„საკადრო პოლიტიკა სასწრაფოდ უნდა შეიცვალოს"- ამის შესახებ ბიძინა ივანიშვილმა საქართველოს მოქალაქეებისადმი ვიდეომიმართვაში განაცხადა. 
პარტია „ქართული ოცნება - დემოკრატიული საქართველოს“ თავმჯდომარემ ქვეყნის მართვასა და პოლიტიკის შემუშავებაში ახალგზარდების ჩართულობის აუცილებლობაზე ისაუბრა.


„სასწრაფოდ უნდა შეიცვალოს საკადრო პოლიტიკა, რომელიც   დაეფუძნება გამოცდილ ადამიანებს და  მუდმივად მოიზიდავს ახალ კადრებს, განსაკურებით ახალგაზრდებს. ახალგაზრდები უნდა ჩაერთონ ქვეყნის მართვასა და პოლიტიკის შემუშავებაში! ჩემო მეგობრებო, ქვეყნის ცხოვრებაში დგება ხოლმე გარდამტეხი მომენტები, როდესაც ხალხი ხდება ეპოქალური ცვლილებების ავტორი და ჩვენ ერს ასეთი სიბრძნე არა ერთხელ გამოუჩენია"- განაცხადა ბიძინა ივანიშვილმა.

ვიდეომიმართვაში ივანიშვილმა პენსიონრებისა და დევნილების მიმართ დახმარების პოლიტიკის გადახედვაზეც ილაპარაკა.

ამასთან, მან „ქართული ოცნების“ ძველ მხარდამჭერებსაც მიმართა.

ბიძინა ივანიშვილის ვიდეომიმართვა სრულად შეგიძლიათ იხილოთ ამ ბმულზე.





[video=]

მეტის ნახვა
5-11-2018, 14:30


2006 წლის 23 ნოემბერს ლონდონის ერთ-ერთ კლინიკაში გარდაიცვალა ФСБ-ს ცნობილი პოლკოვნიკი ალექსანდრ ლიტვინენკო. დასავლეთის პრესა ლიტვინენკოს სიკვდილში პუტინს ადანაშაულებდა, რუსული სპეცსამსახურები – ოლიგარქ ბორის ბერეზოვსკის, ესპანეთის პოლიცია კი ლიტვინენკოს მოწამვლაში ე.წ. კანონიერი ქურდის ტარიელ ონიანის კვალს ხედავდა.

ФСБ-ს ოფიცრის მოწამვლის გარშემო ვნებათაღელვა არც იყო ჩამცხრალი, რომ ლონდონი კვლავ მოექცა მსოფლიო მედიის ყურადღების ცენტრში – 2008 წლის 12 თებერვალს ინგლისის დედაქალაქიდან 29 -კილომეტრში, ლაზერჰედში (სურეის საგრაფო) გულის შეტევით გარდაიცვალა ბიზნესმენი ბადრი პატარკაციშვილი. ოლიგარქის სიკვდილი იმდენად მოულოდნელი იყო, რომ არავის სჯეროდა, მისი ბუნებრივად გარდაცვალების. “რადგან საქმე გვაქვს სიკვდილთან და გარდაცვლილი მხოლოდ 52 წლისაა, პოლიცია ფიქრობს, რომ სიკვდილი ძალიან საეჭვოა”განაცხადა სურეის საგრაფოს პოლიციის პრესსპიკერმა რუდ კოპერვეიდმა, პატარკაციშვილის მოწამვლაზე, პრესის გარდა, ექსპერტებიც დამაჯერებლად საუბრობდნენ. მისი პირადი ექიმი ირწმუნებოდა, რომ ბადრის გული არ აწუხებდა. გაჩნდა ეჭვი, რომ პატარკაციშვილის სიკვდილში ბერეზოვსკის ხელი ერია. სწორედ მან ნახა ის სიკვდილამდე ცოტა ხნით ადრე.2005 წლიდან სპეცსამსახურების საბრძოლო არსენალში ორკომპონენტიანი შხამები გვხვდება (საცდელ ნიმუშზე ჯერ კიდევ სიკვდილის ექიმის, მაირანოვსკის ლაბორატორიაში მუშაობდნენ).

თავიდან მსხვერპლის ორგანიზმში შეჰყავთ ნეიტრალური ნივთიერება, ხოლო ორი თვის შემდეგ ადამიანი სვამს მეორე ასეთ ნეიტრალურ ინგრედიენტს (მაგ., ფინჯან ჩაის). ორგანიზმში ორი კომპონენტის ურთიერთქმედების შედეგად ადამიანი დაახლოებით ერთ კვირაში კვდება “ჩვეულებრივი”სიკვდილით” – გულის გაჩერებით… ჯერ კიდევ 2007 წლის სექტემბერში ირაკლი ოქრუაშვილმა პირდაპირ ეთერში დაადანაშაულა მიხეიილ სააკაშვილი უმძიმეს სისხლის სამართლის არაერთ დანაშაულში. მისი განცხადებით ჯერ კიდევ 2005-წელს მის და სააკაშვილს შორის შემდგარ „გულახდილ“დიალოგში მიშამ მას კითხა რას ფიქრობდა, რომ მოეშორებიათ მთავარი საფრთხე ანუ ბადრი პატარკაციშვილი და გააცნო კონკრეტული მკვლელობის გეგმაც ოქრუაშვილმა როგორც განაცხადა პრეზიდენტს არც ჰო უთხრა და არც არა და მოფიქრებისთვის დრო მოითხოვა რადგან თუ იგი აღნიშნულ დავალებას შეასრულებდა მასაც მოიცილებდნენ. (საოცარი ახსნაა ღმერთმანი)ოქრუაშვილმა ასევე განაცხადა, რომ ხელისუფლებაში კაცისმკლელები არიან. ოქრუაშვილმა აღნიშნა, რომ აღნიშნული ინფორმაცია აშშ ს ხელმძღვანელობისთვის შეეცადა ეცნობებინა რათა შეეჩერებიათ სააკაშვილი. „შუამავლად“ამერიკელების კაცი“გენშტაბის ხელმძღვანელი ზაზა გოგავა შეარჩია…

გარკვეული დროის შემდეგ ოქრუაშვილის თქმით პრეზიდენტყოფილმა „ბადრის ჩამოცილების თემა განაახლა“შემდეგ ოქრუაშვილი სტამბულში გაფრინდა და შეხვდა პერსონას რომლის ვინაობის გამხელა, გარკვეული მიზეზების გამო არ ისურვა(ის საქართველოს მოქალაქეც არ ყოფილა) აღნიშნულის შემდეგ უახლოესი მეგობრების და „თანამებრძოლების“გზები ოქრუაშვილის გადმოცემით გაიყარა და სწორედ შემდგომ „ჩამოალაბორანტეს“თავდაცვის მინისტრყოფილი ეკონომიკის მინისტრად, სწორედ აღნიშნული მოვლენების შემდგომ მოწვეულ პრესკონფერენციაზე გაიხსენა ოქრუაშვილმა, რომ არც ზურაბ ჟვანია გარდაიცვალა იმ ბინაში სადაც ის რაულ უსუპოვთან ერთად „გაზით გაგუდული“ნახეს… ბადრი პატარკაციშვილი, რომელიც სიკვდილამდე ერთი წლით ადრე ლონდონში დამკვიდრდა, ბოლო თვეების განმავლობაში აქტიურად იყო ჩართული ქართულ პოლიტიკაში და მხარს უჭერდა საქართველოს ხელისუფლებასთან დაპირისპირებულ პოლიტიკურ ძალებს, ის თავადაც იყო მმართველ ძალის აქტიური ოპონენტი. ბიზნესმენი კენჭს იყრიდა საქართველოს პრეზიდენტის ხუთი იანვრის არჩევნებშიც.

პატარკაციშვილმა 2002 წელს დააფუძნა ტელერადიკომპანია “იმედი”. ტელეარხი სამართალდამცველებმა 2007 წლის 7 ნოემბერს მასობრივი გამოსვლების აღკვეთის დროს დაარბიეს, რადგან, ხელისუფლების პოზიციით, “ტელეიმედი” ხელისუფლების დამხობისკენ მოუწოდებდა.
ტელეკომპანიის დახურვას წინ უსწრებდა გირგვლიანის მკვლელობის საქმის გაშუქება. „დროებამ“ ეს თემა მას შემდეგ წამოწია რაც გაზეთმა „ჯორჯიან თაიმსმა“ გირგვლიანის მკვლელობის დეტალები ექსკლუზიურად მოიპოვა და გაახმოვანა. სწორედ გირგვლიანის მკვლელობა იყო „იმედის“ დახურვის პირველი ნაბიჯი. სწორედ ამ ფაქტის გახმაურებამ (ფაქტისა, რომელიც, როგორც აღვნიშნეთ გაზეთმა გამოაქვეყნა, თუმცა რეზონანსი არ მიეცა) გამოიწვია სააკაშვილის და მისი ბანდის უმძაფრესი გაღიზიანება, ბადრი პოლიტიკიდან რომც გამქრალიყო, სააკაშვილი მას მაინც არაფერს აპატიებდა, მიუხედავად იმისა, რომ პატარკაცისვილს ე.წ. ვარდების რევოლუციაში დიდი წვლილი მიუძღვოდა.

იანვარში, გენპროკურატურის შუამდგომლობის საფუძველზე, სასამართლომ პატარკაციშვილს დაუსწრებლად ორთვიანი წინასწარი პატიმრობა შეუფარდა, დაადანაშაულა რა, ხელისუფლების წინააღმდეგ შეთქმულებისა და ტერაქტების მომზადებაში. ალბათ ყველას ახსოვს პროკურორყოფილი ნიკა გვარამია მედიის საშუალებით როგორი დამაჯერებლობით აბოლებდა „გადარჩენილი“ქვეყნის საზოგადოებას თუ როგორ გადაარჩინეს ხროვის წევრებმა ქვეყანა… გასულ კვირას საქართველოს პროკურატურამ განაცხადა, რომ ბადრი პატარკაციშვილის მკვლელობის მომზადების ფაქტი გახსნა. მთავარი პროკურატურის ინფორმაციით, სასამართლოს მიერ გაცემული განჩინების საფუძველზე, სამსახურებრივი უფლებამოსილების გადამეტების და დამამძიმებელ გარემოებებში ჩადენილი მკვლელობის მომზადების ფაქტზე, დაკავებულია კონსტიტუციური უსაფრთხოების დეპარტამენტის თბილისის მთავარი სამმართველოს მეორე სამმართველოს პირველი სამსახურის ყოფილი უფროსი გიორგი მერებაშვილი, მეორე მთავარი სამმართველოს უფროსის ყოფილ მოადგილე ლევან ქარდავასა და ამავე სამმართველოს მეორე სამსახურის უფროს რევაზ შიუკაშვილს კი წარედგინათ ბრალდებები.

საზოგადოებისთვის კარგად ცნობილ ეგრედწოდებულ „ფარული კადრების ჩამწერი პირების საქმეზე“, ერთ-ერთი ბრალდებულის საცხოვრებელ სახლში ჩატარებული ჩხრეკის დროს, აღმოჩენილ იქნა საქართველოს შინაგან საქმეთა სამინისტროს კუთვნილი ხმის ჩამწერი მოწყობილობა, რომელზედაც ჩატარებული ექსპერტიზით დადგინდა, რომ 2007 წლის 4 და 5 თებერვლის ორი ჩანაწერი, კონკრეტული პირის ლიკვიდაციის მომზადების საკითხს შეეხებოდა. 2007 წლის 4 თებერვლის ჩანაწერში კუდის მაღალჩინოსანი დგებუაძე ესაუბრება ბადრი პატარკაციშვილის დაცვის წევრს და მის გადმობირებას ცდილობს. საუბრისას დგებუაძე ადასტურებს, რომ მკვლელობის მომზადების საკითხი სანქცირებულია საქართველოს იმდროინდელი პრეზიდენტის მიხეილ სააკაშვილის მიერ, რადგან ბადრი პატარკაციშვილი მათი პოლიტიკური ოპონენტი და ხელისუფლების დაუძინებელი მტერია. ჩანაწერის მიხედვით, ასევე დგინდება, რომ ლიკვიდაცია კუდმა უნდა განახორციელოს, რაც შეეხება მეორე ჩანაწერს, რომელიც 2007 წლის 5 თებერვლით თარიღდება, მასში ასახულია ე.წ. „მოდულის“ შენობაში გამართული თათბირი, რა დროსაც კუდ-ის მაღალჩინოსანი გ.დ., მის დაქვემდებარებაში მყოფი ასევე კუდ-ის თანამშრომლები და ამჟამად ბრალდებულები ლ.ქ.; რ.შ. და გ.მ., პოლიტიკური სივრციდან ჩამოშორების მიზნით, ბადრი პატარკაციშვილის მკვლელობას ამზადებენ. საუბრის მიხედვით, ისინი განიხილავენ პატარკაციშვილის ლიკვიდაციისთვის შესაბამისი პირობების შექმნას, მათ შორის დაცვის თანამშრომელთა სიის მოპოვების და პერსონალის შესახებ ინფორმაციის შეგროვების შესაძლებლობებს. ასევე მსჯელობენ მკვლელობის სხვადასხვა გზებზე, კერძოდ, მისი ისეთი ნივთიერებით მოწამვლაზე, რაც ბუნებრივი სიკვდილის ეფექტს გამოიწვევს. მართალია ჩანაწერებში არ საუბრობენ, მაგრამ სარწმუნო წყაროს ცნობით, მკვლელობის დამგეგმავებისთვის ცნობილი ფაქტი გახლდათ, ისიც რომ პატარკაციშვილი გურმანი იყო და შესაბამისად მის სამსახურში საუკეთესო მზარეულები იდგნენ. ასევე, კარგად დავერბოვკებული და „შეხვეული“ყავდათ ბერეზოვსკი, რომელიც „გიჟდებოდა“მიშას დემოკრატიაზე…

(გაგრძელება იქნება)

ქეთევან ზარნაძე

მეტის ნახვა
3-11-2018, 09:00


საქართველოს პრეზიდენტმა გიორგი მარგველაშვილმა ბათუმში, საქართველოს თავდაცვისა და უსაფრთხოების მე-12 კონფერენციაზე სიტყვით გამოსვლისას რუსეთის მხრიდან წარმოებულ ჰიბრიდულ ომსა და რუსულ ოკუპაციაზე ვრცელი განცხადება გააკეთა.

პრეზიდენტის თქმით, რუსეთის ფედერაციამ 2008 წელს საქართველოს წინააღმდეგ მიზანმიმართული დაპყრობითი ომი აწარმოა. მარგველაშვილის თქმით, რუსეთმა საქართველოში ჰიბრიდული ომი ჯერ კიდევ 90-იან წლებში მოსინჯა, მას შემდეგ კი მოსკოვმა კიდევ უფრო დახვეწა მისი გამოყენების მექანიზმები. 

"ჩვენ უნდა გვახსოვდეს, რომ 90-იან წლებში ჰიბრიდული ომის მეშვეობით, საქართველოს ევროატლანტიკური, დამოუკიდებელი არჩევანის შეჩერება ხდებოდა. ამას ვამბობ იმიტომ, რომ ხშირად, 2008 წელზე საუბრობენ, როგორც რუსეთის ლეგიტიმურ პასუხზე საქართველოს ნატოში ინტეგრაციასთან მიმართებაში. ეს ასე არ არის და თითქოს, რაღაც ლოგიკა იყო საქართველოს ოკუპაციასთან მიმართებით, რადგან საქართველოს ჰქონდა გადაწყვეტილი ნატოში ინტეგრაცია და ამ თვალსაზრისით ჰქონდა დიდი წარმატება. ეს არის სრული პროპაგანდისტული ტყუილი, რომელიც ძალიან აქტიურად მუსირებდა, მაგრამ რომელსაც ჩვენ ფარდა უნდა ავხადოთ", - განაცხადა პრეზიდენტმა მარგველაშვილმა.

პრეზიდენტის თქმით, პროპაგანდასთან მიმართებით უნდა გავიაზროთ, რომ დღეს რუსული პროპაგანდისტული მანქანა, რომელიც მარგველაშვილის თქმით, ყოველთვის სხვადასხვა ქვეყანაზე გავლენის მოხდენის წინააპირობა ხოლმე, თავის განვითარების აგრესიულ ფაზაშია. 

"როდესაც საბჭოთა კავშირის დემონტაჟზე ვფიქრობდით მაშინ ვერ წარმოვიდგენდით, რომ საბჭოთა კავშირის დასრულების, ვარშავის პაქტის დასრულების და კრახის შემდეგ 25 წლისთავზე, საბჭოთა იმპერიის ნარჩენი ქვეყანა რუსეთის ფედერაცია იქნებოდა პროაქტიული თავის პროპაგანდისტულ საქმიანობაში. ამ პროაქტიულობას სჭირდება ადეკვატური და ორგანიზებული პასუხი. შესაბამისად, ასეთი შეკრებები მშვენიერი ფორუმია ამ პროპაგანდისტული მანქანისთვის პასუხების ჩამოსაყალიბებლად. ეს უნდა იყოს ფუნდამენტი ერთიანი პოზიციის, ერთიანი მესიჯის, ერთიანი გზავნილის, ყველა იმ ქვეყნის კონსოლიდაციისთვის, რომელსაც სჯერა საერთაშორისო ურთიერთობების, საერთაშორისო სამართლის ერის უფლების, თვითონ განსაზღვროს თავისი მომავალი, სჯერა, რომ ერთა შორის ურთიერთობა უნდა წარმოებდეს არა სამხედრო აგრესიის, არამედ თანამშრომლობის ფონზე", - განაცხადა საქართველოს პრეზიდენტმა ფორუმზე სიტყვით გამოსვლისას.

პრეზიდენტის განცხადებით, საქართველო-ნატო-ს თანამშრომლობა მაღალი ხარისხითა და ინტენსივობით ვითარდება.

„ამ უმნიშვნელოვანესი პროცესის შემადგენელი არის მნიშვნელოვანწილად ის გმირობა, რასაც ქართველი ჯარისკაცები, ქალბატონები და ბატონები, რომელიც ატარებენ ფორმას, ახორციელებენ ბრძოლის ველზე. ეს უმნიშვნელოვანესი შემადგენელი არის ის მტკიცე საფუძველი, რითაც საქართველო აღრმავებს თავის ევროატლანტიკურ ინტეგრაციას. არ შემიძლია, კიდევ ერთხელ ხაზი არ გავუსვა მათ უდიდეს ღვაწლს, როგორც საქართველოს ნატო-ში ინტეგრაციის მიმართულებით, ასევე გლობალური უსაფრთხოების დაცვის მიმართულებით. დიდება ჩვენ თანამემამულეებს, ვინც ბრძოლის ველზე, ამ ღირებულებებზე თავისი სიცოცხლე ან ჯანმრთელობა დატოვა“, – განაცხადა გიორგი მარგველაშვილმა.

1-2 ნოემბერს ბათუმი საქართველოს თავდაცვისა და უსაფრთხოების მე-12 კონფერენციას მასპინძლობს. კონფერენცია შედგება ხუთი ინტერაქტიული სესიისგან. პირველი სესიის თემაა „ქვეყნები წნეხის ქვეშ - საფრთხეების შეკავება,“ რომელსაც „პენ ბაიდენის დიპლომატიისა და გლობალური ჩართულობის ცენტრი“ გაუძღვება. მეორე სესიაზე განიხილება ტოტალური თავდაცვის თანამედროვე გამოწვევები, ხოლო მესამეზე, რომელსაც დიდი ბრიტანეთის უსაფრთხოების კვლევების გაერთიანებული სამსახურების სამეფო ინსტიტუტი უმასპინძლებს, მონაწილეები იმსჯელებენ ევროატლანტიკურ სივრცეში უსაფრთხოების ცვალებად გარემოზე. კონფერენციის მეოთხე სესიის თემაა: ნატოს „ღია კარის პოლიტიკა“ ბრიუსელის სამიტის შემდეგ. ამ სესიას „ჯეიმსთაუნის ფონდი“ გაუძღვება. მეხუთე სესია გაიმართება მიუნხენის უსაფრთხოების კონფერენციასთან პარტნიორობით და მასზე განიხილება „შავი ზღვის გეოპოლიტიკა - ფაქტები, ინტერესები და პერსპექტივები.“

მეტის ნახვა
1-11-2018, 10:30


მიუხედავად იმისა, რომ ბიძინა ივანიშვილმა იცოდა, "რესპუბლიკელები" უღალატებდნენ, განზე გაუდგებოდნენ, მაინც მისცა მათ სრული კარტბლანში – ადგილები პარლამენტში, ადგილები სამინისტროებში და რაც მთავარია, პარლამენტის თავმჯდომარის თანამდებობა.

ამავე დროს ახდა ჩემი ნათქვამიც (ამას დიდი წინასწარმეტყველება არ სჭირდებოდა), უჯიშოთა მოდგმა ტრადიციულად გადგა გვერდზე და ყველაფერზე დაიწყო ვაჭრობა. სწორედ ამ ვაჭრობის შედეგი გახლდათ, თინა ხიდაშელი რომ გახდა თავდაცვის მინისტრი. რა იყო ვაჭრობის საგანი 5 წლის განმავლობაში? უსუფაშვილს უნდა მიეღო ის კანონები და ცვლილებები, რასაც იღებს დღეს ირაკლი კობახიძე. ფაქტობრივად, დავითმა დაიწყო იმნაირივე მოქმედება, როგორც დაიწყო კომუნისტურ პარტიაში – შეყო თავი და შიგნიდან თხარა გვირაბი, დააზიანა "ქართული ოცნება". როდესაც მას ახსენებდნენ, რომ ესა და ეს კანონიაო მისაღები, ასე და ასეა საქმე გასაკეთებელიო, ის ყოველთვის თავს იკატუნებდა და დრო გაჰყავდა. მიუხედავად ამისა, როცა წინა პარლამენტს ყავლი გაუვიდა, დავით უსუფაშვილს ბიძინა ივანიშვილმა შესთავაზა, დატოვე უჯიშოთა ჯოგი, გადმოდი "ოცნებაში", მაინც გამოსადეგი კაცი ხარო. უარი თქვა დავითმა, თანაპარტიელებს გაუწია ანგარიში თუ რამე სხვა მოსაზრება ჰქონდა, არ ვიცი. პრინციპში, თანაპარტიელების ხათრით რომ მოქცეულიყო ასე, მაშინ აღარ დატოვებდა "რესპუბლიკურ პარტიას" და აღარ შექმნიდა "შენების მოძრაობას", ყოვლად უსახურ ორგანიზაციას, სადაც არც არავინ შედის, არც არავინ გამოდის.

მოკლედ, ბევრი რომ აღარ გავაგრძელო, თავი რომ აღარ შეგაწყინოთ, დავითმა (ერთი შეხედვით) პოლიტიკური გზის გაკვლევა დამოუკიდებლად დაიწყო. დაუკვირდით, ის ყოველთვის ასე იქცეოდა, ყოველთვის იყო ურეიტინგო და თითქოს უპერსპექტივო, მაგრამ ცხოვრებაში, როგორც ბიძინა ივანიშვილი იტყვის ხოლმე, რაღაცებს გაარტყა – ბოლოს და ბოლოს, 5 წლის განმავლობაში იყო ქვეყნის მეორე პირი, 1%-იანი ადამიანისთვის განა ეს ცოტაა? კაი, ახლა იტყვით, ეგ ბიძინა ივანიშვილის დამსახურებააო, მაგრამ ხომ იყო, ხომ "გაარტყა" კაცმა რაღაცას?!

რა შანსი აქვს ბატონ უსუფაშვილს, რომ გახდეს საქართველოს პრეზიდენტი? არავითარი. მაშ რატომ იყრის კენჭს, არ იცის? აი, მე მყავდა ერთი დიდი ბებია, თუ ისეთ რაღაცას ჰკითხავდნენ, რაც არ იცოდა, ეგრევე უპასუხებდა ხოლმე: ეშმაკმა რო სილა გკრათ, მე რა ვიცი?! მთლად ასე არ გიპასუხებთ, მაგრამ საქართველოში ვის თავში რა იხარშება, როგორ იხარშება, რატომ იხარშება, ძალიან ძნელი გასარკვევია!

ისე, რაღა დაგიმალოთ და… დავითი ხშირად ბასტი-ბუბუსაც მაგონებს თავისი ჰაბიტუსით და საუბრის მანერით. ეს ნამდვილად არ არის კომპრომატი, დამიჯერეთ.

გელა ზედელაშვილი

მეტის ნახვა
30-10-2018, 21:00


გვესაუბრება უფლებადამცველი, "ადვოკატთა და იურისტთა საერთაშორისო ობსერვატორიის" ერთ-ერთი დამფუძნებელი, ადვოკატი გრიგოლ გაგნიძე.

_ ბატონო გრიგოლ, საპრეზიდენტო არჩევნები კარს მოგვადგა. თქვენი ორგანიზაცია აკვირდებოდა წინასაარჩევნო პერიოდს. როგორ შეაფასებდით პრეზიდენტობის კანდიდატების მიერ გაწეულ კამპანიას?

_ დიახ, ჩვენი ორგანიზაცია 2012–13 წლებიდან მოყოლებული, აქტიურად აკვირდება საქართველოში ჩატარებულ ყველა არჩევნებს. სხვა არასამთავრობო ორგანიზაციებთან ერთად, ვმონაწილეობთ იუსტიციის სამინისტროს უწყებათაშორისი კომისიის ფარგლებში. აქვე მინდა გითხრათ, წლევანდელი საპრეზიდენტო არჩევნები არანაკლებ მნიშვნელოვანია განვლილ საპარლამენტო და ადგილობრივ არჩევნებზე. რაც შეეხება ახლანდელ წინასაარჩევნო პერიოდს, ოპოზიციური პარტიების მხრიდან აგრესიულობით გამოირჩევა. მათთვის ჩვეული რიტორიკით, ქმედებებით, რიტმით წარმართეს წინასაარჩევნო კამპანია. გაავრცელეს ფარული ჩანაწერები, იყო ზეწოლა სხვადასხვა მედია-საშუალებებზე, მუქარა საზოგადოებაზე. გვახსოვს დანაქადნი, ვინც კონკურენტ კანდიდატს, კერძოდ, სალომე ზურაბიშვილს დაუჭერს მხარს, სათითაოდ დაგიმახსოვრებთ და გაგისწორდებითო. იყო ასევე აგრესიული მოწოდებები, რამაც "ქართული ოცნების" მიმართ გულგრილი ამომრჩეველი ოპოზიციის წინააღმდეგ განაწყო. განსაკუთრებით გამაოგნებელი იყო პრეზიდეტობის კანდიდატის გრიგოლ ვაშაძის განცხადება კახეთში თავის მხარდამჭერებთან შეხვედრისას: "ქეჩოთი მოათრიეთ საარჩევნო უბნებზე ურჩი ამომრჩეველიო", რაც, ფაქტობრივად, ამომრჩეველზე მუქარა და ზეწოლაა.

_ ამომრჩეველზე ზეწოლა, მუქარა წინასაარჩევნო კამპანიის დროს დასაშვებია? კანონის დარღვევად არ ითვლება?

_ ნებისმიერ ცივილიზებულ ქვეყანაში მსგავსი გამოთქმებისთვის საპრეზიდენტო კანდიდატი უკვე მოხსნილი იქნებოდა არჩევნებიდან. წარმოიდგინეთ, მსგავსი ხელისუფლების მხარდაჭერილ კანდიდატს რომ ეთქვა, რა აჟიოტაჟს ატეხდა აქაური ოპოზიცია. იმავე დღეს დააყენებდა კანდიდატის არჩევნებიდან მოხსნის საკითხს, გამართავდნენ ბრიფინგებს, საელჩოებს აუტალახებდნენ კარებს. თუმცა ჩვენი მოქმედი ხელისუფლება აგრესიული ოპოზიციის მიმართ შემწყნარებლურად იქცევა.

_ კიდევ რითია გამორჩეული წლევანდელი წინასაარჩევნო პერიოდი, აქვთ თუ არა რეალური პროგრამები კანდიდატებს?

_ აგრესიული რიტორიკის გარდა, წლევანდელი წინასაარჩევნო პერიოდი "მამალი" ტყუილი დაპირებებითაც გამოირჩევა. ზოგიერთი კანდიდატი გაპრეზიდენტებისთანავე მოსახლეობას პენსიების მომატებას ჰპირდება, რაც ჩანასახშივე ტყუილია. მართალია, პრეზიდენტი საქართველოში ხელისუფლების ერთ-ერთი უმაღლესი პირია, ქვეყნის შინაურ და საგარეო საკითხები, თავისათავად უნდა აინტერესებდეს, მაგრამ ეკონომიკური საკითხები, მით უფრო, პენსიების მომატება, მის კომპეტენციაში არ შედის. ზოგიერთი კანდიდატი ამომრჩევლის გულის მოგებას ტყუილებით ცდილობს. ცრუ დაპირებები პოლიტიკაში ხშირია, მაგრამ მსგავსი შეუსრულებელი იმედი მისცე მოსახლეობას, ვფიქრობ, არაეთიკურია. ამის გარდა, უცხოეთში წასულ საქართველოს მოქალაქეებს ზოგიერთი კანდიდატი ჰპირდება, რომ მისი გაპრეზიდენტების შემთხვევაში მიეცემათ საზღვარგარეთ ლეგალურად მუშაობის საშუალება. ესეც ტყუილია. ლეგალურად მუშაობის უფლების მოპოვებას სჭირდება მთელ რიგ ქვეყნებთან შეთანხმება, რაც იოლი არ არის. იმის ნაცვლად, უცხოეთში სამუშაოდ გახიზნულ საკუთარ მოქალაქეებს შეჰპირდნენ სამშობლოში დასაქმებას, დარჩით, სადაც ხართო, ეუბნებიან. საქართველოში სამუშაო ადგილების შექმნა არ უნდათ და არც აინტერესებთ. არადა, საკუთარ კერაზე ყოფნა რომელ ადამიანს არ უნდა.

_ ბატონო გრიგოლ, თქვენი აზრით, რატომ იბრძვის ასე გააფთრებით აგრესიული ოპოზიცია პრეზიდენტის სავარძლისთვის?

_ ოპოზიციას პრეზიდენტის სავარძლისთვის ბრძოლის მადა გიორგი მარგველაშვილის მიერ წარმოქმნილმა ნიშამ გაუღვიძა. პრეზიდენტის სავარძელი მათ სურთ პლაცდარმად გამოიყენონ, რათა ქვეყანას შიგნიდან მიაყენონ პოლიტიკური დარტყმა. პრეზიდენტობის ერთ-ერთი კანდიდატი გრიგოლ ვაშაძე ღიად აცხადებს, რომ პოსტის მიღების შემთხვევაში უმალ შეიწყალებს ექს-პრეზიდენტ სააკაშვილს, მის ჯალათებს, მკვლელებს. აღნიშნული გარემოება მიგვანიშნებს, რომ ოპოზიციონერების გაპრეზიდენტების შემთხვევაში ქვეყანაში ანარქია, ქაოსი დაისადგურებს, რაც დემოკრატიულ პროცესებს დააზარალებს. სწორედ ეს უნდათ საქართველოს შინაურ თუ გარეშე მტრებს. გავიხსენოთ სააკაშვილის გამონათქვამი: "…თუ მე არ ვიქნები ხელისუფლებაში, ქვა-ქვაზეც ნუ დარჩენილაო". სამწუხაროდ, ვაშაძეს ან მის მრჩევლებს დაავიწყდათ და შევახსენებ, რომ მწამებლების, მკვლელების შეწყალება დანაშაულია. ეს დაადასტურა სტრასბურგის სასამართლოს გადაწყვეტილებამ საქმეზე "გირგვლიანი საქართველოს წინააღმდეგ". თუმცა მოსახლეობამ კარგად იცის, რას წარმოადგენენ დღევანდელი აგრესიული ოპოზიციონერები. საქართველოს მოსახლეობას აგრესიით ვერ დააშინებენ. ჩვენი მოქალაქეები აგრესიულ იდეოლოგიას ადეკვატურ პასუხს გასცემს ფარული თუ ღია ფორმით. ნახეთ, ვინ გამოირჩევა თავიანთი აგრესიით _ ვინც 2003 წლიდან მოყოლებული აშატნაჟებდა მოსახლეობას.

_ ბატონო გრიგოლ, ნარკოტიკული ნივთიერების შენახვა-გასაღება საქართველოში დასჯადია. ამ დროს პრეზისდენტობის კანდიდატმა ზურაბ ჯაფარიძემ მარიხუანის `ფესტივალი~ მოგვიწყო. რასთან გვაქვს საქმე? ან ეპატიება დანაშაული თუნდაც პრეზიდენტობის კანდიდატს?

_ ვინმე ჯაფარიძემ კარგად იცის, პრეზიდენტი ვერასოდეს გახდება. იგი ცდილობს, მომავალი საპარლამენტო არჩევნებისთვის მიიმხროს ის ახალგაზრდები, რომლებიც იზიარებენ მის "კრეატიულ"-კრეტინულ აზრებს. ვინმე ჯაფარიძეს, თავის თანამოაზრეებთან ერთად, ამოძრავებთ მიზანი, უკანონო ქმედებებში ჩაითრიონ ახალგაზრდები, რომელთა ბედი და მომავალი არ ანაღვლებთ.

_ დამოუკიდებელი კანდიდატის სალომე ზურაბიშვილის წინასაარჩევნო კამპანიაზე მინდა გკითხოთ, რომელსაც მხარს "ქართული ოცნება" უჭერს.

_ მიუხედავად საჯარო არაარგუმენიტებული თავდასხმებისა აგრესიული ოპოზიციის მხრიდან, ქალბატონი სალომე დაბალანსებულ საარჩევნო კამპანიას აწარმოებს. იგი ტყუილ დაპირებებს არ აძლევს მოსახლეობას. მისი განცხადებით, გაპრეზიდეტნების შემთხვევაში იქნება ქვეყნის აქტიური დიპლომატი საერთაშორისო მასშტაბით. სწორედ ეს არის პრეზიდენტის ძირითადი მოვალეობა. ახლა თავად საზოგადოებამ უნდა გადაწყვიტოს, რას დაუჭერს მხარს _ ქვეყნის სტაბილურ განვითარებას, რასაც გვპირდება ქალბატონი სალომე, თუ აგრესიას, დესტრუქციულ გამოვლინებებს ქართულ პოლიტიკაში.

_ არჩევნები ხარჯთან არის დაკავშირებული. როგორც ვხედავთ, ოპოზიცია უფულობას არ უჩივის. საიდან ფინანსდებიან?

_ წინა რეჟიმისგან განსხვავებით, დღევანდელი ხელისუფლება ოპოზიციის მხარდამჭერ ბიზნესმენებს არ აშანტაჟებს და არც ატერორებს. ავიღოთ თუნდაც "ომეგა", რომელსაც საბიუჯეტო დავალიანება 51 მილიონი ლარი აქვს. მიუხედავად ამისა, რამდენჯერმე გადაუვადეს გადახდის ვადა. მათი ტელეკომპანიის "იბერიის" დახურვას ხელისუფლებას აბრალებენ, რაც არალოგიკურია.

_ და ბოლოს, ბატონო გრიგოლ, თქვენი აზრით, როგორ ჩაივლის არჩევნები, ვინ გაიმარჯვებს?

_ როგორც დამკვირვებელს, ჩემი პოზიციისა ღიად დაფიქსირების უფლება არა მაქვს. ერთს გეტყვით, გაიმარჯვებს ღირსეული. საქართველოს მოსახლეობა ბრძენია და შეუძლია ცუდის და კარგის გარჩევა. მთავარია, საზოგადოებამ იაქტიუროს. საერთოდ, იმედია, არჩევნები მშვიდობიანად ჩაივლის, გარკვეულ ძალებს კი არ ექნებათ საფუძველი და მიზეზი, მოაწყონ არეულობა.

გია ბურდული

მეტის ნახვა
27-10-2018, 16:30


ბიძინა ივანიშვილი მზადაა, მუდმივად შეკითხვები რომ აწუხებთ, იმ ტელეჟურნალისტებს შეხვდეს და ინტერვიუ მისცესო, – გავრცელდა ინფორმაცია… პრინციპში, გავრცელდა კი არა, მეხივით გავარდა და ჩვენი “ტელევარსკვლავები” დააბნია კიდეც. “რუსთავორელმა” ნიკა გვარამიამ ეგრევე დაიწყო მიეთ-მოეთი, გიორგი გაბუნიას მაგ დროს (სამშაბათ ღამეს, 22 საათზე) თავისი გადაცემა აქვს, ვერ მივა, გადაცემას ვერ ჩააგდებსო. იგივე გაიმეორა “პირველის” “სასტავმა”, კერძოდ ინგა გრიგოლიამ, ვერც მე ჩავაგდებ ჩემს `რეაქციას~, მაყურებლის ინტერესები უფრო მეტად მიღირსო. დარჩა მხოლოდ “იმედის” ირაკლი ჩიხლაძე. თუმცა მოგვიანებით “გაგვახარეს”, გიორგი გაბუნიას ეკა კვესიტაძე ჩაენაცვლება, ხოლო ინგა გრიგოლიას – დიანა ტრაპაიძეო. მთელი საქართველო ელოდა “ჭირხვნაი საკვირველს”, მაგრამ ჩემი აზრით, ვინც ივანიშვილმა ამოარჩია, მათ თავი აარიდეს მოტივით – “შარშანწინდელიც კი გვახსოვს, შენგან მაგარი ჭირხვნაო”. მოკლედ, ბევრი რომ აღარ გავაგრძელო, მიუგდეს “ამგენმა” “იმგენი” გასაშავებლად პოლიტიკურ სუპერმენს.

* * *
მაშ ასე, წინასაარჩევნო კამპანიის ბოლო კვირა – არჩევნებამდე 6 დღით ადრე პარტია,, ქართული ოცნების“ თავმჯდომარე, ბიძინა ივანიშვილი ჟურნალისტების პირისპირ “იმედის” ეთერში “ქართული ოცნების” ცენტრალური ოფისიდან. ფაქტია, ეს გამოსვლა არის “ნაციონალური მოძრაობის” თავზე მეხის დაცემა, ამ დამნაშავე პარტიის პოლიტიკურ კუბოზე საბოლოო ლურსმნისა და საკონტროლო ტყვიის დაჭედება. უნდა ვაღიაროთ, საინტერესო ფორმა მოძებნა ბატონმა ივანიშვილმა, ამას ჰქვია: “თან საქმე, თან – ჭირხვნა”, ანუ საპრეზიდენტო არჩევნების მოგება 6 დღით ადრე, სამშაბათ ღამეს, 28-ში ქაღალდზე გაფორმდება და ეგაა. 29-დან “ნაციონალებს” და მათთან გათანაბრებულ პირებს შეუძლიათ, თუკი სალომე ზურაბიშვილის საქართველოში არ სურთ ცხოვრება, სხვა პლანეტაზე, ან სულაც ამსტერდამში გადასახლდნენ.

ბიძინა ივანიშვილი გადაცემის წამყვანის როლში მოგვევლინა – ამჯერად მედიატორი მე ვიქნებიო. კვესიტაძე გამოპარულივით ზის. მაინც წაჰკბინა, ნინო ჯანგირაშვილი მაკლიაო. ტრაპაიძემაც აუბა მხარი. კაცმა აუხსნა, დანარჩენებს მომავალში შევხვდებიო. ტრაპაიძე სვამს პირველ შეკითხვას, მაგრამ თავისივე მსჯელობაში იბლანდება, ძლივს აკონკრეტებს. კვესიტაძე უკვე ჩხუბობს, მას ასეთი როლი აქვს, ასეა დარიგებული გვარამიასგან. ოქუაშვილზე მიდის ბაზარი. ამ ჟურნალისტებისთვის გაუგებარია, რატომ ხვდება ბიზნესმენი ივანიშვილი ბიზნესმენებს. ივანიშვილს უკვირს, რომ ამ ჟურნალისტებს ეს უკვირთ. არ აცდიან ადამიანს, რომ ჩამოაყალიბოს აზრი ნორმალურად, ყველანაირად ცდილობენ, რომ გადაცემა არიონ. შეიძლება არც ცდილობენ, უბრალოდ, ასე გამოდის – ორი დედაკაცი ეჩხუბება ერთ ადამიანს, ხოლო “იმედის” ირაკლი ჩიხლაძე ზის მდუმარედ. ივანიშვილი ახერხებს და აკონკრეტებს – ბიზნესმენებს მომავალშიც შევხვდებიო.

კვესიტაძე ნერვიულობს, ასე არ გამოვაო, მარტო ტრაპაიძეს რომ ელაპარაკებითო. დაელოდეთ, დაელოდეთ, – პასუხობს ივანიშვილი. “რუსთავორელს” მხოლოდ ის აინტერესებს, ჩაიყვანა თუ არა ფარცხალაძემ ყიფიანი სარდაფში. პირველივე 15 წუთში თვალშისაცემი ხდება ამ ჟურნალისტების მწირი აზროვნება, მათ არ შეუძლიათ, თავიანთი ინტელექტით დაუპირისპირდნენ ივანიშვილს.

ბატონმა ბიძინამ პენალტი დაარტყა! კვესიტაძეს ეკითხება, ოქუაშვილს რაში უნდა გადაეხადა ფული ჩემთვისო? ჟურნალისტი იბნევა, მე რა ვიციო? ამათი მთავარი თემა ფარცხალაძეა, “რუსთავორელი” ყვება, თუ რა ქონება გააჩნია ყოფილ პროკურორს, თან სიაც მიუტანა.

ბიძინა ივანიშვილი: “რუსთავი 2” არის სიცრუის მანქანა, თქვენი ფურცლები არაფერს წარმოადგენს. მე სხვა დოკუმენტები მაქვს მოტანილი. თქვენ ძალიან ბევრს ცრუობთ. თქვენ მთავრობის რამდენიმე წევრის ბინები გამოიტანეთ, არც ერთს არ ჰკითხეთ არაფერი. ქალბატონო ეკა, კულტურა იქონიეთ, ორ ხმაში ვერ ვილაპარაკებთ, შეეცადეთ, რომ დაელოდოთ, ასე ძალიან დავიღლებით. თქვენ მაყურებლის ნაწილი გყავთ მძევლად აყვანილი და ატყუებთ”!
კვესიტაძე ვერ ჩერდება, როგორც ჩანს, გვარამიამ გამოცილებისას წიწაკა აჭამა. ივანიშვილი შენიშვნას შენიშვნაზე აძლევს. ისევ ფარცხალაძე და მისი ბოტასები, ისევ სარდაფი. ეს არ არის საუბარი, ეს არის ორი ჟურნალისტის წიკვინი. ვერ გავიგე, ჩიხლაძე რისთვის მიიყვანეს. 

რა ოთხი თითი ვაჩვენე ოქუაშვილს, როგორ გეკადრებათო? – ლაპარაკობს ივანიშვილი, რომელიც აშკარად მაგრადაა მომზადებული, ყველა დეტალი იცის. ამას გრძნობს კვესიტაძე და ცდილობს, არ მისცეს ახსნა-განმარტების საშუალება. დიანა ტრაპაიძეც იმსახურებს შენიშვნას, თქვენ “რუსთავი 2”-ის ფილიალი ხართო.

გადის 40 წუთი. ისევ ფარცხალაძე, ისევ სარდაფი, ისევ ბოტასები, ისევ ოქუაშვილი. მე 40 წუთზე ხმას იღებს ირაკლი ჩიხლაძე და სვამს შეკითხვას სახელმწიფო სტრუქტურებში კორუფციაზე. დღეს რომ “რუსთავი 2” გამორთო, ქვეყანაში აღმშენებლობაზე მეტს ვერაფერს ნახავთო, – არის პასუხი. რა თქმა უნდა, ყველა მობილიზებული უნდა ვიყოთ, რომ ხელისუფლება იყოს გამჭვირვალე, თუ ვინმე დააშავებს, უნდა დაისაჯოს, – არის დამატება. თუმცა “რუსთავი 2” მაინც სიცრუეს ავრცელებს, – არტყამს ბეჭედს. კვესიტაძე ნელ-ნელა ჩმორდება.

ბიძინა ივანიშვილის მეორე პენალტი: `რასაც `ნაცმოძრაობა~ 9 წლის განმავლობაში აშენებდა, დღეს იმაზე მეტს მარტო მე ვაშენებ”!
კვესიტაძე ირონიულად კითხულობს, მაინც რას აშენებთო? უკვირს, რომ ივანიშვილი რამეს აშენებს. “რუსთავორელი” ამოვარდნილია “რუსთავი 2”-ის გრაფიკიდანაც კი, ის უძლურია, წინააღმდეგობა გაუწიოს ივანიშვილს.

ბიძინა ივანიშვილის მესამე პენალტი: “ძალიან მალე, ერთ წელიწადში ყველას დაერქმევა თავისი სახელი. დღეს ისეთი შეგრძნებაა, თითქოს სახელმწიფო აღარ არსებობს, უნდათ დახატონ, თითქოს ივანიშვილი ვიღაცებს არეკეტებს. მაქსიმუმ ერთ წელიწადში ყველას და ყველაფერს თავისი სახელი დაერქმევა”!
აი, ამის მოსმენა მინდოდა, ეს არის მთავარი, თუ ერთ წელიწადში ყველას და ყველაფერს თავისი სახელი დაერქმევა, ეს იქნება დიდი გამარჯვება. ამაზე ოცნებობს ქართველი ხალხის უდიდესი ნაწილი. მე პირადად, როდესაც ბიძინა ივანიშვილის ბოლო ინტერვიუ მოვისმინე, დამრჩა შთაბეჭდილება, რომ ცოტა გულნატკენი იყო და ცოტაც ნაწყენი. თან თითქოს თავს იმართლებდა. ამ შემთხვევაში ისევ ვიხილე ძველი ბიძინა ივანიშვილი, შემტევი, ემოციური, ენერგიული, ის აშკარად მზად არის ხელახალი ბრძოლისთვის. არადა, ხელახალი ბრძოლა საჭიროა, აუცილებელიც კი.
ზუსტად 1 საათი გადის. ისევ ფარცხალაძე, ისევ სარდაფი, ისევ ტიტველი ყიფიანი, ისევ ბოტასები. ტრაპაიძე კითხულობს, რატომ გიყვართ ასე ფარცხალაძეო? მრჩება შთაბეჭდილება, რომ ამ ჟურნალისტებს ივანიშვილი პროკურორი ჰგონიათ, მან უნდა გამოიძიოს, რამდენი წყვილი ბოტასი მოიპარა ფარცხალაძემ გერმანიაში და დასაჯოს.

უსუსური შეკითხვების მთელი წყება. ადრე არ ჩანდით, ახლა კი სალომე ზურაბიშვილის საარჩევნო კლიპშიც კი გადაგიღესო. თითქოს ამ ადამიანს აკრძალული აქვს, ან კლიპში გადაიღონ, ან კიდევ ფილმში.
და ბოლოს… თამამად შეიძლება ითქვას, რომ ივანიშვილმა ჟურნალისტები ჩააფლავა. იყო ბრალდებები, იყო ბრალდებები სალომე ზურაბიშვილის წინააღმდეგ. ბატონმა ბიძინამ დაადასტურა, რომ ცხინვალი დაბომბა სააკაშვილმა და არა საქართველომ. მან კიდევ ერთხელ ახსნა, თუ რა მოხდა 2008-ში და რაც ჩვენ მშვენივრად ვიცით. რაც “ნაცმოძრაობამ” ჩაიდინა, სწორედ ეს არის ღალატი.
დიახ, იყო ღალატი და ყველაფერს უნდა დაერქვას თავისი სახელი!

გელა ზედელაშვილი

მეტის ნახვა
27-10-2018, 10:30


განა პარადოქსი არ არის, დღეს, 2018 წელს, საპრეზიდენტო არჩევნებში ნიკო ნიკოლაძისა და ივანე ზურაბიშვილის შთამომავალს პრეზიდენტობას უღმერთოთა კავშირის თავმჯდომარის შვილიშვილის, მიხეილ სააკაშვილის, ფავორიტი, სსრკ-ის პოლიტიკურ ლაბორატორიაში გამოჩეკილ-გამოჯეკილი, სსრკ-ის უშიშროების სამსახურებთან მრავალწლიანი თანამშრომლობის სტაჟის მქონე გრიგოლ ვაშაძე ეცილებოდეს?

"ეს დიდი პასუხისმგებლობა მხოლოდ ჩემი პასუხისმგებლობა არ არის. მე ვარ ვალდებული ჩემი წინაპრების წინაშე, ყველა იმ ადამიანის წინაშე, ვინც 100 წლის წინ საქართველოს დამოუკიდებლობა გამოაცხადა, მაგრამ ეს დამოუკიდებლობა ვეღარ აცოცხლა.
ძალიან ბევრი ადამიანი იყო ჩემს ოჯახში და არა მხოლოდ ჩემს ოჯახში, ვინც საქართველოს ღირსეული პრეზიდენტი იქნებოდა, მაგრამ ვერც პრეზიდენტი გახდა, ვერც პარლამენტარი, სახელმწიფოს ვერ ემსახურნენ, რისთვისაც ჩემზე მეტად მზად იყვნენ. ამ ადამიანების გამო ვთვლი, რომ ამ მომენტში ასეთ გამოწვევაზე უარის თქმა არ შეიძლება. ესაა ჩემი გადაწყვეტილების მთავარი მიზეზია", _ თქვა სალომე ზურაბიშვილმა ერთ-ერთ ინტერვიუში.

თუ ქალბატონი სალომე გრძნობს პასუხისმგებლობას თავისი წინაპრებისა და ყველა იმ ადამიანის წინაშე, ვინც 100 წლის წინათ საქართველოს დამოუკიდებლობისთვის იბრძოდა, რატომ ვერ გრძნობს ამ პასუხისმგებლობას დამოუკიდებელი ქართული სახელმწიფო და მისი ცესკო, როდესაც საქართველოს პრეზიდენტობის კანდიდატად ისეთი ბიოგრაფიის ადამიანს არეგისტრირებს, როგორიც გრიგოლ ვაშაძეა?

ადამიანი მის მიერ განვლილი გზით, მისი ბიოგრაფიით ფასდება.
ამ ორი ადამიანის, სალომე ზურაბიშვილის და გრიგოლ ვაშაძის ბიოგრაფიების შედარება ნათელს ხდის, როგორ განსხვავებულ იდეებს და იდეალებს ემსახურებოდნენ ეს ადამიანები.

* * *
როცა ამხანაგი გრიგოლი კომპარტიაში შესვლაზე "ჩალიჩობდა" და რუსული პოლიტიკის ლაბირინთებში გზას იკვლევდა, ქართველი ემიგრანტების ოჯახში დაბადებული სალომე ზურაბიშვილი სამშობლოსკენ ცდილობდა გზის გაჭრას.
მან ეს მხოლოდ 35 წლის ასაკში მოახერხა.

სალომე ზურაბიშვილი:
"საქართველოში ჩამოსვლა ამდენი წელი აკრძალული მქონდა, ჯერ საბჭოთა წყობის, მერე უკვე პირადად ვიზის აკრძალვის გამო. პირველად რომ ჩამოვედი, 35 წლის ვიყავი. გული მწყდება, მამაჩემი ისე გარდაიცვალა, რომ ვერ მოესწრო დამოუკიდებელ საქართველოს.

პოლიტიკაში მოსვლა არასდროს მდომებია, სამაგიეროდ, საქართველოს სამსახურში ყოფნის ჟინი მომყვება, როგორც მუდმივი სწრაფვა. ახალგაზრდობაში მე და ჩემი მეგობრები დემონსტრაციებს ვაწყობდით საბჭოთა ლიდერების ჩამოსვლის გასაპროტესტებლად, ხან სტატიებს ვწერდით, ხან მიმართვებს ქართულ ენაზე, რომელსაც ვავრცელებდით ჩვენი მცირე საშუალებებით, გაზეთს ვუშვებდით ("ამირანი" ქართულ ენაზე), მერე დისიდენტური მოძრაობა გაჩნდა, გამსახურდიასა და კოსტავას წერილებს ვთარგმნიდით და ვავრცელებდით სხვადასხვა ევროპულ უწყებებში… ვიღაცებს მიაჩნდათ, რომ ცოტა არანორმალური ვიყავი, იმდენად შეპყრობილი ვიყავი ამ ერთი იდეით. იმ დროს, როდესაც ახალგაზრდა გოგო თავის პირად ცხოვრებაზე უფრო უნდა ფიქრობდეს".

საქართველოს თავისუფლებისთვის მებრძოლი ქართველების ემიგრაციაში იძულებით წასული შვილებისა და შვილიშვილების დაბრუნებას სამშობლოში სწორედ ის სისტემა უქმნიდა გადაულახავ ბარიერს, რომელსაც ვაშაძეები ყურმოჭრილი მონის ერთგულებით ემსახურებოდნენ.

უსამართლობა, უფრო ზუსტად, ბედის დაცინვა და ცინიზმი არ არის, დღეს იგივე ვაშაძეები, გნებავთ, სააკაშვილები თუ პარტიული ნომენკლატურის და საბჭოთა სპეცსამსახურების წარმომადგენელთა ნაშიერები ამ სხვისი სიცოცხლის, სხვისი სისხლის და თავგანწირვის ფასად მოპოვებულ დამოუკიდებელ საქართველოს კვლავ თავზე უპირებდნენ წამოჯდომას?

თუმცა რაღა უპირებდნენ _ ისინი არც ჩამოსულან საქართველოს კისრიდან _ დამოუკიდებლობის მიღებიდან ერთი წლის თავზე ტყვიით და ცეცხლით მობრუნდნენ უკან, სახელად დემოკრატები დაირქვეს, ორიენტაცია შეიცვალეს _ პროდასავლურები გახდნენ, თუმცა მორიელისა არ იყოს, ზნეს და ხასიათს ვერაფერი მოუხერხეს.

ვფიქრობ, სალომე ზურაბიშვილის გაპრეზიდენტება, მისი პრინციპებიდან და პოზიციიდან გამომდინარე, ხელს შეუწყობს იმ უმსგავსობის დამთავრებას, რაზეც ამ წერილში ვილაპარაკეთ.
დროა, თუნდაც ასი წლის შემდეგ, ისტორიული სამართლიანობა აღდგეს!
ვახტანგ ხარჩილავა
"სგ" N 33, 2018 წ.

ირაკლი კობახიძე: 

ეს არის ხელმოცარული და უნიათო ფაშისტის განცხადება!

„ეს არის ხელმოცარული და უნიათო ფაშისტის განცხადება,“ – ასე გამოეხმაურა საქართველოს პარლამენტის თავმჯდომარე ტელეკომპანია რუსთავი ორის დირექტორის ნიკა გვარამიას პოსტს, რომელიც მან სალომე ზურაბიშვილის დამფინანსებლების შესახებ სოციალურ ქსელში დაწერა.

გთავაზობთ ფრაგმენტებს ირაკლი კობახიძის განცხადების ტექსტიდან:

„ნიკა გვარამია ზურაბიშვილის შემომწირველების შესახებ პოსტში წერდა, რომ „ყველა, ვინც სალომე ზურაბიშვილს ან აფინანსებს, ან კამპანიაში სხვაგვარად ეხმარება, ყველა პოლიტიკოსი, რომელიც დაყვება და მხარს უჭერს, უკიდურესად უნდა შევავიწროვო თ. უნდა დავიმახსოვროთ, და გავაძევოთ საზოგადოებრივი ცხოვრების ყველა სფეროდან.”
“ეს ისტერიული განცხადება უსათუოდ უკავშირდება კანდიდატების არსებულ რეიტინგებს, რომელთა მიხედვითაც, სალომე ზურაბიშვილი დამაჯერებლად იგებს არჩევნებს, ხოლო ნიკა გვარამიასა და ნაციონალური მოძრაობის პარტიული კანდიდატი გრიგოლ ვაშაძე, შეიძლება მეორე ადგილზეც ვერ გავიდეს. ეს არის ხელმოცარული და უნიათო ფაშისტის განცხადება, რომელიც გასული 6 წლის მანძილზე არაერთგზის მწარედ დამარცხდა ქართული დემოკრატიის, საზოგადოების და სიმართლის წინააღმდეგ ბრძოლაში.

"სგ" N 37, 2018 წ.

სალომე ზურაბიშვილს თუ არა, აბა ვის დაუჭიროს მხარი ქართველმა ხალხმა - კაგებეშნიკ ვაშაძეს, რუსეთთან დანა-ჩანგლით მეომარ ბაქრაძეს თუ ნარკომომხმარებელ ჯაფარას?

გვესაუბრება არასამთავრობო ორგანიზაციის _ "ყოფილი პოლიტ.პატიმრები ადამიანის უფლებებისთვის" თავმჯდომარე ნანა კაკაბაძე:
_ ქალბატონო ნანა, ეკლესიის რამდენიმე წარმომადგენელი დაუპირისპირდა ერთ-ერთ საპრეზიდენტო კანდიდატს _ სალომე ზურაბიშვილს და მისი კანდიდატურის მოხსნას ითხოვს. ამ შემთხვევაში, რასთან გვაქვს საქმე?

_ ეს ნამდვილად არ არის ეკლესიის პოზიცია, პატრიარქმა ამის შესახებ თავის წერილში დააფიქსირა. "ციანიდების" გარდა თუ კიდევ ვინმე სხვამ გამოთქვა ასეთი პოზიცია, ეს, უბრალოდ, მხოლოდ და მხოლოდ იმ პიარის შედეგია, რომელიც საზოგადოების ფართო მასებზე ზეგავლენას ახდენს. 

ინტერნეტ-სივრცეში დევს ჩვენი საერთაშორისო პარტნიორების პოზიციები, მათ შორის, ამერიკის ელჩის, მაკ კეინის, რომელიც "ნაციონალებს" თავიანთ გურუდ, ღმერთად მიაჩნიათ. განა რას ამბობს განსხვავებულს ამერიკის ელჩი, მაკ კეინი ანდაც ტალიავინის დასკვნა? რატომ ამაზე არ ტეხენ "ნაცები" ერთ ამბავს? _ ისინი პირდაპირ საუბრობენ იმაზე, თუ რა როლი აქვს სააკაშვილს ქვეყნის ოკუპაციაში. რა თქმა უნდა, ეს არის სწორი, ჯანსაღი პოზიცია. თუ ჩვენს პრობლემას სახელს არ დავარქმევთ, ნებისმიერ ავადმყოფს სწორ დიაგნოზს თუ არ დაუსვამთ, მისი მკურნალობა შეუძლებელი იქნება. ჩვენ, თუ არ გავიაზრებთ იმას რა დანაშაული ჩაიდინა "ნაცმოძრაობამ" და სააკაშვილმა 2008 წლის ომის დროს და ვინ არის დღეს პასუხისმგებელი ტერიტორიების დაკარგვაზე, არაფერი გვეშველება. შეიძლება პირდაპირ ითქვას, რომ სააკაშვილმა, ძალაუფლების შენარჩუნებისთვის, ქართული მიწები რუსეთს გადასცა, აჩუქა. წარწერას ვერ გაუკეთებდა, ტერიტორიებს ვერ დააწერდა: სახსოვრად პუტინს მიშასგანო და ამიტომ, გააკეთა, ის რაც გააკეთა _ ჩვენი ტერიტორიები რუსეთს გადასცა. თუ მკითხავთ, ამას, სალომე ზურაბიშვილი კიდევ რბილი ფორმით ამბობს. მე, უფრო მკაფიოდ და მეტსაც ვიტყოდი.

"სგ" N 35, 2018 წ.



მეტის ნახვა
26-10-2018, 18:30


ესოდენი ისტერიკული საპრეზიდენტო არჩევნები მხოლოდ ზვიად გამსახურდიას დროს ვიხილეთ. ახლაც მახსენდება წერეთლის გამოსვლა, კატეგორიულობით რომ მოუწოდებდა მოსახლეობას განზე გადგომოდნენ პრეზიდენტობის კანდიდატს.

ამ გამოსვლამ ხმების ლამის 20–25 პროცენტი შემძინაო, იტყვის მოგვიანებით ნეტარხსენებული ზვიადი.

სალომე ზურაბიშვილთან როგორ არის საქმე? დაახლოებით იგივე სურათია, იგივე ისტერიკა, იგივე ყაყანი და წიკვინი:
მქონდა ბედნიერება მცნობოდა ცხონებული გერმანე ფაცაციას მეშვეობით რაინდული ბუნების ჯანრი კაშია, რომელიც გასაოცარი გემოვნების ესთეტიკისი გახლდათ და ამავდროულად მაღალი ერუდიციის პოლიტოლოგიც. აზროვნების მისეული მოდელი ბატონ სერგი საჯაიას დიდებულ ნაშრომშია აღბეჭდილი, რომელიც საქართველოს გეოსტრატეგიულ პლატფორმის ქვაკუთხედად შეიძლება მივიჩნიოთ. ყველაფრის გათვალისწინებით რატომ უნდა გვიკვირდეს ქალბატონი სალომეს პრაგმატული ინტელექტუალობა – "ბრძოლა, რომელიც იწყება, არ არის მოგებული, მაგრამ ჩემს გვერდით ქართველები არიან, დღევანდელი და მომავლის ქართველები; ჩემთანაა აგრეთვე ისტორია, კულტურა, ფესვები, ტრადიციები, ყველაფერი ის, რამაც ეს ქვეყანა საუკუნეების განმავლობაში გადაარჩინა შემოსევებსა და დამონებას; რაღაც ძალზე ძლიერი, მაცოცხლებელი ენერგია, რომელიც დღესაც მჟღავნდება იმ ადამიანებში, რომლებიც ჩემს შესახვედრად მოდიან და მეუბნებიან: "დარჩით!"

მერედა, ჟანა დ,არკის ქვეყნის შვილია, ეს მშვენიერი მანდილოსანი ჩვენი, მაია წყნეთელისა და ქეთევან დედოფლის სულიერი მემკვიდრეა ეს გონებადაუნჯებული ქალბატონი, რომელიც თავისი 18-თვიანი მინისტრობის წლებში არნახულ წარმატებებს მიაღწევს რუსეთის მიმართულებით, ამას არ პატიობენ, ამას უცაცხანებენ, რადგანაც ჩვენ ხომ ნიადაგ მტრულ დამოკიდებულებაში უნდა ვიყოთ ჩრდილოელ მეზობელთან, რომ ვერადროს გავთავისუფლდეთ.

ერთი, НТВ-ს გადაცემა მახსენდება, სადაც თავგადაკლული ერთგულების მტკიცებაა მავანისაგან რუსებისადმი, ცხადია, ქართველების გთახსირების ხარჯზე. პირდაპირი ეთერია და ჩაერთვება ჟირინოვსკი მისთვის დამახასიათებელი სიფიცხით: თქვენისთანა ათას ცოცხალს ერთი მკვდარი ქართველი მირჩევნიაო – მოსჭრის. ამისთანა ვითარებაში რატომ არ ვიქნებით ანექსირებული? განა "რუსთავი 2"-ის ლოგოც ამას არ ღაღადებს ცისფერი ეკრანიდან, მეორე ტროას გაგიმართავთ დღეს იქნება თუ ხვალ-ზეგო.

წარუშლელია ქალბატონ სალომეს ზურაბიშვილის წიგნი "საქართველოსკენ". ქალბატონ სალომეს მოვლილი აქვს ტიბეტი, მსოფლიოს ეზოტერიკული ცენტრები, ორიგინალში დაწაფებია ჟან-პოლ სარტრს, ალბერ კამიუს, ჯეიმზ ჯოისს, უილიამ ფოლკნერს, "ცნობიერების ნაკადის" ფასეულობებს თუ კლასიკას ზოგადად, ძირეულად გარკვეულა თავისი დედასაქართველოს მისსიაში, რომელიც იგივე სურამის ციხეა მისთვის, მისი უწვერული წინაპარი რომ ჩაეშენება საკუთარი ნებით. აი, როგორ საქართველოსკენ მოეშურება მეორე მანდილოსანი პოლიტიკური ფიგურა ქართულ სინამდვილეში 8 საუკუნის მერე.

გადამწყვეტი ბრძოლა ტროასთვისო, თუ განაცხადა ჰექტორმა, ყველაფერი გასაგებია, რომ პროტოიბერიული რასის გადარჩენაზეა საუბარი, მაგრამ იგივე სიტყვები თუ გაიმეორა ბერძნების წინამძღოლმა აგამემნონმა, აქაც ცალსახადაა გადმოცემული განწყობა, ოღონდ პროტოიბერიელის მიწის პირისაგან აღსახოცად. მხოლოდ მეტისური წარმომავლობის სააკაშვილის და მისი ნაციონალური მოძრაობის შემთხევაშია გაურკვეველობა, რებუსები, ორჭოფობა, კონკრეტულად რომელ საქართველოზეა საუბარი, ქართველები რომ ვცხოვრობთ და ვმოღვაწეობთ, თუ უქართველებო, და მიკვირს, დიდად გავსახრტებულვარ ამისთანა კატეგორიის ხალხს ქვეყნის მოღალატეს რომ ეძახიან გულუბრყვილონი. მოღალატეა ის, ვინც შენი თანამემამულე იყო ოდესღაც, ესენი კი პირწავარდნილი სახელმწიფი დამნაშავენი არიან, სამხედრო ტრიბუნალის პერსონაჟები, საერთაშორისო ტერმინოლოგიით – რეზიდენტები. ჩინებულად რომ ასრულებენ თავიანთი სულიერი მამების მითითებებს და თვალში ნაცარს აყრიან უბირ მოსახლეობას, აქაოდა, შეხეთ, რა კარგად ვაგებდით ასფალტს, როგორ მძლავრობდა ჩვენს დროში ელექტროენერგია, როგორ ვმღეროდით "თბილისოს" და იმაზე დუმან ეს დუმაშეჩვენებული ყურუმსაღები, საღ-სალამათ მამაკაცებს რომ წაკუზავდნენ ხოლმე ახოსპირა ბუნკერებში ნამუსის ასახდელად; სასიცოცხლო ორგანოებს რომ ამოაცლიდნენ სხეულიდან ჯერაც სულმოხანტალე ადამიანებს.

დრაკონის ხიდს გვიშენებდნენ მშვიდობის ხიდის სახელწოდებით; ცილინდრის ფორმის, სპილოგადაყლაპული პითონის აღნაგობის პარლამენტის შენობას გვიგებდნენ ქართული კანონშემოქმედების შესასანსლად, ეგზიუპერის "პატარა უფლისწულის" მაგალითისამებრ; არქიტექტორ მიკელე დე ლუკს რა ენაღვლება, შეუკეთეს ურჩხული და გამოაჩონჩხა. შლაპანცებით გვაბიჯებენ თოხლო კვერცხებს და გვაბრტყელენბენ თავიანთი ჭკუით; ლოტოსის ყვავილის სახურავიან იუსტიციის სახლში 24-საათის განმავლობაში შეუძლია ნებისმიერ უცხოელს შეიძინოს 100, 200, 300 ჰექტარი ქართული მიწა, რომ შემდგომ კანაფის ნარკობიზნესში გაჰხვიოს სრულიად საქართველო.

პოლიტიკურ არენასთან კავშირი არასდროს გამიწყვეტია. გაიკრიახა ჟუჟუნა წვიმასავით გვალვიან ცაზე ჯონდი ბაღათურიამ და ეგრევე მიკულისდა; ედეპეელი ბაჩუკი ქარდავა (შეხვედრაზე რამდენიმეგზის შეხმიანებულს ციებიანივით გამირბის), ხაბაზობს ძველებურად და არის პირში წყალჩაგუბებული; ვსტუმრებივარ თავიანთ ოფისში თენგიზ ჯგუშიას და კახა კუკავას, მაგრამ რუსული ვოიაჟების შემდეგ რატომღაც მივავიწყდით – არადა, ჩამიდის ხმები – 200-ზე მეტი ქართველი დიასპორელი მილიონერი და რამდენიმე მილიარდელი სერიოზულ თანხებს გაიღებენ თურმე ქართული პრობლემების მოსაგვარებლად, თუმცაკი ეს ფულადი რესურსი ჯანსაღი პოლიტიკური ასპარეზის გაშლის ნაცვლად უნიტაზებისა და ჯაკუზების შეძენას ხმარდება ამათგან სავალალოდ.
ღონემიხდილი და დაუძლურებული საქათველოს საშველად მოეშურება მარადქალური მადლით ცხებული სალომე ზურაბიშვილი, იგივე სურამის ციხისკენ, საუკუნეების წინათ პირტიტველა მისიანი რომ ჩაშენებია საკუთარი ნებით იმ კედლების ურყეობასა და რა უფლება გვაქვს ხაბარდა-თქო, არ შევძახოთ რიგითებმა, რადგან განსაკუთრებული პასუხისმგებლობა აქვს აღებული საკუთარ თავზე; რადგანაც საჭიროა ახალი მიძრაობის შექმნა, რომელიც ამიერიდან ვერ იქნება მხოლოდ პატროფილურ ფასეულობებზე აგებული, ალბათ, გაითვალისწინებს მომავალში სამოქალაქო ინტეგრაციასაც, და რაც მთავარია, გზას გაუხსნის ნიჭიერებას, შიდა ბაზრის დაცვას, ინვესტიციების მოზიდვას ენდემური ჯიშების ასაღორძინებლად და ვინ მოსთვლის.

აი, როგორი საქართველოსკენ, როგორი სურამის ციხისკენ მოეშურება სალომე ზურაბიშვილი და ფეხბედნიერი ყოფილიყოს სრულიად საქართველოსთვის თავდადებული მსწრაფველობა მისი.

გური ოტობაია,
მწერალი.

მეტის ნახვა
26-10-2018, 17:30


გვესაუბრება ორგანიზაცია "კავკასიელ ხალხთა კონფედერაციის" თავმჯდომარე, ანალიტიკოსი რეგიონალური პოლიტიკისა და უსაფრთხოების საკითხებში ზაალ კასრელიშვილი.

"საერთო გაზეთს" და მის მკითხველს პატივს რომ არ ვცემდე, ამ ბინძურ წინასაარჩევნო კამპანიასთან დაკავშირებით ინტერვიუზე არ დაგთანხმდებოდით. რა თქმა უნდა, გვინდა ჩვენი მოსაზრებები საქართველოს მოსახლეობამაც იცოდეს, სახეზეა უღირსი მეთოდებით მიზნის მიღწევის მცდელობა. სიმართლე გითხრათ, არ მეგონა თუ ამდენი, ბოდიში მომითხოვია და ნაბოზარი კაცი თუ ცხოვრობდა საქართველოში. 80-იან წლებში, საქართველოში მამაკაცების უმრავლესობა კაცობაზე დებდა თავს, როგორც ჩანს, მაძღარ ადამიანს სურვილი უჩნდება მორალური ავტორიტეტიც იყოს, ამ სიტუაციამ ყველას ჩამოხსნა ნიღაბი და მათ თავიანთი ნამდვილი სახე გამოაჩინეს. მე კაცი-მამის და კაცი-პაპის გარემოცვაში ვარ გაზრდილი და ვიცი, ადამიანი საიდუმლოს რომ გაგანდობს, ის სამარეში უნდა წაიღო, თუნდაც ის კაცი მერე შენი მტერი გახდეს. ახლა პირიქით, ერთმანეთთან იმისთვის მიდიან, რომ საუბარი ჩაიწერონ და მერე ეს ადამიანი ან დააჭერინონ, ანდა ჩირქი მოსცხონ. რატომღაც ვისი საუბარიც ჩაიწერეს ის ცუდია, "ჩამწერი" კი არა. ვთვლით, რომ ძალიან ბინძური წინასაარჩევნო კამპანიაა, სასოწარკვეთილი პოლიტიკოსების ისტერიას ჰგავს ეს ყველაფერი. განსაკუთრებულს არაფერს ველოდებით, არჩევნების მერე ერთი გაფართხალება ექნებათ ოპოზიციონერებს, ერთს კიდევ გაიბრძოლებენ, მაგრამ ვერც პოლიტიკურ ტემპერატურას აწევენ და მით უმეტეს ვერც რევოლუციამდე მიიყვანენ ვითარებას, რომ ძალით დაამხონ ხელისუფლება.

90-იანი წლების ხელისუფლებისგან განსხვავებით, დღევანდელ ხელისუფლებას თვითონაც საკმაო ძალა აქვს და ქვეყნის გარედანაც ძალიან სერიოზული მხარდაჭერა აქვს. წინა ინტერვიუშიც გითხარით და გავიმეორებ, არჩევნების შემდგომ, უახლოეს 5–6 თვეში, საქართველოში არნახული მასშტაბების ინვესტიციები შემოვა, რაც არ ყოფილა არც შევარდნაძის და არც სააკაშვილის მმართველობის დროს. ნაცმოძრაობის და ზოგიერთი ოპოციზიური ორგანიზაციის ისტერია იმის შესახებ, რომ საქართველომ პროდასავლურ კურსს გადაუხვია, არის მცდარი და მიზნად ისახავს მოსახლეობის შეცდომაში შეყვანას. თვითონ ამ საპრეზიდენტო არჩევნებს პრეზიდენტის უფლებამოსილებებიდან გამომდინარე, ჩვენთვის რაიმე განსაკუთრებული მნიშვნელობა არ აქვს, სამაგიეროდ დიდი მნიშვნელობა აქვს ოპოზიციური პარტიებისთვის, რადგან ეს არის ტესტი 2020 წლის საპარლამენტო არჩევნებისთვის. ოპოზიციამ 28 ოქტომბრის არჩევნებში თუ ვერ შეძლო მოსახლეობის მობილიზაცია და მისთვის სასურველი `პროცენტის~ დაფიქსირება, შეიძლება ბევრი პოლიტიკური პარტია 2020 წელს საერთოდ გაქრეს პოლიტიკური სარბიელიდან. ამიტომ ყველა ცდილობს ხმების რაღაცა რაოდენობა დააფიქსიროს, რომ საპარლამენტო არჩევნებისთვის ამ ხმებით კოალიციის შესაქმნელად სხვებთანაც ივაჭროს და საზღვარგარეთაც მოაწონოს ვინმეს თავი. აი, ეს არის ამ საპრეზიდენტო არჩევნების მთელი ანატომია, სხვა არაფერი მნიშვნელოვანი და განსაკუთრებული არ ხდება. 

საქმის კეთება თუ გინდა, სულაც არ არის საჭირო უმრავლესობაში იყო, დეპუტატის სტატუსი, ოპოზიციური პარტიის ლიდერის სტატუსი სავსებით საკმარისია, რომ რისთვისაც ხელისუფლებას აკრიტიკებ, შენ გააკეთო ის საქმე. ჩვენს ორგანიზაციას სახელისუფლებო სტატუსი არ აქვს, მაგრამ უამრავი საქმე გვაქვს გაკეთებული ქვეყნისა და ხალხის საკეთილდღეოდ ისე, რომ ხელისუფლებისთვის დახმარება არ გვითხოვია. 2019 წელსაც იმდენ ინვესტიციას შემოვიტანთ საქართველოში, შევარდნაძემ და სააკაშვილმა რომ ვერ შემოიტანეს. სამშობლოს სიყვარულს და ხალზე ზრუნვას სტატუსი არ ჭირდება, თუკი ქვეყნის გარეთ ავტორიტეტი გაქვს და როგორც სერიოზულ კაცს, ისე გელაპარაკებიან. ბევრს კი ხმაურობენ, მაგრამ საქართველოში ფაქტობრივად არ გვყავს ოპოზიცია, ჩვენი აზრით, ოპოზიციონერი ის არის, ვინც უკეთესად აკეთებს იმას, რასაც ხელისუფლება ვერ აკეთებს. სააკაშვილის გუნდს, რევოლუციის გარდა, ხელისუფლებაში უმრავლესობით მოსვლის შანსი არ აქვს, ამიტომ სააკაშვილი შეეცდება სიტუაციის არევას. სააკაშვილი და მისი გუნდი რამდენიმე მიზეზის გამო ვერ გაიმარჯვებენ, პირველი — მიშა სააკაშვილს აღარ ყავს ლობი დასავლეთში, ამის დასტურია ის ფაქტი, რომ იგი გააგდეს კიევიდან და მისი დამცირება-შეურაცხყოფები ხახვივით შერჩა უკრაინის ხელისუფლებას. სააკაშვილს საქართველოში კიდევ უფრო შეუმცირდა მომხრეები, ემიგრაციაში წასული ადამიანების აბსოლუტური უმრავლესობა, სწორედ ნაციონალების მხარდამჭერია. გარდა ამისა, ვერც 2012 წლის ვერც 2016 წლის საპარლამენტო არჩევნებში, ისევე, როგორც ადგილობრივ და შუალედურ არჩევნებში ნაცმოძრაობამ ვერ მოახერხა თავისი მომხრეების ოპერატიული მობილიზაცია და არჩევნებზე მიყვანა. ამდენად, ხელისუფლებას უფრო მეტი შანსი აქვს თავისი მომხრეების მობილიზაცია მოახდინოს და საარჩევნო ყუთებთან მიიყვანოს. შესაბამისად, დარწმუნებული ვართ, ხელისუფლების მხარდაჭერილი საპრეზიდენტო კანდიდატი, ანუ სალომე ზურაბიშვილი გაიმარჯვებს ამ არჩევნებში.

– ბატონო ზაალ, ხელისუფლების მხარდაჭერია ერთია, მაგრამ თავად საზოგადოებაც აქტიურობს, რომ კოლექტიური ნაცების საპრეზიდენტო კანდიდატებს შანსი არ დაუტოვონ. ინტერნეტსივრცეში უამრავი ადამიანი წერს, რომ სწორედ ამ კონტიგენტის არაჯანსაღმა აქტიურობამ გადააწყვეტინა არჩევნებზე მივიდნენ და ხმა სალომე ზურაბიშვილს მისცენ.

– სააკაშვილს, ნაციონალებს, მათ მომხრეებს და სხვა ოპოზიციონერებს ჰგონით, რომ "ქართული ოცნების" ალტერნატივა არიან, რომ საქართველოს მოსახლეობას გემოვნება არ აქვს და ის იძულებულია ან მმართველ ძალას მისცეს ხმა, ან ნაციონალებს. თუ ვინმეს არ მოწონს "ქართული ოცნება" (არ ვგულისხმობ დედაბუდიანად ნაციონალებს), ეს იმას არ ნიშნავს, რომ მათ კოლექტიური ნაციონალები მოწონთ და მათ მისცემენ ხმას. საქართველოში ძალიან ბევრი ადამიანია, რომლებიც ფიზიკურადაც დაუპირისპირდებიან ნაციონალებს და მხოლოდ "ქართული ოცნების" ასე ვთქვათ, დამსახურებაა, რომ ამ ადამიანებმა შურისძიების სერია არ წამოიწყეს. მეორე საკითხია კოჰაბიტაციის პოლიტიკა, რის გამოც ბევრი ლანძღავს "ქართულ ოცნებას". ჩვენ არ ვლანძღავთ, იმიტომ, რომ საქართველოს ვალდებულებები აქვს საერთაშორისო საზოგადოებასთან. მსოფლიომ ნახა, რომ 2012 წელს, დემოკრატიულად, არჩევნების გზით შეიცვალა საქართველოში ხელისუფლება და შემდეგ აღარ იყო შურისძიებები, იგივე პოლიტიკური ოპონენტების ციხეში გამომწყვდევა და ქუჩებში ხალხის დახვრეტა, რასაც ნაციონალები და მათი წინამორბედი, ედუარდ შევარდნაძე აკეთებდა. ეს "ბიჭები" შევარდნაძის დროსაც რომ ბრძანდებოდნენ ხელისუფლებაში, რატომ გავიწყდებათ, მაშინაც ციხეები პოლიტპატიმრებით რომ იყო სავსე და ქუჩაში ხვრეტდნენ განსხვავებული პოლიტიკური ქშეხედულების მქონე ადამიანებს, ხმას რატომ არ იღებდნენ? აღარაფერს ვამბობ, თავად რომ მობრძანდნენ ხელისუფლების სათავეში, რა უბედურება დაატრიალეს.

რაც შეეხება კომპრომატებს, თუ დასაშვებია კომპრომატებით ჭიდაობა, მაშინ წინა ხელისუფლებაზე არსებული კომპრომატებიც ვნახოთ, ყველას კომპრომატი გამოვამზეუროთ, გავხსნათ არქივი. რამდენი წელია საქართველო დამოუკიდებელია, რატომ არ მივიღეთ ლუსტრაციის შესახებ კანონი? ჩვენ სულ ამას ვითხოვთ, კომპრომეტირებული ადამიანები ძალიან ადვილი გადასაბირებელი და სამართავები არიან უცხო ქვეყნების სპეცსამსახურების მხრიდან. ვისზეც არსებობს კომპრომატები, ნუ გამოვაქვეყნებთ, საჯაროს ნუ გავხდით, მაგრამ მაგრამ ვინც უცხო ქვეყნებთან თანამშრომლობაშია შემჩნეული თუნდაც ერთხელ, მივიღოთ კანონი, რომ ასეთი ადამიანები ხელისუფლებაში აღარ მოვიდნენ. ასევე აუცილებლად უნდა მივიღოთ კანონი ცილისწამების შესახებ და სამშობლოს ღალატის შესახებ, ნაციონალებმა ეს ბრალდებაც გააუქმეს. სანამ ეს სამი კანონი არ ამოქმედდება, ქვეყანაში მდგომარეობის გამოსწორება ფანტაზიის სფეროა. ვისარგებლებ შემთხვევით და მივმართავ საკანონმდებლო ორგანოს, მმართველ ძალას, რომ ეს სამი კანონი სასწრაფოდაა მისაღები.

მანანა სუხიშვილი

მეტის ნახვა
26-10-2018, 15:30