გურჯაანი - ველისციხელებს ეზოებს დატბორვისსაფრთხე აღარ ემუქრებათ

სოფელ ველისციხეში, №1 საბავშვო ბაღის მიმდებარე ტერიტორიაზე ბალასტისა და მყარი ნარჩენებისგან სანიაღვრე არხი გაიწმინდა. ნალექის დროს სანიაღვრე არხიდან წყალი გადმოდიოდა, იტბორებოდა გზის სავალი ნაწილი და მოსახლეობის ეზოები. სამუშაოები ა(ა)იპ მუნიციპალურმა სერვისმა შეასრულა.

დუშეთი - წინამძღვრიშვილის კოლეჯი ახალგაზრდებს იწვევს

დუშეთის მუნიციპალიტეტის მერიის ადმინისტრაციული შენობის სააქტო დარბაზში გაიმართა საინფორმაციო შეხვედრა ილია წინამძღვრიშვილის სახელობის საზოგადოებრივი კოლეჯის საგაზაფხულო რეგისტრაციასთან დაკავშირებით. კოლეჯის წარმომადგენლებმა დამსწრე საზოგადოებას გააცნეს ინფორმაცია სასწავლებლის დაარსებისა და სასწავლო მიმართულებების შესახებ. კოლეჯში ახალგაზრდები შეისწავლიან პროფესიულ პროგრამებს, რომლებზეც რეგიონის შრომის ბაზარზე დიდი მოთხოვნაა. საგანმანათლებლო ცენტრი აღჭურვილია თანამედროვე სტანდარტების შესაბამისი სახელოსნოებითა და ლაბორატორიებით.
მიმდინარე სასწავლო წლისთვის საზოგადოებრივი კოლეჯი უკვე აცხადებს სტუდენტების მიღებას შემდეგ სპეციალობებზე: მეფუტკრეობა, მეხილეობა, მევენახეობა-მეღვინეობა, ელექტროობა, სატყეო საქმე, ტრაქტორისტ-მემანქანე, თმის სტილისტი, სამკერვალო ნაწარმის სპეციალისტი და საქართველოს კულტურული მემკვიდრეობის გიდი. აღსანიშნავია, რომ სტუდენტები მეხილეობის სპეციალობაზე მიიღებენ სტიპენდიას გაეროს განვითარების პროგრამიდან, ხოლო მევენახეობა-მეღვინეობის სპეციალობა კი სრულიად ახალი, გერმანული მეთოდით ისწავლება. მსურველებს მიეცემათ საწარმოში პრაქტიკული მუშაობის შესაძლებლობა და შესაბამისი ანაზღაურების მიღება. ჩამოთვლილ სპეციალობებზე სწავლა უფასოა და გაიცემა სახელმწიფო დიპლომი.შეხვედრას ესწრებოდნენ დუშეთის მუნიციპალიტეტის მერის მოადგილე თამაზ უნდილაშვილი, დუშეთის მუნიციპალიტეტის მერისა და ილია წინამძღვრიშვილის სახელობის საზოგადოებრივი კოლეჯის წარმომადგენლები.

ფოთის მერია ავარიული სახლის ბინადართა საცხოვრისზე იზრუნებს

ქალაქ ფოთის მერმა გოჩა კურდღელიამ მოადგილესთან ირაკლი თოფურიასთან ერთად კაცაძის ქუჩაზე მდებარე საცხოვრებელი სახლი მოინახულა. სახლი ავარიულ მდგომარეობაშია და დემონტაჟს ექვემდება- რება. მასში ამჯერად ორი ოჯახი ცხოვრობს, რომელთა საცხოვრებელი ფართის პრობლემის მოგვარებაზე ქალაქის ადგილობრივი ხელისუფლება იზრუნებს. სახლის მობინადრეებთან შეხვედრას საკრებულოს მაჟორიტარი დეპუტატი თორნიკე შონია და მერიის ინფრასტრუქტურის სამსახურის წარმომადგენლები ესწრებოდნენ.

ჩოხატაური - აქცია "ერთად ვებრძოლოთ აზიურ ფაროსანას"

ამაღლების თემში ამ სახელწოდების აქცია გაიმართა სოფლის მეურნეობის სამინისტროს ჩოხატაურის მუნიციპალიტეტის საინფორმაციო-საკონსულტაციო სამსახურის ინიციატივით. შეხვედრაზე სამსახურის წარმომადგენლებმა დეტალურად ისაუბრეს აზიურ ფაროსანასთან ბრძოლის სახელმწიფო სტრატეგიით გათვალისწინებული ღონისძიებების შესახებ, მავნებლის მექანიკური განადგურების პროცესში მოსახლეობის მონაწილეობისა და მობილიზების აუცილებლობაზე. აქციას შეუერთდა ჩოხატაურის მოხალისეთა გუნდი, რომლის წევრებმა მოსახლეობას საინფორმაციო ბუკლეტები დაურიგეს.

ლაგოდეხი - 9 აპრილს გმირულად დაღუპული მამუკა ნოზაძის ხსოვნის დღე

1989 წლის ტრაგედიიდან 29 წელი გავიდა. საქართველოს დამოუკიდებლობისთვის ბრძო- ლას 21 ადამიანი შეეწირა. მუნიციპალიტეტის მერი ჯონდო მდივნიშვილი, ლაგოდეხისა და ყვარლის მაჟორიტარ დეპუტატ გურამ მაჭარაშვილთან, საკრებულოს თავმჯდომარე კახა ჯამბურიასთან და საკრებულოს წარმომადგენლებთან ერთად, 9 აპრილს გმირულად დაღუპული მამუკა ნოზაძის ხსოვნის პატივ- საცემად ყაზანის ყოვლადწმინდა ღვთისმშობლის სახელობის ეკლესიაში გამართულ სულის მოსახსენიებელ პანაშვიდს დაესწრნენ. მუნიციპალიტეტის წარმომადგენლებმა სოფელ კართუბანში მამუკა ნოზაძის საფლავი გვირგვინითა და წითელი ტიტებით შეამკეს.

სიღნაღი - გზის რეაბილიტაცია სოფელ ჯუგაანში

სიღნაღის მუნიციპალიტეტის მერმა გიორგი გოგილაშვილმა და მერის პირველმა მოადგილემ მადონა ბატიაშვილმა სოფელ ჯუგაანში საუბნო გზის სარეაბილიტაციო სამუშაოები დაათვალიერეს.პროექტი, რომელიც ადგილობრივი ბიუჯეტიდან 79 521 ლარით ფინანსდება, ორი სახიდე გადასასვლელის მოწყობასა და 537 მეტრზე ასფალტბეტონის საფარის დაგებას ითვალისწინებს.გზის რეაბილიტაცია უახლოეს დღეებში დასრულდება. განახლებული გზით სოფლის ორმოცამდე ოჯახი ისარგებლებს.

დედოფლისწყარო - მერი დედოფლისწყაროს სათნოების სახლს ეწვია

დედოფლისწყაროს მუნიციპლიტეტის მერი ნიკოლოზ ჯანიაშვილი მოადგილესთან, მალხაზ მერაბიშვილთან და მერიის სამსახურების ხელმძღვანელებთან რთად დედოფლისწყაროს სათნოების სახლ "სავანეს" ეწვია და ბენეფიციარებს აღდგომის ბრწყინვალე დღესასწაული მიულოცა. მერმა და მერიის თანამშრომლებმა ორასოცდაათივე ბენეფიციარს სააღდგომო საჩუქრები გადასცეს.

ზუგდიდი - მოხალისეები აზიური ფაროსანას წინააღმდეგ

ზუგდიდის მუნიციპალიტეტში, აზიურ ფაროსანასთან ბრძოლის სამუშაოების ფარგლებში, მარტოხელა და შეზღუდული შესაძლებლობის მქონე პირების საცხოვრებელი სახლების სხვენებისა და დამხმარე ნაგებობების შეწამვლა მიმდინარეობს.
ზედა ეწერის ადმინისტრაციულ ერთეულში მცხოვრებ მარტოხელა ოჯახებში მოხალისეების მიერ ჩატარებულ სამუშაოებს ზუგდიდის მუნიციპალიტეტის მერის მოადგილე მაიზერ ნანავა გაეცნო. ზედა ეწერის მსგავსად, მოხალისეთა ჯგუფები შექმნილია ზუგდიდის მუნიციპალიტეტის მერიის სხვა ადმინისტრაციულ ერთეულებში.შესაბამისი პესტიციდებით მუშავდება აგრეთვე მიტოვებული შენობა-ნაგებობები.

მარტვილი - მერი აბედათისა და ბანძის მოსახლეობას შეხვდა

მარტვილის მუნიციპალიტეტის მერი მოსახლეობასთან შეხვედრებს განაგრძობს. ალექსანდრე გრიგალავა მერის წარმომადგენლებთან ერთად აბედათის და ბანძის ადმინისტრაციული ერთეულის მოსახლეობას შეხვდა. მუნიციპალიტეტის მერი გაეცნო ადგილობრივთა პრობლემებს და ისაუბრა დაგეგმილი ინფრასტრუქტურული პროექტების შესახებ, რომლებიც მუნიციპალიტეტის მასშტაბით განხორციელდება. შეხვედრაზე მოსახლეობამ პრიორიტეტად დაასახელა შიდა გზების რეაბილიტაცია და გაზიფიცირება. მოსახლეობასთან შეხვედრები მუნიციპალიტეტის მასშტაბით ყველა ადმინისტრაციულ ერთეულში გაიმართება.

სენაკი - გარეგანათების მოწესრიგება

ქალაქ სენაკის ცენტრალურ პარკში, რკინიგზის სადგურის მიმდებარე ტერიტორიაზე და რუსთაველის ქუჩაზე მდებარე სკვერში გარეგანათების ბოძებზე დამონტაჟდა დიოდური ნათურები, აღდგენილია დაზიანებული ელექტროსადენები. ანალოგიური სამუშაოები ამჟამად მიმდინარეობს ნოქალაქევის ადმინისტრაციულ ერთეულშიც.

ჩხოროწყუ - თათბირი მერის წარმომადგენლებთან

ჩხოროწყუს მუნიციპალიტეტის მერმა დათო გოგუამ მერის წარმომადგენლებთან მორიგი თათბირი გამართა, რომელზეც მუნიციპალიტეტის მერმა მოისმინა ინფორმაცია 2 აპრილს მუნიციპალიტეტის დაბასა და სოფლებში მოსახლეობისთვის ქარიშხლის შედეგად მიყენებული ზარალის შესახებ. წარმომადგენ ლების ხელთ არსებული მონაცემების თანახმად, სტიქიის შედეგად  40-მდე საცხოვრებელი სახლის სახურავი ნაწილობრივ დაზიანდა. ქარმა სახურავი ნაწილობრივ გადახადა ასევე ლეგახარეს უბნის საბავშვო ბაღსა და ლესიჭინეს ადმინისტრაციულ შენობებს. ამ ეტაპზე მიმდინარეობს მონაცემთა დამუშავება შესაბამის სტრუქტურებში წარსადგენად.
დათო გოგუამ მერის წარმომადგენლებს დაავალა, აღრიცხონ მუნიციპალიტეტში არსებული უსახური შენობა-ნაგებობები, რათა შესაბამისმა სამსახურებმა მოახდინონ შემდგომი რეაგირება.  შეხვედრაზე მერის მოადგილემ ვალერი თოდუამ განაცხადა, რომ მუნიციპალიტეტის ხელმძღვანელები, სპეციალურ კომისიასთან ერთად, სახლში ეწვევიან უკი- დურეს საბინაო პირობებში მყოფ ოჯახებს და ადგილზე გაეცნობიანმათს საჭიროებებს.

ბოლნისის მუნიციპალიტეტი

ბოლნისის მუნიციპალიტეტის მერი დავით შერაზადიშვილი: "უკვე რამდენიმე წელია მუნიციპალიტეტი, ტრადიციულად, სააღდგომო ნობათებს ურიგებს ბოლნისის სათნოების სახლის ბენეფიციარებს და წელსაც, ჩვენი გადაწყვეტილებით, წინასააღდგომოდ, 200 ოჯახს გადავეცით ნობათი. მინდა, თითოეულ მათგანს მივულოცო აღდგომის ბრწყინვალე დღე სასწაული. მართალია ეს არის მცირედი, თუმცა ჩვენ მუდმივად ვზურნავთ შეჭირვებულ ოჯახებზე და წლის განმავლობაში რამდენჯერმე ვატარებთ მსგავს აქციებს.
მოგეხსენებათ, მუნიციპალიტეტი ყოველდღიურად 350 ბენეფიციარს უზრუნველყოფს კვებით. მსგავს აქტივობებს, რა თქმა უნდა, მომავალშიც გავაგრძელებთ". ბოლნისის სათნოების სახლის ბენეფიციარებს აღდგომის დღესასწაული ქვემო ქართლის გუბერნატორმა და ბოლნისის მუნიციპალიტეტის მერმა მიულოცეს. გრიგოლ ნემსაძე დავით შერაზადიშვილთან ერთად ბოლნისის სათნოების სახლში ტკბილეულით ხელდამშვენებული მივიდა და მოხუცებს აღდგომის დღესასწაული მიულოცა. ბენეფიციარებმა სტუმრებს გამოჩენილი გულისხმი- ერებისთვის მადლობა გადაუხადეს. ბოლნისის სათნოების სახლში 15 ბენეფიციარი ცხოვრობს, რომ- ლებიც მთელი წლის განმავლობაში უზრუნველყოფილნი არიან ფართით, საკვებითა და უფასო მედიკამენტებით.
"სათნოების სახლის მოხუცებს, ქვემო ქართლის გუბერნატორთან ერთად ვესტუმრე და აღდგომის დღესასწაული მივულოცე. მათ მუდმივად სჭირდებათ ჩვენი მხრიდან ყურადღება და მოფერება, რაც ნამდვილად არ აკლიათ. სიმბოლურად ტკბილეული მივართვით. მინდა თითოეულ მათგანს გულით მივულოცო ბრწყინვალე აღდგომა, უფალმა დალოცოს ისინი და ჯანმრთელობა არ მოაკლოს“, – განაცხადა ბოლნისის მუნიციპალიტეტის მერმა დავით შერაზადიშვილმა.

დმანისის მერია სოციალურად დაუცველი ოჯახებისთვის

დმანისის მუნიციპალიტეტის მერმა გიორგი ტატუაშვილმა მოადგილეებთან და მერიის თანამშრომლებთან ერთად ქალაქ დმანისში 26 სოციალურად დაუცველ ოჯახს აღდგომის ბრწყინვალე დღესასწაული მიულოცა და სააღდგომოდ ნობათი გადასცა."დმანისის მუნიციპალიტეტში მცხოვრებ სოციალურად დაუცველი ოჯახებისთვის მნიშვნელოვანია ჩვენი ყურადღება. მხარში დგომით და ერთმანეთის ტკივილის გულთან ახლოს მიტანით ჩვენ ძალიან ბევრ პრობლემას მოვაგვარებთ. ჩემი დიდი სურვილია, არც ერთ ოჯახს სოციალური თუ სხვა სატკივარი აღარ ჰქონდეს", – აღნიშნა დმანისის მუნიციპალიტეტის მერმა გიორგი ტატუაშვილმა.

თეთრიწყაროს მუნიციპალიტეტის სოფელ ასურეთში ახალი საბავშვო ბაღი გაიხსნა

თეთრიწყაროს მუნიციპალიტეტის სოფელ ასურეთში აღსაზრდელზე 70 გათვლილი ახალი საბავშო ბაღი აშენდა. შენობა აღიჭურვა სათანადო ინვენტარით, კეთილმოეწყო ეზო და დამონტაჟდა საბავშვო ატრაქციონები. თანამედროვე და ახალი საბავშვო ბაღი მოემსახურება მიმდებარე დასახლებების აღსაზრდელებსაც. აღსანიშნავია, რომ ბაღის შენობა ადაპტირებულია შშმ პირთათვის.
ახალი შენობა 29 მარტს საზეიმო ვითარებაში გახსნეს თეთრიწყაროს მუნიციპალიტეტის მაჟორიტარმა დეპუტატმა გოდერძი ჩანქსელიანმა და ქვემო ქართლში სახელმწიფო რწმუნებულმა–გუბერნატორმა გრიგოლ ნემსაძემ და თეთრიწყაროს მუნიციპალიტეტის მერმა გიორგი ქორიძემ თეთრიწყაროს მუნიციპალიტეტში მიმდინარე წელს თანამედროვე სტადნარტების შესაბამისი ახალი საბავშვო ბაღი გაიხს, სოფელ სამღერეთშიც, ხოლობაღების არსებული შენობების რეაბილიტაცია და აღჭურვა გათვალისწინებულია სოფელ მარაბდაში და სოფელ ჭივჭავში.
ასურეთის საბავშვო ბაღის მშენებლობის სახელშეკრულებო ღირებულება შეადგენს 374 303 ლარს, მათ შორის საფო ბიუჯეტიდან 348 415 ლარი. ხოლო ადგილობრივი ბიუჯეტიდან – 25 888 ლარი.

განცხადება დასაქმების მსურველთათვის

ევროკავშირისა და RDFG-ს პროექტის – „სოფლის მდგრადი განვითარება თეთრიწყაროს მუნიციპალიტეტში“ – ფარგლებში, დასაქმების პროგრამის მეორე ფაზა დაიწყო. მსურველებს შესაძლებლობა აქვთ 20 აპრილამდე დარეგისტრირდნენ აპლიკანტთა სიაში. რეგისტრაციისთვის დარეკეთ ნომერზე: 5 99 90 10 82 ან გაგზავ- ნეთ შეტყობინება შემდეგ მისამართზე:
lmaisuradze@rdfg.ge

წალკა - საჩუქრები ბედიანის ბავშვთა სახლის ბინადრებს

ქვემო ქართლის რწმუნებულ- გუბერნატორი გრიგოლ ნემსაძე და წალკის მუნიციპალიტეტის მერი ილია საბაძე, სააღდგომო ღონისძიებების ფარგლებში, დაბა ბედიანის ბავშვთა სახლს ესტუმრნენ და ბავშვებს სააღდგომო საჩუქრები გადასცეს.

მარნეულის მუნიციპალიტეტის სოფელ საიმერლოში ახალი საბავშვო ბაღი გაიხსნება

სკოლამდელი აღზრდის ხელმისაწვდომობა მუნიციპალიტეტის ერთერთი პრიორიტეტია, გამომდინარე აქედან ადგილობრივი თვითმმართველობა ეტაპობრივად აშენებს თანამედროვე სტანდარტების შესაბამის საბავშვო ბაღებს. მიმდინარე წელს მუნიციპალიტეტს კიდევ ერთი ახალი საბავშვო ბაღი შეემატება, რომლის მშენებლობაც დაგეგმილია წერეთლის ადმინისტრაციულ ერთეულში, სოფელ საიმერლოში.
ორსართულიანი საბავშვო ბაღი ოთხ ჯგუფზე იქნება გათვლილი საბავშვო ბაღის შენობაში მოთავსდება ოთხი სრულფასოვანი საჯგუფო ბლოკი, სამზარეულო ბლოკი და სხვა, ხმარე სათავსოები დამ. მეორე სართულზე საბავშვო ჯგუფებთან ერთად განთავსდება ადმინისტრაციული სათავსოები და სპორტულ სახელოვნებო ღონისძიებებისთვის განკუთვნილი დარბაზი შენობა ადაპტირებული იქნება  შშმ პირებისათვის.
მოგახსენებთ,რომ ბაღის შენობა ნაგებობისთვის განსაზღვრულ ტერიტორიაზე განთავსებულია მე-2 მსოფლიო ომის ვეტერანთა და აგვისტოს ომში გმირულად გარდაცვლილი მებრძოლის ზაზა ბოჭოიძის მემორიალი, პროექტით გათვალისწინებულია მისი ადგილმდებარეობის შეცვლა, კერძოდ კი მემორიალი განთავსდება საბავშო ბაღის გარე პერიმეტრზე ბაღის მშენებლობისთ. ადგილობრივ ბიუჯეტში გათვალისწი- ნებულია 686 000 ლარი. ამჟამად უკვე დასრულდა ტენდერი სამშენებლო სამუშაობზე.


მეტის ნახვა
14-04-2018, 20:54


10 მილიონი ლარი მაღალმთიანი რეგიონების პროექტებისთვის

მაღალმთიანი დასახლებების განვითარების ფონდისთვის გამო- ყოფილი 20 მილიონი ლარიდან 10 მილიონი რეგიონებში მნიშვნელოვანი, მათ შორის ინფრასტრუქტურული პროექტების დაფინანსებას მოხმარდება, – ამის შესახებ საქართველოს პრემიერ-მინისტრმა გიორგი კვირიკაშვილმა მთავრობის ბოლო სხდომაზე განაცხადა. პრემიერის თქმით, 3 მილიონი ლარი გამოიყოფა გარემოს დაცვისა და სოფლის მეურნეობის სამინისტროს პროგრამისთვის
„დანერგე მომავალი" – მაღალმთიან დასახლებებში კენკროვანი კულტურების გაშენებისთვის; 7 მილიონი ლარი კი – სასოფლო- სამეურნეო ოოპერატივების განვითარების მიზნით შექმნილი სახელმწიფო საკუთრებაში არსებული სათიბსაძოვრების რაციონალურად გამოყენების პროგრამის ფარგლებში, რაც მთაში მცხოვრები ხალხისთვის ძალიან დიდი სიკეთეა.

"საქართველოს 3700 დასახლებული პუნქტიდან მაღალმთიანი დასახლების სტატუსი მინიჭებული აქვს დაახლოებით ნახევარს. ამ პროგრამის მიზანია, არა მხოლოდ დავამაგროთ ჩვენი მოსახლეობა მთიან რეგიონებში, არამედ ბარიდანაც რაც შეიძლება მეტი ადამიანი გადავიდეს და მთიან რეგიონებში
დასახლდეს. პროგრამით გათვალისწინებული შეღავათებით შარშან ისარგებლა 7300–მდე ოჯახმა, რომელსაც შეეძინა შვილი – ეს არის პირველ ორ შვილზე დამატებით 100, ხოლო 3 და მეტ შვილზე დამატებით 200 ლარი; პროგრამით ისარგებლა: 70 000-მდე პენსიონერმა 20-პროცენტიანი დანამატით პენსიაზე; სამედიცინო სფეროს 1600-მდე წარმომადგენელმა – პენსიაზე 100-პროცენტიანი დანამატით; 35-პროცენტიანი დანამატით ისარგებლეს სკოლებისა და პროფესიული სასწავლებლების პედაგოგებმა; 80 000-მდე ოჯახმა ისარგებლა მოხმარებულ ელექტროენერგიაზე დაწესებული შეღავათით. ეს პროგრამა, რა თქმა უნდა, გაგრძელდება, გაფართოვდება და მთიან რეგიონებს განსაკუთრებული ყურადღება მიექცევა. ეს არის ჩვენი პოლიტიკისა და სტრატეგიის ერთი ძალიან მნიშვნელოვანი ხაზი, რომელსაც თანმიმდევრულად გავაგრძელებთ", – განაცხადა პრემიერ-მინისტრმა.

გურჯაანის მუნიციპალიტეტში
კახეთში აზიური ფაროსანას წინააღმდეგო პრევენციული ღონისძიების გატარება დაიწყო, რომლის ფარგლებშიც რეგიონში 1300 სპეციალური დამჭერი ხაფანგი
დამონტაჟდება. მონიტორინგის მეშვეობით დადგინდება გავრცელების არეალი და შედეგების მიხედვით დაიგეგმება მავნებლის საწინააღმდეგო ღონის- ძიებები.
სოფელ კაჭრეთის ეკოჰაბში კახეთის ტყეების ტურისტული პოტენციალისა და რეკრეაციული ტყეების შესახებ იმსჯელეს. "ტყეების მდგრადი მართვა საქართვე- ლოში" – ორგანიზაცია CENN- ის ამ პროექტის მეორე ფაზის ფარგლებში გაიმართა შეხვედრა სახელწოდებით "სათემო განვითარება და ტყეები", რომელიც ეხებოდა ტყეების ტურისტული პოტენციალის, რეკრეაციული ტყეების და არამერქნული რესურსების გამოყენების საკითხებს.

დუშეთის მუნიციპალიტეტში

დუშეთისა და ჟინვალის 12 ათასზე მეტ მცხოვრებს სასმელი წყლის პრობლემა მოუგვარდა. საქართველოს გაერთიანებული წყალმომარაგების კომპანიის მცხეთა-მთიანეთის რეგიონულმა ფილიალმა, საკუთარი ძალებითა და რესურსით, დუშეთში წყალ- მომარაგების ინფრასტრუქტუ რის სამუშაოები დაასრულა და 400 მეტრი სიგრძის მონაკვეთზე სადრენაჟე სისტემა დაამონტაჟა. უფასო სამედიცინო აქციები: შეთის მუნიციპალიტეტის მერიის ორგანიზებით, ჟინვალის ადმინისტრაციულ ერთეულში მცხეთის სამედიცინო ცენტრმა მოაწყო სამედიცინო აქცია, რომ- ლის ფარგლებში, ცენტრის სხვადასხვა პროფილის მაღალკვალი- ფიციურმა ექიმებმა სამედიცინო კონსულტაცია გაუწიეს ჟინვალის ადმინისტრაციული ერთეულის მოსახლეობას. დაავადებათა კონტროლის ეროვნული ცენტრისა და საზოგადოებრივი ჯანმრთელობის დაცვის დუშეთის მუნიციპალური ცენტრის ორგანიზებით, ბაზალეთის ადმინისტრაციული ერთეულის სოფელ საკრამულში გაიმართა მოსახლეობის უფასო რინინგის აქცია C ჰეპატიტზე, მობილური ლაბორატორიის გამოყენებით.

ლაგოდეხის მუნიციპალიტეტში

ქ. ლაგოდეხში, ბაგრატიონის ქუჩაზე გზის აღდგენითი სამუშაოები მიმდინარეობს. სასმელი წყლის პროექტის განხორციელებისას დაზიანებულ გზაზე ასფალტი იგება. სოფელ გიორგეთში საჯარო სკოლის სარეაბილიტაციო სამუშაოები უწყვეტ რეჟიმში მიმდინარეობს. მუნიციპალიტეტის მერი გიორგეთის ადმინისტრაციულ ერთეულში მერის წარმომადგენელთან და ინფრასტრუქტურისა და სივრცითი მოწყობის სამსახურის უფროსთან ერთად ადგილზე გაეცნო მიმდინარე სამუშაოებს. რეაბილიტაცია აპრილში დასრულდება. მასზე 107 000 ლარი დაიხარჯება.

სიღნაღის მუნიციპალიტეტში
„უსაფრთხო და სტაბილური თემის ჩამოყალიბება“ – საქართველოს წითელი ჯვრის საზოგადოებამ სიღნაღში დაასრულა ამ სახელწოდების პროექტის ფარგლებში გამართული რეგიონალური საბაზისო ტრენინგი „ადვოკატირება – მეთოდოლოგია და ინსტრუმენტები“.

ზუგდიდის მუნიციპალიტეტში

ზუგდიდში გამართულ შეხვედრაზე ფინანსთა მინისტრმა მამუკა ბახტაძემ მცირე მეწარმეებისთვის შემუშავებული ახალი საგადასახადო ინიციატივა მცირე და საშუალო ბიზნესის წარმომადგენლებს გააცნო. ინიციატივა განკუთვნილია საქართველოში მცირე მეწარმეობის წახალისებისთვის და ითვალისწინებს დაბეგვრის
შეღა- ვათიანი საგადასახადო რეჟიმის შემოღებას. მთავრობის პრიორი- ტეტია, ქვეყნის ეკონომიკაში მნიშვნელოვნად გაიზარდოს მცირე და საშუალო ბიზნესის წილი. ამით საქართველოში შესაძლებელი გახდება ისეთი ტიპის ეკონომიკური ზრდა, რომელიც მოსახლეობის ყველა ფენას შეეხება. შეღავათიანი
საგადასახადო რეჟიმით ისარგებლებს 120 ათასამდე მეწარმე ფიზიკური პირი, ანუ ფიზიკური პირების თითქმის 100 პროცენტი. ახალი ინიციატივა ითვალისწინებს არაერთ საგადასახდო შეღავათს, რომლებიც წაახალისებს მცირე მეწარმეობას და შესაბამისად – ქვეყნისთვის მნიშვნელოვანი სფეროების განვითარებას. აღნიშნული რეფორმის შედეგად, მთლიან შიდა პროდუქტში მნიშ- ვნელოვნად გაიზრდება მცირე ბიზნესის წილი. გარდა ამისა, რეფორმა უზრუნველყოფს სექტორის უფრო მეტ გამჭვირვალობას. შემოთავაზებული ცვლილებები მნიშვნელოვანი სტიმული იქნება მცირე ბიზნესის შემდგომი გან- ვითარებისთვის საქართველოში.

ქ. ფოთის მერიაში

საგაზაფხულო სამუშაოე ფარგლებში ა(ა)იპ სერვისების ცენტრი ქალაქში ხეების გასხეპვის, გადაბელვისა და კირით შეთეთრების სამუშაოებს ახორციელებს. ცენტრალურ პარკსა და სკვერებში ხეების გასხეპვა დასრულდა. ამჟამად სამუშაოები ქუჩებში მიმდინარეობს. ფოთში ვეტერანთა საკითხებზე სპეციალური წარმომადგენელი იმუშავებს. ამის შესახებ გადაწყვეტილება მიიღეს ფოთის მერ გოჩა კურდღელიასა და ვეტერანთა საქმეების სახელმწიფო სამსახურის უფროსს, გენერალ ვლადიმერ იმნაძეს შორის გამართულ შეხვედრაზე. ფოთში ვეტერანთა სამსახურის წარმომადგენელი უზრუნველყოფს ადგილობრივ ხელისუფლებასთან მჭიდრო ურთიერთობას და პრობლემების კოორდინირებულად მოგვარებას.

მარტვილის მუნიციპალიტეტში

მარტვილის მუნიციპალიტეტის მერი ალექსანდრე გრიგალავა მოსახლეობასთან შეხვედრებს განაგრძობს. ალექსანდრე გრიგალავა მერის წარმომადგენლებთან და მაჟორიტარებთან ერთად თამაკონისა და სალხინოს ადმინისტრაციულ ერთეულებში მცხოვრებ მოსახლეობას შეხვდა და მათ პრობლემებს გაეცნო. თამაკონის ადმინისტრაციულ ერთეულში პრიორიტეტად დასახელდა უკვე აშენებული საბავშვო ბაღის გახსნა და შიდა გზების რეაბილიტაცია, ხოლო სალხინოს ადმინისტრაციული ერთეულის მოსახლეობისთვის მთავარი პრობლემებია სასმელი წყლით უზრუნველყოფა და გაზიფიცირება.

სენაკის მუნიციპალიტეტში

მუნიციპალიტეტის მერი ლევან კუპრეიშვილი საქველმოქმედო ჰუმანიტარულ ცენტრ "აფხაზეთის" წარმომადგენლებს შეხვდა. არასამთავრობო ორგანიზაციის წევრებმა ისაუბრეს მათ მიერ რეგიონის მასშტაბით განხორციელებულ და მიმდინარე სოციალურ პროექტებზე. შეხვედრაზე ასევე დაიგეგმა სენაკის მუნიციპალიტეტში განსახორციელებელი ერთობლივი პროექტები, რაშიც მუნიციპალიტეტის მერი ორგანიზაციის წევრებს აქტიურ მხარდაჭერას დაჰპირდა.

ჩხოროწყუს მუნიციპალიტეტში

გზის სარეაბილიტაციო სამუშაოები დაათვალიერეს. უკვე დაგებულია ასფალტბეტონის საფარის პირველი ფენა, მიმდინარეობს სანიაღვრე არხების მოწყობა. პროექტი რეგიონული განვითარების ფონდიდან და ადგილობრივი ბიუჯეტიდან 712 000 ლარით ფინანსდება. სოფელ კირცხში, მდინარე ხობისწყალზე, ხობი-საჯიჯაო–ლესიჭინე-სენაკის საავტომობილო გზის 24-ე კმ-ზე, 5 ივლისის სტიქიის შედეგად დაზიანებული სახიდე გადასასვლელის ადგილას, ახალი კაპიტალური ხიდი აშენდა. მშენებლობა საქართველოს საავტომობილო გზების დეპარტამენტმა დააფინანსა.

სამცხე-ჯავახეთის რეგიონს ახალი გუბერნატორი ჰყავს

კახა სამხარაძე სამცხე-ჯავახეთის რეგიონში სახელმწიფო რწმუნებულის – გუბერნატორის უფლებამოსილების შესრულებას შეუდგა. პირველივე დღეს ახალი გუბერნატორი, საქართველოს რეგიონული განვითარების და ინფრასტრუქტურის სამინისტროს რეგიონებისა და ადგილობრივი თვითმმართველობის ორგანოებთან ურთიერთობის დეპარტამენტის უფროსთან ნიკოლოზ როსებაშვილთან ერთად, რეგიონის მუნიციპალიტეტების მერებს და საკრებულოს თავმჯდომარეებს შეხვდა. შეხვედრაზე რეგიონში მიმდინარე სამუშაოებსა და სამომავლო გეგმებზე ისაუბრეს.


ადიგენის მუნიციპალიტეტში

დასრულდა სოფელ საღრაძისა და სოფელ აბასთუმნის სკოლის დამაკავშირებელი ხიდის მშენებლობა, ხიდთან მისასვლელი გზის მოხრეშვა და გაბიონების მოწყობა.  7 მეტრი სიგანისა და 14 მეტრი სიგრძის მეტალოკონ- სტრუქციის ხიდის მშენებლობისთვის ბიუჯეტიდან 142 000 ლარი გამოიყო. დასრულებული სამუშაოები ადიგენის მუნიციპალიტეტის მერმა ზაქარია ენდელაძემ დაათვალიერა.

ბოლნისის მუნიციპალიტეტში

უკვე რამდენიმე დღეა ბოლნისის კულტურისა და დასვენების პარკში აქტიურად მიმდინარეობს საგაზაფხულო სამუშაოები, რომლებსაც მუნიციპალიტეტის მერი დავით შერაზადიშვილი გაეცნო. „მერები ეკონომიკური ზრდისთვის“ ევროკავშირის ინიციატივაა. მის ფარგლებში დაფინანსდა საპილოტე პროექტი
„ბოლნისში ბიზნესსაქმიანობის ეფექტური პლატფორმის ჩამოყალიბება“, რომლის კოორდინაციის მიზნით შექმნილმა სამუშაო ჯგუფმა (PSC) პირველი შეხვედრა გამართა.  სამუშაო ჯგუფის (PSC) წევრებმა შეაჯამეს პროექტის ფარგლებში ჩატარებული ღონისძიებები და იმსჯელეს მიმდინარე წლის განმავლობაში დაგეგმილი აქტივობების შესახებ. შეხვედრას ბოლნისის მუნიციპალიტეტის მერი დავით შერაზადიშვილი ხელმძღვანელობდა.

დმანისის მუნიციპალიტეტში

დმანისის მუნიციპალიტეტის მერიის მხარდაჭერით ადგილობრივ მეწარმეებთან გაიმართა შეხვედრა თემაზე "ციფრული წიგნიერება და ელექტრონული ბიზნესი". შეხვედრის დასრულების შემ- დეგ, მონაწილეებმა მიიღეს უფასო ვაუჩერი, რომლის მეშვეობითაც შეძლებენ გაიარონ ტრენინგები ელექტრონულ კომერციაში, ჩაერთონ ფართოზოლოვან ინტერნეტში, განათავსონ თავიანთი პროდუქტი და მომსახურება ყველა მნიშვნელოვან საერთაშორისო პლატფორმაზე და დაამზადონ საკუთარი ვებგვერდი.

თეთრიწყაროს მუნიციპალიტეტში

ადგილობრივი მეწარმეების ხელშეწყობის მიზნით სსიპ საქართველოს ინოვაციებისა და ტექნოლოგიების სააგენტო ახორციელებს პროგრამას სახელწოდებით „ინტერნეტი განვითარებისათვის“. ამ პროგრამის გასაცნობად საგანგებო შეხვედრა გაიმართა თეთრიწყაროს მუნიციპალიტეტის მეწარმეებისთვის, რომლებსაც გააცნეს ინტერნეტის სხვადასხვა პლატფორმა მათი კომერციული საქმიანობის შემდგომი ხელშეწყობის მიზნით. შეხვედრას ესწრებოდნენ თეთრიწყაროს მუნიციპალიტეტის მერიის შესაბამისი სამსახურის თანამშრომლები, თეთრიწყაროს საინფორმაციო-საკონსულტაციო სამსახურის წარმომადგენლები და ადგილობრივი მეწარმეები.

მარნეულის მუნიციპალიტეტში

სკოლამდელი აღზრდის ხელ მისაწვდომობა მუნიციპალიტეტის ერთ-ერთი პრიორიტეტია და ადგილობრივი თვითმმართველობაც ეტაპობრივად აშენებს თანამედროვე სტანდარტების შესაბამის საბავშვო ბაღებს.მიმდინარე წელს მუნიციპალიტეტს კიდევ ერთი ახალი საბავშვო ბაღი შეემატება წერეთლის ადმინისტრაციულ ერთეულში, სოფელ საიმერლოში. ორსართულიანი საბავშვო ბაღი ოთხ ჯგუფზეა გათვლილი, თითოეულს ექნება სრულფასოვანი საჯგუფო ბლოკი, სამზარეულო ბლოკი და სხვა დამხმარე სათავსოები. მეორე სართულზე საბავშვო ჯგუფებთან ერთად განთავსდება ადმინისტრაციული სათავსოები და სპორტულ-სახელოვნებო ღონისძიებებისთვის განკუთვნილი დარბაზი. შენობა ადაპტირებულია შშმ პირებისთვის. ბაღის მშენებლობისთვის ადგილობრივ ბიუჯეტში გათვალისწინებულია 686 000 ლარი.



მეტის ნახვა
9-04-2018, 15:41


გურჯაანი - სასტუმრო "ახაშენი ღვინის კურორტი" გაიხსნა

გურჯაანის რაიონის სოფელ ახაშენში სახელმწიფო პროგრამა „აწარმოე საქართველოში“, DCFTA-სა (ევროკავშირთან ღრმა და ყოვლისმომცველი თავისუფალი სავაჭრო ხელშეკრულების ფარგლებში მოქმედი მცირე და საშუალო მეწარმეობის განვითა- რების პროექტი) და „საქართვე- ლოს ბანკის“ თანადაფინანსებით აშენდა Akhasheni Wine Resort. იგი ტუტებში ქართული ღვინის უძველეს, 8000-წლოვან ისტორიას გაუწევს პოპულარიზაციას. ახალი ტურისტული კომპლექსის საზეიმო გახსნის ცერემონიაზე საქართველოს პრემიერ-მინისტრმა გიორგი კვირიკაშვილმა აღნიშნა:
„დღეს ძალიან სასიხარულო დღეა. ჩვენს ქვეყანას, კონკრეტულად კახეთს შეემატა თანამედროვე ინფრასტრუქტურით გაწყობილი ულამაზესი სასტუმრო, რომელშიც 7 მილიონ 500 ათასი ლარის ინვესტიცია განხორციელდა ერთობლივად, სახელმწიფოსა და კერძო სექტორის მიერ. პრემიერ-მინისტრმა „კახურ ტრადიციულ მეღვინეობას“ (KTW ) და პირადად ზურაბ ჩხაიძეს მადლობა გადაუხადა მევენახეობის მიმართულებით განხორციელებული მასშტაბური ინვესტიციებისთვის და კომპანი- ის დამფუძნებლების მოღვაწეობა მამულიშვილურ საქმედ შეაფასა.
"სასიხარულოა, რომ კახეთში ტურიზმი გადადის თვისებრივად ახალ განზომილებაში. მოთხოვნა ასეთი ტიპის სასტუმრო კომპლექსებზე ყოველწლიურად მნიშვნელოვნად იზრდება. გასული წლის განმავლობაში 28 პროცენტით მოიმატა ტურისტების რიცხვმა. ნამდვილად გვაქვს იმის პოტენციალი, რომ 2025 წლამდე გავასამმაგოთ ტურისტების რაოდენობა საქართველოში. შეგვიძლია ეს რიცხვი 10 მილიონამდე გავზარდოთ. ეს ძალიან მნიშვნელოვანია იმისთვის, რომ მართლაცდა სრულიად სხვა ცხოვრების დონე მივიღოთ საქართველოში, მნიშვნელოვნად გაიზარდოს დასაქმების დონე და ქვეყნის ვიზუალური სახეც მნიშვნელოვნად გაუმჯობესდეს“, – აღნიშნა პრემიერმა.

„თუშეთი და კახეთი არ შეიძლება ცალ-ცალკე განვიხილოთ. მნიშვნელოვანია ის ინვესტიციები, რომლებსაც სახელმწიფო ახორციელებს ამ მიმართულებით. თუშეთში შენდება ახალი გზა, რომე- ლიც შესაძლებლობას მოგვცემს, რომ თბილისიდან სამჯერ შევამ- ციროთ ავტომობილით მგზავრობის ხანგრძლივობა თუშეთის მიმართულებით. ეს ყველაფერი ერთიანობაში მოიტანს გაცილე- ბით უფრო მაღალ დინამიკას და, რა თქმა უნდა, ცხოვრების დონის მნიშვნელოვან გაუმჯობესებას ამ რეგიონში. ვფიქრობ, მივედით იმ ეტაპამდე, როდესაც კახეთს სჭირდება ცალკე აეროპორტი. ისევ და ისევ კერძო სექტორთან პარტნიორობით ჩვენ შევძლებთ, რომ პირ- ველ ეტაპზე კახეთში განხორცი- ელდეს პირდაპირი ჩარტერული რეისები, შემდგომში შესაძლოა, რეგულარული რეისებიც დაინიშ- ნოს", – განუცხადა შეკრებილებს გიორგი კვირიკაშვილმა.

თეთრიწყარო - მდინარე ხრამის მართვის გეგმა
თეთრიწყაროს მუნიციპალიტეტის მერიაში ევროკავშირის მიერ დაფინანსებული პროექტის – „ევროკავშირის წყლის ინიციატივაპლუს აღმოსავლეთის პარტნიო- რობისთვის“ – ფარგლებში, ადგილობრივი ხელისუფლებისა და პროექტის წარმომადგენლების მონაწილეობთ, პირველი სამუშაო შეხვედრა გაიმართა.
პროექტი მიზნად ისახავს წყლის რესურსების, კერძოდ, ტრანსსასაზღვრო მდინარეების, მათ შორის მდინარე ხრამის აუზის მართვის გეგმის შემუშავებას და წყლის ხარისხის ამაღლებისთვის საჭირო გრძელვადიანი ინსტრუმენტების შექმნას. შეხვედრაზე განიხილეს საკვლევი წყლის ობიექტის შესწავლის მიზნით სამომავლოდ განსახორციელებელი კონკრეტული სამუშაოები, რაც პირველ ეტაპზე გულისხმობს არსებული მონაცემების შეგროვებასა და ანალიზს. მოკვლეული მასალის საფუძველზე დაზუსტდება წყლის ეკოსისტემებისთვის საფრთხის შემცველი პრობლემები და მოიძებნება მათი გადაჭრის გზები.
პროექტის ფარგლებში, ადგილობრივი და საერთაშორისო ექსპერტების, ადგილობრივი თვითმმართველობის წარმომადგენლებისა და ყველა დაინტერე- სებული მხარის მონაწილეობით, შეიქმნება სპეციალური სამუშაო ჯგუფი, რომელიც შეიმუშავებს საპილოტე მდინარეთა აუზების მართვის 6-წლიან სამოქმედო გეგმას. სამუშაოების პირველი ეტაპი ზაფხულის პერიოდში დაიწყება.
„ევროკავშირის წყლის ინიციატივა პლუს აღმოსავლეთის პარტნიორობისთვის“ პროექტი მხარს უჭერს აღმოსავლეთ პარტნიორობის ქვეყნებს წყლის რესურსების მართვის სფეროში ევროკავშირის სტანდარტებთან მიახლოებაში, ევროკავშირის წყლის ჩარჩო დირექტივის პრინციპების შესაბამისად. შეხვედრას ესწრებოდნენ: თეთრიწყაროს მუნიციპალიტეტის მერის პირველი მოადგილე მალხაზ სამაშვილი, მერის მოადგილე ბერდია ხვისტანი, პროექტის კოორდინატორები და ექსპერტები, გაერთიანებული წყალმომარაგების კომპანიის, საქართველოს მელიორაციის წარმომადგენლები.

წყლის რესურსების საერთაშორისო დღეს ბოლნისიც შეუერთდა

დასუფთავების კამპანია "ლურჯი ნაკადული", რომელიც საქართველოს მწვანეთა მოძრაობა/ დედამიწის მეგობრების ინიციატივით ტარდება, ბოლნისშიც გაიმართა და ნარჩენებისგან გაიწმინდა სოფელ მუშევანის ხევი. დასუფთავების აქციაში მონაწილეობა ბოლნისის მუნიციპალიტეტის მერის პირველმა მოადგილემ მერიის თანამშრომლებთან და შპს "კომუნალური მეურნეობის" წარმომადგენლებთან ერთად მიიღო."უკვე მე-7 წელია საქართველოში მწვანეთა მოძრაობის ორგანიზებით იმართება კამპანია "ლურჯი ნაკადული“, რომელიც წყლის რესურსების დაცვის საერთაშორისო დღეს ეძღვნება. ბოლნისის მუნიციპალიტეტი წელსაც მოხალისეობრივად ჩაერთო ამ წამოწყებაში და მერიის თანამშრომლებმა კომუნალური სამსახურის წარმომადგენლებთან ერთად სოფელ მუშევანის ხევი დავასუფთავეთ. მუნიციპალიტეტის თვითმმართველობა ბოლო რამდენიმე წელია, აქტიურად ატარებს დასუფთავების მასშტაბურ აქციებს და წელსაც, წინასწარ შედგენილი განრიგის მიხედვით დასუფთავდა მუნიციპალიტეტი", – განაცხადა ბოლნისის მუნიციპალიტეტის მერის პირველმა მოადგილემ ბუბა გობეჯიშვილმა.

ლაგოდეხი - შეხვედრა კახეთის სოციალური მომსახურების სააგენტოს თანამშრომლებთან
მუნიციპალიტეტის მერი სსიპ კახეთის სოციალური მომსახურების სააგენტოს ცენტრის დასაქმების თანამშრომლებს შეხვდა. სამუშაო შეხვედრა სახელმწიფო სერვისების გაცნობისა და გაუმჯობესების მიზნით გაიმართა. ცენტრის თანამშრომლებმა ვრცლად ისაუბრეს სტაჟირების, სუბსიდირების და პროფესიული მომზადების სახელმწიფო პროგრამების შესახებ.
სოციალური მომსახურების სააგენტო ადმინისტრირებას უწევს რამდენიმე ათეულ სოციალურ და ჯანმრთელობის დაცვის სახელმწიფო პროგრამას. სააგენტოს ძირითადი მიზანია მოსახლეობის სოციალურად დაუცველი ფენის მხარდაჭერა, მოქალაქეთათვის გა- წეული მომსახურების ხარისხის ამაღლება, სერვისების დახვეწა, მოქნილ, მარტივ და სწრაფ, მოსახლეობისთვის ადვილად ხელმისაწვდომ მექანიზმებზე გადაყვანა. ჯონდო მდივნიშვილის ინიციატივით, სახელმწიფო სერვისების უკეთესად გაცნობისა და ინფორმირებულობის მიზნით, ადგილობრივ მეწარმეებთან და ბიზნესმენებთან შეხვედრა უახლოეს დღეებში გაიმართება.

სიღნაღი - დაძმობილებული ქალაქების ქარტია მოზარდების განათლებასაც უწყობს ხელს

2015 წელს ქალაქ სიღნაღსა და საფრანგეთის ქალაქ შატონეფს შორის დაძმობილების ქარტია გაფორმდა. ადვოკატისა და მეცენატის ბატონ ჟერარ ჟერმანის ინიციატივით, შატონეფისა და სიღნაღის დასაახლოებლად დაიგეგმა არაერთი ვიზიტი, კულტურული და სხვადასხვა სახის გაცვლითი ღონისძიებები. სწორედ ამ ურთიერთთანამშრომლობის ფარგლებში, სიღნაღის მუნიციპალიტეტის სოფელ ანაგის საჯარო სკოლაში, სადაც ფრანგული ენა ისწავლება,Skype-ის საშუალებით V–VI კლასებთან პირველი ღია გაკვეთილი ჩატარდა. საფრანგეთიდან მეცა- დინეობას პროფესორი ჟისლენი უძღვებოდა. საფრანგეთიდან ჩამოსულ სტუმრებთან ერთად გაკვეთილს ესწრებოდნენ სიღნაღის მუნიციპალიტეტის საკრებულოს თავმჯდომარე ილია ხატიაშვილი, მერი გიორგი გოგილაშვილი, რესურს-ცენტრის უფროსი ლია ბეჟაშვილი და ადგილობრივი თვითმმართველობის წარმომადგენლები. პროგრამის ფარგლებში ბავშვები კვლავაც მიიწვიეს შატონეფში ფრანგულ მასტერკლასში მონაწილეობის მისაღებად. ეს გაკვეთილები ხელს შეუწყობს ფრანგული ენის ცოდნის განმტკიცებას.


ჩხოროწყუ – სოფელ ლესიჭინეში ახალი ხიდი შენდება

სოფელ ლესიჭინეში, მდინარე ოჩხომურზე, ახალი საავტომობილო ხიდის მშენებლობა მიმდინარეობს. ხიდის სიგრძე 170, ხოლო, სიგანე 11 მეტრია. ჩხოროწყუს მუნიციპალიტეტის მერმა დათო გოგუამ და მერის პირველმა მოადგილემ გოჩა ჩიქოვანმა მიმდინარე სამუშაოები დაათვალიერეს. პროექტი საქართველოს საავტომობილო გზების დეპარტამენტის მიერ 6 577 834 ლარით ფინანსდება.  ამ ეტაპზე ძველ ხიდზე როგორც ქვეითი, ისე საავტომობილი მოძრაობა შეზღუდული არ არის, ახალი ხიდის მშენებლობის ასრულების შემდგომ კი მისი დემონტაჟი იგეგმება.

ჩოხატაური "მოსწავლე ახალგაზრდობის სახლის შენობის რეაბილიტაციისთვის"

ა(ა)იპ ჩოხატაურის მუნიციპალიტეტის სახელოვნებო სკოლების გაერთიანების – მოსწავლე ახალგაზრდობის სახლის შენობის რეაბილიტაციის საპროექტო დოკუმენტაციის განხილვის მიზნით, ჩოხატაურის მუნიციპალიტეტის ხელმძღვანელი პირები, შესაბამისი სამსახურებისა და საპროექტო ორგანიზაციის წარმომადგენლებთან ერთად, მოსწავლე ახალგაზრდობის სახლში იმყოფებოდნენ.

"განავითარე შენი რეგიონი" დუშეთში

დუშეთის მუნიციპალიტეტის მერი ზურაბ სეხნიაშვილი ა(ა)იპ "დამოუკიდებელ ბავშვთა და სტუდენტთა გაერთიანების" წარმომადგენლებს შეხვდა. შეხვედრაზე განიხილეს  სტუდენტური პარლამენტის პროექტი "განავითარე შენი რეგიონი", რომელიც სოციალური პროგრამის ნაწილია და ემსახურება მუნიციპალიტეტების განვითარების პროცესში ახალგაზრდების მაქსიმალურ მონაწილეობას ისეთი მეთოდებით, როგორიცაა არაფორმალური განათლების ლექციები, ბანაკები, საჯარო ბრაინსტორმინგები, ლიდერთა სკოლები და ა.შ.

ახალი ჭაბურღილი ბულაჩაურში

ჭოპორტის ადმინისტრაციუ-ლი ერთეულის სოფ. ბულაჩაურში მოწყობილი ახალი ჭაბურღილი ექსპლუატაციაში შევიდა. წყლის სისტემის სარეაბილიტაციო პრო ექტი დუშეთის მუნიციპალიტეტის მერიისა და არასამთავრობო ორგანიზაცია LDC-CHARITIES-ის დაფინანსებით განხორციელდა. ახალი ჭაბურღილის ამოქმედებით 250-მდე ოჯახი სასმელი წყლით არის უზრუნველყოფილი. უახლოეს მომავალში ჭაბურღილის მოეწყობა სოფელ ქუბრიაანთკარშიც. პროექტის დასრულების შემდგომ სასმელი წყლით 200-მდე ოჯახი მომარაგდება.

ზუგდიდი - საავტომობილო გზის რეაბილიტაციის მესამე ეტაპი ტყაიაში

ზუგდიდის მუნიციპალიტეტის ტყაიას ადმინისტრაციულ ერთეულში საავტომობილო გზის რეაბილიტაციის მესამე ეტაპი დაიწყო. ამის შესახებ მუნიციპალიტეტის მერმა ლაშა გოგიამ მერიაში გამართულ სამუშაო შეხვედრაზე ისაუბრა. გზის სარეაბილიტაციო სამუშაოების მესამე ეტაპის მიმდინა- რეობისას რეაბილიტირდება 334 მეტრი სიგრძისა და 6 მეტრი სიგა- ნის გზა. დაიგება ბეტონის საფარი, აღდგება სანიაღვრე არხებიც. პროექტი საქართველოს რეგიონებში განსახორციელებელი პროექტების ფონდისა და ადგი- ლობრივი  ბიუჯეტის დაფინანსებით ხორციელდება და მისი ღი რებულება 185 560 ლარია. ტყაიაში 2015 წელს 980 მეტრი სიგრძის გზა, 2016 წელს კი 820 მეტრი გზა რეაბილიტირდა.
შეხვედრაზე ლაშა გოგიამ აზიურ ფაროსანასთან დაკავშირებითაც ისაუბრა და აღნიშნა, რომ მოსახლეობასთან ერთად, ერთობლივი ძალებით ამ პრობლემას აქტიურად შეებრძოლებიან, ამისთვის კი მოსახლეობის დროული ინფორმირება და აქტიური მუშაობაა საჭირო.


ფოთის სასწრაფო დახმარების სამსახური ყველაზე სწრაფად რეაგირებს

საგანგებო სიტუაციების კოორდინაციისა და გადაუდებელი დახმარების ცენტრის აუდიტის დასკვნის მიხედვით, მუნიციპალიტეტებს შორის ფოთის სასწრაფო დახმარების სამსახური ყველაზე სწრაფად რეაგირებს – მაღალი პრიორიტეტის შემთხვევაში გამოძახების საშუალო დრო 8 წუთს შეადგენს, ხოლო გამოძახებათა 68 პროცენტში სასწრაფოს რეაგირების დრო ხშირად 8 წუთზე ნაკლებია.

სენაკი - სანიაღვრე არხების ამოწმენდა გრძელდება

ქალაქ სენაკში, გამსახურდიასა და თეფანიას ქუჩების კვეთაზე შლამისა და ინერტული მასალისგან იწმინდება სანიაღვრე არხი. ასეთივე სამუშაოები მიმდინარეობს ახალსოფლის ადმინისტრაციულ ერთეულში, საგადელიოს უბანში.

წყლის საერთაშორისო დღე ადიგენში

აქციის ფარგლებში ადიგენის მუნიციპალიტეტში მდინარის ნაპირები საყოფაცხოვრებო ნარჩენებისგან გაიწმინდა. დასუფთავდა დაბა ადიგენის და აბასთუმანის ქუჩები, სოფლების, საავადმყოფოს, საჯარო სკოლებისა და საბავშვო ბაღების მიმდებარე ტერიტორიები. გარემოსდაცვით ღონისძიებებში ჩართული იყვნენ მუნიციპალიტეტის მერიის, აა- იპ-ების, საგანმანათლებლო რესურსცენტრის, საავადმყოფოს, სახანძრო-სამაშველო სამსახურის, საჯარო სკოლებისა და საბავშვო ბაღების წარმომადგენლები. პროექტი საქართველოს მწვანეთა მოძრაობის ინიციატივით ხორციელდება, რომელიც მდინარეებისა და წყალსატევების ნაპირების დასუფთავებაზეა ორიენტირებული.

მარტვილი - მერი გურძემისა და კიწიის მოსახლეობას შეხვდა
მარტვილის მუნიციპალიტეტის მერი ალექსანდრე გრიგალავა მერის წარმომადგენლებთან და მაჟორიტარებთან ერთად გურძემისა და კიწიის ადმინისტრაციულ ერთეულში მცხოვრებ მოსახლეობას შეხვდა და მათს პრობლემებს გაეცნო. შეხვედრაზე მოსახლეო- ბის პრიორიტეტად შიდა გზების რეაბილიტაცია, გარეგანათება და გაზიფიცირება დასახელდა.
ალექსანდრე გრიგალავამ მოსახლეობას გააცნო დაგეგმილი ინფრასტრუქტურული პროექტები, რომლებიც მუნიციპალიტეტის მასშტაბით განხორციელდება, ასევე ისაუბრა აზიურ ფაროსანასთან ბრძოლის სახელმწიფო პროგრამაზე და უპასუხა მოქალაქეთა შეკითხვებს. მოსახლეობასთან შეხვედრები მუნიციპალიტეტის მასშტაბით ყველა ადმინისტრაციულ ერთეულში გაიმართება.

დმანისის მუნიციპალიტეტის მერია ავრცელებს ინფორმაციას!

დმანისის მუნიციპალიტეტის მერია გაცნობებთ, რომ სტუდენტებისთვის, ვეტერანებისა და დიალეზის სახელმწიფო პროგრამით მოსარგებლე ბენეფიციარებისთვის უფასოდ მოძრაობს მუნიციპალური ტრანსპორტი: დმანისი-თბი- ლისი, თბილისი-დმანისის მიმართულებით, კვირაში ორი დღე, ორშაბათსა და პარასკევს. მუნიციპალური ტრანსპორტი ორშაბათს დმანისის მუნიციპალიტეტის ავტოსადგურიდან გადის დილის 9 საათზე, ხოლო პარასკევ საღამოს ქალაქ თბილისის მეტროსადგურ "სამგორის" მიმდებარე ტერიტორიიდან გამოდის 15 საათზე.

მუნციპალიტეტის საკუთრებაში არსებული ავტომობილების ნაწილი გაიყიდა
ადმინისტრაციული ხარჯების დაზოგვის მიზნით მუნიციპალიტე- ტის ბალანსზე რიცხული ავტომობილები, რომლებიც ადგილობრივ თვითმმართველობას ემსახურებოდა, აუქციონის წესით გაიყიდა. მარნეულის მუნიცალიტეტის საკუთრებაში არსებული 55 მან- ქანიდან 26 აუქციონზე გავიდა, საიდანაც 23 გაყიდულია. აღსანიშნავია, რომ გაყიდული მანქანები ტექნიკური თვალსაზრისით გაუმართავი და ამორტიზრებული იყო, რომელთა მოვლა-შენახვის ხარჯი წელიწადში 70 000 ლარზე მეტს შეადგენდა. გაყიდული მანქანებიდან შემოსული თანხით კი იგეგმება მხოლოდ 5 ავტომობილის შეძენა, რომლებიც შედარებით ეკონომიურია და ეკოლოგიური თვალსაზრისით ნაკლებად აბინძურებს გარემოს.




მეტის ნახვა
2-04-2018, 16:38


სოციალური პროექტი გურჯაანის მუნიციპალიტეტში

კახეთის მხარეში სახელმწიფო რწმუნებულის – გუბერნატორის ადმინისტრაციასა და წითელი ჯვრის საზოგადოებას შორის ურთიერთთანამშრომლობა მრავალი წელია გრძელდება და ამ ხნის განმავლობაში უკვე არაერთი მნიშვნელოვანი პროექტი განხორციელდა. არსებული თანამშრომლობის შედეგია მორიგი სოციალური პროექტი. კახეთში. სახელმწიფო რწმუნებულის – გუბერნატორის პირველი მოადგილე ირაკლი შიოშვილი, გურჯაანის მუნიციპალიტეტის მერთან, არჩილ ხანდამაშვილთან და წითელი ჯვრის საზოგადოების წარმომადგენლებ- თან ერთად გურჯაანის მუნიციპალიტეტში მცხოვრებ მრავალშვილიან ოჯახებსა და მარტოხელა დედებს ეწვია. მრავალშვილიან ოჯახებს წითელი ჯვრის საზოგადოების მხარდაჭერით საჩუქრად
გადაეცათ მაღაზიათა ქსელ LC WAIKIKI-ის ტანსაცმელი, ფეხსაცმელი და აქსესუარები, ხოლო მარტოხელა დედებმა, რომელთაც 15 წლამდე ასაკის განსაკუთრებული საჭიროების მქონე ბავშვები ჰყავთ, მიიღეს საყოფაცხოვრებო ტექნიკა, საკვები და სამომხმარებლო პროდუქტები. ეს სოციალური პროექტი უახლოეს მომავალში კახეთის სხვა მუნიციპალიტეტებშიც განხორციელდება.

ნოდარ ახალკაცის სახელობის საფეხბურთო აკადემია ლაგოდეხში

ლაგოდეხში საქართველოს ფეხბურთის აკადემიის კახეთის რეგიონის ფილიალი გაიხსნა. აკადემიაში, რომელსაც ნოდარ ახალკაცის სახელი მიენიჭა, 2003–2004 წლებში დაბადებული 40 ბავშვი უკვე ვარჯიშობს. ნოდარ ახალკაცის სახელობის აკადემია მთლიანად მოიცავს კახეთის რეგიონს. საქართველოს ფეხბურთის ფედერაციის პრეზიდენტმა ლევან კობიაშვილმა მადლობა გადაუხადა პროცესში ჩართულ ყველა ადამიანს და საქართველოს მთავრობას მხარდაჭერისთვის. ბაზის საცხოვრებელი კომპლექსი 110 ადამიანზეა გათვლილი.

ტურნირი ჩოხატაურში
ჩოხატაურის მუნიციპალიტეტის მერიისა და საკრებულოს მხარდაჭერით, ჩოხატაურის სასპორტო სკოლაში ტრაგიკულად დაღუპული მოჭიდავეების – ხვიჩა ცინცაბაძისა და ზურაბ ბიბინეიშვილის ხსოვნისადმი მიძღვნილი VII რესპუბლიკური ტურნირი დასრულდა. ტურნირს ორგანიზება გაუწია ჩოხატაურის მუნიციპალიტეტის ა(ა)იპ სპორტისა და სპორტულ ღონისძიებათა ორგანიზების ცენტრმა.

ზუგდიდის მერიის წარმომადგენლები ოქტომბრის საჯარო სკოლაში

ზუგდიდის მუნიციპალიტეტის მერიის განათლების, ძეგლთა დაც- ვის, კულტურის, სპორტისა და ახალგაზრდულ საქმეთა სამსახუ- რის წარმომადგენლებმა სოფელ ოქტომბერში საჯარო სკოლის ინფრასტრუქტურა დაათვალიერეს. მიმდინარე წელს, მერიის დაფინანსებით, აქაურ საჯარო სკოლაში ცენტრალური გათბობის სისტემისთვის საჭირო სამფაზიანი ელექტრომომარაგების სისტემა დამონტაჟდა. საჯარო სკოლების ხელშეწყობა ზუგდიდის მუნიციპალიტეტის მერიის ერთ-ერთი პრიორიტეტია.

ფოთი - საჯარო სამსახურში სტაჟირების პროგრამა ახალგაზრდებისთვის

ქალაქ ფოთის მუნიციპალი- ტეტის მერის გოჩა კურდღელიას ბრძანებულებით განისაზღვრა იმ ახალგაზრდების რაოდენობა, რომლებიც ფოთის მუნიციპალიტეტში 2018 წლის გაზაფხულზე სტაჟირებას გაივლიან. სტაჟირების სახელმწიფო პროგრამაში მონაწილეობა შეუძლია:

პირს, რომელიც სწავლობს საქართველოს უმაღლეს საგანმანათლებლო დაწესებულებაში ბაკალავრიატის აკრედიტებულ საგანმანათლებლო პროგრამაზე და არის დამამთავრებელი სემესტრის (ბოლო ორი სემესტრი) სტუდენტი ან სწავლობს სამაგისტრო, სადოქტორო საგანმანათლებლო პროგრამაზე და სწავლისას გამოირჩევა მაღალი აკადემიური მოსწრებით, რაც დასტურდება GPA-ით (მინიმუმ 3.0 შესაბამის საგანმანათლებლო დაწესებულებაში GPA-ის გამოთვლის წესის არსებობის შემ- თხვევაში) ან საგანმანათლებლო პროგრამის ფარგლებში მიღებული შეფასებების საშუალო არითმეტიკულით (მინიმუმ B, ანუ ძალიან კარგი 81–90%); აგრეთვე პირს, რომელმაც დაასრულა ბაკალავრიატის, სამაგისტრო ან სადოქტორო საგანმანათლებლო პროგრამა და საგანმანათლებლო პროგრამის დასრულებიდან გასული არ არის ორ წელიწადზე მეტი. დამატებითი ინფორმაციისთვის დაუკავშირდით სტაჟირების სა- ხელმწიფო პროგრამის ცხელ ხაზს ტელეფონზე: (+995 32) 2197755
სტაჟირებაზე რეგისტრაცია დაიწყება 2018 წლის 30 აპრილს ვებგვერდზე stajireba.gov.ge

მარტვილი - შეხვედრა დაცული ტერიტორიების სააგენტოს წარმომადგენლებთან

სამეგრელოს რეგიონში პოტენ- ციური დაცული ტერიტორიების დაარსების პერსპექტივების შესახებ – ასე ჰქვია პროექტს, რომლის პრეზენტაცია მარტვილის მუნიცი- პალიტეტის მერიაში გაიმართა. პროექტი წარადგინეს დაცუ- ლი ტერიტორიების სააგენტოს დაგეგმვისა და განვითარების სამსახურის უფროსმა ნატო სულთანიშვილმა, WWF გარემოს დაც- ვის მსოფლიო ფონდის კავკასიის პროგრამის კოორდინატორმა ლაშა მოისწრაფიშვილმა, მარტვილისა და ოკაცეს ბუნების ძეგლების ადმინისტრაციის დირექტორმა ზაზა გაგუამ. შეხვედრას ესწრებოდნენ მერიის ადმინისტრაციული სამსახურის უფროსი რობერტ კოტია, საკრებულოს თავმჯდომარე ალექსი გაბისონია, მერიის წარმომადგენლე- ბი და საკრებულოს წევრები.

სენაკი - შეხვედრა ახალსოფლის მოსახლეობასთან

სენაკის მუნიციპალიტეტის მერი ლევან კუპრეიშვილი, მერის პირველ მოადგილე გრიგოლ ბაღათურიასთან და თვითმმართვე- ლობის სხვა წარმომადგენლებთან ერთად, ახალსოფლის ადმინისტრაციულ ერთეულში ადგილობრივ მოსახლეობას შეხვდა და მათ პრობლემებსა და საჭიროებებს გაეცნო.

ბოლნისის წყალმომარაგების გასაუმჯობესებლად

ბოლნისის მუნიციპალიტეტის მერი დავით შერაზადიშვილი საქართველოს მელიორაციის წარმომადგენლებთან გამართულ სამუშაო შეხვედრას დაესწროსამუშაო შეხვედრის მიმდინარეობისას კომპანიის წარმომადგენლებს დეტალური ინფორმაცია მიაწოდეს ადგილზე არსებული საჭიროებების შესახებ. საქართველოს მელიორაციის წარმომადგენლებმა კი წყალმომარაგების გასაუმჯობესებლად დაგეგმილ სამუშაოებთან დაკავშირებულ კონკრეტულ წინადადებებზე ილაპარაკეს.

ადიგენის მუნიციპალიტეტში

ადიგენის მუნიციპალიტეტში, კულტურის, განათლების, სპორ- ტის, ძეგლთა დაცვის, ახალგაზრდულ საქმეთა და ტურიზმის გან- ვითარების სამსახურის ორგანი- ზებით ქალთა საერთაშორისო დღე საზეიმო ვითარებაში აღინიშნა. მუნიციპალიტეტის ხელმძღვანელმა პირებმა, გამგებლის მოად- გილეებმა მინდია ჯელიამ, არსენ ბალახაშვილმა და საკრებულოს თავმჯდომარის მოადგილემ თამაზ ძაძამიამ მუნიციპალიტეტში მცხოვრებ ღვაწლმოსილ ქალბატონებს 8 მარტის დღესასწაული მიულოცეს და საჩუქრებიც გადასცეს.

დმანისელი საუკუნის თანატოლი ქალბატონები

დმანისის მუნიციპალიტეტის მერიის განათლების, კულტურის, სპორტისა და ახალგაზრდობის საქმეთა სამსახურის ორგანიზე- ბით და ა(აიპ) კულტურისა და ხე- ლოვნების ცენტრის მხარდაჭერით დმანისში საუკუნეს გადაცილებულ ქალბატონებს 8 მარტი მიულოცეს.

თეთრიწყაროს განვითარების სტრატეგია

ქალაქ თეთრიწყაროში ასოცი- აციის – „სამხარეო განვითარება მომავალი საქართველოსთვის“ (RDFG) – ორგანიზებით გამართულ შეხვედრაზე თეთრიწყაროს განვითარების ჯგუფმა განიხილა და დაამტკიცა თეთრიწყაროს განვითარების სტრატეგიის დოკუმენტი და საგრანტო კონკურსის განაცხადისა და შეფასების ფორმები, გაიმართა RDFG-ის დასაქმების პროგრამის პრეზენტაცია და განხილვა.


თვითნებური კონსტრუქციების დემონტაჟი მარნეულში

მარნეულში ჯიხურების, დახლებისა და სხვა მსუბუქი კონსტრუქციების თვითნებური მონტაჟი და განთავსება ერთ-ერთი მწვავე საკითხია. აღნიშნულთან დაკავშირებით, მარნეულის მუნიციპალიტეტის მერიამ მიიღო გადაწყვეტილება მსგავსი ნაგებობის დემონტაჟის დაწყების შესახებ. მარნეულის მერიის ზედამხედველობის სამსახურის მიერ, კანონის შესაბამისად, განხორციელდა ცენტრალური საავტომობილო გზის (მარნეული-სადახლო, კოსტავას ქუჩის გავლით) ნაპირებზე განათავსებული ზოგიერთი უსახური კონსტრუქციების დემონტაჟი.მოსახლეობამ უკმაყოფილება მერიის წინ შეკრებით გამოხატა. შეკრებილ მოვაჭრეებს, რომლებიც მერის გადაწყვეტილების შეცვლას ითხოვდნენ, თემურ აბაზოვი პირადად შეხვდა.

შეხვედრები წალკის სოფლების მოსახლეობასთან

ქვემო ქართლში სახელმწი- ფო რწმუნებული – გუბერნატორის ადმინისტრაციის პირველი პირები რეგულარულად ხვდებიან სოფლების მოსახლეობას. ამჯერად შეხვედრები გაიმართა წალკის მუნიციპალიტეტის სოფ- ლების – კიზილკილისა და კოხტის, აგრეთვე დაბა თრიალეთის მცხოვრებლებთან.


მეტის ნახვა
20-03-2018, 15:00


ჩოხატაურის  მუნიციპალიტეტში

სოფლების შუაამღლება-სამება–ვანის  საავტომობილო  გზის მონაკვეთის საპროექტო სამუშაოები დაიწყო, რომლის დამთავრებისთანავე, 2019 წლიდან დაიწყება ამ მონაკვეთის სრული რეაბილიტაცია და ასფალტბეტონის საფარის დაგება. პარალელურად, ამავე მიმართულებით მიმდინარეობს ავარიული ხიდების რეაბილიტაცია.

ჩოხატაურის მუნიციპალიტეტის მერი ირაკლი კუჭავა, მერიის თანამშრომლებთან ერთად, საჭამი- ასერის ტერიტორიულ ერთეულში ადგილობრივ მოსახლეობას შეხვდა, გაესაუბრა და მათთან ერთად დაზიანებული  ინფრასტრუქტუ- რული ობიექტები დაათვალიერა. ჩომეთში  მოსაწესრიგებელია სოფლის  სასაფლაოს  ღობე,  რეაბილიტაციას  საჭიროებს  საავტომობილო  გზა  კალაგონის  მიმართულებით.

გურჯაანის მუნიციპალიტეტში

ქალაქ გურჯაანში, ტურისტულად მნიშვნელოვან და რეკრე აციულ  ადგილებში  დახურული ტიპი ნაგვის 48 კონტეინერი განთავსდა. 11 ცალი ლითონის კონტეინერისთვის თანხა ადგილობრივი ბიუჯეტიდან 2017 წელს გამოიყო, 37 კი მუნიციპალიტეტს მსოფლიო ბანკმა საჩუქრად გადასცა. მერია კონტეინერების  შეძენას  მიმდინა- რე  წელსაც  გეგმავს,  რისთვისაც ადგილობრივ  ბიუჯეტში  200 000 ლარია გათვალისწინებული. მუნიციპალიტეტის  მყარი ნარჩენების  მართვის  ხუთწლიანი გეგმის  მიხედვით,  ქალაქს  კიდევ რამდენიმე  ათეული  სხვადასხვა  ტევადობის  ურნა  სჭირდება, რომელთა  შეძენაც  ეტაპობრივად იგეგმება.

დედის დღესთან დაკავშირებით, გურჯაანის მუნიციპალიტეტის  მერმა  არჩილ  ხანდამაშვილმა,  საკრებულოს  თავმჯდომარემ ვანო  ბერიძიშვილმა  და  კახეთის გუბერნატორის  პირველმა  მოადგილემ ირაკლი შიოშვილმა, ქალაქ გურჯაანში  და  სოფელ  ვეჯინში მცხოვრებ  მარტოხელა  და  მრავალშვილიან  დედებს  საჩუქრები გადასცეს. წითელი  ჯვრის  ორგანიზაციის დახმარებით, გურჯაანის მუნიციპალიტეტის  მასშტაბით  70-ზე მეტი მარტოხელა და მრავალშვი- ლიანი დედა დაასაჩუქრეს.

სიღნაღის მუნიციპალიტეტში

დასრულდა ჩალაუბანი-სიღნაღი–ანაგის საავტომობილო გზის მე-6 კილომეტრზე არსებული ხიდის რეაბილიტაცია. ხიდის პროექტი  საქართველოს  რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტს ეკუთვნის.  სამუშაოები  საქართველოს მთავრობის  ბიუჯეტიდან  დაფი- ნანასდა  და  მასზე  1  მლნ  450 000 ლარი დაიხარჯა.

სიღნაღის  მუნიციპალიტეტის სოფელ ნუკრიანში მდებარე ავარი- ული ხიდი სივიწროვისა და მკვეთრი მოსახვევის  გამო  მოსახლეო- ბის  უსაფრთხო  გადაადგილებას საფრთხეს უქმნიდა. გამოყოფილი თანხის ძირითადი ნაწილი ფუნდამენტის მშენებლობაზე დაიხარჯა. ჯერ დაინგრა ძველი ხიდი, შემდეგ გაკეთდა 124 ხიმინჯი, მიუერთდა 2 ბურჯი და აშენდა სარეგულაციო  კედელი, ბურჯებზე  დაიდო  რკინაბეტონის ფილა, გაკეთდა მოაჯირები ტრო- ტუარებისთვის და ასფალტი საგზაო მონიშვნებით დაიხაზა. გაფართოებული ხიდის სიგრძე 26 მეტრია, ხოლო სიგანე – 40 მეტრი.

სიღნაღის მუნიციპალიტეტში გამართულ სამუშაო შეხვედრაზე, რომელსაც ესწრებოდნენ საკრებუ- ლოს  თავმჯდომარე  ილია  ხატიაშვილი, მერი გიორგი გოგილაშვილი, ყველა ადმინისტრაციული ერთეულის  მაჟორიტარი  დეპუტატატები  და  წარმომადგენელები,  მოსახლეობასთან  გასვლითი შეხვედრები შეაჯამეს. განიხილეს  იმ  პრობლემების მოგვარების  გზები,  რომლებიც თითოეულ  სოფელში  გამოიკვეთა.  გადაწყდა,  რომ  ასეთი  პრობლემების წარმოსაჩენად შეიქმნება საინიციატივო ჯგუფები სოფლის წარმომადგენლების  მონაწილეობით.  განხილული  და  შერჩეული პროექტები  გაეგზავნება  საქართველოს რეგიონალური  განვითარებისა  და  ინფრასტრუქტურის სამინისტროს შემდგომი დაფინან- სების მოპოვების მიზნით.

ფოთის მუნიციპალიტეტის მერიაში

ფოთში  საფეხბურთო სტადიონს კომპანია "ელიტა ბურჯი" აშენებს.  პროექტის  ღირებულება 1 863 000 ლარია. იგი რეგიონალური  განვითარების  ფონდიდან  და ადგილობრივი მერიის თანადაფინანსებით ხორციელდება. მშენებლობა  ამ  ეტაპზე  აქტიურად  მიმ- დინარეობს  და  20  აპრილს  უნდა დასრულდეს. მოედნის მწვანე საფარის მოწყობას  საქართველოს  ფეხბურთის ფედერაცია დააფინანსებს.

ფოთის დევნილთა დასახლებაში ახალი საბავშვო ბაღი გაიხსნა. ბაღის მშენებლობა 2017 წლის ივლისში  პოლონეთის  საელჩოსა და ლტოლვილთა დანიის საბჭოს ფინანსური მხარდაჭერით დაიწყო, პროექტი ქალაქ ფოთის მუნიციპალიტეტის მერიასა და დევნილთა სამინისტროსთან  მჭიდრო  თანამშრომლობით  განხორციელდა. დასახლებაში,  რომელიც  2011 წელს  ევროკავშირის  ფინანსური მხარდაჭერით აშენდა, 1 200-ზე მეტი  აფაზეთიდან  დევნილი  ოჯახი ცხოვრობს. 2018 წელს იგეგმება ქალაქის #12 საბავშვო ბაღის სარემონტო სამუშაოები.

ზუგდიდის მუნიციპალიტეტში

ბაგრატიონისა და 25 დეკემბრის ქუჩის გადაკვეთაზე სკვერის მოწყობისა  და  აკაკი  წერეთლის ქუჩის  თავში  არსებული  პარკის სარეაბილიტაციო  სამუშაოები მიმდინარეობს. პროექტის ღირებულება 59 255 ლარია.

ლაზის, უბერის, სოხუმისა და  კიკალიშვილის  ქუჩებზე  სანიაღვრე  არხების  სარეაბილიტაციო,  ხოლო  ლევან  II  დადიანისა და  პაიჭაძის  ქუჩის  კვეთაზე  კი ცხაურის  მოწყობის  სამუშაოები მიმდინარეობს.  ამორტიზებული სანიაღვრე არხები უხვი ნალექის დროს  მოსახლეობას  ზიანს  აყენებდა.  რეაბილიტაციაზე  144 000 ლარი იხარჯება. თებერვალში ჯანდაცვის კომისიამ  527 მოქალაქეს სხვადასხვა სამედიცინო მომსახურება 142 068 ლარით დაუფინანსა.

დარჩელი-განმუხურის დამაკავშირებელი ხიდის სარეკონსტრუქციო  სამუშაოებს  ზუგდიდის მუნიციპალიტეტის ა(ა)იპ "კეთილმოწყობის მართვის ცენტრი“ახორციელებს. ზუგდიდის მუნიციპალიტეტის მერი ლაშა გოგია, მოადგილე მაიზერ ნანავასთან და სოციალური და ჯანდაცვის სამსახურის უფროს ნინო სხულუხიასთან ერთად, საქართველოს  წითელი  ჯვრის  საზოგადოების  წარმომადგენლებს შეხვდა.წითელი ჯვრის წარმომადგენლებმა მერს ევროკავშირის მხარდაჭერით  განსახორციელებელ პროექტზე  მიაწოდეს  ინფორმაცია. პროექტი, რომელიც სენაკსა და  ზუგდიდში  განხორციელდება, ახალგაზრდებზე, მათი შესაძ- ლებლობებისა  და  უნარ-ჩვევების განვითარებაზე  იქნება  ორიენტირებული. ლაშა გოგია აღნიშნული პროექტით დაინტერესდა.

სენაკის მუნიციპალიტეტში


მერიის სენაკის  მუნიციპალიტეტის სხდომათა დარბაზში სპელეოლოგიით  დაინტერესებული ჯგუფის  წარმომადგენლებმა  გამართეს  პრეზენტაცია  დასავლეთ საქართველოს ბუნებრივი ძეგლების,  განსაკუთრებით  კი  მღვიმეებისა  და  გამოქვაბულების  შესწავლის მნიშვნელობაზე ქვეყანაში ტურიზმის განვითარების კუთხით. პრეზენტაციაზე ისაუბრეს სენაკის მუნიციპალიტეტში ტურისტული პოტენციალის  განვითარებისთვის შესაბამისი პირობების შექმნის აუცილებლობაზე, კერძოდ, ისტორიულ  და  ბუნებრივ  ძეგლებთან მისასვლელი გზების მარკირებაზე, ბანერების დამზადებაზე, სპელეო ლოგიური  სამსახურის  საფუძვლების ჩაყრასა და ამ პროფესიით დაინტერესებული ახალგაზრდების მომზადებაზე.  ხაზი  გაესვა  ეკის მთაზე არსებული მღვიმეების სიღრმისეულ  გამოკვლევასა  და  შესწავლას,  რაც  იმპულსი  გახდება მუნიციპალიტეტში ტურისტული ინფრასტრუქტურის  განვითარებისთვის.


ჩხოროწყუს მუნიციპალიტეტში

მუნიციპალიტეტის მერი დათო გოგუა სოფელ ლესიჭინესა და ახუთში ადგილობრივებს შეხვდა. მერის მრჩეველთა საბჭოს ინიციატივითა და ადმინისტრაციულ ერთეულებში მერის წარმომადგენლების, ასევე სოფლის მაჟორიტარი დეპუტატების  ორგანიზებით  გამართულ შეხვედრაზე მოსახლეობა ძირითადად ითხოვს ნაპირსამაგრი ჯებირების,  შიდასაუბნო  გზებისა  და  სახიდე გადასასვლელების მოწყობას.

მერმა აღნიშნა, რომ რუსთაველის  უბნის  მცხოვრებლებს  რამდენიმე  თვეში  ასფალტირებული გზა  ექნებათ,  სამუშაოები  ამ  მიმართულებით მომავალი კვირიდან დაიწყება. მისი განცხადებით, მიმდინარე წელს დასრულდება ახალი ხიდის  მშენებლობა  ოჩხომურის უბანში,  მდინარე  ოჩხომურზე. უახლოეს  მომავალში  დაიწყება ასევე ხიდის მშენებლობა სოფელ ახუთში  მდინარე  ზანაზე,  პროექტის  ღირებულება  809 800  ლარს შეადგენს. სოფელ ახუთის ცენტ- რიდან სოფელ ნოღას საზღვრამდე დაიგება ასფალტირებული გზა.

მუნიციპალიტეტის  მერი დათო გოგუა  მუნიციპალიტეტის საბავშვო  ბაღების  თანამშრომლებს  შეხვდა  და  მათგან  მოისმი- ნა ინფორმაცია საბავშვო ბაღებში არსებული  საჭიროებების  შესა- ხებ.  შეხვედრაზე  იმსჯელეს  იმ პრობლემების  გადაჭრის  გზებზე, რომლებიც  ბაღებში  ჯერ  კიდევ არსებობს.

ადიგენის მუნიციპალიტეტში

დასრულდა სოფელ საღრძისა  და  სოფელ აბასთუმნის სკოლის დამაკავშირებელი  ხიდის  მშენებლობა. მეტალოკონსტრუქციის ხიდის მშენებლობისთვის, რომელიც 7  მეტრი სიგანისა  და  14  მეტრი სიგრძისაა,  ბიუჯეტიდან  142 000 ლარი გამოიყო. პროექტით გათვალისწინებული იყო აგრეთვე ხიდთან
მისასვლელი გზის მოხრეშვა და გაბიონების მოწყობა. მყარი  ნარჩენების  მართვის სააგენტო "ტექნიკური დახმარება ნარჩენების მართვის სისტემის სრულყოფისათვის“ ახორციელებს პროექტს, რომლის ფარგლებშიც გროვდება ინფორმაცია საქართველოს  მუნიციპალური  ნარჩენების მართვის გეგმისთვის. კითხვარის პრეზენტაცია  გაიმართა  მუნიციპალიტეტის მერიაში.

ბოლნისის მუნიციპალიტეტში

მუნიციპალიტეტის  მერიაში გაიმართა შეხვედრა, რომლის მიზანი იყო ადგილობრივი ეკონომიკური განვითარების სამოქმედო გეგმის მომზადება ევროკავშირის პროექტის – „მერები  ეკონომი- კური  ზრდისთვის“  ფარგლებში. ისაუბრეს  მუნიციპალტეტის  ადგილობრივი ეკონომიკური განვითარების პერსპექტივებისა და კომპანია "არემჯის“ მიერ დაგეგმილი სამომავლო აქტივობების შესახებ. ბოლნისის  მუნიციპალიტეტის ადგილობრივი ეკონომიკური განივითარების  სამომავლო  გეგმის შესადგენად მუნიციპალიტეტი კითხვარით მიმართავს მოსახლეობას, აქტიურად ჩაერთოს მასში. სამოქმედო  გეგმა  სრულყოფილად  რომ  ასახავდეს  საზოგადოების  ინტერესებს  და  განვითარების  სასურველ  მიმართულებებს, მნიშვნელოვანია  ადგილობრივი საზოგადოების,  კერძო  და  არასამთავრობო სექტორის აქტიური ჩართულობა.

მარტვილის მუნიციპალიტეტში

მერიაში,  „კარტლისის  აკადემიის“ პროექტის ფარგლებში, გარემოს  დაცვის  და  სოფლის მეურნეობის  სამინისტროს  მარტვილის  მუნიციპალიტეტის  საინფორმაციო-საკონსულტაციო სამსახურისა და მერიის სოფლის მეურნეობის განვითარების სამსახურის  ორგანიზებით,  ადგილობრივი  ფერმერებისთვის  წვეთოვანი  სარწყავი  სისტემის  მოწყობის საკითხზე  მეოთხე  სემინარი  გაიმართა. „კარტლისის აკადემია“ საშუალო და მსხვილი ფერმერებისთვის
ცოდნის ამაღლებასა და მათი მეურნეობების ახალ ეტაპზე გადაყვანას ითვალისწინებს. შეხვედრის დასასრულს მონაწილეებს სერტიფიკატები გადაეცათ.

მარტვილში, წოწორიას ქუჩა   სტიქიის შედეგების  სალიკვიდაციოდ  გაბიონის  მოწყობის სამუშაოები  დასრულდა.  პროექტის  ღირებულებამ  10 526  ლარი შეადგინა და ეს თანხა 2017 წლის 8–9 ივლისის სტიქიის შედეგების სალიკვიდაციოდ სახელმწიფო ბიუჯეტიდან გამოიყო.

მარტვილში  საფეხბურთო სკოლის ბაზაზე თბილისის დინამოს  აკადემიამ  ფუნქციონირება დაიწყო. სასელექციო სამუშაოების შედეგად  დაკომპლექტდა  9-იდან 13-წლამდე  ასაკობრივი  გუნდები,  რომლებმაც  განსაზღვრული გრაფიკის  შესაბამისად  ვარჯიში დაიწყეს.

დმანისის მუნიციპალიტეტში

დმანისის მუნიციპალიტეტის მერია მიმართავს მოსახლეობას:დმანისის  მუნიციპალიტეტის მერია კვირაში ორი დღე ახორციელებს მუნიციპალიტეტში რეგისტრირებულ სტუდენტთა, ვეტერანთა და უსინათლო ბენეფიციართა უფასო ტრანსპორტირებას დმანი- სი-თბილისი,  თბილისი-დმანისის მიმართულებით. ამ სერვისის ეფექტიანად გან- ხორციელების  მიზნით,  გთხოვთ მოგვაწოდოთ  ინფორმაცია  ვებ- გვერდის  შემდეგ  მისამართზე: http://dmanisi.gov.ge/kontaqti
თუ რომელ დღესა და საათზეა თქვენთვის ხელსაყრელი აღნიშნული  მარშრუტით  გადაადგილება. ასევე  მოგვწერეთ  დმანისის  მუნიციპალიტეტის  ფეისბუქზე  და დაუკავშირდით  დმანისის  მუნიციპალიტეტის  მერიის  ჯანმრთელობისა  და  სოციალური  დაცვის სამსახურის ხელმძღვანელს მეგი ედიბერიძეს.

თეთრიწყაროს მუნიციპალიტეტში

სამოქალაქო  მრჩეველთა საბჭოს წევრებთან შეხვედრაზე, რომელსაც ესწრებოდნენ მუნიციპალიტეტის  მერი  გიორგი  ქორიძე და მერის პირველი მოადგილე მალხაზ  სამაშვილი,  განიხილეს მერიის  მიერ  შემუშავებული  მუ ნიციპალური ნარჩენების მართვის 5-წლიანი გეგმის პირველადი სამუშაო  დოკუმენტი  და  იმსჯელეს თეთრიწყაროს  ტურისტული  პოტენციალის  განვითარების  პერსპექტივებზე. სამოქალაქო მრჩეველთა საბჭოს  ახალი  შემადგენლობა  არჩევნების  წესით  დაკომპლექტდა.

წევრობის თითოულ მსურველს საშუალება ჰქონდა მოსახლეობის მხარდაჭერით საბჭოში წარედგინა საკუთარი  კანდიდატურა  კანონმდებლობის თანახმად.  სამოქალაქო  მრჩეველთა  საბჭო  მერის სათათბირო  ორგანოა,  რომელიც უფლებამოსილია განიხილოს მუნიციპალიტეტის ბიუჯეტის პროექტი,  ინფრასტრუქტურული  და სოციალური პროექტები, აგრეთვე მნიშვნელოვანი ადმინისტრაციულ- სამართლებრივი აქტების პროექტები და ა.შ.

მარნეულის მუნიციპალიტეტში

სახელმწიფოს  ხელშეწყობით,  „ერთიანი აგროპროექტის“ ფარგლებში, მარნეულის მუნიციპალიტეტში  თანამედროვე  სტანდარტებით აღჭურვილი სასათბურე მეურნეობა შპს „მზა ჩითილი“ გაიხსნა.მეურნეობაში,  სადაც  30  ადამიანია  დასაქმებული,  წლიურად 30 მილიონი ჩითილის წარმოებაა შესაძლებელი.  პროდუქციის  რეალიზაცია ადგილობრივ ბაზარზე ხდება. კომპანია ბენეფიციარია პრო- ექტისა  „შეღავათიანი  აგროკრედიტი“.  საწარმოში  ჯამურად 1 584 000 აშშ დოლარი ინვესტიცია განხორციელდა,  აქედან,  442 000 აშშ  დოლარი  "შეღავათიანმა  აგროკრედიტმა" გასცა. კომპანია  „მზა  ჩითილი“  ინოვაციური  ტექნოლოგიების  გამოყენებით  ქართველ  ფერმერებს მოამარაგებს  დიდი  რაოდენობის ჯანსაღი და ხარისხიანი ბოსტნე- ულისა და ყვავილების ნერგებით. ასეთი  საწარმო  ჩვენს  ქვეყანაში დღემდე  არ  არსებობდა  და  ქართველ  მეწარმეებს  მსგავსი  ჩითილების შეძენა მხოლოდ უცხოეთში უწევდათ.

„კიდევაც  დაიზრდებიან“ – მერაბ  ბერძენიშვილის  ამ  მონუმენტური ძეგლის აღდგენა და მისი მიმდებარე ტერიტორიის კეთილმოწყობა იგეგმება. საპროექტო-სახარჯთაღრიცხვო დოკუმენტაციის შედგენის მიზნით, მარნეულის მუნიციპალიტეტი  კონკურსს  აცხადებს.

წალკის მუნიციპალიტეტში

კოოპერატივების განვითარების აგენტოს წარმომადგენელმა წალკელ  ფერმერებს  რძის  მწარმოებელი კოოპერატივების მხარდაჭერის სახელმწიფო პროგრამის სიახლეები გააცნო. რძისა და ყველის მწარმოებელი  ყველა  ფერმერი  2020  წლისთვის  ბიზნესოპერატორად  უნდა დარეგისტრირდეს,  რაც  ასევე ხარისხის სტანდარის ამაღლებას გულისხმობს.

ეკომიგრანტი ოჯახებისთვის 2004–2009  წლებში  შესყიდული სახლების  დაკანონების პროცესი მხოლოდ 2015 წელს  დაიწყო. ამ ეტაპზე, წალკის მუნიციპალიტეტში  საცხოვრებელი  ფართი საკუთრებაში  უკვე  200-ზე  მეტ ეკომიგრანტ ოჯახს გადაეცა, 2018 წელს სახლის საკუთრების მოწმობა  მაკარიძეების  9-სულიანმა ოჯახმა  მიიღო.  მთელი  ქვეყნის მასშტაბით  სახლი  500-ზე  მეტ ოჯახს  დაუკანონდა  და  ეს  პროცესი  გრძელდება.





მეტის ნახვა
13-03-2018, 16:30


ფოთში "აჭარა ტექსტილის" ახალი საწარმო გაიხსნა

„აწარმოე საქართველოში“ – ამ სახელმწიფო პროგრამის მხარდაჭერით ფოთში ახალი სამკერვალო საწარმო საქართველოს პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა გახსნა.ღონისძიებას ესწრებოდნენ: საქართველოს რეგიონული განვითარებისა და ინფრასტრუქტურის მინისტრი ზურაბ ალავიძე, დევნილთა და განსახლების მინისტრი სოზარ სუბარი, ფოთის მაჟორიტარი დეპუტატი ირაკლი ხახუბია, ქალაქის მერი გოჩა კურდღელია, საკრებულოს თავმჯდომარე ირაკლი კაკულია, სამეგრელო-ზემო სვანეთის გუბერნატორის მოადგილე დავით კოდუა, "აჭარა ტექსტილის“ დამფუძნებელი ჯემალ ბილ-გინგულლუოღლუ, NIKE -ს კანერ სოიტასი და სხვა მოწვეული სტუმრები.

ეკონომიკის მინისტრის განცხადებით, „აჭარა ტექსტილის“ ახალი საწარმო პროდუქციას მიაწოდებს ისეთ მსხვილ ბრენ- დებს, როგორიცაა NEW BALANCE და UNDER ARMOUR. ახალ საწარმოში 3000 ადამიანი დასაქმდება. ცნობისთვის: "აჭარა ტექსტილი“ 100 პროცენტით ექსპორტზე ორიენტირებული კომპანიაა, რომელიც უკვე თანამშრომლობს ისეთ საერთაშორისო კომპანიებთან, როგორიცაა: NIKE, ADIDAS, PUMA, LOTTO, ERIMA და საქართველოში შეკერილი პროდუქციის რეალიზაციას საერთაშორისო ბაზარზე ახდენს. კომპანია წლიურად 10 000 000 ერთეულ პროდუქტს აწარმოებს, ხოლო მაღალი ხარისხის ახალი მანქანა-დანადგარების ამოქმედებით წარმოების მოცულობა მნიშვნელოვნად გაიზრდება. კომპანიას ბათუმსა და ქობულეთში უკვე აქვს ორი სამკერვალო, სადაც 2500 ადამიანია დასაქმებული.

შპს "აჭარა ტექსტილი“ პროგრამის „აწარმოე საქართველოში“ ფინანსური და ინფრასტრუქტურული კომპონენტით სარგებლობს. შესაბამისად, საწარმოს ასაშენებლად სახელმ- წიფოსგან კომპანიას სიმბოლურ ფასად, ერთ ლარად გადაეცა მიწის ნაკვეთი, ხოლო სესხის პროცენტის თანადაფინანსებას ეკონომიკის სამინისტროს სსიპ „აწარმოე საქართველოში“ განახორციელებს. პროგრამის ფარგლებში აღებული სესხის მოცულობა 9 200 000 ლარს შეადგენს, ხოლო სახელმწიფოს თანადაფინანსება 1 600 000 ლარია. ფოთის პროექტის ინვესტიციის ჯამური მოცულობა 38 მლნ ლარს შეადგენს, ხოლო ზემოთ ხსენებული სამივე პროექტის ინვესტიციის ჯამური მოცულობა კი 80 მლნ ლარია.

გურჯაანის მუნიციპალიტეტში 20 საბავშვო ბაღის გაზიფიცირება იგეგმება

გურჯაანის მუნიციპალიტეტის მერია სოფლებში ბაღების გაზიფიცირებას აპირებს. 20 საბავშვო ბაღში გაზის შიდა ქსელის მოწყობის სამუშაოებზე ტენდერი უკვე გამოცხადდა და 6 მარტს დასრულდება. მუნიციპალიტეტში სულ 37 სკოლამდელი სააღმზრდელო დაწესებულებაა, საიდანაც დღეისთვის მხოლოდ 15-ია გაზიფიცირებული. პროექტის დასრულების შემდეგ 35 საბავშვო ბაღი ბუნებრივი აირის მიწოდებით უზრუნველყოფილი იქნება. ორ ბაღში კი, რომლებშიც გაზის ქსელის მოწყობა ამ ეტაპზე ტექნიკური მიზეზების გამო ვერ ხერხდება, სამუშაოები უახლოეს მომავალში დაიწყება. მუნიციპალიტეტის ყველა საბავშვო ბაღი ახალი სასწავლო წლისთვის გაზიფიცირებული იქნება.

გურჯაანი-თელავის შემოვლითი გზის პროექტის საჯარო განხილვა

გურჯაანის მუნიციპალიტეტის ადმინისტრაციულ შენობაში საავტომობილო გზების დეპარტამენტის წარმომადგენლებმა გურჯაანი-თელავის შემოვლითი გზის (30 კმ) პროექტის გარემოზე ზემოქმედების ანგარიში წარადგინეს. პროექტის მიხედვით, შემოვლითი გზა სოფელ ახაშენში დაიწყება და თელავში დასრულდება. ანგარიშის წარდგენისას საგზაო დეპარტამენტის გარემოს უსაფრთხოების კონსულტანტმა მაია ვაშაკიძემ ყველა იმ საკითხის შესახებ ისაუბრა, რომლებმაც პროექტის განხორცილების პროცესში შესაძლოა გარემოზე ზემოქმედება მოახდინოს. შეხვედრა კითხვა-პასუხის რეჟიმში წარიმართა, რომლის მთავარი მიზანი სამუშაოთა ზემოქმედების არეალში მცხოვრები ადგილობრივი მოსახლეობის ინფორმირება იყო.

შეხვედრას გურჯაანის მუნიციპალიტეტის მერი არჩილ ხანდამაშვილი, გუბერნატორის მოადგილე გივი მეტრეველი და იმ სოფლების წარმომადგენლები დაესწრნენ, სადაც პროექტის განხორციელება იგეგმება.

,,ვისწავლოთ ქართული" - სამწლიანი პროექტი ბოლნისში შეაჯამეს

საქართველოს პრეზიდენტი გიორგი მარგველაშვილი ბოლნისში ეთნიკური უმცირესობების საპრეზიდენტო პროგრამის – „ვისწავლოთ ქართული“ – მონაწილეებს შეხვდა. პროექტი ,,ვისწავლოთ ქართული" საქართველოს პრეზიდენტის სარეზერვო ფონდის ფინანსური მხარდაჭერით 2015 წლიდან ივანე ჯავახიშვილის სახელობის თბილისის სახელმწიფო უნივერსიტეტთან თანამშრომლობით ხორციელდება.
შეხვედრა ბოლნისის მუნიციპალიტეტის მერმა დავით შერაზადიშვილმა გახსნა და პროექტის ავტორებს სამწლიანი შრომისთვის მადლობა გადაუხადა.
მოსახლეობასთან შეხვედრის მოდერატორის, ეთნიკური უმცირესობების საკითხებში საქართველოს პრეზიდენტის მრჩევლის, სოფიო შამანიდის განცხადებით, ეთნიკური უმცირესობებით კომპაქტურად დასახლებულ რეგიონებში – ქვემო ქართლში, კახეთში, სამცხე-ჯავახეთში, თბილისში თბილისსი სახელმწიფო უნივერსიტეტის პროფესორ- მასწავლებლები, მაგისტრანტები და დოქტორანტები სახელმწიფო ენასა და კონსტიტუციის საფუძვლებს ინტეგრირებული სწავლების მეთოდით ასწავლიან ეთნიკური უმცირესობების წარმომადგენლებს. პროგრამის მეშვეობით, სახელმწიფო ენის სწავლებასთან ერთად, ხელმისაწვდომი გახდა მარტივად და მკაფიოდ ჩამოყალიბებული ინფორმაცია იმ უფლება-მოვალეობების შესახებ, რაც მათ ქართული კანონმდებლობით ენიჭებათ.

ბოლნისი - სიონი-წუღრუღაშენის გზის რეაბილიტაცია

საქართველოს რეგიონული განვითარებისა და ინფრასტრუქტურის სამინისტროს საქართველოს საავტომობილო გზების დეპარტამენტი ბოლნისის სიონის ტაძრიდან წუღრუღაშენის მონასტრამდე არსებული გზის სარეაბილიტაციო სამუშოებს დააფინანსებს. ელექტრონული ტენდერი საავტომობილო გზების დეპარტამენტმა უკვე გამოაცხადა. ტენდერში გამარჯვებული კომპანია სამუშაოებს ოთხი თვის ვადაში დაასრულებს, პროექტის სატენდერო ღირებულება 1 506 202 ლარია. დაიგება 1700 გრძივი მეტრი ასფალტბეტონის გზა, მოეწყობა ეზოში შესასვლელები, დამონტაჟდება საგზაო ნიშნები.

სენაკის სოფლებში სანიაღვრე არხები წესრიგდება

მუნიციპალიტეტის მერის, ლევან კუპრეიშვილის დავალებით და მოსახლეობის თხოვნის საფუძველზე, ახალსოფლის ადმინისტრაციული ერთეულის ისულას უბანში შესაბამისი ტექნიკის გამოყენებით 200 გრძივ მეტრზე სანიაღვრე არხები მოეწყო. შედეგად, წყალუხვობისას მიმდებარე მოსახლეობას სახნავსათესი და საკარმიდამო ნაკვეთები აღარ დაეტბორებათ.
პარალელურად, ამავე უბანში მოიხრეშა წმინდა ბარბარეს სახელობის ეკლესიის მიმდებარე ტერიტორია.
სამუშაოებს მუნიციპალიტეტის კეთილმოწყობისა და გამწვანების მოვლა-პატრონობის ცენტრის თანამშრომლები ასრულებდნენ.

შეხვედრა ჩოხატაურში აზიური ფაროსანას საწინააღმდეგო ღონისძიებების შესახებ

ჩოხატაურის მუნიციპალიტეტის ხელოვნების სასახლეში მოსახლეობასთან შეხვედრაზე, რომელიც ჩოხატაურისა და ლანჩხუთის მაჟორიტარი დეპუტატის ნინო წილოსანის ინიციატივითა და ბიუროს ორგანიზებით გაიმართა, აზიური ფაროსანას საწინააღმდეგო ღონისძიებების სამოქმედო გეგმა განიხილეს.
მავნებლის საწინააღმდეგო ღონისძიებების 2018 წლის სტრატეგიის შესახებ მოსახლეობას  ინფორმაცია მიაწოდა სურსათის ეროვნული სააგენტოს უფროსის მოადგილემ ზურაბ ლიპარტიამ. აღინიშნა, რომ მავნებლის საწინააღმდეგო ღონისძიებებში კვლავ ჩაერთვება სახელმწიფო, თუმცა, იმავდროულად, მნიშვნე ლოვანია მოსახლეობის აქტიური მონაწილეობაც, სამეცნიერო წრეების ჩართულობა და არსებული პოტენციალის სრულად გამოყენება.
შეხვედრას ესწრებოდნენ გარემოსა და სოფლის მეურნეობის სამინისტროს შესაბამისი დეპარტამენტის თანამშრომლები, ჩოხატაურისა და ლანჩხუთის მუნიციპალიტეტების ხელმძღვანელი პირები, სოფლის მეურნეობის სამინისტროს ჩოხატაურის საინფორმაციო-საკონსულტაციო სამსახურის წარმომადგენლები. ღონისძიება ეროვნულ-დემოკრატიული ინსტიტუტის (NDI) მხარდაჭერითა და დიდი ბრიტანეთის მთავრობის UK aid–ის ფინანსური ხელშეწყობით ხორციელდება.


მეტის ნახვა
5-03-2018, 10:30


თბილისის მერი სამეცნიერო-პრაქტიკულ კონფერენციას დაესწრო

თბილისის მერმა კახა კალაძემ კონფერენციაში "თბილისის მომავალი: მდგრადი განვითარება თუ კრიზისი?" მიიღო მონაწილეობა და დამსწრე საზოგადოებას სიტყვით მიმართა. დედაქალაქის მერმა სიტყვით გამოსვლისას აღნიშნა, რომ ქალაქის მთავრობა არსებული პრობლემების მოგვარების პროცესში სხვადასხვა დარგის სპეციალისტებთან თანამშრომლობისთვის მზადაა, რადგან ქალაქში მნიშვნელოვანი პროექტები ერთობლივად, რაც შეიძლება მეტი ადამიანის ჩართულობით უნდა განხორციელდეს.

"მჯერა და დარწმუნებული ვარ იმაში, რომ მომდევნო წლების განმავლობაში, ჩვენი დედაქალაქისთვის, რა თქმა უნდა, თქვენი დახმარებითა და ჩართულობით, ძალიან ბევრ სასიკეთო და მნიშვნელოვან პროექტს განვახორციელებთ, რადგან გვინდა, მშენებლობის პროცესში მხოლოდ მერისა და მერიის სამსახურები არ იყვნენ ჩართული. როდესაც ჩვენი უფლებამოსილება დასრულდება, ვიტყვით, რომ არა მერმა და მერიამ განახორციელა ეს პროექტები, არამედ ვიტყვით, რომ ეს ყველაფერი ერთად გავაკეთეთ", – აღნიშნა კახა კალაძემ.

თბილისის მერმა კონფერენციის მონაწილეებს სურვილის შემთხვევაში, დედაქალაქის მიწათსარგებლობის გენერალური გეგმის საბოლოო ვარიანტის განხილვის პროცესში ჩართვა შესთავაზა.

მისი თქმით, დოკუმენტის მიღების პროცესი აბსოლუტურად გამჭვირვალედ მიმდინარეობს. სამეცნიერო-პრაქტიკულ კონფერენციაზე თბილისის ურბანული განვითარების საკითხებთან დაკავშირებით, სხვადასხვა დარგის სპეციალისტებმა იმსჯელეს. საუბარი ქალაქის ეკონომიკური, სოციალური და ეკოლოგიური მდგომარეობის გაუმჯობესების შესაძლებლობებს შეეხო.

თბილისის მერიის ეკონომიკური განვითარების საქალაქო სამსახურის უფროსმა ანდრია ბასილა იამ კონფერენციაზე ქალაქის ეკონომიკური განვითარების ხედვის შესახებ პრეზენტაცია წარადგინა. ღონისძიება საქართველოს ეკონომიკურ მეცნიერებათა აკადემიისა და საქართველოს
არქიტექტორთა კავშირის ორგანიზებით გაიმართა.

თბილისის მერია 180-ადგილიანი მიწისქვეშა პარკინგის მოწყობაზე ინტერესთა გამოხატვას აცხადებს

თბილისის მერია ფილარმონიის მიმდებარე ტერიტორიაზე, მიწისქვეშა პარკინგის მოწყობაზე, კერძო კომპანიებისთვის ინტერესთა გამოხატვას აცხადებს. ამის შესახებ თბილისის მუნიციპალიტეტის მთავრობის სხდომაზე დედაქალაქის მერმა კახა კალაძემ განაცხადა.

"ქალაქში არის 10 ლოკაცია, სადაც შესაძლებელია მიწისქვეშა საპარკინგე ინფრასტრუქტურის მოწყობა.  ჩვენ უკვე შევიმუშავეთ ბიზნეს-მოდელი, თუ როგორ უნდა განხორციელდეს ეს პროექტები. ინტერესთა გამოხატვა 60 დღის განმავლობაში გაგრძელდება. ამ პერიოდში კომპანიებს ექნებათ შესაძლებლობა, მიიღონ და შეისწავლონ ყველანაირი დოკუმენტაცია, რომელიც ჩვენ მიერ იქნება წარმოდგენილი ამ კონკრეტულ პროექტთან დაკავშირებით", – განმარტა თბილისის მერმა.

კახა კალაძის განცხადებით, მიწისქვეშა პარკინგის პროექტის განხორციელებამდე ტექნიკური და ეკონომიკური კვლევები ჩატარდება.

"გადაწყვეტილებები უნდა დაეფუძნოს მტკიცებულებებს, რომელიც გარემოებების შესწავლის შედეგად იქნება მიღებული. კომპანიებმა, პირველ რიგში, უნდა ჩაატარონ ტექნიკური და ეკონომიკური კვლევები. პროექტი განხორციელდება მხოლოდ იმ შემთხვევაში, თუ ამ კვლევების შედეგად, მისი მიზანშეწონილობა დადგინდება", – აღნიშნა კახა კალაძემ.

დედაქალაქის მერის განმარტებით, საპარკინგე ინფრასტრუქტურა 180 ავტომანქანაზე იქნება
გათვლილი.

"ინტერესთა გამოხატვის აუცილებელი პირობაა, რომ საპარკინგე ადგილების 5% გათვალისწინებული იყოს ელექტრომობილებისთვის და ამ ადგილებზე სპეციალური დამტენები დამონტაჟდეს. მთლიანობაში, აღნიშნული საპარკინგე ინფრასტრუქტურა გათვლილი უნდა იყოს მინიმუმ 180 ავტომანქანისთვის. პროექტის შესწავლა, ასევე, სამშენებლო სამუშაოები განხორციელდება კერძო ინვესტიციით, რომლის ღირებულებაც 3 მილიონ ლარზე მეტი იქნება და ამისთვის, მუნიციპალიტეტიდან საბიუჯეტო სახსრები არ გამოიყოფა. ეს არის პირველი პროექტი, რომელზეც ინტერესთა გამოხატვას ვაცხადებთ. რა თქმა უნდა, მომდევნო დღეების, კვირებისა და თვეების განმავლობაში, ჩვენ სხვა პროექტებს წარმოვადგენთ, რომელთა გან- ხორციელებასაც ვაპირებთ", – აღნიშნა კახა კალაძემ.

მისივე თქმით, მიწისქვეშა პარკინგების გარდა, კვლევის შედეგად მიღებული ანალიზის საფუძველზე, დედაქალაქში მიწისზედა პარკინგებიც მოეწყობა.

"ჩვენ არ უნდა ვიყოთ ორიენტირებული მხოლოდ და მხოლოდ მიწისქვეშა პარკინგებზე. სადაც იქნება შესაძლებელი, კვლევის შედეგად მიღებული ანალიზის საფუძველზე, მიწისზედა პარკინგებიც უნდა მოვაწყოთ, რათა ეს სერიოზული პრობლემა, რომელიც მოსახლეობას აწუხებს, მოგვარდეს", – განაცხადა თბილისის მერმა.

თბილისის მერი ნაძალადევის რაიონში სპორტული კომპლექსის მშენებლობის პროცესს გაეცნო

დედაქალაქის მერი კახა კალაძე ნაძალადევის რაიონში სპორტული კომპლექსის მშენებლობის პროცესს გაეცნო. სამშენებლო-სარეაბილიტაციო სამუშაოები მიმდინარე წლის მაისში დასრულდება. კახა კალაძის განცხადებით, მსგავსი კომპლექსის მშენებლობა ქალაქში ჯანსაღი ცხოვრების წესის
პოპულარიზაციისთვის ძალიან მნიშვნელოვანია.

"აღნიშნული სპორტული კომპლექსის მშენებლობა მაისში უნდა დასრულდეს. ძალიან მნიშვნელოვანია, რომ აქ მცხოვრებ მოქალაქეებს ერთ-ერთი საუკეთესო გამაჯანსაღებელი ცენტრი ექნებათ, რომელიც ყველა ასაკისა და კატეგორიისთვის არის განკუთვნილი. შეზღუდული შესაძლებლობების მქონე პირებისთვის ცალკე მიმართულება იქნება. ჩემს საარჩევნო პროგრამაში ერთ-ერთი მთავარი მიმართულება თბილისის ყველა რაიონში სპორტული კომპლექსების მშენებლობა იყო და ამას აუცილებლად განვახორციელებთ", – განაცხადა კახა კალაძემ.

კომპლექსი 1500 ბენეფიციარის მომსახურებაზეა გათ ვლილი, სადაც კრივის არენა, ტანვარჯიშის დარბაზი, საჭიდაო მოედანი, ასევე, დიდი და საშუალო ზომის დახურული საცურაო აუზები განთავსდება. კომპლექსს ექნება კაფე და ღია ტერასა. პროექტს თბილისის მერიის განათლების, კულტურის, სპორტისა და ახალგაზრდულ საქმეთა საქალაქო სამსახური ახორციელებს.

სარემონტო სამუშაოებს ტენ- დერში გამარჯვებული კომპანია შპს "ელიტა ბურჯი" ასრულებს. პროექტის საერთო ღირებულება 3 727 642 ლარს შეადგენს.
თბილისის მერთან ერთად, სპორტული კომპლექსის მშენებლობის ადგილზე მერის მოადგილეები სოფიო ხუნწარია და ირაკლი ბენდელიანი, ასევე, ნაძალადევის რაიონის გამგებელი ირაკლი ხელაძე და მერიის განათლების, კულტურის, სპორტისა და ახალგაზრდულ საქმეთა საქალაქო სამსახურის უფროსი ირაკლი გვილავა იმყოფებოდნენ.

კახა კალაძე მარაბდის ქუჩაზე გზის სარეაბილიტაციო სამუშაოებს გაეცნო

თბილისის მერი კახა კალაძე ვაკის რაიონში, მარაბდის ქუჩაზე გზის სარეაბილიტაციო სამუშაოებს გაეცნო. ქუჩაზე ამჟამად, გზის საფუძველი ეწყობა, რის შემდეგაც, ასფალტის ახალი საფარი დაიგება.

"ვაკის რაიონში საგზაო ინფ- რასტრუქტურის სამუშაოები მიმდინარეობს, რომელიც ძალიან მნიშვნელოვანია. ამ კონკრეტულ პროექტს ვაკის რაიონის გამგეობა ახორციელებს. ჩვენ გაზაფხულიდან, საგზაო ინფრასტრუქტურის მოწყობას მთელი ქალაქის მასშტაბით ვგეგმავთ, რაც რა თქმა უნდა, მომდევნო წლების განმავლობაშიც გაგრძელდება", – განაცხადა კახა კალაძემ.

გზის რეაბილიტაციის სამუშაოებს მარაბდის ქუჩაზე თბილისის მერთან ერთად, ვაკის რაიონის გამგებელი ნოდარ ტურძელაძე გაეცნო.

"მარაბდის ქუჩაზე დაახლოებით, 2 000 კვადრატულ მეტრამდე ასფალტის საფარი იცვლება. სამუშაოები დაახლოებით, ათ დღეში უნდა დასრულდეს. შესაბამისად, აქ მცხოვრებ მოსახლეობას ბევრად უფრო გაუმჯობესებული გარემო ექნება, ვიდრე მანამდე ჰქონდა", – განაცხადა ნოდარ ტურძელაძემ.

მარაბდის ქუჩაზე სამუშაობის შედეგად, 1700 კვ.მ ფართობის გზა შეკეთდება. პროექტს ვაკის რაიონის გამგეობის დაკვეთით, შპს "როუდ სოლუშენი" ახორციელებს და მისი ღირებულება 115 000 ლარია. მიმდინარე წელს, ვაკის რაიონში დაახლოებით, 100 000-მდე კვ.მ ფართობის გზის რეაბილიტაციაა დაგეგმილი.

ქ. თბილისის მუნიციპალიტეტის მერიის ადმინისტრაციის საზოგადოებასთან და მედიასთან ურთიერთობის სამსახური


მეტის ნახვა
24-02-2018, 16:47


გურჯაანი - აღდგენილი კულტურული მემკვიდრეობის ძეგლები

გურჯაანის მუნიციპალიტეტში 2017 წელს ფონდ „ქართუს“ დაფინანსებით კულტურული მემკვიდრეობის ხუთ ძეგლს ჩაუტარდა რეაბლიტაცია:
სრულად აღდგა და პირვანდელი სახე დაუბრუნდა სოფელ ვაზისუბნის წმ. გიორგის სახელობის სამკარიან ბაზილიკას (VI სს.), რომელსაც კულტურული მემკვიდრეობის ძეგლის სტატუსი, გამგეობის შუამდგომლობით, ორი წლის წინ მიენიჭა. სრულად აღდგენილია აგრეთვე კარდენახის წმ. ნიკოლოზის სახელობის (VI სს.) და სოფელ კალაურის იოანე ნათლისმცემლის სახელობის ეკლესიები (IX სს.). ფონდ „ქართუს“ დაფინანსებით შარშან შიდა სარეაბილიტაციო სამუშაოები ჩაუტარდა სოფელ კარდენახის საბა
წმინდის ეკლესიას (XIII–XV სს.) და ვაზისუბნის სანაგირის მონასტერს (X–XI სს). გურჯაანის მუნიციპალიტეტში „ქართუს“ დაფინანსებით ბოლო წლების განმავლობაში აღდგენილია კულტურული მემკვიდრეობის ორმოცდაათამდე ძეგლი. მიმდინარე წელს კიდევ რამდენიმე ძეგლის რეაბილიტაცია იგეგმება, მათ შორისაა სოფელ ვეჯინის წმ. გიორგის ბაზილიკა (VI–VII სს,). სამუშაოები გაზაფხულზე დაიწყება.

ახალი წიგნები გურჯაანის ბიბლიოთეკისთვის

გურჯაანის საბიბლიოთეკო გაერთიანებამ პროექტ „მაკულატურის“ ფარგლებში ჩაბარებული წიგნებიდან მიღებული ქულებით (თანხით) 16 დასახელების მხატვრულ-შემეცნებითი და დარგობრივი ლიტერატურა შეიძინა. წიგნების ნაწილი ცენტრალურ ბიბ- ლიოთეკაში დარჩება, ნაწილი კი სოფლებში განაწილდება. საბიბლიოთეკო გაერთიანება წიგნად ფონდს პერიოდულად ავსებს. წიგნების შეძენას საკუთარი ბიუჯეტიდან მიმდინარე წელსაც გეგმავს. შესაძენი ლიტერატურის ნუსხა მკითხველთა მოთხოვნებისა და ინტერესების შესაბამისად ივსება.

ჩუმლაყში წარმოებული ხილფაფა ევროპის ბაზარზე გაიყიდება

გურჯაანის მუნიციპალიტეტის სოფელ ჩუმლაყში შპს „ქართული ხილის კომპანია“ ხილის გადამ- მუშავებელ საწარმოს აშენებს. კომპანია სეზონზე დაახლოებით5 ათასი ტონა ხილის გადამუშავებას და მის უცხოურ ბაზარზე გატანას გეგმავს. „ქართული ხილის კომპანიას“ სამაცივრე მეურნეობა სოფელ ჩუმლაყში აქვს. როგორც კომპანიის დირექტორი გიორგი ახალა ძე ამბობს, ადგილობრივ ბაზარზე პროდუქციია 2013 წლიდან გააქვთ, თუმცა დღემდე ხილისა და ბოსტნეულის ექსპორტზე მუშაობდნენ. გიორგი ახალაძის თქმით, საწარმოს მშენებლობაში 5 მილიონი ლარი ინვესტიციაა ჩადებული.

"უმაღლესი ხარისხის პროდუქცია კენკროვანი ხილისგან დამზადდება. მოლაპარაკებებს უკვე ვაწარმოებთ უცხოელ პარტნიორებთან. გვინდა დავამზა- დოთ ისეთი ხარისხის პროდუქტი, რომელიც ევროპის ბაზრისთვისაც მისაღები იქნება. პროდუქცია ძირითადად საექსპორტო ბაზრებზე გაიყიდება, მცირე რაოდენობით პროდუქტს ქართულ ბაზარსაც მივაწვდით", – ამბობს გიორგი ახალაძე. მისივე ინფორმაციით, ხილს ადგილობრივებისგან ჩაიბარებენ, პროდუქცია ეკოლოგიურად სუფ თა და ხარისხიანი იქნება. საწარმო აღჭურვილია ევროპული სტანდარტების შესაბამისი ტექნიკით. გარდა ამისა, საწარმო გეგმავს მსოფლიოს სხვადასხვა ქვეყნიდან მოიწვიოს სპეციალისტები, რომლებიც საწარმოს ტექნოლოგებს სპეციალურ სასწავლო კურსებს ჩაუტარებენ. ამ პროექტის განსახორციელებლად „ქართული ხილის კომპანია“ სოფელში დაახლოებით მილიონ 300 ათასი დოლარის ინვესტიციას ჩადებს.

ბოლნისის ტურისტული პოტენციალი

ბოლნისის მუნიციპალიტეტის ღირსშესანიშნაობები და სიძვე- ლეები ერთ-ერთ მნიშვნელოვანი მარშრუტი გახდება ტურისტების მოსაზიდად – ამის შესახებ შეთანხმდნენ შეხვედრაზე, რომელსაც ესწრებოდნენ ბოლნისის მუნიციპალიტეტის მერი დავით შერაზადიშვილი, ქვემო ქართლის სამხარეო ადმინისტრაციის ადგილობრივი თვითმმართველობის ორგანოებთან ურთიერთობის სამსახურის უფროსი ლევან ჟვანია და ტუროპერატორ "ინტერკონტინენტალის" დამფუძნებელი ნინო მახვილაძე. ბოლნისის მუნიციპალიტეტის მერმა ტურიზმის განვითარებასთან ერთად ყურადღება სოფლის მეურ- ნეობასა და მეღვინეობაზე გაამახვილა. ასევე ისაუბრა ტურიზმის განვითარებისთვის ხელსაყრელი და მნიშვნელოვანი პირობების შექმნაზე. შეხვედრის მონაწილეები ბოლნისის სიონს, წმ. პეტრე და პავლე მოციქულთა სახელობის მამათა მონასტერს, ძველ გერმანულ უბანსა და საოჯახო ღვინის მარნებს სტუმრობდნენ.

ევროკავშირის საპილოტე პროექტი ბოლნისში

"მერები ეკონიმიკური ზრდისთვის"– ევროკავშირის ამ ორგანიზაციამ დააფინანსა საპილოტე პროექტი სახელწოდებით "ბოლნისში ბიზნესსაქმიანობის ეფექტური პლატფორმის ჩამოყალიბება", რომლის საერთო ბიუჯეტი 380 ათასი ევროა. აქედან ბოლნისის მუნიციპალიტეტის კონტრიბუცია შეადგენს 60 ათას ევროს.
პროექტის მიზანია ბოლნისის მუნიციპალიტეტში ბიზნესის განვითარება და ბიზნესგარემოს გაუმჯობესების სტიმულირება, მყარ ინფრასტრუქტურასა და მეწარმეთა ბიზნესად მინისტრირების უნარ-ჩვევების გაუმჯობესებაში თანხების ინვესტირებით. პროექტი 2018–2021 წლებში განხორციელდება. სამი წლის განმავლობაში დაგეგმილია ბოლნისის მუნიციპალიტეტში აგროცენტრის მოწყობა, ღვინის ჩამოსასხმელი ხაზის, ყველისა და ბოსტნეულის შესაფუთი დანადგარების შეძენა. მსგავსი პროგრამის განხორციელებას ევროკავშირი თბილისსა და გორის მუნიციპალიტეტშიც გეგმავს.
"მოხარული ვარ, რომ ბოლნისის მუნიციპალიტეტის მიერ წარდგენილმა პროექტმა დაფინანსება მოიპოვა. ნებისმიერი გეგმა, რომე- ლიც ხელს შეუწყობს ბიზნესის განვითარებას და გააუმჯობესებს ბიზნესგარემოს, ჩვენი მუნიციპალიტეტისთვის უმნიშვნელოვანესია. ძალისხმევას არ დავიშურებთ მისი წარმატებით განხორციელებისთვის", – განაცხადა ბოლნისის მუნიციპალიტეტის მერმა დავით შერაზადიშვილმა.

ახალი საბავშო ბაღი სენაკში

სენაკში ორსართულიანი, თანამედროვე სტანდარტების, შშმ პირებზე ადაპტირებული ახალი საბავშვო ბაღი გაიხსნა. პროექტის ფარგლებში, მოეწყო სასადილო და საძინებელი ოთახები, სამზარეულო და სველი წერტილები, დამონტაჟდა ცენტრალური გათბობისა და სავენტილაციო სისტემები. ახალი საბავშვო ბაღი სამეგრელოზემო სვანეთის გუბერნატორმა ლევან შონიამ, სენაკის მაჟორიტარმა დეპუტატმა ირაკლი ბერაიამ, სენაკის მუნიციპალიტეტის მერმა ლევან კუპრეიშვილმა და რეგიონული პროექტების კოორდინირების სამსახურის უფროსმა ნუგზარ გაბელიამ დაათვალიერეს.

საბავშვო ბაღი აღჭურვილია ახალი ინვენტარით და 90 აღსაზრდელზეა გათვლილი. პროექტის ღირებულება 280 000 ლარს შეადგენს. სამუშაოებზე დასაქმებული იყო 20 ადგილობრივი. პროექტი რეგიონებში განსახორციელებელი პროექტების ფონდისა და სენაკის მუნიციპალიტეტის მერიის თანადაფინანსებით განხორციელდა. 2013 წლიდან დღემდე, მუნიციპალიტეტის მასშტაბით, აშენდა სამი ახალი საბავშვო ბაღი, ხოლო რეაბილიტაცია ჩაუტარდა 26-ს.


კოოპერატივების ხელშეწყობის პროგრამების პრეზენტაცია ჩოხატაურში

სასოფლო-სამეურნეო კოოპერატივების განვითარების სააგენტოს თავმჯდომარე გიორგი მიშელაძე ჩოხატაურის მუნიციპალიტეტის მერ ირაკლი კუჭავასთან, საკრებულოს თავმჯდომარე ზაალ მამალაძესთან და ჩოხატაურის საინფორმაციო-საკონსულტაციო სამსახურის უფროს მანანა მინდაძესთან ერთად ადგილობრივ ფერმერებს შეხვდა და სასოფლო-სამეურნეო კოოპერატივების მხარდაჭერის პროგრა მები გააცნო.
გიორგი მიშელაძემ ისაუბრა მეფუტკრეობის სასოფლო-სამეურნეო კოოპერატივების ერთიანი საწარმოო უზრუნველყოფის, რძის მწარმოებელი და მევენახეობის სასოფლო-სამეურნეო კოოპერატივების მხარდამჭერი სახელმწიფო პროგრამების შესახებ.
სასოფლო-სამეურნეო კოოპერატივების განვითარების სააგენტო 1 მარტამდე ამ პროგრამაში რეგისტრაციას აცხადებს ვებგ- ვერდზე: www.acda.gov.ge 

ჩოხატაურის მერი სკოლის დირექტორებს შეხვდა

ჩოხატაურის მუნიციპალიტეტის მერი ირაკლი კუჭავა,ჩოხატაურის რესურსცენტრის ხელმძღვანელ შორენა სიხარულიძესთან და მერიის შესაბამის სამსახურებთან ერთად, მუნიციპალიტეტის სკოლების დირექტორებს შეხვდა. განიხილეს საჯარო სკოლების
შენობების ინფრასტრუქტურასა და კეთილმოწყობასთან დაკავშირებული საკითხები.


ჩოხატაური ოპტიკურ-ბოჭკოვანი კაბელით დაიქსელება

კომპანია შპს „მაგთიკომი“ ჩოხატაურის მუნიციპალიტეტში ოპტიკურ-ბოჭკოვანი კაბელით შემოდის. შედეგად მუნიციპალიტეტს
მოემსახურება მაღალი ხარისხის ინტერნეტითა და სატელევიზიო სიგნალით. კომპანიამ ჩოხატაურის მუნიციპალიტეტის მერს სამუშაოების დაწყების ნებართვის მისაღებად უკვე მიმართა.


მეტის ნახვა
24-02-2018, 06:00


წყალტუბო –ახალი სტანდარტები საბავშვო ბაღებში

სურსათის  უვნებლობის  სააგენტოს რეკომენდაციების თანახ მად,  საბავშვო  ბაღებში  იცვლება  სამზარეულოს,  სურსათის სასაწყობე  ფართისა  და  სველი წერტილების  სტანდარტები.  ამ რეკომენდაციების  შესრულება სავალდებულოა  ყველა  მუნიციპალიტეტისთვის.  წყალტუბოს მუნიციპალიტეტში  სარემონტო სამუშაოებისთვის  ადგილობრივი  ბიუჯეტიდან  194 000  ლარი გამოიყო  და  მუნიციპალიტეტის 22 ბაღში სამუშაოები სხვადასხვა გრაფიკით მიმდინარეობდა.
წყალტუბოს  მერმა  გრიგოლ იოსელიანმა,  მოადგილეებთან ერთად,  საბავშვო  ბაღები  დაათვალიერა. „რამდენიმე  საბავშვო  ბაღში ამჟამად შეწყვეტილია სასწავლო- სააღმზრდელო  პროცესი.  მიმდინარეობს  სარემონტო  სამუშაოები  სოფ.  მაღლაკის,  გვიშტიბის, გუმბრის,  ქვიტირის,  ფარცხაყა- ნევის  საბავშვო  ბაღებში,  აგრეთვე ქალაქის ორ საბავშვო ბაღში (დანარჩენ  ბაღებში  სამუშაოები უკვე  დასრულდა).  
სოფ.  გვიშტიბის,  მაღლაკისა  და  ქალაქის საბავშვო  ბაღებში  სამუშაოები დათქმულ  ვადებში დასრულდება და ახალი წლიდან ყველა საბავშო ბაღი  ახალ  გარემოში,  განახლებული  სტანდარტებით  შეუდგება ფუნქციონირებას“, – განაცხადა წყალტუბოს  მუნიციპალიტეტის მერმა გრიგოლ იოსელიანმა.მერმა მოადგილეებთან, ზურაბ მაისურაძესთან  და  ალექსანდრე დადუნაშვილთან  ერთად,  მშენებარე  სოფელ  თერნალის  ბაღიც მოინახულა.
ა(ა)იპ.  „წყლტუბოს  მუნიციპალიტეტის  ბაღების  გაერთიანების“  უფროსის,  გიორგი  იობიძის თქმით,  კიდევ  ერთი  ახლადგარე- მონტებული  საბავშვო  ბაღი  შეე- მატა სოფელ ყუმისთავს.

ბაღდათი - მუნიციპალური ნარჩენების მართვა

 ბაღდათის მუნიციპალიტეტის მერის, არჩილ გოგსაძის კაბინეტში  გაიმართა  სამუშაო  შეხვედრა მუნიციპალური  ნარჩენების  მართვის გეგმასთან დაკავშირებით. საქართველოს  ნარჩენების მართვის კოდექსის მოთხოვნების შესაბამისად,  ყველა  მუნიციპალიტეტის  ვალდებულებაა,  2017 წლის დასასრულამდე შეიმუშაონ ნარჩენების  მართვის  5-წლიანი გეგმა,  რომელიც  უნდა  მოიცავ- დეს 2018–2022 წლებს.

ხარაგაული - უფასო სამედიცინო კონსულტაციები ქალბატონებისთვის

19–21  დეკემბერს  სარგვეშის ადმინისტრაციულ  ერთეულში, სოფლის  ამბულატორიაში  უფასო სამედიცინო აქცია იმართება.„მედ  ალფას“  გამოცდილი მეან-გენეკოლოგები,  ქეთევან გიორგაძე  და  ირინა  გოგიშვილი, უფასო  კონსულტაციებს  ჩაუტა რებენ ხარაგაულის მუნიციპალი- ტეტში  მცხოვრებ  ქალბატონებს, რომლებსაც  პროფილაქტიკური და ბაქტერიოლოგიური კვლევები ჩაუტარდება თ. კონსულტაციების შემდეგ,  საჭიროების  შემთხვევაში,  პაციენტები  კოლპოსკოპიურ გამოკვლევაზე გაიგზავნებიან. აქციაში  ჩართვა  შეუძლია ხარაგაულის  მუნიციპალიტეტში მცხოვრებ ნებისმიერ ქალბატონს.

დუშეთი - ბოდორნაში ”მწვანე” ჰესის მშენებლობა დაიწყო

დუშეთის  მუნიციპალიტეტის სოფელ  ბოდორნაში,  “ჯორჯიან უოთერ ენდ ფაუერის” ინიციატივით, ეკოლოგიურად სუფთა ჰესის მშენებლობა  დაიწყო.  ბოდორნა- ჰესის  ტერიტორიაზე  კომპანიის გენერალურმა დირექტორმა გიორგი ცხადაძემ და ქვეყნის პირველმა ვიცე-პრემიერმა დიმიტრი ქუმსიშვილმა  სიმბოლური  კაფსულა ჩააგდეს. ბოდორნაჰესის მშენებლობის-ვის “ჯორჯიან უოთერ ენდ ფაუ ერის”  მიერ  განხორციელებული ინვესტიციის  საერთო  მოცულობა  10  მლნ  ლარია.  ჰესი  შემდეგი წლის  შემოდგომაზე  ამუშავდება და საქართველოს ერთიანი ენერგოსისტემის განუყოფელი ნაწილი გახდება. მშენებარე ჰესის დადგმული სიმძლავრე 2,5 მგვტია, ხოლო საშუალო  წლიური  გამომუშავე ბა – 15  მლნ.კვტ/სთ.  ამასთანავე, მნიშვნელოვანია,  რომ  კომპანია “ჯორჯიან უოთერ ენდ ფაუერის”  სათავო  ნაგებობები  და  სატუმბი სადგურები  ელექტროენერგიით მუდმივად მომარაგდება, რაც თბი- ლისის უწყვეტი წყალმომარაგების კიდევ ერთი გარანტია იქნება.

ზუგდიდის ცენტრალური ბულვარის კეთილმოწყობა

ზუგდიდის მუნიციპალიტეტის მერმა ლაშა გოგიამ, ვიცე-მერ გია გულორდავასთან,  საკრებულოს თავმჯდომარე მამუკა წოწერიასთან  და  შესაბამისი  სამსახურის წარმომადგენლებთან  ერთად, ქალაქში  მიმდინარე  ინფრასტრუქტურული  სამუშაოები  დაათვალიერა. მერი ზუგდიდის ცენტრალურ ბულვარში მიმდინარე სამუშაოებს გაეცნო,  სადაც  ამ  ეტაპზე  სანიაღვრე  არხის  მოწყობა  და  გარე განათების მონტაჟი მიმდინარეობს. პროექტით  გათვალისწინებულია  მოაჯირებიანი  ხიდ-გადასასვლელების,  სარწყავი  სისტემისა და წყალსაწრეტის მოწყობა, ასევე  დეკორატიული  ქოთნების განთავსება.  შეიცვლება  სკამები და  სანაგვე  ურნები,  ბულვარის ტროტუარებზე შშმ პირთა დაუბრკოლებელი  მოძრაობისთვის მოეწყობა პანდუსები, განახლდება ბულვარის გამწვანება.

ფოთი - მალთაყვის ბულვარის მშენებლობის ახალი ეტაპი

მალთაყვის  სანაპირო  ზოლზე მშენებლობის  მეორე  ეტაპი  მიმდინარეობს.  სამუშაო  პროცესი ქალაქის  მერმა  გოჩა  კურდღელიამ  დაათვალიერა.  ბულვარის სიგრძე  გაიზრდება  800  მეტრით, მშენებლობის მეორე ეტაპზე იგეგმება  მიწისქვეშა  კომუნიკაციების მოწყობა,  მცირე  არქიტექტურული ფორმებისა და საყვავილეების, გარე  განათების  სისტემის  მონტაჟი.  პროექტი  საქართველოს რეგიონებში განსახორციელებელი პროექტების ფონდიდან ფინანსდება  და  მიმდინარე  წელს  2  მილიონ 780 ათასი ლარის სამუშაოები ხორციელდება.

სოფელ მარანში სანიაღვრე არხები იწმინდება
აბაშის  მუნიციპალიტეტის მერი  ლევან  მაკალათია  სოფელ მარანში სანიაღვრე არხის გაწმენდითი სამუშაოების მიმდინარეობას გაეცნო.  არხი  გზის  იმ  სამკილო- მეტრიან  მონაკვეთზე  მდებარეობს, რომელიც, ადგილობრივების თქმით, მარანჭალის ქვიშა-ხრეშის კარიერიდან მძიმეწონიანი თვითმცლელი სატვირთო ავტომანქანების ინტენსიური მოძრაობის გამო ზიანდება,  არხი  მიწით  ივსება  და იწვევს მიმდებარე საცხოვრებელი სახლების  ეზოების  დატბორვას. რამდენიმე დღის წინ, სოფელ მარნის მოსახლეობამ მერთან, ლევან მაკალათიასთან  შეხვედრისას, ქუჩაზე არსებული პრობლემებისა და სხვადასხვა სახის საჭიროების შესახებ  ისაუბრა.  მოქალაქეებმა ერთ-ერთ უპირველეს პრობლემად სანიაღვრე არხის რეაბილიტაცია- გაწმენდის  საჭიროება  დაასახელეს. სანიაღვრე არხის შესაბამისი ტექნიკით გაწმენდითი სამუშაოები აბაშის მუნიციპალიტეტის მერიის ორგანიზებით მიმდინარეობს.

სენაკის მუნიციპალიტეტის სრული გაზიფიცირება

სენაკის  მუნიციპალიტეტის სრული  გაზიფიცირება  მუნიციპალიტეტის  მერიის  საქმიანობის ერთ-ერთი  უმნიშვნელოვანესი პრიორიტეტია.  ამ  ეტაპზე  შპს “ალგეთი” თეკლათის, ახალსოფ- ლისა და ნოსირის ადმინისტრაცი- ულ ერთეულებში გაზიფიცირების სამუშაოებს ასრულებს. თეკლათსა და ახალსოფელში სამუშაო პროცესს გაეცნენ საქარ თველოს  პარლამენტის  წევრი, სენაკის  მაჟორიტარი  დეპუტატი ირაკლი ბერაია, სენაკის მუნიციპალიტეტის მერი ლევან კუპრეიშვილი და მერის პირველი მოადგილე გრიგოლ ბაღათურია.

წალენჯიხა - რეგიონული ჰაბის პრეზენტაცია

ასოციაცია „ათინათის“ ოფისში  „სამოქალაქო  საზოგადოების  განვითარების  ინიციატივის“  სამეგრელო-ზემო  სვანეთის რეგიონული  ჰაბის  პრეზენტაცია გაიმართა.  ღონისძიების  მიზანი რეგიონში ჰაბის ცნობადობის გაზრდა  და  დაინტერესებულ  მხარეებს შორის ეფექტიანი დიალოგის დაწყება იყო. პრეზენტაციას  ადგილობრივი თვითმმართველობების,  ბიზნესისა და არასამთავრობო სექტორის წარმომადგენლები ესწრებოდნენ. შეხვედრაზე  ისაუბრეს  ჰაბის როლსა და ფუნქციაზე, პროექტის სამომავლო გეგმებსა და იმ სავარაუდო  სარგებელზე,  რომელსაც რეგიონის  სამოქალაქო  საზოგადოება მიიღებს. პროექტი  ევროკავშირისა  და გერმანიის  ეკონომიკური  თანამშრომლობისა  და  განვითარების ფედერალურმა  სამინისტრომ დააფინანსა,  რომლის  ფარგლებ- ში განხორციელდება სხვადასხვა სახის  110-ზე  მეტი  აქტივობა  და გაიცემა 80-მდე გრანტი.

თაფლის გადამმუშავებელი ახალი საწარმო დმანისში

დმანისის  მუნიციპალიტეტის სოფელ  გომარეთში  თაფლის  გადამმუშავებელი  მცირე  კოოპერაციული საწარმო  გაიხსნა.  ახალგახსნილი საწარმო საერთაშორისო ორგანიზაციის „მოძრაობა შიმშილის წინააღმდეგ“ რეგიონალურმა დირექტორმა მარსელა მაქსფილდმა, დმანისის მუნიციპალიტე- ტის მერმა გიორგი ტატუაშვილმა და სასოფლო-სამეურნეო კოოპერატივების განვითარების სააგენტოს თავმჯდომა- რემ გიორგი მიშელაძემ დაათვალიერეს და  კოოპერატივ  „ქციის  მონასტრის“ წევრებს შეხვდნენ. „ქციის  მონასტერი“  2015  წელს დმანისის  მუნიციპალიტეტის  სოფელ გომარეთში  დაფუძნდა.  კოოპერატივში  გაერთიანდა  13  მეფუტკრე,  იმავე წელს  კოოპერატივს  სასოფლო-სამეურნეო კოოპერატივების განვითარების სააგენტოს  მიერ  მიენიჭა  სასოფლო- სამეუნეო  კოოპერატივის  სტატუსი. კოოპერატივმა  მოიპოვა  დაფინანსება სოფლის მეურნეობის და სოფლის განვითარების პროგრამის ( ENPARD )ფარგლებში  დაფინანსებული პროექტის – „სასოფლო-სამეურნეო კოოპერატივების განვითარების მხარდაჭერა საქართველოში“ – ფარგლებში, “ოქსფამ საქართველოსა” და საერთაშორისო ორგანიზაცია „მოძრაობა შიმშილის წინააღმდეგ“ მხარდაჭერით.

ბორჯომი - საბავშვო ბაღი დაბა წაღვერში

განახლებულ და სრულიად კეთილმოწყობილ  საბავშვო  ბაღებს  კიდევ ერთი ბაღი შეემატა. დაბა  წაღვერის  ახლად  რეაბილიტირებული  სკოლამდელი  აღზრდის დაწესებულება რიგით მეშვიდეა, რომელიც  ადგილობრივმა  მუნიციპალიტეტმა  ბოლო  3  წლის  განმავლობაში გაარემონტა. საბავშვო  ბაღი  ბორჯომის  მუნიციპალიტეტის  მერმა  ლევან  ლიპარტიამ,  კულტურის  სამსახურის  ხელმძღვანელმა მარინა ხუჯაძემ და სკოლამდელი  აღზრდის  დაწესებულების დირექტორმა  მანანა  ორჯონიკიძემ დაათვალიერეს. შენობაში  სრულად  გარემონტდა ოთახები, შეიღება კედლები და ჭერი, დაიგო  ლამინატისა  და  კერამიკული  ფილების იატაკი, მოწესრიგდა სველი წერტილები, საკანალიზაციო სისტემა, ელექტროგაყვანილობა, შეიღება შენობის ფასადი, სააღმზრდელო დაწესებულება აღიჭურვა თანამედროვე აუდიო და  ვიდეოაპარატურით,  სამზარეულო ტექნიკით,  ასევე  სპეციალური  გაზქურებით,  ოთახები  განახლდა  ასევე ავეჯით და მომარაგდა ყველა საჭირო ინვენტარით. მერის  განცხადებით,  საბავშვო ბაღების კეთილმოწყობა მომავალშიც ინტენსიურად გაგრძელდება. „სკოლამდელი აღზრდის დაწესებულებების რეაბილიტაცია და ბავშვებისთვის სათანადო, საერთაშორისო სტანდარტების გარემოს შექმნა ადგილობრივი მუნიციპალიტეტისთვის ერთ-ერთ მთავარ პრიორიტეტად რჩება მომავალ წელსაც“, – აღნიშნა მერმა. უახლოეს  მომავალში  გაიხსნება ტაძრისის საბავშვო ბაღი.

სამუშაო შეხვედრა ნინოწმინდის მერიაში

ნინოწმინდის  მუნიციპალიტეტის მერმა  ანივარდ  მოსოიანმა,  მოადგილეებთან  ალექსანდრ  მიქელაძესთან და  არტავაზდ  ტონოიანითან  ერთად, სამუშაო  შეხვედრა  გამართა  მუნიციპალიტეტის სამსახურებისა და განყოფილებების უფროსებთან. შეხვედრაზე მოისმინეს ინფორმაცია კვირის სამუშაო ანგარიშების შესახებ. მუნიციპალიტეტის მერმა ანივარდ მოსოიანმა სოფ. განძაში, ეფრემოვკაში, დიდ და პატარა ხანჩალში, უჩმანასა  და კატნატუში გარეგანათებისა და საბავშვო ბაღებში არსებულ პრობლემებზე და მათი გადაჭრის გზებზე ისაუბრა.

მოქალაქეთა შეხვედრები რუსთავის მერთან

ირაკლი ტაბაღუა ნიკოლოზ ბარათაშვილის  სახელობის  ადმინისტრაციული  ერთეულის  ტერიტორიაზე მცხოვრებ  რუსთაველებს  შეხვდა, მათ  პრობლემებს  გაეცნო  და  უფლებამოსილების ფარგლებში დახმარებას დაჰპირდა. შეხვედრას მერის მოადგილე გოჩა ლორია და საკრებულოში აღნიშნული ადმინისტრაციული ერთეულის მაჟორიტარი დეპუტატი რამაზ გოგობერიშვილიც დაესწრნენ.

გორი - სოციალური პროგრამის ახალი პროექტი

მერიაში  შექმნილმა  დროებითმა სამუშაო ჯგუფმა პროექტზე მუშაობა დაასრულა. „ადგილობრივი ბიუჯეტიდან სოციალური  დახმარების  გაცემის  ახალი წესის  პროექტი,  ამჟამად  ლიკვიდირებული  ქალაქ  გორისა  და  გორის მუნიციპალიტეტების  სოციალური პროგრამების საუკეთესო კომბინაციაა.  დოკუმენტი  მორგებულია  ადგილობრივი მოსახლეობის საჭიროებებს“, – აცხადებს  გორის  მუნიციპალიტეტის მერიის  ჯანდაცვისა  და  სოციალური უზრუნველყოფის სამსახურის უფროსი დავით ჩიხრაძე. სამუშაო ჯგუფს ერთი კვირის განმავლობაში  გორის  მერის  მოადგილე ეკატერინე  სუხიშვილი  ხელმძღვანელობდა. ჯგუფში მუშაობდნენ გორის მერიის სოციალური და ადმინისტარციული სამსახურების თანამშრომლები,  გორის მუნიციპალიტეტის საკრებულოს წევრები და მოწვეული სპეციალისტები. დოკუმენტი განსახილველად უახ-ოეს საკრებულოს სხდომას წარედგინება.



მეტის ნახვა
22-12-2017, 18:32