"საერთო გაზეთის" სტუმარია მხატვარი ნიკუშა შენგელაია:

_ ბატონო ნიკუშა, არჩევნები ახლოვდება. რა გადალაგებებია პოლიტიკურ საჭადრაკო დაფაზე?

_ პოლიტიკურ საჭადრაკო დაფაზე დიდ გადალაგებებს, ახალ მოთამაშეებს ვერ ვხედავ. თუმცა, მმართველმა პარტიამ უარი თქვა ამ თანამდებობაზე თავისი კანდიდატი წარედგინა და მხარი დამოუკიდებელ კანდიდატს დაუჭირა, რაც შეიძლება სიახლედ ჩაითვალოს. ვფიქრობ, ეს დემოკრატიული პროცესების განსავითარებლად წინგადადგმული ნაბიჯია. ამ ყველაფერს დრო, ბევრი რამის გააზრება, გაანალიზება და პოლიტიკურ არენაზე ახალი ძალების გამოჩენა სჭირდება. ყოველდღიურად მიწევს მოსახლეობასთან საუბარი და მათი განწყობები ჩემთვის ცნობილია. პროცესი ერთიდაიმავე რეჟიმში მიდის, ხალხი ცოტა დაიღალა. წარმოდგენილ კანდიდატთა შორის, რა თქმა უნდა, ბევრი რამის გათვალისწინებით, სალომე ზურაბიშვილი ნდობას ყველაზე მეტად იმსახურებს თუნდაც თავისი ბიოგრაფიის, წესიერების გათვალისწინებით. დანარჩენ კანდიდატებში პოლიტიკური ავანტიურიზმი შეიმჩნევა, ისინი მხოლოდ რევანშიზმით, ძალაუფლების წყურვილით არიან შეპყრობილნი. საშინელი საყურებელი და მოსასმენია მათი დებატები, აქ, მჟღავნდება რასაც წარმოადგენენ _ საქართველოში ქალბატონის ლანძღვა არასდროს ყოფილა მოსაწონი და ღირსეული საქციელი. მათ, საკუთარი თავი მაქსიმალურად გამოამჟღავნეს. მასმედიით მუდმივად გვესმის გაუთავებელი ქილიკი, ბრალდებები, ცილისწამება, ჩანაწერები, რამაც საკმაოდ მახინჯი ფორმა მიიღო. პრეზიდენტობის ოპოზიციონერი მოსურნენი დამოუკიდებელი კანდიდატის დისკრედიტაციით არიან დაკავებულნი. ამიტომ, ამომრჩეველს არ აქვს საშუალება გაიგოს რისთვის მოდის ეს ხალხი, რა პროგრამა აქვთ, რას გააკეთებენ ქვეყნისთვის და ა.შ. "ნაცმოძრაობის" წევრებს რომ ვუსმენ ერთი შთაბეჭდილება მრჩება, ისინი გაბრაზებულები, დაბოღმილები, რევანშიზმით შეპყრობილი ადამიანები არიან.

ვფიქრობ, ქართველ ხალხს ეყოფა გონიერება და სწორ არჩევანს გააკეთებს. ადამიანებისაც მესმის, რომლებშიც ძალიან დიდი ნიჰილიზმი სუფევს. გასაკვირი არ არის, რომ ადამიანებს უფრო და უფრო უკეთესი უნდოდეთ, ეს ნორმალური გამოვლინებაა, მაგრამ ხანდახან, ეს ყველაფერი რეალობას უნდა შევადაროთ _ რა ქვეყანა ვართ, რისი საშუალება გვაქვს და აქედან გამომდინარე, გადაწყვეტილება მივიღოთ. მნიშვნელოვანია ის, რომ ქვეყანაში სტაბილურობა, მშვიდობაა და ამ ფონზე, საშუალება გვაქვს ვისაუბროთ, ვიკამათოთ თუ რამდენად ეფექტურად მუშაობს ხელისუფლება, რამდენად სწორია მათი მართვის სტილი _ ამაზე დავა და კამათი ნორმალურია. საზოგადოებას და, მათ შორის, მეც გვაქვს პრეტენზია იმასთან დაკავშირებით, რომ ბევრი საკვანძო პოსტი არაკომპეტენტურ კადრებს აქვთ ჩაბარებული. მართვის სტილი ნდობაზე, კომპეტენციაზე უნდა იყოს დამყარებული და ა.შ. ვფიქრობ, უფრო ღრმა, გახსნილი პოლიტიკა უნდა იქნას წარმოებული. ჯანსაღი საზოგადოება უფრო აქტიურად უნდა იყოს ჩართული ქვეყნის აღმშენებლობაში და მათ მიერ გაჟღერებული ინიციატივები ხელისუფლებამ მეტად იღოს ყურად. მოცემულ ეტაპზე, სჯობს ეს ვითარება დარჩეს, ვიდრე ისევ არეულობაში, დესტაბილიზაციაში აღმოვჩნდეთ, რაც არავითარ ფასეულობებს, ღირებულებებს არ მოიტანს. პირიქით, მერე, წყნარ ვითარებაში უნდა ვისაუბროთ თუ რა ღირებულებების მატარებელი ხალხია შეკრებილი მმართველ ძალაშიც. იქ, ძალიან ბევრი სხვადასხვა ფასეულობის ადამიანია, ბევრიც ყოფილი ხელისუფლების მომხრე თუ თანამდებობის პირი. უნდა მოვითხოვოთ პასუხი: რა პრინციპით ხდება ეს შერწყმა. ხალხის უკმაყოფილებასაც სწორედ ეს იწვევს _ რიგ სფეროებს მორალური, ზნეობრივი და პროფესიონალი კატეგორიები არ ხელმძღვანელობენ. ხელისუფლებას აუცილებლად მოუწევს საზოგადოებისთვის ამაზე პასუხის გაცემა. 

_ დღემდე, სალაპარაკო თემაა წინა არჩევნებში "ნაცმოძრაობის" მიერ აღებული 27%. იგივე შედეგის აცილება რამდენად შესაძლებელია?

_ ეს პროცენტი ყოველთვის იქნება. ჯერ ერთი, ადამიანები ამით თავის პირად უკმაყოფილებას გამოხატავენ: ჩვენს ქვეყანაში მოსახლეობის ძალიან დიდი ნაწილი დაუსაქმებელი, ღატაკია, რაც პირდაპირ ტვირთად აწევს არსებულ ხელისუფლებას. ამიტომ, ასეთი ციფრები ყოველთვის იქნება. ამ ადამიანების ნაწილი, რა თქმა უნდა, უბრალოდ, საკუთარ ინტერესებზეა ორიენტირებული და ისე აძლევს ხმას, ხოლო ნაწილი _ ტყუვდება-ხოლმე, ჰგონიათ, რომ პენსიას 50 ლარს დაუმატებენ. აქვე, ვიტყვი: ისეთი სარეკლამო რგოლები, დაპირებები გადის, რაც პრეზიდენტის კომპეტენციაში არ შედის, ეს ხომ ტყუილია. ამიტომ, მგონია ხალხმა ეს ყველაფერი კარგად უნდა გაიაზროს და საკუთარი უკმაყოფილების გამო ქვეყნის სათავეში ის ძალა არ მოიყვანოს, რომელიც, ქვეყანასაც დააზარალებს და მათაც. ეს დასაფიქრებელია. თორემ, ეს პროცენტი ნებისმიერ საზოგადოებაში, განსაკუთრებით, ჩვენში ნორმალურია. 

_ გრიგოლ ვაშაძე პრო-დასავლელად აცხადებს თავს, მის კონკურენტ სალომე ზურაბიშვილს კი პრო-რუსულობაში დებს ბრალს. ეს რამდენად ლოგიკურია?

_ სალომეს საგარეო საქმეთა მინისტრობისას, საქართველოდან რუსეთის ბაზები გავიდნენ. ამ საქმეში მას დიდი წვლილი მიუძღვის. ზოგადად, ზურაბიშვილს ძალიან დიდი დიპლომატიური გამოცდილება აქვს. ვამბობთ, რომ ჩვენი გზა ევროპისკენაა. ამ ქალბატონს დიპლომატია სწორედ ევროპაში აქვს ნასწავლი და პრაქტიკაც იქ გაიარა. ვაშაძეზე რა უნდა ვთქვა. იგი მიშას ახლობელი იყო, მოიყვანა მინისტრად და რა ქნეს?! ეს პირადი ინტერესების სფეროა. მათ მიერ ქვეყნისთვის კარგი გაკეთებული საქმე, არაფერი მახსენდება. სხვისკენ თითების ქნევას, სჯობს საკუთარ წარსულს გადახედონ. ეს ქვეყანა მართლა ჩალით კი არ არის დაფარული _ ყველამ ვიცით ვაშაძე სად ცხოვრობდა, სად მუშაობდა და რას აკეთებდა. სხვათა შორის, ჩეკისტების თვისებაა: თუ ჩეკისტი თავად ხარ, ეს სასწრაფოდ სხვას უნდა გადააბრალო. ეს კაგებეს სკოლაა. ამ ქვეყანაში ძალიან ბევრი ლიდერი მინახავს, რომელიც თავად იყო ჩეკისტი და სხვას აბრალებდა, ლაფს ასხამდა. არ გვინდა ამაზე საუბარი, ყველამ ყველაფერი იცის, ხალხს თვალებში ნაცარს ნუ აყრიან. შეიძლება ადამიანი ღარიბი იყო, მაგრამ ღირსეული და ფასეულობებზე ორიენტირებული. საქართველო ყოველთვის ღარიბი ქვეყანა იყო, მაგრამ ჩვენი წინაპრები ღირსეული ადამიანები იყვნენ. ტყუილად როდი დაგვიტოვა ილიამ ეს ტრიადა _ ენა, მამული, სარწმუნოება. ჩვენ ისევ ამაზე უნდა ვიდგეთ და არა ფუფუნებაზე, ქონებაზე და ჭამა-სმაზე. მერე, ნელ-ნელა ყველაფერი განვითარდება. ამიტომ, დღეს, ძალიან მნიშვნელოვანია აქტიურობა, არჩევნებზე მისვლა და პოზიციის დაფიქსირება, რათა საკუთარი ნიჰილიზმი, უკმაყოფილება ცუდმა ძალამ არ გამოიყენოს და მერე, სანანებელი არ გაგვიხდეს. რაც შეეხება ვაშაძის პრო-დასავლელობას, იცი რა, ძალიან ცუდია, რომ დღევანდელი პოლიტიკა საერთოდ, თავის თავში ისე მარტივად მოიცავს დაპირებებსა და ტყუილს, რომ ამ ყველაფერზე ხალხს გული უცრუვდება. ვაშაძემ რაც უნდა ილაპარაკოს, ხალხმა ხომ იცის სიმართლე. გაიძახის: ევროპული სახალხო პარტია მიჭერს მხარსო. ევროპარლამენტში სხვა პარტიებიც არის. ან ვინ უჭერს ერთი მხარს? ამ პარტიის რომელიმე ლიდერმა გააკეთა მსგავსი განცხადება? მე, არ მომისმენია. შუბლზე ძარღვი აქვს გაწყვეტილი და რაც თავად აწყობს, იმას ამბობს.

_ როგორ მუშაობს მასმედია წინასაარჩევნოდ?

_ ტელევიზიებში არცერთ ნორმალურ ადამიანს მისვლა არ უნდა. ჭკვიან ხალხს კი ეძახიან, მაგრამ მათ, ფორმატიდან გამომდინარე, ასეთ გადაცემაში მონაწილეობის მიღება არ სურთ, რაც აბსოლუტურად სწორია. ჟურნალისტი რესპონდენტს აგინებინებს და ალანძღინებს კონკურენტს. მერე, ვის ეძახიან საპირწონედ, ვინ არის ეს ხალხი, რა გაუკეთებიათ ქვეყნისთვის. რა კრიტერიუმებით აფასებენ იმ ხალხს, ვისაც აზრს ეკითხებიან. ეძახიან დაპირისპირებულ მხარეებს, რათა ერთმანეთი დაჭამონ. ყველა ტელევიზიას არ ეხება, თუმცა რიგი მათგანი შოუებით დაპირისპირებას უწყობს ხელს. მასმედიას აკლია ანალიტიკური გადაცემები. საერთოდ, ნორმალურ ადამიანებს, ქართული მასმედიის ყურების სურვილიც აღარ გვაქვს.

_ გვარამიამ განაცხადა: ვინც ზურაბიშვილს მისცემთ ხმას, ყველას გიმახსოვრებთ და მერე, ვაი, თქვენი ტყავის ბრალიო.

_ გვარამიას მოწოდებებს არც ვუსმენ, არც ვკითხულობ. საერთოდ, ეგ პიროვნება თავის ტელევიზიიანად სრულებით არ მაინტერესებს. გაშიფრულნი არიან ვინც არიან და რა მიზნებიც აქვთ. რამდენიც უნდათ იყეფონ _ ძაღლი ყეფს, ქარავანი მიდის.

_ როგორ ფიქრობთ, რას შეცვლის ზურაბიშვილი ქართულ პოლიტიკურ ცხოვრებაში?

_ არ ვიცი, ვნახოთ, მომავალი გვიჩვენებს. ვფიქრობ, ჩვენთან არის ერთი მნიშვნელოვანი თემა, რასაც შეიძლება პრეზიდენტი სათავეში ჩაუდგეს და საზოგადოებასთან ერთად სერიოზული მოძრაობა დაიწყოს _ ეს არის ეკოლოგია და დემოგრაფია. ეს თემები, მე თუ მკითხავთ, პოლიტიკაზე და ეკონომიკაზე მეტად საყურადღებოა. ამ თემას სათანადო ყურადღება თუ არ მიექცა, მთელი ეკონომიკა და მასთან ერთად სახელმწიფოც, უკან დაგვრჩება. ჯობია, თავიდანვე ვიაქტიუროთ და სასურველ კანდიდატს დავუჭიროთ მხარი, რათა მეორე ტური საჭირო არ გახდეს. თუმცა, ესეც არ არის პრობლემა. დემოკრატიულ არჩევნებში, ძალიან ბევრ ქვეყანაში, სწორედ მეორე ტურში წყდება კანდიდატის ბედი.

_ ვაშაძე შეგვპირდა სააკაშვილს შევიწყალებო. ამას რა მოჰყვება?

_ ვაშაძე რომ მოვიდეს პრეზიდენტად, ჩათვალე, საქმე სამოქალაქო დაპირისპირებამდე მივა. ეს გვინდა? "ნაციონალებს" შეიძლება სწორედაც ეს სურთ. მათთვის ქვეყანა, ხალხი როგორც მაშინ, ახლაც არაფერს წარმოადგენს. თუ ცოტა ჭკუა გვაქვს, ქვეყნის წინსვლაზე, შვილების მომავალზე და მშვიდობაზე უნდა ვიფიქროთ, არჩევნებზე მივიდეთ და იმ ბნელ ძალას, რომელიც სამოქალაქო დაპირისპირებას გეგმავს, უარი ვუთხრათ.

თამარ შველიძე

მეტის ნახვა
26-10-2018, 13:00


"საერთო გაზეთის" სტუმარია მხატვარი შოთა გლურჯიძე:

_ ბატონო შოთა, არჩევნებამდე რამდენიმე დღე რჩება. რა მოლოდინი გაქვთ?

_ ჩემი აზრით, წლევანდელი არჩევნები, სახელისუფლო, უფრო ზუსტად, დამოუკიდებელი კანდიდატის სალომე ზურაბიშვილის მიმართ, უზომოდ საშინელი დევნით ხასიათდება. ოპონენტების მიერ არჩეული ბრძოლის ეს ფორმა დიდი ხანია პოლიტიკის ფარგლებს გასცდა და პირად შეურაცხყოფაში, უზნეო დევნასა და ცილისწამებაში გადაიზარდა. პირადად, ქალბატონ სალომეს დიდი ხანია ვიცნობ. მასთან ურთიერთობა იმ დროიდან მაქვს, რაც საქართველოში ჩამოვიდა. სალომე ზურაბიშვილს რუსეთის აგენტობა ანდა ამ ქვეყნის მიმართ ლოიალური განწყობა დააბრალო, ეს აბსოლუტური უნამუსობაა. მეტიც, ჩემი აზრით, ქალბატონი სალომე ზედმეტად რუსოფობიც კი არის. ზოგადად, იგი, მრავალმხრივ საინტერესო ადამიანია. მის ბიოგრაფიაში, ჩვენთვის საყვარელი ემიგრაციის ბედ-იღბალი, სრულად არის ასახული. ამიტომ, ვთვლი, თუ იგი საქართველოს პრეზიდენტი გახდება, ჩვენი მხრიდან ეს იქნება პატივისცემის გამოხატულება იმ ადამიანების მიმართ, რომლებმაც წლების მანძილზე ქართული კულტურა შეინარჩუნეს. საფრანგეთში სალომე ზურაბიშვილის ოჯახმა, საკუთარი ხარჯით, პატარა მართლმადიდებლური ტაძარი გახსნა, რაც ბევრმა არ იცის. შეკითხვა _ კათოლიკეა იგი თუ მართლმადიდებელი, უადგილოა იმ თვალსაზრისით, რომ ეს ქალბატონი ამ წიაღში გაიზარდა, საკუთარი მართლმადიდებლური ეკლესია აქვს და როგორ შეიძლება კათოლიკე იყოს. ანუ, იგი, ბავშვობიდან ამ სივრცეში იზრდებოდა, მეტად ქართველია, ვიდრე აქაური ქართველები.

ასე ვიტყოდი, სალომე ზურაბიშვილი, ყველა თვალსაზრისით, სამაგალითო ქართველია. მას თავისუფლად შეეძლო საკუთარი ცხოვრება საფრანგეთში გაეგრძელებინა, მაგრამ ამ ოჯახის მისია ყოველთვის საქართველოში დაბრუნება, მისით სუნთქვა იყო. ამიტომ, ჩემთვის, სალომე ზურაბიშვილი უალტერნატივო კანდიდატია. წინა არჩევნებში ქალბატონ სალომეს რაღაც სისულელეები მოუგონეს და მონაწილეობის საშუალება არ მისცეს, რის გამოც `ქართულ ოცნებაზე~ ძალიან გაჯავრებული ვიყავი. ამის გამო, მარგველაშვილისთვის ხმის მიცემა არ მინდოდა. მას, ჩემი აზრით, სალომესთვის მხარი უნდა დაეჭირა. გასაგებია, რომ იგი თავად იყო კანდიდატი, მაგრამ სალომესაც უნდა ჰქონოდა საშუალება, რათა კენჭი ეყარა. ძალიან მინდა, რომ ზურაბიშვილმა არჩევნებში გაიმარჯვოს. პროგნოზის გაკეთება ძნელია, მაგრამ `საერთო გაზეთის~ ფურცლებიდან, ამ ინტერვიუს მეშვეობით მინდა ქართველებს მოვუწოდო: მხარი ღირსეულ კანდიდატს დაუჭირონ. ეს არამარტო სალომესადმი, არამედ, იმ ადამიანებისადმი მხარდაჭერა იქნება, რომლებმაც ქართული გენი, კულტურა წლობით შეინარჩუნეს და ატარეს. ეს, ჩვენი, ერთგვარი ვალია. ამ საკითხს ასე ვუყურებ.

_ როგორ დაახასიათებთ "ნაციონალების" კანდიდატ გრიგოლ ვაშაძეს?

_ არ მინდა იმ ადამიანებს დავემსგავსო, რომლებიც პოლიტიკოსების წინააღმდეგ ბინძურ პიარს იყენებენ. ჩემთვის სავსებით საკმარისია ის, რომ გრიგოლ ვაშაძე კენჭს 5 ნომრით იყრის. ეს ციფრი ქართველებისთვის, უკვე, საძულველია. აქედან გამომდინარე, მგონია, ეს მისი ოჯახის მთავარი პრობლემაც არის, რომელსაც წესით, უწინაც სხვა არჩევანი უნდა გაეკეთებინა, როცა დაინახა თუ რა ძალასთან ჰქონდა ურთიერთობა. ახლაც, ამ სივრცეში, დარჩენა, ჩემი აზრით, კულტურული, ნორმალური ადამიანისთვის, სამარცხვინოა. 

_ სალომე ზურაბიშვილისადმი შავი პიარის აგორება, ძირითადად, მისი განცხადებიდან დაიწყო, რაც ომის თემას უკავშირდებოდა. ამ საკითხზე თქვენი მოსაზრება როგორია?

_ ეს იმდენად ღრმა საკითხია, ასე მარტივად პასუხს ვერ გაგცემ. შესაძლოა მერე, ამ ინტერვიუდან მავანმა რაღაც ნაწილი ამოგლიჯოს და ათასგვარი სიბინძურე დამაბრალოს, როგორც ეს სალომეს შემთხვევაში მოხდა. ეს ძალიან რთული საკითხია, რაც სათანადოდ გამოძიებული არ არის. ამ თემის გამოსაძიებლად შექმნილი იყო კომისია თუმცა, ისეთი პირებით დაკომპლექტებული, რომელთა მიმართ ნდობა არც საზღვარგარეთ აქვთ და არც ქვეყნის შიგნი თ. საკითხი კვლავ აქტუალურია, ამიტომ, მე, პარლამენტის ადგილას კიდევ ერთხელ მოვიწვევდი საგამოძიებო კომისიას, ოღონდ, ამჯერად საერთაშორისო დონისას და ამ საკითხს წერტილს დავუსვამდი. რა თქმა უნდა, საქმის მოკვლევა "ნაცმოძრაობას" არ აწყობს და კოაბიტაციაში მყოფი "ქართული ოცნებაც" ამ საქმის გამოძიებას არ ჩქარობს. სალომეს განცხადებიდან რამდენიმე ფრაზა კონტექსტიდან ამოგლიჯეს და ბინძურად ატრიალებენ. რა თქმა უნდა, შეუძლებელია ეს არ გტკიოდეს, ამ თემის მიმართ მკაფიო პოზიცია არ გქონდეს. ამიტომ, გამოძიება უნდა ჩატარდეს და ამ თემით სპეკულირებას საბოლოოდ წერტილი დაესვას. ასეთია ჩემი პოზიცია.

_ ხშირად მსმენია: ვაშაძე და ბაქრაძე საარჩევნო სიაში კი არა, არამედ ციხეში უნდა იჯდნენ. "ქართული ოცნება" აქაც ხომ არ ტყუის, როდესაც თავის დროზე "ნაცმოძრაობის" გასამართლების საკითხი არ დააყენა?

_ ყველაფერზე მკაფიო პასუხი უნდა გვქონდეს. ამ ადამიანებს იგივე, ვაშაძეს ხელფასს ვუხდით, რაც ჩვენი ჯიბიდან მიდის. აქედან გამომდინარე, პარლამენტი ანგარიშვალდებულია პასუხი გაგვცეს იმ თემებზე, რაც ცოტა ხნის წინ "პატრიოტთა ალიანსმა" დააყენა. ჩემი აზრით, ეს ინიციატივა ძალიან დაგვიანებულია. სულაც არ არის საჭირო 300 ათასი თუ მეტი ხელმოწერის შეგროვება იმისთვის, რომ ეს საკითხი დღის წესრიგში დადგეს, იგივე, საგამოძიებო კომისიის შექმნაზე, რომელმაც 2003–2012 წლები უნდა შეისწავლოს. არ არის იმის აუცილებლობა, რომ ამას მთელმა საქართველომ ხელი მოაწეროს. ეს ხალხი სწორედ იმისთვისაა არჩეული, რომ მსგავსი მწვავე საკითხები განიხილოს. მგონი, ეს უფრო მნიშვნელოვანი საკითხია, ვიდრე ბუსუსებიანი პრეზერვატივი. გამოიძიონ რა, როგორ მოხდა, რამდენად აქვს ამ ხალხს მორალური, ზნეობრივი უფლება, რათა პარლამენტში ისხდნენ. ბევრი მათგანი "ქართულ ოცნებაშია" გადაბარგებული. მათ არ აქვთ ზნეობრივი უფლება საქართველოს პარლამენტის წევრებად იწოდებოდნენ.

_ ხშირად გვესმის: რა მნიშვნელობა აქვს ვინ იქნება პრეზიდენტი, მას მაინც არავითარი უფლებები არ აქვსო. ამ ლოგიკით, არაუშავს თუ ქვეყნის სათავეში ვაშაძეს ან ბაქრაძეს ვიხილავთ?

_ იცი რა, მართლაც ხშირად გვესმის: მთავარია ინსტიტუცია იყოს და მნიშვნელობა არ აქვს მას ვინ წარმოადგენსო. ვთვლი, რომ ეს არასწორია. ეს ინსტიტუცია მართლა პატივსაცემი რომ გახდეს, ჰქონდეს ძალა, სათავეში ღირსეული ადამიანი უნდა ედგეს. მის სათავეში ღირსეული ადამიანი თუ იქნება, დამერწმუნეთ, რამდენიმე წელში იგი საზოგადოებაში უზარმაზარ როლს შეიძენს და შესაბამისად, პოლიტიკაშიც. ვიცი, რომ ქალბატონი სალომე ამ ინსტიტუციას ღირსეულად ჩაუდგება სათავეში. შესაბამისად, ასე ქვეყანაც მოიგებს, პრეზიდენტის ინსტიტუტიც გაძლიერდება და მის მიმართ პატივისცემაც გაჩნდება. მთავარია, მის სათავეში ზნეობრივი, წესიერი ადამიანი იდგეს.

_ წარმოვიდგინოთ, რომ ქვეყნის პრეზიდენტი ვაშაძეა, რომელიც სააკაშვილის, მერაბიშვილის, ახალაიას შეწყალებას გვპირდება. როგორ საქართველოში გავიღვიძებთ?


_ ახლახან, ერთმა ჩემმა ნაცნობმა მითხრა: ხმა ვაშაძეს უნდა მივცე, რა ვქნა, მიყვარს ბალეტიო. არ ვიცი, ვისაც ბალეტი უყვარს, შეიძლება ხმა მას მისცეს. ჩემი აზრით, მისი გაპრეზიდენტება შეუძლებელია. საერთაშორისო, ძალიან ბნელი ძალების მხარდაჭერა რომ არა, "ნაცმოძრაობა" არც იარსებებდა. ფანტასმაგორიაა, მაგრამ თუ მსგავსი რამ მოხდა ეს, რა თქმა უნდა, საქართველოში სამოქალაქო ომს გამოიწვევს. იმიტომ, რომ ქართველი ხალხი "ნაცმოძრაობის" დაბრუნებას არ შეეგუება, ვერც ვაშაძეს მოგვახვევენ თავს და ვერც ბაქრაძეს. ასე, რომ ეს ცუდი სიზმარი უფროა. ვაშაძე სააკაშვილის ხელში მარიონეტია და რასაც მიშა ეტყვის, იმას გააკეთებს.

_ არჩევნებთან მიმართებაში არასამთავრობო ორგანიზაციების, მასმედიის როლზე რას იტყვით?

_ ჩვენი საზოგადოების ეს ორი კომპონენტი, საქართველოში, ყველაზე დიდი პრობლემაა. ვთვლი, რომ ასეთი ძალების გარედან დაფინანსება მაინც მოხდება, მაგრამ ჩემი აზრით, ენ-ჯე-ოების გარედან დაფინანსება კანონით, მაქსიმალურად, უნდა შეიზღუდოს. იმიტომ, რომ როდესაც ისინი ფინანსდებიან რაღაც ფონდების მიერ, რომლებიც განლაგებულია სხვა ქვეყნებში ან მის კონგლომერატებში, ეს ხალხი მათ ინტერეს ატარებს. ჩვენ გვჭირდება საზოგადოებრივი ორგანიზაციები, რომლებიც ქვეყნის შიგნიდან იბადება, იმ პრობლემებს ასახავს, რაც საქართველოში არსებობს და არა იმას, რაც ეფხანებათ ევროსაბჭოში, ევროკავშირში, აშშ-სა თუ რუსეთში. ჩემი აზრით, ასეთი აკრძალვა უპრიანი იქნებოდა. ამაზე, შესაძლოა, ერთი ამბავი ატყდეს: საზოგადოებრივ სექტორს ხურავთო და ა.შ., მაგრამ ენ-ჯე-ოებმა იმ თემებზე უნდა იმუშაონ, რაც საქართველოში ადამიანებს მართლა აწუხებთ.

თამარ შველიძე

მეტის ნახვა
26-10-2018, 11:00


თუ ქართველ ხალხს ქვეყნისთვის საჭირო და სწორი არჩევანის გაკეთება არ შეუძლია, მაშინ დავღუპულვართ, გავთახსირებულვართ, 
სულიერად და მორალურად მოვმკვდარვართ და რა გვეარჩევნება?


ძვირფასო ქართველებო,
მე თქვენ არ გეკითხებით, მოგწონთ თუ არა სალომე ზურაბიშვილი პრეზიდენტად;
მე თქვენ არ გეკითხებით, მხარს უჭერთ თუ არა "ქართულ ოცნებას";
მე თქვენ არ გეკითხებით, პატივს სცემთ და აფასებთ თუ არა ბიძინა ივანიშვილის ღვაწლს საქართველოს წინაშე;
მე თქვენ არ გეკითხებით, როგორია თქვენი პოლიტიკური ორიენტაცია;

კიდევ უამრავ რაღაცას არ გეკითხებით, რაც მინდოდა მეკითხა, მაგრამ სხვა კითხვებით თავს არ შეგაწყენთ და მხოლოდ ერთადერთ კითხვას დაგისვამთ:
გიყვართ თუ არა საქართველო?

უხერხული კითხვაა ეს, რადგან ყველა ქართველი თვლის, რომ საქართველო უყვარს და ამ კითხვის დასმაც კი შეიძლება შეურაცხყოფად მიიღოს. არადა, მე არავის შეურაცხყოფას არ ვაპირებ, უბრალოდ, კითხვას ვსვამ: გიყვართ თუ არა საქართველო?
კი, მაგრამ, როგორ შეიძლება საქართველო გიყვარდეს და, იმავე დროს, ხმას აძლევდე ვაშაძეს ან ბაქრაძეს, ანუ იმ პოლიტიკურ ძალას, რომელმაც უდიდესი ზიანი მიაყენა საქართველოს.

ვაშაძეში და ბაქრაძეში კი არ არის საქმე — სინამდვილეში მათ ზურგს უკან ატუზული სააკაშვილი აპირებს ხელისუფლებაში მობრუნებას, სააკაშვილი — საერთაშორისო მასაშტაბის ავანტურისტი, სისხლის სამართლის დამნაშავე, ქვეყნის ღალატში ეჭვმიტანილი, წაგებული ომის მთავარსარდალი, რომლის პროვოკაციულ ქმედებებს უამრავი ადამიანის სიცოცხლე შეეწირა.

სამწუხაროდ, დღემდე ვერ მოხერხდა "ნაცმოძრაობის" 9-წლიანი რეჟიმის ფუნდამენტური და ობიექტური ანალიზი.

საზოგადოებამ მხოლოდ მცირე ნაწილი იცის იმ შემზარავი და გამაოგნებელი დანაშაულობებისა, რაც "ნაცმოძრაობას" აქვს ჩადენილი, თუმცა დრო მოვა, აქამდე დაფარული ყველა შემზარავი საიდუმლო გამჟღავნდება და საქართველოც და, მასთან ერთად, დანარჩენი მსოფლიოც, აუცილებლად შეძრწუნდება ამ დანაშაულობების მასშტაბებით.

დღეს იქნება თუ ხვალ, ქართული ნიურნბერგის პროცესი აუცილებლად შედგება და მაშინ ბევრს შერცხვება, ადამიანების ტვინების გამორეცხვაზე ორიენტირებული პროპაგანდით, მიზანმიმართული ფსიქოლოგიური ტერორით დაბრმავებული და გონებადაბინდული, "ნაცმოძრაობას" რომ უჭერდა მხარს.
არჩევნები, სინამდვილეში, საზოგადოების ლუსტრაციაა, ერთგვარი სოციოლოგიური გამოკვლევაა, თუ როგორი და რანაირი ადამიანებისგან შედგება მოცემულ სიტუაციაში ქვეყნის მოსახლეობა. არჩევნების შედეგებით ადვილად შეიძლება გამოვიანგარიშოთ, რამდენი პატრიოტი, რამდენი გონიერი და საღად მოაზროვნე მოქალაქე ცხოვრობს ქვეყანაში და რამდენი ცუდად ინფორმირებული, რამდენი შლეგი, რამდენი ფარისეველი ადამიანი ჰყავს საზოგადოებას.
– ხელისუფლებას სხვა გზა არ აქვს, მან არჩევნები უნდა გააყალბოს. სხვანაირად ან გრიგოლ ვაშაძე გაიმარჯვებს, ან დავით ბაქრაძე, — ამტკიცებენ "ნაცმოძრაობის" ფანები.

როგორ დავიჯერო, საქართველოში იმდენ ქართველს არ უყვარს საქართველო, საქართველოში იმდენი უღირსი და უთავმოყვარეო ქართველი ცხოვრობს, რომ, თუ არჩევნები არ გაყალბდა, ისინი ხმას იმ პოლიტიკური ძალის წარმომადგენლებს მისცემენ, რომელმა პოლიტიკურმა ძალამაც მათი ღირსება და თავმოყვარეობა შელახა, ასობით უდანაშაულო ადამიანი სიცოცხლეს გამოასალმა, ათიათასობით მოქალაქე ციხეებში გამოკეტა, ასიათასობით ადამიანი დააყაჩაღა, გაძარცვა, გააუბედურა, მერე კი მტერს შეეკრა და ქვეყნის ტერიტორიის ოცი პროცენტი ფეშქაშად მიართვა.

როგორ დავიჯერო, რომ საქართველოს მოსახლეობის ნახევარზე მეტი ამ ძალას უჭერს მხარს და, თუ არჩევნები არ გაყალბდა, ჩვენი მოქალაქეების დასტურით და ნება-სურვილით, კვლავ ეს ძალა მობრუნდება ხელისუფლებაში.

თუ ეს მართლაც ასეა, მაშინ ან ამ არჩევნებს, ან ასეთი ქვეყნის არსებობას რა აზრი აქვს?!
თუ საქართველოს სწორი არჩევანის გაკეთება არ შეუძლია და ვაშაძის ან ბაქრაძის არჩევას აპირებს პრეზიდენტად, მაშინ დავღუპულვართ, გავთახსირებულვართ, სულიერად და მორალურად მოვმკვდარვართ და რა გვეარჩევნება?

თუმცა, დარწმუნებული ვარ, ეს ასე არ არის და ჭორებს ქართველი ერის გარდაცვალების შესახებ ნაციონალები და მათი სატელიტები ავრცელებენ, რომლებიც ჩვენი გარდაცვალების ყალბ ცნობას მათ მიერვე დაფინანსებული ყალბი სოციოლოგიური კვლევებით ადასტურებენ.

მე თქვენ არ გეკითხებით, გიყვართ თუ არა სალომე ზურაბიშვილი;
მე თქვენ არ გეკითხებით, მხარს უჭერთ თუ არა "ქართულ ოცნებას";
მე თქვენ არ გეკითხებით, პატივს სცემთ და აფასებთ თუ არა ბიძინა ივანიშვილის ღვაწლს საქართველოს წინაშე;
მე თქვენ არ გეკითხებით, როგორია თქვენი პოლიტიკური ორიენტაცია.

მე თქვენ გისვამთ ერთადერთ კითხვას:

გიყვართ თუ არა საქართველო?

და თუ საქართველო გიყვართ, მაშინ არ დაუშვათ "ნაციონალების"მობრუნება ხელისუფლებაში, რადგან ეს იქნება სრული კატასტროფა იმ ქვეყნისთვის, რომელიც თქვენ ასე ძალიან გიყვართ!

ვახტანგ ხარჩილავა

მეტის ნახვა
24-10-2018, 23:00


ერთი კლასელი მყავდა, ჩუმჩუმელა და მავნე, კლასში ყველა სიგლახის დამწყები და ხელშემწყობი. მასწავლებელი რომ დანაშაულში დაიჭერდა, ისეთ უწყინარ სახეს მიიღებდა, გეგონებოდა, ჭიანჭველაზე ფეხი არ დაუბიჯებიაო.

ამ ჩემს კლასელს მაგონებს დავით ბაქრაძე. ამასაც ისეთი უწყინარი სახე აქვს და ისე აღშფოთდება ხოლმე მოსახლეობის სოციალურ პრობლემებზე, თითქოს თვითონ არ იყო 10 წელიწადი ნაცების ავკაცობის "გამპრავებელი" და ჩემი კლასელივით ყველა სიავის მომსწრე და ხელისშემწყობი.

პრეზიდენტობის კანდიდატად წარდგენისას თქვა: "მე არა ვარ მიხეილ სააკაშვილის კანდიდატიო" და არც უთქვამს, პრინციპში ტყუილი. ჯერ ერთი, არ აწყობს _ ძებნილი კაცის მხარდაჭერილ კანდიდატს ვინ მისცემს ხმას, ამიტომ, ამჯერად, `ევროპული საქართველოს~ მიერ გამოცხადებული კანდიდატი ბატონი დავითი არა მარტო მისი ახალი ბელადის _ გიგი უგულავას ფავოროტია, არამედ, როგორც ამბობენ და როგორც სოციალური ქსელიდანაც კარგად ჩანს, გიგა ბოკერიას რჩეულია და ფსონი მასზე სწორედ იმ თვისებების გამო დაიდო, ჩემს კლასელს რომ ჰქონდა და ბაქრაძესაც რომ ახასიათებს…

ხალხმა ბაქრაძეს უკვე შეარქვა "გიგას დათო", ანუ გიგა ბოკერიას დათო და მის საარჩევნო კამპანიას, ჩვენი ინფორმაციით, დავით კეზერაშვილი აფინანსებს.
დავით ბაქრაძე 2008 წლიდან 2012 წლამდე პარლამენტის თავმჯდომარის პოსტს იკავებდა და სრულად "აპრავებდა" ნაცების "საგმირო" საქმეებს. თუმცა განსაკუთრებულად დასამახსოვრებელი იყო მისი მიმართვა 2008 წლის აგვისტოს ომის დღეებში _ დანა-ჩანგლებით გამოდით, ხალხო და წინ აღუდექით რუსეთის აგრესიასო.

ბევრი მკითხაობა არ უნდა ამას, "გიგას დათოს" ეშინოდა, რუსებს წ-ვერებით არ დაეკიდათ თავის პარლამენტიანად და ხალხს მოუწოდებდა დაზაფრული.
ახლა მისი მომხრეები ამბობენ, მოუგონეს, არ უთქვამს მსგავსი არაფერიო. ვიდეომიმართვაც გამქრალია, თუმცა, აგერაა მამაჩემი, ცოცხალი მომსწრე, რომელიც, მახსოვს, გაკვირვებული ამბობდა: ეს კაცი ვახშამზე ხომ არ გვეპატიჟება, რა დანა-ჩანგალი, რას ბოდიალობსო.

ეს იმ დროს, როცა ნაცების, გინდა ევრონაცების, გინდა აფრონაცების "უძლეველი" მთავარსარდალი ტრიბუნით მირბოდა ცხინვალში, ოსებზე გამარჯვების ზეიმზე სიტყვით გამოსასვლელად.

ეს "გაწონასწორებული" და უწყინარი ბაქრაძე ახლობლებში გიტარაზე დაკვრით და სიმღერით რომ არის სახელგანთქმული, პოლიტიკურ ასპარეზზე თავისი მოზრდილი თავი 2008 წლის მოვლენების დროს გამოიჩინა. იმ პერიოდში, პარლამენტის თავმჯდომარის სტატუსით, სახალხო მიმართვაში ამბობს: "რუსები შეუტევენ ზუგდიდს და მოგიწოდებთ, ნებისმიერი საშუალებით წინააღმდეგობა გავუწიოთ მტერს!" მერე დაეწყოთ "იზმენა" _ თბილისისკენ მოიწევს მტერი, არიქა, დანები და ჩანგლებიო…

მამაჩემი კი ხუმრობდა მაშინ, მაგრამ ბაქრაძე და ნაცები არ ხუმრობდნენ _ რა ევახშმებოდათ, გამზადებული ჰქონდათ გუდა-ნაბადი, წითელ ხიდზე იყვნენ გამწკრივებული გასაქცევად და ჩვენ მოგვიწოდებდნენ შეასკდით რუსის ჯარსო.

ვთქვათ და, მართლა გამოსულიყო ხალხი, რაც ნაცების ყველაზე დიდი მიზანი იყო, მაშინ დაიწყებოდა მშვიდობიანი ქართველი მოსახლეობის ხოცვა-ჟლეტა რუსული ჯარის მიერ, რასაც მსოფლიოში მოჰყვებოდა რუსეთის მიერ ქართველთა გენოციდზე აჟიოტაჟი და წამოვიდოდა კომპენსაციები, რაც ისევ მათ ჯიბეში ჰპოვებდა ნავსაყუდელს… 

მოკლედ, ესენი ქართველების სიცოცხლის ხარჯზე მდიდრდებოდნენ, რის გამოც არა მხოლოდ ავანტიურისტული ომი წამოიწყეს, არამედ, როგორც ამბობდნენ, ჯანმრთელ ხალხს ხოცავდნენ და მათ ორგანოებს ყიდდნენ.

ახლა ირკვევა, რომ, მაშინ, როცა ბაქრაძე და პარლამენტის ნაცი წევრები ხალხს რუსეთის წინააღმდეგ სისხლისღვრისკენ მოუწოდებდნენ, სწორედ იმ პერიოდში თურმე თვითონ ფინანსური მაქინაციებით იყვნენ დაკავებული.
აღმოჩნდა, რომ აგვისტოს ომის პერიოდში დავით ბაქრაძემ და მისმა მეუღლემ მაკა მეტრეველმა უცხოური ბანკის HBDC ბანკის ანგარიშზე 276 000 გირვანქა სტერლინგი, ანუ 800 000 ლარი გადარიცხეს.

2014 წელს საქართველოს პროკურატურამ ამ ფინანსურ მაქინაციაზე საქმე აღძრა, რადგან ბაქრაძის და მისი მეუღლის ქონებრივ დეკლარაციაში არ იყო მითითებული საიდან შეიძლებოდა მათ ჰქონოდათ მითითებული თანხა. 
დაიწყო გამოძიება.

დავით ბაქრაძემ გამოძიებისას შევარდნაძის პერიოდის მოხელეებისთვის დამახასიათებელ მეთოდს მიმართა: თანხა ჩემს სიმამრს ეკუთვნოსო.
ამ ფაქტს ახალგაზრდა იურისტთა ასოციაცია ამბრაზურასავით გადაეფარა და სცადა, დავით ბაქრაძისთვის ჭუჭყიანი ცხვირი მოეწმინდა…
როგორც ვხედავთ, დავით ბაქრაძე იმის მაგივრად, რომ ახლა ციხეში იჯდეს, ბრტყელ-ბრტყელი სიტყვებით გამოდის და აცხადებს, რომ ცუდსა და უარესს შორის არჩევანი კი არ უნდა გავაკეთოთ თურმე, არამედ, "ქართულ ოცნებასა" და "ევროპულ საქართველოს" შორის "ევროპული საქართველოს" სასარგებლოდ…

ისევ გლახა დიაკვნის ალილუიასავით გამომდის, მაგრამ რა ვქნა, უნდა გავიმეორო: ესეც შევარდნაძის ლეკვი იყო და მიშამ, "გიგას დათო", თავის დროზე ედიკას ნაფტალინიდან ამოიღო და მავნე წურბელასავით დაასვა თავზე საქართველოს მოსახლეობას. 
მტერი ალბათ, იცინის ახლა, ბაქრაძე რომ იძახის _ ხუთ წუთში გავზრდი პენსიას 50 ლარითო.

როგორ უნდა ენდო ახლა ამას, კაცს, რომელიც მისი სავიზიტო აფერისტული ღიმილით მიშასთან ერთად პუტინს შეხვდა და მერე ამაყად აცხადებდა: ფრენების, ვაჭრობის, გზავნილების საკითხი რუსეთთან მოგვარდება და სიტუაციის დალაგებას მოვახერხებთ...
კარგით, რა, მართლა... ამას ხმას კი არა, მათხოვარი რომ იყოს, ოც თეთრსაც არავინ მისცემს. "ცრუქაქუნას" ეძახიან გურიაში ბაქრაძისნაირ კაცს.

"ნაცმოძრაობაც" ამნაირი ცრუქაქუნებით არის სავსე და წარმოიდგინეთ, როგორი გაკოტრებული უნდა იყოს, მაგალითად, გიგა ბოკერია, დავით ბაქრაძის ზურგს უკან რომ იმალება და ამ ხერხით ცდილობს თვითონ და მოღალატე ნაცები ქართველი ხალხის კისრებზე შემოსკუპებას.

"ქართული ოცნების" მხარდაჭერილმა კანდიდატმა რომ არ გაიმარჯვოს ამ არჩევნებში, რეალურადაა მოსალოდნელი ნაცების კანდიდატების ვაშაძის ან ბაქრაძის გაპრეზიდენტება, რაც ავტომატურად ნიშნავს ვანო მერაბიშვილის გათავისუფლებას, ბაჩო ახალაიას ციხიდან გამოშვებას, ადეიშვილის, თოფურიძის, ქარდავას, კეზერაშვილის და სხვების დაბრუნებას. განავალში მჯდომი გვარამიას კვლავ გაპროკურორებას და ამათი ბელადის მიშა სააკაშვილის ზარზეიმით ჩამოდორბლებას საქართველოში.

არც ისე ბრიყვები ვართ ისევ კრიმინალებს რომ მოგცეთ საპარპაშოდ საქართველო.
რამ გამახსენა და, "ევროპული საქართველოს" წევრი ყბადანგრეული გივია თარგამაძე სადაა, ნეტა, რატომ არ ჩანს ამათ გვერდით?
სავარაუდოდ, ისიც ჩრდილშია გარკვეულ დრომდე, სანამ, მათი აზრით, გააპრეზიდენტებენ ან "ულვაშიან ტარაკანას", ან ცრუქაქუნა "გიგის დათოს".

ირანდა კალანდაძე

მეტის ნახვა
24-10-2018, 19:00


დღვეანდელი ვითარება ძალიან გავს შევარდნაძის დროინდელს. შევარდნაძის დროს თუ შაოსანი დედები წყვეტდნენ საკითხებს, დღეს შვილმკვდარი მამების „ფენომენი“ მოგვევლინა. აქვე აღვნიშნავ, მტერსაც კი არ ვუსურვებ შვილის სიკვდილს მოესწროს და როცა ხორავას ქუჩის ტრაგედიის შესახებ ინფორმაცია გავრცელდა, მეც, ისევე როგორც სრულიად საქართველო, შეძრული ვიყავი. შვილმოკლულ ოჯახებს, რომელთა შვილები მეგობრებს შორის საქმის გარჩევას შეეწირნენ, ბოლომდე ვგულშემატკივრობდი. დღესაც მათი ამ დიდი, მოუშუშებელი ტკივილის გახსენება მზარავს, თუმცა მას შემდეგ რაც ხორავას ქუჩის ტრაგედია აქ მოკლული ბავშვის მამამ პოლიტიკაში გადაიყვანა და შესაბამისად შვილის სული საბურთაოდ გახადა, მას, ამ შვილმოკლულ მამას, უკვე ვეღარ განვიხილავ როგორც მხოლოდ შვილმოკლულს. ის, იმ „შაოსანი დედების“ „ინსტიტუტს“ დაემსგავსა, რომელიც მისმა შემქმნელმა საჭირო დროის საჭირო მომენტში გააქრო…

„ნაციონალური მოძრაობის“ მიერ მართულ „შვილმკვდარი მამების“აქციაზე ნაცხროვის სახელმწიფოს წინააღმდეგ მომართული მიზანი აშკარად იკვეთება. ძალზედ სამწუხაროა მშობლისთვის და საზოგადოებისთვის ახალგაზრდის სიკვდილი, ფაქტია, რომ სარალიძის შემთხვევაში მისი შვილი და ლევან დადუნაშვილი ბულინგის გამო საქმის გარჩევას შეეწირენ. აღსანიშნავია ის ფაქტიც, რომ რიგი ობიექტური მიზეზების გამო დადუნაშვილის მშობლები არ დგანან სარალიძის მამის გვერდით და ნაცხროვას დაღუპული შვილით სპეკულაციის საშუალებას არ აძლევენ. სამაგიეროდ ზაზა სარალიძეს სხვადასხვა დროს მხარდასაჭერ აქციაზე გვერდს უმშვენებდა სააკაშვილის ცოლი სანდრა რულოვსი, დედა-გიული ალასანია, ძმა-დავით სააკაშვილი, ბიძაშვილი-ნიკა ალასანია და სხვა მსხვილ-წვრილფეხა ზონდერ- ნაცები რომლებიც ცხრა წლის მანძილზე კლავდნენ, აუპატიურებდნენ, ქონებას ართმევდნენ, ათას სიბინძურეს სჩადიოდნენ და შიშის ზარს სცემდნენ საზოგადოებას. სარალიძემ მშვენივრად იცის ვინ არის და რას წარმოადგენს მისი ნათესავი თუ ახლობელი ზვიად კუპრავა, მაგრამ სავარაუდოდ ის არ იცის როგორ ექცევიან ნაცები „გამოყენებულ“პერსონებს. ვიღაც-ვიღაცეები იმასაც ამბობენ, რომ თითქოს პოლიტიკა არაფერ შუაშია და მხოლოდ მკვლელების დასჯას მოითხოვენ, მაგრამ მკვლელების გარემოცვაში რომ დგანან, ვერ ამჩნევენ?! მკვლელების გაპროტესტებული მკვლელობა და დაუსჯელი დამნაშავეების აღდგენილი სამართლიანობა არ არსებობს! გასაგებია, რომ ტრაგედია მოხდა, მოუნელებელი ტკივილია მშობლისთვის შვილის დაკარგვა, მაგრამ მიუღებელია შენს ტრაგედიას სახელმწიფო გადააყოლო, პოლიციას აგინო, აფურთხო, გამოიწვიო, ყველა წითელი ხაზი გადაკვეთო და არასერიოზული პოლიტიკური განცხადებები აკეთო. აშკარად ჩანს, რომ პროცესები ხელისუფლებაში დაბრუნების სურვილით შეპყრობილი ნაცხროვის მიერ იმართება… საინტერესოა ნაცების ზეობის პერიოდში, რომ მომხდარიყო ეს ტრაგედია ზაზა სარალიძე ხმის ამოღებას გაბედავდა?სწორედ მის გვერდზე მდგარი ზონდერების მიერ ჩადენილი მკვლელობების გადასაფარად ხდება ის რაც ხდება. ყველას ახსოვს „სანაქებო პოლიციელების’ და „უძლეველი სპენაზელების“ მიერ აფრასიძეების ოჯახის მძიმე ტექნიკით განადგურება, ბუტა, სანდრო და სხვა უამრავი უდანაშაულო ახალგაზრდა რომლებიც უმოწყალოდ ჩახოცეს და დღესაც არ გამოუძიებიათ ძირფესვიანად. ასევე ნაცრეჟისორების მიერ დადგმული მუხროვანის ამბოხი და ჩაცხრილული გია კრიალაშვილი დაჭრილ მეგობრებთან ერთად…რუსეთის ვითომ ჯაშუშებისგან გაუპატიურების და წამების შედეგად მიღებული ჩვენებები და გაუგონარი წნეხი პოლიტიკური ოპონენტების და არასასურველი ხალხის მიმართ.

სწორედ ეს ყველაფერზე წამსვლელი, ამაზრზენი ნაცხროვა დგას დღეს ზაზა სარალიძის გვერდით და საფრთხეს უქმნის ჩვენს სახელმწიფოს. ზაზა სარალიძესთან ერთად პანკისის ხეობაში ჩატარებული სპეცოპერაციისას სასიკვდილოდ დაჭრილი თემირლან მაჩალიკაშვილის მამაც შვილის მკვლელის დასჯას მოითხოვს და კატეკორიულად უარყოფს, რომ მის ვაჟს, თემირლან მაჩალიკაშვილს კავშირი ჰქონდა 2017- წლის ნოემბერში, თბილისში განეიტრალებულ ახმედ ჩატაევის ჯგუფთან და შვილის მკვლელობაში სახელმწიფო უსაფრთხოების სამსახურის წარმომადგენლებს ადანაშაულებს. მიმდინარე წლის აპრილში ხელისუფლების მიმართ მაჩალიკაშვილის ოჯახს, ახლობლებს და ხეობის მაცხოვრებლებს შემდეგი ძირითადი მოთხოვნები ჰქონდათ-თემირლან მაჩალიკაშვილის ოჯახისთვის დაზარალებულის სტატუსის მინიჭება; თემირლან მაჩალიკაშვილის უდანაშაულოდ აღიარება; თემირლან მაჩალიკაშვილის მკვლელობის საქმეზე დამნაშავეთა დასჯა. შემდეგ გაიჟღერა მუქარამ, რომ თუ დამნაშავეები არ დაისჯებიან, „საქართველო პანკისის ხეობას დაკარგავს“. აღსანიშნავია ის ფაქტი, რომ პანკისში სპეცოპერაციის დროს დაჭრილი 19- წლის თემირლან მაჩალიკაშვილის ავსტრიაში სამკურნალოდ გადაყვანა ავსტრიის შინაგან საქმეთა მინისტრმა შეაჩერა. აღნიშნულის შესახებ ინფორმაცია ავსტრიულმა გამოცემამ გაავრცელა. სახელმწიფო უსაფრთხოების სამსახურმა გაასაჯაროვა ვიდეომასალა და ინფორმაცია, რომლის საფუძველზეც სუს-ის განცხადებით, „დადგენილია“ კავშირები ტერორიზმში ბრალდებული ახმედ ჩატაევის ჯგუფსა და 26- დეკემბერს პანკისის ხეობაში სპეცოპერაციის შედეგად დაკავებულ საქართველოს ხუთ მოქალაქეს შორის, რომლებსაც ბრალად ტერორისტული საქმიანობის ხელშეწყობა ედებათ. მალხაზ მაჩალიკაშვილი ირწმუნება, რომ სპეცოპერაციას სუს-ის ყოფილი უფროსის მოადგილე სოსო გოგაშვილი ხელმძღვანელობდა და სწორედ მისი მითითებით ჩაუდეს მის დაჭრილ შვილს ყუმბარა, სუსის უფროსმა ვახტანგ გომელაურმა აღნიშნულთან დაკავშირებით განაცხადა-„შემიძლია თამამად ვთქვა, რომ დუისში, სპეცოპერაციის დროს, ჩემი არცერთი მოადგილე არ იმყოფებოდა“ — საკუთარ ფეისბუქ გვერდზე მალხაზ მაჩალიკაშვილი იგივე (ვახა ტერლოევი) სისტემატიურად აქვეყნებს, იოსებ გოგაშვილის ფოტოს და მას, მისი შვილის, ისლამური სახელმწიფოს მებრძოლ ტერორისტებთან აქტიურ ურთიერთობაში მყოფ, ასევე ტერორიზმში ეჭვმიტანილი თემირლან მაჩალიკაშვილის ლიკვიდაციას აბრალებს. სოსო გოგაშვილის გადადგომის შემდეგ მალხაზ მაჩალიკაშვილმა განაცხადა- „გადადგომით ეს არაფერს არ ნიშნავს, გოგაშვილი უნდა დაისაჯოს იმ სასტიკი დანაშაულისთვის. ის უნდა დაისაჯოს, გომელაურიც უნდა დაისაჯოს. ჩემთვის მაგათი გადადგომა და გადაყენება არაფერს არ ნიშნავს იმიტომ, რომ მათ აქვთ ჩადენილი საუკუნის დანაშაული. მე კი ვიცი, რომ ეს საუკუნის დანაშაულია, ამას იძახის დღეს მთელი მსოფლიო.“

მალხაზ მაჩალიკაშვილი ადრეც დაემუქრა ქართულ სახელმწიფოს „სახელმწიფო უსაფრთხოების სამსახურის“ წინ ტერაქტის მოწყობით და საკუთარ თანამოაზრეებთან ერთად თავის აფეთქებით, თუმცა შემდეგ აღნიშნული განცხადება საკუთარ მღელვარებას გადააბრალა და ტერაქტის მოწყობის სურვილი უარყო. “პარტია ქართული ოცნება — დემოკრატიული საქართველოს” წევრი, პალამენტარი გიორგი ბეგაძე მალხაზ მაჩალიკაშვილის მუქარას, იოსებ გოგაშვილის ოჯახის განადგურების შესახებ სოციალურ ქსელში გამოეხმაურა:“უამრავი ადამიანი დგას ჩვენი ქვეყნის სამსახურში და ემსახურება თავის სამშობლოს. მუქარა ასეთი ადამიანების მიმართ არის დაუშვებელი!!!სოსო გოგაშვილი გამორჩეული ადამიანია, რომელიც ემსახურებოდა და ემსახურება ჩვენს ქვეყანას! მან უამრავი საფრთხე და რისკი ააცილა ჩვენს სახელმწიფოს! ის არის ჩვენი ქვეყნის პატრიოტი და ერთგული ადამაინი. იოსებ გოგაშვილის და მისი ოჯახის წევრების წინააღმდეგ ასეთი ღია მუქარა ეხება მთელ ქვეყანას!!!” დიახ, ასეთი ღია მუქარა ეხება მთელს ქვეყანას და სახელმწიფოს წინააღმდეგ მიმართული დანაშაული დაუსჯელი არ უნდა დარჩეს. სახელმწიფომ კი მკაცრი ზომები უნდა მიიღოს მათ მიმართ ვინც პოლიციელებს აგინებს და აფურთხებს. საზოგადოებას ისედაც არ აკლია ნიჰილიზმი და არ ჭირდება სახელმწიფოს მიერ დაუცველი და გაწირული პოლიციელის თუ სპეცსამსახურის თანამშრომლების ღირსების შელახვის ყურება.

ნაცხროვა დღეს, რომ „შვილმკვდარი მამების“ პროტესტს „ამაგრებს“ არცთუ შორეულ წარსულში მომხდარ მოვლენებს შევახსენებ: 2012- წლის აგვისტოს ბოლოს ლაფანყურში ცამეტი კაცის სიცოცხლე შეეწირა (ლოპოტის ხეობაში ჩატარებულ სამხედრო სპეცოპერაციას ათი მეომარი ემსხვერპლა, მათ შორის ორი საქართველოს მოქალაქე), აგრეთვე ორი სპეცდანიშნულების რაზმის წევრი და ერთი სამხედრო ექიმი.შინაგან საქმეთა იმდროინდელმა მინისტრის მოადგილის, გია ლორთქიფანიძის, სახელმა ლაფანყურის საქმეში მოგვიანებით გაიჟღერა, როდესაც საზოგადოებისთვის ცნობილი გახდა, რომ ლოპოტის ხეობაში დახოცილი მეომრები ჩრდილო კავკასიიდან შემოსული “ბოევიკები” კი არა, საქართველო-დაღესტნის საზღვრისკენ მიმავალი ქისტი ახალგაზრდები იყვნენ. პანკისის ხეობაში ამბობდნენ, რომ ისინი (და არა მარტო ისინი) სწორედ გია ლორთქიფანიძემ ჩამოიყვანა, რომლებსაც შემდეგ რამდენიმე თვე კახეთში, შაქრიანის ბაზაზე ამზადებდნენ და დაღესტანში გადასასვლელად დერეფანსაც სწორედ ის დაჰპირდაო. შინაგან საქმეთა მინისტრის მოადგილის გარდა, სახელდებოდა მისი ძმა, დავით ლორთქიფანიძეც, რომელიც იმ დროს კონსტიტუციური უსაფრთხოების დეპარტამენტის კახეთის სამხარეო სამმართველოს უფროსის მოადგილე იყო.მალე ლაფანყურის მოვლენებს გამოეხმაურა კავკასიის იმარათი — გაავრცელა განცხადება, რომელშიც მომხდარს კარგად დაგეგმილი პროვოკაცია უწოდა. განცხადებაში ნათქვამი იყო, რომ ამ საქმეს აუცილებლად გამოიძიებდნენ და ღალატის დამტკიცების შემთხვევაში გია ლორთქიფანიძესა და მის თანამოაზრეებს სასჯელი არ ასცდებოდათ (სასჯელმაც ძაან დააგვიანა)აღმოჩნდა, რომ შინაგან საქმეთა სამინისტრო გარკვეული თანხის საფასურად ჩრდილოკავკასიელ მებრძოლებს საქართველო-დაღესტნის საზღვრის უსაფრთხოდ გადაკვეთის გარანტიას აძლევდა, აღარც ექსპერტები უარყოფდნენ. თუმცა გია ლორთქიფანიძე ამ ინფორმაციას აბსურდულს უწოდებდა და მოსახლეობას არწმუნებდა, ლაფანყურის მოვლენებთან საერთო არაფერი მაქვსო. საბოლოოდ, შურისძიების მომლოდინე ჩეჩნებიც და ჩვენი საზოგადოებაც ლაფანყურის საქმის გამოძიების დასრულებას ელოდნენ, მოულოდნელად, 2013 -წლის 15- აპრილს “ფეისბუკში” გამოჩნდა საქართველოს შინაგან საქმეთა სამინისტროს კონსტიტუციური უსაფრთხოების დეპარტამენტის ყოფილი უფროსის, დათა ახალაიას განცხადება, სადაც ამხილა გია ლორთქიფანიძე. – "სრული ლი პასუხისმგებლობით ვაცხადებ: გამაჩნია მტკიცებულებები, რომ ლაფანყურის ავანტიურა ჩემი ძმის, ბაჩო ახალაიას (ის შინაგან საქმეთა მინისტრად ახალი დანიშნული იყო..) წინააღმდეგ დაგეგმა და გიორგი ლორთქიფანიძის ხელით განახორციელა ვანო მერაბიშვილმა, გაწირა რა ჩვენი თანამებრძოლები, უკიდურესად დაგვიძაბა ურთიერ- თობა ჩვენს ქისტ ძმებთან, რეალური საშიშროების წინაშე დააყენა ქვეყნის უსაფრთხოება და ქვეყნის იმიჯი”. აღნიშნულმა განცხადებამ ლახვარი ჩასცა ნაცლიდერებს. ისინი ჯიუტად ამტკიცებდნენ, რომ სოციალური ქსელებით გავრცელებული განცხადების ტექსტი დათა ახალაიას არ ეკუთვნოდა. თუმცა საწინააღმდეგოს ამბობდა მისი ადვოკატი ირაკლი ზაქარეიშვილი — განცხადება მართლაც დათა ახალაიას დაწერილიაო, რაც კვლავ უარყო გია ლორთქიფანიძემ. მან მედიას განუცხადა, რომ თანამშრომლობდა ლაფანყურის საქმის საგამოძიებო ჯგუფთან და სიმართლე მალე გახდებოდა ცნობილი…

ნაცმოძრაობის სამართალდამცავები ყელამდე სიბინძურეში იჯდნენ დანა ჩანგლით მიირთმევდნენ ფეკალიებს. აჭარის კუდის უფროსმა პატარი- ძემ „ვერხუშკების“დავალებით ერთი „მტრის“მოშორება თავის ძმას დაავალა და არცთუ ცოტა თანხა გაატანა ჩეჩენ ქილერებთან რომლებმაც „ობიექტი“, რომ გაიკითხეს არ აღმოჩნდა „გასასაღებელი“და დამკვეთი კუდის უფროსის ძმა გაიკუზა, სოლიდური თანხაც „აახიეს“და კარგადაც ანერვიულეს ნაცჯეელები. კიდევ უამრავი ფაქტის გახსენება შეიძლება რომლებიც ლორთქიფანიძის და მერაბიშვილის„რეჟისურით“ხორციელდებოდა. ლორთქიფანიძის კრიმინალურ დაჯგუფებებს ხშირად აშუქებდა ოდესის მედიაც…ყოფილი ნაცი, რომ არ არ- სებობს რამოდენიმე დღის წინ კიდევ ერთხელ დაამტკიცა დამარცხებული ხალხის ტელევიზიამ. როცა მირზა სუბელიანის და ორი პირის ფარული ჩანაწერი გამოაქვეყნა. სუბელიანი აღნიშნულ ჩანაწერში ლამის ბასტილიის აღებას აღიარებს, თან დაუსაბუთებლად ტრაბახობს, რომ ყველგაყველა „გასატანი ს.ს საქმე თვითონ მოუკვარახჭინებია. ეტყობა დიდხანს იფიქრა „სცენარისტმა“რომელი კონკრეტული ქმედებები უნდა დაფიქსირებულიყო ჩანაწერში საზოგადოება კარგად, რომ აღშფოთებულიყო. თან, ნაცყოფილი ფაქტიურად ხელისუფლებას და კონკრეტულ ადამიანებს „მესიჯს უგზავნის“.

ეჰ, რუსთავი-2 რაღაც ვეღარ დგამს ძველებურ სპექტაკ- ლებს ხალხი ქუჩაში, რომ გამოიყვანოს, სოციალურ ქსელში მაგრად ღადაობენ მათ სცენარებზე და ერთხმად აღიარებენ, რომ მეგის ქარდავას უკეთესად გამოდიოდა ხალხის „დაგოიმება“…პირველ არხთან საუბარში ვიქტორ ჯაფარიძემ მირზა სუბელიანთან შეხვედრა გაიხსენა და აღნიშნა, რომ მას საპატიმროში რამდენჯერმე შეხვდა.„მირზა სუბელიანთან მისი მოთხოვნით ვიყავი, მაგრამ მისი ნალაპარაკები სერიოზულად არ ჩამითვლია. როგორ შეიძლება, ამის სერიოზულად ჩათვლა? სამარტოო საკანში ზის და კარგად ვერ არის, ეს ადამიანი დიდი სტრესის ქვეშაა. ამიტომ, მისი ნასაუბრები სერიოზულად ვერ მივიღე. მსგავსი საუბარი იყო, მაგრამ რა მიჭრეს და მოჭრეს, არ ვიცი. უბედურებაა, რომ პატიმრის სანახავად შევედი და ეს ვიღაცამ ჩაიწერა.

შეხვედრას მისი მეგობარი ესწრებოდა, გვარი არ მახსოვს. მისი და ოჯახის მოთხოვნით შევხვდი. რეებს ლაპარაკობს, მისი საუბარი სერიოზულად არ მივიჩნიე. აბა, ამ ქვეყანაში ყველაფერი მირზა ყოფილა. ვუთხარი, სამარტოო საკანში რატომ არის და ვურჩიე, ვინმესთან ერთად დაჯექი, არ გაგიჟდე-თქო. გონს მოდი-თქო, ისიც ვუთხარი.

სოციალური ქსელის ერთ-ერთმა მომხმარებელმა კი ასეთი პოსტი „გამოაცხო“რომლის შინაარსაც დიდი უმრავლესობა იზიარებს და უხამსად დაცინის სპექტაკლის ავტორებს „ვისაც მართლა გონია რომ ვიღაც სუბელიანს მართლა 50 კაციანი ბანდები ყავდა, ვაი მაგათ პატრონს… უდესიანის და ბასიშვილის ბანდებს მოკითხვა… ვის დაკარგვია სუბელიანი ან ვის დაეკარგა, ისევ ნაცებს, მარა რაღაც ვერ მართეს ბოლოს, მძაფრსიუჟეტიანი არ გამოვიდა… ხო ისიც მაგარი იყოო ყოფილმა პროკურორმა გვარამია ნიუკუტიამ რომ ბრძანა ვანო ნაკაიძემ 5 მილიონი გადაუხადა თბილისის პროკურორს დისშვილის საქმეზოო, ხოო 5 მილიონი გადაიხადა ივანე ნაკაიძემ მისი დისშვილი რომ 8 წლიან,, სროკზე,, წასულიყოო ხორავას ქუჩის საქმეზე… ვინც შენ იურისტობა დაგაბრალა ვაიი მაგის ტვინს და ვინც შენ კაცად აღგიქვა საერთოდ…

მოკლედ, ძალიან წვალობს ნაცსექტა როგორმე ქუჩაში ხალხი გამოიყვანოს. თბილისი არც იდგა და არც ეხლა დადგება ნაცხროვის გვერდით რაიონებიდან ჩამოყვანილი ხალხი კი „ხარჯიანია“ასე, რომ ფარული ჩანაწერებს, სპექტაკლებს და დამარცხებული ტელევიზიის შოუს ვადა გაუვიდა, ვადა გაუვიდა ნაცხროვასაც…

და ბოლოს, სამშობლო არც ხაჭაპურია და არც ძროხა, სამშობლო სხვა რამეა და ეს არც სარალიძემ იცის და არც მისმა „პადელნიკმა“ ნაცხროვამ. სარალიძემ ისიც არ იცის, რომ ნაცსექტა მას საჭირო დრომდე, საჭირო მომენტამდე გამოიყენებს და მერე, ასევე საჭირო დროს სარალიძის შვილი, რომელიც ხელისუფლებამ კი არა, საკუთარმა მეგობრებმა საქმის გარჩევის დროს მოკლეს, დაავიწყდებათ…


ქეთევან ზარნაძე

მეტის ნახვა
24-10-2018, 16:00


რაც უფრო ახლოვდება საპრეზიდენტო არჩევნების დღე, მით უფრო განიცდის, ნერვიულობს და შუაზე იპრიწება “ნაციონალური ხუხულა”. რაც გინდათ, ის თქვით, ამ ხუხულაში გაერთიანებულ ავანტიურისტებს შეუძლიათ, თავიანთ დარდაკულ ჭკუაზე ატარონ ტელევიზიების, გაზეთებისა და ინტერნეტ გამოცემების უმეტესობა. აღარაფერს ვამბობ საეჭვო წარმომავლობის არასამთავრობოებზე, სადაც კი ერთი დეფექტიანი და მუქთახორაა, ყველა ამ სფეროშია თავმოყრილი. ბუნებრივია, ამ საქმეში დიდი ფული იდება, თორემ სამართლიანობა და მამულის სატკივარი დეფექტიანებს ფეხებზეც არა ჰკიდიათ.

აი, გახურდა წინასაარჩევნო პერიოდი და ამათაც ნახეს საკბილო, ანუ დასვეს სამარადჟამო შეკითხვა: ვინ დაიწყო 2008 წლის აგვისტოში ომი, საქართველომ თუ რუსეთმა? ამ შემთხვევაში “ნაცხუხულელები” იწყებენ და ტელევიზიები ბანს აძლევენ, შემდეგ კი ერთად უნიჭოდ ადიან უნისონში, რაც ბოლოს გადადის ისტერიულ ბღავილში. ვინ დაიწყო ომი? რასაკვირველია, რუსეთმა! – არის პასუხი მეორე, მოწინააღმდეგე მხრიდან, ხელისუფლებიდან, “ქართული ოცნების” წარმომადგენლებიდან, მაგრამ ეს არ ითვლება, ეს სრული სიცრუეა, “მიშმაკებს” აქვთ დავალება, რომ არ უნდა დაიჯერონ. კი, “ოცნების” მომხრეები ამბობენ, ომი რუსეთმა დაიწყოო, მაგრამ სინამდვილეში ისინი პუტინის მონები არიან, უბრალოდ თვალთმაქცობენ. სატელევიზიო გადაცემების, სიუჟეტებისა და ახალი ამბების შინაარსი კი ასეთია:

წამყვანი – ბატონო იმანო, თქვენც ფიქრობთ, რომ 2008-ში ომი საქართველომ დაიწყო?
- არა, როგორ გეკადრებათ!
წამყვანი – აჰ, ესე იგი, საქართველომ დაიწყო, ხომ?
- არა-მეთქი, არა, რუსეთმა დაიწყო, უბრალოდ მაშინდელი ხელისუფლება პროვოკაციაზე წამოეგო!
წამყვანი – გამოდის, საქართველომ დაიწყო და არა რუსეთმა.
- არა, ომი რუსეთმა დაიწყო, თანაც ბევრჯერ!
წამყვანი – რას ჰქვია, ბევრჯერ, თვალებზე გეტყობათ, რომ ბევრჯერ დამწყებში საქართველოს გულისხმობთ.
- არა, შვილო, არ ვგულისხმობ!
წამყვანი – ბატონო ამანო, თქვენც ასე ფიქრობთ, რომ ომი საქართველომ დაიწყო?
- არა, მე ვფიქრობ…
წამყვანი – აჰ, გასაგებია, ესე იგი, საქართველომ დაიწყო.
- არა!
წამყვანი – აბა, სალომე ზურაბიშვილმა რომ თქვა, საქართველომ დაბომბაო?
- არ უთქვამს ასე!
წამყვანი – როგორ არა, თქვა, ვიდეო ვნახე.
- მან თქვა, ომი რუსეთმა დაიწყო და საქართველო ამ ომში ჩაითრიესო!
წამყვანი – თუ ჩაითრიეს, გამოდის, საქართველომ დაიწყო.
- არა, დაწყება სხვა რამეა, ჩათრევა კიდევ სხვა რამე!
წამყვანი – როგორაა სხვა რამე?
- აეგრე, სხვა რამეა!
წამყვანი – არ არის სხვა რამე, ქალმა თქვა, რომ ჩვენ დავბომბეთ.
– თქვენ არ გესმით, რას გეუბნებით?!
წამყვანი – კი, მესმის, თქვენ აცხადებთ, რომ საქართველომ მძინარე ცხინვალი დაბომბა.
- არა, ქალოვ და კაცოვ, არა-მეთქიიიი!!!
- აჰ, კარგი, იყავით ამ აზრზე, მე სხვანაირად ვფიქრობ… თუ გნებავთ, აგერ, დავით ნებიერიძეს ვკითხოთ, ფრიად განათლებულ ადამიანს, რომელსაც ინტელექტი კოსტუმის ჯიბიდან მოუჩანს წითელი “პლატოკის” სახით.
- დიახ, ეს მოღალატეები!
წამყვანი – თქვენ ფიქრობთ, რომ სალომე ზურაბიშვილი მოღალატეა?
- ვფიქრობ კი არა, ასეა!
წამყვანი – რატომ?
- იმიტომ, რომ თქვა, ომი საქართველომ დაიწყოო!
წამყვანი – აჰ, სწორედაც რომ ასე თქვა და ნეტავ რატომ?
- ეგ გიკვირთ?
წამყვანი – არ მიკვირს, უბრალოდ შეკითხვას ვსვამ, რომელიც საზოგადოებაში არსებობს.
- ჰო… ეს მოღალატეები!!!
წამყვანი – აი, ხედავთ, ბატონებო, იმანოვ და ამანოვ?
- ჰმ… რას ვხედავთ, ეს ვინ ჩემი ფეხებია?!
წამყვანი – თქვენ ამბობთ, რომ ომი საქართველომ დაიწყო.
- არ ვამბობთ!
წამყვანი – ამბობთ, როგორ არა.
- არაააააა!!!
წამყვანი – კარგი, თქვენი პასუხი აღარ მაინტერესებს, რეკლამაზე უნდა გავიდეთ.
- მოიცააა… იცი, რას გეტყვით?
წამყვანი – რას, ესე იგი, მიდასტურებთ, რომ ცხინვალი ჩვენ დავბომბეთ, ხომ?
- არააააა!
წამყვანი – კარგი, თქვით, გაძლევთ საშუალებას, მე დემოკრატი წამყვანი გახლავართ.
- იცით, რას გეტყვით?!
წამყვანი – გამოდის, ომი საქართველომ დაიწყო, ძალიან სამწუხაროა. რეკლამაზე გავდივართ, მეგობრებო!

ამ თემაზე სასაუბროდ ტელესტუდიებში “ნაცხუხულიდან” მიჰყავთ ისინი, რომლებსაც ყველაზე მეტად აქვთ შუბლის ძარღვი გაწყვეტილი და კუჭი აშლილი, ვისაც ყველაზე მეტად შეუძლია ბღავილი, ვისაც ყველაზე მეტი წითელი წიწაკა აქვს ნაჭამი და ვისაც ყველაზე მეტად შეუძლია შეურაცხყოფის მიყენება ნებისმიერი ადამიანისთვის. მათი ტერმინოლოგია ერთნაირია: “პუტინის მონები”, “კაგებეს აგენტები” (საცოდავებმა არც კი იციან, რომ კაგებე აღარ არსებობს), “რუსეთუმეები”, “მოღალატეები” და ასე შემდეგ. კაცმა რომ თქვას, ჩამოთვლილი ყველა “წოდება” ყველაზე მეტად მათ კანდიდატს, ამხანაგ გრიქულ… უკაცრავად, გრიგოლ ვაშაძეს უფრო მიესადაგება, მაგრამ ამათი სტრატეგია ბოზი ქალების ტაქტიკიდანაა მოპარული, სხვას რომ ბოზებს ეძახიან ხოლმე. სატელევიზიო სივრცეში დიდი ფულის სანაცვლოდ განგებ შემოჰყავთ არაფრის მაქნისი, უავტორიტეტო და უსახელო ადამიანები, მაგრამ ყველაფერზე ხელის მომწერები – მაგალითად, უცენზო მაია ორჯონიკიძე, ალფონსი დავით ნებიერიძე (რომელიც დღემდე ქალის ხარჯზე ცხოვრობს და ამ ქვეყნისთვის ერთი კენჭიც კი არ გადაუბრუნებია), გიჟმაჟი მეგი გოცირიძე, გაურკვეველი წარმომავლობის ბადრი შუბლაძე (რომელსაც პირდაპირ ეთერში დედას აგინებენ და მაინც იკრიჭება). არ ვიცი, რომელი ერთი ჩამოვთვალო? სტუდიებში ისეთები ბღავიან მორალსა და პატიოსნებაზე, არც ერთი რომ არ გააჩნიათ და არც მეორე. სხვათა შორის, ბოლო დღეებში ძალიან გააქტიურდა გიგა ბოკერიას არნახულად ტემპერამენტიანი კნეინა თამარა ჩერგოლეიშვილი – ის მზად არის, პირდაპირ ეთერში ფეხებიც კი შემოიწყოს მხრებზე და თვალები ამოწიწკნოს მოწინააღმდეგეს. ამისი საუკეთესო მაგალითი გახლდათ მისი სტუმრობა “პირველ არხზე”, მაკა ცინცაძესთან, სადაც საათნახევრის განმავლობაში ოთხი რესპონდენტიდან ხმა არც ერთს არ ამოაღებინა. ცოცხზე გადამჯდარი დედაბერი ხომ გინახავთ მულტფილმებში? სწორედ ასე “დანავარდობს” და არავის აძლევს საშუალებას, საკუთარი აზრი გამოთქვას. ქალბატონმა “ჩერგო” პირდაპირ პირში ჩაუძვრა გოგა ხაინდრავას, რომელიც იჯდა და იცინოდა, სხვა გზა აღარ დარჩენოდა. მეორე დღეს იგივე “ჩერგო” “ტვ პირველის” სტუდიაში “გაიჩითა” და იგივე გაიმეორა – ისევ გადაჯდა ცოცხზე. მართალია, ის “ნაცხუხულელებზე” იძახის, გოიმები არიან, ყველანი თავიანთ ბელადს დაემსგავსნენო, ჩვენ ახლა ევროპიელები გახლავართო, მაგრამ ვისაც ეგ გჯერათ, გაგატარებთ, არ არი პრობლემა.

ჩვენ აფხაზეთი დავკარგეთ 1993 წელს, 25 წლის წინ. ამას მოჰყვა სამაჩაბლოს დაკარგვა. 2008 წელს, 10 წლის წინ დავკარგეთ კოდორის ხეობა, რომელსაც (რატომღაც) ზემო აფხაზეთი უწოდა მიხეილ სააკაშვილმა. ამავე წელს დავკარგეთ ახალგორის რაიონი – სულ 135 სოფელი, რომელსაც სააკაშვილმა ქვების გროვა უწოდა. დიახ, ქვების გროვა დავკარგეთ, მეტი არაფერიო. მთელი 25 წელიწადი გავიდა, ჩვენ კი დღესაც იმაზე ვყბედობთ, ვინ დაიწყო ომი და… ერთმანეთს მოღალეტეებს ვეძახით. ისაო, ჩვენ ისეთი გარემო უნდა შევქმნათ დანარჩენ საქართველოში, რომ აფხაზებსა და ოსებს თავადვე მოუნდეთ შემოერთებაო. ტყუილი! აქეთ ისეთი ომი გვაქვს გაჩაღებული, ვის და რატომ უნდა მოუნდეს, შემოერთება?!

და მაინც… ვინ დაიწყო ომი? 1801 წლიდან მოყოლებული, საქართველოს წინააღმდეგ ყველა ომი დაიწყო და დაამთავრა რუსეთმა. ჩვენ არ გვქონდა, არ გვაქვს და ალბათ კაი ხანს არც გვექნება ომის დაწყებისა და დამთავრების ტრაკი. ჩვენ რომ მაგდენი შეგვეძლოს, თავზე დავიმხობდით სამყაროს და მესამე ან უკვე მეოთხე მსოფლიო ომი გვექნებოდა გაჩაღებული. საუკეთესო შემთხვევაში, ჩვენი ხელგარჯილობით, კაცობრიობა ისევ ირბენდა წვეტიანი ჯოხებით. უარეს შემთხვევაში – დედამიწა იტრიალებდა უკუღმა!

რა მოხდა აფხაზეთში? მოხდა ის, რასაც დიდი ხნის განმავლობაში ველოდით. აფხაზებს, ანუ ე.წ. აფსუებს არასოდეს ვეპიტნავებოდით რუსული პროპაგანდა მთელი ძალით მუშაობდა ჯერ კიდევ სოციალიზმის პერიოდში – ჩვენ მათთვის ყოველთვის ვიყავით მტრები. 1981–1983 წლებში ვმსახურობდი ვლადივოსტოკში, წყნარი ოკეანის ფლოტში, სადაც ასევე მსახურობდა რამოდენიმე აფხაზი. ისინი არ მეგობრობდნენ ქართველებთან, აშკარად ეტყობოდათ ზიზღი. რუსი ოფიცრები ცდილობდნენ, მკვეთრად განეცალკევებინათ ჩვენგან არა მხოლოდ აფხაზები, მეგრელებიც. მათ შთააგონებდნენ, რომ იყვნენ “მენგრელცი”. თუ ქართველები რამეს დავაშავებდით, არ სჯიდნენ, თქვენ ქართველები არ ხართო. როდესაც საქმე ეხებოდა ე.წ. ჰაუპტვახტს, ანუ დროებით პატიმრობას, შიშის გამო ბევრი ამას ჭამდა და აღიარებდა, რომ მართლაც არ იყო ქართველი. ალბათ, ბევრს გახსოვთ, როგორ ვითარდებოდა მოვლენები 1993 წლამდე, აფხაზებს არ სიამოვნებდათ ქართულ ენაზე საუბარი, ეს კუთხე მთლიანად გადასული იყო რუსულ ენაზე. ხშირად მხვდებოდნენ ადამიანები ქართული გვარებით, რომლებმაც არ იცოდნენ მშობლიური ენა. მახსოვს, ერთხელ გაგრაში, ქუჩაში მომავალ ბიჭებს ასანთი ვთხოვეთ. იუკადრისეს, ასანთი კი არა, “სპიჩკა” უნდა გეთქვათო. ლამის დაგვჩეხეს. რომ არა ნაცნობები, ვერ გადავრჩებოდით. საბჭოთა წყობილება, ასე თუ ისე, მაინც ლაგმავდა სეპარატიზმს, მაგრამ ზიზღი ქართველების მიმართ მაინც არსებობდა. როგორც კი დამოუკიდებლობის სიომ დაუბერა, როგორც კი საბჭოთა კავშირმა ნგრევა დაიწყო, ამ ზიზღმა ეგრევე გადმოხეთქა და დიდ ბოროტებად იქცა. თუმცა უნდა ვაღიაროთ, ამაში ჩვენც მიგვიძღვის წვლილი, 1993-შიც წამოვეგეთ პროვოკაციაზე. არ მითხრათ, არაო. აბა, რა უნდოდა ტლუ თენგის კიტოვანს სოხუმში, რომელი ყარამან ყანთელი ეგ გვყავდა? იმჟამინდელმა პრემიერ-მინისტრმა თენგიზ სიგუამ ჩემთან საუბარში არაერთხელ აღნიშნა, რომ ის წინააღმდეგი იყო ჯარის შეყვანისა, კიტოვანი არ უნდა შესულიყო არც რკინიგზის დასაცავად და არც სოხუმის ასაღებად. პრემიერი წინააღმდეგი იყო, მაგრამ შევარდნაძის დასტურით მაინც შევიდა ვითომ რკინიგზის დასაცავად, სინამდვილეში კი აღმოჩნდა სოხუმში. რატომ? იმიტომ, რომ ზოგიერთს ერთი რაღაცა უფუოდა და ღონე ეგონა!

მანამდე იყო ლიხნის ცნობილი ყრილობა, 1989 წლის 18 მარტს აფხაზებმა საბჭოთა კავშირის უმაღლეს ხელმძღვანელობას გაუგზავნეს მიმართვა, ისინი ითხოვდნენ დამოუკიდებელ რესპუბლიკად აღიარებას. ამას მოჰყვა ქართველების მიტინგი დაბა ლესელიძეში, თბილისიდან ჩასულთა ავტობუსებს აფხაზებმა ქვები დაუშინეს. 3 აპრილს სოხუმის ცენტრშიც მოეწყო საპროტესტო აქცია მერაბ კოსტავასა და ზვიად გამსახურდიას მეთაურობით, ქართველები ითხოვდნენ ლიხნის ე.წ. მიმართვის ავტორების დასჯას, მაგრამ ამასობაში საბჭოთა კავშირმაც დაიწყო რღვევა და მოხდა ის, რაც მოხდა.

ისტორიის მოყოლას არ ვაპირებ, ეს ისე გავიხსენე მათთვის, ვისაც სასწაულების სჯერა, ვინც დღეს ქადაგებს, რომ მალე აფხაზები და ოსები თვითონ შემოგვიერთდებიან.

ვინ დაიწყო ომი, თანაც რამოდენიმეჯერ? ვინ უღალატა ერეკლე მეორეს? ვინ წაგვკიდა ოსებს და აფხაზებს ჩვენსავე მიწაზე? ვინ ჩაგვიდო ერთ გოჯ მიწაზე ნაღმები ავტონომიების სახით? რა თქმა უნდა, რუსეთმა!

მერე? რაღა მერე, თუნდაც შაშას და კოლას დაეწყოთ, რა მნიშვნელობა აქვს, მაინც ხომ ჩვენი მიწა დაიფლითა და შემცირდა შაგრენის ტყავივით?
ვინ დაიწყო ომი, როცა ტაო-კლარჯეთი აგვახიეს? არ იცით? რას ჰქვია, არ იცით, დღეს ხომ ჩვენი ტერიტორიების დიდი ნაწილი, ეკლესია-მონასტრები მეგობარი თურქეთის საკუთრებად ითვლება? ვერ გავიგე, რანაირად შეიძლება ჩაითვალოს მეზობელი მეგობრად, თუკი მიწა წამართვა და სკოლებში ბავშვებს ასწავლის, რომ აჭარაც მათია? მაშინ რა გამოდის, ერთი-ორი საუკუნის შემდეგ რუსეთიც მეგობარი გახდება? აგერ მეორე მაგალითი – აზერბაიჯანს საინგილო აქვს წაღებული, მაგრამ ხომ არის მეგობარი? არის!

მაშინ ამიხსენით, რას დარბის ეს ვინმე ქაცარავა საოკუპაციო ზოლში, რას მიდი-მოდის, რა პატრულირებას ანხორციელებს გრიქულ… უკაცრავად, გრიგოლ ვაშაძესთან ერთად? სამწუხაროდ, დღეს საზოგადოებაშიც და ტელეეკრანებიდანაც ისეთები ყელყელაობენ, არც ერთ ომში თითი თითზე რომ არ დაუკარებიათ და ღმერთმა ნუ ქნას, თუ რამე მოხდა, ისევ ჩირგვებში დაიმალებიან!

არა, მართლა ვინ დაიწყო ომი?

რუსეთმა დაიწყო, რუსეთმა, თქვე შობელძაღლებო, მეტი ვინ დაიწყებდა? სამაგიეროდ, თურქეთს არ დაუწყია არასდროს, ის ჩვენი მეგობარია და ამიტომ. არც აზერბაიჯანს დაუწყია, საინგილო ისევ ქართველებმა აჩუქეს ხმლის გაუქნევლად და ტყვიის გასროლის გარეშე. ეგეც მეგობარია და ამიტომ.

ჩვენს ტელეწამყვანებს არ სჯერათ, რომ ომი რუსეთმა დაიწყო, ასე უწერიათ ფულის “პაჩკაზე”, რომელიც ამ საქმისთვის გადასცეს. ჰო, თუ სალომე ზურაბიშვილის მხრიდან, ან სახელისუფლებო წრეებიდან იტყვიან, რომ დამნაშავე რუსეთია, თვალები უნდა დაპრაწონ მრავალმნიშვნელოვნად, დაღლილი სიფათით ზემოთ აიხედონ და არ უნდა დაიჯერონ. სცენარია ასეთი. სამაგიეროდ, ვინმე ქაცარავა უნდა ჩართონ საოკუპაციო ზოლიდან, რომელსაც პარალელურად ტურისტული ბიზნესი აქვს რუსებთან ერთად. დიახ, უნდა ჩართონ და ალაპარაკონ, რომ ამ კვირაში აღარ მოესწრება, მაგრამ იმ კვირის ბოლოს აუცილებლად დაიბრუნებს დაკარგულ ტერიტორიებს. მერე ტელეკამერები უნდა მიუშვირონ ერთ კაცს, რომელიც მავთულხლართებს მოადგება ხოლმე იქითა მხრიდან. ჯერ ერთი, ვერ გავიგე, იქით მხარეს მხოლოდ ეს ერთი ადამიანი დარჩა? მეორეც – აქედან რომ მიადგება ხოლმე ხუთასი კაცი თუ ქალი, არც ერთს არ რცხვენია? ეტყობა, იმ კაცსაც ეგეთი ფუნქცია აკისრია, თორემ როგორ არ დაიღალა ხელის ამდენი ჩამორთმევით? მოკლედ, ამ ქვეყანაში ზოგიერთმა ყველაფერი ბიზნესად აქცია, მათ შორის ოკუპაციაც, თანაც ეს ზოგიერთი ცდილობს, ეს თემა პრივატიზაციით მიისაკუთროს. აი, ისე, ზოგმა საპატრიარქო რომ მიისაკუთრა.

25 წელიწადი გავიდა, ხალხო, ერთი ადამიანის სიცოცხლის თითქმის ნახევარი და ჩვენ ისევ იმაზე ვჩხუბობთ, ვინ დაიწყო ომი, რის დამბრუნებელ-გამმარჯვებლები ვართ, არ გადამრიოთ!

ომი დაიწყეს შაშამ, კოლამ და რუსეთმა, ამით რა იცვლება?!
ახლა არ მითხრათ, ეს სახუმარო თემა არ არისო რც ვხუმრობ!


გელა ზედელაშვილი

მეტის ნახვა
20-10-2018, 15:00


გვესაუბრება აკადემიკოსი, მწერალი ელიზბარ ჯაველიძე:

_ ბატონო ელიზბარ, საპრეზიდენტო არჩევნებამდე ორი კვირა რჩება, ოპოზიცია ხელისუფლების კანდიდატის მიმართ დისკრედიტაციის მცდელობას და ცილისმწამებლურ განცხადებებს არ იშურებს. თქვენ, როგორ შეაფასებთ წინასაარჩევნო პოლიტიკურ მარათონს?

_ ზოგადად, როცა საპრეზიდენტო კანდიდატების სიას გადავხედე და გავიფიქრე: დაიღუპა საქართველო-მეთქი. რიგ კანდიდატებს მართლაც შეიძლება ჰქონდეთ ამ პოსტზე პრეტენზია, მაგრამ დიდ ნაწილს წარმოდგენა არ აქვს რას ნიშნავს პრეზიდენტობა. დღევანდელი გადმოსახედიდან, პრეზიდენტი ვერ განსაზღვრავს ქვეყნის პოლიტიკას, ეკონომიკურ მდგომარეობას, მას არ ძალუძს არც პენსიის და არც სხვა სოციალური დანამატის მომატება. ამ დროს კი, ეს მართლაც კაგებეს აგენტი, ვაშაძე აცხადებს: პენსია 400 ლარი უნდა გახდესო და ასე რომ არ არის, ამაში ბიძინა ივანიშვილს ადანაშაულებს. რა შუაშია, ხალხნო, ივანიშვილი. ბატონმა ბიძინამ რაც საქართველოსთვის გააკეთა, ვაშაძის გვარი და ჯილაგი ამას ვერასოდეს შეძლებს. თავიდან, პირადად, ზურაბიშვილის მომხრე არ გახლდით, მაგრამ ამ ნაძირლების _ "ნაციონალების" და მისი დანაყოფების გამოსვლებს და ქილიკს რომ ვუყურებ, მიჩნდება განცდა, ხმა სწორედ, სალომე ზურაბიშვილს მივცე. ეს პირსისხლიანები რას აღარ კადრულობენ, თურმე, ქალბატონ სალომეს დიდი შეცდომა აღმოუჩინეს: ეს, რა თქვა, ომი საქართველომ დაიწყოო. გამაგებინეთ, რა ხდება, ჩვენ, საქართველოში არ ვცხოვრობთ? ამ რეგვენებს მართლა ჰგონიათ, რომ ქართველმა ერმა მახსოვრობა, ხედვა დაკარგა? აბა, ვინ დაიწყო ომი? დროშებით და გამარჯვების ზეიმით რომ შედიოდა სააკაშვილი ოსეთში, ეს, მე და თქვენ ვიყავით?!

"ქართული ოცნების" საპრეზიდენტო კანდიდატმა ერთი მნიშვნელოვანი განცხადება გააკეთა: "დედა ენაში" იაკობ გოგებაშვილი უნდა დავაბრუნოთო. ატყდა მეორედ მოსვლა, ეს რა თქვაო. განა, ეს ტყუილია? ეს სამართლიანი აზრი, ჭეშმარიტებაა. მთავარი რამაც ნერვები მომიშალა შემდეგი გახლავთ: ეს ბაღლინჯო, სააკაშვილის ტკიპა ნიკა გვარამია რომ გამობრძანდა და განაცხადა: ვინც ზურაბიშვილს მისცემს ხმას დავიმახსოვრებ და სამაგიეროს გადავუხდიო. ამ გათახსირებულების, სისხლისმსმელების გასაგონად საჯაროდ ვაცხადებ: ხმას ვაძლევ სალომე ზურაბიშვილს. აბა, მოვიდეს ეს ნაძირალა გვარამია და კარგად დამაკვირდეს სახეზე, დამიმახსოვროს თუ ბიჭია. ახალგაზრდა ყმაწვილმა ირაკლი კობახიძემ გვარამიას, ასეთი ქმედების გამო, ფაშისტი უწოდა. ამაზეც ერთი ვაი-უშველებელი ატეხეს, ეს მთელი ქართული პოლიტიკის შეურაცხყოფააო. ამ "ნაციონალებს" და მის განშტოებებს რომ გადახედავ ბოკერიადან დაწყებული ყველანი ფაშისტებზე უარესები არიან. არცერთ ფაშისტს არ გაუკეთებია ის, რაც სააკაშვილის სისტემამ გააკეთა _ მამისა და მეუღლის წინაშე ადამიანი გააუპატიურეს. ასეთი რამ ფაშისტს კი არა, არცერთ ველურ ტომს არ გაუკეთებია. ეს და დანარჩენი ფაილები რაც სამეგრელოში აღმოაჩინეს, კი არ უნდა განადგურებულიყო, არამედ საზოგადოებისთვის საჯაროდ ეჩვენებინათ, რათა ყველას დაენახა ამ პირსისხლიანი ფაშისტების ნამდვილი სახე. ახლა, მერაბიშვილზე ერთი ამბავია ატეხილი, თურმე, გული აწუხებს. ხალხს რომ ხოცავდა და ორ გვამს ითხოვდა, მაშინ არ აწუხებდა გული?! 

_ ბატონო ელიზბარ, მოდით სათითაოდ განვიხილოთ "ნაციონალების" და მათი დანაყოფების "საამაყო" კანდიდატები?

_ კი ბატონო, განვიხილოთ. რას წარმოადგენდა ვაშაძე, ან რა მინისტრი იყო, საერთოდ, რა გაუკეთებია? ერთადერთი დადებითი ის არის, რომ ლამაზი, მოცეკვავე გოგონა ნინო ანანიაშვილი მოიყვანა ცოლად, მამამისი თანამდებობის კაცი იყო და გაურიგეს. მეტი რა გააკეთა? _ მეტი ის გააკეთა, რომ იყო კაგებეს აგენტი და ამის დამადასტურებელი საბუთი დღესაც ჯიბეში უდევს. შეიძლება ეს ვერ დაუმტკიცო, მაგრამ წაკითხული მაქვს "კომერსანტისთვის" მიცემული მისი ინტერვიუ, სადაც ამბობს: მართალია, მე, დავკარგე რუსეთის პასპორტი, მაგრამ რუსეთის სიყვარულს ვერავინ დამაკარგინებსო. ამ დროს, სხვებს აბრალებს პრო-რუსობას და თვითონ, პრო-დასავლელად მოაქვს თავი, სირცხვილი არ არის. შეიძლება სხვა ადამიანს ჰქონდეს ეს განცდა, მაგრამ ვაშაძე რომ ხარ, მოდიხარ, რუსეთს ლანძღავ და ამერიკას აქებ, აი მაშინ ხარ თახსირი. ვინ არის ბაქრაძე, მახსოვრობა სულ წაგვეშალა? ბაქრაძე პარლამენტის თავმჯდომარე არ იყო, როცა ბრძანა: მცხეთასთან ორი-სამი ჯაგლაგი ტანკი გამოჩნდა, ქართველებო, ხელში დანა-ჩანგალი ავიღოთ და ქვეყანა დავიცვათო. ამ დროს, თვითონ, მისი ოჯახი და მთელი პოლიტიკური ელიტა საზღვარზე იყვნენ გასაქცევად გამზადებულნი. ახლა, ვაშაძე და ბაქრაძე მეუბნებიან: ჩვენ, მოვდივართ იმიტომ, რომ საქართველო გადავარჩინოთო. სირცხვილია. ახლა, ყოველდღე ბოკერია მამაძაღლი პარლამენტის ტრიბუნიდან გვმოძღვრავს. ამას სჯობს, თავის ცხრა ღობეზე გადამხტარ ცოლს უკითხოს ლექციები. რა უფლება აქვთ რომ გამოდიან და კიდევ სხვას დებენ ბრალს მოღალატეობაში.

_ ბატონო ელიზბარ, ტელევიზიებიც ხელს უწყობენ სალომე ზურაბიშვილის წინააღმდეგ მიმართულ პროპაგანდას?

_ დიახ, ასეა. ქართველი ხალხი აჭრილია იმიტომ, რომ ის ტელევიზიები რაც დღეს ქართულ სივრცეში არსებობს, ყველა გაყიდული, მოღალატეა. აღარაფერს ვამბობ "რუსთავი 2"-ზე. "რუსთავი 2"-მა რაც საქართველოსადმი სიბინძურე, გათახსირებულობა, სიძულვილი დათესა, ასეთი რამ არცერთ პოლიტიკურ მოძრაობას არ გაუკეთებია. აიღეთ, ნებისმიერი ტელევიზია _  "კავკასია", "ტვ პირველი", ყველანი ფულზე არიან გაყიდულნი ისევე როგორც არასამთავრობო ორგანიზაციები. თურმე, 13 ყველაზე გამორჩეული არასამთავრობო გვყოლია. სწორედ ის 13 ყველაზე გამოჩენილი არასამთავრობო ორგანიზაცია არის ფულზე გაყიდული აგენტი. სწორედ ისინი მტრობენ ქვეყანას. არცერთ არასამთავრობოს ერთხელ არ უთქვამს, რომ ქართველი კაცი იჩაგრება და მისი უფლებები ილახება. მთელი უბედურება ის არის რომ ჩვენ, თავისუფლება კი არა, დამოუკიდებლობა დავკარგეთ. ჩვენ, სულიერად განადგურებული, ღირსებადაკარგული ხალხი ვართ, თორემ ამათ ვალაპარაკებდით?! ამიტომაც, არ უნდა დავუშვათ ქვეყნის პრეზიდენტად ამ ავადმყოფების მოსვლა. 

_ წეღან, ჯაფარიძე ახსენეთ, თავისუფალ სკოლას ხსნისო. ამის რა მოგახსენოთ, მაგრამ მალე კანაფის ფესტივალის მოწყობას აპირებს, თანაც, კანაფიც იქვე უნდა გაყიდოს.

_ ვინც ამას ხელს უწყობს, ის არის საქართველოს პირველი მტერი. ეს არის უკანასკნელი დარტყმა, რომელიც ეროვნებას და ქართველს სპობს.

_ ვაშაძემ განაცხადა: გაპრეზიდენტების შემთხვევაში სააკაშვილს, მერაბიშვილს, ახალაიას შევიწყალებო.

_ ამიტომაც უნდა პრეზიდენტობა, რომ სააკაშვილი შეიწყალოს და აქ, ჩამოიყვანოს. მიშა აქ ჩამომსვლელი მაინც არ არის. თუ ჩამოვა აქვე მიიღებს საბოლოოდ განაჩენს. "ნაციონალებს", "ევროპულ საქართველოს" თუ "გირჩს" არ უნდა ჰქონდეთ ამდენი უფლებები, ეს არ არის დემოკრატია. ესენი უნდა გასამართლებულიყვნენ, ახლა, ციხეში უნდა მჯდარიყვნენ და არა პარლამენტში. აი, ეს იქნება დემოკრატია. დემოკრატია არის უმაღლესი სამართლიანობა, მართალი სამართლის დამტკიცება.

_ როგორ ფიქრობთ, ზურაბიშვილი დაასრულებს კოაბიტაციას?

_ თუ ზურაბიშვილი ამას გააკეთებს, მისი პირველი ჯარისკაცი მე ვიქნები. თუ ამას ვერ მოახერხებს, ვიმეორებ, ამას ქართველი ხალხი გააკეთებს, რევოლუცია მოხდება. იცით, რევოლუცია რას ნიშნავს? _ რომ იქ, კუდები აღარ დარჩება, ყველა ძირიან-ფესვიანად ამოიძირკვება.

_ წინა საარჩევნოდ როგორც ხდება ხოლმე, ფარული ჩანაწერების გავრცელება დაიწყეს. ამაზე რას ფიქრობთ?

_ ეს ყველაფერი არის ერთი ბინძური ძალის დაკვეთა. ესენი ნეხვში მოფუსფუსე ჭიები არიან, აღარ იციან რა ქნან და ახლა, ამ ჭუჭყის აქეთ-იქით ფურთხება დაიწყეს. გამოვფხიზლდეთ და სწორი არჩევანი გავაკეთოთ, სანამ ქვეყანა თავზე არ დაგვქცევია.
თამარ შველიძე

მეტის ნახვა
20-10-2018, 09:30


ტუტუცი ცუდი სიტყვა არ გეგონოთ _ ტუტუცი  მეფის კარზე მუშაობდა და მისი მოვალეობა მეფისთვის ყვ...-ბის ფხანა იყო

ვახტანგ ხარჩილავა

უნიათო და ხელმოცარული ფაშისტი ნიკა გვარამია, თავის "ცრუსთავი-2-ში" თითქმის ყოველ ღამე ჰფენს ახალ-ახალ ფარულ აუდიოჩანაწერებს და ხელს "ქართული ოცნებისკენ" იშვერს _ აი, ეს არის "ქართული ოცნების ხელისუფლების სახე, ქვეყანას მკვლელები და ბანდიტები მართავენ. ეს ხელისუფლება უნდა დავამხოთ, ეს ხელისუფლება უნდა გავაგდოთო, _ ჭყლოპინებს და სტუმრად მოწვეულ თავის კუდებს იგივეს აყვირებს.
ნიკა გვარამია, შე მართლა "გაუპატიურებულო ოფოფო, შენ გგონია, ქართველ ხალხს დაავიწყდა, ვინ ხარ შენ და საიდან მოდიხარ?!

"ნაცმოძრაობამ", რომელმაც ფარული ვიდეოჩანაწრების მთელი კინოინდუსტრია შექმნა, საქართველოს 26 ათასი უმძიმესი კადრების ამსახველი ფაილი დაუტოვა მემკვიდრეობად. 
26 ათასი ფაილი _ ეს არის ის, რაც ვიცით, თორემ, რაც არ ვიცით, ალბათ, ორი იმდენია.
"ნაცმოძრაობა" შეეცადა არა მარტო ფიზიკურად, არამედ სულიერად, მორალურად, ზნეობრივად გაეტეხა და გაეთახსირებინა ქვეყანა და მან ეს ნაწილობრივ შეძლო კიდევაც.

ნაციონალები არა მხოლოდ თავიანთ ოპონენტებსა და კონკურენტებზე, არამედ კომპრომატებს აგროვებდნენ ერთმანეთზე და იმასაც კი კადრულობდნენ, თავისი თანაპარტიელის საწოლ ოთახშიც კი ჩასაფრებულიყვნენ და დოკუმენტურად აესახათ, თუ როგორ, რა პოზაში ამყარებდა სექსუალურ კავშირს მათი თანამებრძოლი ცოლთან, მერე ამ კადრებს კოლექტიურად უყურებდნენ და ხალისობდნენ.

სრული მორალური კატასტროფა და დეგრადაცია _ აი, მთავარი მახასიათებელი `ნაცმოძრაობის სადომაზოხისტურ-კრიმინალურ-ფაშისტური რეჟიმისა, რომლის შემოქმედები ახლა ხელისუფლებაში აპირებენ მობრუნებას.

"ქართული ოცნების" საბედისწერო შეცდომა, ეს არის კოაბიტაცია "ნაცმოძრაობსათან", ყოფილი ნაციონალების "ქართული ოცნების" რიგებში გადმოპორტირება, ზოგი ნაციონალისთვის საკვანძო პოსტების ჩაბარება, რამაც "ქართულ ოცნებას" საკუთარი ერთგული მხარდამჭერების მნიშვნელოვანი ნაწილი დააკარგვინა.

არ გჯერათ, მაგრამ უნდა დაიჯეროთ _ როგორც არ არსებობს ყოფილი კაგებეშნიკი, ასევე არ არსებობს ყოფილი ნაციონალი.
ისინი "ქართულ ოცნებას" ვერასოდეს მოემსახურებიან გულწრფელი ერთგულებით, რადგან მათი უმრავლესობა კომპრომატების გრძელი ჯაჭვით არის მიბმული თავიანთ პატრონებთან.


სუბელიანის "აღსარების" ჩანაწერი, რომელშიც, როგორც ირკვევა, უამრავი დეტალია ჩამატებული, ნაცებმა ხელზე დაიხვიეს და ახლა ამ ჩანაწერის საშუალებით აპირებენ მოსახლეობის ჭკუიდან გადაყვანას _ ნახეთ, ნახეთ, მარტო ფარცხალაძეს კი არა, სუბელიანსაც ჰყოლია თავისი 50-კაციანი შეიარაღებული ბანდა. "მხედრიონი" დაბრუნდა! ადრე თუ ერთი ჯაბა იოსელიანი იყო, ახლა უამრავი იოსელიანია და თავიანთი ბანდფორმირებებით ისინი მართავენ ქვეყანასო.

არადა, ეს უბედური სუბელიანი, სასოწარკვეთამდე მისული და ღრმა დეპრესიაში ჩავარდნილი კაცი, ამ საუბარში ცდილობს, ზედმეტად გააზვიადოს და გააბუქოს საკუთარი პერსონა, აღმატებულ ხარისხში წარმოაჩინოს მისი დამსახურებები სახელმწიფოს წინაშე, რომ ამით შთაბეჭდილება მოახდინოს ხელისუფლებაზე და როგორმე მოიპოვოს თავისუფლება.

მისი საუბარი, მაპატიეთ და, მთლად ნორმალური კაცის საუბარს არ ჰგავს _ ის თითქოს თავისთვის ლაპარაკობს და თითქოს თავის თავს არწმუნებს, რომ მას, ასეთი დამსახურების ადამიანს, არ გასწირავენ.

სუბელიანი კი ამბობს (თუ მართლა თვითონ ამბობს) ისეთი შეიარაღებული თანამშრომლები მყავს, მაგათი შიშით ახლოს ვინ მოგვეკარებოდაო, თუმცა თანამშრომლები გვარამიამ და მისმა "სასტავმა" ბანდად გადმოთარგმნა.
არადა, ბანდა და ბოევიკები სუბელიანს არსად უხსენებია, თანამშრომლებიო, თქვა.

რუსთავი-2 -ში დაბანაკებული "ნაცმოძრაობის" პიარგენშტაბი გაუპატიურებული ოფოფის სარდლობით, ოქუაშვილის თუ სუბელიანის აუდიოჩანაწერებს ყურს იქით აბამს, საითაც სურს და ისეთ ინტერპრეტაციას უკეთებს, თითქოს ქვეყანაში უკვე არ არსებობს ხელისუფლება და სახელმწიფოს ბანდფორმირებები მართავენ, ასეთი დასკვნის გაკეთება კი იმისთვის სჭირდებათ, რომ ბოლოს თქვან: ხმა არ მისცეთ სალომე ზურაბიშვილს, თორემ ქვეყანა დაიღუპებაო.
ნიკა გვარამიამ უფრო მხატვრულ-მეტაფორული ფორმა აირჩია და მოსახლეობას ასე მიმართა: თუ გინდათ, ხაინდრავას ყვ.....ბში ჩარჩეთ, მოღალატე ზურაბიშვილს მიეცით ხმაო.

გვარამიას არ დაუზუსტებია, რითი სჯობს ხაინდრავას ყვ..-ებს, ვთქვათ და, ვაშაძის ყვ..-ები?
რუსეთში რომ არის ნაწრთობ-ნავარჯიშევი და რუსული პოლიტიკის გრდემლზე რომ არის გამოკვერილი, იმით?
ნიკა გვარამია, მეტსახელად გაუპატიურებული ოფოფი, ტუტუცია და ამიტომაც აფათურებს ხელებს ვიღაც-ვიღაცების ყვ..-ბში.
ტუტუცი ცუდი სიტყვა არ გეგონოთ _ ტუტუცი მეფის კარზე მუშაობდა და მისი მოვალეობა მეფისთვის ყვ..-ბის ფხანა იყო.
გვარამია ნაციონალების კარზე მსახურობს ტუტუცის თანამდებობაზე და ხან სააკაშვილის, ხან _ ვაშაძის ყვ..-ბის ფხანა მის სამსახურებრივ მოვალეობაში შედის.

მეტის ნახვა
18-10-2018, 14:30


ვახტანგ ხარჩილავა:
"ნაციონალებს" სალომე ზურაბიშვილის გაპრეზიდენტების პანიკური შიში აქვთ და ამიტომაც მიმართეს მის წინააღმდეგ მათ ხელთ არსებული ყველა რესურსი.

"ნაციონალები", რომლებსაც სინდის-ნამუსთან არასოდეს ჰქონიათ შეხება, ყველაფერს კადრულობენ, ყველანაირ აკრძალულ ხერხს იყენებენ, რომ სალომე ზურაბიშვილის სახელის დისკრედიტაცია მოახდინონ, ღირსება შეულახონ, სახელმწიდო ინტერესების ღალატსა და ორგულობაში დასდონ ბრალი.

"ნაცების" ჯიბის ტელევიზია "რუსთავი 2" საგანგებო რეჟიმში მუშაობს და დღედაღამ სალომე ზურაბიშვილის სახელს ატრიალებს წაღმა-უკუღმა, ხოლო 30 ლარად დაქირავებული "კრიკუნები", მოხეტიალე ცირკის მსახიობებივით რომ დაბორიალობენ აღმა-დაღმა, მაინცდამაინიც იქ ჩნდებიან ხოლმე, სადაც ქალბატონ სალომეს შეხვედრა აქვს თავის ამომრჩევლებთან და ხმამაღლა სკანდირებენ: მოღალატე! მოღალატე!

"ნაციონალებს", რომლებსაც პიარტექნოლოგიების დიდ სპეციალისტებად მოაქვთ თავი, როგორც ჩანს, არ ესმით ელემენტარული რამ: როცა კონკურენტს ცილს სწამებ და ისეთ შეთითხნილ ბრალდებებს უყენებ, რომლებსაც რეალობასთან არანაირი კავშირი არ აქვს, ეს აუცილებლად შემოგიტრიალდება უკან, მით უმეტეს, თუ ის თვითონ გაქვს გაკეთებული, რასაც სხვას აბრალებ.
ამ შემთხვევაშიც ასე მოხდა: იმდენი უძახეს სალომე ზურაბიშვილს რუსეთის აგენტი, ამ ბრალდების გარშემო ატეხილ დებატებსა და დისკუსიაში გაირკვა, რომ სინამდვილეში თურმე გრიგოლ ვაშაძეა რუსული პოლიტიკის პირმშო, რუსული პოლიტიკის კალთაში გაზრდილი რუსეთუმე, რომელიც თავის თავს რუსეთის და რუსული კულტურის განუყოფელ ნაწილად მიიჩნევს და რომლის გულშიც რუსეთი სამუდამოდ არის ჩაბეჭდილ-აღბეჭდილი.

რაც შეეხება ღალატს, აღმოჩნდა, რომ სალომე ზურაბიშვილის დიდი ძალისხმევით საქართველოდან გაყვანილი რუსის ჯარი სწორედ "ნაციონალებს" შემოუყვანიათ უკან 2008 წლის აგვისტოში და ფეშქაშად საქართველოს ტერიტორიის 20% მიურთმევიათ.
გრიგოლ ვაშაძე რომ ხარ, იმდენი კი უნდა გესმოდეს, რომ იმ დროს, როცა თვითონ იყავი ჯერ სსრკ-ისა და მერე მისი სამართალმემკვიდრის, რუსეთის, უშიშროების სამსახურების მაღალჩინოსანი, საფრანგეთში დაბადებულ და გაზრდილ ადამიანს, ნიკო ნიკოლაძისა და ივანე ზურაბიშვილის შთამომავალს, რომლის წინაპრებიც სწორედ რუსეთის აგრესიის გამო გახდნენ იძულებულნი, სამშობლოდან წასულიყვნენ, რუსეთის აგენტი არ უნდა დაუძახო, რადგან ეს მომენტალურად ამოატივტივებს ადამიანების გონებაში აქამდე მითვლემილ ინფორმაციას იმის შესახებ, თუ ვინ ხარ შენ თვითონ.
გამოდის, რომ შენ თვითონ ახდენ საკუთარი თავის დისკრედიტაციის პროვოცირებას.

პიარტექნოლოგიების ცოდნაა ეს თუ სიბრიყვე?

როცა ნიკა გვარამია, რომელიც ბოლო ხანებში გაუპატიურებულ ოფოფს დაემსგავსა, მაყურებელს მოუწოდებს: ხმა არ მისცეთ სალომე ზურაბიშვილს _ ის მოღალატეა! ამას მე ვამბობ, როგორც მოქალაქე და როგორც პატრიოტიო.
აი, ამ სიტყვა "პატრიოტმა" გააფუჭა ყველაფერი, რადგან მაყურებელთა დიდმა ნაწილმა ძალიან კარგად იცის, როგორი პატრიოტიც არის გვარამია, გვარამია, სააკაშვილის კუდის ამწევი, სააკაშვილის ბოროტ საქმეთა "გამპრავებელი", მისი თანამოაზრე და "პადდელნიკი".

გვარამიამ კიდევ ერთი ზესკანდალური განცხადება გააკეთა ამასწინათ: _ ყველაფერს ვხედავთ! ყველაფერს ვაკვირდებით! ყველას გიმახსოვრებთ! როცა ჩვენ მოვალთ ხელისუფლებაში, მათ, ვინც ზურაბიშვილს მისცა ხმა, ამ მიწაზე ფეხს არ დავადგმევინებთო.
ამ სიტყვების შემდეგ, დარწმუნებული ვარ, ისინიც კი, ვინც საერთოდ არ აპირებდნენ არჩევნებზე მისვლას, აუცილებლად წავლენ და ხმას სალომე ზურაბიშვილს მისცემენ, თუნდაც იმიტომ, რომ "ნაციონალების" ხელისუფლებაში მოსვლის შემდეგ საქართველო მთლად არ დაცარიელდეს მოსახლეობისგან.

გვარამიამდე ცოტა ხნით ადრე "ჭკვიანმა", "განათლებულმა" საერთაშორისო დონის "დიპლომატმა" გრიგოლ ვაშაძემ კიდევ უფრო უარესი რამ დაახეთქა: ჩემი ნება რომ იყოს, ბედუკაძეს შუბლს გავუხვრეტდიო.

ცხადია, სადაც ბედუკაძეს გაუხვრეტს შუბლს ამხანაგი გრიგოლი, იქ არც სხვების შუბლებს დაინდობს, ეს იცის ამომრჩეველმა და თუნდაც საკუთარი შუბლის გადასარჩენად ხმას არავითარ შემთხვევაში ვაშაძეს არ მისცემს _ რა იცი, როდის რა წამოუვლის და ვისი შუბლი მოეწონება გასახვრეტად, მით უმეტეს, რომ ზოგიერთ ფსიქოლოგს თუ დავუჯერებთ, ვაშაძეს ფსიქიკური პრობლემები აქვს.

ერთი ხომ გვყავდა ფსიქიკური პრობლემებით, ახლა მეორეც იმავე პრობლემებით ავირჩიოთ?
ქვეყანაა თუ ფსიქიატრიული ლაზარეთი?

კვირა არ გავა, "რუსთავი 2"-ის ეთერში სააკაშვილი არ ჩაერთოს სკაიპით რომელიმე ქვეყნიდან.
თითოეული მისი ჩართვა საღად მოაზროვნე საზოგადოებისთვის კიდევ ერთი დადასტურებაა იმისა, რომ `ნაციონალების~ ხელისუფლებაში მობრუნება ყოვლად დაუშვებელია, რადგან ეს იქნება სრული კატასტროფა ქართული სახელმწიფოსთვის.

_ მე, მაგალითად, საქართველოდან ცარიელი ჯიბით წამოვედი, ახლაც რამდენიმე ათასი ევრო თუ მიდევს ანგარიშზეო, _ ამბობს ამას სააკაშვილი და თან თვალებში გვიყურებს, ეს იმ დროს, როცა ექსპერტთა დაანგარიშებით, "ნაციონალებმა" ცხრა წლის მანძილზე 16 მილიარდი "აითვისეს" და მიითვისეს.

მაყურებელი რამდენიც სააკაშვილს დაინახავს, ცხადია, იმწამსვე ამოუტივტივდება გონებაში "ნაცმოძრაობის" 9-წლიანი მმართველობის კოშმარები და ოქუაშვილ-ყიფიანის ბჟუტური თუ მითიური ფარცხალაძის ვითომდა აბრაგობის ამბავი სასაცილოდ მოეჩვენება.
ჩამოხრჩობილის ოჯახში თოკზე არ ლაპარაკობენო, გსმენიათ თქვენ ეს გამოთქმა, ნაცებო?

როგორც ჩანს, არ გსმენიათ, თორემ თქვენს მიერ სასიკვდილოდ გამეტებულ და სახრჩობელაზე აყვანილ საქართველოში ამდენს არ ილაქლაქებდით თოკზე, რომელსაც საკუთარი ხელით გამოუნასკვეთ მარყუჟი.

"ნაცებო", თქვენ აზრზე არ ხართ, მაგრამ იმ საარჩევნო კამპანიით, რასაც თქვენ ასეთი რიხით და ბაქიბუქით აწარმოებთ, სინამდვილეში "ქართული ოცნების" წისქვილზე ასხამთ წყალს და სალომე ზურაბიშვილს მომხრეებსა და მხარდამჭერებს უმრავლებთ.
თუმცა, რაც მართალია, მართალია, ზოგჯერ არც "ქართული ოცნება" გრჩებათ ვალში და ხანდახან ისეთ თემებს გამოგიგორებთ, მტრისა და კონკურენტისთვის კი არა, მოყვარული ძმისთვის რომ ვერ გაიმეტებს კაცი...


"პროდასავლელმა" ვაშაძემ რუსი "პიარშჩიკები" ჩამოიყვანა საარჩევნო კამპანიის ეფექტურად ჩასატარებლად, ამ პატივცემულმა რუსებმა კი ისე დაგეგმეს ვაშაძის საარჩევნო კამპანია, გეგონება, ვაშაძეს საპრეზიდენტოდ კი არა საომრად ამზადებენ.
ზოგადად, ისეთი შთაბეჭდილება რჩება, რომ "ნაციონალები" არჩევნების დღისთვის, 28 ოქტომბრისთვის კი არა, 29–30 ოქტომბრისთვის ემზადებიან, რომ ვითომ გაყალბებული არჩევნების გასაპროტესტებლად მოქალაქეები ქუჩაში გამოიყვანონ და დესტაბილიზაციის, არეულობის, სამოქალაქო დაპირისპირების პროვოცირება სცადონ.

ფაშისტი გვარამია და ადგილობრივი წარმოების სხვა "ნაციონალი" ფაშისტები რუს პიარშჩიკებთან ერთად, რადაც არ უნდა დაუჯდეთ, ამ "დიადი" და `ნათელი~ მიზნის რეალობად ქცევას ცდილობენ, რადგან მათ შესანიშნავად იციან, რომ ნორმალურ, მშვიდ, ობიექტურად ჩატარებულ არჩევნებში მათ მენტალურად რუს კანდიდატს გამარჯვების არანაირი შანსი არ აქვს.
ის, რასაც "ნაციონალები" აკეთებენ, ეს არის შეთქმულება ქართული სახელმწიფოს წინააღმდეგ, რომელიც არსებული ხელისუფლების დამხობას ისახავს მიზნად.

როგორ უნდა იმოქმედოს საქართველოს ხელისუფლებამ ასეთ შემთხვევაში _ დაელოდოს 29–30 ოქტომბერს, როცა სპეციალურად ამ სიტუაციისთვის მომზადებული `ბოევიკები~ ავტომატებით ხელში გამოვარდებიან ქუჩებში თუ წინასწარ მიიღოს ზომები ამ დივერსიის აღსაკვეთად.
არა მარტო მოქმედება, არამედ უმოქმედობაც ზოგჯერ ბუმერანგივით უბრუნდება უკან მას, ვინც მკვეთრი გადაწყვეტილების მიღებას აგვიანებს.
ამის სამწუხარო მაგალითები თუნდაც ჩვენს უახლოეს ისტორიაში მრავლად გვაქვს.
იმედია, ხელისუფლება ამ მწარე მაგალითების გათვალისწინებით იმოქმედებს და არ დაუშვებს, რომ 28 ოქტომბერი საპრეზიდენტო არჩევნების ნაცვლად, ადგილობრივმა თუ გარედან მოწვეულმა ფაშისტებმა სასაკლაოდ აქციონ.

ბუმერანგი ჰქვია სათაურად ამ წერილს.
კაცმა რომ თქვას, ყველაფერი, რაც ამ სამყაროში ხდება, ბუმერანგის მოქმედების პრინციპის მიხედვით ხდება.
ასეა პირად ცხოვრებაშიც, ასეა პოლიტიკურ ცხოვრებაშიც.
ვერაფერს ვერ მოიშორებ, ვერაფერს ვერ მოისვრი _ ყველაფერი უკან გიბრუნდება და ცხვირში გირტყამს.
ასე იქნება 28 ოქტომბრის არჩევნებშიც _ ყველას ყველაფერი წინ დაულაგდება და ამომრჩეველიც ამის მიხედვით გააკეთებს არჩევანს...

მეტის ნახვა
13-10-2018, 15:30