მაგრამ სიმართლით აუცილებლად უნდა ვუპასუხოთ.
პრობლემა ის არის, ჩვენ ამ სიმართლესაც რომ ვერ ვამბობთ ბოლომდე.

ვერ ვამბობთ ამ სიმართლეს ვერც "ნაცმოძრაობის" ცხრაწლიანი უსასტიკესი რეჟიმის შესახებ, ვერც 2008 წლის აგვისტოს ტრაგიკული მოვლენების შესახებ და თუ რაიმეს ვამბობთ, ვამბობთ ფრაგმენტულად, ზედაპირულად, სასხვათაშორისოდ.
არადა, ამ სიმართლის დამამტკიცებელი უამრავი ფაქტი, უამრავი დოკუმენტური მასალა არსებობს, რომლის ამოწევას და სამხილების ტომეულად დალაგებას არაფერი არ უნდა, პოლიტიკური ნების გარდა.

ეს სიმართლე, ცხადია, არ დაიმალება და, ადრე თუ გვიან, "ნაცმოძრაობას" და მის ლიდერებს აუცილებლად მოუწევთ სამსჯავროზე წარდგენა, თუმცა აუცილებელია, ეს რაც შეიძლება მალე მოხდეს, რადგან ამ პროცესის დროში გაწელვამ შეიძლება ქვეყანა უკიდურესად დააზიანოს და დააძაბუნოს.

პინოჩეტი 80 თუ 82 წლის იყო, სამართალმა კარზე რომ მიუკაკუნა.

ღმერთმა გვაშოროს და თუნდაც ყველანი რომ გავწყდეთ და ერთი ქართველი რომ დარჩეს ცოცხალი, იმ ერთი ქართველის ხელით სააკაშვილს, მერაბიშვილს, ადეიშვილს, უგულავას, ბოკერიას, ბაქრაძეს, სხვებს და სხვებს, 80 წლის იქნებიან ისინი თუ 90-ის, აუცილებლად მიუკაკუნებთ სამართალი კარებზე, რადგან დანაშაული, რომელიც მათ აქვთ ჩადენილი ქართველი ხალხის წინაშე, ჩამოწერას და ანულირებას არ ექვემდებარება.

– აგვისტოს ომამდე რამდენიმე თვით ადრე იტალიაში სააკაშვილი შეხვდა რუსეთის ხელისუფლების წარმომადგენელს. სწორედ ამ შეხვედრაზე შეთანხმდა და დაიგეგმა აგვისტოს ომის სცენარი. – არ უთქვამს ეს სალომე ზურაბიშვილს, ეს სულ სხვა პოლიტიკოსმა თქვა, თუმცა "ნაცმოძრაობას" ამ უმძიმესი ბრალდებისთვის არ უპასუხია, რადგან მათ ხელს არ აძლევთ ამ თემის გარშემო დისკუსიის და დებატების გამართვა – იციან, რაც აქვთ ჩადენილი და დეტალებში ჩაკირკიტება და ჩაძიება მათთვის ხელსაყრელი არ არის.

ჩვენ ბევრს ვლაპარაჯკობთ აგვისტოს ომზე, მაგრამ ყურადღების მიღმა გვრჩება ის, რასაც სააკაშვილი აგვისტოს ომამდე აკეთებდა.
ძალიან მოკლედ, რამდენიმე წინადადებით ვიტყვი: სააკაშვილმა აღადგინა და საქართველოს პარლამენტმა დაამტკიცა თავის ადმინისტრაციულ საზღვრებში ე.წ. სამხრეთ ოსეთი, მიუერთა რა მას ახალგორიც, რომელიც ჯერ კიდევ საბჭოთა კავშირის დროს გამოეყო სამხრეთ ოსეთის ავტონომიურ ოლქს.

სააკაშვილმა სახელი შეუცვალა კოდორის ხეობას და ზემო აფხაზეთი დაარქვა, რაც ასევე უყოყმანოდ დაამტკიცა საქართველოს პარლამენტმა.

საქართველოს ტერიტორიული მთლიანობის აღდგენიოს ნაცვლად სააკაშვილმა თავიანთ ადმინისტრაციულ საზღვრებში ტერიტორიული მთლიანობა აღუდგინა სეპარატისტულ რეგიონებს, შექმნა სათანადო იურიდიული და სამართლებრივი ბაზისი ამ გაუგონარი მკრეხელობის "გასაპრავებლად" და ყოველივე ეს მის მიერ დამონებულ და "დაჩმორებულ" პარლამენტს დააკანონებინა, რის შემდეგაც ამ რეგიონების დამოუკიდებელ სახელმწიფოებად ცნობა რუსეთს არ გასჭირვებია.

დღეს რუსული მავთულხლართები აბსოლუტური სიზუსტით მისდევს სააკაშვილის და ქართული პარლამენტის მიერ გავლებულ დაკანონებულ საზღვრებს.

აი, ამ შემზარავი ღალატის ჩამდენები დღეს სხვისკენ იშვერენ ხელს…

სხვისკენ იშვერს ხელს რუსული პოლიტიკის "ასკოლკა" ვაშასძე, სხვისკენ იშვერს ხელს სააკაშვილის დანაშაულებრივი გადაწყვეტილებების დამკანონებელი, სააკაშვილის პირადი "ნოტარიუსი" ბაქრაძე, ქართული სამართალი კი დუმს და, მასთან ერთად დუმს ქართველი საზოგადოებაც, რომელიც ვერა და ვერ ახერხებს, მკვეთრად და ნათლად თქვას: ნაციონალო ფარისევლებო, არ გაბედოთ სალომე ზურაბიშვილისთვის მოღალატის დაძახება, რადგან ზურაბიშვილი კი არა თქვენ თვითონ ხართ ნამდვილი მოღალატეები და ქვეყნის გამყიდველები.

არც იმის გამბედაობა ყოფნის ვინმეს, რომ ამ ორ პოლიტიკურ შულერს, ვაშაძეს და ბაქრაძეს, პირში მიახალოს: კაგებეშნიკო ვაშაძე და სააკაშვილის მონავ, ბაქრაძევ, არც იოცნებოთ საქართველოს პრეზიდენტობაზე – ქართველი ხალხი ამას არ დაუშვებს!

ვახტანგ ხარჩილავა

მეტის ნახვა
5-10-2018, 07:00


გვესაუბრება კინორეჟისორი გოგა ხაინდრავა:

_ ბატონო გოგა, სახეზეა საარჩევნო კამპანია _ ბრძოლა წესების გარეშე. `ქართული ოცნების~ მხარდაჭერილ კანდიდატს "ნაციონალები" ღალატში სდებენ ბრალს.

_ პირველ რიგში, აღვნიშნავ, რომ ეს ბრალდება არ არის. პირისთვის ბრალის წაყენება სამძებრო ორგანოებში ხდება, ეს კი ცილისწამება, სადისტურ-ბოლშევიკური მეთოდოლოგია გახლავთ, რასაც "ნაცმოძრაობა" ყოველთვის ძალიან აქტიურად იყენებდა იმიტომ, რომ ამ პარტიის დამფუძნებელის ფესვები ბოლშევიკური, ჩეკისტური სამყაროდან მოდის. მხედველობაში მყავს მიხეილ სააკაშვილი თავის ბიძიანად. ერთიც და მეორეც საბჭოთა კავშირის უშიშროების სამჭედლოში გაიზარდნენ, ვგულისხმობ, მოსკოვის და კიევის დიპლომატიურ აკადემიას. ორივე ამ ინტერესების დაცვას ემსახურებოდნენ. იქვეა, ვაშაძეც, რომელიც 1976-დან 1981 წლამდე (სტალინის მერე, ასეთი რეპრესიები, დისიდენტური საქმიანობის და იმ ადამიანების მიმართ, ვინც თავისუფლებისთვის იღწვოდა და ილტვოდა, საბჭოთა კავშირიში არასოდეს ყოფილა) მოსკოვის დიპლომატიურ აკადემიაში სწავლობდა. იგი, დღესაც, ამ ბნელ დაწესებულებას, მშვიდობისა და თავისუფლების კუნძულს ეძახის. საბჭოთა დიპლომატია გარდა უშიშროების სპეცსამსახურებისა სხვა არაფერი ყოფილა. საბჭოთა დიპლომატიური მისიების შესრულებისას ყველას კაგებეს სკოლა ჰქონდა გავლილი და მის დავალებებს ასრულებდა. ეს ცნობოლია. დღეს, საქართველოში, ჩამოიყვანეს ცნობილი რუსი პიარ-მენეჯერი, რომელიც პუტინს არჩევნებს "ულაგებდა", ასევე, სობჩაკის საარჩევნო პიარ-მენეჯერი იყო.

ახლა, აქ, იმისთვის ჩამოიყვანეს, რომ გრიგოლეტო ვაშაძეს კრემლის იდეების განხორციელებაში დაეხმაროს. მათი მიზანია კონკურენტს ისეთი რამ დააბრალონ, რაც ყოვლად წარმოუდგენელია. ჩემი შენ გითხარიო ისე გამოსდით — მთელი ცხოვრება თავად ემსახურებოდნენ რუსულ ინტერესებს და დღესაც ამას აკეთებენ. თუმცა, ღალატი სალომეს გადააბრალეს. ამას აჰყვა პრესის ძირითადი ნაწილი. ასეთი ბნელეთით მოცული სხვა ინსტიტუცია როგორიც, უმეტეს შემთხვევაში, ქართული პრესაა, ძნელი წარმოსადგენია. მეტსაც გეტყვით, მედია-სამყარო იქამდე დაეცა, რომ ტელეეთერში პირდაპირ ცილისმწამებლური კლიპები გაჩნდა ვითომდა სალომეს მოღალატეობაზე. საზოგადოების ამაზე მეტად დაცემა წარმოუდგენელია. ბოლშევიკურ საბჭოთა კავშირში, საქართველოშიც, 1933 წელს გერმანიაშიც, ამგვარ კამპანიებს, აზროვნებას ექვსი მილიონი ებრაელი და დაახლოებით, 12 მილიონი ყოფილი საბჭოთა კავშირის მოქალაქე ემსხვერპლა. ამიტომ, ვფიქრობ, ქართველი საზოგადოებისთვის ძნელი წარმოსადგენი და გასაგები არ უნდა იყოს რასთან გვაქვს საქმე. ეს, აბსოლუტურად, დესტრუქციული ძალაა. ახლა, მე, გეკითხებით: დამისახელოს ვინმემ თუნდაც ერთი ქვეყანა, რუსეთის გარდა, რომელიც საქართველოში დესტაბილიზაციით არის დაინტერესებული. არის ასეთი ქვეყანა?

ასევე, მაინტერესებს: რომელი ქვეყანა არის დაინტერესებული დესტაბილიზაციით უკრაინაში გარდა რუსეთისა? ორივე შემთხვევაში _ უკრაინაშიც და საქართველოშიც თავის თავში დესტაბილიზაციის მატარებელი სააკაშვილი გახლავთ. ყველაფერს აკეთებენ, რათა როგორმე დესტაბილიზაცია გამოიწვიონ. ამიტომ, შეკითხვა მარტივია: თუ ორივე შემთხვევაში _ უკრაინაშიც და საქართველოშიც დესტაბილიზაცია რუსეთის ინტერესებშია და ამას ორივეგან სააკაშვილის ხელით აკეთებენ, ე.ი. ვის ინტერესებს ახორციელებს მიშა? _ ბუნებრივია, რუსეთის. მან იგივე გააკეთა 2008 წელსაც. სააკაშვილი ვისი ხელით აკეთებს ამ ყველაფერს? _ უშიშროების თანამშრომლის გრიგოლეტო ვაშაძის, რომელიც საქართველოს საგარეო საქმეთა მინისტრად ისე დაინიშნა, რომ ამავდროულად რუსეთის საგარეო საქმეთა სამინისტროს თანამშრომელი იყო და საერთოდ, აგვისტოს ომის დროს, რუსეთის მოქალაქე გახლდათ. ასეთი პრეცედენტი მსოფლიო ისტორიაში არ არსებობს _ ადამიანი იმ ქვეყნის მოქალაქე იყოს, რომელთანაც შეიარაღებული კონფლიქტი აქვს და რომლის აგრესიის ქვეშაც სახელმწიფო იმყოფება. ამ შემთხვევაში, საქართველო, რუსეთის აგრესიის, ოკუპაციის ქვეშ იმყოფებოდა და ამ დროს, რუსეთის მოქალაქე, რუსეთის საგარეო საქმეთა სამინისტროს თანამშრომელი ამავდროულად, საქართველოს საგარეო საქმეთა მინისტრი იყო. ასეთი რამ, მხოლოდ, სააკაშვილის მმართველობის დროს თუ იქნებოდა შესაძლებელი.

_ ბატონო გოგა, 2008 წლის ომი ახსენეთ. მოდით, მკითხველს მოვუთხროთ რეალურად, რა ვითარებაში და ვინ დაიწყო ომი?

_ დიახ, ახლა, რაც შეეხება იმ დიდ სიცრუეს, რომელშიც წლების მანძილზე ამყოფებენ საზოგადოებას და სამწუხაროდ, საქართველოს მოქალაქეების დიდი ნაწილი ამას აყოლილია — თვლის, რომ სჯობს ტყუილები ვილაპარაკოთ. სტრასბურგში, ჰააგაში, ნიუ-იორკში, ჟენევაში ბევრად მოგებული დავრჩებით თუ ვიტყვით ისეთ ტყუილს, რომლის შესახებაც მთელმა მსოფლიომ იცის, რომ ეს სიცრუეა. ხელებს ასავსავებენ, როგორ თქვა სალომემ, რომ საქართველო დამნაშავეაო. საქართველოს არაფერი დაუშავებია. საქართველო ოკუპირებულია რუსეთის იმპერიალიზმის მიერ და ეს პირველი მცდელობა არ არის.

უკანასკნელი სამი საუკუნე საქართველოს წინააღმდეგ რუსეთის აგრესიით იწყება. 1801 წელს საქართველოს სამეფო და მერე, საპატრიარქო ტახტიც გააუქმეს და რუსეთმა მიიერთა. მერე, ეს ყველაფერი რევოლუციის შედეგად დაკარგა და 1921 წელს საქართველოში ისევ ინტერვენცია, ოკუპაცია განხორციელდა, მერე 2000 წლებში სალომე ზურაბიშვილის უშუალო ხელმძღვანელობით, როცა იგი საგარეო საქმეთა მინისტრი იყო, საქართველოს ტერიტორიიდან რუსეთის ჯარი სრულად იქნა გაყვანილი, სააკაშვილმა კი 2008 წლის აგვისტოში ისევ შემოიყვანა. აბსოლუტური სიცრუეა ის, რომ თითქოს, სააკაშვილმა რუსულ სამხედრო აგრესიას მედგარი წინააღმდეგობა გაუწია. არსებობს უამრავი მასალა, კადრი, ფილმი მაქვს გაკეთებული, სადაც სააკაშვილი პირდაპირ, ღიად ადასტურებს, რომ 2008 წლის 7 აგვისტოს, გამთენიისას ცხინვალს ცეცხლი გაუხსნა. მანამდე, ცხინვალიდან გაიყვანეს ოსური ეროვნების მოსახლეობა, ხოლო ქართველები ყველანი დატოვეს და ცეცხლი გაუხსნეს. ამიტომ, სააკაშვილი, პირველ რიგში, საკუთარი ხალხის წინაშეა დამნაშავე იმიტომ, რომ საკუთარ მოქალაქეებს გაუხსნა ცეცხლი და არა რუს ოკუპანტებს, რუსულ ინტერვენციას. რუსი ოკუპანტები საქართველოში რომ შემოვიდნენ "ნაციონალურმა მოძრაობამ" ისე მოკურცხლა, რომ 11 ათასი მანქანა იდგა აზერბაიჯანის საზღვარზე, ერთმანეთს ასწრებდნენ. ასე, რომ მედგარ წინააღმდეგობაზე ლაპარაკი, აბსურდია. 

2008 წლის 2 ოქტომბერს, ორი თვის თავზე "ნაციონალურმა მოძრაობამ" სტრასბურგში საპარლამენტო ასამბლეის რეზოლუციას მოაწერა ხელი, სადაც შავით თეთრზე წერია: ქართული შეიარაღებული ძალების მიერ ცხინვალის მიმართულებით გახსნილმა ცეცხლმა გამოიწვია გართულება და, პრაქტიკულად, ფართომასშტაბიანი ომი. ამ რეზოლუციას ხელს აწერს გოკა გაბაშვილი, პეტრე ცისკარიშვილი, გიორგი კანდელაკი _ ეს ავადხსენებული კაცი, რომელიც ევროპელ დიპლომატებს, პარლამენტის წევრებს ეუბნებოდა, რომ საქართველოს ვიზა-ლიბერალიზაციისთვის ხმა არ მიეცათ, ეს ცნობილია. ასეთი ბოროტმოქმედი გახლავთ კანდელაკი. მთელი ეს ორგანიზაცია ბოროტმოქმედთა ჯგუფია. ახლა, საზოგადოების გარკვეული ნაწილიდან, რომელიც მათ დღემდე უჭერს მხარს, ასევე, პრესის უგუნურობით ხდება პროპაგანდა, რაც ჩემი აზრით, სამარცხვინოა. 

ნათელია, რასთან გვაქვს საქმე. ეს არის საქართველოში პოლიტიკური გამწვავების შემოტანის უბადრუკი მცდელობა, რაც ვერ მოხდება. ანუ, ეს არის საქართველოში რუსული რევანში, რომელსაც სათავეში უდგას "ნაციონალური მოძრაობა" და ვითომ, მას გამოყოფილი "ევროპული საქართველო". რას ჰქვია დავით ბაქრაძის "ევროპული საქართველო"?! ყველას კარგად გვახსოვს მისი მოწოდება _ რუსული სამხედრო აგრესიისგან თავი დანა-ჩანგლით დაგვეცვა იმ დროს, როცა თავად წითელი ხიდისკენ გარბოდა თავის თანაპარტიელებთან ერთად. 

_ თქვენ, პრესკონფერენცია გამართეთ, სადაც სააკაშვილის დანაშაულებრივი ქმედებები დოკუმენტურად დაადასტურეთ.

_ დიახ, და როგორც მოგახსენეთ, ერთ-ერთ დოკუმენტს თავად აწერენ ხელს, რაც ბოკერიას გადაწყვეტილებით გაკეთდა. 2008 წლის 2 ოქტომბერს რეზოლუცია მათ მიერ არის ხელმოწერილი, ანუ, დათანხმდნენ ამ რეზოლუციის შინაარსს, რომელიც მთელი საპარლამენტო ასამბლეის მიერაა დამტკიცებული. გარდა ამისა, სააკაშვილი 2008 წელს ამის შესახებ თავის გამოსვლაში პირდაპირ ამბობს. ასევე, არსებობს კადრები, სადაც მაშინდელი პრემიერ-მინისტრი გურგენიძე იგივეს იმეორებს: სეპარატისტების მიერ პროვოკაციის აღკვეთის მიზნით სამხედრო მოქმედებები დაიწყოო. არცერთი მათგანი რუსეთს არ ახსენებს. გარდა ამისა, მაქვს კადრები, სადაც ვაჟბატონი, საქართველოს დიდ პატრიოტად რომ მოაქვს თავი _ გრიგოლეტო ვაშაძე ამბობს: რუსები, საერთოდ, არაფერშუაში არიან, ეს სეპარატისტები არიან, რუსები, საერთოდ, საქმის კურსში არ არიან აქ რა ხდებაო. აი ასეთი ვითარებაა. ჰაერზე კი არ ვლაპარაკობ, ყველაფერი დოკუმენტურად არის დადასტურებული. ყველა მასალა წარვადგინე, ნებისმიერ დროს შემიძლია ვთქვა როდის, ვინ, რა თქვა. ასე, რომ სურათი ნათელია. ჩემი ღრმა რწმენით, უბრალოდ, ამას, საქართველოს მოქალაქეების მხრიდან, გაანალიზება სჭირდება და სწორი გადაწყვეტილების მიღება _ არჩევნებზე მისვლა და სალომე ზურაბიშვილის შემოხაზვა. იმიტომ, რომ ამდენად მომზადებული ყველანაირად _ გამოცდილებით, ცოდნით, სკოლით _ ფრანგული სკოლის დიპლომატია მსოფლიოში სახელგანთქმულია და თავისი ბიოგრაფიით, ფესვებით, ცხოვრების წესით, სხვა ქართულ პოლიტიკურ სპექტრში არ მეგულება. მოსკოვში დაბადებულის, გაზრდილის, ჩამოყალიბებული რუსის საფრანგეთში დაბადებულ, გაზრდილ, ევროპელ სალომე ზურაბიშვილთან შედარება არც კი შეიძლება. ორი წელი და რვა თვე სახელმწიფო მინისტრი ვიყავი და მინდა გითხრათ, რომ სააკაშვილმა საქართველოდან ევროპელი დამკვირვებლების დიდი მისია გააგდებინა, რომლებიც აბსოლუტურად ყველაფერს აფიქსირებდნენ _ ყველა გაფაჩუნებას, გასროლას, დაცემინებას. ეს ანგარიშები ყველაფერი დევს სტრასბურგშიც, ჰააგაშიც, ბერლინშიც, ნიუ-იურკშიც, ვენაშიც და ვაშინგტონშიც. ამიტომ, საუბარი იმაზე, რომ მაინცდამაინც სალომე ზურაბიშვილის ქართულ ეთერში ნათქვამი სიმართლე ავნებს საქართველოს, აბსურდია. ეს არის სრული დემაგოგია. 

_ როგორ ფიქრობთ, სალომე ზურაბიშვილი, გამარჯვების შემთხვევაში, დაასრულებს "ნაცებთან" კოაბიტაციას?

_ სალომეს გამგელებული ებრძვიან იმიტომ, რომ მშვენივრად ესმით_ მარცხისთვის არიან განწირულნი. რაც შეეხება კოაბიტაციის დასრულებას, ეს კიდევ ერთი მითია, რომ პრეზიდენტი რაიმეს დაასრულებს და ა.შ. "ნაცმოძრაობის" ნამსხვრევი _ ბაქრაძე დადის და იძახის: პენსიას გავზრდიო, გრიგოლეტო ამბობს: პენსია 400 ლარი გახდებაო. ეს ხომ ტყუილია. დღევანდელი კონსტიტუციით მსგავსი უფლება პრეზიდენტს არ აქვს. სააკაშვილი უცხოეთიდან გაჰყვირის: 28 ოქტომბერს დავამ- თავრებთ "ქართულ ოცნებას" და მის მმართველობასო. ეს ყველაფერი სიცრუეა იმიტომ, რომ დღევანდელი კონსტიტუციით არანაირი მსგავსი უფლებები პრეზიდენტს არ აქვს _ ვერც ვერაფერს დაამთავრებს, ვერც პენსიას გაზრდის, ეს არ არის მისი კომპეტენცია.

გრიგოლ ვაშაძე რუსეთის საგარეო საქმეთა სამინისტროში ბირთვული განიარაღების კომიტეტში მუშაობდა. როგორ ფიქრობთ, ვინ გააკარებდა კრემლის საგარეო საქმეთა სამინისტროში, ბირთვული განიარაღების კომიტეტში ადამიანს, რომელსაც რუსეთის უშიშროების კომიტეტში სათანადო ინსტრუქტაჟი არ ჰქონდა მიღებული. ეს ხომ სასაცილოა. საერთოდ, სასაცილოა, რომ ეს ადამიანი საქართველოში აღიქმება როგორც პოლიტიკური ფიგურა. ასეთი ხალხი ადრეც იყო მაღალ თანამდებობაზე, მაგალითად, იგორ გიორგაძე, რომელიც განსხვავებით გრიგოლეტოსგან, არასდროს მალავდა, რომ რუსეთის უშიშროების თანამშრომელია. იგი, პირდაპირ ამბობდა, რომ საქართველოს მხო- ლოდ რუსეთთან ერთად ხედავდა.
ამიტომაც არის დღეს მოსკოვში.

იგივეა, ვაშაძეც _ რუსეთიდან მისი ამფსონები ცდილობენ მას საქართველოში ხელისუფლების რაღაც წილი ერგოს, რომ მერე რაც შე- იძლება მეტი პრობლემა შეუქმნან ქვეყანას, ეს ფაქტია.

_ მისი ბიოგრაფიის მიუხედავად, დღეს, ვაშაძე პრო-დასავლელად გვევლინება. მეტიც, ევროპის სახალხო პარტიაც კი უჭერს მხარს. ეს რა ფენომენია?

_ ეს არის იმ ფსევდო-ლიბერალიზმის შედეგი, რაც პრაქტიკულად, ევროპას ანგრევს და თავისი მავნე გავლენით მთელი მსოფლიო შეარყია. რაც შეეხება ევროპის სახალხო პარტიას, მათი ლიდერი დონ პედრო, აქ, ჩამოდიოდა და მერაბიშვილს პოლიტპატიმარს ეძახდა. მოგვიანებით კი სამარცხვინო მოვლენების მომსწრე გავხდით _ დეპუტატების მთელი წყება, უბრალოდ, პოლიტიკური მექრთამეები არიან, რომელთაც სათავეში დონ პედრო უდგათ. მათ წინააღმდეგ, მექრთამეობის მუხლით, სისხლის სამართლის საქმეც არის აღძრული, ეს ნათლად აჩვენებს რა ვითარებაში არიან ფსევდო-ლიბერალური ძალები.

_ ვაშაძე გვპირდება შევიწყალებ სააკაშვილს, მერაბიშვილს, ახალაიასო.

_ ეს გეგმის ნაწილია. მისი ფუნქცია არის შეიწყალოს სააკაშვილი, ახალაია, ადეიშვილი და ამით შეეცადოს საქართველოში დესტაბილიზაციის გამოწვევას. ეს გამოიწვევს ქართველი ხალხის უკმაყოფილებას, ესენი დაეყრდნობიან თავიანთ სექტას, მისი ნამსხვრევები პარლამენტის შენობის წინ დგანან, ესეც დესტაბილიზაციის მცდელობაა. ეს რუსული გეგმის ნაწილია, რასაც ვაშაძე არც მალავს, პირდაპირ აცხადებს რისთვისაც მოდის.

ასე, რომ არ უნდა დაგვავიწყდეს ის საფრთხე ვინ დგანან მეორე მხარეს _ ცოცხებით გამაუპატიურებელთა პარტია, რომლის საპრეზიდენტო კანდიდატის გინება დედის ნანასავით ესმით ჟურნალისტებს _ რუსულად კარგად ჟღერს გინება, ხოლო ტვინის განძრევა _ შეურაცხყოფაა. ადრე, ქმედება ცოცხით ხდებოდა, ახლა, ვაშაძე ამას სიტყვით აკეთებს, რაზეც რეაქცია არ აქვთ. მოდით, ქართველებო ამაზე დავფიქრდეთ და ძნელი მისახვედრი აღარ იქნება რა არჩევანი უნდა გავაკეთოთ.

თამარ შველიძე

მეტის ნახვა
4-10-2018, 21:47


პოლიტიკური გაერთიანება „ქართული ოცნება-დემოკრატიული საქართველოს“ ცენტრალურ ოფისში არჩევნებში გამარჯვებიდან 6 წლის თავზე განცხადება გაკეთდა.
"ზუსტად 6 წლის წინ, 2012 წლის 1 ოქტომბერს, ქართველმა ხალხმა გააკეთა ისტორიული არჩევანი თავისუფლების სასარგებლოდ და უარი უთხრა ადამიანის ღირსების შელახვაზე დაფუძნებულ დანაშაულებრივ რეჟიმს. 
როგორც საყოველთაოდ ცნობილია, ამ რეჟიმის ყველაზე მძიმე დანაშაულები იყო:  
-    ძალადობა; 
-    კორუფცია; 
-    მედიის თავისუფლების ტოტალური შეზღუდვა; 
-    რუსეთისთვის ჩვენი ორი ისტორიული რეგიონის ჩაბარება. 
2012 წლამდე, ქართული სახელმწიფო ნაბიჯ-ნაბიჯ ყალიბდებოდა აღმოსავლური ტიპის დესპოტიად, რომელსაც არაფერი ქონდა საერთო დასავლურ ღირებულებებთან.
ქართველი ხალხის წინაშე ნაციონალური მოძრაობის მიერ ჩადენილი უმძიმესი დანაშაულები მეხსიერებიდან არ იშლება. ამ დანაშაულთა გამო, ნაციონალურმა მოძრაობამ ქართველი ამომრჩევლისგან, „ქართული ოცნების“ და მისი სულისჩამდგმელის, ბატონ ბიძინა ივანიშვილის ძალისხმევით, მიიღო საკადრისი პასუხი როგორც 2012 წელს, ისე ყველა შემდგომ არჩევნებში.

„ქართული ოცნების“ 6-წლიანი მმართველობის შედეგად, ჩამოყალიბდა ადამიანზე და მისი ღირსების პატივისცემაზე ორიენტირებული სახელმწიფო სისტემა:
-    აღიკვეთა ადამიანებზე ძალადობის პრაქტიკა: აღიკვეთა პატიმრების სისტემური წამება და გაუპატიურება, 12-ჯერ შემცირდა ციხეებში პატიმრების სიკვდილიანობა, ორნახევარჯერ შემცირდა პატიმრების რაოდენობა, სახელმწიფო აღარ უპირისპირებს სისასტიკეს შეკრებისა და მანიფესტაციის თავისუფლებას; 
-    აღიკვეთა ელიტური კორუფცია და ბიზნესის ტოტალური რეკეტის პრაქტიკა, რომელიც ნაციონალური მოძრაობის რეჟიმის ერთ-ერთი უმთავრესი საყრდენი იყო;
-    დასრულდა ხელისუფლების ტოტალური მონოპოლია მედიასაშუალებებზე. უზრუნველყოფილია მედიაპლურალიზმი ყველაზე მაღალი ევროპული სტანდარტით;
-    თვისებრივად გაუმჯობესდა ქვეყნის უსაფრთხოებისა და სტაბილურობის ხარისხი, გაღრმავდა სტრატეგიული თანამშრომლობა ევროკავშირთან, ნატოსთან და ამერიკის შეერთებულ შტატებთან. უზრუნველყოფილია საქართველოს ტერიტორიული მთლიანობის ურყევი მხარდაჭერა საერთაშორისო თანამეგობრობის მხრიდან. არასდროს საქართველო ისე ახლოს არ ყოფილა დასავლეთთან, როგორც დღეს.
დღეს, დემოკრატიული გარდატეხიდან 6 წლის თავზე, ჩვენ ვხედავთ ნაციონალური მოძრაობისა და მისი მედიასაშუალებების უსუსურ მცდელობას, „ქართულ ოცნებას“ დააბრალონ იმგვარი დანაშაულები, რომლებიც მათივე კრიმინალური პოლიტიკური ძალის ხელწერას განეკუთვნება. როგორც აღმოჩნდა, ტოტალიტარული აზროვნების და მართვის ორი ძირითადი პრინციპი  - სიცრუე და ძალადობა - როგორც ადრე იყო, დღესაც რჩება „ნაციონალური მოძრაობის“ საფირმო ნიშნად. სწორედ ამიტომ არ იცვლის ხელწერას ერთ დროს ერთიანი და ახლა რეალურ თუ ყალბ მამრავლებად დაშლილი ეს პოლიტიკური ძალა. ნაციონალური მოძრაობა ფაქტების უხეში ფალსიფიკაციისა და ცილისწამების გზით ძალადობს ადამიანების ცნობიერებაზე, რათა ტოტალური უიმედობა დანერგოს ხალხში და რევოლუციური განწყობის იმიტირებით მოამზადოს ფონი პოლიტიკური რევანშისთვის. ტოტალური, ურცხვი პროპაგანდის მანქანიდან მომდინარე ეგრეთწოდებული ახალი ამბები და ეგრეთწოდებული პოლიტიკური ანალიზი, რომლითაც იბომბება ჩვენი თანამოქალაქეების ცნობიერება,  უწყვეტ რეჟიმში ტრანსლირებულ, ერთ დიდ და ფალსიფიცირებულ  „მოდელირებულ ქრონიკად“ გადაიქცა.

„ქართული ოცნების“ მიერ მხარდაჭერილი კანდიდატისთვის ღალატის დაბრალებით, გაუგებარი აუდიოჩანაწერების გავრცელებით, არასრულწლოვანი ბავშვის მკვლელობაზე სპეკულირებით (რაც განსაკუთრებულად უღირსი საქმეა), ისინი ამაოდ ცდილობენ „ქართულ ოცნებას“ მიაწებონ ის იარლიყი, რომელიც ნაციონალური მოძრაობის განუყოფელი ნიშანია. ამ პირობებში, „ქართული ოცნება“ გრძნობს ვალდებულებას, საზოგადოებას მიაწოდოს სრული ინფორმაცია ამ უსუსური ბრალდებების შესახებ, რათა საზოგადოებამ თავად განსაჯოს, სად არის სიმართლე და სად არის ტყუილი:

-    1) „ქართული ოცნების“ მიერ მხარდაჭერილ კანდიდატს, ქალბატონ სალომე ზურაბიშვილს ღალატს აბრალებს პოლიტიკური ძალა, რომელიც სალომე ზურაბიშვილის ძალისხმევით გაყვანილ რუსის ჯარს უკან შემოუძღვა საქართველოში. ამ პოლიტიკურმა ძალამ თავისი ავანტიურისტული თუ მოღალატეობრივი ქმედებებით მისცა რუსეთს შესაძლებლობა, აესრულებინა დიდი ხნის წადილი და განეხორციელებინა აფხაზეთისა და ცხინვალის სრული ოკუპაცია. ესენი არიან ადამიანები, რომლებმაც მშვიდობიანი მოსახლეობა შეატოვეს მტერს (რომ არა ჩვენი პატრიარქისა და ეკლესიის თავდადება, ალბათ, ჩვენს გმირებს მიწასაც კი ვერ მივაბარებდით); მათ ომში მარცხი ჯერ გამარჯვებად მონათლეს და რუსთაველის გამზირზე აზეიმეს ხალხს, შემდეგ კი მსხვერპლის როლი მოირგეს, მაგრამ, პარალელურად, ევროპის საბჭოს საპარლამენტო ასამბლეის იმ რეზოლუციას მიცეს ხმა, სადაც რუსეთის ინტერვენცია კონტრშეტევად არის შეფასებული. ამ ორმაგი ღალატის ჩამდენმა პოლიტიკურმა ძალამ დღეს პრეზიდენტის თანამდებობაზე რუსეთთან ორგანულად შესისხლხორცებული კანდიდატი შემოგვთავაზა, ხოლო ბოლშევიკური ოკუპაციის გამო ემიგრაციაში დაბადებულ, ნიკო ნიკოლაძის შთამომავალს და რუსული ბაზების საქართველოდან გამყვანს, სალომე ზურაბიშვილს - მოღალატეობა დასწამა;

-    2) ნაციონალურმა მოძრაობამ და მისმა სატელიტებმა ბოლო პერიოდის ერთ-ერთი ყველაზე ამაზრზენი პოლიტიკური სპექტაკლი მოზარდის მკვლელობის საქმეზე გაათამაშეს. ხორავას ქუჩის ტრაგედია მათ მიერ დეტალურად დაგეგმილი და ორკესტრირებული პროტესტის ტალღად გადაიქცა, რომელმაც მაშინვე დაკარგა გულწრფელი მხარდამჭერები, როგორც კი საზოგადოებამ დაინახა ნაცმოძრაობის კარგად ნაცნობი ხელწერა. მოზარდებს შორის მომხდარ დანაშაულზე სახელმწიფოს მყისიერი რეაგირება ჰქონდა. მაგრამ როდესაც რიგი ობიექტური თუ სუბიექტური მიზეზების გამო, ბრალდების ყველა პუნქტში პირველი ინსტანციის მოსამართლის დარწმუნება ვერ მოხერხდა, მთავარი პროკურორი გადადგა თანამდებობიდან, რითაც საზოგადოების წინაშე ხელისუფლების ანგარიშვალდებულების სრულიად ახალი სტანდარტი დამკვიდრდა. ხელისუფლებამ გადადგა კიდევ ერთი უპრეცედენტო ნაბიჯი და პარლამენტში შეიქმნა საგამოძიებო კომისია, რომელსაც ოპოზიცია ჩაუდგა სათავეში. ნაციონალურ მოძრაობას აქვს უსუსური მცდელობა, ბავშვებს შორის მომხდარი მკვლელობის საქმე შეადაროს გირგვლიანის საქმეს, სადაც ადგილი ქონდა ხელისუფლების უმძიმეს შეთქმულებას ერთი ადამიანის წინააღმდეგ. სანდრო გირგვლიანის და ირინა ენუქიძის მკვლელები „ქართულ ოცნებას“ უმწეოდ აბრალებენ დამნაშავეებისთვის ხელის დაფარებას იმ საქმეში, სადაც პოლიტიკურ ჩარევაზე საუბარი ოპოზიციის ხელმძღვანელობით მომუშავე საგამოძიებო კომისიამაც კი ვერ გაბედა;

-    3) გადაბრალების პოლიტიკის კიდევ ერთი თვალსაჩინო მაგალითია ტელეკომპანია „იბერიის“ გამოგონილი საქმე, რომელიც, რეალურად, სიგარეტის მწარმოებელი „ომეგა ჯგუფის“ მესვეურთა მიერ ინიცირებული და ნაცმოძრაობის მიერ ატაცებული ბინძური კამპანიაა. ამ კამპანიის მიზანი, ერთი მხრივ, ბიუჯეტის კუთვნილი 50 მილიონის, ანუ ხალხის კუთვნილი ფულის არგადახდა და, მეორე მხრივ, ხელისუფლების იმიჯის შელახვაა. საზოგადოებას უნდა ახსოვდეს, რომ „ომეგას“ ბიზნესი გაანადგურა სააკაშვილმა, მან ქვეყნიდან განდევნა მისი დამფუძნებელი და პირველს სწორედ მას წაართვა ტელევიზია. ეს ბიზნესი და ტელევიზია ჩვენი ხელისუფლების დამსახურებით დაუბრუნდა მფლობელს. და დღეს ეს ადამიანი, რომელმაც 50-მილიონიანი დავალიანება დააგროვა ბიუჯეტის წინაშე, თავის ყოფილ ჯალათს - სააკაშვილს შეეკრა და გაუგებარი ჩანაწერებით ცდილობს თავი აარიდოს ხალხის კუთვნილი ფულის გადახდას, ფარად კი ამ საქმეში ტელეკომპანიას „იბერიას“იყენებს;

-    „ქართულ ოცნებას“ მედიის თავისუფლების შეზღუდვას აბრალებს პოლიტიკური ძალა, რომელმაც ძალადობით მიისაკუთრა ტელეკომპანია „რუსთავი 2“, რომელიც გადაცვლილის ქონებას კლასიკური მოროდიორივით დაეპატრონა და მიითვისა ტელეკომპანია „იმედი“. ეს არის პოლიტიკური ძალა, რომელმაც 2004-12 წლებში ტოტალური კონტროლი დაამყარა მედიასაშუალებებზე. დღეს ყველა ხედავს, თუ რამდენად თავისუფალია მედიაგარემო საქართველოში;
-    4) უსუსური ეგრეთწოდებული ფარული ჩანაწერებით „ქართულ ოცნებას“ ბიზნესზე ზეწოლას აბრალებს კრიმინალური პოლიტიკური ძალა, რომლისთვისაც ბიზნესის რეკეტი, ბიზნესმენების შანტაჟი და დაშინება, ქონების მიტაცება ყოველდღიური მოვლენა იყო. სრული პასუხისმგებლობით ვაცხადებთ, რომ არ არსებობს ბიზნესზე პოლიტიკური ზეწოლის არცერთი შემთხვევა და შესაბამისად, ვერავინ წარმოადგენს ამგვარი ფაქტის ვერცერთ მტკიცებულებას.

ყოველივე ზემოაღნიშნულის გათვალისწინებით, ნაციონალური მოძრაობისა და მისი მედიასაშუალებების უსუსური მცდელობა, განახორციელონ „ქართული ოცნების“ დისკრედიტაცია, წარუმატებლობისთვის არის განწირული.
„ქართული ოცნება“ ჩვენი მოსახლეობის წინაშე არის პასუხისმგებელი იმაზე, რომ ნაციონალური მოძრაობა ვერასოდეს დაბრუნდება ხელისუფლებაში და ვეღარასდროს შეუქმნის საფრთხეს ჩვენი ქვეყნის მშვიდობიან განვითარებას, ქართულ დემოკრატიას, ქართულ საზოგადოებას, ქართულ მედიას და რაც მთავარი და მნიშვნელოვანია, საქართველოს ტერიტორიულ მთლიანობას. 
გვინდა აღვნიშნოთ, რომ იმ ფუნდამენტური წინსვლის მიუხედავად, რომელიც საქართველომ გასული 6 წლის განმავლობაში განიცადა, რჩება უამრავი სირთულე და გამოწვევა ჩვენი ქვეყნისა და ხალხის წინაშე: არ მინდა იფიქროთ, რომ ჩვენ ვართ თვითკმაყოფილები.

-    ჩვენი ამოცანაა განვავითაროთ ეკონომიკა და გავაუმჯობესოთ ჩვენი მოქალაქეების სოციალური მდგომარეობა, სრულად აღმოვფხვრათ სიღარიბე საქართველოში;
-    ჩვენი ამოცანაა ადამიანებს მივცეთ თვითრეალიზების უკეთესი შესაძლებლობები და ვიზრუნოთ საზოგადოების ინტელექტუალურ და სულიერ განვითარებასა და გაძლიერებაზე; 
-    ჩვენი ამოცანაა კიდევ უფრო განვამტკიცოთ პარტნიორობა მეგობარ ქვეყნებთან, გავხდეთ ევროკავშირისა და ნატოს სრულუფლებიანი წევრი;
-    ჩვენი ამოცანაა გადავდგათ თანმიმდევრული ნაბიჯები, რათა, საბოლოოდ, დავიბრუნოთ აფხაზეთი და ცხინვალის მხარე, ჩვენი აფხაზი და ოსი ძმები და დები.
ჩვენი ქვეყნის განვითარებისათვის 28 ოქტომბრის საპრეზიდენტო არჩევნებს განსაკუთრებული მნიშვნელობა ენიჭება. ამ არჩევნებით უნდა დავამკვიდროთ ახალი, ჯანსაღი და დემოკრატიული კონსტიტუციური ტრადიცია. ჩვენ უნდა ავირჩიოთ საქართველოს პირველი ზეპარტიული პრეზიდენტი. 
სწორედ ასეთი პრეზიდენტი იქნება ქალბატონი სალომე ზურაბიშვილი: 
-    დიდი ქართველების შთამომავალი ქალბატონი, სამაგალითო მეუღლე, დედა და სამშობლოს პატრიოტი;
-    გამორჩეული დიპლომატიური გამოცდილების მქონე ადამიანი, რომელმაც გადამწყვეტი როლი შეასრულა საქართველოდან რუსული ბაზების გაყვანაში;
-    პრინციპული პოლიტიკოსი, რომელიც ერთ-ერთი პირველი დაუპირისპირდა ნაციონალური მოძრაობის რეჟიმს და წლების მანძილზე იბრძოდა სამართლიანობისა და დემოკრატიის დასაცავად.
ეს არჩევნები იქნება კიდევ ერთი წყალგამყოფი სიმართლესა და სიყალბეს, პრინციპულობასა და უპრინციპობას, პროდასავლურობასა და ანტიდასავლურობას - „ქართულ ოცნებასა“ და ნაციონალურ მოძრაობას შორის.
სალომე ზურაბიშვილი იზიარებს იმ ღირებულებებს, რომელზეც დგას „ქართული ოცნება“, იზიარებს ჩვენი დღევანდელი განცხადების პათოსს და სწორედ ამიტომ დგას ის დღეს ჩვენთან ერთად. 
ჩემო მეგობრებო ! 
მოგიწოდებთ, კიდევ ერთხელ უთხრათ უარი სიყალბეს, უპრინციპობას და ანტიდასავლურ ძალას და არჩევნებში მხარი დაუჭიროთ ქალბატონ სალომე ზურაბიშვილს. 
ერთად საქართველოსთვის!", - განაცხადა კახა კალაძემ, რომელმაც პარტიის ცენტრალურ ოფისში "ქართული ოცნება - დემოკრატიული საქართველოს" განცხადება და საზოგადოებისადმი მიმართვა წაიკითხა.
imedinews.ge


მეტის ნახვა
1-10-2018, 12:30


დავით უსუფაშვილი, სხვებთან შედარებით, განათლებული კაცია, მაგრამ მან ვერა და ვერ მოიგო ქართველი ხალხის გული, რა 1%-იანიც იყო, იგივე დარჩა. ამას, რასაკვირველია, აქვს სუბიექტური და ობიექტური მიზეზები. აი, პირადად მე, როცა ტელევიზორში ვუსმენ, სულ მგონია, რომ ნახევარს თინა ხიდაშელის (ცოლის) დაწერილს კითხულობს, ანუ გაზეპირებულს იმეორებს. არადა, ვიცი, შეიძლება ასე არ არის.

და მაინც, რა არის დავით უსუფაშვილის ურეიტინგობის მიზეზი? მის ბიოგრაფიას თუ გადავხედავთ, არ უნდა ჰქონოდა ურიგო მომავალი, 1992 წელს თბილისის სახელმწიფო უნივერსიტეტი დაუმთავრებია, იურიდიული განხრით. თუმცა მას ხშირად უხსენებენ პირველ "ჩეპეს" – მაშინ, როცა კომუნისტური პარტია იშლებოდა, ფაქტობრივად დაიშალა, წინა დღეს შევიდა მის რიგებში. არა, ეს არ გახლავთ დიდი კომპრომატი, კომუნისტურ პარტიაში ვინ არ შესულა და გამოსულა, მაგრამ შავ ლაქად მაინც რჩება – მან ეს აქტი ჩაიდინა 1989 წლის 9 აპრილის შემდეგ, ანუ მაშინ, როცა იქიდან ხალხი გამორბოდა.

მოგვიანებით დავითს ჰკითხეს, ეს როგორ გააკეთეო? რას ამბობთ, პარტიაში იმიტომ შევედი, რომ შიგნიდან დამენგრიაო. ვერაფერს იტყვი, თუ მერაბ კოსტავა და ზვიად გამსახურდია მთელი ცხოვრება სოციალიზმს ებრძოდნენ, ბოლომდე მაინც ვერ დაანგრიეს და ფაქტობრივად, ამ საქმეს შეეწირნენ კიდეც, უსუფაშვილი უფრო მაგარი გამოდგა – შევიდა, მიიხედ-მოიხედა, იქით ჩაქუჩსა ძვრა უყო, აქეთ ნამგალსა წიხლი ჰკრა, ლენინის ბიუსტს თვალებში თითი ატაკა და ოდესღაც უძლეველი პარტია დაანგრია, უცებ ხუხულად აქცია. ნუ იცინით… მართალია, ეს ამბავი ზუსტად ნაცარქექიას "პონტსა" ჰგავს, მაგრამ ფაქტია, ამ ადამიანმა კომუნისტურ პარტიას დედა უტირა. თუმცა იცით, როცა ტანისამოსიდან მტვერი ჩამოიბერტყა, რა გააკეთა? აი, უკან მობრუნებულმა კომუნისტებმა ზვიად გამსახურდიას ხელისუფლება რომ დაამხეს და დასაწყისში "სახელმწიფო საბჭო" დაირქვეს, იქ შევიდა, მრჩევლად დაიწყო მუშაობა. არ ვიცი, კიტოვანს, სიგუას და შევარდნაძეს მისი რჩევა რა ფეხებად უნდოდათ, მაგრამ ეს სოფლიდან ჩამოსული ტიპი, რატომღაც, სტუდენტობის დროიდან მოყოლებული, სულ "ხოდში" იყო. ამბობენ, უსუფაშვილი ქიზიყის სოფელ მაღაროდან როა, ამას საგულდაგულოდ მალავს, ამ მხრივ დაკომპლექსებულია, დედაქალაქელობას აწვებაო. არადა, მშვენიერი სოფელია ზემო მაღარო, ლამის ზედ აკრავს სიღნაღს და მშვენიერი ხედებიც აქვს. მე მგონი, მან ამით უნდა იამაყოს. მერე რა, რომ სოფლელია, არც ქალბატონი თინა ხიდაშელი გახლავთ დედაქალაქელი, საგარეჯოს სოფელ ანთოკში გაიზარდა, რა პრობლემაა? მეტიც, თინას მამა – ანზორი ცნობილი "გაიშნიკი" იყო, არც ეგაა პრობლემა!

მოკლედ, ასე იყო თუ ისე, ერთი რამ ცხადია, დღეის მდგომარეობით გამომცხვარ ლიბერალ დავით უსუფაშვილს აშკარად ჰქონდა მიდრეკილება კომუნისტობისკენ, კომუნიზმისკენ და დიადი მომავალიც "ეჭყანებოდა", რომ არა ავადსახსენებელი მიხეილ გორბაჩოვი და მასხარა რონალდ რეიგანი. პრინციპში, ესენი კი წაეხმარნენ უსუფაშვილს, მაგრამ თვითონაც დაუშვა მიუტევებელი შეცდომა – უკვე გითხარით, შევარდა პარტიაში და ჩამოშალა, შემოეშალა, ანუ ვერ მოზომა. არაუშავს, ცოტა ზედმეტი მომივიდა, მაგრამ სამაგიეროდ, ერი თავისუფალიაო, თქვა დავითმა და ედუარდ შევარდნაძის ეგიდით დაიწყო ახალი კონსტიტუციის წერა… პრინციპში, წერა რა, სხვები წერდნენ და ესეც კითხულობდა. აი, ამ დროს სულზე მოუსწრეს ამერიკელებმა, სხვა სიომ დაუბერა, იურისტების ერთმა ნაწილმა "ახალგაზრდა იურისტთა ასოციაცია" დააფუძნა, დამფუძნებელთა შორის დავითიც აღმოჩნდა. მეტიც, შემდეგ თავმჯდომარე გახდა. ეს იყო უკეთესი ტრამპლინი, ვიდრე კომუნისტური პარტია. დაიწყო უსუფაშვილის ცხოვრებამ საათივით წიკწიკი – გაჩნდა ამერიკულ-ევროპული პროექტები, უცხოეთში წასვლა-სწავლის შანსი, შევიდა დიუკის საჯარო პოლიტიკის ინსტიტუტში, დაამთავრა, ჩამოვიდა და ეგრევე დანიშნეს "რესპუბლიკური პარტიის" თავმჯდომარედ. ეს ისტორიული ფაქტი მოხდა 2005 წელს, მიხეილ სააკაშვილის ზეობის ხანაში.

ბარემ აქვე აღვნიშნავ… "რესპუბლიკელებს" (ძმები ბერძენიშვილები, დავით ზურაბიშვილი და სხვები) თავიდანვე აქვთ "წამოკიდების" მეთოდი – ვინც ხელისუფლებაში მოდის, უცებ შეეტენებიან, მხარს დაუჭერენ, პარლამენტში შევლენ და მერე იჭერენ გაუგებარ ლიბერალურ კურსს, მიუღებელ იდეებზე ბოდვას და დგებიან განზე. ამას ჩვენებურად ღალატს ეძახიან. იყვნენ უზენაეს საბჭოში, შემდეგ შევარდნაძესთან, შემდეგ მიხეილ სააკაშვილთან და… ასევე უპრობლემოდ აღმოჩნდნენ კოალიცია "ქართულ ოცნებაში". კარგად მახსოვს ამ თემაზე ჩემი საუბარი ბიძინა ივანიშვილთან:

– "რესპუბლიკელებზეა" ატეხილი ერთი ამბავი, ნეტა რაში გჭირდებოდათ, რატომ დაიყენეთ გვერდით მოღალატეები?
– "რესპუბლიკელებს" რას ერჩი, რას უწუნებ?
- ყველას წამოეკიდნენ, ვინც კი ხელისუფლებაში მოვიდა და მერე უღალატეს. უჯიშო კოსმოპოლიტები არიან და მოვა დრო, თქვენც გიღალატებენ.
- განათლებული ხალხია… თუ ვინმე არასწორ გზას დაადგება, მე კი არა, ქვეყანას უღალატებს. ახლა ასეა საჭირო, არ ინერვიულო, მე ყველაფერი ვიცი, ისე იქნება საქმე, ვერც კი წარმოიდგენ.

მიუხედავად იმისა, რომ ბიძინა ივანიშვილმა იცოდა, "რესპუბლიკელები" უღალატებდნენ, განზე გაუდგებოდნენ, მაინც მისცა მათ სრული კარტბლანში – ადგილები პარლამენტში, ადგილები სამინისტროებში და რაც მთავარია, პარლამენტის თავმჯდომარის თანამდებობა. ამავე დროს ახდა ჩემი ნათქვამიც (ამას დიდი წინასწარმეტყველება არ სჭირდებოდა), უჯიშოთა მოდგმა ტრადიციულად გადგა გვერდზე და ყველაფერზე დაიწყო ვაჭრობა. სწორედ ამ ვაჭრობის შედეგი გახლდათ, თინა ხიდაშელი რომ გახდა თავდაცვის მინისტრი. რა იყო ვაჭრობის საგანი 5 წლის განმავლობაში? უსუფაშვილს უნდა მიეღო ის კანონები და ცვლილებები, რასაც იღებს დღეს ირაკლი კობახიძე. ფაქტობრივად, დავითმა დაიწყო იმნაირივე მოქმედება, როგორც დაიწყო კომუნისტურ პარტიაში – შეყო თავი და შიგნიდან თხარა გვირაბი, დააზიანა "ქართული ოცნება". როდესაც მას ახსენებდნენ, რომ ესა და ეს კანონიაო მისაღები, ასე და ასეა საქმე გასაკეთებელიო, ის ყოველთვის თავს იკატუნებდა და დრო გაჰყავდა. მიუხედავად ამისა, როცა წინა პარლამენტს ყავლი გაუვიდა, დავით უსუფაშვილს ბიძინა ივანიშვილმა შესთავაზა, დატოვე უჯიშოთა ჯოგი, გადმოდი "ოცნებაში", მაინც გამოსადეგი კაცი ხარო. უარი თქვა დავითმა, თანაპარტიელებს გაუწია ანგარიში თუ რამე სხვა მოსაზრება ჰქონდა, არ ვიცი. პრინციპში, თანაპარტიელების ხათრით რომ მოქცეულიყო ასე, მაშინ აღარ დატოვებდა "რესპუბლიკურ პარტიას" და აღარ შექმნიდა "შენების მოძრაობას", ყოვლად უსახურ ორგანიზაციას, სადაც არც არავინ შედის, არც არავინ გამოდის.

მოკლედ, ბევრი რომ აღარ გავაგრძელო, თავი რომ აღარ შეგაწყინოთ, დავითმა (ერთი შეხედვით) პოლიტიკური გზის გაკვლევა დამოუკიდებლად დაიწყო. დაუკვირდით, ის ყოველთვის ასე იქცეოდა, ყოველთვის იყო ურეიტინგო და თითქოს უპერსპექტივო, მაგრამ ცხოვრებაში, როგორც ბიძინა ივანიშვილი იტყვის ხოლმე, რაღაცებს გაარტყა – ბოლოს და ბოლოს, 5 წლის განმავლობაში იყო ქვეყნის მეორე პირი, 1%-იანი ადამიანისთვის განა ეს ცოტაა? კაი, ახლა იტყვით, ეგ ბიძინა ივანიშვილის დამსახურებააო, მაგრამ ხომ იყო, ხომ "გაარტყა" კაცმა რაღაცას?!

რა შანსი აქვს ბატონ უსუფაშვილს, რომ გახდეს საქართველოს პრეზიდენტი? არავითარი. მაშ რატომ იყრის კენჭს, არ იცის? აი, მე მყავდა ერთი დიდი ბებია, თუ ისეთ რაღაცას ჰკითხავდნენ, რაც არ იცოდა, ეგრევე უპასუხებდა ხოლმე: ეშმაკმა რო სილა გკრათ, მე რა ვიცი?! მთლად ასე არ გიპასუხებთ, მაგრამ საქართველოში ვის თავში რა იხარშება, როგორ იხარშება, რატომ იხარშება, ძალიან ძნელი გასარკვევია!

ისე, რაღა დაგიმალოთ და… დავითი ხშირად ბასტი-ბუბუსაც მაგონებს თავისი ჰაბიტუსით და საუბრის მანერით. ეს ნამდვილად არ არის კომპრომატი, დამიჯერეთ.

გელა ზედელაშვილი

მეტის ნახვა
30-09-2018, 08:00


მსოფლიო პოლიტიკაში გასულ კვირას რამდენიმე მოვლენა მოხდა, რომლებიც ექსპერტებმა სენსაციადაც მიიჩნიეს. ყოველივე შაბათს ირანში დატრიალებულმა ტრაგედიამ გადაფარა.

მართალია, ამერიკის შეერთებული შტატების ადმინისტრაცია და პენტაგონი ქვეყნისთვის მთავარ საფრთხედ, მათ შორის კიბერსივრცეში, ირანს, რუსეთსა და ჩინეთს ასახელებენ, მაგრამ ტერორიზმისგან არც ეს ქვეყნები არიან დაზღვეულნი. შაბათს ირანის ქალაქ ახბაზში სამხედრო აღლუმი გაიმართა. ღონისძიების მსვლელობისას უცნობმა შეიარაღებულმა პირებმა ავტომატური იარაღიდან გახსნეს ცეცხლი. შედეგად 29 ადამიანი დაიღუპა, 60 დაშავდა. თუმცა ვარაუდობენ, რომ მსხვერპლთა რიცხვი, შესაძლოა, გაიზარდოს, რადგან რამდენიმე დაჭრილის მდგომარეობა უკიდურესად მძიმეა.

ირანის პრეზიდენტმა ჰასან როუჰანიმ აშშ ტერორისტების მფარველობაში დაადანაშაულა. ტერაქტის შემდეგ გავრცელდა ინფორმაცია, რომ თავდასხმა საუდის არაბეთში არსებულმა შეიარაღებულმა დაჯგუფებამ განახორციელა. თუმცა, მოგვიანებით, ტერაქტზე პასუხისმგებლობა ე.წ. `ისლამური სახელმწიფოს~ მებრძოლებმა აიღეს. მიუხედავად ამისა, ირანის მხარე კვლავ აშშ-ს ადანასაულებს და აცხადებენ, ქვეყანაში გადატრიალებას გეგმავენო. ირანელებს აშშ-ის მუდმივმა წარმომადგენელმა გაერთიანებული ერების ორგანიზაციაში ნიკი ჰეილიმ უპასუხა. მისი განცხადებით, აშშ-ის მხარე არ აპირებს ირანის შინაურ საქმეებში ჩარევას და არც ხელისუფლების შეცვლის საკითხი დგასო. თავდამსხმელები ირანელებმა ადგილზე გაანადგურეს. ჰასან როუჰანის განცხადებით, გამოძიება მიმდინარეობს და ყველა, ვინც მომხდარ ტერორისტულ აქტთან არის დაკავშირებული, სასტიკად დაისჯება. რა გაგრძელება მოჰყვება მომხდარს, კვლავ დაიძაბება ვითარება რეგიონში თუ არა, ამას მომავალი გვიჩვენებს. სამეზობლოში სიტუაციის დაძაბვა ჩვენთვის, საქართველოსთვისა საზიანოა.

ამერიკის შეერთებულ შტატებში ვიზიტით პოლონეთის პრეზიდენტი ანჯეი დუდა სტუმრობდა მეუღლითურთ. დუდას ვიზიტის ერთ-ერთი მთავარი მიზანი პოლონეთში აშშ-ის სამხედრო ბაზის განთავსების საკითხი იყო. ამერიკელი მიმომხილველები აღნიშნავდნენ, რომ დუდამ საკმაოდ დაიმცირა თავი ტრამპთან ლაქუცითო. სტუმარი დონალდ ტრამპს არწმუნებდა, პოლონეთში განთავსებული ბაზა რუსეთის წინააღმდეგ ციტადელი გახდებაო. ამის გარდა, შესთავაზა ბაზას "ფორტ ტრამპი" დავარქვათ სახელადო. დუდა მზად არის, გაიღოს 2 მლრდ დოლარი ბაზის განთავსებისთვის. რუსეთის შესახებ კი ტრამპმა უპასუხა: "…ვთვლი, რომ რუსეთი აგრესიულად იქცეოდა. ისინი ძლიერ ძალას სცემენ პატივს. ყველაზე ძლიერები კი ახლა ჩვენ ვართ".

დონალდ ტრამპმა დუდას ბაზის განთავსებაზე არაფერი უთხრა, საკითხი, ფაქტობრივად, ღიად დატოვა. ხოლო კომპანიებისთვის, რომლებიც გაზსადენის მშენებლობაში მონაწილეობენ, სანქციების დაწესებას არ გეგმავს. ექსპერტებისთვის გაუგებარია, რამ გამოიწვია მისი მოსაზრების შეცვლა.

ჩინეთისთვის დაწესებული სანქციები უკვე სრული ძალით ამოქმედდა. ექსპერტები შიშობენ, აშშ-ჩინეთის ორმხრივი სანქციები შესაძლოა, ფართომასშტაბიან სავაჭრო ომში გადაიზარდოს და სხვა ქვეყნების ეკონომიკაზე მოახდინოს გავლენა. ტრამპს მოსალოდნელი სავაჭრო ომში აშშ-ის მხარე დაუმარცხებლად მიაჩნია. მისივე განცხადებით, ის ყველანაირად შეუშლის ხელს, რომ ჩინეთმა არ განავითაროს ტექნოლოგიები სხვა ქვეყნებში. ექსპერტები მიიჩნევენ, რომ აშშ-ის მიერ დაწესებული სანქციების გავლენა მცირდება და უკვე არაეფექტური გახდა. რა შედეგით დასრულდება აშშ-ჩინეთის (და არამარტო მათი), ფაქტობრივად, ეკონომიკური ომი, მალე გამოჩნდება. ერთი კი უნდა გავიხსენოთ _ ჯორჯ ბუშმა (უმცროსმა) თავისი პრეზიდენტობისას გაზარდა საბაჟო გადასახადი, მაგრამ ერთი წლის თავზე გააუქმა ეკონომიკური ზარალის გამო.

ორი კვირის წინ თეირანში გამართულ სამიტზე, სადაც ირანის, თურქეთისა და რუსეთის პრეზიდენტები სირიის საკითხს განიხილავდნენ, რამდენიმე საკითხი ღიად დარჩა, რადგან რეჯიფ თაიფ ერდოღანი არ დაეთანხმა კოლეგებს. გასულ კვირას თურქეთის პრეზიდენტი სოჭში რუსეთის პრეზიდენტს ვლადიმირ პუტინს ეწვია. მოლაპარაკება ორ პრეზიდენტს შორის დაძაბული რომ იყო, ამის შესახებ შეხვედრის ხანგრძლივობაც მეტყველებს _ 4,5 საათი. აღსანიშნავია, რომ მოლაპარაკებამ შედეგი გამოიღო. შეთანხმდნენ, 10 ოქტომბრამდე ყველა შეიარაღებულმა ოპოზიციამ, რომლებიც იდლიბის პროვინციაში იმყოფება, უნდა გაიტანოს მძიმე ტექნიკა, საარტილერიო დანადგარები. 15 ოქტომბრამდე კი თავად ტერორისტებმა უნდა დატოვონ პროვინცია. ამის გარდა, შეიქმნება დემილიტირიზებული ზონა სირიის სამთავრობო ჯარებსა და შეიარაღებულ ოპოზიციას შორის 15–20 კმ-ის სიღრმეში. კონტროლს მშვიდობის დამყარებაზე რუსეთისა და თურქეთის შეიარაღებული ძალები განახორციელებენ. ორი ქვეყნის თავდაცვის სამინისტროებს შორის ურთიერთთანამშრომლობის ხელშეკრულება გაფორმდა, რომელსაც ხელი მინისტრებმა მოაწერეს.

დასავლეთის პრესის მიმომხილველებმა რუსეთ-თურქეთის შეთანხმება მსოფლიო დონის სენსაციად აღიარეს. იდლიბში დაგეგმილი სამხედრო ოპერაცია ჯერჯერობით გადაიდო. ამით თურქეთმაც შვებით ამოისუნთქა, რადგან იდლიბის პროვინცია თურქეთს ესაზღვრება. ამის გარდა, ჟენევის პლატფორმაზეც გაგრძელდება მოლაპარაკება სირიის პრეზიდენტ ბაშარ ასადის მომხრეებსა და ოპოზიციას შორის. სირიის კონსტიტუციაზე კი ასტანის ფორმატში იმსჯელებენ.
ექსპერტების შეფასებიოთ, იდლიბის ყულფი გაიხსნება და არ ჩაიჭრება ნაჯახით. აღნიშნავენ, რომ ერდოღანს არ აწყობდა იდლიბზე ფართომასშტაბიანი შეტევა, რადგან იქ არიან მებრძოლები, რომლებსაც თურქეთი მფარველობს. ამასთან, ადვილი შესაძლებელი იყო თურქეთისა და რუსეთის ჯარების პირდაპირი შეტაკება. იდლიბში იგეგმებოდა ქიმიური იარაღით შეტევის პროვოკაცია, რითიც გზა გაეხსნებოდა კოალიციის (აშშ, ინგლისი, საფრანგეთი) ჯარებს, შეეტიათ სირიის სამთავრობო ჯარებისთვის. ქიმიური შეტევის პროვოკაციას ე.წ. არასამთავრობო ორგანიზაცია `თეთრი ჩაფხუტები~ ამზადებდნენ. მათ მოახერხეს და გადაიღეს კიდეც კადრები ვითომ განხორციელებული ქიმიური შეტევისა.

თურქეთის პრეზიდენტის შემდეგ სოჭს უნგრეთის პრემიერ-მინისტრი ვიქტორ ორბანი ეწვია. ევროპარლამენტზე და ევროკავშირზე განაწყენებული ორბანი რუსეთზე ამყარებს იმედს. თუმცა, არც მანამდე იყო გულგრილი რუსეთის მიმართ.

ჯერ კიდევ ერთი წლის წინ მსოფლიო ელოდებოდა კორეის ნახევარკუნძულზე ფართომასშტაბიანი ომის დაწყებას. ექსპერტები ბირთვული იარაღის გამოყენებასაც ვარაუდობდნენ, ამჟამად ვითარება რადიკალურად არის შეცვლილი. წლეულს უკვე მესამედ შეხვდნენ ერთმანეთს ჩრდილოეთის ლიდერი კიმ ჩინ ინი და სამხრეთის პრეზიდენტი მუნ ჯინ ინი. გასულ კვირას მუნ ჯინ ინი ფხენიანში ჩავიდა. კიმ ჩინ ინი სტუმარს თვითმფრინავის ტრაპთან მეუღლის თანხლებით დახვდა. ეს პირველი შემთხვევა იყო, როდესაც ოფიციალურ შეხვედრაზე გამოჩნდა ჩრდილოელი ლიდერის მეუღლე.

მუნ ჯინ ინს მართლაც პომპეზური დახვედრა მოუწყეს. მოსახლეობა ფხენიანის ქუჩებში ორივე კორეის დროშებით და ყვავილებით იყო გამოსული. თვალშისაცემი იყო ორი ლიდერის შეხვედრა _ ისინი ისე ჩაეხუტენ ერთმანეთს, თითქოს ახლო ნათესავები იყვნენ. აეროპორტიდან რეზიდენციისკენ ერთი მანქანით გაემართნენ. უსაფრთხოების წესები დაარღვიეს და ლიმუზინს ლუქი ახადეს, ფეხზე იდგნენ და მოსახლეობას ისე ესალმებოდნენ. პრეზიდენტების მეუღლეებმაც იოლად გამონახეს საერთო ენა და თბილად ბაასობდნენ. მუნ ჯინ ინის ვიზიტისას ბევრ ხელსეკრულებას მოაწერეს ხელი. თუმცა მთავარი სამშვიდობო ხელშეკრულება გახლდათ. ამის შესახებ კიმ ჩინ ინმა განაცხადა: `.. ჩვენ ხელი მოვაწერეთ სამშვიდობო დეკლარაციას, რომლითაც საბოლოოდ დასრულდა წყეული საომარი რიტორიკა~. თავის მხრივ, მუნ ჯინ ინმა მასპინძელს ერთიანი კორეის დროინდელი რუკა აჩუქა. კიმ ჩინ ინი საპასუხო ვიზიტს სეულში წლის ბოლომდე განახორციელებს. საინტერესოა, როგორ დახვდება სამხრეთის მოსახლეობა ჩრდილოეთის ლიდერს.

გია ბურდული

მეტის ნახვა
29-09-2018, 16:00


ვახტანგ ხარჩილავა:
საარჩევნო კამპანია დაიწყო და ნაციონალმა შამანებმა ხეტიალს უმატეს.

დადიან შუკა-შუკა, შარა-შარა, სოფელ-სოფელ, უბან-უბან, ქალაქ-ქალაქ და მოსახლეობის დაგოიმება-დაზომბირებას ცდილობენ _ ოღონდ ჩვენო კანდიდატი აირჩიეთ პრეზიდენტად და პენსიები და ხელფასები გაგიორგამდებათ, საზღვარგარეთ წასულ ქართველებს ლეგალურად მუშაობის საშუალება მიეცემათ, გაჩნდება უამრავი სამუშაო ადგილი, ფაბრიკები და ქარხნები ამუშავდება, ქვეყანა გაიფურჩქნება და აყვავდებაო.

ნაციონალებიო, რომ ვამბობ, ამ სახელწოდების ქვეშ არამარტო ენმ-ის წევრებს ვგულისხმობ, არამედ "ევროპულ საქართველოსაც", გირჩსაც და სხვებსაც, ვინც "ნაცმოძრაობის" წისქვილზე ასხამს წყალს ღიად თუ ფარულად.

ესენი ყველანი ერთნი არიან, უბრალოდ, ფსევდონიმები აქვთ სხვადასხვა.
«Все один Х…»-ო, იტყვიან რუსები ასეთ შემთხვევაში.

რუსებს კარგი, ფრთიანი გამოთქმები აქვთ, განსაკუთრებით Х-სთან დაკავშირებით.
ესეც არ იყოს, არსებობს გონივრული ეჭვი, რომ ესენი, ეს ვითომ დემოკრატები და ვითომ პროდასავლური ორიენტაციის პოლიტიკოსები, თუ ყველა არა, მნიშვნელოვანი ნაწილი მაინც, სწორედ რომ რუსული პოლიტიკური Х-თი არიან გაკეთებულნი.

აბა, გრიგოლ ვაშაძეს, რუსული პოლიტიკის ბარაქიანი ძუძუთი გაზრდილს, ფაქტობრივად, რუს პოლიტიკოსს, გარეგნობითაც კი კაზაკების ატამანს რომ ჰგავს, საქართველოს პრეზიდენტობის კანდიდატად რომ წარადგენ, სხვა რა უნდა ვიფიქროთ?
ვინც ვაშაძეს რეკომენდაცია გაუწია და ვინც დღემდე მის ხოტბა-დიდებაშია, ისიც ხომ, ვაშაძის ტერმინს რომ დავესესხოთ, იმ `შტაბკვარწირიდან~ არის, საიდანაც ვაშაძეა.

რაც ვაშაძეა, ის არის ბაქრაძეც, ოღონდ ულვაშების გარეშე და რაც არის სააკაშვილი, ის არის ბოკერია, რაც არის გრიგოლ ვაშაძე, ის არის ზურაბ ჯაფარიძეც და ა. შ. და ა. შ.

მოკლედ, ესენი, როგორც ვთქვით, ყველანი ერთნი არიან და მიზანიც ერთი აქვთ _ ძალაუფლების ხელში ჩაგდება და რევანში.
რევანში კი სასტიკი, დაუნდობელი, ულმობელი იქნება.

არ ვიცი, სად, რომელ საშამანო აკადემიაში ისწავლეს ამ თახსირებმა ასე კარგად შამანობა, სად დაოსტატდნენ და სად დაეუფლნენ ჰიპნოზის, ადამიანებზე ფსიქოლოგიური ზეწოლის, ადამიანებისთვის ტვინის გამორეცხვის ხელოვნებას, თუმცა, რაც მართალია, მართალია _ ამ საქმეში ისეთი მაგრები არიან, თვით კაშპიროვსკის და აფრიკის ჯუნგლებში გაწვრთნილ შამანებსაც კი არ დაუდებენ ტოლს.

ამათთვის საქართველო ჯუნგლებია, სადაც, მათი აზრით, გონებაშეზღუდული და გონებაჩლუნგი ტომები ცხოვრობენ, რომლებიც ადვილად შეიძლება დაარწმუნო, რომ შავი თეთრია, თეთრი _ წითელი, ხოლო სააკაშვილი უცხო პლანეტიდან ჩამოფრენილი ჰუმანოიდი, რომელიც დედამიწაზე სიკეთის, კაცთმოყვარეობის და საყოველთაო ბედნიერების დასამკვიდრებლად არის მოვლენილი.

გამაოგნებელი ის არის, რომ ქართველებში, რომლებიც უძველესი ცივილიზაციის და დიდი კულტურის ერად მიიჩნევენ საკუთარ თავს, საკმაოდ მრავლად არიან ადამიანები, რომლებიც ნაციონალი შამანების ქადაგებებს და შელოცვებს იოლად ექვემდებარებიან.
შეიძლება ცივილიზაციასთან რაიმე ჰქონდეთ საერთო იმ ადამიანებს, რომლებიც უამრავი უსასტიკესი დანაშაულის ჩამდენ "ნაცმოძრაობას" და მის ფავოროტებს უჭერენ მხარს?

შეიძლება არ მოგწონდეს "ქართული ოცნება", არ მოგწონდეს სხვა პარტიები, მაგრამ, როცა "ნაცმოძრაობა" მოგწონს და მისი შეშლილი ლიდერის ხელისუფლებაში დაბრუნება გინდა, ან ჭკუასუსტი ხარ, ან ისეთივე ბოროტი და გათახსირებული, როგორც ისინი, ვინც ასე მოგწონს.
სხვათა შორის, არჩევნები მხოლოდ პოლიტიკოსების და პოლიტიკური პარტიების არჩევას არ ნიშნავს, არჩევნები ერთგვარი ლუსტრაციაა, ერთგვარი სოციოლოგიური კვლევაა იმისა, თუ რამდენი სულელი, რამდენი გიჟი, რამდენი ფარისეველი, რამდენი ნორმალური ადამიანი ცხოვრობს ქვეყანაში.
მითხარი, ვის აძლევ ხმას და გეტყვი, ვინ ხარ შენ…

28 ოქტომბერს ზუსტი მონაცემები გვექნება მოსახლეობაში არსებული ფსიქიკური მდგომარეობის შესახებ.
იმედია, 28 ოქტომბერს გაქარწყლდება სკეპტიკოსთა და პესიმისტთა მოსაზრებები, რომ საქართველო ქვეყანა კი არა, დიდი ფსიქიატრიული საავადმყოფოა.
მანამდე კი ტვინების გამორეცხვის საამქროს "რუსთავი 2"-ის დირექტორი შამანი გვარამია და მისი პოლიტიკური თანამეცხედრე შამანკა კვესიტაძე საქართველოს მოსახლეობას ჰიპნოზის სეანსებს უტარებენ და არწმუნებენ, რომ ქვეყნის მორალატე სალომე ზურაბიშვილია და არა ისინი, ვინც ამ ქვეყნის ტერიტორიის 20% ხონჩით მიართვა რუსებს.

სეანსების მსვლელობისას აუცილებლად ხდება მთავარი შამანის სააკაშვილის ჩართვა საზღვარგარეთიდან, რომელიც იფიცება, რომ ყველაფერი მოუგონეს, თორემ არც 25 000 კაცი გამოუკეტავს ციხეში, არც 300 000 პრობაციონერი ჰყოლია, არც არავინ უწამებიათ, არც არავინ მოუკლავთ მის დროს, არც არავინ დაუყაჩაღებიათ და, რა თქმა უნდა, არც რუსებთან გარიგებულა.

ეტყობა, ეს სხვა ვიღაცაა, სააკაშვილის ორეულია და გვარამიას ჰყავს დაქირავებული სააკაშვილის როლის სათამაშოდ.
კი, ნამდვილად სხვა ვიღაცაა, თორემ, ნამდვილი სააკაშვილი, სხვა ყველაფერს რომ თავი დავანებოთ, როგორ იტყოდა, ჩემს ცხოვრებაში ნარკოტიკები არ გამისინჯავსო.
მთლად უარესი _ აბა, ნარკოტიკების გარეშე იყავით ისეთი, პატივცემულო, როგორიც იყავით?!

საარჩევნო კამპანია გრძელდება _ ადამიანების გამოსათაყვანებლად, ადამიანების დასაზომბირებლად მომართული ნაციონალი შამანები მთელ ქვეყანას მოსდებიან და შამანთშამანის, სააკაშვილის, სანაყში დანაყილი ჯადოებით და მის მიერვე შეთხზული შელოცვებით კიდევ ერთხელ ცდილობენ ქართველი ხალხის მონუსხვას.

ღმერთო, შენ დაგვიცავი ამ ავსულებისგან.
ფუი, ეშმაკს და არული კუდიანებს!
ჭირი იქა, ლხინი აქა!

მეტის ნახვა
29-09-2018, 12:00


ჯადოსნური სიტყვები ბიძინა ივანიშვილისთვის
(გაგრძელება)

როდესაც ბიძინა ივანიშვილის ღვაწლზე და მის მიმართ უმადურობაზე ვწერ, ყოველთვის მახსენდება 2012 წლის 23 აპრილი. ალბათ, თქვენც გახსოვთ, როდესაც მისი მცირე კორტეჟი დიღმის ტრასაზე პოლიციელებმა გააჩერეს და “კაჩაობა” დაუწყეს. საერთოდ, მე მომხრე ვარ, თუ ვინმემ წესრიგი დაარღვია, ვინც არ უნდა იყოს, მაღალჩინოსანი თუ დაბალჩინოსანი, პატრულმა უნდა გააჩეროს და ზრდილობიანად მიუთითოს ან დააჯარიმოს. სასტიკად ვერ ვიტან, როცა პოლიციელს შეურაცხყოფას აყენებენ, ხელებს უპარჭყავენ და რაღაცებს ძველბიჭურად უმკიცებენ. ივანიშვილის შემთხვევა ამ მხრივ გახლდათ უნიკალური, მისი დანაშაული ის გახლდათ, რომ არჩევნების გზით პოლიტიკაში მოსვლა გადაწყვიტა. სწორედ ამიტომ გააჩერეს და დაიწყეს ბოდიალი.

პოლიციელებმა განაცხადეს, ორი მანქანის საკითხია გასარკვევი, ეჭვს იწვევსო. მერე მიხვდნენ, რომ ეს ვერსია არ გამოდგებოდა და სხვა “ჩვენებას” მიაწვნენ, თითქოს ისინი ისე გადავიდნენ ზოლიდან ზოლში, ციმციმა არ ჩართეს. აქ საყურადღებოა თავად ივანიშვილის საქციელი… ნეტა როგორ უნდა მოქცეულიყო, რომ უფრო “ვაჟკაცურად” გამოსვლოდა? წესით, მისი პათოსი ასეთი უნდა ყოფილიყო: შე მამაცხონებულო, წლების განმავლობაში გაჭმევ, გასმევ, გინახავ, გაძლევდი იარაღს, მანქანას, საწვავს, მე გაქციე ადამიანად, ახლა აქეთ მიტრაკებ უმიზეზოდ? გავკარი თქვენს უფროსს და კიდევ იმის უფროსს, შე ჩემა, მაგათაც მე ვაძლევდი ხელფასს, მე ვარიგებდი ჭკუაზე, მე ვურიცხავდი მილიონებს! მე ვიყავი თქვენი სოროსი და მამა-მარჩენალი, მე ავაშენე სამება და გავარემონტე უამრავი ეკლესია, სკოლები, კულტურის კერები… მილიონებს ვუხდიდი ინტელიგენციას, ბებიაშენს, ბაბუაშენს, შენს ნათესავებს, რათა სული არ გასძვრომოდათ და არ გასულიყვნენ მარილზე გაღმა. დიახ, ეს მე ვარ და ამის შემდეგ თქვენ ბედავთ, რაღაცებს მიედ-მოედებით?!

აი, ასე უნდა გაედო ივანიშვილს ისედაც დაბნეული პოლიციელებისთვის… ალბათ ასე მოიქცეოდა საქართველოში 90 პროცენტი, მაგრამ არა, მას მსგავსი არაფერი დასცდენია, მსგავსი არაფერი უთქვამს, პირიქით, 3 საათი მოთმინებით იტანდთა მავანთა თავხედობას და ისე ცდილობდა საკითხის გარკვევას, როგორც ერთი რიგითი მოქალაქე. ხშირად მიფიქრია, მე როგორ მოვიქცეოდი ანალოგიურ სიტუაციაში? როგორ და… ეგრევე მივახლიდი პოლიციელებს: ბიჭებო, მოდით, ჯერ ეგ ჩემი ნაყიდი ფორმები და “ტრუსიკ-მაიკები” გაიხადეთ, მანქანები ემანდ ჩრდილში გადააყენეთ, იარაღი ხეებზე ჩამოკიდეთ და ისე მელაპარაკეთ-მეთქი. იცით, რატომ მივახლიდი ასე? იმიტომ, რომ ალბათ არ ვარ ივანიშვილივით დიდსულოვანი და მიმტევებელი. შეიძლება ზოგისთვის ეს შემთხვევა ჩვეულებრივი მოვლენაა, ზოგისთვის — მიუღებელი ინციდენტი, მაგრამ ჩემთვის ნათელი მაგალითია, თუ როგორი უნდა იყო ადამიანი, როგორ არ უნდა წამოაყვედრო ხალხს სიკეთე. ბოლოს და ბოლოს, სიკეთის გაკეთებას ხომ არავინ გაიძულებს, ცხოვრების ასეთი სტილი ხომ შენ თვითონ აირჩიე? ჩვენში დარჩეს და… როცა მე შვილიშვილი გამაბრაზებს, ან უმადურობას გამოიჩენს, აღარ მაქვს ხოლმე სურვილი, ნაყინი ან სათამაშო ვუყიდო, ეს კიდევ მილიონებს ხარჯავს, ლანძღავენ და ვითომც არაფერი!

არ ვიცი, არ მიკითხავს… როდესაც ბიძინა ივანიშვილი პოლიტიკაში მოდიოდა, იცოდა თუ არა, რა იქნებოდა მომავალში და რამდენ სიბინძურეს წააწყდებოდა? მე ვფიქრობ, იცოდა, მაგრამ ამდენ სიმყრალეს და უმადურობას მაინც არ ელოდა. მოდით, დეტალურად გავიხსენოთ — მას ხომ პოლიტიკაში მოსვლის პირველივე დღეებიდანვე უღალატეს? ღალატში ეწვმიტანილი გიგა ჩრდილელი მაინც ბოლომდე არ გაწირა და “თბილავიამშენის” აღმასრულებელ დირექტორად გაამწესა. ივანიშვილს პირველ წერილში არ უხსენებია, თავი შეიკავა, თორემ კულუარებში დიდი გარჩევების შემდეგ ჩრდილელს მისი მოადგილე დიმიტრი ქუმსიშვილი და “ქართუს” ვიცე-პრეზიდენტი გიორგი კვირიკაშვილიც მიაყოლა, ერთი “პალიტრა მედიაში” წავიდა, მეორე — უცხოეთში გაემგზავრა. სამი წამყვანი ფიგურის გაშვება ღალატის “მუხლით”, ძალიან რთული და მტკივნეული იყო, თუ ჩრდილელმა აგენტის სტატუსი აიკრა, ქუმსიშვილი და კვირიკაშვილი ფულის კეთებაში დაადანაშაულეს! თუმცა რა? ამ ორი განუყრელი მეგობრის შემთხვევაშიც იგივე განმეორდა — ბიძინა ივანიშვილს შეუჩნდნენ, კაი ბიჭები არიან, თქვენი ღალატი გულშიც არ გაუვლიათ, დააბრუნე, გამოვიყენოთ, კადრები გვჭირდებაო. ისევ დიდსულოვნებამ გადაწონა, დააბრუნა და რაც მოხდა, იცით — კვირიკაშვილი პრემიერი გახდა, ქუმსიშვილი — ვიცე-პრემიერი და ეკონომიკის მინისტრი. ფაქტობრივად, ორ გაგდებულ ადამიანს ჩააბარა ქვეყანა. ამას წინებზე ცნობილმა პოლიტოლოგმა სოსო ცინცაძემ დამირეკა — შენს წერილებს გულდასმით ვკითხულობ და ერთი კითხვა არ მასვენებს, სიმართლეს კი წერ, მაგრამ იმაზე რატომ არ ამბობ, ივანიშვილი ამდენ შეცდომას რომ უშვებს, ამ კადრებს ხომ თავადვე აწინაურებსო? სამართლიანი შენიშვნაა, პასუხი მაქვს, მაგრამ არ ვიცი, რამდენად დამაჯერებელი იქნება ყველასთვის: პირველი — ბიძინა ივანიშვილს კი აქვს თავისი პრინციპები, ხშირად სიჯიუტესაც ავლენს, მაგრამ უამრავ საკითხში მაინც ითვალისწინებს დაახლოებული პირების რჩევებს; მეორე — ის არ არის ღმერთი (როგორც ბევრს ჰგონია), რომ ყველას გულში ჩაიხედოს და წინასწარ მიხვდეს, ვინ რას აპირებს. მას პირადად ჩემთან აქვს ნათქვამი, რა ვქნა, საიდან მოვიყვანო სანდო ხალხი, ცოტანი დავრჩით, რაც ვართ, ეს ვართო; მესამე და მთავარი — ნუ გვავიწყდება, ეს საქართველოა, სადაც (კონსტანტინე გამსახურდიას თქმით) ყოველ ნაბიჭვარს აზნაურობა სწყურია, ყოველ ნაცარქექიას — სარდლობა. ოღონდ, დიდი კონსტანტინეს ნათქვამს მორიდებით დავამატებ, სანამ ნაბიჭვრები აზნაურობაზე და ნაცარქექიები სარდლობაზე დაიწყებენ ფიქრს, ისეთ სურათს დაგიხატავენ, თითქოს წმინდანები არიან და სამშობლოზე ფიქრით არასოდეს სძინავს, ამავე დროს ისეთ მორჩილებას ამჟღავნებენ, ვერ წარმოიდგენ, ოდესმე თუ გიღალატებენ. სხვათა შორის, დღეს ბევრი აცხადებს, ტვინით დატენილი ხალხი სახლში ზის, უტვინოები კი ყელყელაობენო. შეიძლება ამაში რაღაც დოზით არის სიმართლე, უტვინოებს ნებისმიერ დროში და ნებისმიერ ქვეყანაში უფრო მეტი პრეტენზიები აქვთ, ხშირად უფრო მეტსაც აღწევენ, მაგრამ მთლად ასეც ვერ ვიტყვით, რომ ყველა ჭკვიანი სახლში ზის. ამას წინებზე სართვლოდ გამზადებული ვენახები დავათვალიერე ქიზიყში, ძველი ნაცნობები ვნახე, ერთი წამომიდგა და მეუბნება: აუ, ბიჭოოოო, ეს ვინ მოვიდა, ბიჭოოო (ივანიშვილი იგულისხმა), ვენახიც კი აღარ ისხამს, ყოველ წელს ფუჭდება და ფუჭდება! კი, მაგრამ რა შუაშია ბიძინა ივანიშვილი, თუკი ვენახი არ ისხამს?! ეს იმიტომ ხდება, რომ ჯერ ერთი, დრო გადის, შენი ვაზი ბერდება, ანუ შენთან ერთად ყ…ევდება და მეორეც — მამაშენმა კიკოლამ რომ სარწყავი სისტემა ამოძირკვა, ეგ ვენახი აღარ ირწყვება, გაიგე, შე ჩემის თვრამეტიანო?!

სანიმუშო მაგალითად მაქვს ხოლმე ამერიკელ ჯონი ვურდემანის ცხოვრება, რომელიც სიღნაღში 1990-იან წლებში ჩამოვიდა, რაღაცებს ხატავდა, კახელი გოგო შეირთო, შვილებიც ჰყავთ და ახლა ქართულ მიწას ეჭიდავება. ჩემი სახლიდან ნახევარ კილომეტრში ღვინის მარანი და რესტორანი გააკეთა — სწორედ იქ, სადაც ადრე ნაგავსაყრელი იყო. ვენახებიც გააშენა, ტურისტებიც ჩამოჰყავს, ღვინოსაც ასხამს. ამ დროს ადგილობრივები რას აკეთებენ? არაფერს, დღე და ღამე ჯონის ლანძღავენ — მაგ ამერიკელს დოლარები აქვს და ჩვენ არ გვაქვსო. არადა, ვიცი, ვნახე, ჩემს თვალწინ გაიარა ყველაფერმა, კაცმა ნულიდან დაიწყო, სულაც არ ეტყობოდა, რომ მილიონერი ინვესტორი იყო, არ ჰქონდა ფული, მან მხოლოდ იცოდა შრომის ფასი და შრომის კულტურა. ამას წინებზე ერთმა მითხრა, მაგას სიღნაღში დებილ ჯონის ეძახიანო. რათა-მეთქი? არ ვიცი, ეგრე ეძახიანო. ჰა, ჰა, ჰა… დებილი ვინ არი, კაცო, ჯონი თუ ის ქართველი, ეზო-კარი რომ აუბალახდა, მის ვენახი მოუვლელობით რომ ჩამოჭკნა, მთელი დღე ბირჟაზე ყვერებს რომ იფხანს, თუ ჯონი?! ნეტა საქართველოში რამდენიმე ასეული ჯონი მოგვცა, რამდენიმე წელიწადში ავშენდებოდით!

ავშენდებოდით! 2013-ში ბიძიშვილმა დასეტყვილ მევენახეებს 80 მილიონი ლარი რომ აჩუქა, გახსოვთ, ხომ? ეგ ის ფული იყო, სააკაშვილმა რომ დააყაჩაღა ბანკში მიმავალი “ქართუს” მანქანა. გადმოცემით ვიცი, მაშინ ივანიშვილთან დაახლოებული პირები შეცვივდნენ — ბატონო ბიძინა, 80 მილიონი წაგვართვეს, ახლა რაღა გვეშველებაო? იმას გაუცინია, არ ინერვიულოთ, 4 მილიარდ 920 მილიონი კიდევ დამრჩაო. როცა პრემიერი გახდა, წართმეული ფული დაიბრუნა, მაგრამ სახლში არ წაუღია, თელაველ მევენახეებს დაურიგა კომპენსაციის სახით. ამათ, ამ მევენახეებმა “მერსედესები” იყიდეს და ტაქსაობა დაიწყეს, ვაზსა და ყურძენს შეეშვნენ. ერთი პერიოდი, კახეთში ბავშვი რომ დააცემინებდა, მხარზე ხელს წამოარტყამდნენ ხოლმე და ეტყოდნენ: “სეტყვა, შვილო, სეტყვა”! დიახ, გლეხებს უკვე უნდოდათ, ყოველ წელს სეტყვა ყოფილიყო და ბიძინას ფული ერიგებინა. არ მოხდა ასე, მთავრობამ გამოაცხადა, ვენახები და ბაღ-ბოსტნები დააზღვიეთ, 50 პროცენტს ჩვენ ვიხდითო. ცოტამ დააზღვია, ბევრმა — არა, უმეტესობამ დაიკიდა, უფრო სწორად, იწუწკა. კიდევ მოვიდა სეტყვა, ატყდა ერთი ამბავი, დაუწყეს ივანიშვილს გინება. აი, ჩვე- ნი შეგნება და მორალი, ჩვენი გაგება! და ბოლოს… დავუბრუნდეთ
კვირიკაშვილ-ქუმსიშვილის თემას, მაინც როგორ მოხდა, რომ ბიძინა ივანიშვილს ღალატის “მუხლით” გაშვებული ადამიანები დააბრუნე- ბინეს და ქვეყანაც კი ჩააბარებინეს? ამაზე იმ ადამიანთან მისაუბრია, ვინც პირადად იყო ჩარეული და ვისაც ბატონი ბიძინა უჯერებდა — ეს გახლავთ გია ხუხაშვილი.
მან მითხ- რა, რომ კვირიკაშვილის მობრუნება და დაწინაურება იყო სრული კურიოზი, უცებ ვიღაცას გაახსენდა, თქვა, გასაგდები ბიჭი არ იყო, მოდით, ერთი შანსი კიდევ მივცეთო და გადაწყდა. საერთოდ, თუ გინდა, რომ ბიძინა ივანიშვილი ვინმეს დაწინაურებაზე ან სადმე დანიშვნაზე
დაითანხმო, უნდა უთხრა ჯადოსნური სიტყვები: “მივცეთ კიდევ ერთი შანსი”. ეს სიტყვები ჩემთვის ნაცნობია, ერთი-ერთზე საუბრისას არაერთხელ ხაზგასმით აღნიშნა, ყველას უნდა მივცეთ შანსიო. კი, ბატონო, მივეცით, მაგრამ ახლა კვირიკაშ- ვილ-ქუმსიშვილს 700 მილიონის და- ტაცებას ედავებიან.
ედავებიან რა, ამბობენ, თორემ ბოლოს რა იქნება, არავინ იცის.

ძალიან ბევრმა გამოიყენა ბიძინა ივანიშვილის სახელი, ძალიან ბევრი დღესაც იყენებს და ალბათ მომავალშიც გამოიყენებენ… ქვეყანაში, სადაც სინდის-ნამუსი დაკარგულია, ყველაფერს ერთი კაცი ვერ გააკონტროლებს. ჩვენ კიდევ, რაცა ვართ, ესა ვართ — გაუტანლობა, ბოღმა და შური გვტანჯავს. აქ მინდა, ერთი
ფრაგმენტი გაგახსენოთ ბიძინა ივანიშვილის პირველი წერილიდან: “არ მინდა საზოგადოებას ისეთი შთაბეჭდილება შეექმნას, რომ, აი, მოვედი მე, ვიღაც უცოდველი კრავი და სხვებს განვიკითხავ და მორალს ვუკითხავ. არა, ეს ასე არ არის, მეც ბევრი შეცდომა დამიშვია და ბევრჯერ შემშლია, რაც ხმამაღლა მიღიარებია და საკუთარი თავი გამიკიცხავს. ჩვენ ყველანი თანაბარუფლებიანი და თანასწორი მოქალაქეები ვართ ამ ქვეყნისა და მე არასოდეს მიფიქრია, რომ მე ჩემი სიმდიდრით ვინმეზე, მატერიალურად თუნდაც ხელმოკლე ადა- მიანზე, რაიმეთი მეტი ვარ. არც ის მიფიქრია ოდესმე, რომ მე უფრო მეტ საქმეს ვაკეთებ ამ ქვეყნისთვის, ვიდრე უბრალო გლეხი, რომელიც ვაზს უვლის, კალატოზი, რომელიც აგურს აგურზე ადებს, პოეტი, რო- მელიც ლექსს წერს, სპორტსმენი, რომელიც სპორტში მოღვაწეობს.

მთავარია, ყველამ ჩვენი შესაძლებ- ლობის მაქსიმუმი გამოვავლინოთ და ბოლომდე დავიხარჯოთ საქვეყნო საქმისათვის”.

(გაგრძელება იქნება)

მეტის ნახვა
29-09-2018, 10:30


გვესაუბრება არასამთავრობო ორგანიზაციის _ "ყოფილი პოლიტ. პატიმრები ადამიანის უფლებებისთვის" თავმჯდომარე ნანა კაკაბაძე:

_ ქალბატონო ნანა, ეკლესიის რამდენიმე წარმომადგენელი დაუპირისპირდა ერთ-ერთ საპრეზიდენტო კანდიდატს _ სალომე ზურაბიშვილს და მისი კანდიდატურის მოხსნას ითხოვს. ამ შემთხვევაში, რასთან გვაქვს საქმე?

_ ეს ნამდვილად არ არის ეკლესიის პოზიცია, პატრიარქმა ამის შესახებ თავის წერილში დააფიქსირა. "ციანიდების" გარდა თუ კიდევ ვინმე სხვამ გამოთქვა ასეთი პოზიცია, ეს, უბრალოდ, მხოლოდ და მხოლოდ იმ პიარის შედეგია, რომელიც საზოგადოების ფართო მასებზე ზეგავლენას ახდენს. 
ინტერნეტ-სივრცეში დევს ჩვენი საერთაშორისო პარტნიორების პოზიციები, მათ შორის, ამერიკის ელჩის, მაკ კეინის, რომელიც "ნაციონალებს" თავიანთ გურუდ, ღმერთად მიაჩნიათ. განა რას ამბობს განსხვავებულს ამერიკის ელჩი, მაკ კეინი ანდაც ტალიავინის დასკვნა? რატომ ამაზე არ ტეხენ "ნაცები" ერთ ამბავს? _ ისინი პირდაპირ საუბრობენ იმაზე, თუ რა როლი აქვს სააკაშვილს ქვეყნის ოკუპაციაში. რა თქმა უნდა, ეს არის სწორი, ჯანსაღი პოზიცია. თუ ჩვენს პრობლემას სახელს არ დავარქმევთ, ნებისმიერ ავადმყოფს სწორ დიაგნოზს თუ არ დაუსვამთ, მისი მკურნალობა შეუძლებელი იქნება. ჩვენ, თუ არ გავიაზრებთ იმას რა დანაშაული ჩაიდინა `ნაცმოძრაობამ~ და სააკაშვილმა 2008 წლის ომის დროს და ვინ არის დღეს პასუხისმგებელი ტერიტორიების დაკარგვაზე, არაფერი გვეშველება. შეიძლება პირდაპირ ითქვას, რომ სააკაშვილმა, ძალაუფლების შენარჩუნებისთვის, ქართული მიწები რუსეთს გადასცა, აჩუქა. წარწერას ვერ გაუკეთებდა, ტერიტორიებს ვერ დააწერდა: სახსოვრად პუტინს მიშასგანო და ამიტომ, გააკეთა, ის რაც გააკეთა _ ჩვენი ტერიტორიები რუსეთს გადასცა. თუ მკითხავთ, ამას, სალომე ზურაბიშვილი კიდევ რბილი ფორმით ამბობს. მე, უფრო მკაფიოდ და მეტსაც ვიტყოდი.

_ ქალბატონო ნანა, 2008 წლის ომს წინ უძღოდა კოდორის ხეობასთან დაკავშირებული მოვლენები.

_ დიახ. "ნაციონალურმა მოძრაობამ" 2008 წლის ომამდე აწარმოა ქვეყნისთვის დამღუპველი პოლიტიკა _ კოდირის ხეობას სახელი გადაარქვეს და ზემო-აფხაზეთი დაარქვეს. კოდორი ისე ჩააბარეს ტყვია არ გასროლილა, შემთხვევითაც კი არ გავარდნია ვინმეს იარაღი, სახელმწიფო დროშებიც კი არ იყო ჩამოხსნილი, ყველაფერი დატოვეს და ისე ჩააბარეს რუსებს. ეს ნამდვილად არ იყო შეცდომა, არამედ მიზანმიმართული დანაშაული, რომელსაც გამოძიება სჭირდებოდა. დღევანდელი ხელისუფლების დანაშაული ის არის, რომ ამ საქმის გამოძიება როგორც საჭირო იყო ისე არ წარმართეს და ის დამნაშავეები არ ამხილეს, რომლებიც სულ მცირე 308-ე მუხლის მესამე ნაწილით უნდა იყვნენ პასუხისგებაში მიცემულნი. იგივე ეხება ცხინვალის ოლქს _ იგი, სააკაშვილმა იმ საზღვრებში მოაქცია, რაც პუტინის ინტერესებში იყო და რუსეთს სწორედ, იმ საზღვრებით გადასცა. თუ გახსოვთ, ომის შემდგომ, კუშნერი რომ ჩამოვიდა, პრესკონფერენციაზე გაოცებულმა იკითხა: კი მაგრამ ეს რა საზღვრებია? ამ საზღვრებში, ცხინვალის ოლქი, საბჭოთა პერიოდშიც კი არ ყოფილა. ახლა, საიდან მოხვდა ამ საზღვრებშიო, ხელებს ასავსავებდა, ვერც გაიგო რა მოხდა. ის რაც კუშნერმა ვერ გაიგო, უნდა გაეგო დღევანდელ ხელისუფლებას, გამოეძიებია რა იდგა იმის უკან, როდესაც პარლამენტმა ეს გადაწყვეტილება მიიღო კოდორთან და ცხინვალთან დაკავშირებით. 

ეს უსინდისო "ნაცები", რა მტკიცებულებებზე საუბრობენ. საინტერესოა, რა წერია ტალიავინის დასკვნაში, რომელიც ტაშის გრიალით მიიღო ჩვენმა პარლამენტმა. კეთილი ინებონ და პასუხი აგონ იმაზე, რაც ამ დასკვნაში წერია. რა გაუკეთეს ქვეყანას? ჩახოცეს ადამიანები, ჯერ ომი დამთავრებული არ იყო და აქ, გამარჯვებას ზეიმობდნენ. სალომე ზურაბიშვილის განცხადებაზე კი არა იმაზე ისაუბროს "ნაცმოძრაობამ" 7აგვისტოს დილის 7 საათიდან შუაღამემდე რომ აცხადებდა: ჩვენ, კონსტიტუციურ წესრიგს ვადგენთ, შევდივარ ცხინვალში, ბოლოს, საღამოს, სააკაშვილმა ყველას დაასწრო და განცხადება გააკეთა: სრულად ვაკონტროლებთ ცხინვალსო. არ გახსოვთ, რა განცხადებებს აკეთებდა იაკობაშვილი? _ რუსები არაფერ შუაში არ არიან, ჩვენ სეპარატისტებს ვებრძვითო. ეს უნამუსო, უზნეო ადამიანები რა მტკიცებულებებზე ლაპარაკობენ, როცა მათი დანაშაულის მტკიცებულებები მთელს მსოფლიოს ხელის გულზე უდევს. 

_ როგორ ფიქრობთ, გაპრეზიდენტების შემთხვევაში, სალომე ზურაბიშვილი გამოიძიებს ამ საკითხს?

_ თუ იგი დაგვპირდება, რომ პასუხს მოთხოვს ყველა იმ პირს, ვინც ქვეყნის წინააღმდეგ დანაშაული ჩაიდინა _ რუსეთს ჩვენი ტერიტორიები მიზანმიმართულად გადასცა, თუ დაიწყებს ამ საქმეების გამოძიებას, ნათელს მოჰფენს 2008 წლის ომს და მის წინაპირობებს, მაშინ სალომეს არჩევნებში აბსოლუტური მხარდაჭერა ექნება. ვიმეორებ, თუ იგი 2008 წლის ომთან დაკავშირებით მოსახლეობას სიმართლის თქმას შეჰპირდება, ამხელს ყველა დამნაშავეს ვინც საქართველოს ინტერესების წინააღმდეგ მოქმედებდა, ოკუპანტთან ერთად მონაწილეობა მიიღო ჩვენი ტერიტორიების წართმევაში, თქვენი გაზეთის მეშვეობით მინდა მას ვუთხრა, რომ ამ შემთხვვეაში, მას აბსოლუტური უმრავლესობის მხარდაჭერა ექნება და ერთხელ და სამუდამოდ, ჰააგაში თუ სხვაგან გაიგებენ, რომ საქართველო კი არ არის დამნაშავე იმაში რომ ტერიტორიები დაკარგა, არამედ ის კრიმინალები, რომლებმაც 2003 წელს რევოლუციის გზით, უკანონოდ, არაკონსტიტუციური გზით ჩაიგდეს ხელში ძალაუფლება და შემდგომ მის შესანარჩუნებლად ჩვენი ქვეყნის ტეროიტორიები, თავიანთი ძალაუფლების სანაცვლოდ, რუსებს გადასცეს. ეს აუცილებლად უნდა გამოვიძიოთ.

"ნაცმოძრაობამ" დაინახა, რომ მარგველაშვილისგან განსხვავებით, სალომე ზურაბიშვილს ამ თემაზე პრინციპული დამოკიდებულება აქვს. იმედია, იგი, გამარჯვების შემთხვევაში აუცილებლად დაიწყებს 2008 წლის ომთან დაკავშირებით გამოძიებას და ყველა დამნაშავეს დაადგენს. რუსეთი რომ ოკუპანტია, ამას გამოძიება არ სჭირდება, დოკუმენტები დევს. აი, ვინ იყო ქართული სახელმწიფოდან, რუსეთთან ერთად, თანამონაწილე უნდა დადგინდეს და მათ ქართული სასამართლოს წინაშე პასუხი აგონ ქვეყნის ტერიტორიების გასხვისების გამო.

_ წარმოვიდგინოთ, რომ ზურაბიშვილმა მოხსნა კანდიდატურა. ვის უნდა დაუჭიროს მხარი ამომრჩეველმა?

_ მართლაც საინტერესო კითხვაა _ ვის დაუჭიროს მხარი ბაქრაძეს, რომელიც მოსახლეობას მოუწოდებდა დანა-ჩანგლით გამოდით და თავი დაიცავითო თუ კაკებეშნიკ ვაშაძეს? რა არჩევანის წინაშე დგას დღეს ქართული საზოგადოება? სალომე ზურაბიშვილს ედავება აქეთ ჩეკისტი და იქეთ, დანა-ჩანგლით მეომარი, გამყიდველი ბაქრაძე. "ნაციონალებს" უნდა მისცეს ხმა ამომრჩეველმა? ან კიდევ ნარკომან ჯაფარას? რას ნიშნავს ცენტრალური საარჩევნო კომისიის გადაწყვეტილება ჯაფარიძის დარეგისტრირებასთან დაკავშირებით. ამ ქვეყანში კანონი აღარ არსებობს?

თამარ შველიძე

მეტის ნახვა
29-09-2018, 08:00


საქართველოს პრეზიდენტმა ამერიკის შეერთებულ შტატებში სამუშაო ვიზიტის ფარგლებში, კონფერენციაში მონაწილე ქვეყნების ლიდერებისთვის გამართულ საზეიმო სადილზე, ღირსების ორდენით მსოფლიოში ცნობილი ბიზნესმენი, იუნესკოს კეთილი ნების ელჩი და ბავშვთა ასოციაციის „ელპიდა“ დამფუძნებელი, ბერძენი ქველმოქმედი ბიზნესმენი მარიანა ვარდინოიანისიდააჯილდოვა. ინფორმაციას საქართველოს პრეზიდენტის ადმინისტრაციის პრესსამსახური ავრცელებს.
გიორგი მარგველაშვილმა დამსწრე საზოგადოებას სიტყვით მიმართა და საბერძნეთში ვიზიტისას ონკოლოგიურ ცენტრში სტუმრობა გაიხსენა, სადაც ქართველი გოგონა მოინახულა, რომელიც მკურნალობას მარიანა ვარდინოიანისის ფონდის დაფინანსებით გადიოდა.

„ონკოლოგიური დაავადებების მქონე მოზარდების სიცოცხლის გადარჩენისა და მათი ცხოვრების ხარისხის გაუმჯობესების საქმეში შეტანილი განსაკუთრებული წვლილისთვის, უანგარო სამსახურისა და ქველმოქმედებისათვის ღირსების ორდენით ვაჯილდოვებ მარიანა ვარდინოიანისს“, – განაცხადა საქართველოს პრეზიდენტმა.

თავის მხრივ, ბავშვთა ფონდის „ელპიდა“ დამფუძნებელმა მადლობა გადაუხადა საქართველოს პრეზიდენტს და აღნიშნა, რომ მისთვის დიდი პატივია ამ ჯილდოს მიღება.

„ბატონო პრეზიდენტო, დიდი პატივია ჩემთვის თქვენგან ღირსების ორდენის მიღება. ასევე დიდი პატივია, მერქვას საქართველოს მეგობარი და მოხარული ვარ თქვენი გადაწყვეტილებით. ვიღებ ამ ჯილდოს, როგორც ჩემი ძალისხმევის დაფასებას და ჩვენს ქვეყნებს შორის ხანგრძლივი მეგობრობის სიმბოლოს. ეს არის იმ ღირებულებების გამოხატვა, რომლებსაც ჩვენ ერთად ვიზიარებთ“, – აღნიშნა მარიანა ვარდინოიანისმა.

მეტის ნახვა
28-09-2018, 09:30